Germaniyada Bepul Ta’lim

​​Germaniyada Rundfunkbeitrag — davlat ommaviy axborot vositalariga qarashli xizmatlar uchun oylik yig‘im hisoblanadi. Hozirda bu yig‘im har bir uy xo‘jaligiga oyiga 18,36 yevro qilib belgilangan. Ushbu to‘lov orqali ARD, ZDF va Deutschlandradio kabi jamoat teleradiokompaniyalari moliyalanadi.

Rundfunkbeitrag haqida asosiy ma'lumotlar:

1. Kim to‘laydi?

Bu to‘lovni Germaniyadagi har bir uy xo‘jaligi amalga oshiradi, ya'ni uy egasining barcha oila a’zolari uchun bitta to‘lov yetarli. Bir joyda bir nechta oila yoki xonadoshlar yashasa, faqat bitta kishi bu to‘lovni amalga oshiradi.

2. Nima uchun kerak?

Ushbu yig‘im jamoatchilik ommaviy axborot vositalarini moliyalash uchun ishlatiladi. Bu ommaviy axborot vositalari reklama orqali daromad olmasa ham, barcha aholiga sifatli va obyektiv axborot yetkazib berish vazifasini bajaradi.

3. Undan kim ozod qilinadi?

Ayrim guruhlar, masalan, talabalar, kam daromadli aholining ayrim qatlamlari yoki jismoniy imkoniyatlari cheklangan shaxslar maxsus ariza orqali to‘lovdan ozod qilinishi mumkin.

4. Yig‘imni qanday to‘lash kerak?

Odatda, Rundfunkbeitrag to‘lovini kvartaliga bir marta yoki oyiga to‘lash mumkin. To‘lovlar avtomatik ravishda bank hisobingizdan olib borilishi uchun yozma ruxsat berishingiz mumkin.

5. Nazorat va jarimalar

Ushbu yig‘im majburiy bo‘lgani sababli, to‘lovdan qochishga urinishlar uchun jarimalar mavjud. To‘lov to‘lanmasa, oxir-oqibat qarz yig‘ilib, davlat tomonidan rasmiy tarzda undirilishi mumkin.

Bu to‘lovning jamoatchilik uchun foydasi — sifatli axborot yetkazish va iqtisodiy qiyinchiliklarsiz axborot olish imkoniyatini ta'minlash sabab qilib ko'rsatilib “Rundfunkbeitrag” yig‘im tarzida majburiy undiriladi. Ammo, ba’zi odamlar davlat ommaviy axborot vositalarining xabarlari obyektiv emasligini va jamoatchilik fikriga ta’sir ko‘rsatish uchun manipulyatsiya qilinishi mumkinligini aytishadi. Shu sababli, ayrimlar mazkur yig‘imga nisbatan salbiy fikrda bo‘lib, unda pul to‘lash istamasliklarini bildiradilar.

So'nggi kunlar va o'tgan haftalarda nemis ommaviy axborot vositalarini muntazam kuzatib kelayotgan kishi uchun D. Tramp hozirgi kunda eng salbiy ko'rinishga ega insonlardan biri bo'lib tuyulishi ajablanarli emas.

davomi bor...

@Nemistili_uz

​​Ko‘pchilik Germaniyaga o‘qish, yashash va ishlash maqsadida kelishni istaydi, ammo bu yerda yashayotgan ko‘plab insonlarning o‘zlari ham boshqa davlatlarda yashash, ishlash yoki o‘qishni xohlaydi. Men ham ana shunday insonlardan biriman.

Shaxsiy hayotim haqida ijtimoiy tarmoqlarda yozishni unchalik xush ko‘rmasam-da, bu postda ishim haqida qisqacha ma’lumot bermoqchiman. Germaniyada 16 ta federativ yer (Bundesländer) mavjud va men ulardan biridagi yuqori nufuzli davlat kompaniyalaridan birida dasturiy injener (Softwareingenieur) bo‘lib ishlayman. Shunga qaramay, boshqa davlatda yashash haqida tez-tez o‘ylayman. Bunga sabablar quyidagicha:

