Postagens do Canal قناه الرادود الحسيني كرار السماوي

وكأني بمولاتي السيدة رقية وسيدتي زينب ع

راسه اعله الرمح خليني أغطي
لئن حر الشـمس ياعمه ياذي

متغير أشـــوفن سلوت الروح
وياحر الشمس يلجم بلجروح

راسه اعله الرمح خليني أغطي
:::::::::::::::::

ياعمه بعباتج مسحي دمه
وخـل نتگابل انه وياج يمه
وتنعين اعله أبوي وتحضر امه
وبسد العباء راسه نضمه

وآنه وفاطمه أمه انضل نشم بي
راسه اعله الرمـــح خليني أغطي
:::::::::::::::::

يازينـب يعــــمه تباوع الناس
كلما وحده عثرت يوگع الراس
ولا عدنه علي ولا عدنه عباس
ردناهم هوى مخنوگه الأنفاس

وراسه اعله الرمح وبجرحي احجي
راسه اعله الرمح خليني أغطي
:::::::::::::::::

وخليني اعله نحره ناخذ الماي
گبل لا ينذبح عطشان اله هواي
اشرب راس أبوي وامشي وياي
من بعد العزيز شـــبيها دنياي

ومتني المنضرب ياعـمه راوي
راسه اعله الرمح خليني أغطي
:::::::::::::::::

اريدن راسه اشبگه وتغمض العين
لحظه مانمت من مات الحسين
نمشي اعله الرمح من كون تردين
ياعمه رقية هداي الونين

ويم راسه اريدن گلبي اجوي
راسه اعله الرمح خليني أغطي
:::::::::::::::::

ويانه بلخرابه أريده يم عون
رووس خوانج وخلهم يحرسون
لوحده بجت بيهه يصبرون
باجر للظهر من عدنه يمشون

وياعمه اعله گلبي راسه خلي

راسه اعله الرمح خليني أغطي
:::::::::::::::::

خادم عزيز الله محمد البنداوي

https://youtu.be/m6YMRkHhK5I?si=Pd5bZnxSgFUtBV8o

شفتك صوره مـــــــو واقع  وكلبي اتسودن بحبك
دعيت الله اشكثر يحسين بس كون ادخل الكلبك

ــــــــــــــــــــــــــــــــــــــــــــــــــــــــــــــــــــــ

شفتك بالصور عطشان بس ماصدكت هايه
وانت العلكمي يحسين من كصتك نبع مايه
شيخ الكون انت اتصير وهاي الناس ودايه
صار براسي حظ مولاي من حبيتك هوايه

واللهم بالزهراء يثبت جــــــــدمــــــــــــي ابدربك
دعيت الله اشكثر يحسين بس كون ادخل الكلبك

ــــــــــــــــــــــــــــــــــــــــــــــــــــــــــــــــــــــ

عطشانك عشك مو ماي اهنا يالمنذبح ضامي
يوم الما اذكرك بــــــــــــي ما ينعد من ايامي
موش بـــــزودي يامولاي بزودك مرتفع هامي
انت اول بشر يحسين عاش بروحي يالدامي

حلات ايــــــامي يالمذبوح كـــــون تخلص بكربك
دعيت الله اشكثر يحسين بس كون ادخل الكلبك


ــــــــــــــــــــــــــــــــــــــــــــــــــــــــــــــــــــــ

مجانك بالكلب  يحــــــسين محد ياخذ مجانك
من اصياري ولهاذه اليوم عليه فايض احسانك
صح ازلف  وروح ابعيد وانت تردني الحضانك
اشما جيلك هله  اتكـــــلي وتفك كلبك وبيبانك

رغم ماذنبي حــــــافر خيل وعرف سيدي معذبك
دعيت الله اشكثر يحسين بس كون ادخل الكلبك


ــــــــــــــــــــــــــــــــــــــــــــــــــــــــــــــــــــــ

اليهواك  بصــــــدك يحسين مايهوه بعد غيرك
موش بخيري عايش دوم لا عايش انا بخيرك
يا اجمل بشر بالكـــــــون حيل اعشك تعابيرك
ضريحك هوه عش كلبي احسبني سيدي طيرك

ما اندب بشر بالضـــــــــــــيج كلبي بشدته يندبك
دعيت الله اشكثر يحسين بس كون ادخل الكلبك

ــــــــــــــــــــــــــــــــــــــــــــــــــــــــــــــــــــــ

شمقدملك انه حسين وهيج انت ارفعة قدري
لا مذبوح من اجلك  ولا خيل اسحكت صدري
مجرد مجلس احضرلك ودمعي الغربتك يجري
وسميتك حبيب الروح وطوع امرك صبح أمري

تعبني بخـــــــــــــدمتك دوم حيل ارتاح انا ابتعبك
ودعيت الله  شكثر يحسين بس كون ادخل الكلبك

