Kuyovjo‘ra maslahati

Ayolingizni ayab o'tirmang😅
Tahajjud namozi haqida.

“Kechasi uyg'onib namoz o'qigan va ayolini ham namoz uchun uyg'otib turg'izgan, uyqusidan uyg'ona olmasa yuziga suv sevalagan erga Alloh marhamat qiladi (Juda ko'p yaxshiliklar beradi).

Kechasi uyg'onib namoz o'qigan va erini ham uyg'otgan, uyqusidan uyg'ona olmasa yuziga suv sevalagan ayolga ham Alloh marhamat qiladi (Juda ko`p yaxshilik beradi.)”
(Abu Dovud, Solatut-tatovvu’)

Yana bir hadisda:
“Kimki kechasi o'zi ham uyg'onib, ayolini ham uyg'otib ikki rakaat namoz o'qisa, Allohni ko'p zikr qiluvchi erkak va ayollardan deb yoziladi.”
(Abu Dovud, Vitr 13)

@kuyovjora_maslahati

Soliha ayol dinning yarmi.

Rasululloh Sollallohu Alayhi Va Sallam aytdilar:
“Kimgaki Alloh soliha ayol bergan bo'lsa, bas, uning yarim dinini isloh qilishga Alloh ko'maklashibdi. Endi, keyingi yarmini islohi uchun Allohga taqvo qilsin”.
Hokim rivoyat qilgan.

Bo'ydoqlarga Alloh soliha ayol bersin🤲

@kuyovjora_maslahati

Kuyovjo'ra o'zi kim?

Assalomu alaykum.
Bu men sizlarga Alloh qodir qilganicha, savob ilinjida ma'limot va maslahatlar berib kelayotgan kuyovjo'rangiz tanimaganlar uchun Mansurjon Nosirjonovich. Asil soham 3D Artist yani Interyer, Exteryer, 3D Modeling. Soham yuzasidan proektlar ko'pligi va yangi loyihalar boshlayotganim sababli, oxirgi vaqtlar postlar kamayib ketti. To'g'ri tushunasizlar degan umitdaman.✊
In'sha'Allah albatta postlar bundanda ko'p va sifatli bo'lishiga harakat qilaman.

Xayotim va 3D sohalariga qiziqsangiz, qiziqmasangiz ham holis qo'llab yuborsangiz hursand bo'lar edim✊☺️:
Telegram
Instagram
Tiktok

@kuyovjora_maslahati

Rasululloh Sollallohu Alayhi Va Sallam aytdilar:
“Kimki biror ayolga uning azizligi, obro’ va sharafi uchun uylansa, Alloh unga xorlikni ko’paytirib qo’yadi.

Kimki ayolning mol-dunyosi uchun uylansa, Alloh unga qashshoqlikni ko’paytirib qo’yadi.

Kimki ayolning ota-bobolaridagi shon-sharaf tufayli uylansa, Alloh unga pastkashlikni ko’paytirib beradi.

Kimki ko’zini haromdan tiyish uchun, zinodan saqlanish uchun, qarindosh-urug’likni tiklash uchun uylansa, Alloh ayolni eriga, erni ayoliga barakali qilib qo`yadi”.

Tobaroniy rivoyat qilgan.

@kuyovjora_maslahati

Bo’ydoq yigitlar unutmang juda ko’p narsa niyatga bog’liq.

Uylanish uchun qiz qidirayotgan vaqtimda, kelajakda tug’iladigan farzandlarim uchun ona tanlayabman degan niyatda uylangan edim.

2 3 kun oldin ayolim kichik o’g’limni erkalar ekan. Bir gapi qulog’imga chalindi va ko’zimga yosh keldi.
Ayolim farzandimga: Alloh bergan nematim sizlarni qori, qoriyalar qilaman deb Allohga so’z berganman. In’sha’Allah va’damda turaman. der edi.

Alhamdulillah yanglishmabman birodarlar😊

@kuyovjora_maslahati

Qatiyatli bo’ling.

Ayolingiz bilan bo’lgan har qanday munosabtda qatiyatli bo’ling. Nimadur so’rasa hop dedingizmi hisob, aytganini qilib bering va yana nimadur so’rasa yo’q dedingizmi, qaytib o’sha narsaga rozilik bera ko’rmang.

