MQ1-(clinic) - NEWS PLATFORM

محاضرات القايني غداً
14/1

محاضرات القايني غداً
13/1

المحاضرة بتبدا
خشو من الباب التالي

مواضيع محاضرات غذاً من اهم مواضيع القايني و دكتور وصانا بأهمية حضورهم
موفقين

السلام عليكم ورحمة الله

تذكير....
غدًا آخر يوم لتسليم القوائم سواء النسخة الورقية او النسخة الالكترونية.
تسليم النسخة الورقية في الطبي قسم النساء والتوليد الدور الأول عند د.فاطمة ولو مش موجودة تقدروا تخلوها عند السكرتيرة الهام.
ومشرف القروب الي حيسلم القائمة يرفع معاه بطاقته بش يخلوه يخش.

كل الطلبة المشرفين الي تواصلوا معانا ضفناهم في قروب وهكي يسهل التواصل مع القسم و اي مشرف ماضفناشي في القروب يتواصل معانا في اقرب وقت.

كل الطلبة الي ماانضموش للقروبات القسم حيضيفهم عشوائي للقروبات الناقصة او حيديرلهم قروبات جدد.

موفقييييين

القروبات الي مش مكتملين و القروبات الي مكتملين و ماتواصلوش معانا قبل

يتواصلوا معانا في اسرع وقت.


المشرفين الي بعتولنا درناكم في قروب اكيد لقيتوا روحكم فيه لو فيه مشرف وماضفناشي يبلغنا.


وموفقيييييييييييين

اعلان هام..
حصرياً لطلبة كلية الطب بجامعة طرابلس
في إطار الرقي بالعملية التعليمية وتعزيز التفوق الأكاديمي لطلبة الطب البشري بجامعة طرابلس، وتمكينهم من مواكبة المعايير العالمية للاختبارات الدولية، يسر قسم الجودة وتقييم الأداء (وحدة القياس والتقويم)، الإعلان عن توفير عدد محدود من المقاعد المجانية لطلبة الراغبين في خوض هذا التحدي وذلك بدعوة مجانية تقدمها منصة أمبوس للتعليم الطبي، وهي فرصة استثنائية وفريدة للمشاركة في التقييم الذاتي لاختبار المعادلة الأمريكية USMLE STEP 1، الذي تنظمه منصة أمبوس خصيصًا لدعم مسيرتكم الأكاديمية.

🗓 موعد التقييم الذاتي:
سيكون التقييم متاحًا خلال الفترة من 14 إلى 20 يناير، ويجب على المشاركين التسجيل قبل 12 يناير الساعة 11:59 مساءً بتوقيت المحيط الهادئ (PDT) لضمان الحصول على إمكانية الوصول.
📩 سجل الآن!
للاشتراك، يرجى التسجيل عبر الرابط التالي قبل يوم 12 يناير:
التسجيل هنا
https://www.amboss.com/us/usmle/self-assessment/campus
🔔 مهم:
- تأكد من اختيار جامعة طرابلس في الإعدادات.
- تأكد من استخدام نفس عنوان البريد الإلكتروني المرتبط بحسابك على منصة أمبوس.
- إذا لم يكن لديك حساب بالفعل، يمكنك إنشاء حسابك الآن مجاناً عبر هذا الرابط:
إنشاء حساب أمبوس https://next.amboss.com/us/registration
📊 ماذا ستحصل بعد إتمام التقييم (160 سؤالاً)؟
1. تقرير بنتيجة مكونة من 3 أرقام بالإضافة إلى NBME's Pass/Fail format.
2. تحليل تفصيلي لأدائك يساعدك على فهم نقاط قوتك وضعفك.
3. مجموعة من المواضيع والأسئلة العملية المصممة لتحسين مستواك بناءً على أدائك.
4. مواضيع مرتبة حسب الأهمية في الامتحان لزيادة فرص النجاح.
🕒 الموعد النهائي لإكمال التقييم:
يجب إنهاء التقييم بحلول يوم 20 يناير الساعة 11:59 مساءً بتوقيت المحيط الهادئ (PDT).
📧 للاستفسارات:
في حال وجود أي استفسارات أو مشاكل تتعلق بالتقييم أو الدخول إلى حسابك، يُرجى التواصل مع فريق أمبوس عبر البريد الإلكتروني: [email protected]
لا تفوت هذه الفرصة الذهبية لتحسين استعدادك لاختبارات المعادلة والارتقاء بمستواك الأكاديمي. نتمنى لكم كل التوفيق والنجاح!