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

‏يدري المشه لو مادره
ماانسه حته اتذكره
كون الله هذه شمكبره
بعيوني صاير مكبره
🥺💔

رجعني كلبي لاول ايامي😢

گلبي الرايــد ايعرفه اشكثر ضيمه
يحسب عمري من الباب للخيــــمه
ــــــــــــــــــــ
انا الفتّحِت عيني على الدمــعه
زينب والعمر گضّيته منفجــــعه
ياهو بضلعه الوذن ينكسر ضلعه
انحب من بداية عمري وايتيمه
ــــــــــــــــــــ
عني الرايد يسولف شرط مچوي
والوَن بدليـــــله بكل وكت يدوي
وبروحه عليّه مجلس ايســــــوّي
سالفتي شرط بيها العزه ايجيمه
ــــــــــــــــــــ
من يذكرني يسمع ونّتي الفــــاگد
وبكســــرة ضلع امي اليحس رايد
بگلبه يشوف خل وين الشمر گاعد
وياعلويه ركضت حافي بالهيمه
ــــــــــــــــــــ
المامكسور گلبه الكســـر ضلع امي
مايكدر يســــــــــولف للخلك همي
من عصروها من سطروها مو يمي
وهم مو يمي ساعة هَجمة الجيمه
ــــــــــــــــــــ
تجوه الذاخرتها اتدوّر التجـــوه
وتتنفس شفتها وتحجي بالگوه
عمره الفاگد امه بزغره مايسوه
حگه الفرح ينساه والبچي ايديمه
ــــــــــــــــــــ
دوم بعازة امها اتظل البنيــــه
وانا العازة امي امن الزغر بيه
اول عمري نار ونار تاليّــــــــــه
انا الفاگدتهم وين ابو الشيمه
ــــــــــــــــــــ
ياباب الاصدله بعيني يعصــرني
وكل مغرب يمر اعليـــه يكسرني
نحيله والهوه امن امشي يعثّرني
وحزني المايفهمه صعب تفهيمه
ــــــــــــــــــــ
عمري بضلع بادي ومنتهي بضلـوع
انا الماكو مثلي املوّع ومفجـــــوع
من دون الخلگ عني الفرح ممنوع
وبگد عيني مامطرت دمع غيمه
ــــــــــــــــــــ

اللهم عجل لوليك الفرج
ونسألكم الدعاء
علي محسن الزيادي

☜   بـسمـه تعـالى  ☞

القصيدة : كلبي اليحبكم
اداء :سيد فاقد الموسوي
كلـمات :حمزه الحسناوي
☆☆☆☆☆☆☆☆☆☆☆☆

گلبي اليحبكم لا تكسرونه
صعبه العزيز يدنك عيونه
لحد يكله شلونك الفاكد
فاكد بعد ومبين اشلونه

☆☆☆☆☆☆☆☆☆☆☆☆

افارك وين اليفوت... هوه بنص الگلب
ظهر وكت الحرب...مثلهم وين اكو...مثلهم
ماشفت
☆☆☆☆☆☆☆☆☆☆☆☆

صحت ياهوه اليموت.. اجو كلهم سوه
اجو مثل الهوى.. گبل لا التفت

☆☆☆☆☆☆☆☆☆☆☆☆

هيج اليحب مو واحد يجامل
حتى النفس هم صاعد ونازل
بس همه يختلفون بعيوني
كلهم احبهم نفس ابو فاضل

☆☆☆☆☆☆☆☆☆☆☆☆

احب هذا الهوه الجاي.. إذا يمهم عبر
عشكهم ماكبر.. ركض مثل الضوه
عمرهم خلص وياي..شفت بيهم ربح
احطهم الجرح.. مثلهم يادوه


☆☆☆☆☆☆☆☆☆☆☆☆

رجعني گلبي الأول ايامي
يمشون مثل عيوني كدامي
ما فاركوني بنومتي الگاهم
يرحون گبل النوم لحلامي

☆☆☆☆☆☆☆☆☆☆☆☆

رجعت من البدايات بدايات العشك
گبل لانفترك منو يرد العمر
گضت هسه وحرامات ضعت نص الدرب
يشلعون الگلب وادورلهم عذر

☆☆☆☆☆☆☆☆☆☆☆☆

يمشون كلهم وي شراييني
موصحبه جنهم جنهم اسنيني
مااعندي واحد راح مو غالي
أبعدهم أقرب واحد العيني

☆☆☆☆☆☆☆☆☆☆☆☆

ولو هسه الوكت دار خذو روحي ومشو
صحتهم مااجو صدك گلبي انكسر
ادور عنهم اخبار عمت عين الوكت
شجاني ومامتت گبل هاذه الخبر

☆☆☆☆☆☆☆☆☆☆☆☆

عاشر الناس التفتخر بيه
من تبجي عينك ماتغطيه
هيه الزلم ماتكسر الخاطر
بس المواقف ينبجي عليه

☆☆☆☆☆☆☆☆☆☆☆☆

مواقف زلم الحسين ابد ماتنكتب
صدك هيج اليحب يحب حتى الذبح
السهم يتلاكه بالعين ولا واحد يهم
اخذ هيج زلم يشيعهم رمح

🟠 حزب الله يعلن رسمياً استشهاد أمينه العام السيد حسن نصر الله

القصيدة ؛ اماه يا زهراء
الرادود : عمار الكناني _ محمد الجنامي
الشاعر : كرار حسين الكربلائي
...........
اٌمّاهٌ يازهراء اٌمّاهٌ يازهراء
...................

