تجارب مظلة | قدرات

بسم الله الرحمن الرحيم والصلاة والسلام على أشرف الأنبياء والمرسلين نبينا محمد. أما بعد،

القدرات تختلف باختلاف وجهة نظرك لها.
بالبداية أستصعبتها، فأصبحت صعبة. ثم غيرت نظرتي لها وأعتبرتها تحدي ممتع، فأصحبت ممتعة.

——————
بدأت مذاكرة القدرات في صيفية إنتقالي للصف الثاني ثانوي. اول ما بدأت أحل الاسئلة للتأسيس، كنت أخذ ساعة لأفهم السؤال وأحله بنفسي. كنت أشوف شرح الدرس وأكمل حل وثم تجيني أسئلة صعبة، فكنت أقعد عليها قرابة ساعة إلى ساعة وربع تقريباً (لكل سؤال).
مقصدي بالكلام هذا أنني مع الوقت صرت أحل السؤال الواحد
خلال… أقل من 60 ثانية.

=================
طريقة مذاكرتي للقدرات (كمي):
بالبداية، رأيت عدة مصادر وبحثت وسألت عنها. ثم أعتمدت المصدر المناسب لي. إذا وجدت نفسك أستعجلت وأخترت مصدر لم يناسبك بعد تجربته، فغيره لما قد يناسبك.

بالنسبة للكمي، أنا كنت أرى نفسي شخص يعاني مع الكتب لوحدها، فأتخذت دورة عماد مصدر لتأسيسي. كنت ماشي مع أ.عماد بدورة التأسيس وأنتهيت منها خلال شهر ونصف. التأخير الي يساوي زيادة نصف شهر كان بسبب خطأ أرتكبته. (بذكره فيما بعد)

كنت أشاهد المحاضرة بث مباشر وأركز بطريقة شرح المدرس للأفكار وحلها. بعد المحاضرة يكون فيه واجب للمحاضرة نفسها، لكنني كنت أحل الواجب اليوم الي بعده لكي أضمن ما فهمته فعلاً وما لم أفهمه.
الي كنت أسويه للأسئلة الصعبة أو الي أخطأ فيها؛ أظللها بلون مميز وأشوف من أي فكرة من أفكار الدرس كانت، وبحسب السؤال اروح أراجع الجزئية المتعلقة بالسؤال على السريع. في إجازة نهاية الاسبوع كنت أحل اختبارات للدروس الي أخذتها الاسبوع الي قبل.

بعد مرور مدة بسيطة في التأسيس، بدأت أضع مؤقت في حل الواجبات
لأن كل ما بدأت تُعَوِّد نفسك على ضيق الوقت كل ما سهل عليك تنظيم وقتك في الاختبار.

في تدريب المحوسب كنت أخذ بالبداية إصدار يومياً وأحل الأسئلة لحالي بدون ما أنظر للشرح. بعد ما أخلص حل الإصدار كنت أراجع إجاباتي من خلال الملف المحلول ولو ما فهمت منه كنت ألجأ لشرح الفيديو. والأسئلة الي كنت أغلط فيها أو ألاحظ عليها فكرة قوية كنت أدوِّنها بملف عندي.

لما كنت أحل الإصدارات بالبداية كنت أكتفي بوقت مفتوح، ثم بعد مدة بسيطة بدأت أضع مؤقت عندما أحل الإصدار وكل ما حسيت أني أرتحت بالوقت الي أضعه كنت أقلله.

في نهاية الأسبوع كنت أختبر اختبار محاكي للي أخذته خلال الأسبوع. وهكذا كان منهجي للكمي، لكن بعد ما مرَّت فترة كافية في الإصدارات بدأت أحل الإصدارات كلها عن طريق اختبار محاكي. كنت لو عندي 48 سؤال أحط مؤقت مدته 48 دقيقة وبعد ما تعودت عليه كنت أقلله شوي شوي.
الاختبار المحاكي؛ يحاكي شكل اختبار القدرات المحوسب. موجود في دورة أ.عماد لتدريب المحوسب.

طريقة مذاكرتي للقدرات (لفظي):
أما للفظي، فتأسست عند أ.إيهاب بدورته للتأسيس وفعلاً فادتني شخصياً بعد ما خلصتها ودخلت على تدريب المحوسب. لكن، إذا كنت في صف ثالث ولا عندك وقت فأدخل تدريب المحوسب مباشرة دون التأسيس.

كنت أحضر محاضراته وأركز بطريقة حله للأسئلة وأي ملاحظة يضيفها اكتبها وأسجلها عندي. لما تنتهي المحاضرة اروح أرتاح شوي أو أسوي أي شيء خفيف سواء أكل، أمشي إلى آخره… ثم اروح أفتح الأسئلة الي أخذتها مع أ.إيهاب وأقرأها بتركيز وهي محلولة قدامي وأحاول أعرف الرابط بين السؤال والإجابة وأقارن بين الخيارات الخاطئة. [خطوة قراءة الأسئلة تعتبر جداً مهمة وهي الي راح تطور مهارتك في الحل.]

بالنسبة لاختبارات الحصص؛ فكنت أنتظر لليوم الي بعده واختبر على الي أخذته أمس قبل لا أبدأ بمحاضرة اليوم، حيث أن اختبارك للأسئلة بنفس اليوم ما راح يبيِّن لك مستوى إتقانك لها فعلياً.

في نهاية الأسبوع كنت أختبر مرة أخرى على ما أخذته خلال الأسبوع. كل ما سمح لي وقت فراغ كنت أحاول أختبر على الي أخذته من قبل مدة، كمراجعة بحيث أحاول ما أنساه.

