Xurshida Namazbaeva Ergashevna ijodiy kanali

ИСТАДИМ

Инсон кўнгли баҳор осмони,
Гоҳ қуёшли, гоҳи найсони
Англаш учун яхши-ёмонни
Мен ўзимдан қочмоқ истадим!

Ҳаёт – жоду боғлаб кўзимни,
Излаб юрдим йиллар ўзимни,
Тутқун дилга сўраб тўзимни,
Мен изимдан қочмоқ истадим.

Парчаланган туйғуларим бор,
Қанча алам, қайғуларим бор,
Қайда зулмат, ёғдуларим бор, Мен сўзимдан қочмоқ истадим.

Еру осмон қародир, оқдир,
Балки манзил бахтга тўлиқдир,
Пешонамга битган бу тақдир,
Юлдузимдан қочмоқ истадим.

Мен ўзимдан қочмоқ истадим!

Хуршида Намазбаева шеъри

Ijodiy kanalimga ulanib oling 👇

t.me/khurshida_ergashevna

AҚЛ ВА ҚАЛБ

Aқлинг одамларга гар зулм бўлса,
У ақл эмасдир асли илондур.
Aқлинг ўз нафсингга гар ғулом бўлса,
У ақл эмасдир балки чаёндур.

Ҳою-ҳавас ҳирслар кўргай ҳозирни,
Aқлнинг ташвишин қилар нодонлар.
Aқл кўзлари-ла кузатар ишни,
Чеккан заҳматига ғамда одамлар!

Билмасмилар заҳмат қалб кўзин очмиш,
Гар қалб ўксимаса бўлмас эмиш Ишқ,
Aзалдан чин Инсон ақлдан қочмиш,
Ишқни ахтаргайдир Қодир Худодан!

Бахт сирин англанган кишидан сўрмиш,
У деди: «Aқл бу иблис даъвоси».
Муҳаббат Одами Aтодан келмиш,
Шундан яралмишдир Момо Ҳавоси.

Aқл бизга кибр ва ғурур берур,
Aқлни қалб билан тарозига қўй.
Гар кимса манманлар даҳридан келур,
Ундан афзал ерур ҳатто битта қўй.

Aқлинг одамларга гар зулм бўлса,
У ақл емасдир асли илондур.
Aқлинг ўз нафсингга гар ғулом бўлса,
У ақл эмасдир балки чаёндур.

Хуршида Намазбаева шеъри
Хитой. Хайнань орали
t.me/khurshida_ergashevna

https://www.instagram.com/oceancoral_2020?utm_source=qr&igsh=NXpiZHgwc2YwN3py


Ushbu linkni bosib instagramdan do‘stlik yuborishingiz mumkin. Tashakkurlar!

Boborahim Mashrab g‘azali.
t.me/khurshida_ergashevna

Xurshida Namazbaeva she'ri
https://youtube.com/watch?v=AEXV0ln_ZlI&si=x5HviFzO9wneeehm

КИБРГА БЕРИЛИБ…

Кибрга берилиб кўксин керганлар,
Ўзни осмон, бизни ерда кўрганлар.
Умр сафарида меҳмонмиз ахир,
Оёқлари қолиб, тилда юрганлар!Етар, одам этиб яратди Раҳмон,
Кўнгилларни поклаб бўлайлик инсон!

Мансабдорга ҳадя, мустаҳкам поя,
Уларга олқиш ва обрў кифоя,
Бу дунё арзимас мансаб, амалга,
Кун келиб зиналар бўлур ниҳоя.
Етар, одам этиб яратди Раҳмон, Кўнгилларни поклаб бўлайлик инсон!

Нафснинг қулларин урмасмиш ҳаром,
Уларга на бир ишқ, на иймон аён.
Истаги йўлида ҳар ишга қодир,
Нодон қилмишига бўлмас пушаймон.
Етар одам этиб яратди Раҳмон,
Кўнгилларни поклаб бўлайлик инсон!

