الشاعر أبو علي الركابي ( قناة قصائد اهل البيت ع )

نور السـياده والأمـامه انولدن بشـهر الفرح
شـهر المحبه والمــوده كل كلب بيـه انشرح
نقره بترانيم العشك هالليله نعزف لحنه وبالفرح ترتيله
***

شعبان من هــــــل وبزغ نوره
اعيون التحب هالليله مسروره
شفنه الســــعاده اعلينه منثوره
بخير وبشاره وفرحه مغموره
نشـــتم نسيمه هل علينه فايح بعطــــر الورد
اقمار الولايه والشهامه امنوره بتـــاج المجد
جينه بمشاعرنه الحفل نسعيله نعزف لحنه وبالفرح ترتيله
***

أول وليــــــــد بثالــــث ايامه
محي الشريعه ومنقذ اسلامه
تنشدله ظلت بهجـــــه خدامه
هذا الحسين اليرفــــع الهامه
اهلاً وســـهلاً بالمحـــنه والــذي يعــزه الكَلب
نغمة عشكنه سر هوانه ينوصف كلش صعب
شوك الموالي بالكَلب تأوليه نعزف لحنــــه وبالفرح ترتيله
***
رابع كَــــمر وجه يشـــع هيبه
بعد الســـبط هنيالـــــه ترتيبه
ساقي العطاشـه بجفه والطيبه
ملح الشجاعه بصولـــة النيبه
راعي الكلافه والمقاتل رافـــــع بجفه العلم
معنى الاخوه والبساله كافل وحامي الخيم
نكتب قصايدنه بنده و نلقيله نعزف لحنــــه وبالفرح ترتيله
***
ساطع سراج وشمسه وقاده
اتخلد ثباته وعلمــه وامجاده
زين العباد واشـــرف الساده
ابن الحســــين اوارث القاده
بشرى الولاده غامرتنه بخامس انــوار الشهر
فرحة حفلنــه والمسره بمولد اشموس و كمر
بنسمة مودتنه الشعر نحجيله نعزف لحنــــه وبالفرح ترتيله
***
معنى الجمال وروحه والطافه
واللي يريد الهــادي واوصافه
شاف الرسول الأكــبر الشافه
وجه وخدوده وعينـه واشفافه
آية جمالــــه اليوسفيه بهدعش شــــع وضوه
يتلاله نوره بهالجلاله وكل صفة خير احتوه
دكَت كَلبنه بعاطفه توحيله نعزف لحنــــه وبالفرح ترتيله
***


ابو علي الركابي

اكاليل الورد نثرت سمانه ابمـــولده اتغنت
علي الاكبر اجانه
نسايم خيره وألطافه نبي ومرسومه باوصافه
شـبيه المصطفانه
***

ولاده وسعاده فرح كلب الموالي
تهانــي واماني بموالــــيد الغوالي
كمرنه بسعدنه يغازلنــــه ويلالي
بالاكبر تنــــور بزغ نور المعالي
ريحاين الارض فاحت تهني ابمولــــده ونادت
هلا وفرحت معانه
نسايم خيـــــره والطافه نبي ومرسومه باوصافه
شبيه المصطفانه
***

جمالــه وجلاله وتراتــــيل الوجاهه
السـياده القيــاده علي بمهده اعتلاهه
المهابه الصلابه تورثـــــهه وخذاهه
الشجاعه بطباعه وجلابيب النبـــاهه
همام وفارس الهــــــمه شجاع وشبل ابو اليمه
حيا الله اللفـــانه
نسايم خيـــــره والطافه نبي ومرسومه باوصافه
شبيه المصطفانه
***

يحــياه هلا باه اللفــه اديار المدينه
نحسهه ترسهه بترانيمــــه الحنينه
شملنه وغمرنه بفرح يمطــر علينه
نهـــلل نبجل ذكرنــاه وقــــــرينه
شملنه بخيـــره وافيايه جواد ونعمــــته اهوايه
نشم عطره بهوانه
نسايم خيـــــره والطافه نبي ومرسومه باوصافه
شـــبيه المصطفانه
***
علكنه شمعنه وحييناهـــه المحافل
نحـــبه ونندبه ويجيب ألنه المسائل
نحسـه ونلمسـه نهر جود و فضائل
صفاته وفراتــه مثل عمه ابوفاضل
كريـــــم اتوزع اجفوفه بحر تتلاطـــم اجروفه
عذب كـــوثر روانه
نسايم خيـــــره والطافه نبي ومرسومه باوصافه
شـــبيه المصطفانه
***



ابو علي الركابي

صوت البشاير صدح هني الزجيه وعلي
هني الزجيه
المهدي عــــيد وفرح هني الزجيه وعلي
هني الزجيه
***

صوت البشاير على يامرحبا وياهــــلا كل اليسمعه امتلى بأفــــراح بأفـــراح
هنو الزجيـــه وعلي بمولد ابنهه الولي نور الالــــه العلي من صاح من صاح
نجم العدالـــــه اتضح هني الزجيه وعلي
هني الزجيه
المهدي عــــيد وفرح هني الزجيه وعلي
هني الزجيه
***

كل الاجانه وحضر كلبه بسعاده ابتشر مولد شــــــبيه الكمر عباس عباس
المهدي اسمه انولد نعمه وبشاير سعد للشيعه رحمه وسند ياناس ياناس
والولاه نهجـــــه ربح هني الزجيه وعلي
هني الزجيه
المهدي عــــيد وفرح هني الزجيه وعلي
هني الزجيه
***

كوكب جمال السمه من طه من فاطمه وارث صفات الحمه كرار كرار
هوه النفس والهـــوه عطــر النبوه احتوه يتللاله وجه وضوه بأنوار بأنوار
باب الســـــعاده انفتح هني الزجيه وعلي
هني الزجيه
المهدي عــــيد وفرح هني الزجيه وعلي
هني الزجيه
***

بسحره الضماير تجن يجذبه عشكه وتحن والشيعي بي مفتتن والله والله
والله نحبــــــــــه اشكثر هوه اغلى من العمر نتأمل وننتظـــــــر وياه وياه
اصبح قريب الصبح هني الزجيه وعلي
هني الزجيه
المهدي عــــيد وفرح هني الزجيه وعلي
هني الزجيه
***

هالليله باسمه انتخي بجاه الولي والنبي يلي تحبــــــه اندعي هالعام هالعام
ايخلينه من شــــيعته ينطينه من نعــمته ايسجلنه وي صحبته خـدام خـدام
افرح يشــيعي انشرح هني الزجيه وعلي
هني الزجيه
المهدي عــــيد وفرح هني الزجيه وعلي
هني الزجيه
***


ابو علي الركابي

اليوم مولود ابن سيد الشر حجة الله الامام المنتظر
ننثر عطر وورود وانحيي بالموعود
حجة الله الامام المنتظر
***

الشيعه هاليوم تطش اورودهه
بأجمال الحان هــتف رادودهه
الفرحه ياناس جبيره احدودهه
تشكر اهواي غــدت معبودهه
وانصلي للمعبود وانحيي بالموعود
حجة الله الامام المنتظر
***

انهني هاليوم جميـــع الساده
واللي موجود حضر ميلاده
الشارك اليوم ينول امــراده
المهدي لوصاح دليلـه وناده
وانشارك الرادود وانحيي بالموعود
حجة الله الامام المنتظر
***

آية الله العظيمـــــــــــه ألطافه
يخطف اكلوب النظـر والشافه
كل جمال الله العلي بأوصـافه
يبقى خسران العمــر من عافه
وانهني راعي الجود وانحيي بالموعود
حجة الله الامام المنتظر
***

من جمعنه الامـــــــام ونوره
بعشكه كل التحــب مسروره
تدعي ربنا العـــجل بظهوره
ولينـــه ذاك الزمـــان ادوره
وننزع ثياب السود وانحيي بالموعود
حجة الله الامام المنتظر
***

انحسه تمشي وقريبه ايامه
ربنه حقق جمــــيع احلامه
كلنه فدوه التراب اجــدامه
وخلنه نبقـى ونظل خدامه
هالفرحه بالمولود وانحيي بالموعود
حجة الله الامام المنتظر
***

ابو علي الركابي

خاتم انوار الارض نقره بمولده
والكواكب والســمه كلهه امعيده
***

بلســــم ارواح العالم
خاتم وارث من خاتم
نور السماء باب العطاء بحر الوفاء تاج العلى
صوت الضماير عطر المشاعر بالشده حاضـــر كل معضله
ساكن خيالــــي دوم اعله بالي بحب اغله غالي كَلبي امتلى
مستهل يوم الحفـــل كلهه اتردده
خاتم انوار الارض نقره ابمولده
***

أسم الله وسره الاعظم
جوهر واضح ماينضم
وجه الجمال سر الكمال راعي الخصال ماتنوصف
بدر الوجـــاهه واصــل النزاهه حكنه انتباهه بأصل الشرف
نهجه التسامح كل دينه واضح للأمه ناصح رحمه وعطف
آية الحب والعطف بأسـم مشيده
خاتم انوار الارض نقره ابمولده
***

سور الله وسده العالي
بغير الحـــك لاميبالي
عين الحياة راقي الصفاة حامي الحماة راعي الشيم
سيف البســـاله بوجه الضلاله بيـــده الرساله وبيده العلم
جف الحصانه ودرع الديانــه حجــة زمـانه ثابت قــدم
حجة الله المنتظـــر ننطر موعده
خاتم انوار الارض نقره ابمولده
***
بانت للمنقـــــذ شمسه
ونتأمل قربــــه انحسه
خلف السحاب بان اقتراب ذاك الحجاب سينجلي
شمس الجبـــيره المتروســه غيره تنشـــــر عبيره وعطر الولي
يملــي الكواكب خيــــــر ومناقب ينهـــي النوايب بدولــــة علي
تكَصد اقطار السمه واتحج وافده
خاتم انوار الارض نقره ابمولده
***
بالكوفه ايثبــــت القاده
من يعلن حكـــم الساده
دولة سلام بيهه الؤام بفي الأمام خير ونعيم
دوله رحيــــمه وعيشه كريمه والمهدي خيمه بعدله الكريم
حب وتســـاهل ماكو مشـــاكل مايبقى جاهــل باذن الرحــيم
كلهه والرب العلـى بالحب تعبده
خاتم انوار الارض نقره ابمولده
***

ابو علي الركابي

يانسمةُ عطرُ الريحان يامهدي يامهدي
اهلاً ياوجــهُ الرحمن يامهدي يامهدي
يامهدي يامهدي
***

ميت هله وســـــهلاً يبن الزجيه
نورك يشع ضــوه فـوك البريه
كَلب المحب غنى بهاي المسـيه
انته المل صحنه واجمل هــديه
يا آيةُ ســــــرَ القرآن يامهدي يامهدي
أهلاً ياوجه الرحمن يامهدي يامهدي
يامهدي يامهدي
***
ضوة محافلنــــــــه ياهيبـــــة الله
والشارك اويانــــه للباري صلى
سجدة شكر يسجد يا آيــــــــة الله
يل مولدك نعمـــه يارحمــــة الله
ياسورةُ نورُ الايمان يامهدي يامهدي
أهلاً ياوجهُ الرحمن يامهدي يامهدي
يامهدي يامهدي
***

وجهك كمر لالـــــه بسحره وجماله
بنصف الشهر هذا موعـــــد كماله
تشبه علي ونوره وجسمه وخصاله
كَلبك سمح وانريد نعشك وصـــاله
ياخيرٌ وسع الاكوان يامهدي يامهدي
أهلاً ياوجه الرحمن يامهدي يامهدي
يامهدي يامهدي
***
انته العشك كلـــــــه ماكو بجمالك
الله العلي انشــــوفه اتجلى بجلالك
ودنه ودعانه اليوم نحضى بنوالك
خدامك انظل دوم نطلب وصالك
ياملجى قلبُ الحيران يامهدي يامهدي
أهلاً ياوجه الرحمن يامهدي يامهدي
يامهدي يامهدي
***
واتشعب بشــــعبان خيــرك علينه
نطلب طلب وانريد مدينـــه ادينه
لو زعـــــــــت للناس جفك حنيه
اشملنه بالخـــــيرات وانته ولينه
انت الآمــرُ بالاحسان يامهدي يامهدي
أهلاً ياوجه الرحمن يامهدي يامهدي
يامهدي يامهدي
***


ابو علي الركابي

هلت انوارك شـــعبان نعمه وخيرك شع وبان
بميلاد الساده الاطهار طشينه اورود وريحان
***
هلت علينــه انــواره شعبان بــــي نتغنه
بمولد شيوخ الســاده نشتم عطور الجنه
ماتنوصف هالفرحه جبنه الشمع والحنه
خير وسعاده وبهجه بهاي المحافل شفنه
جبنه الحنه وجبنه الياس بميلاد حســين وعباس
يافرحت هـــاي الاكوان طشينه اورود وريحان
***
بأسم الله نبدي المـحفل بأسم الحسين ونوره
ثالث ايامك شـــــعبان كل التحـب مسروره
جوري ورود وريحان بدرب العشك منثوره
مبروك الك يابو حسين ويم الحسن مشكوره
مشكوره يم الحسنين جبتي ولــد مثل حسين
بمولــد شريك القرآن طشينه اورود وريحان
***
ويوم الرابع يامحلاه نشتم عطر هيل وياس
جمعتنه الليله النعمه ولمتنه خيمـــــة عباس
ميت هله بهالمولـــد صاحت حناجره الناس
شيخ الزلم بصــياره صار العزم والنوماس
الغيره انولـــدت للوفاي جود الرحمه وساقي الماي
من صار الكافل عنوان طشـــينه اورود وريحان
***
ويوم الخامس للهيبه ياحــــياه الله الميــلاد
فرع وسليل العتــره بيت النــــبوه الاسياد
ابن الكرم والشيمه ذاك الامــــام السجاد
راعي البخت الثايه يســــمى زين العباد
رب العرش من عــــــــــلاه وطـــــه الرسول الســماه
الراعي الشرف عالي الشان طشـــينه اورود وريحان
***
والاكبر ديوان الخـــــير نفس الشهر ميلاده
بحادي عشر من شعبان مولــد ورث الساده
بنور وســــــلام وايمان شعت علينه اعياده
يشبه رسول الله اهواي نفس الشبه لأجداده
طبق الاصــــل للمختار نفس الوجــــه والانوار
صاحب مظيف وديوان طشينه اورود وريحان
***
وخاتم بدور الزهــــره مختومه باسـم الموعود
خامس عشر صلى الله وقـــرر وجوده المعبود
يملي الارض بانواره والفرحه عالناس اتسود
ونتلمسه شخصه اليوم بهاي المحافل موجود
اي والله ابحق هالايام يسجلنه الغايــــب خدام
للمولد ندعي الرحمن طشينه اورود وريحان
***




ابو علي الركابي

نور ياشــعبان ياشــعبان
نور شع وبان شع وبان
المهدي بوجه ضوه السبعه المهدي الوارث نور التسعه
نور ياشعبان ياشعبان
****
هنيــــالك بايامــك من صار بشــهرك شـــعبان الوعد
ضواهــه وخلاهــه بحر افاضلك مايشــــــــبهلك احد
وشداعي واشساعي عند الله الــــــرب المعبود الصمد
يانعمـــه ويارحمه يل بأيامك مهدي العتـــــره انولد
خير بالافــراح بالافـــراح
خير عطرك فاح عطرك فاح
المهدي بنوره خير ونعمه المهدي وأسمه تجري الرحمه
نور ياشعبان ياشعبان
****
من رادك واختارك ياشهر الحـــــب بيك البدر اكتمل
ساعــاتك لحظــاتك صوت الحك بالعالم كلـــــه ابتهل
والظاهـــر ياطاهـر يضاعفك اجره الكل واحــد عمل
لأسيادك وأعيـــادك مولـــــــد مهدينه الموعود الأمل
صار بيك اعياد بيك اعياد
صار للمـــيلاد للمــــيلاد
المهدي وخاتم ضي اجداده المهدي وراث مجد الساده
نور ياشعبان ياشعبان
****
صلينــــــه وناديـــــنه صلي اعله الهادي المختار وعلي
بافراحــك مصباحك شعت عالاكــــــــوان انوار الولي
موضوعك واشموعك نعلكــــــــه وبالحب كل هم ينجلي
نهديـــهه ونبديــــــهه بآيات الفرحـــــــــــه نهتف مايلي
فاح عطر الليل عطر الليل
فاح ياس وهيل ياس وهيل
المهدي وعطره مالي العالم المهدي اليشبه ضي الخاتم
نور ياشعبان ياشعبان
****
بالمحفل نتأمل بهاي ايامــك عدنه احساس وعلم
سبحانه البيبانه مفتوحــــــه اتفرج عن كلب اليهم
ندعيله ونحجيله بكل بفطرتنه بكـــل ايمان وفهم
للغالي وللوالي اغلى انسان انحبه واغلـــى اسم
ريت وجه انشوف وجه انشوف
ريت وبيته انطوف بيته انطوف
المهدي انشوفه بعد اغيابه المهدي ويمه ايلم احبابه
نور ياشعبان ياشعبان
****
جمعتنه ولمــتنه هاي افــــــراح العالوادم باينه
وانرتل وانهـــلل متوجه طالب بال الـــي اعتنه
يســجلنه يوفقـــنه انظل ابفيه ودوم انعيش بهنه
ايخــلينه ويهدينه خدامه انظل كل عام وكل سنه
امراد ينطـــي الناس ينطــي الناس
امراد عدنه احساس عدنه احساس
المهدي ايوزع تنطي اجفوفه المهدي وحاضر جن انشوفه
نور ياشعبان ياشعبان
****



ابو علي الركابي

وكان ذالك السجان يمنع الامام من ان يقترب من النافذه ليشم الهواء ويضربه على وجهه وانفه
***
ماعرف حكَه جهل قدر الولي وماعرف حكَه
متروس حركَه مبغض اله ومتروس حركَه
والسجن خنكَه ممنوع الهوى والسجن خنكَه
بالســـوط طكَه فوك الخشـــــم بالسوط طكَه
***
بالجف يصفعه لوراد الهوى بالجف يصفعه
عمـــــداَ يدفعه ايطيح الولي و عـــمدا يدفعه
ضاكت الوسعه بعين اشكثر ضاكت الوسعه
هلت الدمـــــعه راد الأهــــــل هلت الدمعه
***
وقد روي انه جاء الى الامام احد اصحابه وهو علي ابن سويد وسأله سيدي متى الفرج قال الفرج قريب يوم الجمعه على جسر بغداد فذهب وبداء يبشر بالشيعه ـ
وما مر إلا وقت قليل و دسو الى الامام سلام الله عليه السم وتقطعت كبده وهو في السجن مقيد بتلك السلاسل و القيود والاغلال
***
ســــبلهه ادينه طاح وبجـــه وسبلهه ادينه
ســـــكن ونينه جاه الأجــل ســــكن ونينه
خلصت سنينه يدري المسه خلصت سنينه
صوب المدينه دار النظر صوب المدينه
***
وايلوج وحده فوك الارض ويلوج وحده
ممرود جبده من الألم ممـــــــــرود جبده
طايح ابشــده وسط الحبس طايـــح ابشده
ياهو اليسنده وحده الولــــي ياهو اليسنده
***
مكســـور كلبه من الحـــــزن مكسور كلبه
والعــــين تربه صوب الاهـــل والعين تربه
أي والله صعبه ايموت بغرب أي والله صعبه
ويمــــــه كربه لامن عمـــــــام ويمه كربه
***
وين الهواشم يهل الشــــــــيم وين الهواشم
ميت الكاظم وحده بغـــــرب ميت الكاظم
عالغبره نايم سم وجتـــــــــل عالغبره نايم
وين الفاطــم تنعــــــــه وتون وين الفواطم
***
وقضى نحبه بالسجن وحيدا غريبا وقد حمل نعشه اربع حمالين ووضع على جسر الرصافه ببغداد في يوم الجمعه
***
ياجســــــر بغداد ابجي ابحـــزن ياجسر بغداد
عطاي المــــراد هذا نعــــــــش عطاي المراد
هذا ابن الأجواد وسفه انجتل هذا ابن الاجواد
والراح والـــراد ينعــــه علــــــيه الراح والراد
***
فتجمعت عليه الشيعه وكشفو عنه واذا هو الامام الكاظم عليه السلام
آه الولينه هذا النعش آه الولينه
ومسممينه ميت غدر ومسممينه
هالجاتلينه زمرة كفر هالجاتلينه
وامعذبينه واويلـــي آخ امعذبينه
***
خلو نشيعه نعش الولــــــي خلو نشيعه
نعشه نرفعه فوك المــــتن نعشه نرفعه
وانهل دمعه نبجي اشـــكثر وانهله دمعه
كل احنه ننعه يابو الرضا كل احنه ننعه
***
آه المصابه ياذي الكَــــلب آه المصابه
يذبح عذابه خلف جرح يذبح عذابه
شبل النجابه وسفه انجتل شبل النجابه
يكتل غيابه ماينحمـــــل يكتل غيابه
***


ابو علي الركابي

مقدمة لحن اللهم عجل لوليك الفرج (أستشهاد الامام الكاظم)

