နရီမိုး

ဖြစ်စေချင်တာ ကြာလှပြီ။ ကရင်ဂွင်မှာ ရန်သူက ဖိုးဝီးနဲ့ သွားနေချိန် ကိုယ်က ဖောကားနဲ့ စစ်ချီနေချင်တုန်း။ ခြင်းကျား လွယ်ပြီး နယ်မြေရှင်းခိုင်းတာကို လှုပ်ရှားဆိုပြီး ခေါင်းစဉ် တပ်ချင်နေတုန်း။ ဒီဘက်ခေတ် တပ်မတော်ခေါင်းဆောင်တွေရဲ့ အတွေးအခေါ်ဟာ လက်တွေ့ဆန်ပြီး ရန်သူထက် ခေတ်မီ နေဖို့ လိုတာ အမှန်ပဲ။

ခု Video မှာ သုံးသွားတဲ့ကားတွေကြောင့် ချီစစ်မှာ Mobility မြင့်လာတယ်။ ဒရုန်းကို ယှဉ်သုံးလာနိုင်တော့ အကဲကြည့်ကအစ ဗုံးသီးချတဲ့အဆုံး အကုန်လုံးက အသာစီးချည်းပဲ။ လုပ်စမ်းပါ အဲလိုမျိုးတွေ။ ကြည့်ရတာကိုက ဘယ်လောက် အရသာ ရှိလိုက်သလဲ။


(နရီမိုး)

MMQR ဘယ်လို အရေးကြီးသလဲ

မနေ့က ဝန်ကြီးချုပ် ကိုယ်တိုင်တက်ရောက်ပြီး ဖွင့်ပေးခဲ့တဲ့ မြန်မာ့ကြူအာ (MMQR) စနစ်က နိုင်ငံတော်အတွက် သိပ်ကို အရေးကြီးတယ်။ ဒီဂျစ်တယ် ငွေကြေး အစားထိုး ဖြစ်တဲ့အတွက် ပိုပြီး လုပ်ငန်းတွင်ကျယ်ဖို့လိုတယ်။ တနည်းအားဖြင့် အသားကျဖို့လည်း လိုတယ်။

တကယ်တော့ ဒီစနစ်သာ ကောင်းကောင်း တွင်ကျယ်ခဲ့ရင် တခြား Mobile Pay စနစ်လိုပဲ အသုံးတည့်လာလိမ့်မယ်။ နိုင်ငံတော်အတွက်လည်း ဝန်ထမ်းတွေရဲ့ လစာစာရိတ်တွေကိုပါ သုံးလာနိုင်ရင် အပြင်မှာ ပိုကိဆံ ကိုင်သုံးရတဲ့ စနစ် နည်းပါးလာလိမ့်မယ်။ လက်ရှိ နိုင်ငံတကာမှာလည်း ဒီနေ့ခေတ်မှာ ပိုက်ဆံ ကိုင်သုံးတာ မရှိသလောက် ဖြစ်နေတဲ့ အချိန် ဒီစနစ်က အပြောင်းသင့်ဆုံး၊ အကိုက်ညီဆုံးလို့ ‌ဆိုရမယ်။ နိုင်ငံတော်အတွက် နှစ်စဉ် ပိုက်ဆံ အရွက် အဟောင်း၊ အပြဲ တွေကို လဲပေးရတဲ့ နစ်နာမှုတွေကိုပါ သက်သာ သွားစေနိုင်တယ်။

တကယ်တော့ အခမ်းအနားက ခုမှ ဖွင့်လှစ်တယ်ဆိုပေမယ့် ဥပဒေအရတော့ ၂၀၂၄ ခုနှစ်၊ ဇွန်လ ၁၀ ရက်နေ့ကတည်းက ဒီဂျစ်တယ်ငွေ ကြေးနှင့်ဒီဂျစ်တယ်ငွေပေးချမှု တွေကိုသာ အသုံးပြုဖို့ ဗဟိုဘဏ်က အမိန့်တစ်ရပ် ထုတ်ပြန်ခဲ့ပြီးသား ဖြစ်တယ်။ ဒီစနစ်မှာ ပမာဏကြီးမားတဲ့ ငွေပေးချေမှု တွေအတွက် CBM-NET System RTGS စနစ်၊ ပမာဏသေးတဲ့ ပေးချေမှု‌ တွေအတွက် CBM-System ACH စနစ် ၊ QR အသုံးပြုငွေပေးချေမှု တွေ အတွက် Digital Payment Switch နဲ့လည်း အသုံးပြုနိုင်တော့ ပြည်သူတွေအတွက် လုပ်ငန်းအသေးသုံး ကနေ လုပ်ငန်းကြီး အထိ သုံးနိုင်တဲ့ သဘော သကိရောက်တယ်။


