Jadriya Wolf Telegram Posts

يحچون على علي المياحي وخريط العرفان مالتة ... وهو صنمهم خميني ومحمد باقر الصدر رب هاي الكلاوات مال عرفان وصوفية ... همة يمدحون الأصل والچبير مال الخراب ... ومن واحد يمشي بحچيه وتعاليمة بناءا على نصيحتهم وتوجيههم وتشجيعهم ويمشي بهاي الدروب يگولولة هاي ليش؟ شلون؟ هذا غلط!!!!

عرفان وفلسفة وصوفية يعني خميني ومحمد باقر الصدر... همة أهل هاي السوالف وهمة الي ناشريها ويعلمون الناس عليها

ليش؟ لأن تخلق فراغ عقلي ونفسي وتسهل قيادة الي عقلة ينملي بيها ... وتسهل تجييشهم وتسيسهم لأهداف سياسية وحزبية وقشمرتهم

هو مو محمد باقر الصدر " معبود ومعشوق المرجعيين وتكسير الحكمة " يموت على سيد قطب؟!

شبي المگرود اليعگوبي من وصى بي صار كخة وموزين؟! يجوز الرجال گال بينة وبين نفسة خلي اصير مثل محمد باقر الصدر بلكت يحبوني

النوب گلبوا علرجال

حتى سوالف حوزة رسالية ومرجع رسالي كلها من خميني ومحمد باقر الصدر الي المرجعيين يعبدوهم ويمجدون الي ينكتل منهم ويحولوا شهيد وقديس وماكو منه

شسالفة؟!

الله يساعد هاي الشباب الي بعدها مصدگة بيكم

هاي شنو هاي الهوسة على الشيخ اليعگوبي؟!

كل الحچي الي ديحچوا قديم وعتيگ ... وهم هو وإن كان يحب يطلع نفسه عبقري زمانه ... بس كل حچية وكلامة هو مو من جيبة ... هاي افكار خميني ومحمد باقر الصدر وهاي النمايم وهو يعيده

من صفحة همة يعيبون على إليعگوبي لأن يگول هلحچي
بعدين من صفحة يمجدون ويألهون محمد باقر الصدر وخميني رغم ما همة حاچين نفس هلحچي وهمة الي علموا الناس علية؟!

يذموا لأن يگول الائمة يتكاملون واي واحد ممكن يصير مثلهم؟! ليش هو منين جاب هلحچي؟

يذموا لأن يوصي بكتب علي شريعتي؟! ليش هو منو يطبع ويترجم وينشر كتب وافكار علي شريعتي؟!؟!

منو يأله وينفخ بلي يعتقد ويؤمن بهل حچي؟! ويسويهم ابطال وشهداء؟!

الله يساعد كل شاب مرجعي على هاي اللغوة 🤣🤣🤣 ... يلا هيه كلها من ضمن عمليات التحمير والتزميل الي بالاخير تسويك مرجعي مرتب

زين ...
هذا مقطع من حديث معروف ومشهور عن الامام الصادق... وحديث ماكو واحد صار مرجع أو عايش بالحوزة ما قاري وما يعرفة

من ضمنهم همة مجموعة المعممين المرجعيين والرهبرية وكلمن يمجد بنصر الله وغيرة من الحثالات والزبايل

من ضمنهم الي يطلعون بلبنان ويهتفون " هيهات منا الذلة " وهيه كل صنف لون وذل وهوان راكبهم من ساسهم لراسهم ... سواء الذل بالمفهوم العربي الجاهلي ... والذل بالمفهوم الشيعي مال الائمة ... نوعين الذل منطبقات عليهم

الامام يگولة انت قيمتك وحياتك ووضعك ترة كلش چبير ... انت حياتك وكرامتك اهم واكبر من حياة وكرامة الف واحد منهم ... أكثر من ١٠٠ الف واحد منهم
هو بإختيارة ينزل قيمتة وقيمة نفسة وقيمة الشيعة ويسويها واحد منهم يسوى حياة الف شيعي وكرامة واستقرار الف شيعي

الامام يگولة انت هيچ لازم تشوف نفسك وتشوف اخوانك والشيعة الي داير ما دايرك ... هو يگول للامام " لا " انت ما عليك وانت ما تفتهم وقيمة الشيعة هيه مو الي انت تگول عليها ... هيه بالعكس

يحول نفسه من مكان الي بي كرامة ... للمكان الي بي ذل
والي يدعوا ولهل ذل والمذلة والمهانة ومخالفة الائمة يمجدوا ويعتبروا بطل ومقاوم وخسرناك

