Postagens do Canal قناه الرادود الحسيني كرار السماوي

ابوذيه

أنـه ويـحسين ما اخلـف  ..  وعيدي
يـروحـي رددي بـأسـمـه   ..  وعيدي
عــيــد الــنــاس مـاريـده  .. وعيدي

من اكض شـبـاچ ابـو الـيـمـه بأديه

*------------------------*------------------*

✍الشاعر رعد الجريخي

بالتعاون مع صفحة العبرات الحسينية
خدمة محبي باسم الكربلائي تقدم

📜: سامحني و اقبل عذري
✒️: علي السقاي
📆: ليلة 13 جمادى الاولى 1444
🕌: حسينية هيئة الزهراء س المركزي النجف الاشرف
🎶: #يايوم_اشوف_اعتابك #ابعث_دمعتي_لقبرك



سامحني واِقبَل عذري
مَجبوره أَمضي اِلگبري
وحدك أعوفك ياحيدر وحدك أعوفك
افراگك يَعِشرَة عُمري
أَصعب عَلَي من كسري 
وحدك أعوفك ياحيدر وحدك أعوفك
حيّرني وضعك ماريد اَودعك
▪️▪️▪️▪️▪️
علي يالما كفو غيرك إلي ابهالكون
مثِل زِيجَتنه لا كان اْو أبد مَيكون
أَمُر مكتوب مِن گبل القلم والنون
علي وَي فاطمه ابفَد مَنزِل اينِزلون
مُحمّد والِدي ظَل يعتبُرنه اعيون
ليش الگوم رادوا للنبي يِعمون
البيعه انكثوا بغيابه اْو ماحتى جَف اترابه 
ابحقّك أداعي ياحيدر ابحقّك أداعي
عاليدعون اَصحابه دِرعك صرِت بمصابه
ابحقّك أداعي ياحيدر ابحقّك أداعي
يالمَهري درعك  ماريد اَودعك
▪️▪️▪️▪️▪️
كل واحد يأَدّي ياعلي دوره
وَانا الأديت دوري ابأكمل الصوره
لَجِل عيناك عيني الحمره مسطوره
اْو لَجِل جَبْر الولايه اضلوعي مكسوره
ما أطلب جِزا واِتگلّي مشكوره
الطلَب تعذرني لو عالفرگه مجبوره
تدري يَحلو الملگه محّد يريد الفرگه
يصعب وداعك ياحيدر يصعب وداعك
أَحچي اِبدليلي الحِرگه وِابعَبرتي مِختنگه
يصعب وداعك ياحيدر يصعب وداعك
يالوافي طبعك  ماريد اَودعك
▪️▪️▪️▪️▪️
أنا كِلشي إلك وانته إلي كِلشي
فخَر يكفيني گلبك ياعلي عرشي
قَسَم باللي انطعن صدره ابرمُح وحشي
رمُح فرگاك صَعَّبلي غَمُض رِمشي
الموت الموت اَريده اْو ينحمل نعشي
لچن ماريد عنّك أرحل اْو أمشي
مِتحيرات اجروحي اِتفيض اْو تِعَرِّج روحي
لو أبقىٰ يمك ياحيدر لو أبقىٰ يمك
يالتصغي صَمتي اْو بوحي تِرخصني يخمَد نوحي
لو أبقىٰ يمك ياحيدر لو أبقىٰ يمك
آمِـر وَاسِمعَك  ماريد اَودعك
▪️▪️▪️▪️▪️
أنا اللي ابكل حروبك مِن چنِت ترجع
أَضَمْدَك ياحَبيبي اْو أذرف المدمع
غِميجه اجروحك اْو چانت دِمَه تنبع
اْو تكابر عالألم جِدّامي يالأنزع
لچن هاليوم اَشوفك وانته تتوجَّع
مو هَيْنه أعوفك وَامضي للمضجع
بانَت عليك آلامك من جِدمك اِلحَد هامك
تبچي اعله حالي ياحيدر تبچي اعله حالي
منهو اليجر اِسهامك وانته ابأشد أيامك
تبچي اعله حالي ياحيدر تبچي اعله حالي
يالتجري دمعك  ماريد اَودعك
▪️▪️▪️▪️▪️
علَىٰ احساسك أخافن مو علَىٰ احساسي
لِـهـذا اِمْن اَحتضر ماريدك اتقاسي
خل نفرُض وَسط حِجرك تحط راسي
اْو بين اِيديك ألفُظ آخِر اَنفاسي
هالصوره تِظَل تِذكُرها ماناسي
يعز اِعليّه حالك يا أعز ناسي
يا بالحسن خلّيني وَحدي اْو أغمُّض عيني
رحمه ابشعورك  ياحيدر رحمه ابشعورك
اْولا تمسح اعله اجبيني اْو يمك أمد ايديني
رحمه ابشعورك ياحيدر رحمه ابشعورك
ذِكرىٰ اْو تصَدعك  ماريد اَودعك
▪️▪️▪️▪️▪️
المُحب اِلْـ وَي حبيبه ايعيش كل دنياه
ابساعة مُوته مَيريده ايتأذّه اوياه
يجيني الموت إنّا ياعلي لله
اْو علىٰ امصلّايتي أترقَّبه اْو أرجاه
تفيض الروح من صدري ابزَفير الآه
اْو تجي اِمْن المسجد اْو بس الجسد تلگاه
أختِم سِوَر قُرآني اْو أَتشَهَّد ابأحزاني
ما بيّه مُهجه ياحيدر ما بيّه مُهجه
مَيتَه ابقهَر تلگاني واشما تِهز جثماني
ما بيّه مُهجه ياحيدر ما بيّه مُهجه
والدمعه شَرعك  ماريد اَودعك
▪️▪️▪️▪️▪️
أموتن واجِده اعله افلان ويّه افلان
ابسببهم أنحرم منّك يبو الوجدان
علي ابموتي يعظّم أجرك الرحمن
اْو تِعزّيك الملايك والإنس والجان
سَيّاف الحَرايب چنِت بالميدان
اْو دَفّان الحَبايب صرِت بالأحزان
الباري ابجلالة ذاته أَوْحَالك ابآياته
صبراً جميلاً  ياحيدر صبراً جميلاً
جِفنك جِرت عبراته  غَص گلبك ابآهاته
صبراً جميلاً  ياحيدر صبراً جميلاً
موتي يفجعك  ماريد اَودعك
▪️▪️▪️▪️▪️
وَحگّك ياللي حگّك ياعلي اتسلّب
گبل بابي ابغديرك أشتكي للرب
أدري ابموتي ثارك داخِلَك يلهب
ألا تبّت إدين اللي دِفعني اْو تَب
يمن صبرك غده من كل حرُب أصعب
اِلْتزامك بالوصيّه ابهالأمر أوجَب
لو ما صُبرت اعليهُم چان اشيسوّي بيهُم
حَد ذوالفقارك ياحيدر حَد ذوالفقارك
لا رُگبه يترك ليهُم اْو لِجْهَنّم ايودّيهُم
حَد ذوالفقارك ياحيدر حَد ذوالفقارك
اِوْصيّه اْو تمِنعك  ماريد اَودعك
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
🔱خدمة محبي باسم الكربلائي🔱

