الشاعر محمد هادي العقابي

@mohmmed_alekab

لحسين اكظي الليل اكتب قصيده
ريت ايدي هاي هناك يلزمهه بيده
___________________________

ياهلا ومية هلا بخدام الحسين للاستفسار المعرف 👇
@Mohmmed_Alekabe

الشاعر محمد هادي العقابي (Arabic)

تعرف على التلغرام الخاص بالشاعر محمد هادي العقابي! يمكنك الاستمتاع بقصائده الرائعة والمميزة التي تعبر عن مشاعره بشكل مباشر وعميق. يمكنك أيضًا الاطلاع على آخر أعماله الشعرية ومشاركة تعليقاتك وانطباعاتك مع المعجبين الآخرين. سجل الآن وكن جزءًا من مجتمع حب عشاق الشعر الذين يقدرون الكلمات والمشاعر الصادقة. انضم اليوم ولا تفوت فرصة التواصل مع الشاعر العراقي الموهوب محمد هادي العقابي. احصل على إلهام وتأمل من خلال قصائده الجميلة وانضم إلى الحوار مع عشاق الشعر الآخرين. فرصتك لاكتشاف عالم الشعر من خلال تلغرام! انضم اليوم!

الشاعر محمد هادي العقابي

02 Nov, 13:56

https://youtu.be/JG7ktrIz1e0?si=olVelul9GK9vBaaa

487

الشاعر محمد هادي العقابي

12 Oct, 13:57

https://youtu.be/epUTpAC_Wts?si=T9WSSTvPTXw1gAOK

900

الشاعر محمد هادي العقابي

12 Oct, 08:27

https://youtu.be/dzL6FCVgTS8?si=fx962dSaqrfWJVPr

826

الشاعر محمد هادي العقابي

10 Oct, 16:08

هذا العمر ياخدام يمشي ويخلص فتره
محلاته لمن تكضيه خادم تواسي الزهره
..............

شد حيلك وطيع الضلعهه مهشم
والله بدون الزهره ابد ماتسلم
لم حسن تستاهل تصب دمعك دم

وي فاطمه الراد ايفوز تخنكه عليها العبره
..................

صفيها نيتك وعرف المخدومه
مسطور خدهه وغمضت مهضومه
تلجمها بالك ماتت وملجومه

ماتلكه مثل الزهراء هاي الحنينه الحره
.............

اليخدمهه طول العمر رافع راسه
وامن الزجيه هيبته ونوماسه
اليذكر الزهره اتطيب كل أنفاسه

اليخدمها مو ياهو الجان المن عدها حصل نضره
................

يصبح ملك كلمن يحصل نضره
وشلون نضره من تجي امن الزهره
تغير حياتك كلها ام العتره

حالك يصير احسن حال من تخدم اعله الفطره
...............

للزهره كوم بكل وكت وتحزم
واكضي العمر خادم وابد ماتندم
من حقك بهاي الخدامه تشيم

مبخوت كلمن تلكاه بالمجلس ايدك صدره
.............

واسيها والمجلس ابد لتعوفه
وذكر حسين وغربته وطفوفه
دمعك لون طاح الزجيه تشوفه

هذا الدمع دين بدين وترده يوم الحسره

محمد هادي العقابي

1,103

الشاعر محمد هادي العقابي

10 Oct, 16:07

يادنيا اشهدي الي.. بمحكمة رب السمه
خادم كضيت العمر.. متمسك بفاطمه
فتحت عيني وبالصدر عَبره
رايد مماتي بمجلس الزهره
متمسك بفاطمه
....................

يادنيا عندي شهود.. لولاها ماكو وجود
حجه عله العتره
كلشي انخلق الهه صار .. حته الأرض والبحار
مخلوقه للزهره

فاطم شفيعه واعضم انسانه
خدمتهه روحي وروحي ربحانه
هنيالي تقبلني واضل خادم
يادنيا بيج ايامي خلصانه

اتمنه اعيش بذكر.. ماينمحي شما جره
ماعندي شي للكبر .. بس خدمة الطاهره
امنيتي هايه وبالگلب جمره
رايد مماتي بمجلس الزهره
متمسك بفاطمه
.....................

