نسائية وتوليد هامة 2024

#هام #التوليد
مساء الخير زملاءنا الغاليين❤️❤️ كيف الهمة و كيف الدرس؟😃❤️

بوست طويل شوي لكن مهم لهيك بتمنى تتابعوا معي للأخير😁
أنا الدكتورة بشرى أحمد الخريجة الأولى على جامعة تشرين دفعة 2022

رح كون معكم انا و الدكتور ناصر جزهرا بمادة #التوليد و رح نحكي عنها بهاد البوست:

⁉️ كم عدد فصول مادة التوليد؟ كم علامة تقريبا بيجي عليها؟ و كيف ترتيب دراسة الفصول؟
🔹المرجع المطالبين فيه بيتضمن ٢٧ فصل وعليها وسطيا ٢٦ علامة (زائد ناقص كم علامة حسب كل دورة واحيانا بالتساوي مع النسائية)

🔹 أرقام الفصول بالمرجع مانها مرتبة حسب المضمون، لهيك في طريقتين لترتيب الدراسة:

1️⃣ الطريقة الأولى هي الدراسة بحسب أهمية الفصول وهاد هو المبدأ يلي مشينا فيه بعملنا بنسخة 2023 و 2024 بحيث وضعنا الفصول الأهم بالجزء 1 والباقي بالجزء 2

إلا انه وبعد تحديث البنوك لاحظنا عدم التقيد بفصول محددة وانما موزعة على كامل المادة واحيانا من مواضيع جديدة كلياً

لهيك بنسخة 2025 اتبعنا عمل واسلوب جديد للمادة مع دمج النوط واعادة هيكلتها كالتالي

👈الدراسة حسب ترابط المضمون: و برأيي هو الأفضل صراحة بأول دور دراسة مشان الفهم:

وتم تقسيم النوطة إلى 3 مراحل مختلفة وفق تسلسل منطقي ومترابط للدراسة والفهم

🔴 المرحلة ما قبل الحمل وتشمل:
1️⃣ الفصلين ١+٦ (القصة و الفحص و العناية بالحامل)
2️⃣ الفصول 2+3 (الاباضة والاخصاب) ويفضل ربطها مع الفصول٢٨+٢٩ من النسائية (الطمث و اضطراباته)

🔴 مرحلة الحمل وتشمل:
3️⃣ الفصول ٥+١٠+١٤+١٥+١٦+١٧ (التغيرات الفيزيولوجية للحامل و الأمراض في الحمل)
4️⃣ الفصول ١١+١٢+١٨ (نزوف أشهر الحمل الأولى)
5️⃣ الفصل ١٣ (نزوف اشهر الحمل الأخيرة)
5️⃣ الفصل 19 (الاختلافات في مدة الحمل)

🔴 مرحلة الولادة وما حولها وتشمل:
6️⃣ الفصول ٧+٨+٢٠+٢١+٢٢+٢٤ (الولادة و شذوذاتها و العمليات التوليدية)
7️⃣ الفصلين ٩+٢٣ (النفاس و اختلاطاته)

ما تبقى من الفصول (4+25+26+27) متفرقة بتدرسوها كيف ما حبيتوا❤️❤️

🔸هل المرجع كافي لحل الاسئلة؟
🔹للأسف أبدا ما كافي😅 و خاصة انو مواد الكتلة التانية بالعموم ممكن ترد اسئلة خلافية احيانا💔 او ممكن يرد اسئلة من دورات ومقررات الجامعات

لهيك اجا هون دورنا 😁 و رممنا النقص بالنوط بناء على:
-فقرات الشوامل: و هيك صارت الفقرة عنكن بالكامل اذا تكرر السؤال ما بس الخيارات الخارجية✌️
-الأسئلة المكررة و الهامة بدورات الجامعات (شملنا أكبر ما يمكن)
طبعا الإضافات و الترميم بلون مغاير او اطارات مميزة منوّه لها لتقدروا تميزوها عن المرجع مع ذكر مصدر الترميم😇