တစ်ခုကောင်းတာက ဒီစနစ်သာ အလုပ်ဖြစ်ခဲ့ရင် ငွေသား ကိုင်ရတဲ့ ဒုက္ခ ကင်းဝေးသွားမယ့် အချက်ပဲ။ နိုင်ငံတော်ဘက်ကလည်း နိုင်ငံ့ဝန်ထမ်း တွေ အတွက် လစာပေး တာတွေ၊ ပင်စင် ထုတ်ပေး တာတွေ‌မှာ သုံးနိုင်သလို ပြည်သူတွေဘက်ကလည်း မီတာခ ပေးသွင်းချိန်တွေမှာ အပြန်အလှန် အသုံးပြူလာနိုင်မှာ ဖြစ်တယ်။ တကယ်တော့ ဒီစနစ်က ကောင်းတယ်။ ထိထိရောက်ရောက်သာ လုပ်နိုင်ရင် အဂတိတွေလည်း နည်းပါးသွားနိုင်အောင်ကြပ်မတ်လို့ရတာလည်း တွေ့ရတယ်။ ဥပမာ ယာဉ်ထိန်းရဲ တွေနဲ့ ဝန်ကြီးဌာနအချို့ရဲ့ လုပ်ငန်းတွေမှာ ဒီစနစ်က ကောင်းကောင်း အကောင်အထည် ဖော်သင့်တယ်။


ဆိုပါစို့။ ပြည်သူ တယောက်က အမြန်လမ်းကို သတ်မှတ် မိုင်နှုန်း ကျော်ပြီး မောင်းမိတယ်ဆိုပါစို့။ ယာဉ်ထိန်းတစ်ယောက် ဝတ္တရားက ယာဉ်ကို ဖမ်းဖို့ပဲ တာဝန်ရှိတယ်။ နောက်ဆက်တွဲ တရားရုံး ကိစ္စတွေကို ဥပဒေ ပြင်ပေးသင့်သလို ဒဏ်ငွေနဲ့ ပတ်သက်ရင်လည်း နိုင်ငံတော်က သတ်မှတ်ထားတဲ့ ယာဉ်စည်းကမ်းဖောက်ဖျက်မှု အကောင့်တခုကို ပြည်သူက တိုက်ရိုက်ငွေပေးချေတဲ့ စနစ်မျိုး ပြောင်းသင့်တယ်။ ခါးပတ်မပတ်တာ၊ မီးနီဖြတ်မောင်းမိတာ ဒီပြစ်ဒဏ်တွေရဲ့ ပြစ်ဒဏ်ပေးဆောင်မှုဟာ ဒီဂျစ်တယ် ငွေပေးဆောင်ခြင်းနဲ့ပဲ ကျော်ဖြတ်သင့်တယ်။ ဒါမှ ယာဉ်ထိန်းရဲတွေ မိုးလင်း၊မိုးချုပ် တာဝန်ထမ်းဆောင်တာကို လျော့ချပေးနိုင်လိမ့်မယ်။

တခါ လက်ရှိ ရန်ကုန်မြို့ ယာဉ်လိုင်းတွေမှာ ဒီစနစ်ကို မလှိမ့်တပါတ် လုပ်နေတဲ့ ယာဉ်လိုင်းတွေကိုလည်း ယာဉ်လိုင်း ပိတ်သိမ်းတဲ့အထိ မြေပြင်ကွင်းဆင်းပြီး ထိထိရောက်ရောက် ကြပ်မတ်သင့်တယ်။ ဒီစနစ်ဟာ ပုဂ္ဂလိဘဏ်တွေနဲ့ ပြည်သူတွေရဲ့ ငွေကြေးဝန်ဆောင်မှု နေ့စဉ် လုပ်ငန်းများ အထိပါ တွင်ကျယ်အောင် လုပ်ဖို့ လိုအပ်တယ်။


(နရီမိုး)

ကုသိုလ်တရားတွေ ကြိုးစားအားထုတ်မှု မရှိပဲနဲ့ အကုသိုလ်ဆိုတာ မဖယ်ရှားနိုင်ဘူး။

အကုသိုလ်ကို မဖယ်ရှားနိုင်ပဲနဲ့ သံသရာဝဋ်ဆင်းရဲက မလွတ်မြောက်နိုင်ဘူး။

နိဗ္ဗာန်ချမ်းသာဆိုတာ မတွေ့နိုင်ဘူး။

ဒါကြောင့်မို့ ကုသိုလ်တရားတွေကို စတင်ပြီးတော့ လုပ်ပြီ ဆိုလို့ရှိရင် ဘယ်ကစရလဲဆိုရင် သီလ က စရတယ်။

