Посты канала Мастура Хожи Она Шеърлари

ТАҲЛИЛ,  ТАСБEҲ,  ТАКБИР,  ТАҲМИД  ва  ИСТИҒФОР айтишнинг  фазилати.

Таҳлил - бу  «Ла илаҳа иллаллоҳ»  калимасини айтиш, яъни, «Аллоҳдан ўзга илоҳ йўқ»  дейиш.

Тасбеҳ - бу «Субҳаналлоҳ» калимасини айтиш, яъни, «Аллоҳ ҳар қандай айбу-нуқсондан покдир» дейиш.

Такбир - бу «Аллоҳу акбар» калимасини айтиш, яъни, «Аллоҳ буюкдир» дейиш.

Таҳмид - бу  «Алҳамдулиллаҳ» калимасини айтиш, яъни, «Аллоҳга ҳамду санолар бўлсин» дейиш.

Истиғфор - бу  «Астағфируллоҳ» калимасини айтиш, яъни, «Аллоҳ менинг гуноҳларимни мағфират этсин (кечирсин)» дейиш демакдир.

https://t.me/Masturahojionasherlari

🍃🌸🍃
АЛҲАМДУЛИЛЛАҲИ РОББИЛ АЪЛАМИЙН.

Бизларга Рамазон рўзасини фарз қилган ва мана шу ой ва улуғ кунга етказган Аллоҳ Таолога чексиз ҳамду~санолар бўлсин!

Бизларни умматим деб, Ҳақ йўлида шафоатчи бўлган Пайғамбаримиз Муҳаммад Мустафо саллаллоҳу алайҳи ва салламга, уларнинг оилалари ва аҳли саҳобаларига салому~саловатлар ёғилсин!

Мана шундай ажр~мукофоти беқиёс, дуолар мустажоб бўлган кунларда сиз Азизларнинг Рамазон ойи ҳамда ушбу  кунда қиладиган барча дуо ва эзгу~ниятларингиз ижобат бўлсин!

Тутаётган рўзаларимиз охиратда дўзах оташидан парда бўлиб, қилаётган ҳайрли амалларимиз гуноҳларга каффорат бўлсин. Ин шаа Аллоҳ!

Рамазон ойининг рўзасини иймон билан, Аллоҳдан савоб умидида тутаётган ҳар бир мўмин~мусулмон бандасига Аллоҳ Таоло чиройли сабр ато этиб, "Раййон" аталмиш Жаннат эшикларидан киришликни насиб айласин. Амин!

Аллоҳнинг муҳаббати дилларимизни ҳамиша мунаввар этсин. Бугунги КУН  барчангизга ҳайрли ва барокатли бўлсин!

https://t.me/Masturahojionasherlari

Эртага баҳор!

Баҳорга етолмаган инсонлар, бегуноҳ, беғубор болажонлар хотирасига бағишланади...

Жуда таъсирли шеър Эркин Бозоров ижросида

Батафсил 👉🏽 Дунё🌐Уз

ХАЙР, ҚИШ.

Хайр қиш, кетақолгин, қовоқларинг солмагин
Энди сендан қўрқмайман, бир кунинг ҳам қолмади,
"Аямажиз", "ҳут- ют"инг ўзинг билан олиб кет!
"Аҳмон- даҳмон"ларингни ол, олдингга солиб кет!
Роса эркалик қилдинг, кетгин эрта наҳордан.
Биз ҳам энди яйрайлик баҳра олиб баҳордан.
Қиш, сен дамингни олгин, ёз бўйи куч тўплагин.
Қорларинг заҳира қил, қиличларинг қайрагин.
Биз ҳам қараб турмасдан ҳаракатни бошлаймиз.
Бир сўм пул топсак энди қутичага ташлаймиз.
Ўн нафар муаллимдан кўра бердинг зўр сабоқ.
Тўққиз ойдан сўнг қайтиб синчиклаб бизларга боқ.
Қалқонларимиз шайлаб сени кутиб оламиз.
Инша Аллоҳ, эсон омон сендан ўтиб оламиз!
Мастурахон, нолиманг, танимиз соғ бўлса бас!
Бизнинг гўзал фасллар.
Бошқа ерда учрамас.


https://t.me/Masturahojionasherlari

Ассалому алайкум Қадрдоним. Омонмисиз?

Танингиз соғ, яқин инсонларингиз саломатми?

