𝐋𝐞𝐨 𝐂𝐢𝐧𝐞𝐦𝐚 (Review Channel) @leo_movie_review

𝐋𝐞𝐨 𝐂𝐢𝐧𝐞𝐦𝐚 (Review Channel)

05 Jan, 07:02

Thirst (2009) 🔞

ကိုရီးယားသွေးစုတ်ဖုတ်ကောင်ကားအလန်းစားလေးနဲ့မိတ်ဆက်ပေးပါရစေ။

Thirst ထဲက ခရစ်ယာန် ဘုန်းတော်ကြီးတစ်ပါးဖြစ်တဲ့ သူက (သူလို့ပဲနာမ်စားသုံးပါရစေ)ဘုရားသာသနာတော်ကိုထမ်းရွက်နေတဲ့သူတစ်ဦးပီပီ လောကကြီးတစ်ခုလုံး လှပအေးချမ်းစေချင်တာ သူ့ဆန္နပါ။ဒါက လူဖြစ်ရတဲ့အခိုက်အတန့် လူ့ဖြစ်တည်မှု ကပေးတဲ့ စိတ်ခန္ဓာ ပေါင်းစပ်ထားသိုမှု မှာ အဓိပ္ပါယ်ပြည့်ဝလွန်းတဲ့ ထိုက်တန်တဲ့ လိုအပ်ချက်များစွာနဲ့ အတိဒုက္ခရောက်နေကြတဲ့ သတ္တဝါတွေအပေါ်ကို ကိုယ့်ဖြစ်တည်မှု ခန္ဓာအား ပေးဆပ်အနစ်နာခံရခြင်းက သက်ရှိဘဝမှာတင် ကံထူးစွာရရှိခဲ့တဲ့ နိဗ္ဗာန် ။ကောင်းချီးသြဘာတစ်ခုအဖြစ် သူခံယူထားခဲ့ပါတယ်။နောက်ထပ် နောက်ထပ် ဘာမှမလိုတော့ပါဘူး ။ဘာမှမလိုချင်တော့ပါဘူး။သေခါနီးလူနာတွေအပေါ် စိတ်သာယာမှု ကလေးဖြစ်အောင် ဘုရားရဲ့ဒေသနာတော်တွေနဲ့ နှစ်သိမ့်မယ်။ဗိုင်းရပ်စ်တွေကြောင့် သေဆုံးနေရတဲ့ လူတွေအတွက် ကောက်ရိုးတစ်မျှင် နွယ်တစ်ပင်ပဲ ဖြစ်ခဲ့ဖြစ်ခဲ့ ကူညီပေးမယ်။သိပ်ကိုအဓိပ္ပါယ်ရှိတဲ့ ဘဝဖြစ်တည်မှု ပေပဲ။ဖြေဆေးမရှိတဲ့ ရောဂါတစ်ခုအတွက် စမ်းသပ်ဖို့ သူခန္ဓာကိုယ်အား ပေးအပ်ခဲ့တယ်။အဲဒီအခါမှပဲ လောကကြီးထဲက ချဉ်ခြင်းတက်လွန်းတဲ့ လိုချင်ဆန္နတွေက ယခင်ကပြည့်စုံပြီထင်ထားတဲ့ ကောင်းမြတ်မှု တွေထက် အများကြီး ပိုလွန်ကြောင်း နက်နဲလာကြောင်း သူသိလာခဲ့ရပါတော့တယ်။သူဟာ အဲဒီရောဂါကို ပထမဆုံး ကာကွယ်နိုင်သူတစ်ဦးဖြစ်လာခဲ့ပေမယ့် စမ်းသပ်မှုကနေ Vampire ဗိုင်းရပ်စ်တွေ သူ့အထဲကို ရောက်လာတော့တာပဲ။သွေးတွေလိုအပ်လာပြီဆို မခံမရပ်နိုင်အောင် ခန္နာဟာ ပူလောင်လာတယ်။အဖုအပိန့်တွေ ထွက်ပေါ်လာတယ်။ဒွါရပေါက်တွေကနေ သွေးတွေ ယိုစီးလာတယ်။ဘုရားသခင်ရဲ့ နတ်ဆိုးက တမင်ပဲကျီစယ်လေရော့သလား။လောကကောင်းကျိုးကို ထမ်းပိုးနေတဲ့ ဘုန်းတော်ကြီးကိုမှ သူရဲ့သွေးတွေ ထည့်ပေးသတဲ့။လူသားတွေ စက်ဆုပ်တဲ့ ဆာလောင်ခြင်း ရက်စက်ခြင်းတွေနဲ့ သူ့ရဲ့ တရားဓမ္မတွေကို အသာလေး အနိုင်ယူလိုက်ပါသတဲ့။ဘုရားရှင်တွေရဲ့ တရားတွေဟာ အမှောင်ရဲ့အာနိသင်ကို ကြောက်လန့်စေရောသလားကွယ်။ထိုအခါကျမှ သူ့ဘဝက လှပသလားလို့တောင် သူ စဉ်းစားမိပါသေးတယ်။ခုဆို ကြည့်လေ။သွေးတစ်စက်အတွက် ပျာယာခတ်နေရပြီ။ဘောင်ခတ်ထားတဲ့ သီလတွေကြားထဲကနေ ဆေးရုံက ကိုမာ(Coma)ဖြစ်နေသူတွေရဲ့ သွေးတွေကို ခိုးကြောင် ခိုးဝှက်လိုက်စုပ်နေရပြီ။သွေးအားတွေများပြည့်သွားပြီဆို အပေါ်ခုန်ရပျံရတာပျော်စရာ။ဆင်ခြင်ဥာဏ်အမျိုးမျိုးနဲ့ သွေးစုပ်ဗိုင်းရပ်ရဲ့ နှိပ်စက်မှု ဒဏ်ကို ခံနိုင်ခဲ့ပေမယ့် အဲဒီအရာထက် ဆိုးတဲ့ ရောဂါတစ်မျိုးက အပေါ်ယံအလွှာတွေ။မာထည်လှတဲ့ ကိုယ်ကျင့်တရားတွေကို ဖြတ်ကျော်ပြီး နှလုံးသားအတွင်းသားဆီကို ဝင်ရောက်လာပါတော့တယ်။အဲဒါအချစ်ပါပဲ။လေတွေတိုက်ခတ်တာ ပြင်းထန်ပါတယ်ဆိုမှ နှင်းခဲတွေက နောက်ကလိုက်ပါလာတာ ပိုဆိုးသွား ဆိုသလိုပေါ့။အဲဒီကာလမှာ သူ့တရားဓမ္မကို ကြည်ညိုတဲ့ မိသားစုထဲက မိန်းမကြီးရဲ့ ချွေးမကလေးပေါ် မေတ္တာသက်ဝင်သွားမိတာ သူ့ရဲ့ထားရှိရမယ့် ကိုယ်ကျင့်တရားတွေ လုံးဝ လုံးဝ ပျက်သုဉ်းသွားတော့တာပဲ။အမြဲတမ်းအဆုတ်ရောဂါရနေပြီး နှာစေးနေတဲ့ ဆွေမျိုးမကင်းတဲ့ ယောက်ျားနဲ့ သည်းခံပေါင်းဖက်နေရပြီး ထည်ဝါလွန်းမောက်မာလွန်းတဲ့ အဒေါ်ဝမ်းကွဲ ယောက္ခမကြီးအောက်မှာ နေရတဲ့ သူမဘဝက မိန်းမတစ်ယောက်ရဲ့ ရှိရမယ့် လိုအပ်ချက်တွေဖြစ်တဲ့ အလှအပ။တန်းတူထားခြင်း။လူရာသွင်းခြင်း။ဂရုစိုက် ကြင်နာမှု ပြု ခြင်း။စိတ်လှု ပ်ရှားဖွယ် ဖန်တီးမှု ပေးစွမ်းပေးခြင်း။မွေ့လျော်ဖို့ကောင်းတဲ့ လိင်ခြင်းနှီးနှောဖလှယ်မှု တွေ ပျောက်ဆုံးနေရရှာတဲ့ လှတပတကောင်မကလေးအပေါ်။အဲဒီကောင်မလေး ခလေးမလေးရဲ့ သူ့အပေါ် ပြဆိုချဉ်းကပ်လာတဲ့ ရမ္မက်နဲ့ဆိုင်တဲ့ ကောက်ကြောင်းအနံ့အသက်ကလေးတွေကို နှစ်ခြို က်သနားဂရုဏာပြု မိတဲ့အချိန်မှာတော့။သူ့ဘဝက အခုမှ အဓိပ္ပါယ်ရှာနေဆဲသာ ဖြစ်ကြောင်း သိလာရပါတော့တယ်။ဘာတွေဖြစ်မလဲ။ဘယ်လိုပြီးဆုံးသွားမလဲ။ဒါရိုက်တာကြီး Park Chan-wook ရဲ့လက်ရာဖြစ်သည်နဲ့အညီ ကိုယ်စဉ်းစားသလို ဖြစ်မလာမှာ သေချာသလို။ကြမ်းရှတဲ့ ဇာတ်အိမ်အပေါ် ဘယ်ကဲ့သို့သော လှပလှတဲ့ အနုပညာဖန်တီးမှု တွေ ထွင်းဖောက် လိမ်းကျံပေးသလဲဆိုတာတော့
ကြည့်ပြီးမှပဲ သိနိုင်ပါလိမ့်မယ်။

782

𝐋𝐞𝐨 𝐂𝐢𝐧𝐞𝐦𝐚 (Review Channel)

29 Dec, 10:37

Culpa Tuya : Your Fault (2024)

2023 တုန်းက ထွက်ရှိခဲ့တဲ့ My Fault ရဲ့ sequel ဇာတ်လမ်း Your Fault ဖြစ်ပါတယ်။ ဇာတ်ကြောင်းကို နားလည်ဖို့ဆိုရင်တော့ My Fault ကို အရင်ကြည့်ဖို့ လိုပါလိမ့်မယ်။
My Fault မကြည့်ရသေးရင်တော့ ရီဗျူးကို ဆက်မဖတ်ဘဲ စပွိုင်လာရှောင်သင့်ပါတယ်။
Your Fault မှာတော့ နစ်ခ်နဲ့နိုအာတို့က တိတ်တိတ်လေး ခိုးကြိုက်နေကြတဲ့ ချစ်သူတွေ ဖြစ်နေပါပြီ။
နစ်ခ်က အလုပ်သင်ဘဝနဲ့ ရှေ့နေကုမ္ပဏီတစ်ခုမှ အလုပ်ဆင်းနေပြီး နိုအာက အထက်တန်းပြီးလို့ ကောလိပ်သွားတက်ပါတော့မယ်။
နစ်ခ်ဟာ အလုပ်မှာ ဆိုဖီယာဆိုတဲ့ ကောင်မလေးနဲ့ အတူတူ အလုပ်တွဲလုပ်ရပါတယ်။
ဒါပေမဲ့ ဒီလိုလုပ်ရတာကလည်း နောက်ကွယ်မှာ အကြောင်းရင်းတစ်ခုက ရှိနေပါတယ်။
တစ်ဖက်မှာလည်း နိုအာဟာ ကောလိပ်မှာ နစ်ခ်ရဲ့ အတိတ်ကပတ်သတ်ခဲ့သူတစ်ယောက်နဲ့ သူငယ်ချင်းဖြစ်သွားပါတယ်။
ဒီတော့ နဂိုကမှ တိတ်တိတ်ပုန်း ချစ်ကြိုက်နေရတဲ့ သူတို့နှစ်ယောက်ရဲ့ အချစ်ရေးမှာ ဘယ်လိုအနှောက်တွေ ဝင်လာပြီး ဘာတွေဆက်ဖြစ်မလဲဆိုတာ ကြည့်ရှုလိုက်ကြပါဦး

#Credit

1,192

𝐋𝐞𝐨 𝐂𝐢𝐧𝐞𝐦𝐚 (Review Channel)

26 Dec, 09:58

Squid Game Season 2 (2024)

****

ကဲ အားလုံးမျှော်နေကြတဲ့ Squid Game S2ကတော့ 3နှစ်အကြာမှာ ထွက်ရှိလာပါပြီ။
S1က ရင်းနှီးပြီးသား Castတွေဖြစ်တဲ့ Lee Jung Jae, Lee Byung Hun, Wi Ha Joon, Gong Yooတို့လို
မင်းသားကြီးတွေ အပြင် Im Si Wan, Kang Ha Neul, Park Sung Hoon တို့လို ပရိသတ်ရင်းနှီးပြီးသား
တခြားနာမည်ကြီး သရုပ်ဆောင်များစွာလည်း ပါဝင်အားဖြည့်ထားပေးကြပါသေးတယ်။

