Medicine made simple.

السلام عليكم ورحمة الله وبركاته
ان شاء الله حالكم بخير🙏🏻
بالله لو سمحتوا لو في أي حد قري او يقرا من القناة يعبي الإستبيان بيش نحددوا مستقبل القناة ان شاء الله
و بارك الله فيكم و وفقكم الله 🫡
https://docs.google.com/forms/d/e/1FAIpQLSe5OnF1hASfpzCv4Jbe_3dDEgday91e0Yx2prfAmiCzcpbmfA/viewform

السلام عليكم ورحمة الله وبركاته
مفاضلة 7
كورس ال GIT كامل بإذن الله
https://youtube.com/playlist?list=PL_bJfG4fIuxqq2IPVx1rpeYY3rPb81SWY&feature=shared

بإذن الله حيعجبكم، المحاضرات قصار متنخلعوش منهم😂.

بالتوفيق ان شاء الله

السلام عليكم ورحمة الله وبركاته
كيف حالكم ان شاء الله بخير

طبعا السيمستر الجديد خلاص بدي 😂
و بنوضح شوية حاجات، للي يسأل هل حنشرح مادة في سيمستر الكلينك هذا و شن نظام الباثولوجي 3.

قبل كل شي للأمانة لا أعتقد اني حنشرح مادة في الكلينك أقل شي السيمستر هذا ممكن ندير ملخص لحاجة معينة و نشرحها او نحل اسئلة لمادة معينة بإذن الله يعتمد هذا عالوقت، حنكون ديما متواجد لمساعدة أي حد بإذن الله فحنساعد باللي نقدر عليه في أي مادة و اللي عنده سؤال القروب قاعد مفتوح، لأن للأسف سنة 2025 حننضغط فيها ضغط مش عادي ف دعواتكم ربي يسخرلي الحال،
بالنسبة لتوجه القناة بإذن الله مش حننقطع لكن حنتجه لمحتوى تعليمي أشمل و أقصر بإذن الله سواء هني او في صفحتي في الفيس، و جامعات برا طرابلس بالنسبة للفسيو أيه حنكمل سلسلة اسئلة Guyton بإذن الله، و المحتوى القادم على الأغلب بيشمل حتى بحوث طبية يعني الحاجات الاساسية لكل دكتور او طالب مفروض يعرفهم، كيف تقرا بحث طبي وين تلقا بحث طبي، هذم حاجات لازم تعرفهم سواء كان عندك نية او معندكش نية ادير بحوث لأن المفروض عليك انك تقرا البحوث الجديدة بذات لما تتخصص بعدين أو كان عندك أصلا تخصص معين من توا، و كذلك حنركز عالمصادر لإمتحانات المعادلات بذات اسئلة ال usmle حنديرلهم فقرة بحيث نحل و نشرح مرة مرة خمسة و ستة اسئلة مع بعض من جزئية، و تلخيصات لحاجات مهمة للفسيو و الباثو كمراجعة و استفادة لينا كلنا.


نجوا للباثو بالنسبة لقبل النصفي مش حنفتح كورس زي مادرت و اني زي ماقلتلكم مش مخطط اني نركز عالكورسات السنة هذي ف فتحته كله مجاني ليكم، و شبه نزلت أغلبية المحاضرات في قناة اليوتيوب مزال شوية و يكونوا كاملات.


و بإذن الله نكملوا المشوار على خير خلاص هانت سنتين و نص بس😂 (من غير سنة الإمتياز)

فضلا وليس امرا يا دكاترة عبولنا الاستبيان اهوه
مع اختيار Code 34
للمساهمة في بحث لأخ لكم
ومشكورين جدا.

https://docs.google.com/forms/d/e/1FAIpQLSdoV_6reu5uYZVg81wzwcSqbG_AZ3FG49j8LelHf5IDc1Zv5g/viewform

الحمد لله على ما مضى و وفقنا الله في كل خطوة يارب العالمين، مع أن النهاية كانت فيها شوية سلبيات لكن مننسوش نذكروا بالخير الناس اللي مشفناش منها إلا كل خير في الدفعة لأن والله في ناس طيبة و ميستاهلوش الا كل الخير و نذكروا القليل من الكثير منهم.

