Dr.alijassim

شفت هذا البوست وعجبني وحبيت اشاركه وياكم
التناسق ثم التناسق اهم من كلشي

اذا ماعدكم شي هسه شوفولي هذا الفيلم شوي راح يطلعكم من جو وضغط الامتحانات والعمل وبيه فد دفعه ايجابيه

شايف مرات من تحس القلع تعبك
كبل تروح تخلي ال elevator مالتك lingually او paltatally وتبدي تحركه بلكت يتحرك وياك السن

شفتك تره ، بطلها هاي الحركه تره تسويلك مصايب ممكن خصوصا اذا بدايه مسيرتك

بخصوص المدخنين فنزف او مشاكل اللثه ضاهراً تكون عدهم أقل والسبب ان الدخان يحتوي على ثاني اوكسيد الكاربون والنيكوتين وهذني بدورهن يقللن من وصول الدم للشعيرات الدمويه الموجوده بأنسجه اللثه وبنفس الوقت حتى القرح باللثه تكون عدهم أقل بسبب تكون fibrous tissue للأسباب الذكرناها ..
ممكن يجي شخص ويكول جيد لعد خل ادخن حتى امنع مشاكل اللثه عندي
الجواب التدخين يمنع الاعراض فقط لكن بنفس الوقت الانسجة تكون أكثر عرضه لل necrosis فالتدخين يخفي اعراض الالتهابات باللثه إلى أن يوكع الفاس براس ..
بالمختصر المشكله موجوده لكن التدخين يخليك ما تحس بيها لان يخفيلك الاعراض إلى أن تتطور لدرجه كلش جبيره

وسلامتكم

د.علي جاسم الفيروزي

أريحوا اجسادكم بالتعب ولا تتعبوها بالراحة.

علي أبن ابي طالب (ع)

أكو معلومات نقراها بس من نجربها او تصير ويانا نعرفها ونعرف قيمتها اكثر
الأغلب قارين أن من ننطي تخدير للمريض لازم ننطيه ببطئ شديد ولعده اسباب اهمها أن تأثير التخدير يكون أقوى
لكن المعلومه الأهم أن دفع التخدير بقوه حتلو قليله يسبب ألم عند المريض يعادل ألم دخول الابره مرتين وهذا شخصياٍ اعرفه لكن من صار وياي حسيت بقيمته أكثر
لذلك دائما خلو عملية دفع التخدير عدكم ببطئ أقصى ما تكدرون لأن المريض ممكن يكره طبيب الأسنان بس من وره ألم دفع التخدير بسرعه

وسلامتكم

د.علي جاسم الفيروزي

https://t.me/+F3lE2heub9I3YjQy

تفضلو
ثواني وينزلن مع العناوين

راح اسوي كروب وانزلهن كلهن تقريباً حتى يبقن محفوظات وتستفادون منهن يمته ما تحتاجوهن لان ماكدر انزلهن هنا لان هواي ويخربن القناة وبنفس الوقت الكروب مفتوح النقاش بيه بينكم او اي سؤال وياي والعنده ايضاً شي مفيد ينزله بيه حتى تكون الفائده جماعية

صباح الخير ..
عندي ملفات ومصادر وملخصات بخصوص هواي مواضيع تخص طب الاسنان
كل العليك اكتب اسمع الموضوع بالتعليقات واذا موجود عندي راح يوصلك بالرد

وسلامتكم

‏﴿قال لا تخافا إنني معكما أسمع وأرى﴾

هواي نشوف مثل هيج منظر عند الأطفال سواء بالعياده او حتى بالشارع والبيت ..
بأختصار وقبل كلشي هذا مو تسوس هذا عباره عن black stain نتيجه بكتيريا نسميها chromogenic bacteria وهاي البكتريا موجود بفم الاطفال بشكل طبيعي ونتيجه تفاعلات عديده داخل الفم راح يتكون عدنا هذا ال black stain ومع تقدم العمر راح تقل هاي البكتريا

علاجها هو أن نسوي فقط polishing راح تروح وما يحتاج حتى أن نسوي scaling مع تعليمات العنايه بالفم
بعد ال polishing

وسلامتكم

د.علي جاسم الفيروزي

فرق واضح بالسكسوكه

وطلعت هيج
ولله الحمد ....