ဒီနေရာမှာ တခြားအဆင့်အားဖြင့် ပြောမယ်ဆိုလို့ရှိရင် ဒါန သီလ ဘာဝနာ လို့ ။

ဒီလိုပြောမယ့်အဆင့်အားဖြင့်ပြောရမယ်ဆိုရင် ကုသိုလ်တရားတွေကို ဒါနကနေ စရမှာ မလားလို့ မေးစရာရှိတယ်။

ဒါနဆိုတာလည်း ကုသိုလ်ပဲ။
သီလဆိုတာလည်း ကုသိုလ်ပဲ။
ဘာဝနာဆိုတာလည်း ကုသိုလ်ပဲ။

သို့သော် တကယ့်နိဗ္ဗာန်ရောက်ကြောင်း အကျင့်ကို ကျင့်ပြီ
ကမ္မဋ္ဌာန်းတရားကို အားထုတ်တဲ့ ဝိပဿနာလုပ်ငန်းတစ်ခုကို လုပ်ပြီ

(သို့မဟုတ်)သမထ ကျင့်စဥ် တစ်ခု ကိုကျင့်ပြီဆိုလို့ရှိရင်
သီလ က စရမှာဖြစ်တယ်။

သာမန်အားဖြင့် လူတွေ ဟာ လွယ်ကူမှု ရှိသည့်အတွက်ကြောင့်
ဒါနဆိုတာ ကို မြတ်စွာဘုရားက အနုပုဝိကထာမှာရှေ့တန်းတင်ပြီးတော့ ဟောတယ်။

ဘာဖြစ်လို့ဟောလဲ လွယ်ကူတယ်။သီလနဲ့ နှိုင်းစာကြည့်မယ်ဆိုရင် ဒါနကောင်းမှု ဟာ လွယ်ကူတယ်။

မိမိမှာ ရှိတဲ့ အရာလေးကို မိမိပတ်ဝန်းကျင်မှာ မျှဝေသုံးစွဲတယ်ဆိုတာ တစ်ခါတစ်လေမှာ အလေ့အထ အရ လွယ်တယ်လို့ ပြောရမှာ။

ကိုယ်ကျင့်သီလ ဆောက်တည်ဖို့ကျတော့ လူတွေမှာ ခက်ခဲမှု ရှိကြတယ်။

အေး သီလ သမာဓိ ပညာလို့ဆိုတဲ့ သိက္ခာ သုံးရပ် အကျင့်မြတ်ကို ကျင့်ကြတော့မယ် ဆိုလို့ရှိရင် သီလ က နံပတ်တစ်ကလာတယ်။

ဒါကြောင့်မို့ သီလင်စ သုဝိသုဒ္ဓါ အလွန့်အလွန်ကို စင်ကြယ်တဲ့ ကိုယ်ကျင့်သီလ ဟာ ကုသိုလ်တရားတွေရဲ့ အစပဲ။

အရေးပါတဲ့ သံသရာဝဋ်ဆင်းရဲက လွတ်ဖို့ကုသိုလ်ကောင်းမှုကို လုပ်ပြီဆိုလို့ရှိရင် ဒီသီလ ဟာ မရှိမဖြစ်တဲ့ အရာတစ်ခု။

ဒါကမြတ်စွာဘုရားကိုယ်တိုင် မိန့်ကြားခဲ့တဲ့ စကား။

အဋ္ဌကထာ ဆရာကြီးတွေကလည်းပဲ မြတ်စွာဘုရားရဲ့ တရားတော် မြတ်စွာဘုရားရဲ့ အဆုံးအမ သာသနာမှာ ဘယ်ဟာက အစလဲ လို့

အစကို ရှာပြီး အစရဲ့ ကောင်းခြင်းကို ထုတ်ဖော်တဲ့ အခါမှာ

သီလံ သာသနဿ အာဒိ
မြတ်စွာဘုရား အဆုံးအမရဲ့ အစက
မြတ်စွာဘုရား တရားတော်ရဲ့ အစဟာ ကိုယ်ကျင့်သီလ ပါပဲလို့ ။

မြတ်စွာဘုရားဟောတာနဲ့ တစ်ထပ်တည်း ပဲ ရှင်းလင်းဖော်ပြ ကြတယ်။

ဒါကြောင့်မို့ ကုသိုလ်တရားတွေရဲ့ အစလို့ ဆိုကတည်းက ကုသိုလ်တရားတွေ ဖြစ်ပွါးဖို့ရာအတွက် သီလ မပါမရှိ ၊မပါမဖြစ် အရေးကြီးတဲ့ သဘာဝတရားတစ်ခုလို့ ဆိုတာ ရှေးဦးစွာ မှတ်သားကြဖို့ လိုအပ်တယ်။

ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ နန္ဒမာလာဘိဝံသ

မင်္ဂလာ ရှိသော နံနက်ခင်း ဖြစ်ပါစေ 🙏🙏🙏