HIV အရေး ခင့်ကိုမေး

ရင်သွေးလေးတွေမှာ HIV စစ်တဲ့အခါ

HIVပိုးစစ်ဆေးတဲ့အခါ Antibody test ဟာ လူကြီးတွေမှာ တိကျမှုရှိပေမယ့် မွေးကင်းစကလေးတွေမှာတော့ အဖြေမှန်ကန်မှုမရှိနိုင်တာကြောင့် သမားရိုးကျနည်းလမ်းတွေနဲ့ ကိုယ့်ဘာသာစစ်ဆေးလို့မရပါဘူး။

HIV ရောဂါပိုးရှိတဲ့ မိခင်ရဲ့သွေးထဲက Antibody တွေက မွေးကင်းစကလေးရဲ့ သွေးထဲမှာ ၁၈လအထိ ရှိနိုင်တာကြောင့် HIVပိုးရှိမရှိ Antibody test နဲ့ ဆုံးဖြတ်လို့မရပါဘူး။ ဒါကြောင့် ကျန်းမာရေးဌာန သို့မဟုတ် ဆေးရုံက ကျွမ်းကျင်ဝန်ထမ်းတွေရဲ့ စစ်ဆေးမှုကို ခံယူသင့်ပါတယ်။

HIV ရောဂါပိုးရှိတဲ့မိခင်တွေမှာ ရင်သွေးလေးတွေကို မွေးပြီး ၄၅ရက်အတွင်း စောနိုင်သမျှ အစောဆုံးစစ်ဆေးရပါမယ်။ စစ်ဆေးတဲ့အခါ တစ်ခေါက်တည်း စစ်ဆေးရုံနဲ့ မလုံလောက်ပါဘူး။ ပထမအကြိမ်စစ်ဆေးမှုရလဒ်၊ ကလေးကြီးထွားမှုနှုန်းနဲ့ ကလေးကျန်းမာရေးအခြေအနေအပေါ်မူတည်ပြီး ပြန်စစ်ဖို့လိုတဲ့အခါ ညွှန်ကြားထားတဲ့ ရက်ချိန်းအတိုင်း မပျက်မကွက် သွားရောက်ပြသဖို့လိုအပ်ပါတယ်။
ကလေးတွေမှာ HIV ပိုးရှိတာ စောစောသိရင် စောစောကုသပြီး မလိုလားအပ်တဲ့ နောက်ဆက်တွဲတွေကို ကာကွယ်ဖို့အတွက် အချိန်မီစစ်ဆေးကြဖို့ မမေ့ကြနဲ့နော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ။

ကွန်ဒုံးဆိုရင် တော်တော်များများက အမျိုးသားသုံးကွန်ဒုံးတစ်မျိုးတည်း ရှိတယ်လို့ထင်တတ်ကြပါတယ်။ တကယ်တော့ အမျိုးသမီးတွေအတွက် ထုတ်ထားတဲ့ ကွန်ဒုံးလည်း ရှိပြီး အမျိုးသားသုံးကွန်ဒုံးတွေနဲ့တန်းတူ သားဆက်ခြားနိုင်စွမ်းရှိသလို လိင်မှတဆင့်ကူးစက်ရောဂါတွေကိုလည်း ကာကွယ်ပေးနိုင်ပါတယ်။
အမျိုးသမီးသုံးကွန်ဒုံးကို အသုံးပြုမယ်ဆိုရင်
✅ သက်တမ်းကုန်ခြင်းရှိမရှိ စစ်ဆေးပါ။
✅ ကွန်ဒုံးအိတ်မှာပါတဲ့ ခွေးသွားစိတ်အရာအတိုင်း အိတ်ကို လက်နဲ့ဖောက်ပါ။
✅ ကွန်ဒုံးရဲ့အတွင်းကွင်း (အပိတ်ဘက်) ကို လက်မ၊လက်ညိုးနဲ့ ညှစ်ပြီး အမျိုးသမီးအင်္ဂါထဲ အသာအယာထည့်သွင်းပါ။
✅အဲ့နောက် အပြင်ကွင်း (အဖွင့်ဘက်)ထဲ လက်ထည့်ပြီး အတွင်းကွင်းကို မွေးလမ်းကြောင်းအတွင်း ဝင်နိုင်သမျှ ဝင်သည်အထိတွန်းပါ။
✅ ကွန်ဒုံးကို လိင်မဆက်ဆံခင်ကစပြီး ပြီးဆုံးသည်အထိ စွပ်ထားဖို့လိုအပ်ပါတယ်။
✅ လိင်ဆက်ဆံပြီးတဲ့အခါ ကွန်ဒုံးရဲ့ အပြင်ကွင်းကို လိမ်ပြီး ပိတ်ကာ အသာအယာဆွဲထုတ်ပြီး စွန့်ပစ်နိုင်ပါတယ်။
ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ။

ART နဲ့ ဂျင်ဆင်းအားဆေးတွဲသောက်လို့ရလား။

HIV ကူးစက်ခံရသူတွေမှာ ကိုယ်ခံအားကောင်းမွန်အောင် စားသောက်နေထိုင်ဖို့ လိုပါတယ်။ ဂျင်ဆင်းဟာ ကိုယ်ခံအားကောင်းမွန်စေတယ်လို့ နာမည်ကြီးတာကြောင့် ART ဆေးသောက်နေရသူတချို့က ဂျင်ဆင်းကို သောက်သုံးချင်ကြပါတယ်။ ဒါပေမယ့် တဖက်မှာလည်း ဂျင်ဆင်းကြောင့် ART ဆေးရဲ့ အာနိသင်ကို ထိခိုက်မှာ စိုးရိမ်ကြပါတယ်။

လက်ရှိလေ့လာမှုတွေအရတော့ ကိုရီးယားဂျင်ဆင်းနီဟာ ART ဆေးရဲ့ အာနိသင်ကို လျော့ပါးစေတာ သို့မဟုတ် ဓာတ်မတည့်တာစတဲ့ အထောက်အထားမရှိတာကြောင့် စိတ်ချလက်ချသောက်သုံးနိုင်ပါတယ်။ စိတ်အချရဆုံးကတော့ ART မသောက်ခင် ၂နာရီအလို သို့မဟုတ် ARTသောက်ပြီး ၆နာရီအကြာမှာ သောက်သုံးတာပဲဖြစ်ပါတယ်။

သတိထားရမှာတစ်ခုက ဈေးကွက်မှာ ဝင်ရောက်နေတဲ့ ဂျင်ဆင်းအတုတွေကို ရှောင်ရှားဖို့နဲ့ သောက်တော့မယ်ဆိုရင် ဆရာဝန်နဲ့ သေချာတိုင်ပင်ဖို့တော့ မမေ့ပါနဲ့နော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ။

ဒီလိုအခြေအနေတွေကြောင့်

ယနေ့ခေတ်ကြီးမှာ အခြေအနေအမျိုးမျိုးကြောင့် စားဝတ်နေရေးခက်ခဲလာတဲ့အခါ ရေတိုဖြေရှင်းနိုင်ဖို့အတွက် အမျိုးသမီး Sex Workerတွေသာမက အမျိုးသား Sex Worker တွေလည်း ပေါ်ပေါက်လာပါတယ်။

အမျိုးသား Sex Worker တွေဟာ ဒီအလုပ်ကို လုပ်ချင်လို့လုပ်နေရတာမဟုတ်ဘဲ မိသားစုဝမ်းရေးပြေလည်နိုင်ဖို့ အခက်အခဲမျိုးစုံကြားက လုပ်နေရရှာသူတွေဖြစ်ပါတယ်။ ဒါကြောင့် ခင့်မိတ်ဆွေတို့အနေနဲ့ အမျိုးသား Sex Worker တွေကို နှိမ့်ချဆက်ဆံတာမျိုးထက် သူတို့ ရသင့်ရထိုက်တဲ့အခွင့်အရေးတွေကို အသိအမှတ်ပြုပြီး ကောင်းကောင်းမွန်မွန်ဆက်ဆံသင့်ပါတယ်။

အမျိုးသား Sex Worker တွေမှာလည်း HIVအပါအဝင် STIတွေရဲ့ အန္တရာယ်ကို ကာကွယ်ပိုင်ခွင့် အပြည့်အဝရှိတာကြောင့် ပတ်ဝန်းကျင်မှာ Sex Workerတွေရှိရင် အပစ်တင်ကဲ့ရဲ့ကြမယ့်အစား HIV ရောဂါကိုကာကွယ်ဖို့နည်းလမ်းလေးတွေ မျှဝေရင်း စောင့်ရှောက်ကူညီကြဖို့ ခင်က တိုက်တွန်းလိုက်ပါတယ်နော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ။

ရင်သွေးတို့ နဲ့ HIV

HIV ပိုးဟာ ရောဂါရှိတဲ့ကိုယ်ဝန်ဆောင်မိခင်ကနေ ဗိုက်ထဲကကလေးဆီကို (vertical transmission) နည်းအားဖြင့် ကူးစက်နိုင်ပါတယ်။ ကိုယ်ဝန်ဆောင်နေစဉ် မကူးစက်ခဲ့ရင်တောင်မှ မီးဖွားချိန် နဲ့ မိခင်နို့တိုက်ရင်းကနေ ကူးစက်တာမျိုးလည်း ရှိပါတယ်။

တကယ်လို့ ကိုယ့်ရင်သွေးလေးတွေမှာ HIV ပိုးကူးစက်ခံရပြီဆိုရင် ရောဂါကို ထိန်းချုပ်နိုင်ဖို့အတွက် ဆရာဝန်နဲ့ပြပြီး အမြန်ဆုံးကုသမှုခံယူဖို့လိုအပ်ပါတယ်။

