قصائد ناصر الوبير

٣٣٥
قصيدة شمس قلبي



في سماي .. الشمس تشرق مرتين
مرحبا ... ياشمس قلبي يا أنيقة

كنت أحلم .. كنت ضمن الحالمين
والأماني .. صارت بعيني حقيقة

آآه يالاحساس .. بين العاشقين
كم تعب عمري يدور عن طريقه

كان حلمي ورده تزهرني سنين
شوف ربي كيف عوضني حديقة



.

٣٣٤
🔵قصيدة عيد الحب



كل المشاعر قبل أعرفك عقيمة
ما املك أي أحساس ولا أعرف أحب

وشفتك ، وشفت أن ( الليالي ) كريمه
عطتني أنت .. وصرت مكسب لـ هالقلب

غيرت مفهوم الحياة القديمة
وعلمتني بأن المشاعر لها رب

أحيان حربك تعطي الحب قيمة
وأنت الملك في ساحة الحب والحرب

ياخي عيونك فيها طاقة عظيمة
عيونك خلقها الله قانون للجذب

ما حس عيد الحب حاجه عظيمة
كل يوم أشوفك يعتبر عيد للحب !


.

٣٣٣
🔵 قصيدة ليبيا



دقيقة حضرة التاريخ من فضلك وبستئذان
نبي نسأل عن الأمجاد حاضرها وماضيها

من الهيبة؟ من العزة؟ منهم صفوة الشجعان؟
سكت لحظة، وجاوبني بكلمة ماني بناسيها

أنا برقة معاركنا لها موعد مع الشجعان
وطرابلس الشهامة من فعايلنا نعليها

وأنا عزمي شديد الباس، طبعي من أهل فزان
أنا الليبي، أنا كل الرجولة في معانيها

أنا سبعة ملايين وتربينا على الإحسان
أمازيغ وعرب وأهل الطوارق والتبو فيها

سلام الليبيا أرض النضال ومنبع الفرسان
سماك الكبرياء وأرضك من الجنة نحنيها

رجالك ليبيا ربي عطاهم في المعارك شأن
صقور الجو، أسود الأرض، ويل اللي تعاديها

هنا المستعمر استيأس بنصره وانطرد منهان
هنا ايطاليا أحترقت جحافلها ومباديها

بكت من ليبيا عين الغزاة وسالت الأحزان
هنا جفت عزايمها، هنا ماتت أمانيها

لك الله ليبيا ياكم على سورك عدو خسران
غزاتك ليبيا ماتت على سورك خطاويها

يا أحفاد الزعيم اللى مكسر شوكة الطليان
على الخيل الأصيلة ليبيا عيا يخليها

عمر مختار أسد صحراء وأسمه غالي الأثمان
سلام الله على المختار بسيف العز حاميها

وقوفي بين أحفاده شرف لشاعر وعرفان
كأني واقف بين الشواهد وأفتخر فيها

سلام الليبيا أرض الشهيد ورفعة الإنسان
علشانك تهون الروح نرخصها ونهديها

عشانك ليبيا عظام الشهيد يصيرلك بنيان
عشانك ليبيا بدم الشهيد الأرض نسقيها

فدتك الروح يا أرض الشموخ وجنة الأوطان
فداك الكون والدنيا من أولها لتاليها

أنا الليبي بلادي في فؤادي منبع الإيمان
أنا الليبي بلادي كل قطرة دم تفديها

أنا الليبي بدون التفرقة في موطن الإنسان
أنا الشرقي وأنا الغربي، أنا الوحدة ومعانيها


.

٣٣٢
🔵أبيات

الحنين اللي ملى هذا المساء
أعشقه .. لولا مواضيع الرحيل

جعلني ما فارق بفصل الشتاء
يكفي انه موحش ، وليله طويل

.

٣٣١
🔵أبيات


اللي طعن ضحكتي في قمة اعيادي
والله ما ياخذ إلا من ( حسن ظني )

يارب تسعدلي أعدائي وحسّادي
يمكن بطعم السعادة تلتهي عني


.

٣٣٠
🔵ابيات


تكاثروا ... تكاثروا ... يالطنايا
كل ما كثرتوا صار للمجتمع شان

الشمري ، ( ربك ) خلق بوه مزايا
أهمهن .. يوفي معك وين ماكان


.

٣٢٩
🔵أبيات


ليلة وداعك ... شي ماهو بمعقول
وللحين أحس بحزنها وين مارحت

مدري وش اللي صار بس مثل ماتقول
ما طاحت الدمعة ولكن أنا طحت !!


.

