دار مصر - روايات

في انحاء القاهره وتحديدآ احدى المناطق الشعبيه
صوت راديو توت توت توت الساعة الان السابعه بتوقيت القاهرة
الام : اصحى ي ابني يلا انزل شوف شغلك وكفايه حزن لحد كدا
الابن : ياماما سيبيني شويه كمان ابوس ايدك انا طول الليل سهران
الام : يابني حرام عليك نفسك حرام عليك اهلك فكرك هي مبسوطه كدا فكرك عاجبها حالك و اللي و صلت له ! شغلك و سبته شقتك و خسرتها حتى صحابك بعدت عنهم وجيرانك قاطعتهم وكل دا عشان عايز تاخد طارك و تنتقم من واحد خلاص هيتعدم !
الابن : لو سمحتي ي ماما اطلعي واقفلي الباب و لو سمحتي قولت لك متفتحيش الموضوع ده تاني مشكلتي و حقي و هعرف اجيبه
فلااااش بااااااااك قبل ست او سبع اشهر
ادهم كان لسه شاب متخرج من كليته و شغال في سوبر ماركت و اشتغل في شغل كتير اوي كان ظروفه الماديه ميسوره عنده شقته موجوده و عايش هو لواحده مع والدته على معاش والده عم وجيه اللي كان ظابط صف سابق في الجيش و اللي للاسف اتوفى في احدى العمليات الارهابيه في سينا .. نوال ام ادهم ست بيت مصريه اصيله كانت بتحب زوجها اوي و مازالت عايشه على ذكراه و ملهاش في الدنيا غير ادهم ابنها و كان معاش زوجها كافي يعيشهم مرتاحين بس ادهم من صغره بيحب الشغل و بيحب يعتمد على نفسه .. وفعلا ادهم من بعد وفاة والده اللي اتوفى و هو في اولى كليه و ادهم شايل مسؤليات نفسه ودراسته و مصاريفه و كمان بيساعد والدته و اللي كانت مبسوطه بابنها و انه شايل المسؤليه و في نفس الوقت خايفه عليه وحاولت معاه كتير اوي لكن ادهم كالعاده اللي في دماغه بيعمله وفضل ادهم مره يشتغل في صيدليه مره في معمل تحاليل مره في مكتبه و في الاخر في سوبر ماركت عم محمود جارهم و استقر ادهم فيه بعد ما قدم في شغل كتير اوي لكن للاسف ملوش نصيب .. لحد ما تعب نفسيا و اقتنع ان تعبه ف الكليه راح هدر و ان للاسف الوظايف اصبحت كوسه و بتتوزع .. و اشتغل ادهم في السوبر ماركت بتاع عم محمود جارهم الجديد هو مش جديد اوي لانه بقاله سنه ناقل في حارتهم ..
عم محمود كان راجل صعيدي بس عاش و اتربى واتجوز في مصر اتجوز هدى من القاهره على خلاف رغبة اهله في سوهاج لكن عم محمود اصر على رايه و اللي للاسف خسر اهله في مقابل تمسكه و جوازه من هدى ومرت الايام سريعآ واتوفت هدى مرات عم محمود بعد جواز دام ٣٢ سنه كاملين كانوا هما لبعض السند فيهم و عاش عم محمود صاحب ال ٦٣ عام في شقته معاه نور بنته واللي من بعد وفاة ولدتها جالها صدمه و بعد علاج كتير قرر عم محمود يعزل و ينقل و نقل فعلا للحاره اللي فيها ادهم ٠
نور كانت بنوته طيبه اوي و بريئه بدرجه رهيبه و كانت على دين و خلق و خلصت ثانويه ودخلت كليه و فاضل لها شهور و تخلص كليتها ..
عم محمود كان يعرف ادهم كويس اوي ومين في الحاره ميعرفش ادهم
ادهم ٢٦ سنه شاب وسيم ابيضاني اللون ببشرة داكنه سنه بسيطه طويل و شعره اسود و نعم و عيونه سودا وشهم اوي مع اهل منطقته اللي بيحبوه اوي ..
