"قصص و اسكريبتات الكاتبة نيرة احمد 💙"

"لإنكِ أنتِ "
"الحلقة السابعة"

- في ايه يا عم ابراهيم حصل ايه؟

_البت دي لازم تمشي دلوقتي ، بدل ما ادفنها مكانها

-حصل منها ايه ل ده كله!

ردت هي بعصبية و صوت عالي _ وانتي مالك انتي بتدخلي ليه ملكيش دعوة

- دي ضفرها برقبتك انتي اللي زيك ميقعدش هنا بكره اجي الاقيكي مشيتي و الا اللي يجيلك مني يكفيكي

بدأت تكلمه بإستعطاف_طب اديني فرصة لآخر الترم هروح فين الفترة دي بالله عليك

-تروحي في اي داهية غير هنا انتي تعرفي ربنا اصلا منك لله.

_والله كل اللي سمعته عني غلط الي وصلك المعلومة دي غلطان و عايزك تطردني حسبي الله.

'كانت بتقول الكلام ده و هي بتبص ليا انا و اسراء'

-مش هما اللي قالولي الجيران كلهم اشتكوا من سفالتك و قلة ادبك و انك كل يوم مع الشاب اللي كان معاكي وانا كدبتهم بس دلوقتي انا شوفتك بعيني و انتي بتعملي حركات زبالة زيك معاه هي كلمة واحده اجي بكره مشوفكيش هنا ، ربنا يلعنك.

اسلوبهم مع بعض فاجئنا و هي بصت علينا و قعدت تحسبن و تقول كلام وحش اوي علينا

بقينا واقفين مش قادرين نتخيل هو شافها معاه ازاي ! و هي ازاي بالجبروت إنها تجيبه هنا اصلا!

' كنا بنفرط البسلة ف البلكونة مع كوبايتين شاي'

-و بعدين مشيت؟

_قمنا الصبح لقينا المفتاح علي السفرة و اوضتها مفتوحة

-بس دي قادرة أنها تعمل حاجه زي دي عيني عينك كده

_هي معملتش حاجه اكيد باسته بس صح؟

ضحكت و هي بتقرصني ف كتفي

-اتلمي يا بت عيب

_والله يا ماما بعيدا عن الهزار انا ما عارفة ازاي قبلت كده ع نفسها ده احساسها نفسه مقرف ،الحمد لله ربنا يعافينا

-الشيطان لو سيطر علي البني بيبقي ضعيف كده

_الشيطان مبيسطرش غير علي البني ادم الضعيف ، و ده واحد هي واثقة مليون ف المية أنها مبتحبوش يبقي تسمحله يقربلها ازاي!

-ربنا يكملك بعقلك يا حبيبتي و يحفظك لنفسك.

_يارب يا روح قلبي ، امال ابنك ابو لسانين فين؟

ضحكت -اسكتي ل يسمعك ، نايم فوق
_هو اخد الاوضة اللي فوق !
-اه عشان تبقي براحتك هنا وهو مش هيقلقك
_بقولك ب لسانين بقولك
- يا بنتي اسكتي بقا ل يسمعك

_ لا ما انا سمعتها خلاص

اتخضيت من الصوت و قلبي دق بس مبصتش عليه يجدع انت طب قول صباح الخير!

-انت هنا من امتي يا حبيبي

جه حضنها و باس راسها و بصلي بقرف

-من اول ابو لسانين
ضحكت _ده مين الي قال كده بس؟

بس هو اخد الكلمة علي قلبه اوي و اتكلم ب اسلوب وحش

-هيكون مين غيرها يعني ، انا من اول ما جيت مش متقبل وجودها هنا اصلا.

اخدت نفس _ماما انا هقوم اعمل الغدا عشان الحق امشي.