HIV ပိုးကူးစက်ခံရတဲ့ ရင်သွေးတွေကို စောင့်ရှောက်တဲ့အခါ အရေးကြီးဆုံးအချက်တွေကတော့
✅ HIV ပိုးကောင်ရေကို ထိန်းချုပ်နိုင်ဖို့ ART ဆေးကို ဆရာဝန်ညွှန်ကြားချက်အတိုင်း အချိန်မှန်တိုက်ပါ။
✅ ကလေးရဲ့ ဖွံ့ဖြိုးတိုးတက်မှု နဲ့ HIV ရောဂါပိုးထိန်းချုပ်နိုင်မှုရှိမရှိ စစ်ဆေးဖို့ သတ်မှတ်ကာလတွေမှာ ကျန်းမာရေးဌာနကို အချိန်မှန် လာပြပါ။
✅ ကိုယ်ခံအားကောင်းမွန်စေဖို့ အာဟာရဖြစ်စေတဲ့ အစားအသောက်တွေကို တိုက်ကျွေးပါ။
✅ HIV ကူးစက်ခံရတဲ့ ကလေးတွေမှာ ပြင်ပက ကူးစက်ရောဂါတွေ ဝင်လွယ်တာကြောင့် လူထူထပ်တဲ့နေရာတွေ သွားတာကို ရှောင်ကြဉ်ပါ။ နောက်ပြီး နေ့စဉ် တကိုယ်ရေသန့်ရှင်းရေးကိုလည်း ဂရုစိုက်လုပ်ပေးဖို့၊ အသုံးအဆောင်ပစ္စည်းတွေကို သန့်သန့်ရှင်းရှင်းထားဖို့ မမေ့ပါနဲ့နော်

Condom အသုံးပြုခြင်းဟာ HIV နဲ့ အခြားလိင်ကတဆင့် ကူးစက်တဲ့ရောဂါတွေကို ကာကွယ်ဖို့အတွက် အထိရောက်ဆုံးနည်းလမ်းပဲဖြစ်ပါတယ်။

ဒါပေမယ့် Condom ကို ဆောင်တဲ့အခါ စနစ်တကျ ထိန်းသိမ်းမှုမရှိရင် ပေါက်ပြဲပျက်စီးတာတွေ ဖြစ်တတ်ပြီး မလိုလားအပ်တဲ့ရောဂါ ကူးစက်တာတွေ ဖြစ်တတ်တာကြောင့် အောက်ကအချက်လေးတွေကို သတိထားရမယ်နော်။

❗️ကွန်ဒုံးကို ပိုက်ဆံအိတ်ကျပ်ကျပ်ထဲမှာ အကြာကြီးထည့်သိမ်းခြင်းဟာ ပွတ်တိုက်မှု နဲ့ အပူချိန်ကြောင့် ပေါက်ပြဲပျက်စီးတာတွေ ဖြစ်တတ်ပါတယ်။

❗️ကွန်ဒုံးကို အသုံးမပြုခင်မှာ သက်တမ်းလွန်ခြင်းရှိမရှိ စစ်ဆေးသင့်ပါတယ်။

❗️အသုံးမပြုခင် နဲ့ အသုံးပြုပြီးမှာ ပေါက်ပြဲနေတာ ရှိမရှိကိုလည်း စစ်ဆေးရပါမယ်။

သိမ်းဆည်းတဲ့အခါ အပူချိန်မျှတပြီး ကျယ်ပြန့်တဲ့အိတ်၊ဘူး စတာတွေထဲမှာ သိမ်းဆည်းသင့်ပါတယ်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ။

(ခြစ်) မိရုံနဲ့ HIV ကူးနိုင်လား?

Club သွားရင်းဖြစ်ဖြစ်၊ အပြင်မှာပဲဖြစ်ဖြစ် ပစ္စည်းတစ်ခုခုနဲ့ မတော်တဆခြစ်မိလို့ ပွန်းပဲ့သွားရင် HIV ပိုးကူးမှာကို စိုးရိမ်မိတတ်ကြပါတယ်။

🙅‍♂️ ဒါပေမယ့် ခြစ်မိရုံလေးနဲ့ HIV ပိုးကူးစက်နိုင်ခြေဟာ လက်တွေ့မှာ လုံးဝနီးပါး မဖြစ်နိုင်ပါဘူး။

🙋ဒါဆို အဲဒီပစ္စည်းက HIV ရှိတဲ့သူနဲ့ခြစ်မိပြီးမှ ကိုယ့်ကို ခြစ်မိတာဆိုရင်ရော ကူးနိုင်မလား။

❌ ဒီအတွက် အဖြေကလည်း No ပါပဲ။

HIV ပိုးဟာ သွေးကတဆင့် ကူးစက်တတ်တယ်ဆိုပေမယ့် ခန္ဓာကိုယ်ပြင်ပက လေထု သို့မဟုတ် အရာဝတ္ထုတစ်ခုခုနဲ့ ထိတွေ့ပြီးတာနဲ့ ကြာကြာမရှင်သန်နိုင်တော့ပါဘူး။ ဒါကြောင့် မတော်တဆခြစ်မိပြုမိရင်းကနေ HIV ကူးစက်တယ်ဆိုတာ လုံးဝမရှိသလောက်ဖြစ်ပါတယ်။

❗️ခြစ်မိပြုမိတာကနေ HIV မကူးစက်နိုင်ပေမယ့်လည်း မေးခိုင်ရောဂါပိုးတော့ ကူးစက်နိုင်တာကြောင့် ဒဏ်ရာကို သေချာသန့်ရှင်းပြီး မေးခိုင်ကာကွယ်ဆေးထိုးကြဖို့တော့ လိုတယ်နော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ။

PEP ဟာ HIV ကူးစက်နိုင်ခြေများတဲ့အခြေအနေ (ဥပမာ - ဆေးထိုးအပ်စူးတာ၊ HIVရောဂါရှိသူနဲ့ အကာအကွယ်မပါဘဲ လိင်ဆက်ဆံမိတာ၊ကွန်ဒုံးပေါက်ပြဲတာ) စတာတွေမှာ ရောဂါပိုးကူးစက်နိုင်ခြေကို အနည်းဆုံးဖြစ်အောင် လျှော့ချပေးနိုင်တဲ့ ဆေးတစ်မျိုးဖြစ်ပါတယ်။

လက်ရှိမှာ PEP ကိုဈေးကွက်မှာ ဖောဖောသီသီရနေတာကြောင့် လူတွေက တွေ့ရာနေရာကဝယ်ပြီး ကာကွယ်ဆေးသဘောနဲ့ ထင်သလိုသောက်နေကြတာ တကယ်တမ်းတော့ မှားယွင်းပါတယ်။ PEP သောက်ရုံနဲ့ HIV ပိုးလုံးဝမကူးစက်နိုင်တာမဟုတ်ဘဲ ကူးစက်နိုင်ခြေရှိပါတယ်။ ဒါ့အပြင် PEPဟာ ကာလသားရောဂါ၊ ရေယုန်စတဲ့ လိင်ကတဆင့် ကူးစက်တတ်တဲ့ ရောဂါတွေကို ကာကွယ်ပေးနိုင်စွမ်းမရှိပါဘူး။

ဒါကြောင့် PEP ကို သောက်တဲ့အခါ ကိုယ့်မှာ HIV ကူးစက်နိုင်တဲ့ အခြေအနေရှိမရှိကို ကျွမ်းကျင်တဲ့ဆရာဝန်နဲ့ သေချာတိုင်ပင်ဆွေးနွေးပြီးမှသာ ဆရာဝန်ညွှန်ကြားချက်အတိုင်း သောက်သုံးပါ။ PEP မသောက်ခင်မှာ သွေးကိုအရင်ဆုံးစစ်ရပါမယ်။ ဒါ့အပြင်ကိုမှာ ဆေးသောက်ပြီး ၁လ နဲ့ ၃လမှာ သွေးပြန်စစ်ဖို့လည်း လိုပါတယ်နော်။

ဆေးပတ်လည်သွားရင်လည်း HIVရောဂါရှိမရှိကို ပြန်စစ်ဆေးပါ။ ဒါ့အပြင် HIV အပါအဝင် အခြားလိင်ကတဆင့်ကူးစက်တတ်တဲ့ရောဂါတွေကိုပါ ကာကွယ်ပေးနိုင်တဲ့ ကွန်ဒုံးအသုံးပြုပြီး အတူနေပါ။

HIV ဆိုတာဟာ သွေး သို့မဟုတ် လိင်ကနေတဆင့် ကူးစက်တတ်တဲ့ ဗိုင်းရပ်စ်တစ်မျိုးဖြစ်ပါတယ်။
အဲဒီ ဗိုင်းရပ်စ်ကူးစက်တာခံရရင် HIV positive ဖြစ်တယ်လို့ခေါ်ပါတယ်။
ဒါပေမယ့် HIV positive ဖြစ်တိုင်း AIDS မဖြစ်ပါဘူး။

HIV ဗိုင်းရပ်စ်ပိုးဟာ ခန္ဓာကိုယ်ထဲ ဝင်ရောက်ပြီး ကိုယ်ခံအားစနစ်ကို တဖြည်းဖြည်းချင်းတိုက်ခိုက်ပါတယ်။
HIV ဗိုင်းရပ်စ်ပိုးကြောင့် ကိုယ်ခံအားစနစ်ကျဆင်းလာပြီး ပြင်ပက အခြားရောဂါတွေ အလွယ်တကူ ကူးစက်တတ်တဲ့အခြေအနေကို AIDS ဖြစ်တယ်လို့ခေါ်ပါတယ်။

HIV positive ဖြစ်တိုင်း စိတ်ဓာတ်ကျစရာမလိုပါ။
HIVရှိတာ သိသိချင်းမှာ ART ဆေးနဲ့ကုသမှုခံယူမယ်ဆိုရင် AIDS အဆင့်ထိမရောက်တော့အောင် ကာကွယ်နိုင်တာကြောင့်ပဲဖြစ်ပါတယ်။

