رحلة إلى الهداية🦋💙

{الَّذِينَ يَسْتَمِعُونَ الْقَوْلَ فَيَتَّبِعُونَ أَحْسَنَهُ ۚأُولَٰئِكَ الَّذِينَ هَدَاهُمُ اللَّهُ وَأُولَٰئِكَ هُمْ أُولُو الْأَلْبَاب}

يا جمااااعة هدول الناس عند ربنا مكرمين بسماع المواعظ.. لسا
مبارح بعتنا عنها طبقوها مباشرة 🥹🤍🤍🤍

لا تتهاونوا بنشر ولا سنة ولا كلمة مفيدة.

الذي ينام عن صلاة الفجر، يثلغ رأسه بالحجارة في القبر إلى أن تقوم الساعة.

#الشيخ/ عبد الرزاق البدر.💙

بما انو نحنا بوقت الظهر؟

تعالوا علمكم على سنة منسية نعملها كلنا بهيك وقت ونحافظ عليها!!!!!

رسولنا الكريم المصطفىﷺ خبرنا انو يلي بصلي أربع ركع قبل الظهر وأربع بعدها شو بصير معه؟؟؟؟

"ربنا يحرم عليه النار" 😍😍

متخيلين عمل صغير ينقذك من النااااار؟؟
وخصوصاً جاي برد يعني مافي شوب بتصلو قد مابدكن ومابتشعروا فيهم..

الحديث(من حافظ على أربع ركعات قبل الظهر وأربع بعدها حرمه الله على النار)

يعني هي بس زيادة يلي بحب على صلاته ويلي بحب يصلي فقط السنة المؤكدة كله بجوز بس هاد سنة جميلة.

#جربوها من اليوم... في بنات حكولي من عرفنا صرلنا سنة محافظين عليها😍

"أن تمنحني الرضا ، للأشياء التي رغبتُ بها ، ولم أنلها ثم اللّهمَّ الصبر
أينما تأخذني حكمتك. 💙

مبارحة عم اقرأ شرح اسم الله " الحليم " وراودني شيء جميل جداً حبيت احكيه ليكون عبرة..

المهم في شخص اسمه مالك بن دينار  سمعانين فيه تابعي جليل عظيم!!
قال مرة شاف شب عم يسكر وغمي من كتر الخمر فمه تعبى زبد يعني من الخمر وصار ينزل منه..

ويقول (الله، الله) فسمعه الإمام مالك وقال خامر ويظهر منه اسم الله؟
والله لأمسح فمه لا يليق به وصار يمسحه..

ففاق الشب وصحي حكوله الإمام مالك مسح فمك وحب الفعل كتتير قال أنا أنا يمسح فمي من أنا العبد العااااصي الخااامر؟؟؟

-بعدها شاف الإمام بالمنام:
(أن يا مالك طهرت فمه من الخمر فطهرنا قلبه لأجلك)

وتاني يوم شافه الإمام عم يبكي بقيام الليل ويتوب لله.. 🥺

شوفوا سبحان الهادي
الرفيق، الرحيم...

هاد قرأتها بشرح(اسم  الحليم)
انو نكون حليمين على أنفسنا و مع الناس وبهدايتهم...
وما نعيبهم ونتصرف صح مع العاصي..
وما نتسرع بالحكم عليهم..
يهدي من يشاء..
بأي وقت..

أخدت درس عظيم من شرح الاسم وحبيت فيدكم.🥰

وأنتوا قاعدين من الصبح عم تتأفوا من عيشتكم،  وتتأفوا من جرح صغير، ومن مشكلةبالبيت..

اعرفوا انكم بزحاااام من النعم..

منظر هالطفل مباااارح بغزة وهو عم ينحرق ويستغيث ومااافي مااء ولا مغيث!!
بخليك تقول يارب نجيهم، يارب أنا أحمدك جرحي دميم أمام جراحهم
حزني صغير أمام حزنهم
جوعي صغير أمام جوعهم

لعل أنجو يارب بحرقتي عليهم..
بنشري عنهم..
بصرخي.. بصمتي..

ليس لي غير الدعاء ووحدك الرحيم بهم😓💔
خلاص قلبي تمزق من الصبح.. 💔

{من آثر الله عزوجل آثره الله}

حابّة احكيلكم قصة راائعة.. 🥹

كان الشيخ "سمير مصطفى" عم يحكي عن قصة شاب مع القرآن بالليل.

فقال هاد الشب كان مايضيع فرض جماعة بس شوي نشغل بالدنيا وفجأة دخل على المسجد واستعار القرآن من شخص وحضنه للقرآن وقله اليوم شأني كله معك.