-ما تردي ردي ولا كلامي معجبكيش

كان بيقول كده و هو بيقرب عليا

بصيت له بثبات و ده كان عكس اللي جوايا تمامًا

- انا وجودي هنا مش عشانك ، و متضايقتش من كلامك زي ما انت مستني

_طالما بتخدمي هنا يبقي وجودك هنا للكل و طالما في واحد ف الكل مش متقبلك يبقي تعملي اي؟

مكنتش حابة توتري يبان من قرب المسافة بينا

ابتسمت برخامة -اعمل الغدا.

سبته و مشيت

_ اي البني ادمة دي يا ماما انا ف حياتي مشوفتش قلة كرامة كده!

-شارية خاطري يا فريد دي حاجه تزعلك ، انا وهي بينا عهد أنها متسبنيش أبدًا وانا عملت فيها مواقف كتير وحشة و برغم كده مسبتنيش وانا حلفت من يومها ما هسيبها ابدًا.

_ميزعلنيش أنها بتخدمك كويس لكن قصاد ده ميحقش لها انها تاخد راحتها اوي ف الكلام و البيت و كل حاجه كده! لان قصاد خدمتها دي بتاخد فلوس.

- انت من امتي بقا تفكيرك سطحي كده! امال السفر و الغربة غيروا فيك ايه! الناس مش بكده يا حبيبي انت يبقي يا فرحتك لما تمشي وانت سايباني معاها و مطمن أنها بتحبني زيها زيكم و هقولهالك تاني دي مش خدامه هنا دي مساعدتي ياريت الكلمة دي متنطقهاش تاني.

_سيبك من الكلام الفاضي ده ، انا كده كده مش ناوي امشي تاني أن شاء الله

ضحكت و قلبي فرح - بجد يا فريد! بجد يا حبيبي مش هتسافر تاني.

_اه يا حبيبتي نقلت شغلي هنا ف القاهرة و هبدأ استقر هنا.

- ده احلي خبر سمعته طب و مخبيه عني ليه؟

_ده لاني مش هبقي هنا علي طول هيبقي هنا ٣ ايام و في المكان القريب من شغلي ٤ايام.

-طب و ليه المرمطه دي ما تبقي تيجي من شغلك علي هنا علي طول و انت معاك عربيتك.

قمت حضنتها و انا ببوس أيدها

_شغلي بيحتاجوني ف اي وقت و ممكن اجي متأخر ف اي يوم و هنا الشوارع مش مضمونة و غير كده انا ببقي راجع مش قادر اسوق ف الشركة اخدتلي شقة جنب شغلي بس انتي يا حبيبتي مش هسيبك هيبقي معاكي كل يوم علي الموبايل.

طبطبت عليا - الحمد لله علي رجوعك و وجودك معايا ده بالدنيا احنا كنا فين و بقينا فين الحمدلله.

عدي ساعة و هما بيتكلموا وكنت أنا خلصت الاكل و حطيته ع السفرة

- يلا يا ماما الاكل جاهز

بصيت لقيتهم جم و هو حاضنها قعدوا هما الاتنين تحت نظرات منه ليا وحشة و مش طايقني.

'كنت لسه هقعد'

- احم الاكل ناقص ملح
_هو انت دوقته؟
-اه شكله كده ناقص ملح
_ طب استني
-بتعملي ايه؟
_بَعد ذرات الملح اللي ف البسلة عشان اشوف كام ذرة ناقصة.
بصلي بقرف من فوق لتحت -خفة دم علي ايه؟ اسمعي الكلام من غير مقاوحة.

دخلت جبت الملح و حطيته قدامه و لسه هقعد
- وصلتي الكاتيل؟
_لا ليه ؟
-عايز اشرب نسكافيه

مامته ردت وهي بتقرصه _ مش لما تاكل الاول يا فريد.

-انا بحب النسكافيه مع الاكل
_تمام

دخلت عملت له النسكافيه و حطيته جنبه و بصيتله بقرف و كنت همشي

-رايحه فين يا حبيبتي
_هدخل البلكونة يا ماما اشرب شاي
-طب والأكل
_مليش نفس
رد ببرود وهو بياكل -احسن.

