كيف عملت هي الورقة؟

هيك بكون، ان شاء الله تفيد 🙏🏻

من الشغلات يلي بالنسبة الي جديدة كانت اليوم وحابة خبركم عنها 💙
كنت بمكان وعم امشي عالخريطة كالعادة، فكانت الHaltstelle للقطار عالخريطة عالطرف التاني من النهر
حتى الخريطة راسمة الشخص عم يقطع النهر حرفياً!
سألت، فطلع الحل عبارة عن سفينة، بتاخد الركاب من الطرف للطرف التاني
اول شي فكرت مو صح، بالنسبة الي لاول مرة كان شي غريب.
طبعاً سألت القبطان مشان اخد شوية تفاصيل الي والكم ونتعلم
قلي بينطلع فيها ع بطاقة دويتشلاند تيكيت، وبركب كم شخص يعني مو ضرورية تملى كلها، وبياخدهم عالطرف التاني✨
مشان اذا شي مرة شفتوا هيك شي ماتتفاجئوا وتدعولي💙
وحاعمل سكرين للخريطة كيف بتحطلكم هاد الشي

شفتوا اديش التفاصيل الصغيرة يلي ممكن نجربها بكل يوم ممكن تفيد وتختصر ع غيرنا كتير شغلات؟

شاركونا اشياء تفيد غيركم ويدعولكم عليها :")💙

كمان ملاحظة:✨🌼
لأنو عالرحل الطويلة كتير ممكن الواحد يطفي موبايله ويحتاج يشحنه
مثلاً
S-Bahnen
مافيهم Steckdose للشاحن!

ال ICE وRE مثلاً فيهم 🤷🏻‍♀️

الباقي ماعندي تجربة، لجرّب بعدل الرسالة

بعد شوية بحث وتجارب حاعطيكم ملخص صغير يساعدكم:
🌼بدهم حجز قبل ومابيمشوا ع بطاقة المواصلات
ICE
IC
EC

🌼بيمشوا مع بطاقة دويتشلاند تيكيت:
RE -Regionalbahnen
S -Bahnen

#ملاحظة جداً مهمة ✨🙏🏻

بطاقة المواصلات Deutschland Ticket مابتغطي كل خطوط القطارات بين الولايات او بين مقاطعات الولاية الوحدة
متل ICE مثلاً!
كتير ضروري تتأكد قبل اذا بتقدر تطلع فيها او لازم تحجز قبل تذكرة لحال
مشان وقت الكونترول ماتتخالف وأنت أصلاً مو عارف.

مشان آخر بوست نشرته، في زميل يجزيه الخير نوّه ع طريقة بتقدر تفك قفل شريحة التلفون، مشان ماتضطر تحمل الرمز معك ويفور قلبك اذا نسيته وتسكّر موبايلك!
لانو معد يفتح بهل حالة حتى تكتب الرمز.

الشرح بالفيديو 🙏🏻✨

#اشياء_مهمة 🌼✨

كحدا جاية جديد شو الشي يلي لازم يضل بشنتايتك دائماً وماتطلع بدونه؟

✨جواز سفرك وبعدين اقامتك او الفكسيون، شي يثبت هويتك
✨مصاري بار ولو 5
✨بطاقة البنك
✨كلمة سر بطاقة البنك
✨PIN شريحة التلفون
✨كود بطاقة المواصلات "بموبايلك من البرنامج"
✨كيس 😅 مشان التسوق، هو المحلات مابتعطي كياس وبتضطر كل مرة تشتري.

واذا حدا عنده تجربة بغير برامج يبعتلي اذا سمحتوا لانو عم حاول جمّع اكبر معلومات عن الموضوع لنوصل للأفضل✨

كلنا حنضطر شي يوم نحوّل مبلغ.
انا تجربتي بس مع هاد البرنامج وحنزلها قريباً ايجابياتها وسلبياتها 🙏🏻✨

بدي ضيف هون ملاحظة لحالها، كان بقدر عدّل الرسالة بس حبيت نوّه عليها لتضلوا متذكرينها ")