🩸အရင်ခေတ်တုန်းက ဘုရားပွဲဈေး၊ လမ်းဘေးမှာ ထိုးကြတဲ့ တက်တူး၊ ဆေးမင်ကြောင်တွေကနေ HIV၊ Bပိုး၊ Cပိုးစတဲ့ သွေးကတဆင့်ကူးစက်တဲ့ရောဂါတွေ အဖြစ်များပါတယ်။ အကြောင်းကတော့ အသုံးပြုပြီးသား သွေးပေနေတဲ့ အပ်တွေ၊ ကိရိယာတွေကို ထပ်ကာထပ်ကာ ပြန်လည်သုံးစွဲတာကြောင့်ဖြစ်ပါတယ်။

🧼 အခုနောက်ပိုင်း ပေါ်လာတဲ့ Professional Tattoo Studio တွေ အများစုမှာတော့ သွေးကနေပိုးမကူးစက်အောင် ပစ္စည်းတွေကို သေချာသန့်စင်တာ၊ တခါသုံးအပ်တွေနဲ့ပဲ ထိုးတာကြောင့် ပိုးကူးစက်နိုင်ခြေကနေ တဖြည်းဖြည်းနည်းလာပါပြီ။ ဒါပေမယ့်လည်း ခင့်မိတ်ဆွေတို့ Tattoo ထိုးမယ်ဆိုရင် ကိုယ်ထိုးမယ့် Studioက တခါသုံးအပ်ကိုပဲသုံးလား၊ ပစ္စည်းတွေကို သေချာသန့်စင်ရဲ့လားဆိုတာကို သေချာစစ်ဆေးပြီးမှပဲ ထိုးကြဖို့ ခင်က တိုက်တွန်းလိုက်ပါတယ်နော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ

"ခင့်" Viber နဲ့ Telegram Community Group
ကိုလည်း Joinထားဖို့ မမေ့နဲ့နော်။
Viber Link
https://invite.viber.com/…
Telegram Link
https://t.me/hivayaykhinkomayy

သိလိုရာဆွေးနွေးပေးဖို့ 'ခင် ' ရှိနေပါမယ်။

သွေးစစ်လိုက်တာ ပိုသေချာ

အများစုက ကိုယ့်ကိုယ်ကို HIV ကူးစက်ခံရတယ်လို့ သံသယရှိရင် ကိုယ့်ရဲ့ရောဂါလက္ခဏာတွေက HIVဟုတ်မဟုတ်သိရအောင် အွန်လိုင်းပေါ်မှာ အရင်ရှာတတ်ကြပါတယ်။ တကယ်တော့ HIVဟာ ကူးစက်ခံရကာစအချိန်မှာ လက္ခဏာအမျိုးမျိုးပြနိုင်ပြီး လက္ခဏာလုံးဝမပြတာမျိုးလည်း ဖြစ်နိုင်ပါတယ်။ ဒါ့အပြင် အွန်လိုင်းပေါ်က HIV အကြောင်းအရာအချို့ဟာ အပေါ်ယံလောက်သာဖြစ်ပြီး အချက်အလက်အမှားတွေလည်း ပါဝင်နိုင်တာကြောင့် အဲတာတွေကိုပဲ အားကိုးပြီး ကိုယ့်မှာ HIV ရှိမရှိ မဆုံးဖြတ်နိုင်ပါဘူး။

HIV ရှိမရှိ အတိအကျသိနိုင်မယ့် တစ်ခုတည်းသောနည်းလမ်းကတော့ သွေးစစ်ခြင်းပဲဖြစ်ပါတယ်။
သို့လော သို့လော နဲ့ စိုးရိမ်ပူပန်နေရမယ့်အစား သံသယကင်းရှင်းသွားစေဖို့အတွက် တတ်ကျွမ်းတဲ့ဆရာဝန်နဲ့ တိုင်ပင်ပြီး အခုပဲ သွေးစစ်ဆေးလိုက်ဖို့ ခင့်မိတ်ဆွေတွေကို တိုက်တွန်းလိုက်ပါတယ်နော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ

"ခင့်" Viber နဲ့ Telegram Community Group
ကိုလည်း Joinထားဖို့ မမေ့နဲ့နော်။
Viber Link
https://invite.viber.com/…
Telegram Link
https://t.me/hivayaykhinkomayy
TikTok
https://www.tiktok.com/@hiv153?_t=8qFnAtOSvtH&_r=1

သိလိုရာဆွေးနွေးပေးဖို့ 'ခင် ' ရှိနေပါမယ်။

ခင်ရဲ့ မိတ်ဆွေတို့ရေ
ဒီတစ်ခါတော့ LGBT နဲ့ ပတ်သက်တဲ့ မေးခွန်းလေးကို ဗဟုသုတအနေနဲ့ မေးခွန်းလေး ဖြေပေးကြပါအုန်းနော်

လိင်တူလက်ထပ်ခွင့်ကို ဘယ်နှနိုင်ငံမှာ ခွင့်ပြုထားလဲ

A) 26
B) 36
C) 34


ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ

"ခင့်" Viber၊ TikTok နဲ့ Telegram Community Group
ကိုလည်း Joinထားဖို့ မမေ့နဲ့နော်။
Viber Link
https://invite.viber.com/…
Telegram Link
https://t.me/hivayaykhinkomayy
TikTok
https://www.tiktok.com/@hiv153?_t=8qFnAtOSvtH&_r=1

သိလိုရာဆွေးနွေးပေးဖို့ 'ခင် ' ရှိနေပါမယ်။

မီးနီနေတုန်း ဖြတ်တော့မယ်ဆိုရင်

👩 မိန်းကလေးအများစုဟာ Period လာနေတဲ့အခါမှာ နာကျင်တာတွေ၊ စိတ်ဆိုးစိတ်ကောက်လွယ်တာတွေ ဖြစ်တတ်ပါတယ်။ မီးနီနေချိန် အတူနေတဲ့အခါ သားအိမ်ကြွက်သားတွေ ကျုံ့တင်းခြင်းကို လျော့နည်းစေပြီး နာကျင်တာကို သက်သာစေပါတယ်။

💁‍♀️ ဒါ့အပြင် Endorphin ဆိုတဲ့ ဟော်မုန်းတစ်မျိုးထွက်လာပြီး သူက မိန်းကလေးတွေရဲ့ စိတ်ကို ကြည်လင်စေပါတယ်။ ဒါ့အပြင် တချို့လေ့လာချက်တွေမှာဆိုရင် Periodအတွင်း အတူနေတာဟာ ခေါင်းတခြမ်းကိုက်ခြင်း (migraine)ကိုပါ လျော့ကျစေတာ တွေ့ရပါတယ်။

🙅‍♀️ မီးနီဖြတ်တာဟာ ကောင်းကျိုးတွေလည်းရှိသလို သတိထားရမှာတွေလည်း ရှိပါတယ်။ ပထမဆုံးအချက်ကတော့ မီးနီနေချိန်မို့ သွေးဆင်းများပြီး အိပ်ရာခင်းတွေ ပေကျံနိုင်တာပဲဖြစ်ပါတယ်။ ဒုတိယအချက်ကတော့ သွေးဆင်းနေချိန်ဖြစ်တာကြောင့် HIV လိုမျိုး သွေးကနေတဆင့်ကူးစက်တတ်တဲ့ ရောဂါတွေနဲ့ ကာလသားရောဂါလို လိင်ကတဆင့် ကူးစက်တတ်တဲ့ ရောဂါတွေ ကူးစက်လွယ်ပါတယ်။

⛱ ဒါကြောင့် ခင့်မိတ်ဆွေတို့ မီးနီဖြတ်ပဲဖြတ်ဖြတ်၊ မီးစိမ်းပဲဖြတ်ဖြတ် ကားတိုက်မခံရအောင် ကွန်ဒုံးအကာအကွယ်ဆောင်းသွားဖို့ မမေ့ကြနဲ့နော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ။

ကာလသားရောဂါကို ဘယ်အချိန်မှာ စစ်ဆေးသင့်လဲ?
ကာလသားရောဂါ (syphilis) ဟာ မြန်မာပြည်မှာ အတွေ့ရဆုံး လိင်မှတဆင့်ကူးစက်တတ်တဲ့ရောဂါတွေထဲက တစ်မျိုးဖြစ်ပါတယ်။ လူအများစုက HIV ကိုပဲ သတိတရစစ်မိကြတာများပြီး ကာလသားရောဂါ စတဲ့ရောဂါမျိုးတွေကိုတော့ စစ်ဖို့ မေ့တတ်ကြပါတယ်။ တကယ်တမ်းမှာ ကာလသားရောဂါကလည်း သေချာကုသမှုမခံယူရင် အာရုံကြောထိခိုက်တဲ့အထိ အသက်အန္တရာယ်ရှိတာကြောင့် ပုံမှန်စစ်ဆေးမှုခံယူသင့်ပါတယ်။

🔬 အကြမ်းအားဖြင့် လိင်ဆက်ဆံမှုရှိသူ (sexually activeဖြစ်သူတိုင်း) ကာလသားရောဂါကို တစ်နှစ်တကြိမ် စစ်ဆေးသင့်ပါတယ်။

ဒါ့အပြင်
🔬 ကာလသားရောဂါရှိသူ သို့မဟုတ် ရောဂါသံသယရှိသူနဲ့ အကာအကွယ်မပါဘဲ အတူနေမိရင်၊
🔬 ကိုယ်ဝန်ဆောင်မိခင်တွေ နဲ့
🔬 ကိုယ့်မှာ ကာလသားရောဂါသံသယရှိတာကြောင့် ဆရာဝန်က စစ်ဆေးဖို့ တိုက်တွန်းတဲ့အခါမှာလည်း စစ်ဆေးလို့ ရပါတယ်။

ကာကွယ်ခြင်းက ကုသခြင်းထက် ပိုကောင်းတယ်ဆိုတဲ့အတိုင်း ကာလသားရောဂါကို မဖြစ်ခင်က ကာကွယ်နိုင်ဖို့အတွက် အတူနေတဲ့အခါ ကွန်ဒုံးသုံးဖို့ကိုတော့ မမေ့ကြပါနဲ့နော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ။