بدل ما يصير هذا المبدأ العام والقاعدة الأساسية ... يتصدرلنا مبدأ وقاعدة خلي الضحايا آلاف وآلاف وآلاف المهم على گولة عاهر من عواهر رهبر " الكم الهائل من التأثير وفرض القوة على المنطقة " الي هو بالواقع ذل والمذلة بعينها

هذا الحديث ووياة حديثين ثانيات كلش واضحات تگولك ... الناصبي والكافر حرام تقتلة ... حتى لو چان هذا الناصبي أو الكافر قاتل ... حتى لو چان هذا الكافر ساعي بالفساد ... لأن اخاف بالمقابل وكضرر جانبي أو رد فعل ... واحد شيعي ينقتل ويخسر حياتة

هسه هو تقتل الناصبي والكافر وهو مو قاتل ولا ساعي بالفساد علمود تحمي بشار لو توصل لحكم الله گايلك عوفة لو علمود تحرر القدس لو البطيخ ... الله ومحمد وعلي والحسين والكاظم يگولولك حرام عليك تسوي هيچ وتقتلهم حتى لو همة قتلة وساعين بالفساد ... عوفهم

انتوا الشيعة حياتكم أهم ... انتوا قيمتكم اكبر وأعلى من أن يتضحى بيكم أو تروحون ثمن لقتل هذا ...

والمصيبة من واحد يكرر نفس الفعل وهو يدري الخسائر الي راح تصير كلش چبيرة

يجي الشيعي السكران وضارب مخدرات فكر خميني يگولك اروح اصير شهيد القدس وشهيد المقاومة ... ويموت يفتح عينة بالگبر يگولولة منو گلك هيچ تسوي؟! ويشبعوا نعل ... بإختياره ... هو إختار ما يسمع كلام الائمة ويسمع كلام العمايم

هو إختار يذل نفسه ... علمود راتب مدري علمود ماكو تعيين ... استسهل الدرب والباجات والبيجرات والخريط ... هو كلمن واختياراته ... مذلول مذلول لو شگد ما يصيح هيهات منا الذلة ... الحسين يگولة اشبع مذلة بعد وبعد

الامام يگولك هذا موضوع السلطة مالتة بيدي واني اگولك هذا حتى لو مستحق للقتل ... عوفة ... لا تقتلة ... حتى لو قاتل ... حتى لو باغي ... حتى لو ساعي بفساد ... عوفة ... لا تقتلة ... احنا الائمة نخاف عليكم ... انتوا الأولوية عدنا ... عدلوا تفكيركم وخططكم بحيث هيچ تصير موازين تفكيركم واولوياتكم

بينما المجتمع الشيعي الحالي ... بالضبط وبالتمام يفكر بالعكس ... وبتشجيع من العمايم بكل انواعها ... لأن درب وهوى الائمة الحقيقي مو على هوى ومزاجيات العرب والفرس ومقاييس العز العنتكي العربي الصحراوي البدوي ... خطهم وفكرهم وأهدافهم غير شكل وغير طريق

ما دام الشيعة كافرين بال"تقية" وتابعين خميني ومحمد باقر الصدر رافعي راية الكفر بالتقية ... ما راح يشوفون غير الدم والذل وما راح يتعلمون غير الكفر بالله وبالائمة وماراح يترسخ بنفوسهم غيرها

وهيه اختيارات وامتحانات ... وكل واحد بكيفه ... يامن يحافظ على نفسه وعلى عيالة وأهل بيته بهذا الزمن الاغبر ... والي يريد يرخص نفسه للمذلة والذل فبالعافية علية ... وجه المصخم دنيا وآخرة

الإمام الصادق (عليه السلام) - في الناصب -: ولولا أنا نخاف عليكم أن يقتل رجل منكم برجل منهم، ورجل منكم خير من ألف رجل منهم ومائة ألف منهم لأمرناكم بالقتل لهم، ولكن ذلك إلى الامام. (4).
- الإمام الرضا (عليه السلام): لا يحل قتل أحد من النصاب والكفار في دار التقية إلا قاتل أو ساع في فساد، وذلك إذا لم تخف على نفسك وعلى أصحابك (5).
- عنه (عليه السلام): لا يحل قتل أحد من الكفار في دار التقية إلا قاتل أو باغ، وذلك إذا لم تحذر على نفسك (6).