ادهم بعد ما خلص كليته اشتغل في سوبر ماركت و بعد فتره عمل مشاكل مع ابن صاحب الشغل اللي كان بيكرهه ادهم عشان باباه بيحبه .. و فعلا ادهم ساب الشغل و عم محمود لما عرف نده ل ادهم و كلمه
عم محمود: عامل اي ي ادهم ي ابني كويس عرفت انك سبت الشغل
ادهم :الحمدلله بخير اه و الله ي حج سبته
عم محمود : طيب صلي على النبي ي ابني انا الفتره دي تعبان و مش هامن لحد غيرك تعالي واقف معايا ورزقي ورزقك على الله
ادهم بتفكير : الف سلامه عليك ي عم محمود بس انا و الله كرهت الشغله دي بس عشان خاطر غلاوتك عندي انا هقف عندك لحد ما صحتك تظبط كدا و تبقى تمام
عم محمود : تمام ي ابني و اتفقوا على كل شي
و فعلا ادهم استلم شغله و اللي مكنش محتاج وقت يتعلم فيه اصلا لانه كان شغال قبل كده و عنده خبره كافيه اوي .. وفعلا امكان اطور على ايد ادهم و نزل حجات كتير وزود حجات للمكان وبعد شهر بس كان كلم عم محمود و ساله على المحل ال جمب السوبر ماركت عم محمود قاله انه قافله اوقات بيخزن فيه حجات ادهم معجبهوش الوض و قرر يجدد المكان و فعلا في ظرف ٣ ايام كان المحل متجدد و عشره على عشره و فتح ادهم المكانين على بعض و السوبر ماركات تقريبا بقى احسن واكتر حاجه شغاله ف المنطقه خصوصا ان ادهم معروف بين اهل منطقته
وبعد اسابيع معدوده و ف يوم راح ادهم الشغل و على غير العاده لقى السوبر ماركت مقفول مش زي ماكان متعود ان عم محمود يصحى بدري يفتح و ينضف المكان و يرش ميه ويشغل قران اتعجب ادهم و رن على رقم عم محمود لقاه مغلق قرر ادهم يروح له البيت .......

يتبع....
https://darmsr.com/2024/12/03/%d8%b1%d9%88%d8%a7%d9%8a%d8%a9-%d8%a7%d8%ac%d9%87%d8%a7%d8%b6-%d8%ad%d8%a8-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88%d8%a7%d9%8a%d8%a9/

: يتقصف عمرها علي عمر اللي يفكر يلمسها بعد نور .
: انت هتحكم عليها بالموت وهي عايشة يا ابني ؟؟!!!
: علي جثتي يامه ان سارة تتجوز بعد نور ولا انا ولا غيري .
: متقولش كده انا هغضب عليك يا ابني .
: ليه يا امي ؟
: علشان كده انت ظالم .
: ظلمت مين انا ؟؟ بقلمي/ عادل عبد الله
: عاوز تظلم سارة وهي لسه في عز شبابها .
مش بظلمها يامه بس هو نصيبها كده ، اتجوزت وخلفت وجوزها مات ، خلاص خلصنا ، تعيش تربي ابنها زيها زي اي ست بتعيش علشان عيالها .
: عاوز ارملة اخوك تبقي مطمع للي يسوي واللي ميسواش !!!
: هتعيش في حمايتي واللي يفكر بس يبصلها همحيه من علي وش الارض .
: انت لسه صغير يا امير ومدخلتش دنيا علشان كده مش فاهم .
: لأ يامه انا فاهم كويس واللي بقولك عليه هو اللي هيحصل .
: بتخالف امري يا امير !!!
: ما عاش اللي يخالف اوامرك يامه بس في الموضوع ده بالذات سامحيني مستحيل مرات نور حد يلمسها بعده .
: طيب ايه رأيك يا أمير سارة هتتجوز وانت اللي هتتجوزها و هتخلف منها وتجيب اخوات لابن اخوك منها .
: انتي بتعملي كده ليه يامه ؟؟
: علشان اللي انا شايفاه هو الصح والأصول .
: بعد اذنك يامه متتكلميش في الموضوع ده تاني .
