عاشقه اهل البيت🖤

لسان حال السيدة رقية تخاطب السيد زينب عليهم السلام

ما مغمضه من نَهَد حرگ الخيام
عمة تعبانة و اريــــــد شوية انام
هيمة و الحر قاسي
و لا كو فيي عباسي
وين انـــــــام
ـــــــــــــــــــــــــــــــــــــــــ ـــــــ
عمه زينب/ هذا مــن يا دين حادينه الحدانه 
ما أضِّنه/ مُسـلم او لا عنـده ذرة امن الديانة
گلبه قاسي /و الكلام العيـــب ما فارگ لسانه 
ما رحمنه /و ماي مــن أول امـس مـا شَرِّبانه

فاطمة و حيدر شِتَم وگت الاذان
و من نصـلي يوگعلنه ابخيـــزران 
يعز عليَّ ســـب ناسي 
و لا كو فيي عبـاسـي
وين انـــــــام
ـــــــــــــــــــــــــــــــــــــــــ
موت اشوفه/ يحدي بينه و يحدي ويانه عذابه
گبل ساعة /طگني چفه و طيحـاني اعله الترابة
صلفة عينه /ذاگه شـــوفي الله لا يحفـظ شبابه
چفه يوجع /من ضربني خدي من الضربة عآبه

يباوع إلنه عمه لا عيــــــنچ تدير
لا يجينه و هم يطگ خدي الزغير
خايفة ياحســـاسي
و لا كو فيي عباسي
انام
ـــــــــــــــــــــــــــــــــــــــــ
مـــا درينه /ويـن ماشي و لا عـرفنه شضام لينه
مـو دربنه./ هــــذا ما يشبه درب ارض المدينة
رت اسأله /و عاينت سوط و بعد فد شي بادينه
خفت ازعجه /عمه و يگّطِع شكو بيـده علينه 

عمه زينب انتي اسألي من بعيد
و شوفي بله اشّــايلنه ابثاني ايد
شبعد راح انقـاسي
و لا كو فيي عباسي
وين انام
ـــــــــــــــــــــــــــــــــــــــ
بهالظهاري/ نِزِّلانة ابگـــاع خَــــضَّر شــوك بيها
و انه رجلي /حافيــة و اتـون عليَّه أمجــــرحيها
فكرة جتني /گلـت امدها اعبايتي و اغفه عليها
بس شفتها /رايحة و امن السيــــاط امشگگيها

انه لــو مــــا چفي لاويته الحبال
جان سويت الوسادة امن الرمال
زغيرة و بگد راسي 
و لا كـو فيي عباسي
وين انـــــــام
ـــــــــــــــــــــــــــــــــــــــــ
بلگت الله/ و انه مشدودة ابحبل فــوگ الهزيلة
بهــذا حالي/ ألتقي ابراس الكفــــلنه و اشتكيله
راح اطلبه/ يمدلي رمحه و اصعد لنحره دِخِيلة
و عمة اگله /يابو فاضل إلحـگ امتـون العقــيلة

عمتي خيمة و السبي يمطر شرار
يابو جــربة الذبحت احلام الزغار
ضعنه يـــا نوماسي
و لا كو فيي عباسي
وين انـــــــام
ـــــــــــــــــــــــــــــــــــــــ
الليل اجانه /و روحي تشبه ليلهم يا عمة ظلمة
و هسه گلبي/ حـن عليَّه و رايـــــد الوالد يشمه
فرصه جتني/ أعتنيله و للصُبــــح راح ابقه يَمَّه
أروي شوگي /و ما انام النـوم يـم الغالي زحمة

نحره دافي و انـه بس يَمَّه استراح
و ارد اگله بويـــــة خنگتني الرماح
بايگــــــات أنفاسي
و لا كو فيي عباسي
وين انــــــام
ـــــــــــــــــــــــــــــــــــــــ

سلام عليكم
الي حابين يقرون قصيده او ينشرون قصيده
خلي يراسلوني
@Litrk8

قصيدة ليلة استشهاد النبي الاكرم محمد (ص)


يا محمد   ليله صعـبه اليله
يا محمد   علي اتهدم حيله
صعبه ساعات المصاب
فرگتك حسره وعـذاب
              علي اتهدم حيله

¢¢¢¢¢¢¢¢¢

يا رســول الله غيـــابك جمـره تســـعر للابـد
عـذبت گلــب الصميـــــــده وألك دلاله انمـرد
بيمن ايعوضــك يطــه المـات ما يرجـع بعــد
الدنيه ماتحلى ابغيابك يلي احلى امن الشهد

اشلون ليله   بيه مخسوف الگمر
اشلون ليله   ليلة احـزان وقــهر
نور وجهـك بيهه غاب
فرگتك حسره وعذاب
              علي اتهدم حيله     

¢¢¢¢¢¢¢¢¢

غسلك بدمـوعه حيـــــدر چفنك بثيـابه
وشيـعك بجروح گلـبه ودمعته السچابه
وفاطمه خلفه تنــادي ابسفـرتك يا يـابه
سهم هجرك صوباني ومايطيب اصوابه


دمع هجرك    راح يعمي اعيونهه
دمع هجرك    أيفرح اليبغضونهه
انفتــح لمصايبهه باب
فرگتك حسره وعذاب
            علي اتهدم حيله   

¢¢¢¢¢¢¢¢¢

دمعة امصـــابك يطه عل بشر مكتـــوبه
والسمه  والارض لجلك بالحزن مصيوبه
ظهر ابوالحسنين حـدب صاير الهم ثوبه
يدري هـــذا آخــر لقاء اويـاك يا محبوبه

وحشه دارك     والحزن غاطيـهه
وحشه دارك      يالچنت ضاويهه
يلــي غطـــــاك التراب
فرگتك حسره وعذاب
                 علي اتهدم حيله

¢¢¢¢¢¢¢¢¢

اتيـــــتم العالم بأسره وعلي زادت محنته
اتحزم ابصبره ومحنته بهيده يجذب ونته
گلبه ضل ينزف مشــاعر والمشــاعر بچته
ناظـــره ينزف مــــدامع اثـر خله ابوجنته

بحزن وبهم    ضل يودعك حيدره
بحزن وبهم    وســـدك حـدر الثره
طـــول وياك العتـــاب
فرگتك حسره وعذاب
                 علي اتهدم حيله  

¢¢¢¢¢¢¢¢¢

ماتت بگلبه السوالف بعد ماعنده صبر
عمره بعدك مايريده ودفن ويـاك العمر
آخ يا فــگد العزيز وآخ يا جـرح الهجر
لوسمع آذان يبچي ذكـر أسمك بي يمر

يزيد نوحه    لونظـر لـم الحســـن
يزيد نوحه    وتثگل اعليه المحن
عگبك اتشوف الصعاب
فرگتك حسره وعذاب
                   علي اتهدم حيله

¢¢¢¢¢¢¢¢¢


تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـدي،
الفاتحه الى روح والدي 💔