Қишнинг сўнгги кунида сизлар билан дийдорлашиб турибмиз. Беадад шукр!

Азизим! Танингиз соғ бўлсин. Хонадонингиз тинч, дастурхонингиз тўкин, рўзғорингиз бут бўлсин.

Аллоҳ барчангизни паноҳида, ҳифзу ҳимоясида асрасин.

Ризқингизни мўл кўл қилиб, ҳалолидан, барокотлисидан, осонидан етказсин.

Сизларни ҳурмат қиламан!

🎤 Феруза Бону.


Шеър муаллифига миннатдорчилик билдирамиз

https://t.me/Masturahojionasherlari

Кимнидир билиб, билмай хафа қилган бўлсам, дилини оғритиб қўйган бўлсам, узр сўрайман.

💐💐💐💐💐💐💐💐💐💐💐💐💐
Эртага Рамазон, биродарлар!

Келинг Азизим. Дуога қўл очайлик.

Фақат Аллохдан сўраймиз.
Аллохга илтижо қиламиз.

Аллоҳ таоло барча беморларга комил шифо берсин, уларнинг ҳам Рамазон ойида рўза тутишларини насиб этсин!

Аллоҳ таоло Рамазон ойида қарздорларга нажот берсин! Бу ойни қарзсиз якунлашларини насиб этсин!

Аллоҳ таоло Рамазон ойида закот, садақа берадиганларнинг ибодатларини қабул айлаб, ажрларини кўпайтириб берсин!

Аллоҳ таоло ҳали Намозни бошламаганларга шу ойда Намозни бошлашларини насиб этсин!

Аллоҳ таоло савдогарларнинг қалбларини юмшатсин, бу ойда озиқ-овқат маҳсулотларини биз мусулмонлар учун арзон нархларда сотишларини насиб этсин!

Аллоҳ таоло аразлашганларга шу ойда ярашиб, қалблари улфат бўлиб, ака-ука, опа-сингил бўлиб олишларини насиб этсин!

Аллоҳ таоло турли юртларда қийналаётган диндошларимизга нусрат берсин! Уларнинг юртларида тинчлик ҳукм суришини насиб этсин!

Аллоҳ таоло масжидларимизни янада обод қилсин, Намозларимизни жамоат билан адо этишимизни, Рамазон ойида таровеҳдаги Қуръон хатмларида ихлос ила тўлиқ иштирок этишимизни насиб этсин!

Аллоҳ таоло фарзанд талабида юрганларга Рамазон ойида хушхабар эшиттирсин!

Аллоҳ таоло Рамазон ойида мазлумларга нажот берсин!

Аллоҳ таоло моддий жиҳатдан қийналаётганларга Ўзи ёрдам берсин, ризқларини баракотли қилсин ва ифторлик, саҳарликларда қийналмасликларини насиб айласин!

Аллоҳ таоло Рамазон ойида нафсимизни ислоҳ қилиб олишимизни, сабр ва тақвони ўзлаштиришимизни насиб этсин!

Аллоҳ таоло вафот этган диндошларимизнинг қабрларини Рамазон ойида нурга тўлдирсин!

Аллоҳ таоло бизни Қадр кечасини ибодат ила бедор ўтказиб, уни топувчилардан қилсин!

Аллоҳ таоло бизни Рамазон ойида гуноҳлари кечириладиган, жаннатийлар сафига қўшилиб, дўзахдан узоқлаштириладиган бандалари қаторида қилсин!

Аллоҳ таоло Рамазон ойининг кундузларини рўзадор, кечаларини намоз, Қуръони Карим тиловати, зикр каби ибодатлар ила ўтказиб, Ўзига қурбат ҳосил қилишимизни насиб этсин!

Аллоҳ таоло бизни гуноҳларимиз кечирилган, қаторимиздан хато бўлмаган, қалбимиз покланган ҳолда Ҳайит кунига, Ҳайит намозига етиб боришимизни насиб этсин!

Аллоҳ таоло кейинги Рамазон ойини Макка, Мадинада ўтказишимизни, таровеҳ намозларимизни Масжидул Ҳаром, Масжидун Набавийда адо этишимизни насиб этсин!

Аллоҳ таоло барчамизни Рамазон ойига кўп йиллар ота-онамиз, оила аъзоларимиз билан бирга такрор-такрор етказсин!

Аллоҳ таоло Рамазон ойи арафасида қилаётган дуоларимизни ижобат айласин!

https://t.me/Masturahojionasherlari