مشيت وخرجت من البيت وانا في قمة غضبي من كلام امي وروحت قعدت علي الترعة لوحدي في الضلمة وولعت سيجارة وبفكر في كلام امي وانا مش مصدق انها تقول كده !!
وانا قاعد افتكر صورة اخويا نور لما كان فرحان يوم ما راح وخطب سارة ، كان بيحبها اوي وهي كمان كانت بتحبه اوي .
افتكرت يوم فرحه وقد ايه كان فرحان اوي لدرجة ان كل الناس كانت بتحسده من فرحته.
افتكرت اليوم اللي عرف فيه ان مراته حامل و حضني وقالي اخوك هيبقي اب يا امير .
ويوم لما مراته ولدت وشال ابنه وكان هيطير من الفرح ولما سماه وحيد وسألته عن سبب الاسم قالي انه شاف الاسم في المنام .
افتكرت حبه لسارة وحبها له ولما كانت بتستناه كل يوم وهو راجع من شغله ، وقد ايه كان بيكون ملهوف علي رجوعه بيته بعد الشغل من حبه لها .
وفجأة حسيت بايد علي كتفي اتفزعت التفت لقيت خالي بيقولي : قاعد لوحدك ليه في الضلمة يا امير ؟
: مفيش يا خال .
: شكلك متضايق من كلام الحاجة امك ؟؟
: وانت عرفت ؟؟ بقلمي/ عادل عبد الله
: ايوه يا ابني ما انت عارف امك بتشورني في كل حاجة من بعد المرحوم ابوك .
: يعني انت موافق يا خال علي المصيبة دي ؟؟!!
: وانت لم تصون لحم اخوك تبقي مصيبة ؟!! اومال عايز ابن اخوك يتربي في حضن رجل غريب ولا ايه ؟
: وهي تتجوز ليه يا خال من اصله ؟ هي اتحوزت وخلفت وجوزها مات ، نصيبها كده تعيش تربي ابنها .
: يا بني دي لسه صغيرة عندها عشرين سنة عاوزها تكمل عمرها كله عذبة !!! ده كلام يدخل عقل حد يابني ؟؟!!!
: يا خال انا مش هقبل اني اشوف رجل تاني واخد مكان نور ولو اخر يوم في عمري فاهم يا خال ؟
: انت اللي هتتجوزها و تربي ابن اخوك .
: لأ يا خال مش هيحصل .
: انت بتقولي في وشي لأ كده من غير كسوف ولا خجل !!!
: يا خال اصل انت متعرفش نور كان بيحبها ازاي ده كان بيعشقها ، ازاي عاوزني اخد مكانه وانيمه في قبره بيتعذب ؟!!!
: انت عارف يا امير انت لو مش سمعت الكلام واتجوزتها هتجوزها انا .

يتبع....
https://darmsr.com/2024/12/04/%d8%b1%d9%88%d8%a7%d9%8a%d8%a9-%d8%b2%d9%88%d8%ac%d8%a9-%d9%85%d8%ad%d8%b1%d9%85%d8%a9-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88%d8%a7-2/

كنا شغالين وواقف علي السقالة انا واخويا نور بعيد عني شوية ، وفجأة سمعت صوته بيناديني : الحقني يا امير انا هقع انا هقع انا هقاااااااع.....
لفيت علشان الحقه وشوفته وهو بيقع وجسمه بيتخبط في السقالات لحد ما وصل الارض !!!
كنت عاوز ارمي نفسي علشان الحقه واشوفه حصله ايه ،لكن زمايلي مسكوني ونزلوني من السقالة .
نزلت جري وانا مرعوب من المنظر اللي شوفته ، وبمجرد ما وصلت لنور كان بقي جثة هامدة !!!
منظره وهو بيقع من الدور ال١١ ومنظر جثته علي الارض عمري ما هقدرانساه ابدا ولو عيشت فوق عمري الف عمر .
اصيبت بانهيار عصبي واتنقلت للمستشفي وتمت اجراءات الجنازة والدفن في غيابي حتي العزاء اعمامي اخدوه وانا في المستشفي !!
خرجت من المستشفي بعد اكتر من اسبوع وكانت حالتي النفسية صعبة جدا .
