ازموینو ملي ادارې تېره ورځ د اسلامي تعلیماتو معینیت اړوند د طلبای کرامو د خامسه(دولسم) اسنادو تثبیت ازموینه واخیسته.
په دغو ازموینو کې شاوخوا یوولس سوه تنو ګډون درلود. د طلبای کرامو د خامسه درجې تثبت ازموینه، چې د بګرامیو ولسوالۍ اړوند امام ابوحنیفه مدرسه کې تنظیم شوې و، طلباوو ته د ازموینې د نظم په تړاو لازم امکانات رامنځته شوي وو.
د ازموینې صندقونه د ازموینو ملي ادارې د پوښتنو بانک رئیس عرفان الله عباد، د ازموینو انسجام آمر مدیرجان کوټوال او د پوهنې وزارت د استعدادونو د ارزونې رییس عبدالولي سداد له لورې پرانیستل شول.
په پیل کې د ازموینو ملي ادارې مسؤولینو ګډونوالو ته د ازموینې په تړاو هر اړخیز معلومات ورکړل او یاده پروسه یې د هېواد علماو لپاره یو ارزښتمن ګام وباله او همدارنګه د علمي سویې د تثبیت په برخه کې یې د ازموینو ملي ادارې د مهمې ونډې په تړاو خبرې وکړې.
د اسلامي تعلیماتو د استعدادونو ارزونې رئیس مفتي عبدالولي سداد هم د ازموینې د شفافیت په تړاو ګډونوالو ته ډاډ ورکړ او په دې برخه کې یې د ازموینو ملي ادارې فعالیتونه وستایل.
د ازموینو ملي ادارې مسؤولینو د هڅو په ترڅ کې د ازموینې محلونه په خورا منظم ډول تنظیم شوي وو، ګډونوال په خپلو محلونو کې د حاضرۍ له مخې تنظیم شول، د ازموینې په پیل کې علمای کرامو ته د استادانو او مسؤولینو له لورې د ازموینې تخنیکي پروسې په ډېرې اسانۍ سره تشریح شوې، هر ګډونوال ته د خپلې ای ډي نمبر سره سمه د پوښتنو کتابچه او ځواب پاڼه ورکړل شوه او د پوښتنو د حل لپاره ګډونوالو ته مناسب وخت چې درې ساعته ټاکل شوی وو، ورکړل شو. همدارنګه د ازموینو ملي ادارې مشرتابه په حکم سره متخصص دیني علمای کرام د ممتحنینو په توګه ټاکل شوي وو، څو د پوښتنو د ابهام په صورت کې د ګډونوالو ستونزې حل کړي.
د ازموینو ملي ادارې مشر شیخ الحاج عبدالباقي حقاني د لارښوونو په رڼا کې، چې د علمای کرامو د ازموینو د نظم او هغوی ته د لازمو اسانتیاو برابرولو په تړاو یې ددې ادارې مسؤولینو ته کړي، یاده ازموینه او همدارنګه مخکینۍ ازموینې، چې د ازموینو ملي ادارې له لورې اخیستل شوي، له هرډول ستونزو پاکې وې او ګډونوال ورڅخه خوښ وو.
یاده ازموینه همدارنګه د اسلامي تعلیماتو معین مولوي کرامت الله آخندزاده او د ازموینو ملي ادارې مرستیال شیخ رحیم الله حق ـ اني له خوا وڅارل شوه او ګډونوالو ته یې د شفافیت ډاډ ورکړ.
یاده ازموینه چې په خورا منظم ډول او پرته له هر ډول تقلب څخه پای ته ورسېده له امله یې ګډونوال خوښ وو او د ازموینو ملي ادارې له مسؤولینو، استادانو او کارکوونکو له هڅو او همکاریو یې مننه وکړه.
دوشنبه ۱۴۰۲ کب ۲۱
په دغو ازموینو کې شاوخوا یوولس سوه تنو ګډون درلود. د طلبای کرامو د خامسه درجې تثبت ازموینه، چې د بګرامیو ولسوالۍ اړوند امام ابوحنیفه مدرسه کې تنظیم شوې و، طلباوو ته د ازموینې د نظم په تړاو لازم امکانات رامنځته شوي وو.
د ازموینې صندقونه د ازموینو ملي ادارې د پوښتنو بانک رئیس عرفان الله عباد، د ازموینو انسجام آمر مدیرجان کوټوال او د پوهنې وزارت د استعدادونو د ارزونې رییس عبدالولي سداد له لورې پرانیستل شول.
په پیل کې د ازموینو ملي ادارې مسؤولینو ګډونوالو ته د ازموینې په تړاو هر اړخیز معلومات ورکړل او یاده پروسه یې د هېواد علماو لپاره یو ارزښتمن ګام وباله او همدارنګه د علمي سویې د تثبیت په برخه کې یې د ازموینو ملي ادارې د مهمې ونډې په تړاو خبرې وکړې.
د اسلامي تعلیماتو د استعدادونو ارزونې رئیس مفتي عبدالولي سداد هم د ازموینې د شفافیت په تړاو ګډونوالو ته ډاډ ورکړ او په دې برخه کې یې د ازموینو ملي ادارې فعالیتونه وستایل.
د ازموینو ملي ادارې مسؤولینو د هڅو په ترڅ کې د ازموینې محلونه په خورا منظم ډول تنظیم شوي وو، ګډونوال په خپلو محلونو کې د حاضرۍ له مخې تنظیم شول، د ازموینې په پیل کې علمای کرامو ته د استادانو او مسؤولینو له لورې د ازموینې تخنیکي پروسې په ډېرې اسانۍ سره تشریح شوې، هر ګډونوال ته د خپلې ای ډي نمبر سره سمه د پوښتنو کتابچه او ځواب پاڼه ورکړل شوه او د پوښتنو د حل لپاره ګډونوالو ته مناسب وخت چې درې ساعته ټاکل شوی وو، ورکړل شو. همدارنګه د ازموینو ملي ادارې مشرتابه په حکم سره متخصص دیني علمای کرام د ممتحنینو په توګه ټاکل شوي وو، څو د پوښتنو د ابهام په صورت کې د ګډونوالو ستونزې حل کړي.
د ازموینو ملي ادارې مشر شیخ الحاج عبدالباقي حقاني د لارښوونو په رڼا کې، چې د علمای کرامو د ازموینو د نظم او هغوی ته د لازمو اسانتیاو برابرولو په تړاو یې ددې ادارې مسؤولینو ته کړي، یاده ازموینه او همدارنګه مخکینۍ ازموینې، چې د ازموینو ملي ادارې له لورې اخیستل شوي، له هرډول ستونزو پاکې وې او ګډونوال ورڅخه خوښ وو.
یاده ازموینه همدارنګه د اسلامي تعلیماتو معین مولوي کرامت الله آخندزاده او د ازموینو ملي ادارې مرستیال شیخ رحیم الله حق ـ اني له خوا وڅارل شوه او ګډونوالو ته یې د شفافیت ډاډ ورکړ.
یاده ازموینه چې په خورا منظم ډول او پرته له هر ډول تقلب څخه پای ته ورسېده له امله یې ګډونوال خوښ وو او د ازموینو ملي ادارې له مسؤولینو، استادانو او کارکوونکو له هڅو او همکاریو یې مننه وکړه.
دوشنبه ۱۴۰۲ کب ۲۱