အနောက်အရပ်သို့ ခရီးသွားတဲ့အခါ

ငယ်ငယ်တုန်းက ဝူခုန်းဇာတ်လမ်းတွဲ Journey to the West ကိုအကြည့်များပြီး အနောက်သန်သွားသူတချို့ရှိပါတယ်။ အနောက်အရပ်ကို ခရီးသွားတာ သို့မဟုတ် Anal Sex ဟာ တချို့တွေအတွက် ခံစားချက်ပိုမိုကောင်းမွန်စေပေမယ့် စအိုဒဏ်ရာရတာ ၊ HIV ရောဂါကူးစက်နိုင်ခြေများတာ စတဲ့ အန္တရာယ်တွေလည်း ရှိပါတယ်။

ဒါကြောင့် အနောက်အရပ်ကို ခရီးသွားတဲ့အခါ သို့မဟုတ် Anal sex နေတဲ့အခါ
(၁) ကွန်ဒုံးအမြဲစွပ်ပါ။ ကွန်ဒုံးဝယ်တဲ့အခါ ကိုယ့်ရဲ့ တောင်ဝှေးနဲ့ တော်တဲ့အရွယ်အစားကို သေချာရွေးဝယ်ပါ။
(၂) လမ်းခရီးချောမွေ့စေဖို့ ချောဆီ (lubricant) များများအသုံးပြုပါ။
(၃) ကိုယ့်ရဲ့ partner ကို ပွင့်ပွင့်လင်းလင်းပြောပြပြီး နှစ်ဦးသဘောတူမှသာ ပြုလုပ်သင့်ပါတယ်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ

"ခင့်" Viber နဲ့ Telegram Community Group
ကိုလည်း Joinထားဖို့ မမေ့နဲ့နော်။
Viber Link
https://invite.viber.com/…
Telegram Link
https://t.me/hivayaykhinkomayy

သိလိုရာဆွေးနွေးပေးဖို့ 'ခင် ' ရှိနေပါမယ်။

HIV စစ်နိုင်တဲ့နည်းလမ်းတွေ

ခင့်မိတ်ဆွေတို့ရေ။
HIV ရှိမရှိကို ဓာတ်ခွဲခန်းမှာ သွေးဖောက်ပြီးစစ်တာအပြင် အိမ်မှာ အလွယ်တကူစစ်လို့ရတဲ့ အခြားနည်းလမ်းတွေ ရှိသေးတယ်ဆိုတာ သိပြီးပြီလား။ ခင်က ဒီနေ့မှာ HIV စစ်လို့ရတဲ့ test အမျိုးအစားနှစ်ခုအကြောင်းကို ပြောပြပေးပါမယ်နော်။

1️⃣ Lab Test
ဆေးရုံ၊ဆေးခန်းတွေမှာ စစ်ဆေးလေ့ရှိတဲ့ Test အမျိုးအစားဖြစ်ပြီး လူနာရဲ့ သွေးထဲက HIV nucleic acid သို့မဟုတ် Antigen သို့မဟုတ် Antibody ကို စစ်ဆေးပါတယ်။ Nucleic acid testဆိုရင် ကူးစက်ပြီး ၁၀ ရက်မှ ၃၃ရက်အကြာမှာ ပိုးတွေ့နိုင်ပြီး Antigen/Antibody test ဆိုရင်တော့ ၁၈ရက်မှ ၄၅ရက်အကြာ ပိုးတွေ့နိုင်ပါတယ်။

2️⃣ Rapid Test (Antibody Test)
Rapid Testကတော့ မိမိကိုယ်တိုင် အိမ်မှာ စစ်ဆေးနိုင်တဲ့ ရိုးရှင်းတဲ့ test တစ်မျိုးဖြစ်ပါတယ်။ သူကတော့ HIV ကူးစက်ပြီး ၁၈ရက်ကနေ ရက် ၉၀အကြာမှသာ ပိုးတွေ့နိုင်ပါတယ်။
Rapid Test တွေထဲမှာ တချို့ Test kitတွေကတော့ သွေးတစ်စက်ကို ဖောက်ပြီး Kitပေါ်တင်ကာ စစ်ဆေးရပါတယ်။ အပ်ကြောက်တဲ့သူတွေအတွက်လည်း သွားဖုံးပေါ်ကအရည်ကို ယူပြီး စစ်ဆေးလို့ရတဲ့ Test kit အမျိုးအစားတွေလည်းရှိပါတယ်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ။

ဒီတစ်ခါတော့ ခင်ရဲ့ မိတ်ဆွေတို့အတွက် ဘယ် Zodiac Signအလိုက် ဘာအရသာလေးတွေကြိုက်လောက်ကြလဲ ဆိုတာကို ပြောပြပေးလိုက်တယ်နော်။

Aries - နံနံပင် အရသာ
Taurus - ရှောက်သီး အရသာ
Gemini - မျှစ် အရသာ
Cancer - ပိန်းဉ အရသာ
Leo - ကြက်ဟင်းခါးသီး အရသာ
Virgo - ဂွေးသီး အရသာ
Libra - ဇီးသီး အရသာ
Scorpio - ဒညှင်းသီး အရသာ
Sagittarius - ငရုပ်သီး အရသာ
Capricorn - ဆူးပုတ်ရွက် အရသာ
Aquarius - မှို အရသာ
Pisces - ငါးပိ အရသာ

ကဲကဲ ဒီလောက်ဆိုရင်တော့ ကိုယ့် Zodiac Sign အလိုက် ကိုယ်ကြိုက်တဲ့အရသာလေးတွေလည်းသိသွားပြီဆိုတော့ ကိုယ်ကြိုက်တဲ့ အရသ နဲ့သက်ဆိုင်တဲ့ ကွန်ဒုံးလေးတွေလည်း ရှာဝယ်ပြီးသုံးကြပါနော် 😝

သိလိုရာဆွေးနွေးပေးဖို့ 'ခင် ' ရှိနေပါမယ်။

STD ရှိမရှိ ဘယ်လိုစစ်နိုင်မလဲ

ခင့်မိတ်ဆွေတိုရေ ဒီနေ့မှာတော့ ခင်က လိင်ကတဆင့်ကူးစက်တတ်တဲ့ရောဂါ (STDs)တွေ ရှိမရှိစစ်ဆေးနိုင်တဲ့ နည်းလမ်းတွေကို ပြောပြပေးပါမယ်။

ကာလသားရောဂါ (ဆစ်ဖလစ်)
ဆစ်ဖလစ်ကို များသောအားဖြင့် သွေးကနေစစ်ဆေးလေ့ရှိကြပြီး ရှားရှားပါးပါး ကျောရိုးအရည်ကနေ စစ်ဆေးတာလည်း ရှိတတ်ပါတယ်။

ဆီးပူညောင်းကျ(ဂနို)ရောဂါ
ဂနိုရောဂါကိုတော့ ဆီးကနေတဆင့်စစ်ဆေးတာ ဒါမှမဟုတ် လိင်တံ၊ ဆီးပြွန်၊ သားအိမ်စတဲ့ နေရာတွေကနေ swabအတံနဲ့ နှိက်ယူပြီး စစ်ဆေးတာတွေ ပြုလုပ်နိုင်ပါတယ်။

HPV ပိုး
လိင်အင်္ဂါကြွက်နို ၊ သားအိမ်ခေါင်းကင်ဆာစတာတွေကို ဖြစ်စေနိုင်တဲ့ HPV ပိုးကိုတော့ swab test ပြုလုပ်ပြီး စစ်ဆေးနိုင်ပါတယ်။ဒါပေမယ့် HPVပိုးရှိမရှိကို သားအိမ်ခေါင်းမှာပဲ စစ်ဆေးနိုင်ပြီး တခြားအင်္ဂါတွေမှာတော့ မစစ်ဆေးနိုင်ပါဘူး။ ဒါကြောင့် အပြင်ပန်းရောဂါလက္ခဏာပေါ်ပဲမူတည်ပြီး ရောဂါရှိမရှိ ဆုံးဖြတ်ကုသတတ်ကြပါတယ်။

ခင့်မိတ်ဆွေတိုမှာ STD ရောဂါလက္ခဏာတစ်ခုခုရှိနေပြီလို ယူဆရင် မရှက်မကြောက်ကြပါနဲ့။ ဆရာဝန်နဲ့ အမြန်ဆုံးတိုင်ပင် စစ်ဆေးပြီး ကုသမှုကိုသာ ခံယူလိုက်ပါ။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ

နေ့တစ်နေ့ကုန်ဆုံးသွားတိုင်း ကမ္ဘာတဝှမ်းက လူတစ်သန်းခန့်ဟာ HIV နဲ့ ကာလသားရောဂါအစရှိတဲ့ လိင်ကတဆင့် ကူးစက်တတ်တဲ့ရောဂါ(STD)တွေ ကူးစက်ခံနေရပါတယ်။ ၂၀၂၂ခုနှစ်အတွင်း STD ကူးစက်ခံရတဲ့ ကိုယ်ဝန်ဆောင်တွေရဲ့ ရင်သွေး အယောက် ၄သိန်းဝန်းကျင်ဟာ ပိုးကြောင့် လူစဉ်မမီဘဲ မွေးဖွားလာရတာတွေ ရှိနေပါတယ်။