1. Iqtisodiy omillar: Soliq tizimi va yashash xarajatlari ko‘pligi.
2. Hayot sifati va ish vaqti balansi: Ish va hayotning uyg‘unligi rivojlangan boshqa davlatlarda Germaniyaga nisbatan anchagina yaxshiroq ta’minlangan.
3. Uy-joy va yashash xarajatlari: Germaniyada uy-joy narxlari va ijara haqlari yuqoriligi sababli.
4. Siyosiy va ijtimoiy o‘zgarishlar;
5. Ta’lim imkoniyatlari va oilaviy bog‘liqlik;
6. Shaxsiy istaklar: Ba’zida inson o‘z xohishlariga amal qilishni xohlaydi, qaysidir davlatga ko‘chish orqali yangi tajribalar orttirishni istaydi.

Federal Institute for Population Research (BiB) statistikasida yozilishicha IT sohasidagi mutaxassislar yuqori soliqlar sabab Germaniyani tark etishni afzal ko‘radi.

P.S. Har bir postlarim mavzulari bo‘yicha turli ilmiy jurnallar, institutlarning tahlillari va hujjatli filmlar bilan tanishib chiqqan holda, o‘zimning bilimlarimni ulashaman.

@Nemistili_uz

​​Yuqoridagi postda yozganimdek, Germaniyada millionlab ishsizlar borligiga qaramay (va bu ko‘rsatkich yildan-yilga oshib bormoqda), ko‘plab sohalardagi rivojlanishning sekinlashishi ishchi kuchi yetishmasligi bilan bog‘liq deb ko‘rsatilmoqda. Aslida, bu haqiqatmi?

Umuman olganda, ishsizlarning ko‘pligi va shu bilan birga "xodimlar yetishmasligi" haqidagi gaplar murakkab masala bo‘lib, bunga bir nechta sabablarni misol qilib keltirish mumkin.

1. Malaka va ko‘nikmalar farqi: Ko‘plab ish o‘rinlari, ayniqsa IT, texnika va tibbiyot sohalarida maxsus malaka va tajribani talab qiladi. Ishsizlarning malakalari ko‘pincha mavjud ish o‘rinlariga mos kelmaydi. Ish beruvchilar o‘z talablarini to‘liq bajara oladigan mutaxassislarni izlashadi, ammo bunday mutaxassislar yetishmaydi.

2. Geografik farqlar: Xodimlar yetishmasligi barcha hududlarda bir xil darajada emas. Ishsizlarning ko‘pchiligi kerakli ish joylari mavjud bo‘lmagan hududlarda yashaydi va ularning hammasi ham boshqa joyga ko‘chib o‘tishga tayyor yoki imkoniyatga ega emas. Masalan, Daniya bilan chegaradosh Flensburg shahrida ishsizlik darajasi Myunsterga nisbatan ancha yuqori. Sababi oddiy: hayot sifati ancha past.

3. Ish sharoitlari va ish haqi: Ayrim sohalarda, masalan tibbiyot yoki umumiy ovqatlanish xizmatida, ish sharoitlari va ish haqi yetarlicha jozibador emas. Ishsizlar bor bo‘lsa-da, ko‘pchilik ma’lum kasblardan voz kechadi, agar ish vaqti, stress darajasi yoki to‘lov darajasi qoniqarli bo‘lmasa.

4. Yoshi o‘tib borayotgan aholi: Germaniyada demografik o‘zgarish tufayli yangi kadrlar ishchi kuchiga kirishidan ko‘ra ko‘proq odam nafaqaga chiqmoqda. Bu esa kompaniyalar uchun zarur ishchi kuchini topishdagi qiyinchiliklarga olib keladi.

5. Migratsiya cheklovlari: So‘nggi yillarda Germaniya xorijdan malakali kadrlarni jalb qilish uchun choralar ko‘rmoqda, ammo mehnat migratsiyasi bilan bog‘liq qonun-qoidalar murakkab va uzoq muddat talab qiladi. Bu esa chet ellik malakali ishchilarni jalb qilish jarayonini sekinlashtiradi.

Amerika, Kanada, Avstraliya va boshqa rivojlangan davlatlar iqtisodiyotdagi kamchiliklarning asosiy sababini chet elliklarning o‘sib borayotganiga bog‘lashmoqda va hatto chet ellik talabalar oqimini ham qisqartirishmoqda. Bu tendensiya Germaniyada ham allaqachon trendga aylangan.

