خواطر سودانية 💚🌻

-
‏﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾
‏- سُبحان الله .
‏- الحَمد لله .
‏- لا إله إلا الله .
‏- الله أكبر .
‏- لا حَول و لا قوة إلا بالله .
‏- سُبحان الله و بِحمده .
‏- سُبحان الله العَظيم .
‏- أستغفِرُ الله الْعَلِيُّ الْعَظِيم وَأَتُوبُ إِلَيْهِ.
-لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ.
-اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ.
-يا مقلِّبَ القلوبِ ثَبِّتْ قلبِي على دينِك. ❤️

أُشهدُ الله أني راضية تمام الرِضى بكل قضَاءه و قدره .. فقط أنزل علي معه لطفك ورحمتك وبركتك .. لا حول ولا قوة الا بالله ❤️

.

أموال أكثر فى الخليج، لكن الحياة أفضل فى أوروبا، والعلم والتقدم أكثر فى امريكا، والأهل والأصدقاء والأحباب فى وطن مُتهالِك لا نرضى عن حاله.

هكذا نصارع الحياة، فنترك أشياء من أجل أشياء، لا نعلم أيهم أهم ما نترك أم ما نحاول أن نُدرك.
ثم بمرور العمر نكتشف أننا نريد أن نُدرك ما تركنا أو نترُك ما أدركنا.
قد يكون بعضًا من كل شيء أفضل من إدراك البعض وترك البعض. و لكن علي أي حال، نحتاج إلى الرضا أكثر بكثير من إحتياجنا للأشياء التى حولنا.

-‌ د.أحمد خالد توفيق

#الاسكندر

.
🚫زهايمرات🚫

من علامات (الزهمره) أن جاز التعريف :
تكون شايل موبايلك فى ايدك وتقلب البيت فوق تحت تكوس ليهو!!!

ومن علامات التعمق فى الزهمره. ...تتصل منو على مرتك العند ناس أبوها:
..الو.. ضحى...ياخى انا مليون مره كلمتك. .قلت ليكى لما تجى تضايرى البيت دا. ...حاجاتى ما تهبشيها. ......ساعه كامله كايس لى موبايلى وما لاقيهو! !!! هسه طفشتى لى وين؟ ؟؟؟

واحد ذكر انو فى لحظات زهمره عابره:(دخل السندوتش فى جيبو. ..وقرم الموبايل😃😃)

وواحد تانى يحكى عن زهمره جماعيه. ..
ابوهم لابس النضارة وبفتش عليها والبيت كلو يفتش معاهو! !!!

وواحد مزهمر قاعد فى البيت متابع برنامج فى التليفزيون. . والوقت ضايق.. ماشى لى رفع عزا..قال: شلت الريموت قايلو تلفونى ووصلت بيت العزا. ..بعد صلاة المغرب قلت اضرب لناس البيت اقول ليهم حاتاخر شويه. ...دخلت ايدى فى جيبى....أفو!!!

😩😩 ..

واحد مزهمر....شرب من سبيل وشال غطاية السبيل ومشى ركب حافلة المواصلات. .والركاب يعاينو ليهو...زول نضم معاهو مافى. الكمسارى جا داير حقو. .زولك لقى نفسه شايل ليهو صينيه مصقره وحاضنه. ..فكاها ضحكه عاليه. ....الركاب ما استغربو لانو صنفوهو مجنون من ما ركب الحافله😃😃

وهاك بعض حكاوى عن (مزهمرات):

واحده لابسه فردة شبشبه فى كراعا والتانيه شايلاها فى أيده وبتضرب بيها ولده وتقول ليهو:وديت فردة الشبشب وين؟ ما تقول لى ما عارف. ..هسه دى كنت عامله عربيه وسايقه! !!!!

كنت أتوقع الولد يقول ليها يا امى...حجزوها ناس المرور عشان ما مرخصه😂😂😂😂

واحده مزهمره قالت:
(مره بعمل فى الفطور.. كسرت البيض فى سلة القمامة وختيت القشر فى الطوه)!!!!!!!!!

وواصلت:... (عادى بشيل الحله أكون عاوزه أدخله التلاجه، أدخل بيها الاوضه وألقى نفسي بكابس فى باب الدولاب)!!!!!

المشكلة تفتح الدولاب تلقاهو مسخن تقول:..يا ساتر. ..التلاجه باظت كمان! !!!!!!!!

#مساء_الخير

#الاسكندر

قبيل ومن موقف حصل لي.. وقتها استوعبت اني فعليًا ما بعرف أكره .. مهما الزول أذاني و المفروض أكرهو و فعلا أفتكر اني كرهتو بسبب أذيته و مواقفه السلبية .. اول ما يجي يعتذر واحس انو ندمان كأنو جاب مَسّاحة و مسح بيها الموقف .. لأني بلقى نفسي طوالي سامحتو من كل قلبي و برجع اتعامل معاه عادي بطريقة تحير بالرغم انو قبلها بكون قررت انو لو بقى قبلة ما أصلي عليه 🤣👏 و في كتير من الأحيان بخاف حتى أحكي للناس القريبين لي اني سامحته عشان مرارتهم ما تتفقع مني 😂..
لحدي ما لاقاني الاستوري دا هسا وفرحني.. أتمنى اني أكون في التصرفات دي بقتدي بالرسول صل الله عليه وسلم وربنا يكتبها لي ولكل البعملها أو بحاول يعملها أجر و يعظمه ان شااء الله ❤️..
لو وصلت لهنا صلِ على حبيبك وسامح من ظلمك لوجه الله تعالى وانتظر الخير الراجيك من الله ❤️
#زُبيديات

يارب أكون دايمًا في المكان الصح
مع الناس الصح
وفي الوقت الصح
دايمًا اكون في مكان بحترمني و بعزني و بعرف قيمتي كويس و بعرف يحافظ علي ، ويفرش لي كل سبل الراحة والرضى لأرضى ،
دائمًا اكون مُدللة يُنظر لكلامي بعين الإعتبار و أُعامل كأميرة لا يُرد لها طَلب ، أن أعيش في بيئة تضيف لي ولا تخصم مني، اللهم إختَر لي ولا تُخيرني ،
يا عزيز أعزني ولا تذلني ،


اللهم نحنُ عزيزَ قومٍ نسألُ الله ألا نُذَل ❤️
#زُبيديات

حفيدة مهيرة بت عبود ..
خُلقَت فارسة ، تمطتي جودًا أصيلا ، وتحمل بيدها سيفًا حاد يلمع في الظلام ، دائمًا ما تخوض به المعاركة الصعبة ببسالة .
والجدير بالذكر أنها لا تُحارب إلا في معارك تستحق ولأجل من يستحق ولأجل هدف سامي ..

