الشاعر حسين كاين

راح تعجبكم الحلقة اكيد شاهدوها

https://youtu.be/ap7S1xzfjyw?si=-HdGrzGEOcf-eA-e

زحمة إذا تتعطل أم عون
جيتك يخوية وي اليزورون
- - - - - - - - - - - - -
لازم أجيلك گلبي مشتاگ
بعيد الطريج وهزلة النياگ
جروح فكدك كلش أغماگ
ياماي عيني وشوف العيون
- - - - - - - - - - - - -
محروك جدمي وگلبي محروگ
من سوگ أطلع وأدخل بسوگ
مو بس بناتك تعبت النوگ
نريد ابونة اطفالي يبچون
- - - - - - - - - - - - -
من الطف لهسة الروس وياي
من أطلعنة خوية أجدام حفاي
تبرالي خوية تباري ممشاي
وأتوقع انت حالتي شلون
- - - - - - - - - - - - -
مستحية أجيت مدنّگة العين
رقية بضعنكم ماهي يحسين
كالت يعمة والدي وين
وطشت المنية جابة ملعون
- - - - - - - - - - - - -
حرگو خيامي بذيج الأيام
واليوم أجت بلهفة الأجدام
حسبالي أخيي باني الأخيام
گلت اليتامى بفي ينامون
- - - - - - - - - - - - -
جيتك يخوية وهمي أجبال
أفتحها گوم بچفي الأحبال
ما ضل على اختك يالشهم حال
مسبية وآني أتنطر تجون

- - - - - - - - - - - - -
أدري بهلي عرابة الخيل
اتلگو زينب يالمچاتيل
بچفوفكم نوخو المهازيل
بشيل اليتامى وگعت أمتون
- - - - - - - - - - - - -
ما بيه حيل گعود صليت
براية كفيلي آني توچيت
كتلك أجيك وعالوعد جيت
أدري من أجيكم بيه تدرون
- - - - - - - - - - - - -

أسألني خوية وأحچي الصار
من يوم عاشر وي الأزغار
لسة بعباتي ريحة النار
شلونج تگلي ما بقى لون
- - - - - - - - - - - - -
الراية ذيج البيد عباس
ما طاحت وضل بيها نوماس
بيدي ارفعتها ورافعة الراس
أهلي الهواشم ما يدنگون
- - - - - - - - - - - - -
الشاعر حسين كاين

يابعد عمري ويراحة بالي
گلبي ما يحمل وداع الغالي

يابعد عمري وبعد هذا الهوه
ليه تدخل انت وأنفاسي سوه
ضوه ماكو بعيني بس انت الضوه
تصور من تروح بويه أحوالي

بويه تدري بروحتك خنجر ضلع
سنيني قلّه وياكل بعمري الدمع
صدگ كسر ضلوع صدرك ينسمع
من ترضك خيل تتراوالي

شلون خيل ترضّك أو أنت الترف
حيل متغير يبويه من النزف
موش ذاك أنت وأبد ما تنعرف
غيروها ارسومك التحلالي

غيروها ارسومك برض وطعن
وآني كل طعنه وعلي ويّاك أون
گبل زينب عمتي گلبي ينسحن
أعلم اليجرة عله حال الوالي

دوم أگومن للصلاة وادعي الفجر
ربي ارجِع والدي ماضل صبر
عنك أسأل بويه كل واحد يُمر
ما ألك رده اعرفك تالي

يابعد ناسي وهلي وكل ديرتي
ادري صعبه تشوف تنزل دمعتي
شلون ترحل وانت طيبة علتي
ارجع وشوف البچي شسوالي


راح ابوي الجان خيمه يا خلگ
بعده لا بال الهدئ جفن أنطبگ
چنت اشبگه وهسه بسهام أنشبگ
يتيمه اضلن والحزن يبرالي

يالغايب
الكم چتل تطلبلة دم
يالغايب
لعمتك مچوي الجدم
مو لله
صار الحكم بيد الصنم
- - - - - - - - - - - - - - -
أنلملم دموع العتب ونتنطر المغرب يمر
مولاي شنسولف بعد وسوالف الطف شكثر
گلوب التتانيلك تحن والمشكلة ماكو صبر
نبدي نلملم بالحچي لو صوفرت شمس العصر

وياك
درب العتب ما ينگطع لو عاتب
وعليك
الله وكيلك هم شعر ماكاتب
محتار
يا قافية الترهم على الي غايب


نذكرك
كلما يمر عاشر سبي
نذكرك
كلما شفت منحر نبي
نذكرك
كلما شفت رگبة وسهم
- - - - - - - - - - - - - -
مرات أگولن بالحلم يلفي وأشوفن صورته
وأغفه وأفزن شوگ الك يتچوه خدي بدمعته
يسألوني بويه شتنتظر واني أگلهم جيته
واترس حياطين الدرب اللهم عجل طلعته


مولاي
حتى أمي أگلها وتندعي بشيلتها
مولاي
طالت بزينب عمتك غربتها
لليوم
بيها عطر حرگ وسبي عبايتها


واعدني
حتى انتظر موعد الك
شتناطر
مو لسه يجري دم هلك
شيطفيها
مدخنة لليوم الخيم
- - - - - - - - - - - - - - - - -
والله اخاف من الحچي خافن يهيجلك جرح
مولاي عماتك تره ماذيهن هواي الرمح
رادن الليل ولا خلص ينشافن بذاك الصبح
مولاي عمتكم مره وشافت سبي وشتم وذبح