لما حدا بدو يحوّل، حددوا قبل بالملاحظات الشركة يلي بدكم اهلكم يستلموا منها، اقرب مكان عليهم
لانو اذا ماحددتوا، بحددوا هنن شركة واذا كانت بعيدة وكان تاني يوم متغيّر سعر الصرف مارح يقبلوا يغيروها
وحيضطروا الاهل يروحوا وين ماكان بعيد وحرام تعبهم :")

فخلوا هالشي ببالكم اذا حبيتوا شي يوم تحولوا وسألوا بأي برنامج كان عن شركة الاستلام وبعدها عن الاهل قبل🙏🏻

#نصائح 💛
الى جانب الشي العلمي والوراق، قلال يلي بيعرفوا انو بينقام فعاليات كتب عربية هون بألمانيا!✨
وكحدا مهتم جداً بهل شي اكتشفت انو كتير ولايات فيها مكتبات عربية ضخمة
هدول الفعاليات مثلاً بتصير كل فترة، في كتير روايات عربية وعالمية
وفيها معرض خط عربي كمان بكون ولوحات. 🤩
اذا مهتمّ، دوّر بولايتك ✨

#نصائح 💛
كلنا أول ما نجي حندور ع شغل، ع شتيلة، أو ع أي شي.
وكحدا ببلد جديد، بقلولك ابعت ايميل، يمكن أكتر كلمة بسمعها هون، ابعت ايميل.
طيب أي أفضل، ايميل او ورقي؟
ورق بألمانيا؟

للأمانة، التنين.
بس الأهم تنزل شخصياً، سواء شغل او مشفى او عيادة، او اي شي.
زبّط وراقك المطلوبة، ولزّق من برا لشو بدك تقدم باختصار، متل الصورة (مع الهايلايتر مشان لفت النظر🤷🏻‍♀️)
وانزل وقول يارب.

🌼بتقوي لغتك
🌼بتقوي شخصيتك
هاد عالمستوى الشخصي
عالمستوى المهني،
🌼أول شي بتسرّع ينشاف ملفك، عالايميلات بيجي كتير ايميلات كل يوم، وحسب مايفضى الموظف، بينما ورقي وشفت بعيني والله كيف بيتاخد ضغري وبيتوجّه للجهة المسؤولة!

🌼احتمال الرفض او القبول بيجيك أسرع😅✨
🌼عم تبيّن للجهة المسؤولة اهتمامك بالشغل عندهم، وانو نازل شخصياً ومهتم، وهالشي صدقاً كتير بيفرق عندهم.
🌼والأهم اللغة، كل يوم حتضطر تشوف ناس وتحكي ولو جملة.

بهل بلد، خلّيك نشيط، واسعى 🤍

وادعولنا نتوفق عن قريب :") وان شاء الله الكل يتوفق بكل شي بيتمناه✨

Channel photo updated

https://academy.yamersal.com/yamersal-user-guide/

هي صفحة البرنامج، فيها معلومات تفصيلية عن كيفية التحويل وكيف بتودع المبلغ و .
لأنو صعب ينفهم آلية التحويل من البرنامج لحال دون ماتقرأ كيف بتودع أول مبلغ.

وعم شوف البرامج التانية حالياً لقارن أسعار التحويل وأديش بيخسر المبلغ وايّ أقل خسارة وأقرب لسعر الصرف الحقيقي، وحانشر التجربة الأفضل للتحويل ان شاء الله 🙏🏻✨

اذا حدا عنده كمان تجارب بغير برامج يشاركنا فيها💙

#أشياء_مفيدة 💙
بما أنو كل شي شو ماكان صغير ممكن يفيد، فلهيك بشارك كل شي ولو شوي بسيط، اذا استفاد ولو شخص بكون ممتاز🙏🏻
كلنا حنضطر نقدم شي امتحان، فاخ، B2، او بالمعهد يلي عم تدرس فيه، او ..
وعالسرعة كلنا منخربط ومنصير منشخط.
ومنظر الورقة كتير بيعطي انطباع وبأثّر عالعلامة.
من الشغلات اللطيفة هو هاد القلم✨
جربته بالامتحان وعنجد خارق وحسيت قلال يلي بيعرفوا عنه :")، لما بتخربط بالكلمة مارح تضطر تشخط وتصير الصفحة منظرها سيء وبتعطي انطباع سيء :")
ببساطة بيمحي الكلمة وبتقدر تكتب ترجع بمكانها من جديد، بيترك أثر بسيط كتير كتير بس مابينشاف أبداً،
هاد من TEDI وصورته مشان تعرفوه من بين القلام