يادنيا ضلي وراي.. بمجلسهه اشتم هواي
وتتغير انفاسي
منبرهه صحه الضمير.. خليته هوه المصير
تاج وعلى راسي

الدم يسري بالشريان كل عمره
هيج انه گلبي بمنبر الزهره
حسبتني ابنهه وخوش ربتني
امي وفضلهه بداخلي شكبره

يوميه اصحه الصبح.. واغسل عيوني بدمع
بداخلي الباب احترك.. وبروحي كسرت ضلع
يوميه ادعي الباري من أقره
رايد مماتي بمجلس الزهره
متمسك بفاطمه
.......................

خلصانه هاي الحياة.. وحب الزجيه النجاة
من الله هل نعمه
اني عبد للبتول.. سمعاً وطاعه شتكول
تامرني بالخدمه

ماعندي غير الدمعه البعيني
وحسين احبه وهيه تدريني
اني وحواسي وكلشي يرجعلي
اندور عله الناعي اليبجيني

بكلشي خساره اكو.. وصاب الگلب جم جرح
يادنيا كلج وهم.. بس الحُسين الربح
وبحبه اقسم اني عالعتره
رايد مماتي بمجلس الزهره
متمسك بفاطمه
..........................

غير الرضا ما اريد.. تقربني وآنه البعيد
مجلسها ماعوفه
بدموعي اروي ضماي.. دموع العزه عندي ماي
ترويني معروفه

كل العطايه العندي من عدهه
وباب الگلب بالخدمه ماسدهه
ماعندي غير الزهره تشفعلي
هيه الامل وجفوفي ماردهه

من عدهه اطلب اضل.. وامن الطلب ماامل
تسجلني ويه الخدم.. باخر أوراق السجل
يادنيا صارت تكبر الحسره
رايد مماتي بمجلس الزهره
متمسك بفاطمه
.........................

لابد يزول الضلام.. وعيني تشوف السلام
والحضره مبنيه
زاير اجي ويمهه اطوف.. وبالحضره شيعه الوف
جنهه اربعينيه

مشتاكه روحي هوايه مشتاكه
بدموعي وي شباجها اتلاكه
ماشد علك بي انه اشد گلبي
ماينحمل يادنيتي افراكه

لازم يحين الوكت.. من تدك ساعة صفر
وبعيني اشوف الذهب.. گبه ومناير صفر
يضهر إمامي وآنه منتضره
رايد مماتي بمجلس الزهره
متمسك بفاطمه

محمد هادي العقابي

953

الشاعر محمد هادي العقابي

10 Oct, 16:05

يزهرة حياتي
يكل امنياتي
غيابج عذاب
........................

جنتي وياي متروحين من بالي
اول مره ارجع والوجه خالي
تعاي وشوفي حالي شصاير بحالي
ارد للبيت والكه الباب جتالي

تعالي يزهره
علي محني ضهره
ثكيل المصاب

......................

مامكسور بس امبين اعليه
وبس الله يعرف شبيه مابيه
بوجوه الزغار البسمه ممحيه
شيسوه البيت وام البيت ماهيه

هدمتيلي حيلي
وتفطر دليلي
وبديت العتاب
......................

تلجمني بحلكهم جلمت اليمه
وصار البيت بعدج كلمن وهمه
ثوبج مدري گلبي الناكع بدمه
حسين بنحره بعدج ياهو اليشمه

حسينج يريدج
يبوس اعله ايدج
صعب هل غياب
......................

تكابلنه وكعدنه وخاليه الكعده
وضل يمنه مجانج ينحب الوحده
رحتي واحنه كلمن دمعته بخده
وحلال الشدايد طايح بشده

صبح غصني ذابل
ودمع عيني سايل
ولا من جواب

........................

اصبر عله افراكج اي يعافيتي
بس شلون الاكي الكسر ام بيتي
الشماته واه منهم صرت تاليتي
اجي الگبرج انه اتوجه اعله عوجيتي

يعذبني كسرج
وانام اعله كبرج
اشم بالتراب
.........................