لذلك فإنها دومًا تنتصر ❤️
#زُبيديات

.

إنسان اليوم المادي يتصور أن "الرزق" الذي تتكلم عنه الكتب السماوية هو المال، وينسى أن العقل والحكمة والصحة واستقامة الضمير والصبر على المكاره هي أرزاق أعظم وأكبر في قيمتها من المال الذي ينفد ومن العملة التي تفقد قيمتها والمتاع الذي يبلى.
وهو ينظر بنظرة مادية تشريحية إلى كل شيء ويفقد القدرة على الرؤية الكلية والنظرة الشمولية التي تهدي صاحبها إلى الحكمة والاستنارة...

#الاسكندر

بخاف جدًا من المشاعر وعارفة انها الشي الوحيد الممكن يهزم أقوى وأعتى بني ادم ..
لأن الانسان ممكن يتحكم في كل شيء إلا عواطفه! دي الحاجة الوحيدة الممكن يفقد السيطرة عليها مهما إدعى العكس ..

ما بالك لما يكون الزول دا حساس و مرهف الأحاسيس زيي و دون مبالغة ..
رحم الله امرء عرف قدر نفسه ،
ولهذا السبب أنا طوال السنوات الفاتت ومن اللحظة الأولى السمعت فيها عن الحب لما كنت في المرحلة الثانوية ..
شفتو عند صحباتي و شفت قدر كيف الحب بخلي الواحد ضعيف..
ولما كنت بطبطب عليهم و بمسح دموعهم من اللحظة ديك أنا قررت إني حااحفظ نفسي من هذا الفخ اللذيذ 😂
وأجاهد نفسي نعم أجاهد نفسي لأنو الموضوع أبدا ما كان ساهل ! وكل يوم المهمة بتصعب علي جدا ..

وطبعا وبدوام الحال كل مالانسان يقرر يهرب من حاجة حتتحداه زيادة وتبقى ليه زي الكابوس يلاحقو في اي مكان يمشيه .. ودا الحصل والحاصل معاي ..

ولهذا السبب تحديدا انا بكتب في الكلام دا عشان اختو قدامي و اقول لزبيدة ولاي بت قررت قرارها انها ما تضعف وما ترضخ .. وانو ايوة الموضوع ممكن يكون صعب .. بس ابدا ما مستحيل ..

واقول الجملة الدايما بقولها و مقتنعه بيها جدا انو "من تعجل بشيء قبل اوانه عوقب بحرمانه" ونعوذك ياالله ان نحرم بسبب استعجالنا من لذة الحب الحلال..

لذلك ضعي يدك في قلبك الان ورددي "هذا القلب مغلق بالكامل و لا يفتح الا بالحلال" .
#زُبيديات

.

يومًا ما.. ستخذل من الذين جعلتهم الخيار الأول بحياتك ، وستتيقن بأن الحياة لن تعطيك كل ما تحب ، وأن الأحلام ببساطة قد تُخالف خطوات سيرك ، وأن الأيام ستمضي لتجعل منك شخصًا جديدًا أقصى أمانيه أن يجد سلامًا داخليًا وحسب ... يومًا ما ستتغير أولوياتك ، رغباتك ، ومجرى تفكيرك ، إثر موقف واحد فقط ..! وهذه حقيقة لن يفهمها إلا من مرت به التجارب وصفعته الحياة!!

مساء الخير ✋

#الاسكندر

.

- ما تتضايقوا و لا تندموا عشان طلعتوا من مدنكم وبيتكم حفاظاً على أرواحكم .. الرسول صلَّى اللَّهُ عليهِ وسلَّمَ كان بحب مكة شديد ، بس وقت زادت عليه أذية قريش ربنا أمره بالهجرة .. و هو طالع منها عليه الصلاة و السلام وقف على الحزوَرةِ فقالَ:
"و اللَّهِ إنَّكِ لخيرُ أرضِ اللَّهِ، و أحبُّ أرضِ اللَّهِ إلى اللَّهِ، و لولا أنِّي أُخرِجتُ منكِ ما خرجتُ " (صحيح الترمذي ).

وربنا بعدها بشره بقوله تعالى :
" إِنَّ الَّذِي فَرَضَ عَلَيْكَ الْقُرْآنَ لَرَادُّكَ إِلَىٰ مَعَادٍ ۚ "🤍..

فاللهم و نحن .. و نحن يا الله 🤲..

الدعوة الثابتة !
"أللهم أعدهم لمنازلهم و هُون عليهم و على قُلوبنا وحشة البُعد و غفر لنا و عفى عنا لحظات عدم الصبر و التشاؤم و التجزع و ربط على قلوبنا و جعل الأمل فينا حيَّاً باقياً "
اللهمّ حنانًا منكَ يلملم شتاتنا و يملأُ فراغَ قلوبِنا 🤍.
آمين 🤲🏻..

#الاسكندر

مليشيا الدعم السريع تستبيح قرى شرق الجزيرة وتحديداً قرية صفيتة الغنوماب وقرية الصقيعة وقرية العزيبة ورفاعة .
بلغ اجمالي الوفيات أكثر من ٢٠ شخص ومن ضمنهم نساء واطفال وكمية من الجرحى والمصابين فقط في قريه صفيته الغنوماب أكثر من ٢١ والأسرى بلغ عددهم ١٧ من الشباب.
ونفذت كل الزخيره التي كانت بحوزتهم أصبحوا لاحول لهم ولا قوه

*نناشد قوات الجيش بالتدخل السريع لحل هذه الانتهاكات بحق الشعب .*

الوضع مأساوي جداً
ضاق الخناق
الجزيره نزفت كتييير المواطن ما عندو ذنب
الجثث أصبحت في الطرقات

#انقذو_شرق_الجزيره
#الدعم_السريع_مليشيا_ارهابيه
#انقذو_الصقيعة
#انقذو_العزيبه
#انقذو_صفيتة

العالَمُ بوابَةُ القصَصْ..
كم من وجهِ ضاحِك لو دقَّقت النظر أكثر لوجدته يحمِلُ بين طيّاتِه ألفَ وجعِ وهم!
هذه هي الحياة..
مليئةٌ بالتحديات والصعوبات ،
لا تنفك تتخلص من عُقدةِ واحدة منها حتى تغرق إلى أخمص قدميك في أخرى!
طلب أو تمني أن تكون حياتنا سهلة ..
هي ضرب من ضروب المستحيل!
فلم تكن من قبل سهلة على أي أحد في الدنيا لتكون اليوم سهلة علينا..