ဒီလို ရောဂါဆိုးတွေကိုရော၊ မမျှော်လင့်ဘဲ ကိုယ်ဝန်ရရှိတာကိုရော ၉၈ ရာခိုင်နှုန်း ထိထိရောက်ရောက်တားဆီးပေးနိုင်တဲ့ တစ်ခုတည်းသောနည်းလမ်းက ကွန်ဒုံးအသုံးပြုတာပဲဖြစ်ပါတယ်။ မိန်းကလေးတွေအနေနဲ့ အတူနေတဲ့အခါ ကွန်ဒုံးအသုံးပြုဖို့ တောင်းဆိုတာဟာ မိမိကျန်းမာရေးအတွက် လုပ်သင့်လုပ်ထိုက်တဲ့အခွင့်အရေးတစ်ခုဖြစ်ပါတယ်။ ဒီလိုကွန်ဒုံးအသုံးပြုတာဟာ ကိုယ်ရော၊ ကိုယ့်partner ရဲ့ ကျန်းမာရေးအတွက် ဖြစ်တယ်ဆိုတာ သေချာရှင်းပြပြီး သုံးခိုင်းကြရမယ်နော်။

မိမိ partnerက ကိုယ့်ကျန်းမာရေးကို လျစ်လျူရှုပြီး အကာအကွယ်မပါဘဲ အတူနေဖို့ တောင်းဆိုလာတဲ့အခါမှာ “ No Condom, No Love “ ဆိုတဲ့အတိုင်း ပွင့်ပွင့်လင်းလင်းငြင်းဆန်ပြီး STD အန္တရာယ်တွေကို ကာကွယ်လိုက်ကြရအောင်နော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ

အမြဲတစ်နေရာတည်းမှာ တွယ်ကပ်မနေချင်ဘဲ အသစ်အသစ်တွေကိုပဲ ရှာဖွေချင်ကြတဲ့ လူငယ်တချို့ဟာ One Night Stand ဆိုတာကို လက်တည့်စမ်းချင်ကြပါတယ်။ နှစ်ဦးသဘောတူ One Night Stand ဟာ တစ်ညတာတည်းမှာ သာယာမှုရနိုင်ပြီး စိတ်ကောက်တာ၊ ရန်ဖြစ်တာတွေ မရှိတော့ နှစ်သက်ကြပါတယ်။

ဒါပေမယ့် အခုမှတွေ့တဲ့သူနဲ့ One Night Stand တဲ့အခါ HIV နဲ့ အခြားလိင်ကတဆင့်ကူးစက်နိုင်တဲ့အန္တရာယ်တွေက မမြင်ကွယ်ရာက စောင့်ကြိုနေပါတယ်။

ဒါကြောင့် One Night Stand တော့မယ့်အခါ
✅ နှစ်ဦးနှစ်ဘက် သဘောတူညီမှုရပါစေ။
✅ ဒီညပြီးနောက် သူစိမ်းတွေ ဖြစ်သွားနိုင်တယ်ဆိုတာ နားလည်လက်ခံရပါမယ်။
✅ အရေးကြီးဆုံးကတော့ မမျှော်လင့်ဘဲကိုယ်ဝန်ရခြင်း နဲ့ HIV အပါအဝင် လိင်ကတဆင့်ကူးစက်ရောဂါတွေကို ကာကွယ်ဖို့ ကွန်ဒုံးသုံးကို သုံးရပါမယ်နော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ

"ခင့်" Viber နဲ့ Telegram Community Group
ကိုလည်း Joinထားဖို့ မမေ့နဲ့နော်။
Viber Link
https://invite.viber.com/…
Telegram Link
https://t.me/hivayaykhinkomayy
TikTok
https://www.tiktok.com/@hiv153?_t=8qFnAtOSvtH&_r=1

သိလိုရာဆွေးနွေးပေးဖို့ 'ခင် ' ရှိနေပါမယ်။

U=U ဖြစ်ရင် ကွန်ဒုံးမသုံးဘဲ နေလို့ရပြီလား

ART ဆေးကို သေချာသောက်လို့ သွေးထဲမှာ ပိုးကောင်ရေ undetectable အဆင့်အထိ နည်းပါးသွားတဲ့အခါ အခြားသူကို HIV ကူးစက်နိုင်ခြေဟာလည်း မရှိတော့သလောက်(Untransmissible) ဖြစ်သွားပါတယ်။ ဒါဆို U=U ဖြစ်သွားရင် ကွန်ဒုံးမသုံးဘဲ အခြားသူနဲ့ အတူနေလို့ရပြီလား။

U=U ဖြစ်လို့ HIV ကူးစက်နိုင်ခြေနည်းတာမှန်ပေမယ့် ကာလသားရောဂါပိုး၊ ဆီးပူညောင်းကျရောဂါပိုး စတဲ့ရောဂါတွေအပြင် သားအိမ်ခေါင်းကင်ဆာကိုဖြစ်စေတဲ့ HPV ရောဂါပိုးတွေက လိင်ကတဆင့် ကူးစက်နိုင်ပါသေးတယ်။ ဒါကြောင့် U=U ဖြစ်လည်း အခြားသော STD ရောဂါတွေကို ကာကွယ်ဖို့အတွက် ကွန်ဒုံးအမြဲ အသုံးပြုကြရမယ်နော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ

"ခင့်" Viber နဲ့ Telegram Community Group
ကိုလည်း Joinထားဖို့ မမေ့နဲ့နော်။
Viber Link
https://invite.viber.com/…
Telegram Link
https://t.me/hivayaykhinkomayy
TikTok
https://www.tiktok.com/@hiv153?_t=8qFnAtOSvtH&_r=1

သိလိုရာဆွေးနွေးပေးဖို့ 'ခင် ' ရှိနေပါမယ်။

ဖြစ်တည်မှုတိုင်းမှာ ဂရုစိုက်ပါ

🏳️‍🌈 ကျန်းမာရေးဆိုတာဟာ လူကြီး၊လူငယ်မရွေး၊ အမျိုးသား၊အမျိုးသမီး၊ LGBTမရွေး ဂရုစိုက်သင့်တဲ့ အချက်တစ်ချက်ပဲ ဖြစ်ပါတယ်။ HIV ရောဂါပိုးအပါအဝင် လိင်ကတဆင့်ကူးစက်တတ်တဲ့ရောဂါတွေဟာ Straight အမျိုးသား၊အမျိုးသမီးတွေမှာသာမက LGBTတွေမှာလည်း အတူနေထိုင်တဲ့အခါ ကူးစက်တတ်တာဖြစ်လို့ ဖြစ်တည်မှုအားလုံး သတိထားကြဖို့လိုပါတယ်။ 🏳️‍🌈

ဒါကြောင့် ခင့်မိတ်ဆွေတို့အားလုံး
✅အတူနေတဲ့အခါ ကွန်ဒုံးစနစ်တကျသုံးပါ။
✅PrEP သောက်ဖို့လိုအပ်သူတွေ အချိန်မှန်သောက်ပါ။
✅HIV ရှိမရှိ ပုံမှန်သွေးစစ်ဆေးကြဖို့ တိုက်တွန်းလိုက်ပါတယ်နော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ

"ခင့်" Viber နဲ့ Telegram Community Group
ကိုလည်း Joinထားဖို့ မမေ့နဲ့နော်။
Viber Link
https://invite.viber.com/…
Telegram Link
https://t.me/hivayaykhinkomayy

သိလိုရာဆွေးနွေးပေးဖို့ 'ခင် ' ရှိနေပါမယ်။

ခင့်မိတ်ဆွေ LGBTQ+ လေးတို့ရေ
သတ္တိခွန်အားအပြည့်နဲ့ မိမိရဲ့ ဖြစ်တည်မှု အစစ်အမှန်အတိုင်း ရဲဝံ့ပြတ်သားကြလို့ ခင်မှ ဂုဏ်ယူမိပါတယ်။
တို့ဖြည်တည်မှုတိုင်းကို ပွင့်လင်းစွာ နွေးထွေးစွာ လက်ခံချစ်ခင်ကြမယ့် လူ့လောကဘောင်သစ်တစ်ခုဆီသို့ ရည်မှန်းလျှောက်လှမ်းကြပါစို့လားရှင်… 🏳️‍🌈

“We deserve to experience love fully, equally, without shame, and without compromise.” – Elliot Page (Canadian actor and producer)

#Pridemonth

အေအာတီသောက်သုံးနေသူတွေအနေနဲ့ အခြားသောကျန်းမာရေး ပြဿနာများကြောင့် ပိုးသတ်ဆေးသောက်ဖို့လိုအပ်ခဲ့ရင် အေအာတီဆေးကိုမိမိသောက်နေကျ အချိန်အတိုင်းသေချာတိတိကျကျဆက်သောက်ရပါမယ်။ ပိုးသတ်ဆေး(Antibiotic) ကိုတော့ ဆရာဝန်ညွန်ကြားတဲ့အတိုင်း သောက်သုံးရပါမယ်။

အေအာတီ နဲ့ ပိုးသတ်ဆေးနှစ်မျိုးလုံးကို ခန္ဓာကိုယ်က ကောင်းကောင်းစုပ်ယူနိုင်ဖို့ နဲ့ ဆေးနှစ်မျိုးရဲ့ မလိုလားအပ်တဲ့ ဓာတ်ပြုမှုတွေကို ရှောင်ကြဉ်နိုင်ဖို့ အေအာတီဆေးသောက်ချိန်နဲ့ နှစ်နာရီဝန်းကျင်ခြားပြီး သောက်ဖို့လိုအပ်ပါတယ်။
ဆေးသောက်ဖို့မမေ့အောင် ့ မိမိအတွက် အဆင်ပြေမယ့် နည်းလမ်းနဲ့ ဂရုစိုက်ပြီး နာရီAlarm ပေးတာမျိုးဖြစ်စေ မိမိရဲ့နေ့စဉ် အလေ့အကျင့်တစ်ခုနဲ့ တွဲပြီးဖြစ်စေ သောက်သင့်ပါတယ်နော်
ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ

"ခင့်" Viber နဲ့ Telegram Community Group
ကိုလည်း Joinထားဖို့ မမေ့နဲ့နော်။
Viber Link
https://invite.viber.com/…
Telegram Link
https://t.me/hivayaykhinkomayy

