پست‌های تلگرام الشاعر كرار حسين الكربلائي

يا موسى الكاظم ناديتك
خطار اتعنيت لبيتك
يا قاضي الحاجات حاچيتك
..
انت ابوي بهالبشر من زغر ربيتني
يوم ضيعني الوكت بحضرتك ضميتني
شكثر اطلب حاجتي سيدي وانطيتني
گلي وين انطي الوجه انت لو ردتيني

مولاي بعينك خليني
ولغيرك لا لتوديني
الوادم شافت دمعي بعيني
يا قاضي الحاجات حاچيتك
..
لغير بابك ما أجي وخدمتك عنواني
ادري تنساني الاهل وانت ما تنساني
انه اجيت لمجلسك واشتكي احزاني
ارد اسولف للخلگ ابو طلبه انطاني

انه ادري بحنية الساده
الدگ بابك يرجع بمراده
يا شيخ الناكل من زاده
يا قاضي الحاجات حاچيتك
…
سيدي اعليك الرضه وچبدته المسمومه
ردت منك حاجتي بداعة المعصومه
اعليه باوع سيدي رويحتي مالومه
اعليك امك فاطمه گلبي شيل همومه

ما رحمتني الدنيه وتدري
دمعاتك يم بابك تجري
مليت من همومي وصبري
يا قاضي الحاجات حاچيتك
…
الوادم تنام وأنه ما انامن ليلي
لغير باب سيدي وين اروح احچيلي
حيل ما بيه بعد الوكت هدم حيلي
محلفك بحرگ الخيم سيدي تدعيلي

اهمومي بس يمك احچيها
ودموعي بصحنك ابچيها
وانه ادري الحاجات تگضيها

يا قاضي الحاجات حاچيتك
…
يالگضه عمرك ألم بالسجن ايامك
خيمه ليتام الخلگ وانه من ايتامك
من ازورك بالصحن انحني گدامك
انسه آلامي تره لو ذكرت آلامك

مسموم چبدك ميت بحسره
بمصابك واسينه الزهره
مولاي منك رايد نظره

يا قاضي الحاجات حاچيتك

نصبت عزيه فاطمه اليوم
موسى بن جعفر مات مسموم
وتنادي بالاهات
باب الحوائج مات
…
اكبر جرح عالوالده بوداع ابنها
لآخر نفس يبقه عله الغالي حزنها
وام الحسن ما ينگطع يا ناس ونها

جم ولد رايح منها ويلي اعله الزچيه
واليوم اجت تبجي وتون بالكاظميه
صاحت الكاظم راح يا ناس منديه

ام وتنادي بگلب محزون
شمسوي ابني مات مسجون
وتعالت الصيحات
باب الحوائج مات
…
ابني العزيز وسافرت بدموعي عنده
وخمس طعش عام بالسجن گضاها وحده
گدامي بالسم گطعو يا ناس چبده

من المصايب شفت وجه وليدي ذابل
وبرگبته وبچفوفه شمسويه السلاسل
موسى ابن جعفر من حديد الگيد ناحل

من الحديد وليدي نحلان
والسجن يشبه بيت الاحزان
ما اعظم المأساة
باب الحوائج مات
…
مفارگ هله والنوم ابد ما مر العيون
والسندي بسياطه يخلي زرگه المتون
كلما ينادي يا علي كلهم يشتمون

ما شافت عيونه الضوه لا ليل ونهار
من انسطر خده يويلي بحالته شصار
بعينه مثل عيني اشوفه ظلت اثار

يا سطرة العين شكبرها
ما ينمحي بعيني اثرها
بالغربه والحسرات
باب الحوائج مات
…
بجسر الرصافه انتظر والمدمع يسيل
وجابو نعش والشايليه اربع حماميل
صوت السلاسل بالجنازه يهدم الحيل

شافه طبيبه وانقرت بعيونه حيره
مسموم چبده وين اهله والعشيره
ولدي گضو بالغربه والمحنه چبيره

هذا اليموت بچبده مسموم
وهذا بحوافر صدره مهشوم
واخرها طيب الذات
باب الحوائج مات
…
من شيعو نعشه ذكرت الغاضريه
ابني الحسين اعله الثره جثه رميه
وفوگ الذبح صدره انهشم بالاعوجيه

