Postagens do Canal Susambil – Nodir Nishonov

Telegramda nihoyat video muqovalari paydo bo‘ldi — demak, kanalning ko‘rinishi yanada jozibadorlashadi 🤓

Bundan tashqari, endi videoga to‘g‘ridan-to‘g‘ri matn va stikerlar qo‘shish, hamda vaqt belgilari yordamida qiziqarli lahzalarni ulashish imkoniyati yaratildi.

Adminlarga ham yangilik: endi yulduzli reaksiyalarni kanal nomidan qo‘yish mumkin. Shuningdek, stikerlarni qidirish uchun sun’iy intellekt tizimi joriy etildi — endi kilometrlab stiker to‘plamlarini varaqlashga hojat qolmadi.

@insusambil

✨ "Parazitlar" filmi rejissorining Robert Pattinson qatnashgan yangi filmi ya’ni "Mikki 17" nima haqida?

Ko‘p marta kechiktirilgandan so‘ng xalqaro prokatga "Mikki 17" - Pon Jun Xoning yangi filmi 28-fevral kuni chiqarilishi tasdiqlandi. Bu koreys rejissorining "Oskar" mukofotiga sazovor bo‘lgan "Parazitlar" (2019) filmini suratga olganidan keyingi birinchi ishi. Film nimaga asoslangani, unda kimlar rol ijro etgani va nega premyera bir necha bor qoldirilgani haqida so‘zlab beramiz.

Kitob nima haqida edi?

"Mikki 17" - bu Edvard Eshtonning 2022-yilda nashr etilgan "Mikki-17" fantastik romanining ekranlashtirilishidir. Voqealar uzoq kelajakda kechadi. Unda insoniyat allaqachon koinot bo‘ylab tarqalib, yangi dunyolarni o‘zlashtirishda davom etmoqda. Bosh qahramonimiz Mikki Barns - sovuq va mehmondo‘st bo‘lmagan Niflxaym sayyorasini mustamlaka qilish vazifasi yuklatilgan navbatdagi ekspeditsiya ishtirokchisiga aylanadi. Rahbariyat Mikkini xavf ostiga qo‘yishdan qo‘rqmaydi. Chunki uni istalgan paytda asl nusxaning barcha xotiralari va ko‘nikmalarini saqlab qolgan holda klonlash mumkinligini biladi. Shuning uchun qahramonning zimmasiga eng og‘ir va o‘ta xavfli vazifalar yuklanadi. Bir kuni ishda kutilmagan hodisa yuz beradi. Navbatdagi "iste’mol qilinadigan" klon juda erta, o‘zidan oldingi versiya hali tirik paytda yaratiladi, shuning uchun nusxalar yuzma-yuz to‘qnashadi. Shu bilan bir vaqtda tashqi hayot shakllarida - jag‘li ulkan sudraluvchi mavjudotlar aql belgilarini namoyon etib, koloniyaga hujum qila boshlaydi.

 G‘oyaning chiqish tarixi

Roman g‘oyasi 2015-yilda muallifning miyasiga birinchi marta kelgan ekan. "Meni har doim teleportatsiya paradoksi kabi falsafiy muammo qiziqtirgan” – deydi muallif, Eshton Nerdist portaliga bergan intervyusida. - "Yulduzli yo‘l"da qahramonlar doimiy ravishda butun galaktika bo‘ylab teleportatsiya qilinadi, bir joydan g‘oyib bo‘lib, boshqa joyda paydo bo‘ladi. Lekin ular aslida fazoda ko‘chirilmasligi hammaga tushunarli-ku? Ularni teleportning bir uchida o‘ldirib, ikkinchi uchida ularning nusxasini hosil qilishadi". Yozuvchiga bu tushunchani tadqiq qilish qiziqarli tuyulgan. 2023-yilda Eshton romanning davomini - "Antimateriya blyuzi" ("Antimatter Blues")ni nashr etdi.

Pon Jun Xo filmni suratga olish jarayonida

Romanni ekranlashtirish huquqi kitob chiqishidan bir oy oldin sotib olingan. Bunday holat Gollivudda tez-tez uchrab turadi (masalan, "Z olamlar urushi" yoki "Marslik" filmlarining ekranlashtirilishi asl kitoblar nashr etilishidan oldin rejalashtirilgan edi). Chunki agentlar qiziqarli g‘oyalarni qidirishadi. Loyiha darhol ishlab chiqarishga topshirildi. Suratga olish ishlari 2022-yil avgust oyida boshlandi.