الحالة دخلتلنا هيج

صباح الخير ..
بعيداً عن الاسنان
أسم عطر هادئ غير مزعج ويحتوي على فوحان على ذوقكم ..بعيداً عن العود
بالتعليقات او هنا @AliJJY

ملخص الموضوع
ال tooth ليحتوي على infection وقررنه نقلعه فلازم نقلعه وما نأجل الموضوع ما عدا حالات خاصه منها اذا عدنا
excessive swelling of the face or stretched oral tissue
يعني نقلع ونحاول نحصل على good anesthesia

اما بخصوص ان شلون نكدر ننطي good anesthesia بضل كل هاي الضروف لحجينه عليهن فالحل كالأتي ..

● بحاله جان ال tooth بال upper arch فننطي maxillary nerve block بعيدا عن مكان ال infection
يعني ما ننطيه inflitration ونخدر الأطراف العصبية الداخله للأسنان لا هنا راح نخدر العصب الرئيسي الشامل الهن كلهن
● ننطي pdl anesthesia راح تفيدنه هواي بالشغل وتقلل ال pain
●نحاول قبل لا ننطيه ال anesthesia بربع ساعه ننطيه احد ادويه ال non steroidal anti inflammatory drugs
والمثال الحي والافضل هو ( البروفين) و ال(الكاتافلام)
ننطيه حبايه قبل ال anesthesia بربع ساعه هذا الشي راح يقوى مفعول المخدر عدنه أثناء وبعد الشغل

بعد ما كملنه وقلعنه بسلامه هنا نكدر ننطيه ال antibiotic

وسلامتكم

د.علي جاسم الفيروزي

مجرد ترك ال tooth ليحتوي infection هذا معناه ان احنه انطينه الinfection وقت حتى تنتشر لأماكن ومناطق مختلفه ممكن تصل إلى ال head وال neck وغيرها

راح اجي احجي عن السيناريو الأول
بحاله اجاك مريض ولكيت عنده abcesss وبدل ما تقلع الtooth بحاله قررت ان ال tooth يستحق هذا الشي او على الاقل ما سويت driange للمنطقه واكتفيت بأن انطيت antibiotic وكلت للمريض شكم يوم وتعالي هنا انت توقع راح يصير عندك شي اسمه antibioma ونفسها هاي المنطقه لجنت من تتحسسها تحس اكو سائل بيها او pus راح من يجيك المريض وره ما أخذ العلاج راح تلكاها منطقه متصلبه وحتى من تقلع او تسوي drinage كلشي ما راح يطلع من عدها وللأسف هاي المنطقه راح تبقى شكلها واضح وتحتاج اشهر إلى أن تختفي
فهنا انت زدت الضرر بأجراء حسبالك ان هو اجراء احترازي

وحده من اكثر الأخطاء الشائعه او الدارجة نسبياُ عند اغلب الأطباء ان بحاله اجانه tooth يحتوي على infection او مثل ما نكول منطقه ملتهبه وبحالة قررنه ان هذا الtooth يحتاج ان ينقلع راح نأجل عملية القلع وننطي المريض antibiotic ونكله فتره خل يخف الورم او الالتهاب وتعال نقلع اما السبب فأن ال tooth يحتوي او محاط ببيئة حامضية وال anesthesia ما راح تشتغل بهيج وضع او تشتغل ولكن مفعولها ضعيف وبطيئ بالاضافه لضعف الانسجة لممكن يسببلنه tearing بيها هذا غير وجود سبب ثاني وهو ان نخاف ان يصير عدنه spread to infection ومضاعفاته .

