منشورات Islom.uz على Telegram  

2025 йил учун закот, фитр ва фидя миқдори

Ўзбекистон мусулмонлари идораси Фатво марказининг милодий 2025 / ҳижрий 1446 йилги Рамазон ойи учун закот нисоби, фитр садақаси ва фидя миқдори бўйича қарори қабул қилинди, унга кўра:

Закот нисоби
Ўзбекистон мусулмонлари идораси Фатво маркази бу йилги Рамазон ойи учун закот нисобини ≈ 85 грамм 585 пробали тилланинг қийматидан келиб чиқиб 61 200 000 (олтмиш бир миллион икки юз минг) сўм деб белгилади.

Шунга кўра, кимда зарурий эҳтиёжидан ташқари камида 61 200 000 (олтмиш бир миллион икки юз минг) сўм қийматидаги пул маблағи ёки ушбу қийматдаги савдо-тижорат моли бўлса, жами маблағининг қирқдан бири (2,5%)ни закот ниятида ҳақдорларга беради.

Фитр садақаси миқдори
Фитр садақасининг миқдори қуйидагича белгиланди:
≈ 2 кг буғдой унидан – 10 000 (ўн минг) сўм;
≈ 4 кг арпадан – 16 000 (ўн олти минг) сўм;
≈ 2 кг майиздан – 110 000 (бир юз ўн минг) сўм;
≈ 4 кг хурмодан – 180 000 (бир юз саксон минг) сўм деб белгиланди.

Ҳар ким ўз имкониятига қараб ушбу тўрт маҳсулотдан хоҳлаган бири ёки унинг қийматини фитр садақаси ниятида берса кифоя қилади.

Фидя миқдори
Бир кунлик фидя миқдори фитр садақанинг миқдори билан бир хил бўлади.

Шундай экан, ҳар ким ўз имкониятига қараб ушбу тўрт маҳсулотдан хоҳлаган бири ёки унинг қийматини фидя ниятида берса кифоя қилади.

Ўзбекистон мусулмонлари идораси
Фатво маркази

🕋 @islomuz

🌙 Ramazon oyi muborak bo‘lsin!

Aziz yurtdoshlar, muhtaram mo‘min-musulmonlar! Barchangizni ro‘za va Qur’on oyi, taqvo va tavba oyi, rahmat va shafqat oyi, mag‘firat va do‘zaxdan ozod bo‘lish oyi, baraka va savob oyi Ramazoni sharif bilan chin dildan samimiy muborakbod etamiz!

Alloh taolo Islomning besh arkonidan biri bo‘lmish ro‘za ibodati uchun xoslagan bu oyni iymon-e’tiqod bilan, ajru savoblardan umidvor bo‘lgan holda o‘tkazishni, bu oyda qilingan solih amallar uchun va’da qilingan behisob ulug‘ mukofotlarga noil bo‘lishni barchamizga nasib aylasin!

Bu qisqa onlarni boy bermay, g‘animat bilib, unumli foydalanib qolishda Alloh taolo barchamizga tavfiq, ofiyat bersin!

Alloh taolo bu muborak oyni yurtimiz uchun, butun dunyo musulmonlari uchun tinchlik-xotirjamlik, toat-ibodat, taqvo oyi, Qur’on oyi qilsin, iymon-halovatini, ibodat lazzatini nasib etsin!

Barchalarimizga Ramazon oyi qutlug‘ bo‘lsin, Alloh taolo tutgan ro‘zalarimizni va boshqa ibodatlarimizni O‘z dargohida husni maqbul aylasin!

Islom.uz portali jamoasi

🕋 @islomuz

Юртимизнинг 1 700 дан зиёд масжидларида хатми Қуръон ўқилади

2025 йилги Рамазон ойида юртимиздаги 2100 дан ортиқ масжидда таровеҳ намози, шундан 1 700 дан зиёдида 27 кун давомида Қуръони Карим хатм қилинади. Бунинг учун мазкур масжидларга 3,5 мингга яқин хушовоз қорилар жалб этилади.

Таровеҳ намозининг фазилати ҳақида Расулуллоҳ соллаллоҳу алайҳи васаллам бундай деганлар: «Ким Рамазон ойида иймон билан савоб умидида (таровеҳда) қоим бўлса, аввалги гуноҳлари кечирилади» (Имом Бухорий).

