خد خمسة كدا هدوء مع نفسك وهات ورقة وقلم واسألها إيه اللي معطلك؟ واكتب إجاباتك أنت أدرىٰ بنفسك من أي حد، اقف مع نفسك وقفة وحل مشاكلك علشان متتراكمش...
ربنا رزقك يوم جديد وبالتالي لازم تسعىٰ وتغير من نفسك وتتقدم خطوة لقدام..
مش لازم المثالية الزايدة، اتعامل مع نفسك بواقعية وابدأ بإنجازات صغيرة وبلاش فكرة إن معملتش إنجاز أاااد كدا يبقى أنا مليش لازمة، كل دا وهم علشان تدخل منطقة الراحة وتنام! " تكوين الجبل من حبات الحصىٰ " " قليل دائم خير من كثير منقطع "
- متخليش أيامك شبه بعضها، واللي بتنام عليه بتصحىٰ عليه وبالتالي هتمل وتُحبط وتهرب من نفسك بالنوم بردوا!
- مفيش حد هيخاف عليك أدك، ولا حد هيتابعك ويقولك براڤوا وعاش كل شوية، محدش فاضيلك أصلاً، فركز مع نفسك واثبت لنفسك أنك أفضل وأنك كل يوم بتتقدم خطوة وإنجازاتك الصغيرة في يوم هتكمل بعضها وهتبقىٰ كبيرة -بأمر الله-
- كافىء نفسك كل مدة وقول لنفسك عاش كمّل.
- قول لنفسك ربنا أعطاك فرصة جديدة للعمل والتوبة والاستغفار والتسبيح والصلاة واستغلال الوقت في الخير يبقىٰ تستغليها ولا تسيبيها تروح منك!
صباح الخير.. لو قال الإنسان كل يوم: (أستودعُ الله الذي لا تضيع ودائعه نفسي وأمانتي وخواتيم أعمالي وبيتي وأهلي وأحبتي ومالي وجميع ما أنعمَ الله بهِ علي)، لحفظ الله لهُ كلّ ذلك.
الحمد لله الذي أذِنَ لنا بيومٍ جديد لنعبده ونشكره ونتوب إليه ."
صباح الخير؛ الإنسان يوصي نفسه وغيره بالقرآن .. لا تترك هذا الطريق أبدًا ما زلت ع قيد الحياة ، ابدأ اسعى ع حفظ كتاب الله ، الأمر ليس صعبًا .. أن تموت وأنت تحفظ آية واحده من كتاب الله خيرٌ لك من أن تعيش دهرًا كاملاً وأنت تهجره حفظًا وتلاوة .
١- ابني نفسك متستناش حد يزقك. ٢- عادي تقابلنا صعوبات وانكسارات ، دي دنيا و لازم نستحملها. ٣- اما بنتعب لازم نقف شوية ونعد النعم اللي بالفعل معانا. ٤- المنافسة مش شريفة في الأغلب ، و لازم نتعود على عكس كده. ٥- نساعد الناس تمام، نعطّل نفسنا مش تمام. ٦- الناس مش بتشكر (في الغالب) ، خلى نيّتك ربنا. ٧- اعمل حساب المفاجأة طالما في تلميحات او احساس بالخيانة. ٨- الموجة العالية ممكن تغرقنا لو مش عاملين حسابها لكن الموجة اللي شايفينها مهما كانت عالية ممكن نتخطاها او ننزل لما تعدي. ٩- مش من الذكاء المواجهة بغباء، الصمت والحيلة عشان الحق يرجع. ١٠- بلاش نعيش نظرية المؤامرة لانها كده كده موجودة، والضحية طول ما هو عارف انه ضحية هيتّاكل.