والنوگ
مابيها حيل على المشي وشالتهن
وازغار
من الهوادج وگعن وسحگتهن
أشلاء
جدك بناته للخيم وصلتهن


شحچيلك
شنسة وشسولف عالجرة
زينبكم
لاگت زلم وهي مره
اعذرني
بس ياكل بروحي الألم
- - - - - - - - - - - - - - - - - -
مولاي اشوفنك نهر عيب أحچي يمك بالعطش
بس حگي إذا أحچي عتب يوميه أنه بليل هدعش
چم وردة ذبلت بالخيم چم آه چم گلب نخمش
غالي ادري جدكم سيدي بگاع الرخص جسمة نفرش

وخيول
عشرة أعوجية الداستة وطحننه
والنار
مولاي داست بالخيم عالجنة
ميمون
رد وبناته بالبچي أتلگنة


من ليلك
گلي شوكت يطلع صبح
وأحچيلك
الراس لسه على الرمح
ننتظرك
يمته تجي وشايل علم

تمسح بمنديل دمعك ياحسين شكد ترف
عالرمح وانت بجمالك بس ذبلت من النزف

ياهوى بريتي واشمك مامتت انطگ وأحشمك
- - - - - - - - - - - - - - - - - - - - - - - - - - - - - -
الله لا يحرمني منك واني عالناگه أصيح
دوم أشوفك على طولك والكل يشوفك ذبيح
كلهم يگولون ميت واني أگولن مو صحيح
الحلوه بيك بلايه راسك وانت واگف ما تطيح


دوم أسولف وي بناتك هذا أبوچن هسه جاي
من يمسني الخطر والله دوم أحسنك وراي

فدوه اروحن اني لأسمك ما متت أنطگ وأحشمك
- - - - - - - - - - - - - - - - - - - - - - - - - - - - - -
من صعدت التل يخويه قصدي أزورك يلا أروح
أنضر لروحي وأگولن عفيه زينب بيها روح
ردت أمسح دم دم لحيتك الرمح عالي وما الوح
بگلبي الف وتسع ميه ياحسين من الجروح


سياطهم وجروح متني وكل جرح بيه سهل
من يسألوني على أخوتي هذا أبد ما ينحمل

ياجرح وبگلبي أضمك ما متت أنطگ وأحشمك
- - - - - - - - - - - - - - - - - - - - - - - - - - - - - -
هيبة الحرمه أخوها وهي لا أم لا أبو
خويه والطف كسر ضهري اخذ من عندي أخو
ضعني كلسا طبله ديره صار چن ضعن البدو
الفگد خمسه من أخوته يعرف بگلبي شكو

من وصلت محمد آني عيوني خويه محومره
يسأل السجاد أسمعه عمي بت من هالمره

كتله يمحمد أفهمك ما متت أنطگ وأحشمك
- - - - - - - - - - - - - - - - - - - - - - - - - - - - - -
سكنه ليليه تفز اتگول چا وين الحسين
انت ماهو چا شسوي وأنطي وجهي آني لوين
وداعتك مانام ليلي وابد ما تغمضلي عين
وحده أضمدلها حرگها وحده أنيمها بونين

شما ردت ياخويه أنامن وانسه بيتي من أشتعل
ارد واذكر جسمك النه بالحوافر من وصل

من الرمل جرحك يلچمك ما متت أنطگ وأحشمك
- - - - - - - - - - - - - - - - - - - - - - - - - - - - - -
فوگ سبيي وفوگ چتلك وفوگ ضيم الطف هذاك
كودن بزينب شمرهم بسوطه ضل يضرب شفاك
رغم ذيچ الحاله كلها واحنا يا خويه وراك
الراس يمشي واحنا خلفه يعني لسه أحنا بحماك


بطرف عينك تنضرلنه لو بعد بيك الرمح
الراس ما تگدر تديره خاف راسك ينجرح

بالأخير وداعة امك ما متت أنطگ وأحشمك

- - - - - - - - - - - - - - - - - - - - - - - - - - - - - -

عمه زينب وينه او وين السبي
واللهب جوعان اجه وياكل عبي
الساتر الله لويطب الخيمتي----خل اموت ولايجيس عبايتي
عمه زينب -------ساتر الله
__
طفله وسنيني كصيره بكد عباتي هم زغيره
وماعرف شنهو العذاب
اني ارق من الحمامه والدمع تارك علامه
بخدي من عضم المصاب
مذبحه كل ال غالب بطلت لا ما اعاتب
يأذي ابوي ادري العتاب
لروحي اكولن كلهه سهله عمتي زينب واني طفله
سولفتلي عله الحجاب

تكبعي للستر عمه بخيمتج
دير بالج عمه تنزل دمعتج
للسبي يرقيه احفضي وصيتي خل اموت ولا يجيس عبايتي
عمه زينب ساتر الله
__
حجابي شايل عفة الله واللهب يم بابي صلّه
عمه جن يطلبني ثار
عمه زينب بالي يمج عليج لو حركو خيمج
خاف تتجوه الزغار
خافن يهب هوه عالي وعله حرمات المعالي
من الجمر يطفر شرار
الينجوي بنار المخيم يبقه بالجويه يتحلم
والشمع حسباله نار

عمه ز ينب ياكل بروحي الضمه
من الضرب من متني يتكاطر دمه

وبحذر كضيت عمه شيلتي خل اموت ولا يجيس عبايتي
عمه زينب ساتر الله
__
نسوه نطلع والله زحمه واللهب ماعنده رحمه
جاع اجه ياكل خيام
عمه من وج بينه ناره وحنه اطفال وحياره
طلعنه نركض جن حمام
بالسبي لهاي الثواكل منين اجيبنه ابو فاضل
بالخطر ماضن ننام
عمه يازينب دخيلج طارش اليوصل كفيلج
انسبينه والسلام