بصيت له بقرف و دخلت جوا
اخدت نفس بس برغم مقاوحتي معاه كنت حاسة ب احساس وحش اوي مش عارفة اوصفه بس احساس مش الطف حاجه ممكن حد يمر بيها.

ماما هناء دخلت وهي بتطبطب علي كتفي

-حقك عليا متزعليش كلها يومين و هيمشي و هنقعد نرغي انا وانتي للصبح

_مش زعلانه انا هنا عشانك ، هيمشي يسافر؟
-لا مش هو قعد خالص و هسيتقر هنا ف القاهرة هيجيلي ٣ ايام و يقعد هناك الباقي

_حلو ربنا يوفقه
-بتقفلي كلام ليه؟
_عشان ميسمعناش و يفكر أنه محور الكون و بنتكلم عليه طول ما احنا قاعدين.

-ده هو خرج
اخدت نفس و قلعت الطرحه _ياختي يا ساتر ده عامل زي الغيامة السودا.

ضحكت -انتي يا بت بتجيبي الكلام ده منين
_من العند اللي ابنك فيه معايا.

خلصت عند ماما هناء و طلعت علي البيت اخدت شاور و قعدت مع اسراء

- و شرب النسكافيه فعلا مع الاكل؟
_طلعت الم السفرة لقيته زي ما هو
- بيعند معاكي يعني؟
_لا مش عايزني اكل معاهم شكله قرفان مني
-ده يبقي حمار و لامؤاخذة يعني

_رجالة عايزة الح.رق
-المهم كان شكله حلو وهو خارج

_هو حلو من غير حاجه ابن هناء ، كان لابس قميص كافيه و بنطلون چينز فاتح كده و هاف و شعره و دقنه و عيونه ياختيي حوار ، حاجه تتاكل والله بس لو يقفل بوقه.

-امم ، بس مش ملاحظة حاجه ؟
_ايه هي؟

ضحكت -انك اول مرة حد يضايقك و متبقيش مضايقة؟ لا و كمان عاجبك؟

_عحبني ! لا ده انتي طموحاتك ضعيفة اوي ده لو اخر واحد استحالة ابصله ده عليه لسان و دماغ محتاجين يتعالجوا والله بدل ما هما متكاثرين ذاتيًا كده.

قعدنا نضحك و نفكر هنوصل معاه لايه ف اليومين دول

رجعت بضهري لورا كده ب انبساط -لا بس بقولك ايه البيت من غير لميس ايه متعة تانية

_ اه بصراحه الواحد عارف ياخد نفسه و الشقة ريحتها حلوة

قعدنا نضحك -اااه متفكرنيش.

رحنا تاني يوم الجامعة
نزلت لاتحاد الطلبة و كنت قاعدة لوحدي بخلص شوية حاجات

' هيثم ' دخل فجأة و قعد قدامي

- وحشتيني

بصيت له بقرف و اخدت حاجتي و كنت همشي مسك ايدي و وقفني

شيلت ايدي منه بقوة و ضربته علي وشه

_اياك تلمسني و لاتيجي قدامي تاني ب اي شكل

قرب وهو متعصب - ايه اللي انتي عملتيه ده

_ عملت اللي تستحقه ، و بقولهالك تاني لو عندك ذرة كرامة مشوفش وشك هنا ولا في اي حتة تاني

مسك ايدي بقوة - انتي نسيتي نفسك يا بت ولا ايه؟ انتي ناسية انتي مين انتي خدامه ، خدامة وابوكي بواب و امك خدامة يعني تمشي و انتي راسك ف الأرض و لولا حركة انك رفضتيني دي ادتك سيط علي قفايا مكنش حد عبرك ولا حاول يخليكي ف المكانة اللي انتي فيها دي

بعدت ايده عني و زقيته بعيد

- الخدامة دي برقبة عيلتك كلها و لا نسيت! مفكر كل كلامك ده هياثر فيا ولا هز فيا شعرة ، بنت البواب دي جت هنا و عملت لنفسها مكان و محبة لو قعدت تسعي عمرك كله مش هتوصلها و كفاية أهمهم و هي اني علمت عليك لما رفضتك ، و بعدين انت مين يقبل بواحد مريض زيك! ده حتي اللي قبلت بيك كده مفرقتش عنك حاجه.