سليم ساعدنا في الهستو و المايكرو ربي يرحم والديه
معاذ في الأناتومي كذالك
عبد الحميد في الميكرو
عبد الحميد الفقيه في الميكرو و الباثو
سند في الفارما
شهد في البارا
عوف في السلوكية
ملاك في ال IT
سارة في الاناتومي و الفارما
في بنت زمان دارت ملخص لكلام الخمسي في الانترو الله يرحم والديها نسيتها مني😂
الناس اللي شادة بوت الدفعة
و الطلبة اللي يمشوا للمحاضرات و يسجلوا مننسوش جهدهم والله اكثر ناس مظلومة منهم ياسين و مروة يرحم والديهم
و المندوبين اللي دار منهم خير مشكور

و القائمة تطول بارك الله فيكم و رحم الله والديكم، و بإذن الله كل حد دار خير حيلقاه قدامه في الدنيا و الأخرة.

بسم الله الرحمن الرحيم
{ لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا }
دعواتكم لخوتنا الطلبة اللي قعدتلهم على درجات بسيطة ان يصفوها و يديرولهم حل، ميعنيش انك صفيتها انك تنسى الموضوع لأن في ناس مش قادرة ترتاح حتى في عطلتها.

ف أذكروهم بالدعاء أضعف الإيمان.

السلام عليكم ورحمة الله وبركاته
ان شاء الله تكونوا توفقتوا في الإمتحان اليوم و ان شاء الله الكل يصفيها، للأسف غير لائق انك تنزل ملخص و تقول اقروا منه و الدفعتين اللي قبلك مطلعوش منه فجأة اليوم قرروا يغيروا.


ف بإذن الله يصير خير بإذن الله كلكم مصفينها و مهيش نهاية المشوار بإذن الله.
ان شاء الله نكون أفدتكم سواء كان عن طريق المحاضرات العادية او الاسئلة او الملخصات.

و بإذن الله خير ان شاء الله سيمستر الكلينك يكون فاتحة خير علينا أجمعين.

بدايتها خير و نهايتها خير بإذن الله
اللهم لا سهل إلا ماجعلته سهلا و إنك إن شئت جعلت الصعب سهلا.

ان شاء الله ربي يوفقنا غدوة في أخر إمتحان يارب العالمين و بإذن الله حيكون خير و كلكم تصفوها بإذن الواحد الأحد.

منهجك غدوة قبل الإمتحان
الفجر حاضر
أذكار الصباح
التوكل على الله
و بعدين كان بتراجع منهج راجع.


ان شاء الله نكون كنت سبب في نجاحكم و ربي يفتح عليكم يارب العالمين.

السلام عليكم ورحمة الله وبركاته
و هذا حل اسئلة من مفاضلة ستة لمقابلة 2 على خير ان شاء الله نزل الفيديو فيه كل الاسئلة تفرجوا عليه امتا ماتبوا و بإذن الله حيساعدكم.
موفقين ان شاء الله ربي يفتح عليكم
https://youtu.be/CZzL76qGM-Q?feature=shared

ملاحظة الفيديو متقسم بهذي الكيفية
0:00–15:20 Liver (MCQs)

15:20–24:42 GIT

24:42–32:27 Blood

32:27–41:34 Central Nervous System

41:34–49:16 Bone Pathology

49:16–End Female Reproductive

تسجيل الاسئلة كيف تميت تسجيلهم لكن للأسف النت ضعيف و يبوا ضغط و تلصيق في بعض و اني الحق دماغي صفر ف غدوة تلقوهم ان شاء الله الفجر 😂
بالتوفيق ان شاء الله يارب 🤲🏻

