كيميت العظمي خفايا واسرار

قانون اللاجئين
اولا قاعده ثابته اي حاجه تتعمل ترند علي السوشيال ميديا اعرف علي طول ان العكس صحيح
ثانيا قبل ما تصدق اي حاجه اقراء اولا الموضوع من مصادره الرسميه وتفاصيله مش العنوانين فقط
ثالثا سيبك من التصريحات البراقه التي تخاطب الغرب والمؤسسات الدوليه و ركز في المضمون الفعال
نخش في الموضوع
اولا اللي كان بيحدد ان ده لاجئ ولا لا هي منظمه اللاجئين
القانون مصر من تحدد من هو لاجئ او لا وتبلغ منظمه اللاجئين واي لاجئ توافق عليه مفوضيه اللاجئين لا يعتبر لاجئ الا بعد الموافقه الامنيه المصريه
القانون بيقول مصر لها الحق في طرد اي لاجئ لاسباب عده
اولا قيامه بجرائم في الدوله القادم منها او مخالفه القانون المصري او مطلوب دوليا
ثانيا طرد اي لاجئ ينتمي لجماعات وكيانات مصر تعتبرها انها تنظيمات ارهابيه مهما كان تصنيفها خارجيا انها غير ارهابيه
ثالثا طرد و رفض طلب لجوء اي لاجئ لاسباب امنيه من وجهه النظر المصريه بدون ابداء اي اسباب للرفض
طرد اي لاجئ يتقاعس عن دفع الرسوم المفروضه ودي بتدفعها مفوضيه اللاجئين او الشخص
مصروفات طرد وترحيل اللاجئين يتحملها اللاجئ نفسه
القانون في حق التعليم الاساسي حسب القوانين المنظمه
القوانين المنظمه اللي اتعدلت من اول السنه مفيش دعم مفيش تعليم مجاني مفيش تخفيض درجات كله تعليم خاص وبالدولار
حقه في الخدمه الصحيه حسب القوانين المنظمه
اي حقه في العلاج وتقديم الخدمه علي حسابه الخاص بمستشفيات خاصه او في مستشفيات حكوميه بأسعار العلاج الخاصه الغير مدعومة للمصريين
حقه العمل وعمل شركات
بعد حصوله علي الموافقات السابقه يمكنه هذا بعد الموافقه الامنيه التي يمكن ان ترفض هذا بدون ابداء اسباب و اللي راحوا يأسسوا شركات او دخلوا مع مصريين في شراكات علشان ياخدوا حق اللجوء مازالت اوراقهم في هيئه الاستثمار اكتر من ٥٠ الف شركه بقالهم شهور ومش حيصدق عليها امنيا لوجود سورين وفلسطنين وسودانين الخ في اوراق الشركه
حقهم في تملك اصول عقاريه
لا يتم قانونا الا بالتسجيل في الشهر العقاري و برضه بعد الموافقه الامنيه التي يمكنها الرفض بدون ابداء اسباب كما نص القانون
الحق السياسي
حقه في الانضمام للجمعيات الاهليه ولكن ليس انضمام او تكوين لأحزاب سياسيه و برضه بعد الموافقه الامنيه
مصر في ٢٠٢٣ صنفت انها اعلي مصرفات اقامه وتعليم وصحه للاجئين واغلي من روسيا و اوروبا
فهي لم تعد الدوله الجاذبه للجوء ولن يتبقي غير المستثمر الحقيقي القادر علي تكاليف الرسوم والحياه الغير مدعومه من اي جهه والموافق عليه امنيا
القانون روجع وتم الموافقه عليه من لجنه الامن القومي اللي هي مكونه من المخابرات العامه والمخابرات الحربيه والامن الوطني والخارجيه يعني منتخب امن مصر 😎 فأطمئنوا القانون في صالح مصر والمصريين من جميع الاوجه ووضع صوره قانونيه لايمكن للمؤسسات الدوليه ان تجد فيه ثغره لمهاجمه مصر او التلويح بعقوبات و تجعلهم غير قادرين علي انتقاد ما تقوم به مصر من إجرائات