S1 ကစားပွဲရဲ့ အနိုင်ရသူဖြစ်တဲ့ ကစားသမားနံပါတ် ၄၅၆ ဆောင်းဂီဟွန်း (Lee Jung Jae) ဟာ
တခြားကစားသမားတွေရဲ့ အသက်ကို ကယ်တင်ပြီး ကစားပွဲကို အဆုံးသတ်ချင်တဲ့အတွက်
Squid Gameထဲကို ပြန်လည်ဝင်ရောက်လာပါတယ်။
ဒါပေမဲ့ အခက်အခဲအမျိုးမျိုးကြောင့် ပိုက်ဆံလိုအပ်လို့ ကစားပွဲထဲကိုရောက်လာကြတဲ့
ကစားသမားအသစ်တွေကတော့ ဝမ်၄၅.၆ဘီလီယံဆိုတဲ့ ငွေပမာဏအမြောက်အမြားကိုမြင်ပြီး
ငွေဆိပ်တက်ကာ အသက်ကို မမှုနိုင်ဖြစ်နေကြပါတယ်။
ဒါကြောင့် ဒီရက်စက်လှတဲ့ကစားပွဲထဲမှာ ဘယ်ကစားသမားက အဆုံးထိရှင်ကျန်သွားနိုင်မလဲ..။
ဆောင်းဂီဟွန်းကရော ဒီကစားပွဲရပ်တန့်အောင် တားဆီးသွားနိုင်မလား..။
S1 ထက် ပိုကြမ်းတဲ့ ဇာတ်လမ်း၊ ဇာတ်ကောင်ပုံစံတွေနဲ့ ရင်တထိတ်ထိတ် ကြည့်ရှုရမှာဖြစ်လို့
ရှုစားလိုက်ကြပါဦးနော်။

(အညွှန်းကိုတော့ Toe Toe Aung မှ ရေးသားထားပါတယ်။)

#Credit

1,314

𝐋𝐞𝐨 𝐂𝐢𝐧𝐞𝐦𝐚 (Review Channel)

14 Nov, 13:43

Georgie and Mandys First Marriage (2024)

Big Bang Theory နဲ့ Young Sheldon ရဲ့ အစွယ်အပွား စီးရီးအဖြစ် ရှယ်လ်ဒန့်ရဲ့ အစ်ကိုလင်မယားအကြောင်း စီးရီးအသစ်ထွက်လာပြီဖြစ်ပါတယ်။ တစ်ပတ်တစ်ပိုင်းနဲ့ ၁၃ ပိုင်းရှိပါလိမ့်မယ်။

ရှယ်လ်ဒန်စီးရီးအဆုံးထိကြည့်ပြီးတဲ့သူတွေ Big Bang Theory ကြည့်ပြီးတဲ့သူတွေကတော့ ဂျော်ဂျီတစ်ယောက် ဘယ်လို အောင်မြင်လာမလဲဆိုတာ အကြမ်းဖျဉ်း သိကြမှာပါ။ ဒါပေမဲ့ ဒီစီးရီးမှာတော့ ရှယ်လ်ဒန် ကျောင်းတက်ဖို့ ထွက်သွားနေချိန်၊ ရှယ်လ်ဒန့်အဖေလည်း မရှိတော့ချိန်မျာ ဂျော်ဂျီတစ်ယောက် သူ့မိသားစုနဲ့ မန်ဒီတို့ကို ဘယ်လို စောင့်ရှောက်သွားမလဲဆိုတာ မြင်ရမှာပါ။

ထုံးစံအတိုင်း ဟာသတွေ၊ ချစ်စရာ
မိသားစုသံယောဇဉ်တွေနဲ့ ကောင်းကောင်းကြည့်ရမှာပါပဲ။ မူရင်းသရုပ်ဆောင်အားလုံး ပြန်ပါဝင်ထားပါတယ်။ မေရီ၊ မီးမော်၊ ဂျော်ဂျီ၊ မန်ဒီ နဲ့ မန်ဒီ့မိဘတွေ အဓိက ပါဝင်ထားတာပါ။ ရှယ်လ်ဒန်ကတော့ တက္ကသိုလ်သွားတက်နေပြီဖြစ်တဲ့အတွက် မပါတော့ပါဘူး။ ဒါပေမဲ့ ဧည့်သည်အနေနဲ့ စပရိုက်ပြန်ပါလာဦးမယ်တော့ မျှော်လင့်ရတာပါပဲ။ ကြည့်လိုက်ကြပါဦး

#Credit

2,303

𝐋𝐞𝐨 𝐂𝐢𝐧𝐞𝐦𝐚 (Review Channel)

01 Nov, 09:56

Aftersun (2022)

Aftersun ကို မထွက်ခင်ကတည်းက ကိန်းတို့ ဘာလို့လို ရုပ်ရှင်ပွဲတော်တွေမှာပြကတည်းက ဝေဖန်ရေးသမားတွေ သွားကြည့်ခဲ့တဲ့တချို့ဆီကနေ မှတ်ချက်ကောင်းတွေ ခဏခဏမြင်ရလို့ သတိထားမိခဲ့တယ်။ ဒီရုပ်ရှင်ထွက်တော့လည်း ဘာလာလာ A24 vibe ထထအော်နေကျ A24 ဖန်တွေဆီက A24 vibe လို့တော့ မကြားရပေမဲ့ ချီးကျူးတာတွေ ခဏခဏမြင်ရလို့ သတိထားမိခဲ့တယ်ပေါ့။ တကယ်ထွက်လာတော့လည်း Rating တွေက လန်ပျံနေတာပါပဲ။ ဒီလိုဆိုလို့ ဒီကားကို ဇာတ်အိမ် ထူးထူးခြားခြားကားတို့ A24 ကနေ မြင်ရနေကျ ကားတွေလိုလို့တော့ မမှတ်စေချင်ဘူး။A24 ဟာ နည်းနည်းတမူထူးနေတဲ့ ကားတွေနဲ့ နာမည်ကြီးလာခဲ့တာပေမဲ့ တစ်ခါတလေလည်း Heart-warming ဖြစ်တဲ့ကားတွေ ကြုံတောင့်ကြုံခဲ ထုတ်တတ်တယ်။ Minari တို့၊ The Florida Project တို့ပေါ့။ သိပ်မဆင်ပေမဲ့ ခပ်ဆင်ဆင်ဆို 20th Century Women, Lady Bird, Mid90s တို့လည်းထုတ်ခဲ့တာပဲ။ ဒါပေမဲ့ ဒီကားက အဲဒီ A24 ဒရာမာကားတွေနဲ့ လုံးဝကွဲထွက်နေတယ်။ ကွဲထွက်ဆို သူ့ပြသပုံရော ဇာတ်အိမ်ရောက လှပေမဲ့ အရမ်းရိုးရှင်းတယ်။ ၁၁နှစ်အရွယ်ကလေးမလေးတစ်ယောက်ရဲ့ သူ့အဖေနဲ့ အတူဖြတ်သန်းခဲ့ရတဲ့ အားလပ်ရက်အခိုက်အတန့်လေးကို ပြထားရုံလေးပဲ။ အဲဒီလိုပြတာကလည်း အရွယ်ရောက်လာတဲ့ အဲဒီကလေးမလေးက သူ့အဖေနဲ့ သူအတူ ရိုက်ထားတဲ့ ဒီခရီးမှတ်တမ်း ဗီဒီယိုကို ပြန်ကြည့်နေတာကို ပြတာပါပဲ။ ဆိုတော့ကာ ဒီကားအစအဆုံးဟာ ကျွန်တော်တို့ဟာ ကျွန်တော်တို့နဲ့ ရွယ်တူလောက် မိန်းကလေးတစ်ယောက် သူ့အတိတ်က အပျော်ဆုံးဘဝကို ပြန်ကြည့်တာကို ကျွန်တော်တို့ လိုက်ကြည့်လိုက်ကြရုံသက်သက်ပါပဲ။ဆိုပေမဲ့ သူ့မှာတင်ပဲ အပျော်ဆုံးဘဝရှိခဲ့ဖူးတာ မဟုတ်ဘဲ ကျွန်တော်တို့အားလုံးမှာလည်း ရှိခဲ့ဖူးတယ်မလား။ မြီးကောင်ပေါက်အရွယ်ဟာ ကျွန်တော်တို့ မိဘတွေနဲ့ ကျွန်တော်တို့ကြား အပြေလည်ခဲ့ဆုံး အချိန်တွေ ဖြစ်ကောင်းဖြစ်နိုင်ကြတာပဲ။ အပျိုဖော်လူပျိုဖော်နည်းနည်းဝင်လာကြပြီးတဲ့နောက် ကတောက်ကဆတ်တွေလည်း ရှိခဲ့ကြဖူးမှာပဲ။ ဒီထက်နည်းနည်းအရွယ်လွန်လာတဲ့အခါ ကျွန်တော်တို့ ဟိုးငယ်ငယ်တုန်းက ဘဝတွေကို ပြန်မြင်တွေးကြည့်ကြရတာလည်း အနည်းနဲ့အများတော့ လွမ်းမောဖို့တော့ကောင်းမှာပဲမဟုတ်လား။ ဒီရုပ်ရှင်ဟာ ကောင်မလေးတစ်ယောက်ရဲ့ ပျော်ခဲ့ဖူးတဲ့ အချိန်တွေကိုပြတာပေမဲ့ အဲဒီနောက်မှာလည်း နည်းနည်းခါးသီးတဲ့အရာတချို့တော့ရှိနေသေးတယ်။ ကောင်မလေးအတွက်တော့ အပျော်ဆုံးဖြစ်ခဲ့ပေမဲ့ သူ့အဖေအတွက် ဒီအချိန်က တစ်စုံတရာ အခက်အခဲရှိခဲ့တဲ့ ကာလတစ်ခုဖြစ်နေခဲ့တာပါပဲ။ ကလေးမလေးကတော့ သိခဲ့လိမ့်မှာမဟုတ်ဘူး။ ကျွန်တော်တို့ အားလုံးလိုပဲပေါ့။ ဒီဗီဒီယိုကို သူပြန်ကြည့်တဲ့အချိန်မှာတော့ သူလည်း အတိုင်းအတာတစ်ခုအထိ ဖြတ်သန်းခဲ့ပြီးပြီဆိုတော့ သူမသိခဲ့တာတွေကို ပြန်မြင်ရင်လည်း မြင်လာမှာပဲ။ ခင်ဗျားလည်း ကြည့်ရင်း ပြန်မြင်ယောင်မိရင်း ပြင်မြင်ရင်လည်းမြင်လာမှာပဲ။
နိဂုံးချုပ်ရရင် ဒီရုပ်ရှင်ဟာ ချစ်စရာကလေးမလေးနဲ့ အရောင်တွေလှပနေတဲ့ ရုပ်ရှင်တစ်ကားသက်သက်ပဲ။ လွမ်းမောစရာဖြစ်သွားမလား နာကျင်စရာဖြစ်သွားမလားကတော့ ခင်ဗျားအပေါ်ပဲ မူတည်ပါလိမ့်မယ်။ Aftersun ဟာ ကတိုက်ကရိုက်မဟုတ်ဘဲ အေးအေးဆေးဆေးရှိတဲ့ တစ်နေ့နေ့မှာ ခင်ဗျား ကြည့်ကိုကြည့်သင့်တဲ့ ရုပ်ရှင်တစ်ကားပေါ့။ ဒီရုပ်ရှင်ဟာ ခင်ဗျားပျောက်ဆုံးနေတဲ့ နိဗ္ဗာန်ဘုံကလေးရဲ့ ဝင်ပေါက်တစ်ခု ဖြစ်ကောင်းဖြစ်လာဖို့ များပါတယ်။

2,247

𝐋𝐞𝐨 𝐂𝐢𝐧𝐞𝐦𝐚 (Review Channel)

18 Sep, 05:19

Indian 2 (2024)
=============
"အိန္ဒိယခေါင်းဖြူ"