و هذا مكثف ال GIT شن مزال تبوا اكثر من هكي😂

بإذن الله ساد لكل حد مش ملحق للGIT
اسمعه حتى قبل الامتحان و ان شاء الله بالتوفيق🤲🏻

Upper GIT carsh course

Lower GIT crash course

السلام عليكم ورحمة الله وبركاته
جمعتكم مباركة ان شاء الله
و لأن الدكتورة نزلت شيت مختصر حتى اني اختصرت معاها و خلاص😂.
المحاضرة لشرح ملخص الدكتورة نزلت و بإذن الله تستفيدوا بيها.

موفقين ان شاء الله 🤲🏻
https://youtu.be/URCsTh81Da0?feature=shared

السلام عليكم ورحمة الله وبركاته

و هذي أخر محاضرة الحمد لله

https://youtu.be/OfOyql9Sjos?feature=shared


و هكي يكون منهج الباثو كامل عندكم و ان شاء الله منكونش قصرت معاكم ربي يوفقكم و يفتح عليكم و بإذن الله اخر مادة هانت.

المحاضرات للمنهج مرتبات☝🏻

بعد النصفي باثو (( مهيمن ))

CNS 🧠:

Part_1 | Part_2

Part_3 | Part_4

Female 👩🏻:

Part_1 | Part_2 | Part_3

Part_4 | Part_5 | Part_6

Bone 🦴:

Part_1 | Part_2

Part_3 | Part_4

Blood 🩸:

Part_1 | Part_2 | Part_3

Part_4 | Part_5

Liver 🥩:

Part_1 | Part_2 | Part_3

Part_4 | Part_5 | Part_6

السلام عليكم ورحمة الله وبركاته
كيف حالكم ان شاء الله بخير

موفقين في الفارما ان شاء الله يارب
بالنسبة لليفر مزال محاضرتين من غير اللي نزلت هذي، ان شاء الله وحدة حتنزل في ايامات الفارما و وحدة اول يوم باثو و بهكي يكون المنهج كامل، موفقين ان شاء الله يارب 🤲🏻
https://youtu.be/9Mo6yI6lKaM?si=9sbadKPoZHPAVwBM

السلام عليكم
ان شاء الله حالكم بخير بالتسبة لجزئية ال CNS الدكتورة صح مطالبة بالمرجع لكن أقل شي ضروري تغطوا النقطة اللي مش مشروحة لا في شيت الكلية ولا شيت كريم و هي ال Headache تلقوها أول عشرة صفاحي في تفريغات مفاضلة 5

بالنسبة للكينكل سكيلز ك مصدر للنهائي، هذم اللي لقيتهم و أغلبية الطلبة قروا منهم.

CNS/GIT
شيتات د كريم و و جدوال مكلويد اللي في شيت الكلية. في شيتات من مفاضلة خمسة تفريغ لمكلويد حتى هما كويسات.

Uro
شيت الكلية التعريفات و الجداول اللي بعتتهم دكتورة أريج + تفريغ مكلويد متع مفاضلة 5

Breast, Lump.
شيت الكلية و مكلويد لأن جزئيتهم شوية في مكلويد.

Diabetes
شيت الكلية و مكلويد نفس الشي.

Ulcer/Hernia/surgical/sterilisation/Disinfectant.
شيت الكلية

بالتوفيق ان شاء الله

السلام عليكم ورحمة الله وبركاته
#PS243

هذا الكي فيه سؤال 12 و 23 و 27
سؤال 12 تم تعديل اجابته واصبحت الاجابه الصحيحه C
اما سؤال 23 فا تم تعديل اجابته واصبحت D
و 27 اجابته A


بالتوفيق للجميع ✨✨
#مندوبين_دفعة_الاعتماد

السلام عليكم ورحمة الله وبركاته فسيو 3 ان شاء الله تكونوا تأكدتوا من حلكم و بإذن الله كلكم ناجحين.
بالنسبة للكي نفس اللي بعته الحمد لله زي ماقتلكم الفرق في 9 و 11 الحاجات هذي بجوهم 9 زي اللي بعته و 11 عكسها ف هذا باش درتلكم A و B و منقكم تتكلموا عليهم.