إذا شو صارت النوطة بتشمل؟
النوط بتتضمن المرجع مع التنويه على الأفكار الهامة و الافكار الاقل أهمية (بخط أصغر) و هاد الشي بيساعدكم بالدراسة و التلخيص 😍 طبعا مع تنسيق سلس و ظريف عنمط باقي النوطات للفريق و دعمنا النوط بالصور و الفديوهات للفهم و للذاكرة البصرية😍

الشوامل (الدورات) محددينا باللون الاحمر و ضفنا خيارات الشوامل الخارجية كاملة حتى اخر دورة تشرين 2024

-بعض العبارات الهامة والاضافات من دورات الجامعات لعل و عسى يتكرر منهن😂 بالدورات الماضية قسم كبير من الاسئلة ورد من هدول الاضافات والمربعات😁

⁉️ طيب دكتورة ما صارت هيك النوطة كتير كبيرة؟
التوليد مليانة تعدادات..لهيك هالصفحات الكتيرة في قسم منيح منها شروحات بس حتى تفهموا ما تبصموا التعدادات بصم.. و صور و هدول بيمروا بسرعة ما بياخدوا وقت😁 و فيكن تسألوا رفقاتكن الأكبر يلي درسوا منها 😁
كمان دراسة الإضافات اختيارية حسب كل شخص و وقتو و العلامة يلي حاططها ببالو لهيك اعتمدنا ألوان مختلفة..مشان كل شخص يقرأ الفقرات يلي بتناسبو😇

و هلا بنوطة 2025 شلنا صفحات الحشو الزيادة و حاولنا قدر الامكان نعيد صياغة الجمل مع المحافظة على المعنى و المعلومة بشكل تصغر النوط مع اكبر شمولية ممكنة😁

🔸كم يوم بيحتاج التوليد دراسة؟
🔹طبعا بيختلف حسب الشخص و همتو🙃 لكن وسطيا ٢٠ ل ٢٥ يوم دراسة نسائية مع توليد
تقريبا التوليد لحالو بدو اسبوعين او اكتر بشوي.

⁉️ شو وضع الدورات الماضية بعد تغيير البنوك والجدل حولها؟
للأسف كان في شوي مشاكل بأسئلة صياغتها ركيكة لهيك بتحتمل أكتر من وجه.. واحيانا خيارات خارجية صعبة ضمن فقرة مألوفة.
ما تبقى إما من المرجع و ما جاي مسبقا دورات أو فقرات دورات (اغلبا) أو إضافات نوط الميدبوس يلي اجا منها عدة افكار خارجية😁

توصية أخيرة؟
كتير مهم انو كل حدا من الدور الأول بالدراسة يحدد الأفكار يلي بدو يعيدها بالدور التاني و يعمل ملخصو الخاص فيه...نحنا بالنوط منحب نطرح الفكرة بشمولية لهيك منضطر نكتب اشياء ممكن تكون بديهية عند كتار منكن ولهيك التلخيص هاد مهم..كمان حتى ما تضطروا تغيروا المصدر و الذاكرة البصرية.

بلشوا بكير مشان تدرسوا على رواق بدون ضغط و تستغلوا هي السنة لتأسسوا حالكن كأطباء حقيقيين❤️❤️ موفقين كتير و إن شاء الله نقدر نساعدكم توصلوا لأحلامكم و تحققوا كل شي بتتمنوه 😁💞

#سوادس_الدفعة_2025
#كتلة_تانية
#توليد_نسائية

رح نبدأ بسلسلة تعريفية عن مواد الكتلة التانية بالتفصيل متل ماعملنا بالاولى
كل بوست تحت عنوان #هام وكل حرف فيه هام وضروري، ومنحكي عن ترتيبة الفريق لهي السنة في مادة التوليد والنسائية.

