Kyrgyz Football Union

КФБ ПРЕЗИДЕНТИ КАМЧЫБЕК ТАШИЕВ ЖАШТАР КУРАМАСЫНЫН ОКУУ-МАШЫГУУ ЖЫЙЫНЫНА БАШ БАКТЫ

Бүгүн, 9-январда Кыргызстандын U-20 жаштар курама командасы Испаниянын Аликанте шаарында өтүп жаткан окуу машыгуу жыйыны алкагындагы алгачкы контролдук беттешин өткөрдү.

Оюн испандык «Картахена» клубуна каршы өттү. Аталган беттешке Кыргыз футбол биримдигинин Президенти Камчыбек Ташиев күбө болуп, ал курама командабыздын 5-0 ири эсеп санындагы жеңиши менен аяктады. Оюндан соң КФБ жетекчиси футболчуларды жеңиши менен куттуктап, жаңы башкы машыктыруучунун жетекчилиги алдында команданын Азия Кубогуна болгон даярдыгы мыкты экендигин белгиледи.

#kfu_kg

КФБ «КЫРГЫЗАЛТЫН» ФУТБОЛ КЛУБУНУН ӨКҮЛДӨРҮН КАБЫЛ АЛДЫ

Бүгүн, 9-январда Кыргыз футбол биримдиги «Кыргызалтын» клубунун өкүлдөрүнө тааныштыруу жолугушуусун өткөрдү. Иш-чаранын алкагында клубдун жетекчилери жана кызматкерлери КФБ академиясынын инфраструктурасы менен: мейманкана комплекси, спорт комплекси, машыгуу залы жана футбол талааларынын жана КФБнын административдик кеңсесин көрүп чыгышты.

Ошондой эле, Кыргыз футбол биримдигинин карамагында иш алып барган профессионалдык футбол лигасы, балдар жана кыз-келиндер лигалары, футзал ассоциациясы, КФБнын Техникалык, Калыстар, Мелдештер, Юридикалык жана Каржылык департаменттер сыяктуу профилдик бөлүмдөрү менен жолугушуулар болуп өттү. Катышуучулар өз суроолорун берип, толук жоопторду алышып, мындан аркы биргелешкен ишмердүүлүктү талкуулашты.

Иш-чара учурунда КФБнын Биринчи Вице-президенти Нурдин Букуев конокторду жылуу кабыл алып, мындай жолугушуулардын кызматташтыкты чыңдоодо чоң мааниге ээ экендигин белгиледи. Ошондой эле, Кыргыз футбол биримдиги профессионалдык футболду өнүктүрүүдө өзгөчө активдүү иш алып баргандыгын белгиледи.

#kfu_kg

✨🥳 ЖАҢЫ ЖЫЛЫҢЫЗДАР МЕНЕН!

Кыргыз футбол биримдиги кирип келе жаткан 2025-жыл менен ар бириңиздерди куттуктайт!

Жыл ичинде күйөрман, өнөктөш, футбол үй-бүлөсүнүн мүчөсү катары биз менен болгонуңуздар үчүн ырахмат! Футбол менен бирге, биримдикте жана ынтымакта бололу!

Жаңы жылда жалаң жакшылык жылоолоп, алдыга койгон ой-максаттар орундалышына тилектешпиз! Келе жаткан жыл ар тараптуу ийгиликтерге жана жетишкендиктерге бай болуп, жаңы жеңиштер менен коштолсун!

#kfu_kg

✨♥️ Биздин өнөктөштөрдүн жардамы менен бул жыл унутулгус көз ирмемдерге, жаңы жетишкендиктерге жана жеңиштерге бай болду!

Биздин кызматташтыгыбыз дагы да бекемдей беришине жана үзүрлүү болушуна тилектешпиз! Колдооңуздар үчүн ырахмат!

Бирге Алга!

#kfu_kg

АТА-МЕКЕНДИК КАЛЫСТАР КОРПУСУ ЖЫЛДЫ ИЙГИЛИКТҮҮ ЖЫЙЫНТЫКТАДЫ

Бүгүн, 30-декабрь күнү Кыргыз футбол биримдигинин кеңсесинде ата-мекендик калыстар жана инспекторлор корпуснун жыйыны орун алды. Чогулуш жыл жыйынтыгына арналып, түштүк аймактардын калыс жана инспекторлору ага онлайн форматта катышты.

Кыргыз футбол биримдигинин башкы катчысы Медербек Сыдыков өз сөзүндө, 2024-жыл калыстык үчүн жетишкендиктерге бай болгондугун айтып, анын ичинде Кыргызстанга алгачкы жолу VAR-калыстарга видео жардам системасы ишке киргендигин, калыс жана калыс жардамчылары окуулардан кийин VAR - системасы менен иштөөгө лицензияларга ээ болгондугун жана бир катар адистердин эл аралык мелдештерге дайындалгандыгын белгиледи.

КФБнын планы боюнча келеерки 2025-жылы 14 клубдун катышуусунда өтө турган Кыргыз Республикасынын чемпионатынын беттештеринин жарымынан көбү VAR-системасынын колдонулушу менен өтөт.

Аталган жыйындын аягында бардык калыстардын балдары үчүн жаңы жылдык белектер тапшырылды.

#kfu_kg

КФБ ЖЕТЕКЧИЛИГИ ФУТБОЛ АРДАГЕРЛЕРИН КУТТУКТАДЫ

Бүгүн, 30-декабрда Кыргыз футбол биримдигинин кеңсесинде КФБнын жетекчилиги көптөгөн жылдар аралыгында кыргыз футболуна салым кошкон ардагерлерди келе жаткан 2025-Жаңы жылы менен куттуктады.

КБФнын Вице-президенти Дастан Конокбаев, Кыргыз футбол биримдигинин Президенти Камчыбек Ташиевдин атынан куттуктоо сөзүн сүйлөп, 2024-жыл ийгиликтүү жыл болгонун, көптөгөн жаңы инфратүзүм обьекттери курулуп жана жаңыланып, жеңишке бай жылдардан болгонун белгиледи. Ошондой эле, ардагерлердин бул ийгиликтердин түптөлүшүнө салымы чоң экенин айтып, мындан ары да кеп-кеңештери менен бөлүшүп тураарына ишенеээрин билдирди.

Ардергерлер өз кезегинде ыраазычылык билдиришип, учурда болуп жаткан өзгөрүүлөргө абдан кубанышаарын жана убагында бул күндөрдү күтүшкөнүн айтышты. Ардагерлерге белектерди КФБ Вице-президенти Дастанбек Конокбаев жана башкы катчысы Медербек Сыдыков тапшырышты.

#kfu_kg

Шералы Сыдыков атындагы Республикалык спорттук колледждин футболдук оюн талааларынын ачылыш аземинен Кыргыз Спорт ТВ каналынын репортажы 🎥

#kfu_kgz

Республикалык спорттук колледждин футболдук оюн талааларынын ачылыш аземи 🎥

#kfu_kgz

КЫРГЫЗСТАНДЫН U-15 КЫЗ-КЕЛИНДЕР КУРАМАСЫ ӨЗБЕКСТАНГА КАРШЫ ОЙНОЙТ

Кыргызстандын U-15 кыздар курамасы Өзбекстанга каршы эки жолдоштук беттеш өткөрөт. Оюндар 26 жана 28-ноябрь күндөрү Ташкенттин «Чагатай» футболдук базасында орун алат.