اعداد اللاجئين قلت في النصف الاول من العام ولكن الحرب في لبنان والسودان في الشهريين الاخريين جعلت هناك تباطؤ في الشهر الاخير
اخيرا كما مرت علينا مشكلات كتير وقلنا ملهاش حل ونلاقيها بتتحل بحكمه وهدوء ومن غير ما نسيب فرصه للمتربصيين بالوطن و اللاجئين اللي قاعدين في مصر من اكتر من ٣٠ سنه مش حيمشوا في يوم ولكن حياخد وقت ولكن مش كتير وبمزاجهم كمان😎☺️
هذا جزء من تفسير القانون و الاهم في كل بند هو حسب القوانين المنظمه ودي قوانين مصريه عدلت ولسه فيها تعديلات كتير 🤔🙄🫣
مصر لن تختطف و لن تعيد التاريخ احمس نهاها ولن تعود من جديد هنا عصر الملك حورمحب واضع الدساتير والقوانين ومنظم الحياه اللي اوقف هجمات كتير عسكريا ودبلوماسيا بحكمه وذكاء كبير صباحكم جميل
#حورمحب

المباره الأفريقية
مصر جهزت قواتها لاستلام مهمها كقوات حفظ سلام تابع للاتحاد الافريقي من ديسمبر ٢٠٢٤ بعد انتهاء دور القوات الاثيوبيه
زياره مدير المخابرات البريطانيه mi6 الي أديس ابابا لدراسه مكافحه الارهاب في البحر الاحمر
تصريح ابي احمد انه لابد من وجود موانئ علي البحر
اثيوبيا لن نسحب قواتنا من الصومال بعد انتهاء مدتها
الامم المتحده تصدر قرار بتواجد قوات اثيوبيا حتي ديسمبر فقط
الصومال اذا لم يتم سحب القوات الاثيوبيه في ميعادها فتكون قوات احتلال وسنعلن الحرب
مصر تعزز التعاون العسكري مع اريتريا و وزير الخارجيه يصرح الساحل الافريقي غير مستقر و مصر تتعاون بالتدريب والمعدات والخبرات مع العديد من الدول الافريقيه لمكافحه الإرهاب
اسرائيل تخطط مع دوله عربيه شقيقه عمل قاده عسكريه كبيره في جزيره سقطري وهي تابعه لليمن وعلي بعد ٢٤٠ كم من سواحل الصومال التي يسيطر عليها المنشقين المسماه صوملاند الغير معترف بها دوليا مع اعطاء وعد باعتراف اسرائيل و تلك الدوله بالمنشقين دوله مستقله وذلك بمقابل ان تقوم تلك القاعده بضرب الحوثيين التي تخاف منهم تلك الدوله بقذفها ب صواريخ وطائرات مسيره
مصر باتفاقيه الدفاع المشترك ستدعم الصومال عسكريا في حربها علي الإرهاب ودعاوي الانفصال لحساب اسرائيل واثيوبيا ازرع الزواحف في افريقيا ولكنها قد تفقد استثمارات عربيه نتيجه تعارض المصالح في هذا
عرفتوا الراجل كان مهموم ليه 😔 حلها انت بقي وورينا الهمه
علي الجانب الاخر اثيوبيا تريد استخدام سلاح المياه ضد دول افريقيا
في اجتماع البريكس طلب رئيس اوغندا مقابله الرئيس وتم
هناك اتفاقات تنمويه ومنها انشاء سد اونجا العظيم لكي يوفر كهرباء للكنغو لتسطيع النهوض زراعيا و صناعيا وبذلك تفقد اثيوبيا زبون اخر كان يمكن ان تكسب منه لو السد نور علشان تدفع الاقساط المتأخره عليها من ٢٠٢٢ ولكن الاهم مشروع نهر الكونغو الذي سيوفر مياه لمصر ضعف ما يأتي من اثيوبيا وسينقذ الكونغو من الفيضانات المدمره ويزيد الرقعه الزراعيه مشروع ظل حبيس لعدم وجود تمويل
روسيا والصين في البريكس اتفقا علي تمويل المشروع الذي سيتم بسواعد مصريه من الشركات والهيئه الهندسيه