=================
نصائحي:
غلطتي الي أخرتني في التأسيس هي التأجيل… كل ما أجلت أشغالك لليوم راح تتعب ثم راح تتراكم عليك إلى أن توصل لنقطة "الصفر". حيث أنك راح تسحب على القدرات لفترة ممكن أسبوع، أسبوعين، شهر أو شهرين. لما ترجع راح تشعر كأنك بدأت من جديد وكل هذا لأنك أجلت. وكل هذا التأجيل ممكن يصير لك لو كانت خطتك من البداية غير منطقية؛ أي أنك تُحَمِّل نفسك فوق طاقتها. قليل مستمر خير من كثير مدمر. لو حسيت أنك تقدر تأخذ إصدارين باليوم فخذ إصدار واحد، فطبيعتنا كبشر نبالغ فيما نستطيع فعله.

وازن بين الكمي واللفظي، أدرسهم مع بعض. أنا كنت أعتقد أن أخذهم مع بعض مستحيل ولا يوجد الوقت والجهد الكافيين لهم الأثنين. لكن لو أخذت من الأثنين شوي شوي راح تقدر، فكثير ناس تأثرت درجتهم سلبياً سواء من الكمي أو اللفظي، لكن لو طورتهم الأثنين مع بعض راح تلاحظ الفرق بإذن الله.

طرق التأسيس تختلف من شخص لشخص وأنا قلت طرقي، لكن كل شخص والي يرتاح له.

تختلف نظرة الاختبار من شخص لآخر… أي أنَّ نظرتك للاختبار هي الي راح تعكس مقدار وصولك لهدفك. أعتبره تحدي! أو ألغاز تلعبها ولا تعتبرها شيء يثقل عليك كاهلك.

خذ راحة. نعم ارتاح! لما تقعد تكرف وتتعب خلال الأسبوع فإنك تستاهل يوم راحة! إذا حسيت نفسك فعلاً فعلاً متعب ولا تقدر تدرس كويس، فخذ راحة يوم أو يومين. ممكن تتأخر في خطتك الي وضعتها، لكن صحتك الجسدية والنفسية أهم شيء! فما الفائدة في تحقيق هدفك بضرر نفسك؟ إذا أخذت راحة، فإرجع ولا تماطل فكلما تأخرت صعبت الرَّجعة.

الصلاة ثم الصلاة. التوفيق يجي عندما تعمل الطاعات وتبتعد عن المحرمات. وحاول بقصااارى جهدك تحافظ على قيام الليل.

عن أبي هريرة رضي الله عنه قال: قال رسول الله صلى الله عليه وسلم: (ينزل ربنا تبارك وتعالى كل ليلة إلى السماء الدنيا حين يبقى ثلث الليل الأخير، فيقول: من يدعوني فأستجيب له من يسألني فأعطيه من يستغفرني فأغفر له.)

——————
خاتمة:
ختاماً، القدرات مرحلة مهمة، لكن ليست من أجل الجامعة فقط بل من أجل تطوير نفسك! هي فرصة أنك تتطور وتبدأ تنظم حياتك وتواجه تحدي جديد! كثير ناس جابوا درجات أعلى مني وأنا كنت من الي يتمنون أنهم يجيبون 100، لكن الحمدلله بالي كتبه لي الله وأنا سعيد جداً أنني حققت شيء لم أكن متخيل أن أحققه يوماً. والقدرات بالبداية ممكن تعانون وتصعب عليكم كثيير، بس أعدكم أنكم لو أستمريتم حتى إذا سقطتوا، فإنكم راح تحققون الي تتمنوه بإذن الله. وأرضوا وأطمأنوا لما كتب الله لكم، فإنه عزَّ وجل لن يختار إلا مافيه خير لكم جمياً.

ملاحظة:
هذه أمور كلها تعلمتها ممن سبقني من زملائي في القدرات، بنفس الوقت جربت بنفسي وتعلمت أمور بنفسي. فكلامي ليس خالياً من الأخطاء بل ممكن أخطأ وممكن فيه أمور لا تناسب البعض، فخذوا من تجربتي ما يناسبكم وأكملوها من عندكم.

——————
شكراً لكل من قرأ كلامي وأدعوا الله ربُّ العرش العظيم أن ييسر أموركم ويوفقكم ويحقق لكم ما تتمنون وما لا تتوقعون. أعتذر إن أطلت الكلام، ومن لديه أي سؤال فأنا بالخدمة 24/7. دعواتكم لي بالتحصيلي🤍.

مصادري:
الكمي (تأسيس/تدريب): دورات عماد الجزيري.
لفظي (تأسيس/تدريب): دورات إيهاب عبدالعظيم.

أخوكم/ سعود.
@yaxeino

▣ التجربة :

{وَمَا تَوْفِيقِي إِلَّا بِاللَّهِ ۚ عَلَيْهِ تَوَكَّلْتُ وَإِلَيْهِ أُنِيبُ}
كيف جبت ٩٩.٨ كمي بالنماذج الجديدة؟
‼️ التجربة شاملة جميع النقاط المهمة لاختبار القدرات بإذن الله تعالى

🗂️ الفهرس

🛑 معلومات عامة
🛑مصادر
🛑تجربتي
🛑نصائح
🛑 أغلاطي

بداية ‏( لِلَّهِ مُلْكُ السَّمَاوَاتِ وَالْأَرْضِ وَمَا فِيهِنَّ ۚ وَهُوَ عَلَىٰ كُلِّ شَيْءٍ قَدِيرٌ )
‏ اللي شايفه مستحيل وليس له سبيل للوصول ‏ سيقضى برحمته وقدرته فهي ليست مستحيلة لكن عليك الاجتهاد و السعي وانت مسؤول عن السعي ليس النتيجة 🙏🤍

🛑 معلومات عامة

❓الفرق بين المحوسب والورقي وعدد المحاولات
💻المحوسب:
1️⃣يكون الاختبار على الحاسب الالي
2️⃣ليس له موعد محدد (مفتوح طول السنة )

📄الورقي :
1️⃣ يكون الاختبار على اوراق
2️⃣ له موعد محدد محدث كل سنه ( غالبا في الترم الثاني)
3️⃣ يوجد ورقة تضليل

🛑عدد المحاولات
عدد المحاولات خمسة محاولات بين ورقي ومحوسب يمكن تقسيم الاختبارات مثل ٢ ورقي و٣ محوسب
‼️لكن اقصى حد للمحوسب أربعة محاولات

🛑 الفرق بين النماذج القديمة والجديدة
سابقاً كان يوجد نماذج وعددها ١٢٠نموذج تقريباً
اما الان النماذج محدثة وتتحدث باستمرار .