ضحك_مضايقاكي اوي وجودها قدامك كده و هي معايا مضايقك و حا.رق قلبك اوي لدرجه انك قولتي لصاحب البيت و مشتيها.

قعدت اضحك علي كلامه

-عجبني اوي انك راسم السيناريو ف دماغك بالطريقة اللي تشبع نرجيستك ، صاحب البيت هو اللي شافكم وانتوا سوا والله اعلم بقا ، مش بقولك مريض روح اتعالج اسهلك من اللف ورايا و الحوارات اللي بترسمها دي ، و احمد ربنا و اشكرفضله إننا سترنا عليكم محدش فينا لا انا ولا اسراء اتكلمنا عن اللي عملتوه ف العمارة و عن طردها من العمارة ده كرم اخلاق مننا مع انك لا انتي و لا هي تستاهلوه.

اخدتي نفسي و مشيت وانا بضحك علي كلامه قعد يبرطم كتير و مشيت ولا كأن الكلام موجه ليا.

مشيت من الجامعه و رحت علي بيت ماما هناء
كانت ماما هناء و ابنها فريد بيكشفوا عليها عند الدكتور هي متعودة كل اسبوع تروح للدكتور.

كنت واقفة بعمل الاكل و قعدت افكر ف كلامه انا في الحقيقة قلبي كنت حاسة إنه مقسوم نصين كلامه علي قد ما بينت أنه مفرقش بس وجعني اوي.

معرفش ازاي دموعي نزلت مني قعدت اعيط و انا بفتكر مشهد بابا وهو ماسك رأسه و بيشرب قهوة من كتر التعب و ايده بين ضهره بعد ما شال أنبوبة يطلعها الخامس و ايد ماما اللي اخشنت من كتر المسح و الغسل ، ازاي يبقوا متشافين أقل ناس ف المجتمع! ازاي بعد شقي العمر ده يتشافوا كده انا كنت راسمة حاجه تانية كنت شايفة أنهم ابطال و أنهم ف يوم هيطلعوا ع التلفزيون يتكرموا علي تعبهم ده من كتر ما انا شايفاهم حاجه كبيرة بس طلع ان افكار الطفولة دي مش قادرة تواجه الواقع ، العالم جنب الافكار البريئة دي بشع.

-بتعيطي؟
مسحت دموعي و دروت وشي عنه الناحيه التانية

- احم طب خلصتي الاكل؟
_حاجات بسيطة و يكون جاهز ، ماما كويسة؟
- اه بس هي مش معايا
اتوترت _امال هي فين ؟
-مع منتصر انا سبتها و جيت لاني نسيت موبايلي.

_تمام انا ثواني و هجيب لحضرتك الاكل
-تمام

طلع برا و انا مكنتش عارفة انا متوترة من ايه لدرجه ان ايدي تلجت حرفيا! معرفش هل لاني هنا لوحدي معاه ولا لانه دخل و شافني وانا بعيط.

حطيت الاكل ع السفرة تحت نظرات ترقب منه

-بالف هنا
_مش هتقعدي تأكلي ؟
-شكرا تسلم

دخلت اوضتي قفلت عليا بالمفتاح عشان اغير هدومي و امشي

طلعت و كان هو بيعمل اتصال ف البلكونة لميت السفرة و دخلت عملت له شاي و قفلت علي كل حاجه و خرجت

-اتفضل
_شكرًا
- انا همشي النهاردة بدري لاني جيت بدري و مكنتش قايلة لماما هناء أنا مجهزة كل الاكل و كل حاجه علي التسخين بس عشان هي متقفش ولا تتعب.