ولكن يمكن أن نأخذها على محمل التحدي وأننا حتمًا سننتصر!
هذا سيضفي الكثير من المرح و التشويق.. رغم كل الصعوبات والدموع التي تُمسح بسرعة .. نُجددّ إيماننا بالله ، ونقول لها وبكل ثقة:

إفعلي ما شئتِ أيتها الحياة ،
فإنني بتوكلي على الله و عزيمتي ..
حتمًا سأنتصر !🩵
#زُبيديات

.

مهما بلغت من الوحدة عتيا ، إياك و إلقاء نفسك على أحد كأنه الجنة .

#جمعه_مباركه

#الاسكندر

.

‏مع الوقت ستنسى أسباب الخِصام
‏وتنقطع من ذاكرتك التفاصيل السيئة جميعها
‏وسيلازمك سؤال واحد لا يفنى:
‏هل كان يستدعي ما حدث كل ما حدث؟

‏_‏مصطفى محمود

#الاسكندر

.

شوف أنت عمرك كم و حصل ليك شنو في حياتك و وضع الصحي و المادي
بعداك حتعرف موقعك من الحكمه ، القوة ، مكانك من الله
حجمك و ثناء الناس عليك
السمعه الطيبه هي علامه تجاريه لأهل الآخره و ألماس أهل الأرض
المال يروح و تروح أنت
أما اقوالك ، افعالك ، علمك و صدقاتك ما بتروح يا حبيبي.

#مساء_الخير.

#الاسكندر

.

قصه اغنيه حبي انا ليك كان زادي ..
القصة بدأت في قرية وادعة من قرى الشايقية بين فتاة و شاب من نفس القرية كانوا في المرحلة الثانوية . نشأت بينهم علاقة حب عفيفة ، تواعدوا أنهم يكونو لبعض و عاشوا فترة من الحب الجميل مع الأيام ..

المهم الولد سافر و إنقطعت اخبارو و البت تشيل و ترفض في العرسان عشان منتظرة حبيب القلب ، المشكلة و الطامة الكبرى إنو أخونا دا كان عامل ليهو قصة حب تانية مع بت من إحدى القرى المجاورة ليهم
و الفتاة ما عارفة القصة دي و مفتكرة إنو الشاب مخلص ليها هي و بس .

مرت سنين و صاحبنا عمل ليهو قريشات و رجع القرية و هو يفكر في الزواج ،
الفتاة طبعاً فرحت بإنو فارس أحلامها رجع و حيجي يخطبها . في اليوم الرجع فيهو العصر البت مشت إنتظرتو على ضفاف النيل في المكان المتعودين يقعدو فيهو مع بعض زمان ...

إنتظرت و إنتظارها طال بيها لحدي المغرب و صاحبنا لا حس و لا خبر ..
زهجت البت و رجعت على الحلة ، و في الطريق سمعت صوت زغاريد و بدا قلبها يدق بشدة و أسرعت الخطى تمني النفس بإنو يكون سبقها على بيتهم و خطبها من أبوها ...

وصلت البيت و مافي أي خبر ، الزغاريد طالعة من بيت الشاب .. برضو العشم ما إنقطع و إفتكرت إنو صارح أهلو بانو دايرها و ناس بيتم زغردو .. و
هي بين الحلم و الحقيقة سمعت أبوها بيسأل في أمها و بيقول ليها.. إنت ياالحرم الزغاريد العند ناس حاج الضو دي شنو ؟ .. و ردت الحرم : دا وليدهم عادل رجع الليلة من البندر و قالوا خطب بت الحسن ود الأمين في حلة عباس ..

من المفاجاءة الفتاة سقطت مغمى عليها و ما صحت إلا في المستشفى ، و صاحبنا و لا هماهو عرس ، و المسكينة ذبلت زهور عمرها الضاع وراهو و هو ما حاسي بيها و لا بمعاناتها ..

حكت الفتاة قصتها للشاعر الرقيق علاء الدين ابسير و حلفت ليهو إنها تعاقب قلبها بإنو ما يحب بعد الزول الخدعها ده ، و إن شاء الله هو يكون سعيد و متهني .. فكتب القصيدة دى و كانت (حبي أنا ليك كان زادي) .. و تغنى بها الفنان عبدالرحيم أرقي .. واحدة من اجمل الأغنيات ...

كلمات أغنية:
(حبي انا ليك كان زادي) ..

الشاعر الرقيق (علاء الدين ابسير ) كتب القصيدة على لسان الفتاة المخدوعة و أبدع في تلحينها و أدائها بصورة رائعة و موثرة كما ذكرنا الفنان (عبدالرحيم أرقي) و كثيراً ما كانت الدموع تسيل عندما يشاركه الغناء الفنان (صديق أحمد):

حبي انا ليك كان زادي ** و كان جوه الحنايا دفين
كنت بضاري من الناس ** و خايفة عليهو من العين
عليه أنا كنت بصوم و أفطر ** عليه بكابد النارين
كت بحسب سنين الغربة ** لما تعود تجيني متين
نونس في براءة أطفال ** من الحب نروي ننهل زين
و كل مايوم يزيد البينا ** لما بقينا غاب قوسين

ثم تنتقل بعد وصفها للأيام الخوالى موجهة اللوم للحبيب بعد إكتشاف غدره:

