💜 سعدی زمان💜

احوالات حضرت فاطمه زهرا (سلام الله) 
 
حضرت صادقدن ایتدی بیر نفر راوی سوال
قصّه ی موت بتولی قیل بیان ای شهریار
 
پوزدی بو سوز حالینی، دولدی امامین گوزلری
گوز یاشین رخسارینه توکدی چو دُرّ شاهوار
 
بیر دویونجا آغلادی وا جَدَّتی ذکر ایلدی
سویلدی بو سرّی بُل لازمدی گرچه استتار
 
اُلمدی، پیغمبرین ریحانه سین اُلدوردولر
گیتدی دنیادن شهیده، عقل کلّه یادگار
 
عرض ایدوب صدّیقه ی کبرانی کیم ایتدی شهید
سویلدی ثانی آنام زهرانی قیلدی زخمدار
 
یاندوراندا درگهین بیر صدمه ووردی جدّه مه
باخمادی جسم لطیفینده ایدر اول صدمه کار
 
جسمینه اول گون یتن صدمیله دنیادن گیدوب
حیدر کرّاری قویدی داغ هجری بی قرار
 
غسلینی ویردی، کفن قیلدی، گئجِیله ایتدی دفن
حکمتاً‌ گیزلتدی زهرا قبرینی اول شهسوار
 
عالِم علمِ لَدُنّی فکر صبحیله گئجه
ایلدی تعمیر او یرده بیر نچه تازه مزار
 
مرتضی گَلدی ایوه، صبح اولدی نشر اولدی خبر
دفن ایدوب صدّیقه ی کبرانی شاه تاجدار
 
دوشدی بو فکره آچا ثانی بتولین قبرینی
بیر جماعت مُلحِدینی سسلدی بو امره یار
 
اَلده حفر اسبابی جمع اولدی بقیعه مشرکین
بیر نفر بو امری ویردی شیر حقّه اختبار
 
باغلیوبدور بیر ساری دسمال او سرور باشینه
قویدی قبرستانه یوز شاهنشهِ گردون مدار
 
بوینونا ایتدی حمایل ذوالفقارین غیظیله
یتدی بیر قبر اوسته دوردی چکدی آه شعله بار
 
سسلدی گر بو قبوره بیر نفر وورسا اَلین
ذوالفقاریله گَتورّم روزگاریندن دَمار
 
شیر تک گوردی ولیُّ اللهی ثانی خشمناک
روبه مکّار تک آچدی زبان اعتذار
 
قصدیمیز توهین دگلدی دخت طه قبرینه
روح زهرایه بیزی عفو ایله میر بردبار
 
ای ولیّ ا... اعظم، شیر داور، یا علی
جسم عالمده قَوام جان و روح مستعار
 
دوزموسَن وورسون عدو قبر بتوله بیر کلنگ
ایستوسَن دنیا داغیلسون، قالماسون دار و دیار
 
قبر زهرانون داشی افضلدی یا جسم حسین
ذوالفقار اَلده ایدِیدون کربلایه بیر گذار
 
قویمیِیدون ایلیه آتلار حسینی پایمال
اولمیا اوراق گُل تک بیرده جسم زخمدار
 
آه او ساعتدن اُلن اُلدی، قالان اولدی اسیر
ابن سعد امر ایتدی چکدی بیر منادی بیله جار
 
وار یزیدین لشکریندن هر قَدَر مقتول اولان
دفن ایدون تا قالماسون گونلر ایوینده زینهار
 
شام و کوفه لشکریندن قالمادی یرده قالان
وار یری آخسون حسینی لر سرشکی همچو ثار
 
بیرده بیر فرمان ویروب سعد اوغلی یاغی لشکره
اشکیله زینب گوزین دولدوردی چون ابر بهار
 
هم حسینون لشکرین هم اوز یارالی پیکرین
ایلیون سُمّ خیولیله بو چولده خاکسار
 
چکدیلر شمشیر کین بو چولده حُرّین لشکری
سسلنوبلر ایتمروق اجرای امره اصطبار
 
سحق اولونسا جبریله اجسام انصار حسین
وار حسینون لشکرینده جسم حرّ نامدار
 
حرّ اولوب یاغی دوتاق ابن زیادین امرینه
لیک سردار سپه دور اوندا وار چوخ اعتبار
 
بیز باخاق حرّین وجودینده قوشون آت گَزدیره
دوزمَروق گورسون قبیله صاحبی چوخ انکسار
 
حرّین اقوامی یغشدی قبره قویدی جسمینی
قالماسون تا یرده قانلی پیکری زار و نزاز
 
وای کومک سیزلیق اَلیندن نه یاماندور ای خدا
بیر نفر مظلوم اُله اشرار اَلینده سوگوار
 
حرّین اولدی قوم و قارداشی یغشدی قویمادی
نعشی اوسته آت چاپا پامال ایده قوم نقار
 
هاردا قالموشدی بنی هاشم خدایا اوندا بس
اون نفر گَلدی ایده جسم حسینی خاکسار 
 
بیر بدن که سینه سینده بَسلَمیشدی فاطمه
نانجیب آتلار اونون اعضاسین ایتدی انتشار
 
جلدیدن چخدی کلامُ ا...ِ ناطق جزء به جزء
قلب قرآن مبین اولدی بو غمدن داغدار
 
سحق ایدوب اسلام امامین آدلاری اسلامیان
وار یری گر ایلسه قرآنه انجیل افتخار
 
شمس اوج عزّت اوسته نقش بند اولدی هلال
بند بند اولدی یازولّار یرده عرشه گوشوار
 
اوخلانان قلب اوستونه لنگر سالوب سُمّ خیول
گرچه قیرمیشدی وتینی نوک تیر زهردار
 
کربلا توپراقی بی جا اولمیوب خاک شِفا
ایسلانوب تربت، حسین قانی آخوب چون چشمه سار
 
دورت آغاج صاقدان صولا صولدان صاقا، آت دیرناقی
نشر ایدوب اجزاسینی قان آخدی مثل جویبار
 
قان آخان یردن اولوب اون آلتی فرسخ حایری
ایمدیده مَامندی دورینده چکوب قانّی حصار
 
گُل گیاهیندن گَلور عطر حسینی برملا
آند اولا اوزجانینه قانی ایدوبدور لاله زار
 
اولمادی یالقوز حسینه بو جفا، هر بیر شهید
بو جفا و جوری گوردی هم کبار و هم صغار
 
  حسینی سعدی زمان

مدح ارباب الکونین امام زمان عج

حسینی_سعدی_زمان


بير دلبريم وار عارضی رخشنده آفتاب
يوخ يوخ اونون گل عارضينه بنده آفتاب
 
تطبيق ايلسم يوزونی آفتابيله
اولماز نظير اونا اولی شرمنده آفتاب
بير کهکشاندی صورتي خورشيد آفرين
گورمز اونون نظيرينی تابنده آفتاب
 
کيمدور بو حسن صاحبی مرآت سرمدی
نــامـوس دهــر قائـم آل مـحـمــدی
 
اوخشار نگاريمين يوزينه آفتاب ؟ يوخ
وجه اللهه قياس اولور ماهتاب ؟ يوخ
نور اماميدن گون ايدر نورين اقتباس
واردور بو سوزده جای سوال و جواب ؟ يوخ
گوندن هامی کرات جهان مستفيض اولار
بو استفاضيه اولی مانع سحاب ؟ يوخ
 
کيمدور بو حسن صاحبی مرآت سرمدی
نــامـوس دهــر قائـم آل مـحـمــدی
 
والشمس يعني آند اولا شمسه ديوب خدا
والشمسدن اونون يوزيدور اصل مدعا
والليل آند اولا گيجيه يعني زلفينه
محسود نافه ختن و عنبر و ختا
هيهات مشک چين و عبير تَرِ ختن
اول زلف مشکسايه جهاندا نظير اولا
 
کيمدور بو حسن صاحبی مرآت سرمدی
نــامـوس دهــر قائـم آل مـحـمــدی
 
يوز سبزه گندمی نجه يوز شرحه يوخ مجال
آيينه جمال خداوند ذوالجلال
گوزلر قرا گشاده جبين قاشلاری هلال
وار ساق يوزينده نقطه کيمی بير سياه خال
به به نه جاذبه ی اهل عشق و حال
اولماز شعاع کوکب درّی اونا مثال

کيمدور بو حسن صاحبی مرآت سرمدی
 نــامـوس دهــر قائـم آل مـحـمــدی

فوق مديحه دور نمکين ماه طلعتي
مکّی نقابدور، مدنی پرده صورتی
چاتماز بو حسنه يوسف مصری وجاهتی
حيدر باخيشلی گوزلری شيرانه صولتی
آئينه دور پيمبره کليّه خلقتی
وار صورتينده احمد مرسل ملاحتی
 
کيمدور بو حسن صاحبی مرآت سرمدی
نــامـوس دهــر قائـم آل مـحـمــدی
 
جنت گوزلدی اهلی گوزل يوخ بونا کلام
غلمان گوزلدی، حور گوزل نهرلر مدام
واضحدور حسن صاحبيدور انبيا تمام
جنّتده جمع حسنی قيلوب حی لا ينام
بونّان بيله ديردی پيمبر عَلَی الدَّوام
طاووس خلد عدنيدی مهدی شه انام
 
کيمدور بو حسن صاحبی مرآت سرمدی
نــامـوس دهــر قائـم آل مـحـمــدی
 
بو حسن بو جمال حسينی بو احتشام
بو شان بو جلال و بو عزّتده بير امام
باخدوقجا ذوالفقاره توکر گوز ياشی مدام
آغلار دير کی جديمی اولدور دولر لئام
تا آلماسام بو تيغيله اعدادن انتقام
قان آغلارام بابا ديرم هر صباح و شام
 
کيمدور بو حسن صاحبی مرآت سرمدی
ناموس  دهر  قائم  آل محمدی

.