Agar aksini qilsangiz ayolingizni oldida hurmatingiz tushish ehtimoli katta bo’ladi.

Erkak kishini haqiqiy erkak qiladigan sifatlaridan biri qatiyat shuni unutmang.

@kuyovjora_maslahati

Ayolingizni haydab solishga shoshilmang.

Rasululloh Sollallohu Alayhi Va Sallam aytdilar: “Ikki asrdan keyin sizlarning eng yaxshingiz xotinini haydab solishga shoshmaydiganlaringizdir”.
Xatib Bag’dodiy rivoyat qilgan.

Yigitlar o’ta jiddiy sabab bo’lmasa, ayolongizni hech qachon uyiga haydab yubormang. Hatto taloqdan kegin ham iddasi chiqmagunicha ayol erining uyida bo’lishi kerak. Sababi yoningizda bo’lsa, ko’zingiz tushib g’azabingiz bosiladi yoki aybini tushunib sizdan uzur so’raydi. Qisqasi orangizdagi nizo yo’q bo’lishi osonroq bo’ladi. Aksi bo’lsa yani uyiga ketgan bo’lsa masala jiddinlashib ketishi mumkin. Gap ko’payadi ikkalangizni uyingizda ham. Shaytonning ishi osonlashadi. G’urur ustunlik qiladi va oila buzulib ketishi xech gap emas.

@kuyovjora_maslahati

Taloqdan ehtiyot bo’ling.

Alloma Jassosning «Ahkom ul-Qur’on» kitobida shunday keltiriladi. Mujohiddan rivoyat qilinadi:

«Bir kishi Ibn Abbos (r.a) ning oldilariga kelib: «Men ayolimni yuz taloq qilib qo’ydim», deganda, u zot: «Uchtasi bilan ayoling senga harom bo’libdi. Qolgan to’qson ettitasi bilan Allohning oyatlarini o’yin qilibsan», dedilar.

Boshqa bir rivoyatda esa: «Bir kishi Ibn Abbos (r.a) ayolini uch taloq qilganini aytganda, Ibn Abbos shu qadar uzoq sukut saqladilarki, men, ayolini eriga qaytarib beradilar, deb o’yladim. So’ngra u zot: «Ey Ibn Abbos, ey Ibn Abbos, Alloh taolo “Kim Allohga taqvo qilsa, U unga (tashvishlardan) chiqish yo’lini (paydo) qilur” deganku, deydi. Sen Allohga taqvo qilmadingmi, men senga chiqish yo’lini topib berolmayman. Sen Robingga gunohkor bo’lding. Ayoling esa boin taloq bo’ldi”, dedilar.

Darhaqiqat, taloq lafzi o’yin uchun yoki jahl tufayli og’izning bir uchidan osonlikcha chiqib ketadigan so’z emas. U sababidan er-xotin bir-biriga halol bo’lmay qoladi.

@kuyovjora_maslahati

Abdulloh domla. Bu insonni qattiq hurmat qilaman. Alloh rozi bo’lsin ulardan🤲

@kuyovjora_maslahati

Uylanmoqchi bo'lgan qizingiz:

* Dindor bo'lsa 1
* Chiroyli bo'lsa 10 (yani 0 qo'shib boriladi)
* Nasl-nasabli bo'lsa 100 bo'ladi.

Lekin 100 ni boshidagi 1 soni Dindorlik hisoblani. 1 ni yani dindorlikni olib tashlasa 00 qoladi.

Hulosa o'zingizdan.

@kuyovjora_maslahati

Chiroyiga uchmang.

قال رسول الله صلي الله عليه و سلم: «لا تزوجوا النساء لحسنهن، فعسي حسنهن ان يرديهن، و لا تزوجوهن لاموالهن، فعسي اموالهن ان تطغيهن، و لكن تزوجوهن علي الدين، و لامة خرقاء، سوداء ذات دين افضل». رواه ابن ماجة

Rasululloh Sollallohu Alayhi Va Sallam aytdilar:
“Ayollarni go'zalligi uchun uylanmang, ularning husni o'zlarini qulatishi mumkin. Mol-dunyosi uchun ham uylanmang, mol-dunyosi ularni tug'yonga ketgizishi mumkin va lekin dinini deb uylaninglar. Albatta, kelishmagan beso'naqay qora tanli dindor ayol (diyonati yo'qlardan) afzaldir”.