သိလိုရာဆွေးနွေးပေးဖို့ 'ခင် ' ရှိနေပါမယ်။

ဒူးရင်းရာသီလေးဆိုတော့ မူစကူဒူးတော့မယ်ဆိုရင်
ဒင်းရူးသွားအောင် ဒူးရင်းနံ့ကွန်ဒုံးလေးနဲ့ဆို ဘယ်လိုများဖြစ်မလဲ💁🏼‍♀️❓

ဒူးရင်းသီးနံ့ပါတဲ့ကွန်ဒုံးတော့ မရှိသေးပေမယ့်
အဖုလေးတွေပါတဲ့ ကွန်ဒုံးလေးတွေလဲရှိတော့ သုံးကြည့်ကြည့်နော်

လိင်မှတဆင့်ကူးစက်တတ်တဲ့ရောဂါတွေကိုကာကွယ်ဖို့နဲ့ ကိုယ်ဝန်မရအောင်ကာကွယ်ဖို့ဆို ဦးထုပ်လေးဆောင်းကြဖို့လိုပါတယ် မိမိရဲ့ ပါတနာနဲ့အတူ ချစ်ခြင်းမေတ္တာတွေကို လုံခြုံစွာ ပုံဖော်နိုင်ပါစေ 😍😍😍😍😍

ရင်သွေးလေးတွေအတွက်ဆို ဘယ်အရာကိုမှ မကြောက်ရွံဘဲ HIV Positive ဖြစ်နေလည်း ရဲရဲတောက်ရင်ဆိုင်နေကြတဲ့ မေမေတို့ကို ခင်ကနေ အမေများနေ့မှာ ရင်သွေးလေးတွေနဲ့အတူ လေးစားဂုဏ်ပြုပါတယ်ရှင်။

#MothersDay #UEqualU

HIV နဲ့ TB ရောဂါ ယှဉ်တွဲနေတဲ့အခါ

HIV နဲ့ TB ရောဂါပိုးနှစ်ခုလုံး ယှဉ်တွဲရှိနေသူတွေမှာ ကျန်းမာရေးကို အထူးဂရုစိုက်ဖို့ လိုပါတယ်။ HIV ပိုးကြောင့် ကိုယ်ခံအားကျဆင်းနေချိန်မှာ TB ပိုးဟာ ပိုမိုပွားများနိုင်ပြီး သာမာန်လူတွေမှာထက် ပိုပြီးပြင်းထန်တဲ့ လက္ခဏာတွေဖြစ်စေပြီး အသက်အန္တရာယ်ရှိပါတယ်။ ဒါကြောင့် TB ရောဂါက HIV ရှိသူတွေ သေဆုံးစေတဲ့ အကြောင်းရင်းတွေထဲမှာ ထိပ်ဆုံးကဖြစ်နေပါတယ်။ ဒီနေ့ မတ်လ ၂၄ရက်မှာ ကျရောက်တဲ့ ကမ္ဘာ့တီဘီရောဂါတိုက်ဖျက်ရေးနေ့မှာ ခင်က HIV နဲ့ TB ရောဂါယှဉ်တွဲရှိနေတဲ့သူတွေမှာ ဂရုစိုက်ရမယ့်အချက်လေးတွေကို ပြောပြပေးပါမယ်။

1.ART နဲ့ TB ဆေးတွေကို အချိန်မှန်မှန်သောက်ပါ။
ခန္ဓာကိုယ်ထဲမှာရှိတဲ့ ရောဂါပိုးတွေ ပြန့်ပွားတာကို ထိန်းချုပ်နိုင်ဖို့အတွက် ART နဲ့ TB ဆေးတွေကို နေ့စဉ်အချိန်မှန်သောက်သုံးရပါမယ်။ ဆေးတွေကို ပုံမှန်သောက်ခြင်းဖြင့် ပိုးကောင်ရေကို နည်းပါးလာစေပြီး ပြင်းထန်လက္ခဏာတွေကို တားဆီးနိုင်ပါတယ်။ ဆေးသောက်ဖို့ ခဏခဏမေ့တာ၊ ဆေးသောက်လိုက်မသောက်လိုက် လုပ်တာတွေဟာ ဆေးအာနိသင်ကို ကျဆင်းစေတဲ့အပြင် ဆေးယဉ်ပါးမှုကို ဖြစ်စေတာကြောင့် ရှောင်ကြဉ်သင့်ပါတယ်။

2.ခန္ဓာကိုယ်မှာ ကိုယ်ခံအားအတွက် လိုအပ်တဲ့ ဓာတ်တွေနဲ့ အားအင်ပြည့်ဝစေဖို့အတွက် ဟင်းသီးဟင်းရွက်၊ အသားငါး၊ နို့၊ကြက်ဥ စတာတွေကို ညီညွတ်မျှတစွာစားပါ။ 

3.ကိုယ်သောက်နေရတဲ့ ဆေးတွေရဲ့ ဘေးထွက်ဆိုးကျိုးတခုခုကို အရမ်းခံစားရတာဖြစ်ဖြစ်၊ ဆေးသောက်ရတာ အခက်အခဲတခုခုရှိရင်ဖြစ်ဖြစ် ကျွမ်းကျင်ဆရာဝန်များနဲ့ တိုင်ပင်ဆွေးနွေးပါ။ မိမိရောဂါအခြေအနေ တိုးတက်မှုရှိမရှိ သိစေဖို့ ဆေးစစ်မှုကို ဆရာဝန်ညွှန်ကြားချက်အတိုင်း ပြုလုပ်ပါ။

4.HIV နဲ့ TB ရောဂါယှဉ်တွဲခံစားနေရသူတွေဟာ ရောဂါဒဏ်၊ဆေးဒဏ်ကြောင့် စိတ်ပင်ပန်း၊လူပင်ပန်းကြရလေ့ရှိပါတယ်။ ဒါကြောင့် မိသားစု၊သူငယ်ချင်းမိတ်ဆွေများက ရောဂါခံစားနေရသူကို အားပေးကူညီကြပါ။ ကိုယ်ချစ်ခင်ရင်းနှီးရသူတွေဆီက အားပေးစကားတခွန်းဟာလည်း ရောဂါပျောက်ကင်းစေဖို့ ဆေးတခွက်ပါပဲ။

နောက်ဆုံးအနေနဲ့ကတော့ တီဘီရောဂါ၊ HIV ရောဂါတွေနဲ့ပတ်သက်တဲ့ အကြောင်းအရာတွေ၊ ကာကွယ်ရေးနည်းလမ်းတွေကို ကိုယ့်ပတ်ဝန်းကျင်ကသူတွေကို ပြောပြပြီး တီဘီရောဂါတိုက်ဖျက်ရေးမှာ ပါဝင်လှုပ်ရှားဖို့ ခင်က တိုက်တွန်းလိုက်ပါတယ်။

သိလိုသမျှ ခင့်ကို Messenger / Viber - 09 765 203221 တို့မှာ တိုက်ရိုက်မေးမြန်းနိုင်ပါတယ်။ 
Telegram Channel Join ရန်
https://t.me/hivayaykhinkomayy 
Viber Channel Join ရန်
https://invite.viber.com/?g2=AQBBsZhbJacuM04NuLQWx%2FpmK50Rcb2A3Nwe1gmLsFs7YxtRikwkxxOH20OUYLYG   

လိင်ကတဆင့် ကူးစက်ရောဂါ မဖြစ်စေဖို့ရာ

လိင်ဆက်ဆံရာကတဆင့် ကူးစက်နိုင်တဲ့ HIV ပိုးနဲ့ကာလသားရောဂါပိုး ကူးစက်မှုကြောင့် အလားအလာများစွာရှိတဲ့ လူငယ်တွေရဲ့ ဘဝမှာ ကျန်းမာရေးချို့ယွင်းတာအပြင် ကိုယ့်ဘဝရည်မှန်းချက်တွေအတွက်လဲ အခက်အခဲအတားအဆီးတွေဖြစ်စေနိုင်ပါတယ်။ ဒီရောဂါပိုးတွေမကူးစက်စေဖို့ ကွန်ဒုံး အကာအကွယ်သုံးပြီး အတူနေတာဟာ အထိရောက်ဆုံး ကာကွယ်ရေးနည်းလမ်းပဲ ဖြစ်ပါတယ်။
ကွန်ဒုံးသုံးသော်လည်း လွဲမှားတဲ့ အသုံးပြုပုံတွေဟာ ကူးစက်မှုကို မဟန့်တားစေနိုင်တာကြောင့် ဆောင်ရန်၊ရှောင်ရန်တွေကို ခင်က ပြောပြပေးပါမယ်နော်။

✴️ကွန်ဒုံးကို နှစ်ထပ်စွပ်ပြီး သုံးတာဟာ ဘာမှအကျိုးမထူးတဲ့အပြင် ကွန်ဒုံးအလွှာနှစ်ခု ပွတ်တိုက်မှုကြောင့် ကွန်ဒုံးပေါက်ပြဲပြီး ရောဂါကူးစက်နိုင်ခြေ ပိုများစေပါတယ်။

✴️သုတ်ထွက်ခါနီးမှ ကွန်ဒုံးစွပ်တာ၊ သုတ်မထွက်သေးဘဲ ကွန်ဒုံးကို စောချွတ်တာတွေဟာအသုံးပြုပုံအမှားဖြစ်ပါတယ်။ ကွန်ဒုံးကို လိင်မဆက်ဆံခင်ကတည်းက စတင်စွပ်ရမှာဖြစ်ပြီး ချွတ်တဲ့အခါမှာလည်း သုတ်လွှတ်ပြီးနောက် လိင်တံကို အမျိုးသမီး လိင်အင်္ဂါထဲက ထုတ်ပြီးအချိန်မှသာ ချွတ်ရမှာဖြစ်ပါတယ်။

✴️ကွန်ဒုံးအသုံးမပြုခင် နဲ့ အသုံးပြုပြီးနောက် အပေါက်အပြဲရှိမရှိကို အမြဲပြန်စစ်ဆေးသင့်ပါတယ်။