اللهم ســـــــجل هالخدامـــــه بدفتره

***
بين اصوات البكاء وجراحـات الأنــين
بداء اليوم العزاء لظـُلاماتِ الســجين
***

قد جرى الدمــــع لهُ من ثنيات العيون
مات مولانا غــريب في مطاميرِ السجون
***

كاظم الغيظ الــــذي ضاق انواع العذاب
لايرى شمس النهار وقضى نحب المصاب
***

حبسوهه في الظلام قيدوه بالحـــــبال
لســنينٍ باكــــــــــياً دمعهُ عالرملِ ســال
***

قد بكينا لوعــــــةً ونصـــــــــبنا مأتماً
نرجو يارب العلى يرتضــــــــينا خدماً
***

ودعونا لاطمين صاح من فينا حضـــــر
عجل الله الفــرج للأمـــــام المنتظـــــر
***

جده عاش الجـــراح بين قضبان الحديد
مات في قعر السجون مات مسموماً شهيد
***


ابو علي الركابي

نعي مقتل الإمام الكاظم عليه السلام
***

يابيت آل محمد شـــرف العلى والعلم والتمجيد والتبجيلا
الجن والأملاك فيك مزارهـــا يامهبط القرآن والتنزيلا
يامن كسى الإيمان كل جداره ومسبحا بالحمد والترتيلا
شنت عليك النائبات حروبــها بالجور والتعذيب والتنكيلا
من يوم إن قال الزنيم لفاطــمٍ بغضاً لآل البيت والتؤيلا
بدأ المصاب يتـــــرى أنفســاً في كل عصرٍ ناعياً وقتيلا
وفواطمٌ بالوجد تنعى انجمـــاً لأخـــاً وإبنـــاً تارةً وخليلا
***
شنهو يادار النبــــــي ذنب العليك
حتى يوميه بعزى نســــمع صياح
ليش يامهبط السكان الســــــــماء
ونور للراد الهـــــــدى ويطلب فلاح
ليش كل ساعه بأهل بيتك مصاب
ليش يومه حــــــــــزن ونه ونياح
ليش ماتت بالغدر ذيج الحيــــــود
وهمه راعين البخت واهل الصلاح
شي اباب الدارشي بالسم تروح
وذاك مسجون بظلــم كل عمــره راح
والي بالسيف انذبح فوك التراب
لانصير ولا اخـــــــو عالغــبره طاح
داست الخياله جســمه ومنه سال
فيض دمه اعله الارض من عنده ساح
وراحت اخته اعله الهزل مجتوفه حيف
وراس اخيــــــهه اتعاينه فوك الرماح
***
لما أمر الارشيد العباسي لعنه الله جنده بألقاء القبض على الامام الكاظم عليه السلام كان الإمام الكاظم يصلي فقطع الجنود صلاة الامام وهو عند قبر جده وجئ به الى الخليفة وسجنوه وعذبوه وشتموه وسجن في البصره
***
كطعو صلاته ياحيف الولـــــي كطعو صلاته
جــــرو عباته طاح اعله الارض جرو عباته
تبجـــــي بناته ظلت بالحــــــــزن تبجي بناته
ظلـــت خواته وتنعه وتنتحــــــب ظلت خواته
***
كوه جابـــــوه ياويلي الجلاوز كـــــوه جابوه
حيل جــــروه من متنه يحيف وحـــيل جروه
حيف خلـــوه وبسجن الرشيد وحيــــف خلوه
وسفه شتموه موسى ابن جعفر وسفه شتموه
***
فاركهه الاحباب غصبن عليه فاركهه الاحباب
والدمع ســجاب ظل ينتـــــحب والدمع سجاب
يتراوه المصاب بعيونه ظــل يتراوه المصاب
طايح عالتراب بسجن الظلـــم طايح عالتراب
***
داره خلــــيه من البخــــــــت داره خليه
يا هالمســـيه وحشه اشــــكثر ياهالمسيه
نوح وعــزيه اهله بكــــــدر نوح وعزيه
شنهي هالبليه نزلت حزن شنهي هالبيليه
***
كأني بلسان حال اهله وبناته وأولاده
جانـــــو يكعدون اهل البخت جــــــانو يكعدون
واشلون واشلون نبجي وانون واشلون واشلون
هم بينـه يدرون بالله المشـــــو هم بينه يدرون
جا ماينشـــدون راحو بعـــــــد جا ماينشدون
جاليش يمشون عن الأهـــــل جا ليش يمشون
خافن يبعــدون مر اشـــــــكثر خافن يبعدون
وسفه يشـيلون اهل الوفــــــــه وسفه يشيلون
ابجن يالعيون راح الأبو ابجـــــــــن يالعيون
***
وقد كان الامام يسجن عدة مرات ويطلق صراحه ويسجن مره أخرى
وبعد ذلك نقل الامام الكاظم عليه السلام الى بغداد مكبلا بالحبال والحديد ال سجن الفضل ابن الربيع
***

من سجن السجن يفتر الكاظم
جار اعليــــــه ياويلي الظالم
مايدرون بــيه من آل هاشم
محبوس وعلى التربان نايم
***
من البصره مجتوف ابن جعفر
جابه الطاغيــــــــه ابغداد يفتر
ينبجي الكاظـــــــم وكلبه تفطر
محد من عمامـــــــه اليوم ينغر
***
خلوهه ابحبس اظلــم نهاره
لامن يوصلـه ولامن زياره
يون الكاظم ودمعه ايتجاره
بعيد اهواي عن اهله وداره
***
تعذب بالحبس من كـــــثر الهموم
ومن ثكل الكيــــــود البيده ميكوم
طول الوكت كلبه وفكـره مهموم
عيونه امساهره وماتعرف النوم
***
وبعد ذلك أمر الطاغيه بنقله الى سجن السندي ابن شاهك فضيق على الامام وكان السجن في طاموره ظلماء
مشتد ظـــــلامه خلوه ابســـــــــجن مشتد ظلامه
وابلا عمـــــــامه امفرع راسه ويلي ابلا عمـــامه
ماتحصل سلامه يمكن بعــــــد ماتحصل سلامه
بيده وجــــــدامه مجتوف ابحبل بيده وجـــــــدامه
***
سجانه مــاذيه حيل بحـــــــــقد سجانه ماذيه
لاما يخلـــــيه يشــــــــــتم الهوى لاما يخليه
مغلكهن اعليه بيبان الســــجن مغلكهن اعليه
كلسا يسب بيه ينادي الكاظم وكلسا يسب بيه
***
لاما يحــــبه هاكـــــــــــــد نذل لاما يحبه
كل سا يسبه بغضــــــــــــا اله كلسا يسبه
عمدا يـــذبه فــــــــوك الأرض عمدا يذبه
واجف يعذبه وسط السجن واجف يعذبه

ياموسى بآهـــاتك تبجي اعله عماتك
يامسجون يامسجون
***

بالحبس وادموعك كل وكت تجريهه
والمصيبه العظمــــــــى ابد ماناسيهه
كربله وعملتهه بحســــــرتك ترثيهه
آه يا هاللوعـــــــــــه مختنك تحجيهه
لوصبن ادموعك جمرته بضلوعك
يامسجون يامسجون
***

بالسجن يالكاظم ناســــي كل اجروحك
ماتجف اعيونك تنعـــه انتـــه وروحك
من تشوف اكيودك اهواي يكثر نوحك
يجي ابالك واحد سهم جــرحه ايلوحك
متعلل ابكيده والجامعه ابجيده
يامسجون يامسجون
***

اتسولف اوي احبالك اشكثر لوعتيهم
يالحبال الخشنه اهلــــــــــي عذبتيهم
اشكد بجو من عندج لمــن جرحتيهم
عالرمال الحــــاره اهواي طيحتيهم
تلطم على صدرك يالمنشده فكرك
يامسجون يامسجون
***
من تحس بالغربه تبجي حيل وتنحب
اتكول الله ايعينج عمتـــــــي يازينب
شلون كلبج حاله اضـــــن منج شيب
امرمره ومتعوبه ونار جبـدج تلهب
واشكد ألم سادي يازينب اتنادي
يامسجون يامسجون
***
ويه روحك تحجـــي ودمعتك مجويه
اشكثر شافت لوعه الطفلــه والعلويه
اهواي كلش تبجي لو ذكــرت ارقيه
فوك فكد احبابــــــه امجتفه ومسبيه
صعبه اشكثر صعبه ماتحمل الغربه
يامسجون مسجون
***


ابو علي الركابي

ذل السجان صبر المسجون سيف البرهان ذابح هارون
موسى بصموده انتصر عنده الله فاز وضفر
صبر المسجون
***

على اليقره السير ويترجم الفكره
وبعين الحقيقه ايصــــور النظره
يلكه النور فاضح كلشي اليستره
اذا الله اليظهـــره منهـــو اليدثره
بيه الإعجاز هاي الايات صوت الاحرار للذل هيهات
ميبالي ظلم البشر عنده الله فاز وضفر
صبر المسجون
***

من موسى ابن جعفر نفهم المعنى
ماخاب وخسر اليم الله كل ضــنه
اليصفى النوايا وليـــــــــه يتعنى
بالدنيا خلوده ويكســـــــب الجنه
هذا التاريخ درس الاجيال والكاظم صار شيخ الابطال
داس اعله نار الخطر عنده الله فاز وضفر
صبر المسجون
***
شوف البالسلاسل جتفو جـــــدمه
وبثكل الحديد اســــــــتنزفو دمه
خلص حيله الأمام ونحلو جسمه
ورادو بالمطامر يندفــــــن اسمه
محبوس اسنين مسجون ادهور وجه المظلوم بالظلمه اينور
ذل الطغاة وكبر عنده الله فاز وضفر
صبر المسجون
***
هاك اتأمل الموجــــــــود بالساحه
وين السلطه والطاغوت واسلاحه
هذا القاوم الســــــــــجان بجراحه
مزار وكَبتــه للغيــــــــــــم لواحه
باب الحاجات مايرد الجاي يقضي الصعبات باب الوفاي
كل اليكصده ابتشر عنده الله فاز وضفر
صبر المسجون
***
شوف الله نطاهه وكثـــــــــــر انواره
ملايين اعله كبره اتطـــــوف زواره
واكف بالصحن يكـــــــــرم ابخطاره
قاضي الحاجه اسمه اشمعظم اسراره
اليدخل مهموم يطلع مرتاح كل صعبه اتزول كل هم ينزاح
كل اليخدمه وحضر عنده الله فاز وضفر
صبر المسجون
***



ابو علي الركابي

مانترك خدامتنــــه ولطمتنه ومآتمنـــــه
مثل الخدمو اهل الدين حمزه وجاسم وياسين
نتوارث شـــعائرنه مانترك خدامتنــــــه
***

بأيام الحــــــزن والنوح بأيام الجـــرح والهم
وبذكرى وعزى الساده لمصاب الذي اتسمم
جينه وبالكلب جمــــره كبرت ماغدت تنظم
بخيمة موسى ابن جعفر وبحب فاطمــه نلتم
نلعن من على المنبر احنه اتباع ابن جعفر
معقوده مجالســـــنه مانترك خدامتنـــــه
***

على حب الكضه مسجون سبحان الجمعنــــه اليوم
خصنه بهانعــــــــم والجاه نحيي امصيبة المسموم
ونقره ونلطـــــــــم وننعاه وانصيح بكلــب مهموم
ربي بجاه ابو الحاجـــات خدامــــــــه نظل للدوم
نحيي مىتمه كل عام وللكاظم نظل خـــــدام
ونتوارث شـــعائرنه مانتــــرك خدامتنــــه
***

هنياله الختم عمــــــــره وخلص بالعزى اسنينه
وهنياله الحضر مجلس ولطمت صــدره جفينه
وهنياله السمع ناعــــي ولأجله دمعــــت عينه
فاز اليخدم اهل البيـت معناه انقــــــــبل دينه
فاز وحصل الامجـــاد صوته بكل زمن ينعاد
تبقى هاذي صرختنــه مانتــــرك خدامتنـــــه
***
ندري باليمــــوت ايروح يمكن تنسـي الذكره
عام انذكره لو عامـــــين لو اكثر بعــــد مره
بس يصح شخص مفكود ماميت تحس عمره
عايش كل زمن موجود هذا اليخــــدم العتره
موجوده الشــهود بهاي ياسين ووطن وهواي
بهاي الخدمه شاهدنـــه مانتــــرك خدامتنــــه
***
ندعي ونســـأل الباري الساري اعله الخلك علمه
وبجاه الجمعنـــه اليوم الربطو بالحـــــبل جدمه
امسلسل بالحديد ايلوج ينزف بالســــــــجن دمه
اريده يلتفت لينــــــــه ولايحرمنـــــــه هالخدمه
ايوفقنه اســـــد بغداد وخيره ونعمته تزداد
ومنه انريد طلبتنـــه مانتــــرك خدامتنـــه
**


ابو علي الركابي

ماينكطـــع نوح الدمــع
من محجــــره اتــبده
ينعه الفضا والرافضـه
ياصـــاحب الســـجده
ماينتهــــــــي ونك يابو الرضا بسجنك
***

يابو العلم والطــيب والكاصدك ميخيب صاحب هله وترحيب وامعزب اضيوفك
يالخيرك اعله الناس اترابك شفه و ينباس اشلون ابشـــر تنقاس وامجتفــه اجفوفك

شمس الله اليضوي اعله الخلك نوره اشلون ابلا ضوه وحبسوه بطاموره

هالناصبـــي يبن النبــي لاماعــرف كدرك
حيف بحبس يم الرجس راح وكضه عمرك
ميت تحس جنك يابو الرضا بسجنك
***

نبجي ودمعنه اعيون مثلك وسف مسجون امن الطاغي لاهارون ياوارث القاده
عايش حياة المـــوت ســـجنك مثل تابوت ماينســــــمعلك صوت يابيــرغ الساده

ماتعرف نهـــــار وعايش بظلمه ياوحي الكمـــــــــال وآية العصمه

سر فاطمه وحامي الحمه يابو الرضا بنورك
جارو حقـد ناس التضد عرفـــو اثر دورك
ناس ابعدو منك يابو الرضا بسجنك
***

عشت الالم والنوح وامنازع اوي الروح من الثكـل مجـروح ساكك نزف دامي
ثكل الحـديد اهواي واليكرهــــــك سكاي امشحح عليك الماي يالجــدك الضامي
نفس الكوم همه الذبحو احسينك والجتفو عمامك جتفو ايدينك

عاد الزمن جور ومحن وازدات اهمومك
نفس الالــم سم وسهم وانعـــادت بيومك
وأحبالــــــه أذنك يابو الرضا بسجنك
***

طول الهجر مآساة ون وبجي وحسرات تحسبلك الساعات للمـوعد احبابك
ماينحــــمل فركاك يالغالــــــــي تترجاك والشــــيعه تتلكاك ماتحمل اغيابك

ذابحه الهجر واتناطر الطلعه ضاكت بالتحبك سيدي الوسعه
نار الحزن تجوي الجفن يجري الدمع جمره
ليمت تجي مل البـــجي يامهجـــــة الزهره
محد عرف عنك يابو الرضا بسجنك
***

حان الاجل هاليوم تمشي بكلب مهموم تتلوع ومســــــموم يتكطـــــع بجبدك
منهو اليغمض العين اهلك يجـوك امنين وصلت علوم البين واتنازع الوحدك

متمني الكلب ويناطـــــر اعزازه يودعونه الاهل ويشيلو الاجنازه

يوم الاجل كون الاهل تحضرله واحبابه
كلهه بدمع من تنجمع ملتمـــــه بمصابه
منهه انكطع ضنك يابو الرضا بسجنك
***


ابو علي الركابي

نخيت الليله أبو طلبه نخيت الليله ابو طلبه
دعيت ورايد امراده واحلفه بعمة الساده
نخيت الليله ابو طلبه
***

سمعت بمجلس الكاظم حضرت واني بالخدمه
كصدت الماتمه ودمعي صب الصاحب النعمه
اعرفه صاحب امروه كريم ويوفي بالجلمه
جبير ومانشف جـوده يوزع للخـــــلك رحمه

طلبته الليله ابو طلبه طلبته الليله ابو طلبه
اروح وامشي كالعاده واحلفه بعمة الساده
نخيت الليله ابو طلبه
***


اجيت بعـــبرة اهـــمومي ودمعتي بجمرتي اجريهه
حضرت وحاجتـي بكلبي نويت ابمجلســه احجيهه
ابو طلبه دعيــــــته اليوم وادري الحاجه يكضيهه
لون صعبت عليه اهواي زينــب عمتــــه امشيهه

دعيته الليله ابو طلبه دعيته الليله ابو طلبه
كلبي الملتهب ناده واحلفه بعمة الساده
نخيت الليله ابو طلبه
***


اريد امرادي من عنده ويقني الحاجه مكضيه
لون ذكرته بالراحـــت حزينه وتبجي مسبيه
خذوهه ام عون عالناكه نحيله وتمشي محنيه
تشوف اكبالهه ايدفعون عليويه اعلــه علويه

فزعتي الليله ابو طلبه فزعتي الليله ابو طلبه
دعيت الوارث القاده واحلفه بعمة الساده
نخيت الليله ابو طلبه
***

احسن حاضر الكاظم شعوري ايباوع الناسه
تباوع روحي لألطافه واشمن عطـره وانفاسه
يشوف اكلوب اليعزوه يدري ايراقب احساسه
فاتح كلبه للخطــــــار مثل بيبـــــــــان عباسه

نحرته الليله ابو طلبه نحرته الليله ابو طلبه
نخيته ابغربة اجداده واحلفه بعمة الساده
نخيت الليله ابو طلبه
***

احجـي اوياه بدموعـــي يوفقنــــي ويباريني
ومن حقد وشرور الناس والحســــــاد يكفيني
ويداوي علتـــــي بجاهه طبيبي وهوه يشفيني
واريده بدفتره الكاظــم بالخدمـــــه يسـجلني

بجاهه الليله ابو طلبه بجاهه الليله ابو طلبه
امشي اولاده واحفاده واحلفه بعمة الساده
نخيت الليله ابو طلبه
***

ابو علي الركابي

ليش ياروحي اعله نعشج غافيه
محد ايكلــــــــــج مسيت العافيه
محد امن اهلج اجاج ياهو الينوح ابكفاج
محد ايكلج مسيت العافيه
***

هايروحي امـــــدده ومكـــــدر اكوم
ليش اشوف المــــوت بعيوني يحوم
الدار ظلمه وحاصـرت كلبي الهموم
حالي مثل الصــبح يذبــــــح بالنجوم

ليش ياروحي غريبه وحايره كون هسه اللي نحبهم دايره
شلون لو موتج خذاج ياهو الينوح بكفاج
محد ايكلج مسيت العافيه
***

ليش ياروحي الأجل كـــــرب عليج
شنهو دك بابج يزينـــــــــب معتنيج
يعني خلص عالاهــــل ونـــج بجيج
خاف محد هالمســـــــــه منهم يجيج

الدنيه بعيونج زغيره وضايكَه الموت اجاج ونفس صدرج خانكه
الموت لو هسه اعتناج ياهو الينوح ابكفاج
محد ايكلج مسيت العافيه
***

هايروحي العشـــــتي وياهم سنين
واقرب اعليج واحن من كل حنين
ويمشي وي دمج بشــريان الوتين
ذاك اخوي الشلع كلبــــي بالونين

الجنت اتنفس ابعطره وعايشه الجسمه فوك الرمله حافر طاشه
بعد من يبجي وراج ياهو الينوح بكفاج
محد ايكلج مسيت العافيه
***

بآخر اللحظــــــات وانفاس الحياة
مادره بحالج يروحي اوبالممـــات
ماسمع ونج ونزعـــــــــات الوفاة
وين اخوج النام يم شاطي الفرات

تطفه ناري لولفاني الغالي جفه اليضمد جرح دلالي
بشوفة الغالي دواج ياهو الينوح بكفاج
محد يكلج مسيت العافيه
***

مايجون احبابــــج الحـــدر التراب
أيسي ياروحـــي حياتج بس عذاب
بطلي ونج والبجي وحجي العتباب
عمرج ابدون الأهل هالليلــه غاب

ايسي منهم ماترد وليانج بالرمل نامت جميع اخوانج
بالغرب دهرج رماج ياهو الينوح بكفاج
محد ايكلج مسيت العافيه
***