Аталган беттештерге даярдык көрүү максатында башкы машыктыруучу Ногоев Азаматтын жетекчилигиндеги курама 18-ноябрдан тарта КФБнын футбол академиясынын базасында машыгууларды өткөзүүдө.

Бул окуу-машыгуу жыйын жана беттештер менен командабыз келерки жылдын 26-апрелден 4-майга чейин орун ала турган U-17 Азия Кубогунун тандоо оюндарынын биринчи раундуна даярдык көрүүдө.

-

ЖЕНСКАЯ ЮНИОРСКАЯ СБОРНАЯ КЫРГЫЗСТАНА СЫГРАЕТ ПРОТИВ УЗБЕКИСТАНА

Женская юниорская сборная U-15 Кыргызстана сыграет два товарищеских матча против сборной Узбекистана. Встречи пройдут 26 и 28 ноября на футбольной базе «Чигатай» города Ташкент.

Для подготовки к этим матчам наша сборная под руководством Азамата Ногоева проводит учебно-тренировочный сбор, который начался 18 ноября на территории Национальной академии футбола КФС.

Данный сбор, а также проведение товарищеских игр запланированы в целях подготовки сборной к успешному выступлению в 1 раунде Отборочных игр Кубка Азии U-17 2025, который пройдет в период с 26 апреля по 4 мая 2025 года.

#kfu_kg

КФБНЫН ТЕХНИКАЛЫК АДИСТЕРИ ЖАПОНИЯ ФУТБОЛ АССОЦИАЦИЯСЫНДА БОЛДУ

17-21-ноябрь күндөрү Кыргыз футбол биримдигинин техникалык директору Анарбек Ормомбеков жана КФБнын техникалык бөлүмүнүн адиси Азамат Асанбеков иш сапары менен Жапониянын футбол ассоциациясына (JFA) барышты.

Сапардын жүрүшүндө делегация Жапониянын футболдук инфратүзүмүнүн негизги объектилерине, анын ичинде Жапония футбол ассоциациясынын техникалык борборуна, ошондой эле Фукусимадагы «Юме» оюн талаасына (Чиба), «Ж-Виледж» (Фукусима) жана JFA академиясынын машыгуу комплекстерине баш багышты.

Кошумчалай кетсек, Кыргызстандын адистери Канто аймагындагы 15 жашка чейинки командалар арасындагы Жапониянын аймактык кубогунун финалдык оюндарына да көз салышты.

Иш сапардын жүрүшүндө JFAнын машыктыруучулук билим берүү боюнча директору Кимура Ясухико, JFA жаштар командасынын машыктыруучусу Мотояши Такеши жана JFAнын техникалык директору Кагеяма Масенага сыяктуу жапон футболунун алдыңкы адистери менен жолугушуулар өткөрүлдү. Ошондой эле JFA футбол боюнча эркектер арасындагы академиясынын машыктыруучусу Йошида Ясуши жана JFA кыз-келиндер академиясынын директору Ямагучи Такафуми менен сүйлөшүүлөр болду.

КФБнын делегациясы ошондой эле Жапониянын эркектер жана кыз-келиндер курама командаларынын машыгууларына байкоо жүргүзүп, машыктыруучу жана административдик курамы менен бир катар жолугушууларды өткөрдү. Иш сапардын соңунда кыргызстандык адистер JFAнын техникалык кызматкерлерине жана Япониянын футбол ассоциациясынын эл аралык байланыштар бөлүмүнө презентацияларды жасашты.

Иш сапардын негизги максаты - тажрыйба алмашуу жана кыргызстандык адистердин квалификациясын жогорулатуу болду. Бул кесиптик байланыштарды чындоодо жана техникалык тармактагы менеджментти жакшыртууда маанилүү кадам болуп саналат.

-

ТЕХНИЧЕСКИЕ СПЕЦИАЛИСТЫ КФС ПОСЕТИЛИ ЯПОНСКУЮ ФУТБОЛЬНУЮ АССОЦИАЦИЮ

С 17 по 21 ноября технический директор Кыргызского футбольного союза Анарбек Ормомбеков и специалист технического отдела КФС Азамат Асанбеков посетили Японскую ассоциацию футбола (JFA) с рабочим визитом. В ходе поездки делегация ознакомилась с ключевыми объектами японской футбольной инфраструктуры, включая Технический центр Японской футбольной ассоциации, а также тренировочными комплексами «Юме» (Чиба), «Ж-Виледж» (Фукусима) и академией JFA в Фукусиме.

Кроме того, специалисты из Кыргызстана наблюдали за финальными играми регионального Кубка Японии среди команд U-15 в регионе Канто.

В рамках визита состоялись встречи с ведущими специалистами японского футбола, включая Директора по тренерскому образованию JFA Кимуру Ясухико, тренера молодежных сборных JFA Мотояши Такеши, а также Технического директора JFA Кагеяму Масенагу. Также прошли беседы с тренером мужской академии JFA Йошидой Ясуши и директором женской академии JFA Ямагучи Такафуми.

Делегация КФС также наблюдала за тренировочными сессиями как мужских, так и женских сборных команд Японии, а также провела ряд встреч с тренерским и административным штабом. В заключение визита кыргызстанские специалисты представили презентации для технического персонала JFA и отдела международных отношений Японской футбольной ассоциации.

Основной целью визита стал обмен опытом и повышение квалификации кыргызстанских специалистов, что является важным шагом в укреплении профессиональных связей и улучшении менеджмента в технической области.

#kfu_kg

КАМЧЫБЕК ТАШИЕВ РЕСПУБЛИКАЛЫК СПОРТТУК КОЛЛЕДЖДИН ЖАҢЫ ЭКИ ФУТБОЛДУК ОЮН ТАЛААСЫН АЧТЫ

Бүгүн, 22-ноябрь күнү Бишкектеги Шералы Сыдыков атындагы Республикалык спорттук колледжинин аймагында жаңыдан курулган эки футболдук оюн аянтчасын КФБ Президенти Камчыбек Ташиев ачып, колдонууга берди.

Аталган оюн талааларын куруу иштери учурдагы жылдын апрель айында жүргүзүлө баштаган. 7 920 чарчы метрлик оюн талаасынын бири гибриддик каптоо жана олимпиадалык стандарттарга жооп берген чуркоо аянтчасы менен жабдылса, экинчиси оюн талаасы жалпы 7 723 чарчы метрлик жасалма газондуу болуп, 240 көрүүчү үчүн чатырлуу трибуна менен жабылды.

Эске салсак, Республикалык спорттук колледжи алдында иштеген футболдук атайын класс иштеп, анда 2009-жылкы таланттуу 23 оюнчу тарбияланууда. Команда эми колледждин базасында машыгууларды өткөрүү мүмкүнчүлүгүнө ээ болду.

Камчыбек Ташиев бүгүнкү ачылыш аземдин алдында, РСК тарбиялануучулары менен жаңы чуркоо аянтында, жаңы ворк-аут зонасында жана футбол талаасында чуркап, машыкты.