✴️LGBTQ+ တွေအနေနဲ့လည်း အကာအကွယ်မဲ့လိင်တူဆက်ဆံရာမှတစ်ဆင့် ရောဂါကူးစက်နိုင်ခြေများတာကြောင့် အတူနေတဲ့အခါမှာ ကွန်ဒုံးအကာအကွယ်ကို အသုံးပြုသင့်ပါတယ်။

လုံခြုံစိတ်ချရတဲ့ ဆက်ဆံမှု (Safe Sex) အကြောင်း သိလိုသမျှကို ခင့်ရဲ့messenger သို့မဟုတ် Viber - 09 765 203221 တို့မှာ တိုက်ရိုက်မေးမြန်းနိုင်ပါတယ်။

Telegram Channel Join ရန်
https://t.me/hivayaykhinkomayy
Viber Channel Join ရန်
https://invite.viber.com/?g2=AQBBsZhbJacuM04NuLQWx%2FpmK50Rcb2A3Nwe1gmLsFs7YxtRikwkxxOH20OUYLYG

Masturbationဟာ သာမာန်အလေ့အကျင့်တစ်ခုပါပဲ
လူပျို၊ အပျိုဖော်ဝင်လာတဲ့အခါ တကိုယ်ရည်အာသာဖြေခြင်း (Masturbation) ကို တနည်းနည်းနဲ့လုပ်မိတတ်ကြပါတယ်။ Masturbation ဟာ ရှက်စရာမဟုတ်ဘဲ ကျန်းမာသန်စွမ်းတဲ့ အရွယ်ရောက်သူတွေရဲ့ သာမာန်အလေ့အကျင့်တစ်ခုပဲဖြစ်ပါတယ်။

Masturbation လုပ်တဲ့အချိန်ထွက်လာတဲ့ Dopamine ဟော်မုန်းဟာ စိတ်ဖိစီးမှုတွေ၊ အိပ်ရေးပျက်တာတွေကို လျှော့ချပေးရုံသာမက ခန္ဓာကိုယ်ရဲ့ ကျန်းမာရေးကိုလည်း ကောင်းမွန်စေပါတယ်။ Masturbationကို Straightတွေရော၊ LGBTQ တွေမှာရော လုပ်နိုင်တဲ့အပြင် လက် ဒါမှမဟုတ် အကူပစ္စည်းတမျိုးမျိုးနဲ့‌ ပြုလုပ်နိုင်ပါတယ်။

ဒါပေမယ့် တခုသတိထားရမှာက Masturbation လုပ်တဲ့အခါ လက် သို့မဟုတ် ပစ္စည်းကို သန့်ရှင်းရေးသေချာ ပြုလုပ်ပေးဖို့ လိုပါတယ်နော်။ ဒါ့အပြင် လိင်အင်္ဂါပွန်းပဲ့တာတွေ မဖြစ်စေဖို့ ညင်ညင်သာသာပဲ လုပ်သင့်ပါတယ်။

သိလိုသမျှ ခင့်ကို Messenger / Viber - 09 765 203221 တို့မှာ တိုက်ရိုက်မေးမြန်းနိုင်ပါတယ်။
Telegram Channel Join ရန်
https://t.me/hivayaykhinkomayy
Viber Channel Join ရန်
https://invite.viber.com/?g2=AQBBsZhbJacuM04NuLQWx%2FpmK50Rcb2A3Nwe1gmLsFs7YxtRikwkxxOH20OUYLYG

အမျိုးသမီးများ နဲ့ HIV
သုတေသနတွေအရ အမျိုးသမီးတွေဟာ အမျိုးသားတွေထက် HIV ကူးစက်ခံရနိုင်ခြေပိုများတာ တွေ့ရပါတယ်။

👩 Safe Sex အကြောင်း မသိရှိတာ၊ အကာအကွယ်မဲ့ဆက်ဆံဖို့ ဖိအားပေးခံရတာ နဲ့ HIV နဲ့ပတ်သက်ပြီး အယူအဆအမှားတွေဟာ အမျိုးသမီးတွေ HIV ကူးစက်ခံရနိုင်တဲ့ အကြောင်းရင်းတွေဖြစ်ပါတယ်။ ဒါ့အပြင် ရှေးရိုးစွဲပတ်ဝန်းကျင်အမြင်တွေကြောင့် HIV ကူးစက်ခံရသူတွေဟာ မိမိမှာ HIV ရှိကြောင်း ထုတ်မပြောရဲဘဲ ကုသမှုခံယူဖို့ နောက်ကျတာတွေ ဖြစ်တတ်ပါတယ်။

👩‍🦰🧔 ဒါကြောင့် အမျိုးသမီးတွေ HIV ကူးစက်ခံရမှုကို လျှော့ချဖို့နဲ့ အချိန်မီကုသမှု ခံယူနိုင်ရေးအတွက် လူတိုင်းပါဝင်ကူညီသင့်ပါတယ်။

ခင့်မိတ်ဆွေတို့အနေနဲ့
✅ပတ်ဝန်းကျင်က မိန်းကလေးတွေကို HIV ကူးစက်ပုံ နဲ့ ကာကွယ်ရေးနည်းလမ်းတွေ အကြောင်းရှင်းပြတာ၊
✅Safe Sex ဖြစ်ဖို့အတွက် ကွန်ဒုံးသုံးဖို့၊ စနစ်တကျ အသုံးပြုပုံ နဲ့ အကာအကွယ်မဲ့ဆက်ဆံဖို့ ဖိအားပေးတာတွေကို ငြင်းဆန်ဖို့ တိုက်တွန်းတာ၊
✅HIV နဲ့ ပတ်သက်တဲ့ အယူအဆအမှားတွေကို မဟုတ်ကြောင်း ရှင်းပြတာ၊
✅ပတ်ဝန်းကျင်က လူတွေကို HIV ကူးစက်ခံရသူတွေကို ရှောင်ဖယ်မယ့်အစား အားပေးကူညီဖို့ တိုက်တွန်းတာ၊
✅HIV ကူးစက်ခံရသူတွေကို ဖေးမကူညီပြီး ART ကုသမှုခံယူနိုင်တဲ့ HIV ဆေးခန်း၊ ဆေးရုံတွေဆီ လမ်းညွှန်ပေးတာ စတာတွေကို ပြုလုပ်ရင်း တစ်တပ်တစ်အား ဝင်ရောက်ကူညီနိုင်ပါတယ်နော်။

သိလိုသမျှ ခင့်ကို Messenger / Viber - 09 765 203221 တို့မှာ တိုက်ရိုက်မေးမြန်းနိုင်ပါတယ်။
Telegram Channel Join ရန်
https://t.me/hivayaykhinkomayy
Viber Channel Join ရန်
https://invite.viber.com/?g2=AQBBsZhbJacuM04NuLQWx%2FpmK50Rcb2A3Nwe1gmLsFs7YxtRikwkxxOH20OUYLYG

ရာသီထိန်သွားတာ ဘာကြောင့်လဲ

အချို့မိန်းကလေးတွေက ရာသီထိန်သွားတာကို HIV လက္ခဏာလို့ ထင်ပြီး စိုးရိမ်တတ်ကြပါတယ်။ တကယ်တော့ ရာသီထိန်တာဟာ HIV နဲ့ ဘယ်လိုမှ မသက်ဆိုင်ပါဘူး။

အပျိုဖော်ဝင်ပြီးနောက် ပုံမှန်ဓမ္မတာလာတဲ့ မိန်းကလေးတွေမှာ ရုတ်တရက် ဓမ္မတာထိန်သွားတာ အကြောင်းအမျိုးမျိုးရှိပါတယ်။ ရာသီထိန်သွားတဲ့အကြောင်းတွေထဲမှာ ကိုယ်ဝန်ရှိတာက အဖြစ်အများဆုံးမို့လို့ အိမ်ထောင်ရှိတဲ့ အမျိုးသမီးတွေဆိုရင်တော့ ကိုယ်ဝန်ရှိမရှိ အရင်ဆုံးစစ်ဆေးသင့်ပါတယ်။

ရာသီထိန်တာဟာ ကိုယ်ဝန်ဆောင်မိခင်တွေအပြင် နို့တိုက်မိခင်တွေ၊ အသက်အရွယ်ကြောင့် ဓမ္မတာဆုံးသွားသူတွေနဲ့ အချို့သောသားဆက်ခြားဆေး (Depo) တို့ကြောင့်လည်း ဖြစ်နိုင်ပါတယ်။

အသက် ၁၆ နှစ်ကျော်အထိ တခါမှ ဓမ္မတာမလာသေးတဲ့မိန်းကလေးတွေမှာ မျိုးဗီဇနဲ့ပတ်သက်တဲ့ရောဂါတွေ နဲ့ မိန်းမကိုယ်အမြှေးပါးပိတ်တာကြောင့် ဖြစ်နိုင်ပါတယ်။

အရွယ်ရောက်ကတည်းက ရာသီပုံမှန်လာနေသူတွေမှာ ရုတ်တရက် ရာသီထိန်သွားတာ အကြောင်းအမျိုးမျိုးရှိပြီး အဖြစ်အများဆုံးအကြောင်းတွေကတော့
✳️ လေ့ကျင့်ခန်းအလွန်အကျွံပြုလုပ်တာ၊ အစားရှောင်(အစားအလွန်နည်း)တာ၊ စိတ်ဖိစီးမှုများတာ၊
✳️ ဟော်မုန်းမညီမျှမှု (ဥပမာ - Prolactin ဟော်မုန်းအထွက်များတာ၊ သိုင်းရွိုက်ရောဂါ)
✳️ မျိုးပွားအင်္ဂါရောဂါ ( ဥပမာ- သားဥအိမ်အရည်အိတ်တည်ရောဂါ (PCOS)၊ သားအိမ်အမာရွတ်တည်တာ) တွေကြောင့် ဖြစ်ပါတယ်။