كل القروبات الجاهزة و مابعتوش للدكتورة يتوصلوا معانا
يبعتوا للدكتورة النسخة الإلكترونية اليوم و النسخة الورقية اليوم او الاحد

القروبات الي تحت العشرين طالب تواصلوا معانا

الدكتورة اليوم موجودة الى الساعة 1

الدكتورة فاطمة تلقوها في الطبي قسم النساء الدور الاول الساعة 10 ونص
وجيبوا معاكم بطاقاتكم بش يخلوكم تخشوا..

عادي تقدروا تتوصلوا معانا و نوصلوكم بالدكتورة لو بتبعتولها القائمة و تفوتوا موضوع الفلاش...

لكن النسخة الورقية لازم تسلموها
حتى القروبات الي بعتت قبل للدكتورة

فيما يخص القروبات اي قروب فوق العشرين طالب غدوة يسلموا قروبهم للدكتورة فاطمة في الطبي الساعة 10 ونص في فلاش فيه ملف الاكسل+ نسخة ورقية ( اطبعوها القائمة )

المطلوب هو ملف اكسل فيه اسماء الطلبة و ارقام قيدهم.

حنردوا علي كل رسائلكم اليوم بعون الله و متاسفين على التاخير.

القروبات الي تحت العشرين لازم تكونول مرنيين لانه القسم احتمال كبير حيعاود يقسمكم لو مادرتوش حل.

الاولاد قسموا روحهم 7 ولا 5 و مشت الامور
البنات يبوا كلهم قريب 15 ف نفس القروب.

احني مش حنقولوا لحد فك قروبك و خش مع قروب تاني ، لكن ياريت اديروا حل ولصالحكم انتم.

القروبات الغير مكتملة اخر يوم للتسليم هو يوم الاحد.
موفقين

تسليمكم للقائمة لا تعني قبولها ...
اي قروب عدد الشباب فيه اكثر من 7 ح يتقسم تلقائيا من القسم

محاضرات يوم غدٍ الخميس
🔸️المحاضره الاولى labour 1
🔸️المحاضرة التانيه labour 2
🔸️المحاضرة التالتة pain relief in labour
Dr Lubna

مع العلم انه الدكتورة لبنى تبدا في المحاضرة على الوقت و ماتبيش حد يخش بعدما تبدا المحاضرة لذلك التزموا بالوقت.

بالاضافة الى انه الدكتورة تمنع في التسجيل لذلك ياريت تحضروا و محاضرة غدًا مهمة جدًا

السلام عليكم ورحمة الله
محاضرات يوم غدٍ الاربعاء
🔸️المحاضرة الاولى GTD
Prof Elsharif
🔸️المحاضرة التانية PROM
Dr maha
🔸️المحاضرة التالتة anemia in pregnancy
Dr naamat

واي طالب او طالبة ما حصلوش قروبات بكل يبعتولنا حتى هما

السلام عليكم ورحمة الله

كل مشرف قروب حتى ولو العدد ما اكتملش يتواصل معانا
بش نشوفوا حل للقروبات الي مش مكتملة

مشرفين القروبات تواصلوا معانا ونوصلوكم بالدكتورة فاطمة لتسليم القوائم....

+ صفتين بنات و صفة للاولاد

الطبيب مش امتحانات و شيتات و معدل بس
الطبيب ذوق و اخلاق رفيعة .

MQ1-(clinic) - NEWS PLATFORM pinned «السلام عليكم بالنسبة لتسليم قوائم البيدسايد ليوم الغذ حيكونو عند الدكتورة فاطمة غدوا وهي حتكون متواجدة في الطبي وبالتحديد: القسم التعليمي في النساء و والولاده الدور الاول الي بيمشي يسلم القائمة يرفع معاه بطاقة الكلية بش الامن يخلوه يخش وباقي الايام حنزلولكم…»

ملاحظات بخصوص الحضور و ياريت الكلام يركز معاي...

زي ما شفتوا اليوم في المحاضرة الأولى اليوم انه فيه دكاترة مايبوش حد يخش بعد المحاضرة بعشرة دقائق.

لذلك ياريت الكل يلتزم بوقت المحاضرة.

ثاني شيء القاعة مش مكان لشرب القهوة و هذه ملاحظة ثانية من الدكاترة يمكن ماتكلموش قدامكم لكن وصلتنا.
الميه عادي لكن ياريت القهوة لا احترامًا للمكان و الشخص الي يعطي و حتى الميه ياريت الشيشة ماتخلوهاش في المدرج.