٣٢٨
🔵ابيات


كنت أدور " مفاتيح " الفرح بالحياة
وكنت أحسب انّها في مال ولا غرام

أثر نبض السعاده من عروق الصلاة
واثرها " نور " ما يقدر عليه الظلام !


.

٣٢٧
🔵أبيات


أحباب ياكثرهم واصحاب كثر التراب
لكن شعوري من هموم الحياة أكتفى

كل شي بالكون قابل للجفى والغياب
إلا غلا ( والديني ) مانخلق به جفى !


.

٣٢٦
🔵قصيدة الملك عبدالله



نسيتوني؟ وانا اللي كنت أوصيكم على ذكراي عرفتوني؟ انا اللي كنت لآخر " عمري " اذكركم

لهيتوا عني ، وراحت ( مشاعركم ) مع اللي الجاي
وانا اللي كنت ، مشغول " بحياتي " في مشاعركم

وحيد ، ومامعي غير الظلام ، وطيبي بدنياي !!
غريب .. ولا تونسني / سوى دعوات / تذكركم

بخلتوا في مشاعركم .. وانا اللي كم عطت يمناي
على ويش البخل هذا ؟ وانا اللي كنت اقدركم

امانه عطروا قبري بدعوه تمطر بملفاي !!
عسى الله من " نسايم جنتة " .. دايم يعطركم

اذا كنتوا تحبوني ، وإذا كنتم تبون رضاي
امانه .. لا تخلوني .. وانا " روحي " تناظركم

عرفتوني؟ ... بذكركم بنفسي ، وافصح بذكراي
انا عبدالله .. اللي كان قبل يموت يذكركم .


.

٣٢٥
🔵أبيات


لنا المزيد .. ولك من الخلق شكرك
دعواتنا ( سنه ) وطاعاتنا ( فرض )

ياربناا .. وأحلى العبادات ذكرك
لك الثناء ملئ السموات والأرض

.

٣٢٤
🔵أبيات


ياجعل .. موتي ب أخر العمر ساجد
وياجعل وقتي في ( صلاتي ) أحطه

العمر رحله .. ( والمحطات ) واجد
والروح .. ماتدري وش أخر محطه

.

٣٢٣
🔵أبيات


ترى اتصالك واعتذارك لجرحك
جمال زايد عن حلا وجهك الطلق

الله يا حلوك ، ويا زين ملحك !!
متفرد ( لحالك ) على باقي الخلق

.

٣٢٢
🔵قصيدة قطر


هذي بلادي بالمواقف كبيرة
وكل لحظه تعدّي بها صيت يزداد

قطر .. خلقها الله دوله صغيره
لجل تكون بفعلها أكبر بلاد

وأمجادها من كثر ماهي مثيرة
كأن قطر ربي خلقها للأمجاد

كل مجد وانتي للاماني سفيرة
وكل عز وافعالك على الحق تنعاد

البوح صادق والمشاعر كثيرة
تبختري مجدك على العز معتاد

انتي وطن في شكل خيمه كبيرة
وحنا سواعدنا لك أطناب ووتاد

فعايلك مثل السيوف الشطيرة
جمايلك نور على العز وقاد

يابلادنا وارواحنا لك ذخيرة
ثوري ويمنا الشعب للبندق زناد

لو كان مانتي بالمواقف جديرة
ماكانت الدوحة على صدر الامجاد


.

٣٢١
🔵أبيات


خذني صباح يشبهك كثر ما ايقنت
أنك شبيه الغيم / والروح / والضي

جعل العمر ( و أحلامنا ) كلها أنت
ياللي صباح الناس دونك ولا شي


.

٣٢٠
🔵أبيات


طق يا مطر وأنزل على الأرض رحمه
واشرح صدور اللي عن الذنب تابوا

ويارب .. مع كل دعوه .. وكل كلمه
تسقي ( قبور ) اللي عن العين غابوا


.

٣١٩ 🤍
🔵أبيات


محدن على دنيتي في عمري مخوّل
إلا ( انت ) من بد خلق الله أولابي !

كل عام وأنا بعيونك ( حبك الأول )
وكل عام وأنت بعيوني أول أحبابي


.

٣١٨
🔵 الأم

أمي المعنى الحقيقي لسلام
أمي القمرا في كل ليل أسهره

أمي لو أكسب رضاها ياسلام
مايهم اللي في عمري أخسره

أمي نور الشمس في وسط الظلام
أمي الحب الحقيقي وأطهره

أمي أكبر من تفاصيل الكلام
أمي الجنة على هيئة مره


.

٣١٧
🔵ابيات


ياخشير الروح بالدرب الطويل
أكفني شر الغياب بطلتك

.