يلوياي ماسولفتي عل فركه
تاليهه اويه كبرج صاير الملكه
عفتيني النفس يصعب عليي شهكه
وجوه اضلوعي ضلت تاكل الحركه

يعشرة حياتي
وداعج مماتي
علي گلبه ذاب

محمد هادي العقابي

838

الشاعر محمد هادي العقابي

10 Oct, 16:05

السلامُ على.. رحمة الله فاطمه الشهيده
.................

سلّم ووصل سلامك للزجيه
يالتحب الزهره لتعوف العزيه
واسي بدموعك جرح حامي الحميه
خلي حزنك لم الحسين الهويه

لاتعوف الحزن.. والمصيبه خل تضل جديده
السلامُ على.. رحمة الله فاطمه الشهيده
...................

حجة الله عالحجج هاي ام ابوهه
الناس مارحمتها ويلي وعذبوهه
بلاسبب أهل الحقد من حاربوهه
وسفه باب الدار بالنار احركوهه

مارعاهه النذل.. هجم عالدار وصفعهه بيده
السلامُ على.. رحمة الله فاطمه الشهيده
....................

بالليالي الفاطميه ادعي ربك
كون طول العمر بالزهراء ينصرك
والله غير ام الحسن مايسوه عمرك
بكل عسر وبشده يالخادم تحضرك

اخدم بلا ملل.. وخلي گلبك كل وكت نشيده
السلامُ على.. رحمة الله فاطمه الشهيده
....................

فاطمه ام الخير والرحمه العظيمه
عالمه من الله وبكلشي عليمه
والخدمهه ماتمر بي كل هضيمه
يعيش دوم بخير بفضال الكريمه

مايحير بأمر.. هيه دوم وياه مو بعيده
السلامُ على.. رحمة الله فاطمه الشهيده
...................

فاطمه تستاهل الدمعه عليهه
بت رسول الله محمد وصه بيهه
مايخيب العنده حاجه ويعتنيهه
هذا خير الناس كله ابين اديهه

لاتهم للتعب.. بحبهه روض نفسك العنيده
السلامُ على.. رحمة الله فاطمه الشهيده
..................

ابن آدم يعيش بحياته مره وحده
وكونه رايد عمره يكضي بغير شده
خله يخدم للزجيه بكلشي عنده
وحاجته مكضيه والله ماترده

ماترد اليجي.. ياخذ الحاجه وبعد تزيده
السلامُ على.. رحمة الله فاطمه الشهيده

محمد هادي العقابي

785

الشاعر محمد هادي العقابي

10 Oct, 16:04

صب يامدمع العين.. راحت ام الحسين
مكسوره وحزينه
امنين الراحه وارتاح.. وياهه الفرح راح
ام روح الحنينه
.......................

لاتكطع مسيلك يادمع عيني
انزل عله خدودي بحرگه جويني
اريد اذبل بعدهه شلي بسنيني
بعد ماضل بشر بالدنيا يرويني

كلشي بداخلي ايصيح.. بنگلت جدمك اتطيح
حيدر ياعلينه
بغربه ووحشه ضليت.. راحت شمعت البيت
ام روح الحنينه
.....................

اغّسل بيهه اني وهيه مالومه
وشفت شوفه تخلي الروح ملجومه
من كد العصر ضلعين مهشومه
ومتن ازرك وفوك العين ملطومه

هواي تاذت هواي.. حيره شلون اصب ماي
ياگلبي وونينه
جف محروك بالنار.. ماتت بيهه اثار
ام روح الحنينه
...........................

بليل اضلم شلتهه بحضني للتربه
امشي والتفت لاتحضر الغربه
الشامت لو وكف عاليندفن صعبه
يحزن بالوجه بس يفرح بگلبه

سوه البيه ماصار.. الحارك داري بالنار
ماريده يجينه
وحدي بليل دفان.. شايل نعش الأحزان
ام روح الحنينه
.......................