🔷 مادة وحدة دراستها بتضمنلك نص الأسئلة تقريبا 48 سؤال من اصل 120
🔷 يفترض أنو الكتلة التانية أسهل من الأولى من حيث تقسيم المواد، بالأولى قلبية هضمية 300 صفحة عليهن ٢٢ سؤال، نسائية توليد 300 صفحة عليها ٤٨ 👌✌️
🔷 المادة بعيبها الحشو الفائض الي مالو لزمة خاصة أنو الخط ناعم والصفحة مقسومة نصين بالمرجع الأمر شوي صعب تحمله خلال السنة
🔷 التوليد أصعب من النسائية
🔷 التوليد عليها ٢٨ سؤال والنسائية ٢٠ بشكل تقريبي
🔷 للتوسع اكتر وفهم أفكار معينة فيك ترجع لمحاضرات جامعتك أو محاضرات الشام.
🔷 في ابحاث توسع فيها شوي من الأطفال متل اخماج الحمل، جنين ناقص وزن الولادة، سلس بولي من البولية 👌❤️
🔷 رح نفصل بابحاث المرجع بحيث تعرفو مين المهم من الاقل أهمية من البداية، لانو ببساطة في ابحاث حرام تندرس الا الشي المهم منها 💯💯
🔷 المدة اللازمة لدراسة المرجع كاملاً حوالي ال20-25 يوم مع استرخاء أيضآ 😁🤗

🔺🔺 تفصيل ابحاث التوليد
✅ 1👈6 دراسة فهمية بجي منن سؤالين تلاتة ركزو الجداول والتعدادات عدا الخامس والسادس بدن دراسة بتركيز اكبر.
✅ فصول(8,21,22,24) ابحاث توليد بحتة وبندرسو سوا والن حصة كبيرة من الأسئلة.
✅ فصول (11,12,13,18) نزوف التوليد بدن دراسة سوا واعادة مهمين كتير ✌️
✅ فصول (14,16) ضغط وسكري دراستن بتركيز عليهن شي ٣ أسئلة بصميات
✅فصل 9,10,15,19,20,23,25 تدرس سوا عليهن شي ٦ أسئلة وبفضل الفقرات مع التعدادات وقراءة الباقي لانو مقت. وادرسو التاسع مع فصل 23 مع بعضن افضل
✅ فصول (17,26,27) ابحاث أطفال بالدرجة الأولى يفضل دراستن من الأطفال واذا زاد وقت ادرسوهم افضل 😊❤️
✅ فصل 7 بجنن وبدوخ ماعليه أسئلة درسوه مرة ويكفي 😂🤗

🔺🔺 تفصيل ابحاث النسائية
✅ 28,29 فين فقرات هامة جدا وفي فقرات بأهمية متوسطة
✅ 30 بضيع وقت وادرسو الزبدة فقرة فقرتين يكفي
✅ 31,32,33 اهم ابحاث الوطني بالنسائية بدن دراسة كاملة وبالاعادة ركزو التعدادات منيح
✅ 34 مهم ركز بعض النقاط المهمة والباقي اطلاع حاج
✅ 35مهم ويعاد كذا مرة وادرسو معو فصل36 (الورم العضلي الاملس) وماتبقى من 36 متوسط الأهمية (متل ٢٨،٢٩)
✅ 37شوفو النقاط الهامة فيه والتعدادات حاج بكفي (باقي الفصل بدوخ وبدخل بالحيط)
✅ 38 فيو كم فقرة مهمات متل الهبوط الرحمي والباقي قراءة لمرة واحدة
✅ 39 استعينو بالجراحة البولية أفضل
✅ 40 جراحة أورام وعامة ركزو الهام والباقي قراءة لمرة واحدة
✅41ركزو الهام والباقي قراءة
✅ 42 ركزو الهام وعيدو الجداول بتركيز ❤️
إذا في شي ماذكرتو معناها قراءة أو حذف متل (تشريح فيزيولوجيا.....)