لأستشهاد الرسول صلى الله عليه وعلى آله  السيده الزهراء عليها السلام على القبر الشريف ،،،،،

****
يم   گبر   الابو   لحضات   ودوني
اريد  احچيله  هاي المره  بعيوني

*

اريد اوصل لابوي الطوول افراگه
واشم   اتراب گبره  بيوم  الملاگه
يبعد  التعباهه    الموت   مشتاگه

بقيت   بلا نفس لحظه ويدفنوني
اريد  احچيله  هاي المره  بعيوني

***


يماي  تموت ليش وروحي  عطشانه
وحگ شيبة  لحيتك    والله   تعبانه
دگوم    من  الگبر  يمك وصلت  آنه

يم   اهل    المحنه   هنانه خلوني
اريد  احچيله  هاي المره  بعيوني

****

تعبني  الدهر  جيتك  واريد  انخاك
اذا يمك  مچان  احظني اريد  وياك
تره  الشيبني  بويه  شما يمر طرواك

واگلهم    مي  ورد علگبر  رشوني
اريد  احچيله  هاي المره  بعيوني

**

اريد  الوحدي  ويمك  واسولف  كون
واگلك من وكت اهل الوفه  يروحون
يدافي  الشبگه ماتت ما تگلي  شلون

الهلا  يطمهه  التراب شلون حاچوني
اريد  احچيله   هاي    المره  بعيوني

***

اريد  ابچي  اعله  گبرك  هلبت تجاوب
جاباني    حنانك     بويه  ما     اعاتب
يحاضر   بالنفس   بس  بالگبر    غايب

صرت    ام    الحزن  بعدك   يسموني
اريد  احچيله   هاي    المره  بعيوني

***

أگلك   چلمه  وامشي  لعالم  احزاني
التفگد     والد  لحد  موتهه      أتاني
واگلك  ما  وفيت   وهالاجيت   آني

مشتاگه  الچفوفك  تمسح    أمتوني
اريد  احچيله   هاي    المره  بعيوني


كلمات الخادم /  رعد الفريجي

أمنية خادم بعد انتهاء الخدمة

خلْصت وانتهت هاي السنة ويالنوح
لچن يبقى الگلب مذبوح عالمذوح
زغير وجانت امنيتي اعله گد گلبي
من تخلَص الخدمه العمر كله يروح


واموتن بالحسينية
شهيد الدمعه والنيه
بگلب محروگ عالضامي
مثل ما ماتت ارقيه

اعله گبري تكتبون مشه وعنده حسره
اعله زينب واهلها بعد بي لطم صدره
على اترابي ما اريد اسم ماي يخوتي
عطاشى لهسه ومهجهم چنها صحره


.
.
.
.
اذا لا سامح الله والسنه الجايه
أخذني الموت منكم واحتزم رايه
ارفعوا صورتي اباب الحسينية
وابچولي اعله زينب وكت القرايه

غطو الصوره بالرايه
لمن تبدي القرايه
بكلت الله ارد ابچي
ما شابع بچي اهوايه

أنه ادري بعيوني بمحرم حنينه
يبچيها الحسين بغربته وآنينه
اذا عايش انعى واريد بمماتي
نواعي يربعي بنبرتي الحزينه

.
.
.

بالسابع الصورة لا تعلگوها
وي چفيّ الدلال الحاره اچفوها
زحمه من الخيم توگع واضل واگف
ويم الماي أبدًا لا تخلوها


حطو الجربه عالصوره
ونبله حمره مكسوره
وراية مشگگه خضره
وخوذت راس مفطوره

أنه الماله موقف اذا ماله دمعه
شرجعه محرم يخوتي شرجعه
خلص شهر الحسين گضت احلى ايام
شعود الليالي حچي گلبي اسمعه



.
.
.
ما شابع طبر بالرأس احس تقصير
اذكروني يربعي بساعة التطبير
بكل عاشر لحيتي مطينه اعله حسين
وعيوني حمر مثل الخدود اتصير

من اسمع نعي الناعي
احس تتكسر اضلاعي
واذا كال الخيم طاحت
اطيح ودمعتي الساعي


رغبتي بحياتي الحسين اشوفه
يرد للعليله وتِقَبل جفوفه
ورضيعه يشربه ويرد ببتسامه
وربابه تحضنه وبعد ماكو خوفه



.
.
.
.
اذا حل المشي بجم خطوه اذكروني
من گبري واصيح وياكم اخذوني
سوولي قبر رمزي بطريق حسين
والزوار خليهم يسحگوني

الزاير لو مشه اعليه
يرضى عني ابو ارقيه
عدل ميت يربعي اني
روحي بالحسينية

خلود اليخدمه يجي بالاطاعه
اليضيع بعبرته يوصله ضياعه
اليدور الحقيقه الخيم كلها واقع
السلك درب الحسين دمعته متاعه

الشاعر عبدالله الشويلي

كلها اخوته اتذبحت والنصار
حسين بالطف ظل وحيد ومحتار
حسين وحده ابكربله
ذبحوهم كل هله
كلها اخوته اتذبحت والنصار
ــــــــــــــــــــــــــــــــــــــــــــــــــــ
ظل وحيد وظل يدير ابعينه
حسين ماواحد بقاله ايعينه
عن يساره يلتفت ويمينه
بيده بس بتاره
مذبحين انصاره
سهام يرمون العدو والحجار
.....     ......      .....
كلها اخوته اتذبحت والنصار
حسين بالطف ظل وحيد ومحتار
حسين وحده ابكربله
ذبحوهم كل هله
كلها اخوته اتذبحت والنصار
ــــــــــــــــــــــــــــــــــــــــــــــــــــ
حسين لا ماله مثيل ابكربله
حسين وعياله تضل امجهوله
لا الـه اينصروه وعياله المله
وزينب الحيرانه
وطفلته العطشانه
بين نار اخيامه وبگلبه النار
.....      .....     .....
كلها اخوته اتذبحت والنصار
حسين بالطف ظل وحيد ومحتار
حسين وحده ابكربله
ذبحوهم كل هله
كلها اخوته اتذبحت والنصار
ــــــــــــــــــــــــــــــــــــــــــــــــــــ
سهام من كل صوب وحده وصابته
وبالحجر صابوه  حسين ابهامته
طاح عالگاع الچبيره امصيبته
ونهدم كل حيله
وعينه ظل عالعيله
حاير ابروحه وعليهم يندار
....      ....       .....
كلها اخوته اتذبحت والنصار
حسين بالطف ظل وحيد ومحتار
حسين وحده ابكربله
ذبحوهم كل هله
كلها اخوته اتذبحت والنصار
ــــــــــــــــــــــــــــــــــــــــــــــــــــ
حسين لاناصر يضل الوحده
وزينب اتعاين عليه وتشاهده
والشمر بالسيف يمه ايهدده
بيده لازم خنجره
ماكو واحد ينحره
وحاطو اعله حسين كلهم كفار
....     ....     ..     .....
كلها اخوته اتذبحت والنصار
حسين بالطف ظل وحيد ومحتار
حسين وحده ابكربله
ذبحوهم كل هله
كلها اخوته اتذبحت والنصار
ــــــــــــــــــــــــــــــــــــــــــــــــــــ
والرمل حار وتمدد عالثره
وسال دمه حسين عالغبره جره
اتربع اعليه الشمر حز منحره
وگطعه من متونه
حسين صار اشلونه
وسلبوه زمرت اميه الاشرار
....       .......      ......   
كلها اخوته اتذبحت والنصار
حسين بالطف ظل وحيد ومحتار
حسين وحده ابكربله
ذبحوهم كل هله
كلها اخوته اتذبحت والنصار
ــــــــــــــــــــــــــــــــــــــــــــــــــــ
راسه مگطوع وغريب اعله الترب
ظل غريب ومات بديار الغرب
حسين وحده ايگطع انياط الگلب
والحوافر داسته
هيج صارت حالته
حالته المحد مثلها والا صار
...       ......       ......    ....
كلها اخوته اتذبحت والنصار
حسين بالطف ظل وحيد ومحتار
حسين وحده ابكربله
ذبحوهم كل هله
كلها اخوته اتذبحت والنصار
ــــــــــــــــــــــــــــــــــــــــــــــــــــ