အခုတစ်ခါမှာတော့ အိန္ဒိယရုပ်ရှင်လောကမှာ နာမည်အကျော်ကြားဆုံးရုပ်ရှင်တွေထဲက
တစ်ကား အပါအဝင်ဖြစ်တဲ့ classic ရုပ်ရှင် Indian (1996) ရဲ့ sequel ထွက်ရှိလာလို့
မနှေး/အမြန် ဘာသာပြန်တင်ဆက်ပေးလိုက်ရပါတယ်

ရှေးခေတ်နာမည်ကြီးမင်းသား ကာမယ်လ်ဟာဆန် ပြန်လည်ပါဝင်လာပြီး
Jigarthanda(2014), Chithha(2023) တို့လို ရုပ်ရှင်တွေမှာ ပါဝင်ခဲ့တဲ့
ဆစ်ဒါးသ်လည်း အားဖြည့်ထားပါတယ် ဒီကားက စူပါဟီးရိုးအထာပြောရရင် ဘတ်မင်း Returns ပုံစံပါ

ဇာတ်လမ်းအကျဥ်းကတော့ ချစ်တရာနဲ့ သူ့ဘော်ဒါတစ်သိုက်က နယ်ပယ်မျိုးစုံက
အဂတိလိုက်စားမှုကို သရော်ဝေဖန်ရေး ဟာသဇာတ်လမ်းတိုတွေ Youtube မှာတင်ရင်း
ပရိသတ်အားပေးမှု တစ်ခဲနက်ရထားကြပါတယ်

ဒီလိုနဲ့ လာဘ်ပေးလာဘ်ယူမှုကြောင့် သားကောင်ဖြစ်ခဲ့ရတဲ့ ကောင်မလေးအတွက်
ဆန္ဒထုတ်ဖော်ရင်း သူတို့ အဖမ်းခံလိုက်ရပါသေးတယ် အာမခံနဲ့ ပြန်လွတ်လာတော့
သူတို့တွေ ဆုံးဖြတ်ချက်တစ်ခု ချလိုက်ရတယ်

အကျင့်ပျက်ခြစားမှုကို တိုက်ဖျက်ဖို့ သူတို့ချည်းမလုံလောက်ဘဲ တစ်ချိန်က
"အင်ဒီးယန်း အမည်ရှိ အဘိုးကြီးကို ပြန်ခေါ်ဖို့ကြိုးစားကြရာမှာ

ဘယ်လိုတွေဆက်ဖြစ်ဦးမှာလဲ လူငယ်တစ်သိုက်နဲ့ အဘိုးကြီးပူးပေါင်းပြီး
တကယ်ပဲ အကျင့်ပျက်မှုတွေကို တိုက်ဖျက်နိုင်သွားမှာလား ဆိုတာကတော့ ...

အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ်

#Credit

2,724

𝐋𝐞𝐨 𝐂𝐢𝐧𝐞𝐦𝐚 (Review Channel)

16 Sep, 05:12

It Could Happen To You (1994)

IMDb-6.4 ~ Rt-71%ဒီရုပ်ရှင်ကားကတော့ 1984 ခုနှစ်မှာ တကယ်ဖြစ်ပျက်ခဲ့တဲ့
442
ဖြစ်ရပ်မှန်ဇာတ်လမ်းကို ကျောရိုးယူထားတဲ့ ကားလေးပဲဖြစ်ပါတယ်။မင်းသားကြီး Nicolas Cage နဲ့ မင်းသမီး Bridget Fonda တို့ပါဝင်သရုပ်ဆောင်ထားပြီး old but gold
ရုပ်ရှင်ကားကောင်းလေးတစ်ကားလို့ပြောရမှာပါ။ ဇာတ်လမ်းအကျဉ်း‌ကတော့ ရဲအရာရှိ ချာလီ လန်း (Nicolas Cage) ဟာမျူရီရယ် လန်း (Rosie Perez) ကိုလက်ထပ်ပြီးအိမ်ထောင်ဦးစီးကောင်းတစ်ယောက်အနေနဲ့ရောတာပွန်ကျေပွန်တဲ့ ‌ရဲအရာရှိတစ်ယောက်အနေနဲ့ပါနယူးယော့ခ်မြို့ ကွင်းစ်မှာနေထိုင်နေပါတယ်။ မိန်းမဖြစ်သူ မျူရီရယ် ကတော့ သာမာန်ဘဝကိုတင်မကျေနပ်နိုင်ပဲ ပိုကောင်းတဲ့နေရာမှာနေချင်သူတစ်ယောက်ပါ။ဒါကြောင့်လည်း ချာလီဘာပဲလုပ်လုပ်အမြဲမကျေနပ်နိုင်ဘဲ လင်မယားနှစ်ယောက်ကြားအမြဲတကျက်ကျက်ဖြစ်နေရပါတယ်။ အီဗွန်း ဘီရာဆီ (Bridget Fonda) ကတော့သာမာန်စာပွဲထိုးမလေးဖြစ်ပြီး ‌ယောင်္ကျားဖြစ်သူအက်ဒီက သူ့ဘဏ်ကတ်ထဲက ပိုက်ဆံတွေကိုအကုန်ထုတ်သုံးလိုက်လို့ အကြွေးများစွာတင်ပြီးဒေဝါလီခံထားရသူပါ။ တစ်နေ့မှာ အိပ်မက်တစ်ခုကြောင့် မျူရီရယ်က ချာလီကိုထီလက်မှတ်ဝယ်ခိုင်းခဲ့ပြီးအပြန်မှာ ချာလီတစ်ယောက်အီဗွန်းအလုပ်လုပ်နေတဲ့ စားသောက်ဆိုင်မှာကော်ဖီဝင်သောက်ခဲ့ပါတယ်။အီဗွန်းရဲ့ အခြေအနေကိုရိပ်စားမိသွားတာကြောင့်တာဝန်သိရဲတစ်ယောက်အနေနဲ့ ဘောက်ဆူးပေးဖို့လုပ်ရင်းကနေပိုက်ဆံအပိုမပါတော့လို့ ထီပေါက်ခဲ့ရင် ပေါက်တဲ့ငွေကိုတစ်ဝက်ခွဲပေးမယ်ဆိုတဲ့ ကတိပေးပြီး ပြန်လာခဲ့လိုက်ပါတော့တယ်။နောက်ရက်မှာတော့ ချာလီဝယ်လာခဲ့တဲ့ ထီစာရွက်ကနေဒေါ်လာ (၄)သန်းတန် ထီဆုကြီးပေါက်သွားခဲ့ပြီးသူပေးခဲ့တဲ့ ကတိကိုတည်ဖို့ လုပ်တဲ့အခါမှာချာလီ၊ မျူရီရယ်နဲ့ အီဗွန်းတို့ရဲ့ ဘဝတွေဘယ်လိုပြောင်းလဲသွားကြမလဲဆိုတာဆက်လက်ကြည့်ရှုလိုက်ကြပါဦး။

#Credit

2,007

𝐋𝐞𝐨 𝐂𝐢𝐧𝐞𝐦𝐚 (Review Channel)

13 Sep, 12:44

Onoda: 10000 Nights in the Jungle (2021)

IMDb - 7.2/10
Genre - Adventure, Drama

၂၀၁၄ဇန်နဝါရီမှာ The Gurdianသတင်းစာမှာ ” ဆယ်စုနှစ်သုံးခုကြာအညံ့မခံခဲ့သော ဂျပန်စစ်သား ဟိရိုး အိုနိုဒ သေဆုံးခြင်း” ဆိုတဲ့ ခေါင်းစဉ်နဲ့ သတင်းတစ်ပုဒ်ပါခဲ့ပါတယ်။ဒီရုပ်ရှင်ဟာ အိုနိုဒအကြောင်းကို ပြင်သစ်ဒါရိုက်တာ Arthur Harariက ရိုက်ထားတဲ့ ဘိုင်အိုဂရပ်ဖီရုပ်ရှင်ပါ။အနောက်ဥရောပမှာ အစပြုခဲ့တဲ့ ဒုတိယကမ္ဘာစစ်ဟာ ၁၉၄၁ခုနှစ် ဒီဇင်ဘာ ၇ မှာ ဂျပန်က ပုလဲဆိပ်ကမ်းကို စစ်မကြေညာဘဲ ဗုံးကြဲရာကစလို့အရှေ့တိုင်းကိုကူးစက်ခဲ့ပါတယ်။ ပစိဖိတ်သမုဒ္ဒရာတစ်ခုလုံးလည်း ဂျပန်နဲ့ အင်္ဂလိပ်တို့ရဲ့ စစ်တလင်းဖြစ်ခဲ့ပါတယ်။ စစ်ရေးအတွက်ကြိုပြင်ထားခဲ့တဲ့ ဂျပန်တွေဟာ အသာစီးရပြီး ပစိဖိတ်သမုဒ္ဒရာထဲကကျွန်းတွေကို သိမ်းနိုင်ခဲ့ပါတယ်။ ၁၉၄၂နှစ်ဝက်လောက်မှာ ဖိလစ်ပိုင်ကျွန်းစုတွေကို ဂျပန်က သိမ်းထားနိုင်ခဲ့ပါပြီ။ ဒုတိယကမ္ဘာစစ်ပြီးခါနီး ဂျပန်အရေးစနိမ့်လာတဲ့ ၁၉၄၅နှစ်ဦးလောက်မှာ လက်ဖတင်နင်အိုနိုဒဟာ
ဖိလစ်ပိုင်က ကျွန်းတွေကို အမေရိကန်လက်ထဲမကျအောင် ကာကွယ်ဖို့ ရောက်လာခဲ့တယ်။ မလာခင်မှာ သူစစ်ရေးလျှို့ဝှက်သင်တန်းတစ်ခုတက်ခဲ့ပြီး
အဲဒီသင်တန်းက အိုနိုဒတို့ကို အတတ်နိုင်ဆုံးရှင်ကျန်နေနိုင်အောင်နေပြီး ဆက်တိုက်နေဖို့ကို အဓိကထားသင်ပေးခဲ့တယ်။ ဖိလစ်ပိုင်ကို ရောက်ရောက်ချင်းကတည်းက အကြီးအကျယ်အရေးနိမ့်ပေမဲ့ အိုနိုဒတို့ဟာ ဖိလစ်ပိုင်တောထဲမှာနေရင်း ပင်မတပ် အင်အားပြန်စုစည်းနိုင်ပြီး လာတိုက်မယ့်အချိန်ကို စောင့်နေခဲ့ကြတယ်။ “အိုနိုဒ”တို့လို့ ဆိုပေမဲ့တကယ်တမ်း လေးယောက်ပဲကျန်တာပါ။
မသေစာ စားရင်း အားမလျှော့ဘဲ စောင့်နေကြသူတွေပါပဲ။သို့ပေမဲ့ အဲဒီနှစ်ဩဂုတ်လအစမှာ နာဂစခိနဲ့ ဟိရိုရှိမတို့ အနုမြူဗုံးကြဲခံရပြီးနောက် တိုကျိုကနေ ဖိလစ်ပိုင်က ဂျပန်တပ်တွေကို အညံ့ခံလိုက်ဖို့ အမိန့်ပေးပြီးခဲ့ပါပြီ။ ဒါကို အိုနိုဒါတို့က မသိခဲ့ပါဘူး။ တောထဲမှာပဲ ဆက်ကြံ့ကြံ့ခံနေနေခဲ့ကြတယ်။ ဒီရုပ်ရှင်ဟာ ၁၉၄၅မှာ ဂျပန်စစ်ရှုံးခဲ့ပေမဲ့ စစ်ရှုံးတာကိုမသိဘဲ စစ်ဖြစ်နေသေးတယ်ထင်ပြီး ဖိလစ်ပိုင်ကတောထဲမှာ ၁၉၇၄အထိ ၂၉နှစ်လုံး ဂျပန်ပြန်အသာစီးရမယ့်အချိန်ကိုစောင့်ရင်း ကုန်လွန်ခဲ့တဲ့ လက်ဖတင်နင်အိုနိုဒ ဖိလစ်ပိုင်ကို စစသွားကတည်းကနေနောက်၂၉နှစ်အကြာ ဂျပန်ကို သူပြနလာတဲ့အထိ သူဖြတ်သန်းခဲ့ရတဲ့ဘ၀အကြောင်းရိုက်ပြထားပါ။အိုနိုဒဟာ သူ့အမိမြေကို ချစ်တဲ့စိတ်နဲ့ မျှော်လင့်ရင်း
ရက်ပေါင်းတစ်သောင်းလုံး ဖိလစ်ပိုင်တောထဲမှာနေရင်း အသက်ဆက်ခဲ့ပါတယ်။၁၉၇၄မှာမှ အညံ့ခံခဲ့ပြီး ၂၀၁၄ဇန်န၀ါရီမှာသေဆုံးခဲ့ပါတယ်။ လက်ဖတင်နင် ဟိရိုးအိုနိုဒ အညံ့ခံလိုက်တဲ့အချိန်မှာမှပဲ ဂျပန်စစ်ရှုံးပြီး စစ်ကြီးပြီးသွားခဲ့သလို ခံစားခဲ့ရတယ်လို့ တစ်ချို့ကဆိုကြပါတယ်။ Onoda: 10,000 Nights in the Jungle ကို ကိန်းရုပ်ရှင်ပွဲတော်မှာ စပြခဲ့ပြီး
ယူကေက ရုပ်ရှင်ရုံတွေမှာတော့ ဒီနှစ်ဧပြီလမှရုံတင်မှာပါ။ ခရမ်းချဉ်သီး တစ်ရာအပြည့်ရထားပြီး တငွေ့ငွေ့နဲ့တဖြည်းဖြည်းချင်း အရသာရှိစေမယ့် ရုပ်ရှင်မျိုုးလို့ ဝေဖန်ရေးသမားအချို့ကဆိုပါတယ်။

#Credit

1,712

𝐋𝐞𝐨 𝐂𝐢𝐧𝐞𝐦𝐚 (Review Channel)

13 Sep, 01:16

Full moon (2017)
****

အပိုင်းသစ် ၁ မှ ၈ အထိ

CM ပရိသတ်တွေအတွက် ဒီတစ်ခေါက်မှာတော့ 2017 ကထွက်ရှိခဲ့တဲ့..