و الي بيخش للمدرج والدكتور يشرح يقدر يلف مش لازم تقصوا قدام الدكتور.


وموفقين

السلام عليكم ورحمة الله

محاضرات يوم غدٍ الثلاثاء

🔸️المحاضرة الاولى ANC
Dr Asma Aribi
🔸️المحاضرة التانية APH
Dr Laila Eldibri
🔸️المحاضرة التالتة Rh disease
Prof Elsgir Elzahra

السلام عليكم
بالنسبة لتسليم قوائم البيدسايد ليوم الغذ حيكونو عند الدكتورة فاطمة غدوا وهي حتكون متواجدة في الطبي وبالتحديد:

القسم التعليمي في النساء و والولاده الدور الاول
الي بيمشي يسلم القائمة يرفع معاه بطاقة الكلية بش الامن يخلوه يخش

وباقي الايام حنزلولكم قبلها وين تسلمو

اما بالنسبة للعدد فهو 24 والي قروبه قاعد ناقص يزيد يحاول يدور من هني ليوم الاربعاء وبعدين باذن الله نحاولو نوصلو لحل

موفقين

آلية التسليم هي كالاتي
كل مجموعة يكون فيه طالب يمثلهم و هو يرفعهم للدكتور ايمن او د.فاطمة
الاسماء يكونوا في ملف اكسل و الملف ينحط في فلاش.

غدا الدكتور ايمن عنده المحاضرة التانية تقدروا تسلموهم الي قروبه واتي.
وباقي الايام تو اناكدولكم التسليم في الكلية او في الطبي.

موفقين

اعلان
الخطة الدراسية للمرحلة السريرية الفصل الدراسي خريف 2024 م .
بالتوفيق للجميع

وحنشوفوا الدراسة والامتحانات علي قصة الربيع و الخريف

موفقين

السلام عليكم زميلنا مشارك كجامع البيانات ضمن دراسة بعنوان “الوعي بتدابير الإسعافات الأولية للنوبات والصرع بين طلاب الجامعات في دول شمال أفريقيا والشرق الأوسط”
زي ما ساعدتو زميلكم يوصل للعدد هذا ياريت تزيدو تساعدوه اللي ما عباش يعبي ويخلي الجود 241
بش يكون زميلنا صاخب الكود 241 صاحب اعلى رقم ويكون رقمه في القائمة 1 مش 21
الموضوع بدي فيه تحدي ✨✨✨🔥

https://docs.google.com/forms/d/e/1FAIpQLScF8NlJ09mp9qD-PnWXhvBuF2cpVejM0DrBVsB96joYYyQ46w/viewform?usp=pp_url&entry.1273848538=241

هي يا دفعععة مانحصلوش 30 رد🌚🌚

تهدف كلية الطب البشري إلى تطوير البحث العلمي بما يلبي احتياجات الطلاب والمجتمع.
نأمل أن تشاركنا رأيك في تحديد أولويات البحث العلمي من خلال الإجابة عن هذا الاستبيان. 

https://docs.google.com/forms/d/1fR2eb93kc8hNTB1oiOBple1hjFgAZh3EVbxcikORESU/edit

السلام عليكم زميلنا مشارك كجامع البيانات ضمن دراسة بعنوان “الوعي بتدابير الإسعافات الأولية للنوبات والصرع بين طلاب الجامعات في دول شمال أفريقيا والشرق الأوسط”
محتاج 100 رد
ياريت تساعدوا زميلكم بالوصول لهذا العدد حتى يكتمل
كود 241 لا يتغير من بعد اذنك
نكون مشكورين لكم جداً لو شاركتم  

https://docs.google.com/forms/d/e/1FAIpQLScF8NlJ09mp9qD-PnWXhvBuF2cpVejM0DrBVsB96joYYyQ46w/viewform?usp=pp_url&entry.1273848538=241

يادفعة مزال نبي 30 رد 👀👀👀
أسعِفونا

بعد الوقت هذا لن يقبل اي طلب

اعلان هام :

علي الطلبة المتقدمين للمراجعة الموضوعية (الطعون) الحضور لقسم طب الاسرة و المجتمع يوم الاثنين القادم الموافق 9/12/2024
من الساعة 10:30 الي الساعة 12:30