Ibn Moja rivoyat qilgan.

@kuyovjora_maslahati

Nikohga teng keladiganni topa olmaysiz.

قال صلي الله عليه و سلم : «لم تري للمتحابين مثل النكاح». رواه ابن ماجة و الحاكم

Rasululloh Sollallohu Alayhi Va Sallam aytdilar: 
“Bir-birini yaxshi ko`rgan (yigit va qiz) ikkisi uchun (oradagi muhabbatni ziyoda qilishda) nikohga teng keladigan (boshqa narsa)ni topa olmaysiz”. 

Ibn Moja va Hokim rivoyat qilgan.

@kuyovjora_maslahati

«100% yo'rig'imga yuradi» desangiz adashasiz.

Rasululloh Sollallohu Alayhi Va Sallam aytdilar:
“Ayol kishi qovurg'adan yaratilgandir, hech sizning yo'lingizga to'g'rilanmaydi. Agar undan foydalanmoqchi bo'lsangiz uning qiyshiq holida foydalanasiz, Agar uni to'g'rilamoqchi bo'lsangiz, sindirib qo'yasiz. Uning sinishi taloq bo'lishidir”.
Muslim va Termiziy rivoyat qilgan.

P.s. Yangi uylangan yoki uylanish arafasida turgan aka-ukalarga maslahat. « Boshidanoq 100% yo'rig'imga yuradigan qilib tarbiyalayman» deb, qiyshiq qovurg'ani yani ayolni sindirib qo`ymang. Taloq so'zini aslo og'zingizga olmang. Ayolingizni asta sekin, sabir bilan tarbiyalab boring. Ayolga zulim qilmang va shu o'rinda o'z holiga ham tashlab qo'ymang. Har qanday holatda meyorni, chegarani bilgan holda, hikmat va aql bilan ish tuting.

@kuyovjora_maslahati

Erkaklar! Bugun 8 avgust — ashuro kuni

Payg`ambarimiz Sollallohu Alayhi Va Sallam shunday marhamat qiladilar: «Kimki Ashuro kuni oilasiga kenglik qilsa, Alloh yil bo`yi unga kenglik qiladi».

Imom Tabaroniy «Mo`’jamul Kabiyr»da rivoyat qilgan.

Qo`shimcha: Sufyon ibn Uyayna rohmatullohi alayh shunday deganlar:

«60 yildan beri shuni tajribadan o`tkazib kelamiz, doim baraka ko`rganmiz».

@kuyovjora_maslahati

Sevgi

Bandaning Allohning bandasiga bo'lgan sevgisi sha'riatga hilof bo'lmagan holda bo'lsa, Alloh taoloning inomidir.

Bandaning Allohning bandasiga bo'lgan sevgisi sha'riatga hilof holda bo'lsa, shaytonning hiylasi va gunohning uyasidir.

Shayx Muhammad Sodiq Muhammad Yusuf

@kuyovjora_maslahati

Uylanmoqchi bo`lsangiz yaxshi ayollarni axtarmang, balki yaxshi erkaklarni axtaring. Yaxshi erkaklarning uylarida yaxshi ayollar bo`ladi. Bu so`zning ma’nosini faqat ozchilikkina tushunadilar.

Qizlaringizni nazorat qiling, zero arslonlar qo`riqlagan daraxtga maymunlar osilmaydilar.

Imom Sha’roviy

@kuyovjora_maslahati

Nikoh kechasiga qadam qo`yayotgan kuyovbolaga maslahat.

Aziz birodar, nikoh kechasiga qadam qo`yar ekansiz, birinchi navbatda ko`nglingizni xotirjam qiling. Unutmang, bu kecha siz istaganingizdek o`tadi, atrofingizdagilar istaganidek emas. Buning uchun sizga quyida bir necha maslahatlar berib o`tamiz.

Tanmahramingiz va turmush o`rtog`ingiz sizdan ko`ra qattiq hayajonda. Siz o`zingizni qo`lga olishga qiynalayotgan bir vaqtda undan buni talab qilmang. Binobarin, siz yoki u tarafidan biror xato ish yoki noo`rin gap sodir bo`lishi tabiiy hol. Shuning uchun rafiqangiz tomonidan bo`ladigan bu kabi xatolarga befarq bo`ling, uni ma’zur tuting.