منجي على خطة الفريق لهي السنة:
التغيير جذري عن نوط السنة القادمة
وهاد الشي بعد أخذ آراء طلاب الدفعة السابقة وكان الحشو عائق قدام كتير طلاب بدون فائدة تذكر بس كبر حجر النوطة
لهيك رح نعمل مايلي :

🔵 نوطة توليد وحدة فيها اهم الفصول واهم الفقرات المهمة من كل التوليد
🔵 نوطة نسائية وحدة فيها اهم الفصول واهم الفقرات المهمة
🔵 نوطة اكسترا توليد ونسائية فيها الفقرات الغير واردة ابدا بالدورات السابقة والحشو الغير مهم لكلا المادتين، وهي لمن يرغب بدراسة كل المادة كاملاً

وهي بكون مشينا تحت رغبتكم والمريح وبنفس الوقت بعض الطلاب الي بتحب تدرس شي شامل بدون نقص ايا فقرة.

طولت عليكم بس مابدي اعدد بوستات التوليد فوجب التنويه

لاي سؤال فيكم تتواصلو معي عالخاص.
بالتوفيق ❤️❤️

بعد طول انتظار هي ملف الحل النهائي لدورة تشرين 2024 الكتلة الثانية ، مع احصائية كاملة عنها وتحليل الأسئلة ومصدرها

لتكون أرشيف دائم لكل الدفعات القادمة

تم حسم إجابة كل سؤال خلافي مع مناقشته الكاملة

حيث ورد فيها 16 سؤال مغلوط أو غير دقيق قد يؤثر على صحة الإجابة وعلى حوالي 54 سؤال صعب
(تم المطالبة من الطلاب بحذف 15 سؤال منها)

📖 عدد الصفحات = 150 صفحة
🍫 عدد الاسئلة = 120 سؤال

⭐️ ملف حل دورة تشرين 2024 - الكتلة الأولى

اذا لنصف دورة تشرين بكلمة وحدة فهي فعلاً دورة #طاحنة بامتياز تميزت بالصعوبة العالية مقارنة بما سبقها من الدورات الماضية

وان شاء الله كل حدا بجيب احسن من توقعاته 🙏🏻
#MEDBOSS

هي توليد ولا داخلية واطفال؟
قال ربو وركودة وقصور قلب قال
لا واحلى شي الحصبة الألمانية و CMV

اذا ما حددولنا مدة الدورة منضيف 10 ايام و9 اشهر لليوم الاول وليس الاخير انتبه لاخر طمث ... اذا حدووا مدة الدورة وقالوا 21 يوم ما منضيف ايام اما 35 يوم منضيف 14 يوم اما 28 يوم منضيف 7 ايام

عنق الرحم يشبااااب ... قال عنق العنق😂 لا تواخذونا فاصلين🥹

🟣 الإنتان بالكلاميديا:
🔮 ضائعات مخاطية قيحية من عنق الرحم.
🔮 عسرة تبول، وقد يحدث نزف رحمي بين الطموث.
🔮 يمكن أن يحدث بالتماس خلال مرور الجنين عبر المهبل إنتان ملتحمة وذات رئة عن الوليد.
🔮 تتضمن المعالجة الأزيترومايسين أو دوكسي سيكلين.
🔮 أشيع مكان يصاب بالكلاميديا 👈 عنق الرحم والبوق.
🔮 العامل الممرض الأشيع لالتهاب البوقين 👈 الكلاميديا.

🟣 الإنتان التناسلي بالنيسيريات البنية:
🔮 قد يكون لا عرضياً أو ينتج أعراضاً مبكرة.
🔮  لا تستطيع اختراق الظهارة المهبلية الرصفية. 
🔮 تتضمن المعالجة سيفترياكسون.

🟠 إنتانات الأعضاء التناسلية الداخلية:
🔶 إنتان الطريق التناسلي العلوي مكتسباً:
   ☝️ عن طريق الجنس.
   ✌️ إنتان صاعد من النبيت الجرثومي المهبلي.
🔶 يمكن أن يتلو إجهاض أو ولادة.
🔶 العناصر الإنتانية:
    1️⃣ المكورات العنقودية.
    2️⃣ العقديات.
    3️⃣ الإشريشيا الكولونية.
    4️⃣ اللاهوائيات.

