حسين البغدادي - hussein Al-baghdadi

@hussein_albghdadi

•القناة الرســمية على التيلغرام ✔️
- official chaneel ♻️
•للشاعر والملحن : حسين البغدادي

حسين البغدادي - hussein Al-baghdadi (Arabic)

تقدم قناة حسين البغدادي على تطبيق تليجرام محتوى مميز ومثير يلبي احتياجاتك اليومية. تمتع بمشاهدة أحدث الفيديوهات والصور، واكتشف المعلومات الحصرية التي لن تجدها في أي مكان آخر. تابع حسين البغدادي لتكون على اطلاع دائم بكل جديد في عالم الترفيه والثقافة. مهما كانت اهتماماتك، فإن هذه القناة ستلبيها بشكل مثالي. لا تفوت الفرصة للاشتراك والاستمتاع بكل ما تقدمه حسين البغدادي. انضم اليوم وكن جزءاً من هذه المجتمع الرائع!

حسين البغدادي - hussein Al-baghdadi

01 Oct, 18:57

https://youtu.be/G0qnBOdukag?si=rRq_6yn4MvWzKTIu

615

حسين البغدادي - hussein Al-baghdadi

25 Sep, 13:47

https://youtu.be/kWlnonMoy4E?si=iXICL5RieFK2wRc1

691

حسين البغدادي - hussein Al-baghdadi

16 Jul, 00:51

ساعات يتفرگ شملنه
ساعات ويطشرون اهلنه
ساعات وتروح المحنه وهاي هيه
@@@@@@@@@@@@@@@@@@@
اقره بوجهو الاحبهم دمعه دمعه
اصياح بين اكلوبنه ومحد يسمعه
اليله اخوي حسين شو مختلف وضعه
ساعة يفرك نحره ساعة يكض اصبعه

عطشان بس خايف عليه
عطاش ويهم برقيه
عطشان ويگلي خطيه
@@@@@@@@@@@@@@@@@@@@@@@
عمت عيني شلون محتار ابوفاضل
هاي اول مره اشوفن دمعه نازل
يدري باچر راح نبقه بلايه كافل
باچر يركبون زينب على مهازل

ويروح وفارگه مصيبه
وحسين مايكدر يجيبه
باچر يسموني غريبه شلون بيه
@@@@@@@@@@@@@@@@@@@@@@@@
باچر اگبالي يذبحون العشيره
باچر يطيحون خيمتنه الچبيره
ابو الغيره ايموت والماعنده غيره
يوگف اگبالي ويسميني اسيره

ويصيح اذبحوهم شماته
وحسين مسبيه خواته
وذابحه ياخذ عباته الهاشميه
@@@@@@@@@@@@@@@@@@@@@@@@
النار گبل الخيل تتعنه الخيمنه
وعلى نهر مذبوح كافلنه وعلمنه
الخوف من بعده يطشرنه ويلمنه
بلايه روس اعلى الارض نامت زلمنه

ماادري وين اعيوني تندار
والخيل داست فوگ الزغار
فوگ العبي تتلاعب النار شبديه
@@@@@@@@@@@@@@@@@@@@@@@
هذا امر الله وعليه احنه مشينه
حسين باچر بسيوف مگطعينه
وراس عبد الله الزغير گاطعينه
برمح وگبال امه باچر رافعينه

لاصايره ولادايره وياي
يموت النهر عطشان للماي
ميته عساني وعمت عيناي المنيه

حسين البغدادي

1,289

حسين البغدادي - hussein Al-baghdadi

14 Jul, 02:29

شيخ الشباب ابكربله-
اية علي والمرجله -هله هله يجسام
@@@@@@@@@@@@@@@@@@@@@
نزل فاتح اچفوفه مگابل الموت
هله بقاسم الغيره الهاشميه
ابن المايرجع واحد ابيوم
بس رجع زلم صوب المنيه
هذا الناطق الفارس
العد راعي الزلم دارس
ومحد يكدر ينافس الغيره الحيدريه
ربيب الكافل القائد
بركضات الزلم كاعد
واحد والعرب واحد بيوم الغاصريه
@@@@@@@@@@@@@@@@@@@@@@@@
هذا ابن النفير العام لو صاح
غضب من السمه بچفوفه نازل
المكسر جملها وحارگه بنار
اوليد الحسن ديوان المراجل