الليل هين ساتر الله من الصبح
الحره من نضرات اجانب تنذبح

صارت من اسنيني اكبر حيرتي خل اموت ولا يجيس عبايتي
عمه زينب ساتر الله
__
لو صعدنه عله المحامل الدنيه خنكه بلا بو فاضل
منين اجيبنه هواي
وياه لو جنه ضمايه مانريد الشط او مايه
كصته تروينه ماي
عمه اصيحن عمي وينه بالشمس هسه انجوينه
رايته جانت فياي
ما انام الا عله ايده وجنت من اطلع وحيده
التفت الكاه وراي

من انام أوساده اليه اعمامته
ولو بردت اغطاي تصبح رايته

تغطي يرقيه يكلي برايتي خل اموت ولا يجيس عبايتي

عمه زينب ساتر الله
__
احنه ستر الله وحجابه وكربله ياعمه غابه
من الخجل كل سا نموت
كوم رجعنه لوطنه يابو فاضل الحك النه
يعثر عله الساني صوت
ماكو اغله من خدرنه وحته مايطلع سترنه
عالجمر عمه نفوت
تحاوطت بيه المنيه نبي وبهيئة رقيه
جيشهم بعيوني حوت


المصايب تاكل اسنين العمر
الكال اصبري منين اجيبنه الصبر
اتمنه اموت الدنيه موش ولايتي خل اموت ولا يجيس عبايتي

عنه زينب ساتر الله

__
حسين كاين

سلمت. لله الامر ----- خويه من ردلي المهر
خالي. خالي
----------------------------------------------------
حويه ششرح هنه كثره. والجروح هوايه
حاوطتني الناس وانه. تكبعت بالرايه
اطلعت. اصرخ. يكافل. ورد اكله حجايه
ردلي عوف الشاطي خويه. ما اريدن مايه

اكسف بعيني البدر-------خويه من ردلي المهر
خالي. خالي
-----------------------------------------------------
تعرف ششايل. ترافه انت كلب سكينه
صعبه من تسأل شجاوب عمه عمي وينه
اني ورقيه. بناته. والشمر حادينه
من بعد. ايديه اشوف. سياط توجي علينه

تعذبت وكت الضهر---------خويه من ردلي المهر
خالي. خالي
-----------------------------------------------------
رحت ليك بليل مدهم. خايفه يشوفوني
وما. أعلي صوتي ياخي خافن يسمعوني
خاف اجرحك يابو فاضل. ما كلت شنموني
ومن لكوني عليك ابجي. بالسياط. اذوني

صبن دموعي حمر---------خويه من ردلي المهر
خالي. خالي
-----------------------------------------------------
كلهه سهله والصعوبه. لمن يسألوني
ها يزينب وين اخوج بهالحجي اذوني
يالله كومي. يالسبيه. للسبي ينادوني
كلت هسه يجوني اخوتي. ما ضن يعوفوني

منين اجيبنه الصبر---------خويه من ردلي المهر
خالي. خالي
-----------------------------------------------------
اطفالي كثره يابو فاضل. تحترك جدامي
ياهو اطفيه ياهو اعوفه. خويه من ايتامي
تطحن. بكلبي. يكافل. ما. تهيد. الامي
ادعي ربي اني بجفاكم. ماتطول. ايامي

وكرهت حته العمر---------خويه من ردلي المهر
خالي. خالي
-----------------------------------------------------
جيت اطفي هدم سمكنه. ونجويت بناره
احنه بس نسوه ويتامه علينه شبو غاره
اني بين ا. لخيل خويه والخيم محتاره
صبري صبر ايوب. والله ما وصل معشاره

بدت أيام الهجر---------خويه من ردلي المهر
خالي. خالي
-----------------------------------------------------
صعدت عالناكه وصحتلك يابو فاضل وينك
كوم شوف. الصار بيه ولو طفو عينك
وبحوافر خيل عفته خويه هدم حسينك
وحته لو يبعد ضعنه. انضل. . متانينك

ما امل ابقه انتضر--------خويه من ردلي المهر
خالي. خالي
-----------------------------------------------------
جلمه بلساني. واكلك. هيه اخير عتابي
تطيح هاي الدنيه كلهه وما يطيح حجابي
واني بحبال الرزيه. جتفت سلابي
صار حته. يزيد هسه. يحسب اهو حسابي

بخدري انه عليه انتصر-------خويه من ردلي المهر
خالي. خالي
-----------------------------------------------------

وينكم ها يالهواشم وينكم
وين چف عباس وين حسينكم
------------------
وينكم يهلي يأهل صيت الچبير
كبار أدري وأنتو ما بيكم زغير
زغيرة بتكم أدري بيا هم تحير
يا بُعد هذا الي بيني وبينكم
------------------
ياهلي يل يمكم يأمن الدخيل
خل يجيني حسين لو عمي الكفيل
والله أقبل حتى لو فزعة عليل
گلوبكم تدري وتشاهد عينكم
------------------
الزغير البيكم يحب الثگال
معربين أهلي تره عم وي خال
يامن تگطعونها دروب الطوال
حتى لو موت وعلي متانيكم
------------------
ياهلي يأهل السيوف الباشطات
ما فرق عدكم سوى موت وحياة
ليش عفتوني اني من دون البنات
مني تنزل خاليه صواوينكم
------------------
يا هلي يل يمكم تهون الصعاب
ماشفت الكم أبد مسدودة باب
أنتو عنوانه تره وأنتو الكتاب
ياهلي العالم تدين بدينكم
------------------
ياهلي بتكم عليلة لا تموت
هي يونس والهجر صارلها حوت
صاحتلكم ما سمعتو منها صوت
هاي روحتكم توالي سنينكم
------------------
يابعد عمري وبعد شوف العيون
ردو ليه خاف تكتلني الضنون
كلشي أشوفه يگول أهلج ما يجون
ياهلي بنيتكم تتانيكم
------------------