@Nemistili_uz

​​2024-yil oktabr statistikasiga ko'ra, Germaniyada 2.81 milliondan ziyod ishsizlar mavjud. Shulardan 15.3% izi chet elliklar va bu, albatta, qonuniy ishsizlar. Bu yerga noqonuniy tarzda kelib, ish topish dardida yurganlar ham talaygina.

Ispaniya ishsizlik koʻrsatkichi boʻyicha yevropada birinchi oʻrinda va u yerda yashovchilarning 11.3 foizi ishsiz. Ishonchim komilki, Germaniyada ish va'da qilayotgan firmalar, koʻpincha bu ma'lumotlarni sizga aytmaydi.

Davlat iqtisodiyotidagi kamchiliklarga nega ishchilar yetishmasligini bahona qilib ko'rsatayotganini esa keyingi postlarda yozib qoldiraman, Insha Alloh.

P.S. Bu "Qunduz amaki" ertaklarining bir qismi.

@Nemistili_uz

​​Bolaligida Qunduz amaki aytib bergan multifilmlarni yaxshi ko'rmagan odam bo'lmagan bo'lsa kerak, balki bo'lgandir.

O'sha ertaklar hali ham bizga aytib berilmoqda faqat boshqa "Qunduz amakilar" tomonidan.

Scholz amakining asosiy maqsadi - O'zbekistondan ishchilar olib kelish emas aslida. Germaniyaga endi borib bemalol ishlashimiz mumkin ekan degan fikrlarga kelmang, iltimos. Scholzning asosiy maqsadlari: Afg'on qochoqlarini Termiz orqali orqali Afg'onistonga qayta yuborish, Markaziy Osiyo davlatlaridan neft-gaz umidida borgani siyosat olamiga sir emas.

davomi bor...

⚠️Shu kabi mavzular sizga qiziqmi?

​​Germaniyada ba'zi mavzularda mutlaqo gaplashilmaydi va bu Tabuthemen🤐 deb ataladi. Eng avvalo, ish haqi (Gehalt), mol-mulk, farzandsizlik (Kinderlosigkeit), o'lim yoki sog'likdagi muammolar va savodsizlik haqida gapirish odob chegarasini qo'pol ravishda buzish hisoblanadi.

Ishxonada hamkasblar bilan boshqa hamkasblarning ish haqi haqida suhbatlashish hatto javobgarlikka tortilish bilan yakunlanishi mumkin.

P.S. Aslida nafaqat Germaniyada, balki O'zbekistonda ham bu mavzularda suhbat ochish odob chegarasini buzish hisoblanadi.

@Nemistili_uz

Germaniyada yashab, ishlab boy bo'lib ketish imkoniyati haqiqatga yaqin bo'lishi mumkin, ammo bu turli omillarga bog'liq. Bu yerda muvaffaqiyatli biznes boshlash yoki professional sohada yuqori natijalarga erishish uchun imkoniyatlar keng, ammo bunda quyidagi jihatlar muhim o‘rin tutadi:

Ta'lim va Malaka: Germaniyada yuqori sifatli ta'lim tizimi mavjud. Maxsus kasbiy tayyorgarlik yoki universitet darajasidagi ta'lim sizni yaxshi ishlarga jalb qilishi mumkin.

Biznes Muhtashamligi: Agar sizda yaxshi biznes g'oya yoki loyiha bo'lsa, Germaniyada turli xil grantlar va davlat yordamidan foydalangan holda uni amalga oshirish imkoniyati bor.

Tarmoqlar va Aloqalar: Muvaffaqiyatga erishishda kuchli tarmoqlar va professional aloqalar juda muhimdir. Germaniyada ishbilarmonlik muhitida yaxshi tarmoq yaratish sizga katta imkoniyatlar eshigini ochishi mumkin.

Mehnatsevarlik va Intizom: Germaniyada hayot va ishda intizom va mehnatsevarlik yuqori qadrlanadi. Agar siz bu sifatlarga ega bo'lsangiz, muvaffaqiyatga erishish imkoniyatlaringiz yanada ortadi.