Аталган иштерге болгон чыгымдарды Кыргыз футбол биримдиги жана демөөрчүлөр каржылады.

Ачылыш аземиндеги өз сөзүндө КФБ жетекчиси өлкөнү спортчулар дүйнөгө даңазалай тургандыгын белгилеп, азыртадан эмгек жумшоо керектигин белгилеп, өлкөдөгү спорттук инфратүзүмдүн мындан ары да өнүгөөрүн айтты.

Аземден кийин КФБ Президенти колледждин жамааты менен дагы жолугуп, алардын көйгөйлөрү менен таанышып, маек курду.

-

КАМЧЫБЕК ТАШИЕВ ОТКРЫЛ ДВА НОВЫХ ФУТБОЛЬНЫХ ПОЛЯ РЕСПУБЛИКАНСКОГО СПОРТИВНОГО КОЛЛЕДЖА

Сегодня, 22 ноября, на территории Республиканского спортивного колледжа имени Шералы Сыдыкова в Бишкеке Президент КФС Камчыбек Ташиев торжественно открыл два новых футбольных поля.

Строительство этих объектов началось в апреле этого года. Одно из полей, площадью 7 920 кв. м, оснащено гибридным покрытием и беговой дорожкой, соответствующей олимпийским стандартам. Второе поле, площадью 7 723 кв. м, имеет искусственное покрытие и оборудовано крытой трибуной на 240 зрительских мест.

Напомним, при Республиканском спортивном колледже действует футбольная секция, в которой тренируются 23 талантливых игрока 2009 года рождения. Теперь команда сможет тренироваться на своей базе.

Перед церемонией открытия Камчыбек Ташиев провел тренировку с учащимися РСК на новом беговом треке, в воркаут-зоне и на футбольном поле.

Финансирование строительства было осуществлено за счет средств Кыргызского футбольного союза и спонсоров.

В своей речи на церемонии открытия глава КФС отметил, что в подрастающие спортсмены будут прославлять Кыргызстан на международной арене, подчеркнув важность работы над этим уже сейчас. Он также заверил, что развитие спортивной инфраструктуры в стране будет продолжаться.

После церемонии Камчыбек Ташиев встретился в неформальной обстановке с коллективом колледжа.

#kfu_kg

БИЗДИН АДИСТЕР ЭЛ АРАЛЫК АРЕНАДА

Ата-мекендик адис Ильдар Гарифулин Азия футбол конфедерациясынын (АФК) комиссарларынын курамын толуктады. Буга чейин Кыргыз футбол биримдигинде иштеген Гарифулин учурда Борбор Азия футбол ассоциациясында мелдештер бөлүмүн жетектөөдө.

Кошумчалай, ата-мекендик адис Михаил Толкачев жакында орун алган 2026-жылкы Дүйнө чемпионатынын тандоо оюндарынын алкагында АФК комиссары катары Кувейт - Корея Республикасы беттешине дайындалган. Ошондой эле, дагы бир адисибиз Абаз Торез Ирак-Иордания беттешинде коопсуздук офицери катары дыйындоо алган.

-

НАШИ СПЕЦИАЛИСТЫ НА МЕЖДУНАРОДНОЙ АРЕНЕ

Отечественный специалист Ильдар Гарифулин по результатам недавно прошедшего семинара для новых комиссаров, пополнил ряды комиссаров Азиатской футбольной конфедерации (АФК). Гарифулин, который ранее работал в Кыргызском футбольном союзе, в настоящее время занимает должность руководителя отдела соревнований в Центрально-Азиатской футбольной ассоциации.

Кроме того, в рамках недавно прошедших отборочных матчей Чемпионата мира-2026 комиссар АФК из Кыргызстана Михаил Толкачев был назначен на матч Кувейт — Республика Корея. Еще один отечественный специалист, Абаз Торез, исполнял обязанности офицера по безопасности на матче Ирак — Иордания.

#kfu_kg

КӨҢҮЛ АЙТАБЫЗ!

20-ноябрда 50 жаш курагында ата-мекендик футзал ветераны Жениш Маматов күтүүсүздөн дүйнөдөн кайтты.

Жениш Маматов өмүрүнүн чоң бөлүгүн футзалга арнаган, 2004-жылдан 2009-жылга чейин Кыргызстандын улуттук курамасында ойноп келген. Ал ошондой эле азыркы учурда футзал жаштар курамаларында ойногон Артур жана Тимур Маматовдордун атасы болчу.

Кыргыз футбол биримдиги жана Кыргыз Республикасынын футзал ассоциациясы Жениш Маматовдун жакындарына жана туугандарына көңүл айтып, кайгыңыздар менен тең бөлүшөт.

-

СОБОЛЕЗНУЕМ И СКОРБИМ!

20 ноября, на 50-м году жизни, внезапно скончался ветеран отечественного футзала Жениш Маматов.

Жениш Маматов посвятил многие годы своей жизни футзалу, выступал за Национальную сборную Кыргызской Республики с 2004 по 2009 годы. Он также был замечательным отцом игроков Артура и Тимура Маматовых, которые сейчас выступают за юношеские сборные по футзалу.

Кыргызский футбольный союз и Ассоциация футзала Кыргызской Республики выражают глубочайшие соболезнования родным и близким Жениша Маматова. Мы разделяем вашу боль и скорбим вместе с вами.

#kfu_kg

КЛУБДАР ЖАНА АКАДЕМИЯ ӨКҮЛДӨРҮНҮН ЖЫЙЫНЫ ӨТТҮ

Бүгүн, 20-ноябрда Кыргыз футбол биримдигинин кеңсесинде КФБнын башкы катчысы Медербек Сыдыков, Кыргыз профессионалдык футбол лигасынын өкүлдөрүнүн, Жогорку Лигадагы клубдардын, академиялардын жетекчилеринин катышуусунда жыйын болуп өттү.

Жыйын КФБнын жетекчилигинин демилгеси менен уюштурулуп, 2025-жылга карата клубдук ички жана эл аралык мелдештердин форматтарын талкуулоо, лицензиялоо маселелери жана клубдардагы кадрдык-административдик, каржылык өзгөрүүлөр талкууланды.

Алгач жыйындын бардык катышуучуларына КПФЛ тарабынан 2025-жылга карата пландар боюнча презентация орун алып, анда 2025-жылга пландаштырылган турнирлер тууралуу маалымат берилди.

Андан соң КФБнын Мелдештер бөлүмүнүн жетекчиси Михаил Толкачев футбол клубдарына коюлган жалпы талаптар боюнча маалымат берди.

Жыйында футбол академияларынын келечеги, тагыраак айтканда, алдыдагы академияларда боло турган мыкты оюнчуларды тандоо маселеси да талкууланды. Жолугушуунун катышуучулары келерки жылга командаларды даярдоо боюнча өз ойлорун, сунуштарын айтышты.

-

СОСТОЯЛОСЬ СОБРАНИЕ ПРЕДСТАВИТЕЛЕЙ КЛУБОВ И АКАДЕМИЙ

Сегодня, 20 ноября в офисе Кыргызского футбольного союза состоялось собрание с участием генерального секретаря КФС Медербека Сыдыкова, представителей КФС, Кыргызской профессиональной футбольной лиги, руководителей клубов Премьер-Лиги и академий.