الشاعر حسين كاين

يا بويه اترجاك. بنيتك خذني وياك
هجرك. يابويه. يأذيني
من يبعد طولك عن عيني

بنيتك خذني وياك
&&&&&&&&&&&&&&&&&&&&&&&&
يابويه ---طفله وتحاجيك. بألم
يابويه---حاجيني مو كلبي انجسم
يابويه---سمعني تره حيلي نهدم
يابويه---منهو يحمل حرك الخيم


ياجر خيل ونار. يابويه احنه ازغار

و نار ا لخيمه تجويني
من يبعد طولك عن عيني

بنيتك. خذني وياك
&&&&&&&&&&&&&&&&&&&&&&&&
حاجيتك ---ردتك الي بويه تصد
حاجيتك ---شجره اجه وكت البرد
حاجيتك ---لا تبتعد. لا تبتعد
حاجيتك ---تجرح احساس الورد


آه. او. آه. او. آه. شخصك يصعب فركاه

فدوه وللكوفه توديني
من يبعد طولك عن عيني

بنيتك خذني وياك
&&&&&&&&&&&&&&&&&&&&&&&&
من ترحل ---يتيمه انحسب ياذي اليتم
من ترحل ---ينكع تره بدمعي الهدم
من ترحل ---أبذكرياتي ابقه الم
من ترحل ---سوط الشمر ياذي العضم


تصور بويه الحال. زينب والاطفال

شمر وياهن يسبيني
من يبعط طولك عن عيني

بنيتك خذني وياك
&&&&&&&&&&&&&&&&&&&&&&&&

وديني ---للكوفه اريد احضر حرب
وديني ---جن عمتي مره ارد انحسب
وديني ---تعطش وقدملك. عذب
وديني ---ارقيه لو. سكنه. انحسب


باجر بالطف احتار من تلذع هدمي النار

وصرخ ياعمه انتي احميني
من يبعد طولك عن عيني

بنيتك خذني وياك
&&&&&&&&&&&&&&&&&&&&&&&&

انتضرك ---ابقه اتتضر ابقه انتضر
انتضرك ---تدري انت ياذيني الهجر
انتضرك ---خله يمل مني الصبر
انتضرك ---ماتسلم ادري من القصر


ما ريدنهه الروح. لو اشوفك مذبوح

تكصر يابويه اني اسنيني
من يبعد طولك عن عيني

بنيتك خذني وياك
&&&&&&&&&&&&&&&&&&&&&&&&
من بعدك ---عيني تصد نبله وطفل.
من بعدك ---يتزاحم بعمي النبل
من بعدك ---جفني دمه بويه يهمل
من بعدك ---وي عمتي اركب هزل


العسكر بيه احتاط. بمتني تلوح سياط

يا مسلم بنتك حاجيني
من يبعد طولك عن عيني

بنيتك خذني وياك
&&&&&&&&&&&&&&&&&&&&&&&&
دمعاتي ---تصرخ يمسلم رد الي
دمعاتي ---وكلي حميده تتدللي
دمعاتي ---نزلن يبعد اني وهلي
دمعاتي ---ترضاهه يابويه انولي


بالطف بويه انخاك. وندب ردلي هناك

وبدربك ياهو يدليني
من يبعد طولك عن عيني

بنيتك خذني وياك
&&&&&&&&&&&&&&&&&&&&&&&&
ما ريدن ---عكبك اشم هذا الهوه
ما ريدن ---عمري وجنت ليه الضوه
ما ريدن ---عكبك تره كله انطوه
ما ريدن ---حين الرحت حيلي هوه


لو جلجل فوكي اليل ما ضل عكبك حيل

بس آه الما بينه وبيني
من يبعد طولك عن عيني

بنيتك خذني وياك

&&&&&&&&&&&&&&&&&&&&&&&

أسد يرهب جبل واگف صگر وكر
أبو فاضل نزل موت وغزة العسكر
- - - - - - - - - - - - - - - -
مثل أمر الله هد ما گدرو يردوه
من عنده ايسو بالمال أجو يغروه
چبير الگوم گلهم روحو إله حاچوه
گلولة تعال وعوف أبو الأكبر

عباس نطلبك بالخوله
- - - - - - - - - - - - - - - -
حگ الخوله كون تصير ويانه
گلهم والله ما تسوولكم عانه
يبعد أهلي تحزم وأچنف أردانه
وگام على الجحافل ذيچة يتبختر

خل يلفي الداعاني بخوله
- - - - - - - - - - - - - - - -
اخوي حسين آني واني ابوي حسين
وخالي حسين آني وبيه إله ثلثين
وعلي گد ما چبير گباله ما صد عين
وعلي آني الچبير گبالة حيل أزغر

مدنگ يلا أحچي حچايه
- - - - - - - - - - - - - - - -
دخل ليهم قسم چن توبة المصحف
ومثل گصصصهم إلا رياگهم تنشف
اللبده مراجل دونه تتوصف
على ملاگة أبو فاضل منو يگدر