Демак, ушбу муборак ойни ғанимат билиб, Ҳақ таоло розилиги учун кундузлари рўзадор бўлиб, оқшомлари таровеҳ намозларидаги хатми Қуръонларда бардавом бўлсак, гуноҳларимиз кечирилиб, улкан ажру савобларга эга бўламиз, инша Аллоҳ.

Эслатиб ўтамиз, юртимиз масжидларида таровеҳ намози шу йил 28 февраль, жума куни хуфтон намозидан кейин бошланади.

🔗 https://islom.uz/maqola/23340

🕋 @islomuz

«Hadis va hayot» silsilasining 9-juzidan

#Hadis_va_hayot #Ramazon

📚 @hadisislomuz

📖 Taroveh namozlarida o‘qiladigan xatmi Qur’on sahifalarining kunlik taqsimoti

#taroveh #xatm

🕋@islomuz

🇺🇿 Рамазон ойи 1 мартдан бошланади

Ўзбекистон Республикаси Президенти "Муборак Рамазон ойини муносиб тарзда ўтказиш тўғрисида"ги қарорини имзолади.

Мазкур қарорга кўра, 2025 йилги муборак Рамазон ойининг бошланиши 1 март кунига тўғри келиши ҳақидаги Ўзбекистон мусулмонлари идорасининг ахбороти маълумот учун қабул қилинди.

Аллоҳ таоло Рамазон ойида қиладиган ибодат, дуо ва барча солиҳ амалларимизни қабул этсин, ажр-мукофотларини кўпайтирсин.

Яратган халқимизга тинчлик, барқарорлик ва офиятни насиб қилсин. Рамазон муборак!

🔗 https://islom.uz/maqola/23336

🕋 @islomuz

#Рамазон

Рамазоним келмоқда!

Мағфират ва жаннат эшиклари очилган, шайтони лаъин кишанланган муборак ой – Рамазон эшик қоқмоқда. Сизу биз бу эшикни очишга ҳозирмизми?!

Рамазон — алоҳида хусусиятларга эга ойдир:

1. Рамазон Пайғамбаримиз алайҳиссаломга Аллоҳ таолодан биринчи ваҳий келган ойдир. Бу воқеа 610 йили Рамазон ойида содир бўлган. Рамазон – бу Қуръони Карим ойи.

2. Аллоҳнинг Расули соллаллоҳу алайҳи васаллам марҳамат қиладилар: «Яхши амаллар натижасида одам шу ойда Аллоҳ таолога яқинлашса, бу бошқа ойда фарзини адо этганга тенгдир. Рамазон ойида фарзни адо этганга эса бошқа ойда қилинган фарзга нисбатан етмиш фарз мукофотини олади. Бу ой сабр ойи, унинг мукофоти эса – жаннатдир».

🔗 Тўлиқ ўқиш: https://islom.uz/maqola/23332

🕋 @islomuz

Муфтий Нуриддин Холиқназар: Дунёвийлик даҳрийлик эмас, динийлик дунёвийликка зид келмайди!

Қадимий Хива шаҳрида ўтказилган Конфессиялар ишлари кенгашининг янгича форматдаги йиғилиши долзарб мавзулар муҳокамаси ва қизғин фикр-мулоҳазаларга бой бўлди.

Сўзга чиққан нотиқлар давлатимиз раҳбари бошчилигида виждон ва эътиқод эркинлиги, диний бағрикенглик, миллатлараро тотувликни таъминлаш, турли конфессиялар ўртасида ҳамжиҳатликни янада яхшилаш, бағрикенглик ғояларини тарғиб этиш борасида олиб борилаётган ишларни эътироф этдилар.

Кун тартибида бугунги янгиланишлар замирида Асосий қонунимиз ва унга асосланган норматив-ҳуқуқий ҳужжатларнинг аҳамияти борасида ҳам тўхталинди. Жумладан, яқинда парламентимиз томонидан "Ўзбекистон Республикасида фуқароларнинг виждон эркинлигини таъминлаш ва диний соҳадаги давлат сиёсати Концепцияси" қабул қилиниши, ҳужжат Президентимиз томонларидан имзоланиши муҳим воқеа эканига урғу қаратдилар.