فهاد الشب كان كل الليل عم يقرأ قرآن ويقوم فيه سااااعات.

فدخلوا عليه بعد ساعات شافوا القرآن مفتوح والشب متوفي.

فما كان الا شخص بالليل اجى ليكفنه وما كان عنده إلا كفن قصير،  بعدها نام شوي فشاف بالمنام حدا عم يقله لا تكفنوه قد كفناه في السماء.. 🥺

لقوا بعدين كفن جنب المنبر الملائكة وضعته له يمكن، فكفنوه فيه وصلى عليه تابعين ومالك ابن دينار وكتاااار كيف حضروا.. ربنا حضرهم عشانه.

والله وتالله من آثر الله وحبه والقرآن على الدنيا آثره الله ورفعه الله وأعلى شأنه.

#لاتنسَ وردك من القرآن ولو صفحة وقيام الليل ولو ركعتين عشان هيك حسن خاتمة يصير الك. 💙

هي الصورة بحلب..
أديش فرحت لله الحمد، ما زال الخير بسورية ما زال الخير في التربية لما يحسن الأب اختيار الأم، ما زال الخير بأمة محمد🤍

هالبوست رح احكيه بالعامية لأوصف شعوري تجاه هالمشهد واللحظة الرائعة 🥺😍 .

كنا معديين وشفنا هالشب الصغير تارك رفقاته عم يلعبوا بالملعب كرة قدم وهو عم يصلي 🥹
والله الصراحة ماقدرت إلا صورته 😍
بغرف القلب ماشاء الله عليه وعلى هالتربية من والديه لدرجة لحاله ويترك اللعب مع رفقاته ويلحق الصلاة وحتى جايب معه سجادة الصلاة 🥹😍
عنجد ماشاءالله عليه الله يحميه ويخليه لأهله تعبانين عليه كتير

#ملحوظة_تانية ركزولي على طوية الرجل حتى معلمينه السنة بهي الشغلة 🥺🤍 .

" ربنا هب لنا من أزواجنا وذرياتنا قرة أعين واجعلنا للمتقين إمامًا ". اللهم آمين .

#البوست منقول من صديقة لنا صورته🥹🤍

منظر الغُروب الجَميل اليوم يعني عنجد بعد هاد الجمال حدااا بيأس من رحمة ربه؟؟ 🌥️

بمشي أميااال عشان بس أتفكّر بخلقه.

{أفِي اللّهِ شكٌّ فاطِرِ السّماواتِ والأرض} 🥹🧡🧡🧡🧡🧡🧡🧡🧡🧡🧡🧡🧡🧡🧡🧡

من شوي كنت قاعدة اقرأ بتفسير القرآن فراودتني آية:

{فَوَيْلٌ لِّلْمُصَلِّينَ الَّذِينَ هُمْ عَن صَلاتِهِمْ سَاهُونَ}

ويل:  يعني وادي بجهنم لناس يلي بتتأخر عن صلاتها لغير عذر مقبول وبتتساهل وبتتهاون!!!

قلت يارب هاد الوادي يلي بتأخر عن الصلاة
فكيف فكيف فكيف بالذي لا يصليها!!!!

شايفين هي الآية شو مرعبة؟
أقسم بالله يرتجف القلب لها

تعالوا نفكر كم صلاة تأخرتا عنها بسبب الدنيا
بسبب مسلسل
بسبب الشغل
كم صلاة راح منها ساعة وساعات؟
مشان حاجة ونحنا أماااام رب الحاجات!!!!

مشان نرضي ربنا وأحب الأعمال لله الصلاة على وقتها لازم ما نأخرها حتى ما تشملنا الآية.

اللهمَّ اجعل الصلاة قرة أعيينا🤲🏻💙

#أي_وشوية حكي.. 🙆🏼‍♀️

وأسألُكَ:
بكثرةِ ما قسَوت على نفسي
أن تعطِف عليّ،

وبكثرةِ ما ظلمتها
أن ترحمني،

وبكثرةِ ما ضيّعتها
أن تَجِدني بلُطفِك!

يارب يا واسع. 💙

-‏في دعاء من الأدعية النبوية بحبه جدًا قلّة من يعرفونه وهو: «اللَّهمَّ أنعِشني»

أنعشني: أي قوِّ قلبي ونفسي وارفَعني، وقيل: أنعشه الله: شدّ من عزمه وقوته وساعده على الخروج من الصعاب. 💙

ليلة اليوم بكيتُ الكثير والكثير..
سندت على إحدى جُدر روحي وخارت قوايا وأرخيت يدي تماماً،حقاً خارت قوي قلبي وكنت أبتسم بينما قلبي يُدمي ،
أظنّ أننا -انا وقلبي _لا نسطيع تحمل البكاء.. من أشياء سُلبت مني..وأحلام ضاعت.
وكأنما أُغلق الهواء على روحي ،كان هُناك صوت تهتَزُّ له اوتار قلبي ،واليوم!
قد حُجِب عنّي..