واحتارو بيش يردونه
- - - - - - - - - - - - - - - -
حيرة ليا نويه ليا جهة يشردون
وره كل نخله گامو أربعه يلبدون
گلوله دجيب أطفالك يشربون
وإذا صابك يبو فاضل زعل أكثر

للخيمة الشط أحنه نجيبه
- - - - - - - - - - - - - - - -

قائدهم أجاه ودنگت عينة
يبو فاضل وحقك ما جه بيدينه
وإلا غلطه للطف ياگمر جينه
غلطة وما اضن عباس تتكرر

وتراب الطف غلطة ندوسه

ألتمو حبيب وربعه وكلمن محضـر درعـه
واحــــــد يفزع الثاني ويشجع بيــه
عباس ينطي چفوفه وأحنه نضاهيه
ألتمو حبيب وربعه
- - - - - - - - - - - - - - - - -
حَزمة زلم يمكن أقل من سبعين
ينكشخ بيهم أي لأن ربع حسين
گالوله يحسين وعلي وشوف العين
دون المخيم أحنه باچر ميتين

فشله شنگله لعودك لـو زلمة يـــــــدنه حدودك
لو عاتبانه احنــــه شنريد نحاچيه
عباس ينطي چفوفة وأحنه نضاهيه
- - - - - - - - - - - - - - - - -
لازم نضـــاهي بالــوفه عبــــــاسه
وكدام أخيته بينه يرفع راســـه
يا فشلة الفشـله ونخيّـب أحساسه
خدر أخته لو شر النواصـب جاسه

نتسابق على الزينة ولا تبچي بنته سكينه
حگ صحبته ولازم الحگّ نوافيه
عباس ينطي چفوفه وأحنه نضاهيه
- - - - - - - - - - - - - - - -
أتحزمــو وكت الضــــهر وترايـــــــو
وبمخيم حسين الصديج أحتاطو
فرشـو عبيـــــــهم عالتراب وباتـــو
ينطــرون ضلـــو عالخيـم ما نامـــو


صيّح حبيب بصوته وحـده تراهـا المـــــوته
مــــــاي الوجه يم الحسين نبـــــديه
عبـاس ينطي چفوفه وأحنه نضاهيه
- - - - - - - - - - - - - - - - -
ناده حبيــب ومنــه رف الشـــــارب
گبل الهواشــم باچــر أحـنه نحـارب
وباچـر أصيرن شاب أنـه مو شايـب
حسين حـگ وعالحـگ أحنه نطالب


مربع نرد بي حگنه لو هايه لو دنگنه
حگ الزلم فشله الزلم من تنطيه
عباس ينطي چفوفه وأحنه نضاهيه
- - - - - - - - - - - - - - - - - -
ربع الحسين ومنهو إله يسبگنه
أي عاشگينه وهو هم عاشگنه
لو موته دونه لو قسم دنگنه
چا ألمن ديار ونسه طلگنه

كلشي حرام علينه لو ما نحامي سكينه
مقصرين وياه برگب بس نفديه
عباس ينطي چفوفه وأحنه نضاهيه
______
الشاعر حسين كاين

عيني تغفه وعينه بليل تحرس بخدري
چنت من اريدنه يگول يا بعد عمري
- - - - - - - - - - - - - - - - - - -
دوم انحسد مهيوبه بي بين الناس
كفالي ظرغام وغيور وحساس
لو ردته يلفيني بعجل هابط راس
ويگلي الج فدوه يروح العباس

فدوه الج خويه العين والجف ونحري
چنت من اريدنه يگول يا بعد عمري
- - - - - - - - - - - - - - - - - -
أم آني إله وأخته أخوي الوفاي
أعطش وأجي لگصته ارتوي منها ماي
يگضي الوكت يم خيمتي رايح جاي
ويگلي يا زينب تره أنتي هواي

هواي من احسبج يأم عون ويعرف قدري
چنت من اريدنه يگول يا بعد عمري
- - - - - - - - - - - - - - - - - -
هيبة علي و وگفة علي وهم ممشاه
مرات أگله بويه من أمشي وياه
مثل الصلاة صاير الي شلون انساه
حارس خيم زينب علي من رباه

مبيض وجه أمه وياي واكف بضهري
چنت من اريدنه يگول يا بعد عمري
- - - - - - - - - - - - - - - - - -
ما چنت اضن كفالي من أيدي ايروح
متعوّده يگلي انتي يا بعد الروح
من الناگه وانضر جسمة بس دم وجروح
راح وي أخيته يباري راسه المذبوح

من اتعثر بيه النوگ ينادي يا كسري
چنت من اريدنه يگول يا بعد عمري
- - - - - - - - - - - - - - - - - -
يا حسرتي ويا هضمتي ويا بلواي
كفالي انه شكبره وخذه مني الماي
ما فارگاني ودوم أخيي وياي
هسه التفت محد وگفلي لحماي

بلايه طوله بنص گوم تحيرت بأمري
چنت من اريدنه يگول يا بعد عمري

عباس تعرف فرگتك مو سهله
وهوايه أنه بروحي حچي وتندله

ياغيث نازل وآني روحي الصحرة
كسر الخواطر يا كلام يجبرة
ياخويه شينشف أدموعي الحمرة
يا رحلتي بدونك أبد ماتحله

جنت بزغر وتگلي أخيج فارس
دون الخيم باچر أصيرن حارس
لحب الحسين أنت المعَلِم عابس
علمته حبه وصيته بيك اتعله

