الشاعرة الملة نورس الحلفي

انا لله وانا اليه راجعون

اقدم التعازي الئ اختي وصديقتي الشاعره رسل الابراهيمي .بوفاة بنتها
وادعي من الله واهل البيت يصبرونج ع مصابج ياعزيزتي كافحتي وجاهدتي وماقصرتي ولكن رب العالمين اله بيها اراده وحكمه فوگ كلشي

صبرج من صبر زينب ان شاءالله ترجعيلنه رسل القويه مثل ماتعودنه عليج💔

بصراويه حلفيه المبدعه ام حيدر الحلفي

شاعرة متألقه بقصائدها الحزينه
اطوارها جنوبية 👌👌

انصحكم تشتركون بالقناة

👇🏻👇🏻👇🏻👇🏻👇🏻👇🏻

https://t.me/AmHadeerAlhlfi

https://t.me/AmHadeerAlhlfi

خدمة الحسين شرف لنا

تم انشاء القناه
يوم 28/10/2024
الساعه 10:40
https://t.me/zainxvybcxvhxxa

#حصرياً
قصيدة لرسول الاعظم ص
ــــــــــــــــــــــــــــــــــــــــــــــــــ

انه الزجيه... انه الزجيه
يابويه عد راسك اون
انه الزجيه

بس رد عليه بس رد عليه
بفرگاك يگضيني الحزن
بس رد عليه
ــــــــــــــــــــــــــــــــــــــــــــــــــ

انه الزجيه بنيتك واسمع عتابي
لو رحت عني يلابو يكثر مصابي
تتركني بالهم والمصايب وبعذابي
وتموت عگبك ياالولي زهرة شبابي

كون المنيه كون المنيه
تلفيني وياك بعجل كون المنيه
انه الزجيه انه الزجيه
يابويه عد راسك اون انه الزجيه
ــــــــــــــــــــــــــــــــــــــــــــــــــ

تمنيت موتي وياك ياعزي ودلالي
ولاشوف بيتك يوحش ويضلم يغالي
ماعدي غيرك انت الي كلشي يوالي
ارحم دمع عيني يبويه وشوف حالي

شيصير بيه.. شيصير بيه
من تغيب يوليني الدهر
انه الزجيه
ــــــــــــــــــــــــــــــــــــــــــــــــــ

يوليني دهري بغيبتك واشبع مصايب
ولو وين اروح من انهضم والوالي غايب
مضمومه الي بفرگاك يابويه النوايب
روحي عليك ممرمره والگلب ذايب

محمل اذيه محمل اذيه
يالدللتني مروتك
انه الزجيه
ــــــــــــــــــــــــــــــــــــــــــــــــــ

ردلي يوالي تريد ملگه وياك العيون
كل حيلي تدري وياك ياوالينه مرهون
باجر اگضي ايامي كلها شلون بشلون
انشد عليك بفرگتك حتى اليمرون

العايف بنيه العايف بنيه
وعليها هم يرجع بعد
انه الزجيه انه الزجيه
ــــــــــــــــــــــــــــــــــــــــــــــــــ

هل ايست روحي يبويه والامل خاب
هيهات ماترجع عليه ونمت بتراب
هضمتني كلش روحتك ياغله الاحباب
ضليت اناطر گاعده وانحب عله الباب

دموعي جريه.. دموعي جريه
للحمل وناسيني اون
انه الزجيه
ــــــــــــــــــــــــــــــــــــــــــــــــــ
بقلم خادمة اهل البيت ـ ع ـ
#الشاعرة_نورس_الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له
https://t.me/nawrasalhalfy

قصيدة للاربعين {كون الزهره}
من ديوان فاتحة الحسين الجزء الاول



كون الزهره تنصلبك عزيه
بيوم الاربعين ويه السبيه

الزهره وام الاحزان
يسون عزه العطشان
وينوحن عله الضامي سويه
كون الزهره تنصبلك عزيه
ــــــــــــــــــــــــــــــــــــــــــــــــــ
زينب يوم وصلت گبر الحسين
بيوم الاربعين وتهمل العين
حضرتها الزچيه بنوح وونين
ويم گبر الولي سون عزيتين

اثنين وعلن النوح
عزه للمات مذبوح
وعزه للضلو برمل الوطيه
كون الزهره تنصبلك عزيه
ــــــــــــــــــــــــــــــــــــــــــــــــــ
هاي ام الحسن يم گبر ابنها
وي زينب اجت فلت حزنها
ونواعي الفاگده گامت تونها
وزينب گاضية الدمعات منها