@houseynie

#کانال_اشعار_مرحوم_حسینی_سعدی_زمان
#ازدواج_امام_حسن_عسگری_ع_با_شاهزاده_روم_و_گریز_به_دیر_راهب
______________________________
✍
بخش_2_پایانی

یقیناً اوزگه سی آلسا قسم حقیقتیمه
رضا مماته ویروب ایلرم اوزیمی فنا

غرض بهای کنیز اوسته ایلدوخ صحبت
اولوب مکالمه آخِرده اولدی قطع بها

همان امام علیّ النّقی ویرن وجهه
کنیزی آلدیم او قیمتده ختم اولوب سودا

کنیز شاد اولوب اوز حجره مه گَتوردوم من
یتیشدی منزله تا آفتاب برج وفا

امام نامه سینی اوپدی قویدی گوزلرینه
باسوب اورک باشنا باشلادی فغان و بُکا

دیدیم تعجّب اوزینله بو نامه صاحبینی
هنوز گورمه میسن ای نجیبۀ دنیا

ندور بو مهر و محبّت بو عاشقانه عمل؟
جواب ویردی که ای مرد ایتمه فکر خطا

یوخوندی عترت خیرُ الانامه معرفتون
تشیّعونده دگلسن ولایته دارا

قولاق ویر سنه تا اوز قضیّه می باشدان
دیوم سنه ایدوم اول مرده قلبیوی احیا

دیمه کنیز منه، من ملیکۀ رومم
بابامدی قیصر رومی طریقتی ترسا

آتا بابامدی وصیّ جناب روح الله
دیه لّر آدینا شمعون تالیِ عیسی

اون اوچ یاشندا منی ایستدی بابام قیصر
ویره عم اوغلوما، بیر بزم عیش ایدوب برپا

چاقوردی مجلسینه یدّی یوز نفر اشراف
علاوه واریدی اوچ یوز نفر بیوک علما

گَلوبدولر علمای یهود و نصرانی
تمام پیرو دین مسیح و هم موسی

چاقوردی لشکر و سرکرده گانِ لشکردن
یغشدی مجلسه دورت مین نفر تمام اُمرا

آسوبلا بت لری اول بزمه ویردیلر زینت
اوتوردی خرّم خوشحال پیر و هم برنا

ایدوبله تخت مرصّع او بزمیده حاضر
او تخت اولونموشیدی قرخ پایه ده بالا

قویوب او تختیده قارداشی اوغلونی قیصر
دوتوب یوزین علمایه او دمده ایتدی ندا

دایانمیون آچون انجیلی عقدینی اوخویون
کشیش لر اوخوماقه مصمّم اولدیلا تا

تزلزل ایلدی یر سرنگون اولوب بت لر
یخلدی قارداشی اوغلی یتوب اونا ایذا

دوروب کشیشلرین سویلدی رئیسی او دم
بیوک نحوست اولور بو قضیّه دن پیدا

گَلور گمانیمه عیسی بن مریمین دینی
همین نحوستیله جمله محو اولور گویا

بابام اونون او سوزین فال بد حساب ایلدی
دیدی دوباره ایدون تختی اوز یرینده بنا

بو اوغلانون گَتیرون قارداشین قویون یرینه
ایدون قیزی اونا تزویج رفع اولا بو عَنا

او تخت اوسته گَلوب چخدی قارداشی اوتوروب
وظیفه سین علما ایسته دی ایده ایفا

ازلکی دفعه دن آرتوخ یر ایلدی لرزه
داغلدی خلق اولوب بزم عیش غصّه سرا

گَلوب اوتوردی حرمخانه ده بابام مایوس
گونون شعاعی گیدوب گَلدی لیلۀ یلدا

گئجه زمانی یاتوب یوخلادیم یتیشدی منه
سعادت ابدی یعنی گوردوقوم رویا

همان او قصریده گوردوم مسیحیله شمعون
دوتوب قرار، اولوب قصر جنّتُ الماوا

او بزم عیشیده حاضر اولوب حواریّون
ایدوبله بیر اوجا تخت اوردا غیبیدن برپا

نه تخت پایه لری عرشدن معلّادور
قویوبلا اورداکی گوندوز واریدی تخت اوردا

گَلوب او قصره او ساعت محمّد عربی
یانندا حیدر کرّار یعنی شیر خدا

اونون یانندا سراسر وصیلری دوزولوب
اولار که شافع امّت اولولّا روز جزا

رسول اکرمی ایتدی مسیح استقبال
اولوبلا قول بویون اوندان صورا دیدی طاها

وصیّوون قیزینی گَلموشم ایدم تزویج
وصیّمون بالاسی بو مَلَک سیَر بالاما

اشاره ایلدی برج امامتین گونونه
که یعنی اسمی حسن عسکری ملقّب اولا

اونون آتاسی همین نامه نی ویروبدی سنه
اوزوم آتام آنام اول میر مقتدایه فدا

دولاندروبدی یوزینی دوباره شمعونه
خطاب ایلدی شاه مدینه و بطحا

ایدوب سنه ایکی دنیا سعادتی اقبال
منیله نسلیوی پیوند ایلوسن آیا؟

جواب ویردی رضایم، او دمده ختم رسل
چخوب او منبره بیر خطبه ایلدی انشا

اوز اوغلونا منی تزویج ایتدی پیغمبر
نکاح صیغه سی اولدی مسیحیله اجرا

مسیح احمد محمودیله ایکی یرده
گئجه زمانی گَلوب بیر یره ایدوب شورا

بیری بو یردی که جشن اولدی عقد اوخوندی ولی
بیر آیری یرده گَلوب قوردولار اساس عزا

ایاق یالین باش آچوخ گَلدیلر کلیسایه
گوروبله دیریده مهماندی سیّد الشّهداء

کسوک باشیله ایدوب دیری رشک وادی طور
اولوب تجلّی نوریله محو مین موسی

الونده خامه ((حسینی)) یانور سرشکیله
سو سَپ صحیفیه تا الده یانماسون طغرا


❗لطفا با ذکر منبع فوروارد کنید❗

@houseynie

@houseynie

#کانال_اشعار_مرحوم_حسینی_سعدی_زمان
#ازدواج_امام_حسن_عسگری_ع_با_شاهزاده_روم_و_گریز_به_دیر_راهب
______________________________
✍
بخش_1