ملاحظة صغيرة: 🌼
جربوه بالبيت أول، مشان ماتتلبّكوا بالامتحان وقت تستخدموه :")

وماتنسوا ايّ شي مهما بنظركم بسيط، ممكن يساعد كتير، فشاركوني فيه🙏🏻💙

#نصيحة 💙
من الشغلات يلي حاكيه عنها وحابة ارجع ذكّر فيها كل حدا قبل مايسافر هي خدمة التجوال الدولي والصلاحية السنوية، خصوصي اذا رابط واتس او تلغرام او ايميلات على رقمك!
على سبيل المثال، امبارح بالغلط تسكّر التلغرام عندي، وليتفعّل اختار التلغرام حصراً يدق مكالمة ليعطي الرمز، بالعادة بببعت رسالة بالرمز واستقبال الرسائل مجاني لأني مفعلة التجوال، بس الاستقبال والارسال لا مو مجاني
طبعاً كلفة استقبال المكالمة بما أنو دولية بتختلف عن لما تكون بالشام "الاستقبال مثلاً ل MTN تقريباً بحدود7000"
فببساطة خلّي كمان برصيدك شوي قبل ماتطلع
تجنّباً لأي شي غير متوقع.
طبعاً مع الوكالة العامة بيقدر حدا من الاهل يطلّع شريحة تلفون تانية بالشام وقت الحاجة، بس تواصلت مع موظف امبارح لاتأكد من هالمعلومة، فقلي لازم يكون مكتوب بالوكالة هالشي بالتفصيل، وبعد الاطلاع عالوكالة مابينكتب بالتفصيل هيك شي🤷🏻‍♀️
فمشان ماتفوروا قلبكم وقلب الأهل، ببساطة صلاحية سنوية، تجوال دولي، رصيد كافي💙✨

#ملفات_مفيدة

قوالب جاهزة بتقدروا تستفيدوا منها وتاخدوا فكرة
شغل الدكتور محمد المصري يجزيه الخير  🙏🏻

بين عجقة الطريق والتعديل والدراسة والورقيّات والامتحانات والهمّ والغربة والمسؤولية، ماتنسى تعيش!

عالجانب الآخر لألمانيا يلي ماحدا بيحكي عنه، ويلي بتشوفوا بس بوستات عن الشي السلبي والتجارب السلبية.

شوي من الجانب الآخر! 🌸✨

#مكالمة_فينتيبا
#Fintiba
منقول من زميلة يجزيها الخير 🙏🏻💙

السلام عليكم ..
شفت أنه كتير منتعذب وقت نعمل مكالمة فينتبا مشان تفعيل حسابنا وما لقيت حدا حاكي عن هالشي فجربت و مشان الفائدة رح اكتبها ..هيي سهلة والموظفين متعاونين الصعوبة أنه نحن ماعنا اللغة الكافية لنفهم حكي الموظف من أول مرة فالموظف بيديق خلقه وبيفصل الخط ..
أول شي بيسألو هل أنت موافق أنه نحن رح نسجل المكالمة ورح ناخد منك بياناتك ومعلومات عنك بتقول اي موافق
بعدين بيسالو ليش عم تعمل هي المكالمة بتقلن مشان فعل حسابي أو أكد المدفوعات بعدين بيسألو الاسم والعمر ورقم تلفون الماني مشان يبعتو TAN عليه وبيطلبو تصور بالكاميرا الخلفية الصفحة الأولى وممكن يطلب تقرب أو تبعد أو تاخد الكاميرا يمين أو يسار .
وبدهم تصور كمان صفحة صلاحية الجواز ..والخطوة ما قبل الاخيرة بتقلك بدي ورقة فاضية من الجواز توجهها عالضو حتى تبين العلامة المائية وتاخد صورة /متل العلامة المائية يلي عالمصاري حتى نعرف انها مو مزورة /واخر خطوة ادخال الtan هن بيبعتوه برسالة عادية وعالايميل وبس
الاتصال بيصير بوقت الدوام بتلاقوهم عالموقع تبع فنتيبا ..