الشاعر حسام الجنابي
القصائد للثواب

ثكيل مولاتي فاطمه الزهراء عليها السلام
.....................................
جان لو مر النبي يقر عل هل الدار
يذهب الله الرجس لجن تشب نار
وتهل دمعاته دمه
وجان يبجي لفاطمه
يقره عل هل الدار
يقره عل هل الدار
..............................................
بنيته وينعه جان عليج حك الوالد وينعه
بس دمعت نبي تفرق بي وشلت صبر دمعه
عل ضلع الينكسر بالباب جم ادم لزم ضلع
هنانه تماده جم قابيل لباب الزهره ويدفعه
جان باطنهم صنم والضهر الدين
خوف لمن اسلمو ذولي الملحدين
باجر اصحاب الفتن يكشفها بسمار
جان لو مر النبي يقره عل هل الدار
.......................................
مو بس بنتي انتي امي عصرو امي وام حسين
بگبري وجيتج ليه بحنان الوالده تجبلين
جنت ما احس يتيم وياج بمحنة امنه تبارين
تعز اعليه دمعاتج تبجي السبعه من تبجين
ذابله الزهره وعليها يبان الفراك
وادري اليفارك محب للموت يشتاك
نبي ويحجي لفاطمه بدموعج احتار
جان لو مر النبي يقره عل هل الدار
........................................
وحجت فاطم لبوها هموم وتعنت لعد گبره
صب ليه الحزن بعدك مصايب تعتم الكمره
ومنعو حتى بجي عليك وباقي بعمري بس فتره
وكالو تعبانه الصوت بجيج مأذي يالزهره
شبيدي وانا بغيبتك تهمل عيوني
بويه حتى بدمعتي هم حاربوني
شحال التيتم ولدها وكلهم ازغار
جان لو مر النبي يقره عل هل الدار
...........................................
خلص وكت الصبر والاخ للملجوم ما تنفع
التطلع روحه مره ارتاح وروحي بكل نفس تطلع
وتوجع صيحت المتعوب وبس البي وجع يسمع
شيرجع الحياة وياك بعد هيهات نجمع
والله من تشوف ضلعي تكوم ليه
صحت بسمك واندفع بابي عليه
محسن الشاهد عليهم شاهد الصار
جان لو مر النبي يقره عل هل الدار
...............

1

ضعت بغرامك من  البدايه
جا كلي شنهي وياك النهايه
كل هذا توني دخلت بمدينة
حبك حبيبي  وبلا درايه


استشعر الحب والأنس فجأه المشاعر تزهي
لو سير اسمك على كلب يبقى الدليل يندي
اعدال الف طعنة رمح عطفك يشيخ عيوني
يمتى يحن سيفك علي بيه لجمالك يحدي


اسمك امل يوحي
بس اني مذبوحي
اتمنى بجروحي
تخلص حياتي

ياسيدي كونك
تذبحني بعيونك
آحلامي من دونك
نبذه لمماتي

___
2_

مبين حنانك سر السعاده
الموجوده بيه من الولاده
غير لدموع لتجري بغرامك
وداعت غرامك ماعندي عاده


لو ما أمان مخيمك جا هسه وين امجاني
أبنارك التسوه البرد ذايب يضل وجداني
هيه العناوين شكثر ما وصلتني لبابك
الزمن غرب لو شرگ حبك يضل عنواني

يا سيد ضنوني
الي يبعدوني
‏ عنك يقربوني
وبخيامك أكبر

تتقدم سنيني
ولو سلهمت عيني
حسنك يلاكيني
وبعيونك أسهر

___
3_

يدلن على الحب كلهن صفاتك
ليش الشريعه  جرحت حلاتك
لا ما ادور  سبل نجاتي
كل همي ادور سبل رضاتك

ما اساوم بمرضاك ابد مراضاتك التغنيني
التراب بس ياسيدي صدكني يترس عيني
مد ايدك انته اعله الكلب انت الأهل بصوابه
لا تمتحني بوفرتك كد الغطه  خليني

خايف تكبرني
ولأنا ياخذني
بزعلك يبردني
ويموت الحساس

يامأمني خايف
تنسيني السوالف
دلالك النازف
بفراك عباس

___
4_

يامن حواني كلبه بمصابه
شوفني رحمه وغطه عذابه
بقمة فرحتي واني بخدمتك
ليش بدليلي تفز الخرابه



من حقي أسأل سيدي من باب داخل بيتك
بفتحة عيوني من الصغر ليش بصباي بجيتك
كلولي عنك منذبح كلولي داسك حافر
شو من دخلت بعالمك حب وأمان الكيتك


من ياهي ابديلك
مادري شحجيلك
بس جلمه دخيلك
يحجيها حبي

ليوم وأمس باجر
كل العمر حاير
ولغربتك ناصر
ياجرح كلبي

___
5_


بسمك بديته وبسمك اختمه
عمري بخدمتك ماعندي كلمه
قابض عليها جمرة خيامك
ميهدها جفي لو مو تلجمه

بيه طموح اعله الخيم اتبده ماي وحيره
ودمعي ليطيح اعله الجفن انته افهم بتفسيره
كبالك طحت طيحة خيم محتاجه جف لكافل
يل قابل الكاسر كلب بنتك يراعي الغيره

خلها علي عينك
وابجي لصواوينك
الما سمعت ونينك
وانته بدموعك

طايح بلا كافل
وعينك لبو فاضل
منك فقط واصل
كسرة ضلوعك
___

اليوم اجينه أمن الشام
لكبور اهلنه
وين اخونه العباس
خل يفزعلنه
....
اليوم من درب اليسر ردينه
يم مكابرهم سوه التمينه
صحنه وين الكطعو جفينه
للوطن عباس يرجع بينه