ابو علي الركابي

زلزال الشام زينب هاي واخت حسين لامو مسبيه
ذلت طاغين بالديـــوان رفعـــــت راس هاي العلويه
من طبتله الديوانه هزت عرشه واركانه
زلزال الشام
***
زينب بت حيدر والفارس خلف لبوه ورفعــت راس
هيبه وماتعرف كل ذلــــه وداست هامات الارجاس
جنهه الكرار ابخطبتـــــهه وماثنت تشـــــبه عــباس
رغم المر وصار اعلــــيه ماضعفت جـــــدام الناس
رغم الاهوال يوم الضيم نار وجور راحت كل هاشم
منعوهه الكوم حتى النوح والدمعات من جور الظالم
لبوة حيدر والسانه هزت عرشه واركانه
زلزال الشام
***
بيوم الحر واجروح البيه والكلب الجمره العطشان
ماتركت تسبيح الزهــــره واترتل زينـــــــب قرآن
شافت اشبه ناس بجدهــــه مذبوح ودامــي وعريان
كعدت يمه ورفعت جســـمه اتقبل صاحت هالقربان
مهظومه وحيل صبر اجبال حملـــت آه غصت بالعبره
تكتم بالنوح جرح حسين جرحه اهواي مهظومه الحره
ايزيد وجيشه واعوانه هزت عرشه واركانه
زلزال الشام
***
صح راحت مجتوفه الحره وشافت احـــــــزان وآلام
صارت هيه الكافل زينب واتراعي وتحــــرس ايتام
حرمه ورادو بس ذلتهــه وماطخــــت راس ولاهام
صنديده وقائد شـــــمرتهه وقامت ساعتهه اهل الشام
طبت ليزيــــد حرمــه يكول جمعــو الناس يحرجه برايه
مايدري الراح منهه ايصــــير تهدر صوت بنــــت الوفايه
رجت قصره وبنيانه هزت عرشه واركانه
زلزال الشام
***
يهدر صوت بنص ديوانه وشيسكت السان الكرار
قلبت اهــــــــواء الامويه وفضحت كل ذيج الافكار
رأي الشارع اصبح ضده وبقصره انشبت هالنار
فضحت للعالــم شخصيته ودينه الما والــه المختار
انته الكــــــذاب والســـــفاح والدجــال نادتلـــه اكباله
وشذنب حسين ظل عطشان عالتربان كطعت اوصاله
دم اوداجه العطشانه هزت عرشه واركانه
زلزال الشام
***
ماجنهه الفكــــــدت خوتهه ولاجنهه الحاطتهه الخيل
وماجنهه الصعدت عالناكه ومانامت ســـهرانه الليل
ظلت طود وشامخ زينب وهيه الرايح منهـــه الحيل
الله ايساعده اشكد حملت والضيم اتحادر كال السيل
مشــــــدوه البال مامرتاح كلهه اجروح جارت دنياهه
تمشي ابلا روح كوه اتكوم كثره اهمــوم محـــــد وياهه
حرمه وذلت ميدانه هزت عرشه واركانه
زلزال الشام
***


ابو علي الركابي

اخت حسين ياصوت الانسانيه اخت حسين يارايتنه الثوريه
كد كيدك من صاحت لاذلـــــت لاخافت
اخت حسين يارايتنه الثوريه
***
هاي اخت حســين والله عاشت ابيت الأمامه
رضعت بثدي الحمـــيه اتربت ابعز وشهامه
درست اعلوم الصميده ورافكت اهل الزعامه
تشبه الزهره فاطمه اتخرجت زينب عالمه
ابكل الماسائل فاهمه صاحبة علم وكرامه
من هالبيت شخصيتهه المعروفه من هالبيت خطت للدين احروفه
بالقوه اكثر زادت لاذلت لاخافت
اخت حسين يارايتنه الثوريه
***
اختاره حسين المهمه وبيهه اســــرار القياده
سارت بدرب الملاحم وشاهدت يوم الشهاده
بعينه شافت الغربــــه وذبحت انحور السياده
من طاح اخوهه اعله الثره واعياله كلــــهه اميسره
وبخيامه نار اموجره ظلت بنفس الاراده
رغم الضيم واسيوف وخيل العسكر رغم الضيم لامالانت بت حيدر
هيهات انذل نادت لاذلت لاخافت
اخت حسين يارايتنه الثوريه
***
لبوة الكرار صــــــالت ورجفـــت كل العساكر
جبل من الصبر جانت نشــــهدلهه ابيوم عاشر
رغم سيل امن المصايب رغم حز ذيج المناحر
من شافت البيرغ هوه بنت الزجيه ابنينوى
شالت بديهه هاللوه ماتبالي بالمخاطر
لأجل الدين هذا الموقف غايتهه لأجل الدين جانت بالطف نيتهه
فوك الهزل راحت لاذلــــــت لاخافت
اخت حسين يارايتنه الثوريه
***
رادو اينالون منهه بــت علي الحره الشريفه
بذاك دين اهل الكراسي ابذاك ديوان السقيفه
انجمعت ابواق الجهاله لا أمـــينه ولانظيفه
لبوة علي حين انطقت زلزال سوت من حجت
ذيج اللسن كلهه اخرست امن ايزيد والف ابلفيفه
ظل هالصوت نتعلم من احروفه ظل هالصوت بالواقع هسه انشوفه
كل الناس الوالت لاذلــــت لاخافت
اخت حسين يارايتنه الثوريه
***
ام عــون نبراس الحميه الأبد لامابيــهه لوله
ادروس من عدهه انتعلم ثورة العز والبطوله
نوكف بوجه التســـــلط حكَنه مانسكت نكَوله
لاما تِاثر عالفكـــــــر صوات النشاز ابكل عصر
أولاد حيــــدر نفتخر صانع امجاد الرجوله
انظل خدام بس حسين اليستاهل انظل خدام مانتبع درب الباطل
بهذا المجلس كالت لاذلت لاخافت
اخت حسين يارايتنه الثوريه
***
وبهاي ثورته الابيــــــه حاربت ديــــــن الخرافه
عدلت درب العبــــــاده وصححت مسره انحرافه
بصوته العالي بصموده اصبح اعـــلان وصحافه
لساع تكتبهه الصحف ثورتهه ماتعرف ضعف
ناطق الرسمي تنوصف هدمت الشر واصطفافه
واحنه اليوم بأبيات العز نرثيهه واحنه اليوم من هالمجلس ننعيهه
نبرتنه امن اتعالت لاذلـــــت لاخافت
اخت حسين يارايتنه الثوريه
***

نقسم بهـــاي المجالس اي وحك بنت ابو الحمله
نبقى مانترك نهجـــكم لانغـــــــــــيره ولانبدله
نحيي كل هاي الشعائر صوتنه وياكــــم نسجله
من هالزلم هذ العهد خدامـــــج انظل للأبد
وانريد من عنج مدد ابجاهج الباري نسأله
نبقى اوياج واتوفقينه بخدمتنه نبقى اوياج واتزيدين ابنعمتنه
يالروحج ماماتت لاذلت لاخافت
اخت حسين يارايتنه الثوريه
***


ابو علي الركابي

ياحامي الضعينه تنخاك الحزينه
يبن الميامين ياظهر الحسين
ياحامي الضعينه تنخاك الحزينه
***

زينب بشـــــده يناموس الشهامه
انغر وانت الجسر فخر الزعامه
شلون ليلك عالنهـــر تكدر تنامه
وانت كلك غيره يربات الكرامه
ترجاك العقيله والمدمع تسيله
ياقـــــرة العين ياظهر الحسين
ياحامي الضعينه تنخاك الحزينه
***

ياصعب يوم الملاحـــــم والحرايب
انت قاموس الوفه وبأعلى المراتب
انت شريان الغضب يوم الطلايب
بالله شــــنهو العطلك عن الحبايب
اختك بالمواجع مهمومه وتوادع
تنطي الوجه وين ياظهر الحسين
ياحامي الضعينه تنخاك الحزينه
***
هاي ساعات الاجــــــل يوم النهايه
روح زينب نادتك وكـــــت المنايه
لحك اعله العاشت اجروح السبايه
اليوم بالشام انهدم طـــــود الولايه
يابدر العشيره نظرتهه الاخيره
ليعطلك البــين ياظهر الحسين
ياحامي الضعينه تنخاك الحزينه
***
هاي لحظات الوداع اشلون صعبه
زينب بلايـــه وطن وبـــدار غربه
تدري من عدهه النظر لاوين يربه
اتريد بين اجفوفك اتجيبلهه تـــربه
اتراب الغاضـــريه وعطر ابن الزجيه
ودم المطاعين ياظهر الحسين
ياحامي الضعينه تنخاك الحزينه
***
صعبه صعبه اعله الغريبه المغربيه
لولفت يابالفضـــــــــل ليـــهه المنيه
منهو اليغمض عيـــــون الهاشـــميه
راح تكبر بالكلــــــــب والله الرزيه
محتاجه وجودك واترجب زنودك
تلفيهه هالحين ياظهر الحسين
ياحامي الضعينه تنخاك الحزينه
***



ابو علي الركابي

أمير ومهـــده بالكعبه يهنيال الــــــذي حبه ابو الحسنين
علي امن العلي اسمه كريم وصاحب النعمه ابو الحسنين
***

تهانيهه الملائك بالســمه السبعه هلا بحيدر
يبو طالب اجاك اليختلف نوره هدايه انحر
سبع وامروض الكلفه صلب كلبه اسد لوكر
فتح بيته الاله وصار اله مهـــده العلي كبر
السمه والجنه مسروره هلا ويا سهلاً بنوره ابو الحسنين
شفيع وآيـــــــة الرحمه كريم وصاحب النعمه ابو الحسنين
***

بشاير نزلت وطشت رايحينــــه اوي ميلاده
فرح كون الله واستبشر هلا بنوره ابو الساده
سليل المرجله حيــدر ولي و قائد على القاده
شجاع الهمه والماينكحم صدره على اجـداده
محمد بالخلق جـــــــنه وجوده امعطــر الجنه ابو الحسنين
النبوه اختلطــــت ابدمه كريم وصاحب النعمه ابو الحسنين
***


طلع للدنيه سلطان البحر جـــــوده اعله كل ديره
وجوده اعله البشر نعمه وعلى الشيعه كثر خيره
منو يشبه علي نال الشرف مثلـــــــه ومن الغيره
علي سر وصعب ينحـــــل على اليقره بتفاسـيره
كنز ومشـــفره اسراره العظيم الواحد اختاره ابو الحسنين
الرسول والله اليفهــــمه كريم وصاحب النعمه ابو الحسنين
***
وليد الكعبه هنيالـــــــه الذي حبه عسل عشكَه
يطيع المرتضى بكلبه بصدق نيه وجـــب حكَه
ينول من العلي الرحمه ونعم ربه ورضا يلكَه
ويرافك من تولاه وسلك دربه وعرف صدكَه
بشاره الكلمن ايطيعه علي اليتكــفل الشيعه ابو الحسنين
يلفنه باجــــــر بهدمه كريم وصاحب النعمه ابو الحسنين
***
توجهنه بمحافلنه بصدق ندعــي توسلنه
يداحي الباب ياحيدر يبو زينب توفقـــنه
بجاهك ياولي النعمه يوالينــــه تقبــــلنه
بسجلك ياعلي الليلـــــه توثقنه و تسجلنه
حضرنه انشارك الليله بحفلنه بفرحنه ندعيله ابو الحسنين
علي ايوفقنه للخــــدمه كريم وصاحب النعمه ابو الحسنين
***


ابو علي الركابي

يامعشوكي وروح الروح يا أمامي
اسمك عطر وهيل ايفوح يا أمامي
يابلسم كلبــــي المجروح يا أمامي
ياعلي ياعلي
***
انته وســــــامي انته غـــــرامي
انته نهاري وانته ضواي
عطر المــــوده وبروحي ورده
ســاكيني حبك مثل الماي
حبي اشيوصفه وياهو اليــعرفه
كلش احبـــك والله اهواي

الله اليدري بحبي اشلون يا امامي
اوسع يمكن من الكون يا امامي
مجنون بحبك مجنون يا امامي
ياعلي ياعلي
***
حيدر يغـــالي مــــو مُغــالي
لوردت اسولف يابوحسين
ســالفتي انته غيرك هجرته
ماعنــدي غير يملي العين
بالذر عرفتك والله وعشكتك
ياسر وجــودي بهالتكوين

حبك راضع وآنه ازغير يا أمامي
ياطلسم صــعب التفسير يا أمامي
ياتوحيــــــــد الله وتكبير يا أمامي
ياعلي ياعلي
***

نورك ســعاده يكـــــبر وداده
شامل جميع اجرام الكون
عطفك سماوي عالدنيه ضاوي
شافت بهائك كــل اعيون
نعمة وجــودك يرويــه جودك
ياســــر دليل اليشتاكون

شنوصفك ياسر مجموع يا امامي
ياشط جاري ومامكطوع يا امامي
بس اعله الظالــم ممنوع يا امامي
ياعلي ياعلي
***
بعروكي تمشي وبعينـي كلشي
رسمك رســـمته بمخ الراس
يافدوه لأسـمك يالياس اشـــمك
برودة هواك بصدري انفاس
بالشـــــده يمي تجليلــــي همي
لمن انبدبك عنـــدي احساس

جربتك وانطيت اهـواي يا أمامي
ماتبخل وانته العطـــاي يا أمامي
ياحاضرني ابكل بلواي يا أمامي
ياعلي ياعلي
***
لطفك لمسته وشعري كتبته
وادري مقصر حيل اوياك
واقف حياتي والحــد مماتي
أني ابخدمـــــتك واترجاك
يارحــمة الله دلالــي صلى
اطلـــــب رحمتك واتنخاك

شيريد الكلبــــه امواليك يا امامي
واللي اتوكــل بالله وبيك يا امامي
ميخيب بحاجه اموصيك يا امامي
ياعلي ياعلي
***


ابو علي الركابي

( ياريحة الهيل )

نبض الكلب صاح بأسمك ياعلي
كل شدتي اتزول كل هم ينجلي
اغلى واعز ناسي يالساكن احساسي
***

نبض الكلب صاح وهتف مولانه يالغالي
تمشي بشرايين الدمــــــه ياقبلـــــة آمالي
انته البدايه ياعلــــــــــــي والباقـي للتالي
ياسالفة حـــــــــب وعشك يالسـاكن ابالي

ياريحة الهــــــيل ياعطر المجد
من اسمك ايفوح ريحان اورد
نوماسي نوماسي يالساكن احساسي
***

ياريحة اعطور العشـــك من ذكرك اشتمه
اسمك ينبع عاطفـــــــــه مملــوحه هالجلمه
مثل الندى الينثر عطف لو هبــت النسمه
نور انته واظح كالشمس والخالفــــك يعمه

شمس الله ابو حسين يالوجهك ضوه يالعايش انفــــــاس وبريتي هوى
ياشمة أنفاسي يالساكن احساسي
***

يالأسمك بســـاك العرش يانــــــــور البعيني
كلما احس جدمـــي تزل انته الـــي تهديني
حسيتك بروحــي وحـي للحـــــــــك تدليني
اطلب طلب وانته الوفي خـــــادم تخلـــيني

ياباب الاحســــــــان ياجف النِعم ديوان الاجـــــواد وإدلال الكرم
يلي انته نبراسي يالساكن احساسي
****

يالجفك ايوزع نِعـــــــم انطيني من خيرك
ماهاوي بس انته وفقط مابـــــاوع الغيرك
جنني حبك ياعلـــــــي محبــــوبك ايسيرك
منك اريدنه الشــــــكر اودزلــــي تقديرك
من فضلك اليوم توهبلي الاجر
خادم الك دوم والتالي العمر
ياتاجي البراسي يالساكن احساسي
***

خليني خادم ســــــيدي واحضى بموا لاتك
اذكرني يانفس النبـــي ســـــــاعة مناجاتك
ظلل عليه بنعــــــمتك وابفـــــــي كراماتك
اغفر ذنبوبي برحمتك واســـــترني بعباتك

ياصاحب الجـــــاه من رب السمه يارحمـــــة الله ياحامي الحمى
كل لحظه ماناسي يالساكن احساسي
***



ابو علي الركابي

كعديه (أخذ البشاره)

يالروحك بهالدنيه محتاره حب الصميده واخذ البشاره
لو نلت مرضاته تحضى بكراماته
حِب الصميده وأخذ البشاره
***
يامن بهالدنيــه سارح صافن ومحتار حيره
كاعد وتصفك اجفوفك يامن اهـمومك جثيره
اتفكر ومنشــــده بالك جيفــن اذنوبك جبيره
خايف يجي اعليك الاجل وماعندك انته بس أمل
حب الوصي خير العمل بعد لالا ماكوغيره
كون الله رايد يقبل اعمالك انخى الصميده ايحقق آمالك
بس إلزم اعباته تحضى بكراماته
حِب الصميده وأخذ البشاره
***
اتمسك بحب ابو العتره هذا صــك وبـي نجاتك
مايعوفك علــــي حاشى لون تنخـــــــــاه بحياتك
يصير تجايه ومحامــي ويحضر بســاعة مماتك
ميعوفك ابدا حـــــيدره حاميك دنيــــــه وآخره
بس انته لازم تشــكره حتى من تدعي بصلاتك
اخلص النيه اتمسك بحبه امشي بطريقه ولاتهد دربه
المعروفه وكفاته تحضى بكراماته
حِب الصميده واخذ البشاره
**
لون حبيته بشــــعورك واعرفت واجـبه وفرضه
الله ينطيك الوجـــــــاه وكَلبك امن الذنــب يصفى
حالك ايغيره ويعدلـــه وعنك الكــــرار يرضى
وكونك تحبه بدنيتك تحصل أجر عن نيتك
والعز تنوله وسمعتك بخدمة الكــرار تحضى
اخدم امامك بأفضل الخدمه اتحصل وجاه وتكثر النعمه
تنجيك دعواته تحضى بكراماته
حب الصميده وأخذ البشاره
***
اسجد الربك وادعــــي ومن علي انخــى يقبلك
خادم اوي الخدم اسمك بغير واحــــــد لايبدلك
ابيض وغافــر اذنوبك وي خدامــــــــه يسجلك
كل عمـــل منك يقبــله حاجيه واتوســــل إله
يلي تحـــل المعضــله خلني لازم دوم حـبلك
هيهات حيدر والله ميعوفك لوطحت انخى ويلزم اجفوفك
ياكثـــــر وكفاته تحضى بكراماته
حب الصميده واخذ البشاره
***
الله منطيه الكرامــــــــه قمه معتليـــــــــه القماقم
فضله الباري بفضائل والنعـــم من نسل هاشم
جوهره وآية العظمى علـــــي اسرار ومناجم
مؤمن تقي صــادق ورع ليث وابي حيد وسبع
نسخه اصل نفس و طبع للنبي وهادي العوالم
حيدر ملاذ وخيمه شيعيه كل احنه باجـر نكعد بفيه
اتمســــك براياته تحضى بكراماته
حب الصميده واخذ البشاره
***


ابو علي الركابي

يالمهدي الشــــيعه ايعزونك
***
بأيام الاحـــــــــــزان المــــــره
وجرح الألمنــــه ابســــــــامره
ناديناك بعبــــــــــــــره وجمره
انصارك عجـــــــــــل يردونك
***
عجــــــــــل ياغايبنــــه الدارك
صوت اتصيح بحركًه انصارك
مكطوعه وماندري اخــــــبارك
بمصاب الهــــــــادي ايحلفونك
***
مات وبالغربــــــــــــه ايدفنونه
بسامره الناس ايشـــــــــــيعونه
جدك يالمهــــــــــــدي ايسمونه
احبابك لأجلـــــــــــه ايواسونك
***
انواسيك اعله الهــــادي وهمه
وانته اتلوج الوضـــــعه وسمه
تتحمل ياجـــــــــــــرح ولجمه
كون الخــــــــدام ايعينـــــونك
***
ريت الخــــــــــدام بلطمتهم
ايخيطون الجـــرح بدمعتهم
ايواسونك تدري بنيـــــتهم
متعوب وحايــــــر يدرونك
***
متعوب اهــــــواي بدنياتك
ليهسه اتنــــــــوح العماتك
يازينب تبجــــــــي بوناتك
تتكاطر دمـــــعات اعيونك
***

ابو علي الركابي

حضرتك حضرتك فاطمه اتنادي ندبتك ندبتك ياعلي الهادي
ايعينه الله ام الحسن شافت اجروح محن
ياعلي الهادي ياعلي الهادي
***

ياعلي بساعة وداعــــك والممات
وآخر اللحضـــات وانفاس الحياة
شي اكيد الزهره حضرت بالوفاة
وقررت هالليله يم نعشـــك تبات
ياعلي ياعلي يمه يالغالي يالولي يالولي مرمرت حالي
اعيونه دم الجرن شافت اجروح ومحن
ياعلي الهادي ياعلي الهادي
***

ياعلي شفت امك اتكطــــر جروح
اهواي تعبانه واظن ماعدهه روح
اشكالت ام زينب لمــن جتك تنوح
الضيم لاحكني بهظم لاوين اروح
بالدمع بالدمع تبجي مهظومه باللضلع بالضلع لسه ملجومه
ادموعهه يمك حجن شافت اجروح ومحن
ياعلي الهادي ياعلي الهادي
***
اشسولفت يالهادي وشكالت بعد
وهيه كل مــــــره تودع جم ولد
مابقى عدهه من اهاليــــهه أحد
امدوهنه يالهادي والجبد انمرد
كل زمن كل زمن تنعه للشالو بالمحن بالمحن تندب الراحو
مارجع منهم ضعن شافت اجروح ومحن
ياعلي الهادي ياعلي الهادي
***
حضنتك يالهادي مكسورة جناح
الشايله ابدلالهه اهوايـــه جراح
هم سمعت امك بجلمــات النياح
صاحت آيالمنرفع فوك الرماح
من بجت من بجت يوم الأنين هم نعت هم نعت يمه الحسين
بغربه مات ابلا جفن شافت اجروح ومحن
ياعلي الهادي ياعلي الهادي
***
شي اكيد اتذكـــــــرت يوم الغريب
الطاح عطشان وعلى الغبره سليب
فايض بدمه الذبيـــح وظل خضيب
امكسر اعظامـه على الرمله تريب
عالترب عالترب ظل الذبيح دم يصب دم يصب ينزف جريح
ابلاعشيره ولاوطن شافت اجروح ومحن
ياعلي الهادي ياعلي الهادي
***


ابو علي الركابي

العسكري والهادي(ع)