بكبرهه احفر أنه وتتراجف ايمني
واحس بدمي مايسري بشراييني
علي كلتلهه اني ماتشوفيني
اول مره احجي وماتحاجيني

سكته الدنيه والناس.. وكوه اشهك بالانفاس
گلبي الله اليعينه
حيلي اعليهه مهدوم.. أحجي وبلگت ادكوم
ام روح الحنينه
.........................

هلت اترابهه ونهالت اجروحي
شلون ارجع البيتي وبطرك روحي
دفنت الزهره اني وهدمت اسفوحي
يم زينب شلون اكدر أكف نوحي

راجع محني وتشوف.. مترب راس وجفوف
وجروحي ضعينه
بثوبي دموع وتراب.. دافن اغله الاحباب
ام روح الحنينه

محمد هادي العقابي

778

الشاعر محمد هادي العقابي

10 Oct, 16:04

دهري جرحني بهذا الغياب.. يمه
روحي يتيمه وعيني عالباب.. يمه
بفراكج الاه.. تطلع شجيه
مهضومه من يوم.. رحتي امن اديه
ييمه
.........................

للستر بابج ييمه. واليتامه شكد تدكه
تنزرع ورده بعتبته. مو تجي نار وتحركه

بيت الخيّر لامايسلم من هل ناس
حامي الجار وكسرو گلبه وبيته انداس
وكلهم شماته

صاير ضلام البيت بس نوح.. يمه
محد يدك باب اعله مجروح.. يمه
ياوحشت الدار.. بعدج عليه
مهضومه من يوم.. رحتي امن اديه
ييمه
............................

ليش هذا الصار بينه. ويادمع يكفي المصيبه
يندفع بابج يزهره. وينكسر ضلعج عجيبه

ليلة دفنج ماانساهه وگلبي انصاب
من رد حيدر يمه ثيابه كلهه تراب
ومحني اجاني

شفته ودمعته بطارف العين.. يمه
متعوب اجاني يم الحسين.. يمه
ماتحمل الروح.. هاي الرزيه
مهضومه من يوم.. رحتي امن اديه
ييمه
.........................

راحت ايام المحنه. والزمن سد باب فرحه
وخله بيبان المدامع. امشرعه ويلجمي جرحه

من زغري وماشافت راحه هاي الروح
ياگلبي وشيصبر گلبي الكله جروح
بعدج ييمه

دمعي عله الخد خله نيشان.. يمه
وحيلي عليج هوايه تعبان.. يمه
من زغري ودموع.. عيني جريه
مهضومه من يوم.. رحتي امن اديه
ييمه
..........................

اكضي هاي الدنيه اني. بلمدامع والنياحه
الزهره انتي اكسرت ضلعج. اني متشوفني راحه

زينب اني وبيت احزاني ايصير اطفوف
اهل الكاع نعيش بغربه وكلهه تشوف
غربت ضعنه

امشي اسيره وبيدي الحبال.. يمه
وبرماح روس اخواني تنشال.. يمه
شيداوي الجروح.. بالغاضريه
مهضومه من يوم.. رحتي امن اديه
ييمه
......................

أنه التفكد كل اهلهه. وسرمدي حزني عليهم
بكربله يايمه اخوتي. اكبالي ويذبحون بيهم

لجمه بلجمه وتكضي ايامي بلوعة شام
وگلب ابنادم مايتحمل هيجي الام
واني العقيله

عندي كلام الدمعه وياج.. يمه
رحتي وصعب يالزهره انساج .. يمه
بوداعج اهواي.. شفت المنيه
مهضومه من يوم.. رحتي امن اديه
ييمه

محمد هادي العقابي

865

الشاعر محمد هادي العقابي

10 Oct, 16:04

ياگلب المن تدك.. وراحتي ادفنتها
بليله ضلمه بلا كمر.. الزهره شيعتها
تحيرت.. من شفت.. آنه حامي الحمه
بكسرتي.. بغربتي.. ودعت فاطمه
...........................