من ابونه الكرار
هوه الكفلنه
وين اخونه العباس
خل يفزعلنه
....
لويكول السهم طفه اعيوني
آنه زينب ورمولي امتوني
لويكول ابهامتي طبروني
آنه اكلله بحبل جروني

أمن السفر تعبانين
يهل المحنه
وين اخونه العباس
خل يفزعلنه
...
عادة اليرجع يلاكي اخوانه
واحنه شو ماواحد اتلكانه
مامش امعزب فرش ديوانه
وين ابوالغيره اليكف اردانه
نكعد اعله التربان
لو يفرشلنه
وين اخونه العباس
خل يفزعلنه
....
خل يكوم وكبره يفتح بابه
لو اغرك بالدموع اترابه
ليش ماحاسب اخوي احسابه
حتى ماباني خيم لحبابه

بالخيم لسه النار
توجع كلبنه
وين اخونه العباس
خل يفزعلنه
....
انه اخته وهوه اخوي الغالي
وارد اسولفله اعله شلت حالي
هند مهيوبه بقصرهه العالي
وآنه كل السوك شاف اخيالي

دنيه من غير اخوان
مابيهه معنه
وين اخونه العباس
خل يفزعلنه
...
اليوم اسوي اعله الفرات اقرايه
وانه اصيرن عالكمر ملايه
الشام خنكتني واريد الرايه
اشم بيهه ذكريات اهوايه

رايتك يالكفال
جانت تلمنه
وين اخونه العباس
خل يفزعلنه
.....

قصيده ثقيله نخوه للامام العباس(عليه السلام)

طور يايوم اشوف اعتابك للحاج باسم الكربلائي
***
بجفوفي شلت الحاجات وجروح كلبي الكلفات
وين ابو فاضل ناديته وين ابو فاضل
تعبني جور الأيام حكم الزمن والظلام
وين ابو فاضل ناديته وين ابو فاضل
وين ابو الغيره محتاره حيره
***
إمعودني اجيك بشدتي اتنعاك
يبو فاضل احطهه لحاجتي بيمناك
احبك هالكلب مايوم ابد ينساك
ولأن ادري تحبني بكل وكت انخاك
فدوه إلك عمري وروحي انته طبيب جروحي
بالدنيه كلهه مابدلك بالدنيه كلهه
كلما اصيحن عباس تجاوبني احس بالاحساس
بالدنيه كلهه مابدلك بالدنيه كلهه
شيخ العشيره محتاره حيره
****
اليدك بابك يستأذن يزور حسين
وزيره انته وعضيده تبقه بالدارين
بدنيه وآخره تشفع للموالين
يمن ضحيت للخوه بجفوف وعين
للزاير توقعله لسبط النبي يدخله
تقبل يزوره ويوصله تقبل يزوره
يالماخلفت وعودك مايرد واحد جودك
تقبل يزوره ويوصله تقبل يزوره
لجودك فقيره محتاره حيره
*
اجيك وكل جروحي بدمعتي ألتمت
فكري من الهموم إمحير مشتت
كبل جدمي دمعتي لكبرك اتعنت
وتجي ابالي العقيله واطلع اتلفت
اخذوهه عنك كوه زينب تودع الخوه
بدمعتهه صاحت ياخويه بدمعتهه صاحت
عباس نور عيوني بين الغرب عفتوني
بدمعتهه صاحت ياخويه بدمعتهه صاحت
راحت اسيره حيرتهه حيره
*
زينب من مشت بالحسره اذكرهه
ازورك والجفوف اكبالي منظرهه
كطيعه والسهم بالعين حيرهه
راسك عالرمح وياهه ينظرهه
لوتعثر بمشيتهه عينك تهل دمعتهه
اختك سبيه يالكافل اختك سبيه
تسمعهم يشتموهه بسوط النذل ضربوهه
اختك سبيه يالكافل اختك سبيه
الجانت اميره حيرتهه حيره
*
كمر هاشم تنادي ياكمر ليلي
رد حسين محني وانهدم حيلي
يصيح حزام ظهري طاح ياويلي
يزينب راح ابو فاضل يناديلي
فكد الاخو يهضمني راح ابو الغيره مني
زينب تعالي وسنديني زينب تعالي
مااكدر اعدل طولي مات البطل مدلولي
زينب تعالي وسنديني زينب تعالي
بمحنه جبيره محتاره حيره

راح العسكري الليله // والمهدي انهدم حيله
*
مثل هذا اليوم أمامك بيده شيع والده
غسله بدمعه حنينه اوسط لحده وسده
المهدي من يشتاك كالو يبجي يكعد وحده
ساكن بذيج الصحاري ونوحه لحضه ما هده
دمعه عينه تبجيله // والمهدي انهدم حيله
* * * * * * * * * * * * * *
المهدي من كثر البواجي اعيوني يا ناس انعمن
المهدي كل جمعه يشيعه يكعد اباب الصحن
الدنيه كلها ما تكفي دمعه من ابن الحسن
حته يعكوب بكيانه والله عالمهدي حزن
وامه الزهره تدعيله // والمهدي انهدم حيله
* * * * * * * * * * * * * * *
جم محب فايض حنانه والورد بيده ذبل
حته طير الصاف تدري دور وعنك سأل
كلها هليله تنادي العجل يالمهدي العجل
تكتل الغربه حبيبي مثل بيت بلا أهل
ياهو الغيرك اشكيله // والمهدي انهدم حيله
* * * * * * * * * * * * * * * *
المهدي هليله بعبرتي ردت اعقد مجلسه
انه مجنونه وحبيبه وهوه يدري بعابسه
كمت ادك بحركه صدري واللطم اتنفسه
ومدرسة انا لطمنا عندي أجمل مدرسه
امنين الغايب ابديله // والمهدي انهدم حيله
* * * * * * * * * * * * * * *
العسكري اجفوف الظلاله الليله بالسم غدرته
وانضر السبعه العجايب بجت دم لمصيبته
نزلت الأملاك كلها والطيور اتلكته
وفوك نعشه هالمسيه تنوح ضلت شيعته
بجفها احبابه توميله // والمهدي انهدم حيله
* * * * * * * * * * * * * * * * * * * * * *
يابو صالح كلي وينك عدنه ما ضلت مهج
ما رعتنه الدنيه بعدك يمته يالمهدي الفرج
انته يعسوب الديانه وانته حجه اعله الحجج
نهجك الطاهر تبعنه وما نبدل هالنهج
أرواح الغالي نفديله // والمهدي انهدم حيله
* * * * * * * * * * * * * * * *

قصيدة لأستشهاد الامام الحسن العسكري  عليه السلام
------------------------------------

وداع  وداع  ،،    من   فاگد الفاگد
وداع  وداع  ،،   من  يرحل  الوالد
من العسكري وللمهدي
دمع  الحزن من يبدي   ودااااع

------------------------------------


للكوفه  ينفون   الحسن   گالو   قليله
والسجن  ما قيد   ابد    أيده   الجليله
والمعتمد   بيهن  فشل    والسم بديله
غمضت عين العسكري  بس والله ليله