المشمر حمايلها
يشدها ويرجع يحلها
مثل عباس كافلها وسلطان الكوافل
هذا القاسم القاسم
اضهور العاركت هاشم
قائم بل حرب قائم رايت نصر شايل
@@@@@@@@@@@@@@@@@@@@@@@
طلع فارس احلام الغيره والسيف
وين اتصير چان ابروحه جاهز
بل قاده تعنت غايره الخيل
ورجعت شايله اسيوف وجنايز

روس اتبوس رجليها
زلم مانعرف اشبيها
ابن الحسن طب ليه وهوه الوحده فايز
ازغير تكبر افعاله
ردم رادم الخياله
سيفه اليوم يحلاله عبر كل الحواجز
@@@@@@@@@@@@@@@@@@@@@@@@
عمامه يباعون بكربله اشصار
شسوه ابن الحسن من طب عليهم
بديه شايل وصيه وسيف سطار
خله اسيوفهم تختل بديهم

لزم كربله شبگها
التطلع روسها يدگها
الماجذبها صدگها موت احمر يجيهم
لبدو بل خيم ساعه
وكلمن چتف اذراعه
بطف سوه طرگاعه نهر ثاني بچيهم
@@@@@@@@@@@@@@@@@@@@@@@@
شباب حسين محد گال عطشان
احله من العذب گالو عطشهم
فدوه الزينب اتوذرو عل كاع
خدر الهاشميات بنعشهم
واحد گال لثاني
يوم الملگه ميداني
ال بسيفي على الساني بعد ثورت حربهم
طيور الحره طبوها
بسم عباس گلبوها
جو الخيم خلوها يدگ صافي گلبهم

حسين البغدادي

1,150

حسين البغدادي - hussein Al-baghdadi

11 Jul, 02:54

مسلم موقف واضح مكانه
مابين الوفه وبين الخيانه

اهل الدنيه عافوو- وهل الجنه نصرو

يخلص كلشي مايخلص زمانه
@@@@@@@@@@@@@@@@@@@@
مسلم اول صدك چان بناس جذبه
الدين عدهم على احبه ومااحبه
عدهم الطاغوت رايه وجيبه كعبه
كلمة طيبه وطاحت ابنص المسبه

يعرف كلشي چان بهل مدينه
الكاسر بخته والمكسوره عينه

ناس اتنزل الروس حتى اتعلي الفلوس
يخلص كلشي مايخلص زمانه
@@@@@@@@@@@@@@@@@@@@@@@
الكوفه سوگ مرخص انواع الضماير
بيها بس شيعة علي مبدئها حاضر
على مصالح ناس ماعدهم مشاعر
زلم عل دينار بياعت مناحر

الله يعين مسلم على يشوفه
اليدور مصلحه لازم يعوفه

دين وبل دنانير كلشي العدهم يصير

يخلص كلشي مايخلص زمانه
@@@@@@@@@@@@@@@@@@@@@@
ثورة مسلم ثائر وشاهر حسامه
على التبني اقصورها امال اليتامه
على الماتعرف شنو معنه الكرامه
التخدم المخمور وتعادي الامامه

ثورة فقره ضد اصحاب القصور
هاي كربله وكل يوم عاشور

ثار النصرة الدين بسم رب المساكين
يخلص كلشي مايخلص زمانه
@@@@@@@@@@@@@@@@@@@@@@@
جاهد اصاحب الوجوه الفوضويه
الحاربو حيدر وحبو ال اميه
ناس همهم هذا الك لو هذا اليه
كفرو بدين الله ذوله الجاهليه

ابوطاهر طلع والشيعه وياه
وكلهه بصوت واحد واحسيناها

ارجع كله مولاي مابيهم الوفاي
يخلص كلشي مايخلص زمانه
@@@@@@@@@@@@@@@@@@@@@@
بغضاً بحيدر علي ودينه وفقاره
طاح مسلم رايه من قصر المناره
نلچم كلب حسين من هاي الخساره
ابوطاهر بدمع ماتطفه ناره