Ўзбекистон мусулмонлари идораси раиси, муфтий Нуриддин Холиқназар ҳазратлари йиғилишда нутқ қилиб, халқимиз азалдан бағрикенглик ва меҳмондўстлик фазилатлари билан танилгани, диёримизда турли миллат ва элатлар аҳил-иноқ яшаши, динимиз ҳам бундай ҳамжиҳатликни қўллаб-қувватлаши, турли дин ва турфа миллат вакилларига ҳурмат билан муносабатда бўлишга чорлашини оят-ҳадислар ва тарихий воқеалар билан баён этдилар.

Шунингдек, муфтий ҳазратлари мазкур концепция юртимизда эркинлик, тенглик, ижтимоий адолат ва бирдамлик мустаҳкамланишига хизмат қилишига эътибор қаратиш баробарида дунёвийлик даҳрийлик эмас, динийлик дунёвийликка зид келмайди, деган иборани алоҳида таъкидладилар.

Сайёр йиғилиш якунлари юзасидан «Ўзбекистон – 2030» стратегиясини «Атроф муҳитни асраш ва «яшил» иқтисод» йилида амалга ошириш оид Давлат дастури» бўйича мурожаатнома қабул қилинди. Куннинг иккинчи қисмида, шаҳарнинг тарихий масканларига зиёрат уюштирилди.

🔗 https://islom.uz/maqola/23335

🕋 @islomuz

#Рамазон

Рамазон ифори

Инсон бир нарсани қаттиқ соғинса, у яқинлашгани сари соғинчининг кучлилигидан, ўша нарсанинг ифорини сеза бошлайди...

Юсуф алайҳиссаломнинг оталари фарзандларини қаттиқ соғинганларидан: «Мен Юсуфнинг ҳидини сезяпман», деган эканлар.

Рамазон яқин. Биз уни соғиндикми? Рамазоннинг ифорини сезяпмизми?

Кўпчилик Рамазон баракали ой, тунлари ҳам, кунлари ҳам узоқ давом этади, деб ўйлайди.

Аммо унутманг, Рамазон ойи ҳам бошқа ойлар каби 30 кундан иборат! Ҳар бир куни ҳам бошқа кунлар каби 24 соат! Рамазон ойида ҳам бошқа ойлар каби тўрт ҳафта бор, яъни Рамазон ҳам бошқа ойлар каби тез ўтиб кетади.

🔗 Тўлиқ ўқиш: https://islom.uz/maqola/23333

🕋 @islomuz

#Янгиликлар

Жиззахдаги Қуръон курси тингловчилари «Hilol Nashr»да

Бугун 27 февраль куни «Hilol Nashr» нашриётига Жиззах шаҳридаги «Қуръон ва тажвидни ўргатиш» ўқув курси тингловчилари ташриф буюрдилар.

Қуръон ихлосмандларини нашриёт вакиллари мамнуният билан кутиб олдилар.

Даставвал, Қуръон курси тингловчилари нашриётнинг бош дўконига келиб, у ердаги барча шарт-шароитлар, халқимиз учун ташкил этилган мўъжазгина кутубхона, умуман, барча жараёнлар билан яқиндан танишиб, илиқ таассурот билан чиқдилар.

Сўнгра шайх ҳазратлари томонидан асос солинган «Hilol Nashr» нашриёт-матбааси босмахонасига ташриф буюриб, бу ерда амалга оширилаётган ишлар, хусусан, таҳририятда китобларнинг нашрга тайёрланиши, босмахонада чоп этилиши билан боғлиқ бир қанча жараёнларни ўргандилар, ҳар бир чоп этилаётган китобларнинг нечоғли залворли эканини гувоҳи бўлдилар. Ушбу китобларнинг то ўқувчи қўлига тайёр ҳолда етиб боргунича бўлган ҳолатларни кўздан кечириб, ҳар хил ҳажмдаги тажвидли мусҳафи шарифнинг нашр этилаётганидан қалбларида хушнудлик ва хурсандчиликни туйдилар.

🔗 https://islom.uz/maqola/23334

🕋 @islomuz