Данное совещание было организовано по инициативе руководства КФС, в целях обсуждения планов на 2025 год. В ходе встречи рассматривались форматы внутренних и международных клубных соревнований, вопросы лицензирования, а также кадровые, административные и финансовые изменения.

Собрание открылось презентацией от КПФЛ, в которой была представлена информация о запланированных турнирах на 2025 год.

Затем Михаил Толкачев, руководитель отдела соревнований КФС, представил информацию об общих требованиях к футбольным клубам.

Также на совещании было обсуждено будущее футбольных академий, в частности, предстоящий отбор лучших игроков в академиях. Участники встречи поделились своими идеями и предложениями по подготовке команд на следующий год.

#kfu_kg

🇰🇬 АЗАМАТ БАЙМАТОВ ОЮН КАРЬЕРАСЫН БҮТҮРДҮ

Бүгүн, 19-ноябрда, Д. Омурзаков атындагы стадиондо Кыргызстандын Улуттук курама командасынын легендарлуу оюнчусу жана көп жылдык капитаны Азамат Байматовду узатуу аземи болуп өттү.

Азамат 2010-жылдын 17-февралында курама командада дебют жасап, 35 оюнда катышып, күйөрмандарга көптөгөн жаркын учурларды тартуулады.

Бардыгы үчүн рахмат, Азамат! 🙌🏻

——

🇰🇬 АЗАМАТ БАЙМАТОВ ОФИЦИАЛЬНО ЗАВЕРШИЛ ИГРОВУЮ КАРЬЕРУ

Сегодня, 19 ноября, на стадионе имени Д. Омурзакова состоялись проводы легендарного игрока и многолетнего капитана Национальной сборной Кыргызстана Азамата Байматова.

Азамат дебютировал за сборную 17 февраля 2010 года, и за годы выступлений на поле он сыграл в 35 матчах, подарив болельщикам множество ярких моментов.

Благодарим за всё, Азамат! 🙌🏻

#kyrgyzkurama

СЕГОДНЯ АКШУМКАР СЫГРАЕТ ДОМА С ИРАНОМ

Сегодня, 19 ноября на главной спортивной арене столицы — стадионе имени Долона Омурзакова — национальная сборная Кыргызстана по футболу в рамках третьего раунда чемпионата мира 2026 года встретится с Ираном — одним из сильнейших соперников по группе.

Начало матча в 20:00. Вход на стадион будет открыт для зрителей с 18:00. Для болельщиков организованы различные активности: семплинг, фудкорт, продажа мерча, выступление диджея, конкурсы с подарками. Билеты на матч можно приобрести на сайте kassir.kg и на кассе стадиона.

Отметим, что в этом раунде 18 сборных команд разделены на 3 группы по 6 команд. По итогам матчей две лучшие команды из каждой группы получат путёвки на чемпионат мира. Сборные, занявшие третье и четвёртое места, продолжат борьбу в четвёртом раунде, где будут определены ещё два участника мирового первенства. Также одно место может быть получено через межконтинентальный плей-офф. Наша сборная находится в группе «А», в которой также играют сборные Ирана, Катара, ОАЭ, Северной Кореи и Узбекистана.

Приходите на стадион, чтобы поддержать главную команду страны в борьбе за мировое первенство!

-

АКШУМКАРЛАР БҮГҮН ӨЗ ҮЙҮНДӨ ИРАНГА КАРШЫ БЕТТЕШЕТ

Бүгүн, 19-ноябрь күнү борбор калаабыздын башкы спорттук аренасы Дөлөн Өмүрзаков стадионунда футбол боюнча улуттук курама командасы, 2026-жылкы Дүйнө Чемпионатынын квалификациялык үчүнчү раундунун алкагында тайпадагы күчтүү атаандаштарынын бири-Иран курамасы менен беттешет.

Оюн саат 20:00до башталат. Ал эми, көрүүчүлөр үчүн стадиондун кириштери саат 18:00дон баштап ачык болуп, шоу-программа орун алат. Күйөрмандарды стадиондо семплинг зонасы, фудкорт, мерч сатуулары жана баалуу белектер менен ойноло турган конкурстар күтөт.

Аталган беттешке билеттер kassir.kg сайтында жана стадиондун кассаларында жеткиликтүү.

Белгилей кетсек, үчүнчү баскычта 18 курама алты командадан турган үч тайпага бөлүнөт. Бул этаптагы оюндардын жыйынтыгы боюнча ар бир тайпадан эң мыкты эки команда 2026-жылкы Дүйнөлүк биринчиликке жолдомо алышат.

Төртүнчү квалификациялык раундда Азиядан дагы эки катышуучуну аныкталат жана континенттер аралык плей-офф аркылуу Дүйнөлүк чемпионатка катышуу үчүн дагы бир орун үчүн күрөш жүрөт. Биздин курама команда Иран, Катар, БАЭ, Түндүк Корея жана Өзбекстандын курама командалары менен биргеликте «А» тайпасында орун алган.

Дүйнө биринчилигине болгон жолдомодогу күрөшүндө өлкөнүн башкы курамасын колдоңуз!

#kfu_kg

КФБНЫН БАШКЫ КАТЧЫСЫ, АФКНЫН БАШКЫ КАТЧЫСЫНЫН ОРУН БАСАРЫН КАБЫЛ АЛДЫ

Кыргыз футбол биримдигинин башкы катчысы Медербек Сыдыков Азия футбол конфедерациясынын (АФК) башкы катчысынын орун басары Шин Ман Гил менен жолукту.

Эки тарап эртеңки өтө турчу Кыргызстан-Иран беттешине даярдык боюнча, КФБнын ишмердиги жана кызматташуу боюнча маселелерин талкуулашты.

Ошондой эле, жолугушуунун алкагында АФКнын башкы катчысынын орун басары КФБнын кеңсеси менен таанышты.

Белгилей кетсек, АФКнын эгидасы алдында өткөрүлгөн мелдештердин уюштурулушун көзөмөлдөгөн АФКнын жетекчиси 19-ноябрда Д.Өмүрзаков атындагы стадиондо өтө турган Кыргызстан менен Ирандын курама командаларынын беттешинин уюштурулушуна көз салуу максатында келген. Буга чейин Бишкек шаарындагы бир нече футболдук инфратүзүмдүк объектилер менен таанышкан.

-

ГЕНЕРАЛЬНЫЙ СЕКРЕТАРЬ КФС ПРИНЯЛ С ЗАМЕСТИТЕЛЯ ГЕНЕРАЛЬНОГО СЕКРЕТАРЯ АФК

Генеральный секретарь Кыргызского футбольного союза Медербек Сыдыков провел встречу с заместителем генерального секретаря Азиатской футбольной конфедерации (АФК) Шин Ман Гилом.

Стороны обсудили вопросы, связанные с подготовкой к завтрашнему матчу между Кыргызстаном и Ираном, а также деятельность КФС. В рамках встречи заместитель генерального секретаря АФК также ознакомился с офисом КФС.