بالنسبة ل 18 لو تلاحظوا خاط على الزوز و رجحت انها تكون PTSD بناء على مصادر خارجية زي ال DSM5 لكن اعتقد و الله اعلم اختاروا ال Menapause كونه ليه علاقة بمنهجكم أكثر.



موفقين و ربي يفتحك عليكم ان شاء الله.

و بالله لو في طلبة من جامعة سبها و ترهونة يرحم والديكم شاركوه في جامعاتكم لأن على مستوى ليبيا و شكرا بارك الله فيكم

السلام عليكم
كيف حالكم ؟ نبيكم تساعدوني في تعبئة البيانات✍🏻

اكيد الاغلبيه عنده انستا وفيس وتيك توك …………والخ
وبرامج تحتوي علي فيديوات قصيره ( الريلز ) واغلبنا علي ما اعتقد يتصفح فيهم 😂
وكذلك نسبه كبيره تقرا علي الايباد بس ولا الشيت بس ولا الزوز

اني وزملائي قاعدين نديروا في ورقه 📄 بحثيه علي الموضوع هذا

ثأثير الفيديوات القصيره (الريلز) والتكنولوجيا علي التركيز والتحصيل العلمي لطلبه الطب علي مستوي ليبيا في جامعات مختلفه هذاه كل القصه :

(Attention span among medical students)

يهدف هذا البحث إلى تقييم مستوى معدل الإنتباه لدى طلاب الطب في مختلف السنوات الدراسية من الاعداد الي الامتياز ،واستكشاف العلاقة بين التحكم بالانتباه والأداء الأكاديمي والسريري، بالإضافة إلى تأثير التقنيات الحديثة والتعلم عبر الوسائط الرقمية واستخدام وسائل التواصل الاجتماعي على معدل انتباه الطلاب

من بعد اذن حضراتكم هما كلهم اختر ياريت تساعدوني علي تجميع الداتا اللازمه في اقل وقت ممكن وشكراااا🤍

رابط ال Questionnaire :

https://docs.google.com/forms/d/e/1FAIpQLScfiGswObNdU81ibuJCQe5mQtERkOKk_s_lHSL4gMWUxR863Q/viewform?usp=sf_link

السلام عليكم ورحمة الله وبركاته
كيف حالكم ان شاء الله بخير و تكونوا توفقتوا في السلوكية و الامتحانات بشكل عام يارب.

ياريت تعبوا الإستبيان هذا بأسرع وقت ممكن بحث مشاركين فيه و ان شاء الله يعجبكم مترخوش بينا😁

بالمجمل للأمانة كويسة و كويسة هلبا.
ممكن اللعب كان في الريبرو و هذا شي متوقع حاجة يلعبوا فيها لكن ال CNS و العملي للأمانة ممتاز.


و زي ماقتلكم
1) Hypothalamus
توا زدت شفت سلايد دكتورة ندى.

9/11 هذم للأمانة زي ماقتلكم يحتملوا الزوز استنوا ال Key.

و بإذن الله خير ربي يفتح و يوفقكم سامحوني لو سببت ربكة في الثلاثة اسئلة هذم لأني نحل سؤال فسيو و سؤالين سلوكية بحكم قصر الوقت😂

بالنسبة ل 1
يعتمد على المنهج اللي عطاته الدكتورة لو بتمشي بال neuroendocrine tumors يحسبوا في ال pituitary، للأمانة مش مطلع على شن عطت دكتورة ندى.