أتاري أنا كنت فيك مخدوعه ** و كم من زيي مخدوعين
ما قايلاك تلعب بي ** تعيش اللحظه بس و الحين
ما قايلاك حبيب آلاف ** و قلبك قبلة للضالين
و ما قايلاك تنسى حبيب ** صبر راجيك ستة سنين
كيفن هان عليك تنساه ** زولاً كان عليك حنين
و تشغل بالك الأشواق ** لمن تزبل الياسمين
كنت داايراك وكت الحارة ** تبقى لى دخري خزين
و كنت دايراك مقنع حوبه ** وكتين المضاري يبين
و كنت دايراك فارس أحلام ** تشاركني و نتم الدين
و كنت دايراك شريك الروح ** أخدمك حافية القدمين
و كنت بحلمبك إنت معاي ** مجرتق بالعديل و الزين
و جنبك في شمالك قاعدة ** تسمع في دقر يا عين
تبشر زين مع الأصحاب ** و تتشبل من الوزين
و أنا الأبحرت راكبه الموج ** أكيد مرساي بين موجتين

ثم تدلف الحبيبة بعدها لوداع حبيبها و تواصل في ألم:

وداعاً ..
وداعاً ..
وداعاً ..

وداعاً ياسراب خداع ** محال ما بيروي عطشانين
وداعاً ياحلم عابر ** يسعد و يفرح النايمين
وداعاً ياكلام معسول ** حدو و مكمنو الشفتين
وداعاً ياقلب قساي ** لا بيحن و لا بيلين
وداعاً ياسحابة صيف ** شايله مطر ضليل و رهين
و تبشر بخريف جايينا ** ياما الناس رجوه سنين
و كل زولاً يفكر فيها ** ما معروفه تنزل وين

ثم تلتفت لقلبها و مكمن أشواقها مطيبه من خاطره:

و ألف سلامة عليك ياقلبي ** مسالم و ديمة طبعو حنين
يتاورو الشوق و يلعب بيهو ** تنحر في حشاه السكين
تعاودو الذكرى تنخر جوه ** و حالو يحنن المسكين

و تعود الحبيبة على لسان الشاعر في الأبيات التالية لعريس الغفله في أخر كلماتها له:

و أخيراً ليك ألف سلام ** قبل ما تجف دموع العين
و قبال مني ما تعدي ** و قبال الفراق ما يحين
بخيت و سعيد عليك ان شاء الله ** يبقالك عمار و بنين
و قلبي أنا خلى في أناتو ** بعدك ياما راجي أنين

و قمة الألم في ختام القصيدة حيث تقسم على قلبها ألا يحن ثانية:

لو كان يا قلب حبيت ** بعدو بعد حلفت يمين
إن شاء الله ما ينتم ليك مراد ** لا تضوق حلو لا زين
و عمرك ما تجيك سعاده ** ما تتهنا قول أمين
و تاني الحب عليك حرمان ** وعد الحر أمانه و دين.

#الاسكندر

بكرة يا الخرطوم تعودي جنة الدنيا ودلالها ❤️🇸🇩

.
#احدى_صديقات_القناه_قالت

انتو عارفين أكتر فئة مرتاحة من الناس منو ؟!
_ الناس الما بتحكي بتفاصيل حياتها لزول ، الناس العايشة معتمدة ع نفسها ، ما بتحب قرب الناس الشديد و في نفس الوقت ما متوحدة ، الناس البتنجز براها بدون مساعدة زول ، الناس المستحيل لو -قعدت معاهم سنة-يوروك اسرارهم تجاربهم الصعبة و الشي البفرحهم ، الناس الغامضة
تعرفو مرتاحين ليه..
لانو مافي زول في الحياة دي يقدر يكسرهم او يخذلهم لانهم ما عندهم زول اصلا !..


#الاسكندر

.

خلونا نتفق إنو العلاقات للأشخاص السويين، نفسياً الناضجين فكرياً، زول عارف نفسه عايز شنو، وبعمل في شنو، مُدرك تماماً إنو كل ماهو متبادل مستمر، الحياة أخد وعطاء، والغلطان يعتذر سواء كان إنت أو هي.
الحب م كل حاجة، التقبل، الإحترام، والحِنية هم الأساس.
سوي نفسياً أولاً
ملتزم ثانياً
حنين تالثاً
طموحاً رابعاً
مُحباً خامساً
أكتر حاجة بتخطف القلب الوسامة العقلية والإحترام، أما الشكل دا ربنا ما خلق فينا زول م حِلو ،كُل واحد فينا جميل ومميز بإختلافه (ولقد خلقنا الإنسان في أحسن تقويم).
فالحياة دي حِلوة، بس عايزة توازن وكيف نعرف نعيشها صح♡•

#الاسكندر

.

من يحبك من أجل شكلك سيرحل ، أما من يُحبك من أجل روحك فسيرحل أيضًا ، ويبقى فقط من يحبك من أجل المصلحة . .🌝

#الاسكندر

سلام سلام سلام😍💫
سلام عليكم ورحمة الله وبركاته 🪻
الليلة جيتكم بخبر ظابط ظابط ظاابط لمن بهناك😍💫

حاسة نفسك ضايعة ومشوشة؟! ، وحيدة ومسكينة؟! ، كئيبة ومشتتة؟!
بتقطعي صلاتك!، يوم تصلي وعشرة لأ؟!
بتصلي لكن بدون خشوع؟ ، ونفسك تخشعي فـِ صلاتك؟!
عايزة تلتزمي فـِ حياتك وما عارفة تبدي من وين؟!

كل ما يخص صلاتك ، أذكارك ، وردك القرآني ، صيامك ، إلتزامك بالزي الشرعي ، صلاحك ، ووو كل د وأكتر فـِ بودكاست حديث القلوب مع تسنيم النور💜🫀
يدي فـِ يدك ومع بعض للجنة بإذن الله😍❤‍🩹.

حنعمل تحدي الـ40يوم وبإذن الله بعدو ح نطلع غييير ح نطلع أكتر نضجا🥰 ، اكتر إلتزاما😇💜🫀.