كنت حاسس بالذنب تجاه اخويا اللي استنجد بيا ومقدرتش الحقه !!
قعدت في البيت فترة مش بخرج ولا بتكلم مع حد ابدا !!
امي واخواتي البتات كان الحزن مخيم عليهم لكن قادرين يتكلموا ويعيشوا ، امي كانت تدخل تكلمني وتصبرني وتحاول تخرجني من حالتي وكملن اخواتي حاولوا معايا كتير !!
اخواتي كانوا عارفين حبي للاطفال فكانوا بيدخلوا اولادهم عندي علشان اتكلم والعب معاهم يمكن اخرج من حالتي .
اول لما شوفت وحيد ابن نور جريت عليه وحضنته وقعدت ابكي .
وحيد كان لسه عمره سنتين وكان لسه مش عنده اخوات . قولت لأمي : زي ما يكون نور الله يرحمه كان قلبه حاسس لما سماه وحيد انه مش هيخلف غيره !!!
وحيد فضل معايا ايام كتيره كنت بفضل حضنه واشم في ريحته و افتكر اخويا .

انا اصغر اخواتي وعمري ٢٤ سنة و لسه مش اتجوزت لدلوقتي ، ونور الله يرحمه كان الاكبر مني علطول وكان اقرب اخواتي ليا مات عنده ٢٦ سنة ولينا ٤ اخوات بنات اكبر مننا كلهم متجوزين .
كل بيوت اعمامي كانت جنب بيتنا لأن دي عوايد القرية عندنا بيوت الاخوات كلها بتكون جنب بعض .
واخواتي البنات في منهم اتنين عبير وسماح عايشين في اسكندرية مع اجوازهم و سماح متجوزة في قرية جنبنا و رباب ودي اصغرهم معانا في نفس القرية .
كل يوم كنت لما انام اقوم مفزوع لما اشوف نور في الحلم !!
حلمت بنوركتير ، مرة حلمت بيه بنفس الصورة اللي شوفته بيها وهو علي الارض غرقان في دمه !! ومرة حلمت به بيناديني اني الحقه قبل وقوعه زي ما حصل يوم الحادث !! ومرة حلمت به وهو بيقع وبيتخبط في السقالات زي ما شوفته بالظبط !!!
كان بالنسبالي لما ييجي وقت النوم كان وقت العذاب لأني عارف اني هشوف نفس الكابوس واقوم مفزوع !!
فضلت علي نفس الحال لحد ما في يوم شوفته في الحلم وكان كأنه واقف في جنينة واسعه كلها اشجار وورود وبيناديني وبيضحك وبيقولي كفاية بقي حزن يا امير انا كويس اهو ومبسوط !!
يومها قومت من النوم مبسوط اني شوفته كويس وبيضحك .
زمايلنا في الشغل كانوا بييجوا يزوروني في البيت باستمرار ويطمنوا عليا وعلي امي .
وبعد مرور اكتر من شهر زمايلي بلغوني ان اصحاب الشركة بينذروني لو مش رجعت الشغل هيفصلوني !!
اضطريت اني ارجع الشغل وفي اول يوم روحت موقع الشغل وشوفت مكان الحادث وقعت واغمي عليا !!
اتنقلت بعدها لموقع عمل تاني بعيد عن موقع الحادث .
عدت ذكري الاربعين و في يوم بعد ما اتغديت لقيت امي قعدت جنبي وبتقولي : عايزاك في موضوع مهم يا ابني .
قولتلها : خير يا امي ؟ بقلمي/ عادل عبد الله
قالتلي : انا يا بني كبرت والمرض والحزن هدني وخلاص يلا حسن الختام .
: ربنا يديكي الصحة وطول العمر يا امي .
: تعيش يا بني ، المهم انا عاوزة افرح بيك قبل ما اموت يا بني .
: ربنا يطولنا في عمرك يا امي بس انا يحرم عليا الفرح بعد نور اخويا .
: ليه يا بني بتقول كده وتكسر قلبي ؟
: ما عاش اللي يكسر قلبك يا امي بس انا بعد نور اخويا مش هعرف افرح تاني ابدا .