و لو بتحسبها hypothalamus برضوا صح بحكم أن عبارة عن عضو عصبي و يفرز في هرمونات تتخزن في ال post pituitary


و بالنسبة ل 9 و 11
بكل امانة يحتملوا الزوز اللي حليتها و اللي أنتم حليتوه لأن مثلا في 9 الإستروجين خلال ال 12 الساعة حيزيد هلبا حكم هو اللي يطلع من ال follicle و في النهاية ال LH بيش يعطي ال Ovulation.

ف هذم حتحلوها بالسلايدات اللي عطتهولكم الدكتورة للأمانة معنديش.

ما أجمل الباثو و ما أقبح الكميونيتي😂.

ربي يعاونكم في امتحان الكميونيتي ان شاء الله، نسيت ان مزالي محاضرات ليفر من كثر الإنشغال والله لدرجة في محاضرة مسجلة و منزلتهاش بإذن الله نتموا الكميونيتي و نزل الباقي قبل الباثو حتلقوهم كلهم موجودات.

بالتوفيق ان شاء الله 🤲🏻

السلام عليكم ورحمة الله وبركاته
كيف حالكم ان شاء الله بخير.
المحاضرة الثالثة Liver pathology
https://youtu.be/ftJ0-NpsYfc?feature=shared
بالتوفيق ان شاء الله 🤲🏻

السلام عليكم ورحمة الله وبركاته
محاضرة Inhirted liver disease ساهلة و قصيرة.

بالتوفيق ان شاء الله
https://youtu.be/qs5-u_rhU2g?feature=shared

السلام عليكم ورحمة الله وبركاته
كيف حالكم ان شاء الله بخير
نعتذر على تأجيل المحاضرة للثلاثاء للأسف بسبب انشغالي اليوم كميونيتي من التسعة + مش حنفضى لبقية اليوم بيش نقدر نسجل.

بإذن الله حنعوضها بمحاضرة الجمعة يعني الجايات بيكونوا ثلاثاء خميس جمعة.
موفقين ان شاء الله

السلام عليكم ورحمة الله و بركاته
كيف حالكم ان شاء الله بخير.
https://youtu.be/aaybr9T13Hs?feature=shared

المحاضرة الأولى Liver pathology.
بالتوفيق ان شاء الله 🤲🏻

السلام عليكم ورحمة الله وبركاته
كيف حالكم ان شاء الله بخير.
بإذن الله الخميس هذا حنبدوا بأول محاضرة في أخر جزئية من باثو 3 و هي الليفر.

صح جزئية طويلة لكن ساهلة مقارنة بالفيميل بإذن الله.

موفقين ان شاء الله 🤲🏻

و عار متع نسيت البطاقة فوتوه بالله😂😂
تأكد توا يا حطها في جيبك ولا في السيارة من توا

السلام عليكم ورحمة الله وبركاته
بالتوفيق غدوة ان شاء الله و تذكروا أن التوفيق من عند الله، أكثروا من الدعاء قبل أي امتحان سواء كان سهل أو صعب، التوتر كله يزال بإذن الله.

اللهم يا معلم موسى علمني، ويا مفهم سليمان فهمني، ويا مؤتي لقمان الحكمة وفصل الخطاب آتني الحكمة وفصل الخطاب، اللهم اجعل ألستنا عامرة بذكرك، وقلوبنا بخشيتك، وأسرارنا بطاعتك، إنك على كل شيء قدير وبالإجابة جدير.

-اللهم يا جامع الناس إلى يومٍ لا ريب فيه رد إلي حاجتي وأنت أرحم الراحمين، اللهم افتح علينا بسيدنا محمد ما أُغلِق علينا، اللهم صل صلاة كاملة وسلم.

و حاجة ثانية خارج حتى الإمتحان لو كنت رجل و متبداش في يومك بصلاة الفجر في الجامع أصلح وضعك و حتشوف كيف ربي يفتح عليك بإذن الله.


موفقين غدوة ان شاء الله في أخر امتحان باثو عملي🤲🏻.