روسيا والصين سيستفادوا من هذا في الشراكات الزراعيه والصناعية التي ستتم بخبراتهم الطويله في الزراعه والصناعه و التوزيع لكل افريقيا وسياسيا بكسر هيمنه ازرع الصهيو داخل افريقيا التي الجميع عينهم عليها لما تملكه من ثروات طبيعيه و زراعيه ودعم مصر مفتاح افريقيا و محور طرق تجاره العالم الجديد
ها ايه رايكم في الماتش 🙄 ده بس تحليل عن اللعب في الونج اليمين لسه خط النص والباكات و السنتر هاف و راس الحربة الخ
يعني ربنا يكون في عون الكوتش علشان ده جيم صعب ومعقد جدا واللي النهارده معاك بكره ضدك واللي بيسند ليك بكره بيقطع منك الكوره مبقتش عارف تدي لمين وتاخد من مين ومين لما تجري حيرمهالك قدام علشان تشوط وتهدف كتير
لسه الكوره في الملعب واللي حيكسب اللي مركز ونفسه طويل
كان معكم كابتشن حورمحب من استوديو التحليل فاصل ونواصل بقيه المباره
#حورمحب

ملفات مفتوحه
بطوله افريقيا وحل السحر
اي حد فاكر ان اللي بيحصل دلوقتي ابتدا من سنه ولا اتنين يبقي لسه قدامه كتير علشان يستوعب المخططات والاستراتيجيات
الموضوع بدء من التسعينات لما اشترت اسرائيل من اثيوبيا جزر في ارخبيل دلهوك بالبحر الاحمر وعملت عليها قواعد عسكريه وكمان إيران اشترت جزيرتين وحطت عليهم الحرس الثوري
وكمان الصومال حاولت المخابرات الامريكيه السيطره عليها وعلي الساحل ولكن شباب الصومال🥕 اسقطوا الطائره واسروا ١٢ رجل مخابرات امريكي
يطلع واحد فهمان دلوقت ويقولي طب لما الجزر الإسرائيلية جنب الجزر الايرانيه مضربوش بعض ليه في الضربات اللي فاتت 🤔
اقوله عيب كده انت بتشتغل مخك ولا ايه انت قصدك يعني🙄 يا عدو المكاومه يا صهيوني يا بتاع السم في العسل يا يا ☺️
المهم نرجع لموضوعنا قوم قامت اريتريا اللي كانت جزء من الفيدراليه الاثيوبيه بالانفصال عن اثيوبيا وبكده بقت الفديدراليه الاثيوبيه ملهاش ساحل علي البحر
تعمل ايه اثيوبيا تحاول تحتل الصومال وتاخد مواني علي البحر وكذلك تحرش بإريتريا
وهنا حد تمتم بالكلمات وصحي لعنه قديمه طلعت من القمم اشباح لا يقدر عليها انس ولا جان قلبت جزر اسرائيل ذي فرده الشراب و مركز استخبارات كان علي قمه جبل بالساحل .
حي الله حي وحدوه .
تسكت البت صهيو ابدا
دعمت بتاع الجمال يخلص علي جيش السودان ويسيطر علي الخرطوم علشان يوصل للحدود الجنوبيه وقابل بقي السواد
الاشباح تسكت🫣 جابت عليها واطيها ودمرت له مراكز السيطره والمخازن الاساسيه وقوافل الامداد من عند حدود اثيوبيا واختفت كانه ما كان
مفضلش غير الصومال ام احمد قالت والله لازم اخلص وابلبط علي البحر هناك
الاشباح تسكت فجائه لبست الصوماليين وهات يا ضرب في ٣ ولايات و الإرهابيين جريوا زي الفيران
احنا ملناش دعوه احنا عملنا بس اتفاقيات امنيه واستخبارتيه وعسكريه مع الصومال واريتريا واوغندا والتشاد وتنزانيا وبوركينا فاسو وجنوب السودان والنيجر ومالي وكينيا وبننفذ بنود الاتفاقيات☺️
مصر بتعمل في أعمار ليبيا وبتجهز لطريق تجاره شمال افريقيا و تونس معانا تمام
بيجي رئيس الجزائر علشان عايز شركات تعمل بنيه تحتيه وتنميه وطرق وكله يربط ويبقي تمام .