وفي هذا الصباح الفبرواري الجميل ... بالفترة المعروفة ببرد العجوز ... وان شاء الله كلكم عجايز وعدكم فقرات

تفتح اليوتيوب ... الانستا ... المدري وين ... كلهن ... تلگة الشاب الكربلائي الجميل النظيف المثقف الي المفروض عنده الله ومحمد وعلي والحسين والكاظم والجواد والي بعاشور ينزل يلطم بالصحن يحچي ويبني أراء نفس مال
المصري الي عقلة محشي فول وفسيخ ... الي ماعنده لا الله ولا محمد ولا علي ولا الكاظم ولا الاول ولا التالي

تلگة الشيعي الشاب الكلش متدين وذني برابيك الحشد امهات العبي يحچن يبنن أراء نفس مال السنيات المتدينات والوهابيات ... بالله ذولة الله لاعنهم والله هو شامرهم هنا وخليهم حطب جهنم

انت الشاب الشيعي النظيف ليش هيچ تسوي بروحك ؟! هاي تاليتك؟! وعلمود شنو؟!

من شوكت احنا أخلاقنا الشيعة صارت نسخة من اخلاق السنة؟! ولك شلون ترضى مبادئك واخلاقك تغدر؟! شلون ترضى بالغدر؟! ولك شلون تقبل وترضى وتستسيغ بخطف النسوان والجهال والتمثيل بيهم؟! هاي مستوى الاخلاق مال الشيعة الي وصلنالة ... اي ندري هاي اخلاق السنة وهذا دينهم وهذا مستواهم ... انت ليش تنزل لهيچ مستوى؟! شنو فرقك عنهم؟! ليش تساوي حالك من حالهم؟!

المستوى المتدني الي واصلة هواي شباب شيعة والضحالة الأخلاقية والعقلية الي وصلولولها كلش مخزية ومقرفة وتلعب النفس

ولك ليش تمجد واحد ما جاب الا الذل والدمار لاهلة؟! وعلمود شنو ؟! شنو فرق زربان نصر الله عن صدام؟!

ولكم خافوا لا الله يسلط عليكم واحد نفسه ويفلش بيوتكم على راسكم ويكتل شبابكم علخالي بلاش ... عبالكم مأمنين الله ما يگلبها بيكم؟! هاي امهات صرماية السيد چانن ينرگلن ويفتحن بثوث ... وينهن هسه؟!

ولكم لا تنزلون نفسكم لمستوى السنة ... عيب وخزي عليكم ... ترة صرتوا بعين العالم نفسهم

وأما جماعة الحوزة العلمية الي چانوا يحلمون بجائزة نوبل للسلام... طيطططططط ... خلي يفيدكم دعم الإرهابيين وتمجيدهم

وهل هناك مستوى احط وأخس وأرذل من المرجعي بالأخص موديل اكسير الحكمة؟!

ابد ... ماكو ...

هذا الشاب المبتسم بالصورة اسمة احمد رشاد نادر

افغاني
شيعي
چان ... وركز كلش زين على " چان " لحد قبل اسبوع يشتغل ممرض بمستشفى بسيدني بأستراليا
من چان عمرة ٧ سنين ابو انكتل بافغانستان ... دنحچي بال٢٠٠٤ ... أمه جابته واجت لأستراليا انطوهم لجوء ... وحصل جنسية بال ٢٠٢٠ ... ودخل برنامج مدري شنو ساعدوا وصار ممرض ويشتغل ... والشغل بالقطاع الصحي بأستراليا كلش احسن من حتى الشغل بالقطاع الصحي ببريطانيا او امريكا ... المهم العينتين عايش عيشة محترمة

وهو وأمه هجوا من أفغانستان من ورة السنة وأبو كتلوا السنة بافغانستان

العينتين الي ما يستحمد ربه ولا يشكر نعمتة ... طلع ببث مدري وين ... هو وبصفة ممرضة سنية فلسطينية مدري أردنية أصلها فلسطيني ... من هاي الشكولات ... وطلع الي وياهم اسرائيلي ... گعدوا يگولون احنا اذا يجينا يهودي مريض بالمستشفى نكتلة ... هو گال اني هواي كتلت يهود اجوي كمرضى للمستشفى ودزيتهم لجهنم

گبت الگبة عليهم وانفصلوا من شغلهم واحتمال بعد اصلا محد يشغلهم كممرضين بأي مستشفى... واحتمال حتى يصير تحقيق شرطة ... ولغوة واصعد وانزل ويامن يخلصها

بالله هاي الي وياة سنية فلسطينية عروبية طبها مرض ... عقليتها وطبايعها وذبتها هيچ ... عساها بستين مرض