🛑 الفرق بين التسريبات والتجميعات

📚التجميعات :
عبارة عن اسئلة وردت في اختبارات سابقة .

🏴‍☠️ التسريبات:
عبارة عن جزء من التجميعات وردت في اختبارات قريبة
‼️التسريبات في المحوسب عبارة عن كذبة ممكن يجيك سؤال سؤالين بالكثير لذالك لا يفضل الاعتماد عليها

🛑 الحجب : يكون الحجب عند ارتفاع درجة الاختبار الثاني عن الاول بفرق عالي وغير واضحة ألية الحجب لاحد الان (في بعض الحالات لا يحدث حجب )
‼️لذالك الرجاء عدم دخول الاختبار من باب التجربة بدون مذاكرة وهذا اكبر غلط ممكن يوقع في الطالب

🟢 مصادر:
🧮كمي
🔘تاسيس
1️⃣ محمد المرشد
2️⃣ المعاصر للاستاذ عماد الجزيزي

🔘 تدريب
1️⃣ المنصف

📓لفظي
ايهاب

🛑 تجربتي:
بداية أَنَا عِنْدَ ظَنِّ عَبْدِي بِي "
بالغ في حسن ظنك بالله فـإن جزاء حسن الظن أن تنال ما ظننت

🟢 كانت بدايتي الفعلية للمذاكرة مع بداية الترم الاول للصف الثاني التاسيس تعبني بالبداية شوي لدرجة كرهت عماد بسبب اسلوبه وهذا ما يدل انه كويس واتجهت لمحمد المرشد لكن نصيحتي هذا الوقت تاسيس المرشد لا يفيد لكن مع التدريب كل شي ينحل كنت اذاكر نص ساعه وارتاح نص ساعه لين الفجر وعلى هذا المنوال لمدة خمسة اشهر تقريبا وكانت اول محاولة لي شهر سته للامانه وقتها كنت مركز عاللفظي اكثر من الكمي ولهذا السبب درجتي في اللفظي كانت عالية جدا لكن درجة الكمي نازلة وهذا الغلط الي خسفني شوي لكن درجتي كانت جميلة وبعدها ارتحت شهر وتوقعت اني اجيب درجة كويس في الاختبار الثاني لاني كنت اشوفه سهل وكانت مذاكرتي مو ذاك الزود واختبرت في شهر رمضان والحمدلله درجتي كانت جميله لكن للاسف كانت اقل من الاولى جاني احباط جداا لكن اخذت الموضوع تحدي وعزمت على نفسي وبعدها اخذت قرار اني ابدا من الاجازه الصيفية واترك المشتتات واركز على القدرات وكانت مدة مذاكرتي ثلاث اشهر لكن كانت مكثفة ومع التدريب المكثف تطور الكمي بشكل رهيب، للامانة ترتيب دورة المنصف ساعدني لان بيعودك على الآلية الاختبار وفي خيار حفظ الاسئلة وهذل ساعدني كثير في اني احفظ الاسئلة الصعبة والي اغلط فيها وأراجعها بشكل دوري ، كنت اشغل شي اسمعه عشان استمتع وانا احل وحاول تستمتع في المذاكرة عشان يكون لك حافز تكمل بدون طفش وملل وحاولوا تجربون صيام الدوبامين جداا مفيد وهذا المقطع بيفيدكم ان شاء الله : https://youtu.be/8TV-fRrxvUY?si=34hS7osk3k3RnMRa

وايضا برنامج فريست بيساعدكم كثير ،بعد الثلاثة اشهر من المذاكرة اختبرت وكانت الاسئلة كلها جديدة علي واختبرت بداية تغير النماذج لكن التدريب والاساس القوي ساعدني بشكل كبير لهذا انصح ان يكون التركيز على الاساس قوي عشان تقدر تحل كل الاسئله الي تواجهك بدون صعوبة والحمدلله حقتت درجة ما كنت اتوقعها لهذا عليكم بالسعي ثم السعي ثم السعي .

📝ملاحظة : الكمي يتعمد على الفهم ممكن تواجهكم صعوبات في البداية لكن مع التدريب والاستمرارية والتكرار بتكون أتقنت كل الافكار ومع الوقت بتحل الاسئلة بالنظر اما اللفظي فلا يوجد مصدر مثل ايهاب عبدالعظيم انسان محفز طموح يبعث فيكم التفاؤل وشرحه جميل ومفهوم .

🛑 نصائح :

1️⃣ صعوبة البداية: ممكن تكون البداية صعبة عليكم
وبالأخص بداية التدريب على التجميعات ممكن تحل عشرة اسئلة ويكون سؤال واحد فقط صحيح وهذا الامر جدا طبيعي وحله مع كثرة التدريب والممارسة لكن لا يدخلكم شك او خوف نهائياً لا تستصعب شيئًا ، فقط استعن بالله ولا تعجز.

2️⃣ الحافز: النقطة الاهم وهي الحافز لازم يكون لكم هدف واضح تحدده من البداية ،ولازم يكون الحافز في وجهكم دائما من اجل المواصلة للوصول اليه وهذا يخلق حافز بداخلكم لمواصلة المذاكرة ، المكافآت ستحفزك على إنجاز المهام، امنح نفسك مكافأة بعد إنجاز المذاكرة كي تحفزك للاستمرار .