Odatda bu kechaga qadam qo`yishingizda sizga qarindoshlaringiz yoki turmush qurgan o`rtoqlaringiz tomonidan turli xil maslahat va yo`llanmalar beriladi. Bularning barchasidan kerakli foydani oling, lekin shuni unutmang, ular o`z tajribalaridan kelib chiqib maslahat bermoqdalar. Har bir insonning birinchi kechasi boshqalarnikiga o`xshamaydi. Sizning bu kechangiz ham aynan ular aytganidek o`tishi shart emas.

Aslo va aslo jufti halolingiz huzuriga kiriboq, unga qo`pol muomala qilmang. Unga qo`ldan kelganicha yumshoq va muloyim munosabatda bo`ling. Unutmang, muloyimlik har bir ishda maqtovga loyiqdir.

Inson hayotidagi birinchi jinsiy aloqa inson o`zini ruhan tayyorlab, qalbi xotirjam bo`lib, er-xotin o`rtasida shirin suhbatlar bo`lib o`tganidan so`ng bo`lsa, hayotingizning bir umr unutilmaydigan bir lahzasiga aylanadi. Shuning uchun ayolingiz jinsiy yaqinlikka ham ruhan, ham jismonan hoziru-nozir ekanini his qilmaguningizcha yaqinlik qilishga shoshilmang. Rafiqangiz balki shu kechaning o`zida bunga tayyor bo`lar, balki bir necha kundan so`ng. Shuning uchun aslo va aslo shoshilmang. Shariatda birinchi kunidayoq yaqinlik qilish shart yoki afzal degan gap yo`q.

Unutmang, agar birinchi yaqinlik, ayol ruhan tayyor bo`lmasa-da, “erkak”ligingizni ko`rsatib qo`yish uchun zo`rlash va kuch ishlatish kabi qabih suratda kechsa, bu voqea ayol xotirasiga eng xunuk holat bo`lib muhrlanadi. Ayolning his-tuyg`ularini inobatga olmaydigan, bu kabi “erkak”lik asosida boshlangan munosabatlar uzoqqa bormaydi.

Bu kecha rafiqangiz sizdan tabassum bilan boqish, hazil, muloyimlik bilan quchoqlash kabi ishlarni kutadi. Uni bunday tuyg`ulardan mahrum etmang.

Darhol jinsiy yaqinlik qilishga shoshilmang, sabr qiling. Ko`z, lab, burun, quloq kabi har bir a’zolarga o`z haqqini bering.

Yoringizda jinsiy yaqinlikka bo`lgan istakni orttiring. Toki ayolingiz to`liqligicha taslim bo`lsin. Uning ko`nmasligi ich-ichidan istasa-da, hayo qilganidan tortinayotgani sababli bo`lsa, unda biroz yordamlashishingizning zarari yo`q.

Imkon bo`lsa, to`ydan keyingi bir necha kunlaringizni ayolingiz bilan xoli va tinch joyda o`tkazishingiz maqsadga muvofiq bo`ladi. Bu o`rtangizda bir-birlaringizga bo`lgan mehr-muhabbat oshishiga hamda bir-biringizni tushunib olishingizga yanada yordam beradi. Alloh taolo baxtli hayot va solih farzandlar nasib etsin!

Shu bilan nikoh kechasi odoblari va yaqinlik qilishga oid masalalarga yakun yasaldi. Alloh barchamizni haq yo'ldan adashtirmasin.

Yaqinlik qilishga oid masalalar.
5) Xotin bilan o`ynashish.

Erkak kishi ayoli bilan o`yin-kulgu qilib hazillashishi maqtovga loyiq xislatdir. Ba’zi insonlar xotinga jiddiy muomala qilishni haqiqiy erkaklik deb hisoblashadi. Bu juda ham noto`g`ri tushuncha. Chunki Jobir roziyallohu anhu yoshi katta beva ayolga uylanganida Rasululloh Sollallohu Alayhi Va Sallam unga: “Sen bilan o`yin-kulgu qiladigan bokiraga uylanganingda bo`lmasmidi?!” – deganlar. (Buxoriy va Muslim rivoyati).