Отметим, что руководитель АФК, отвечающий за организацию соревнований, проводимых под эгидой конфедерации, прибыл в Кыргызстан для наблюдения за подготовкой к матчу между сборными Кыргызстана и Ирана, который состоится 19 ноября на стадионе имени Д. Омурзакова. До этого он также посетил несколько объектов футбольной инфраструктуры Бишкека.

#kfu_kg

АФКНЫН БАШКЫ КАТЧЫСЫНЫН ОРУН БАСАРЫ БИШКЕКТИН ФУТБОЛДУК ИНФРАТҮЗҮМДҮК ОБЪЕКТИЛЕРИ МЕНЕН ТААНЫШТЫ

Азия футбол конфедерациясынын (АФК) башкы катчысынын орун басары Шин Ман Гил Бишкекке иш-сапары менен келди. АФКнын эгидасы алдында өткөрүлгөн мелдештердин уюштурулушун көзөмөлдөгөн АФКнын жетекчиси 19-ноябрда Д.Өмүрзаков атындагы стадиондо өтө турган Кыргызстан менен Ирандын курама командаларынын беттешинин уюштурулушуна көз салуу үчүн келди.

Ошондой эле, иш-сапардын алкагында 16-ноябрь күнү Шин Ман Гил Бишкек шаарындагы бир нече футболдук инфратүзүмдүк объектилер менен таанышты. Аны Кыргыз футбол биримдигинин Вице-президенти Дастанбек Конокбаев, КФБнын Мелдештер комитетинин төрагасы Кемел Токобаев жана КФБнын мелдештер бөлүмүнүн жетекчиси Михаил Толкачев коштоп жүрүштү.

Конок Д.Өмүрзаков атындагы стадионду, Республикалык спорт колледжин, КФБ улуттук футбол академиясын, ошондой эле курулуп жаткан «Эмгек резерви» спорт комплексине баш бакты. Шин Ман Гил борбор калаадагы футболдук объектилер тууралуу жакшы пикирин айтты. Башкы катчынын орун басары жакын арада Беш-Күңгөй айылындагы курулуп жаткан стадионду, «Мурас Юнайтед» машыгуу базасын жана Кант шаарындагы футбол объектилерине да барат.

-

ЗАМЕСТИТЕЛЬ ГЕНЕРАЛЬНОГО СЕКРЕТАРЯ АФК ПОСЕТИЛ ФУТБОЛЬНЫЕ ИНФРАСТРУКТУРНЫЕ ОБЪЕКТЫ БИШКЕКА

Заместитель генерального секретаря Азиатской футбольной конфедерации (АФК) Шин Ман Гил прибыл с рабочим визитом в Бишкек. Руководитель АФК, курирующий направление организации соревнований, посетил столицу Кыргызстана с целью наблюдения за организацией матча между сборными Кыргызстана и Ирана, который состоится 19 ноября на стадионе имени Д. Омурзакова.

Кроме того, сегодня, 16 ноября Шин Ман Гил посетил несколько футбольных инфраструктурных объектов Бишкека. Визит прошел при сопровождении Вице-президента Кыргызского футбольного союза Дастанбека Конокбаева, председателя комитета КФС по соревнованиям Кемела Токобаева и руководителя отдела соревнований КФС Михаила Толкачева.

Гость осмотрел стадион имени Д. Омурзакова, Республиканский спортивный колледж, Национальную академию футбола КФС, а также строящийся спортивный комплекс «Трудовые резервы». Шин Ман Гил отозвался положительно о футбольных объектах в столице. Заместитель генерального секретаря в скором времени посетит также УТБ «Мурас Юнайтед», строящийся стадион в селе Беш-Кунгей, а также футбольные объекты в городе Кант.

#kfu_kg

Оюн аяктады! 🇰🇬🇰🇿

Курамабыз үчүн кирген жалгыз голдун автору - Исаев Алымбек.

Жооптук беттеш 18-ноябрь күнү орун алат.

#kfu_kg

КЫРГЫЗСТАНДЫН ЖАШТАР КУРАМАСЫ МОНГОЛИЯНЫ ИРИ ЭСЕП САНЫ МЕНЕН ЖЕҢДИ

Бүгүн, 16-ноябрь күнү Кытайдын Чэнду шаарында «Panda Cup» эл аралык мелдешинин кезектеги туру орун алып, анын алкагында Кыргызстандын U-20 жаштар курамасы Монголия менен кез келди. Мелдеште Кытай жана Австралия курамалары да ат салышууда.

Беттеш 7-0 эсебиндеги биздин кураманын ири эсеп санындагы жеңиши менен аяктады. Голдордун авторлору - Кубанычбек уулу Манас, Эшенкулов Атай, Маданов Ырыс (3 гола), Эрнисов Эмир, Орунтаев Нурислам.

Регламентке ылайык, турнир айлампа системасы боюнча орун алып, жеңүүчү эң көп топтолгон упайлар боюнча аныкталат. Азырынча курамабыздын капчыгында 3 упай бар.

Аталган мелдешке Мирлан Эшеновдун оюнчулары жаштар арасындагы Азия Кубогуна болгон даярдыктын алкагында катышууда. Эске салсак, Азия Кубогунда биздин курама «А» тайпада Австралия, Катар жана Кытай менен бирге жайгашты. Азия биринчилигинин финалдык этабы 2025-жылдын 12-февралдан тарта 1-мартка чейин Кытайда өтөт.

Кийинки оюнду жаштар курамабыз турнир кожоюндары Кытайга каршы 19-ноябрда өткөрөт.

#kfu_kg

🇰🇬 Улуттук футбол академиясына өткөн тандоо боюнча Кыргыз Спорт ТВ каналанын репортажы 🎥

#kfu_kg

🇰🇬🇰🇿 КЫРГЫЗСТАНДЫН U-14 ЖАШТАР КУРАМАСЫ КАЗАХСТАН МЕНЕН ЭКИ ЖОЛДОШТУК БЕТТЕШ ӨТКӨРӨТ

Кыргызстандын U-14 өспүрүмдөр курамасы Казахстан менен эки жолдоштук беттеш өткөрөт. Аталган оюндар 16 жана 18-ноябрь күндөрү Кыргыз футбол биримдигинин Улуттук футбол академиясынын оюн талаасында орун алат.

Курама башкы машыктыруучу Санжар Шаршеевдин жетекчилиги алдында ойнойт.

Бүгүнкү беттеш саат 14:30 орун алып, көрүүчүлөр үчүн жеткиликтүү болот.

-

🇰🇬🇰🇿 ЮНОШЕСКАЯ СБОРНАЯ КЫРГЫЗСТАНА U-14 СЫГРАЕТ СО СБОРНОЙ КАЗАХСТАНА

Юношеская сборная Кыргызстана U-14 проведет два товарищеских матча против сборной Казахстана. Встречи пройдут 16 и 18 ноября на поле Национальной академии футбола КФС.

Сборная сыграет под руководством главного тренера Санжара Шаршеева.

Сегодняшняя встреча пройдет в 14:30 и будет доступна для зрителей.

