Hussein Al-Qais | حسين القيس

الحياة مرات تفرض علينا مواقف أو قرارات ما نكون فاهمين الحكمة وراها، بس الله سبحانه وتعالى يوضحها لنا من خلال آياته وخلقه. من الآيات اللي توضّح هالشي، قوله تعالى: "والخبيثات للخبيثين والخبيثون للخبيثات، والطيبات للطيبين والطيبون للطيبات". معناها إن الإنسان الطيب يستحق شريك يشبهه بالطيبة والنقاء، وما ممكن يجتمع بطبيعة الحال مع شخص ما يتناسب وياه بالقيم والأخلاق.
ورب العالمين يبين هذا الأمر مرة ثانية بآية ثانية: "والبلد الطيب يخرج نباته بإذن ربه، والذي خبث لا يخرج إلا نكدا". الفكرة هنا إنه مثل ما الأرض الطيبة تنتج خير، واللي خبيثة ما تطلع منها إلا نتائج تعبانة، نفس الشي بالنفوس والناس.
إذا انتَ طيب، نيتك صافية وما تخدع ولا تخون، الله ما يسمح إنك تكون مع شخص ما يناسب قدرك، ولا مع إنسان بعيد عن صفاتك. وإذا صار ظرف وجمعتكم علاقة، وما كان الطرف الثاني طيب، النتيجة تكون واضحة ومؤقتة، لأن الحقيقة لازم تظهر بالنهاية. حتى لو استمرت العلاقة فترة، راح تنتهي لما يتبين الخلل لأن الطيب والخبيث مستحيل يستمرون معاً.
فالمقصود هنا، أي قرار أو ظرف يبعدك عن شخص معين هو لطف من الله وحكمة كبيرة. مو لأنك أقل أو لأنك تستحق الحزن، بل لأن الله يريدلك الخير ويختار لك شخص يشبه قلبك الأبيض ونواياك النقية. الله ما يريدك تعيش مع شخص بعيد عن طبعك وأخلاقك.
لهذا، ثق بالله، واطمئن. كل شي يصير بحياتك اليوم هو خطوة نحو الأفضل، حتى لو ما بان لك الآن.
• حسين قيس

أدركت إن الحياة هي مدرسة ما تنتهي دروسها، كل موقف وكل لحظة تحمل إلنا رسالة. مرات نربح ومرات نخسر، بس الأهم إن نطلع من كل تجربة بحكمة تضيف لنا وتوجهنا. تعلمت أنه مو المهم شنو نحقق أو نوصل، الأهم شلون نستثمر وقتنا ونعيش بروح راضية ومتوازنة، بعيد عن الاستعجال أو الندم. لأن بالنهاية، اللي يبقى ويستمر هو أثر خطواتنا وقراراتنا، وبناءنا لأنفسنا على مدار السنين.
• حسين قيس

القصة: رحلة من الأمل والقرار

كنت دائمًا أؤمن بأن الحياة تستحق العيش بشكل كامل، وأن الحب هو ما يجعل كل شيء أكثر جمالًا وعمقًا. كنت قد قابلتها في وقت غير متوقع، حيث لا يمكن للمرء أن يتخيل أن الحياة ستعطيه فرصة ثانية ليعيش قصة حب جديدة، خاصة بعد تجربة مررت بها من قبل جعلتني أشك في كل شيء. لكن، مع وجودها في حياتي، أصبح كل شيء مختلفًا.
كنت قد قررت أن أبذل كل ما في وسعي من أجلها. لم يكن الأمر مجرد رغبة في أن أكون معها، بل كان عن التزام حقيقي تجاهها وتجاه مستقبلي معها. لذلك، أخذت خطوة كبيرة في حياتي وقررت شراء سيارة، ليس فقط من أجل التنقل، ولكن كي أتمكن من أخذها في جولة بين البلدان التي لطالما حلمت بزيارتها. كانت إيطاليا وسويسرا هما الوجهتان اللتان حلمت بأن أكتشف معهما معالمهما الرائعة، ولكن مع شخص واحد فقط في ذهني: هي.
كنت أرى في عينيها شيئًا خاصًا، شيئًا يجعلني أؤمن بأن هذا القرار كان صائبًا. كنت أريد أن أخلق لها لحظات لا تُنسى، لحظات مليئة بالحب والضحك والمغامرات، تلك التي تتجاوز حدود الأيام العادية وتصبح جزءًا من ذاكرتنا المشتركة.
ومع ذلك، كانت هناك لحظات من الشك. هل كانت تشعر بنفس الطريقة؟ هل هي مستعدة للخطوة الكبيرة التي كنت أخطط لها؟ كان لدي شعور عميق بأنني أريد أن أعيش حياتي بجانبها، لكن في الوقت ذاته كنت أحترم مساحتها الخاصة وأفكارها.
ومع مرور الوقت، بدأت أفهم أن الحب لا يعني التسرع أو الضغط. بل هو عن تقديم نفسك بصدق، عن إعطاء الفرص للطرف الآخر ليتخذ قراره بحرية. ورغم كل تلك الأسئلة التي كانت تدور في رأسي، كنت أواصل المضي قدمًا، لأنني أدركت أن الحياة ليست فقط عن الوصول إلى الهدف، بل عن الرحلة نفسها.