🟠 الداء الحوضي الالتهابي المتعلق الأمراض المنتقلة بالجنس:
🔶 يحصل الانتشار عبر الأوعية اللمفاوية أو الأوردة.
🔶 يجب تحري الكلاميديا والنيسريات البنية قبل إدخال اللولب.
🔶 العاملان الممرضان الأساسيان هما: 
     ☝️ الكلاميديا (الأشيع).
     ✌️ النيسريات البنية

🟣 الضائعات البيضاء:
🔮 تختلف كمية المفرزات المهبلية حسب فترة الدورة الطمثية. 
🔮 تصل لأقصاها وقت الإباضة.
🔮 يجب طمأنة المرأة بأن هذه الضائعات غير مرضية.
🔮 ولا نعطي الصادات أبداً.

🟣 الضائعات المهبلية المرضية (التهاب المهبل):
🔮 هناك ثلاث أنماط من العناصر الممرضة:
1️⃣ المشعرات المهبلية (طفيلي ينتقل جنسياً).
2️⃣ المبيضات البيض (أكثر الأنماط الفطرية شيوعاً).
3️⃣ الجراثيم (التهاب المهبل الجرثومي).

🔮 في التهاب المهبل تكون الحرقة المهبلية والفرجية عرض هام ولكن لا يوجد ارتفاع حرارة. 🔥

🟡 الثآليل التناسلية (اللقموم المؤنف):
🔱 تسبب الثآليل التناسلية الأنماط 6 و 11 من الفيروس الحليمومي الإنساني (HPV).
🔱 هناك أنماط مسرطنة منها (16 و 18).
🔱 المعالجة بالبودوفيللوتوكسين ولا يُستخدم في الحمل .
🔱 ونظراً للمخاطر الناجمة عن النمطين 16-18 من (HPV) لتطور سرطان عنق رحم، فالمرأة المصابة بالثآليل الفرجية تحتاج لإجراء لطاخة عنقية منتظمة.


🟡 القرحة الفرجية الإفرنجية:
🔱 حطاطة صغيرة تظهر مكان التعرض.
🔱 عادة بعد ١٤ - ٢٨ يوماً من العدوى.
🔱 تكون هذه القرحة غير مؤلمة معدية بشدة.
🔱 تأكيده بفحص الرشاحة بالمجهر ذو الأرضية المظلمة.
🔱 المعالجة ببنزائين بنسلين أو دوكسي سيكلين.

🟡 التهاب غدة بارتولان:
🔱 تسببها عادة الايشيريشيا كولي أو العنقوديات.
🔱 إما أن يهدأ أو يتشكل خراج بارتولان.
🔱 عند تشكل الخراج فلا بد من إجراء التوخيف.

⚫ انتانات السبيل التناسلي ⚫

🔥 الإنتانات المنتقلة بالجنس:
1️⃣ الكلاميديا
2️⃣ البنيات
3️⃣ التهاب الكبد (B)
4️⃣ الإفرنجي
5️⃣ المشعرات
6️⃣ فيروس نقص المناعة الإنساني المكتسب (HIV)

🟠 الحلأ التناسلي:
🔶 يسبب النمط الأول  عادةً القروح الفمويّة.
🔶 الهجمة السريرية الأولى عادةً أسوء من النكس.
🔶 مجموعة من الحويصلات المحمرة المؤلمة.
🔶في معظم حالات النكس لا نجد سبباً لكن الطور اللوتئيني من الدورة الطمثية ➕ الإصابة بإنتان آخر منتقل بالجنس ➕ الشدة العاطفية النفسية أكثر الأسباب شيوعاً.
🔶 التشخيص بالفحص (PCR)، 
🔶 يجب اجراء مسح شامل للأمراض المنقولة بالجنس.

