Postagens do Canal វិទ្យាស្ថានបច្ចេកទេសឧស្សាហកម្ម - ITI

កំពុងស្វែងរកការងារមែនទេ? គិតត្រឹមថ្ងៃទី ៣១ ខែមករា​ ឆ្នាំ២០២៥នេះ យើងមានការងាររហូតដល់ទៅចំនួន ៧៤ ៩១៥ កន្លែង កំពុងរង់ចាំអ្នក!

សូមបងប្អូន យុវជន សិស្ស និស្សិត មេត្តាទាក់ទង ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ តាមរយៈទូរស័ព្ទ 1297 ឬ 1286 ឬ តេលេក្រាម និង CoolApp លេខ 077 23 23 78 ដើម្បីចុះឈ្មោះ និងសម្ភាសភ្លាមៗ 🙏

តស់! ចុះឈ្មោះចូលរៀនជំនាញវិជ្ជាជីវៈ និងបច្ចេកទេស TVET ១,៥ លាននាក់ របស់រាជរដ្ឋាភិបាល។ សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ អាចចូលរៀនមិនអស់លុយហើយ ថែមទាំងទទួលបានប្រាក់ឧបត្ថម្ភចំនួន ២៨០ ០០០រៀល ប្រចាំខែទៀត។

👉 សម្រាប់ការសាកសួរព័ត៌មាននៃការចុះឈ្មោះសិក្សា សូមទាក់ទងលេខ Hotline ១២៨៦ ឬ ១២៩៧។

#MLVT #HENGSour #TVET

ពិធីផ្សព្វផ្សាយសុវត្ថិភាពនៃការធ្វើចរាចរណ៍លើផ្លូវសាធារណៈ
========================================
រសៀលថ្ងៃទី២៤ ខែមករា ឆ្នាំ២០២៤ លោក ជិន តារ៉ា នាយកវិទ្យាស្ថានបច្ចេកទេសឧស្សាហកម្ម បានអញ្ជើញជាអធិបតីភាព លោក ជិន តារ៉ា ក្នុងពិធីផ្សព្វផ្សាយសុវត្ថិភាពនៃការធ្វើចរាចរណ៍លើផ្លូវសាធារណៈ និងឧទ្ទេសនាមដោយវរសេនីយ៍ត្រី សេង សុផាត នារងការិយាល័យនៃស្នងការដ្ឋាននគរបាលរាជធានីភ្នំពេញ ដោយមានការអញ្ជើញចូលរួមពីថ្នាក់ដឹកនាំ លោកគ្រូ អ្នកគ្រូ សិស្ស និស្សិតវិទ្យាស្ថានសរុប៤៥០នាក់ ស្រី៧៨នាក់ នៅអគារអង្គរវត្តស្ថិតក្នុងសួនអប់រំបណ្តុះបណ្តាលបច្ចេកទេស និងវិជ្ជាជីវៈរាជធានីភ្នំពេញ។

ថ្ងៃទី១៧ ខែមករា ឆ្នាំ២០២៥ លោក​ ជិន តារ៉ា នាយកវិទ្យាស្ថានបច្ចេកទេសឧស្សាហកម្ម ហៅកាត់ ITI (អតីតសាលាដែក) បានដឹកនាំក្រុមការងារចូលរួមសិក្ខាសាលាស្តីពីការពិនិត្យឡើងវិញប្រចាំឆ្នាំវឌ្ឍនភាពការដឹកនាំ និងគ្រប់គ្រងការងារអប់រំបច្ចេកទេសឆ្នាំសិក្សា2023-2024 និងលើកទិសដៅអនុវត្តឆ្នាំសិក្សា2024-2025 ក្រោមអធិបតីភាព ឯកឧត្តម អុឹម កុច រដ្ឋលេខាធិការក្រសួងអប់រំ យុវជន និងកីឡា នៅសាកលវិទ្យាល័យក្រចេះ ខេត្តក្រចេះ។
បន្ទាប់ពីចែករំលែកបទពិសោធន៍ទាក់ទងនឹងការចុះកម្មសិក្សា លោកនាយក បានចុះហត្ថលេខាលើអនុស្សរណៈយោគយល់គ្នារវាងវិទ្យាស្ថានបច្ចេកទេសឧស្សាហកម្ម និងនាយកដ្ឋានតម្រង់ទិសវិជ្ជាជីវៈ ក្នុងគោលបំណងសហការផ្សព្វផ្សាយពីការបណ្តុះបណ្តាលជំនាញបច្ចេកទេស និងវិជ្ជាជីវៈរបស់វិទ្យាស្ថានដល់វិទ្យាល័យចំណេះដឹងទូទៅ និងបច្ចេកទេសទាំង២០ក្រោមឱវាទក្រសួងអប់រំ យុវជន និងកីឡា។
#ITI