دنيه وصفت بس أحزان من بعد عين الزهره
حيدر علي ياهلناس بجفوفه حافر كبره

انه الدافن بيدي ام زينب
وراجع مكسور وتعبان
حامي الجار وقالع خيبر
صرت بهالليله الدفان

بيدي احفر بالكبر .. ودمعتي جريه
صعبه انضر لم حسن.. ميته بين اديه
شكد اون.. والحزن.. بالدليل انرمه
بكسرتي.. بغربتي.. ودعت فاطمه
............................

شايف ضلعها المكسور عالمغتسل بعيوني
تلمسته ونهار الحيل ونخطف گلبي ولوني

يلجمني الماي اليلجمهه
وياورده يأذيها الماي
انه الشاف ام بيته كباله
مسطوره اعله الخد هواي

ياهو اليعاون علي. تنزل بنعشها
جاني سلمان واخذ.. اعبايتي وفرشها
تندفن.. مااضن.. نجمه من السمه
بكسرتي.. بغربتي.. ودعت فاطمه
........................

بيه الألم مثل النار والهضم ياكل بيه
ارجف مثل سعفه بريح من فركت العلويه

هاي الزهره وام الدنيه
صاير بيها الي ماصار
ضلع مهشم من العصره
بالباب وذاكه البسمار

والضلع ينزف دمه.. بيدي غسلتها
هدمت حيلي الگوي.. وكوه جفنتها
بهل محن.. لم حسن.. روحي متألمه
بكسرتي.. بغربتي.. ودعت فاطمه
...........................

كلشي انتهه بذاك الليل غالي ويودع غالي
من هلت فوكاهه اتراب بس الله يدري بحالي

الوادم ترتاح وتتنفس
واني التخنكني الانفاس
دافن روحي وراجع محني
فكد الزهره ايشيب الراس

بعيني ضل بس الدمع.. والحزن ولاني
حارباني هل زمن.. بفاطمه رماني
شنتضر.. والهجر.. خله گلبي بضمه
بكسرتي.. بغربتي.. ودعت فاطمه
.........................

هل دنيا ابد ماتنراد بعيوني صارت صعبه
والعمر دون ام حسين شيخلصه بين الغربه

ليلي ايخلص حسره ودمعه
وگلبي ايفرفح مثل الطير
هل دنيا المارحمت فاطم
مااتنطر منها الخير

اكضي يومي بالألم.. وارتجي المنيه
يمي جانت فاطمه.. وراحت امن اديه
سافرت.. واصبحت.. دنيتي مضلمه
بكسرتي.. بغربتي.. ودعت فاطمه

محمد هادي العقابي

668

الشاعر محمد هادي العقابي

10 Oct, 16:04

محني ودليلي انعاب وبروحي لجمات
اتلاكه بعد وياج يم بيتي هيهات
دمعي.. يجري.. يافاطمه مصابج هدم حيلي
......................

اختنك خنكت موت لوصار الغروب
قالع الباب هواي يالزهره متعوب
حيلي الگوي ابلياج يم حسن مسلوب
بين الغرب ضليت ماعندي محبوب

دمعي.. يجري.. يافاطمه مصابج هدم حيلي
.....................

شحجيلج اعله الصار من نعشج انشال
سوه الدمع نيشان بخدود العيال
يايمه كلهه اتصيح وتغير الحال
اعليهم يمر الليل بحزانه جتال

دمعي.. يجري.. يافاطمه مصابج هدم حيلي
.....................

اثمنطعش عمرج جان مووكت الغياب
وايتامج يخافون لو دكت الباب
كسرج كسرهم حيل شيطيب الصواب
وزينب حزينه اعليج وتشم بالثياب

دمعي.. يجري.. يافاطمه مصابج هدم حيلي
.....................

ادخل حجرتج اه بيهه الكه زينب
تنوح وتون ويلاه مهضومه تنحب
خايف عليهه بيوم نورج تغّيب
تنام اعله المصلاة من ونهه تتعب

دمعي.. يجري.. يافاطمه مصابج هدم حيلي
.....................

بليل الدفن من صار جتني المنيه
وعالمغتسل خليت روحي باديه
شفت الضلع مكسور وشسوه بيه
ثكل السمه والكاع طبكن عليه

دمعي.. يجري.. يافاطمه مصابج هدم حيلي
.....................

