Mazzen.Wr

معرض الكويت الدولي للكتاب📚🙋🏻‍♂️

أحب اعرفكم إن رواية "على حافة الانهيار" متوفرة حاليًا بمعرض الكويت الدولي للكتاب قاعة 5 جناح دار تشكيل رقم 104 🇰🇼📍

إن شاء الله الرواية تنول كل إعجابكم وفي انتظار مشاركتكم، ومعرض موفق يا رفاق❤️

في رواية| لا تكذب أبدًا 🫴

واحدة من أجمل رواية الغموض والإثارة اللي قرأتها..
بتبدأ الأحداث مع بريتشيا وزوجها إيثان اللي لسه متجوزين جديد والمفروض إنهم بيبحثوا على بيت جديد ليهم .. وفي أثناء بحثهم بيوصلوا لبيت كان لدكتورة نفسية مشهورة اختفت في ظروف غامضة من حوالي ٣ سنين.

وفي اليوم ده بيضطروا الزوجين للمبيت غصب عنهم بسبب سوأ المناخ.. ومن هنا بيبدأ البيت يكشف ليهم عن الأحداث الغامضة وقصة ما وراء اختفاء الطبيبة!!

الرواية مكتوبة بشكل حلو أوي، سرد وأسلوب ممتع حتى طريقة كشف الاحداث نفسها مشوقة، ومن نوع الروايات اللي تجبرك إنك تخلصها في جلسة واحدة لو عندك الوقت..

استمتعت بيها بالرغم إني قرأتها على مرتين وكان في فاصل طويل نسبيًا بينهم.. لكن خليك فاكر إن الرواية الحلوة مبتتنسيش مهما غيبت عنها.

لمحبين الجريمة والغموض انصحكم جدًا بيها🌟

العصر الحالي بقى قايم على التطلع..
ريلز بتطاردك في كل حتة.. عربيات وفسح وشهوات ملهاش آخر.

مقصود إنك مهما وصلت تفضل متضايق وحاسس إن فيه حاجة ناقصاك.. تفضل تجري ورا حاجة وأول ما توصلها تنساها وتجري ورا اللي بعدها.

وبالتالي مش عارف تقدّر النعم اللي معاك وقد إيه انت ممكن تبقى سعيد بيها..
علشان كده محتاج كل فترة تقف شوية وتفكر في إن اللي معاك محتاج تحمد ربنا عليه لأن غيرك بيتمناه..

وتفتكر نصيحة ربنا سبحانه وتعالى لسيدنا محمد(ص):
"ولا تمدن عينيك إلى ما متعنا به أزواجًا منهم زهرة الحياة الدنيا لنفتنهم فيه ورزق ربك خير وأبقى".

خاطرة الفجر🤍

بمعرض الكتاب بدولة الجزائر إن شاء الله🇩🇿📍

يمكن من الانجازات الشخصية والخفية اللي محدش يعرف عنها حاجة..

إنك مبقيتش تعيش دور الضحية.. وقادر تحمل نفسك المسؤولية في أي حاجة بتحصل.. حتى لو كنت مجرد رد فعل بس..

لأن دا بيضمنلك ازاي هتحاول تتصرف على قد ما تقدر وتتعامل مع اللي أنت بتمر بيه.. وأيً كانت النتيجة فأنت راضي بيها
ومبتقحمش نفسك في الصياح عمال على بطال ولا إنك توقع نفسك من غير ما تحس.

أنا مسؤول عن ده، وهتصرف.
ودا مستوى من التفكير مش أي حد بيوصله خاصة في الزمن ده وصدقني هيريحك كتير وهتتعلم إزاي تكبر دماغك بكل صدر رحب.

متتجوزيش واحد لمجرد إنك خايفة من فكرة العنوسة..

متتجوزيش واحد علشان خايفة من فكرة إن سنك هيبقى كبير..

متتجوزيش واحد أنتي مش مقتنعة بيه ودماغة وعقليته غيرك تمامًا، بس علشان أهلك مقتنعين بيه فتوافقي.