#انتانات
#هام
◀️المكان الأكثر عرضة للحلأ التناسلي 》》 السطوح الداخلية للشفرين الكبيرين
◀️الثآليل التناسلية 》》 الفرج
◀️القرح الصلب بالسفلس 》》 الشفرين الكبيرين
◀️اشيع سبب لالتهاب غدة بارتولان 》》 E.COLI اما خراجة بارتولان 》》 البنيات
◀️المبيضات اشيع ما تصيب 》》 خلايا البشرة المهبلية اما البنيات لا تستطيع اختراق الظهارة المهبلية
◀️أشيع مكان يصاب بالكلاميديا 》》 عنق الرحم والبوق
◀️أشيع سبب للضائعات المهبلية 》》 التهاب المهبل الجرثومي اما للحكة 》》 مبيضات ومشعرات
◀️أشيع سبب لالتهاب البوق 》》 كلاميديا
◀️أشيع سبب للداء الحوضي الالتهابي 》》 كلاميديا وبعدا البنيات


❤الكلاميديا والمشعرات المهبلية والتهاب المهبل الجرثومي غالبا لاااااااا عرضي
💚الداء الحوضي الالتهابي غالبا عرضي /٢٠% لا عرضي/


☀️التهاب المهبل الجرثومي 》》 مترونيدازول والبديل كليندامايسين
☀️مشعرات 》》 مترونيدازول
☀️المبيضات 》》 مركبات النازول (مضادات فطور)
☀️الكلاميديا 》》 ازيترومايسين او دوكسيسيكلين
☀️البنيات 》》 سفترياكسون او دوكسيسيكلين
☀️الثآليل التناسلية 》》 بودوفيللوتوكسين(لا يستخدم في الحمل)
☀️خراج بارتولان 》》 توخيف


✔خلايا Clueاو الدليل او المفتاحية 》》 التهاب مهبل جرثومي
✔رائحة السمك (اختبار Wiff) 》》 التهاب مهبل جرثومي
✔عنق رحم بشكل الفريز 》》 مشعرات
✔مفرزات خضراء رغوية 》》 مشعرات
✔مفرزات متل الجبن قشدية بيضاء تلتصق بجدران المهبل》》 مبيضات
✔مفرزات مائلة للرمادي تلتصف بجدران المهبل》》 التهاب مهبل جرثومي

❌ درجة حموضة PH فوق 4.5 في التهاب المهبل الجرثومي وتحت 4.5 اي طبيعية في المشعرات والمبيضات
❌المشعرات تترافق في ٦٠% مع التهاب مهبل جرثومي
❌بالتهاب المهبل الجرثومي لا يوجد علامات التهابية ولا يوجد حكة ولا يوجد حرقة (فقط ضائعات)

ومنرجع نأكد تنظير البطن تخدير عام

انتبه بوليبات باطن الرحم والاورام الليفية تحت المخاطية واخذ خزعة من باطن الرحم وتشخيص افات باطن الرحم هدول كلن بعملن بتنظير باطن الرحم

الاشيع عند الخروسات : سرطان باطن الرحم + سرطان المبيض + الاندومتريوز + الورم الليفي + ماقبل الارجاج + الاكتئاب مابعد الولادة + حمل مديد + تمزقات السبيل التناسلي
خروس مسنة : اقياءات حملية شديدة+ تشوهات صبغية + سكري حملي وارتفاع توتر شرياني وما قبل ارجاج + معدل اعللى للقيصرية والخزع والاجهاض + نزف ما قبل الولادة

الاشيع عند الولوادت : المجيئات المعيبة + الارتكاز المعيب والانفكاك الباكر + سرطان عنق الرحم + الأدينوميوز + تناذر هيلب + العطالة الرحمية + تخلخل العظام + الهبوط الرحمي + الحمل المتعدد + فقر دم
(حطولي الباقي بالتعليقات اذا فيه)