توسّل ایتماقا امر ایلیوب بشیر و نذیر
امام عصره یتن وقت مذبحه شمشیر

گَلوب تموّجه قهر خدا و بحر بلا
یاخوندی غرق ایده دنیانی بحر قهر خدا

دوتوبدی شش جهتی ابر ابتلا و محن
یاغور بلا یاغیشی روز و شب صباح و مسا

سالوبدی باد مخالف قلوبه چوخ وحشت
نه وقت اولور که اولا شُرطۀ امید رسا

دوشوبدی کشتی دین ظلم الیله گردابه
ترحّم ایله ایا ناخدا به حقّ خدا

ایا امام زمان ای نجات کشتی سی
نجات ویر هامودان اولدی انقطاعِ رجاء

سنون وجودویله کائناته رزق یتر
سن اولماسان نجه قائم اولار بو ارض و سما

توجّه ایله یازوم قصّۀ ولادتیوی
ویروم محبّلرین گوزلرینه ضوء و ضیا

بلی او نوکره که شاهین التفاتی اولا
خدیو عصر اولی گرچه اولا فقیر و گدا

قلم الیمده اوزوم غرق بحر حیرتده
ایدور منادی غیبی منی بو نوع ندا

دایانما ایله توسّل بقیّةُ اللهه
عنایت ایتسه اوزی نطقیوی ایدر گویا

آدی کنیّه سی پیغمبریله باهم دور
ایدوب خدا نچه عالی لقب اونا اعطا

لقبده هادی و مهدی و صاحب و قائم
وجودی مظهر آیات خالق یکتا

دیه لّه منتظر و خاتم و اباصالح
علاوه منتقم و حجّت و امام هدا

آتاسیدور حسن عسکری امام همام
آناسی دختر سلطان روم کان حیا

عجب جلالتی وار اسم پاکی نرجس دور
آنا باباسیدی شمعون بن حمون صفا

آناسینون نسبی نسبتاً مسیحه یتر
ولی آتا طرفیندن باباسیدور طاها

بشیر ابن سلیماندی راوی مطلب
اوزی قبیلۀ انصاردندی اهل ولا

اونون باباسیدی انصاریده ابو ایّوب
پیمبر امّتی دور، هم محبّ آل عبا

دیر امام علیّ النّقی غلامی گَلوب
دیدی منه سنی ایستور حضورینه مولا

دوروب ایاقه حضور امامه گَلدیم من
سلام ویردیم امام ایلدی جواب ادا

ویروب اجازه اوتوردوم، منه بویوردی امام
محبّتون بیزه چوخدور واروندی دلده صفا

سیزون قبیله تماماً محبّ حیدردور
اودور سنه ویرورم بیر جلالت عُظمی

سنی بو گون ایدورم عمده خدمته مامور
اونیله فخر ایده سن بو جهاندا شیعه آرا

او دمده یازدی فرنگی دیلیله بیر نامه
ایدوب او نامه نی ممهور شاه روز جزا

یانیندا واریدی بیر کیسه اشرفی او شهون
منه او کیسه نی ایتدی او نامه ئیله عطا

دیدی بو کیسه ایکی یوز ایگیرمی اشرفیدور
دایانما جانب بغداده عازم اول امّا

فلان گونون یته سن چاشت وقتی بغداده
کنار جسرده دور تیک گلن گوزیوی یولا

همان محلّیده بیر جمع ازدحام ایلر
او وقتیده گوره سن گَلدی کشتیِّ اسرا

اوزاقدا دور گیله تا عَمرو نام ابن یزید
گَله او بَردَه فروشین باشندا وار غوغا

یانندا واردی اونون بیر کنیز جامه حریر
اودور تمام صفات جمیلیه دارا

خیال ایدر اونا هر کیمسه مشتری اولسون
نظاره ایتماقا ایلر کنیز منع و اِبا

گَلوبدی شیونه رومی دلیله ضجّه ایدر
دیر او ضجّه ده واعصمتا او حور لقا

دیر او وقتیده بیر مشتری حیالیدی چون
بهاسینه ایدرم اوچ یوز اشرفی اعطا

عرب دیلیله همان وقتیده کنیز دیر
منال و مالیوی تضییع ایلمه بیجا

تمام سلطنت حضرت سلیمانی
اگر بها ایده سن گَلمرم سنه اصلا

بو سوزده غیظه گَلوب سسلنر او برده فروش
سنون بو امریوه نه چاره ایلیوم آیا

گرک ساتام سنی لابدّ آیری چاره سی یوخ
عبث یره ایدوسن شیون و فغان و نوا

دیر کنیز منی ساتماقا شتاب ایتمه
گرک بیریسی گَله تا او شخصه میلیم اولا

اوزوم سنه دیرم سات همان او شخصه منی
بو فکریدن ایدرم قلبیوی او دمده رها

کنیز صاحبینه ایله که دیر بو سوزی
یری قباقه او ساعت بو نامه نی ویر اونا

بیله روایت ایدر بُشر حجّت اللهین
تمام سوزلری گَلدی ظهوره جای بجا

امام نامه سین آلدی کنیز ایتدی نظر
دولاندیروب یوزینی ووردی صاحبینه صلا

فغانیله دیدی بو نامه صاحبینه منی
اگر آقا ساتاسان چوخ واریمدی میل و رضا


ادامه دارد🔽🔽🔽


❗لطفا با ذکر منبع فوروارد کنید❗

@houseynie

https://t.me/+R5vB7adrPtszYWE0

#مجموعه_کانالهای_مدح_و_مرثیه
#مثبتده_شعرلر

#احوالات_علی_اصغر_ع_از اشعار چاپ نشده از (حسینی سعدی زمان)


سیل بلا باشیمدان موج ایتدی داشدی زینب
مین جوریله بالامی اوخ سوددن آچدی زینب

گوگلوم ایوینده روحی  غم منجنیقی سیخدی
اشک روانیم اخدی سرحد صبری یخدی
سد ایلینده اصغرسو استه جانی چیخدی
طوفان موج غمده گل رنگی قاچدی زینب

یاغدوردی ابرچشمیم باران فیض رحمت
غرق ایلدی بالامی گرداب بحرمحنت
گلزاریمه  مکررتیریله یئتدی آفت
خارخدنگی گل تک حلقومه ساشدی زینب

سانما حقیرغنچه بیرنوشکفته گلدی
یاتموشدی اوخ دگنده ناگه اویاندی گلدی
حالیم ایله پوزولدی دشمنلریمده بلدی
تا حلقینه بو طفلین چشمیم ساتاشدی زینب

مشتاقیدیم یتم من بزم وصال یاره
دلدن یول آختاروردیم خلوتگه نگاره
مسدود گوردی راهی بو طفل شیر خواره
او خط مستقیمه قاندان یول آچدی زینب

سوز عطش بو طفلی چون کهربا ساراتدی
سو فکرینی خیال تیریله باشدان آتدی
مرجان کیمی بویاندی  قانه مرامه چاتدی
بو کهربایه مرجان چوخ خوش یاراشدی زینب

گون تک سپهرغمده اختردوشوب کسوفه=تازه هلالی سالدی اوچ شعبه اوخ خسوفه
ابرو بویاندی قانه سسلندی اهل کوفه
قانلی هلالیدور بو یا قانلی قاشدی زینب

یاندیم شرارآهه ارض و سمانی یاخدیم
قانین دوتوب الیمده پیکان یرینه باخدیم
هم اصغرین یوزینه هم اوزاوزیمه یاخدیم
سینم الیم لباسیم قانه بولاشدی زینب

قارداشیم اوغلوم ئولدی قالمادی بیرپناهیم
حددن گیچوب ملالیم یوخ کیمسه دادخواهیم
چوخ محنت و غمیم وارشاهددی سوزآهیم=هرغصه و غمیمدن بو غصه باشدی زینب

عهد السته ایتدیم بو عرصه ده وفا من
بیر اصغریم قالوردی جان ویردی اولدوم ایمن
تکمیل اولارقصوریم باشیمی کسسه دشمن
اول عهدیمین قصوری بیر جه بو باشدی زینب

ماه صفر #حسینی آتدی گوگل ملالی
بیر سیل گلدی شهره خلقین پوزولدی حالی
سرحد سیلی یخدی یازدون همیم مقالی
سیل بلا باشیمدان موج ایتدی آشدی زینب

بمناسبت امدن سیل به تبریز(1308)

https://t.me/+2tozhR4lwaU3MTY0


صدو ده نوحه👌👌👌

https://t.me/+2tozhR4lwaU3MTY0

حضرت علی اصغر علیه السلام
تشنگی
قبل از شهادت
زبانحال حضرت رباب سلام الله علیها

#مرحوم_استاد_حسینی_سعدی_زمان

دوشوب خیاله بلا دشتی طاهرات عطشی
بالالارین آنائیله سو اوسته کشمکشی

معاینه گورورم فاطمیه قیزلاری من
سو جامی الده دیور العطش ائدور شیون

ولیک اصغرین احوالی تاب دیلدن آلور
رباب الری اوسته بالیغ کیمین چابالور

سالیبدی سینه سینه صود امر بالانی رباب
ائله سیزیلدیری گویا یانیر اوت اوسته کباب

آنا گورور بالا ضعف ائتدی گول کیمی سولدی
دیور علاج ائله یارب بالام کباب اولدی

ترحم ایله الهی بالامدا یاندی اوزومده
اول انتقام گواهی بالامدا یاندی اوزومده

اوزوم آجام سوسوزام بو سینمده صودنده اثر یوخ
گلیب گوزومه سیاهی بالامدا یاندی اوزومده