Хуршида Намазбаева шеъри

Yanoda. Hainan. Xitoy

Ushbu linkni bosib ijodiy kanalimga ulanib oling 👇

t.me/khurshida_ergashevna

AsSalamu Alaykum! Barchangizni kirib kelayotgan 2025 - yil bilan muborakbod etaman! Taningizga sog‘lik, qalbingizga xotirjamlik, uyingizga fayz va baraka ato etishini Allohimdan so‘rayman! Yuzingiz nurli,  dilingiz huzurli bo‘lsin! Bayram muborak bo'lsin aziz do'stlarim!

Xurshida Namazbaeva

t.me/khurshida_ergashevna

https://www.youtube.com/watch?v=Wh1ZOwV1dWg&t=115s

#янги_йил_премьераси

Оҳангаронлик ижодкорлар томонидан “Салом, Янги йил!” қўшиғига ишланган клип

Шеър муаллифи: Зафар Ўтапов
Мусиқа: Улуғбек Эркинов

🎧Ғоя муаллифи: Улуғбек Эркинов
📹Режиссёр, клипмейкер ва оператор: Сардор Нишонбоев
🎙Сценарий муаллифи ва режиссёр ассистенти: Хуршида Намазбоева

https://t.me/qoraxitoyliklar

t.me/khurshida_ergashevna

AsSalamu Alaykum! Hammani yangi yil bilan qutlayman! Ikkinchi rejissyorlik ishimni kuzatib baxo bering, marhamat!

#тез_кунда
#премьера

Оҳангаронлик ижодкорлар томонидан “Салом, Янги йил!” қўшиғига ишланган клип тез кунда эътиборингизга ҳавола этилади.

🎧Ғоя муаллифи: Улуғбек Эркинов
📹Режиссёр, клипмейкер ва оператор: Сардор Нишонбоев
🎙Сценарий муаллифи ва режиссёр ассистенти: Хуршида Намазбоева

Кутамиз...

https://t.me/qoraxitoyliklar

Hainan oroli. Sanya. Xitoy.

ЭЪТИРОФ

Мeн эътироф этаман,
Билмас буни ўзгалар,
Ўз ичимни ўзим еб.
Кенг дунёнинг кўнгли тор,
Мендан бахтни қизғонар.

Мен эътироф этаман,
Мен сендан узоқлашиб.
Тангрим томон боряпман.
Нафсим билан талошиб.
Жаҳаннамда ёняпман.

Мен эътироф этаман,
Мен ҳар кимга дўстдирман.
Ўзим ўзимга душман,
Дардларимни сездирмам. Мақсадсиз бир юрушман.

Мен эътироф этаман,
Сенинг метин сабрингга
Гумон отли қайроқман. Етмадимку қадрингга
Етганимда қўрқоқман.

Мен эътироф этаман,
Менда йўқдир шукрона. Шеърлар ёзиб қоғоз-а,
Барча сирим ошкора,
Этаяпман овоза.

Мен эътироф этаман,
Этолмайман такаллуф.
Менда йўқдир ғараз, кин
Қалбим ишққа тасаддуқ
Руҳимда Умид учқун.

Мен эътироф этаман!

Хуршида Намазбаева шеъри

Telegramdan ijodiy kanalimga ulanib oling 👇

t.me/khurshida_ergashevna

Cover to Roya Ayhan
Singer: Xurshida Namazbaeva.
Ig: Oceancoral_2020
Lyrics: Xurshida Namazbaeva
İstanbul. Belgrad ormani.

https://t.me/khurshida_ergashevna

Қайда қолди хайратларим?
Дардга ўрнин бўшатдилар
Меҳр тутсам яқинларим
Юрагимга тош отдилар
Ҳимоясиз қолдим Она
Туҳматларда ёндим Она

Чизган лолам қалбда эмас
Деворимда қолаверди
Китобларим жавонларда
Чанглар босиб ётаверди
Лолам каби ёндим Она
Жаҳолатдан толдим Она

Ишонганим,дил берганим,
Нечун ёлғон сўйлайверди.
Ўз ғамимдан кийдим чопон
Дардлар мени йуқлайверди
Курашмоқни билмай Она
Заиф бўлиб қолдим Она

