أغاني بدون موسيقى ❌♥🎵 @no_music

أغاني بدون موسيقى ❌♥🎵

20 Jul, 18:54

أجمل صدفة بعمري♥
https://t.me/no_music_01

أغاني بدون موسيقى ❌♥🎵

03 Jun, 20:19

لو فاتك العشر الاواخر من رمضان فببشرك إن عندك فرصة عظيمة جدًا تعوض في أيام أعظم منهم! ♥️

جهز ورقة وقلم ويلا بينا.🤸

- هتعمل جدول وتكتب فيه الأيام بدأ من يوم الجمعة ٧ يونيو ولحد نهاية ال 9 أيام كل عبادة موجودة في الخطة تنفذها تعلم جنبها علامة✅

عشان تتحمس كل يوم إنك تكمل.

يومنا في خلال العشر الأيام هيكون كالآتي:

١- الصلوات في أوقاتها.

٢- أذكار الصباح والمساء والنوم (مش لازم كل الاذكار لكن يُفضل طبعا لكن لو نسيت قول ولو ذكر واحد منهم).

٣- جلسة الضحى وصلاة الضحى.

٤- صلاة قيام الليل.

٥- السنن الرواتب قبل وبعد الصلوات وهما:

- ركعتين قبل الفجر.
- ٤ ركعات قبل الظهر وركعتين بعده.
- ركعتين بعد المغرب.
- ركعتين بعد العشاء.

٦- صدقة يومية (مش لازم تكون فلوس ممكن تكون أكل من البيت للناس في الشارع وللطيور والحيوانات أو توزع مياه وتحط مياه للحيوانات والطيور في الحر دا).

٧- الصيام كل يوم بداية من يوم الجمعة إن شاء الله.

٨- صلة الرحم (بمكالمة أو رسالة أو زيارة).

٩- ختمة قرآن في ٨ أيام حسب الجدول ده

✅ اليوم الأول
من سورة الفاتحة لنهاية سورة آل عمران.

✅ اليوم التاني
من سورة النساء لنهاية سورة المائدة.

✅اليوم التالت
من سورة الأنعام لنهاية سورة التوبة.

✅اليوم الرابع
من سورة يونس لنهاية سورة الإسراء.

✅اليوم الخامس
من سورة الكهف لنهاية سورة النور.

✅اليوم السادس
من سورة الفرقان لنهاية سورة فاطر.

✅اليوم السابع
من سورة يس لنهاية سورة الحديد.

✅اليوم التامن
من سورة المجادلة لنهاية سورة الناس.

١٠- الدعاء في كل وقت خصوصا في الثلث الأخير من الليل وعند الفطار ويوم عرفة طول اليوم.

- بالعبادات دي يومك هيكون مثمر جدًا وهيكون تأثيرها على قلبك عظيم جدًا.

لكن جدد النية وادعي ربنا يرزقك التوفيق في الايام دي وعلى فكرة فضلهم أعظم من فضل العشر الأواخر من رمضان.

فمتضيعهمش. ♥️

بالتوفيق، ومتنسونيش في دعواتكم يوم عرفة.

- وإن شاء الله يوم عرفة هيكونله خطة لوحده انتظروها.

2,028