3️⃣ الاستمرارية: الاستمرارية ستزيد من ثقتك بنفسك و لا مجال لتطوير ذاتك بدون استمرارية، الاستمرارية في القدرات جدا مهمة قليل متصل خير من كثير منقطع ، القطعة ممكن تسبب لكم مشاكل بشكل كبير وتنسون فيها نقاط كثير وممكن ترجعكم لنقطة البداية وعليكم بالصبر المرحله هذي جدا مهمه لكم

4️⃣ الخوف قبل التجربة: كل التحديات مرعبة إن لم تخوضها، خلوها قاعدة عندكم لا تحكم على شي قبل تجربته ومثل ما قال الاستاذ ياسر الحزيمي لخوف قبل التجربة عجز ،أن مخاوفك قبل البدء مجرد أوهام كيف تخاف من شي لم يسبق لك الخوض فيه ، والشجاعة ليست عدم الخوف،
-وإنما في اتخاذ القرار وفعل الفعل رغم الخوف ، القدرات ليس صعب ولا مستحيل لكن يحتاج كثير من الجهد والتنازل على بعض الأمور الترفيهية لمدة معينة

5️⃣ نقاط الضعف : عند ملاحظة الاغلاط الكثيرة في مفكرة معينة عليك التركيز عليها ومراجعتها بستمرار والتدريب المكثف لإتقانها.

6️⃣ التكرار والمراجعة: المراجعة والتكرار جدا مهمة لترسيخ المعلومة والتعود على حل التمارين وتكرار المحفوظ يعين على ضبطه وثباته ومن الافضل كتابة الاغلاط والاحتفاظ بها ومراجعتها بشكل مستمر بحيث لانسمح ان تتكرر الاغلاط .

7️⃣ الاستعجال : هناك المتسع من الوقت لتحقق فيه كل ماترغب في تحقيقه، لا تسوي سكب واعطي كل شي حقه وكل شيء يتحقق في الوقت المناسب مهمها تاخرت لا ياثر عليك ، فترة التعلم تختلف من شخص الى أخر لا تسعجل خذ وقتك وتدرج خطوة خطوة.

8️⃣صلاة الوتر: وكما قال الله تعالى ‏﴿ قُمِ اللَّيْلَ إِلَّا قَلِيلًا ﴾ كثير منكم يجهل أهميتها خاطبوا الله في الخفاء فلن يرد الله عبدا دعاه.

🛑أغلاطي:

1️⃣ عدم الموازنة بين اللفظي والكمي : السبب الرئيسي وراء عدم تقفلي للقدرات من اول محاولة ،لاني كنت مركز بشكل كبير على اللفظي وغافل اللفظي بسبب مستواي في الرياضيات كان كويس الحمدلله لكن لاحد فيكم يغلط نفس غلطتي ولا احد يتكبر على العلم .

2️⃣ التوتر والخوف : طول ما انت متوتر مراح تقدر تسوي شي وممكن اشياء بسيطة تغلط فيها بسبب التوتر، للحين ما انسى اغلاط تافهه في الاختبار بسبب التوتر ، التوتر والخوف يصعب عليكم التفكير والتركيز وبكذا راح تبذل مجهود كبير عشان تتذكر تذكر معلومة معينه وفيها تذكرتها ولا ما تذكرتها.

3️⃣ المقارنة: ليه فلان جاب درجة اكثر مني ؟
ليه كلهم جايبين درجات كويسه الا انا ؟
المقارنة هلاك للذات، ومحد ياخذ رزق احد ودائماً المشغول بالمقارنة محروم من السكينة، والمقارنة راح تزعزع الثقة بنفسك وبيدخلك شك وممكن تكون حاجز بينكم وبين ثقتكم.

4️⃣ عدم النوم بشكل كافي : عامل النوم جدا مهم وبيعكس على أداءكم في الاختبار ، وقلة النوم بتقلل تركيزكم ويسبب لكم التشتت لان تركيزكم بيكون مشغول بالنوم وايضا يجعلكم أكثر عرضة لارتكاب الأخطاء ، وقت الاختبار لازم يكون تركيزكم مئة بالمئة لذالك انصحكم بالنوم بشكل الكافي وعدم السهر والمواصله ليلة الاختبار.

5️⃣ جدول : اختار جدول مناسب لك لا تبالغ ، يمديك تذاكر جميع نماذج القدرات بيوم لكن ما بتكون مذاكرتك وتركيزك زي ما تذاكر نمودجين لا تبالغ وتحدد اكثر من طاقتك لكن بهذي الطريقة تشتت نفسك .

6️⃣ التركيز : التركيز بيخليك توصل للتميز والنجاح بسبب اهتمامك الكثيف للمعلومات، والتركيز اساس المذاكره وبدون بتكون مذاكرتك بدون فائده فلهذا اذا حسيت بعدم التركيز وقف مذاكره وخذ بريك وعيد المحاضره لو ما كنت مركز ، ومن اكثر الاشياء الي تشتت التركيز الجوال فا عليك أبعاده وقت المذاكره.

🔚 الخاتمة:
قال تعالى: “ وَلَا تَيْأَسُوا مِنْ رَوْحِ اللَّهِ إِنَّهُ لَا يَيْأَسُ مِنْ رَوْحِ اللَّهِ إِلَّا الْقَوْمُ الْكَافِرُونَ"
الطريق طريقك ، ومحد بينفعك غير نفسك عليك الاجتهاد من اجل مستقبلك وجعل نفسك واهلك فخورين بك ، يجازيك الله على تعبك في دراستك وتحمل صعوباتها فما سعى لله ساعٍ إلا بلغ ، ستمُر الايام بسرعة رغم صعوبتها وسيأتيك عوض الله سبحانه وتعالى وكل شي بيكون زي مانت متوقعه وكل شي تتمناه بيصير مع مرور الوقت أعطوا كل شي وقت مناسب وكونوا على يقين بالله انه بيصير في النهاية لو كان هذا الشي من نصيبك
ومكتوب لك بيوصلك وبيكون لك ثقوا بالله واطمئنوا، وتذكروا حلاوة الوصول يهن عليك مر المجاهدة.

اتمنى اني أفتدكم ولو بالقليل والي حاب يسال تحت امركم وهذا حسابي alml79@، واتمنى من الله التوفيق لكم جميعاً ولا تنسوني من دعواتكم 🙏🤍🤍..