شيهد الثوره والحب والعقيده
رفع لحسين گلبه وشالها ايده

مات وفاتح اعيون شلون بحالك اشلون
يخلص كلشي مايخلص زمانه

حسين البغدادي

1,179

حسين البغدادي - hussein Al-baghdadi

10 Jul, 16:14

الزلم ومهم الك فدوه
يبو اليمه يبو الخوه
الك يحسين الك
@@@@@@@@@@@@@@@@@@@@
يروحي ادگلك ادلل قبل هذا الامر
خوالي اولادي والاولاد الك فدوه ونذر
اخوتي ازلام فوگ اليل غاد من الفجر
حرام القارن العباس بفعال الشمر
اخو زينب وابن حيدر
اعلى اعيون الوفه يكبر من ابو الحسنين الك يحسين
@@@@@@@@@&@&@@@@@@@
جبتهم روس يم جدمك ووزعهم هله
بحلات اعيونهم تمشي امينه القافله
يسئلوني وگللهم چبيره المسئله
انه اولادي مشو غيمه مطرها بكربله

ترف غيره شواربهم
يموتون امن عاتبهم فدائيين الك يحسين
@@@@@@&@@@@@@@@@@@@@@@
امطوگ ياضعن هاشم وجهك مطلعه
وولدي الاربعه لزمو جهاته الاربعه
يبو اليمه التعب بيهم ابد ماضيعه
وبسم ام البنين اهناك سجلو المشرعه

قبل ماتوگع اچفوفه
النهر ميت اعلى اجروفه وسهم بل عين الك يحسين
@@@@@@@@@@@@@@@@@@@@@@
عگد بشيله ودموعي خذت درب السمه
العين المابچت لحسين صاباها العمه
عزيز انته عسه بروحي ولامرك ضمه
اذا ماضحي بولادي شگل الفاطمه
اخذهم للذبح كلهم
والك فدوه تروح امهم زلم كلفيين الك يحسين
@@@@@@@@@@@@@@@@@@@@@@
تره الزينب اجه العباس ماصاير الي
اذا موعلي يكفلها ابن حيدر علي
شتگول ام عون كافلها يگلها ادللي
هوه الحامي والوفاي والزينب ولي

اخوها وهوه حاميها
يموت ومايخليها وبعد چفين الك يحسين

حسين البغدادي

1,072

حسين البغدادي - hussein Al-baghdadi

09 Jul, 21:38

سلام عليكم اخوان الشاعروالملحن حسين البغدادي يمر بوعكه صحيه لاتنسونه بدعاء وان شاء الله يواكب ليالي محرم

949

حسين البغدادي - hussein Al-baghdadi

09 Jul, 13:28

@@@@@@@@@@@@@@@@@@@@@@
ياويلي ياويلي راحو اهلنه
ياويلي ياويلي- بذيچ المحنه

احچي وحدي وعيني تبچي والدرب خالي الدرب
باسهل مافارگتهم هسه انه بحالي الصعب
گلبي مدري شلون ينبض- وينكم يهل الگلب
خايفه من اعيوني تعمه- وانه يم وادم غرب

ياعيني ياعيني مطول حزنه
ياويلي ياويلي- بذيچ المحنه
@@@@@@@@@@@@@@@@@@@@@
اعيوني مهجومه بدمعها- وكتب بخطي العدل
وعمري حطيته برساله وماردت بس الوصل
مااضن عدكم ابنيه من المرض ماتنكفل
وانتم ارجال المواقف - ماهدل بيكم حمل

خلوني وياكم- يلتم شملنه
ياويلي ياويلي- بذيچ المحنه
@@@@@@@@@@@@@@@@@@@@@@
ابلاسگف يابيت اهلنه- والشمس راس ابرمح
هوه ليل بلا بوفاضل-لسبي يطلعه الصبح
اگلوب محروگة بخيمها- وروس طلعت للذبح
ياضعنكم ياسفركم- جرح ويحب الملح