نعي مفجع


حـكـهـه بـحـزن لـو تـعـمـه العيون
وخلهم علينـه اشـمـاء يـگـولـون
الــمــن يـضـل الـدمــع مــرهـون
وضلت غريبه اجـنـازت ام عـون


حـالـت سـبـيـه اتــهــدم الـحـيـل
ويـن الـعـلـيـهـه ايـزيـد لـعـويـل
تـسـوه الـلـطـم والـنـوح تـرتـيـل
ومـحـله الدمـوع الزينب اتـسيـل


كـلـمــن غـيـور الـيـوم يـنــغــار
وهيهات ينسـه بزينب اشـصـار
بـنـار الـگـلـب يـهــتــف يـكــرار
وينـك يـحـيــدر حـامـي الـجـار


يـامـن طـويـت ادروّب الـبعـيـد
الـزيـنـب يبوهه تحـضـر انـريـد
اتـشيـل النعش حـيـدر يصنديـد
بلكي العقيله اجـروحهه اتـهـيـد


*------------------------*--------------------*

✍خادم زينب ع
الشاعر رعد الجريخي

https://www.tiktok.com/@ouk.69/video/7458756417277758727?_r=1

📜 القصيدة: انتظر منكم جواب
🎤 أداء: مسلم الوائلي
🖋 كلمات: أحمد سعد
~~
خلصت حروف العتاب
وانتظر منكم جواب

وحدي عفتوني عليله
رحتوا والغيبه طويله
وانتظر منكم جواب
وانتظر منكم جواب
~
ليش عفتوني ومشيتوا
عفتوا دمعاتي تسيل
وين گوطرتوا بضعنكم
وين شديتوا الرحيل
هدمت حيلي المصيبه
بعد ما ظل عندي حيل
مستحيل عيوني تغمض
من بعدكم مستحيل