لقد حجبْتهُ عمداً وكأنّي انتقم من قلبي كل شيء اليوم عندما سمعت بشيء.

يارب يا واسع طمأن قلبي الذي اعتاد الطمأنينة منك💔

علمتني أمي إنو دائماً نقدر النعمة حتى ما نخسرها ولو كانت "خبزة صغيرة زائدة"

بقلها هي خبزة صغيرة!
بتقلي يا بنتي يلي الصغيرة بنظرك بتصير كبيرة لبعدين وبتصيري تتأففي على النعمة وتتركيها وغيرك بحاجة اللقمة.

لهيك احفظيها بصغرك لحتى ربنا يحفظها عليك بكبرك وتعلمي ولادك فيما بعد هذا الأمر.

أنا ممنونة لأمي لأن بتربيني على القناعة بكل شيء حتى لو صغير

وبتخليني قدره وحبه حتى لو مابدي ياه لأن كله نعمة من الله فلازم اقبل فيه وصونه واحفظه.

دائماً وأبداً اشكر ربنا ببداية يومك على كل النِعم حتى يديمها عليك وما يسلبها منك ولو كانت شربة ماء. 🤍

#أي وشوية _حكي🙆🏼‍♀️

كان مسعود بن محمد الهمذاني كثيراً ما يصفح عن الناس بقوله: "الماضي لا يُذكر"
‏قيل: إنّه رؤي في المنام بعد موته، فقيل له: ما فعل الله بك؟ قال: أوقفني بين يديه، و قال لي: "يا مسعود، الماضي لا يُذْكَر، انطلقوا به إلى الجنة"

‏[تاريخ الإسلام42/327]. 💙

_صباحُ الخير_ 💙

العالم برا قاسي ومؤذي جدًا، مابتبقى أنتَ كمان قاسي علىٰ نفسك، خليك لطيف ورحيم بنفسك شوية وقدرها، متل ما بتتعب وتواجه المشاكل والحياة لازم تكافأها وتشجعها على الطريق وتكون الداعم الأول لنفسك والمُحفز الأول والأخير، مابتبخل على نفسك بشوية حُب وإهتمام عشان هي تستاهل كل الحُب والتقدير🦋💙💙💙💙💙💙💙

هي اذا لحقنا نقوم...
اذا ماقبضت الروح مباشرةً لله..🥺
كل يوم بفكر بهاد الأمر وبقول عجب أنا راضيتك يارب؟
صلاتي متل مابدك..
قرآني قرأت لو صفحة..
ماغتبت.. ما أسأت لشخص..اذا عملت هيك بروح أجبر بخاطره تاني يوم أو اعمله شيء يحبه..
ماعليت صوتي على أمي...
ماشفت مناظر محرمة..
ماعملت شيء يغضبك!

عشان بس أنام مرتاحة واذا اجى ملك الموت ياخدني وهو ربنا راضي عني.

بقول أنا ضعيفة يارب ونفسي بتخطئ
وبتذكر دعاء قبل النوم يلي علمنا ياه الحبيب ﷺ:
من قال حين يأوي إلى فراشه:

﴿لا إله إلاّ الله وحده لا شريك له له الملك وله الحمد وهو على كل شيء قدير، و سبحان الله، والحمد لله، ولا إله إلاّ الله، و الله أكبر، ولا حول ولا قوة إلا بالله}

غُفِـرَتْ له ذنوبه و إن كانت مثل زبد البحر

نسأل الله حسن الختام.. 🤲🏻🤍

توشِك أن تنام نومةً، ثم تقوم منها عاريًا مُسرعًا حافيا،
ينادَى عليك: يا فلان، هلُمَّ..هلُمَّ، أجِب الملِك، حان وقت الحِساب .

- الشيخ خالد بهاء الدين.💙

‌‏مابينفع انه نترك حدا في موقف صعب جدًا ونجي نعامله بعدها كأننا حبايب وصُحاب وعادي؛ لأ من بعد الموقف هاد مافي شيء اسمه حبايب ولا صُحاب ولا حتى بقينا عادي.
على الرسمي...

فلا تجي بعد مدة وتلاقي نفس المكانة يلي كانت إلك وتتفاجئ!!
اعرف انك عملت كتير لتغيرت مكانتك مش عن عبث. 💁🏻‍♀️