قبل كلشي الكلام الفوك صحيح مو خطأ بس خل نجي للموضوع وحده وحده
الغرض من اني احنه ننطي antibiotic حتى نرفع من مقاومه الجسم للالتهاب ونكافح انتشار العدوى او نقلص حجمها وليس الغرض منه ان نقضي عليها بشكل نهائي وحتى بعد إعطاء العلاج راح تخف الاعراض ولكن يبقى الtooth المسبب لكل هذا موجود وهذا ينطينه رساله بأنه أحنه ما سوينه تقدم او شي فارق بالعلاج

أضافة بسيطة على الحالة هواي تفيدكم...
شايفين الالم لكتلكم عليه فهذا الالم اغلبه مو بمكان سن العقل لا بالعكس اغلب الالم القوي بالاسنان العلويه الاماميه وجزء من الاسنان السفلية !!! هنا السؤال ليش شعليهن الاسنان العلويه غير مشكلتك بال lower 8 !!?
الجواب هو ان اغلب الالم ليكون مصدر اسنان العقل فهو refer يعني يضرب على مناطق ثانيه يعني ممكن يجيك مريض يصيح من الالم ويكلك اسناني السفلية تأذيني مثل ما صار وياي شخصياً قبل يومين بحيث المريض اجه يصرخ تقريباٍ ويكلي هذني الاثنين صار 3 ايام المهن موتني وأشر على ال lower 6 و lower 7
لكن بعد الفحص طلعت مشكلته ال upper8
فدائماً لازم نكون حذرين بالتشخيص خصوصا مع أسنان العقل وما نعتمد اعتماد كامل على كلام المريض لان المريض يوصف الالم ومكانه وما يعرف شنو سببه.

وسلامتكم

هذا هو ال pericoronitis بشكل اوضح للما يعرفه شنو
واني هم شارح عليه بالقناة وشارح طرق علاجه كذلك لليحب يطلع اكثر

والله يبعد عنكم الالم

هاي الاشعه مال السن مالتي خل نسولف عليها
مبدئيا السن ما يحتوي على اي تسوس لكن سبب كل هذا هو ال pericoronitis ولما يعرف شنو يعني ال pericoronitis فهو مرات سن العقل مال يلكه المساحه الكافيه حتى يطلع بيها فجز من اللثه تغطي جزء من الcorwn مثل مأشر بالاخضر ؛؛بمرور الوقت بسبب تجمع البكتيريا لعده اسباب بين اللثه والسن فيلتهب جزء اللثه المغطي للسن ويسبب ألم جداً قوي مع صعوبه بالبلع وحتى شرب الماي والشي الخله تكون أكثر ألم هو انتقال البكتيريا ودمرت العظم دستلي مثل ما مأشر بالأحمر وصار عدنا بوكيت بهاي المنطقه وخله الالم يتضاعف بسبب مكان الجيب اللثوي الحساس والبعيد هذا غير التهاب جزء اللثه المغطي للسن

وسلامتكم

حبيت اذكرلكم السيناريو الصار وياي وطريقه التعامل وياي عسى ولعل يحتوي على أمور تفيدكم