كلهن شفتهن بيج وبكلبي جمره
سطرت العين وصوط متنج يزهره
مصابج فلا انسا وساعاته مره
ماسامع ابدفان يدفن بعمره

دمعي.. يجري.. يافاطمه مصابج هدم حيلي
.....................

ادفن وهيل اتراب والشيب اجاني
وتضعضع ابفركاج حيلي وكياني
صار الوداع اوياج والهم ولاني
وسهم الزمن جتال لاماخطاني

دمعي.. يجري.. يافاطمه مصابج هدم حيلي

محمد هادي العقابي

812

الشاعر محمد هادي العقابي

21 Sep, 20:56

https://youtu.be/VZb5yuoBgOE?si=G3GTOr0bTQTdNue1

929

الشاعر محمد هادي العقابي

17 Sep, 13:44

مولد رسول الله صلى الله عليه وآله

عطايه الناس لابد منه بيهه
الامور المانحلهه منه بيهه
الامه الما توعت من نبيهه
يضل بيها الضلم والجاهليه

محمد هادي العقابي

1,136

الشاعر محمد هادي العقابي

17 Sep, 13:44

انخلق هل كون كله الخاطر اعيونك
يالبيك العقول تحيرت كلهه
شحجي اعله المعاجز وادخللهه منين
والتاريخ عاجز ماوصل حلهه
ضلمه الدنيه جانت والجهل بالناس
وجفك بالإسلام العين كحلهه
هبل من طاح محد فسرلنه شلون
امن الوكفه تعب؟ ماكدر يحملهه
لذالك فكرت يمكن نتيجه الكيت
بعقلي القاصر ومقتنع من حلهه
جدمك يامحمد يوم لاح الكاع
من ثكلك الباري الدنيه زلزلهه
الله يحبك وسر حبه ماضماه
حبيبي ايگلك وبس الك گايلهه
ماضل لانبي ولامرسل ايضاهيك
كلها تضل وراك وانته اولهه
بميلادك الليله مانوج شموع
كون الروح من الفرحه نشعلهه

الفرح معلوم بشره ماهوينه
هوينه وبعد عنه ماهوينه
نبينه وغيرك انته ماهوينه
ونضل منك فقط ناخذ وصيه

محمد هادي العقابي

1,134

الشاعر محمد هادي العقابي

17 Sep, 13:44

كل السماوات والاملاك الك ودها
وكل الاراضين تحييك يمنقذها
المولدك نبينه
بالفرح اجينه
والورد بدينه
هالليله
.................

نورك غزه عيون النضر
يااطهر وانقه بشر
يالمصطفئ حبك كبر
بالدنيا شفته.. وشخصك عشكته
هوه العشك من أوله
انت الذي تستاهله
الغيرك ابد لا ماحله
يحلالك انته.. گلبي ملكته

بميلادك الليله الأمل يارحمة الله
كل الوجود بطلعتك يالهادي صله

نورك كحل عين الزمن
انته الابو وانته الوطن

يانور الأنوار بالأسرار علم عندك
كل المعاجز اجت زايره المهدك
الليله مامثلهه
الله الك جعلهه
وبلطف شملهه
هالليله
..................

غرد الطير امن الفرح
وگلب السماوات انشرح
بارض وسمه اسمك صدح
فرحه وبشاره.. حبك تجاره..
بميلادك الخير النزل
ماشفنه مثله ولا حصل
يمهدم اصنام الجهل
واهل الحجاره.. عاشوا خساره

من طاحت اصنام الكفر والجاهليه
هاي العلامه المولدك سيد البريه

ربنه الك سوه العجب
مثلك منو منه اقترب

ياصانع الخير والامجاد ضوه سنينك
يارحمه للناس والإسلام يضل دينك
يااصل عشكنه
نحبك وتحبنه
مولدك جمعنه
هالليله
....................