باتوب سسی اوقدر آغلیب دوشوبدی نفسدن
ندور بو طفل گناهی بالامدا یاندی اوزومده

هارا گیدیم کیمه اوز دردیمی دیم اولا یارب
بو بخت قاره پناهی بالامدا یاندی اوزومده

ائله خزان گلی تک اصغریم سولوب سارالیبدی
ایدور خجل یوزی گاهی بالامدا یاندی اوزومده

سالیرام بوش سینمه بلکه بیرقدر توتا آرام
آلور قراریمی آهی بالامدا یاندی اوزومده

بونون یوزی الی قانلی منیمده قانیلدی سینم
تاپا محال رفاهی بالامدا یاندی اوزومده

بالیغ کیمین چابالور گاه ضعف ایدور یانیر آغلیر
خراش سینمی گاهی بالامدا یاندی اوزومده

چالیر اوزون یره بیردن گورن دیرکی دوشوبدی
سودان کناره بو ماهی بالامدا یاندی اوزومده

خجالتم سودان اما اورکدکی غم وسوزش
گویوب گوزومده سیاهی بالامدا یاندی اوزومده

دولاندیریر بالاجا گوزلرین باخور منه ایلور
خجالتیمی گواهی بالامدا یاندی اوزومده

آچیرگوزون باخیر منه کباب ایلوری الله
منی بو طرز نگاهی بالامدا یاندی اوزومده

سوسوزدی آجدی سودیم یوخ ویرم بونا دیلی یوخدی
دیه سوزونی شفاهی بالامدا یاندی اوزومده

دیل آنلامورکی دیم آز آغلا تابیراز یاتا راحت
سینمده خاه نخواهی بالامدا یاندی اوزومده

دوشوب گوزی دورانه یاخوندی اولسون عطشدن
اوجالدان انجم وماهی بالامدا یاندی اوزومده

یوزومه حسرتیله گه باخور یانیر آغلیر
پوزور حرایمی شاهی بالامدا یاندی اوزومده

گینه نه سوزدی دیلون یانماسون نه دلدی (حسینی)
ترحم ایله الهی بالامدا یاندی اوزومده

عمل صحیفه وی دوتموشدی لوثِ معصیت ، اولدی -
مطّهراتِ مناهی بالامدا یاندی اوزومده.

#حسینی_سعدی_زمان

التماس دعای فرج

https://telegram.me/ganjine5

https://t.me/+2tozhR4lwaU3MTY0

#کانال_اشعار_مرحوم_حسینی_سعدی_زمان
#بسته_شدن_راه_فرات
______________________
✍
بستند چون به عترت «ختمی ‌مآب»، آب
رفت از زمین به اوج فلک، بانگ آب، آب


در حیرتم که خاک نشد از چه ناپدید؟
روزی که خواست زاده‌ی «اُمّ‌ الکتاب»، آب


سوز حرارت عطش و سوز آفتاب
جا دارد ار روان شود از آفتاب، آب


طغیان چو کرد سیل سرشک مخدّرات
گفتی روان شده است، مگر از سحاب، آب


هر کس که دید گریه‌ی اصغر، گمان نمود
سوزد به روی آتش و ریزد کباب، آب


قنداقه‌اش به دست، امام مبین گرفت
گفتا به قوم دون، شده طفلم ز تاب، آب


فرمود: ای سپه! ز چه رو بی‌حمیّتید!
بر طفل من دهید ز راه ثواب، آب


این طفلِ بی‌گنه که ز نسلِ پیمبر است
آتش گرفته، خواهد از اهل عذاب، آب


در هیچ مذهبی نبُوَد طفل را گناه
شورا کنید، بلکه شود انتخاب، آب


مادر نشسته است، { حسینی }! به خیمه‌گاه
می‌گفت می‌دهند به طفلم، رباب، آب؟


سهل است این که آب ندادند، کوفیان
دادند با خدنگ سه پهلو، جواب، آب


❗لطفا با ذکر منبع فوروارد کنید❗

@houseynie

https://t.me/+2tozhR4lwaU3MTY0

#قاسمیه_مدح_و_مرثیه
_______________________
✍
#پرده_پرده_قوزانوب_یردن_گویه_گرد_و_غبار
چهرِ خورشیده چَکیلدی پرده، تار اولدی هوا


آه یَابن العسکری عذر ایستورم بو عرضیمه
هاردا بو دعوا اولوب، منجرّ اولوبدور ایش هارا


قاسمین آتلار اَیاقینده قالوب گُل پیکری
شرحینه بیگانه لر آغلار، نه یالقوز آشنا


لشکر کوفه داغیلدی کَالجَرادِ المُنتَشَر
ایتدی بیر سس استماع اول دَم امامِ ماسِوا


سس نجه بیر سس، او سس آرام آلور، دل پارچالور
بی نهایت دل خراش و دلنشین دور بو صدا


اتّصالاً سسلوری یا عمّ اَدرِکنی، تَعال
جانیم ای جانِ جهان ایستور اولا تندن جدا


گَل عمو آتلار اَیاقی آتدا اولدوم پایمال
یا اَمانَ الخَلقِ اَلغَوث، اَلاَمان و اَلوِها


سس مگر ویرمزله استمداد ایدنده بیر یتیم؟
من یتیمم، سن بو گون اَیتامه عالمده آتا


شاه دریا دلدن آلدی بو صدا آرامِ دل
کهربا آسا سارالدی رنگِ سبطِ مصطفی


قولّاری سست اولدی، دعوادن او سرور چَکدی اَل
قویدی شمشیرین غلافه یادگارِ مرتضی


قاسمین گَلدی باشی اوسته پریشان حالیله
گوردی گه شهزاده وا اُمّا دیور، گه وا اَبا


باخدی بیر حسرت گوزیله اول داغیلمیش پیکره
گوردی ترکیبین پوزوبلار، جسمیدن وار بیر نُما


نه سلامتدور باشی نه سینه سی، گُلشن سولوب
بیر طَبَق گُلدور سَپوبلر رزمگاهه گوئیا


اَندی مرکبدن باشین آلدی دیزی اوسته امام
گوزلریندن قانی سیلدی دلده داد و آه و وا


سسلدی چوخ یأسیله امّیدِ عالم قاسمی
گوردی سس گَلمور، پوزولدی حالتِ غوثُ الوَری


ایتدی فرمایش چَتیندور بو غریب و بی کسه
قارداشیم اوغلی بُله من بی پناهی مُلتَجا


اوز شکاری اوستونه عزم ایلین شهباز تک
فکر نصرتله گَله میدانه بو بی اقربا

ایتمیه نصرت و یا که ویرمیه نصرت ثَمَر
چَکدیقی زحمت اولا بو چولده منثور و هَبا


یادگار مجتبی، ای گوزلریم نوری اوغول
آچ گوزون ای جانشینِ اکبرِ گُلگون قَبا


قلبیمی یاندورما چوخ، اوغلوم اُلوب، ویر سس منه
قویما اوج ایتسون گویه نالم جوانِ دلربا


سن یارالی، توپراق اوستی، ایستی گون، سوز عطش
جای آسایش دگول صد پاره اعضایه هُنا


دور گیداق عَمَّن، آنان گورسون، دویونجا اوخشاسون
آغلاسون اولاد پیغمبر، سنه دوتسون عزا


آغلادی قلبین بوشاتدی، چَکدی باسدی باغرینا
قارداشی اوغلین او دمده پادشاهِ اَصفیا


بیر گُلستان گُل کیمی صد چاک اولان اعضاسینی
مَخیَمه گَتدی شهنشاهِ سریرِ اِرتضا


نه بدن نه نوعیله حمل ایتدی خرگاهه امام
ای ((حسینی)) یازما واضح، قوی بو سوز گیزلین قالا


#مرحوم_حسینی_سعدی_زمان

@marsie2

🍃🌷کپی بلامانع🌷🍃

https://telegram.me/ganjine5

https://t.me/+2tozhR4lwaU3MTY0

#قاسمیه_مدح_و_مرثیه
#احوالات_حضرت_قاسم_ع

بخش2 (پایانی)

دوتدی کِتفیندن، قولی قطع اولدی امّا دوشمَدی
قاچدی قاتل لشکر اشراره قیلدی اِلتجا


اوینادی صف لر یِریندن، آلدی شاهین دوره سین
جوش ایدوب دریایِ قهرِ خالقِ ارض و سما


قهر اَلین آچدی یدالله اوغلی عزم جنگیله
باشلانوب بیر جنگِ مغلوبه که صبح اولدی مَسا


پرده پرده قوزانوب یردن گویه گرد و غبار
چهرِ خورشیده چَکیلدی پرده، تار اولدی هوا


آه یَابن العسکری عذر ایستورم بو عرضیمه
هاردا بو دعوا اولوب، منجرّ اولوبدور ایش هارا