🩵اضافة من زميل كمان يجزيه عالخير:

مكالمة فينتيبا, بيسألوا مرتين اذا موافق, اول شي باول ما يتصل الواحد بداية المكالمة, وتاني مرة بعد ما يبلشوا تسجيل.
شغلة تانية انو فيه الواحد من بداية المكالمة يطلب منهن يحكوا معو انكليزي, مو شرط الماني, هنن ما بيعرضوا هالشي لحالهن انتي لازم تطلبي منهن.

#Tastatur

حابة ذكركم بهاد الموقع الخارق عن تجربة، خصوصي ل يلي عم يقدم ع شغل، ومتل مابتعرفوا هون تقريباً كل شي بيعتمد ع ادخال المعلومات عالكمبيوتر
فالسرعة بهل شي عدا انها بتريحك، هي نقطة ايجابية الك
💙🙏🏻
الشغلات يلي ناشرتها من زمان ومهمة، ححاول كل ما استخدمت شي منها، ارجع ذكركم فيها كمان✨

#Brildox
#Lebenslauf
#Bewerbung
طبعاً من المواقع الغنية عن التعريف هو Brildox للدكتور فراس يجزيه الخير.
جداً مفيد كالعادة.
ماتنسوا كمان تشوفوه
هون في نماذج عن CV وBewerbung و..🙏🏻💙

https://brildox.com/ar/index-download-center.html

#Bewerbung
#Lebenslauf
فيديو لزميل يجزيه الخير شارح فيه بالتفصيل شو أهم الاشياء يلي لازم تنتبه الها وقت تعملهم
بصراحة جداً مفيد.

وشكراً لكل حدا بيعمل شي عنجد بفيد غيره وبساعده شو ماكان بسيط:")💙

https://youtu.be/Z3K46kxVZhI

وحابعت كم موقع ان شاء الله بفيدوا بكتابة ال Bewerbung لزملاء يجزيهم الخير

+ حابعت ال Bewerbung تبعي وال Lebenslauf لأنو مشتغلتهم بعد قراءة كتير فبإذن الله بفيدوا

كل التوفيق 💙🙏🏻

#Bewerbung 💙✨
لنرجع شوي لفكرة القناة.
كيف منعمل بيفيربونغ لنقدم للمشافي او للهوسبيتاتسيون؟
شوية ملاحظات مفيدة جداً، عن تجربة وبعد كتير قراءة 🙏🏻

1) اول شي وجّه البيفيربونغ بشكل شخصي لاسم الشيف اذا لقيت الاسم او لسكرتيرته، حتضطر تغيّر الملف بكل تقديم، بس معلش، هالشي بيعطي انطباع انك مهتم بالمشفى هي ذاتها وعم تخاطب الشيف، مو عم تنسخ وتلصق💙

2) اكتب خبراتك، شو اشتغلت بسورية بالاختصاص، ليش مهتم بهي المشفى، متل انو سمعت عن الخبرات المنيحة بالمشفى و...
اذا عامل هوسبي قبل او اي شي اله علاقة بالطب هون اذكره 💙

3) علّم الشغلات المهمة بالخط العريض، عالاغلب الشيف حيكون مضغوط وعنده كتير ايميلات، وحيعطي ايميلك كم ثانية بس ليقرأه، هالشي بسهّل انو تجي عينه عالشي المهم فوراً
(اختصاصك القديم، التشيلة او قسم الهوسبي يلي حابب تقدم عليه، شو عملت قبل هوسبي او خبراتك، و..)💙

4) ضيف ايميلك ورقمك بكل شي بتقدمه، وحطه بالازرق ومسطّر، بحيث يقدروا يتواصلوا معك تلفون 💙

5) ماتعتمد عالايميلات، روح شخصي وقدّم الطلب، او دق تلفون وقلهم بعتت طلبي، هالشي بسرّع كتير الإجراءات💙

#تطبيقات
من فترة قصيرة بلشت استخدم هاد التطبيق، أنا من الناس للأمانة يلي بتحب تقرا المكونات وتترجم وتتأكد، بس حسيته خيار جيد جانب القراءة "للناس يلي بدها تكون متأكدة عالتمام بإذن الله"
والشي الحلو انو بس اول فترة بكون الواحد مو عرفان شو بناسب من الاكل، وشو لازم يشتري ومن وين، بعدين بصير بيعرف وبصير الغراض معروفة عنده ومعد يتلبّك، غير اذا بدو يشتري منتج جديد،
بس هاد برنامج منيح، مابعرف اديش مضمون، قرأوا كمان وبسم الله، بكون كل شي تمام ان شاء الله💙