وشل دمع العيون
الله يساعد ام عون
شكد شافت قهر ضيم واذيه
كون الزهره تنصبلك عزيه

ــــــــــــــــــــــــــــــــــــــــــــــــــ

زينب والزچيه ينوحن اليوم
ويصيحن يبواليمه يمضلوم
حنين عليك ابد مالايگ النوم
عزيزاتك اجنك يالولي گوم

ردن من الغياب
گوم وهد التراب
شلون تنام يالكلك حميه
كون الزهره تنصبلك عزيه
ــــــــــــــــــــــــــــــــــــــــــــــــــ

لوعة زينب وزايد المها
ووياها اجت تتگابل امها
يم راس الاخو تشكي هضمها
يحاجيها ويرد زينب حلمها

حلم تتسامر وياه
الماتتحمل اجفاه
تگله يالاخو وين الخويه
كون الزهره تنصبلك عزيه
ــــــــــــــــــــــــــــــــــــــــــــــــــ

گلب امها انكسر من هذا الاعتاب
گعدت اعله الگبر وتهيل التراب
ويمها ام الحسن تصرخ يغياب
مصيبتكم تره منها الگلب ذاب

مصيبتكم مصيبه
وشيحمل الغيبه
عليكم حاربت روحي المنيه
كون الزهره تنصبلك عزيه
ــــــــــــــــــــــــــــــــــــــــــــــــــ
بقلم خادمة اهل البيت ـ ع ـ
#الشاعرة_نورس_الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له
https://t.me/nawrasalhalfy

تعالو بقناتي الثانيه 👆الي تختلف تماماً عن هذه

ومحتواها ايضاً مختلف لكن مفيد ويشكل جزء مهم من حياتنا
حب العمل والاعتماد ع النفس حلو
وياريت تكونون انتم مشجعين الي بمشروعي البسيط
وان شاء يكبر وياكم وبيكم🌹

اختكم الشاعرة نورس الحلفي

من منطلق

وقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ

اليكم مــَتـجر فـَراشة🦋،👇
https://t.me/Mf_98n

متجري الخاص يسعدني تواجدكم 🌹

قصيــده للاربعين

.❥ـــــــــــــ❂❥ـــــــــــــ❥❂ـــــــــــــ❥.

زينب من اليسر ردت
انهـضلها يـاحسين

واحسيناا وحسين

.❥ـــــــــــــ❂❥ـــــــــــــ❥❂ـــــــــــــ❥.

ردت الـحـره لـخـوهـا
تشتكي عنده الولوها
مـن ضربهم عذبـوهـا
عـذبوهـا الضالمين
واحسيناا وحسين

زينب من اليسر ردت
انهضلها ياحسين

#الشاعره نورس الحلفي

.❥ـــــــــــــ❂❥ـــــــــــــ❥❂ـــــــــــــ❥.

دنت يـم تـراب كـبره
شمته وعايـنت نحره
ياكـلبها شـكثر صـبره
وفاركت فتشت العين
واحـسينااا واحـسين

زينب من اليسـر ردت
انهضلها ياحسين

#الشاعره كوثر الأسدي

.❥ـــــــــــــ❂❥ـــــــــــــ❥❂ـــــــــــــ❥.

تبـجي وتـنادي عليه
اتـريـد هيـه تعـتـنيه
رافكـوها الكـوم لـيه
زينب ام گلب الحزين
واحسينا وحـسيـن

زينب من اليسر ردت
انهضلها يا حسين

#الشاعره زينب ناصر

.❥ـــــــــــــ❂❥ـــــــــــــ❥❂ـــــــــــــ❥.

ردت الدمعه اسجبتها
خويـه بتك مـا جبتها
اختـك الغربـه سبتـها
اجت اختك يالحنين
واحسينا وحســين

زينب من اليسر ردت
انهضلها ياحسين

#الشاعره أنين الشيخ

.❥ـــــــــــــ❂❥ـــــــــــــ❥❂ـــــــــــــ❥.

هالاجت زينب نحيلة
فراككم مـابيها حيلة
گومـو وتلگو العـقيلة
ردت بـعـازة مـعـين
واحسيناً وا حسين

زينب من اليسر ردت
انهضلها ياحسين

#الشاعرة نور الموسوي

.❥ـــــــــــــ❂❥ـــــــــــــ❥❂ـــــــــــــ❥.