قاسمین آتلار اَیاقینده قالوب گُل پیکری
شرحینه بیگانه لر آغلار، نه یالقوز آشنا


لشکر کوفه داغیلدی کَا الجَرادِ المُنتَشَر
ایتدی بیر سس استماع اول دَم امامِ ماسِوا


سس نجه بیر سس، او سس آرام آلور، دل پارچالور
بی نهایت دل خراش و دل نشیندور بو صدا


اتّصالاً سسلوری یا عمّ اَدرِکنی، تَعال
جانیم ای جانِ جهان ایستور اولا تندن جدا


گَل عمو آتلار اَیاقی آتدا اولدوم پایمال
یا اَمانَ الخَلقِ اَلغَوث، اَلاَمان و اَلوِها


سس مگر ویرمزله استمداد ایدنده بیر یتیم؟
من یتیمم، سن بو گون اَیتامه عالمده آتا


شاه دریا دلدن آلدی بو صدا آرامِ دل
کهربا آسا سارالدی رنگِ سبطِ مصطفی


قولّاری سست اولدی، دعوادن او سرور چَکدی اَل
قویدی شمشیرین غلافه یادگارِ مرتضی


قاسمین گَلدی باشی اوسته پریشان حالیله
گوردی گه شهزاده وا اُمّا دیور، گه وا اَبا


باخدی بیر حسرت گوزیله اول داغیلمیش پیکره
گوردی ترکیبین پوزوبلار، جسمیدن وار بیر نَما


نه سلامتدور باشی نه سینه سی، گُلشن سولوب
بیر طَبَق گُلدور سَپوبلر رزمگاهه گوئیا


اَندی مرکبدن باشین آلدی دیزی اوسته امام
گوزلریندن قانی سیلدی دلده داد و آه و وا


سسلدی چوخ یأسیله امید عالم قاسمی
گوردی سس گلمور پوزولدی حالت غوث الوَری


ائتدی فرمایش چتیندور بو غریب و بی کسه
قارداشیم اوغلی بُلَه من بی پناهی ملتَجا


ئوز شکاری اوستونه عزم ایلین شهباز تک
فکر نصرتله گله میدانه بو بی اقربا


ائتیمه نصرت و یا کیم ویرمیه نصرت ثمر
چکدیقی زحمت اولا بو چولده منثور و هَبا


یادگار مجتبی از گوزلریم نوری اوغول
آچ گوزون ای جانشین اکبر گلگون قبا


قلبیمی یاندیرما چوخ اوغلوم ئولوب ویر سس منه
قویما اوج ائتسون گویه نالَم جوان دلربا


سن یارالی توپراق اوستی ایستی گون سوز عطش
جای آسایش دگول صد پاره اعضایه هُنا


دور گیداق عمَّن ، آنان ، گورسون دویونجا اوخشاسون
آغلاسون اولاد پیغمبر سنه دوتسون عزا


آغلادی قلبین بوشاتدی ، گوتدی باسدی باغرینا
قارداشی اوغلون ، او سبط پادشاه اصفیا


بیر گلستان گول کیمی صد چاک اولان اعضاسینی
مَخیَمه گَتدی شهنشاه سریر ارتضا


نه بدن نه نوعیله حمل ائتدی خرگاهه امام
ای ((حسینی)) یازما واضح ، قوی بو سوز گیزلین قالا


#مرحوم_حسینی_سعدی_زمان




🍃🌷کپی بلامانع🌷🍃

https://t.me/+2tozhR4lwaU3MTY0

#قاسمیه_مدح_و_مرثیه
#احوالات_حضرت_قاسم_ع

بخش 1

#کربلاده_چون_اوخوندی_شرح_طومار_بلا
هر کس اوز برنامه سین اجرایه قویدی بر ملا


ایتدی ایفایِ وظیفه یکسر اصحاب حسین
قوچ قوزی قربانی ایتدی کربلا دشتین منا


دولدوروبدور ساقیِ محنت بلا پیمانه سین
ویردی عشّاق بلایه، اولدولار مست بلا


دورِ ساقیده یِتیشدی نوبت آل هاشمه
ایچدی اوّل اکبر اول ساغردن، ایتدی جان فدا


جور و بیداد مخالفدن عراقه دوشدی شور
ایتدی ناله عالم معناده روحِ انبیاء


چَکدیلر ناله حجازیلر شکسته قلبیدن
سر به سر دولدی نوائیله دیار نینوا


ساقی جانانیدن بیر ساغر سرشار آلوب
باشینه لاجرعه چکدی قاسمِ مستِ وفا


گَلدی دربار همایونیدن آلدی اذن جنگ
ایلدی عطفِ عنان میدانه پورِ محتبی


مجلسینین قولیدور بو مطلب، عاشورا گونی
یتمه میشدی سنّیده حدّ بلوغه بو بالا


بیر رشادت گوستَروب امّا که دوشدی حیرته
ضربِ شصتیندن او صحراده سپاه اشقیا


ابن سعدین پرچمین فکر ایتدی ایتسون سرنگون
آشکارادور بو سوز لشکر سینار یاتسا لِوا


گوردی سعد اوغلی یاخوندور لشکر اولسون مُنهَزِم
امر ایدوب ایتدی مُنادیلر بو نوعیله ندا


دورمیون بو خارجی اوغلین جماعت اُلدورون
گیتسون آز قالدی بو گون سعییم بو صحراده هوا


اوخ آتانلار، داش وورانلار، ایتدیلر بیردن هجوم
ووردولار دورت بیر طرفدن یاره اوستوندن یارا


بو کمکسیز، تک، سوسوز، یالقوز، اولار قرخ مین نفر
بو خبرده اهل فضل آنلار که وار نه مبتدا


پهلوانلار رسمیدور دعوا گونی جوشن گِیَر
اولماسون تا کارگر، اوخ، نیزه هنگاه وَغا


قاسمین امّا بو دعواه یوخیدی جوشنی
گَلدی هر اوخ جسمینه دَگدی پر آچدی چون هُما


عاقبت شهزادیه بیر یاره ووردی بیر شقی
طاقتین طاق ایلدی، قان آخدی، سست اولدی قوا


من دیمم نولدی دلیمده یوخدی طاقت شرحینه
مجتبادن ایلورم شرح ایتماقا شرم و حیا


بو قَدَر عین عبارتدور فَشَقَّت بَطنُهُ
قاسمه نیتدی، اوزون فکر ایله اول خونین جِدا


مرکب اوستونده دورا شهزاده مقدور اولمادی
بُلمورم امّا نه نحویله یخلدی توپراقا


مَه یوزی قانیله اولموشدی اَزَلده مُنخَسَف
قانلی توپراقه یخلدی تازه دن اول مَه لَقا


خیمیه یوز دوندروب سَسلندی گَل داده عمو
یخدیلار آتدان منی توپراقلارا اهل جفا


گَل عمو، فریاده گَل، جلّاده اَلینده قالموشام
من یتیمم یوخ آتام ای تاجدار اَتقیا


خیمه ده قاسم سَسین آلدی عزیز فاطمه
رزمگاهه قویدی یوز فرماندهِ امرِ قضا


ذوالفقار اَلده علی اوغلی آجیقلی شیرتک
لشکری یاردی، وورور گویا قلج شیر خدا


گَلدی تاپدی قاسمین گُل تک داغلمیش پیکرین
گوردی امّا باشی اوسته بیر لعینِ بی حیا


خنجر اَلده قاسمین ایستور آیرسون باشینی
مرتضی اوغلی حواله ایتدی بیر شمشیر اونا


ادامه دارد🔽🔽🔽


#مرحوم_حسینی_سعدی_زمان




🍃🌷کپی بلامانع🌷🍃

https://t.me/+2tozhR4lwaU3MTY0

110 نوحه

⭐⚪⭐⚪⭐
⚪⭐⚪⭐
⭐⚪⭐
⚪⭐
🌟
╔ ▫▫▫ ═══════════╗
🍃🌹@houseynie🌹🍃
╚═══════════ ▫▫▫ ╝
#کانال_اشعار_مرحوم_حسینی_سعدی_زمان
#حضرت_علی_اکبر_ع
https://t.me/+2tozhR4lwaU3MTY0
_______________________________
✍
احوالات حضرت ابراهیم و اسماعیل علیهم السلام
گریز به احوالات حضرت علی اکبر علیه السلام