📋 U-14 курамасынын тизмеси | Список игроков сборной U-14 на товарищеские матчи с Казахстаном:

🧤Дарбазачылар | Вратари:
Кашуба Артем
Молдокматов Адилет
Фрайс Армин

🛡️Коргоочулар | Защитники:
Омурзаков Эрлан
Субанов Алихан
Курбаналиев Билал
Жылкычыев Усман
Султанов Назар
Эмильев Эмир
Мамыров Элдияр
Асанбеков Бектур
Аманбеков Рамазан

🔗 Жарым коргоочулар | Полузащитники:
Айтбаев Нуртай
Култаев Умар
Янфу Рамиль
Абилов Ариет
Аскербеков Эржан
Мурзакулов Алихан
Сулошиев Ильхам
Сагынов Байазат
Канатов Рахатбек

⚡️Чабуулчулар | Нападающие:
Мирланов Байэл
Саякбаев Арлен
Алимжанов Салават
Таштемиров Баяман
Болотбеков Актан
Исаев Алымбек

👤 Машыктыруучулар жана административдик штаб | Административно-Тренерский штаб:
Шаршеев Санжар - главный тренер
Безносенко Анатолий - тренер вратарей
Озубеков Аскат - видеоаналитик
Джусумкулов Аман - врач
Кенешов Арсен - администратор

#kyrgyzkurama

КФБНЫН УЛУТТУК ФУТБОЛ АКАДЕМИЯСЫНА ЖАШ ФУТБОЛЧУЛАР ТАНДАЛДЫ

10-14-ноябрь күндөрү Улуттук футбол академиясында 2011-жылы төрөлгөн футболчулар арасында тандоо өтүп, ага өлкөнүн бардык аймактарынан 49 жаш оюнчулар катышты.

Академиянын өкүлдөрүнүн жана КФБ скауттарынын жетекчилиги алдында үч күн бою ылдамдык жана шамдагайлык тесттери, машыгуу жана оюн көнүгүүлөрү өткөрүлдү. Алар техникалык жана тактикалык жактан гана эмес, физикалык жактан даярдыгы бар, командада иштөө жөндөмдүүлүгү мыкты футболчуларды аныктоого багытталды. Тандап алууда жогорку деңгээлдеги оюндар үчүн зарыл болгон сапаттар каралды.

Жыйынтыгында КФБнын Улуттук футбол академиясында машыгуусун уланта турган 23 таланттуу футболчулар тандалып алынды.

Тандоонун максаты – жаш курагына жараша ар кандай турнирлерде жана мелдештерде өлкөнүн атынан чыга турган келечектеги курама команданы түзүү. Эскерте кетсек, бул тандоо этабы акыркы эмес, келечекте кошумча тандоолор өткөрүлөт. Бул тандоолор машыктыруучуларга чоң потенциалы бар оюнчуларды аныктоого жана алардын өнүгүүсүн көзөмөлдөөгө мүмкүндүк берет.

-

ПРОШЕЛ ОТБОР ЮНЫХ ФУТБОЛИСТОВ В НАЦИОНАЛЬНУЮ АКАДЕМИЮ ФУТБОЛА КФС

С 10 по 14 ноября на базе Национальной академии футбола прошел отбор футболистов 2011 года рождения, в котором приняли участие 49 юных игроков со всей страны.

В течение трех дней под руководством скаутов КФС на базе Академии были проведены тесты на скорость и ловкость, тренировки и игровые упражнения, направленные на выявление лучших футболистов, обладающих не только техническими и тактическими навыками, но и физической подготовленностью, умением работать в команде, а также качествами, необходимыми для игры на высоком уровне.

По итогам отбора было выбрано 23 самых ярких и талантливых футболиста, которые продолжат свою подготовку на базе Национальной академии футбола в Бишкеке.

Цель отбора — формирование перспективной сборной команды, которая будет представлять страну на различных турнирах и соревнованиях по своему возрасту. Отметим, что этот этап отбора не является последним. В будущем будут проводиться дополнительные отборы и просмотры, что позволит тренерскому штабу более точно определить самых перспективных игроков и следить за их развитием.

#kfu_kg

2026-жылкы Дүйнө Чемпионатынын үчүнчү тандоо раундунан кийинеи «А» тайпасынын учурдагы турнирдик жадыбалы.

Курамабыздын кийинки оюнун 19-ноябрь күнү тайпа лидери - Иранга каршы Бишкектин Д.Өмүрзаков атындагы стадионунда өткөрөт.

📆 19-ноябрь | 20:00
Кыргызстан 🇰🇬 - Иран 🇮🇷
🏟️ Бишкек, Д.Өмүрзаков ат.стадион
🎟️ Билеттер kassir.kg сайтында

#kfu_kg

🇰🇬🇦🇪 АКШУМКАРЛАР БАЭ КУРАМАСЫНА ЖЕҢИЛДИ

Бүгүн, 14-ноябрь күнү Абу-Дабинин «Мухаммед бин Зайед» стадионунда Кыргызстандын футбол боюнча улуттук курама командасы 2026-жылкы Дүйнө Чемпионатынын квалификациялык үчүнчү раундунун алкагында Бириккен Араб Эмирлигинин курамасы менен кез келди.

Беттеш 3-0 эсеби менен оюн талаа ээлеринин жеңиши менен аяктады.

Курамабыздын кийинки оюнун 19-ноябрь күнү Иранга каршы Бишкектин Д.Өмүрзаков атындагы стадионунда өткөрөт.

✔️ Маалымат үчүн: Белгилей кетсек, Кыргызстандын Улуттук курамасы тарыхта алгачы жолу Дүйнө Чемпионатынын үчүнчү раундунда ойноодо. Үчүнчү баскычта 18 курама алты командадан турган үч тайпага бөлүнөт. Бул этаптагы оюндардын жыйынтыгы боюнча ар бир тайпадан эң мыкты эки команда 2026-жылкы Дүйнөлүк биринчиликке жолдомо алышат. Төртүнчү квалификациялык раундда Азиядан дагы эки катышуучуну аныкталат жана континенттер аралык плей-офф аркылуу Дүйнөлүк чемпионатка катышуу үчүн дагы бир орун үчүн күрөш жүрөт. Биздин курама команда Иран, Катар, БАЭ, Түндүк Корея жана Өзбекстандын курама командалары менен биргеликте «А» тайпасында орун алган.

#kfu_kg

АБДЫШ-АТА КУВЕЙТТИК «АЛЬ-АРАБИ» КЛУБУН ЖЕҢДИ

АФК Чакырык Лигасынын тайпалык баскычы алкагындагы ата-мекендик «Абдыш-Ата» футболдук клубу бүгүн, 26-октябрь күнү кувейттик «Аль-Араби» клубу менен кез келди.

Абдыш-Ата - Аль-Араби (Кувейт), Аркадаг (Түркмөнстан), Мазия (Мальдивы) футбол клубдары менен бирге Батыш зонага тиешелүү «B» тайпасында жайгашкан. Аталган тайпанын беттештери борборлоштурулган форматта 26-октябрь – 1-ноябрь күндөрү Кувейтте орун алууда.

Эске салсак, аталган баскычта 18 клуб 5 тайпага бөлүндү. Батыш зона 3 тайпадан турса, Чыгыш зонанын клубдары 2 тайпага бөлүнүштү.