السلام عليكم زميلنا مشارك كجامع البيانات ضمن دراسة بعنوان “الوعي بتدابير الإسعافات الأولية للنوبات والصرع بين طلاب الجامعات في دول شمال أفريقيا والشرق الأوسط”
محتاج 100 رد
ياريت تساعدوا زميلكم بالوصول لهذا العدد حتى يكتمل
كود 241 لا يتغير من بعد اذنك
نكون مشكورين لكم جداً لو شاركتم  

https://docs.google.com/forms/d/e/1FAIpQLScF8NlJ09mp9qD-PnWXhvBuF2cpVejM0DrBVsB96joYYyQ46w/viewform?usp=pp_url&entry.1273848538=241

و جب الذكر
نسبة نجاح مقرر طب الأسرة و المجتمع 95%

أكرر
مقابلة واحد عنوان للتمييز و الاجتهاد

و لا انسى شكر قسم طب الأسرة و المجتمع

حيكون فيه بوست مفصول لشكر القسم
ابدعتم يا مقابلة واحد 👏

نتيجة مقرر طب الأسرة و المجتمع 2 CM442 على المنظومة موفقين

السلام عليكم

مراجعة الطعون لمقرر طب العيون ستكون يوم الإثنين على تمام الساعة العاشرة.
المراجعة في المدرج التعليمي للمستشفى
موفقين

السلام عليكم
بخصوص موعد مراجعة طعن العيون فاول ما يحدده القسم حنزلوا
وقاعدين علي تواصل معاهم

موفقين

المشكلة اني الي نزلت البوست و راحت مني باسوردي توا من طولها.

ما خاطريش 😴

يا دفعة
قتلكم الجامعة خشوا غيروا باسورداتكم على المنظومة
اشبح شن السبب
المهم غيروهم

"ماقلتش المنظومة تصفرت "ركزوا 🦭

نقلا عن مسجل الكلية

إعلان

إلحاقًا بإعلاننا السابق بخصوص الإرشاد الأكاديمي، نفيدكم بأنه تم تعديل البيانات الخاصة بالعديد من الطلاب نظرًا لوجود بعض الأخطاء بالمنظومة، وبناءً على ما تقدم فإن الملحق المرفق به بعض التعديلات بخصوص عدد الانذارات والذين تم إحالة بعضهم إلى المرشدين الأكاديميين خلال الأسبوع الماضي.

كذلك على الطلبة المذكورين في الملحق المرفق الذين لم يقوموا بتقديم ملفاتهم لوحدة الإرشاد الأكاديمي أو إلى المرشدين الأكاديميين الحضور يوم الغد لمكتب وحدة الإرشاد الأكاديمي خلال ساعات الدوام الرسمي وإلا سنضطر إلى إتخاذ الإجراءات القانونية بحقهم.

الرابط:
https://drive.google.com/file/d/1Eh0aAQsT3XgFLcnveWg_1Kp8g3pEsItg/view?usp=drivesdk

اعلان
تم فتح باب الطعون (المراجعة الموضوعية) مقرر طب العيون OP440 يوم الاربعاء الموافق/ 16/10/2024 حتى يوم الاحد الموافق/20/10/2024 والتسجيل عن طريق الرابط.
بالنجاح والتوفيق للجميع

https://docs.google.com/forms/d/1O_U1UACmFMXTpEYZH1YYARzRNyOYwlRbt44T4BWzdag/viewform?fbclid=IwY2xjawF8455leHRuA2FlbQIxMQABHahu82yb4Vu-rnCwn8i_VqyavXZBrhnNZRf1mJ8eFPLpdv0buiIal9u3dg_aem_tO1o4xl-Cm1pnd9WF7jj3Q&edit_requested=true

بالنسبة لكي العيون ف التصحيح كان وفق مانزلنا من تعديلات...
يعني الي نزلنا انه تعدل ف تعدل وتم التصحيح علي اساسه

بالاضافة الى سؤال 20 تم احتساب جميع الاجابات

نسبة النجاح 85%

و بخصوص النقص فكانت فيه مشكلة لبعض الطلبة انه درجتهم ناقصة باكثر من 10 درجات وتبين انه مش مرصودلهم العملي بكل و حتنحل مشكلتهم.

باقي الطلبة لا توجد اشكالية فيهم.

و قاعدين نحاولوا انه النتيجة تنزل مفصلة.

طلبة الاستضافة و نظام السنة و اعمال السنة نتيجتكم موجودة عند المسجل و حتى هما نحاولوا تنزل درجاتهم.