"Pon Jun Xo menga ko‘p narsani o‘zgartirishini darhol tushuntirdi, - deydi kitob muallifi Eshton. - Men u bilan tanishganimda, u darhol hamma narsani aniq qilib qo‘ydi. U shunday dedi: "Qarang, sizda 350 sahifali kitob bor edi, men esa 120 sahifali ssenariy yozishim kerak. Shunday ekan, ko‘p narsani tashlab yuborishga to‘g‘ri keladi". Lekin bu meni mutlaqo tashvishlantirmaydi. Pon Jun Xo - daho. Menimcha, rejissor hali muvaffaqiyatsizlikka uchramagan va "Mikki 17" birinchi muvaffaqiyatsizlik bo‘lmasligiga chin dildan umid qilaman". – deydi yozuvchi.

Rejissor bosh qahramonning o‘tmishini o‘zgartirdi. "Mikki tarix o‘qituvchisi sifatida tasvirlangan va boshqa qahramonlar unga turli texnik tafsilotlarni tushuntirishlari kerak bo‘lgan asl manbadan farqli o‘laroq, men bu tafsilotlarning barchasidan voz kechishga va faqat insoniy jihatlarga e’tibor qaratishga qaror qildim," deb tushuntirdi rejissor. "Shuning uchun mening talqinimda Mikki ishchilar sinfining vakili, eng dahshatli ishni bajaradigan yolg‘iz odam".

Romanda Mikki Barns yer mustamlakasi bo‘lgan Midgardda tug‘ilgan. Ammo u o‘z sayyorasida kerak bo‘lmagan. Chunki Midgardda kichik ilmiy xodimlar va o‘qituvchilarga ehtiyoj yo‘q edi. Shunday qilib Mikki “iste’mol qilinuvchi” sifatida ishlashga rozi bo‘ladi.

Film va asl manbadagi farq

Farqlar film nomidanoq ko‘zga tashlanadi. "Tartib raqami - bu bosh qahramonning o‘lim soni," - deb tushuntirdi "Parazitlar" rejissori. - "Shunday qilib, men uni o‘n baravar ko‘proq o‘ldirdim." Treylerlarga qaraganda, rejissor avvalo filmning ohangini o‘zgartirgan. Eshtonning romani falsafiy ma’noga ega sarguzasht-fantastika bo‘lsa, Pon esa unchalik jiddiy bo‘lmagan qora komediya va o‘tkir satira aralashmasini yaqqol suratga olgan.

“Mikki 17”ni nega ko‘rish kerak?

Pon "Eng yaxshi film" nominatsiyasida "Oskar"ni qo‘lga kiritgan birinchi ingliz tilida bo‘lmagan filmni suratga oldi. Bundan tashqari, "Parazitlar" filmi jahon prokatida 262 million dollar daromad keltirdi. Bu esa art-meynstrim kinosi uchun aql bovar qilmaydigan natija. Shu bois rejissorning yangi ishini hamma intiqlik bilan kutardi. Buning ustiga, Pon fantastik janrda tajriba orttirgan: u avvalroq "Dinozavrning bostirib kirishi" (2006), "Qor yorib" (2013) va "Okcha" (2017) filmlarini suratga olgan.

 Shuningdek, "Mikki 17" ustida bastakor Chon Je-il ("Parazitlar," "Kalmar o‘yini"), operator Darius Xonji ("Bardo"), montajchi Yan Jin-mo ("Parazitlar") va liboslar ustasi Ketrin Jorj ("Qor yorib") ishlagan.

Nega film kechiktirildi?

Filmni suratga olish ishlari 2023-yil yanvar oyida yakunlangan. Premyera 2024-yil 29-martda bo‘lib o‘tishi rejalashtirilgan edi. Ammo Gollivudning ikki tomonlama ish tashlashlari post-prodakshn jarayoniga ta’sir ko‘rsatadi va oxir-oqibat Warner Bros Discovery. filmni namoyish etishni 2025-yil yanvariga qoldirdi. Keyin "Mikki 17"ning chiqarilishi dastlab aprel oyiga, so‘ngra joriy sanaga - 7-martga ko‘chirildi (bu Amerika prokatining boshlanishi bo‘ladi, Koreya prokati esa 28-fevralda boshlanadi). Chamasi, bu kechikishlar va ko‘chirishlarning ish tashlashlardan tashqari bir nechta sabablari bor edi. Post-prodakshnning uzoq davom etishi Pon Jun Xo va Warner Bros. filmning kinoteatr versiyasiga qaysi sahnalar kiritilishi kerakligi haqida kelisha olmagani bilan izohlanadi.

 @insusambil

✨ Minecrfat bo‘lajak loyihasining yangi tizer e’lon qilindi. Oramizda bu filmni kutayotganlar bormi?