ياخيمة الروح مابطل النوح
عن اهلك ابساع ارحلت يابويه عن بيتك شلت
مابطل النوح
***

يالعايف البيت ورحـت يالشـــايل ابساع
بصوته ينوح العسكري مووكـت الوداع
يابويه يالهاي صحـت كل العمـر ضاع
ظهري تكسـر يالابو ومحنيه الاضلاع
ياشمعة البيت موتي تمنيت
للموت ليش استعجلت يابويه عن بيتك شلت
مابطل النوح
***

ياخيمة احساس اودفو وتمطـــر محـنه
ياشـمة ابخور وعطر ياريــــح اهـــلنه
يالوجهك بنور الشمس يالجنه جــــــنه
يانعمه ياخـــــير ونده افراك كتلــــــنه
ياديرة احساس موشيب الراس
يالغالي بفراكك متت يابويه عن بيتك شلت
مابطل النوح
***
شيخ الهواشم ياوسف ديوانــــه مسدود
وابنك اثيابه امن الحزن ماذبهن السـود
ناصب فواتح تعزيه ادري انتـه متعود
شيطيب اجروح الكلب وبجمره ممرود
مشتاك إلك حيل مانايـــم الليل
مذبوحه روحي اتعذبت يابويه عن بيتك شلت
مابطل النوح
***
كاعد على الباب انتظـــر تانيتك اهــواي
هلبت تردلــــــــي يالابو واتبرد احشـاي
عطشان الك مثل الهواي يالغالي والماي
ردت تجيه للعســــــر من تحضر اوياي
يابعد العــيون محتاجك اشلون
لأرض المكابر شو رحت يابويه عن بيـــتك شلت
مابطل النوح
***
محتاجك ابكَد السمه يانعمـة البـــيت
وياك كون انه اندفن واشكَد تمنـــيت
هاكبر فــــيك يالأبو بالوحشه حسيت
كل مغربيه امن البجي مالحظه مليت
شيردك اردود يالساكن ألحود
ماصدك بلحدك نمت يابويه عن بيتك شلت
مابطل النوح
***

ابو علي الركابي

الله ايعين كَلب العســـــكري اشحاله
محني امن الهظـــم نعش الأبو شاله
***
الله ايعين كلب العســــــــكري اتمرد
على نعش العزيز الوالـــــــــد اتمدد
وعلى صدر ه الحنين بدمعته اتوسد
اه يالهادي بالونــــــــــــــــات ينعاله
***
آه يالهادي بالونـــــــــــات والعبره
ايكله اهواي فكــــــد الوالد اشكبره
لو شال الابو ماينجـــــــــبر كسره
منو ايعوض حنانه اوحشـة اعياله
***
منو ايعوض حنانه وحضنه وافيايه
بخت البيت والعمـــــــــــود والثايه
بعد ماتت صـــــدك يابويه الحجايه
كلشي ايموت من تتيتـــــــم اطفاله
***

كلشي ايموت لومات الابو وحمل
ايتيه الراي كله ومابعـــــــد يندل
كل الحيل لوراح ومشـــــه يذبل
وبيه ابنــــه يسولف منشغل باله
***

بيه ابنه يسولف بالوكــــــــــت بعده
هم يرجع ابويه وهــــــــــم اله رده
مكانه الشال منه منهو اليســــــــده
جراحات العزيز اهــــــواي جتاله
***

جراحات العزيز اشــــلون ننساهه
وصور في كل مكـان ابيته نلكاهه
الموت اشلون ذيج الهيبـــه باكاهه
وخله العين بعده ادمــــــوع هماله
***



ابو علي الركابي

نــــور عالمُ الحــــــب تغنى نــــور من سنى العرشِ تجلى
فاطمه فاطمه
***

ورده مزروعـــه بمحنه بأحلى جنه نزلت النه بالقداسه
الله من نوره اصطفـاهه وارتضاهه وابتـــداهه بالقداسه
صارت الآيــه الرحيمه والعليـــمه والعظيمه بالقداسه
نور بأسمكِ العشق توضى نور من سنى العرشِ تجلى
فاطمه فاطمه
***

اشـرقت شمس الزجيه المقدسيه والابيه والنقيه
نطقت اكوان الخلــــيقه بالحقيقه للشفيقه والنقيه
زهرت الشجره النظيفه والعفيفه والشريفه والنقيه
نور كوكبُ الامجاد نادى نور من سنى العرشِ تجلى
فاطمه فاطمه
***


بانت اسرار الهـــدايه بأحلى آيه للــــولايه بالزجيه
روعت ابداع وتجلت لينه نزلت من تسمت بالزجيه
فرحت الدنيا الوسيعه بالوديــعه بالشـــفيعه بالزجيه
نور صوت دنيانا تعلى نور من سنى العرش تجلى
فاطمه فاطمه
***

صلى جبريل بنزوله وبوصوله عالبــــــتوله بالولاده
ياهلا بنور الحنــينه من تجــينه للمــــــــدينه بالولاده
كبرت كـــل الجوامع والصوامع صوت صادع بالولاده
نور في سما الربِ تعلى نور من سنى العرشِ تجلى
فاطمه فاطمه
***

فرحت الشيعه بعصرنه وبزمـــــنه كلنه صحنه سجلينه
النيه ما لازمهــه نشرح كلنه نطمح والله نفرح سجلينه
بدفترج كلنـــــــه اكتبينه واقبــــلينه وسامحينه سجلينه
نور من نوى القلبِ دعونا نور من سنى العرشِ تجلى
فاطمه فاطمه
***


ابو علي الركابي

نبض الكَلب ترتيله ولحن العشك يوحيله لمة محبه الليله
روح الزجيه
***

بأجمل تراتيل العشــــك لمتنه بأخلاص وصدك هاي الولاده
هنينه واعلكنه الشـــمع بخيمتهه عالحب ننجمع هاي الولاده
محتفله كل هاي التحب خير ومـــــوده تنحسب هاي الولاده
يا حمد لله والشــــــــكر شمينه بالمحفــــل عطر هاي الولاده

الله العلي امسميهه كوثر نعم منطيهه الطه النبي مهديهه
روح الزجيه
***

علة وجـــــــــــود المعرفه وآية كمـــــال العاطـــفه باسم الشفيعه
شمس الله خجلانه استحت رادت تنورهه ودعـــــت بأسم الشفيعه
وهاي الوجـــــــه المشرقه باجر كتبـــــهه امصدقه بأسم الشفيعه
والخير عالشــــيعه يصب وللجنـــه مسروره تطب بأسم الشفيعه

ماينــدم الولاهــــه مايخسر الحباهه وبكلبه ماينساهه
روح الزجيه
***

نعمتهه عالوادم مطر لليدعـــي واليشــــكر كثر خير الزجيه
زاد وابد ماينكَـــطع مثل الشــجر من ينزرع خير الزجيه
جربــه متعض الندم روح اسأل اشكَد عالخدم خير الزجيه
لاينعد ولاينحصـــي مثل البحـــــــــر ماينتهي خير الزجيه

ماتنوصف نعمتهه فاز اللذي بخدمتهه جنه وهنه امحبتهه
روح الزجيه
***

نسألهه ننخه ام الحســــــن نخدمهه نبقى ابكل زمن هذا دعانه
واشما جرى واشما حصل بخيمتهه لمتنــــــه تظل هذا دعانه
لمن حضرنـــه ابها الحفل يمهه انتسجل بالســـجل هذا دعانه
مخلص عملنــــــه ينكتب ومغفوره كل زله وذنب هذا دعانه

بهذا الحفل دعوتنه لاماترد حاجتنه كلنه أمل سمعتنه
روح الزجيه
***



ابو علي الركابي

يهلنه (أم البنين والعايله )

وحشه الليالــي شالت المحنه يابس دليلي من رحل ضعنه
ردولي روحي مو متت يهلنه يهلنه
***

بس صوركم ذكريات الكـــم بقــــت لأم البنين
بس صوركم عالحياطين ارنسم دمـــع الحنين
بس صوركم كلشي راح وكلبي خاواه الونين
كلبي ذبل يعزاز يابس عليكم مشتاكه والعباس اسمع حجيكم
وحيده واون عماني الحزن
لمتنه راحـــت داري شو خليه بس البواجـــي ودمعتي جريه
ديرة نعاوي وغربه جن وطنه يهلنه يهلنه
***
وين رحتو وحشه كلشي بعيني واتحول جرح
وين رحتو من بعدكم ظلمه ما شـــفت الصبح
وين رحتو خاف الملاكه بعــــــــد لامايصح
أم البنين ونار تجوي بضلوعي طول الوكت آهات واتهل دموعي
جــــواني الهجر دليـــــلي جـــمر
حكي امن انوحن حيرتي جبيره آنه اللي روحي فاركت عشيره
كلبي المصايب بالجمر جونه يهلنه يهلنه
***
بيا صحاري وين صرتو روحــي تسأل بالكلب
بيا صحاري خاف عطشانين وبديرة غـــــرب
بيا صحاري جاب عباس الكـــــــم اميه شرب
اموصيته ابني بهاي خافن تعطشون عن جوده ينطي اجفوف وايطفي العيون
اعرفه الكمر يجيب النهر
امدلل خواته وصاحب الكفاله ماله شبيه ولاحصــــــــل مثاله
عد عيني وجهه منهظم كمرنه يهلنه يهلنه
***
ها يهلنه البجي والنوح بس لعيوني لاك
ها يهلنه ما انام مســـاهر الحــد الشفاك
ها يهلنه وين ناخت بيكم اظــهور النياك
اشلون البنات اشلون سكنه ورقيه مشتاكه حيل اهــــــواي للهاشميه
ويزيد الحمل شغلني الطفل
عبد الله يم امه ودفه بحضنهه يلزم كلبــــهه من يدر لبنهه
اتناغيله للطف يالولــد وصلنه يهلنه يهلنه
***
بالي يمكم فرشن افراشاتكم هســــــه البنات
بالي يمكم ماكدرت البارحـــــه بفراش ابات
بالي يمكم حاره الدنيه واخص شمس الفـلاة
للشمس سوو افياي تجوي الصحاري ماينحمل نـــــيران حــــــر البراري
اليفارك أهل يضوك الأجل
اغفه واموت واحتيــــي الأملكم خافني اموت ومايرد ضعنكم
هم يرجع ويلتم بعــــــــد شملنه يهلنه يهلنه




ابو علي الركابي

وينك يعباس صوت الحنينه وينك يعباس دمع الحزينه
من حلت المصايب يابا الفضل تعاتب
وينك يعباس
***

يوم المنيه من وصـــــل ساعة قراره
دمع الوفيه امن الحــزن كام ايتجاره
للغايب الشو مارجع طـــال انتظاره
وحانت علامات الاجل واظلم نهاره
يوليدي برجاك لحك عليه يوليدي برجاك جتني المنيه
مايمي كل كرايب يابا الفضل تعاتب
وينك يعباس
***

انته الجبير وتدري الك حسره بكلبهه
بس الله يعلم هاكثر يالغالــــــي حبهه
فكَدك جمـــرته تستعر يلهب حطبهه
متمنيه كون بهالوكت انته بكَـــــربهه
واتزيح الهموم واتبرد الروح واتزيح الهموم واتطيب الجروح
وامناطره الحبايب يابا الفضل تعاتب
وينك يعباس
***
طالت عليهه غيبت هاي آخــــــر ايام
كلب الحزينــــه الجيتك يالوالي محتام
انته العزيز وبس تجي تناساهه الآلام
ترتاح ويسكن الجرح وبحضنك اتنام
واتشمك اهواي من صدرك اتريد واتشمك اهواي واتقبل الايد
كلب الغريبه لاهب يابا الفضل تعاتب
وينك يعباس
***
لحك عليهه مواجـــــت ساعة اجلهه
تدريهه يالكافل رقت من دون اهلهه
يايمه تسمع جلمـــــتك رادت تكلهه
اتودعه انته بدمعــــتك عباس املهه
واتغمض العيون تمسح عليهه واتغمض العيون واتسبل اديهه
امك جبدهه ذايب يابا الفضل تعاتب
وينك يعباس
***
رادت تشيل انته النعــــش يوم المنيه
واعليهه من بعد الدفن تنصب عزيه
ياوسفه كبل امك متت بالغاضــــريه
ومدفون يم شاطي النهر حدر الوطيه
ظلت وحيده بالهم نحيبه ظلت وحيده وماتت غريبه
من كثرة النوايب يابالفضل تعاتب
وينك يعباس
***


ابو علي الركابي

لوضاكت بيك الانفاس دير اعيونك لأم عباس
لوضاكت بيك الانفاس
***

من تتـــوازه وعندك حاجه وحزنك يكبر عندك حلهه
ضاكت كلهه صعبه اهوايه لا تتحــــــير روح أسألهه
اكصد واسعي بهاي الحيره ولاتتأخـــــر بس كلــــلهه
انخاهه ودك هذا الباب مترجع واحد طلاب
لوضاكت بيك الانفاس
***

روح اكصدهه واحجي بكلبك وانخــه بعبره وجهك ديره
ريـــــــح بالك مايتعــــــــذر كلب الحـــره وأم الغــيره
بس حلفــــــهه من تنخــاهه اباب الزهره متظل حيره
لتظل محتار وحيران حلفهه بداحي البيبان
لوضاكت بيك الانفاس
***

يامن تبجـــي يامن تنـــــعه حاير بأمـرك زايـــــد نوحك
بصافي النيه أسأل واطلــب يلــي بفكرك طمــــن روحك
يفرح كلــبك اتقـــر اعيونك يبرد صدرك تشفى اجروحك
متردك ابــــــداً هيهات من تكصد باب الحاجات
لوضاكت بيك الانفاس
***

الله انطــــــاهه وهالفضلهه جي تستاهل هاي الرحمه
تقضي الصعبه وكل الشده ام الكـــافل هالتســــــمه
من تعصـــرنه هاي الدنيـــه بيـــه انباهل تنزل نعـــــمه
مشي اعليهه اجروح حسين تنطي الحاجه وتكضي الدين
لو ضاكت بيك الانفاس
***

انخه وادعــي من هالحره بيهه اتمسك اتظل بحماهه
تمشي احوالك خير ونعمه تفــرج همك من تنخــــاهه
بهـــاي الدنيا وباجر اطلب سجل اسمك ابقـــى وياهه
لآخر ساعات الايام كون اتظل ويه الخدام
لوضاكت بيك الانفاس
***



ابو علي الركابي

اهلي وين مادرو بأنفاسي خلصت وساعة الدفان وصلت اهلي وين
منهو اليغمضلي عيني ماكو واحد من بنيني
كَلب ام البنين جاويته السنين
***
انسدت ابواب الامل كربت اشباح الاجل شلت كلبي اجروح البين
تارس اعيوني الدمع اشلون روحي تقتنع مشتاكه انظر وجه حسين
وين الله هسه وتلفــــي الاعزاز ايشوفون كلبي اشكثر محتاز
مطروح نعشي امتاني الاحباب وحشه الجنازه بغــــير جناز
شالت الروح تنزف اجروح وين الاحنان
ياذي الافراك كلبي مشتاك والله عطشان
ياحسين نادت انفاس المنيه ارد اشوفك هالمسيه ياحسين
والله محتاجه اليجيني راحت احبابي و بنيني
كَلب ام البنين جاويته السنين
***
هيه التفارك ضعن تعيش غربه ابلاوطن شجره وعطشانه ابلاماي
وآنه بيتي ابلا ظوه شالت اهلـــه النينوى مشتاكه الهـم والله اهواي
زارعته شوفي بدرب الاحباب وادموعي صبغن عتبة الباب
ودم البواجـــــــــي بل التراب جرح الموادع لســـه ماطاب
كافي الغياب حل المصاب ماترجــعون
خنكه الانفاس يمه عباس يمه يم عون
يالحنين يالكمر انته واخوتك طاك كلبي يريد صوتك يالحنين
يمه يالكافل ونيني راحت احبابي و بنيني
كَلب ام البنين جاويته السنين
***
سلمت لله العمــــــــــر كام يتراوى الكــــبر صارت ريتي ابلا انفاس
سكتت اعروك الحجي نطقت ادموع البجي صاحـــت وينك ياعباس
امكم تموت وما تحضـــرون جا ياهو اليغمضـهه العيون
جعفر وعبد الله وي عثـــمان والنعشي كون انتو التشيلون
هم تردون هم ترجعون نعشي مطروح
فوك المتون من تشيلون تفـــرح الروح
بالونين نبرة الاحزان صوتي وكرب الهجران موتي بالونين
يسعر وفاير حنيني راحت احبابي و بنيني
كَلب ام البنين جاويته السنين
***
جنت اتمنـــــــه وردت بهالحلم والله عشت نعشي ايشيعه حسين اليوم
وعلى امتونه اجنازتي وهوه يحضر دفنتي وايعزي بفاتحتــــي ايكوم
وحشه الجنازه وخاليه الدار ظليت وحــدي وكلبي محتار
محد لفاني بســـــاعة الموت مكطوعه من اعزازي الاخبار
اظلــم البيت وحــدي انعيت ماتجوني
كرب الموت خافت الصوت ودعوني
يالحزين ياكلب خليني اكلك موت مايلفون خلك يالحزين
يعرك الموتي جبيني راحت احبابي و بنيني
كَلب ام البنين جاويته السنين
***
بالله ياموت برفج كلبي بالهم محترج مايحمل شوغات اهواي
على كيفك من تجي خلص حيلي امن البجي كون امفتحه اتظل عيناي
خاطر اشوفه بنين الحسين ادريبه يوصل ليه الحنين
ايحبني واحبه وساكن احشاي وحسين عايش بالشرايين
كلبي يهواه لامينساه الداسته الخيل
فدوه لاسمه ابو اليمه الهدم الحيل
رايحين ماترد اهل المحنه راحو وشالت اهلنه رايحين
ماردت بعده سنيني راجت ابحابي وبنيني
طلب ام البنين جاويته السنين
***



ابو علي الركابي

وارث اقراهه وابجي وياهه بدمعي وانعاهه
تجوي نار العشك اطفه احس واحترك ابدونك آنه اختنك
حسين يمه حسين يمه
***

أم البنــــين ومانســـــــــيتك يبني
هجرك ذبحنـــــي يلي مبعد عني
يامن فدنك يمــــــــــه ذني وذني
يالغالي ازورك واقره يمه ابوني
يوليدي يامـــــــذبوح لتضـــن نسيتك
ليله انعــــــــــه اهنا وانصب عزيتك
يابعد روحي اقره بجروحي وبحزن نوحي
شيباني الهجر عيشتي بس جمر واختنك وانعصر
حسين يمه حسين يمه
***

لآخر ثواني بالعــــــمر واسنيني
اقره السلام اعليك يبني احسيني
ابكثر البواجــي يلي اغله ابنيني
الشيله نكعت من مدامــــع عيني
للغاضريه العـــــــــــين تتوجـــــه اتنوح
يلي منسحك عــــــريان عالرمله مذبوح
ابجـــي ليليه وكَلـــــي حنيه يبني يومــــيه
يلي اغله الأهل مني مات الأمل من تدانه الأجل
حسين يمه حسين يمه
***

لمن ازورك صـــــــورتك جدامي
بين الحوافر يمه طايـــــح ضامي
من وسط كَلبك جرح ينزف دامي
كصرت عمــــري وكدرت ايامي
اقره الســـــلام اعليك واتضيك الانفاس
اتذكرك مطــــــروح عالغبـــــره تنداس
يابعــد عيني الفركه تاذيني وتاكل اسنيني
جبدي جمره اتلهب حيلي مني انسلب موتي احسن كرب
حسين يمه حسين يمه
***
ليليه ازورك من بُعــــــد ليليه
ويوميه انصب مجلسك يوميه
كلساع بأسمك تلهـــج البدويه
الله يعين الفاكَــــــــــده الحنيه
اتنفســـــــك بالروح يابو المحنه
ياهوه اعذيبي وراح وايسـت منه
ضاكت الوسعه ماتصح رجعه ذبت كالشمعه
ايست ماترد جي صرت مبتعد روحي تهوى اللحد
حسين يمه حسين يمه
***
ساعاتي كربت يالعـــزيز ادانت
يبني الحنين احسـبهه امك ماتت
علتهه كثرت من قهـره ازدادت
بآخر نفسهه تدري بأسمك نادت
مشتاكه الك واتموت امـــــــك بلياك
ظلت تون يحسين مطروحه ترجاك
يابعد ولدي ارتجي اودي تحضر اللحدي
مني هان الحزن من تغمض الجفن بيدك آنـــه اندفن
حسين يمه حسين يمه
***