انت يل افغاني يل شيعي ... عليمن مصخم وجهك على فلسطين وعلى غزة؟! شكو؟! شعندك؟! همة اصلا واساسا السنة وأهل غزة يكرهوك ويحتقروك وما يحبوك ... وغزة وفلسطين والقدس والقصة كلها ما تعني شي بدينك ... ولا انت عُربي ونگول قشمر مال قومچية ... لا انت صخام ... لا انت قنادر ... شكو مصخم وجهك ... شعليك؟! بس هيه الدودة الهائجة بشيعة تالي وكت

الكرة الأرضية مليانة ظلم واضطهادات وناس تاكل بناس ... هو يعوفهم كلهم ومچلب بغزة وفلسطين

هسه بقية البشر ما مأذيك ولا راح ينكرون فضلك اذا تساندهم ... مو مثل السنة وخصوصا الفلسطينية لو شما تسويلهم انت تبقى شيعي رافضي مصخم ما يحبوك ولا راح يحبوك

دينك ومعتقدك هم مالة علاقة ... الإنسانية هم مو يم الشغلة ... من باب الإنسانية ... ادعوا المدنيين يطلعون من غزة حالهم حال المدنيين مال موصل وتكريت من طلعوا بوكت داعش وتفض القصة وتنقذ حياتهم

بس انت يهمك ارهاب حماس يبقى ويستمر وتحب كون حماس تستخدم المدنيين دروع بشرية وتستخدمهم تتبچبچ بيهم

تجي انت تصخم وجهك يا شيعي يا مطي ليش؟! بس هو هذا الشيعي العار ... تاليتهم حالهم حال وعقليتهم عقل الترانس وأمهات شعر الازرگ ... قشامر وزمايل

وانت لا تصير مثل هذا احمد رشاد نادر ... القشمر ... ولا تصير عربانة ويجروها السنة الإرهابيين ... هسه هاي ماليزيا واندونيسيا ولا يم فلسطين ولا الهم علاقة ... هاي الامارات والسعودية وعمان والمغرب وتونس ومصر والاردن ... منو بحال غزة؟!

انت يل شيعي العار شعليك؟! انت شكو؟!

المهم ... يگولك امهات غزة شاگات زيگهن ودگ لطم وحزن على ذاك الرجال الي كتل روحة وفلش بلدة وحرگ فلوس العالم وضيع دم الآلاف الشباب على چيس غزة وأهل غزة

عوفك من غزة ... ذولة الي طلعوا من السجن ... هم يگولك دگ حزن ... الدموع اربع اربع على ذاك الرجال... قصدي المنبوش

لا تصير مثل احمد رشاد نادر... لا تصير مطي ... مضيعها دنيا وآخرة

تُوُفِّيَ مُوسَى بْنُ جَعْفَرٍ عَلَيْهِمَا السَّلاَمُ فِي يَدِ اَلسِّنْدِيِّ بْنِ شَاهَكَ فَحُمِلَ عَلَى نَعْشٍ وَ نُودِيَ عَلَيْهِ هَذَا إِمَامُ اَلرَّافِضَةِ فَاعْرِفُوهُ فَلَمَّا أُتِيَ بِهِ مَجْلِسَ اَلشُّرْطَةِ أَقَامَ أَرْبَعَةَ نَفَرٍ فَنَادَوْا أَلاَ مَنْ أَرَادَ أَنْ يَرَى اَلْخَبِيثَ بْنَ اَلْخَبِيثِ فَلْيَخْرُجْ

عدكم جماعة صاحبهم گاللهم سوف نصلي في القدس ونحررها قبل ٢٠٠٠ ومدري شگد ... ومات وانسحل وما تحررت ولا راح يحررها للقدس... وجماعته يلطشون ويلزگون ويرگعون ويغلسون

وجماعة هم صاحبهم گاللهم مدري شنو بال٢٠٢٤ ... وهم لا سقطت ولا هو سقطها وحالها حال القدس وسوريا وروسيا ... وهم جماعته يلطشون ويلزگون ويرگعون ويغلسون

وذولة نسخة من ذولة ... ونفس العقلية ونفس العوق الفكري والخلل النفسي ... ويبقون يگمزون بين الصفحتين ... الي يتوب منا يروح هنا ... والي يمل منا ... يروح هناك ... وهمة بالواقع نفس طريقة التفكير والتحليل وماكو اي فرق بينهم ... نفس التعصب والتگمز والجهل والإرهاب

هذولة المچاتيل الي چانوا معلگين صورهم بالشوارع مال عصايب وكتايب الي ماتوا بحلب وغير حلب بذيچ السنين عود على أساس يدافعون ... شديحسون بگبورهم هسه؟!

قيس واكرم وين؟ شديسوون؟