ناطرت ليل ونهار
صحت طال الأنتظار

بعد ما عندي وسيله
رحتوا والغيبه طويله
وانتظر منكم جواب
وانتظر منكم جواب
~~
يا هلي سهرت الليالي
وعيني ذوبها السهر
يوم يوم وساعه ساعه
احسب ايام السفر
شاخصه عيوني الدربكم
وانتظر منكم خبر
صابره وروحي اعله جمره
احسب اليوم بشهر

انتظر طارش يعود
دمعي يحفر بالخدود

دمعي ما ينشف مسيله
رحتوا والغيبه طويله
وانتظر منكم جواب
وانتظر منكم جواب
~~
نزلت استار المنايه
لاحت اشباح الأجل
لا خبر منكم اجاني
لا ابشاره يالأهل
ايست ونگطع ضني
ونگطع حبل الأمل
صرت مركز لنوايب
والمصايب والعلل

شنهو يهل الشيم صار
خاليه و وحشه الديار

خلت من كل القبيله
رحتوا والغيبه طويله
وانتظر منكم جواب
وانتظر منكم جواب
~
من بعد ذيج السعاده
ومن بعد ذاك الحنان
لني ما بين المصايب
وبين صفوات الزمان
الدنيه معروفه بطبعها
دنيا ما بيها أمان
وين اتوجه عگبكم
وين اروح اليا مكان

الحزن ما خلالي روح
تحيرت لاوين أروح

المن اگعد وشتكيله
رحتوا والغيبه طويله
وانتظر منكم جواب
وانتظر منكم جواب
~~~
طفله من اول حياتي
صافحت جفي المشيب
زرعت الونه بدليلي
وحصدت هموم ونحيب
بالعلل مصيوبه روحي
والجبد ينثر لهيب
اعتب وهالعتب ادري
لا يودي ولا يجيب

فكري عايش بالخيال
وذكر ايام الدلال

احسبلكم ليله ليله
رحتوا والغيبه طويله
وانتظر منكم جواب
وانتظر منكم جواب
~
هالدهر فرق شملنه
بالگلب حزني انجمع
رحتوا روحه بلايه رجعه
ولا خبر منكم رجع
منهو شايف مثلي طفله
مدوهنه ومنهو سمع
بالصخر لو جان همي
الصخر جا مل وجزع

هذي جمرات الونين
ذوبت گلبي الحنين

گلبي ما يبرد غليله
رحتوا والغيبه طويله
وانتظر منكم جواب
وانتظر منكم جواب
~~~
بعد داري ما تلمني
وجزعت من الحياة
هذي دار الأهل جانت
صفت دار النايبات
ريت نسمه لا تمرني
ريت يلفيني الممات
عصفت بوجهي المصايب
والمحن والموحشات

عمري اكدار وهموم
ريته يفنه ولا يدوم

جف الهموم الثگيله
رحتوا والغيبه طويله
وانتظر منكم جواب
وانتظر منكم جواب
°°°°°°°°°°°°°°°°°°°°°°°