ابو علي الركابي

(ياهو تنطرين) أم البنين ع

ياهو الدك بابـج من حل امصابج يم عباس
جاوين الغالـــي بيتج شـــو خالي يم عباس
خاف اتموتين ياهو تنطرين وحدج تبجين
يم عباس
***
عاده اللي الينازع والوصل يومه
يمه اعزازه تكعد تبجـــي مهمومه
بس انتي غريبــــه اهواي ملجومه
ومن ولدج يحـره وســفه محرومه
شو غابت ناسج ولدج عباســـــــج يم عباس
موحش شو دارج تتلاهــب نارج يم عباس
حيل اتونين ياهو اتنطرين وحدج تبجين
يم عباس
***
شفنه اللي يعالـــــج والكرب موته
واليعرك جبينه وانخفـــــى صوته
اهله والكرابـــــــــه اتجيب تابوته
ومن تجهيز نعشـــه كلشي ميفوته
اولادج راحت عن موتج غابت يم عباس
شو محد حاظر مكسورة خاطر يم عباس
مشبوحه العين ياهو اتنطرين وحدج تبجين
يم عباس
***
على افراش المنيـــه اتفيض دمعاتج
على صوب الطفوف اتنوح نظراتج
ياعــــــباس آيحســــــــــين جلماتج
من وصلن نهايه وتكضــي ساعاتج
كون يحضرونج كون يشيعونج يم عباس
موتج هالســاعه لو حل اوداعه يم عباس
وازاج البـــين ياهو اتنطرين وحدج تبجين
يم عباس
***
كون ابابج ايدك راعـــــي المروه
الجبير اوليدج العباس ابو النخوه
اعيونج ضاميــــه وبشوفته تروه
ابو وجه البخيــت وعينــه الحلوه
ويجيب اخوانه وايمـــــد ذرعانه يم عباس
اتشمين بعطره من يشبك صدره يم عباس
العين اديرين ياهو اتنطرين وحدج تبجين
يم عباس
***
وايطب الحنين وريحـــة الزهره
شمس الله وعليه جفيته الخضره
بس سالم يجي ومامنكطع نحره
ولامهشوم منه ومنسحك صدره
اتمنيتي حسينج يحضر ويعينج يم عباس
لأجله انهد حيلج ودايم ترتيلج يم عباس
يايمه حســـــين ياهو اتنطرين وحدج تبجين
يم عباس
***


ابو علي الركابي

(صعب موتج ) أم البنين ع لحن اهز مهدك

صعب موتج يمظلومه
غريبه وراحت ابنينج ميته ومحـــد ايعينج
صعب موتج يمظلومه
****
يمظلومه جروح اهــــــواي صعبه وما اضن تنعد
انكسر حيل الشرح وضعج مصابج للجـــــبد مرد
جبيره اوحــــــــــدج تبقين يدري بعلتــــــج محد
انكسر ظهرج يمظلومه
لمن سكن اونينيج ميته ومحــــد ايعينج
صعب موتج يمظلومه
***
اريد اســــــــأل يمظلومه منهو الغمض اعيونج
على اعزازج بقت عينج تربي وفاتحـه اجفونج
جنتي امناطره الاحباب بلكي وبلكـــــي يلفونج
كلف وضعج يمظلومه
خلصت بالعزى اسنينج ميته ومحد ايعينج
صعب موتج يمظلومه
***
شكالت بآخر الجلــمات روحــج والنفس خنكَه
اشافن بآخر النظــرات اعيونج والدمـع حركَه
اشودج بآخر اللحظات ويامن يصــــبح الملكَه
اشطلب كَلبج يمظلومه
تحضر يمج ابنينج ميته ومحد ايعينج
صعب موتج يمظلومه
***
اشردتي بالوداع اعزاز توكف بالشـــدد يمج
ياهو اللي تمنيـــــــــتي يجلي ابشــوفته همج
يحضر للجنـازة اينوح يغطي نعشج بهدمج
اشكثر همج يمظلومه
منهو اليمسح اجبينج ميته ومحد ايعينج
صعب موتج يمظلومه
***
تمنيتي الحنين حســـين وي عباس وأخوانه
يشيلون التعش حفـــاي كلهـــــم كون دفـانه
فوك امن الكَبر يبجون وايهـــــيلون تربـانه
اشكبر علتج يمظلومه
تبجي امن القهرعينج ميته ومحد ايعينج
صعب موتج يمظلومه
***



ابو علي الركابي

السلام على ســــــــــيدتي ام البنين
***

سلام الله اعله روح ام الوفه الحـــره
سلام الله اعله روح الواسـت الزهره
الشريفه ام البدور الزاهــــــره الدره
الكريمه العالمـــــه والآيــــة الكبرى

السلام على ســـــيدتي ام البنين
***

قريت الهه السلام وهيـــــــه تستاهل
ابنهه الطاح يم المشـــــــرعه الكافل
اخو زينب عزيز الزهره ابو فاضل
عليه لآخر نفس ظل الدمـــــع نازل

السلام على ســـــيدتي ام البنين
***

اسلم من بعد وادموعـــــي اجريهه
ترد ليه التحيـــــــه ام الوفه ادريهه
تعرف بكلبي ياجلمــــــات يحجيهه
اريد الليلــــــــــــه بالأهات ارثيهه

السلام على ســــــــيدتي ام البنين
***
اريد آنه ابدعائـــــي وطلبتـي منهه
حاجهه اهـواي من عدهـه اريدنهه
كون اوياهه اظل ما ابتعــد عنهه
وخادمهه وعبدهه وبــحسن ضنهه

السلام على ســــــيدتي ام البنين
***
اعرفه الحنيــــــــــنه ماترد طلبه
وكلمن كلفاهــــه بحاجته الصعبه
ويحلفهه بأنه المــــــــات بالغربه
العطشان الحوافــــر داست بكلبه

السلام على ســـــــيدتي أم البنين
****

ابو علي الركابي

تودعني (أم البنين) ع

يعباس امـــك آنــــه يا أعــــز ناسي
على افراش المنيه وبآخـــر انفاسي
تجي يبني وتودعني
على افراش المنيه وضاكت انفاسي
***
يعباس امــك آنه وضـــــاكت الوسعه
كرب يومـــي واحس انطبكت السبعه
غريبه وكَلبي يالغالي ارحلـــت ربعه
واحس روحي تريد امن الاهل فزعه
اريدك تلفي يوليدي وتمر بيه تعال بساع ودع لحـــــك اعليه
تريحني وتودعني
على افراش المنيه وبآخر أنفاسي
***
معزتك تختلف يبنــــــي الجبير انته
وماتخلص دليلــــــــي اوياك سالفته
حنين اوجهك اشكَد روحي عاشكته
واشم عطر المحنه بحركَــه ناطرته
يريع الروح وامتاني الكلب جيتك تدك الباب يوليدي وتطب بيتك
تحاجيني وتودعني
على افراش المنيه وبآخر أنفاسي
***
هيجـي ولنك بهالســـــاعه لافايني
تطب البيت يوليـــــدي وتحاجيني
لنسه الموت كلـــــــه من تواسيني
بعينك منت تصد يايمه الك عيني
واتفك يالكمر لوداعي ذرعانك واشوف اوياك جايب خلفك اخوانك
يخف حزني وتودعني
على افراش المنيه وبآخر أنفاسي
***
وانظر للعزيز اوياك هــم حاظر
حسين الي يكحل ابشوفته الناظر
كون اكبالي كاعـد يجبر الخاطر
تمنيته اليشــــــيل اجنازتي باجر
كلكم بالعزه اتحضرون يولادي براحه جامتت منشلعت افادي
تغسلني وتودعني
على افراش المنيه وبآخر أنفاسي
***
كون ام البنــــــين انتو التحضروهه
وتشيلون الجنــــــازه من تشـيعوهه
وامكم بالكبر باجــــــــــــر تدفنوهه
وعلى روحي الفواتح من تنصبوهه
حسافه الوحدي بالوحشه والغربه اموت وما الي والي اشكثر صعبه
بجمر وني وتودعني
على افراش المنيه وبآخر أنفاسي
***



ابو علي الركابي

قف الها

زهرتك كوم ياحيدر قف الها
ماتلمح وجهها بس قف الها
بيبان العرش ربك قف الها
من كسرو ضلعها الهاشميه

يمه زينب شدي حيلـــــج للمحن وياج بس هالليله موجوده ام الحسن
باجر نوح يازينب تبدي اجروح يازينب
الله ايعينج
***
يمه زينــــب يالحــنينه هاي آخـــر نظره اليه
رايحه وخلصت سنيني امشـــي عنج مو بديه
من وكت حمل ضــعنه ونوخــت نوك العزيه
نار كَلبي اتفــور كامت اشلون بيــج اشلون بيه
اشبيدي يمه اعله الهظيمه
صرتي يازينـــــــب يتيمه
بعدج ازغيرونه يمه اعله البجي رايحه وعنده الله ضيمج اشتجي
بكلبي النار يازينب اشجي الصار يازينب
الله ايعينج
***
أدني ليه خلـــــــي اشمج يابعد روحي وحياتي
باجر ارحل وامشي سكته كربت منـــي وفاتي
طارش الموت اعتنانـــي بينت صــورة وفاتي
هاج شيلة راســــــي يمه هاج البســـيهه عباتي
خلي اضمـج بين اديه
باجر ابلايــــه الزجيه
هذا اول جرح يبنيتي ومصاب اعينج الله اعله النوايب والعذاب
هذا اصواب يازينب من الباب يازينب
الله ايعينج
***
كَلبج بفكَدي يســـــــولف واســــمع بحجيه ونينه
شدي حيلج بعــــــــد بيتي عوفي جرحي يالحنينه
اتوزري اهواي المصايب والله يم عـون الحزينه
تنطرج يمــــــــــه المآسي باجر احبال وضعينه
عوفي يازينب جروحي
يمه لأجل حسين نوحي
صبري روحج لودوت نار الحنين من تظل البيت مابيه الحسين
يوم حسين يازينب يدمي العين يازينب
الله ايعينج
***
ادري شفتي كسر ضلعي وسطرة اعيونــي وألمهه
وادري شفتي جتف حيدر وطبت الكَـــــوم وزلمهه
كلهه هين يمــــــــه زينب اشلون بالنـــينوى اسمهه
شيب واطفال الضــــحايا يختلط بالرملـــــه دمهه
باجر المحنه العظيمه
باجر الطـــف الأليمه
منين ماتنطين وجهج ماكو أمان بساعه وحده اتشيل ارواح الحنان
بس ادموع يازينب طحن اضلوع يازينب
الله ايعينج
***
يمشي كلشي ايموت كلشي والحنــان ايروح باجر
الخوه تهوى اعله الشريعه والعلم يكســر الخاطر
والمحنــــــــه والاخـــــوه تعطش ويطحنه حافر
وانتي يمـــــه ابلايا خيمه حايره اتهل النواظر
لاعلم وابلايـــه رايه
لاخيـــــام ولاحمايه
اشلون بيج وانتي ماعندج خيام بالصحاري وبالخرابات المنام
آيا يم عون يازينب اتشيب عيون يازينب
الله ايعينج
***
ابو علي الركابي

يازهراء يازهراء يازهراء مدد
يازهراء يازهراء يازهراء مدد
***

ويه اليحضرون
انتي موجوده وتحضري وي اليحضرون
تسمعي نبــــــــــــــرة عزانه لمن ينادون
يم الحســــــــــــين الحزينه كلهم ينوحون
واعيون الينخالج وايكلفج بــجن
حزمينه وفقينــــــه يا ام الحسن
خدامج يالزهره نبقى بكل زمن
يازهراء يازهراء يازهراء مدد يازهراء يازهراء يازهراء مدد
***

يم حسن وحسين
دائماً ويانه ظلــــــي يم حسـن وحسين
الليله مدينه ادينه يدعــــــي دمع العين
لاتعوفينه الهوانه والزمــــــــن موزين
خلينه وعينينه نحضــــر مأتمج
جمعينه ولمينــــه دوم بخيــمتج
مشكوره يالزهره عشنه بنعمتج
يازهراء يازهراء يازهراء مدد يازهراء يازهراء يازهراء مدد
***


خدمتج رحمه
والله يامولاتي ندري بخدمتــــــج رحمه
خيرج اشكبره علينه يم حســـــــن نعمه
يا كبر حظه اللي يمج منكـــــــتب اسمه
هنياله الصار اسمه وي جيش الخدم
ناصركم جن دافــــع عن ذيج الخيم
يرويه باجــــــــــــر بيده شيال العلم
يازهراء يازهراء يازهراء مدد يازهراء يازهراء يازهراء مدد
***
راسه ظل مرفوع
كلمن يخدمج يزهره راســـــه ظل مرفوع
بكلبه حبج يالعزيـــــــزه عايش و مطبوع
غيرج ايطب اعله كلبه كل شخص ممنوع
مانقبل أي واحـــــــد يسكن بالكلب
بس حبج بس اسمج يالبضعه يطب
نتأمل بعد اكثر من عــــــندج قرب
يازهراء يازهراء يازهراء مدد يازهراء يازهراء يازهراء مدد
***
لاتبدلينه
بغيـــــــرنه خدام عنــــــدج لاتبدلينه
الهالمجالس نبقى نمشــــي دوم خلينه
زيدي حبنه وزيدي حبج فاطمه اعلينه
يا اعظم يا اشرف من كل منزله
بس ذكرج يتخـــــلد والكل زائله
كل خادم هالردد واســــمج رتله
يازهراء يازهراء يازهراء مدد يازهراء يازهراء يازهراء مدد
***




ابو علي الركابي

يازهراء يازهراء
***

انرتل احروفج قداســــه وآيه نقراه وسور
انتي قـــرآن المحــبه وانتي عنوان الفخر
رحمة الله انتي الجبيره وانتي للنعمه نهر
الحبج اينول الوجاهه وحظـــه بالدنيه كبر
بخدمتج هيبه و شيم ويرتفع صيت الخدم
يازهراء يازهراء
***

الزاي من اسمج يزهره زلمه سويتي المحب
الهاء هيبه لليخدمج واســـــــــمه يمج ينكتب
الراء روحه اوي الملائك هيج لازم تنحسب
الألف والهمزه بقينه أيمان مغروس وصلب
ياحرز اهل اليقين ياملاذ الحائرين
يازهراء يازهراء
***

شانج اشكبره يفاطم والله يا اشـــرف مره
والله لوما انتي محد كفــــو صار الحيدره
انتي شباج الحقيقه وعين راعــي المقدره
العنده سباحة علاقه اوياج ربه يشــــكره
ألف هنيال الشباب العدهه وياج انتساب
يازهراء يازهراء
***

بخيرج انعيش وربينــه بخيمتج نلتم ســـــوه
بيتنه صار المجالس بيهه نشـــــــتم الهــــوه
ظلمه كل دنيانه والله وبالحسـينيه الضـــــوه
تمرض الروح ونعالج باللطم احســـــن دوه
الرايد الروحه الشفاء يحضر بهذا العزاء
يازهراء يازهراء
***

باللطم نطلب دعانــــــــــه وماتريدين الدعه
الحاضر اويانه وسألنه واللي الي ابنيته سعه
واللي مايكدر تعـــــــــذر لاجن ايهل مدمعه
سجلي كلمن يبجي كلبه وينحب بجمره ونعه
قبلي من عدنه القليل انتي للجنه سبيل
يازهراء يازهراء
***




ابو علي الركابي

نشتم عطــــر انفاسج الطاهره بهاي المجالس يم حسن حاضره
سجلينه وي خدامج ابكل سنه باجر تنول الخــــــــادم المغفره
***

بالعين عشناج بالروح شفناج
نقـــــراج آيات آهــــات ننعاج
يالروحج حسينه تحضر ندري ماتفترك
ويانه بهالخدمه شمينه العطر من صدك
من حبج جمرتنه وجت بالمآتــــم عشك
يم باج انروح ونرد فاطـــمه واليفترك عنج يصيبه العمه
انتي الشريفه ونلتي هالمنزله باجر تنول الخــادم المغفره
***

للخــير ألطاف بأحساس ينشاف
مرغوب للروح تســــبيح شفاف
يانعمه ويارحــمه شفنه كل وجودج نهر
نتلمس بألطافـــج خيرج عاليحـــبج كثر
انتي امنه ياخيمه افيايج ظلللانه وستر
يالكَلبج اعلينه كَــــــلب والده نندار ألـج كل احنه يالسيده
عدنه يقين ابموقفج بالحشـر باجر تنول الخــادم المغفره
***

ازهار ريحان لو نور سبحان
الله الله ابداع رحـــمن
ياسـوره ويا آيـــــه تبقى اترتل بكل زمن
يارحمه اعله الوادم الله خالقــــــج يم حسن
من نورج من اسمج ضوت كلهه جنت عدن
تاخذ خلود الخدمه كل الخدم بحيل الشفاعه ماتحس بالندم
هاي المواقف تنحجي بالعلن باجر تنول الخــادم المغفره
***

ننخاج دعوات انريد نظرات
تسجلين اسماء للصاح نبرات
يالبضعه سجلينه وكلمن واكف ابمأتمج
وفقينـــه ولمينه يابنت النبــــي بخيمتج
شملينه وخلــينه نوصل بالعمل رحمتج
ياسر نجاة اللي يريد النجى انتي املنه وانتي باب الرجى
كتبي اسامينه خدم يم حسن باجر تنول الخادم المغفره
***

جاليش شسباب هالنور ينصاب
ياحيف ويلاه واتطيح بالباب
بلا رأفـــه وحــــنيه صدرج ينزف امن الدمه
على بابج يالزهره صاحو جـــــا وان فاطمه
شمسويه يالخيرهه روحج تبقـــــــــى متألمه
كلج موده ومايكـــرهج بشر واليضدج بالســــعير انحشر
انصارج احنه ومانعوفج ابد باجر تنول الخــادم المغفره
***



ابو علي الركابي

من تروحـي يم حسن من تروحي
اخذي روحي للكبر اخذي روحي
حسينج آني ومرمراني يمه يحنينه المصاب
***

عطبت يم المحنه اعــروك دلال الحســـــين
وين الكَه بعد مثلج يمـــه يم كلب الحنـــــين
آنه من هسه احسن ماتت بعمري الســــنين
انتي من تمشين جنهم كل اهلنـــه شايلـــين
ريضي يمه ابداعتي ريضي يمه الدنيه ظلمه موحشه الدنيه ظلمه
كلبي يسـعر جن تفطــر والله ياذينـي العذاب
حسينج آني ومرمراني يمه يحنينه المصاب
***

فتحي عينج يالزجيـــــــه ولاتغمضين الجفون
كعدي ياسلوتي حياتي يم حضن دافي وحنون
حالتي يحبيبه صعبه راح تعمــــــين العيون
يعني أئيس مااشوفج يعنـــي اكطعه الضنون
راح اموتن عالنعش راح اموتن اشلون اعيشن فاطمه اشلون اعيشن
بصدري خنكه وكلهه حركه اشلون احملنه الغياب
حســـينج آني ومرمراني يمه يحنينه المصاب
***
اشلون ياصبح العوافـــــي ياخذونج للكبر
آخ من دلالي تطلع والله شح مني الصبر
آنه ماشايف اجنازه ايفوح من عده العطر
ياوسف وردة حياتي ينسلب منهه العمر
نعمة الله وتندفن نعمة الله رحمة الله تنسلب رحمة الله
شلون بيـــه يالزجـــيه وجهج ايلوحه التراب
حسينج آني ومرمراني يمه يحنينه المصاب
***
انتي مومالت مكابر ياعظيمـــــــة منزله
انتي ياوجه المحنه وجـــــــه اليوزع هله
اشلون من تمشين باجر يمه حال العايله
آنه من هسه احسن جتنـــي جنهه كربله
خله اشمج يم حسن خله اشمج خله اضمج عالصدر خله اضمج
سمعي صوتي ولاتـموتي واحسب الشفته سراب
حســـينج آني ومرمراني يمــه يحنينه المصاب
***
ريجي يابس لاتموتي جنـــي من هسه متت
ركَدت حيلي المصيبه واحس جنـــي شيبت
ضاكت بعيني الوسيعه يالوديعـه اتمرمرت
داويه اخيام بدليلي ومن يطفيــــــهه حــرت
جنهه صحره دنيتي جنهه صحره قطره قطره جن متت قطره قطره
يالوديــــعه هالفجــــيعه انفتح من عدهه باب
حسينج آني ومرمراني يمه يحنينه المصاب
***




ابو علي الركابي

مظلومه يازهراء مظلومه يازهراء
***

نعقد مجالس فاطــــم وانجدد الاحزان
انرتل عزاء الزهـره وانوســـم الابدان
الماينعه على المظلومه لاهذا مو أنسان
ام الحسن مهظـــــومه دفعوهه عالبيبان
حكَنه نون كلنه وانوسم الصدور ضلع الشمس وسفه من عدهه مكسور

مظلومه يازهراء مظلومه يازهراء
***

بهاي الليالي كلنـــــه بخيمتـــهه ملتمين
كل التحبــــــه والله بمجلسهه موجودين
صحنه ولطمنه الليله مظلومه يم حسين
ماننسه تبقى ابدمعه تبجــي عليج العين
ندري اسامينه يمج تسجلين بكل مجلس الخدمة ندري تحضرين

مظلومه يازهراء مظلومه يازهراء
***

يانعمة الله الكبـــــرى ياسر وجــــود الناس
اسمج ربى اوي دمانه وانعشكه بالاحساس
عطرج ملاهه الريـــه وانشــــمه بالانفاس
منج نريد النظـــــره بجاه الكـــمر عباس
اقضي حوائجنه مولاتي هاليوم نظراتج اعلينه واجليهه الهموم

مظلومه يازهراء مظلومه يازهراء
***

دكتنه صدرنه بحركه معناهه ماننساج
لأخر نفس من عدنه يم الحســــن وياج
خلينه وي هالخـــدمه هالليلــه نترجاج
سجلينه من خدامـــــج قبلينه من ننخاج
ماتطفه جمرتنه من حدر الضلوع قبلي تعازينه وي هاي الجموع