مع بعض ح تلتزم ، ح نتونس ، ح نفرفش ، ح نضحك ، ح نتغير للأفضل ، ح ندخل الجنة سوى ان شاء الله💜🫀.
كلامنا من القلب للقلب🫀😇
كللل ما يخص الزمردة المسلمة ح تلقيه فـِ القناة
🫀يلا تعالي وجيبي صحباتك (صحبااااتك) يا سكر يعني بنوت بس ألماسات وزمردات بس وفراشات بس "اتفقنا" 💎🦋 ارح نشير على أوسع نطاق بنقدرو😇🫀

بودكاست حديث القلوب من كل مذاق رشفة ،لا معايير ،ولا مواضيع محددة ، لكن الأكيد هنا كثير من المتعة والبهجة والفائدة💜.

الرد تسجيل صوتي فـِ الخاص عشان نتاكد انك بنوتة واستلمي اللينك
ح اخلي ليكم كومنت تحت باسم الـتسنيم.. أهلا وسهلا بكن💜🪻

.

نصيحتي ليك اوعك تغير مشاريعك و خططك عشان شخص قبل ما ترتبط بيه رسمي و يتقفل عليكم باب…

خطه انت واضعها لحياتك و داير تطبقها لمستقبلك من شغل او دراسه او سفر فجأة يجيك ناطي واحد/ة في حياتك داير يتونس و يبرمج و انت فاكره جادي…

عشان بعد كم شهر يجيك يتجنن عليك و داير يمشي عشان لقي ليه شخص يبرمج بيه تاني… و انت تسف التراب…

اقول ليك حاجه بعد العرس ذاااته ما تغير مشاريعك لشخص.

#مساء_الخير.

#الاسكندر

.

إذا أغلقت الأبواب جميعها في وجهك فإن باب الله مفتوح لا يغلق أبدا حتى إذا ضاقت بك كل الأركان فإن ركن الله حتما باق ولا يضيق أبدا.

#صباح_الخير

#الاسكندر

إتخيل بعد كل المُعافرة دي والعلاقات الفاشلة تقابل زول يكون زي ما أُم كلثوم قالت : "صالحت بيك أيّامي ، سامحت بيك الزمن " ويكون لسه عندك طاقة إنك تديه حُب تاني وتعمل معاه اللي ما إتعمل مع زول قبله وتقول ليه "الّليالي الحلوة والشوق والمحبة ، من زمان والقلب شايلهم عشانك" ♥️

#الاء_عصام

" بعد الفراق ما عُدت تاني تهمنا.."

=حافضل أقول دائماً " البيحب ما بيمشي"..
النقاشات والمشاكل فرع أساسي في أي علاقة.. بس " البُعد" عمرو ما كان الحل..
مدام أنت رفعت الرأيه البيضاء واستسلمت ومشيت فأنت تاني ما بتهمني.

"الإنسان القادر يسيب إيدي مرة. حيسيبة ألف مرة.! "

= قررت تفارق قلبي ورميت كل "اللوم" عليهو..
وحلفت إنك ما حترجع تاني..
وإنو قلبي عمرو ما كان ضمن أولوياتك..
وكل المشاعر ديك كانت مجرد " وهم"..
عشمت قلبي فيك.. وراهنت إنك حتبقي ليهو السند ..
وجيت أنت في لحظة أثبته إني" خسرانه "

وهسي جاي تقول" خلينا نرجع"!

=من أعظم اغاني" محمود عبد العزيز " لما قال :

"بعد الفراق ما عُدت تاني تهمنا..
إيه الحصل تكتب جواب مضمونة أنت تذمنا..
ما قلت في ساعه الوداع مافي أمل حيلمنا..

= قلبك ومشاعرك ما بتهمني...
قلبك الهسي بيقول إنو "بيحبني" هو نفسو القال" إني ما أستاهلو "
وأخد عيوبي" سلاح " وواجهني بيهو..!

" حقيقي يخوانا لما مشاعرنا" تتهان " ونحس إننا " مهمشين" في علاقه من المفترض نكون فيها" أولويه "... لما تبعد ما حتهمني تاني .. عشان عارفة واثقه إني ما" الطرف الندمان "..

#وفي_النهاية..

"عايشين على ريدك سنين في لحظه بس جيت خُنتنا..
أية الحصل تكتب جواب عايزنا نواصل ودنا.!"

= وأنا بقول ليك :

" زي ما رميت كُل حاجة وراك ومشيت..
أنا محيتك من قلبي.. ولا أسفاً عليك.. ❤️!

صباح
#الاء_عصام

السلام عليكم ورحمة الله وبركاته
حياكم الله وإلى لقاء جديد من #ملخص_ليل_السعداء💜☁️
الحلقة الرابعة #رَوِّح_رُوحَك
كان الرسول صلى الله عليه وسلم  يقول لبلال (أرِحنا بها يا بلال)  🥹💜
للأسف كتير مننا بقول ارحنا منها عشان مستعجل لاحق الشغل لاحق المسلسل لاحق لاحق لاحق😞.
(يمكن الحلقة تكون اكترها عن صلاة التراويح.. تقريبا لأنو الشيخ أدى محاضراتو دي فـِ شهر رمضان)
صلاة التراويح سُنة ثبتت عن النبي قولا وفعلا  ، سموها تراويح لأنو برتاحو فيها بعد كل أربعة ركعات   ،  والتراويح هو قيام أول  الليل فـِ شهر رمضان  ،  السيدة عائشة سألوها كيف كانت صلاة الرسول  فـِ  رمضان فقالت (ماكان صلى الله عليه وسلم يزيد  في رمضان ولا  في غيره على احدى عشرة ركعة   ،  يصلى اربعا فلا تسأل  عن حسنه و طولهن ثم يصلي اربعا فلا تسأل  عن حسنهن وطولهن ثم يصلي ثلاثا)  يعني برتاح بعد كل أربعة ركعات🪻  ،  والنبي صلى الله عليه وسلم  كان يصلي الوتر ركعة واحدة زي ما قالت السيدة عائشة  (ويوتر بواحدة).
والنبي صلى الله عليه وسلم  قال (صلاة الليل مثنى مثنى)  يعني  ركعتين ركعتين 🪻.
= بالنسبه للعدد هل ضروري ألتزم بالـ11ركعة ديل؟ 🤔
طيب..  أكيد  طبعا  أحسن  شي نتبع الرسول بس لو حبيتي تزيدي ممكن عادي تزيدي وتختمي بالوتر💜🪻.
= الرسول صلى الله عليه وسلم م كان بصلي بالمؤمنين طوول الشهر ليه؟! 
لأنو  كان خايف انو لو صلاها ع طول تُفرض علينا عشان كدا كان بقيم بيهم أيام  وأيام  لأ أما  بعد موتو الصحابة كانو بقيمو كل الشهر لأنو  طبعا بعد وفاة النبي صلى الله عليه وسلم  انقطع الوحي💜🪻.
وكان أكتر م يجتهدو فـِ  العشرة أيام  الأخيرة     لأنو  فيها #ليلة_القدر فقد قال سيد الخلق صلى الله عليه وسلم  ( من صام رمضان ايمانا واحتسابا غفر له ما تقدم من ذنبه  ومن قام ليلة القدر ايمانا واحتسابا غفر له ما تقدم من ذنبه)  💜🪻.
خلونا نجتهد فـِ  عبدة ربنا  ،  ونجتهد فـِ  القيام 💜🪻.
وإلى لقاء جديد في هذا الليل السعيد 🪻💜.
#ملخص_ليل_السعداء
(｡◕‿◕｡)
#الـتسنيم

