የሁልባራግ ወረዳ የመንግስት ኮሚዩኒኬሽን ጉዳዮች ጽ/ቤት

ጨረታው ተራዝሟል!

በሁልባራግ ወረዳ የኬራቴ ማዘጋጃ ቤት አውጥቶት የነበረው የሊዝ መሬት ሽያጭ ጨረታ ሰነድ መሸጫ ቀን ለሰባት የስራ ቀናት የተራዘመ በመሆኑ ተጫራቾች ከነገ ጀምሮ እስከ መጋቢት 05/2017 ሰነድ መግዛት እንደምትችሉ እንገልፃለን።

የካቲት 25/2017 ሁልባራግ ኮሙኒኬሽን -ኬራቴ

1446ኛው ዓ.ሂ የረመዷን ወር ፆም በነገው ዕለት አንድ ብሎ መጀመሩን ተከትሎ የሁልባራግ ወረዳ አስተዳደር ለመላው የእስልምና እምነት ተከታዮች በሙሉ እንኳን ለፆሙ አደረሳችሁ ይላል!!

የካቲት 21/2017 ሁልባራግ ኮሙኒኬሽን -ኬራቴ

የወረዳው ዋና አስተዳዳሪ አቶ ሽፋ ሀምዳላ 1446ኛውን ዓ.ሂ የረመዳን ፆምን በማስመልከት የእንኳን አደረሳችሁ መልዕክት አስተላልፈዋል።

ረመዷን ኸይር ስራዎችን የምንሰራበት፤ ከወትሮው በተለየ መልኩ እርስ በዕርስ የምንደጋገፍበት የምንተሳሰብበትና ያለው ለሌለው የሚያካፍልበት ወር መሆኑ ይታወቃል።

ስለዚህ ሁሉም የህብረተሰብ በወሩ እነዚህ ተግባራትን በመፈፀም ከፈጣሪ ምህረትን ለማግኘት እንዲሁም ለህሊና እርካታን ለማትረፍ እርስ በርስ በመተዛዘንና በመደጋገፍ ማሳለፍ  እንደሚገባ አቶ ሽፋ መልዕክታቸውን አስተላልፈዋል፡፡

በወረዳችን የሚገኘው ሰብ ለሰብ በጎ አድራጎት ማህበር ምስኪኖችን ለማስፈጠር በሚያደርገው የበጎ አድራጎት ስራ ሁሉም ማህበረሰብ እንዲተባበር ዋና አስተዳዳሪው ጥሪያቸውን አቅርበዋል።

☪️በድጋሚ ረማዳን ሙባረክ☪️
        "የሁልባራግ ወረዳ አስተዳደር!!

ሰበር ዜና❗️
የ1446ኛው የረመዳን ወር ጨረቃ በሳውዲ አረቢያ ዛሬ በመታየቷ ነገ የካቲት 22/2017 ዕለተ ቅዳሜ የረመዷን ፆም እንደሚጀምር ተረጋግጧል።

ለመላው የእስልምና እምነት ተከታዮች በሙሉ እንኳን ለታላቁ የረመዷን ወር ፆም አደረሳችሁ🙏

የሁልባራግ ወረዳ መጅሊስ እንኳን ለ1446 ኛው ዓ.ሂ የረመዷን ወር ፆም በሰላም አደረሳችሁ መልዕክት አስተላለፈ።

የሁልባራግ ወረዳ መጅሊስ ፕሬዚዳንት ሼህ መሀመድ ዑመር እንኳን ለ1446 ኛው ዓ.ሂ የረመዷን ወር ፆም በሰላም አደረሳችሁ መልዕክታቸውን አስተላልፈዋል።

አሏህ ረመዷኑን ለሰዎች ሲደነግገው ወሩን በከይር ስራዎች፤ አላህን በመገዛት፤ ሷላትን በመስገድ፣ ቁርዓንን በመቅራትና አቅመ ደካሞችን በመርዳት እንዲሁም ቀን ፆመው ማታ ማፍጠሪያ ለሌላቸው ሰዎች ድጋፍ በማድረግ እንድናሳልፈው መጅሊሱ ጥሪውን አስተላልፏል።

እንደሚታወቀው የረመዳን ወር ከወትሮው በተለየ መልኩ ህዝበ ሙስሊሙ እርስ በዕርስ የሚደጋገፍበት የሚተሳሰብበትና ያለው ለሌለው የሚያበላበት ወር ነው። ሁሉም ህብረተሰብ እነዚህን ተግባራት በመፈፀም ከአላህ ምህረትን ለማግኘት እርስ በርስ በመተዛዘንና በመደጋገፍ ማሳለፍ  እንደሚገባ መጅሊሱ መልዕክቱን አስተላልፏል።

1446ኛው የረመዳን ወር ፆም ጨረቃ ከታየች ነገ ቅዳሜ የካቲት 22/2017 ካልታየች ደግሞ ከነገ ወዲያ እሁድ 23/2017 አንድ ብሎ እንደሚጀምርም መጅሊሱ ገለጿል።

☪️በድጋሚ ረማዳን ሙባረክ☪️
"የሁልባራግ ወረዳ መጅሊስ!!