من الشغلات يلي بتتعلمها نهاية كل سنة لما تشوف بدايتها وين كنت، وكيف كان كل شي مخربط، ومو عرفان حتوصل او لا..
أنو كلّ الأمور بالنهاية بتمشي كيف ما رب العالمين شايف مصلحتك فيها،
وتذكّر دائماً، ماحدا نوى وسعى، وسلّم أموره لرب العالمين، غير وصل، رغم طول الطريق وصعوبته.
بسم الله نبدأ، وخلّي ببالك
وعورة الطريق يا صديق لا تلغي الهدف✨
وان شاء الله تاني سنة بكون الكل وصل لهدفه والشي يلي بيتمناه يارب✨💙

وماتنسوا تشاركونا تجاربكم 💙

#تطبيقات
نقلاً من زميل يجزيه الخير 🙏🏻

بالنسبة للزملاء يلي لساتهم بسوريا و عميدرسو اللغة الألمانية عن طريق ال ChatGPT و عميلاقو أحيانا صعوبة بتشغيل التشات في سوريا جبتلكم بديل صيني كمان بنفس جودة ال ChatGPT و بيشبهو و لكن مجاني تماماً اسمه DeepSeek. التسجيل سهل عن طريق الايميل و بيشتغل حاليا بس كتابة و نصوص بدون صوت و لكن سريع جداً و متاح للجميع. ممكن بالمستقبل يصير متل ChatGPT صوتي كمان.

مرحبا من جديد✨

من كم يوم مرق معي انو صرلها القناة سنة تماماً، وكتير وصلني رسائل مشان نكفّي وقتها، ولو بمعلومة بسيطة، بموقف بصير، او اي شي يفيد، بس لكتير ظروف اضطريت وقّف
بس امبارح شخص بعت:

"انا طالع مالي حدا ومو عرفان شي بس من القناة عرفت كتير شغلات "
" :")💙💙💙

في كتير شغلات على بالي اكتبها، بس لضيق الوقت هالفترة ماعم اقدر :")
ان شاء الله ببداية السنة حارجع، يمكن مو بنفس كمية المعلومات القديمة، بس ولو كل فترة شغلة وحدة مفيدة حيكون احسن من بلا💙✨

وبعتولي ايّ شي بتعملوه، عم احتفظ بكل شي عم ينبعت لابعته ارجع من جديد 💙

اليوم حابة خبركم انو القناة حتوقف نشر.
بس طبعاً حتضل موجودة اذا بحثتوا عنها.
الرسالة المثبتة فيها كتير شغلات، وتقريباً نظّمت كل شي كل شي بالقناة بحيث تلاقوها بسرعة بالرسالة المثبتة..
عسى تكون هالقناة فادت ولو شخص واحد ودعالنا. :")
بلشت الفكرة تقريباً من سنة، حاولت فصّل فيها كتير شغلات ساويتها لتسّهل عالجايين وقت وسؤال، وشكراً كتير لكل حدا ساعد وشارك تجربته.
تقريباً فيها الأشياء الأساسية لكل حدا جاية جديد :")
حاولوا تبحثوا فيها عن أي شي قبل ماتتعذبوا وتسألوا، عسى يكون موجود ويختصر عليكم وقت وتعب وضياع.

وطبعاً اي شي بلاقيه بالمستقبل بخصّ اي موضوع، حعدل على شي سابق مشابه وضيفه✨

كل التوفيق للكل وكل حدا يارب يحقق يلي بيتمناه واذكرونا بدعائكم
وتذكروا بهل رحلة الطويلة، خيرُ الناس أنفعهم للناس🙏🏻✨

ولسهولة تلاقوا البرنامج ل يلي مابيستخدمه ✨

https://play.google.com/store/apps/details?id=com.adobe.reader

من إشارة الكرة الأرضية تحت بالبرنامج بتلاقوها بتقدروا تغيروا لغة النطق.

#ملفات

مرة شفت بوست من زمان لزميل عالفيس يجزيه الخير.