السلام عليكم ورحمة الله وبركاته
حياكم الله وإلى لقاء جديد من #ملخص_ليل_السعداء💜☁
الحلقة التالتة الــگان عنونها #خير_الهَدِي

طبعا كلنا عارفين انو خير الهدي هدي محمد صلى الله عليه وسلم قال تعالى (( لقد كان لكم في رسول الله اسوة حسنة لمن كان يرجو الله واليوم الآخر وذكر الله كثيراً))
فعايزين مع بعض كيف كان هدي حبيبنا صلى الله عليه وسلم فـِ صلاتو وصيامو ووترو ووو.... لانو قدوتنا ولانو قال (صلوا كما رأيتموني أصلي) والعايز يعيش سعيد م حيلقى قدوة أفضل من النبي صلى الله عليه وسلم.
من الحاجات المهمة البتعين على قيام الليل
💎 أول حاجة النية.. يعني قبل م تنوم تنوي انك عايز تقيم فـِ حديث السيدة عائشة رضي الله عنها قالت قال رسول الله : (ما من امرئ تكون له صلاة بليل فغلبه عليها نوم إلا وكتب الله له اجر صلاة وكان نومه صدقة عليه) يا سلااام يعني اذا نويت و م قدرت تقوم م بدوك اجر الصلاة وبس كمان نومك يكتب ليك صدقة يااا كريم يا الله🥹❤‍🩹.
💎الحاجة التانية لم تصحى من النوم أمسح النوم عن وجهك وتذكر ربنا وتتسوك فقال صلى الله عليه وسلم :( من تعارّ من الليل "يعني صحى" فقال لا إلهَ إلاّ الله وحده لاشريك له له الملك وله الحمد وهو على كل شيء قدير الحمد لله وسبحان الله والله أكبر ولا حول ولا قوة إلا بالله ثم قال اللهم أغفر لي أُستجيب له فإن صلى قُبلت صلاته) يالله😭❤‍🩹 حاجة ساهلة شديـد صح.. بدون تعمل أي حاجة تقول بس 💜.
💎 تالت شي للعايز يتهجد بالليل يفتتح تهجدو د بركعتين خفيفتين زي م النبي صلى الله عليه وسلم كان بعمل.. السيدة عائشة رضي الله عنها قالت:(كان رسول الله اذا قام بالليل ليصلي افتتح صلاته بركعتين خفيفتين) 💜
💎الحاجة الرابعة يستحب انو يكون التهجد فـِ البيت قال صلى الله عليه وسلم :(فعليكم بالصلاة في بيوتكم فإن خير صلاة المرء في بيته إلا المكتوبه) يعني أي صلاة غير الصلوات الخمسة المفروضة يستحب انها تكون وين فـِ البيت💜
💎الحاجة الخامسة .. لو الواحد غلبو النعاس يعمل شنو؟!!! طوالي ينوم لحدي م يحس نفسو شوية ارتاح والنعسة طارت يقوم يواصل صلاتو و د من الرفق بالعباد💜💜 ، قال صلى الله عليه وسلم :( اذا نعِس احدكم فـي الصلاة فليرقد حتى يذهب عنه النوم فإن احدكم اذا صلى وهو ناعس لعله يذهب يستغفر فيسب نفسه) يعني بدل م تصلي تقعد تلوم فـِ نفسك وكدا.
💎الشي السادس نختم التهجد بالوتر فقال الرسول الكريم:(اجعلو آخر صلاتكم بالليل وترا) .. وهنا #عايزة_أوضح_حاجة
اذا صليت الوتر مع العشاء فتاني بعد القيام م ح تصليهو ليه؟!! لأنو (لا وتران في ليلة) اتفقنا😇🤝
الحاجات الستة القلناها دي من هديه صلى الله عليه وسلم ومن هديه كذلك
💎 يحتسب النومة والقومة عشان يتقوى ويقدر على قيام الليل

ممكن عادي نصلي على النبي صلى الله عليه وسلم فـِ نهاية القيام.
وممكن ندعي فـِ الوتر بعد الركوع "يعني لم نرفع راسنا من الركوع ممكن ندعي أول حتى بعدين نسجد" "دعاء القنوت" .

نسأل الله أن يجعلنا ممن يستمعون القول فيتبعون أحسنه.. وإلى لقاء جديد من هذا الليل السعيد 💜.
#ملخص_ليل_السعداء