▣ التجربة :

اهلاً السلام عليكم جميعًا
اول شيء ابي انوه اننا ماننسى كل شيء توفيق من الله ولاننسى ذكر الله والوتر والسنن والضحى والمحافظه عالصلاة
مصادري كانت (عماد-المنصف-ايهاب)
عماد للتأسيس تأسست معه جدول لمده شهر كنت اشغل المقاطع وافهم الفكرة والي مافهمه اعيد بشرحه واحاول احل الاسئله بنفسي الي ماعرف احلها اشوف شرحها - التدريب ختمت بنوك المنصف مرتين سويت لي جدول لمدة ٢٠ يوم قسمت عدد بنوك الكمي على ٢٠ يوم وطلعلي باليوم كم اخذ واخذه، كنت افتح عالبنك الأول مثلًا واحاول احل الاسئله بنفسي الي ماعرفه اشوف حله بالمقطع عالسريع وهذا الشيء مررره يفيدكم بانكم تثقون بانكم تعرفون تحلون بنفسكم لان بالاختبار بتحلون كل شيء لوحدكم ولازم ماتترددون بالاجوبه بعد ماخلص المذاكره اروح اختبر على الي ذاكرته، وطول مانا اذاكر واختبر كنت اراجع باستمرار كل الي اذاكره بكل يوم اختبر تلقرام كثير كان يثبت براسي، المراجعه قبل الاختبار ضروري تحطون لكم كم يوم ماقبل الاختبار تكون كافيه تراجعون كل شيء من كمي ولفظي، طريقه المراجعه كنت ادخل الاختبارات حقت البنوك واحل كل شيء بنفسي اغلاطي اسجلها وادور لها طريقه حل 🙏🏼 ختاماً الله يوفقكم يا رب وييسر لكم

▣ التجربة :

تجارب مظلة | قدرات pinned «السلام عليكم ورحمه الله وبركاته أهلا أصحاب مظلة ☔ أختبرت قدرات؟ درجتك ٩٠ وفوق ؟ شاركنا درجتك ومصادرك عشان تفيد فيها طلاب ثانوي 🙏🏻🤍🤍. ☔️ ¦ لإرسال تجربتك : - @li526 - @EXYVY - @zlllll9»

السلام عليكم ورحمه الله وبركاته
أهلا أصحاب مظلة ☔
أختبرت قدرات؟ درجتك ٩٠ وفوق ؟ شاركنا درجتك ومصادرك عشان تفيد فيها طلاب ثانوي 🙏🏻🤍🤍.

☔️ ¦ لإرسال تجربتك :
- @li526
- @EXYVY
- @zlllll9

مو الافضل لكن الحمدلله جت بعد اربع محاولات🤝 بقولكم اغلاطي عشان محد يسويها
يمديكم تجيبون افضل منها من شهر او شهرين بس لو تذاكرون كويس وتلتزمون

التاسيس > المعاصر و غلطتي ان طولت فيه مره، لا تعطونه اكثر من شهر، اذا خلصتوا وحسيتوا انكم مو فاهمين جزئية راجعوا منه مع المراجعه والتدريب يثبت كل شي ،برأيي
٣٠٪؜ تاسيس والباقي تدريب لانك مع التدريب
بتتاسس وتقوي تاسيسك

الكمي> المنصف افضل مصدر حرفيا ، فيه برضو اصدارات عماد كويسه يقولون
وكثير مقفلين فيها، بس انا اعتمدت المنصف والحمدلله جبت ١٠٠ كمي بثلاث محاولات

اللفظي> فاشله فيه صراحه دايم هو الي ينقصني ، معروف المصدر الافضل ايهاب لحد يدور غيره، اللفظي م ينفع تعتمدون ع الفهم بس قياس تعتمد اجوبه غبيه وتقفيلات اغبى ( احفظوا وافهموا ) ، كرروا كثير اذا الشي مر عليكم مره وحده اكيد بتنسونه! من اغلاطي بمحاولتي الي قبل اني م اعيد الاختبارات بحكم اني اطفش لكن لقمت وجاني كله ايهاب بس نسيته + وانتم تحلون حاولوا تقرون كل الخيارات عشان اذا فيه شي يشكك م تشكون فيه بنص الاختبار

هنا نقصت لان جاني جديد ايهاب ماجمعه ( قطعه عن البعوض ٥ اسئلة+ مفردتين شاذه + اكمال جمل وتناظر )
اذا استفدتوا ادعوا لي🙏

طريقه الكمي

افتح التدريب الالكتروني واحل والي اغلط فيه اتابع شرحه ، الين يخلص الاختبار واعيد احل اغلاطي ، الي احسني بنساه بعدين اسوي له سكرين شوت وارسله لقناه مافيها الا انا بالتلقرام عاساس اراجعه او الي فكرته وطريقته صعبه
بعد م اخلص اخذ الاختبار المحاكي عاساس اثبت المعلومه واحل بالطريقه عشان لو تغير شي
( انزنقت بالاخير وم امداني بس نقطه مهمه لو عندك وقت )
وكذا اراجع اغلاطي بالقناه واذا فيه وقت ارجع اعيد المحاكي والي مره م افهمه وفكرته م تجي كثير احفظه غالبا بيجي نسخ لصق اذا كان نادرة الفكره والمنصف مو كاتب صيغه مشابهه، بس برضو الفهم اول شي

▣ التجربة :

أَن لَّيْسَ لِلإِنسَانِ إِلاَّ مَا سَعَى * وَأَنَّ سَعْيَهُ سَوْفَ يُرَى * ثُمَّ يُجْزَاهُ الْجَزَاء الأَوْفَى
( ما شاء الله لاقوة الا بالله )
السلام عليكم ورحمة الله وبركاته معاكم فهد
الحمدلله دائما وابدا بفضل الله سبحانه وتعالى جبت ٩٥ في القدرات 🫡🤍

رحلتي في القدرات بدات من اول ثانوي والان خلصت وانا ثالث حكمة من الله
كنت واثق بالله من اول ثانوي انه راح اقفل على القدرات سوا في ثاني ثانوي او في ثالث