بخش 3

باخاردی قالب بیروح تک او بیچاره
آخاردی خون دلی گوز یاشیله رخساره
➖➖➖➖➖➖➖➖➖➖➖➖➖
خیال ایدردی گر اوغلوم ضیافته گیدیری
ندن قدم بقدم گوز یاشیمی قان ایدیری
➖➖➖➖➖➖➖➖➖➖➖➖➖
گنه حصار دلی لشگر ملال آلدی
بو قصه اکبر و لیلانی یادیمه سالدی
➖➖➖➖➖➖➖➖➖➖➖➖➖
گیدنده رزمگهه مظهر رخ طه
نحاله قالدی بله بلمورم خانم لیلا
➖➖➖➖➖➖➖➖➖➖➖➖➖
اوره ک گوزوم گوروری حالینی ولیک قلم
ایدنموری اورگیمده اولان مقامی رقم
➖➖➖➖➖➖➖➖➖➖➖➖➖
بیرینی ایتمسه لیلا محبتی مجنون
نجه بولر ندی معنای حسن روز افزون
➖➖➖➖➖➖➖➖➖➖➖➖➖
آنا گورنده قتاله طرف جوانی گیدور
او حاله قالدی گورن فرض ایدردی جانی گیدور
➖➖➖➖➖➖➖➖➖➖➖➖➖
جوان اوغول قد رعناسینه سالوبدی کفن
باخان او حاله دیر برفیله دولوب گلشن
➖➖➖➖➖➖➖➖➖➖➖➖➖
ولی بهار و خزان جمع اولوبدی گلشنده
گورنمیوب ایله ضدین اولا برازنده
➖➖➖➖➖➖➖➖➖➖➖➖➖
ایدوبدی سرو قدین برف تک کفن مستور
یوزی بهار تک ایلر باخان گوزی مسرور
➖➖➖➖➖➖➖➖➖➖➖➖➖
هوانون ایستیسی رخسارینه دوزوبدی عرق
یوزی قزل گله بنزر آچوب ورق به ورق
➖➖➖➖➖➖➖➖➖➖➖➖➖
گون ایستیسیندن آچوب صورتی ایکی لاله
گل اوسته شبنمه بنزور دورب تری ژاله
➖➖➖➖➖➖➖➖➖➖➖➖➖
دوداقلاری قورویوب کثرت حرارتدن
سالوب عطش گل رخسارینی طراوتدون
➖➖➖➖➖➖➖➖➖➖➖➖➖
آناسی شانه ویروب زلفینی ایدوب پرچین
نه زلف مشگ خطا دور عبیر از فرچین
➖➖➖➖➖➖➖➖➖➖➖➖➖
جسارت اولدی دیدیم من اوزلفه مشک خطا
اوزی بغشلسه اکبر بغشلنر بو خطا
➖➖➖➖➖➖➖➖➖➖➖➖➖
باخان او طره مشکین و زلف پرچینه
حیا ایدر باخا مشگیله عنبر چینه
➖➖➖➖➖➖➖➖➖➖➖➖➖
او آغ کفن او قرا زلف ایله خوشن یاراشور
قرار و صبرین آلور هر کیمون گوزی ساتاشور
➖➖➖➖➖➖➖➖➖➖➖➖➖
او صورتیکه باخان گوزلرین قرارین آلور
تصور ایت آنا باخدوقجا گورنه حاله قالور
➖➖➖➖➖➖➖➖➖➖➖➖➖
گورور ملاحتینی قلب زار و مجروحی
اورکده سوزش ایدور زخمی اودلانور روحی
➖➖➖➖➖➖➖➖➖➖➖➖➖
دیور دایان دور علی گیتمه برده عطرون آلوم
باشوا بر دولانیم بوینوا قولومی سالوم
➖➖➖➖➖➖➖➖➖➖➖➖➖
آتان ویروبدور اجازه دینمرم گیتمه
غریب آنان ولی بالمره بیله ترک ایتمه
➖➖➖➖➖➖➖➖➖➖➖➖➖
دایان دویونجا گوروم گل یوزون گیدیرسن گیت
تکلم ایت ایشیدوم برسوزن گیدیرسن گیت
➖➖➖➖➖➖➖➖➖➖➖➖➖
بولنمورم نجه شهزاده آیرلوب گیتدی
بوقدر وار که یخلدی آناسی غش ایتدی
➖➖➖➖➖➖➖➖➖➖➖➖➖
مین ایل یازانلار اگر یازسا صبر لیلادن
محالدور اولا معلوم قطره دریادن
➖➖➖➖➖➖➖➖➖➖➖➖➖
جوانی گیتسه الیندن آنا ئولر ئولمز
بونی جوان بالاسی ئولمین آنا بلمز
➖➖➖➖➖➖➖➖➖➖➖➖➖
سوزی مخلص ایدوم بحثه اولماسون منجر
نه چکدی لیلی بیچاره بیر بولر هاجر

╔ ▫▫▫ ═══════════╗
🍃🌹@houseynie🌹🍃
╚═══════════ ▫▫▫ ╝
⭐
⚪⭐
⭐⚪⭐
⚪⭐⚪⭐
⭐⚪⭐⚪🌟

⭐⚪⭐⚪⭐
⚪⭐⚪⭐
⭐⚪⭐
⚪⭐
🌟
╔ ▫▫▫ ═══════════╗
🍃🌹@houseynie🌹🍃
╚═══════════ ▫▫▫ ╝
#کانال_اشعار_مرحوم_حسینی_سعدی_زمان
#حضرت_علی_اکبر_ع
https://t.me/+2tozhR4lwaU3MTY0
_______________________________
✍
احوالات حضرت ابراهیم و اسماعیل علیهم السلام
گریز به احوالات حضرت علی اکبر علیه السلام

بخش 2

اوغول گیدنده قوناق رسمدور آنا سوونور
منیم ولی اوره گیم بلمورم گینه دوگونور
➖➖➖➖➖➖➖➖➖➖➖➖➖
چکنده گوزلروه سرمه ای گوزوم نوری
آخور گوزوم یاشی تبدیل ایدور غمه سوری
➖➖➖➖➖➖➖➖➖➖➖➖➖
گورور اوره ک گوزی هاجرده بو قضایانی
مجسم ایلوری مد نظرده لیلانی
➖➖➖➖➖➖➖➖➖➖➖➖➖
باخاندا هاجره لیلا گورور دل بینا
دیور گوزیمدن آخان اشک چشم وای لیلا
➖➖➖➖➖➖➖➖➖➖➖➖➖
دگلدی مطلبه آگاه بینوا هاجر
صباح فدا اولاجاق اولجوان مه پیکر
➖➖➖➖➖➖➖➖➖➖➖➖➖
ورندا زلفنه شانه گنه اسردی الی
بیله قیاس اولی لیلایه هاجرین عملی
➖➖➖➖➖➖➖➖➖➖➖➖➖
بلوردی لیلی صباح اولسا اوغلی دوغراناجاق
شرار هجرله بر عمر قلبی اودلاناجاق
➖➖➖➖➖➖➖➖➖➖➖➖➖
فقط بر اوغلیدی امیدی قوم و قارداشدان
اودور که گوز یاشی طوفان ایدوب آشور باشدان
➖➖➖➖➖➖➖➖➖➖➖➖➖
بو فکریله اولا لنگر سنق سفینه سنه
باسور جوان اوغولین باشین اودلی سینه سنه
➖➖➖➖➖➖➖➖➖➖➖➖➖
چوخ ایستورم که دیم اول گیجه نه عالمیدی
دینمورم ولی چون حشرگاه اعظمیدی
➖➖➖➖➖➖➖➖➖➖➖➖➖
آنا بلوردی صباح اوغلنون شهادتیدی
اوغول بلوردی آنانون صباح قیامتیدی
➖➖➖➖➖➖➖➖➖➖➖➖➖
نچکدی لیلی بیچاره شرح اولونسا اگر
قالار وقایع حال ذبیحیله هاجر
➖➖➖➖➖➖➖➖➖➖➖➖➖
گرگ تعاقب ایدم باشدا کی قضایانی
ویرم تمامه قضایای عید اضحانی
➖➖➖➖➖➖➖➖➖➖➖➖➖
اوگیجه صبحه کیمی عارضینده اشک بصر
الینده شانه ایدوب زیور اوغلونا هاجر
➖➖➖➖➖➖➖➖➖➖➖➖➖
آچیلدی صبح ایدوب هاجره خلیل خطاب
اولور بوگون منه لازم اولا پچاق و طناب
➖➖➖➖➖➖➖➖➖➖➖➖➖
پچاق آدی ایشدنده آنا اولوب بیتاب
دیدی قوناق گیدنه نه لزوم کارد و طناب
➖➖➖➖➖➖➖➖➖➖➖➖➖
جواب ویردی خلیل خدا که ای هاجر
وار احتمالی شکاره ایشیم اولا منجر
➖➖➖➖➖➖➖➖➖➖➖➖➖
شکارین ال ایاقین باغلارام طنابیله
باشین پچاقیله ذبح ایلرم شتابیله
➖➖➖➖➖➖➖➖➖➖➖➖➖
گتوردی کارد و طنابی آنا ایدوب تسلیم
گوتوردی اوغلونی اولدی روانه ابراهیم
➖➖➖➖➖➖➖➖➖➖➖➖➖
اوغول گیدردی منایه طرف وقاریله
آنا باخاردی دالنجا چوخ انکساریله