امتى يفتحوا لطعون مش معروف واول ما ينزلوا الدراسة والامتحانات حنزلوا في القناة

موفقين..

استبانةلقياس رضا الطلاب عن مقرر طب العيون بكلية الطب البشري- جامعة طرابلس(خريف2023م)

https://forms.office.com/Pages/ResponsePage.aspx?id=r0AoknVLyUGjlv2IF7jJVWSxySb8BaRJoybM49TEZ_tUQjM2VTdWVjdIUkowT0tFTEFFVTVONjdKNi4u

السلام عليكم
بالنسبة لاي حد للاسف قعدتله المادة فحيفتحوا الطعون و من حقه يراجع.

لذلك اي حد قعدتله المادة ف حاليا يستنى شوية لين يفتحوا الطعون و حنزلوا في القناة اول ما الدراسة والامتحانات تنزل.

حاليا الطلبة الي عندهم نقص كبير من 10 إلى 20 درجة يبعتوا
وسواء مصفي او لا

النقص في خمس درجات او اقل فبالنسبة لاي حد قعدتله حيراجع اوراقه بنفسه في الطعون

واما الناجحين فللاسف النقص هذا القسم مش حيراجعه لانه الشفوي و العملي الزوز الطالب مايقدرش يحدد قداش حيحصل فيهم بالضبط

السلام عليكم
وصباح الخير عليكم جميعا

🔸️الطلبة الي عندهم نقص في حوالي 15 إلى 20 درجة ويكونوا متاكدين من النقص يتواصلوا معانا على تلي التواصل
ويبعتوا اسمهم و رقم قيدهم في رسالة وحدة.
@MQ1_TW

🔸️النقص في درجتين او 3 او 5 معروف انه الامتحان العملي تصحيح يدوي و الأوسكي درجته تعتمد على الممتحن لذلك مافيش حد يقدر يتوقع درجته 100%.

🔸️الطلبة الي عندهم عندهم 0.5 في المجموع بعون الله حتتعدل درجتكم ( ودرجتكم الي موضوعه في الامتحان هيا الدرجة المعتمدة) خصوصا للطلبة الي جايبين 59.5 وطالعلهم تقدير ضعيف ف حتتعدل الدرجة 60 و صافية.

🔸️(نحاولوا) النتيجة تنزل مفصلة ولكن لانه الفصل خريف 2023 يعتبر مسكر فالمنظومة مايقدروش ينزلوا فيها النتيجة مفصلة.

🔸️الطعون حيفتحوا اول ما تنحل بعض الاشكاليات في النتيجة.

الطلبة نظام السنة وطلبة الاستضافة بعون الله نتيجتكم حتنزل اليوم العشية و كحد أقصى غدًا صباحًا

_احني قداش لينا نستنوا في النتيجة

=امتى نزلت النتيجة
المنظومة...
حيريحلي حبتين....

درجات مقرر طب العيون نزلت على المنظومة
رابط المنظومة :

‏https://sms.uot.edu.ly/medic/

موجودة في مصور الواضح

جيبوا معاكم البالطو 😶

خلوني في حالي 🙄

موفقين

باهي

السلام عليكم
تنبيه بخصوص نقاط مهمة لازم الكل ينتبه ليها
بالله ركزو على رقم الpanel وتأكدو منه مش مهم أما مجموعة المهم رقم الpanel ولو مراقب بيدخلكم في panel تاني ما تخشوش ونادو الدكتورة إيمان تجيكم

ونقطة تانية ورقة الإجابة فيها فراغات مرقمة من 1-7 بالله عليكم ركزو على رقم السبوت قدامكم واكتبو في الفراغ يلي مقابله
(توا بنشرح بالله عليكم اقروه وما حدش يسأل بعدين)
يعني انت لو خشيت اللجنة وجيت في السبوت رقم 4 جاوب في الفراغ رقم 4
مش في رقم 1 لأنه بيضعو عليكم الوقت

ما تنسوش تتأكدو من رقم البانل

تنبيه ❗
المجموعة الأولى بانل رقم 2 اليوم
السؤال كان يبي منكم تحلو بالجدول يلي فيه الكوليسترول وكان مش موجود
اطمنو السؤال التغي وحينحسب للكل إن شاء الله

هكي تمو القوائم نعتذر على التأخير بس للأسف تأخرو بسبب ظروف ما كانتش في الحسبان وإن شاء الله موفقين

مجموعة يوم الخميس 10/10/2024

مجموعة يوم الاربعاء 9/10/2024