كان للناس يلي بتعاني ضعف نطق الكلمات، وبدها لما تدرس من ملف الكتروني تتأكد اذا عم تنطق صح او لا، وتسمع اللفظ
البرنامج المُستخدم هو :
Adobe Acrobat
والطريقة بالصور

وبتقدروا تغيروا اللغة من إشارة الكرة الأرضية تحت 🙏🏻✨

#نت_مطار

بما أنو الأغلب هلأ عم يسافر عن طريق مطار الاردن، حابة قلكم انو في نت مجاني بالمطار بتقدروا تفتحوه من اول ماتفوتوا عالمطار.
"يمكن ما الكل يعرف هالمعلومة"

من الأفكار يلي كانت تنقال انو الواحد يجيب خط من البلد يلي بدو يسافر منها، ويفعّل فيها باقة، مشان يقدر يستخدمها قبل ماسافر ويطمن أهله.
بس كنصيحة، بأي مطار بدك تنزل فيه اسأل أول عن نت المطار
مثلاً بالقاهرة كمان في نت بالمطار، بس هون مثلاً بدك تفعله على خطك لما تفوت عالمطار..
ببرلين بس تنزل كمان من الطيارة في نت بالمطار
وهيك.

قبل ما تتكلف على أي شي، اسأل عن الخيارات المُتاحة للكل🙏🏻✨

وهيك بتلاقوا فيه

متل هيك مثلاً، النص كامل ومعه الهورين تبعه✨

#تطبيقات

من فترة كنت عم دوّر ع برنامج على مبدأ يكون في شي سماعي وبنفس الوقت مع نص، بعيداً عن اليوتيوب.
بحيث يقدر الواحد يسمع النص كامل ويترجمه وبنفس الوقت يشوفه
لقيت هاد التطبيق.💙
في كذا خيار متل بودكاست، مقاطع قصيرة، اخبار، و..
وكلهم نفس الفكرة انو نص كامل ومعه تسجيل صوت (رح حطلكم صورة توضّح كيف)
هاد الرابط 🙏✨

https://play.google.com/store/apps/details?id=com.linguist

#سماعي
#تطبيق
#كتب_صوتية 💙

https://play.google.com/store/apps/details?id=com.audible.application

كيف عملت هي الورقة؟ pinned «لأنو أيّ شي مو منظم ماحيكون اله فائدة، ضفت هاشتاغ لأغلب الشغلات ونظمتهم هون لتعرفوا شوفي بالقناة وتستفيدوا منها وحضيف صير عليها أيّ شي وبنفس الوقت حثبتها💙 #خالي_من_الأمراض #بطاقة_الطالب_الدولية #حلب #بطاقة_الطالب_الدولية #دمشق #تأمين_السفارة #Care_Concept…»

#بحث_عن_عمل
#stepstone
جداً مفيد ✨

https://www.stepstone.de/en/

#فاخ #دريسدن
مرحبا 🩵
خلال رحلة دراستي للفاخ (دريسدن) خلال شهور، جهزت ملفات لكم مرض.
شرحت فيهم الحالة يلي عم تجي بالطريقة التانية:
-البريف
-شوية معلومات عن المرض، متل تعريف، تشخيص، علاج و..
-مقارنات بين الشغلات المتشابهة
وهيك شغلات.
-جمعت الحساسيات، المهن، أمراض الطفولة و..
يمكن يكونوا بدائيين شوي، بس مشغولين بكل حبّ وتأنّي :")
طبعاً لا يخلوا من الاخطاء الإملائية عالسرعة وشوية رموز تسهّل الموضوع، بس بفيدوا جداً.

اذا حدا بدو يقدم الفاخ بهل ولاية، بتمنى يفيدوه ولو شوي ويدعيلي.
الملفات بشكل مجاني موجودين هون والموضوع مو ربحي أبداً كما قيل :")
الغاية المساعدة وتخفيف وقت جمع الامراض والمقارنة و..
الدعاء فقط 🙏🩵
كل التوفيق

https://t.me/dresdenaya

و هي البطاقة بيقدر ياخدها من اي فرع للكاوفلاند

هاد التطبيق و بيكون فيو بطاقة إلكترونية

كمان مشان نفس الفكرة
مشاركة من زميل يجزيه الخير 🙏

الفكرة انه كل حدا بيشتري أغراض كتير من الكاوفلاند بيقدر يحمل التطبيق تبعهم و يستفيد من نظام جمع النقاط و تفعيل الكوبونات باستخدام النقاط