يقوم ينط الديك الفرنسي في نفس اللحظه علي المغرب ويسخن الأجواء علشان يقطع الشريان
وينط مدير المخابرات البريطانيه علي اثيوبيا ويقوله عايزين السواحل علشان نقاوم الارهاب شدي حيلك يا ام حمد مش كده دا المخطط كده حيبقي في خبر كان
لان حته الساحل الشرقي لافريقيا دي اخر مسمار في نعش طريق التجاره الصيني الحزام والطريق وقناه السويس والعالم كله حيبقي منتظر طريق اسرائيل البديل
قوم يجي وزير الخارجيه المصري مع نظيره النيجري و يجيبها علي بلاطه ويقولك ما شبح الا بني ادم
احنا لن نترك الساحل الافريقي غير مستقر و ارهاب و احنا فعلا بندعم بالتدريب والمعدات والخبرات في مكافحه الارهاب😎 دول الساحل بوركينافاسو و مالي والنيجر و الجابون دا غير طبعا غير الصومال واريتريا 😱 اه كده وش وانا وانتم والراجل ينزلي في الميدان
انا قولتلكم من اول يوم العرق الصعيدي اللي في الراجل ده عرق جامد يدي في الوش ولا يهاب.
فدلوقتي الماتش شغال وطبعا النيجر والتشاد لو بصيتوا علي الخريطه حتلاقوها نقط تلاقي حدود مصر وليبيا والجزائر وده الباب اللي عايزينه ممر للارهاب وقوافل الامداد وقلب ليبيا والجزائر و حدود مصر الجنوبيه
عرفتوا ليه المغرب عملت اتفاق أمني مع اثيوبيا وليه زارها ماكرون في نفس يوم زياره رئيس الجزائر لمصر لان خلاص اللعب بقي في التمانيات لا وقت ترقيص ولا تمرير ده وقت اللي الكوره تجيله يشوط بكل عزمه في الشباك و فرنسا خسرت كل مستعمرتها في افريقيا وآخرها النيجر اللي طردت كل قواتها من هناك ووزيرها كان مع وزير الخارجيه علشان دعمها في مكافحه الارهاب 😎 ومشاريع تنمويه واتفاقات استراتيجية
توهتوا مني شكلكم كده
كل ده حصل وكل دي ماتشات وكل دي هجمات وترقيصات وخد وهات و هما واخدينكم في ترند اسد قصر النيل و البت هدير
لكن الاشباح كانت واخدكم في ترند تاني ما هي برضه الاشباح بتحب تفرفش محبيها حتي وهي بتبعت رسايل 😎
اغنيه ايه🙄
اسند ضهرك واقعد اتفرج
اوعي تصدق اللي اتقالك
مش حتلاقي حد يصون سرك
لا مفيييييش
امشي يا قلبي دي ناس بيغلو
تيجي توفيلهم هما يقلوا
كتير خير الشده عشان
بتبين مين الشمتان
واللي خسرني اكيد خسران
وميلزمنييييش😘😘
يلا النهارده الخميس ومش عايز اطول عليكم واعطلكم علشان وراكم سهرات حلوه كتير ومحدش يتحجج ويقول باظت بسببي☺️
الشيخ حورمحب جلب الحبيب طرد الملاعين و فاكك سحر التفريق بس قول يا كريم
#حورمحب

سكرين شوت
دوله الملالي لابد انهائها
و احلالها بدوله مدنيه برضه تابعه لللصهيو ولكن هؤلاء الجدد سيقومون بدور تجميد العلاقات مع روسيا والصين والانفتاح علي العرب لضرب التكتل الشرقي الاقتصادي البريكس والبنك الاسيوي لان ايران نقطه وصل محوريه واساسيه بين طرق التجاره روسيا والصين و طريق الحرير الصيني و طريق الحزام والطريق البحري
ولكن عمل ده مع دوله محتاج اشعال غضب شعبي و كسر هيبه الملالي وده شغال من سنتين ومحتاج هزيمه عسكريه نكراء ليكون عذر قوي لازاحتهم من الحكم ويصيفوا في الشاليهات☺️
وقبل السب واللعن فكر لثانيه ازاي انت صدقت اللي لا يعترف بسيدنا محمد رسول وطول الليل والنهار سب في الصحابه هو نفسه اللي بيدافع عن مكان رحله الاسراء والمعراج لسيدنا محمد ويريد الاستشهاد في سبيلها 😉