Дўст,ёр дедим,бевофолар
Ҳийлолари қилди адо
Менинг учун Сендан ўзга
Хаққа дилдан қилмас дуо
Бевафони суйдим Она
Сени четга сурдим Она

Недан дунё шундай Она
Хато қилдим билмай Она
Паст дунёга кўнгил бериб
Ўз бағримни ўйдим Она
Фано ҳиссин туйдим Она
Қор остида куйдим Она

Эшигинг оч,келдим Она
Соғинганман атринг Она
Оёғингга бошим қўйиб
Меҳринг бергин уҳлай Она
Ғамга ботган бу руҳимни
Бағрингга бос,кулдир Она

Гулзорингдан кетдим учиб
Тиконзордан қайтдим Она,
Кечир барча гуноҳларим
Сенсиз энди кимман Она
Бу дунёда Сендан ўзга
Ким англагай мени Она
Хуршида Намазбаева шеъри
t.me/khurshida_ergashevna

Oktam_Mominov_-_KUTAJAKMAN_BOGLARDA_

***
Қабристон – сукунат дея ўйламанг,
Аслида фарёдлар мамлакатидир.
Сиз ҳам ғафлатда ўзни қийнаманг,
Ғафлат бу одамзод фалокатидир.  

Хуршида Намазбаева шеъри

t.me/khurshida_ergashevna

Бородур

Ўзни катта билган зеҳни кичиклар,
Жаҳолат кўлига ботиб бородур.
Фидойи кўрсатиб ўзни қўрқоқлар,
Сафсата сўзларни сотиб бородур.

Манқуртдек сиғиниб фиравнларга,
Гуноҳ ботқоғига ботиб бородур.
Нафсида тобланган разил чўчқалар,
Ўзин нажасига ботиб бородур.

Танбеҳ айтмай золим ҳамда тоғутга,
Юрагин ҳовучлаб кетиб бородур.
Ҳар нени бесабаб тўнкаб Замонга,
Мунофиқ байроғин тутиб бородур.

Эътиборталаблар, очкўз нусхалар,
Салом йўқ аликни кутиб бородур.
Муқаддас туйғулар, йўқдир қайғулар,
Музлаган юраклар қотиб бородур.

Аллоҳнинг зикридан ўзга хақиқат,
Йуқлигин билмайин кетиб бородур.
Имондан бехабар зотлар чап ёнга,
Наъмои аъмолин битиб бородур.

Аллоҳнинг зикридан ўзга хақиқат,
Йуқлигин билмайин кетиб бородур.

Хуршида Намазбаева шеъри
t.me/khurshida_ergashevna

Мен аслида кўринишим каби эмасман. Мен ёзган шеърларимда ҳам эмасман. Аслида айтилмаган ва ёзилмаган сўзларимнинг ортида яширинман. Мендан мени изламанг.

БИР ГУЛ ЭДИМ

Қоялардан сабр сўрдим,
Қайрилмади, кўкка боқди.
Нур истади ғариб кўнглим,
Эшигимни зулмат қоқди.

Дард ёрмадим ёрилтошга,
Дилим бошқа, тошлар бошқа
Ер юзини сув босарди
Сени кутиб тўккан ёшга.

Кетолмадим. Аламларнинг
Сочларига бойландим-а.
Ёлғиз, дардлардан эгилган
Бир дарахтга айландим-а.

Бармоқларим бўлди япроқ,
Оёқларим илдиз олди.
Вужудимни босди титроқ,
Тўкилдим ва бандсиз қолдим.

1998 йил.

Xуршида Намазбаева шеъри
t.me/khurshida_ergashevna

***
Шукрни билмагай, билмас сабрни,
Муросага кўнмас одам боласи.
Тарози босса ҳам савоб, гуноҳин
Хисобини қилмас одам боласи.

Дунёда сўнг нафас юрганин билмас,
Билсада тан олмас одам боласи.
Имонга келсада инсофга келмас,
Ўтмишни унутар одам боласи.

Менда унутаман ўзимни баъзан,
Дейман: дунё шундай оловли қозон.
Уни кўз ёшларим сўндирмас асло,
Ўлмоқ қийин экан, туғилмоқ осон!