Бүгүнкү оюн Кувейттин «Кувейт Спорт Клуб» стадионунда орун алып, биздин ата мекендик клубдун 1-0 эсебиндеги жеңиши менен аяктады. Жалгыз голдун автору - Эрбол Атабаев.

«Абдыш-Атанын» кийинки оюну «Аркадаг» клубуна каршы 29-октябрда орун алат.

#kfu_kg

📅 26-октябрь | 20:30
🏆 АФК Чакырык Лигасы
🏟️ «Кувейт» спорт клубу, Кувейт
Аль - Араби 🇰🇼 - Абдыш-Ата 🇰🇬
Түз алып берүү УТРК Спорт каналында жана АФКнын YouTube каналында 🎥

🇰🇬 КЫРГЫЗСТАНДЫН ӨСПҮРҮМДӨР КУРАМАСЫ «TALENTS CUP U-14» ЭЛ АРАЛЫК МЕЛДЕШИНДE ЭКИНЧИ ОРУНДУ ЭЭЛЕДИ

22-26-октябрда Бишкек шаарында 14 жашка чейинкилер арасында «Таланттар Кубогу» болуп өттү. Эл аралык турнирге Кыргызстан, Бахрейн, Казакстан жана Өзбекстандын өспүрүмдөр курама командалары катышты.

Турнир KФБ Улуттук футбол академиясынын оюн талаасында, «FIFA Talent Coach» программасынын алкагында өттү. Турнирге биздин курама командабыз башкы машыктыруучу Санжар Шаршеевдин жетекчилиги алдында күч сынашты.

Жобого ылайык, турнир айлампа системасы боюнча бир айлампада өткөрүлдү. Кубоктун ээси эң көп упайдын негизинде аныкталды.

Бүгүнкү финалдык - үчүнчү турда биздин команда Казакстандын командасы менен беттешти. Беттеш 3:2 эсебинде биздин команданын жеңиши менен аяктады. Эске салсак, буга чейин Кыргызстандын курама команда Бахрейнден келген атаандаштарын 2:0 эсебинде утуп, Өзбекстан менен тең ойногон (1:1).

Турнирдин жыйынтыгында Кыргызстан курамасы сары кагаздардын көптүгүнөн турнирдик жадыбалда 2-орунда (7 упай) жайгашты. Ал эми 1-орунду Өзбекстан курамасы (7 упай) жеңди. Казакстан турнирди 3-орунда (3 упай) аяктаса, Бахрейн курамасы упайсыз акыркы орунда жайгашты.

Индивидуалдык сыйлыктын жеңүүчүлөрү:

Мыкты дарбазачы - Артем Кашуба (Кыргызстан)
Мыкты коргоочу - Азизилло Эркинжонов (Өзбекстан)
Мыкты жарым коргоочу - Айбын Даулет (Казахстан)
Мыкты бомбардир - Бехрузбек Саматов (Өзбекстан)
Мыкты оюнчу - Ариет Абилов (Кыргызстан)

-

🇰🇬 ЮНОШЕСКАЯ СБОРНАЯ КЫРГЫЗСТАНА ЗАНЯЛА ВТОРОЕ МЕСТО В МЕЖДУНАРОДНОМ ТУРНИРЕ «КУБОК ТАЛАНТОВ U-14»

22-26 октября в Бишкеке прошел розыгрыш «Кубка Талантов» среди юношеских команд U-14 (Talents Cup U14). В международном турнире приняли участие юношеские сборные Кыргызстана, Бахрейна, Казахстана и Узбекистана.

Турнир прошел на территории Национальной футбольной Академии КФС. Розыгрыш кубка состоялся в рамках программы FIFA Talent Coach. Нашa юношеская сборная выступила в турнире под руководством главного тренера Санжара Шаршеева.

Согласно регламенту, турнир прошел по круговой системе в один круг. Обладатель кубка определился по наибольшему количеству набранных очков.

В сегодняшнем заключительном - третьем туре наша сборная сошлась в матче против сборной Казахстана. Матч завершился победой нашей команды со счетом 3-2. Напомним, что ранее наша команда обыграла сверстников из Бахрейна со счетом 2-0, а также сыграла вничью с Узбекистаном (1-1).

По итогам турнира, сборная Кыргызстана заняла вторую строчку в турнирной таблице (7 очков), из-за количества желтых карт уступив первое место сборной Узбекистана (7 очков). Казахстан завершает турнир на третьем месте (3 очков), сборная Бахрейна осталась на последнем месте без очков.

Обладатели индивидуальных наград:

Лучший вратарь - Артем Кашуба (Кыргызстан)
Лучший защитник - Азизилло Эркинжонов (Өзбекстан)
Мыкты полузащитник - Айбын Даулет (Казахстан)
Лучший бомбардир - Бехрузбек Саматов (Өзбекстан)
Лучший игрок - Ариет Абилов (Кыргызстан)

#kfu_kg

🇰🇬 АФК ПРЕЗИДЕНТИ БИШКЕКТЕГИ ФУТБОЛДУК ИНФРАТҮЗҮМДҮК ОБЪЕКТИЛЕР МЕНЕН ТААНЫШТЫ

Бүгүн, 25-октябрь күнү Азия футбол конфедерациясынын Президенти шейх Салман Бин Ибрагим Аль Халифа Бишкек шаары жана Чүй облусунда жайгашып, реконструкциядан өтүп жана учурда курулуп жаткан футболдук инфратүзүмдүк объектилер менен таанышты.

АФК жетекчиси Чүй облусунун Беш-Күнгөй айылында курулуп жаткан «Талант» футболдук клубунун аренасын жана «Эмгек Резерви» спорт комплексинин («Алга» футболдук клубунун базасы) курулушун көрүп, борбор калаанын жаңыланган Д.Өмүрзаков атындагы стадионуна баш бакты. Аталган объектилер менен жерининен Кыргыз футбол биримдигинин Биринчи Вице-президенти баштаган КФБ жетекчилиги тааныштырды.

АФК башчысы Кыргызстандагы футбол инфратүзүмүнүн өнүгүшү өтө чоң тездик менен жүрүп жаткандыгын белгилеп, обьектилердин курулушунун бүткөрүлүшүнө ийгилик каалады.

#kfu_kg

🇰🇬 КЫРГЫЗСТАНДЫН U-17 КУРАМАСЫ ЙЕМЕН КУРАМАСЫНАН ЖЕҢИЛҮҮ ЫЗААСЫН ТАРТТЫ

Бүгүн, 25-октябрда U-17 Азия Кубонунун тандоо оюндарынын алкагында футбол боюнча Кыргызстандын өспүрүмдөр курамасы Йемен курама командасы менен оюнда кез келди. Оюн Вьетнамдын Вьетчи шаарынын «Vie Tri» стадионунда орун алды.

Белгилей кетсек, Игорь Никитиндин жетекчилиги алдындагы Кыргызстандын өспүрүмдөр курама командасы «I» тайпасында Мьянма, Йемен жана Вьетнамдын курамалары менен жайгашкан.

Тандап алуу оюндарга жалпысынан 10 тайпага бөлүнгөн 43 курама команда катышат. Финалдык бөлүккө болгон жолдомого тайпада биринчи орун ээлеген жана эң мыкты көрсөткүчтөр менен экинчи орунда болгон беш курама ээ болот.