وسلامتكم

د.علي جاسم الفيروزي

هذا سن العقل مالتي ..أمس تقريباً على طول النهار اجاني ألم جداً قوي بشكل لا يطاق بسبب ان السن بيه pericoronitis حاد جداً وبسبب الانشغال بالعياده والعمل أجلت وضعه بس تقريبا الساعه 4 ونص الفجر الالم تحول من ألم جداً قوي إلى ألم يفقد الانسان عقله فأضطريت اتصل بصديق ورحنا للعياده ب٤ ونص الفجر حتى اقلعه وبعد تقريباً ساعه وربع من المماطلة وياه جان اكو شكم مشكله بسبب البعد واتصاله المباشر بالعظم وبعد هاي الساعه والربع انقلع السن لكن انكسر عندي ال mesial root ...الطبيب صديقي ماقصر اكيد وحاول يطلعه لكن اني اصريت ان يبقى هذا الجذر المكسور لعده اسباب منها وأهمها أن السن vital وان عمليه القلع طولت وصار ضغط كبير على العظم فما ردت الوضع يتأزم اكثر لان بهيج حاله العظم اهم من السن ومثل ما توقعت تقريبا لمده ٦ ساعات من ال٦ الصبح الى 12 الضهر صار عندي ألم لا يطاق ووجهي ورم بس اني بوقتها جنت متأكد ان سبب كل هذا الضغط على العظم وليس الجزء الباقي المكسور فخليت كمادات بارده على المكان وضربت ابره decadron علمود نخفف الورم وابره Voltaren علمود نسكن الالم وفعلا بعد 10 دقايق من ضرب الإبر كدرت انام بعد عدم المقدر على النوم ل 48 ساعة

Dr.alijassim pinned «(( قال لا تخافا إنني معكما أسمع وأرى ))»

(( قال لا تخافا إنني معكما أسمع وأرى ))

Dr.alijassim pinned «ذكرت هذا السؤال لان بيه اهم ملاحظه قريتها بحياتي بطب الاسنان خصوصاً بعالم التشخيص وابداً ابداً ما يوم فشلتني والملاحضة هي: Reffered pain always come from coronal pulp . شنو يعني الملخص وبعيد عن الهوسه ؟ اي مريض يجيك وعنده ألم وهذا الالم ما يرتكز بمكان واحد…»

ذكرت هذا السؤال لان بيه اهم ملاحظه قريتها بحياتي بطب الاسنان خصوصاً بعالم التشخيص وابداً ابداً ما يوم فشلتني والملاحضة هي:

Reffered pain always come from coronal pulp .

شنو يعني الملخص وبعيد عن الهوسه ؟
اي مريض يجيك وعنده ألم وهذا الالم ما يرتكز بمكان واحد وبمجرد ما تسمع من المريض ان هذا الالم مرات يضرب على عيني او راسي او على منطقه كامله فهذا يعني سبب هذا الالم هو سن جديد يحتوي على التهاب عصب وليس سن قديم يحتوي على حشوه جذر مهما جانت حشوه الجذر سيئه مهما جانت فحتى لو اجاك المريض وكلك ان هذا السن هو السبب بس بلغك ان الالم يضرب على منطقه كامله او على الفك المعاكس وبعد اخذك للأشعة شفت ان عمل حشوة الجذر لهذا السن جداً تعبانه وسيئه وتحتوي على بلاوي فرغم هذا اعرف ان مو هذا السن سبب الالم اكو سن ثاني يحتوي على inflammation in coronal pulp

Dr.alijassim pinned «صباح الخير .. بحالة اجاك مريض يعاني من ألم جداً قوي وهذا الالم يضرب على منطقه كامله وعلى الفكين العلوي والسفلي وبلغك ان هذا السن يأذيني وبعد اخذك لل x-ray شفت ان السن معموله حشوه جذر قبل سنه مثلا وحشوة الجذر بيها مشكله سواء over او under شنو الإجراء الراح…»

صباح الخير ..

بحالة اجاك مريض يعاني من ألم جداً قوي وهذا الالم يضرب على منطقه كامله وعلى الفكين العلوي والسفلي وبلغك ان هذا السن يأذيني وبعد اخذك لل x-ray شفت ان السن معموله حشوه جذر قبل سنه مثلا وحشوة الجذر بيها مشكله سواء over او under
شنو الإجراء الراح تسويه ؟؟ فقط الإجراء بدون شرح

Dr.alijassim pinned «ذات يوم، طرق الخوف الباب ..نهضت الشجاعه،وفتحته لم يكن هنالك أحد . اصفنوا بيها واقروها كل يوم هواي راح تفرق بحياتكم»

ذات يوم، طرق الخوف الباب ..نهضت الشجاعه،وفتحته
لم يكن هنالك أحد .