٣١٦
🔵أبيات


بنت الرجال الشامخة ليت تدري
أن النساء من بعد شوفة حماقة

يكفي لياطلت أردد في صدري
الله يخرررب بيتها من ( أناقة )


.

٣١٥
🔵أبيات


مابه خسارة مادام عزومنا عليا
لله كل / الثنا / والشكر / والمنه

ياجعلنا لا خسرنا نخسر الدنيا
و ياجعلنا لا كسبنا نكسب الجنة


.

٣١٤
🔵ابيات


ماعرف طعم الفرح ، بس اللي اعرفه !!
من يومني طفل واحلامي هي أحلامي


.

٣١٣
🔵أبيات


تعبت من كثر( الخطا ) ودي أتوب
مليت من نفسي وأحس مامعي قلب

ياليتني باقي ( طفل ) .. مالي ذنوب
أو ليـت ربي .. ما خلق للبشر ذنب


.

٣١٢
🔵أبيات


لفراحهم .. كنت أغني للقلوب أغنيات
واليوم .. ياحزنهم مني عشاني فرحت !

لوكان ماالله خلق للأدمي ذكريات
ماكان شفت الدموع تسيل لامن سرحت


.

٣١١
🔵أبيات


‏لا تجبر الناس بالدنيا على قربك
يبقى لعمرك ثمن مهما تساهلته

البعض : تهتم له بس ماهو يحبك
والبعض يبدى يحبك لا تجاهلته


.

٣١٠
🔵أبيات


في عفوك ، وفي رحمتك أسلمنا
نرجيك .. والدمعه وراها دمعه

ياربّنا .. وأغفرلنا .. وأرحمنا
في أخر ساعة من نهار ‎الجمعة


.

٣٠٩
🔵أبيات


سولف قبل لا يموت بشفتيك الكلام
أنا اكثر إنسان بالدنيا يحب يسمعك

من كثر ما وجهك الفاتن يشد الانام
تفكيري بوجهك اكثر من كلامي معك


.

تم أنشأ قناة واتساب لقصائد ناصر الوبير
للمتابعة على الرابط :

https://whatsapp.com/channel/0029Vap1a6aDTkK1VSUCrq3G

٣٠٨
🔵أبيات


صوتك مثل تاريخ ثابت على البال
ما أقدر أعيده ، ولا أقدر أنساه

.

٣٠٧
🔵أبيات


ياليت .. لو مره على البال أخطر
ياناسي جروح الوفى داخل القلب

خطر عليك انك تحب بس الاخطر !
أنك تعيش العمر ( ما تعرف تحب )


.

٣٠٦
🔵أبيات


حتى لو الوقت مايضحك ومتعبني
يكفيني ان ( مبسمك ) لاجيت يضحك لي


.

٣٠٥
🔵أبيات


فقير .. من لحظة لقا بين الأحباب
وغني من غيابً كبر في حياتك

واللي مصبّرني و أنا ميّت عتاب
أنّ راس مالي بالزمن [ ذكرياتك ]


.

٣٠٤
🔵أبيات


سوى غيابك جد أو تختبرني
أنا على خبرك وصعب أتعداه

واذا تخاف الذكريات أعتبرني
موعد لقى عشّاق صار ونسيناه


.

٣٠٣
🔵أبيات


‏طاريك، وهموم السهر ،والأماني
أشياء من كثر الجفى عيّت تفوت

صدقني ، لو ترجع دقيقة عشاني !!
والله ، ماتفرق بعدها لو ( أموووت )


.

٣٠٢
🔵أبيات


أحلى مافي هالحب .. شوفة عيونك
وأخس شي بالحب إذا انك ( تعلقت )



.

٣٠١
🔵أبيات


انتصف ليلنا .. والعاشقين أكثروا
ياسهارى .. قلوب الناس ملت بكي

أبسط الناس بالدنيا ثنين أسهروا
ودهم بالوصال ... وقزروها حكي



.

٣٠٠
🔵أبيات


خذ روحي أو قلبي أوتدري أنا كلّي
فدوه لعين الحنان اللي ملا قلبك

أسئلك بالله ياروح الغلا قلي
لا صاار هالعمر مره ليه ما أحبك


.

٢٩٩
🔵أبيات


بكرا لا شفت الزمن كل ماله ويصعب
يارب وأنت الكريم .. اللي بغنى عني

لاتخلي الناس : تعرفني من المنصب
( خل المخاليق تعرف منصبي منّي )


.

٢٩٨
🔵أبيات


لاتحزن لظلم المخاليق وتصيح
عيوننا قبلك من الظلم غرقى

اللي يبونك من على القمه تطيح
هم أكثر من اللي تمنوك ترقى

.