Germaniyada yashab, ishlab boy bo'lib ketish imkoniyatlari haqiqatga yaqin, ammo bunga erishish uchun yuqoridagi omillarni inobatga olish va doimiy ravishda mehnat qilish zarur.

Manashu jihatlar orqali Germaniyada muvaffaqiyatli bo'lish imkoniyatingizni oshirishingiz mumkin. Siz qanday fikrdasiz va buni izohlarda yozib qoldiring.

@Nemistili_uz #test

​​Nemis tilini o’rganishdagi eng muhim 4 omil bular:

1. Ilmga bo’lgan ixlos
2. Shaxsiy masʼuliyat
3. Yaxshi ustoz
4. Maqsadni oliy va aniq qilish.

P.S. juda kam post yozishimga qaramasdan kanalni kuzatib borayotganingiz uchun rahmat. Allohim ilmingizni ziyoda qilsin🤲

@Nemistili_uz

Assoziationsmethode haqida.

Ushbu o'rganish usuli siz allaqachon bilgan narsalarning rasmlari orqali yangi ma'lumotlarni eslab qolishingizga tayanadi. Siz tasavvur qilayotgan jarayonlarni hayolingizda jonlantirasiz.

Misol uchun bir kitobni tasavvur qilasiz, uni sotib olish uchun do'konga borasiz, siz izlagan kitobni sotuvchidan so'raysiz va yana qanday kitoblarni o'qishni xohlashingiz yokida sotuvchining kitob haqidagi fikrlari so'raysiz. Shu tarzda o'zingizga kichik ssenariy tuzib olasiz va bu hayolingizga kelgan istagan mavzuda bo'lishi mumkin. Istasangiz o'ylaringizni o'zbek tilida yozib oling, e'tibor qilishingiz kerak bo'lgan joyi shundaki, nemis tilida qaysi darajada o'rganayotgan bo'lsangiz o'zbek tilida ham shu darajada bo'lgan so'zlardan foydalaning.

@Nemistili_uz

Qanday qilib nemis tilini tez o’rganish mumkin?

Nemis tilida bemalol suhbatlashib, kundalik hayotimizdagi suhbatlarning 90% dan ko’proq qismini tushuna olishimiz uchun kamida 3 500 dan ortiq so’zlarni bilishimiz kerak va shundagina nemis tilida muammosiz gaplasha olamiz. Bu B2 til darajasi atrofida.

Agarda B2 darajagacha tilni o’rgangan bo’lsangiz unda siz til o’rganishda yaxshigina natijaga erishibsiz va bu bilan sizni tabriklayman.🎉

Demak mavzuga yana qaytamiz. Miyamiz yangi narsalarni ikki xil tarzda o’rganadi ya’ni passiv va aktiv.

Passiv:
- o’qish 10%
- eshitish 20%
- ko’rish 30%

Aktiv:
- ko’rish va eshirish 50%
- aytish yokida gapirish 70%
- bajarish va gapirib berish 90%

Til o’rganishda 4 narsa juda muhim: o’qish, yozish, eshitish va gapirish. Agarda til darajangizni o’zingiz istagan darajaga olib chiqishni istasangiz yuqoridagi 4 jarayon ustida doim ishlashingiz kerak.

Assoziationsmethode bu borada eng samarali usullardan biri hisoblanadi. Bu haqida esa Alloh qodir qilgancha keyingi postlarda yozib qoldiraman Insha Alloh.

Tajribamdan kelib chiqib aytadigan bo’lsam ko’p hollarda B1 dan keyin til o’rganish jarayoni sekilashib ketadi garchand Germaniyada, nemislar ichida yashasada. Sababi esa yuqoridagi 4 jarayon ustida ishlamaslik. Yillar o’rgani sari passiv holatda til o’sadi yani eshitganda tushunish darajasi oshib boraveradi ammo gapirish va yozishda esa natija sezilmaydi.