اصفنوا بيها واقروها كل يوم هواي راح تفرق بحياتكم

برأيكم شنو خطوات العمل اللازم نتبعها حتى نحافظ على هذا السن الباقي منه اشبه بالجذر فقط

ان شاء الله من نكمله انزللكم الحاله كاملة

Dr.alijassim pinned «هذا مرض السكري 🍚 واحد من أكثر الامراض المزمنه شيوعاً وممكن نشوفها بعيادات الاسنان . شنو هو وشنو أنواعه وشلون راح نتعامل وياه. قبل كلشي لازم نعرف ان جسم الانسان عموماً والبنكرياس بشكل خاص يفرز هرمون اسمه الانسولين 🧪 ووحده من وضائف هذا الهرمون ان يرتب و يوزع…»

هذا مرض السكري 🍚

واحد من أكثر الامراض المزمنه شيوعاً وممكن نشوفها بعيادات الاسنان . شنو هو وشنو أنواعه وشلون راح نتعامل وياه.

قبل كلشي لازم نعرف ان جسم الانسان عموماً والبنكرياس بشكل خاص يفرز هرمون اسمه الانسولين 🧪 ووحده من وضائف هذا الهرمون ان يرتب و يوزع وينظم نسبه السكر بالدم 🩸الراح ندخله احنا لجسمنا عن طريق الاكل او الشرب او اي وسيله ثانيه .

لهنا تمام؟ ما عدنا مشكله وكلشي بالسليم
المشكله وي مرضى السكري ان راح تصير ويانا مشكلتين !!
🥇 المشكله الأولى أن بعض الناس راح تصير عدهم مشكله بالبنكرياس وبأفراز الانسولين يعني البنكرياس ما يفرز انسولين او ما يفرز انسولين كافي حتى يخلي خلايا جسم الانسان يمتص السكر بالدم وبالتالي السكر راح يبقى مطوف او متراكم بالدم وما مستفادين منه وبالتالي راح ترتفع نسبه السكر بالدم وتطلع النسبه مفوله وهاي المشكله نطلق عليها ( السكري من النوع الأول ) وغالباً يكون وراثي وشائع عند الاطفال .

🥈 المشكله الثانيه ان ممكن البنكرياس الرجال ما يقصر ويفرز انسولين وممكن ما تكون بيه مشكله بس خلايا جسم الانسان قافله وما تقبل تمتص السكر الموجود وما تستجيب لهرمون الانسولين لذلك راح يبقى السكر ايضاً متراكم بالدم وراح ترتفع نسبته ،، وممكن ايضاً الانسولين ما ينفرز بشكل كافي والخلايا ماتمتص ايضا وهذا النوع نطلق عليه ( السكري من النوع الثاني) وهذا عاده يصير عند كبار السن

يعني بشكل عام ومختصر عدنا نوعين من السكري
النوع الأول مشكلتنا وياه ان البنكرياس الانسان ما يفرز انسولين وعلاجه غالباً ان الانسان يضرب انسولين
اما النوع الثاني مشكلتنا وياه غالباً وي امتصاص الخلايا للسكر بغض النظر عن السبب وهذا بشكل عام ما اله علاج ثابت مثل الأول بس الرياضه والحركه اهم عامل لعلاجه لان السمنه سبب رئيسي بيه

🥉وعدنا نوع ثالث نسميه (سكر الحمل) هذا وقتي يزول بعد الولاده غالباً.

⛱السؤال هنا هو بعيداً عن هاي الهوسه انت كطبيب أسنان اذا اجاك مريض عنده سكر شنو من تحليل تطلب من عنده وشنو النسبه الطبيعيه ؟

شوف يا عزيز العين احنا بشكل عام عدنا 3 تحاليل RBS و FBS و HbA1c .