تمت بعون الله
بأقلام شاعرات رابطة العزاء الحسيني
تحت اشراف الشاعره نورس

غير مبري الذمه لكل من يغير او يحذف اسماء الشاعرات او ينسب القصيده له
https://t.me/nawrasalhalfy

قصيــده للاربعين
من ديوان #عزاء_اولاد_الزهراء_الجزء_الثاني
❥❥❥❥ـــــــــــــ❁❁ـــــــــــــ❥❥❥❥

زينب للمگابر گصدت اليوم
تريد تشوف اخيها المات مضلوم
❥❥❥❥ـــــــــــــ❁❁ـــــــــــــ❥❥❥❥

زينب للمگابر جايه تنعه
تدور اعله الغريب الكسرو ضلعه
مشتاگه اعله صوته وجايه تسمعه
تريد تگابله وتشكيله الاهموم
❥❥❥❥ـــــــــــــ❁❁ـــــــــــــ❥❥❥❥

تريد تگابل ابن امها وتنعيله
وعن ضيم السبي والغرب تشكيله
لو ترجع تكله وياي بس ليله
واشوفنك واعاين ذيج الارسوم
❥❥❥❥ـــــــــــــ❁❁ـــــــــــــ❥❥❥❥

ماترجع بعد هيهات يبن امي
ولاتكعد اليه شما كثر وني
هاليوم اربعينك ها يخال ابني
واجيت محمله معاتب يمضلوم
❥❥❥❥ـــــــــــــ❁❁ـــــــــــــ❥❥❥❥

اجيتك حتى اگلك خويه ضربوني
ونشيان السياط مورم امتوني
يخويه حسين حيل اعداك هضموني
يضربوني اعله متني ومتني ملجوم
❥❥❥❥ـــــــــــــ❁❁ـــــــــــــ❥❥❥❥

من عادة الحرمه تشكي لاخوتها
وتجي تعتب اذا فلوها عشرتها
وزينب رجعت الليله ضعينتها
ردت ناحله والگلب مهضوم

❥❥❥❥ـــــــــــــ❁❁ـــــــــــــ❥❥❥❥
بقلم خادمة اهل البيت ـ ع ـ
#الشاعرة_نورس_الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له
https://t.me/nawrasalhalfy

لطميه للاربعين ورجوع عيالات الحسين

المعصب بيدها وتمشي العلويه
تريد اتسوي لبن امها اربعينيه
❥❥❥❥ـــــــــــــ❁❁ـــــــــــــ❥❥❥❥

اجت من اليسر كل حيل مابيها
بس اتريد توصل كبر واليها
مو رايه اجت عصابه بيديها
حيها الشايله الثوره الحسينيه
❥❥❥❥ـــــــــــــ❁❁ـــــــــــــ❥❥❥❥

اجت لكن يويلي شلون جيتها
من حر الشمس ركدت عبايتها
مهضومه وبعد مشتاكه لخوتها
من درب اليسر رجعت المسبيه
❥❥❥❥ـــــــــــــ❁❁ـــــــــــــ❥❥❥❥

بعد ذاك المرار ولوعته وقهره
ردت لبن امها بعبره وبحسره
تكله اكعد يخي يامهجة الزهره
انهض شوف حالي وعاين شبيه
❥❥❥❥ـــــــــــــ❁❁ـــــــــــــ❥❥❥❥

خلينه يخويه حسين نتسامر
كافيك بعد شلك بنوم البر
رضيت الغاليه بين الغرب تفتر
خذوها مجتفه لمجلس بني ميه
❥❥❥❥ـــــــــــــ❁❁ـــــــــــــ❥❥❥❥

تفاركنه يخويه وحيل مشتاكه
واليوم اعله كبرك صار الملاكه
علي السجاد اجاك ويابسه ارياكه
على تراب الكبر سوه عزائيه
❥❥❥❥ـــــــــــــ❁❁ـــــــــــــ❥❥❥❥
بقلم خادمة اهل البيت ـ ع ـ
#الشاعرة_نورس_الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له
https://t.me/nawrasalhalfy

قصيــده للاربعين
.❥ـــــــــــــ❂❥ـــــــــــــ❥❂ـــــــــــــ❥.

ياعباس گوم تحزم احزام
اجت ليك العقيله من سبي الشام

.❥ـــــــــــــ❂❥ـــــــــــــ❥❂ـــــــــــــ❥.

گـوم اتحـزم وزينب اتلـگـاهـا
معقوله تجي و محـد الحياها
يالكافل خدرها شلون ترضاها
گلب بت الهواشم هيج ينضام

#الشاعره نورس الحلفي

.❥ـــــــــــــ❂❥ـــــــــــــ❥❂ـــــــــــــ❥.

اجـت مـن السبي تجـهر بالونين
مشتاكـة تشوف البطـل وحسين
من بعد الخدر تنطي الوجه وين
وهي حرمة غـريبة تباري بـيتام

#الشاعره ڪوثـر الأسـدي

.❥ـــــــــــــ❂❥ـــــــــــــ❥❂ـــــــــــــ❥.