مو آنه اليمرني العطش مو آنه
من گصتك أروه إذا عطشانه
گد فضلك عليه يخي خجلانه
الينطي فضله لچف كريم يخجله

راچبها عريانه وتجوح الشگره
يالتارك وجوه العساكر صفره
الگهوه مُره وصولتك هم مُره
ريج اليبس منك نهر ما بله


سبعين ألف كلهم طواهم سيفك
أتشتتو والراي صار بكيفك
حالف تذلهم حتى تاخذ حيفك
وحيفك صعب زلمه بحرب يوصلّه



سبعين ألف يمك اعدهم وآحد
بس أنت جيش انت وجنود وقائد
وآجف أشوفك وانت طولك گاعد
يابعد أخيتك فرگتك مو سهله

موادع والكلف طاح لمن وادع أخته
الما يهتز من الموت محني گبالي شفته
كتب بآخر وصيه زينب تسوه أديه
لمن وآدع أخته
_________
ياسلام الله على أخيي أبو فاضل
الوادم تشوفه مقاتل وآنه كافل
الحلوه بس حسين وآني بگلبه شايل
شكد بيه وفه العباس بعد روحي وبعد خدري
من الخيمة وأسمعه يصيح زينب يا بعد عمري


بچفة شايل الماي من اتذكرني ذبه
واحد لكن هواي جيش من ارد احسبه
بس چفه سريه زينب تسوه اديه
_________
بروحة شايلني ولا مره نساني
فارس وطاح و وگف من ودعاني
ودعاني وآني مو زينب لگاني
متغيرة ولا لي لون من ودعني ابو الغيره
طاح وحيلي ويا طاح من حيرة أنه لحيرة

حطني بروحة عباس كفيلي شكد يحبني
ماي بگصته أم عون لا حاشا يذبني

ساكن هو بيه زينب تسوه أديه
_______
والله ما قصر أخيي بالكفاله
تبده جوده وخله مي عينه بداله
وكاتب بجرف النهر أجمل مقاله

كاتب عالنهر عباس لزينب توكع عمايم
مادام العقيله بخير موتو يا بني هاشم

أخوانچ دونچ تموت يام عون أطمأني
حسينچ ضلعه يفداچ وآني چفوفي ذني

قبليهن هديه زينب تسوه اديه
_________
من أصيحة أبو فاضل يبو الغيره
وهو جان يگلي يالزهره الزغيره
والله لو مو هو ما طبّلي ديره
لون مو كافلي وياي مالي لكربله جيه
يگلولي على العباس هنيالچ يعلويه

عباس الوفي الجان كل همه على خدري
جانت أمنيه يروح فدوه لعمره عمري
ياراعي الحميه زينب تسوه أديه
لمن وآدع أخته

________
وفّه كفالي يعالم والله وفّه
أستحة مني وشمر عالشاطي چفه
أمتعيني أعتذر مني ولاگه حتفه
من گد الوفه الي بيه مچتول وعَلَي ينحب
طاح وللحسين يگول كلشي ولا عطش زينب

آخر كلمة لأم عون وصلي سلامي
گلها ويه الزند طاح يالحرة. حسامي
آخر كلمة ليه زينب تسوه أديه
لمن وآدع أخته

يالغايب
الكم چتل تطلبلة دم
يالغايب
لعمتك مچوي الجدم
مو لله
صار الحكم بيد الصنم
- - - - - - - - - - - - - - -
أنلملم دموع العتب ونتنطر المغرب يمر
مولاي شنسولف بعد وسوالف الطف شكثر
گلوب التتانيلك تحن والمشكلة ماكو صبر
نبدي نلملم بالحچي لو صوفرت شمس العصر

وياك
درب العتب ما ينگطع لو عاتب
وعليك
الله وكيلك هم شعر ماكاتب
محتار
يا قافية الترهم على الي غايب


نذكرك
كلما يمر عاشر سبي
نذكرك
كلما شفت منحر نبي
نذكرك
كلما شفت رگبة وسهم
- - - - - - - - - - - - - -
مرات أگولن بالحلم يلفي وأشوفن صورته
وأغفه وأفزن شوگ الك يتچوه خدي بدمعته
يسألوني بويه شتنتظر واني أگلهم جيته
واترس حياطين الدرب اللهم عجل طلعته


مولاي
حتى أمي أگلها وتندعي بشيلتها
مولاي
طالت بزينب عمتك غربتها
لليوم
بيها عطر حرگ وسبي عبايتها


واعدني
حتى انتظر موعد الك
شتناطر
مو لسه يجري دم هلك
شيطفيها
مدخنة لليوم الخيم
- - - - - - - - - - - - - - - - -
والله اخاف من الحچي خافن يهيجلك جرح
مولاي عماتك تره ماذيهن هواي الرمح
رادن الليل ولا خلص ينشافن بذاك الصبح
مولاي عمتكم مره وشافت سبي وشتم وذبح


والنوگ
مابيها حيل على المشي وشالتهن
وازغار
من الهوادج وگعن وسحگتهن
أشلاء
جدك بناته للخيم وصلتهن


شحچيلك
شنسة وشسولف عالجرة
زينبكم
لاگت زلم وهي مره
اعذرني
بس ياكل بروحي الألم
- - - - - - - - - - - - - - - - - -
مولاي اشوفنك نهر عيب أحچي يمك بالعطش
بس حگي إذا أحچي عتب يوميه أنه بليل هدعش
چم وردة ذبلت بالخيم چم آه چم گلب نخمش
غالي ادري جدكم سيدي بگاع الرخص جسمة نفرش