_طب ما تخليكي لحد ما هي تيجي؟
- كان نفسي بس ورايا مذاكرة
_تمام هبلغها
-شكرًا

مشيت و وصلت البيت نمت علي السرير و قعدت اعيط لحد ما نمت.

تاني يوم ف الجامعه

-محمد ازايك؟
_الحمد لله يا هيثم انت اخبارك ايه؟
-الحمد لله يا حبيبي ، بقولك عايز منك خدمة
_اتفضل يا حبيبي

-عايز رقم والد مُوج لو تقدر تجيبه من ملفها
_ سهلة بس ليه؟

-واحد صاحبي عايز يتقدملها يا عم و مكسوف يكلمها ف قولتله يدخل ع طول لباباها.

_ بس ، بس مش انت كنت عايز تتجوزها؟
-ده من فترة انت لسه فاكر ، انا بحب لميس دلوقتي و زي ما انت شايف.
'قولتله كده وانا بشاورله علي الدبلة.'

_عنيا يا حبيبي سهلة بس هعرف مُوج الاول

- لا لا ياريت متعرفش عشان الترتيب بتاع صاحبي كله ميقعش و هيزعل مني و دي خدمة بطلبها منك.

_حاضر يا هيثم اديني ساعة كده او شوية و هجبلك الرقم

-تسلملي يا حبيبي متحرمش.

مشيت وانا بردد بضحك - انا بقا يا حلوة هوريكي المرض علي اصوله يا بنت البواب.

- جيتي النهاردة متأخر ليه؟
_معلش يا حبيبتي كنت ف الجامعه و المواصلات أخبرتني

-انا زعلانه منك اوي ، كده تمشي امبارح من غير ما تستنيني؟

_حقك عليا بس مكنش ينفع ابقي قاعدة و ابنك هنا الظروف اتغيرت و ده اللي خلاني امشي.

- لا كده انتي معاكي حق صلحتك خلاص

ضحكت و انا ببوسها_هقوم اعملك احلي اكل
- لا بلاش فريد عازمنا برا النهاردة.

_عازمك انتي و استاذ منتصر!
-لا انا وانتي و هو
_انا!
-اه قالي عشان مبقاش قاعدة قلقانة عليكي
_متقلقيش عليا انا هكون مشيت اصلا

-لا ما انتي مش هتمشي غير ما تيجي معايا و نقضي يوم سوا.

_عشان خاطري يا ماما بلاش عشان متأخرش
-هوصلك لحد البيت
_بس..
-هعتبر اني دي مصالحتي علي انك مشيتي امبارح و كفاية انك جاية النهاردة اهو قبل المغرب كمان.

_حاضر يا ماما عشان خاطرك بس.
حضنتني و هي فرحانه -متحرمش منك ابدًا.

طلعت حضرت لها هدومها و اكسسواراتها وانا لبست و كنا مستنين فريد.

لقيناه جاي كان لابس اسود ف اسود و الحقيقة انه كان كينج ف الاسود يخرابي ركبنا العربية و طول الطريق بيتكلموا و بيشاركوني الحوار أو بمعني أدق ماما هناء هي اللي بتشاركني.

ريحه البرفيم بتاعته كانت قالبة العربية و انا اللي كان لافت نظري شكله ف الاسود.

رحنا مطعم مشهور اوي ف القاهرة ، مطعم اللي بيدخلوه ولاد ناس جامد يعني ، انا لما شوفت الاسعار قولت اي البذخ اللي انتوا فيه ده!! الواحد مش عايش يجدعان.

الاكل جه و الحقيقة انه كان جامد اكلنا وهو كان كل شوية يبصلي و حساه مش طايقني بس واخدني عشان ماماته ، المهم يا بت ان الاكل حلو كلي و فكك منه.