@insusambil

✨ Olti karra "Emmi" mukofotini qo‘lga kiritgan Jon Litgou "Garri Potter" serialida professor Dambldor rolini ijro etishi mumkin.

U hozirda muzokaralarning so‘nggi bosqichida ekan.

@insusambil

"Momaqaldiroqlar" (Thunderbolts) loyihasining yangi posterlari.

@insusambil

Antiqahramonlarning epik qaytishiga tayyorlaning! ⚡️🔥

Marvel Studios "Momaqaldiroqlar" (Thunderbolts) filmining kino olamining eng kutilgan asarlaridan biriga aylanishini rasman tasdiqladi. Bu film biz avvalgi loyihalarda ko‘rgan eng xarizmatik yovuzlar va antiqahramonlarni bir loyihada to‘plashni va’da qilmoqda. Jamoa tarkibiga Qishki Askar, Qizil Soqchi, Arvoh, Yelena Belova, AQSH Agenti va Taskmaster kabi shaxslar kiradi. Guruh rahbari sirli Valentina Allegra de Fontein bo‘lib, uning makkorona rejasi borligi shubhasiz.

Filmning syujeti hozircha sir tutilmoqda, ammo mish-mishlarga ko‘ra, "Momaqaldiroqlar"ga kino olamidagi kuchlar muvozanatini o‘zgartiradigan vazifa yuklatilgan. Ular odatiy ma’nodagi qahramonlar emas, lekin aynan ular Qasoskorlar uddalay olmaydigan topshiriqlarni bajarishlari mumkin. Film uslubi Marvel’ning an’anaviy loyihalaridan ko‘ra murakkabroq va realistikroq bo‘lishi kutilmoqda. Vizual jihatdan bizni "O‘z joniga qasd qiluvchilar guruhi" va "Kapitan Amerika: Fuqarolar urushi" filmlarining uyg‘unlashgan ko‘rinishi kutmoqda, bu esa juda umidli eshitiladi.

Film rejissori Jeyk Shrayer bo‘lib, ssenariyni "Qora beva" filmi ustida ishlagan Erik Pirson yozgan. Muxlislar yangi kutilmagan kameo ko‘rinishlarini va kelajakdagi mutantlar yoki Doktor Dum bilan to‘qnashuvga oid ehtimoliy ishoralarni ko‘rishga umid qilishmoqda. Bundan tashqari, Momaqaldiroqlar "Qasoskorlar: Maxfiy urushlar" voqealarining darakchisi bo‘lishi ehtimoli mavjud.

Filmning chiqish sanasi 2025-yilga belgilangan. Marvel qahramonlarning xarizmasiga va ularning g‘ayrioddiy ish uslublariga tayanmoqda. Ular insoniyat manfaati uchun ishlaydilarmi yoki ularning o‘z yashirin maqsadlari bormi? Tez orada bilib olamiz!

Siz bu filmni kutayapsizmi? Sizningcha, jamoada yana kim paydo bo‘lishi mumkin? Fikrlaringizni izohlar bo‘limida ulashing! ⚡️🔥

@insusambil

✨ #LiloAndStitch filmining yangi posterini qarshi oling. Filmni kutayotganlar bormi?

@insusambil

✨ Salom, “Susambil” ahli) Anglaganingizdek, bugun sizlar bilan yana "Garri Potter" olamiga sayohat qilamiz. Zero, bu olamga avval ham ko‘p murojaat qilgan edik. Faqat bu safar siz bilan, franshizaning barcha filmlarida qoldirilgan qiziqarli belgilarni, rus tilida aytganda “отсылка”larni ko‘rib chiqamiz. Ishontirib aytamanki, bu belgi va bog‘liqliklar siz o‘ylagandan ancha ko‘p va qiziqarli. Qolaversa, ushbu video "Garri Potter" ixlosmandlari uchun ayni muddao. Shunday ekan, sehrli tayoqchalaringizni hozirlang. Biz yana “Hogvarts”ga yo‘l olyapmiz.

👉 https://youtu.be/FhIyC68QT9I

✨ Bugun o‘tovimizga yana Muslimbek Alijonovni chaqirdik. U kishi bilan jadidlarning xorijdagi faoliyati bo‘yicha suhbatimiz tomoshabinlarga manzur bo‘lgani bois suhbatni davom ettirishga qaror qildik. Yaqinda ustoz eng yirik jadidlardan biri Mustafo Cho‘qay haqida monografiya chop etdi. Bu monografiyani muhokama qilish bahonasida Mustafo Cho‘qay shaxsiyati bilan yaqinroq tanishishga harakat qilamiz.

https://youtu.be/lkYWnbjt3tw

@insusambil