တူရကီ ဇာတ်လမ်းတွဲလေး တစ်ပုဒ် တင်ဆက်ပေးလိုက်ပါတယ် .....

အချစ်ဇာတ်လမ်းတွေ ကြိုက်တတ်တဲ့သူတွေအတွက် ကွက်တိဖြစ်မဲ့...

romantic series ဖြစ်တဲ့အပြင် ဟာသလေးတွေနဲ့ပါရောထားလို့ ...

စိတ်ပြေလက်ပျောက် ပေါ့ပေါ့ပါးပါးကြည့်လို့ရမယ့် Comedy Romance အမျိုးအစားလေးပါ။

ဇာတ်လမ်းအကျဉ်း
--------------

ငယ်ရွယ်ပြီး အောင်မြင်တဲ့ စီးပွားရေးလုပ်ငန်းရှင် တစ်ယောက်ဖြစ်တဲ့ ဖယ်ရစ် အာစလန်က....

အလုပ်လုပ်တဲ့နေရာမှာ တိကျပြတ်သားပြီး စည်းကမ်းအလွန် တင်းကျပ်တဲ့သူတစ်ယောက် ဖြစ်တာကြောင့်

အိမ်ကထမင်းချက်တွေ သန့်ရှင်းရေးသမားတွေ ခန့်တဲ့အခါမှာ....

ခဏခဏအဆင်မပြေဖြစ်ပြီး ဝန်ထမ်းရှာဖွေဖို့ရာ အခက်တွေ့နေတယ်။

နက်ဇလီကတော့ ဟင်းချက်ရတာကို ဝါသနာအလွန်ပါလို့ စားဖိုမှူးသင်တန်းတက်ပြီး

စားသောက်ဆိုင်ဖွင့်ဖို့ရာ ကြိုးစားနေတဲ့ သာမန်မိန်းမငယ်လေးတစ်ယောက် ဖြစ်ပါတယ်။

ဒါပေမဲ့သူ့ရဲ့ညီမဖြစ်သူ အာဆူမန်ကိုလည်း တာဝန်ယူနေရပြီး ကျောင်းလခနဲ့

အိမ်ငှားခပေးဖို့ရာအတွက် အချိန်ပိုင်းအလုပ်တွေလုပ်ရင်း ရုန်းကန်နေရရှာတယ်....

အချိန်ပိုင်းအလုပ်တွေ မျိုးစုံလိုက်လုပ်နေတဲ့ နက်ဇလီဟာ တစ်ရက်မှာတော့

ဖယ်ရစ် အာစလန်ရဲ့အိမ်မှာ ထမင်းချက်အနေနဲ့ အလုပ်လုပ်ဖြစ်သွားခဲ့တယ်။

ချေးအရမ်းများတဲ့ ဖယ်ရစ်ကလည်း နက်ဇလီရဲ့ ဟင်းချက်လက်ရာတွေကို သဘောကျသွားခဲ့တယ်...

ဒါပေမဲ့ အကျင့်စရိုက်လုံးဝမတူတဲ့ သူတို့နှစ်ယောက်က အလုပ်မှာတော့ ခဏခဏစကားများနေကြရတယ်..

အဲဒီလိုဆန့်ကျင်ဘက်လူနှစ်ယောက်က ရန်ဖြစ်စကားများရာကနေ ဘယ်လိုချစ်ကြိုက်သွားကြမလဲ

ဘယ်လိုတွေပြောင်းလဲသွားကြမလဲဆိုတာကို Full Moon series လေးမှာစိတ်ဝင်တစားကြည့်လိုက်ပါဦးနော်

ဇာတ်လမ်းအကျဉ်းကို Vanessa မှရေးသားထားပါတယ်

#Credit

1,395

𝐋𝐞𝐨 𝐂𝐢𝐧𝐞𝐦𝐚 (Review Channel)

12 Sep, 04:07

" How To Make Millions Before Grandma Dies " (2024)

ဇာတ်အေးအေး Family Drama ပေမဲ့ အကြောင်းတိုက်ဆိုင်သူတွေကို မျက်ရည်ဝဲသွားစေမယ့် How to make millions before grandma dies...

ရုံတင်တုန်းကလည်း ရလဒ်ကောင်းတွေ positive review တွေရခဲ့သလို အတော်လေးငိုရတယ်ဆိုတဲ့ဇာတ်ကားလေးဖြစ်တာမလို့ အငိုဒရာမာတစ်လိုင်းပရိသတ်တို့ တစ်ရှူးဆောင်ရင်း ရှုစားပေးကြပါဦး။

သူငယ်ချင်းတစ်ယောက် အဘိုးဆုံးခါနီးမှာ သွားပြုစုရင်း ဘတ် ၁၀ သန်းတန် အိမ်ကြီးကို တစ်ယောက်တည်းအမွေရလိုက်တာကို သိလိုက်ရတဲ့အမ်

တိုက်ဆိုင်စွာနဲ့ သူအဘွားကလည်း ကင်ဆာနဲ့ နေ့ရက်တွေလက်ချိုးရေနေတာကို သိလိုက်ရအပြီးမှာ အကျိုးလိုလို့ ညောင်ရေလောင်းတဲ့အနေနဲ့ အလုပ်ကထွက်ပြီး အဘွားကိုပြုစုဖို့ ရောက်ချလာပါတော့တယ်။

သေခါနီးအဘွားအိုတစ်ယောက်ကို အမ်အပါအဝင် အမျိုးအဆွေ အားလုံးက ရွှေပုံကြီးလို့မြင်ခဲ့တာပေမဲ့ အနီးကပ်ပြုစုနေတဲ့အမ်ကတော့ ဘယ်သူမှမမြင်တဲ့ အထီးကျန်ဘဝကို မြင်လိုက်ရတဲ့အခါ...

တစ်ခါတလေမှာ ကျွန်တော်တို့ တောရွာတစ်နေရာမှာ မေ့‌မေ့ပျောက်‌ပျောက်ပစ်ထားတဲ့ အဘိုးအဘွားတွေအတွက် တကယ်လိုအပ်နေတာကဘာလဲဆိုတာကို ဒရာမာနဲ့ပေါင်းစပ်လို့ ဖော်ပြထားတဲ့ မျက်ရည်စို့စေမယ့် ဇာတ်ကားကောင်းလေးဖြစ်တာမလို့ ရှုစားဖို့ ဖိတ်ခေါ်လိုက်ရပါတယ်။

( ဇာတ်လမ်းအကျဉ်းကို Zicky မှ ရေးသားပေးထားပါတယ် )

Subtitle By - Ash Team
Encode By - Myint Thu

Ash Channel (Ash) မှ ဘာသာပြန်တင်ဆက်သည်။

#Credit

1,203

𝐋𝐞𝐨 𝐂𝐢𝐧𝐞𝐦𝐚 (Review Channel)

08 Sep, 03:19

The Life of David Gale (2003) မြန်မာစာတန်းထိုး
__

IMDB: 7.5/10)

အထက်တရားရုံးက ဒဿနိကဗေဒပါမောက္ခဟောင်းဒေးဗစ်ဂေးလ်အား သောကြာနေ့တွင်ကွပ်မျက်ဖို့ကို
ဆိုင်းငံ့မပေးနိုင်ကြောင်း ပယ်ချလိုက်ပါတယ်

ဂေးလ်ဟာ ၁၉၉၄ ခုနှစ်မှာအော်စတင်ကောလိပ်မှ လုပ်ဖော်ကိုင်ဘက်ဟောင်းကွန်းစတန့်ဟယ်ရာဝေးကိုမုဒိန်းကျင့်ပြီး သတ်ဖြတ်ခဲ့မှုအတွက် ပြစ်ဒဏ်ချမှတ်ခံထားရတာဖြစ်ပါတယ်

အမှုကို တနိုင်ငံလုံးကစိတ်ဝင်စားခဲ့ကြပါတယ်..ဘာလို့လဲဆိုတော့ ဂေးလ်နဲ့ဟယ်သာဝေးက သေဒဏ်ချမှတ်ခြင်းကို ဆန့်ကျင်ခဲ့ကြတဲ့ဖျက်သိမ်းရေးဝါဒီအဖွဲ့အစည်း ဒက်ဝက်ချ်ရဲ့တက်ကြွလှုပ်ရှားသူတွေဖြစ်ခဲ့ကြလို့ပါပဲ

”ဒါကတော့ ရုပ်သံလွှင့်ဌာန သတင်းကြေငြာသူ ပြောသွားတဲ့ စကားတွေပါပဲ…ဒေးဗစ်ဂေးလ်ဟာ ဉာဏ်ကြီးရှင်တစ်ယောက်၊ အကျိုးပြုစာတမ်းတွေများစွာရေးသားခဲ့သလို တက္ကဆက်ရဲ့ပြင်းထန်လွန်းတဲ့တရားစီရင်မှုတွေကိုလည်း ကန့်ကွက်ခဲ့သူဖြစ်တယ်..ပြီးတော့ သိပ်ချစ်ရတဲ့သားလေးနဲ့မိန်းမကိုလည်းပိုင်ဆိုင်ထားတဲ့သူ…ဒီလိုလူက သူ့ရဲ့လုပ်ဖော်ကိုင်ဘက် ကွန်းစတန့်ဟယ်ရာဝေ ဆိုတဲ့အမျိုးသမီးကို မမုဒိန်းကျင့်သတ်ဖြတ်ခဲ့လို့သူကိုယ်တိုင်သေဒဏ်အမိန့်ချခဲ့ရသူပေါ့

#Credit

1,339

𝐋𝐞𝐨 𝐂𝐢𝐧𝐞𝐦𝐚 (Review Channel)

08 Sep, 02:58

Ted Lasso (2020)