حزنانه العقيله اتـريـد الاخوان
ومحـتاره بقـت ويـاهـا نـسوان
منها الحيل زينب ليش خلصان
تـعـبانــه تــراهــا وبـيـد ظـلام

#الشاعره زينب ناصر

.❥ـــــــــــــ❂❥ـــــــــــــ❥❂ـــــــــــــ❥.

كـوم اتلكه اختك حيل مهضومه
متعبها الـيسر اكـعد مـن النومـه
عمت عيني عليها أصبحت مظلومه
تـتـمـنى تــرد ويـاك الأيــام

#الشاعره أنين الشيخ

.❥ـــــــــــــ❂❥ـــــــــــــ❥❂ـــــــــــــ❥.

يالمعزب الهلا گـوم اگعدلها
شيل حمولها مـايـل حمـلها
عزيزتكم الجانت بين أهلها
يخوها بالترايب صارت تنام

#الشاعره نور الموسوي

.❥ـــــــــــــ❂❥ـــــــــــــ❥❂ـــــــــــــ❥.

تمت بعون الله
بأقلام شاعرات رابطة العزاء الحسيني
تحت اشراف الشاعره نورس الحلفي

غير مبري الذمه لكل من يغير او يحذف اسماء الشاعرات او ينسب القصيده له

https://t.me/nawrasalhalfy

قصيــده للاربعين
زينب مولاتي وهي تخاطب الناقه
.❥ـــــــــــــ❂❥ـــــــــــــ❥❂ـــــــــــــ❥.

طول الدرب مانشفت العين
مشتاگه ازور الغالي حسين

وانخه بالناگه تعجل شويه
لحسين گربت الاربعينيه
.❥ـــــــــــــ❂❥ـــــــــــــ❥❂ـــــــــــــ❥.
ياناگتي كلما نصل لمجان انشد وينه
عميانه من كثر البجي من فارگت والينه
مثلج متعبنه الدرب بس لاتنوخي بينه
نريد نوصله بعجل لحسينه اشتاگينه

متلهفه الروح اعله ملگاه
بدموعنه خل ترتوي اشفاه
عطشان اضن محروم الاميه
لحسين گربت الاربعينيه
.❥ـــــــــــــ❂❥ـــــــــــــ❥❂ـــــــــــــ❥.
لليوم اضن مامرتوي والعطش يبس نحره
حضرن دمعجن يالحرم نبچيهن اعله گبره
ضمن جرحجن بالعبي ماريد وحده تخبره
بالصار بينه بالسبي والضرب ذاك ومره

ينلجم گلبه وهوه مجروح
خلنه بس نزور ونروح
نقراله ختمه ونعي ولطميه
لحسين گربت الاربعينيه
.❥ـــــــــــــ❂❥ـــــــــــــ❥❂ـــــــــــــ❥.
عادة الميت تنصب فاتحته بين اخوانه
وماتم يسوله ولطم تلطم علي نسوانه
بس احنه منعونه العده ننصب عزه ملفانه
اخذونه عنه بالغصب لليسر ويه اعدانه

مشينه سبايا للدواوين
وحسين ضل من غير تچفين
نايم نضر عيني اعله الاوطيه
لحسين گربت الاربعينيه
.❥ـــــــــــــ❂❥ـــــــــــــ❥❂ـــــــــــــ❥.
ياناگتي الكلج وفه تعبتج انه ويايه
تحمليتي شكد ضرب واسياط من اعدايه
من بلد جدنه واليسر ولكربله عنايه
كلهن مشيتيهن تعب وياي يالوفايه

عد الزچيه الاجر مذخور
بس وصلينه شوي للكبور
ياناگتي واستعجلي بيه
لحسين گربت الاربعينيه
.❥ـــــــــــــ❂❥ـــــــــــــ❥❂ـــــــــــــ❥.