نجيج من العراق جنود لشام🙏

علامات السهر
اداء : الرادود سيد فاقد الموسوي
الشاعر : حمزة الحسناوي


شسو لفللك على الفراگ تظل الكلشي تشتاگ إذا جرحك كبر
يبين على  اليحبون سواد الجوه العيون علامات السهر
حسين
تون يم گلبك بصوت صدگ ساعدني خنموت عليمن هالقهر
اه يا گلبي وتسأل تريد بعد عافوك شيفيد شنو يفيد الخبر
يا عملة زماني ميت بس نخيته
ذاك الدللاني بالحافر لگيته
حرام حرام يذبحونك حرام
انام انام حلم يا ناس انام
جرح ما يعرف يطيب مسافه وخضر الشيب شجاني وما متت
وكت وحسين ينداس خطية تگلك الناس عمت عين الوكت
خويه خويه خويه
  حرگ خيمتنه جرحوك رغم ما هما ذبحوك لگيتك ملتفت
المن ملتفت
اباوع بين الخيول رجعي عيونك تگول بعد منها وخفت
ما يقبل يدني موتك دوهناني
اركض بس بعدني يا حسين بمكاني سلام سلام على عيونك سلام
انام انام حلم يا ناس انام
حسين حسين
الشمس غابت واجه الليل ظلام وخلص الحيل بدا شلاع الگلب
ليل يا ليل يا ليل خويه
كل ما يجي الليل اطلع ذكرياتي واحچي ويا العيون واگلها  هنا خذانه
وافرش على القاع رسايل من خواتي وتأيس  الروح وارد يا ليل يا ليل
حرم وكبار وصغار كلت رجليهم النار يركضهم من غصب
حرم وكبار وصغار كلت رجليهم النار يركبوهم غصب
يتامه وكلهم جروح نريد لبيتنا نروح گضت عمه الحرب
نحط الروس على الروس خرابه وفوگنه يدوس يفززنا الرعب
مشچتوفات ادينه ومطشر شملنه
والحارس علينه ذابح كل اهلنه
خيام خيام بعد ماكو خيام
انام انام حلم يا ناس انام
خويه
درب بيه بس هوى وخيل اللاگيه وصحت حيل دخيلك يا علي
گلت ها هسه ننداس واذا مو اهلي يا ناس منو اليفزع الي
زلم وتسابگ الريح يسحگون على اليطيح نحشم نبتلي
إذا طاري  اهلي جبناه هلي تفزعون لو لا ويشتمون بهلي
اه ما نحچي احنه لازم يطلع گوه صوتي
نسكت للشتايم مو حلوه على اخوتي
عمام عمام مره بعازة عمام
انام انام حلم يا ناس انام
آه شكيت بگلب ودموع حچي الليل مسموع يا ليل تعذبت
يا ليل تعذبت يا ليل تعذبت يا ليل تعذبت
وحگ لمتنه بالبيت على الميتين  لوليت كثر ما ايست
آه حمل ما شالته جبال اطيح بكيف الحبال الف مرة
انا اچلب بيمن احتار اطيح والدرب نار إذا ما چلبت
وي كل طيحه حيرة زالگاع شبعدها والحرمة الكبيره صعبة الگومه عدها
آه سام سهام اطيح على السهام
انام انام حلم يا ناس انام
شسولفلك على الفراگ تضل الكشلي تشتاگ إذا جرحك كبر
يبين على اليحبون سواد الجوه العيون علامات السهر
آه آه تعال اسكن سواد العين
آه آه ترى عيوني يريدنك تعال خاطر يشوفن ناس عمل ذني اليتانن
تون يم گلبك بصوت صدگ ساعدني خنموت عليمن هالقهر
يا گلبي وتسأل تريد بعد عافوك شيفيد عليمن هالخبر شنو يفيد الخبرعلامات السهر
اداء : الرادود سيد فاقد الموسوي
الشاعر : حمزة الحسناوي

شسو لفللك على الفراگ تظل الكلشي تشتاگ إذا جرحك كبر
يبين على  اليحبون سواد الجوه العيون علامات السهر
حسين
تون يم گلبك بصوت صدگ ساعدني خنموت عليمن هالقهر
اه يا گلبي وتسأل تريد بعد عافوك شيفيد شنو يفيد الخبر
يا عملة زماني ميت بس نخيته
ذاك الدللاني بالحافر لگيته
حرام حرام يذبحونك حرام
انام انام حلم يا ناس انام
جرح ما يعرف يطيب مسافه وخضر الشيب شجاني وما متت
وكت وحسين ينداس خطية تگلك الناس عمت عين الوكت
خويه خويه خويه
  حرگ خيمتنه جرحوك رغم ما هما ذبحوك لگيتك ملتفت
المن ملتفت
اباوع بين الخيول رجعي عيونك تگول بعد منها وخفت
ما يقبل يدني موتك دوهناني
اركض بس بعدني يا حسين بمكاني سلام سلام على عيونك سلام
انام انام حلم يا ناس انام
حسين حسين
الشمس غابت واجه الليل ظلام وخلص الحيل بدا شلاع الگلب
ليل يا ليل يا ليل خويه
كل ما يجي الليل اطلع ذكرياتي واحچي ويا العيون واگلها  هنا خذانه
وافرش على القاع رسايل من خواتي وتأيس  الروح وارد يا ليل يا ليل
حرم وكبار وصغار كلت رجليهم النار يركضهم من غصب
حرم وكبار وصغار كلت رجليهم النار يركبوهم غصب
يتامه وكلهم جروح نريد لبيتنا نروح گضت عمه الحرب
نحط الروس على الروس خرابه وفوگنه يدوس يفززنا الرعب
مشچتوفات ادينه ومطشر شملنه
والحارس علينه ذابح كل اهلنه
خيام خيام بعد ماكو خيام
انام انام حلم يا ناس انام
خويه
درب بيه بس هوى وخيل اللاگيه وصحت حيل دخيلك يا علي
گلت ها هسه ننداس واذا مو اهلي يا ناس منو اليفزع الي
زلم وتسابگ الريح يسحگون على اليطيح نحشم نبتلي
إذا طاري  اهلي جبناه هلي تفزعون لو لا ويشتمون بهلي
اه ما نحچي احنه لازم يطلع گوه صوتي
نسكت للشتايم مو حلوه على اخوتي
عمام عمام مره بعازة عمام
انام انام حلم يا ناس انام
آه شكيت بگلب ودموع حچي الليل مسموع يا ليل تعذبت