اختبرت فترة النماذج الجديدة ولا لحقت على القديمة وفعلا هاذي لوحدها حكمة من الله اختبرت اختبار قبله بفترة وجبت ٩٠ بس ما كانت كافية بالنسبة لي عشان ما اكذب عليكم 😂🥲

بعدها اختبرت هذا الاختبار اللي تشوفونه حاليا ولله الحمد جبت ٩٥ 🫡🔥

نصحتي للي بيختبر اولا لازم تكون علاقتك مع رب العالمين قوووية والله بدون رب ما حترتاح ابدا وما بتتوفق بعدين فكر بالمصادر وباقي الامور

الوتر يا ناس الوتر والله الوتر ركعة وحده بس لو مرة
صدقني بتفرق كثييير

والدعاء وقت أستجابة الدعاء أتحراها صدقني بتفرق مرة معاك ادعي لنفسك بـ١٠٠ ايش خسران ؟

اهم شيء اعمل بالاسباب وراح تجيب الدرجة اللي تبغاها لو ما بتعمل بالاسباب ايش الفايدة

التاسيييس لازم يكون من حديد بالذات ذي الفترة زي ما تعرفون

للكمي تاسست من المعروف اللذي لا يعرف استاذ عماد الحزيري

واللفظي تاسست من مقاطع اليوتيوب ١٠ للاستاذ الاسطوري ايهاب عبد العظيم

التدريب لازم تكثفه بكبر قدر ممكن اذا تقدر
الكمي اخذت دورة المنصف
واللفظي دورة اغسطس حقت استاذ ايهاب
والله ياجماعة فرقوا معااااي مرة مرة مرة

لاتنسون تدعون لي بالتحصيلي 🤍🤍

@wvilz

السلام عليكم ورحمة الله وبركاته
انا دانه العنزي .
طالبه صحه بجامعة حائل .
حبيت اعطي معظم النصايح
١- الصلاه بوقتها .
٢-الوتر سحرر سحرر .
٣- سوره البقره يومياً .
٤- صلاه الابراهيمية.
٥- مذاكره ٣ ساعات يومياً .
٦- تدريبات .
ولا تغلطون غلطتي وتاجلون الدروس والمذاكرة خلصو قدرات بثاني ثانوي عشان بثالث ثانوي باذن تبدون تذاكرون تحصيلي واعرفو انو

قوله تعالى: {لاَ يُكَلِّفُ اللّهُ نَفْساً إِلاَّ وُسْعَهَا..}

وفي النهاية لازم تعرفون انه كل شخص تعب يلاقي تعبه وانتو قدها وارح تحققون احلامكم وراح تصيرون افضل طلاب وابناء المستقبل اللي راح نفخر فيهم واحد واحد وكلامي حيل قصير لكن ان شاء الله يكون محفز لكم بالوقت اللي تحسون فيها متشتتين اقرو صفحتين من سوره البقره❤️❤️.

وبالاخير اللهم صلى وسلم على نبينا محمد واذكروني بدعوه بكل وقت ❤️.

▣ التجربة :

السلام عليكم ورحمة الله وبركاته
بقولكم تجربتي بتفصيل بإذن الله
بالبداية انا مستواي بالرياضيات سيئ لأبعد الحدود، ما اعرف جدول الضرب ولا اعرف اقسم ولا اعرف اجمع بشكل سريع حتى لو تقولون لي ٣+٣ بقعد اعد باصابعي
التأسيس: (دورة المنصف للكمي)
بديت بثاني ثانوي الترم الاول، طبعًا قبل لا ابدأ رحت قروب التيليجرام وسألت عن المصادر ومدحوا لي كتاب المعاصر وعلى طول رحت شريته
(حفظت جدول الضرب قبل لا ابدأ التأسيس) ما كنت اصدق اللي يقولون مع التكرار بتحفظينه
بديت مع شرح استاذ عماد وكنت اخذ على الصفحه الوحده بدون مبالغة اكثر من ساعتين مع اني كنت اجتهد واحاول افهم بس مو قادره عندي اسئلة كثير ببالي، ليه كذا وليه كذا..
ختمت الكتاب وبدون فايدة للأسف
ملاحظة: كتاب المعاصر جميل والشرح ممتاز ولكن انا ما ناسبني بحكم مستواي
شرح استاذ عماد سريع وينفع للمتمرسين (وجهة نظر)
بعدها اشتركت مع مدرس خصوصي وبرضو ما استفدت
بعدها بديت اقرأ عن دورة المنصف للتأسيس والحمدلله اني اتخذت الخطوة واشتركت مع ان سعر الدورة غالية بالنسبة لي
ملاحظة: مع المنصف ما كنت اتساءل كثير لانه يشرحه بذمه وضمير جزاه الله خير
اشتركت مع المنصف بداية الترم الثاني وخلصت التأسيس بأسبوعين او اقل مع المراجعة والتلخيص
بعدها بديت اذاكر النماذج القسم الكمي وبرضو اشتركت مع المنصف دورة المحوسب وبديت اخذ نموذجين باليوم وبالتدريج صرت اخذ اكثر،
على وقتي كانت ٩٥ نموذج (المهمة)
وبعدها اشتركت بدورة استاذ ايهاب (النماذج)
وهو الأفضل في قسم اللفظي الله يسعده
ما تأسست باللفظي لأن احس مو ضروري وهو حفظ بالأساس
واستمريت بالمذاكره الين ما جاء تغيير النماذج وكان باقي على اختباري اسبوع، طبعًا اجلته الين ما شفت الناس بدأوا يجيبون ٩٠+ وحجزت
اختبرت بشهر ٨ ميلادي وجاني من ايهاب والمنصف
ولله الحمد وبرضو جاني قطع واسئلة جديدة بالكمي واللفظي بحكم ان لسى النماذج ما ثبتت
وقفلت بدرجة ٩٥ من اول محاولة بفضل الله ثم المنصف وايهاب
وكانوا فعلًا قد ثقتي فيهم كنت داخله الأختبار وواثقه بيجيني عالأقل ٧٥٪؜ من نماذجهم
مدة مذاكرتي من بداية ثاني ثانوي الين الاجازة الصيفية.. ولكن شديت حيلي آخر ٥ شهور
بالنسبة للمصادر، التأسيس بحر.. بتلقون مصادر كثيرة مجانية سواءًا على اليوتيوب او التيليجرام وبرضو كتب بأسعار رمزية، ف مو ضروري تعتمدون على مصادري
والنماذج فيه خيارات كثيرة ولكن عن تجربة انصحكم بدورة المنصف وايهاب للنماذج
طريقة المذاكرة:
طريقة مذاكرتي للكمي كانت مبنية على الفهم ١٠٠٪؜ والحمدلله اني ما حفظت النماذج لأني اختبرت بوقت تغيير النماذج وواجهتني اسئلة جديدة وقدرت احلها (كانت نفس الافكار بس اللهم غيروا الارقام)، عشان كذا مهم جدًا التأسيس وفهم النماذج
واللفظي حفظ حفظ حفظ، حتى التناظر اللفظي كنت احفظه، كنت اسمع الناس يقولون كل شي حفظ الا التناظر اللفظي ولكن انا عن نفسي انا حفظته
واخيرًا حابه اقول لكم الرحلة كانت متعبة وجميلة بنفس الوقت، بتضحون بأشياء كثيرة مثل الطلعات والسفرات ولكن ما تمنعون انفسكم مره
بالنسبة للجمع السريع اللي كان معقدني الحمدلله مع الممارسة قدرت اجمع بسرعه😂
طبعًا هدفي كان من البداية اختبر فرصة وحده بس وهالشي فادني لان كنت اعطي كل ما اقدر من جهد وتعب وسهر والدافع كان اني اخلص مره وحده وارتاح
اتمنى استفدتوا من تجربتي ودعواتكم لي بالتوفيق بالتحصيلي ❤️