P.S. Postni nemis tili o’rganayotgan do’stlaringizga ham ulashib qo’ying va o‘z tajribalaringizni boshqalar bilan ham o‘rtiqlashing😎

@Nemistili_uz

Internationales Parlaments-Stipendium

Nemis tilidan B2 daraja talab etiladi. Bu dastur to'liq qoplanuvchi, 5 oylik Germaniyada amaliyot va tajriba olish imkonini beradi. Bu dasturda hamma xarajatlardan tashqari 700 yevro oyiga berilarkan. Germaniya parlamentini o'rganish va amaliyot qilish imkoniga ega bo'ladi. Bu grantga har yili 120 ta o'rin ajratiladi. Va muhimi bu grantga O'zbekistonliklar ham topshira oladi.

https://www.bundestag.de/europa_internationales/ips/usbekistan-637874

✅Manbaa: @nemis_ingliz_tillari

P.S. IPS haqida yuqorida ham bir nechta postlar yozilgan, agarda sizga bu qiziq bo‘lsa batafsil o‘qib chiqishingiz mumkin. Shu kungacha bu stipendiyaga ega bo‘lgan juda yaxshi do‘stlarimiz Shahboz, Mahkam, Jamshid, Iroda, Sevinch, Durdona, Lola, Nursultan, Dillola Deutscher Bundestag‘da amaliyot o‘taganlar.

​​Germaniyada quyidagi 5 o'zgarish 01.05.2024 dan kuchga kiradi.

1. Parvoz chiptalarining narxi 20-25% gacha ko'tariladi.

2. Agarda siz Shveytsariyaga qandaydir jarmiga tortilgan bo'lsangiz endi u jarimani Germaniyada bo’lsangiz ham to'lashga majbursiz. Hozrigi kungacha Shveytsariyada qilgan qodabuzarliklar uchun jarimalarni undirib berish masalasida Germaniyada hech qanday chora tadbirlar ko'rilmas edi.

3. Pflege sohasida ishlovchilar uchun eng kam ish haqqi soatiga 19.50€ etib belgilandi.

4. 1, 9, 20 va 30-may sanalari dam olish kunlari deb e'lon qilindi ammo bu barcha Bundeslandlarda emas.

5. Endi shifoxonalarning barcha kataloglarini online tarzda ko'rishingiz mumkin. Bu nimani anglatadi: endilikda siz qaysi shifoxona qanday operatsiyalarni taklif qilishini, undagi jarayonlar va shu kungacha muvoffaqiyatsiz amalga oshirilgan davolash ishlarigacha online tarzda ma'lumotlarni ko‘rishingiz mumkin.

P.S. Germaniyaga ketishni rejalashtirgan va Germaniyadagi yaqinlaringizga ham ulashib qo‘ying😎.

@Nemistili_uz

3 Fehler, die du bei der Arbeit
niemals machen solltest.

Nummer 1: Denke niemals, dass deine Kollegen deine Freunde sind. Das sind sie nicht. Sie machen nur ihren Job. Wenn es hart auf hart kommt, retten sie sich selbst und lassen dich fallen.

Nummer 2. Gebe deinen Kollegen niemals von deinem Privatleben preis. Erzähl ihnen nicht von deinen Plänen, deinen Investitionen oder deinen nächsten großen Schritt. Nur ein Narr verrät seine Geheimnisse.

Nummer 3. Wenn du mit der Unternehmenspolitik nicht einverstanden bist , behalte es für dich und teile es niemals mit einem Kollegen. Alles, was du deinem Kollegen mitteilst, kann und wird gegen dich verwendet werden. Vergiss niemals , dass sind nicht deine Freunde. Das sind nur Menschen, mit denen du unfreiwillig viel Zeit verbringst.

@Nemistili_uz

Sei dankbar für jeden Tag…

Wenn du Essen im Kühlschrank, Kleidung am Körper, ein Dach über dem Kopf, und einen Platz zum schlafen hast, bist du reicher als 75% der Menschen.

Wenn du Geld in deinem Geldbeutel hast und hingehen kannst, wohin du willst, gehörst du zu den reichsten 18% der Menschen auf der Welt.

Wenn du den heutigen Tag erlebst ohne mehr Krankheit als Gesundheit, kannst du dich glücklicher schätzen als die Millionen Menschen, die diese Woche sterben werden.