مظلومه يازهراء مظلومه يازهراء
***

يم زينب انتي الجنــــه هنيال الي ايخدمون
يامنزلــــــــه ويارحمه من عنـــدج اينالون
بالدنيه انتي النعمــــــه وبالاخره ايشوفون
يوم الشفاعــــــــه والله من ايدج ايحصلون
والدنيه خلصانه فاز اليخدموج كل تعزيه بحركَه يازهره نادوج

مظلومه يازهراء مظلومه يازهراء
***

لنبدء بالدمـــــع ونلطم عالضلع بعزاهه ننجمع مولاتنا الزهراء
الايادي لاطــمه مآتم دائــــــمه بمجالس فاطمه مولاتنا الزهراء
***

ليالي ام الحسن مواجــــــع والمحن ذكرهه ابكل زمن على مــر الدهر
محرمهه اقترب نشم حرك الحطب جمر نار ولهــب على اطهر بشر
قسمنه بشيلة الزهــره ابد ماتخــمد الجمره وهتفنه بعالـــــي النبره
ولانترك مجالسنه
وحك الرايه والساقي لطمنه عالضلع باقي ونعواي بطور الأعراقي
نرتلــهه ابمآتمنه المدامع ساجمه مآتم دائمه بمجالس فاطمه
مولاتنا الزهراء
***

انجمعنه بخيمتج نصير ابخدمتج اشكبرهه رحمتج الحمــــد لله اشكثر
ابد مانفـــــــترك نذوب ونحترك بترانيــــم العشك لطمنه اعله الصدر
انجمعنه بخيمة الخدمه نحس ابلذت النعمه علينه امظلله الرحمه
شفاعتــــــه تغطينه
نريد بأحســـــــن النيه عملنه البالحســـينيه قبوله بمـــــيه بالميه
لونهه تنظر اعلينه
دعاء الخاتمه مآتم دائمه بمجالس فاطمه
مولاتنا الزهراء
***


بشعور العاطــفه حناجــــــــر هاتفه قســـم لأم الوفه خدم نبقى خدم
النجاة امن الزلل وقبول احسن عمل فقط يمهه الامل حقيقه امو وهم
هنيأ للاجــــه وحاضر وبس الهه العمر ناذر راســه مرتفع باجر
يمهه امسجله اعماله
تلكط كل شـخص بينه وتعرفهــــن اسامينه باجــر من تنادينه
الف أي والله هنياله
رضا اهل السمه مآتم دائمه بمجالس فاطمه
مولاتنا الزهراء
***
تحزمنه بشرف المجالسنه بشغف الصدك بيه انعرف تربـــي بس زلم
مدارس تربــيه مآتــــــــم توعيه لأذان الصــــاغيه تخرج بس شهم
اليحضر ياخذ امراده مجالس خرجت قاده درست غيرة الساده
زلم شـــــبان شيعيه
ارفعت بيرغ محبتهه ولاتترك مـــــودتهه ولاعافت خـــدامتهه
ولطمهه البالحسينيه
بعشكهه هايمه مآتم دائمه بمجالس فاطمه
مولاتنا الزهراء
***
هتف وحي اللطم بنعي ودمع وهظم بوجـــــه ذاك الظلم ولانــه الفاطمه
رغم ذاك الكسر وحرك باب الطهر ذكرهه ابكل عصر مجالس دائـــمه
اليموت الباطل وكومه كصير ولاربح يومه عقيده وهاي مفهومه
اليضدهه امهدمه اركانه
تظل ام النبـــــــي آيه تظل ابكل زمن رايه بصدك كلناهه الحجايه
تعيش الزهره ويانه
زلمنه امحزمه مآتم دائمه بمجالس فاطمه
مولاتنا الزهراء
***




























ابو علي الركابي

يم العافيــــــه ويم المحنه دارج خاليه يابعد اهلنه
زينب تهمل العين يم الحسن وحسين
دارج خاليه يابعد اهلنه
***
اليوم وحشه الدنيه كلهه اليوم ظلمــه بعيني كلشي
حدبت من زغر عمري ركَد حيلي وشاب رمشي
ميته وابلا روح جنــي وكام يتراوالــــي نعشي
دنياي خنكه ابلاهوه دلالي بالحركه انجوه معقوله اعيش ابلاضوه
وروحي ويه الزهره تمشي
ناديت بجمر عيني الجريه بعدني بعازتج يمه الزجيه
ماصــدك تموتين يم الحسن وحسين
دارج خاليه يابعد اهلنه
***
شوفــــــــي يا ام المحنه عكبج اشاصير بحالي
طايحـــه ابين المصايب يم حسن مشدوه بالي
البارحه جنتــي بغرفتج كاعــده جنتي اكبالي
اهنانه صليتي الفجر واهنانه سولفنه اشكثر واليوم نمتي بالكبر
اشلون اكضيهه الليالي
اطلع شيلتج كلساع اشمهه بلكي اتهود روحي من ألمهه
وين امغربه وين يم الحسن وحسين
دارج خاليه يابعد اهلنه
***
ابعيني غركانه البواجــي ابالي تزاحـــــم نوايب
هذا اول باب للهــــــــــم وباجر اتشيل الحبايب
الضيم هد بجيشه يزحف جايب وياهه المصايب
هدت على ابنيتج محن واضلوعي يحنينه انجون ناديت وينج يم الحسن
كلبي من الهظم ذايب
ردتج بالشـــــــدد تجايه اليه لو حل العزى بالغاضريه
يم حرك الصواوين يم الحسن وحسين
دارج خاليه يابعد اهلنه
***

ليش رحتي وعفتي زينب امدوهنه وتكسر الخاطر
اشلون بيه ابغـــــير والي آخ آخ الضـــــــيم باجر
كونج اتعينين كلبـــــــي لوبقى بكربلـــــــه حاير
انظر على الضامي انسحك صدره على ظهره انطبك كون الله احس كله اختنك من يدوس اضلوعه حافر
عريان وسليب اعله الترابه لاعنده اهل وابلا كرابه
اصفج يسره بيمين يم الحسن وحسين
دارج خاليه يابعد اهلنه
***

اهواي يايمه النواعي واشيسولف كلبي حيره
كونج اتحضرين يمي باجر اجروحـي جثيره
حرمه بس ايتام عندي لا اخــــوان ولاعشيره
طاح الكفيل اعله العلم ومحتركه وارماد الخيم كل ألم اصعب من ألم
والاشد زينب يسيره
يبقى امن البجي مبحوح صوتي من كد ما اون يمه اعله خوتي
لو جتفولي الايدين يم الحسن وحسين
دارج خاليه يابعد اهلنه
***
































ابو علي الركابي

ياكشـــخة النوماس ياهيـــــــــبة العبـــاس
القاســم فتح ديوانه وكل الهلا اعله السانه
ياهيبة العباس
***
حلو اشحلاة العـــين جامع جمــــال اثنين
من الحسـن وحسين ومن يوسف ارسومه
كل اليصد مســحور بممشاته هيبــه ونور
اينثر مسج واعطور وامهنــــدمه اهدومه
وارثهــــن العادات من صاحـب الكلفات
هم قاضي الحاجات ماتنخفـــــي اعلومه
شيخ وجيـــــه بخيت ســــيد وريث الصيت
انحسه وكــــف نادانه وكل الهلا اعله ألسانه
ياهيبة العباس
***
شايل كمال وجــود ديوانه ماله احدود
وبالدنيــه ماموجود ماينتهـــــــي خيره
طيب حنون اهواي وبجفه يسكي الماي
واليعتنيـــــه عناي مايوكــــــع بحيره
كل الذي اتعـــــــناه ميعوفـــه من ينخاه
لاوالله ماينســــــاه ماعدنه ابــد غيره
دكينه بابـــــه اليوم وامحمـــــــلين اهموم
ندريبه ماينســــــانه وكل الهلا اعله ألسانه
***
وكفت تزوره الناس اباب الشــــبه عباس
شايل وفــه ونوماس جن واكـــــــف ابابه
اتسلم عليه اصفوف واعله المزار اتطوف
وشخصيته جنه اتشوف ايسلم على احبابه
كلبه بجمر محروك ايرد الســـلام بشوك
العاشك على المعشوك واترحـــب اعتابه
وطبينه كلنــه انريد خـــيره علينـــه ايزيد
وامفتحـــــــه بيبانه وكل الهلا اعله ألسانه
***
محنيه يمــــه الروس ارواح الصحن متروس
يشبه زيـــارة طوس والزاره هنيــــــــــــاله
محتشـــــده يم ارواح وهنياله كلــــــمن راح
الطب حضرته يرتاح وكــــــل التعنـــــــــاله
الكلبه بحــزن مخنوك بشباجه شـــــد اعلوك
طعم السعاده اضوك وتتعـــدل احــــــــواله
كل خادم ومحبوب زار الرضا محسوب
وابصحنـــه يتلكَـانه وكل الهلا اعله ألسانه
***
نتأمـــــــــل المأمول وندعي بعزانه انكول
كون العــــمل مقبول هالليلــــــه هالليلـــه
يكتبنـــــــه أله خدام خـــدام اله ابكل عام
ابجاه المشـت للشام بحــرمتها ندعــــيله
يشملنه نعمه وطيب وعالخدمه كلنه انشيب
اليتوســـــله ميخيب كل نعــــمه يوفـــــيله
باب الحوائج صار وامعـــــــزب الزوار
خير ونعــم غطانه وكل الهلا اعله ألسانه
***

ابو علي الركابي

يمه اشكثر مشتاكه والولد ياذي افراكه
يبني القاسم ترجع سالم
يمه اشكثر مشتاكه
***

يمه الولـــد يمه الولـــد والله اشـكثر مشتاكَه
طك كلبي يالقاسم متت نار الهجــر حراكَه
شيبت وامك حـــــدبت وحنت عليه الناكَه
هم يصح يايوم اشـبعد وجه بوجـه نتلاكه
هم ترجع الحضن امك وابين اديـــــه اضمك
كلبي اتوجر بالي اتحير
يمه اشكثر مشتاكَه
***

ماطبكت اجفون النظر وينك يبعــــــــد اعيوني
ماسكتن ادمـــوع البجي وجرحن حــتى اجفوني
شنهو السبب ياضنوتي من شــــوفتك حرموني
ياسلوة انفاس العمـــــر خابت احسهه اضنوني
يالعايش بأنفـــاسي يوليدي شيب راسي
دايــــم نوحي خلصت روحي
يمه اشكثر مشتاكَه
***
راح اعمه يمــــه الغيبتك من مـــــــاترد اعليه
ما احمل افراكك بعـــــد يالغالي لحـــــــك ليه
جرحك جبـــــير ومابره خلف مواجــــــع بيه
بالنازل ايامـــــي احس وللموت ظـــل اشويه
وينك يبعد ايامي هجمت عليه آلامي
يبني الغالي ارحم حالي
يمه اشكثر مشتاكَه
***
ارجع الدارك موطفت رد يالولـــد ضويهه
ماتنطب وحشه صفت شايل وسف راعيهه
فك باب ديوان الكــرم ودخل ظـــيوفك بيهه
مايصلح ابلايا اهـــــل بيت النبـي وهاديهه
رد ليه وافتح دارك منتظرتك خطارك
مشتاكتلك ناسي واهلك
يمه اشكثر مشتاكه
***
شليت حالــــــي من رحت واتمرمــــت احوالي
مشتوله عيني اعله الدرب بلكــــــت يرد الغالي
مطحون كلبي امن الحزن ماعندي راحه ابالي
يايوسفي لميت تجــــــــي واكف ييمــه اكبالي
ذبلت حياتي ابدونك عميه بلايه اعيونك
يعلم ربي يطحن كلبي
يمه اشكثر مشتاكَه
***

ابو علي الركابي

كوكب النور القاسم انزور
انشارك احنه الحاضرين ويه هـــــاي المؤمنين
القاسم انزور
***

هذا سلسلة الذهـــــــب كلهم جدوده
هذا ابن اللي الشرف الدنيا بوجوده
هذا ابن الكاظــــــــم الحابس قيوده
هذا ابن العلمــــــــه ماتنحد حدوده
ابن الاجواد وباب المراد
جينه كلنه كاصدين ويه هـــــاي المؤمنين
القاسم انزور
***

بارك الله بحضرته وصارت مناره
اليكصدلهه بحاجتــــــه ياخذ بشاره
رابح اوياه الذي ايخلــــــي التجاره
خير كلهه ومايشـــوف ابداً خساره
نعمته اهواي صاحب الماي
اليوم ندعو وطالبين ويه هـــــاي المؤمنين
القاسم انزور
***
اليدخل بصحنه يحس والله بأمانه
جن يحس بهيبته وعطفه وحنانه
واكف ابهيأت نبي ونسـمع لسانه
اهلا وحيا الله بالظيــــــف الاجانه
بصحنه و اطوف هاي الظيوف
نحضى اجر الزائرين ويه هاي المؤمنين
القاسم انزور
***
عطر جنات الخلد فــــــــاح بحضـرته
الباشدد معروفـــــــــه للوادم فزعــــته
الوارث الكافل ســجاياه وشــــــــمرته
يروي كلب الضامي من جوده وجربته
منجم الجــــود نعمته اتزود
نرجو مدينه الأدين ويه هاي المؤمنين
القاسم انزور
***
ثلث تنعـــــــام امن ابو النفس الابيه
امشيم وعنده الكـــــرم عاده وسجيه
يسند اظهور التعنولـــــــــــه بقضيه
ومايرد الحلفه بأمـــــــــــــه الزجيه
جينه هاليوم نشكي الهموم
نلتمس متأملـــــــــين ويه هاي المؤمنين
القاسم انزور
***
ابو علي الركابي

يمه اشكثر مشتاكه والولد ياذي افراكه
يبني القاسم ترجع سالم
يمه اشكثر مشتاكه
***

يمه الولـــد يمه الولـــد والله اشـكثر مشتاكَه
طك كلبي يالقاسم متت نار الهجــر حراكَه
شيبت وامك حـــــدبت وحنت عليه الناكَه
هم يصح يايوم اشـبعد وجه بوجـه نتلاكه
هم ترجع الحضن امك وابين اديـــــه اضمك
كلبي اتوجر بالي اتحير
يمه اشكثر مشتاكَه
***

ماطبكت اجفون النظر وينك يبعــــــــد اعيوني
ماسكتن ادمـــوع البجي وجرحن حــتى اجفوني
شنهو السبب ياضنوتي من شــــوفتك حرموني
ياسلوة انفاس العمـــــر خابت احسهه اضنوني
يالعايش بأنفـــاسي يوليدي شيب راسي
دايــــم نوحي خلصت روحي
يمه اشكثر مشتاكَه
***
راح اعمه يمــــه الغيبتك من مـــــــاترد اعليه
ما احمل افراكك بعـــــد يالغالي لحـــــــك ليه
جرحك جبـــــير ومابره خلف مواجــــــع بيه
بالنازل ايامـــــي احس وللموت ظـــل اشويه
وينك يبعد ايامي هجمت عليه آلامي
يبني الغالي ارحم حالي
يمه اشكثر مشتاكَه
***
ارجع الدارك موطفت رد يالولـــد ضويهه
ماتنطب وحشه صفت شايل وسف راعيهه
فك باب ديوان الكــرم ودخل ظـــيوفك بيهه
مايصلح ابلايا اهـــــل بيت النبـي وهاديهه
رد ليه وافتح دارك منتظرتك خطارك
مشتاكتلك ناسي واهلك
يمه اشكثر مشتاكه
***
شليت حالــــــي من رحت واتمرمــــت احوالي
مشتوله عيني اعله الدرب بلكــــــت يرد الغالي
مطحون كلبي امن الحزن ماعندي راحه ابالي
يايوسفي لميت تجــــــــي واكف ييمــه اكبالي
ذبلت حياتي ابدونك عميه بلايه اعيونك
يعلم ربي يطحن كلبي
يمه اشكثر مشتاكَه
***

ابو علي الركابي

نعي للامام القاسم ابن الكاظم عليهما السلام
****
روح الغريب على الفــراشِ طريحة فيها جِــراحَ الهــــم سيف يقطعُ
يكوي الزفير الصدر جمـرٌ شــراره عيناه شـــبه المـــزن حُـزن تدمعُ
اخفى الشريفَ على العبادِ مقالــــــهُ خوفا من العـــدوان كيــلا تسمعُ
وهو السليلُ خير الوريث محاســـنٌ ابن الكضيم الغيض نــور يجمـعُ
ارخى الجفون الى المماتِ مُهاجِــرٌ ماحال ذاك القلــــب حين يودعُ
****
على افراش المنيه ايلوج جثير اهموم ضاهدته
هذا اخر وداع اليــــــوم يعاين والدمـــع سكته
يعالج بالأجل والمـــوت ينوح وحاضـن ابنيته
خبرهه بنســـــــب جدهه والهم فصــــح سالفته
***
كالهم بعد هالحـيــــــــــن لازم احجـــي سالفتي
أنه موش الغريب وصار افصح بعد شخصيتي
اسمعوني يهالخيــــــرين اكلكم وين اهل بيتي
آنه اشفي العليـــــل الراد ياخذ طــرف جفيتي
***
أنه بعقلي علــــم ياسين راضــــع لبن المروه
أنه بجفي يفيض الخير ومني الضامي يتروه
اهلي امعزبين الضيف وابد مابردت الكهوه
اهلي ابيوتهم محراب اساس ومهبط التقوى
***
وبدأ يخبرهم عن نسبه وآبائه وهوه يبكي ويقول
***
انه ابن اللي ابد ميخيـــــــب طلابه
يرد فرحان كلمن كاصـــــــد البابه
والمهموم يفرج همـــــــــــه بعتابه
وانه ابن اللي الشفاء امن الله بترابه
***
أنه ابن المرتضى والطاهره الزهره
انه ابن اللي وكع عالرمله من مهره
تجوى بالشمس مذبوح من نحــــره
وخيل الاعوجيه ســـحكته بصدره
***
مكسـور ضـــلعه ابن الـــــذي مكســــــــــور ضلعه
ومكطوع اصبعه عاري وبالشمس مكـــطوع اصبعه
محـــــــــد يشلعه ورمحه بالكلــــب محــــــد يشلعه
مذبوحه ربــــعه ضحايه اعله الرمل مذبوحه ربعه
***

أشكَد كرامات (قاسم العطاء) ع

اشكَد كرامات سجدت اباب الوفــــــــه وباب العطايا
اشكَد كرامات صارت بصحنه وكضى الهاي البرايا
من وصلنه الجنته والله شفنه بحضرته
اشكَد كرامات
****
انحير عن كنز الكرامه والوفه
نعجر وياشــــعر راد ايوصفه
امحيره الوادم نعمة القاسم كــل البريه
هاكثر خــيره سولفت ناسه بهاي الثنيه
نهره جاري منه يروه اليعطش ودلالـــه ضامي
نهره جاري خيره جازي اليطلب ورايد محامي
النور لاح بكَــبته والله شفنه بحضرته
اشكَد كرامات
***

الطيبه عن روحــــه ابد ماتفترك
والاحباب بصحنــه تتنفس عشك
بعطره وانفاسه امبخـر الدنيه وهـاي المـدنيه
بقعـــه من جنه وآيـــة الرحمه بروحه الحنينه
روحه طيبه منترس حنيــــــــــــه وايوزع محنه
روحه طيبه الناس تدعي وكلشي والله اتريد منه
الله قابل دعــــوته والله شفنه بحضرته
اشكَد كرامات
***
ابابه مزدحمــــه التوده وتنجمع
وهوه واكف جنه يمهه ويستمع
ايسجل الزاير ويقبل الدعــوه يقضي الحوائج
القاسم بروحه ايرحب ابــابه والسانه لاهــج
ايشوف الكلوب ينظر النيته الأجه بهاي الزياره
ايشوف الكلوب ينكسر كَلبه على الدمعه تجاره
الناس كلهه بصايته والله شفنه بحضرته
اشكَد كرامات
***
والنعم منه الورث اعظم شرف
حد كراماته ابــــــــد لاما وكف
ايشافي كل عله الله واهبـــــله هاي السجايا
مايرد واحـــــد واليدك بابـــه باب العطايا
شفنه آيات والمعاجز صارت ابعمره وحياته
شفنه آيات حتى هسه ومن بعد موتـه وفاته
هالتســـولف شيعته والله شفنه بحضرته
اشكَد كرامات
***
انكول هيج انسان لازم ينحشم
وهوه من بيت اليدرسون العلم
وسفه عن اهله اتهجـــر القاسم بالغرب عمره
وانسلب حكَــه صاحب النعمه ومنعرف قدره
ياوسافه ايموت واعيونه بدمع ظلت نحيبه
ياوسافه امفارك اهله ومات بديار الغريبه
جينه نحيي امصيبته والله شفنه بحضرته
اشكَد كرامات
***


ابو علي الركابي

أم القاسم ع ( ياكلبي شو نبضك سكت)