عايزين نتفرج بقي علي ماتش السوبر بين منتخب مخابرات الصين و روسيا ومنتخب مخابرات امريكا واوربا علي ملعب ايران وطبعا حيكون هناك المراقب و المحلل الخططي الكبير اللاعب المصري الجديد الخبير في الشؤون الشيعيه والالاعيب الصيو ملاليه 😎😉☺️
سكرين شوت
#حورمحب

نمتوا😌
كنت عايز احكي لكم حكايه البلبل 😊 عامه لما تصحوا حتلاقوها
كان ياما كان فيه تاجر جمال وقطاع طريق وعلي السلب والنهب شغال غلط غلطه كبيره ان نطق اسم الاسياد واتكلم عليهم كمان 😱فاتفتحت عليه طاقه نار تحرق كل خسيس و جبان
طارات في السموات وبثت نارها علي مخازن سلاحه وكل طرق الامداد و قوافل الذخيره اللي جايه من عند البواب في مدينه الكرمك السودانيه اللي علي بعد ٥ كم من حدود اللي متتسماش
وكله اتساوي بالارض وما حد نجي من الاوغاد
أل يضرب العالي أل
الاسياد غضبانة ومفيش تعويذه تهدي اللي كان
واللي هربان عند البواب هبطت عليه الاسياد و جابتهم في شوال و الامهره والتجراي شايفين بعنيهم ازاي فوقيهم بترفرف الاسياد من غير نظارات ولا تلسيكوبات
والبواب عايز يضربها بالدفاعات
بس هي مش شايفاهم 😳 كلها اتعطلت 😱
هو من امتي الصواريخ والرادارات بتكتشف اشباح 😳
خلاص المداح حيحرقكم بقوه العدل و تعويذه العذاب
الصومال بتتقدم علي ٣ ولايات وبتكسح الارهاب وقبل نهايه العام حتكون اتخلصت من كل سفاح
والبحر اتقفل من ملوك الجان حتي السمك مش بيعدي من غير استأذان
وأتحاصرت و من شرك حتدوق الوان والافاعي دخلت الجحور ولا كأنها كانت وزاك ومن المفاجئة بتتلوي وتغير جلودها وعامله نفسها في حاله بيات
كل ده حصري وشايفه في بلورتي كأني هناك
اما في الناحيه التانيه الكيان شايف من العذاب الوان
هو مش قولتلك اول السنه ان المقاومه الحقيقيه ستولد من جديد ولا نسيتي دي كمان
خلاص الفالصو راح وجه وقت انوبيس بريشه الماعت ريشه العدل يحط كله في الميزان ويخلع القلوب ويوزنها وعلي الجحيم يرسلها والكل حيسمع الكلام والا اللعنه ما حتسيبه في الهنا يبات
كل ده حصل يا جدو 🙄
امتي وازاي ومين فك تعويذه الموميوات😳
لما انت كنتي مشغوله في التعبان اللي عض الطمطمايه وعملها خرمين تمام😊
#حورمحب

الكلب القطه الحمام المعابد الهرم الطاقه الذبذبات يلا ياشباب يلا يا بنات علي الكيلاس
كل شئ في الكون سواء كائن حي او جماد له ذبذات وهاله طاقه تغلفه لا تري بالعين المجرده
هاله طاقه الانسان تتواجد علي ٧ مناطق بطول العمود الفقري وجهاز ارسال واستقبال الطاقه الكونيه من طاقه النجوم والكواكب والمحيط المكاني موجود في مؤخره المخ وتسمي الغده الصنوبريه ورسمتها التشريحيه الطبيه عين حورس ومسقطها الجانبي الصقر حورس و حضراتكم شوفتوا كل ده بالتفصيل في سلسله ملفات مفتوحه و سلسله الصالحين الاوائل
ذبذات الانسان بتعمل بترددات الفا وبيتا وتتغير لون طاقه الهاله المغلفه له حسب الحاله النفسيه والجسديه والمشاعر الانسانيه
الحيوانات والطيور غير الانسان طاقتهم ثابته ولكن يتميزوا عنه ان لهم بوصله مغناطيسية وان طاقتهم ترددتها زيتا لذا تشعر الحيوانات والطيور بالزلازل والبراكين والاعاصير قبل حدوثها بوقت طويل وتغادر مكان الكارثه فورا قبل حدوثها