ضحكت الدنيه بشوفتك
وتغازلت بمحبتك
والكون كله بخدمتك
بأمر الجلاله.. وارث خصاله
من عطرك ايغار الورد
من تمشي لعيونك يصد
انته بخصالك منفرد
يابو الرساله.. بدر بكماله

كلمة حبيبي بس الك كالاهه ربنه
هنياله كلمن يخدمك والترضه عنه

أجمل عمر في خدمتك
انته الشفيع الامتك

بميلادك اليوم نهنيك يبو الزهره
وتحوم الارواح فراشات على الحضره
ياهله بمحمد
غالي الله يشهد
والفرح تجدد
هالليله

محمد هادي العقابي

876

الشاعر محمد هادي العقابي

17 Sep, 13:44

مولد رسول الله صلى الله عليه وآله وسلم

حبيناك من البدايه
حبيناك للانهايه
يامحمد يامحمد يامحمد
...............

أشرق النور وجماله بطلعتك
الله خالق هل بشر لمحبتك
الليله من مرت يهادي فرحتك
الدنيه والاملاك كلهه بخدمتك

ناديناك اهلا نببنه
ناديناك خيمه علينه
يامحمد يامحمد يامحمد
...............

طاحت الأصنام يالهادي الك
انته بيدك كله يندار الفلك
المايحبك من صدك ضاع وهلك
رحمة الله وللبريه نزلك

هذا اليوم خير وسعاده
هذا اليوم يوم الولاده
يامحمد يامحمد يامحمد
................

أجمل أعياد الزمن وهل الزمن
يانبي الرحمه يطه المؤتمن
بدين الإسلام انته خمدت الفتن
وطن صرت الامتك وجمل وطن

يابو الخير يابو المحنه
يابو الخير حبك جمعنه
يامحمد يامحمد يامحمد
..................

الليله جبرائيل من كد الفرح
يهتف بسابع سمه وصوته صدح
اسمك بكاع وسمه نوره وضح
كل صدر يالمصطفى الليله انشرح

نور العين انته وضواهه
نور العين يالغالي طه
يامحمد يامحمد يامحمد
..............

نزلت أملاك العرش يم المهد
الفرحه عدهم الك احله امن الشهد
احله مولود انته هليله انولد
مااجه كبلك ولا بعدك ابد

هايم بيك كلمن يشوفك
هايم بيك لامايعوفك
يامحمد يامحمد يامحمد

محمد هادي العقابي

748

الشاعر محمد هادي العقابي

12 Sep, 01:50

https://youtu.be/UqS23dlnbyo?si=Qp-l4PmeSfoDccLT

865

الشاعر محمد هادي العقابي

10 Sep, 15:13

علامات... خمسه كالاهه الحسن للمؤمنين
علامات.. نقتدي بيهه على مر السنين
هذا الحديث المضمون
ياشيعه عنه تسمعون
علامات
.........................

جوهر كلامه العسكري .. وبي منفعه ياشيعه
واجب علينه نلتزم .. وبكل زمان انطيعه
هذا الحديث امن الحسن .. باغله ثمن منبيعه
هل يوم اجينه اعله العهد .. نجدد اوياه البيعه

اي والله.. رايدلنه الخير ونعيش بسلام
اي والله..الف هنياله المشه بقول الإمام
ايحبكم هواي وتدرون
ياشيعه عنه تسمعون
علامات
...............................

اول علامه نستمع.. هيه العباده الربنه
ويريدنا نعمل صدك .. وبيهه ايتوحد صفنه
ومنعوف حته النافله .. لله تره تقربنه
الله يحبنه ونبتعد .. والغيره ننطي حُبنه

مو انصاف.. الساتر ابلطفه علينه شكد عيوب
مو انصاف.. انجازي فضله وخيره عصيان وذنوب
صعبه الذنب لاميهون
ياشيعه عنه تسمعون
علامات
...........................

تنزل عليك المغفره .. وتعيش ونته امئمن
ياشيعي اسمع وفتخر .. ثاني علامه اتطمن
هذا الحسين بكل وكت.بخدمته تضل متحصن
بيوم أربعينه ازيارته .. من علامات المؤمن

الحسين.. رحمه حبه ونزل من رب الجمال
الحسين.. ايوصلك ال الله طريقه ابلا جدال
شكد باجيه اعليه اعيون
ياشيعه عنه تسمعون
علامات
................................