((ماتت فاطمه))


الليله صرخة زينب ترج السمه
وياحزنها تصـيح ماتت فاطـمه
يافاطمه يافاطمه

"""""""""""""""""""""""""""""""""""''''''''''

فرفحت زينب وشاطت بالحزن
تبچي مــاتدري تدگ مدري تون
فازعه و مـن الـبچي مـاتستچـن
امــي ماتـت و الضلوع مــهشـمه
"""""""""""""""""""""""""""""""""""''''''''''

أمـي مـاتت عـلي الحگ ياعلي
بويه خل تگعد ألي وشظل ألي
بويه متنه وفاطمه چانت هـلي
يعني غير امي الحـياة مــهدمه
"""""""""""""""""""""""""""""""""""''''''''''

بويه سـولفلي تـرى گمت اختنگ
بويه كض چفـوفها البيها الحرگ
گلها ماتت فاطمه و هذا الصدگ
بويه مــــاتـت و المـتـون امـورمه
"""""""""""""""""""""""""""""""""""''''''''''

بويه امچ ماتت الچنها الضوى
بويه مثلچ مختنگ راح الهوى
بويه وي الطـاهره ادفنه سوى
و آنه دوم وياها تــدري معلمه
"""""""""""""""""""""""""""""""""""''''''''''

بـويه خـليني بلــحدها ارد اطب
بويه مايحمل على الفرگه الگلب
وحتى خدها شلون يتحمل ترب
و الـترب يـلچـمها لا تنــزف دمه
"""""""""""""""""""""""""""""""""""''''''''''

بهيده يابويه اعله كيفك بالغسل
هــاي امــي و يـومــها ما ينحمل
الماي يابويه اعله كيــفك لو تهل
البــاب عـاصـرها تــراهي مـألمه
"""""""""""""""""""""""""""""""""""''''''''''

مـــاتــت ومـــا واصـله لـثـمـنـطـعتش
بهيده لـــو تــمشون لو شـــلتو النعش
بويه جرحي اعله الدرب بـويه انفرش
و گـــلبــي يــلـطم مـــابطل من ماتمه


عبد زينب
محمد الابراهيمي

https://vt.tiktok.com/ZSjbvqjWW

اخر دللول .. يايمه هليله
بكاروكك انگول يايمه هليله
باجر تروح وما ترد     باجر تنام ابلا مهد
عبدالله يبني       عبدالله يبني
..................
يمه هاي اليله اخر ليله اليه
وهاي اخر ليله نكعدهه سويه
احسب الباجر واحس اتموت اديه
باجر اگماطك تفجعه الغاضريه
ريت ابعمر نوح    يايمه هليله
يالباجر اتروح.   يايمه هاليله
باجر سهم يگطع ورد باجر تروح وما ترد
عبدالله يبني             عبدالله يبني
........................
يلي محد عندي الايشابه صفاتك
بس ابوك حسين احسبنه بغلاتك
اليله يمي وعينك اتصد الخواتك
ابنضرتك بانت ملامح من مماتك
من نضرتك هاي  يايمه هليله
ماتشرب الماي.   يايمه هليله
والعمتك زينب تصد باجر تروح وماترد
عبدالله يبني           عبدالله يبني
....................
بيش اغطي رگبتك عن النواظر
مو حسد عن السهم واحميهه باجر
مدري ليش ابكربله ارخيصه المناحر
گلبي لاچمني واحس الخفته صاير
باجر دمه وآه يايمه هليله
مذبوح اويلاه. يايمه هليله
تهوه الحضن موللحد. باجر تروح وماترد
عبدالله يبني عبدالله يبني
...............
گطعت المنحر تره تحجيهه عينك
اشما اشيلك مهدك ايجرنه ادينك
تارس البيت الفجر ليش ابونينك
وانته جنت ايگعد الوادم حنينك
متغير الالوان يايمه هليله
وكت البعد حان يايمه هليله
وبحسره يايمه تصد  باجر تروح وما ترد
عبدالله يبني.        عبدالله يبني 
....................
حسين راح ورد علينه بغير وضعه
دمعه تاخد والدك واترده دمعه
رد عليه اگماطك ودمك ينگعه
مات يازينب وليدي هيج اسمعه
صابه السهم حار   يايمه هليله
ابعبد الله محتار.   يايمه هليله
كاسرني يازينب عبد باجر تروح وما ترد
عبد الله يبني          عبدالله يبني

خادم اهل البيت علي الزرگاني