سلام الله على ضلعج   يا أمنه الكلها حنّيه
يخيمه وحزنج يلمنه  بمجالسنه الحسينيه
واليخدمج  صدك عنده   بخت تدعيله يوميه
كريمه واليدك بابج  اكيد الحاجة مكضيه

نورٌ  من العلياء     اٌمّاهٌ يازهراء
اٌمّاهٌ يازهراء       اٌمّاهٌ يازهراء

...................
اذا عافتني كل الناس   اعرفج ما تعوفيني
اذا مره يمرني العوز   فضل خيرج  يغطيني
اذا مر المرض بيّه    يمولاتي تشافيني
اذا عيني غفت مهموم    يجي طيفج يواسيني

ذكرٌ له الاء ...   اٌمّاهٌ يازهراء
اٌمّاهٌ يازهراء    اٌمّاهٌ يازهراء
..................
بعدني بأول اسنيني  وكفت بابج مجدي
كضيت سنيني بس الطم  على ضلعج دمعتي بخدي
سواج بدنيتي خيمه   وحج كلشي ما عندي
على عتابج حياتي  تنتهي  وتبدي

اني لكي بكاء   اٌمّاهٌ يازهراء
اٌمّاهٌ يازهراء  اٌمّاهٌ يازهراء
...................
اذا صار العصر امي   بجفنها تبيني العبره
اكلها شبيج وتكلي    ييمه عصروا الزهرة
اريد تعلم اوليدك على   فاطم يدك صدره
ضلعها المنكسر بالباب ابد ما ينجبر كسره

كسر له اصداء    اٌمّاهٌ يازهراء 
اٌمّاهٌ يازهراء  اٌمّاهٌ يازهراء 

...................
اضمن حزني وتسولف دمعتي بيني وبينج
انكسر ضلعج عصر  بالباب حوافر سحكت حسينج
مثيلج  زينب انسطرت  وصفت حمره مثل عينج
تصيح بيوم عاشوراء   ييمه بعازتج وينج  

حزني لعاشوراء     اٌمّاهٌ يازهراء
اٌمّاهٌ يازهراء          اٌمّاهٌ يازهراء
.......💔

يانبي الحب والحنان
                        انت  مفـــتاح الجنان
                  يارسول الله       يارسول الله

                 ــــــــــــــــــــــــــــــــــــــــــــــــــ

               واجــــــــــب علينه نحب اعيونك
               يا هــــــــــوانه  المانعيش ابدونك
               يانبي  وهنــــــــــيال لي  يحبونك
               الله   يعــــــــــشك  كل ليعشكونك
        
                       بالحشر  حبك ضمان
                        انت مفــتاح الجنان
                  يارسول  الله      يارسول الله

                ــــــــــــــــــــــــــــــــــــــــــــــــــ

                بفرح هليله نخــــــــــط مكتوبنه
                مولدك خير انــــــــــزرع بدروبنه
                يــــــاحبيب الله وحبيب اكلوبنه
                انت بــــس انت التضل محبوبنه

                     انت للـــــــــخايف امان
                     انت مفــــــــتاح الجنان
                   يارسول الله       يارسول الله

                ــــــــــــــــــــــــــــــــــــــــــــــــــ

                الارض فــــرحت ولسمه بميلاده
                ياهلا بمـــــــولـــــد جبير الساده   
                سيد عله  البــــــــــشر ربك راده
                اهل اسمه اتسولف بقت بمجاده  

                      ياعظيم  وعالي شان
                      انت مفــــتاح الجنان
                يارسول الله       يارسول الله

                 ــــــــــــــــــــــــــــــــــــــــــــــــــ

                 تزهي كامــــــــــت بالفرح ايامنه
                 وبعد ماتكــــــــــتب حزن اقلامنه
                 انــــــــــولد هلـــيله ربيع احلامنه
                 اليوم خـــــل ننسه التعب والامنه

                      انصـــــــدر بحبك بيان
                     انت مفــــــــتاح الجنان
                  يارسول الله       يارسول الله

                 ــــــــــــــــــــــــــــــــــــــــــــــــــ

                 ياكمر ضــــــــــوه  وترس دنيانه
                 من الولاده اســـمك يعيش ويانه
                 اكلـــــــــوبنه بهاذ الحفل فرحانه
                 ارواحـــــــــنه بحب النبي ولهانه 


                     فرحـــــــت ليله الوطان
                     انت مفــــــــتاح الجنان
                   يارسول الله      يارسول الله

                 ــــــــــــــــــــــــــــــــــــــــــــــــــ

حسين عبد الزهرة الدراجي