الشيلة شيلتك لوحدك، والحياة مش هتكون صعبة غير عليكي أنتي، وقرار الجواز من أكتر القرارت في الحياة اللي الغلطة فيها بضياع كامل للإنسان..

فـ فكري كويس وأحسني الاختيار.

العالم بقى بيشجع الناس على الانانية، والوحدة، والتخلي السريع اكتر..

ودا مش صح على المدى البعيد لأنك كده في النهاية هتلاقي نفسك لوحدك، والوحدة الدائمة عمرها ما كانت مُريحة للإنسان.

في حاجات تستحق المحاولة، وأشياء تستحق نتمسك بيها، وأشخاص علشان بينا مودة ومحبة مينفعش نخسرهم..

الشاطر الحقيقي هو اللي يعرف إزاي يختار الناس اللي يكسبها.. لأن أسهل حاجة في الدنيا إنك تهدم علاقاتك وتبقى لوحدك..

فالأنانية ومحورية الكون أكتر حاجة هتجيبك ورا حتى لو كنت حاسسها مكسب في الوقت الحالي.

ثم تقرر أن تتجاوز كل شىء
بعد معاناة طويلة مع حربٍ قاسيه داخلك،
بين أن تستسلم أو تتخطى وتمضي..
وتمضي وتظن أنك قد تعافيت واصبحت بخير مرة أخرى،
حتى يحدث فجأة ما يجعلك تكتشف
أنك لم تتجاوز أي شيء كما كنت تعتقد،
وأنك لست بخير،
وإنما كنت تدعي كل ذلك فقط لا أكثر.

- مازن محمد

الأصدقاء في دولة الأردن🇯🇴
هتلاقوا روايتي في معرض عمان الدولي للكتاب بـ دار تشكيل جناح i7 🤩❤️

على مدار اليوم انتهيت من قراءته..

كتاب خفيف جدًا ولذيذ في طرح أفكاره خاصة وإنه مسدعي شخصية روائية ناجحة جدًا "آرسين لوبين"

الحقيقة في البداية مكانش زي ما أنا متوقع خاصة وإنه على نهج كتاب سابق "فكر وتصرف كأنك قط".
لأني حسيت إن المواضيع فيه أنا قرأت عنها قبل كده، زي الثقة بالنفس، وإنك تكون مؤمن بقدراتك وتفكيرك يكون مختلف، لكن مع القراءة أكتر بدأت المواضيع تكون شيقة أكتر ودا اللي كنت بدور عليه حول الصفات اللي ممكن أشوف إنها ممكن تنطبق على أرض الواقع.

لكن في المجمل الكتاب لذيذ خاصة للناس اللي بتحب شيء يحفزها أكتر تجاه تحقيق أحلامها وأهدافها بطريقة مختلفة، فالكتاب بقى يكلمك إيه الصفات اللي ممكن تتحلى بيها والأساليب اللي ممكن تتعامل بيها في مواجهة بعض المواقف علشان تقدر تطلع كسبان منها بأفضل شكل ممكن وعلى طريقة "آرسين لوبين"

إنك تكون قد كلمتك، متحمل لمسؤولية أفعالك، شخص عنده مبدأ ومش أي حاجة بتحركه، وإنك تكون على طبيعتك وغير مُزيف..

وعمومًا فئة كبيرة بتحب النوع ده من الكتب واعتقد هيقضوا وقت لذيذ معاه خاصة وإنه مرفق بمساحات ممكن تكتب فيها اللي بيدور في ذهنك بعد كل فصل.

كتاب: فكر وتصرف كأنك آرسين لوبين🤍

الأصدقاء في دولة السعودية الحبيبة🇸🇦💚

دلوقتي عندكم معرض الرياض الدولي للكتاب فكنت عاوز أقولكم إن رواية "على حافة الانهيار" هتلاقوها في دار تشكيل جناح C37

إن شاء الله تستمتعوا بقراءتها وتعيشوا معاها حالة تشبهكم، ومعرض موفق يارب❤️

"يؤلمك شعور..
أنك فعلت كل شيء للاقتراب
من أجل..
من افتعل كل شيء للابتعاد عنك".