សេចក្តីជូនដំណឹងស្តីពីការបើកបវេនសនកាល
==========================
វិទ្យាស្ថានបច្ចេកទេសឧស្សាហកម្ម មានកិត្តិយសសូមជម្រាបជូនដំណឹងដល់សិស្ស និស្សិត ដែលបានជាប់អាហារូបករណ៍ និងសិស្ស និស្សិតដែលបានដាក់ពាក្យបង់ថ្លៃសិក្សា គ្រប់វេនទាំងអស់ រួមទាំងមាតាបិតា អាណាព្យាបាល ឱ្យបានជ្រាបថា វិទ្យាស្ថាននឹងប្រារព្ធពិធីបើកបវេនសនកាល និងការតម្រង់ទិសសិស្ស និស្សិត ឆ្នាំសិក្សា​២០២៤-២០២៥ សម្រាប់សិស្ស និស្សិតថ្មី នឹងប្រព្រឹត្តិទៅនៅថ្ងៃទី៦ ខែមករា ឆ្នាំ២០២៥ វេលាម៉ោង៧ៈ០០នាទីព្រឹក នៅអគារអង្គរវត្ត ដោយមានការអញ្ជើញចូលរួមធ្វើបទបង្ហាញតម្រង់ទិសពីក្រុមហ៊ុនដៃគូរបស់វិទ្យាស្ថានផងដែរ។
អាស្រ័យហេតុនេះ សូមសិស្ស និស្សិត មាតាបិតា អាណាព្យាបាលទាំងអស់ជ្រាបជាព័ត៌មាន និងចូលរួមទាំងអស់គ្នា។

កំពុងស្វែងរកការងារមែនទេ? គិតត្រឹមថ្ងៃទី ២៧ ខែធ្នូ​ ឆ្នាំ២០២៤នេះ យើងមានការងាររហូតដល់ទៅចំនួន ៦២ ៥២២ កន្លែង កំពុងរង់ចាំអ្នក!

សូមបងប្អូន យុវជន សិស្ស និស្សិត មេត្តាទាក់ទង ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ តាមរយៈទូរស័ព្ទ 1297 ឬ 1286 ឬ តេលេក្រាម និង CoolApp លេខ 077 23 23 78 ដើម្បីចុះឈ្មោះ និងសម្ភាសភ្លាមៗ

#MLVT #HENGSour #NEA

https://education.ams.com.kh/education-update/national/news/honda-helps-train-tons-and-spray-japanese-car-skills-to-cambodian-youth

អនុស្សរណៈនៃការយោគយល់គ្នា ស្ដីពី "គម្រោងបណ្តុះបណ្តាលអ្នកជំនាញតោន និងបាញ់ថ្នាំរថយន្ត" នឹងផ្តល់ជំនាញនិងឱកាសការងារទាំងក្នុង និងក្រៅប្រទេសដល់យុវជនកម្ពុជា។

#MLVT #HENGSour #TVET

ក្រុមហ៊ុន Honda, Nissan និង Mitsubishi កំពុងចាប់ដៃគ្នាក្លាយជាក្រុមហ៊ុនផលិតរថយន្តធំជាងគេលំដាប់ទី៣ របស់ពិភពលោក

https://fna.asia/87c27c8 🔗JOIN US

ពិធីចុះហត្ថលេខាលើអនុស្សរណៈយោគយល់គ្នារវាងក្រសួងការងារ និងបណ្តុះបណ្តាលវិជ្ជាជីវៈ និងក្រុមហ៊ុន HONDA CARS HAKATA CO., LTD.
=========================================
នារសៀលថ្ងៃទី២៤ ខែធ្នូ ឆ្នាំ២០២៤ លោក ជិន តារ៉ា នាយកវិទ្យាស្ថានបច្ចេកទេសឧស្សាហកម្មបានដឹកនាំសហការី អញ្ជើញចូលរួមក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងការងារ និងបណ្តុះបណ្តាលវិជ្ជាជីវៈ និងក្រុមហ៊ុន HONDA CARS HAKATA CO., LTD.ប្រទេសជប៉ុន ក្រោមអធិបតីភាពដ៏ខ្ពង់ខ្ពស់ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ និង លោក KOSHIRO MUTO នាយកប្រតិបត្តិក្រុមហ៊ុន HONDA CARS HAKATA CO., LTD. នៅទីស្តីការក្រសួងការងារ និងបណ្តុះបណ្តាលវិជ្ជាជីវៈ។ ពិធីនេះក៏មានការអញ្ជើញចូលរួមពីឯកឧត្តម លោកជំទាវ ជារដ្ឋលេខាធិការ អនុរដ្ឋលេខាធិការ អគ្គនាយក ព្រមទាំងលោក លោកស្រីជាប្រធាន អនុប្រធាននាយកដ្ឋាន ព្រមទាំងនាយករង ប្រធានការិយាល័យ និងដេប៉ាតឺម៉ង់វិទ្យាស្ថានបច្ចេកទេសឧស្សាហកម្មផងដែរ។
អនុស្សរណៈនៃការយោគយល់គ្នា ដែលត្រូវបានចុះហត្ថលេខារួមគ្នា នៅទីស្តីការក្រសួងការងារ និងបណ្តុះបណ្តាលវិជ្ជាជីវៈ នារសៀលថ្ងៃអង្គារ ទី២៤ ខែធ្នូ ឆ្នាំ២០២៤នេះ មានសុពលភាពសម្រាប់រយៈពេល ៤ឆ្នាំ ដោយមានគោល​បំណង​បង្កើតនូវក្របខ័ណ្ឌនៃកិច្ចសហប្រតិបត្តិការ រវាងភាគីទាំងពីរលើការបណ្ដុះបណ្តាលជំនាញតោន និង បាញ់ថ្នាំស្របតាមស្ដង់ដារបស់ក្រុមហ៊ុន HONDA CARS HAKATA CO., LTD នៃប្រទេសជប៉ុន ដើម្បីធានាបាននូវគុណភាព និងប្រសិទ្ធភាពនៃការបណ្ដុះបណ្តាលជំនាញឯកទេសជូនដល់សិស្ស និស្សិតរបស់វិទ្យាស្ថានបច្ចេកទេសឧស្សាហកម្ម (ITI)។