ادامه دارد👇👇👇
╔ ▫▫▫ ═══════════╗
🍃🌹@houseynie🌹🍃
╚═══════════ ▫▫▫ ╝
⭐
⚪⭐
⭐⚪⭐
⚪⭐⚪⭐
⭐⚪⭐⚪🌟

⭐⚪⭐⚪⭐
⚪⭐⚪⭐
⭐⚪⭐
⚪⭐
🌟
╔ ▫▫▫ ═══════════╗
🍃🌹@houseynie🌹🍃
╚═══════════ ▫▫▫ ╝
#کانال_اشعار_مرحوم_حسینی_سعدی_زمان
#حضرت_علی_اکبر_ع
https://t.me/+2tozhR4lwaU3MTY0
_______________________________
✍
احوالات حضرت ابراهیم و اسماعیل علیهم السلام
گریز به احوالات حضرت علی اکبر علیه السلام
بخش 1

مقام خلته بیجا یتشمیوبدی خلیل
ایدوب خلیلی عجب امتحان خدای جلیل
➖➖➖➖➖➖➖➖➖➖➖➖➖
بلوندوروب جبروت اهلنه بو اسراری
که مندن اوزگه خلیلین اورکده یوخ یاری
➖➖➖➖➖➖➖➖➖➖➖➖➖
عبث خلیله خدا ویرمیوبدی بو جاهی
خلیل دلدن آتوب فکر ماسواللهی
➖➖➖➖➖➖➖➖➖➖➖➖➖
یازولا سگز ذی الحجه لیله سینده خلیل
یاتوب گوروب یوخودا امر ایدور خدای جلیل
➖➖➖➖➖➖➖➖➖➖➖➖➖
خلیل اولماز ایکی حب بیر دله جاگیر
برینی آتماسان اصلا دگل علاج پذیر
➖➖➖➖➖➖➖➖➖➖➖➖➖
محبتون بیزه وار قویموسان آدوی خلیل
نقیض خلت اولور اولسا حب اسماعیل
➖➖➖➖➖➖➖➖➖➖➖➖➖
گرگ بو قیددن اوز فکروی رها ایده سن
مجتیمده منیم، اوغلوی فدا ایده سن
➖➖➖➖➖➖➖➖➖➖➖➖➖
اویاندی صبح زمانی خلیل ایدوب تردید
قالوبدی ترویه آدی گیجه اولوب تجدید
➖➖➖➖➖➖➖➖➖➖➖➖➖
یاتوب صباح گیجه نی فکریله بقلب سلیم
گنه همان ایشه مامور اولوبدی ابراهیم
➖➖➖➖➖➖➖➖➖➖➖➖➖
اویاندی شکی گیدوب یتدی ظنی حق طرفه
بلوب که امر خدا دور آدی قالوب عرفه
➖➖➖➖➖➖➖➖➖➖➖➖➖
چاغوردی محضرینه هاجری بیوردی خلیل
صباح خلیلیمه مهماندی اوغلوم اسماعیل
➖➖➖➖➖➖➖➖➖➖➖➖➖
ایدوب زیارته بیر دوست اوغلومی دعوت
لباسینی عوض ایله بالاما ویر زینت
➖➖➖➖➖➖➖➖➖➖➖➖➖
او بزمه گیتمیه اوغلوم گرک حقیرانه
گوزینه سرمه چکوب ایله زلفنی شانه
➖➖➖➖➖➖➖➖➖➖➖➖➖
سیاه طره سینه عطر وور معطر ایله
نقدر گلسه الوندن بالاما زیور ایله
➖➖➖➖➖➖➖➖➖➖➖➖➖
ذبیحینی گتوروبدور همان گیجه هاجر
قویوب برابره کامنجه ایلسون زیور
➖➖➖➖➖➖➖➖➖➖➖➖➖
خیال ایدوب که اوغول زلفین ایلسون شانه
سو سپدی اشکیله اول زلف عنبر افشانه
➖➖➖➖➖➖➖➖➖➖➖➖➖
ال آتدی زلفینه شوقیله پیچ وتاب ویره
دوتوبدی اللرینی رعشه شانه دوشدی یره
➖➖➖➖➖➖➖➖➖➖➖➖➖
دیدی فدا سنه ای نوردیدۀ هاجر
اوغول سبب ندی بلمم نیه الیم تیترر
➖➖➖➖➖➖➖➖➖➖➖➖➖
ووراندا زلفوه شانه الیمده شانه دونر
گوروب خمیده قاشون قامتیم کمانه دونر
➖➖➖➖➖➖➖➖➖➖➖➖➖
گوزون فداسی کنار اولما بو گیجه مندن
مشام جانه گلور آیرلیق ائیی سندن

ادامه دارد 👇👇👇
╔ ▫▫▫ ═══════════╗
🍃🌹@houseynie🌹🍃
╚═══════════ ▫▫▫ ╝
⭐
⚪⭐
⭐⚪⭐
⚪⭐⚪⭐
⭐⚪⭐⚪🌟

https://t.me/+2tozhR4lwaU3MTY0

#حسینی_سعدی_زمان

#بالین_حضرت_علی_اکبر_ع

نه یاتموسان گوزون آچ ، ای گوزوم ضیاسی اوغول
مگر قولاقیوه یتمور آتان صداسی اوغول؟

ایاقه دور الیمه ویر اولون خیامه گیداخ
ایاقلاریم یریمور ای اَلیم عصاسی اوغول

دوشور خیالیمه اوضاعِ مسجدِ کوفه
آتام یاراسینه بنزور باشون یاراسی اوغول

یارالارون هَره سی بیر قیزل گُله بنزر
بو کربلا چولونی دولدوروب صفاسی اوغول

بو سرو قامتی رحم ایتمیوب یره یخدی
نه بی مُروّتمیش کوفه اشقیاسی اوغول

سزادی لیلینی دردون اگر ایده مجنون
دوام ایدر بونا هانسی اوغول آناسی اوغول

یارالی قلبیمی دوندرمه قانه ، ناز ایلمه
اولا کومکسیز آتان گوزلرون فداسی اوغول

ادب یولی بودور ای منبعِ کمال و ادب؟
آتا دورا اوزانا نوجوان بالاسی اوغول

ایاقه دور آپاروم کولگه یرده یات راحت
یارالیسان بو یرین ایسّدور هواسی اوغول

دیردیم ئولسم اگر ، سن منه کفن ایده سن
بو فکری عکس ایلدی حکمت اقتضاسی اوغول

آنان خیامیده آغلار دییر اوغول ایوای
چخوبدی نُه فلکه نِی کیمی نواسی اوغول

قلجلاریله اولوب بند بند گُل بدنون
نه جسمدور بو؟ که وار شکلنون نماسی اوغول

ایکی ایل اولدی (حسینی) دوشوبدی بیر درده
نه آدی وار بو دردین و نه دواسی اوغول

حکیم لر قالوب عاجز ، ویرنموری تشخیص
ولی بیزیم اَلیمزله اولور شفاسی اوغول.