▣ التجربة :

خطة مذاكره القدرات :
اول شي بقلكم تجربتي الاولى كنت اذاكر من المعاصر تاسيس كان 6ماذاكرت الاصدار الجديد يمكن قعدت اكثر من ٥شهور وانا اذاكر اذاكر كنت افتح شرح وتلخص القوانين بعدين حسيت ماله فايده دخلت عند خصوصي كثير مدح عليها فكنت معها خطوه بخطوه وكل شي تقوله اسويه واحس كان جداً تعجيزي بالنسبه لي بالنسبه للفظي كنت مهمشته كنت اقول سهل لاني حليت بعض الاسئله وعبالي اللفظي سهل دخلت الاختبار وكانت المفاجأه طلعت مبسوطه من الاختبار طبعا جات النتيجه خايسه 70طبعا ماكنت متوقعتها على التعب اللي تعبته عبالكم استسلمت لا طبعا كنت اقرا تجارب الطلاب اللي جايبين فوق التسعين واقول هل ممكن اجيبها واخذت المصادر اللي الاغلب اتفق انها تضمن التسعين وفوق
ذاكرت دوره المنصف بدون تأسيس خشيت ع التدريب ع طول لاني كنت متاسسه طبعا مو التاسيس القوي فكنت مع كثرت التدريب تعودت ع المسائل وعرفت الطريقه وكيف وكذا فكان صعب طبعا بس ماستسلمت شرحه جداً ممتاز واذا ماعرفت سؤال كنت اسأل طلاب اللي بالتيلجرام مرا متعاونين اهم شي بالكمي التدريب المكثف كنت حاطه القوانين قدامي بالمكتب اي شي انساه اشوفه واحفظه مع كثرت الحل حفظت القوانين
بالنسبه للفظي بدون تفكير ع طول دوره إيهاب البنات نصحوني فيها فدخلتها وكانت من امتع الدورات اللي دخلتها شرح مميز وكل شي وكنت استانس لما اذاكر اللفظي ايهاب شرحه مراااا كويس وممتع جدا ً بالبدايه صعب عليكم تخلصون اكثر من نموذج باليوم لكن مع كثره التكرار والحل رح تحفظونه طبعا ً مع فهم وتركيز لا تقولون الوقت ومدري ايش انا حتى ماكنت اطلع من البيت حرمت نفسي من الطلعات والوناسه ملحقين عليها كنا نطلع واخذ معي النماذج ماتضيع وقت ابد صح النماذج كثيره لكن مكررره بشكل مو طبيعي وحلو الاختبارات اللي ع النماذج حلوها اكثر من مره لين تنسخ بمخكم
واخر شي بقوله لا تيأسو لا تقولو تعبت ماحصلت نتيجه انا كنت زيكم بس اكتشفت الله مايضيع تعب احد اللي يسعى بيلقى نتيجه سعيه والله الله بصلاه الوتر والدعاء واتمنى افدكم والله يوفقكم يارب 🤍

▣ التجربة :

واعلى درجه راح اخليها هاذي إذا ختو بنصيحتي راح تجيبو أعلى مني حتى اضمن لكم اي استفسار تفضلو
@Narukuun