ثامن  من  ربيع    افراگ
كل   سامره   ما   تنطاگ
مسموم   الحسن  مغدور
والد   من  أبن      ينباگ


ضياااع ضيااع  ،،  والحيره   بالعالم
ضياااع ضيااع  ،،   كل الارض  مأتم
هالليله  وسفه   ويرحل
هلحزن  واضح من هل  ضياااع


----------------------------------


يا شدة   الفارگ  أبو    بعده   بشبابه
المهدي يم العسكري  واضح   مصابه
مو سهله  لو  شال الولي يكتل غيابه
سامره ونت  وانتهت كلهه اعله  بابه 


لا  سر   الرأى    ولا  نام
كلمن   شاهد        الالام  
بعيون    البشر    تنشاف
ايتام    وتحاچي   ايتام

عجيب عجيب  ،،  ما   تنوصف  صعبه
عجيب عجيب  ،،  عاش  الوطن  غربه
ميت    امام    النسمه
والخير  كله     بأسمه   عجيب


-------------------------------------


صلت ادموعه ابساعة الصلى  الجنازه
الله اكبر   يلحسن     گلبي        توازه
كل عازه  هينه  وللأبو  لا صدگ  عازه
احاه يا ضيم   الكلب  راحو     اعزازه  


موعد    هالوداع      اليوم
حرگه    ابموتت   المسموم
ما يرجع     بعد     لا   راح
من  شم   الهوى     محروم

بعيد بعيد  ،،   جوه   الترب غافي
بعيد بعيد   ،،  شال الابو   الدافي
راح   وترك    احبابه
كلهه   تون يم   بابه   بعيد

---------------------------------------


يا  ناس   خلولي  الابو   لحظه   تتانون    
يا  لوعة   اتراب   الگبر     لمن   تهيلون
والشده  لو صار اللحد  وانتم    تدفنون
چن  العمر كله اندفن    يا ضيم  العيون 


ينرش     الگبر       بالماي
وتصير   البواچي    هواي
تمشي     الوادم    وأنعاف
يم   ترابه      رايح    جاي 

ابووي ابووي   ،،،   ما ينشبع   منه
ابووي  ابووي  ،،،   يا  ريحة الجنه
فوگ   الگبر    خلوني
يا  ناس      لتلوموني   ابووي


--------------------------------------

يا رجعة   الدار   البقت    ما بيهه  لونه
نحتاج صوته   وهيبته   ونظرة   عيونه
رايح بعد  حظنه  العذب  وايده الحنونه
وگعدتنه هم راحت بعد من  مات  ابونه


يكتل  يا  وداع     الروح
عايش بس أظل  مجروح
واضح   بالوجه    متعوب
كلش   سهله   لو   مذبوح

  وحيد  وحيد   ،،  يا وحشة ايامي
  وحيد  وحيد   ،،  شمات    گدامي
والدنيا  ظلمه   بعيني
والجاي   كل    سنيني    وحيد

اَللّهُمَّ كُنْ لِوَلِيِّكَ الْحُجَّةِ بْنِ الْحَسَنِ صَلَواتُكَ عَلَيْهِ وَعَلى آبائِهِ في هذِهِ السّاعَةِ وَفي كُلِّ ساعَةٍ وَلِيّاً وَحافِظاً وَقائِداً وَناصِراً وَدَليلاً وَعَيْناً حَتّى تُسْكِنَهُ أَرْضَكَ طَوْعاً وَتُمَتِّعَهُ فيها طَويلاً يا رَبَّ مُحَمَّدٍ وَ الِ مُحَمَّدٍ صَلِّ عَلى مُحَمَّدٍ وَ الِ مُحَمَّدٍ وَ عَجِّلْ فَرَجَ آلِ مُحَمَّد

علي الاكبر شهم  •• صگر كل نينوه
بگت خيل وزلم  ••  تدور عل الهوه
...............………………………….
كاشخ بغيرت اعمامه هله الابس عمامت هله
شافته وفكت حلكها وصاحت( الله)كربله
يوسف بأيه جماله ابد ما يوصل اله
حسين خايف على اوليده عين حاسد تكتله
الفلق والناس . بالاحساس . قراها حسينه
بطل عاشور  . گمر نور  .  يشع بجبينه
نزل بالطف نجم ••  يوزع بالضوه
على الاكبر شهم •• صگر كل نينوه
……………………………………………………
مصلصل من اجدادي انه حيدر وطه النبي
علويٌ   هاشميٌ   قرشيٌ    طالبي
وجدتي زهره وخديجه الله گصلهن عبي
فاطمه وارضه لرضاج واغضب ولو تغضبي
ابن الحسين . ضوه العين . اشوف ابنوره
عمي عباس .  بالانفاس . اشم اعطوره
بعد ساعه ايهجم •• يهد شايل لوه
علي الاكبر شهم •• صگر كل نينوه
……………………………………………………
اتخورسو لو تذب ابره بالمعسكر تنسمع
ماعوا من الخوف كلهم نار تحرك بالشمع
ربع شارد ربع حاير ربع مخلوس وربع
بطّل من الحرب كلها وباعو السيف ودرع
صاحو الگوم . تره اليوم . اظن يگضينه
هذا كرار .  غضب نار  . يشب من عينه
يطش بينه ويلم •• مثل طش النوه
علي الاكبر شهم •• صگر كل نينوه
……………………………………………………
دوّروا واحد يطبله كون مقدام وكلف
ابن غانم عود عدهم ينعد ابميه والف
روح بارز علي الاكبر بلكي منك يرتجف
تالي رد ليهم بطلهم ماكو راس وبس جتف
راسه جاباه . يحياه .  هداه للوالد
رفعة الهام . يضرغام . ذبحت القائد
حضن ببنه ويشم  •• وعلي منه ارتوه
علي الاكبر شهم  •• صگر كل نينوى
……………………………………………………
اثنين فوگ اثنين يطبگ سيفه ابدن ما فُرد
نار وتشب ابيادر خلّص ابساع العدد
وشمر كلساع وينادي يا عُمر رايد مدد
ولن ابو فاضل يصيحه وشبقه لعمك بعد
عمي يالحيد . يصنديد  . كظيت الوادم
قسم خليه  . انه اگظيه . وقسم للقاسم
واذا رايد عزم   •• نطب ليهم سوه
علي الاكبر شهم •• صگر كل نينوى
……………………………………………………
اولسنا على الحقي نعم كال حسينه
مو مهم عالموت طحنه لو يطيح علينه
اخذ شاب مخلي روحه وقف بس لدينه
علي وكون الخدم كلهم صاروا امقلدينه
ايريد الحسين .ابو الدين . خُلق تربيته
مو حجي لسان . بالاعلان . يدوَّر صيته
ابد ما ملّچم    •• ولا گلبه انجوه
علي الاكبر شهم •• صگر كل نينوه
……………………………………………………

يا خويه يابو فاضل
نزال للعباس ع......