IMDb - 8.8/10
Rotten Tamatoes - 95%

Apple Tv + ရဲ့ Series တိုင်းနီးပါးက Rating တွေ အရမ်းကောင်းတာကို သိကြမှာပါ။ Rating ကောင်းသလိုပဲ ဇာတ်လမ်းလေးတွေကလည်း တကယ်ကြည့်လို့ကောင်းပါတယ်။ အခုတစ်ခါ Apple Tv+ ရဲ့ Rating အကောင်းဆုံး ၁၀ ကားထဲကမှ နံပါတ် ၃ ခု မြောက်ကို တင်ဆက်ပေးမှာပဲ ဖြစ်ပါတယ်။
ကိုယ်သဘောကျပြီး အားပေးနေကျ ဘောလုံးအသင်းတွေမှာ နည်းပြအပြောင်းအလဲဖြစ်လာရင်၊ ဘယ်သူမဆိုအကောင်းပဲလိုချင်ကြတာပါ။ AFC Richmond အသင်းပိုင်ရှင်ကတော့ ဘောလုံးအကြောင်းဆိုရင် ဘာဆိုဘာမှမသိတဲ့ Ted Lasso ကို နည်းပြခန့်လိုက်ပါတယ်။ ဘာလို့လဲဆိုတော့ အသင်းပိုင်ရှင်က ဒီအသင်းပျက်စီးရင်ပြီးရောဆိုတဲ့ စိတ်နဲ့ပဲငှားချလိုက်တာဖြစ်ပါတယ်။
Ted တစ်ယောက်ကတော့ ဒီအတိုင်းဘာမှသုံးစားမရတဲ့သူတော့ မဟုတ်ပါဘူး။ Wichita State Shockers ဆိုတဲ့ အမေရိကန်ဘောလုံးအသင်းကို တန်းတက်အောင်စွမ်းဆောင်ပေးခဲ့နိုင်ပါတယ်။ အမေရိကန်ဘောလုံးဆိုလို့ MLS တို့ USL တို့မဟုတ်ဘဲ၊ အမေရိကန်တွေရဲ့ Original လက်နဲ့ စကားရတဲ့ အမေရိကန်ဘောလုံးပါ။ လားလားမှမသက်ဆိုင်တဲ့ အားကစားနှစ်ခုပဲဖြစ်ပါတယ်။ ဘောလုံးစည်းမျဥ်းစည်းကမ်းတွေထဲက အခြေခံဖြစ်တဲ့ အချိန်အပိုင်းအခြား၊ ထောင့်ကန်ဘော၊ လက်ပစ်ဘောတို့အပြင် ဘယ်လိုရှင်းပြရှင်းပြ ဘောလုံးပွဲကြည့်နေကျသူတွေထဲမှာတောင် နားမလည်ကြတဲ့ လူကျွံဘောတွေနဲ့ Ted တစ်ယောက် တိုင်ပတ်ပါတော့တယ်။
အင်္ဂလန်သားတွေရဲ့ ဇကိုလည်း အားလုံးသိပြီးကြပြီးဖြစ်မှာပါ။ အနီးစပ်ဆုံးပြောရရင် အင်္ဂလန်နဲ့ အီတလီ ဖိုင်နယ်ပွဲအပြီးအခြေအနေကိုပဲ ကြည့်လိုက်ပါ။ ဘောလုံးနဲ့ ပတ်သက်ရင် တကယ့်ကိုစိတ်အားထက်သန်ကြတဲ့သူတွေပါ။ တကယ်လို့ အင်္ဂလန်ဘောလုံးအသင်းတွေက ပရိသတ်တွေအတွက် ဘယ်လောက်အရေးပါလဲသိချင်ရင် Green Street ၃ ကားကို ပြန်ကြည့်ကြပါ။
ဆိုတော့ Ted Lasso တစ်ယောက် Premier League မှာ ဘယ်လိုတိုင်ပတ်မယ်၊ အသင်းပရိသတ်တွေက Ted ကို ဘယ်လိုသဘောထားကြမလဲဆိုတာကို ဟာသတွေတစ်ပြုံနဲ့ ကြည့်ရမှာပဲဖြစ်ပါတယ်။

#Credit

1,179

𝐋𝐞𝐨 𝐂𝐢𝐧𝐞𝐦𝐚 (Review Channel)

04 Sep, 02:25

Adopt A Highway (2019)

အားလုံးနဲ့ရင်းနှီးနေလောက်မယ့် မင်းသားကြီး Ethan Hawkeရဲ့Dramaကားသစ်တစ်ကားပါ။

အမေရိကားမှာ 1994ကပြဌာန်းလိုက်ပြီးအဲ့အချိန်ကပြည်နယ်တစ်ချို့မှာလက်ခံကျင့်သုံးခဲ့တဲ့ ဥပဒေတစ်ခုရှိတယ်ပေါ့။

အဲ့တာကတော့ Three Strike Lawလို့ခေါ်ပါတယ်။လူတစ်ယောက်က အဲ့ဥပဒေကိုကျင့်သုံးတဲ့ပြည်နယ်တစ်ခုမှာပြစ်မှုနှစ်ကြိမ်ကျူးလွန်ပြီးတတိယမြောက်ပြစ်မှုကိုကျူးလွန်လိုက်မယ်ဆိုရင်အဲ့အမှုကဘယ်လောက်ပဲသေးငယ်ပါစေနှစ်ရှည်ထောင်ဒဏ်ကျခံရမှာပါ။ဒီလိုနဲ့ဇာတ်ကားထဲကဇာတ်ကောင်ကမူးယစ်ဆေးလေးတစ်အောင်စ လက်ဝယ်တွေ့ရှိပြီးထောင်အနှစ်နှစ်ဆယ်ကျသွားပါတယ်။ထောင်ထဲဝင်သွားတုန်းက လူငယ်တစ်ယောက်ပေါ့ပြန်ထွက်လာတဲ့အချိန်မှာ သူသိပ်လိုက်မမှီနိုင်တော့ဘူး။သူ့ကိုဖေးမပြီးတွယ်တာမယ့်သူလည်း တစ်ယောက်မှမရှိတော့ဘူး။

ဘဝမှာဘာလုပ်လို့လုပ်ရမှန်းမသိ၊ဘာအတွက်ရှင်သန်နေမှန်းမသိတာကမှတကယ်လမ်းပျောက်တာဆိုတာကို ခံစားမိစေတယ်။The Shawshank Redemptionထဲက“Brooks was here”ဆိုတာလေးကိုတောင်သတိရသွားမိတယ်။ဒီလိုနဲ့ တစ်ညမှာ သူအလုပ်လုပ်တဲ့ဆိုင်ရဲ့နောက်ဖက် အမှိုက်ပုံးထဲမှာ စွန့်ပစ်ခံထားရတဲ့ကလေးလေးတစ်ယောက်ကိုတွေ့လိုက်ရတယ်။တွယ်တာစရာမရှိတဲ့လူတစ်ယောက်စွန့်ပစ်ခံကလေးတစ်ယောက်ကိုတွေ့လိုက်တဲ့အချိန်မှာတော့……ဇာတ်လမ်းကအရှိန်တက်နေရင်းနဲ့ ကြည့်ရှုသူတွေအတွက်မျှော်လင့်ထားသလိုထိချက်ပြင်းပြင်းနဲ့ဇာတ်သိမ်းတစ်ခုမဟုတ်ခဲ့လို့လားတော့မသိratingတွေ အရမ်းကြီးမကောင်းခဲ့ပေမယ့်တကယ်မြောပြီးခံစားနိုင်မယ့် ဒရမ်မာကားတစ်ကားပါ။

#Credit

1,293

𝐋𝐞𝐨 𝐂𝐢𝐧𝐞𝐦𝐚 (Review Channel)

01 Sep, 13:18

A Legend (Aka) The Myth 2 (2024)

ဂျက်ကီချန်းရဲ့ နာမည်ကျော် The Myth (2005) အဆက်အဖြစ် ထွက်ရှိလာတဲ့ တရုတ်ဇာတ်ကား A Legend (2024) ကတော့ ဒီနေ့ပဲ ရုပ်သံအကြည်ထွက်ရှိလာခဲ့ပြီဖြစ်ပါတယ်။

The Myth ရဲ့အဆက်ဆိုပေမယ့် ဂျက်ကီချန်းရဲ့ဇာတ်ကောင်လောက်ပဲ ပထမကားရဲ့အဆက်အဖြစ် တူညီမှုရှိပြီး

ဇာတ်လမ်းကတော့ တခြားဒဏ္ဍာရီ တစ်ပုဒ်ဖြစ်သွားခဲ့ပါပြီ။

လက်ရှိခေတ်နဲ့ အတိတ်က ဟန်မင်းဆက်ခေတ်ကို အသွားအပြန်တင်ဆက်ထားတာတွေ့ရမှာပါ။

ဟန်လူမျိုးတွေနဲ့ ရှုံနူလူမျိုးစုတွေရဲ့ ရာဇဝင်တိုက်ပွဲကို အခြေခံလို့ ချစ်ခြင်းဒဏ္ဍာရီ တစ်ပုဒ်ကို လွမ်းဆွေးဖွယ်တင်ဆက်ထားပါတယ်။

ဂျက်ကီချန်းရဲ့ငယ်ရုပ်တွေ CGI တွေအများအပြားသုံးထားပြီး ဘယ်လောက်ထိ ဒဏ္ဍာရီဆန်မလဲဆိုတာကိုတော့....။

#Credit

1,324

𝐋𝐞𝐨 𝐂𝐢𝐧𝐞𝐦𝐚 (Review Channel)

26 Aug, 02:10

Edge of Tomorrow(2014)

ဒီတစ်ခါတော့ Tom Cruise ရဲ့ Sci-Fi Action ဇာတ်ကားကောင်း တစ်ကားနဲ့ မိတ်ဆက်ပေးချင်ပါတယ်။ ၂၀၁၄ ရဲ့ ဇာတ်ကားကောင်း တွေထဲမှာ တစ်ကားအပါအဝင်ဖြစ်ပြီး ပရိတ်သတ် ကြိုက်နှစ်သက်မယ်လို့ ထင်ပါတယ်။

ဇာတ်လမ်းက အများကြီးကောင်းပြီး၊ စိတ်ဝင်စားဖို့လည်းကောင်းပါတယ်။ ကျွန်တော်တို့ ငယ်ငယ်တုန်းက ဂိမ်းကစားသလိုပါပဲ၊ မနိုင်တဲ့ Stage ကို အကြိမ်ကြိမ်ပြန်ကစားသလိုပါပဲ။ ရန်သူတွေကလညး ဒီနေရာကပဲထွက်ထွက်လာသလို၊ ကိုယ်ကလည်း အကုန်လုံးကို မှတ်မိနေပါတယ်။ တစ်ခုပဲ ရှိတာက ပါဝါပိတ်လိုက်ရင် Check Point က နေပြန်စလို့မရတော့ပါဘူး။ ဂိမ်းထဲမှာက အစကနေ ပြန်ပြီး ဆော့လို့ရပေမယ့် ဒီမှာကတော့ No Reset ပါ။
ဇာတ်ကားကောင်းတစ်ကားပါ။ မင်းသားမင်းသမီးကတော့ ဝါရင်နာမည်ကြီးသရုပ်ဆောင်တွေ ဆိုတော့ ပြောနေစရာတောင်မလိုပါဘူး။ ဇာတ်လမ်း ဇာတ်အိမ်လည်းကောင်းပြီး၊ ဇာတ်ကားတစ်ကားလုံးကောင်းပါတယ်။
ကြည့်ကိုကြည့်သင့်တဲ့ဇာတ်ကားကောင်းတစ်ကားပါ။ No Sex, No Nudity ပါ။

#Credit

1,451

𝐋𝐞𝐨 𝐂𝐢𝐧𝐞𝐦𝐚 (Review Channel)

25 Aug, 02:56

About a Boy (2002)

ဒီကားလေးက 2002 ခုနှစ်ထုတ် Comedy, Romance, Drama ကားကောင်းလေးဖြစ်ပါတယ်။ အော်စကာဆုအတွက် ဆန်ခါတင်၀င်ခဲ့တဲ့ကားလေးဖြစ်ပြီး တခြားဆု(၁၁)ဆုနဲ့ ဆန်ခါတင်ပေါင်း(၃၀)ကျော်၀င်ထားခဲ့တဲ့ကားကောင်းလေးပါ။ Cast အနေနဲ့ဆိုရင်လည်း မယ်လိုဒရာမာမင်းသားကြီးဖြစ်တဲ့ Hugh Grant က အဓိကပါ၀င်ထားပြီး X-Men နဲ့ The Great မင်းသားဖြစ်တဲ့ Nicholas Hoult ရဲ့ ပွဲဦးထွက်ဇာတ်ကားလည်းဖြစ်ပါတယ်။ဝေလ်က ပေါ့ပျက်ပျက်နေတတ်ပြီး အလုပ်မရှိ အတည်တကျမရှိတဲ့သူတစ်ယောက်ပါ။ တစ်ရက်တော့ ဆင်ဂယ်လ်မားတွေကိုကပ်ဖို့အကြံနဲ့ တစ်ကိုယ်တည်းမိဘတွေ့ဆုံပွဲကို၀င်ပါတယ်။ အဲဒီကနေ ဆူဇီဆိုတဲ့အမျိုးသမီးနဲ့ချိတ်မိပြီး ဆင်ဂယ်ပဲရန့်စ်ပျော်ပွဲစားထွက်ရာကနေ မားကတ်စ်ဆိုတဲ့ကောင်လေးနဲ့တွေ့ပြီး ပေါ့ပျက်ပျက်ဖြစ်နေတဲ့ ဝေလ်ရဲ့ဘ၀တစ်ဆစ်ချိုးပြောင်းလဲဖို့စတင်လာပါတော့တယ်။ဒီဇာတ်ကားလေးက ၁နာရီ၄၀မိနစ်ကျော်အချိန်တွင်းမှာ တစ်ခန်းမှပစ်ရက်စရာမရှိ ငြီးငွေ့စရာမရှိတဲ့ဇာတ်ကားလေးပါပဲ။ ရယ်မောစရာဇာတ်၀င်ခန်းတွေအပြင် ခံစားချက်တွေနွေးထွေးစေနိုင်တဲ့အခန်းတွေ မျက်ရည်လည်နိုင်စေတဲ့အခန်းတွေနဲ့ ကြည်နူးစရာဇာတ်ကားကောင်းတစ်ကားဖြစ်တာကြောင့် ကြည့်ရှုခံစားလိုက်ကြပါဦး။