بعيوني شو مات الامــل وابني ايتــــــراوه ابالي
ياكلبي جـن نبضك سكت شنهو الجره اعله الغالي
شو ترجف اعظامي وانذبحت احلامي
شنهو الجره اعله الغالي
***
ياكلبي جنك منعصـــــــر مهمومه حــــيل اضنوني
من ليلي امس مالي خلك حركه وجمــــــر بعيوني
سهرانه ماذيني التعــــب ماغفـت ليــــــش اجفوني
حالي تمرمر بالحــــــزن والله وتغـــــــــــــير لوني
ابني البعد عني ومشه مشتاكه اشوف القاسم
بس لاتمرض لو تعب ادعيله يرجــــع سالم
يتراوه جـــــــــدامي وانذبحت احلامي
شنهو الجره اعله الغالي
***
شنهو العلى اوليدي جــــره امه واحــــــــس بأحساسه
شو صدري مخنوك اشكثر اسم الله وعلي اعله انفاسه
منهو اليعينه لو وكـــــــــع للفارك اهلـــــــــــه وناسه
معلوم هســـــــــه بس ألم متروس بالـــــــــه وراسه
ياريع دلالــي المشــــه هسه الولي ابيا حاله
مطروح جنه ابلا اهل شنهو اليـــدور اباله
شيجذب اوهامي وانذبحت احلامي
شنهو الجره اعله الغالي
***
ياهو اليروح ابهالوكت كون ويجيـــب اخباره
اطحن واسولف وحدي بس الدمــــــع يتجاره
ضاكت الوسعه ودنيتي يارب صرت محتاره
شيطفي جانوني الــدوه حدر الضلــوع بناره
ماعندي والي ولا ولد راحت جميع احبابي
ديراني مابيــــهه زلم بس آنه ويه امصابي
بس آنه و ايتامي وانذبحت احلامي
شنهو الجره اعله الغالي
***
من كثر ما ابجــي احس كامت تون حيطــاني
شيب اظن حتـى الضلع من كد جروح احزاني
ماعندي راحه ولاهدت فكد الأبـــــــــن اذاني
خافنه قاســــــــم مايرد والله ويـــــــدك بيباني
ايست منه وما اظن وي الحنيــــن املاكه
اليوم شو جنه رحل وطالت سنين افراكه
شـــيهود آلامي وانذبحت احلامي
شنهو الجره اعله الغالي
***
يادمعي صب اكثر بعد ودم المدامـــــــع سيله
ياكلبي ايس واندفــــن كون ابكبـــــــر هالليله
راح العـــزيز ومايرد مايســــــــمعك تحجيله
بهمك وكل ضيم اليمر راح الجنـــــت تشكيله
ياموت ماريد العمر ادفني ويــــه اجروحي
عكب الاحبه يا اجل اقبض بساعك روحي
يجري الدمع دامي وانذبحت احلامي
شنهو الجره اعله الغالي
***


ابو علي الركابي

نزله بدويه (المهدي والقاسم) ع

مافي غيرك ثاراهه من توكَـــد ناراهه
***

يارفيج العزِ واســــــدور المعالي
يابعــــيدَ الشــانِ ياصعب المنالي
يلي متنام والك حكــــــــن محالي
لازم اجيبو من اشــــباه الرجالي
يابو صالح ثار للقاســـــم يتاني ماوصل يبن الشيم يوم المحاني
من تيجنه اخباراهه مافي غير ثاراهه
***

ياونيس الناده باسـمك يابو صالح
فرع وهــد اعله جـيمات المسالح
وخله ترفس عالرمل مثل الذبايح
خله ماتلِحَــــك بعد تنصب فواتح
تنبض اعروك الشيم يوم الحرايب ابثار عمك من كضه ابديرة غرايب
من تبيد اشراراهه مافي غير ثاراهه
***
ياوِصيف الحكِ ياحــــــبلَ المودا
ويش هالصبرِ الجزه حـدو وتعدا
كوم هذا الباطل امن ازياكـو ردا
امربع اخـذو ثارك امن اللـي تعدا
هايخيالن على اسروج الشكورِ ياحلاة الهيبه في يومَ الظهورِ
من تجيك انصاراهه مفي غيرك ثاراهه
***
يانحير الزودِ واحـــــــزامِ الثجيله
ياوريثَ الساداه ياشـــــــيخَ الكبيله
مافي عندك زله يا زين الخصـيله
انشــر ألواك بتباشــــــيرن عجيله
سدر وخلــهه ترف فوكك روايا يارعيد البركِ خطــــاف المنايا
من تضوي انواراهه مافي غيرك ثاراهه
***
والله محزنه وألم فكَــــــــدو مصيبه
شاب واينول الحتف بأرضن غريبه
ياوكادي اهــــلو علــــى نارن لهيبه
على القاسم امــــــو مهمومه ونحيبه
مات شابٍ من مظاليم السكَيفه كوم كله مذنبه وسوده الصحيفه
يا الله هدم داراهه مافي غيرك ثاراهه
***

ابو علي الركابي

وفاة القاسم ع ( غربه عايش)

عذبت روحي المصايب ياهو اشــــكيله واعاتب
غربه عايش كل حياتي امفارك اعزاز وحبايب
***

آيروحي عيشـــي غربه ماكو واهـــــس بالعمر
اتبدل اسمي الجان قاسم واجرعت مـــر الصبر
راح ابقه ابجي وانعـــــه ودمعي يتجــــاره جمر
حكي احزن جرحي يكبر دنيتي صـــارت كَـــبر
تاكل ابروحي المواجع مانشـــف ماي المدامع
اكبالي تتــــراوه وفاتي امفارك اعزاز وحبايب
***

صعبه صعبه العاش وكته ابلا عمام ولا اهـــل
ابعيد عنهم كلبه ضامـــي فاكد بروحـــه الامل
اشلون انامن ليلي حركَــه مثل المتانـــي الاجل
بكلبي شايل ضيم ديـــــره وهمـي اثكل من جبل
ركدت حيلي البواجي ياهو اشـــكيله واحاجي
داير اعليه مماتــــــي امفارك اعزاز وحبايب
***
وكتي منبر واقره مجـــــلس عالمشــــــو يوم الطبك
راسي شيب كلبي عطـــــب داوي نـــــار ومحترك
بعيني عاشر عطش صحره وصدر بس شابع سحك
اقمار تهوى اعله الوطيــــه وهيه آيــــات العشـــــك
حكي مانــــــــام الليالي بالي ماناســـي الغوالي
امن البجي يبست لهاتي امفارك اعزاز وحبايب
***
حكي انعه اليوم كلــــــه ويكسر بضلعي الألم
اضلوع جدي طاحـنيهه وفاري دلالــه السهم
وعمتي زينب آيزينـــب طاحت اعليـــه الخيم
فرهدوهه وســـــــلبوهه وجتفوهه اوي الحرم
عمتي ابيـــــــن العواذل من بعد عين ابو فاضل
امن الدمع نكعت عباتي امفارك اعزاز وحبايب
***
الغربه مره راح اموتن ايعن عمتي اعله الغرب
انه زلمه وموش مسـبي ولارحـــــت ذاك الدرب
ابلا خرايــــب بايت آنه ولامتن منــــي انضرب
لابناتي جتفــــــــــــوهه ولا على طاغــــي تطب
آيروحي اشـــكد عذابــج شيبتي انتي ابشــــــبابج
الموت اريدنه ابراضتي امفارك اعزاز وحبايب
****



ابو علي الركابي

عيـــــنك اعله روحك لجــــــمت جروحك
يحيدر يحيدر
ياعلــــــــي اشــــبديه وصـــــلت المـــنيه
يحيدر يحيدر
***

ياحيدر ارحــــم حالتك لاتبجي فـــدوه
ادري حزن كلبك جمر نار وتجــــــوه
يابعد روح ام الحســـن فركتنــه كَـــوه
ماطولت حيف انكضت عشرتنه حلوه

يابعــــــد حياتــــــي كربـــت وفاتــــــي
يحيدر يحيدر
دمعتك جـــــــــــريه وصـــــلت المـــنيه
يحيدر يحيدر
***

موهينه ياصيت الزلم ليــــث الحرايب
محني اشوفك منكسـر يغلـــى الحبايب
يالجنت شاب اشغيرك شو هسه شايب
حتى لحيتك شــــيبت مــــن المصايب

ســــــارح بخـــــيالك حزنك اعلـــه بالك
يحيدر يحيدر
بجمـــــــــرة الرزيه وصـــــلت المـــنيه
يحيدر يحيدر
***

كفكف دموعك ياعلــــــي شماتك اهــــــواي
محسن وضلعي فدوه الك واجروحي ودماي
شد حيلك اعله النايبـــــه ياقلعــــــة احماي
صبر اولادي لو متــــت وابنيتــــــــي هاي

عيـــــــنك اعله زينب اعليه تبقـى تنحب
يحيدر يحيدر
الفركَة الزجــــــــــيه وصـــــلت المـــنيه
يحيدر يحيدر
***

راح امشي واصبر يالولي حانت وفاتي
موتي بفركـــــــتك ياعلي موش بمماتي
حانت علامات الهجــــر خلصت حياتي
عينك على حسين وحسن واعلـه بناتي
حانـــــــــت المواجع بالأجـــــــل انازع
يحيدر يحيدر
كربــــــــــت العزيه وصـــــلت المـــنيه
يحيدر يحيدر
***
لاتكسر بكلب الحسن واحســـــين اخيه
تدريهم اعزاز اشكثر حــــــيدر عـليه
والله يعين ام الحــزن عكــــب الزجيه
زينب يتيمه وتنعصر كـــــــل مغربيه

ياعلــــــــــي هظيمه من تظـل يتـــــيمه
يحيدر يحيدر
تنعـــــــى كل مسيه وصـــــلت المـــنيه
يحيدر يحيدر
***

ابو علي الركابي

صعبه اليفارك له عزيز وغالي عالروح كل عمره مجروح
دافن حياته بالكبر ويه اليحبونه
***

من وكـــت شيبت منحني وحدبت عكب الزجيه
شو علي ابلاعلي بالحزن مبتلي عكب الزجيه
أنه الغريب ابلاوطــــن من بعد الاحباب
كلبي دفنته بالكـــــــبر غطـــــيته بتراب
يجرحني كلش وانلجم حتى الهوه الهاب
وانكسر حيل انهظم من جلمــــــة الباب
ميت ولاجني عدل وبكلبي بسمار مستعر بالنار
حيدر القالع خيبره ميت يشوفونه
***
بوجهي بان الكبر شيبت من زغــر سافر حبيبي
المغربيـــه انذبح حكَي من انجرح سافر حبيبي
تكتل الفاكـــــــد من تجيـــهه المغربيه
مكسو خاطر يبقــــى وعيونـــه جريه
واشلون بيه وآنه ودعــــــــت الزجيه
كل ساعه اموت وتاخذ بروحي المنيه
كل لحظه انازع بالاجل ويجرب الموت وكبالي تابوت
صورت علي اكبالي اصد جنهم يجفنونه
***
كسري ماينجــبر ودعيت العــــمر من ادفنتهه
حيلي كلهه انهدم ومرمراني الألم من ادفنتهه
شيعوض اعيون المشت بالدنيه كلهه
ام الحسن خير النســـا ومامش مثلهه
اظلمت داري وموحشه خالي محلهه
ماتنطب اتبجي الصخر شايل نزلهه
ليلي اخلصنه دمع لو مر عليه وين الزجيه
وصوت البواجي بالفلك كلهم يسمعونه
***
كوه اخفــي الدمع وانكســــر وانفجع ام بيتي راحت
امســــــح بدمعتي احجي وي شهكَتي أم بيتي راحت
جانت تعينك ياعلــــي ومات اليعينك
التحجيلـه همك واليواســـيك بونينك
طافي ضواهه واظلمت هسه سنينك
ظليت وحدك تصفك اتعصر بدينك
ياريت وياهه متت واتخلص السنين ويه ام الحسين
كون الدفنهم حيدره هسه يشوفونه
***
خنكَه احس الهوه بعيني ظلمه الضوه يهل المحنه
هم يعـــود الرحل ويرجع اعله الاهل يهل المحنه
الدافن حبيبه بالكبر جرحـه اشيروفه
صورة عزيزه ابكل كتر وجه يشوفه
لايكدر ولاينســـــــي وكلبــــه يعوفه
دوم اعله باله ويهلج باسمه وحروفه
وفاطمه الزهره بالكلب محفور اسمهه وكل روحي يمهه
روحي اوي فاطم بالكبر ياناس مدفونه
***

ابو علي الركابي

دكو الصدر بالجفوف اللاطمه
ضجه بحزن هالليالي الفاطمه
***

ضجه ودمـــــع والمجالس عامره
نوح وبجــــــي للنفوس الحاضره
نشتم حرك باب بيـــــت الطاهره
ضلع وصدر ويلي جنهه امكسره
حركه وجرح والنفوس املجمه ضجه بحزن هالليالي الفاطمه
***

دكو الصدر والرثـــــاء انرتله
شدو العزم وانتو اهل المرجله
ضجه وحزن والعزاء انزلزله
نوح ودمـــع جن ليالـــي كربله
كون السنه كلهه تبقى امحزمه ضجه بحزن هالليالي الفاطمه
***

كون العزه اكثر يصـــير السنه
شدت حزم هالشـــباب امسرفنه
هاي الخدم والحشود المؤمـــنه
رب العرش هالعــــــزاء ايأبنه
اكثر بعد والمجالس قائــــــمه ضجه بحزن هالليالي الفاطمه
***

كون بحزن ازيد ايصــــير اللطم
زينب تره بهالليالـــــي تنهــــظم
من الزغـر راحت اتضوك اليتم
وام الخدر عالزجـــــــــيه تنلجم
ونه ولطم هالمآتم دايـــــــــــــمه ضجه بحزن هالليالي الفاطمه
***
شال ورحل عن الحسـين وحسن
مات الدفو هسه غربه ابلا وطن
حضن الورد ليش بالرمله سكن
دم وجمر اعيون ابو اليمه بجن
اليوم الخدم كلــــهه جنهه اميتمه ضجه بحزن هالليالي الفاطمه
***



ابو علي الركابي

دارج خليــــه ومظلمه يم المحنه عفتينه ليش ومن وكت يابعد اهلنه
زينب تراني والهم لفاني
دارج خليه
***

يم الدار عفتــي الدار ناويته الســـفر لاوين
بعدني بعازتج تدرين يم الحســن يم حسين
جنتي خيميتــي ظلي يابعد النظــر والعين
معقوله يعمر اورود ماصدك انه اتموتين
افتر ييمه الوحدي ماينطب البيت مشتاكَه الج يم الحسن يحبيبه حنيت
فكَدج جواني والهم لفاني
دارج خليه
***

يمنوره بضــواج الدار وحشه وظلمه اصد ليهه
ياحضن الدفو البالبيت هســـــه الحزن غاطيهه
يبجي كل كتر بيـــــهه جن شـــــــــالت اهاليهه
يلــي امفاركــه الوليان تنعــــه اعليـــج تدريهه
تبجي عليج وتنتحب حتى الحياطين ازغيره وبعدني بعازتج يافتشة العين
جرحج رماني والهم لفاني
دارج خليه
***
بعدني بعازتـــــــــج تدرين لو مــــر الهظم بيه
لو جار الدهــــــــــر والبين تجايــــه وســـند ليه
تعينيني اعله ضيمي الجاي لوصار السبي اعليه
لوشح اليطفــــــــــــي النار عن اخــــــيام علويه
لوصارت ارماد الخيم واحنه سبايه ماعندي زلمه ولا اخو وابلا حمايه
يابس لساني والهم لفاني
دارج خليه
***
اطلبج لوشفت بالكَــــــاع قرآن الســــمه امطشر
اندبج لوشفت مـــــــذبوح عزيزج عالـثره اموذر
اصيحج لوشفت عطشان حزو من كفـــه المنحر
افزعج لوشـــفت عريان طحنو صدره واتكسر
لوسحكت الظل عالرمل خيل اعوجيه اندب واصيحن فاطمه يمه الزجيه
مات الحماني والهم لفاني
دارج خليه
***
اريدج كون يمــي اهناك باجر لو صعدت النوك
فاتحتـــي على الخـــوان انصبهه بكلب محروك
امباوك بالبجـي وبهداي سكته والصـدر مخنوك
تعالي يم حســـن ناديت بيديه الحــــبل مشبوك
ابنيتج سبيه اعله الهزل يسعر جمرهه ذاك الوكت يم الحسن حضري يسرهه
غايب اماني والهم لفاني
دارج خليه
***



ابو علي الركابي

خدمتج خدمتج ناخذ البشاره
خدمتج خدمتج اعظم تجاره
***

فاطمه الزهره بحبج البشـــــرى يوم القيــــامه
خدمتج جـــــنه وليها نتعــــــــنه هيــبه وكرامه
عشنه هالنعمه وشفنه هالرحمه خــير وسلامه
بيها شـــــرفنه الله وفــــــــــقنه الهاي الخدامه
باللطم باللطم نكتب عباره خدمتج خدمتج اعظم تجاره
***

اسمج احروفه معجزه انشوفه حاضر شددنه
لوتضايكَـــــنه ولو تمرضــنه بس انتي عدنه
انتي ملجـــأنه وانتي مفزعنه وحبــــج مددنه
نهتف بعــــبره بعالـــي النبره فاطــــم سندنه
تلتجي تلتجي بيج الحياره خدمتج خدمتج اعظم تجاره
***

فاطمه انتي امنه جن نحس يمنه متفاركَــــينه
قربج انحســـــه وعطفج أنلمسه يمنـه الحنينه
ياغصن شــجره فيج اشــــــكبره كاسـر علينه
نركع ونســــجد نشكر ونحـــمد مدينــه ادينه
للعلي للعلي بليله ونهاره خدمتج خدمتج اعظم تجاره
***

صرنه خدامج نحيــــي ايامج هــــاي الليالي
نعرف ونعـلم بيها نتوســــم تاج المعـــالي
لامنتملـــــمل بكل جهد نعمل لأجل الغوالي
نلطم وننحب اشما بعد نتعب لامـــــا نبالي
كل محب كل محب ماخذ قراره خدمتج خدمتج اعظم تجاره
***

بمجلسج راحه وتلتم اجراحه الحاضر عزيه
بدمعته ايساهم يشــعر الخادم حامــل قضيه
كل زمن يقره بالكلب جمره آيالزجـــــــيه
كل محب دمعه يشبه الشمعه لأجــل الرزيه
فاطمه فاطمه دمعه ايتجاره خدمتج خدمتج اعظم تجاره
***

ابو علي الركابي

حيـدر يودع الزهـــره ونار الكلـــــــب متوجره
بين الحياه بين الموت واكف علي اعله التابوت
حيدر يودع الزهره
***

علي شال الجنازه وكَــــلبه ممرود
راح الليله يدفن عمــــــــر الورود
كلب حيدر وكــــف يم باب اللحود
مشت روحه وجسد بالدنيه موجود
ميت وشــــــــال اجنازه حيدر يودع اعـــزازه
كلبه انترس بس اجروح عايش حياته ابلا روح
حيدر يودع الزهره
***
يحاجي الزهره وايسولف عليهه
ميته ولاكـــــــن اشتاك الحجيهه
من خلف الجفن يســــــمع نعيهه
تكلهه ياعلي البضـــــعه اشبديهه
ادفنــــي وهيل التربان واقره اعله كبري القرآن
يابو المحنــه الله اوياك ويوم القيامــــــــه اتلكاك
حيدر يودع الزهره
***
بلل بالدمــــــــــــع كبر الزجيه
ظل يقره علــــــي بذيج المسيه
كصر عمره علي حامي الحميه
اهواي وصعبه ماذيتـــه الرزيه
منهو اليعين الكرار يم الكبـــر ظل محتار
ضاكت الدنيه بعينه يفلش الصخور اونينه
حيدر يودع الزهره
***
علي ابين الالــــم بين المصيبه
فلايشبع ولايســـــــــكت نحيبه
صعب للفـــــارك واودع حبيبه
روحه ابلا وطن تصبح غريبه
غابت شمســـهه ايامه ماتت يحيف احلامه
بين المواجع مسجون وسط المكابر مدفون
حيدر يودع الزهره
***
جبيره امصيبته حيدر جبيره
يحس بدنيته صارت زغيره
راحت للكبر اغلـــــى اميره
وظلت روحه بالدمعه اسيره
كلب الامـــــير اتفطر شايب وشــــــكله اتغير
طايح وحيلــــه اتهدم واعيونه تنزف بس دم
حيدر يودع الزهره
***

ابو علي الركابي

باجر امشي واخفي نعشي باجر امشي
ذبلت اوراق السنين راح اموتن يالحنين
باجر امشي
***

ياعلـــــــــي الله اليعينك الله اليصـــــــــبر ونينك كصرت اهوايه سنينك ادري والله
شبيدي ياروحي وحبيبي من وكت شو شح نصيبي ومابعد ينفـــــــع طبيبي ادري والله
ياعلي بزهــــــرة حياتك باجر اتحــــــــــل نايباتك وترتحل كـــــل امنياتك ادري والله
باكت انفاســـــــي المنيه ياعلي اشــــــــبيد الزجيه ينشلع كلــــــــــبك عليه ادري والله
يابو زينب كافي تنحب يابو زينب
لاتزيدلي الونين راح اموتن يالحنين
باجر امشي
***