Wenn du diesen Text lesen und verstehen kannst, hast du mehr Glück als die 3 Milliarden Menschen, die weder lesen, schreiben noch sehen können.

Im Leben geht es nicht immer darum, sich zu beschweren oder sich Sorgen zu machen. Es geht darum, glücklich und dankbar zu sein.

P.S. Hayit ayyomingiz muborak bo‘lsin. Kelgusi haytlarda ham siz bilan g’oyibdan suhbatdosh bo’lish nasib qilsin. 🤲

@Nemistili_uz

Taqvim bo‘yicha bugun bahorning boshlanish kuni. Bu kunda tun va kun davomiyligi bir xil bo‘ladi.

31.03.2024 dan boshlab O’zbekiston va Germaniya o‘rtasidagi vaqt 1 soatga qisqaradi yani hozirgi kunda 4 soat farq qilayotgan bo‘lsa, 31.03 dan 3 soat bo’ladi.

„Wissen ist Macht“

@Nemistili_uz

​​#Wörterbuch

• Dem Bedürftigen helfen - Muhtojlarga yordam bermoq

• Das Gebet verrichten - Nomoz o‘qimoq

• Den Gelüsten folgen - Nafs istaklariga ergashmoq

• Eine Sünde begeben - gunoh qilmoq

• Die Religion ausleben - Din amallari bilan yashamoq

• Die Mängel der Menschen übersehen - Insonlarning kamchiliklarini ko‘rmaslik.

@Nemistili_uz

Germaniyaning Schwerin shahariga bormagan bo‘lsangiz albatta borishingiz kerak bo‘lgan joylar ro‘yxatiga bu joyni qo‘shib qo‘yishingizni tavsiya qilaman.

Hozirda O’zbekistonda bo‘lsangiz ham albatta ro‘yxatingizga yozib qo‘yaviring siz ham vaqti kelganida kelishingizga Insha Alloh ishonaman🤲

To‘liq videoni YouTubeda ko‘rishingiz mumkin😎

Siz qayerlarga borishni istaysiz va bizga qayerlarni tavsiya qilasiz?

@Nemistili_uz

Fermerlar 8.01.2024 dan yangi qonunga nisbatan o‘zlarining noroziliklarini bildirishni butun Germaniya bo‘ylab namoyishlar qilmoqda. Sababi esa qishloq xo'jaligi kompaniyalari uchun soliq imtiyozlarining olib tashlanishidir.

P.S. Protestieren qilish jinoyat emas, barcha qonunlar insonlar manfaatlari uchun ishlashi kerak, ularga noqulayliklar yaratish uchun emas. Planetamizda shunday mamlakatlar borki ularning maqoli, she‘rlari bor ammo amali yo‘q essiz…

Xalq dengizdir, xalq to‘lqindir, xalq kuchdir,
Xalq isyondir, xalq olovdir, xalq o‘chdir...
Xalq qo‘zg‘alsa kuch yo‘qdirkim, to‘xtatsin,
Quvvat yo‘qkim, xalq istagin yo‘q etsin.
Xalq isyoni saltanatni yo‘q qildi,
Xalq istadi, toj va taxtlar yiqildi...

Abdulhamid Cho’lpon

@Nemistili_uz

#usbekistan_lerne

Germaniyada gullar supermarketlarda ham sotiladi. 1, 1.5 yoki 2€ evaziga bir dasta gul sotib olishingiz mumkin. Oilangiz yokida yaqinlaringizni xursand qilishingiz uchun doim sizda imkon bo‘ladi.

Bu yerda xarid qilish uchun bozorga emas balki supermarketlarga boriladi masalan Aldi, Lidl, REWE, EDEKA, Netto, Kaufland, GLOBUS, HIT kabi oziq ovqat supermerketlari butun Germaniyada tarmoqli tizimda ishlaydi. Ularning ichi keng va ehtiyojingizdagi narsalarni bemalol topishingiz mumkin.

Men uchun eng muhim tomoni ishchi xodimlarning sizga bo‘lgan muloyim munosabatidir. Bir og‘iz ham xaridorlarga qo‘pollik qilishmaydi toki ikkinchi tomondan salbiy munosabat sezmagunlaricha.

@nemistili_uz