خلصنا الاكل و طلعنا علي بتاع عصاير و رحنا كذا مكان و الحقيقة أن برغم نظراته و قلة كلامه معايا الا اني كنت مبسوطة اني دخلت الاماكن الغالية دي و عيشت التجربة الجامدة دي.

الساعة وصلت ١١ ونص و هما راحوا وصلوني لحد البيت و شكرتهم علي اليوم ده و ماما هناء باستني و ادتني باقي اكل و العصائر ليا ولاسراء.

بصيت ورايا ولسه هدخل العمارة لقيت بابا واقف قدام العمارة و بيبصلي ، الشنط وقعت من ايدي

لقيته بيقرب عليا و.....

يُتبع.....

#لأنكِ_انتِ

#نيرة_احمد

رأيكم مهم عندي جامد يا حبايب قلبيي♥️♥️🫀

" لإنكِ أنتِ "
" الحلقة السادسة "

الظابط كلف واحد يفتح شنطتي وكلهم قاموا واقفين بيتفرجوا ، وقفت بثبات و حاولت مبينش اني خايفة برغم ان ضربات قلبي كانت سريعة.

فتحوا الشنطة و خرجوا كل اللي فيها ملقوش الدهب!

الظابط بص للمدام و اتعصب

- فين يا مدام الدهب اللي سرقتيها فيه؟

اتعصبت و بقت تفتش تاني ف الشنطة _انا متأكدة أنه كان هنا انا شوفتها.

-احنا دورنا في كل حاجه تخصها ولا هي لها مكان تاني هنا غير الاوضة دي.

بصتلي و سكتت

_احنا اسفين يا آنسة ، وانتي يا مدام تاني مرة متتهميش الناس من غير ما تتأكدي

-حضرتك هتمشي كده بسهولة؟
_عايزانا نعمل ايه ، اعتذرنا!
-طب و اتهامكم ليا و بهدلتكم لحاجاتي دي بسهولة؟

بص للمدام بنرفزة _هكررها تاني لو جه من هنا أي بلاغ كاذب تاني هاخد اللي هيبلغ معايا حتي لو كان كلامه صح.

كلهم مشيوا و مفضلش غيري انا وهي لميت حاجاتي و انا بعيط ، هي دخلت البلكونة من غير ما تتكلم معايا خالص.

اخدت كل حاجاتي اللي ف الاوضة و هدومي و شنطتي و دخلت عليها البلكونة

حطيت قدامها "علبة الدهب"

- دهبك اهو يا مدام ، كان ممكن أطلعه قدام الظابط و اقول انك اتهمتني بالباطل ، و كان ممكن اخده و امشي و مكنتيش هتطوليه مني ، ربنا أراد اني اشوفك وانتي بتحطيه ف شنطتي ، عمري ما كنت اتخيل انك ممكن تحطيني ف سجن و تبلغي عني الايد اللي بتخدمك و تشيلك تهتميها بسرقتك! برغم معاملتك ليا واني استحملت منك كتير و اقول زي ماما و كنتي بتصعبي عليا من وحدتك و برغم اسلوبك اللي تاعبني عمري ما اشتكيت بالعكس كنت طول الوقت بحاول معاكي عشان مكنش هاين عليا اسيبك و عشان كنت ف حاجه القرش اللي باخده منك اللي ذليتيني عليه ايام و ليالي ، انا مش مسمحاكي مش مسمحاكي علي طيب خاطري ناحيتك و سوء نيتك ليا ، انا هبلغ استاذ منتصر إن ده اخر يوم ليا هنا.

كانت ساكتة برغم عياطي و عصبيتي متكلمتش بس لقيتها دورت وشها وهي بتعيط!

اخدت حاجاتي و مشيت و سبت المفتاح مكانه.