شنو ذني وشنو هاي الهوسه ؟
ماكو هوسه ان شاء الله بس تعال وياي وركز.

🩸ال RBS هو اختبار السكر العشوائي وهذا هو أكثر تحليل انت كطبيب أسنان راح تستخدمه غالباً مجرد تكتب للمختبر بورقه RBS هو راح يدزلك النتيجه ونقصد بيه نسبه السكر الموجوده بالدم والمريض جاي وهو ماكل🥯🥯🥗 يعني ما صايم والنسبه الطبيعيه لهذا التحليل تكون أقل من 200 mg/dl فأذا اجاك وعنده السكر أعلى من هاي النسبه شرط مو فرق بسيط يعني مثلا اذا 220 او 230 ممكن نشتغل بالحالات البسيطه يعني ماكو رقم ثابت بس بشكل عام اذا أعلى من هاي النسبه ما نشتغل ونطلب من المريض ان يسيطر على السكر مالته ويرجعلنا او نحوله للطبيب المختص

🩸نجي للتحليل الثاني الهو FBS فهو تحليل السكري الصائم ومن اسمه نقيس بيه نسبه السكر بالدم والمريض صائم يعني جاي بدون اكل على الاقل مده 8 ساعات ونسبته الطبيعيه ان تكون أقل من 126mg/dl

🩸 اما ال HbA1C فهو السكر التراكمي واكيد كلكم سامعين بيه وهذا نستخدمه للتشخيص أكثر ما نستخدمه لمعرفه نسبه السكري بلحضه معينه لأنه يقيس نسبه او ارتباط السكر بالدم لمده شهرين أو 3 اشهر ويفضل ان تكون نسبته أقل من 7 لأن إذا أعلى من 7 معناها المريض عنده سكر ومثل ما ذكرنه هذا التحليل تشخيصي يعني نطلبه للشاكين عدهم سكر او يردون يعرفون نسبه السكر عدهم لمده شهرين أو 3 شكد جانت .

🎁 ملخص هاي الهوسه انت كطبيب أسنان أكثر تحليل راح تطلبه هو ال RBS وهو تقريبا على اساسه واساس نسبته تقرر تشتغل للمريض او لا.

📃 مريض السكري او مرض السكري بشكل عام راح يسببلنا هواي مشاكل سواء بالكليه او القلب وراح يسببلنا خلل او ضعف بمناعه الجسم لان السكر يبطئ حركه كريات الدم البيض وغيرها لذلك مريض السكري دائما اذا تلاحضوه بسرعه تصير عنده عدوى واذا انجرح فالجرح يتأخر اله يتشافى فمريض السكري لازم نتعامل وياه تعامل خاص من ناحيه الادويه خصوصاً ال antibiotic ولازم ننطيه شيء أسمه antibiotic prophylaxis حتى لو ما يحتاجه والسبب ان الشخص العادي اذا صارت مشكله عنده او عدوه أثناء القلع او غيرها فمناعه الجسم تتكفل بيها اما مريض السكري فمناعته ضعيفه لذلك لازم نكتبله مضادات حيويه بحال صارت مشكله تحسباً لأي مشاكل

وسلامتكم

د.علي جاسم الفيروزي

صباحكم جراحه واسنان عقل 💚
صباحكم عمل وجد واجتهاد

هاي الصوره تفيد بتحديد موعد فقدان الاسنان اللبنيه ويمته السن اللبني يستحق قلع او لا لازم نحافظ عليه