التماس دعای فرج

https://t.me/+2tozhR4lwaU3MTY0

https://t.me/+2tozhR4lwaU3MTY0

#بالین_حضرت_علی_اکبر_ع
#حسینی_سعدی_زمان

نازیله یاتما قوری یرده علی یا ولدی
آچ گوزون منله دانیش بیرده علی یا ولدی

یارالی جسمیله گوردوقجا قوری یرده سنی
اورگیم باشی یانور ، آرتوری قلبیم محنی
قویدولار آخر اوغولسوز قوجا وقتیمده منی
یوخوموش رحم ، بو لشگرده علی یا ولدی

نجه خندان گوروم اوز گلشنِ عمریم گولونی
کیم دوزر گورسه بهارینده سولان سنبلنی
نقدر پرده چکم داغِ مصیبت بولونی
چکماق اولماز بو غمه پرده علی یا ولدی

شهدِ عمری منه شام اهلی شرنگ ایلدیلر
نورِ دیده گوزیمه عالمی تنگ ایلدیلر
سخت دلّلر سنی آماجِ خدنگ ایلدیلر
گَتدیلر خاطریمی درده علی یا ولدی

نقَدَر جهد ایدورم مانع اولام گوز یاشنا
قویموری سوزشِ دل ، گوزدن آخور اوز باشنا
اولا سندنصورا دنیانین علی کول باشنا
خوار اولا دهرِ ستمگرده علی یا ولدی

یاراسی اولسا سیزیلدار قوری یرده یاتانون
یاتما دور اولسون علی اللری شل اوخ آتانون
نوجوان داغی بوکر قامتینی هر آتانون
رسم عالَمدی بو هر یرده علی یا ولدی

عمریمون نوگلی سو ایچمسه شاخه سارالار
دستهء خار گلستاندا دگر گُل یارالار
سو ایچوب قانیله جسمونده آچوب گل یارالار
اوخشور افسوس گُلِ زرده علی یا ولدی

ایلیوب بسکه عطش ، سوزِ حرارت تأثیر
گللرین رنگی بو گلشنده تاپوبدور تغییر
آق کفن ، قرمزی قان ، وَردیله زرده تفسیر
وار سولان لالهء اَحمَرده علی یا ولدی

چوخ ووروب نیزه ، قلج ، گر چه سنه قومِ دنی
ئولدورر لیک بو کِتفوندا اولان یاره سنی
بیله اوراق ایلین ظلمیله بو گل بدنی
نه دییر جدّیوه؟ محشرده علی یا ولدی

کیم ووروبدور دیمورم بیر بیله پیکر یاراسین
قویورام بیر طرفه پیکریوون هر یاراسین
کوره گوندن بالا کیم ووردی بو خنجر یاراسین؟
قویدی داغون دلِ مضطرده علی یا ولدی

دورِ رویونده بو نحویله که قان هاله ووروب
او دوتولموش آیا بنزیر که ایدوب قاندا غروب
باشون اوستونده هدایت گونی گوز یاشلی دوروب
یوخ بو جلوه ، مهِ انورده علی یا ولدی

اگلشن وقتیده هر یرده منِ زار و ملول
سن اوتورمازدون ادبدن یره ، ای شبهِ رسول
ایمدی من دورموشام امّا ، ایاق اوستنده اوغول
یاتموسان سنده برابرده علی یا ولدی

قلبیمون مونسی غم مندن ایدوب سلبِ توان
من بو احواله قالاندا نجه بس دوزسون آنان؟
گورسه بیر بیله جراحاتِ خدنگیله سِنان
بو گوزل سینه بو پیکرده علی یا ولدی

ای گوزوم نوری یوزون قویما قوری توپراقه
اولما راضی اوجالا دودِ دلیم نُه طاقه
سن وفا ایلدون اوز ایلدوقون میثاقه
ایتدون امّا منی پژمرده علی یا ولدی

بیر یانار اود سنه باخدوقجا دلیمده دولانور
یاندیرور پرده به پرده ، گویه دودی دایانور
باخسا هر کیم منه سویلر بو سمندردی یانور؟
یا یانان عودیدی مجمرده علی یا ولدی

جدّ مظلوم ، (حسینی) اوتانان بیر یوزیله
مُتوسّلدی ، دوتوب دامنون آغلار گوزیله
ایستور اوز مشگلنون حَلّینی بو بیر سوزیله
نازیله یاتما قوری یرده علی یا ولدی.

التماس دعای فرج

https://t.me/+2tozhR4lwaU3MTY0

.

ائمّه گلشن عالمده تک به تک گُلدور
امام باقره فکریم ولی توسّلدور

قلمده بیر جَرَیان رموز محنته باخ
مَجازیدن گوتور اَل ای گوزوم حقیقته باخ

حقیقت اهلی حقیقت امام باقردور
حقیقت اوسته اونا یوز ویرن مصیبته باخ

گوروبدی محنت زندان، مصیبت غربت
او قلب عالم امکاندا صبر و طاقته باخ

آپاردی شامیده هشّام ایلدی محبوس
نجه گیئوب دیمورم، ماجرای رجعته باخ

یتیشدی هر یره گوردی اذیّت و آزار
غریبه باخ، غم و اندوه و درد غربته باخ

گَلوب مدینه ده بیر مدّت اولدی خانه نشین
نه بیر گَلوب نه گیدن ابتلای وحدته باخ

مدینه حاکمینه شامیدن یازوب هشّام
امامی اُلدوره، ماموره باخ، کتابته باخ

ولی اولانمادی نائل بو مقصده او دنی
اوزی جحیمه روان اولدی، عکس نیّته باخ

اگرچه اول شهی مقتول ایدنمدی هشّام
اونون یرینده اولان جانشین نَخوَته باخ

امام باقره عبدُالملک معاصر اولوب
او بی حیاده اولان بغضه باخ، عداوته باخ

امامی قویمادی دور زمانه آسوده
اونا عم اوغلیسی زید ایلین اذیّته باخ

نه قدر جور و جفا زید ایدوب او مظلومه
دینمورم، او دنی طبعیده رذالته باخ

امامت اوسته امامیله باغلادی کینه
زهی عجب آرالیقدا اولان قرابته باخ

امام قتلینه ایتدی خلیفه نی مجبور
او بی مروّت ایدن فعله باخ، سِعایته باخ

ایدوبدی آیه ی اجر رساتی انکار
جفا و جوریده عبدُ الملکده سرعته باخ

خیال ایدوب ایده زهرا چراغینی خاموش
او کور دلده گوگل خانه سینده ظلمته باخ

درست ایلدی برزین اسب او بی ایمان
سواریدی زهریله، اول شوم کینه فطرته باخ

مدینه حاکمینه یولّادی همان اَیَری
غرور سلطنت و نَخوَت ریاسته باخ

قویوب همان اَیَری بیر آت اوستینه والی
امامه یولّادی، تدبیره باخ، سیاسته باخ

امامی مکریله ایتدی همان آت اوسته سوار
اوتانمادی او زنازاده بیر جسارته باخ

بُلوردی زهریلیدی او ل اَیَر امام علیم
ولی مینِیدی گرک، مقتضای حکمته باخ

او زهر ایلدی تاثیر حجّتُ اللهه
پوزولدی حالتی بیر انکسار حالته باخ

وجود اقدس سلطان دین ایدوب آماس
تصوّر ایله، او زهر جفاده شدّته باخ

همان او حالیله پیغمبر اوغلی جان ویردی
شهید ایدن اوز امامین وفاسیز امّته باخ

امام جعفر صادق ویروب آتاسینا غسل
کفن ایدوبدی، مزاره قویوب، جلالته باخ

بودور شریعت پیغمبر اُلسه هر مسلم
ایده لّه غسل و کفن، بو گوزل شریعته باخ

جوان اوغول نه گوزلدور آتانی قبره قویا
نقیض مطلبه باخ، کربلاده محنته باخ

حسینون اکبری اُلموشدی، کیم ایدِیدی کفن
قوری یر اوسته قالوب جسم پاکی، حسرته باخ

بدن یارالی، قوری یر، جنازه سی عریان
او پاک جسمیده باشدان باشا جراحته باخ

ووروبلا گون کیمی باشین جدایه اهل جفا
بلالی زینبه محشردی، بیر قیامته باخ

دیمه اولونمادی مظلوم امامه غسل و کفن
کُتُب ده معتبر اخباره باخ، روایته باخ

ویروبله قانیله غسلین عزیز زهرانون
حُنوط جسم شریفینده قانلی تربته باخ

اَلنلر ایچره حسینون بیر امتیازیده وار
سوالون اولسا جوابینده طرز صحبته باخ

بو رسمیدور اُلنه اوچ کفن اولور امّا
حسینه بِش کفن اولدی، جلال و عزّته باخ

یارالاریندان آخان لخته قاندی بیر کفنی
ایکیمجیسی خس و خاشاک اولوبدی، خلعته باخ

امان اوچومجی کفندن که ایتدی سُمّ خُیول
اوزی دیوب سَحَقونی، همان عبارته باخ

مُخدّراتین اولوب زلفی دوردومونجی کفن
جنازه اوسته عیال شه ولایته باخ

مُحجّبات پریشان ایدوبله زلفلرین
ایدولّه جسم حسینه کفن، محبّته باخ

ندور بِشیمجی کفن، شرحینه حیا ایدورم
گَلوب آتانی اوغول دفن ایده، او ساعته باخ

آتا جنازه سینه بیر حصیر چولقالادی
وجوده باخ، کفنه باخ، او کانِ رافته باخ

ایدوب آتا اَیاقی آتدا دفن قارداشینی
یاتوب آتا بالا بیر یرده، خوش فراغته باخ

طواف مرقد شش گوشه بیرده اولسا نصیب
#حسینی ایله دعا، صدقیله اجابته باخ

https://t.me/+2tozhR4lwaU3MTY0

https://telegram.me/ganjine5