وايضا عندما تفقد بوصلتها المغناطيسيه توجيهها لاي خطاء يؤدي لتغيير في مغناطيسيه الارض يصدر عنهم تصرفات غريبه وهياج عصبي وذلك نراه كثيرا في الانتحار الجماعي للحيتان و الدلافيين و سقوط اسراب الطيور ميته في بريطانيا الخ الخ
لذا تلعب الترددات والطاقة والموجات الكهرومغناطيسية دورا كبيرا في حياه الجميع وخاصه الحيوانات والحشرات
فمثلا النمل ينجذب للطاقه السلبيه لذا تواجده الغير مبرر في غرف النوم او الصالون بينم عن وجود طاقه سلبيه من الحسد او السحر لذا تواجد الحيوانات و الحشرات في اماكن بعيده عن غريزتها للبقاء في البحث عن الغذاء فهو يدل علي تواجد نوع ما من الطاقه والترددات تجذب طاقتها و تجذب بوصلتها المغناطيسيه
معلش مقدمه طويله علشان الاصدقاء الجدد اللي محضروش سلاسل المنشورات القديمه
الكلب القطط الحمام
الحمام طاقته طاقه سلام ومحبه لذا هو دائما رمز للسلام
الكلاب والقطط طاقتهم طاقه حمايه وحب و وفاء و فداء وحمايه فهم دائما اوفياء لاصدقائهم ويدافعون عنهم بكل قوتهم ان شعروا بخطر يداهمهم
ما حدث مع صعود الكلب سبقه من عده سنوات تجمع الحمام علي وجه وجسد ابو الهول مع ان هذا بعيد عن غريزتهم التي تدفعهم للوجود عند الأشجار لعمل اعشاش واماكن الحبوب للغذاء وكذلك قطط المعابد البعيده عن غريزتها في تواجدها قرب الاسواق و الكلاب التي دائما تتواجد بالقرب من أماكن إلقاء بقايا الطعام
ايه اللي يطلع الكلب الهرم ويتعب التعب ده كله ليصل الي قمته وهناك لايوجد طعام ولا شراب ومحدش يقولي بيلعب فالكلب دائما يلعب بالمكان المحيط به ولا يفعل ذلك الا لغرض ما في نفسه وكذلك قطط المعابد المتواجده بشكل دائم ولا تتركها ابدا رغم ان هناك نقص شديد في الغذاء و الماء
ان ما يحدث هو وجود طاقه وترددات كهرومغناطيسية تجذبها بدون اراده منها التي تشعر معها بالارتياح والسكينه وطبعا حضراتكم شوفتم الفيديوهات الجديده لمجموعات كلاب تصعد الهرم وهذا لم يكن موجودا من قبل ولم نره طوال حياتنا
ان الهندسه المعماريه للاهرامات وتواجدها علي خطوط الرعي المغناطيسي لكوكب الارض وتواجد المعابد بهندسه معماريه كونيه تعتمد علي مواقع النجوم و ارتحال الشمس والقمر في دورتهما يجعلها مفاعلات طاقه تستمد طاقتها من الكون لذا اي شخص زار الاهرامات والمعابد يشر بارتياح وسلام نفسي كبير
اخيرا علشان طولت عليكم
ان ما يحدث من تلك الظواهر الغير عاديه من الحيوانات و الطيور معناه تواجد طاقه ايجابيه مستجده او بالاحري بوابات طاقه قديمه تفتح ابوابها من جديد لاحداث توازن في طاقات سلبيه تحدث في اماكن اخري
فالارض تتهيأ لاحداث عظام تابعوا تصرفات الحيوانات والثدييات والطيور والحشرات وستعلموا القادم بدون شرح من احد
تابعوا الحيوانات التي كانت تطوف حول نفسها في اوروبامن سنتين ومهاجمه طيور النورس والغربان والعناكب لمدن اوروبيه خلال السنوات السابقه و الانتحار الجماعي للحيتان و الدلافين والفقمه علي سواحل امريكا تابعوا انجذاب الكلاب والقطط والحمام للاهرامات والمعابد وتعاملها بلطف وسلام مع الناس تابعوا عوده هجرات البجع الفلامنجو والبط الزرقائي والبلشون والشرشير و نسر العقاب الملكي لمصر بعد توقف ذلك لعقود طويله