وخيول
عشرة أعوجية الداستة وطحننه
والنار
مولاي داست بالخيم عالجنة
ميمون
رد وبناته بالبچي أتلگنة


من ليلك
گلي شوكت يطلع صبح
وأحچيلك
الراس لسه على الرمح
ننتظرك
يمته تجي وشايل علم




الشاعر حسين كاين

صارت يتامه ستوها الأيتام
الچانت يبويه بفيك تنام
طلعو يدورولك دوه يالضايگ عليك الهوه

- - - - - - - - - - - - - - - - - - - - -
انت يا رزق اليتامه الهم انت ام وأبو
من بعد حضنك يحيدر ما اضن يحصل دفو


تبقى على جيتك تربي العيون
وي زينبك يا بويه يبچون

دمعي وي مدمعهم سوه يالضايگ عليك الهوه
- - - - - - - - - - - - - - - - - -
التمو وصلو جماعه ايتامك الكلهم حزن
ودعو ربي اشفي جرحة المنه ابونه ضل يون


يدعون كلهم بويه عالباب
ياربي اشفي جرح ابو اتراب
وي الدعا گلبي التوه يالضايگ عليك الهوه
- - - - - - - - - - - - - - - - - - -
ياعلي كلساعه منهم عنك آني أنسأل
انتي يازينب مثلنه هم أبوچ المنچتل


يسألوني بويه جرحك يطيب
لو لا يبويه وعنهم تغيب
بدموعة كل خد أنچوه يالضايگ عليك الهوه
- - - - - - - - - - - - - - - - - - -
شتحمل بنتك يبوها مو سهل تدري الوضع
اليوم هامه الها طبرو وامس مكسور الضلع


من أمي گلبي لسه ملچوم
وچملني جرحك ياعلي اليوم
شط الحزن مني أرتوه يالضايگ عليك الهوه
- - - - - - - - - - - - - - - - - - -
الشاعر حسين كاين

https://whatsapp.com/channel/0029VaLJJWhJJhzVgq32HA2g

قناة الشاعر حسين كاين
على منصة الواتس اب

ياعلي أكتب وصيتي بالأنين
لأبني عباس وأبن أم البنين
وصيتي ثاري المو سهل ويبره زينب عالهزل
-----------------------
الما هاب النبي الله عَلَيْ شاهد
أكيد براسة ضل لسه الصنم كاعد
لقبهم بالصدق بس ما صدق واحد
ولون مو سيفك اقسم ما بشر ساجد

والله ياحيدر لون مو ذو الفقار
چا محمد والله ما گالوله صار
وخالفو قول وفعل ويبره زينب عالهزل
-----------------------
الثلاثة ياعلي حقهم يكرهوني
بلا دين وأنه أسلام شافوني
ماعدهم شرف وحجاب يقروني
لذلك ياعلي على الباب عصروني

واضحة الفكرة على ضلعي تستند
ما تجل فاطم الأتقدس هند
يجري بدماها القتل ويبره زينب عالهزل
-----------------------
اريد اكتب وصيتي آني ويهل دمعي
ما خطها بحبر لا من دمه ضلعي
شيضل بيه ويجي صوت بترس سمعي
لن زينب تگلي فاطمة رجعي

شيبقى بيه ياعلي وزينب تنوح
والله من اسمعها تطلع مني روح
فراگ أُم ما ينحمل ويبره زينب عالهزل
-----------------------
لعباس الوصية تنقل أحزاني
وأگله ثاري يُمه برگبة الثاني
إذا تتنخه زينب گلها خويه آني
ألچ فدوه يزينب ذني ذرعاني

گلها فدوه لشيلتج هاي الحياة
باچر چفوفي أذبها على الفرات
أمنيتي دونچ أنقتل ويبرة زينب عالهزل
-----------------------
باچر يوگف بباب الخيم حارس
عابس واحد وهوه ألف عابس
لحسيني أريده خادم وفارس
عد أم البنين على الوفه دارس

بسيفة كون الطف يدوخ وينگلب
ويسأل منين الرجل هذا الصعب
عن افعاله ينسأل ويبره زينب عالهزل
-----------------------
الشاعر حسين كاين

نعصرت ولحسين دارت عينها
بهالمصيبة شگال گلب حسينها

بحضن أمه حسين متعود ينام
طير هو وهي عش مالت حمام
تشاهدت أمه وهو گال السلام
أيتام باچر أي ثلاث أبنينها

مثل كسر العود مكسور الضلع
وباجر الحالة يسولفها الدمع
من أريد احسبها انه كسر بجمع
رحمة الله باچر مچفنينها

أملاك الله تلوذ يا يمه وراچ
حين چف شيطان بالنار أعتناچ
علي حماي الحمية وما حماچ
ويعرف الكسرة يأذي ونينها

نعصرت بحظرة علي و وضح النهار
الموت اجاها وعينها بعين الزغار
فوگ كسر ضلوعها چوتها نار
ياهي هي ومنهم  مچوينها

طالت بزينب نضرها وهذا سر
و ودعتها  بچلمه  يا  أُم ألستر
آني بالثاني أبتلي وأنتي بشمر
سياط مثل سياطي وتشگفينها


التمت وي أطفالها وگعدو سوه
بينهم   يستاذن   يفوت   الهوه
گالو  نريد  لكسر  ضلعج  دوه
يالحنينة ضلوعچ مكسرينها


الموت اجاها وگلب الحسين أنثلم
ويلي صلت  كاعده  الضلع  أنهشم
ختنگت  التكبيرة   من  كثر  الألم
ألم  بي  تبني  رادت  دينها