يعني على سبيل المثال من يجيك طفل عمره 8 سنوات وعنده تسوس بال lower E حاول قدر الإمكان ان تحافظ على هذا السن اللبني إلى عمر 11 سنه على الاقل لأن قلعنا لهذا السن بعمر مبكر اله تبعات سلبيه بالمستقبل ومنها تراكب وتزاحم او حتى انطمار الاسنان وغيرها لذلك نلجأ لإجراءات معينه نحافظ بيها على السن مثل ال pulpotomy وال pulpoctomy
إلى أن يجي موعد استبدالهن بالاسنان الدائمية

وسلامتكم

د علي جاسم الفيروزي

تعليمات ما بعد القلع

● المريض يعض ال gauze ويفضل كوز مو قطن لمده ساعه مستمره وخلال هاي الساعه المريض ما يحجي او يحرك القطنه ،،عضه مستمره لمده ساعه متواصله

●بحاله ازال المريض القطنه وحس ان اكو دم بسيط باقي يتحرك بالسوكيت فممنوع المريض يخلي كوز او قطنه ثانيه لان الدم راح ينقطع وحده ..وبحاله المريض خله كوز او قطنه ثانيه راح يحرك الخثره ونرجع لنقطه الصفر

● ممنوع الاكل على جهه القلع وممنوع على المريض اي شي حار فقط الأمور البارده بالعكس زينه اله لان الحراره تسوي توسع بالاوعيه الدمويه والبروده بالعكس تضيقها وتقلل سريان الدم

●المضمضه بالماء الدافي والملح تكون بعد 24 ساعه فقط مو بعد القلع مباشره

● اذا جان القلع traumatic يفضل ان نبلغ المريض ان ممكن يصير عنده ورم نتيجه رده فعل للجسم ويفضل يستخدم كمادات بارده وبعدها بيوم كمادات دافيه


وسلامتكم

د.علي جاسم الفيروزي

مريض الضغط العالي اذا أحتاجيت تكتبله مسكن فأكتبله
Doliprane (دولبران) 1000 mg
والدوليبران هو باراسيتمول بس ابو الالف
للعلم ميصير نكتبلهم اي مسكن من عائله NSAID لان يرفعن الضغط

وسلامتكم

د. علي جاسم الفيروزي

اليوم اجه مريض للعياده يريد يشتغل أحد أسنانه وبعد التشخيص قررنا نشتغل حشوه جذر لأحد الاسنان الأماميه فقبل لا انطي تخدير شفت المريض شوي مو كلش مرتاح واكو قطرات عرق على وجهه فسألته عمي عندك ضغط او سكر كال اي عندي ضغط بس مسيطر عليه ويوصل مرات 150.. كتله هسه انت تحس روحك مرتاح كال شوي بس راسي يوجعني !! هنا ترددت وكتله عمي حتى نشتغل مرتاحين شنو رأيك تروح تقيس ضغطك وتجي كال تمام دقايق وجاي !!
الصدمه ان العم ضغطه طلع 180 والكل يعرف شنو يعني 180 واكيد هاي ال180 لو منطينه تخدير راح ترتفع بسبب الادرينالين وممكن بسبب السترس أثناء الشغل والتعب هم يزيد الضغط درجه وبالتالي ممكن ضغط العم أثناء العمل يوصل لل200
وال200 ممكن تؤدي للوفاة او التسبب بجلطات او نزف دماغي بكل سهوله
المقصد من هاي الحادثه ان ابداً ابداً لا تتعاجزون من الطلب من مرضى الضغط والسكر وباقي الامراض بأجراء الفحوصات قبل العمل لان هذا العجز ممكن يؤدي لتحويله كلشش جبيره بحياتكم المهنيه والشخصية

وسلامتكم

د. علي جاسم الفيروزي

Dr.alijassim pinned «الأخوة والاخوات العزيزات القناه انشر بيها كلشي ممكن اشوفه يفيد الجميع وحتى الأخطاء لممكن جاي اوكع بيها أثناء عملي انزلها هنا وبنفس الوقت نكتسب المعلومه من الكل لان العلم اكبر من الجميع القناه مو للتبادل والاعلانات وما يهمني سواء جانو بيها 10 او الف او 100…»