تابعوا فقط من لا يعرفون الكذب ولا الخداع ولا يفكرون في اطماع ولكن يحركهم فقط ما وضعه فيهم الرحمن من بوصلات كهرومغناطيسيه و ترددات طاقه توصلهم لما يتوافقون معه من طاقات
#حورمحب

صباح الخير
الحكومه المحروقات المواطن
بصراحه تامه الحكومه كانت واضحه جدا وقالت انها ستحرك اسعار المحروقات حتي ٢٠٢٥ وانا بحب الصراحه ☺️
وبرضه بصراحه تامه ان الوضع اصبح في غايه الصعوبه علي معظم طبقات الشعب المصري
و مع ان انا مع رفع الدعم نهائي لانه ضد كل انواع التنميه والتقدم
الا ان كما تعلمنا في كي جي ون اداره ازمات انه مع تحريك الاسعار او تقليص الدعم لابد من إجرائات حمايه مجتمعية لكي يستطيع المواطن تحمل الصدمه السعريه
وطبعا في إجرائات حمايه اجتماعيه اتخذت ولكن لا تمثل شيئا من حجم الزيادات السعريه
فتحريك سعر المحروقات يرفع اسعار جميع السلع الاساسيه سواء غذائيه او اجهزه او متتجات صناعيه و لكي لا يكون كلام مرسل فمثلا لو أخذنا بند البنزين ٩٢ كان سعره في ٢٠٢٢ ٩.٢٥ جنيه والان ١٥.٢٥ اي بزياده ٦٤.٨٪ اما السولار كان في نهايه ٢٠٢٢ هو ٧.٢٥ والان ١٣.٧٥ بزياده ٨٩.٦٪ وبالتالي زادت كل اسعار السلع والغذاء بنسبه اعلي من هذا نتيجه ارتفاع الاسعار العالميه بينما اجرائات الحمايه الاجتماعيه في خلال تلك السنتين حتي الان كانت ١٣٪ و١٥٪ و١٥٪ بأجمالي ٤٣٪ بفارق زياده ٤٦.٦٪ يتحملها المواطن وكل ذلك علي اعتبار ان السوق عادل ومنضبط فمع كل تلك الإجراءات الحمائيه اصبحت مدخول المواطن اقل ٥٠٪ علي الاقل مما كان في نهايه ٢٠٢٢
وقد اصبح الجميع يأن بشده تحت وطأه هذا الضغط الضخم وغير قادر علي تلبيه احتياجاته الاساسيه واعتقد لو فيه حد بيجمع تقارير من الشارع حيعرف حجم المعاناه والضغط وعدم الرضي عن اوضاعه الاقتصاديه وان الشعب ليس هؤلاء الالاف من الأغنياء الذين نراهم في قري الساحل ولا دافعي الالاف في تذاكر حفلات الغناء
وبالرغم انه لا احد ينكر الحجم الضخم من الانجازات ولا الحجم الضخم من ملفات الامن القومي ولا الحجم الضخم من التغيرات الحاده والسريعه في الاقتصاد العالمي وان معظم العالم يأن من التضخم والغلاء ولكن لابد من إجرائات حمائيه حقيقيه عادله وعاجله فنحن جميعا نراهن علي وطنيه وتحمل وصبر المواطنين ولكن لا تزيد الرهان وتجعل الكثيرين تتلقفهم ايادي الشر وتجعلهم لاعبين معهم في نفس الفريق بعدم الدعم والانسياق خلفهم في اكاذيبهم فأن تفاقم الوضع الاقتصادي للمواطن اكثر من هذا من وجه نظري خطر علي الامن القومي الذي هو بالفعل يواجه حروب جمه من جميع الاتجاهات
لو سمحت معاليك هذا الملف اصبح ينذر بالخطر في وقت نحتاج فيه لتكاتف وتلاحم الجميع
اما صندوق النكد الدولي قلتها سابقا واعيدها مره اخري انه لم ينجح في اي اصلاح اقتصادي في اي دوله وتركهم اجمعين غرقي في الديون والغلاء و منهارين اقتصاديا
أتأسف لو كنت ازعجت حضراتكم
ولكن تعودت علي تلك الصفحه الا انشر الا الحقائق وان ادعم وطني لاقصي حد وسأظل هكذا حاميا ومدافعا عنها حتي يواريني الثري وما أقوله هو نقد بناء لمصلحه الوطن وليس انتقاص او تقليل من مجهود الشرفاء ولكن ناقوس يدق لتصحيح جزء من المسار
ارجوا من الله ان يسمعني احد وان يظل وطني قويا شامخا متحديا كل الصعاب بشعبه وجيشه وقيادته
دمتم بخير
#حورمحب