خلصت ابســـاع الليالي سالفه ادور اعله بالي بعد ماشــــوفك يغالي يابو زينب
الموت ارحم من فركتك والله اشتاك العشــرتك يامحنتــــي ويامحنتك يابو زينب
كلشي ماشفنه بعمـــرنه ليش فاركَـــنه دهرنه بعد شــــيطفي جمرنه يابو زينب
راحت اتزيد المصايب وتهجم اعليك النوايب تنفجع باغلى الحبايب يابو زينب
اصبر اصبر قادم المر اصبر اصبر
وانته حبل الله المتين راح اموتن يالحنين
باجر امشي
***
لومتت عندي وصـــــيه ياعلي حامـــي الحميه خلهن اثيابــي عليه آيغالي
خلهن اعليـــــــــه ثيابي ادري ماتحــمل عذابي خافن اتموت المصابي آيغالي
ما اريد الجمك جروحك ولا اريد اجويه روحك تنمرد ياذينـــــي نوحك آيغالي
من رحت فدوه العيونك من تغسلني اعله هونك خافن ايشــــيبن جفونك آيغالي
يكتلك الهم عالتهشم يكتلك الهم
عالضلع كلبك حزين راح اموتن يالحنين
باجر امشي
***
ارد اودع ريـــــع كلبي لأن راح يطـــول دربي عيني صوب اولادي تربي خلي اشمهم
كبل مجنازتي تمشـــي وكبل لاينشـــــال نعشي وكبل لايتنتــــــــهي كلشي خلي اشمهم
ياعلي هــــــذا الاريده اطرح اجنازتــــي بهيده ســـفرتي كلــــــش بعيده خلي اشمهم
ينجبر ويطيب كســري خله اضمنهم الصدري همه روحي وهمه عمري خلي اشمهم
راح اروحن وابقى انوحن راح اروحن
ويلي عالمتــــــيتــمين راح اموتن يالحنين
باجر امشي
***
بليل نعشــــــي لوحملته واخفي كبري لوحفــرته كلهه خفيه وكلهه سكته شهالظليمه
لا اسم فوكــــي وحجاره لادليل ولا مـــــــــــناره لاصحن وبـــلا زياره شهالظليمه
الله بكتابـــــــــــــه لعنهم غاضبه وما ارضه عنهم ربي ياخذ حكَــي منهم شهالظليمه
باجر الغايب أملنــــــــه ياخذ بثارات اهلنـــــــــه ايصيـح ياذنب العملنه شهالظليمه
ادري باجر المهدي حاضر ادري باجر
ننطر الحق المبين راح اموتن يالحنين
باجر امشي
***


ابو علي الركابي

الله يعينك ياكَلــــــــــــب دافــن حياتك
اباب الكبر وي ام حسن حانت وفاتك
ناصب عزيه كل مغربيه
الله يعينك
***
الله ايساعــده ابياحــــال الدافن بيده اعـــــز ناسه
امبينه مشيته مهظــــوم وكَلبـه امشـــــيب وراسه
تسولف دمعة اعيــــونه جرحه وشـــــهكَت انفاسه
سارح باله بالاحــــزان وناصــب فاتحه احساسه
الدافن عزيزه ايبين ابوجه انكساره ماينسه يبقى بكل وكت دمعه يتجاره
عيني جريه كل مغربيه
الله يعينك
***
أنه ابكَد ما ألـــــــم متروس مجلس ناصـــبه اشكبره
تكضي فاتحــــــــه وانوب انصب فاتحــــــه واقره
ابات وأكعد اعلـــــه النوح عبره امجلبــــــه ابعبره
نهار ابلاشمس ظلـــــــيت راحــت فاطمه الزهره
كون الله ياخذلي العمر وي الاودهم حز الكَلب سيف الهجر يذبح فكَدهم
جرح وزيه كل مغربيه
الله يعينك
***
اشلون ايمر عليـــــــه الليل وام حســـــــــين مدفونه
حرام النوم شاف العـــــين وحيـدر طــبكت اجفونه
مثل المـــــــــــــيت بتابوت روحي وشابحه اعـيونه
صحرى وعايش ابلا ماي الينشــد حالـــــي اشلونه
راحت سلوتي امن النبي ظل بيتي خالي شيصبره كَلبي اللي فكَد اغله الغوالي
تلفي المنيه كل مغربيه
الله يعينك
***
اسولف وي حلمه الضاع عن ايامنه الراحت
ماترجع بعد وتعــــــــــود زهرة بيتكـــم ماتت
شالت ديرة الطيبـــــــــين وام العافيــه انباكَت
شكل لأطفالي اليســـألون وغيبت امهم الطالت
كسرو دليلي وخاطري والله اليتامه الجانت عليهم فاطمه مثل الحمامه
خيمه الزجيه كل مغربيه
الله يعينك
***
شيعوض حـــــــنان الأم في لعيالــــهه ورحمه
بيت ابلا حضــــن دافـي وحشــه وشالت النعمه
ماترجع بعـــــــد هيهات ويه ام بيتنـــــــــه اللمه
حكهه العين عكب الراح ينكــــف شوفهه وتعمه
وآنه البقيت ابلا وطن وابلا حبايب راحت اعز ناسي ومشت حدر الترايب
اعصر بديه كل مغربيه
الله يعينك
***


ابو علي الركابي

الامام علي بعد فقد الزهراء (شسولف عن فكَدهه)

اصيحن من زماني تركني وحدي اعاني
اخذ منـــي زهرتي ذبحنــــي ومرمراني
جمـر نار بديلــــــي حصــرتي وياعويلي
شسولف عن فكدهه بحزن دهـــري ولاني
***

اوي كلبي اهواي اسولف عن فكد روحي
تعبنـــــــــي الهجر والهم جوى اجروحي
حكَــــــي ما يهـــــــــــود ما يخف نوحي
بعد اللي تركنـــــــــي امهدمه اصروحي
اليعيش ابلاحبيبه تغطـيه المصيبه يحس خلصت حياته تظل روحه غريبه
وأنه الفاكد حناني ولايرجع واتاني شسولف عن فكدهه بحزن دهري ولاني
***

جنــــه ابيت واحــــــــــــد وابأمان الله
وطير الحـــب علينه بكل وكت صلى
حيف البين اجانــــــــه وكلشي ماخله
وهسه الدار وحشـــه وكلبــــي يتكلى
مشت زهرة حياتي وخذت كل امنياتي علي ظل وحده يبجي اصارع وي مماتي
المشه عنـه اشيرده بعد شنهو اليفـــيده شسولف عن فكدهه بحزن دهري ولاني
***

اليفكدلــــــــه عزيز ويدري مايرجع
كلبه ايظل عليــــــه ايلــــوج يتكطع
على الحيطان صورة وجه اله تطلع
اشصاير بعده سولف حالــته المدمع
تسولفله المـــــــدامع حنت ظهري المواجع يغايب شـــــيبتني واحس روحي تنازع
وانه ام بيتي الزجيه ادفنته ابذنـــــــي اديه شسولف عن فكده بحزن دهري ولاني
***

انترست شيب بيضه صارت ألحــيتي
حكَـــــــــي شيبت من شالت ام بــيتي
نفسي كوه اســـــــحبه امغرز بــريتي
راح الحـــــــيل راحت مني عافــيتي
كسر كلبي كسرهه هدم حيلي هجرهه اموت ابلايا فاطم خذو وردة عمرهه
اشيســــليني بعدهه بعد منهو اليردهه شسولف عن فكده بحزن دهري ولاني
***

قالــــــع باب خيبر جم حصــــن رجه
وجم فارس شجاع بالحــــــــــرب بجه
هسه ايدي اعله ظهري امشي واتوجى
لاميت واموت ولاحــــــــــــياة ارجى
اليودع منه غالي مجانه يبقى خالي يريد وياه يمشــي يمـــــــوت ومايبالي
شيسد خلة مجانه معزتــه وياحنانه شسولف عن فكده بحزن دهري ولاني
***

يحس ابحجي حيل الفاكــــد اعزازه
اعز انسان عنده ميــــــــت اجنازه
الجان بدنيتي صــــــــايرله عكازه
ويفزعله ويعينــــــــه بيوم الموازه
يزهره انصب فواتح تظل باسمج نوايح مجالس والمـــــآتم دمع من عيني سايح
علي بروحه الحزينه يحس كصرت سنينه شسولف عن فكده بحزن دهري ولاني
***


ابو علي الركابي

النصر الله بواجينه وللمهدي تعازينه

***

بدمعة الفاكد عزيزه اليوم نقره التعزيه
عالشهيد الراح منـه وبجنوب الضاحيه
روحه للباري تعلت مطمــئنه وراضيه
وظلت أكلوب التحبه بالمواجـــع ناعيه
ماتخلص نعاوينه وللمهدي تعازينه
***

حسن نصر الله المقاتل ياوسـف من ينغدر
جان ساتر بالمصاعب صعب والله ينكسر
مايبالي الموت لحظه وللشــــــهاده ينتظر
اشلون مثله ياحسافه عيونه تنطم بالكبر
وايجدد مآسينه وللمهدي تعازينه
***

ياخسارتنه الجـــــبيره كالها ســـــيد علي
النجف والدنيا تبجي همنه لا ماينجلي
المؤمن الصالح لزوماً بالمصـايب يبتلي
الله يتغمده الرحــــــمه وبجنانـــــه يعتلي
بالدمعات ونينه وللمهدي تعازينه
***

حيل هد حيل الموالــي هالخبــــــــر ماينحمل
واحد من الساده طايح امصاب كلش موسهل
ذكرانه بيوم عاشـــــر والمخيــــــــم والهزل
آخ ياذيج المصيبــــــه الشاب من عدها الطفل
فوك الصدر دكينه وللمهدي تعازينه
***

انريد من سيف ابو صالح ثارنه كـــون بعجل
بعد مانصبر نكلــــــــــــه وانته بس انته الامل
جم ضلع جـــم ثار عندك جم شــهيد الي انكتل
شتنتظر خلص كلبنــــــه امساهر ونوح وعلل
دمعة شوك هلينه وللمهدي تعازينه
***








ابو علي الركابي

نعي للاستشهاد السيد حسن نصر الله
***

كسرت اظهورنه ياســــــيد الليله
وعليك الشعي يبجـي ونهدم حيله
امصابك كلف كلش وجب نبجيله
بنعاوي الفاكَــــــده هاليوم ننعيله
***

خسارتنه الجبيره حســـــن نصر الله
افراك بالكلب جم من جــــــرح خله
شيصبر بجينه ياحســـــــــــــن بالله
اسم الله اعليك من الفاجعه اسم الله
***

افراكك موش هين بالكَــلب جمره
وخليت اليحبك ينــــــــوح بالعبره
هاكد المعزه وفكـــــــــدك اشكبره
يبن حيدر علي والطاهره الزهره
***

لوعنه مصابك حـــــــيل سيدنه
وبيوم العطش والذبــــح ذكرنه
مامثل الغريب الضامــي ألمنه
ويوميه المصابه انقيم مجلسنه
***

اه اعله الذبيـــــــح الماشرب مايه
وراحت كل خواتـه وعيلته اسبايه
وطاحت على الشاطي للكمر رايه
والشبان فوك الرمـــــــــــل دمايه
***

آخ اعله الغريب المـــرده الحافر
آخ اعله السليب الطـــاح بالعاشر
ثلث تيام عاري ومالــــــه ناصر
ماكو امصاب مثله ولاابد صاير
***

ابو علي الركابي

من جرح الخيام (المهدي والعسكري) ع

من جرح الخيام كل كَلـــبك آلام
يالحاضر امصاب الحسن يالمهدي تاذيك المحن
كل كلبك آلام
***
الله يعينك عالحـــــــــزن واعله المصايب
يوميه كلبك منجـــــرح مــــــن النوايب
دنياك تتخير صــــــفت باغلــى الحبايب
شي بالذبح شي بالعطش شـــي بالخرايب
يوميه مفجوع واتهل الدموع
ياخاتم اجروح الزمن يالمهدي تاذيك المحن
كل كلبك آلام
***

هاليوم كلبــك من يون ونتــــــه ثجيله
والدك مسموم انجــتل واعلـــن رحيله
شيعوه لأرض المكبره وانتـــه التشيله
واتراب لحده ســــيدي بيــــدك تهيله
شيعته هاليوم واتطيح واتكوم
ولفيت جسمه بالجفن يالمهدي تاذيك المحن
كل كلبك آلام
***
بسامره كاعد تنتحــــب عينك جريه
ياوحشه والله وياحــزن هــاي المسيه
بالك سرح منك مشـــه بدمــع العـزيه
تذكر امصايب امـــــس بالغاضــريه
مسلوبه الاجساد خيمــــاتك ارماد
وادموعك بحركه جرن يالمهدي تاذيك المحن
كل كلبك آلام
***
تبجي وكعدت اعله الترب يــم المكابر
العسكري امصابه كلف يدمـي النواظر
بس صدره سالم ما وكع حـدر الحوافر
وماكسرت اخته بهظم كـــــل الخواطر
مسبيه عالنوك واطب على السوك
من جتفــو كل الضعن يالمهدي تاذيك المحن
كل كلبك آلام
***
ماعطش ريج العسكري بساعة وفاته
وماسلبوه اعمامتــــه و هدمه وعباته
ومافرهدو بيته وسبو كلـــــــهن بناته
ومارجبو فوك الهزل كَــــــوه خواته
راحن سبايه وابلايه رايه
متغربات امن الوطن يالمهدي تاذيك المحن
كل كلبك آلام
***



ابو علي الركابي

(كعديه)
خل نحضر نواسي بهالمسيه اليوم المنتظر ناصب عزيه
كلنه نوكف اوياه والدمعه جريه
***

وينهه أهل الخدامـــــــه وينهه اصحاب المواكب
وينهه التحضر مجالـس دوم تحييــهه المصايب
وتبجي لأهل البيت تنعه والكَلب من عدهه ذايب
اليوم الامـــــــام المنتظر المجلس ابوه لابد حضر
مهموم والظــــهر انكسر حاضر بهالمــاتم الغايب
دمعنه واللطم هالليله يبدي هاي الفاتحه الوالد المهدي
ننعه العسكري آه والدمعه جريه
***

انروح لازم كلنه نمشي هذا ابو المهـدي استشهد
شي اكيد اليوم ناصـــب مجلس الروح ابو محمد
وناخذ الناعــــــي اويانه ونقره عالجــــــبد التمرد
واعيونه الهمـــهم بجن عالعسكري وذيج المحن
الله يعـــين ابن الحسن لابس اعله الوالــد اسود
يحضر مجلسه وهاي الفواتح يسلم عاليجي المهدي ابو صالح
يمسح بيده مبجاه والدمعه جريه
***
الليله بالمجلس الليلــــــه ابكل يقين المهدي يمنه
واكف اويانـــه ويشارك نوحنه وهمـــــنه وألمنه
هناك ذاكه اهناك يبجي يعلم الجـــــرح اللجمنه
اوي الناعي يقره ويستمع و اعيونه تتكاطر دمع
فاتحته وايدك عالضــــلع اموحد اويانـــه بلطمنه
يم الباب واكف جن نشوفه حيل اعله الصدر تلطم جفوفه
يبجي بويه ويلاه والدمعه جريه
***
امن الدمع نكعت عباته ايصيح اعد كل بيت نقره
يكول ابوي الراح منــي بعده بالعشـــــرين عمره
اتيتمت وبزغر ســـــني وجرحـي مايضمد ويبره
ويكول هسه ابمحضري اقرو بثـــــواب العسكري
وخلوني اغرك ناظري نذكر السحكَولـــه صدره
ابيات النعي نهدي بثوابه من نذكر الســـــلبو ثيابه
حسين الليله ننعاه والدمعه جريه
****
ايريدنه انعرج ونقره عالعطش واليبس ريجه
الذبحو اطفاله واخوته وبالخيم شبو حريجه
الصاربس الألم والهم والحزن بالطف رفيجه
ذاك الوكــع يوم العطش المات وأبد ماصح نعش
واصعب بعد ليل اهدعش الأجله شك المحب زيجه
زينب عالهزل تمشي يسيره اخت حسين والساده الجبيره
اتصيح أحاه وأحاه والدمعه جريه
***
انكَله يالمهدي ابو صالح بهالصحن مدينه ادينه
احفظ الســــــيد المرجع علي السيستاني اولينه
من عمرنه وعلى عمره وطول بفيــــــه علينه
وانصر ولدنه البالحشد أليوث الوغى يوم التهد
واليوم جيتك تســـــتعد تتتنطر الساعة التجينه
حشد الله القسم بأبن ابو طالب كلهه اتصير انصارك يغايب
هذا القسم والله والدمعه جريه
****


ابو علي الركابي

الليله اوي المواكب تلطم الزهره
عينوها الحزينـــــه بنوح وبعبره
***
الليله اوي المجالس حاضره البضعه
بشيلته الزجيه تمســـــــــــــح الدمعه
ماذيه مصاب العســـــــكري وضعه
يهل النوح كثرو النوح والحســـــره
***
وين اهل المجالس والحســـــينيات
وين التخدم ام حســـــــين بالهيئات
اتريد ام الحسن هالليلــــه لطميات
توصل للغريـــــب بأرض سامره
***
وين اللي ابد ماملــــــــت الخدمه
وماعافت طريق الخــير والنعمه
تحيون العزاء بغــــــيره وبهمه
خل انعين كَلب الطاهـــره الحره
***
كون الليله نجبر خاطر ام حسين
انساعدها ونهل وياهه دمع العين
راح ألها العزيز ومـــايرده البين
يوميه بعزيز الروح منكســــره
***
الله ايعينها شافت قصــص واهموم
من مسموم والمظلـــوم والمسموم
كل ساعه بحنين الكلب ظل ملجوم
من يوم الحصل بالباب والعصره
***
تحضر بالمآتم للنعـــــــي تســــــمع
كون اوي القصــــــيده القافيه تدمع
كون ايعرج الذاكَـــــه الذي اتكطع
عطشان وتكسر بالســـحك صدره
***
ذاك اللي ابحوافــــــــر مردو لحمه
وفاض اعله الرمل يوم الطبك دمه
شيخ الساده طايــــــــح سلبو هدمه
من ثكل الحوافر منطحــــن ظهره
***


ابو علي الركابي

ماكو مثل الغاضريه (العسكري والمهدي)ع

يابو صالح نوح لمصاب العطش
غربه وابلا خيم ليل اهدعش
بويه لاتبجي عليه ماكو مثل الغاضريه
***

يابو صالح ادري حكهــن واعذر ادمــــوع الجرن
ادكول ابوي الراح منــي اشكد صعب فكد الحسن
تبجي لأجلي اينوح كلبك داوي بجــــروح المحن
ادكول بويه باجر ابقـــه بغربه وابلايـــــا وطن

حكك انته ماشي ابوك ومايرد
ايعينك الله لمن اتشوف اللحد
ايعينك لله بهالمسيه ماكو مثل الغاضريه
***

يابو صالح انته يمـــي موش ميـــت بالغرب
جسمي سالم مامجرح لامــــــــوذر عالترب
بيتي ماطايح عليـــــه وماكو بيه نار التشب
لاصوارم فوك منـــي لاخـــــيول ولاحرب

امصاب ابوك العسكري خلف جرح
لجن مو مثل الذي بسيف انذبح
طاح ضامي اعله الوطيه ماكو مثل الغاضريه
***

آنه بالفي هسه روحي موش نايـــم بالشمس
دايرين الاهل يمـــي وراحـت اتودع النفس
بس الحسين بصحاري طايح وفوكه الرفس
شابجه اسهام وصوارم جسمه كله منترس

صدره من ثكل الحوافر منطحن
وكلب زينب عمتك ظل ممتحن
وشكبر هاي الرزيه ماكو مثل الغاضريه
***

آنه مامنهوب بيتي وحركو اخيامي الظهر
آنه ماراحن خواتــــــي يابو صالح لليسر
عالهزل تمشي سبايه ويه شمات اشكثر
وآنه ماباتن بناتــــي ابلا افيــاي ولاستر

بالخرايب بويه يالمهدي تبات
وهنه علويات بويـــــه امخدرات
زحمه زينبنه سبيه ماكو مثل الغاضريه
***

بويه خلي عينك يمهدي لبو اليمه ساجبه
وكل صباح وكل مسيه يابو صالح نادبه
ماكو مثل اجروح جدك والمصيبه الراتبه
انته تاخذ ثاره باجـــــر والتعـــده اتحاسبه

جمرة الثارات بالحركه تفور
تظهر بأخر زمن للحك تثور
اتصيح وادموعك جريه ماكو مثل الغاضريه
***

ابو علي الركابي

شال الضوه ونور النور ظلمه الارض خلاها
***

شال الملاك وغمضاها اعيـــــــــونه
ظلمه الارض لمن طبكـــــها اجفونه
وكل اهل بيته كامـــــــــــــو ينادونه
ريض يبو الزهره ارجوك شوف الاهل مبجاها
***

غمضت عيون الهادي فاضت روحه
ويمه علــــــي يبجــــي ويون بنوحه
كثرت عليــه امن المصاب اجروحه
وام الحسن بالدمعات مابطلت عيناها
***

بحضن ابو الحمله الهادي وسد راسه
حانت وفاته وخلصـــــــــــاهه انفاسه
الله يعين احبابــــــــــــــه والله وناسه
بعدك العتره بياحال ضيم الدهر يولاها
***

الله يعين ام الحســـــــــــــن هالليله
همها والمها والحـــــــــزن تحجيله
اشيجري عليه امن الظلـــم تشكيله
لومشه اتزيد الالام وتكثر بعد بلواها
***

طاح الحسن يم جده ويجر حســــره
شابك عليه وينعه حاضــــن صدره
لكثر البواجي عينه صارت حمـــره
اتمدد بكتره ومهموم وصرخة حزن علاها
***

واليكسر الخاطر بصـــــوته الينعه
يم جدم جـــــده حسين يذرف دمعه
محني الظهر بجفوفه لازم ضــلعه
روحك يكله بهاليوم ريت ارتحل وياها
***



ابو علي الركابي