#Credit

1,391

𝐋𝐞𝐨 𝐂𝐢𝐧𝐞𝐦𝐚 (Review Channel)

24 Aug, 04:53

Raayan (2024)
"ရာယန်"

IMDb 6.9

CM ပရိသတ်ကြီးအတွက် အသစ်ထွက်ရှိလာတဲ့ တမီးလ် action ဇာတ်ကြမ်း
ရုံကားအသစ်လေးကို မိုးလင်းလင်းချင်း မနှေး/အမြန် တင်ဆက်ပေးလိုက်ပါတယ်

နာမည်ကျော် မင်းသား Dhanush ရဲ့ ကားငါးဆယ်ပြည့်ရုပ်ရှင်ဖြစ်ပြီး
သူကိုယ်တိုင် ဇာတ်ညွှန်းရေးကာ ဒါရိုက်တာလုပ် အစွမ်းပြထားတဲ့
ဒီရုပ်ရှင်ဟာ ရုံတင်ငွေ ၁၅၈ ကုဋေ ရရှိထားပါတယ်

ဇာတ်လမ်းအကျဥ်းကိုပြောရရင် ရာယန်ဟာ ညီငယ်နှစ်ယောက်ဖြစ်သူ
မူတူးနဲ့ မာနီကမ်၊ အချစ်ဆုံး ညီမလေး ဒူရ်ဂါတို့ရဲ့ အစ်ကိုကြီးဖြစ်ပြီး

အဖေအမေတို့စွန့်ပစ်သွားကတည်းက ရွာကနေမြို့ကို ညီလေးညီမလေးတွေ
လက်ဆွဲခေါ်လာကာ ကြုံရာစား ရရာလုပ်ရင်း လူစည်ကားတဲ့ မုန့်ဆိုင်တစ်ဆိုင်ဖွင့်နိုင်တဲ့ ဘဝရောက်လာပါတယ်

ညီလတ်ဖြစ်သူ မူတူးက အရက်မူး သွေးဆိုးကာ ပြဿနာရှာတတ်သူဖြစ်ပြီး
ညီငယ် မာနီကမ်ကတော့ လိမ္မာတဲ့ ကောလိပ်ကျောင်းသားလေးပါ

တုန်နေအောင်ချစ်ရတဲ့ ညီမအငယ်ဆုံးလေးကို
လက်ထပ်ပေးနိုင်ဖို့နဲ့ မူတူးစရိုက်ကို ပြုပြင်ပေးနိုင်ဖို့ပဲ ပဓာနထားတဲ့ ရာယန်...

တစ်နေ့မှာတော့ ဒူရိုင်နဲ့ ဆီသူ ဆိုတဲ့ လူမိုက်ဂိုဏ်းခေါင်းဆောင်နှစ်ယောက်နဲ့
ပတ်သက်မိရာမှ ဖြူစင်ရိုးသားတဲ့ သူတို့ဘဝတွေ အကျင့်ပျက်
ဒုစရိုက်ပတ်ဝန်းကျင်ကြောင့် အရောင်နွမ်းမယ့်အရေး...
အစ်ကိုကြီးတစ်ယောက်အနေနဲ့ ဘယ်လိုကယ်ထုတ်သွားနိုင်မလဲ ဆိုတာကတော့ ...

#Credit

1,156

𝐋𝐞𝐨 𝐂𝐢𝐧𝐞𝐦𝐚 (Review Channel)

23 Aug, 02:44

Midnight Sun (2018)

၁၇ နှစ်အရွယ် Katie Price ဆိုတဲ့ ကောင်မလေးတစ်ယောက်ဟာ ငယ်ငယ်တည်းက ထူးဆန်းတဲ့ရောဂါတစ်ခုကို ခံစားနေရတယ်…အဲ့ဒီရောဂါက အသားအရည်ပေါ် နေရောင်ခြည်လုံးဝကျလို့မရတဲ့ရောဂါပေါ့…အဲ့ဒါကြောင့် သူဟာ အထူးစီမံထားတဲ့ ပြတင်းပေါက်မှန်တွေနောက်မှာပဲ နေပြီး သူ့ဘဝကိုဖြတ်သန်းနေတဲ့မိန်းကလေး…အပြင်ထွက်လို့မရတဲ့အတွက်..ကျောင်းတက်ဖို့လည်းမဖြစ်နိုင်တော့…သူ့ရဲ့အဖေကပဲ အိမ်မှာ စာသင်ပေးရတယ်လေ…သူ့အဖေကလည်း မိတဆိုး သမီးလေးကိုလုံးဝအရှုံးမပေးတဲ့လူမျိုး…ဖြစ်လာသမျှကိုလက်ခံပြီး အကောင်းဆုံးဖြစ်အောင် သူ့ကိုထားခဲ့တာလေ.…သူ့မှာ ရှားရှားပါးပါး မော်ဂန်လို့ခေါ်တဲ့ BFF မလေးတစ်ယောက်ရှိတယ်…နောက်တစ်ယောက်ကတော့ မူလတန်းကတည်းက သူ့အိမ်ရှေ့မှာ စကိတ်စီးရင်းဖြတ်သွားဖြတ်လာမြင်နေရတဲ့ ချာလီဆိုတဲ့ကောင်လေး…ဒီကောင်လေးကို သူကကျိတ်ပြီးသဘောကျနေတာ…ချာလီက သူရှိလို့ရှိမှန်းတောင်မသိဘူး…ဘယ်သိမလဲ …ရောဂါကြောင့်အိမ်တွင်းအောင်းနေရတဲ့ ပတ်ဝန်းကျင်နဲ့အဆက်အသွယ်ပြတ်နေတဲ့ သနားစရာကောင်မလေးလေ…ဒါပေမယ့် တစ်နေ့တော့ ချာလီနဲ့မထင်မှတ်တဲ့ပုံစံနဲ့ဆုံတွေ့ပြီး ဘာတွေဆက်ဖြစ်ကြမလဲ….၊ ကြည့်မယ်ဆိုရင် တစ်ရှူးလေးဆောင်ထားဖို့ ပြောပါရစေ…အခြားမဟုတ်ပါဘူး မျက်ရည်သုတ်ဖို့ပါ။

#Credit

1,194

𝐋𝐞𝐨 𝐂𝐢𝐧𝐞𝐦𝐚 (Review Channel)

18 Aug, 12:17

Moments We Shared (2024)

Cameo အလန်းတွေနဲ့ ပြည့်နေတဲ့ Moment We Shared လေးနဲ့
အတူCM ချစ်ပရိတ်သတ်တို့ဆီ ပြန်လာပါပြီ...
ဒီနေ့မှာတော့ ဘဝတွေထဲက ဘဝအကြောင်းကို ကာတွန်းတစ်ဖုံ အချစ်
အလွမ်း အဆွေး မိသားစု ခံစားချက်တွေ ရောပြီး
ရုပ်ရှင်တစ်ဖန် ဖန်တီး တင်ဆက်ထားတဲ့
Moment We Shared ဆိုတဲ့ကားလေးကို
ဘာသာပြန်တင်ဆက်ပေးလိုက်ပါတယ်...

ဇာတ်လမ်းအကျဉ်းလေးကို ပြောရမယ်ဆို ငယ်စဉ်တည်းက
အဖွားလက်ထဲ ကြီးပြင်းလာရတဲ့ လျိုရှီစန်းတစ်ယောက်...
မြို့သေးလေးမှာ ကြီးပြင်းလာပြီး မြို့ကြီးပြကြီးမှာနေရတဲ့
ဘဝကို ခံစားချင်နေတဲ့ လျိုရှီစန်းတစ်ယောက်...
သူ့အိပ်မက်တွေအတိုင်း မြို့ကြီးမှာ
တက္ကသိုလ်တွေတက်ပြီး အလုပ်ဝင်ခဲ့ပေမယ့်...
ဘဝက ရေခဲမုန့်စားသလို မချိုမြိန်ဘူးလေ...

အာမခံကုမ္ပဏီမှာ ဝင်ပြီး အလုပ်လုပ်ခဲ့ပေမယ့်..
အထက်ဖား အောက်ဖိ တဲ့အသိုင်းအဝိုင်း...
အရက်သောက်မှ ခင်ချင်တဲ့ အသိုင်းအဝိုင်း....
ပတ်သက်မှုရှိမှ လူရာသွင်းချင်တဲ့အသိုင်းအဝိုင်းကြားမှာ
နေရတာ ဘယ်အဆင်ပြေပါ့မလဲ...

သူ့ခဗျာ မအောင်မြင်သရွေ့ အဖွားဆီမပြန်ဘူးလို့
တွေးနေပေမယ့်... ပြောနေပေမယ့်လည်း...
စိတ်ထဲမှာ အကြိမ်ကြိမ် အဖွားရှိတဲ့ မြို့လေးကို
ပြန်နေခဲ့တာကနေ ရုတ်တရက်ကြီး
တကယ် အဖွားအိမ်ကို ပြန်ရောက်သွားခဲ့တယ်...

ဘာကြောင့်ပြန်ရောက်တယ်မသိပေမယ့် တစ်ခဏတော့
ဘဝအမောတွေကို မေ့ပြီး ဘဝရဲ့ အရသာကို
တစ်ဆင့်ချင်း ပုံဖော်ပြသွားတာဆိုတော့ ပရိသတ်တို့လည်း
ဘဝအမောတွေထဲက ခဏလေး ရုန်းထွက်နိုင်ဖို့ ဒီကားလေးကို ကြည့်လိုက်ကြနော်....