ضلت عيليلتكم ونه اعلى ونه
ياويلي ياويلي- بذيچ المحنه
@@@@@@@@@@@@@@@@@@@@@@@@
وحشه يادار الهواشم- والمضايف مظلمه
گمت اسميها المصايب- مثل اسمي فاطمه
خايفه ومرعوبه وحدي- وانه بت حامي الحمه
اعيوني مو بفراشي تغفه- تغفه بنجوم السمه

وانه ادري هل سفره- مابيها ضنه
ياويلي ياويلي- بذيچ المحنه
@@@@@@@@@@@@@@@@@@@@@@@@
متانيه تردون اليه- خاف اموت بوحدتي
حسين بويه رحم بحالي- وانته تعرف علتي
دعوتي الله اليسلمه- ونحر ضامي بدعوتي
روحي نشفت من دمعها- وعيب تنشف دمعتي

نار الحزن غربه- وشوفتك جنه
ياويلي ياويلي- بذيچ المحنه
حسين البغدادي
@@@@@@@@@@@@@@@@@@@@@@

1,102

حسين البغدادي - hussein Al-baghdadi

08 Jul, 12:52

يادنيتي وعالمي
والمجلسك انتمي يحسين ياروحي
گلبي بغرامك وفي
والحزنك العاطفي تتكلم اجروحي
ميتين عدلين لحسين وفايه
@@@@@@@@@@@@@@@@@@@@@@
ياحلاة اعيونه التبچي عليك
ياهو يحزن اكثر يحس بل فخر
الجرح لمن يستقر الدم عليه
ايطيب بس يخلي بل مجروح اثر

وانته مابين المشاعر والجروح
مثل مابين الخيم يجري النهر
بكيف عاشورك يجي يدور الزمان
انته بوصلة العشگ وكت السفر

بمحبتك انبني
ياراحتي وموطني ياسيد احساسي
يل كلشي الك موالي
ياثورتي ومقتلي يامحور انفاسي
للموت هل صوت ماتنزل الرايه
ميتين عدلين لحسين وفايه
@@@@@@@@@@@@@@@@@@@@@@@@
خاف تيهنه الدرب والدنيه ليل
ماتعوف الي يحبك ياشهم
مذنب وطايح اعلى اعتابك دخيل
تسوه لو يم بابك اتذل الزلم
يابخيت وطيب وصاحب مضيف
اتعلم المايفتهم وال يفتهم
بعيني شفت الخادمك باب اعلى خير
وين ماحط ايده يندار النجم

وال يمشي بسمك ربح
والمايعوفك نجح حلوه انتصاراته
باب الله يابوعلي
ياولي ونعم الولي لليحچي دمعاته

وياك وياك مانخلف احچايه
ميتين عدلين لحسين وفايه
@@@@@@@@@@@@@@@@@@@
انه جامع بيك ضدين الحيات
افرح امن احزن عليك او انوجع
اعيوني ماتعرف تسولف اي صحيح
بس تعرف شلون يندار الدمع
كلشي ماينسمع مني امن ارد اموت
بس صرختي اعلى مصابك تنسمع
انته ابوي وعزوتي ورايي الصحيح
وغير ربعك والله ماعندي ربع

هاا ياحسين الگلب
بروح شفنه الدرب وبسمك تعلينه
يسهل علينه الصعب
وياك سلم وحرب بكيفك تودينه

خدام خدام ولحسين ودايه
ميتين عدلين لحسين وفايه
@@@@@@@@@@@@@@@@@@
اشيوخ اكو بس انته سلطان الشيوخ
الامر الناهي اعلى كيفك لو ردت
الله ماردلك طلب يوم الدعيت
ايصير كلشي الخاطرك لوبس گلت
انه شفت اهواي بسمك عايشين
اويه اسمك ناس عاشت ماشفت
اسهام ورماح ااعتنتلك بطفوف
وانته باب الله وابد مارجعت

مذبوح يافرحتي
يل عايش بدمعتي وشاغلي وجداني
يحسين هذا العمر
وياك ماانتظرك من گلبي ولساني

انساك انساك لا والله موهايه
ميتين عدلين لحسين وفايه
حسين البغدادي
@@@@@@@@@@@@@@@@@@@@@@

943