بخصوص عملي الباثو

Introduction and CVS pathology Lab

هذي محاضرة تجريبية لباثو 3
مبيتش نبدأ بالGIT بيش تشوف روحك فاهم من غير متقرا Liver ولا لا

LIVER PATHOLOGY

و هذي محاضرة تجريبية لباثو 2

السلام عليكم عليكم و رحمة الله وبركاته
https://youtu.be/Sn3gqV0BSX4?feature=shared

المحاضرة الرابعة و الأخير CNS و هكي نكونوا تميناه على خير الحمد لله.


بالنسبة لباثو العملي 2,3.
المحاضرات موجودات كاملات في قروباتهم و لو في حد يبي يقرا منهم يكلمني ندخله للقروب و بالنسبة للمبلغ تقدر تدقعه يوم الامتحان او لو ظرفك مسمحش مش مشكلة.


ربي يوفقكم و يفتح عليكم ان شاء الله.

بالنسبة لينا في ليبيا مفيش حاجة اسمها كشف نفسي قبل التوظيف شركات عمالة يحطوا فيهم هكي و خلاص، متندريش عليه شن في دماغه، لين تصير فاجعة بيش نستاقضوا.

لا حول ولا قوة الا بالله العلي العظيم.
الموضوع فاجعة كبيرة والله، ان شاء الله يديرولها حل و المفروض كل الدفعات و الإتحاد يتكلموا على الموضوع، لأن هذا مفيش إلا خيارين يا اما في حد مختل نفسيا كيف بادي يتعلم و يرخي في روحه، ولا حد يستخدم فيهم لأغراض سحر عافانا الله.

لو كان مريض نفسي ينحبس بكري لو كان ساحر ينعدم خير.

مبدأيا ك نصيحة متقعدش في الجامعة بروحك بذات وقت متأخر و ان شاء الله ربي يسلم.

السلام عليكم ورحمة الله وبركاته
https://youtu.be/6wq4d_1hIqw?feature=shared
المحاضرة ماقبل الأخيرة CNS أسف على التأخير.

بالتوفيق ان شاء الله 🤲🏻

السلام عليكم ورحمة الله وبركاته
المحاضرة الثانية CNS ان شاء الله بالتوفيق 🤲🏻
https://youtu.be/WGfXAW6rtOI?feature=shared

السلام عليكم ورحمة الله وبركاته
https://youtu.be/lvuVZEi3yms?feature=shared
المحاضرة الأولى لل CNS و للأمانة تعتبر مقدمة للجزئية هذي.
المحاضرة حوالي ثلث ساعة بيش تدخلكم في الجو😂.
باقي المحاضرات ثلاثة محاضرات و كل وحدة ساعة بالكثير.

جزئية الCNS على الأغلب أسهل جزئية ف ننصحكم على الأقل تخلولها ساعة في اليوم اسمع المحاضرة و راجعها على السريع و تمت متبيش أكثر من هكي.


موفقين ان شاء الله.

السلام عليكم ورحمة الله وبركاته
كيف حالكم ان شاء الله بخير.
بالنسبة لمنهج باثو 3 بعد النصفي في ناس ميندروش ان الBlood نازل، راهو نازل كامل في القناة الحمد لله، يعني ناقصنا CNS و Liver.

CNS الأسبوع الجاي حنبدا فيه شوية ضروف الأسبوع هذا صعب
و بعده liver ان شاء الله.

و بالنسبة لمنهج العملي موجود كامل في الكورس الخاص بيه.

ربي يوفقكم و يفتح عليكم ان شاء الله

السلام عليكم ورحمة الله وبركاته
المحاضرة السادسة و الأخيرة Female pathology على خير ان شاءالله الله.
https://youtu.be/CTi-fXJhnXI?feature=shared

السلام عليكم ورحمة الله وبركاته
المحاضرة الخامسة نزلت
بالتوفيق ان شاء الله
https://youtu.be/wFwoGOwEZJI?si=fto45mnkHd2-jejw

عالمهم قريب تنزل محاضرة اليوم على حسب النت ان شاء الله