بيمينك الخاتم تره .. هاي العلامه تخصك
خليك متواضع بعد .. وبالطاعه دايم نبضك
جوهر ومضهر رايدك .. للناس بين حبك
اتخلق بأخلاق الحسن .. بالدنيه يكبر حظك

يكولون.. عنك الشافوك وبكل احترام
يكولون.. هذا للعسكري تابع بالتزام
بحبه الامامه مفتون
ياشيعه عنه تسمعون
علامات
...........................

عفر جبينك بالصلا.. بتربة حسين الرحمه
الله جعل بيهه الشفه.. للناس اكبر نعمه
هاي العلامه الرابعه.. واعليهه شد الهمه
كول وفعل هذا العمل.. ياشيعي مو بس كلمه

الحسن كال .. هذا درب الحق يناس المستقيم
الحسن كال.. الجهر بسم الله الرحمن الرحيم
وبنضرته تنشملون
ياشيعه عنه تسمعون
علامات
..............................

خلالنه هذا الارث.. وغمض عيونه الليله
ابن الاصلاب الشامخه.. مهدوم گلبه وحيله
الله يعين المنتظر.. عالابو دمعه ايسيله
من زغره ماشاف الهنه.. وصبره بقه ايتجيله

اويلاه.. طاح مسموم الحسن والجبد ذاب
اويلاه.. المهدي يدفن والده جوه التراب
بگلبه الحزن ضل مدفون
ياشيعه عنه تسمعون
علامات

محمد هادي العقابي

1,293

الشاعر محمد هادي العقابي

10 Sep, 15:12

بالعزيه.. الليله يحضر
المهدي يمنه.. ودمعه احمر
الفاكد ابو الله اليعينه
ماتنشف امن الدمعه عينه
..................

يحضر ومحني الضهر مامستراح
من يموت الابو يعني كلشي راح
ياخذ ويا كل فرح لمن يروح
الدار تصبح موحشه وبس النياح

دار عزنه.. بيهه ذكره
اهنا ابونه.. عاش عمره
عينوا عله مصابه وونينه
ماتنشف امن الدمعه عينه
..................

شايل هموم وحزن گلبه وعذاب
المهدي يدفن بيده ابو جوه التراب
جروحه كلهن خضر مابين الضلوع
الليله زادن اه ياعظم المصاب

بصوت صيحو.. اه ويلاه
العسكري راح .. وفكدناه
ابنه يجي بروحه الحزينه
ماتنشف امن الدمعه عينه
....................

جرح فوك الجرح كلهم بالدليل
المهدي من الضيم من يمشي يميل
امن الحزن مابدل اثياب السواد
الدنيه ويا بالهضم صارت تعيل

راسه شيب.. فاكد أهله
فكد الاعزاز.. شيحمله
يلطم عله الراس بيمينه
ماتنشف امن الدمعه عينه
.......................

الليل يلفي الناس ترتاح وتنام
وهوه لكبور أهله يتعنه بضلام
ماتهنه وعينه مامراهه نوم
گلبه فجعوا بالاهل والله حرام

أهله كلهم.. حاربوهم
بذبح وبسم.. موتوهم
شكد عذبوا روحه الحنينه
ماتنشف امن الدمعه عينه
....................

المصرع أهله كلهم بعينه يشوف
النبي والزهره وعلي ويوم الطفوف
واقع ايشوف الحدث لامو خيال
وينضر اعله حسين حاطت بي الوف

امن المصايب.. غصنه ذابل
جروح الاحباب.. بگلبه شايل
شيطيب اجروح الضعينه
ماتنشف امن الدمعه عينه
..........................

الليله سامره انصب بيهه العزاء
عالامام العسكري قام البكاء
طاح مسموم الجبد مضلوم مات
المهدي جاي بدمعته من كربلاء

يمشي كوه.. وضهره محني
اينادي اهلي.. مشوا عني
هذا الإمام المرتجينه
ماتنشف امن الدمعه عينه

محمد هادي العقابي

1,277