الحجي رجل كبير بالعمر وحكيم
اني من النوع الي ما اكعد بمقهى لحد هذا عمري فه قبل فترة نجبرت ادخل مقهى علمود اشحن الرونين ( مانع اهتزاز كاميرا )
فه شافني اتباوع للصور الي محطوطة لانها صور من المحطة مالتهم المحطة ( يعني الداير مالتهم المنطقة ) كالي انطيك نت ؟
كتله لا اشكرك افضل هيج اكعد ، نضراته مال شخص تعجب كال اول مرة يدخل شاب ما يسأل على النت كتله لا هو عندي على الشريحة بس افضل السوالف اكثر من النت ، شفته يريد يكوم يمي يغير مكانه كتله لا اني اجي , كلي منين انت اول مرة اشوفك هنا كتله ها ...... احزر اني منين كال مبين من محافظة جاي
" للعلم اني بنفس الحي مالتنا " وقررت تدخل هنا ضيف كتله لا اني من هنا ابن ولايتك تعجب كال شكد عمرك كتله عمري ، كلي شاب مثلك يحب يطلع واني اكعد بهل مكان الصبح من ساعة 6 اجي اتريك واكعد لحد ساعة 11 الصبح ومن 4 العصر لحد 10 بليل
ما شايفك هنا ولا بالمقاهي الي بالجوار ، كتله ماحب اطلع احب اطلع مكان شغلي إذا توفر ومكان دراستي مدحني كثيراً ،
اني استغربت من الوقت الي يجي ويكعد بي وسألت ليش كل هل وقت تجي شعجب ما مخصص وقت لعائلتك ؟ ضحك هواي وكلي ما متزوج ، اني هنا نصدمت انو رجل كبير بالعمر وشئ ليش ما لحك يتزوج سولفلي عن حياته شلون جانت انو تعرض لظرف صحي ومنها بقى يقاوم وما اتيحت الفرصة لهل شي ، وبعدين سُئلت من عندة كالي متزوج ؟ كتله لا صغير عمر بعدني احس الزواج مسؤولية جبيرة واني احس مو كد هل مسؤولية ، ضحك وكال بس تتزوج تستقر ، جاوبته كتله الإستقرار مو بس زفة وعرس وبيت الاستقرار تفاهم أسمة احبك انت وماريد غيرك اسمة اباوع عليك وابتسم تعرف عيوني شتريد إسمه مشاكلنا نحلها بيناتنا وبسرعة حتى ما تكبر ويصير بيها زعل ، وهسه داشوف كلشي عكس الي يريد المشكلة كلها تعرف بيها الناس والحب مؤقت وكلشي بالعكس صار ، الزواج اساسه مودة والعشرة الطيبة أساسه روح نقية بدون غاية هيج اشوف الزواج من وجهة نظري الضعيفة للحياة ، جاوبني كال لا مو ضعيفة واعرف انو قادر تكمل اكثر من هيج انت وتجاوب ، دار بينا حديث جانبي عن الشباب وطريقة تفكيرها ليش تغيرت ، بس اني بهل لحظة شفت الرونين صار بي ضوء اخضر يعني كمل شحن ، وقبل لا اكوم كتله عادي اخذ وياك صورة كلي عادي بس ماريد يشوفها احد غيرك ( قصدة لا تنشرها ) وهنا استرخصت منه ورحت ، واني احب اكلكم الزواج الجميل ، انو لا تنسى تدعي لله سبحانه وتعالى بشغلتين : الستر والعافية

وبس هايهيه يبعد العيون 🤍.

عشوائيات 🤍.

Channel name was changed to «Hussein Al-Qais | حسين القيس»

لايت روم مهكر اخر اصدار نسخة 2024 ✅

تمعنوا زين يبعد العيون 🤍🫶.