طبعا الارتفاع عندي كان بالفظي الكمي للأسف هو يلي نزل درجتي ولاكن راح انصحكم فيه اثنينهم مو بس اللفظي لأنه راح اقولك اغلاطي يلي سويتها ويلي خلت الكمي للأسف نازل عندي اذا كنت تبي الزبده وتمشي تفضل لاتروح لي دورات فيها كمي ولفظي لأنه بنسبه ضخمه بتلاقي إهمال في احد فيهم بتالي الدوره موشامله مجرد علامه تسويق تأسس ورح لي عماد كمي أو رابح وذا كمي ولفظي باقات والوحيد المستثنى لأنه بالفعل شغل نظيف مره لاكنه تدريب يعني شوفه بعد ماتخلص تأسيس وفي اللفظي إيهاب تقدر تاخذ الرابح أو عماد دوره محوسب وإيهاب دوره محوسب مع بعض بعد التاسيس طبعا إذا تبي الزبده تقدر تروح وماتكمل تقرأ راح افصل عشان تكون الفايده لكم كبيره تجربتي بتكون قسمين تجربه لي وبتكون نصايح اما اغلاط اما نتايج مرضيه نروح لي اولا تجربتي من اول مابديت القدرات وانا احاول ادور مصدر يشيل الكمي واللفظي مع بعض ومصدر واشترك في دوره تكون مرجع لي مو انه تقولي انها دوره شامله كل المصادر وبالأخير اجلس اظطر اروح مصادر أخرى عشان اغطي عيوبها واتشتت وهذا كانت أول غلطه لأنه اكتشفت مافي دوره تسوي الشي ذا وكله مجرد تسويق لا أكثر مصيبتي ماكانت بالفلوس ولا لو الدوره بالفعل قويه ماكان استخسر ابدا كانت المشكله بالوقت الفاضي يلي اقضيه وبالاخير مافي نتايج فا اظطر اروح مصدر اخر وهكذا هذا غير أنه محاولات بطير على الفاضي وصراحه اكون منصدم التسويق شي ولمن تدفع شي ثاني تمامآ وصدقني ماراح يبين في أول يوم أو يومين عندك راح يبين حرفيا لمن تخلص الدوره وتكتشف انك عندك نقاط ضعف كثير الدوره ما عالجتها اما تعرف من بعد الاختبار يلي بعد الدوره أو كم تجميع حاولت تحله وشفت انه مستواك فيه ماهو مرن ابدا هذا غير اذا كانت الدوره مو شارحه اغلب التجميعات أو بعض النقاط فا تظطر انت تروح لي مصادر أخرى عشان تغطي هل الجانب فا ماهو شي عادل ابدا تدخل دوره وتعطيها ثقتك انها المرجع لك وبالأخير تظطر تغطي عيوبها بأنك تحوس في مصادر أخرى هنا انت وضعك ماتغير عن قبل لا تدفع الدوره صح؟ وهذا كان غلطي بالظبط هو اني رحت لي الشك وتركت اليقين تركت الرابح وعماد ورحت لي تسويق الدورات يلي مافادني وربي الرابح على اني ماذاكرت الا نموذجين منه فقط ومتأخر حيل ندمت اني ماذاكرته من قبل بس فات الأوان والتقديمات جات وماينفع اختبر قدرات مره ثانيه وذا يودينا لي غلطي الثاني التدريب الكمي لو تلاحظو كثير يقولو لك تاسس التاسيس اهم من التدريب الكلام يلي كله تسمعوه سمعت الكلام الفاضي ذا ورحت تأسست ٣ مرات إذا مو اكثر مستواي بالكمي ماتحسن تحسن كبير ابدا لاني ماحليت مسأل التاسيس يركز انه يعطيك فكره فقط لاكن الأهم هو انك تحل مسأل كثير يلي التدريب يوفر لك الكلام ذا لاكن ضاع وقتي بتأسيس ورحت عساس بخلص النماذج الرابح سريع انصدم بكميه الثغرات يلي كانت تحتاج وقت لاكني بديت التجميعات قبل أربع أيام فقط لو اني تأسست مره وحده فقط ورحت اشوف شروحات المحوسب واطبق في الاختبارات اللألكتروني ماكان صار يلي صار ذا وهاذي غلطتي وترى ماتاسست كلهم مره وحده لاكن كل ما اختبر ارجع اتاسس وذا غلط نصيحتي التاسيس لاتزيدون عن شهر والتدريب يفضل هو يلي تاخذون وقتكم فيه صدقوني ماعرفت الشي ذا الا بعدين بعد ماجربت اذاكر الرابح على انهم فقط نموذجين لاكن ندمت ندم مب طبيعي قلت ياليت اني ذاكرت الرابح من قبل هو صراحه غلطتي ولد عمي من البدايه نصحني فيه بس خل عنادي ينفعني ماذاكرته الا بعدين قبل اختباري بأربع ايام والتقديمات جات لكن بنهايه لغيت اختباري لي سبب خاص ممكن تشوفون غباء الغيه واختباري قريب حتى لو انه ظغط اذاكر نماذج بأربع ايام بس ذا ماهو سبب الوحيد لاني كنت متيقن انه حتى لو ماجبت درجه عاليه راح بتكون أعلى من يلي قبلها إذا خلصت عدد لابأس فيه نماذج الرابح بس انتهى المطاف اني لغيته وخلاص نروح اللفظي يلي خلاني اجيب درجه عاليه اني ذاكرت إيهاب وذا خته برضو متأخر بس على الاقل كان معقول مقارنه برابح وعشان كذا جزمت انه لو ذاكرت الرابح بنفس فترت إيهاب كان جبت درجه عاليه حتى في الكمي لذالك خوان نصيحه لا تحاولون تدورن مصادر تعجبكم أو زي يلي تتخيلونها أو من تسويق حتى لو الشرح عاجبك وفهمته المضمونيه اهم القدرات ماهو مسأله هل عجبك الشرح خلاص كمل في المصدر ذا وبس والله قد الشرح يعجبك بس الدوره مو مضمونه سواء انك تتشتت عشان تغطي عيوبها سواء انها مو موفره لك اختبارات لكل نموذج وعشاني ذاكرت مصادر كثيره فا ماشفت ذا الشي الا في عماد المحوسب إيهاب المحوسب الرابح والباقي ماكانو الا تسويق رخيص مابذكر اسماء لاكن عن تجربه لا تفكر تروح لهم عشان بالفعل تجيب الدرجه فا نصيحه طبعا اللفظي من النتايج المرضيه اعتبره عكس الكمي اغلاطي كانت كثير وبس والله يارب تنقبلون اعتبر روحي قفلت للقدرات ما اقدر اختبر من جديد رغم اني لو اختبرت كان جبت الدرجه يلي ابيها والدليل انه كل اختبار اختبرته كان احسن من يلي قبله بس عوافي يلا اخر

▣ التجربة :