فيديو جديد على يوتيوب دلوقتي📽️📎

حول تجنب الوقوع في الأشخاص السطحية وإزاي تختار لنفسك شخص مناسب و "حقيقي" بجد.. في عالم كترت فيه الأشخاص الفيك والمتلاعبة واللي ممكن تدمر حياتك بسبب وقوعك في شخص منهم.

https://youtu.be/s82nXiiWYQk?si=bZJlWIgIYieCojyc

يارب لك الحمد والشكر❤️❤️❤️

الطبعة التانية من روايتي "على حافة الانهيار" قريبًا بالمكتبات.. كلمة شكرًا متكفيش لكل شخص كان جنبي من البداية وواثق فيا.. ولكل شخص هنا متابعني وكان عنده ثقة في إني بقدم حاجة كويسة وتستاهل تتشاف، لولا دعمكم مكنتش الرواية دي طلعت للنور، فمن كل قلبي شكرًا ليكم..

الحمدلله✨

الكتاب ده حلو..

قربت اخلصه وأنا لسه فاتحة امبارح، ودا دليل على بساطته وسهولة توصيل المعلومة فيه، وقيمة محتواه..

اللي حبيته كمان إنه مش بس بيعلمك ازاي تكون
كـ مسوق شاطر على المستوى المهني، إنما على المستوى الاجتماعي كمان..

لو كان عامل التسويق مهم بالنسبالك عمومًا فهو هيقدملك تفاصيل تساعدك تكون مميز عن اللي حواليك في بعض النقاط بشكل عام.❤️

المشكلة بقى عندك الوعي الكافي اللي مخليك مش عاوز تاخد أي خطوة تجاه حاجات كتير نفسك فيها، ولأنك بقيت فاهم إن الأشياء ليست كما تبدو؛ وكلها اصبحت تتقن فن التلاعب.

"المواجهة تكشف حقيقة البشر.. وحين تضع حدًا تعرف التفرقه بين الحقيقي والمزيف، بين من يراك قيمة ومن لا يعرف قيمتك".

شغف وحماس لا ينتهيييي🤩🤩🤩❤️‍🔥

كتب وإصدارات جديدة من دار الكرمة؛ بين قصص ومغامرات وحكايات ممتعة مبسوط بإختيارها جدًااااا🥳

لكل مُحبين الكتب هتلاقوا فيديو استكشاف الاصدارات الجديدة دي على يوتيوب تقدروا تشوفوه من اللينك اللي في الاستوري أو البايو✨

كتب وروايات متنوعة حول احترافية الكتابة، والجريمة والاثارة، والدراما والألغاز، والتاريخ، والماركتينج والنجاح المهني، اتمنالكم مشاهدة ممتعة🤩🥰

📎الفيديو على يوتيوب من هنا:
https://youtu.be/HFeClaoytlg?si=pAgKwK5woUC-Qgzd

"إنها العائلة، إما أن تصنع إنسانًا أو كومة عُقد".

خليك متأكد إن تصرفاتك مع ابنك هتنعكس بشكل أو بآخر عليه وعلى سلوكياته ونظرته لنفسه والناس..

بإيدك تطلّعه سَوي نفسيًا وبإيدك تعمله أكبر تروما يفضل يعاني منها طول حياته!
ولازم تكون مُدرك إن ابنك مش مختارك فَـ ياريت تكون حظه الحلو في الدنيا.

بسم الله حابب أعلن ليكم..
إني بقيت جزء من مكتبة "ورقة - warqa store"
وهي مكتبة أونلاين بمدينتي "المحلة الكبرى"..
وهيكون موجود من خلالها توصيل "الكتب" لكل أنحاء الجمهورية، ولخارج مصر بكميات كمان بإذن الله📚🫶

إن شاء الله في "ورقة" هنعمل على إن يكون متوفر عندنا معظم الكتب اللي أنتوا محتاجينها وبأسعار كويسة، وتنبسطوا من التعامل معانا..

دعواتكم بالتوفيق في الخطوة دي، وتكون بالخير علينا إن شاء الله.

ورقة | "لا حياة إلا حياة الكتب"❤️