دخلت الاوضة و نمت بهدومي وانا بعيط مكنتش قادرة اقاوم خوفي ف الوقت ده اول مرة اخاف يعني لو مكنتش انا شوفتها كان ممكن بسهولة اتسجن! ابقي من طالبة جامعية لحرامية! ازاي حد يهون عليه يضيع مستقبل بني آدم قدامه بالشكل ده ! و ازاي إنسانة زي دي بشيلها علي كفوف الراحة وهي بتفكر طول الوقت ازاي تأذيني!

دخلة الظابط رعبتني
خوفي من السيناريو اللي كان ممكن يحصل رعبني

قعدت اعيط لحد ما نمت

'تاني يوم'

حضرت المحاضرات و نزلت قعدت ف الكافتيريا اخلص شوية شيتات ، استاذ منتصر رن عليا كتير بس مردتش عليه مكنتش قادرة اتكلم

-مش ملاحظة حاجه النهاردة ؟
_ايه هي؟
-لميس و هيثم قاعدين قدامك بقالهم بتاع نص ساعة و عمال يبصلك

_ماخدتش بالي و مش عايزة اركز معاهم.
-مالك ؟
_مفيش يا اسراء متضايقة حبة بس
-من ايه طيب حد زعلك؟

_لا خالص توتر بس من الامتحانات اللي قربت واني عايزة اقعد من الشغل و مش عارفة

-خلاص اقعدي و ندور علي شغل تاني طالما الست دي تعباكي كده

_شكلها هتبقي كده فعلًا هنزل من النهاردة ادور
- وانا معاكي ان شاء الله.

روحت البيت اخدت شاور و بدأت اذاكر بعد لف طول اليوم علي شغل و ملقتش.

رقم غريب رن مرة و اتنين ، رديت لاني شكيت انه ممكن يكون بابا

- الو !
_ازايك يا موج
-الحمد لله مين؟
_انا منتصر لو سمحتي ياريت متقفليش

-انا مقدرش اعمل كده يا استاذ منتصر حضرتك معملتش معايا حاجه وحشة عشان اقفل ف وشك

_امال مردتيش ليه علي رقمي؟

-عشان مكنتش حابة اتكلم ماماتك أكيد حكتلك عملت فيا ايه امبارح وانا مش قادرة اتخطي ده.

_انا عارف ان اللي عملته غلط و انتي متستحقيش منها كده بس ، بس هي عايزاكي ترجعي حتي لو طلبتي فلوس اكتر و مش هتضايقك تاني ب اي شكل.

-حضرتك بتتكلم في ايه الموضوع! مش فلوس خالص! انا حتي لو بحاجه لفلوس عشان ظروفي أجبرتني علي كده لكن دي كانت هتسجني! كانت هتدمر مستقبلي و دلوقتي عايزة تقابلني؟

_ حقك عليا صدقيني عمرها ما هتكرر تاني ، هي ندمانة علي كده و عايزة تشوفك و تتكلم معاكي لو قدرتي تجيلها بكره يكون كتر خيرك

- انا اسفة بس مش هقدر

_لو ليا خاطر عندك ده اول مرة اطلب منك طلب وانا اول مرة ف حياتي اشوف ماما ندمانه كده تعالي و هتشوفي بنفسك.

اخدت نفس و مكنتش عارفة ارد عليه - تمام اديني يومين لاني بدور علي شغل و مش فاضية

_متدوريش علي حاجه مكانك هنا محفوظ و حقك عليا و عليها للمرة التانية ، هستناكي بكره.

- تمام ان شاء الله.

رحت تاني يوم الجامعه و بعد رن كتير و محايلة من استاذ منتصر قررت اسمع كلامه و اروح برغم اني كنت مقررة اني مروحش.

خبطت علي الباب و هو فتحلي و قعد يعتذر عن اللي حصل و أنها مقررة أنها تقعد معايا لوحدي و هو مضطر يمشي لأنه وراه مواعيد ، الحقيقة اني كنت قاعده قلقانه.

نزلت من فوق و جت قعدت قدامي و هي بتبسم