(｡◕‿◕｡)
#الـتسنيم

السلام عليكم ورحمة الله وبركاته
اهلا وسهلا فـِ  #ملخص_ليل_السعداء💜☁
الحلقة الثانية التي أتت بعنوان #شرف_المؤمن✨
حنتكلم فيها عن فضل قيام الليل وفضايلو كتيــرة كتيرة شديد  و د جزو منها💜↓
°°
ربنا سبحانه وتعالى قال ((والذين يبيتون لربهم سجدا وقياما))  💜
وقال لنبيه صلى الله عليه وسلم ((ومن الليل فاسجد وسبحه ليلا طويلا))💜
وقال تبارك وتعالى ((ومن الليل فتهجد به نافلة لك عسى ان يبعثك ربك مقاما محمودا))💜
وقال ((أمن هو قانت آناء الليل ساجدا وقائما يحذر الاخرة ويرجو رحمة ربه))💜
وايات تانية  عظيمة  وكتيرة💜🍂
°°
قال صلى الله عليه وسلم ( افضل الصيام بعد رمضان شهر الله المحرم وأفضل الصلاة  بعد الفريضة صلاة الليل)  💜
عبد الله بن سلام قال  «أول ما قدم رسول الله صلى الله عليه وسلم  المدينة إنجفل الناس إليه فكنت فيمن جاءه، فلما تأملت وجهه واستبنته عرفت ان وجهه ليس بوجه كذاب-- يعني لم الرسول ج المدينة الناس كلها جرت عليهو وعبد الله د كان معاهم فقال لم شفت وشو عرفت انو الوجه د م وش زول بكذب-- فكان أول شي قالو ليهم أفشو السلام واطعمو الطعام وصلو الارحام وصلّو بالليل والناس نيام تدخلو الجنة بسلام))  ،  يعني او عملتو الأربعة حاجات الوصيتكم بيها دي ح تدخلو الجنة 🥹💜.

بعدين فـِ الجنة  فـِ غُرف'أُوض' مُعدة للناس البتقيم الليل 🥹💜❤‍🩹😍.. زي م قال النبي صلى الله عليه وسلم (فـِ الحنة غرفة يُرى ظاهرها من باطنها وباطنها من ظاهرها   "من شدة حلاوتها واضاءتها والبهجة الفيها" فسألو أبو مالك الاشعري لمن هي يا رسول الله😍؟! فقال لمن أطاب الكلام وأطعم الطعام وبات قائما والناس نيام) يالله😭❤‍🩹..  اتخيلو غرفة بالمواصفات دي   ""ان شاءالله ندخل الغرفة دي كلنا قولو ياارب🤲😭💜"

قال صلى الله عليه وسلم (عليكم بقيام الليل  فإنه دأب الصالحين قبلكم  وقربة إلى ربكم و مكفرة للسيئات ومنهات عن الاثم)    ، يعني قيام الليل د بقربك من ربنا ويكفر سيئاتك وكمان يمسح ليك  الذنوب 🥹💜.
وحتى انو جبريل عليه السلام  وصى النبي صلى الله عليه وسلم على قيام الليل لما قال ليهو  (...   #واعلم_أن _شرف_المؤمن_قيا_الليل) 🥹❤‍🩹💜🪻.

فلو الزول عايز يتشرف بشي فيتشرف بقيام الليل بين يدي ربنا سبحانه وتعالى   ، فاحنا  م حنوصل للرفعة إلا بإنخفاضنا لله، ولا الكرامة إلا لو اذللنا نفسنا لله❤‍🩹💜.
قال صلى الله عليه وسلم ( #أشراف أمتي حملة القرآن #وأصحاب_الليل)  لا الاغنيا ولا اصحاب الوجاهات ولا الحكام ولا ولا ولا أصحااااب الليل😍❤‍🩹 وحملة القرآن 💜.

ياله من شرف ويالها من مكرمة🥹 💜.

يا راقدا بالليل كم ترقدُ✨
قم يا حبيبي قد دنا الموعدُ✨
وخذ من الليل وأوقاته✨
وردا اذا ما هجد الرقدُ✨
من نام حتى ينقضي ليله✨
لم يبلغ المنزلة أو يجهدُ✨
قل لأولي الألباب أهل التقى✨
قنطرة العرض لكم  موعدُ✨

عندنا ساعة مباركة م بس فـِ رمضان لاااا دي بتجدد كل ليلة 😍❤‍🩹  ، فقال صلى الله عليه وسلم ( ان في الليل لساعة لا يوفقها رجل مسلم يسأل الله خيرا من أمر الدنيا والآخرة إلا اعطاه إياه وذلك كلللل ليلة)
يالله شوفو النعيم شوفو اللذة شوفو الجمال البحصل عليهو البقيم الليل لله سبحانه🥹😍❤‍🩹💜.

تعالو نعاهد ربنا  من أسسسي  اننا خلاص حنبطل كسل وحنبطل نوم وجايين ليك يارب بقلوب صافية نقية   #نعاهد_ربنا _اننا_خلاص_حنكون_من_أهل_الليل_عشان_نكون_من_السعداء🥺💜

أسعد الله قلبي وقلوبكم وإلى لقاء جديد مع هذا الليل السعيد 💜
#ملخص_ليل_السعداء
  (｡◕‿◕｡)
#الـتسنم

.

الفترة دي تقيلة علينا كلنا كشعب سوداني عانى بما فيه الكفاية !

أحسن حاجة إننا نعملها الفترة دي إننا نهون على بعض ..

مع إنه طاقتنا إنتهت رسمياً ومعظمنا فقد الشغف في الحياة و فقد علاقاتو مع الحولينه بسبب طاقة الصفر الوصلنا ليها بس ما في إيدنا حل غير إننا نحاول نبدأ بداية مريحة عشان نفسنا قبل كل حاجة !💙

بداية تخلينا نراجع نفسنا ونحاول نرتب كل الخراب الفينا ونصلحه !💙

الفترة دي لازم نستحمل بعض 💙
.. نراعي نفسيات بعض .. لا نلوم ولا نعاتب !💙

البجيك متضايق وتعبان وهربان من قساوة الدنيا وعذابها خفف وطبطب عليهو حتى لو أنت حالتك زيو !

والبدوس ليك على طرف والبعصر عليك ما تجاريهو ولا تتهاوش وتتناوش معاهو .. !

جو التوتر والتنشنة والضغط النفسي ممكن يسوقنا لإكتئاب مزمن صعب يتعالج حرفيا !

الفترة دي مصيرها تعدي مهما طالت الفترة والعسر نهايتو يسر بس الناس تصبر وتحاسب وربنا قادر وشايف.💙

#عند_النهاية.!💙

كل ما تحس إنك ما قادر تكمل !💙

استغفر ووكل أمورك لربنا.