يبو فاضل....دخيلك
***
هذا  عباس.......ينوماس.....حلات اعلومه
راهب الجيش...ولا ليش.....گلبهه الحومه
خزرته افنون.....بالعيون......صقر معزومه
غيرته السيف....وبالحيف....اخذهه بيومه

سيفه   ذل  القاده
چفه ينطي زياده
غيره يترس جوده
سيد اعله  الساده
***
جندل الروس...يمحروس.......يذل فرسانهه
چن ابابيل........يعزريل..........حسم ميدانهه
الشرد وين........بلا دين..........شمر  ذرعانهه
بانت انياح........بالارواح........علن طوفانهه

گدها شوف افعاله
من  الزعل يحلاله
عبر  حتى  الشاطي
من   گدر   يدناله

يبو فاضل...........دخيلك
،***
كالبرق چان......عالاذهان......خطفهه الكافل
صاحت اعداه......اويلاه.......خبرها  العاجل
يشهد  الجود.....يبو الزود......نتائج  حاصل
راسم اخيام.......والايتام........هلا بو فاضل

من لهيب اعيونه
كلها  ماتت  دونه
چنه حيدر ثاني
من علي  مضمونه
***
صفنت الناس.....والارجاس......تظل مرعوبه
صاحت الويل.....يهد حيل......حچتهه التوبه
راية  احسين .....باليدين........ترف منصوبه
يرمي  سجيل........مراسيل.......صفت مغلوبه

شوف راعي الغيره
ما تظل  كل  حيره
والنهر   ذب   مايه
منه   رايد   خيره
***
خيبر  ايعيد .....يصنديد........حلات احلامه
عزمه مشدود.....والشهود........تشوف الثامه
ثاني  كرار..........يمغوار........يحامي اخيامه
حلوه يمناه........حسيناه.......نصرها إسلامه

والشمر  ضم  راسه
تالي  شردت  ناسه
اتدخيله  كلها تنادي
هذا  چف  مقياسه
***
شردت  الموت.......عالصوت.....علن يفنيهم
بيده عباس.......يدك ساس...يكول اطويهم
بالحرب عيد.....والعميد.........يذل  حاديهم
نصره  موجود....بالزنود.........يشل واديهم

بيده  كص  لسانهه
من  يطب ميدانهه
هذا  راعي  الغيره
والمفر   عنوانهه
**

نسائيه ورجاليه
القصيده ترهم ثكيل وترهم وصط



نا يمن سرتو بضعنه
اعله الجثث مرونه
خل نمر نودع اهلنه
وخلهم يودعونه
***

خل نمر بجساد اهلنه وللفحل ودوني
ارد اسولفله اعله ضيمي وارد اراوي امتوني
يابو فاضل شتموني خلافك وبچوني
ترضه غيرتكم يخوتي ويه العده تخلونه

***

وصبح المصباح الاگشر والهزل جابوهه
حشمت زينب باهلهه والاهل ماجوهه
ليش وحدهه العزيزة بلا ولي تخلوهه
للضعن يراد والي اووادم يبارونه

***

حيرة ام الحزن زينب بالعليل وحالته
شلون يالعباس بيها وابن اخوه ورجبته
وركبت وفزت الناگه وطاح هوه وعمته
وتالي بسياط ومسبه عداكم تولوهه

***

وحنت الناگه اعله حالي وعاينتلي بلا ولي
صاحت اعله النوگ هونچ هاي زينب بت علي
مالها اخوان بضعنها ولا كفيل بمحملي
ولاولي يباري لخواته وينشد اعله ضعونها

***
ومرت اسكينه اعله ابوها وبيه فيض من الدموم
لاعت بلوعت يتام والجثث كامت تلوم
بويه ياهو الداس صدرك ياهو رض ذيج الضلوع
وياهو صوب راس عمي وياهو طفه عيونه

***

وحنت ام جاسم لجاسم وعله ذيچ الذكريات
وذكراها الطف بابنها والعرس والامنيات
تالي عريس المنايه بفرحة الميدان مات
عادة العريس اخوته بحنته يزفونه

***
وشرباني الدهر ظيم وموش من لوعاته اضوك
ومرمرت حالي اليتامه وعلى الحرم ناحت النوگ
غير ابو فاضل كفيلي لاحلت رفجه وتلوك
ولا حلت دنيه بغيابه ولا فرح من دونه
***

وتالي من فوگ المحامل ودعت ذيچ الحيود
وحزني مافارگني ساعه ونوحي وهدومي السود
من عگب عزي ودلالي مچتفه بذيج القيود
وعايله وخوان ماهم والعده يمشونه

*****
يامره شافت خيما اخلاف عزها تفرهدت
وياهي ضاكت مثلي لوعه وياهي مشلي تشمتت
انه ذيج الهاشميه عكب ابو اليمه نسبت
والوكت ما انصفاني وشوف دهري شلونه
**

وبل يسر ماتت رقيه وفزت وياها الجروح
اهنا يبت حسين كومي نريد للوالد نروح
الكربله حمل ضعنه ومابقة ياعمه روح
خايفه ينشدون عندج لمن يشوفونه

***
وسارت عيالي ومشيت وچنه للشام المسير
والمنايا تحوف بينه وليل الأحزان الخطير
ولوعة الشام وأهلها وتعرف بحال الأسير
ولا محامي وشتموني والدي يعرفونه