Шукрни билмагай, билмас сабрни,
Муросага кўнмас одам боласи.
Тарози босса ҳам савоб, гуноҳин
Хисобини қилмас одам боласи.

Хуршида Намазбаева шеъри

Istanbul.

t.me/khurshida_ergashevna

Allohim Yer yuzida umr berganiga 45 yil bo’ldi. Bugun tug’ilgan kunim! Alhamdulilloh!

Мен кимман, не сабаб келдим дунёга?
Нелар тақдим этдим эрта кун учун.
Роббим, ҳузурингда турарман қандоқ,
Солиҳ банданг қатор айла Маҳшар кун!

"Исёнлар ичраман" - дедим мен бугун,
Аслида имтиҳон ичра экан мен.
Бу дардим сабримни синдирсин нечун?
Сабримдан ортиғин бермайсан Эгам.

Мен кимман, не сабаб келдим дунёга?
Рухим вужудимдан аввал эди бор.
Шукурлар айтгайман йўқдан боримга,
Маъсиятга қандай йўл қўймоқ даркор!

Мени иймонимдан айирма зинҳор!

Хуршида Намазбаева шеъри

t.me/khurshida_ergashevna

Роббим

Мен ўзимни йўқотдим ишқсиз,
Мен ўзимни топмадим ҳамон.
Танимда дард отмоқда илдиз,
Асли Сени соғинганимдан.

Мен яшадим тушларда фақат,
Тушда Сенга саждалар қилдим.
Кўзларимни очганим заҳот,
Ожиз бандалигимни билдим.

Мен тушимда тирикман аҳир,
Тирикликда сезмам ҳушимни.
Майли олгин битта жонимни,
Қайтариб бер, фақат тушимни.

Хуршида Намазбаева шеъри

Ijodiy kanalimga ulanib oling 👇

t.me/khurshida_ergashevna

***
Улар билмас шараф, имон нелигин,
Уларнинг кўнглининг кўчаси бозор.
Қайдан келган, хатто билмас кимлигин,
Ана ўшалардир ғофил, дилозор.

Бир қултум сув ичиб шукрона айтмай,
Шайтонга туҳматлар қилган ҳам улар.
Кибридан, нафсидан маст бўлиб яйраб,
Ўзларин авлиё, даҳо деганлар.

Ҳеч кимса бўлмагай дунёга устун,
Ҳатто устунларни емиргай қуртлар.
Фанонинг бағрига сингсалар бир кун,
Маҳшарда кўр бўлиб туғилгайдурлар.

Улар билмас шараф, имон нелигин,
Уларнинг кўнглининг кўчаси бозор.

Хуршида Намазбаева шеъри

t.me/khurshida_ergashevna

***
Менга сен ёқтирган ранглар, китоблар, фасллар, гуллар ҳам қадрли. Мен ҳатто сен туғилган сана, Cен яшайдиган шаҳар,
Cени исмингдаги ҳарфлар,
Cени исмингдаги инсонларни ҳам яхши кўраман!

***
Шунчаки таслимман муҳаббатингга,
Ғурур не, ор не тушунмас қалбим.
Сенга яқинлашиб борганим сари,
Мендан узоқлашиб бормоқда сабрим.
Не сабаб мен сени бордим кўргани?

Сен бир мўжизасан, мен эса тупроқ,
Бағримда оғриқли тошлар изи бор.
Дард тўла бошимда мен бир гуноҳкор,
Сен бир олмосдирсан кўксимда абгор
Тошларнинг ичида бетакрор!

Ўзимни унутиб юзландим сенга,
Юрагимда дард, қалбимда армон.
Масрур кўзларингдан жой бермасанг гар
Чўкиб кетаяпман йўқликлар томон.
Менинг яшагим бор қалбинг тубида.

Сен мени юксалтир қалбинг тўрига!
Ошиқман...!!!


Хуршида Намазбаева шеъри
t.me/khurshida_ergashevna

Янги ҳаёт бошлашнинг бир усули бор. Ўлимдан олдин ўлим. Бу фанодир. Одатда ҳасратлардан қалб нури сўнса, ишқ кўзи очилади. Ҳамда одамдан Инсон пайдо бўлади.