ربنا أحنّ عليك من أي زول في الحياة دي

بداية جديدة

وكله حيعدي باذن الله .. 💙

#صباح_الخير

#الاسكندر

السلام عليكم ورحمة الله وبركاته
أهلا بكُن فـِ ملخص محاضرات #ليل_السُعداء💜☁
الملخص حيكون بدارجيتنا السمحة السودانية🇸🇩😍

ومع أولى الحلقات التي جاءت بعنوان ✨الصلاة الصلاة✨
°°
برنامج الشهر حيكون مختلف ، برنامج مهم ، جميل ، مبارك ، نشد فيهو الهمة ونعقد العزم ، نستعين بالله على قلوبنا القاسية لعل الله عز وجل يلينها ، وبه نستعين..
زي م شايفين البرنامج اسمو ليل السعداء وماف سعادة لأهل الليل إلا بطاعة ربنا سبحانه وتعالى ، أي زول بعصي ربنا بالليل حيكون محروم من السعادة😔 ، فـ يلاكم مع بعض نتكلم عن قيام الليل الـهو شرف المؤمن ودأب الصالحين وسعادة الدنيا والآخرة وقربة المتقربين إلى قيوم السماوات والأرض❤‍🩹 .
°°
حلقة الليلة عنوانها #الصلاة_الصلاة
لأنو لاااازم نتكلم عنها قبل قيام الليل ، الصلاة الـفرضها ربنا سبحانه وتعالى على عبادة وحناخد معانا حال السلف الصالح فـِ صلاتهم وعبادتهم لربنا سبحانه.
الصلاة زي ما كلنا عارفين انها تاني أركان الإسلام ، الصلاة هي الـ ما يرخص فـِ التخلي عنها لأي سبب من الأسباب زي ما قال النبي صلى الله عليه وسلم ((صلّي قائما فإن لم تستطع فقاعدا فإن لم تستطع فعلى جنب)) المهم إنك #لاااازم_تصلي عشان كدا ربنا حتى فـِ الحرب شرع صلاة سماها صلاة الخوف ، تارك الصلاة بين كفرين كفر أصغر أو كفر أكبر زي ما قال سيد الخلق صلى الله عليه وسلم ((العهد الذي بيننا وبينهم الصلاة ، فمن تركها فقد كفر)) ، وكمان الصلاة كانت اخر وصايا النبي صلى الله عليه وسلم💜.


تعالو نشوف الصحابة والسلف كيف كان حالهم مع الصلاة 💜🪻
←عبد الله بن مسعود قال: (قد رأيت الرجل يؤتى به يهادى بين الرجلين حتى يُقام في الصف) يعني مشي م قادر يمشي إلا نفرين
يسوقو سواقة يوقفو فـِ الصف وين ديل من البنومو عن الصلاة وهم بكاامل صحتهم وقواهم ح يقولو لربهم شنو بعدين 😞؟!!
←سعيد بن المسيب قال :(ما فاتتني الصلاة في جماعة منذ 40سنة) اربعين سنة م فاتتو صلاة الجماعة ولا مرة ما اربعين يوم لأ 40سنة💜 ، و فـِ يوم من الأيام سعيد د عينو وجعتو فقالو ليهو امشي العقيق والعقيق منطقة جميلة فقالو ليهو لو مشيت وعاينت للخضرة والمنظر الحلو ح تلقى نفسك خفيت شوية فكان ردو (كيف أصنع بشهود العشاء والصبح؟) أعمل شنو لو ضيعت صلاة الصبح والعشاء؟!! 💜❤‍🩹
←بعضهم كان يحرص على الصلاة وهو #مشلول ، الربيع بن خثيم كان بقودوهو للصلاة لأنو مشلول الناس يقولو ليهو عندك رخصة فيرد (إني أسمع حي على الصلاة فإن استطعتم ان تأتوها فأتوها ولو حبوا) 💜❤‍🩹
←لأ دكمان بعضهم يحرص على الصلاة حتى وهو على وشك الموت ، عامر بن عبد الله سمع الأذان فبقى يقول ليهم (خذو بيدي) ودوني المسجد فقالو ليهو انت عيان قال (أسمع داعي الله فلا أجيبه؟!) سمعو كلامو وودهو المسجد #فركع_ركعة_واحدة_ومات🥺💜❤‍🩹.
←سعيد بن عبد العزيز كان لو فاتتو صلاة الجماعة #ببكي اي ببكي عديل كدا🥺💜❤‍🩹.
°°
ثبت عن النبي صلى الله عليه وسلم زي م جَ فـِ صحيح مسلم انه قال ((لايزال قوم يتأخرون حتى يؤخرهم الله)) يعني البتأخرو عن الصف الأول لحدي م يؤخرهم ربنا عن عظيم فضله ورفع المنزلة والعلم ، وقال صلى الله عليه وسلم ((من صلى لله أربعين يوما في جماعة يدرك التكبيرة الأولى كتب له براءتان براءة من النار وبراءة من النفاق)).
الإمام الاعمش روي عنو انو 70سنة م فاتتو التكبيرة الأولى 💜❤‍🩹.
قال رسول الله صلى الله عليه وسلم ((أسوأ الناس سرقة الذي يسرق من صلاته ، قالو وكيف يسرق من صلاته؟ قال لايتم ركوعها ولا سجودها)) يعني صلاتو #نقد_ديك
كان علي بن الحسين لم يتوضى لونو يصفّر ولم يقوم للصلاة يترعش لم سألوه قال #تدرون_بين_يدي_من_أقوم_واناجي؟! يالله 🥹😭 .. مرة قامت حريقة فـِ بيتو وهو كان بصلي كان ساجد فالناس بتكورك ليهو النار النار راسو م رفعو لحدي م طفوها سألو انت كيف كدا؟!!! فكان ردو #ألهتني_عنها_النار_الاخرى 😭💜❤‍🩹.
#أين_نحن_من_الخشوع😭
#أين_نحن_من_الصلاة🥺
#لا_حظ_في_السعادة_لمن_ترك_الصلاة💔
أسعد الله قلبي وقلوبكم وإلى لقاء جديد مع هذا الليل السعيد 💜
#ملخص_ليل_السعداء
#الـتسنيم

••
قال الرسول ﷺ
أكثروا من الصلاة علي
ليلة الجمعة و يوم الجمعة
فإن صلاتكم معروضة عليٰ♥️

اللهم صل وسلم وبارك على سيدنا محمد وعلى اله وصحبه اجمعين