وگف ملچ  الموت  يمها  ومستحي
وگلب زينب حنطة تطحن بي رحي
وبسجلها  ماكو  دمعة  تنمحي
اي لأن چوه الدمع جفنينها


. الشاعر حسين كاين

آني امس واليوم ما مرتاحه
       وأدري باچر دم فجر مصباحه
موت أمي ما محسبه ببالي
      مامفكره أيتيمه أصيرن تالي
- - - - - - - - - - - - - - - - - - - - - -
لاچمني گلبي آني من أمس   وملتهيه روحي بروحي
ومتأكده ماتطفه بنهر   من توج نار جروحي
يتراولي باچر اكو    شي  منه يبدي نوحي
ومن عنده يبديلي جرح   ولحد جرح مذبوحي


ريت باچر الله ابد لا جابه
باچر ويه بليس عدنا طلابه

موت اعز الناس يتراولي  ما مفكره أيتيمه اصيرن
- - - - - - - - - - - - - - - - - - - - - -
باچر الباطل يعتدي   والحگ أشوفه مچتف
وبباب بيت أمي أضن  ينشگ جلاد المصحف
كل وردة باچر تنگطع  وماي الگصص هم ينشف
ببيت الله ينشب الحطب ومو علي بدينه مكلف


باچر أوراق الصدگ مشگوگه
وهبل يرجع والصحف مطبوگه

باچر سنون الدمع تبرالي
                ما مفكره أيتيمه اصيرن
- - - - - - - - - - - - - - - - - - - - - -
باچر شكو بليس يهجم   لبيت الله يحرگ بابه
والگالو أصحاب النبي  أعدائه مو أصحابه
والمالهم عِرفه بحطب  شو أصبحو حطابه
واليندعي بصدقه طلع   سيد على الكذابه

         صحبه مغشوشه أبد مو صافيه
         وكسر  ضلع  أمي  دلائل  كافيه
وصت الثاني أهو چتالي  
           ما مفكره يتيمه اصيرن تالي

- - - - - - - - - - - - - - - - - - - - - - - - - - - - -
من دگو الباب أطلعت   عفه ومهابه وشاره
وطولي ملائكة السمه   تتلاوذ بأكتاره
ادري بعلي باب الله أهو  وحسبالي أجو خطاره
ما ادري أجه الثاني ألي  وببابي يشعل ناره


يصيح مو الله ونبيه براسي
لسه  أنه  اعبد هبل ماناسي
يضل هبل عند السقيفه غالي
مامفكره يتيمه اصيرن تالي
- - - - - - - - - - - - - - - - - - - - - - - - - - -
كل ورده باچر تنگطع    حتى الوفه يتيتم
وبالباب والحايط بقى    لسا أثر  من  الدم
شيقنع حسيني متت   وهو على حظني معلم
ومن بعدي زينب أدري أنه  من الشمر ماتسلم

            يتيمه صارت والسبي جدامها
            تحير  باچر  من  تلم   أيتامها
تدور وماكو أخو ولا والي
                     مامفكره أيتيمه أصيرن تالي



___

الشاعر حسين كاين

أدري وحدس بضنوني وچنت أعرف يعصروني
يكرهون كلشي أسمه أحجاب ومحجبة يشوفوني
- - - - - - - - - - - - - -
الله خالقني وخلق كلشي لحجابي
والكتاب النزله لعودي كتابي
حوت يونس مرض أيوب بثوابي

آني بسملة وتصديق وآني فحوى كل آيه
وسيلة كلشي بالقرآن آني وآني الغايه


رحمه الله من نزلني والثاني أجه يجهلني
يجهلون باب الله منين ذوله تره الجهلوني
- - - - - - - - - - - - - - - - - - - -
بالصلا وأندگ ألي بابي وگمتله
جان كل ضني فقير وگتله سهله
أعصروني وأنعصر دين الله كله

حسبالي يتيم وجاي رايد خبزة من حيدر
ما حسبالي چف شيطان يعصر صورة الكوثر

العصرة ما أذتني كلمة وإن كتلتني
عصروني حيل على الباب وأطفالي أنه يشوفوني
- - - - - - - - - - - - - - - - - - - -
دفعو الباب و وگع طفلي ويه دمي
وأجه حسين يصيح بيهم عوفو أمي
ومن شفت دمعات زينب هذا همي

گامو كل مسه يصلون سويه وبفرد دعوه
يارب رجع الزهراء وأخذنا أبدالها فدوه


وحيدر يشوف بعينه والمشكله موصينه
الله يعينه لبلواي ويشوفهم كتلوني
- - - - - - - - - - - - - - - - - - - - - __
أنكسر ضلعي وگرب ليه مماتي
لا أبد متبدلت والله صفاتي
دمي يجري وما عگب فرضي بصلاتي

من طب ليه عزرائيل أصلي وساجدة الگاني
من زينب خجل وحسين أكمل فرضي خلاني


مايرضه ياخذ روحي حيل أستحة من جروحي
أقتنع بولادي زغار مو مالت يودعوني
- - - - - - - - - - - - - - - - - - -
تشاهدت وگبالي أنه وگفو بنيني
فوگ ضلعي شاهدوها حمرة عيني
من ألم كسري صحت فضه سنديني

ضلعي وخاطري مكسور لچن ما بيّنت كسري
متت وحسين أسمعة يصيح يمه يأ بعد عمري


كسر الضلع ما همني لا لا ولا يألمني
الصعبة ولدي اليبچون حيل وعلي بچوني



#الشاعر_حسين_كاين