وبكربله حرگو خيام الهاشميه
وبكربله زينب مشت عنهم سبيه
واخر مصايب كربله ماتت رقيه

حسين بحوافر صدره ينداس
وزينب سبوها خلاف عباس
صاحت زماني فات
باب الحوائج مات

كرار حسين الكربلائي

وحشة گبرها

حيدر البياتي



https://youtu.be/hza5i8aqF7Q?si=wiOd-KO21rf6pZOy

اسألكم الدعاء
عند دموعكم

https://youtu.be/cgmbgsERVnk?si=cLTRLE4EE3T7Sd1X

الما يحب الكرار ما عنده غيره
...
نبايعه بيعة وفه هالليله
علي سلطان البريه ادخيله
الما يوالي حيدره يا ويله
هذا لا ام لا ابو داعيله
وبجهنم ياناس حتماً مصيره
...
عمري يكبر والعشگ بي يكبر
علي هو آمّن يجيب المظطر
ما اخاف من الگبر والمحشر
وما يزل جدمي وعلي عالمعبر
عندي حب حامي الجار يسوه العشيره
...
علي خطيت بضميري حروفه
شمس بعيونه عمه الميشوفه
صوت عدنه ويعتلي للكوفه
نعوف كلشي وحب علي منعوفه
الما يبايعه صار بايع ضميره
...
المؤمن بحبه صبح عنوانه
الما يحبه فارغ من ايمانه
أشهدُ ان علي مولانه
نگولها غصباً على العادانه
بالحشر خصيمه حيرته حيره
...
بالگلب نبضي علي سميته
بالصلاه فرضي علي صليته
من گبل ما انخلق واليته
واليعادي المرتضه عاديته
لأن شفت الكرار لله سفيره
...
لا تلوموني ملك انفاسي
حب علي عرشه بوسط احساسي
انه عشكي حيدري عباسي
من ابو فاضل عندي غيره براسي
يشهد اعله الميثاق بدر العشيره
...
خادم الحسين ( عليه السلام)
كرار حسين الكربلائي
( ابو كميل)

قصيدة :-يمته ترتاح
https://youtu.be/s2doFNjKo7k?si=xZ3_JA5WCr3H3Tp5
الرادود:-حيدر البياتي
الشاعر :-كرار حسين الكربلائي

https://youtu.be/icRQ6Y3rK14

https://youtu.be/P9Yuiyb0PqU?si=eVRWYCrUnjiRN6mJ

سبع الدجيل وماخاب كلمن تعنه لبابه

لوصابك بسهمه الزمان الغدار
لسيد محمد اكصد ولاتحتار

سبع الدجيل المايرد الزوار
جم حاير وجم معلول رد والفرح جلبابه
.........
شارات اله معروفه تعرفها الناس
من تعتنيله ترد مرفوع الراس
باب الحوايج مثل عمه العباس
طيب گلب والينخاه لامايرد احبابه
......
بالك يصيبك شك إذا تتعنه
چفينه جنه وماتشح الجنه
باب الاله واطلب شتتمنه
خل گلبك اليحجي وياه حاشا يرد طلابه
.....
يوم العسر والضيج باسمه انادي
ادخيلك انه يبن الامام الهادي
هليله من عندك اريد مرادي
منك اجدي وموعيب يبن الكرم واسبابه
......
عليك اقسم بكسر الضلع والطبره
بصدر الحسين المنهشم وبنحره
نظره نريد وتكفي منك نظره
ذوله احنه خدام حسين لجدك نون ومصابه
....
ياهيبة الله وياجلاله وضيه
نحلفك بعمتك زينب المسبيه
بجاهك حوايج شيعتك مگضيه
ياسفرة الله الميخيب كلمن سجد باعتابه
.....
ادعيلنه لگبرك نجي ونزوره
براية علي البيكم تظل منصوره
والمنتظر ربنه يعجل ضهوره
ثارك وثار الاجداد هو اليصفي حسابه
.....
خادم الحسين( عليه السلام)
كرار حسين الكربلائي
( ابو كميل)

وين هاشم خل تهد بخيلها
وتاخذ بثارات سبع ادجيلها
..
خل تِشد وتِهد سوه هدة زلم
التِنّدِب ما تِندِب بيوم الحزم
غيضها يصعد سمه ويمطر عزم
المايلات اهيه التعدل ميلها
...
اهي اتعدل المايله بيوم التميل
وما تِهَدل امتونها بحمل الثجيل
تنطي دمها وابد ما تنطي الدخيل
خلفة اليحمي الدخيل ادخيلها
...
ادخيلها اهل المواضي الباشطات
الما تسلهم عينها بذل وتبات
حيهم اليرگون ظهر الصافنات
المن تهد يلبد نجمها بليلها
...
بليلها يلبد نجمها من تهد
ومن يِسَيَر الگيض تذبحله برد
بالوغه بغير المغانم ما ترد
الماكو گدها وماكو جيل بجيلها
...
الما لهم بين البشر كفواً احد
مسابگ اويه الريح خل توصل بلد
ابسم بني العباس راحلهم ولد
للتِهَدّم حيله تِهدِم حيلها
...
جرح عدهم كلف يدي وما يطيب
سيد محمد يهل يثرب غريب
چم بدر وشچم شمس منكم تغيب
والنعوش چفوف غربه اتشيلها
...
مته لغايبكم روايه العز ترف
ومته يدچ الگاع والگاع اتخسف
ويرد صاع الثار كل صاع بألف
لمحكمة سيفه الجناة ايحيلها
...
ايحيلها بسيفه ويرد حگه لهله
وياخذ بثاراته والعيش ايحله
تنطفي نار الخيام بكربله
بطلعته هاي الظلامه يزيلها
...
خادم الحسين ( عليه السلام)
كرار حسين الكربلائي
( ابو كميل )