: لا يا ابني كل شئ في الدنيا بيتولد صغير وبيكبر الا الحزن بيتولد كبير وبيصغر مع مرور الزمن ، و الايام مسيرها تنسيك حزنك .
: عمري ما هقدر انسي نور ابدا .
: مش هتنساه يا ابني لكن هتنسي حزنك عليه .
: مش هقدر يا امي .
: اسمع كلامي يا بني انا عيشت كتير في الدنيا واعرف فيها اكتر منك .
: حاضر يا امي هفرحك لكن مش دلوقتي ، سبيني شوية لما نفسيتي تروق واعصابي تهدا .
: لكن انا عاوزه اجوزك قبل ما اموت والعمر مش مضمون . والعروسة كمان عاوزين نلحقها قبل ما غيرك يخطفها .
: ياااه دا انتي كمان اختارتي العروسة !!! ومين قالك اني هتجوز دلوقتي ؟
: مش انا اللي اخترتهالك يا ابني القدر هو اللي اخترهالك .
: مش فاهمك يا امي !! تقصدي ايه ؟
: اقصد يا ابني لم لحم اخوك وحافظ عليه .
: لحم اخويا !!!
: ايوه مراته وابنه .
قومت من مكاني مفزوع ومش مصدق اللي امي بتقوله .
: انتي عاوزاني اتجوز مرات نور ؟
: ايوه يا بني انت اوله من الغريب .
: ولا انا ولا الغريب ، مفيش حد هياخد مكان اخويا في فرشته ابدا .
: دي سنة الحياة يا ابني سارة مرات اخوك حلوة وصغيرة وفيها الطمع ومستحيل تعيش عذبة باقي عمرها .

كنتي فين
غرام بصتله باحتقار و واقفة بالعافية:ـ و انت مالك
امين مسكها بغضب:ـ ياريت متنسيش انى ابوكي و لم بكون بكلمك توقفي باحترام و تسمعيني بطلي تكلمني كدا
غرام بوجع:ـ سيب ايدي انت مش بتسمع بقولك سبني بقا
غرام حررت دراعها و كملت بعصبية و بعض الغضب:ـ لا مش ناسية ابويا ابويا الى قت.ل امي صح ولا انا غلطان امتي تموت انت و الزفتة التانية و اخلص منكم انا بكرهك يا امين بكرهك و عمري ما ها سامحك
غرام اتجهت لى السلم و هى بتغني وقعت على وشها
امين اتجه ليها
غرام رفعت اصبعها:ـ عندك عندك يا دادى انا عارفه طريقي فين بنوين
طالعت اوضتها و هى بتغني و ماشية بالعافية رمت شنطتها على الأرض و رمت نفسها على السرير
غرام:ـ مبتوقعش ابدا غرام قوية و تقدر على اي حاجة هههه هيهي
كملت ببكاء:ـ بس غرام كدابة غرام مش هتقدر تبقا بنادمة زى الناس ههههه انا قلبي وجعني
نامت غرام زى كالعادة تصح تروح لأصحابها تشرب و ترقص و تعمل مصايب و ترجع بعد الفجر تنام و تصحي تكرر اليوم تاني
تاني يوم
غرام صحيت و ولع.ت الس.جارة:ـ افندم
امين:ـ ياريت تتكلمي باحترام
غرام:ـ والله دا الى عندي يا دادى اذا كان عجب حضرتك
امين:ـ طب اجهزي علشان نروح مشوار مهم جدا
غرام:ـ سوري و مش فاضية النهاردة
امين بنفذ صبر:ـ لم اقول حاجه تتسمع بدل ما اسحب منك كل دا
غرام ببرود:ـ اوكيه اتفضل برا علشان اغير هدومي و اجهز نفسي
امين:ـ متتاخريش
امين خرج و غرام قامت تجهز نفسها و هى متعصبة زي العادة خلصت و نزلت و ركبت مع امين العربية بعد وقت طويل في بيت اهل امين
امين بندم:ـ انا عارف انى غلطت
الاخ:ـ و جاي بعد السنين دى كلها تقول الكلام دا و جايب بنت الملعونه معاك ضحكت عليك خسرتك ابوك و اهلك حلوة بنت الخواجات الى اتجوزتها يا امين