الكوبونات بتكون على شكل تخفيضات لمنتجات معينة او احيانا شغلات بسيطة ببلاش أو تخفيض ع قيمة الفاتورة

بس عندهم قسم خاص لكوبونات لجهات خارجية شركاء معهم... متل مثلا متجر الكتب المشهور Thalia و شركات Reise و فنادق و غيرها و من ضمنهم ال FlixTrain

لتستفيد من بطاقة الطالب الدولية بحجز الفليكس بوس ويخف السعر.
لازم تنزل برنامج اسمه ISIC
وتفعل بطاقتك (تحط بيانات بطاقتك بالبرنامج حتى تتفعل)
وبتاخد كود من البرنامج
ولما بدك تحجز الرحلة بتفوت الكود بمكان اسمه I have a Voucher 🙏

لأنو أيّ شي مو منظم ماحيكون اله فائدة، ضفت هاشتاغ لأغلب الشغلات ونظمتهم هون لتعرفوا شوفي بالقناة وتستفيدوا منها
وحضيف صير عليها أيّ شي وبنفس الوقت حثبتها💙


#خالي_من_الأمراض
#بطاقة_الطالب_الدولية #حلب
#بطاقة_الطالب_الدولية #دمشق
#تأمين_السفارة
#Care_Concept
#أخطاء_لا_تعملها
#من_مركز_خدمة_المواطن
#CV
#الفيزا
#ترخيص_مؤقت_عيادة_اسنان_عقد_ايجار
#تطبيقات_السكن
#ترتيب_الاوراق_سفارة_بيروت
#أسئلة_السفارة
#انتراغ_السفارة_الجديد
#مصطلحات_مهم_تعرفها
#حسن_السيرة_والسلوك_الوزاري
#اوراق_الها_صلاحية
#شهادة_السواقة
#بطاقة_اللقاح
#أفضل_مصادر_B2
#وكالة
#تصديق_أوراق #خارجية
#ترجمة
#تطبيقات (في بحث عن سكن/ فندق/مواصلات/رحل طيران/برامج ترجمة و..)
#CV-Word
هاد نموذج جاهز
#كيبورد_ألماني
#شنتة_السفر
#خطوات_اعملها (لما توصل)
#طيران #مباشر_برلين
#أوراق_حلب
#اذن_سفر
#بريد (كيف تبعت الظرف كبريد بألمانيا)
#ملدنة
#كتب
#فتح_حساب_ريفولوت
#سفارة_الاردن
#Sparkasse
#نصائح
#Berufserlaubnis
#خط_Aldi
#كرت_المواصلات (كيف بتفعلوه)
#اقامة
#الادوية
#شغلات_لازم_تسويها_قبل_و_لما_تيجي_على_المانيا
#بودكاست
#كتب
#الخرائط
#تمويل_كورسات
#تمويل #Agentur
#Sprachcafé في لكتير ولايات
#مرسال (تحويل اموال)
#أوراق_حمص
#Flixbus
#Skyscanner
#Paypal
#مقاطعة
#بيان_الخدمة_التفصيلي
#فاخ #مواقع_مفيدة_مجانية
#بطاقة_49 تجربة دون ملدنة
#الانتريسيه (القالب جاهز)
#سماعي
#Chatgpt
#كورسات
#بحث_عن_عمل
#فاخ #دريسدن
#كتب_صوتية
#عالهامش (شغلات إيجابية) 💙

تذكير صغير أنو ماتنسوا اي شي بتعملوه مهما كان بنظركم بسيط حيفيد ولو شخص واحد، فما تنسوا تشاركونا أي تجربة مهما كانت صغيرة.. 💙

#كورسات
مشاركة من زميل يجزيه الخير🙏🏻✨

✅ كيف الواحد بلاقي كورس b2 قريب منو

https://web.arbeitsagentur.de/sprachfoerderung/suche/berufssprachkurse
هاد رابط من موقع الاغنتور للكورسات الممولة منهم
ممكن يفيد الي عم يدور ع كورسات قريبة من سكنه