QO‘QON DAVLAT PEDAGOGIKA INSTITUTI MATBUOT XIZMATINING RADDIYASI
So‘nggi kunlarda ayrim ijtimoiy tarmoq sahifalarida Qo‘qon davlat pedagogika instituti talabasining vafot etganligi bilan bog‘liq asossiz ma’lumotlar tarqatilgani munosabati bilan, haqiqatni yetkazish maqsadida quyidagilarni ma’lum qilamiz.
2024-yil 12-dekabr kuni talabalar turar joyining 3-qavatidan o‘zini pastga tashlab, og‘ir tan jarohati olgan talaba qizga Qo‘qon shahar tez tibbiy yordam bo‘limida kerakli muolajalar ko‘rsatilgan bo‘lsa-da, afsuski, hayotdan ko‘z yumgan.
Holat bo‘yicha prokuratura tomonidan tergovga qadar surishtiruv jarayoni va institut tomonidan olib borilgan ichki tekshiruvlar natijalariga ko‘ra, mazkur noxush hodisa talaba-qizning shaxsiy hayoti bilan bog‘liq muammolari tufayli sodir bo‘lgani aniqlangan.
Marhuma talaba qizning dafn marosimi barcha rasm-rusumlarga rioya qilingan holda yaqin qarindoshlari ishtirokida o‘tkazilgan. Institut rahbariyati og‘ir pallada marhuma oilasiga moddiy-ma’naviy yordam berib, ularga hamdard bo‘ldi.
Qo‘qon shahar prokuraturasi tomonidan olib borilgan tergovga qadar surishtiruv jarayonida ham yuqoridagi holatda jinoyat tarkibi aniqlanmaganligi sababli, ushbu holat bo‘yicha jinoyat ishi qo‘zg‘atish rad etilgan. Shu bilan birga, prokuratura taqdimotida shunga o‘xshash noxush holatlarning oldini olish maqsadida ta’sirchan chora-tadbirlar ishlab chiqish, talabalar o‘rtasida ruhiy barqarorlikni mustahkamlash, suitsidga qarshi tushuntirish ishlarini kuchaytirish tavsiya etilgan.
Qo‘qon davlat pedagogika instituti tomonidan o‘tkazilgan ichki tekshiruv natijasida bir nafar mas’ul xodim lavozimidan ozod qilingan va ikki nafar mas’ulga nisbatan hayfsan intizomiy jazo chorasi qo‘llanilgan.
Hozirda institut tasarrufidagi barcha talabalar turar joylarida tartib-intizom va talabalar xavfsizligi uchun maxsus qoidalar bilan mustahkamlangan tizim yaratildi. Kunlik nazorat, psixologik ko‘mak va boshqa profilaktik choralar ko‘rilib, talabalarimizning har tomonlama qo‘llab-quvvatlanishiga katta e’tibor qaratilyapti.
Ayrim manbalarda targ‘ib qilinayotgan yolg‘on ma’lumotlardan farqli ravishda, ushbu voqea bo‘yicha institut talabalari tomonidan biron-bir e’tiroz bildirilmagan, jamoatchilik faollari tomonidan ham rasmiy shikoyat yoki norozilik qayd etilmagan. Aksincha, talabalar va jamoatchilik faollari bunday og‘ir damda institutni qo‘llab-quvvatlaganini aytib o‘tish maqsadga muvofiqdir. Voqeadan so‘ng talabalar bilan keng qamrovli uchrashuvlar tashkil etildi, munosabatlari o‘rganildi va ular bilan birgalikda chora-tadbirlar ishlab chiqildi.
Qo‘qon davlat pedagogika instituti so‘z va fikr erkinligini, shu jumladan, ommaviy axborot vositalari va blogerlar faoliyatini har tomonlama qo‘llab-quvvatlaydi. Biroq, har qanday so‘z va fikr erkinligidan foydalanish ham qonun doirasida amalga oshirilishi lozim. Yolg‘on, haqiqatga mos kelmaydigan, tekshirilmagan ma’lumotlarni tarqatish esa qonunchilikda belgilangan tartibda javobgarlikka sabab bo‘lishi mumkin. Shuni alohida ta’kidlaymizki, uydirmalar orqali institutimiz obro‘siga putur yetkazishga urinadiganlar asl holatni tahlil qilmasdan noto‘g‘ri xulosa berayotganliklari bilan nafaqat muassasamiz, balki jamoatchilik oldida ham o‘zlarining mas’uliyatsizligini namoyon etmoqda.
Qo‘qon davlat pedagogika instituti o‘z talabalari salomatligi va xavfsizligini ta’minlash yo‘lidagi chora-tadbirlarni sidqidildan davom ettiradi. Barcha manfaatdor tomonlardan ma’lumotlarni aniqlashtirmay turib, asossiz xabar tarqatmaslikni soʻraymiz.