***
Менинг дардим бўлак, шодлигим бошқа,
Сизга ҳеч ўхшамас қарашларим ҳам.
Ишқ дебон йиғласам мен тўккан ёшга,
Чўкиб борар дунё ҳамда қайғу, ғам.

Ортимга қарамай илдам бораман,
Гўё таъқиб қилар гуноҳлар эй, воҳ!
Аламимни ёлғиз шеьрдан оламан,
Мени Сендан ўзга тушунмас бироқ!

Қабристон – сукунат дея ўйламанг,
Аслида фарёдлар мамлакатидир.
Сиз ҳам ғафлатда ўзни қийнаманг,
Ғафлат бу одамзод фалокатидир.  

Хуршида Намазбаева шеъри.

Azarbayjan tiliga 70 dan ortiq she'rlarim tarjima qilindi.
***
Dərdim hədiyyədir, şadlığım başqa,
Gəlməz xoşunuza baxışlarım həm.
Eşq deyin ağlasam mən tökən yaşa,
Çöküb gedər dünya, həm də qayğı, qəm.

Arxama baxmadan yol getməkdə mən,
Sanki təqib edir günahlar, durmaz.
Dərdləri alıram yalqız şeirdən,
Məni ondan özgə biri anlamaz.

Azərbaycan dilinə uyğunlaşdıran: Şahməmməd Dağlaroğlu

t.me/khurshida_ergashevna

Navbatdagi sayohatim Qirg'izistonning maftunkor tog‘lari Sary Chelek. Olamlar Egasi Buyuk Allohimga ushbu go‘zal ijodini ko'rishni nasib etganiga shukronalar bo‘lsin!

***
Яхшиямки ўтгай замонлар,
Дардлар кетгай, келгай ҳуш онлар.
Гар дунёда бўлмаса ўлим
Ишқ нелигин билмас инсонлар!

Хуршида Намазбаева шеъри
khurshida_ergashevna
01.09.2024

t.me/khurshida_ergashevna

***
Дунё тушдир, уйқудадур одамлар,
Сарсон борар, манзиллари бўшлиқдир.
Борар ери мақсадли ул қадамлар,
Қалби уйғоқ ошиқлардир, ошиқдир!

Хуршида Намазбаева шеъри
t.me/khurshida_ergashevna

Xurshida Namazbaeva she'ri
Ijro: Feride
Ket
t.me/khurshida_ergashevna

***
Булутларни тешер мен учган учоқ,
Мен эса дардларим ямаб бораман.
Ишқим бир Олам-у, дунё бир қучоқ,
Дардларим ичимга қамаб бораман.

Мағрур кўтарилган бошим этиб ҳам,
Мен ўз ҳисларимда қоврилган одам,
Асли кимлигимни билурсан Эгам,
Нураган кўнглимни суваб бораман.

Тақдири Азал деб, бор гуноҳларим,
Қазою Қадарга қиламан туҳмат.
Ўзинг шараф ҳиссин бермасанг агар,
Чап қўлда ўнг қўлим тунаб бораман.

Марҳаматинг дариғ тутма Аллоҳим!

Хуршида Намазбаева шеъри

t.me/khurshida_ergashevna

Ҳар бир инсон тирик Қуръон, Сен уни ўқишни ўрган.

Шамс Табризий
@Tabrizlik_Shams - Ошиқларга салом бўлсин
🌹

Соғинч

Сунбула аждардай пуркади олов,
Ҳайрият... кузакнинг шамоли елди.
Сўлим Қорахтойга бугун ҳойнаҳой,
Тоғлардан кийикўт бўйлари келди.

Аммо менга алам, мен келолмадим!
Отам изин кўрган эй, азим тоғлар,
Онам юзин ювган зилол ирмоқлар,
Сен билган халқ дардин мен билолмадим.

Энди бу умримга қандай ном қўяй,
Сафарда, учоқда ўтмоқда йиллар.
Тушларимга кирсанг нимага йўяй?
Соғинсам тутмоққа йўқ сенда қўллар.