***

للماي  راح الماي   لجل الماي    يروينه
والجود   شال الجود  راح يجود   لسكينه
والرايه العلامه    ترجع بالسلامه
ياعباس والينه
،،،،،،،،
يااية النخوه       يامروه ياصفوه
يل رابي فوك متوني وضحكك بذاني
يايسرة العسره     ياكافل المسره
بكد ماتصدليه واصدلك جنك اني
جنت القبنك بصباي   عباس يابرد الماي  ياروح حسين واختك  
وبالمشي ادورج يمي   تسلم على امك امي  تكلك الزينب ردتك
والعود   كلك زود   يالمريود   بالمحنه
يازين  وحده حسين   والجفين   حامتنه
ياهيبة عمامه   ترجع بالسلامه
ياعباس والينه
،،،،،،،،،،،،،،،،،
يامانمت يمي     بحجري وتكلي امي
بعيني اشوفك وردت زهره بزماني
يعذيبي واشتمك      آنه اختك وامك
ترجعلي سالم للخيم راح ابقه اتااني
لو ماترد چا لتروح   الطولك زينب فدوه اتروح  حسين ويكلك نفسي
خويه اخذ كلبي يباريك   عن النبل لايرميك       ياكمرتي وياشمسي
عباس   هاي الناس  راس براس  متجمعه
وحسين صد بالعين  ماله معين    ويسمعه
ياحزام الامامه    ترجع بالسلامه
ياعباس والينه
،،،،،،،،،،،،،،،،
حسين احترك جوفه   وضل يفرك اجفوفه
حاير بقه يروح ويرد يم المخيم     
ويكلي ادعوله         وعالباري اقسموله
ابجاه الزجيه الطاهره كافلنه يسلم
ساعه وركض حافي حسين      صوب النهر وينادي
جيتك يروحي وذخري
ولمن رجع شفته بحال     يمشي وجسد مابي روح  
ماشفته هيج بعمري
ويلوع    يجري دموع   محني اظلوع   لعضيده
العامود     بيت الجود     هده الزود      وبأيده
ومتفيد الندامه     ترجع بالسلامه
                                ياعباس والينه
،،،،،،،،،،،،
حسين انكشف ظهره      وكوه ركب مهره
ويسمع كلام الشامت الشايل جفوفك
بي قلة الحيله               موتك هدم حيله
كل سا يرد للشاطي مايكدر يعوفك
من طحت داسوا بيتي       وتحول اسمي وصيتي     من حره للمسبيه
واكره صرت طاري لماي  بعدك يمرَّاد احشاي  ياشوفي خلافك عميه
مسلوب   خدري انوب    گلبي ايلوب    بغيابك
لاوين    وجهي الحين      بعد حسين  ومصابك
يالحرگوا خيامه    ترجع بالسلامه
ياعباس والينه
،،،،،،،،،،،،،،،،،،
للعلگمي ملكته           لاجن ولاضكته 
ومانيتك تشربه لمن اخرنه يشرب
جبدك جمر صالي    ومايطفه يالغالي 
ونارك على خدري اشد من الضمه اتشب
نار العطش ويه الثار     وخدري تصير اشجم نار   تتوجر بدلالك
نار الحميه الدينك    وعلى اخوتك وحسينك    وحال التلوع اعيالك
والسوط    بيه يحوط     كلبي يشوط    من طگته
   وعدوان       والنيران    للصيوان     حارگته  
تعديت الملامه     ترجع بالسلامه
ياعباس والينه
،،،،،،،،،،،،،،،،   

قصيده ترهم (نسائيه )وترهم (رجاليه)

اي لحن يرهمله



رايحه لعباس اعاتب رايحه
بنار تلهب وبمدامع جارحه
ارد اجعده بوني
نايم ومتهني
هواي فرگ اليوم عن البارحه

❃❃❃❃❃❃❃❃❃❃❃❃❃❃

رايحه ودم المدامع سايله او ويلاه اصيح
عتاب من جدمي لراسي محمله واعثر واطيح
ليش مو وياه اخذني ورحم دلالي الجريح
ترضه تجفيني الليالي وهوه نايم مستريح

واحرگوها اخيمي
هنا يلحمي ودمي
ويمه اصيح احاه وانصب نايحه

❃❃❃❃❃❃❃❃❃❃❃❃❃❃

ارد اذكره ابيت اهلنه هناك من نلتم سوه
انه اخيته الما هضمها وشوفي لعيونه دوه
مغمضه عينه وعمت عيني وريت لاشافت ضوه
تغيرت ذيج المعاني وانحرم شم الهوه

وايست يسكينه
جمد دم بعينه
الحلوه ذيج الجنت بيه مصابحه

❃❃❃❃❃❃❃❃❃❃❃❃❃❃

عاينت ماشفت رايه ولا ذكر للحومه اشوف
ولنهه رايه بعيده عنه مشگكه ويمها الجفوف
جا اسهام اللفت ليك شكثر ياذخر الطفوف
حسبك الله اعله الجرالك من حقد هاي الالوف

ماكفاهم نومك
مثلو بارسومك
ودوس باجدام الخيول الجامحه

❃❃❃❃❃❃❃❃❃❃❃❃❃❃

ايست من المعاتب عتبي جنك ماتفيد
الطعن سداها المسامع بيش يسمعني الحيد
ودو للشام البشاره بهاي خل يفرح يزيد
مات كلوله ذخرها وزينب تطگها العبيد

وجدموها اضعوني
لليسر يردوني
بنوگ هزله وناس تشتم جابحه

❃❃❃❃❃❃❃❃❃❃❃❃❃❃

وحاوطوني ازلام غربه ويمي جابوها الجمال
هذا اليطگني ويسبني وايد مجتوفه بحبال
ماشفت مثلك واشوفن حال امر منك يحال
تجيبني اشموس الرساله وترد بضعوني الانذال

من الدمع رك شوفي
وشتصير اجفوفي
اشگف وبيهن من الدم ماسحه

❃❃❃❃❃❃❃❃❃❃❃❃❃❃

خويه مجبوره خذوني وياك هذا آخر وداع
انه ذباني زماني بين طيات الضياع
الجبان يهين زينب حگه عگبك ياشجاع
ويا مره الجابت شبيك خضعت حته السباع

والگلب مو جاسي
حگي اطگن راسي
حيل بالمحمل وبالدم سابحه

❃❃❃❃❃❃❃❃❃❃❃❃

قصيده (هاذا رسول الله )على لحن قصيده (هاذ الغريب منين )

////. /////. /. ////

هذا رسولُ الله * صوتُ الأسى يَنعاه

صوتُ الأسى يَنعاه

ما أشرقت أنوار * في غيبةِ المُختار

في غيبةِ المُختار


بينَ آهاتٍ وحزنٍ أهتف الناعي و ردد
لم نُطق حِلماً وصبراً فلقد ماتَ مُحمد
خنقَ الدُنيا غُباراً وفضاءُ الكونِ أسود
لرسولِ اللهِ دمعٌ فاضَ من جفنٍ مُسهد

آه ..

ذا دَمعُنا الهتان * قد أقرحَ الأجفان

ضاقت بنا الأقطار * في غيبة المُختار

في غيبةِ المُختار

_______

أيُ خطبٍ حلَ فينا أيُ رزءٍ وعزاءِ
غابَ من كانت يداهُ بحرُ جودٍ وسخاءِ
مادت الأرضُ عليهِ وانطوى وجهُ السماءِ
ونداءٌ بات يعلوا بالأسى أيُ نِداءِ

آه ..

من مُعضلاتِ الموت * قد جاءَ هذا الصوت

يُنبي عن الأكدار * في غيبة المُختار

في غيبةِ المُختار

_______

أنجمٌ أمست حيارى في الأسى ماذا تقولُ
وكذا للشمسِ عينٌ شجها دمعٌ هطولُ
وكأن البدرَ يبكي نابهُ خطبٌ مَهولُ
هكذا الأكونُ باتت حينما غابَ الرسولُ

آه ..

خيرُ البرايا مات * ما أعظمَ المأساة
في كُلِ قلبٍ نار * في غيبة المُختار

في غيبةِ المُختار

_______

حينما في لوحِ طاها خُطَ ميقاتُ المنايا
سادَ في الكونِ ضلامٌ أحدقت فيهِ البلايا
بينَ أطباقِ التُرابِ دفنوا خيرَ البرايا
رِزءهُ أولُ رزءٍ بعدهُ تأتي الرزايا

آه ..