تمت بقلم شاعرة اهل البيت المخلصه
نورس الحلفي
غير مبري الذمه لكل من يغير او يحذف اسم الشاعره او ينسب القصيده له
https://t.me/nawrasalhalfy

نرجو من الجميع ان يستمع لهذه البصمه لايوجد لدينا بالفقهه والشرع والدين يوم المحجوبات لذالك انتبهو

👆🏻👆🏻👆🏻👆🏻👆🏻👆🏻👆🏻

#حصرياً
#الشاعرة_نورس_الحلفي
#قصيدة_للحسن_ع
ــــــــــــــــــــــــــــــــــــــــــــــــــ
هوسه

اذا عن حاتم يكولون يكرمها
جا بيمن توصف زينب ابن امها
العرب تاريخ ابومحمد يشيمها

نزلة الفزاعيه

يبومحمد... ياساس اليكرمون
العرب مثلك عمرهم مايصيرون

دگ ساسه//الطيب بحدك
ــــــــــــــــــــــــــــــــــــــــــــــــــ

مثلك منوجد يانسل عدنان
ريس بالفراضه وصدر ديوان
وطبعك بالكرم شيم العربان

واضح تاريخه//المثلك خيّر
ــــــــــــــــــــــــــــــــــــــــــــــــــ

يتربات الامير ومنبع الزود
يبومحمد ومثلك وين موجود
وسفه اليوم اه يالحسن مفگود

غمض عينه//والكون اهتز
ــــــــــــــــــــــــــــــــــــــــــــــــــ

الك تاريخ شاهد يبن الاطياب
المثلك من يروح شلون ينجاب
عليك اليوم تبجي تنوح الاحباب

شايل واليها//احبابك حزنت
ــــــــــــــــــــــــــــــــــــــــــــــــــ

شايل وين واديارك مخليها
والدله حزينه مات راعيها
المعزب رحل لامايرد ليها

ابن النيبه//مچفيه ادلال
ــــــــــــــــــــــــــــــــــــــــــــــــــ

مجفيه الدلال الشال ريسها
بعد ذيج الگماگم منسمع حسها
ناره موگده وغرب اليحرسها

عنوانه//مفكود الطيب
ــــــــــــــــــــــــــــــــــــــــــــــــــ
بقلم خادمة اهل البيت ـ ع ـ
#الشاعرة_نورس_الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له
https://t.me/nawrasalhalfy

#حصرياً
#الشاعرة_نورس_الحلفي
#قصيده_لشجاعة_السيدة_زينب_ع
ــــــــــــــــــــــــــــــــــــــــــــــــــ


من بعيد تسطر ذيج الهيابه
شسوت بت ابوها احا يابه

ــــــــــــــــــــــــــــــــــــــــــــــــــ

هيبة بت ابوهة تسولف بصيته
وشخصيتها زينب مثل شخصيته
مادنگت راس وهي تربيته

تربيته //بالشام شسوت
ــــــــــــــــــــــــــــــــــــــــــــــــــ

تربية علي وخلفة الحوريه
شيخه معدله وتشبه محاجيه
هز تاريخها الشام واهاليه

مشهوده//وگفات لزينب
ــــــــــــــــــــــــــــــــــــــــــــــــــ

نطقت بت علي والشام هزتها
مثل السيف فوگ الرگب چلمتها
من الله معلمه وتسطر فصاحتها

المهيوبه//تربات الدين
ــــــــــــــــــــــــــــــــــــــــــــــــــ

عليها مصلصله الهيبه بمعانيها
اميره والفصاحه لايگة اعليها
وكفت وگفه دنگت روس اعاديها

من حجايه// ديوانه اهتز

ــــــــــــــــــــــــــــــــــــــــــــــــــ

اميره وصابره اعله افراگ ولياها
بجته اللعين القصد اذاها
بالديوان ضل تصدح حجايها

يذكرونه// يوم الديوان
ــــــــــــــــــــــــــــــــــــــــــــــــــ
بقلم خادمة اهل البيت ـ ع ـ
#الشاعرة_نورس_الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له
https://t.me/nawrasalhalfy

جديد ١٤٤٦ هـ

عزاء الهاشميات ج ١

الشاعرة نورس الحلفي

خاص عاشوري

متوفر في مكتبة الغدير بغداد
لدينا توصيل لكافة المحافظات


واتساب فقط
👇👇👇👇
07711395580

https://t.me/eheh10

عطش الفرات ج ٧

الشاعرة
رسل الابراهيمي
نورس الحلفي

خاص للعليلة ووداع ام البنين عليهم السلام

متوفر في مكتبة الغدير بغداد
لدينا توصيل لكافة المحافظات

للحجز

لاترسل صورة الكتاب ❌❌

الصورة عندي 😉😉

فقط ارسل اسم الكتاب والجزء ✅✅


واتساب 👈👈👈07711395580

https://t.me/eheh10

دواووين الشاعره نورس الحلفي

حسجه بصراويه بحته

👌🏻👌🏻🙅‍♀️🙅‍♀️


نورس الحلفي


⬇️ للتواصل والاستفسار ⬇️
@ABRAR5325
@ABRAR5325

كروب اجهزة يفيد ملايات👇👇

https://t.me/+n-BgqsOHygw5OWNh