الاخت:ـ بزيدك يا ياسين بزيدك انت مش شايفه عامل كيف قول الى عندك يا خويا
امين بحزن:ـ انا خسرت كل حاجة مراتي و بنتي شوفتها بتخوني قدام عيني و لم واجهتها بجحت و قتلت نفسها علشان خسرت فلوسها في الرهان و الارف... طبعا غرام كانت صغيرة لكن زي ما بيقولوا البت تطلع لامها يمكن دا من غضب ابويا و امي عليا
ياسين:ـ فوق كل دا اخت ورثك دا حقك ضياعته في حاجات تافها و اتجوزت واحدة
زينب:ـ بنتك معذورة يا امين ملجتش الى يقولها الصح من الغلط سبتها لا اهل امها و الخواجات ملو دماغها ناحيتك و ناحيتنا طبيعي تكون كدا مش طيقان
امين:ـ انا خسرت كل حاجة حتي القرض معرفتش اسداده لدرجة ان البنك و الحكومة هيجحزو على ممتلكتي لو مسددش في ظرف يومين انا مش عارف اعمل ايه غرام مش متوازنة نفسية
زينب بحزن و قلت حيلة:ـ لا حول ولاقوة الا بالله العلي العظيم
امين بحزن:ـ انا مش طالب حاجة غير ان تخدو بالكم من غرام مفيش غيركم اقدر اسيبها معاه و انا مطمن
بره غرام مسكة السجارة بملل:ـ اوووف انت هتقرفني ليه ما قولت جاية..... انت حيوان
غرام رمت الفون على الارض بغضب:ـ اووف بقا
رجعت شعرها لوراء:ـ ايه الملل دا ارف ارف هما لابسين كدا ليه يييي بيئة اووى
سلطان من وراها:ـ ليكى حق يا بت عمي بيئة بس محترمين و اتربينا على اننا لم نكون عند ناس نقعد بأدب و لم حد بيكلمنا نسمعه باحترام
غرام لفت وشها له و واقفت بعصبية:ـ انت بتكلمني انا كدا يا بتاع انت
سلطان بحده:ـ تانى مرة تحترمي نفسك و انا بكلمك و مسميش بتاع اسمي سلطان الدمنهوري يا هانم
غرام بصتله من فوق لتحت:ـ سلطان مممم مش اد كدا اسمع يا اسمك ايه انا اعمل الى انا عايزاه وقت ما احب و بالنسبة الاحترام ف انا محترمة غصب عنك و عن اهلك يا حق.ير
سلطان رفع ايديه كان هيض.ربها بسبب طريقتها :ـ متستاهليش الكف انتي متستاهليش انى اضيع وقتي اساسة واحدة مغرورة و مقرفة
غرام:ـ انت واحد متربتش و مش محترم و انا هعرف اخد حقي منك كويس يا سوسو
غرام قعدت على الكنبة و بتغني سلطان بص ليها بارف واحتقار و مشي
فى المكتب
ياسين:ـ انا هساعدك انك تتعالج و تسدد كل الديوان الى عليك
زينب بصتلها بفرح و قلق :ـ الحمدلله مش قولتلك ياسين طيب و ميهونش عليه زعلك
امين بفرح:ـ ربنا يخليك ليا يا خويا دا جميل هيفضل على راسي
ياسين:ـ تعال يا سلطان
سلطان:ـ حضرتك عايزني يابوي
ياسين بص لامين:ـ انا موافق احل كل العك الى هببته بس شرطي ان بنتك علشان تعيش معانا لازم غرام تتجوز سلطان
امين بصدمة:ـ ايه
غرام دخلت المكتب من غير ما تذتان فتحت الباب بهمجية لم سمعت الكلام دا
غرام بعصبية:ـ نو وي اتجوز الشئ دا على جثت.ي ثم مين انت علشان تطلب من دادي الطلب دا و انت ازاي تسكوت كدا انا مستحيل اقعد مع الناس البيئة دى دقيقه واحده انا الغلطانة انى سبت اشغالي و جيت معاك صح هستنا منك ايه مانت زيهم قات.ل و
غرام مكملتش جملته و لقت كف على وشها وو