الأخوة والاخوات العزيزات
القناه انشر بيها كلشي ممكن اشوفه يفيد الجميع وحتى الأخطاء لممكن جاي اوكع بيها أثناء عملي انزلها هنا وبنفس الوقت نكتسب المعلومه من الكل لان العلم اكبر من الجميع
القناه مو للتبادل والاعلانات وما يهمني سواء جانو بيها 10 او الف او 100 الف فأعتذر من شغله نشر القنوات وبنفس الوقت ما احتاج نشر هاي القناه بغير قنوات لان الغاية مو عدديه

Dr.alijassim pinned «بحالة اجت للعياده حامل بالشهر الرابع او الخامس او السادس وقررت ان تشتغللها انت كطبيب بس تذكرت ان الادرينالين انت قاري ان ممكن يأذي المراءه الحامل لان يسوي vasoconstrictor او تضيق للأوعيه الدمويه فأنت هنا راح تبدي تفكر وتكول اذا انطيت تخدير يحتوي ادرينالين…»

بحالة اجت للعياده حامل بالشهر الرابع او الخامس او السادس وقررت ان تشتغللها انت كطبيب بس تذكرت ان الادرينالين انت قاري ان ممكن يأذي المراءه الحامل لان يسوي vasoconstrictor او تضيق للأوعيه الدمويه فأنت هنا راح تبدي تفكر وتكول اذا انطيت تخدير يحتوي ادرينالين راح يسوي تضيق بالاوعيه الدمويه مال آلام بما فيها المشيمه واذا صار تضيق راح ينقطع عن الطفل الاوكسجين والغذاء لينتقل اله من آلام وهذا هو السبب ليتخوف منه طبيب الأسنان بشكل عام من ان ينطي تخدير يحتوي على الادرينالين
طبعاً السيناريو الفوك مو خطأ لا صحيح ان يصير تضيق بالاوعيه الدمويه اذا انطينا تخدير يحتوى ادرينالين لكن المشكله الأكبر ان اذا تم أعطاء تخدير ما يحتوي ادرينالين هذا يعني ان تأثير التخدير ما راح يكون قوي وبالتالي وجود ألم وخوف وضغط على المريضه وكل هاي الأمور تخلي الجسم يفرز ادرينالين اضعاف مضاعفه للكميه الموجوده بكربول التخدير وبالتالي زياده الخطر على المريضه الحامل
لذلك ملخص كل هذا لا تنطي للمراءه الحامل تخدير بدون ادرينالين لان نسبته الموجوده بالكروبول ما راح تشكل خطر على الحامل بقدر ما الخطر يكمن بأن ننطيها تخدير ما يحتوي على الادرينالين
وسلامتكم

د.علي جاسم الفيروزي

هذا هو ال pulp
او مثل ما نسميه العصب للعلم التسميه خطأ لان البلب مو هو العصب لان ال pulp مصطلح ما يعني العصب بل يعني اللب

الpulp هو مصطلح شامل يتكون من nerve و connective tissue و blood vessels و odontoblast ...

فال pulp مال الاسنان هو كل الأمور الذكرناهن فوك اما عصب الاسنان هو جزء من ال pulp

صح المعلومه المفروض بدائيه بس هواي يشتبهون بيها شامل لأكثر من مكون واحد منهن هو العصب

ممكن أثناء ما نشتغل حشوه جذر يطلع ويانه اشبه بالقطعه الواحد وهذا الشيء يصير غالباً بالحالات ليكون الtooth بيها vital وهذا الكيس من اشتغلته كان فايتل

اما بحالات ال necrotic teeth ما راح نحس بوجوده أثناء عمليه التحضير لأن هو اصلا متعفن ويطلع على شكل فتات صغيره

برأيكم شنو هذا
خل نشوف منو يجاوب اول واحد صح