#Credit

1,415

𝐋𝐞𝐨 𝐂𝐢𝐧𝐞𝐦𝐚 (Review Channel)

05 Aug, 11:42

Furies (2022)

Asian female action ကားဆို ထိုင်ဝမ်နဲ့ဟောင်ကောင်ရုပ်ရှင်တွေနဲ့ပဲ အထိအတွေ့များတဲ့ပရိသတ်ကြီးအတွက်
ဗီယက်နမ် Female action movieလေးတစ်ခု တင်ဆက်ပေးမှာဖြစ်ပါတယ်။
ဟောင်ကောင်ဂျက်မမဟုတ်တဲ့ ဗီယက်နမ်ဂျက်မလေးတွေကိုကြည့်ရတော့လည်း တစ်မျိုးတစ်မည်ဆန်းသစ်တာပေါ့ဗျာ။

ဘဝရယ်လို့ဖြစ်တည်လာပြီဆိုရင် ရွေးချယ်မှုမလုပ်ရတဲ့လူရယ်လို့မရှိပါဘူး။
ဒါပေမဲ့ တချို့လူတွေရဲ့ အမှောင်ကျနေတဲ့ဘဝမှာတော့ ရွေးချယ်မှုဆိုတဲ့စကားလုံးဟာ ကိုယ်တိုင်မသိလိုက်ခင်ကတည်းက ပျောက်ရှနေခဲ့ပါပြီ။

ကံဆိုးမှုလို့အဓိပ္ပာယ်ရတဲ့နာမည်ကို ပိုင်ဆိုင်ထားတဲ့ ဘီဆိုတဲ့ကောင်မလေးဟာ နာမည်စီးနေတယ်လို့ထင်မှတ်ရလောက်အောင် ကံခေလွန်းတဲ့သူဆိုလည်းမမှားပါဘူး။
မိန်းမမြင်ရင် လိင်ကျွန်လောက် ထင်ကြတဲ့ ယောက်ျားသားတွေ ကြီးစိုးရာမှာ မိန်းမရွှင်တစ်ယောက်ရဲ့သမီးဖြစ်ရတဲ့ဒုက္ခဟာ ပြောစရာမလိုအောင် အမှောင်ကျနေခဲ့တာပေါ့။

#Credit

1,835

𝐋𝐞𝐨 𝐂𝐢𝐧𝐞𝐦𝐚 (Review Channel)

19 Jul, 08:08

Canva နဲ့ဘာလုပ်လို့ရလဲ Canva နဲ့ဒီလိုပိုစတာတွေကအစ digital editing ပတ်သတ်တာမှန်သမျှလုပ်နိုင်ပါတယ်ခဗျာ ကျနော်ဒီပိုစတာကိုအသင့်သုံး template လုပ်တာဖြစ်လို့အချိန်မိနစ်ပိုင်းပဲကြာပါတယ် ကျနော်က professional မဟုတ်လို့ဒီလောက်ကြာတာပါ ဆရာကြီးတေဆို ခဏလေးနဲ့အစွမ်းပြလို့ရပါတယ် အဲ့လိုအစွမ်းပြဖို့ template သိန်းကျော်ပါလို့ ခုပဲ Canva pro ဝယ်ယူလိုက်တော့ဗျို့ 👨‍💻🤗

ဝယ်ယူဖို့ဆက်သွယ်ပါ🕵‍♂
@mrnine2k

📢ဝယ်ယူနိုင်တဲ့ plan များ ✨
https://t.me/Great_Point/61

1,905

𝐋𝐞𝐨 𝐂𝐢𝐧𝐞𝐦𝐚 (Review Channel)

19 Jul, 03:33

The People vs. Larry Flynt (1996)

တစ်လောကလုံးနဲ့တစ်ယောက်ဖြစ်နေရင် ခွင့်လွှတ်လိုက်ကြပါ။ “လိင်ကိစ္စမှာတောင် တားမြစ်ချက်တွေရှိနေရင် ကျုပ်တို့မှာ ပြဿနာတွေများနေတာ အံ့သြစရာမရှိဘူး။ ကျုပ်တို့လူမျိုးတွေ စိတ်ဆတ် ၊ အကြမ်း-ဖ(က်)တတ်ပြီး လူမျိုး-(တုံး) သ-(တ်)ဖြတ်တတ်ကြတာ အံ့သြစရာမရှိဘူး” ဒီစကားတွေကိုဆိုခဲ့တဲ့ လယ်ရီဖလန့်ဟာ ငယ်ငယ်ကတည်းက အရက်ပုန်းရောင်းပြီး အသည်းအသန် ငွေရှာချင်ခဲ့တဲ့ကလေးတစ်ယောက်ပါ။ အရွယ်ရောက်လာချိန်မှာတော့ ဖော်ချွတ်မယ်တွေနဲ့ ကလပ်တစ်ခုဖွင့်ထားတဲ့လူတစ်ယောက်ဖြစ်လာခဲ့ပေမဲ့လည်း မအောင်မြင်ဘဲ ရုန်းကန်နေရဆဲဖြစ်ပါတယ်။ ကြံရည်ဖန်ရည်ကောင်းတဲ့ လယ်ရီဟာ သူ့ကလပ်ရဲ့လုပ်ငန်းတွေအဆင်ပြေစေဖို့ ၊ လူများများရောက်လာဖို့အတွက် ဖော်ချွတ်မယ်တွေရဲ့ကိုယ်လုံးတီးပုံတွေနဲ့ စာစောင်တွေထုတ်ပြီး ကြော်ငြာခဲ့ပါတယ်။ တစ်ရက်မှာတော့ လူတစ်ယောက်ဟာ လယ်ရီနဲ့တော်တဆတွေ့ခဲ့ပြီး ဒီမဂ္ဂဇင်းကို ဘယ်လိုထပ်ဝယ်လို့ရမလဲလို့ မေးခဲ့ရာကနေ လယ်ရီဟာ အပြာမဂ္ဂဇင်းထုတ်ဖို့ အကြံဉာဏ်ရသွားခဲ့ပါတယ်။ စစချင်းမှာ မဂ္ဂဇင်းဟာ ဝက်ဝက်ကွဲ ရှုံးခဲ့တယ်။ နောက်တော့ အောင်မြင်တယ်။ အဲဒီနှစ်ကာလများရဲ့ ခရစ်ယာန်ဘာသာဝင်တွေနဲ့ လူကြီးလူကောင်းများရဲ့ ကန့်ကွက်ထုတ်ဖော်မှု၊ ဝေဖန်တိုက်ခိုက်မှု ၊ တရားစွဲဆိုမှုတွေကြောင့်နဲ့ လယ်ရီဟာ တရားရုံးလည်း ရောက်ခဲ့ပါတယ်။ ဒီဇာတ်ကားမှာ လယ်ရီ ဖလန့်ရဲ့ ဘဝထဲက ဆယ်စုနှစ် ၃ ခုအတွင်းကြုံတွေ့ခဲ့ရတဲ့ ဆူကြုံအနိမ့်အမြင့်တွေ ၊ မဖိတ်ခေါ်ဘဲရောက်လာခဲ့တဲ့ အရှုပ်အထွေးတွေ ၊ ကိုယ်တိုင်သွားရှာလာခဲ့တဲ့ပြဿနာတွေ အားလုံးကို ခံစားချက်ရသမျိုးစုံနဲ့ ကြည့်ရှုနိုင်မှာပဲဖြစ်ပါတယ်။ လယ်ရီဟာ သူမှန်တယ်ထင်တာကို တဇွတ်ထိုးလုပ်ရင်းနဲ့ လူတွေရဲ့ လိင်စိတ်ကူးယဥ်မှုဆိုင်ရာလွတ်လပ်ခွင့်အတွက် တိုက်ခိုက်ပေးနေခဲ့တာလည်း ဖြစ်ပါတယ်။ အဲဒီခေတ်အခါက လယ်ရီဖလန့်ဟာ ဘုန်းတော်ကြီး ဂျယ်ရီဖာဝဲလ်ကို သရော်စာရေးခဲ့ပြီး ဗဟိုတရားရုံးအထိ တရားရင်ဆိုင်ခဲ့တဲ့ အဖြစ်အပျက်ကြောင့်သာ ယခုလက်ရှိကာလရဲ့ အပြာဝက်ဆိုဒ်တွေမှာ အပြာမင်းသားတွေ ဆန်တာကလော့ဒ်ဝတ်စုံကြီးနဲ့ တူနယ်တန့်နယ်နေတာမျိုးကို လွတ်လပ်စွာ ကြည့်ရှုခွင့်ရနိုင်နေတာပါ။ ဒီနိုင်ငံမှာသာ အထင်ကရနတ်မင်းတစ်ပါးရဲ့ ဝတ်စုံဝတ်ပြီး အပြာကားရိုက်မိရင် ရိုက်တဲ့ကောင်ဟာလည်း မစ္စတာ လယ်ရီဖလန့်လိုပဲ ၇ ညအိပ် ၈ ရက် ချားကီးမိပြီး ဂျေးအောင်းမှာပါ။ ဒီတော့ ညစ်ညမ်းဓာတ်ပုံ၊ ဗွီဒီယိုများ လွတ်လပ်စွာကြည့်ရှုခွင့် ရရှိရေး စွမ်းစွမ်းတမံ စွမ်းဆောင်ပေးခဲ့တဲ့ မစ္စတာ လယ်ရီ ဖလန့်ရဲ့ ဘဝအကြောင်းကို စေ့စေ့ငုံငုံ ရိုက်ပြထားတဲ့ ဇာတ်ကားလေးကို ကြည့်ရှုပေးကြပါဦး

#Credit

1,652

𝐋𝐞𝐨 𝐂𝐢𝐧𝐞𝐦𝐚 (Review Channel)

16 Jul, 12:06

Querelle (1982)
****
ဒီတစ်ခါမှာတော့ ကြည့်ရှုသူပရိတ်သတ်ကြီးကို rating 6.6/10

အထိရရှိထားတဲ့( Querelle )ဆိုတဲ့ ဇာတ်ကားလေး တစ်ကားနဲ့

မိတ်ဆက်ပေးချင်ပါတယ်..

ဒီဇာတ်ကားကို ဒါရိုက်တာ Rainer Werner Fassbinder က

ရိုက်ကူးပုံဖော်ထားပြီး မင်းသား Brad Davis , Franco

Nero နဲ့မင်းသမီး Jeanne Moreau တို့က ပါဝင် သရုပ်ဆောင်

ထားပါတယ် ဒီဇာတ်ကားက နိုင်ငံတကာအကောင်းဆုံး

ရုပ်ရှင်ဆု(Jupiter Award) , အကောင်းဆုံး ဇာတ်ဝင်တေးဆု

(Razzie Award ) စတဲ့ဆုတွေကိုလည်း သိမ်းပိုက်ရရှိ

ထားပါတယ်....

ဇာတ်လမ်းအကျဉ်းကတော့ LGBT တစ်ယောက်ဖြစ်တဲ့

ရေတပ်အရာရှိ လက်ဖ်တင်နင် ဆဲလ်ဘွန်က ဘရက်စ်မြို့ကို

ဆိပ်ကမ်းကပ်ပါတယ် အဲ့ဒီအချိန်မှာ ရေတပ်သားလေးတစ်ယောက်ဖြစ်တဲ့

ကော်ရယ်တစ်ယောက် ဘရက်စ်မြို့ရဲ နာမည်ကြီးဖယ်ရီယာ

ပြည့်တန်ဆာစံအိမ်ရဲ့ သူဌေးမဖြစ်တဲ့ လီဆန်ဆိုတဲ့ အမျိုးသမီးနဲ့

အိမ်ထောင်ကျနေတဲ့ အစ်ကိုဖြစ်သူ ရော့ဘတ်ကို တွေ့လိုက်ပါတယ်

ဒါပေမဲ့ထူးဆန်းတာက လီဆန်ဆိုတဲ့အမျိုးသမီးရဲ့ယောကျ်ားဖြစ်သူ

နိုနိုး ဆိုတဲ့ အားကောင်းမောင်းသန်ဗလကြီးကလည်း အဲ့ဒီစံအိမ်ကြီးမှာပဲ

နေပါတယ် နောက်ပြီးသူက ယောကျ်ားချင်း လိင်ဆက်ဆံရတာကို

အထူးကြိုက်နှစ်သက်သူ တစ်ဦး ဖြစ်ပါတယ် အဲ့ဒါအပြင် အဲ့ဒီဖယ်ရီယာ

စံအိမ်မှာ နာမည်ကြီး အလောင်းအစား တစ်ခုရှိပါတယ် အဲ့ဒါကတော့

လီဆန်ရဲ့အရင်ယောကျာ်းဖြစ်သူ နိုနိုးနဲ့ အန်စာတုံးဂိမ်း ကစားရမှာ

ဖြစ်ပါတယ် အနိုင်ရရှိတဲ့သူကတော့ အဲ့ဒီစံအိမ်မှာရှိတဲ့ မိန်းကလေးတွေ

ထဲကကြိုက်တဲ့သူကို ခေါင်းခေါက်ရွေးပိုင်ခွင့်ရှိပြီး အကယ်၍ရှုံးနိမ့်

သွားမယ်ဆိုရင်တော့ သူတစ်တီတူးတာကို ခံရမှာဖြစ်ပါတယ်

ရော့ဘတ်ရဲ့ညီဖြစ်သူ ကော်ရယ်ကလည်း ဒီကစားနည်းကို ကစား

လိုက်ပါတယ် သူကရော အနိုင်ရရှိအောင် ကစားနိုင်ပါ့မလား

ဘာကြောင့်ဒီကစားနည်းကို ကစားဖို့ရွေးချယ်လိုက်တာလဲ

တိုက်တိုက်ဆိုင်ဆိုင်ပဲ ကော်ရယ်တို့သင်္ဘောပေါ်က သင်္ဘောသား

တစ်ယောက်နဲ့ သီရိုဆီလင်း ဆိုတဲ့သူရယ် အဲ့ဒီနှစ်ယောက်က

အသတ်ခံလိုက်ရပါတယ် ရဲတွေကလည်း သေဆုံးသူရဲ့ဘေးမှာ

တွေ့ရတဲ့မီးခြစ် တစ်လုံးကလွဲရင် အခြားဘာမှစုံစမ်းလို့မရဖြစ်နေပါတယ်

လူသတ်တရားခံကရောဘယ်သူဖြစ်မလဲ...

