Postagens do Canal 👩🏻‍🍳 مطبخ منار الطوخي 👩🏻‍🍳

كل المنتجات خاليه من الجلوتين ومتاحه فالسوبر ماركت في مصر 🇪🇬

https://t.me/+LI4DZS0q3QBmN2Nk

الحمد لله علي نعم تتجدد بفضله علينا اللهم ارزقنا بركتها وشكرها ورضاك عنها🤍🤍

مساء النور والسرور علي رفيقات الجنه☺️☺️

وصفه انهارده ان شاء الله لذيذه وسهله وتنفع جميع الأنظمه 👌🏻


🍎 كب كيك التفاح🍎


المكونات🍎
عدد تفاحتين 🍎🍎
عدد 2 بيضه🥚🥚
ربع كوب كاكاو خام
ربع معلقه قرفه، فانيلا
معلقه صغيره بيكن بودر
معلقه عسل اختياري
محلي بديل للعسل اختياري
وممكن اي اضافات مكسرات او شوكلت دارك وده اختياري

الطريقه🍎🍎
الطريقه موضحه فالفيديو ولكن هقول بعض التركات لازم توزنو التفاح لان كل حجم بنسبه كارب معينه هكتب في نهايه الوصفه كاب كارب كان وزن التفاح عندي 150 للواحده
ممكن نسويها فالاير فرايزر ووممكن فالفرن

اضافه القرفه هايله مع التفاح انا مضفتش اي سكر اكتفيت بتحليه التفاح ومعلقه العسل علي الوش بعد ماتحضرو الخليط دوقو وشوفو محتاجين تحليه او لا

نسبها تبرد تماما وبعدين نسمي وناكلها طعمها خطييييير 🍎

ممكن نجرب في مقدار تفاحه واحده وبيضه واحده

منتظره تطبيقاتكم🍎

دمتم بصحه وسعاده☺️☺️

الحمد لله علي نعم تجدد بفضله علينا اللهم ارزقنا بركتها وشكرها ورضاك عنها 🤍🤍


وصفه انهارده ان شاء الله لو كارب وخاليه من الجلوتين ان شاء الله تعجبكم جدا🤎🤎

🧁هنعمل مع بعض كاب كيك بسيط وسهل وطعمه راااائع 🧁


هكتب المقادير والبدايل 🧁


المكونات 🧁
2 بيض
ربع معلقه قرفه
رشه ملح
معلقتين كاكاو غير محلي
معلقتين سكر محلي
معلقتين من زبده الفول السوداني

البدايل
ممكن نستبدل القرفه بنفس المقدار نسكافيه وممكن بدون خالص قرفه او نسكافيه

السكر المحلي ممكن استبداله بالعسل

زبده الفول السوداني ممكن استبدالها بزبده اللوز

البيض اتنين اللي استعملتهم كان بيص صغير اضفت بيضه كمان لو البيض اللي هتستعملوه كبير يبقا تمام انما لو صغير هنزود واحده كمان

انا زودت شوكلت دارك ممكن الاستغناء عنها او نستبدلها بمكسرات او بدون خالص


🧁الطريقه🧁
هنخلط كل المكونات مع بعض ونسكب الخليط في قوالب كاب كيك ونضعها في فرن ساخن مسبقاً درجه حرارته 180لمده من 15:10 دقيقه

بالنسبه لصوص الشوكلاته
قشطه وكاكاو ومعلقه صغيره محلي ونقلبهم كويس بقا معانا احلي صوص شوكلت

دمتم بخير ❤️❤️

مساء النور والسرور علي رفيقات الجنه💖💖💖

عوداً حميداً☺️

وصفتنا انهارده ان شاء الله بسيطه وسهله مناسبه للأطفال المصاحبين لحساسيه القمح والسيلياك👌🏻

الله يطعمهم مايحرمهم🙏


وصفتنا ( البقسماط او الباتون ساليه 🥨🥨 الخالي من الجلوتين


المكونات 🥨
عدد 2 بيضه
معلقه خل
رشه بسيطه بيكن بودر
ربع كوب زيت زيتون
المنكهات( زعتر / سمسم/ حبه البركه) او اي نكهه اختياري زي ماتحبو
2 كوب دقيق رز ممكن تقل وممكن تزيد علي حسب قوام العجينه
لو الدقيق جه معاكي زياده هنضيف شويه زيت زيتون ونلم بيها العجينه

الطريقه🥨
هنخلط البيض مع الخل والملح ونقلب كويس جدا وبعدها هنضيف المنكهات بتاعتنا ونقلب كويس ومننساش البيكن بودر ☺️ وبعدين نضيف الزيت ونقلب واخر حاجه الدقيق وهننزل بالتدريج لتصبح معانا قوام عجين لين وطري هنسبها ترتاح شويه ونكورها الحجم اللي عاوزينه ونغطيها بالسمسم وحبه البركه ونفردها علي شكل اصابع ونرتبها بالصنيه هنخبزها علي فرن حراره 180 فرن ساخن مسبقاً ونحمر الوجه عنيبها تبرد تماما والخطوه دي مهمه وبعد كده هتاكلو احلي بقسماط هش وبيقومش وخفيف وهيحبوه جداً الأطفال صحه وهنا مقدماً ❤️

منتظره تطبيقاتكم🙋‍♀️

مكوناته غير صحيه❌❌❌🚫

مكوناته غير صحيه❌❌❌

معانا 👌🏻👌🏻
محلي الأليلوز موجود في أمازون ، ايهيرب ، لولو