Qo‘qon davlat pedagogika instituti matbuot xizmati
🌨 ❄ 🌨 ❄ 🌨 ❄ 🌨 ❄
👍 👍 👍 👍 👍 kspi.uz | Telegram
Facebook | Instagram | YouTube
So‘nggi kunlarda ayrim ijtimoiy tarmoq sahifalarida Qo‘qon davlat pedagogika instituti talabasining vafot etganligi bilan bog‘liq asossiz ma’lumotlar tarqatilgani munosabati bilan, haqiqatni yetkazish maqsadida quyidagilarni ma’lum qilamiz.
2024-yil 12-dekabr kuni talabalar turar joyining 3-qavatidan o‘zini pastga tashlab, og‘ir tan jarohati olgan talaba qizga Qo‘qon shahar tez tibbiy yordam bo‘limida kerakli muolajalar ko‘rsatilgan bo‘lsa-da, afsuski, hayotdan ko‘z yumgan.
Holat bo‘yicha prokuratura tomonidan tergovga qadar surishtiruv jarayoni va institut tomonidan olib borilgan ichki tekshiruvlar natijalariga ko‘ra, mazkur noxush hodisa talaba-qizning shaxsiy hayoti bilan bog‘liq muammolari tufayli sodir bo‘lgani aniqlangan.
Marhuma talaba qizning dafn marosimi barcha rasm-rusumlarga rioya qilingan holda yaqin qarindoshlari ishtirokida o‘tkazilgan. Institut rahbariyati og‘ir pallada marhuma oilasiga moddiy-ma’naviy yordam berib, ularga hamdard bo‘ldi.
Qo‘qon shahar prokuraturasi tomonidan olib borilgan tergovga qadar surishtiruv jarayonida ham yuqoridagi holatda jinoyat tarkibi aniqlanmaganligi sababli, ushbu holat bo‘yicha jinoyat ishi qo‘zg‘atish rad etilgan. Shu bilan birga, prokuratura taqdimotida shunga o‘xshash noxush holatlarning oldini olish maqsadida ta’sirchan chora-tadbirlar ishlab chiqish, talabalar o‘rtasida ruhiy barqarorlikni mustahkamlash, suitsidga qarshi tushuntirish ishlarini kuchaytirish tavsiya etilgan.
Qo‘qon davlat pedagogika instituti tomonidan o‘tkazilgan ichki tekshiruv natijasida bir nafar mas’ul xodim lavozimidan ozod qilingan va ikki nafar mas’ulga nisbatan hayfsan intizomiy jazo chorasi qo‘llanilgan.
Hozirda institut tasarrufidagi barcha talabalar turar joylarida tartib-intizom va talabalar xavfsizligi uchun maxsus qoidalar bilan mustahkamlangan tizim yaratildi. Kunlik nazorat, psixologik ko‘mak va boshqa profilaktik choralar ko‘rilib, talabalarimizning har tomonlama qo‘llab-quvvatlanishiga katta e’tibor qaratilyapti.
Ayrim manbalarda targ‘ib qilinayotgan yolg‘on ma’lumotlardan farqli ravishda, ushbu voqea bo‘yicha institut talabalari tomonidan biron-bir e’tiroz bildirilmagan, jamoatchilik faollari tomonidan ham rasmiy shikoyat yoki norozilik qayd etilmagan. Aksincha, talabalar va jamoatchilik faollari bunday og‘ir damda institutni qo‘llab-quvvatlaganini aytib o‘tish maqsadga muvofiqdir. Voqeadan so‘ng talabalar bilan keng qamrovli uchrashuvlar tashkil etildi, munosabatlari o‘rganildi va ular bilan birgalikda chora-tadbirlar ishlab chiqildi.
Qo‘qon davlat pedagogika instituti so‘z va fikr erkinligini, shu jumladan, ommaviy axborot vositalari va blogerlar faoliyatini har tomonlama qo‘llab-quvvatlaydi. Biroq, har qanday so‘z va fikr erkinligidan foydalanish ham qonun doirasida amalga oshirilishi lozim. Yolg‘on, haqiqatga mos kelmaydigan, tekshirilmagan ma’lumotlarni tarqatish esa qonunchilikda belgilangan tartibda javobgarlikka sabab bo‘lishi mumkin. Shuni alohida ta’kidlaymizki, uydirmalar orqali institutimiz obro‘siga putur yetkazishga urinadiganlar asl holatni tahlil qilmasdan noto‘g‘ri xulosa berayotganliklari bilan nafaqat muassasamiz, balki jamoatchilik oldida ham o‘zlarining mas’uliyatsizligini namoyon etmoqda.
Qo‘qon davlat pedagogika instituti o‘z talabalari salomatligi va xavfsizligini ta’minlash yo‘lidagi chora-tadbirlarni sidqidildan davom ettiradi. Barcha manfaatdor tomonlardan ma’lumotlarni aniqlashtirmay turib, asossiz xabar tarqatmaslikni soʻraymiz.
Qo‘qon davlat pedagogika instituti matbuot xizmati
Facebook | Instagram | YouTube