အဲ့ဒီ မီးခြစ် ရဲ့ပိုင်ရှင်ကရော ဘယ်သူဖြစ်မလဲ နောက်ဆုံးမှာ

တကယ့်တရားခံအစစ်ကိုဖမ်းမိသွားပါ့မလားဆိုတာကို

ပရိတ်သတ်ကြီးကိုယ်တိုင် ကြည့်ရှုခံစားလိုက်ပါဦး

ဒီဇာတ်ကားက Drama အမျိုးအစားဖြစ်ပြီး ၁၈ +ဆန်ဆန်ဇာတ်ဝင်ခန်း

တွေနဲ့ စကားအသုံးအနှုန်းတွေကြောင့် အသက်အရွယ်မပြည့်သေးတဲ့

ကလေးသူငယ်တွေ အနေနဲ့ ကြည့်ရှုဖို့မသင့်တော်ဘူးဆိုတာကိုတော့

ကြိုတင်အသိပေးလိုက်ပါရစေ....

#Credit

1,604

𝐋𝐞𝐨 𝐂𝐢𝐧𝐞𝐦𝐚 (Review Channel)

29 May, 15:02

Mai (2024)

IMDB: 6.9/10

၂၀၂၄ မတ်လ ၂၂ ရက်ကထွက်ရှိထားတဲ့ Mai ဆိုတဲ့ ဗီယက်နမ်ရုပ်ရှင်ဟာ Romance ၊ Drama အမျိုးအစားဖြစ်ပြီးဗီယက်နမ်ရုပ်ရှင်ထုတ်လုပ်ရေး၊ ရုပ်ရှင်ရိုက်ကူးရေးနဲ့တည်းဖြတ်ရေးအပိုင်းတွေမှာ အရည်အသွေးထိပ်တန်းအဆင့်
ရှိတဲ့ရုပ်ရှင်ဖြစ်ပါတယ်။Mai အဖြစ်သရုပ်ဆောင်တဲ့မင်းသမီးရဲ့ချောမောလှပမှုနဲ့တင်ကြည့်ရတာတန်တဲ့အပြင် ဇာတ်ကောင်အားလုံးကလည်းသရုပ်ဆောင်ပိုင်နိုင်စွာနဲ့ ဇာတ်လမ်းကိုသရုပ်ဖော်သွားတာမြင်တွေ့ရပါတယ်။ဘဝမှာအရွယ်နဲ့မလိုက်အောင် ဒုက္ခတွေအများကြီးကြုံတွေ့ခဲ့ရတဲ့ဗီယက်နမ်အမျိုးသမီးငယ်လေးရဲ့ဘဝကို ပုံဖော်ရိုက်ကူးထားတာဖြစ်ပါတယ်။

ဇာတ်လမ်းအကျဉ်း
****

တိုက်ခန်းတစ်ခုကိုပြောင်းလာတဲ့မိုင်ဆိုတဲ့မိန်းကလေးကိုအိမ်နီးချင်းတွေက အသားလွတ်မကောင်းမြင်နေကြသလိုအလုပ်ထဲမှာလည်း မနာလိုမုန်းတီးခံရတဲ့မိန်းကလေးတစ်ယောက်ဖြစ်ပါတယ်။ အနှိပ်ခန်းတစ်ခုမှာအလုပ်လုပ်တဲ့မိုင်ဟာ သိပ်မကြာခင်မှာ အိမ်နီးချင်းဒွန်းဆိုတဲ့ကောင်လေးနဲ့ချစ်မိသွားပြီး မိုင်နဲ့ဒွန်းဟာ အသက် ၇ နှစ်ကွာဟတဲ့ချစ်သူတွေဖြစ်လာခဲ့ပါတယ်။ အရင်ကပွေရှုပ်ခဲ့တဲ့ဒွန်းဟာ မိုင်မှာရှုပ်ထွေးတဲ့အတိတ်ရှိခဲ့တာတောင် မိုင်နဲ့ပဲလက်ထပ်ချင်တဲ့အထိမိုင်ကိုစွဲလမ်းသွားခဲ့ပါတယ်။ တစ်ရက်မှာတော့ ဒွန်းက မိုင်ကိုမိခင်နဲ့ပေးတွေ့ဖို့ အိမ်ခေါ်သွားချိန်မှာတော့ ဒွန်းရဲ့မိခင်ဟာမိုင်နဲ့ညီအစ်မတွေလိုရင်းနှီးတဲ့ မိုင်ရဲ့ဖောက်သည်တစ်ယောက်ဖြစ်နေခဲ့ပါတယ်။ ချမ်းသာတဲ့မိသားစုမွာ အလိုလိုက်ခံရပြီးကြီးပြင်းလာတဲ့ဒွန်းဟာ မိသားစုကိုဆန့်ကျင်ပြီး မိုင်ကိုလက်တွဲသွားနိုင်မှာလားဆိုတာကတော့ ရုပ်ရှင်ထဲမှာဆက်လက်ကြည့်ရှု့ရမှာပဲဖြစ်ပါတယ်။

#Credit

2,624

𝐋𝐞𝐨 𝐂𝐢𝐧𝐞𝐦𝐚 (Review Channel)

27 May, 04:14

Wuthering Heights (2011)Wuthering Heights ဆိုကထဲက ၉တန်း(အရင်သင်ရိုး ၁၀တန်း)ကျောင်းသား အရွယ်က သင်ကြားခဲ့ရတဲ့ သင်ခန်းစာလေးဆိုတာကို နည်းနည်းတော့မှတ်မိကြဦးမယ်ထင်ပါတယ် Liverpool မြို့လေးမှာ
“Cathy or Catherine, Hindley, Heathcliff Earnshawမိသားစု”ပါဝင်ခဲ့တဲ ဒီဇာတ်လမ်းလေးဟာ ကစားဖို့ မုန့်စားဖို့ ရုပ်ရှင်ကြည့်ဖို့လာသိတဲ့ ကလေးအရွယ် ကျွန်တော်တို့နှလုံးသားကိုတောင် ခပ်စပ်စပ် ရိုက်ခတ်နိုင်စွမ်းရှိခဲ့တယ် အရွက်ရောက်လာတော့လည်း အနည်ထိုင်စပြုနေတဲ့ ကျွန်တော့တို့နှလုံးသားကို ဒုတိယံပိ ပြန်လည်လှုပ်နှိုးခံလိုက်ရတယ် အဲ့ဒါကတော့စာရေးဆရာ ကျော်လှိုင်ဦးဘာသာပြန်ထားတဲ့ လေထန်ကုန်းဆိုတဲ့စာအုပ်လေးကြောင့်ပါ…. ဟော အခု ရုပ်ရှင်အသွင်နဲ့ပြန်ကြည့်ရတော့ ဘယ်ပြောကောင်းမလဲဗျာ…. နောက်တော့မှသိလာရတာက Wuthering Heights ကို Emily Btonyရေးသားပြီး ဒီစာအုပ်ဟာ ခေတ်အဆက်ဆက် အကြီးကျယ်ဆုံးသော ဂန္တဝင်ဝတ္ထုစာရင်းဝင်ခဲ့ပါတယ်…. လူရဲ့ကိုယ်ကျင့်တရား…မျိုးဆက်သစ်ပြုစုပျိုးထောင်မှုရဲ့အရေးပါပုံ…စာပေသင်ကြားခွင့်ဆုံရှုံးခြင်းဟာ လူ့ဘဝရဲ့အကြီးမားဆုံးသော ဆုံးရှုံးမှု ဆိုတာတွေကို ဒီကားမှာတွေ့နိုင်ပါတယ် ……***
မေ့နေတဲ့သူတွေအတွက် နည်းနည်းနွှေးရင်းဇာတ်လမ်းလေးအကြောင်းပြောပြပါ့မယ် Mr.Earnshaw ကြီးက Heathcliff ဆိုတဲ့ လမ်းပေါ်ကမိဘမဲ့ကောင်လေးတစ်ယောက်ကိုအိမ်ခေါ်လာပြီးမွေးစားခဲ့ပါတယ် အဲ့ဒီကောင်လေးဟာ မိမရှိဖမရှိ စကားတောင်ယဉ်ယဉ်ကျေးကျေးမပြောတတ်တဲ့ကောင်လေးဆိုတော့လည်း အိမ်သားတွေကမကြည်ဖြူဘူးပေါ့ Mr Earnshaw ကြီးမှာ Hindley နဲ့ Cathy ဆိုပြီးသားသမီးနှစ်ယောက်ကလည်းရှိပါတယ် သားဖြစ်တဲ့ Hindley ကတော့ လမ်းပေါ်ကကောင်လေး Heathcliff ကိုအမြင်ကတ်တဲ့ပုဒ်မနဲ့ အမြဲလိုလို ရန်ရှာခိုင်းစေတတ်ပါတယ် နှိမ်တယ် Cathyကတော့နူးညံ့တဲ့နှလုံးသားပိုင်ရှင်မိန်းကလေးပီပီ Heathcliffကိုသူငယ်ချင်းတစ်ယောက်လိုပဲမခွဲမခြားဆက်ဆံပါတယ်ဒါပေမယ့်လည်း ဂုဏ်ပကာသန ဆိုတာလူ့ပတ်ဝန်းကျင်အသိုင်းအဝိုင်းရဲ့ အဆင်တန်ဆာတစ်ခုဖြစ်နေလေတော့ ချမ်းသာတဲ့Linton မိသားစုဝင်တစ်ဦးဖြစ်တဲ့ Aggar နဲ့ Catherine ကလက်ထပ်ဖို့အထိဖြစ်လာခဲ့ပါတယ် အဲ့ဒီအချိန်မှာ Heathcliff အတွက် ခိုကိုးရာမဲ့သူသလိုဖြစ်သွားတယ်… ရှားရှားပါးပါးသူ့ကိုကြင်နာဂရုစိုက်ဆက်ဆံတတ်တဲ့သူကဂုဏ်သိက္ခာအဆင့်အတန်းတွေကြောင့်သူ့ဘေးနားကထွက်ခွာသွားရမယ်ဆိုတဲ့နာကျည်းမှုတွေက သူ့ဘဝတစ်ခုလုံးကိုပြောင်းလဲစေဖို့အတွက် အဝေးတစ်နေရာကိုထွက်ပြေးသွားစေတဲ့အထိဖြစ်ခဲ့ပြီးသူ့ဘဝလည်းပြောင်းလဲလာခဲ့ပါတယ် ချမ်းသာမှု မိမိကိုယ်ကိုယုံကြည်မှုတွေနဲ့ ကျားရဲတစ်ကောင်လိုပြန်လာခဲ့တယ်.. ဒါပေမယ့်သူပြန်လာတဲ့အချိန်မှာအခါနှောင်းသွားခဲ့ပါပြီ …… ရှေ့ဆက်ဖြစ်မဲ့ဟာတွေတော့ အပြည့်အဝကြည့်ရှုရင်းခံစားလိုက်ပါဦး… ကိုင်းပြိတ်သတ်ကြီးရေ….အနည်ဆိုတာမျိုးကတစ်ခုခုနဲ့ထိခိုက်မိရင် ပြန်လှုပ်ခပ်ရိုးမဟုတ်လား …ခင်ဗျားတို့ရင်ထဲမှာအနည်ထိုင်ခဲ့တာကို အပြင်းစားရိုက်ချက်ကြီးနဲ့ ပြန်လည် လှုပ်ခတ်ခံရမှာကြောက်နေတယ်ဆိုရင်တော့ …… သဘောရှိပါဗျား…ဇာတ်လမ်းအညွှန်းနဲ့ဘာသာပြန်သူကတော့ ကို Pyae Xeinn Sett ပါ

#Credit

2,229

𝐋𝐞𝐨 𝐂𝐢𝐧𝐞𝐦𝐚 (Review Channel)

Leo Cinéma (Canal de Critiques) (French)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

𝐋𝐞𝐨 𝐂𝐢𝐧𝐞𝐦𝐚 (Review Channel)

10,403

3

6

Best Similar Channel

Random Similar Channel