Бүгүнкү беттеште курамабыз алгачкы голду жаратып, эки ирээт атаандашты артта калдырды, бирок тилекке каршы оюндун жыйынтыгында атаандаш жеңишке жетти (2-3). Голдордун авторлору: Кайрат Канатов 19', Хе Иннан 39'.

Эске салсак, буга чейинки Вьетнамга каршы өткөн оюн тең чыгуу менен аяктаган (0-0). Курамабыз кийинки беттешин Мьянмага каршы 27-октябрда өткөрөт.

#kfu_kg

📈 ФИФАНЫН ЖАҢЫЛАНГАН РЕЙТИНГИ

Бүгүн, 24-октябрь күнү ФИФАнын расмий сайтында футбол боюнча Улуттук курамалардын жаңыланган рейтинги чыкты.

Ага ылайык Кыргыз Республикасынын Улуттук курамасы буга чейинки рейтингтин чыгарылышына салыштырмалуу 3 сапка көтөрүлүп, 103-орунду ээледи. Кураманын капчыгында 1207 упай бар.

АФК зонасында курама 17-орунда.

-

📈 ОБНОВЛЕННЫЙ РЕЙТИНГ ФИФА

Сегодня, 24 октября, на официальном сайте ФИФА был опубликован обновленный рейтинг национальных сборных по футболу.

Согласно этому рейтингу, национальная сборная Кыргызской Республики, улучшив свою позицию на три строчки заняла 103-е место. В активе сборной 1207 баллов.

В зоне АФК наша сборная находится на 17-м месте.

#kfu_kg

🇰🇬 АБДЫШ-АТАНЫН АФК ЧАКЫРЫК ЛИГАСЫНЫН ТАЙПАЛЫК БАСКЫЧЫ АЛКАГЫНДАГЫ ОЮНДАРЫ ӨТӨТ

АФК Чакырык Лигасынын тайпалык баскычы алкагындагы ата-мекендик «Абдыш-Ата» футболдук клубунун катышуусундагы беттештер борборлоштурулган форматта 26-октябрь – 1-ноябрь күндөрү Кувейтте өтөт.

Эске салсак, аталган баскычта 18 клуб 5 тайпага бөлүндү. Батыш зона 3 тайпадан турса, Чыгыш зонанын клубдары 2 тайпага бөлүнүштү.

Абдыш-Ата - Аль-Араби (Кувейт), Аркадаг (Түркмөнстан), Мазия (Мальдивы) футбол клубдары менен бирге Батыш зонага тиешелүү «B» тайпасында жайгашкан.

Бардык оюндар Кувейттин «Кувейт Спорт Клуб» стадионунда орун алат.

#kfu_kg

U-17 Азия Кубогунун тандап алуу оюндарынын биринчи турунан кийин «I» тайпасынын турнирдик жадыбалы ✔️

Курамабыз эртең Йеменге каршы оюнда кез келет! 🇰🇬🇾🇪

#kfu_kg

🇰🇬 КЫРГЫЗСТАНДЫН U-17 КУРАМАСЫ ВЬЕТНАМ МЕНЕН ОЮНДА ТЕҢ ЧЫКТЫ

Бүгүн, 23-октябрда U-17 Азия Кубонунун тандоо оюндарынын алкагында футбол боюнча Кыргызстандын өспүрүмдөр курамасы Вьетнамдын курама командасы менен кез келди. Оюн Вьетнамдын Вьетчи шаарынын «Vie Tri» стадионунда орун алды.

Белгилей кетсек, Игорь Никитиндин жетекчилиги алдындагы Кыргызстандын өспүрүмдөр курама командасы «I» тайпасында Мьянма, Йемен жана Вьетнамдын курамалары менен жайгашкан.

Тандап алуу оюндарга жалпысынан 10 тайпага бөлүнгөн 43 курама команда катышат. Финалдык бөлүккө болгон жолдомого тайпада биринчи орун ээлеген жана эң мыкты көрсөткүчтөр менен экинчи орунда болгон беш курама ээ болот.

Бүгүнкү беттеш биздин кураманын көпчүлүк аракеттерине карабастан голсуз тең чыгуу менен аяктады (0-0).

Курамабыз кийинки беттешин Йеменге каршы 25-октябрда өткөрөт.

#kfu_kg

«Мурас Юнайтед» футболдук клубунун окуу-машыгуу базасынын салтанаттуу ачылыш аземи 🎥

#kfu_kg

Кыргыз футбол биримдигинин Улуттук футбол академиясынын ачылышында болгон көз ирмемдер 🎥

#kfu_kg

🇰🇬 КЫРГЫЗСТАНДЫН U-17 КУРАМАСЫ БҮГҮН АЗИЯ КУБОГУНУН ЖОЛДОМОСУ ҮЧҮН ВЬЕТНАМ МЕНЕН БЕТТЕШЕТ

Бүгүн, 23-октябрда U-17 Азия Кубонунун тандоо оюндарынын алкагында футбол боюнча Кыргызстандын өспүрүмдөр курамасы Вьетнамдын курама командасы менен беттешет.

Белгилей кетсек, Игорь Никитиндин жетекчилиги алдындагы Кыргызстандын өспүрүмдөр курама командасы «I» тайпасында Мьянма, Йемен жана Вьетнамдын курамалары менен жайгашкан.

Тандап алуу оюндарга жалпысынан 10 тайпага бөлүнгөн 43 курама команда катышат. Финалдык бөлүккө болгон жолдомого тайпада биринчи орун ээлеген жана эң мыкты көрсөткүчтөр менен экинчи орунда болгон беш курама ээ болот.

Оюн Вьетнамдын Вьетчи шаарынын «Vie Tri» стадионунда Бишкек убактысы боюнча саат 18:00до башталат.

Беттештин түз алып берүүсүн төмөндөгү шилтеме аркылуу көрө аласыздар.

-

🇰🇬 СБОРНАЯ U-17 КЫРГЫЗСТАНА СЕГОДНЯ ВСТРЕТИТСЯ С ВЬЕТНАМОМ В РАМКАХ ОТБОРА НА КУБОК АЗИИ

Сегодня, 23 октября, в рамках отборочных игр Кубка Азии среди юношей до 17 лет юношеская сборная Кыргызстана по футболу встретится со сборной Вьетнама.

Отметим, что юношеская сборная Кыргызстана под руководством Игоря Никитина находится в группе «I» со сборными Мьянмы, Йемена и Вьетнама.

Всего в отборочных играх принимают участие 43 национальные сборные, разделенные на 10 групп. Команды, занявшие первое место в группе и пять команд со второго места с лучшими результатами получат право на выход в финальную стадию.

Игра начнется в 18:00 по бишкекскому времени на стадионе «Vie Tri» города Вьет-Чи (Вьетнам).

Посмотреть прямую трансляцию матча можно по ссылке 🎥

#kfu_kg

Кыргыз футбол биримдигинин Президенти Камчыбек Ташиевдин Азия футбол конфедерациясынын Президенти шейх Салман Бин Ибрагим Аль Халифа менен жолугушуусу 🎥

#kfu_kg