هذيِ صحافُ البَين * خُطت بدمعِ العَين
قد غابت الأقمار * في غيبة المُختار

في غيبةِ المُختار

_______


ذا نبيُ ماتَ صبراً و بكتهُ الأنبياءُ
بكت الأرضُ عليهِ مثلما تبكي السماءُ
من تخوم العرشِ نحوَ الأرضِ قد جاءَ نداءُ
أيُها الناسُ لقد ثُلَ من الدينِ بناءُ

آه ..

تبكي لهُ الأملاك * والعرشُ والأفلاك

شائت بها الأقدار * في غيبة المُختار

في غيبةِ المُختار


_______

تستطيع قرائة القصيده في
ليلة الاكبر أو ليلة القاسم…


رمله وي ليلـى يشكن جمــر نار المصاب
ابطفهن اتلوعن وفگدن كل وحده شاب
اجروحهن كل لحظه تكبر
راح جاســـــم راح الاكـبر
#######
اثنينهن ناحـن ســوه الفگـــد الغوالي
ابعملة الطـف شاهــدن ســـود اليالي
رمله صاحت يمه جاسم شوف حالي
متنــي ازرگ ترضه يمه ايصــير تالي

وليلى نادة يالاكبر يسباح الگلب
تقبل امك سبيه تروح وتنضـرب
وبحبل جرنه الشمر جر
راح جاسم راح الاكبـــر
#########
اتبـــادلن دمعـــاتهن والــون سويه
وعل شبــاب الراحو اينصبن عزيه
ايطلبن امن الله الصبر كل مغربيه
ضيــــعن أحلامـــــهن بالغاظـــريه

نـور جاسـم والاكبـر اسـف هليله غاب
اهلال عزهن رحل وندفن حدر التراب
والگلب ضل ايتحسر
راح جاسم راح الاكبر
#########
آه منــــچ كربله يــم العجــــــايب
چم گلب بيچ اعله فكد احبابه ذايب
الفاطميات اشكثر شـــــافن مصايب
ومـن بعـد عزهن ينــــامن بالخرايب

چــم جرح چــم اثر بالمتن من السياط
حال ليلى اويه رمله ترى ايگطع النياط
وحده ثنهض وحده تعثر
راح جاســـم راح الاكبــر
#########
حنت القاسـم دمه وعرسه المنيه
استعد شد اعمامته اوفه الوصيه
رمله بفراگـــــه تون ونـه شجــيه
آه يا فرگــت شبـــــاب الغاظــريه

الحنه دم نحره ولگبره صارت زفته
ما تهنه ابشبــــابه ورحل عن دنيته
الفرگه مثل النار تسعر
راح جاسم راح الاكبـر
#########
ليلى نادة يالولد ترجعلـي انطرك
تدري بيه ارتاح لو شميت عطرك
ماوصل يوليدي للعشــرين عمرك
هدف صاير للنبل ياوسفه صدرك

ياحلـم عمري بعـدك قسه اوياي الزمن
چنت اشوفك يالاكبر ألي خيمه اوطن
العين من تشتاگ تسهر
راح جاسـم راح الاكبـر
#########

نعي ببطور ( سيد جاسم طويرجاوي)اناه زينب اليحجوم عني



اناه زينب اليحجوم عني
عني وسليت المصايب ما سئلني
وحده دثر وحده الفتني
ونزلن عله عيوني وعمتني
صاحــــت اخوووووووي يا خويه
انه طريت الزم والخيل ونار
ولا تانيت يسكن عج الغبار
خويه جيتك ارد اشوف شصار ما صار
الكيتك عرمل ودري رمل حار
خوووووويه الله يعينك مالك  معين
وكومك على الغبره مطاعين
انه منين اجتني كربلاه منين
بويه هجمو فرد هجمه على الحسين
صاحت خويه ياعباس ريضّ على هونك
شعدهم عداكم يندهونك
خويه لمنّ شفتهم يحاجونك
وبأمرة الجيش يواعدونك
خوية لوني تغيّر وحك لونك
ايييييي وتكربت اليه انه سمعه يون وتكربت ليه
ومتوس ايديه انه الكيت الوالي متوسد ايديه
واداويه انه لاهو جرح واحد وداويه
انه الكيت الف وتسعنيه جرح بي

السيده زينب وحسرتها بعد فراق اخوتها

عـــــباس ابلا چفين     مصـــيوب وسط العين    نايـــم على الغبره
زينب اهــنـاك تنوح     حــسين طـايــح مذبوح     والحـافر بصدره

================**=====
كلها كلها امــطــرّحـــــــــه ولا واحد البي نفس
هذا صابه السهم عينه وهــــذا بي حافر رفس
هذا مصيوب بجبينه ودم على طــوله انترس
هــيده المخـيّـم يصير ولا اخوان لا حــــــرس

زينب اهنانه اتحــير    وحدها چا شنهو اتصير     واطفالـها اهوي
اعليها المعــسكر دار    شـعـلــــو اخيمها ابنـار      بس الحرم هاي

================**=====
باوعـــت زينب يـمــيـن اشمال مــا واحد يگــوم
اصيح خويه حسين انهض خويه ماترحم الكوم
آه يطير النحس بالطف ضل على اخايمي يحوم
گــالـــــت بحــسـره دلالــي راح ما يـبـقـه ويدوم

وين اروح واشتـكـي    موته صارو كــــل هلي     ياحــسـره ياغـربه
وادم وكـــله غــــرب    حسين والموقف صعب    يلروحـتــك صعبـه

================**=====
وچفت اعله التل تنادي بصوتها تصيح انـوليت
اتگلــه يــبـن امي انه بعدك حافيه وتل اعتليت
يلـــرحت للحـــومــه مني انتظر شــو ما اجيت
حتى لو ترجعلي ساعه خويه انه بهذي رضـيت

ارجع وشوف الجــره     زينب اخــتـك حـايره    ترضــاها يحسين
اركض اچبيرة عُمر       اعثــر اگــوم وانهطـر     وســــط الميادين

================**=====
يلـســهـم نايــم بعــيـنـك ليش تـخـجــل ماتــجي
خــــويه يالعباس تــقـبــل اخـــتـك اتـروح بسبي
نار خــيـمـاتي اعـتـلـــت والنار بـطــراف العـــبـي
يلچنت مــثـل الخيال عـــــبـّاس هس انـه انولـي

انه اطلّـــع هلسـهـم        خويه بس رِد للخـــيم    رجّــــع دلالـــي
شيبت لمّــن رحــت        تلــوعيت اتـمــرمــرت   أرجـــع يـغــالـي

================**=====
هــس هاي اشلــون حــيره شنهو يحسين الراي
لابـــقــه الـعــــباس يمّـــي لابقــيـت انتـه اوياي
العــفـو منكـــم يخـــوتـي، صـــابره ولٰچـن هاي
چلمـة اعتاب انه اعاتب والضِــمه يكتلــه الماي

اليحچي يبرد خاطـــره    وتدري يحسين المــره    تِكــثْـر بالعتاب
لو طوّل اغياب المشوا    لوطالت السفره وبطوا  خاب الأمل خاب

================**=====