Demak, er-xotin o`rtasida mana shunday o`yin-kulgular bo`lib tursagina er-xotinlik rishtasi mustahkam, o`rtadagi hayot farovon bo`ladi. Aks holda, er-xotin o`rtasidagi iliqlik risoladagidek bo`lmagani bois, arzimas sabablar tufayli hayot buzilib ketishi hech gap emas.

Shuningdek, er jinsiy yaqinlikdan oldin, xususan birinchi kechada ayolini quchib-o`pish kabi ishlar bilan undagi istakni yanada orttirishi kerak. Zero, ayolning jinsiy yaqinlikdan oladigan lazzati erkaknikidan farqli o`laroq, yaqinlikdan oldingi mana shunday ishlarning qanchalik mukammal bajarilishiga bog`liq.

@kuyovjora_maslahati

Yaqinlik qilishga oid masalalar.
4) Junub holatda uxlash.

Junub holatida g`uslsiz uxlamoqchi bo`lgan kishi uyqudan oldin tahorat olishi mustahab. Umar roziyallohu anhu Rasululloh Sollallohu Alayhi Va Sallamdan: “Junublik holda uxlashimiz mumkinmi?” – deb so`raganida u zot: “Ha, tahorat olsa uxlayveradi” – deb javob berganlar. Boshqa rivoyatlarda “agar xohlasa” degan qo`shimchasi ham bor. Shundan bilib olamizki, bu tahorat mustahab, junub holatida tahorat qilmasdan uxlagan kishi gunohkor bo`lmas ekan.

Shuningdek, ba’zi odamlar junub insonga najosatdek qarashadi. Hatto kelini junub holatida pishirgan ovqatlarni emaydigan qaynonalar ham yo`q emas. Bu noto`g`ri tushuncha. To`g`ri, junub inson g`usl qilmagunicha ba’zi bir ishlarni qilishi mumkin emas. (misol uchun namoz o`qish, quron ushlash va o`qish mumkin emas) Lekin bu uning najosat bo`lganiga dalolat qilmaydi. Xuddi mana shu tushuncha Abu Hurayra roziyallohu anhuda ham bo`lgan. U junub holatida Rasululloh Sollallohu Alayhi Va Sallamning huzurlarida o`tirishni istamagani uchun chiqib ketib, g`usl qilib kelgan. Rasululloh Sollallohu Alayhi Va Sallam nima sababdan huzurlaridan ketib qolganini so`raganlarida Abu Hurayra roziyallohu anhu: “Junub edim, sizning oldingizga bu holatimda o`tirishni istamadim” – deganida Rasululloh Sollallohu Alayhi Va Sallam: “Subhanalloh! Abu Hurayra, mo`min kishi hech qachon najas bo`lmaydi” – deb, Abu Hurayra roziyallohu anhuning bu tushunchasini to`g`rilab qo`yganlar.

@kuyovjora_maslahati

Yaqinlik qilishga oid masalalar.
3) Ikki yaqinlik o`rtasida tahorat qilish.

Inson ayoliga bir marta yaqinlik qilganidan so`ng, ikkinchi marta yaqinlik qilmoqchi bo`lsa, o`rtada tahorat olishi sunnat. Bu haqda Rasululloh Sollallohu Alayhi Va Sallam: “Agar birontangiz ahliga yaqinlik qilsa, so`ng qayta yaqinlik qilmoqchi bo`lsa, o`rtada namozga tahorat olganidek tahorat olsin” – deganlar.
(Muslim rivoyati).
Abu Nuaym rivoyatida esa: “Chunki bu uni tetiklashtiradi” – degan qo`shimchasi ham bor.

Agar tahorat o`rniga g`usl qilib olsa, nur ustiga nur bo`ladi. Bu haqda Abu Rofe’ roziyallohu anhu shunday deydi: “Bir kuni Rasululloh Sollallohu Alayhi Va Sallam ayollarini aylanib chiqdilar. Har birinikida g`usl qilar edilar. Men: “Yo Rasululloh, birato`lasi hammasi uchun bir marta g`usl qilib qo`ysangiz bo`lmaydimi?!” – deb so`ragandim, u zot: “Bo`ladi, lekin shunisi yanada yaxshiroq va pokizaroq” – deb javob berdilar”
(Abu Dovud rivoyati).

@kuyovjora_maslahati