Гар бағрингга олсанг кетар чоғимда,
Қиёмат кунида Маҳшар тонгида.
Тупроғингда гулдек унаман беун,
Яратганим менга насиб этган Кун!

Кеч кирди шаҳарга...шовқин, чанг инди,
Бағрингда гул, райҳон анқир ҳойнаҳой.
Ёдимга қадимий хотира келди,
Сен ҳам эслайсанму мени Қорахтой?

Хуршида Намазбаева шеъри

Ijodiy kanalimga ulanish uchun ushbu linkni bosing 👇

t.me/khurshida_ergashevna

ЁЛҒИЗЛИК

Ҳар оқшом...мен ўшал соҳил бўйида,
Хаёлга қоришиб кетмиш дил узоқ.
Шафақ кўзларимга ўтар оҳиста
Ёлғизлик қалбимдан отмагай бироқ!

Эҳ, ёлғизлик, қалбим тарк этмас ҳиссан,
Мен сендан умидвор, ҳамда озурда.
Бевафодан куйиб гар кўнгил узсам,
Дунёда сен менга содиқсан жуда!

Туйғулар вулқондек уйғонар такрор,
Ёлғизлик муҳри бор қўлимда чеким.
Муҳаббат аталмиш дилгинамга ёр,
Севаман деган ёр бегона лекин!

Хуршида Намазбаева шеъри

Bodrum. Mug‘la. Turkey.

t.me/khurshida_ergashevna

Qizim Gulira‘no ijrosida

ҲАРОМ

Қай аҳволга келди олам,
Бойликни бахт билса одам.
Тупроқ узра боссам қадам,
Энди босган изим ҳаром.

Ҳақсизликдан тўйиб кетсам,
Юраксиздан куйиб кетсам,
Ғазаб ўтин қувиб етсам,
Бўлди айтган сўзим ҳаром.

Меҳр, вафо рўё бўлса,
Ишқ йўллари сиё бўлса,
Дунё шундай дунё бўлса
Кўз ташлаган кўзим ҳаром.

Боқиб кўнгли яримларга,
Кулги бўлдим ғанимларга,
Ким ёр бўлгай манимларга,
Қилди нокас юзим ҳаром.

Бўлганида ризқим улуғ,
Кўрган ҳар кас қилди қуллуқ,
Кимнинг дастурхони қуруқ,
Еган, ичган тузим ҳаром.

Қай тахлитга келди олам,
Бойликни бахт билди одам.
Тупроқ узра боссам қадам,
Эсиз босган изим ҳаром.

Хуршида Намазбаева шеъри

Бодрум. Туркия.

t.me/khurshida_ergashevna

МУҲАББАТДАН МАДАД ОЛАМАН!

Нима қилдим cиздан яшириб,
Қор қўйнида кулган лоламан.
Мана келдим яна бош уриб,
Муҳаббатдан мадад оламан!

Муҳаббатдан тошган дарёман,
Муҳаббатдан ёнган саҳроман,
Дилим танҳо, мен ҳам танҳоман,
Муҳаббатдан мадад оламан!

Гоҳ зериксам умр йўлида,
Гоҳ тўкилсам тақдир қўлидан,
Гоҳ адашсам сароб чўлида,
Муҳаббатдан мадад оламан!

Парво этмам дилсиз жабрига,
Тил заҳрига, ҳасад, қаҳрига,
Юзим буриб ишқ шуурига,
Муҳаббатдан мадад оламан!

Менга керак эмас дунё, зар,
Туйғуларим қалбимда гавҳар,
Мен бир ғариб, ошиқ қаландар,
Муҳаббатдан мадад оламан!

Нима қилдим cиздан яшириб,
Қор қўйнида кулган лоламан.
Ҳузурига келдим бош уриб,
Муҳаббатдан мадад оламан!

2007 yil

Хуршида Намазбаева шеъри
Ushbu linkni bosing va ijodiy kanalimga ulaning 👇
t.me/khurshida_ergashevna

AsSalamu Alaykum! Allohim O‘z panohida asrasin! Ikki dunyo saodatli bo‘l. Eng go‘zal va mustahkam oila nasib aylasin Allohim!

t.me/khurshida_ergashevna