ရာသီမလာခြင်းဟာ HIV နဲ့ သက်ဆိုင်ခြင်းမရှိဘဲ အပေါ်က အကြောင်းရင်းတွေကြောင့်သာဖြစ်လို့ ခင့်မိတ်ဆွေ မိန်းကလေးတွေအနေနဲ့ မစိုးရိမ်ဘဲ ဆရာဝန်နဲ့တိုင်ပင်ပြီး အဖြေရှာလို့ရနိုင်ပါတယ်။

သိလိုသမျှ ခင့်ကို Messenger / Viber - 09 765 203221 တို့မှာ တိုက်ရိုက်မေးမြန်းနိုင်ပါတယ်။
Telegram Channel Join ရန်
https://t.me/hivayaykhinkomayy
Viber Channel Join ရန်
https://invite.viber.com/?g2=AQBBsZhbJacuM04NuLQWx%2FpmK50Rcb2A3Nwe1gmLsFs7YxtRikwkxxOH20OUYLYG

အတူနေတဲ့အခါ ပိပိ သို့မဟုတ် ညီလေးနာတဲ့အခါ

ကိုယ့်ချစ်သူနဲ့ အတူနေတဲ့အခါ လိင်အင်္ဂါနာကျင်တာ ဒါမှမဟုတ် ဆီးစပ် (သို့) ခါးကိုက်တာတွေဟာ သာမာန်လည်း ဖြစ်နိုင်သလို ရောဂါတစ်ခုခုကြောင့်လည်း ဖြစ်နိုင်ပါတယ်။

ယောက်ျားလေး သို့မဟုတ် မိန်းကလေးရဲ့ လိင်အင်္ဂါနေရာက နာကျင်တာဆိုရင်တော့ လိင်အင်္ဂါမှာ ဒဏ်ရာရဖူးတာ သို့မဟုတ် အနာပေါက်တာမျိုးဖြစ်နိုင်လို့ အရင်ဆုံးစစ်ဆေးကြည့်သင့်ပါတယ်။ အတူနေစဉ် အနေအထားမမှန်တာကလည်း နာကျင်စေရတဲ့ အကြောင်းရင်းထဲမှာပါပါတယ်။

အဖြစ်များတဲ့အကြောင်းတစ်ခုကတော့ အမျိုးသမီးလိင်အင်္ဂါက သဘာဝချောဆီမထွက်တာကြောင့် နာကျင်ရတာလည်း ရှိပါတယ်။ အဲဒီလိုကိစ္စမျိုးရှိရင်တော့ water-based lubricant ကို အသုံးပြုသင့်ပါတယ်။

မိန်းကလေးတွေမှာ ပိပိနာရတဲ့ အခြားအကြောင်းအရင်းတွေဆိုရင်တော့ မွေးလမ်းကြောင်း ပိုးဝင်ပြီး ရောင်ယမ်းတာ၊ ဆီးလမ်းကြောင်းပိုးဝင်တာ၊ သားအိမ်အလုံးတည်တာ နဲ့ သားဥအိမ်ရေအိတ်တည်တာ စတာတွေပဲ ဖြစ်ပါတယ်။

ယောက်ျားလေးတွေမှာတော့ ဆီးကြိတ်ရောင်တာ၊ ဆီးပြွန်ရောင်တာ၊ ဆီးပူညောင်းကျရောဂါအပါအဝင် လိင်ကတဆင့်ကူးစက်တတ်တဲ့ ရောဂါတွေကြောင့် အတူနေတဲ့အခါ ညီလေးနာတတ်ပါတယ်။

တကယ်လို့ နာကျင်တာက ခဏခဏဖြစ်လာတယ်၊ ပိုပိုပြီးလည်း နာကျင်လာတာ ဒါမှမဟုတ် ဖျားတာ၊ လိင်အင်္ဂါက အဖြူဆင်းတာ၊ ပြည်တည်တာ၊ ဆီးကျင်၊ဆီးအောင့်တာတွေ ဖြစ်လာရင်တော့ ဆရာဝန်နဲ့ အမြန်ဆုံးပြသဖို့ လိုအပ်ပါတယ်။

သိလိုသမျှ ခင့်ကို Messenger / Viber - 09 765 203221 တို့မှာ တိုက်ရိုက်မေးမြန်းနိုင်ပါတယ်။
Telegram Channel Join ရန်
https://t.me/hivayaykhinkomayy
Viber Channel Join ရန်
https://invite.viber.com/?g2=AQBBsZhbJacuM04NuLQWx%2FpmK50Rcb2A3Nwe1gmLsFs7YxtRikwkxxOH20OUYLYGl

ART ဆေးကို ချိုးပြီး မသောက်သင့်ပါ။


ART ဆေးတွေဟာ သောက်လိုက်တဲ့အခါ ခန္ဓာကိုယ်ထဲ ဆေးအာနိသင် တိတိကျကျရရှိအောင် ရည်ရွယ်ပြီး ပြုလုပ်ထားတဲ့ ဆေးပုံစံမျိုးစုံပါဝင်ပါတယ်။

ART ဆေးကို ချိုးဖဲ့ပြီး သောက်တဲ့အခါ ဆေးရဲ့ ပုံသဏ္ဍာန်ပျက်ယွင်းပြီး အာနိသင်လျော့နည်းသွားတာကြောင့် ရောဂါမသက်သာတာ၊ ဆေးယဉ်ပါးတာတွေ ဖြစ်လာနိုင်ပါတယ်။ ဒါကြောင့် ART ဆေးကို သောက်တဲ့အခါ မချိုးဖဲ့ပဲ ဆေးရဲ့ မူလပုံစံအတိုင်းကိုပဲ ရေနဲ့ မျိုချပြီး သောက်သင့်ပါတယ်။


တကယ်လို့ ကိုယ့်မှာ ဆေးမျိုချရတာ အခက်အခဲရှိရင် ဒါမှမဟုတ် အစာမျိုချရခက်တဲ့ ရောဂါတစ်မျိုးမျိုးရှိရင် ဆရာဝန်နဲ့တိုင်ပင်ဖို့ ခင်က အကြံပေးလိုက်ပါတယ်နော်။

သိလိုသမျှ ခင့်ကို Messenger / Viber - 09 765 203221 တို့မှာ တိုက်ရိုက်မေးမြန်းနိုင်ပါတယ်။
Telegram Channel Join ရန်
https://t.me/hivayaykhinkomayy
Viber Channel Join ရန်
https://invite.viber.com/?g2=AQBBsZhbJacuM04NuLQWx%2FpmK50Rcb2A3Nwe1gmLsFs7YxtRikwkxxOH20OUYLYG

အများသုံးအိမ်သာကနေတဆင့် HIV ကူးစက်နိုင်လား။

လူပေါင်းများစွာ အသုံးပြုနေတဲ့ အများသုံးအိမ်သာတွေဟာ သန့်ရှင်းမှုအားနည်းတတ်ပေမယ့် HIV ရောဂါ ကူးစက်နိုင်ခြေမရှိသလောက်နည်းပါတယ်။

မိတ်ဆွေတို့ရဲ့ ခန္ဓာကိုယ်မှာ အနာတရမရှိဘူးဆိုရင် အိမ်သာမှာရှိတဲ့ HIV ပိုးဟာ ခန္ဓာကိုယ်ထဲကို ဘယ်လိုနည်းနဲ့မှ မဝင်ရောက်နိုင်ပါဘူး။ အိမ်သာကြွေခွက်ပေါ်မှာ HIV ပိုး တင်နေရင်လည်း ပြင်ပမှာ နာရီအနည်းငယ်ကြာပဲ ရှင်သန်နိုင်ပြီး ကူးစက်နိုင်စွမ်းလည်း လျော့ကျသွားပါတယ်။

ဒါကြောင့် အိမ်သာခွက်ကနေတဆင့် HIV ကူးစက်တတ်တယ်ဆိုတဲ့ အယူအဆဟာ လွဲမှားတဲ့အယူအဆတစ်ခု ဖြစ်ပါတယ်။

အများသုံးအိမ်သာကနေတဆင့် HIV မကူးစက်နိုင်ပေမယ့် ဘိုထိုင်လိုအိမ်သာမျိုးမှာ အရေပြားကူးစက်ရောဂါတွေ ကူးစက်နိုင်တာကြောင့် ဒါကိုတော့ သတိထားကြရမယ်နော်။

သိလိုသမျှ ခင့်ကို Messenger / Viber - 09 765 203221 တို့မှာ တိုက်ရိုက်မေးမြန်းနိုင်ပါတယ်။
Telegram Channel Join ရန်
https://t.me/hivayaykhinkomayy
Viber Channel Join ရန်
https://invite.viber.com/?g2=AQBBsZhbJacuM04NuLQWx%2FpmK50Rcb2A3Nwe1gmLsFs7YxtRikwkxxOH20OUYLYG

ဆုံးဖြတ်ချက်တွေ မှန်ကန်ဖို့ရာ ခင်နဲ့ တိုင်ပင်ဆွေးနွေးပါ

HIV ရောဂါနဲ့ ပတ်သက်ပြီး မိတ်ဆွေတို့ သိချင်တာပဲဖြစ်ဖြစ်၊ စိုးရိမ်စရာပဲဖြစ်ဖြစ် အားလုံးကို တိုင်ပင်ဆွေးနွေးပေးဖို့ ခင်တို့ အမြဲရှိနေပါတယ်။ HIV နဲ့ ပတ်သက်လို့ ပူပန်စရာကိစ္စတွေ ရှိလာတဲ့အခါ မှန်ကန်တဲ့ ဆုံးဖြတ်ချက်တွေ ချနိုင်ဖို့အတွက် ခင်တို့ရဲ့ အခမဲ့ တိုင်ပင်ဆွေးနွေးဝန်ဆောင်မှုက အကူအညီပေးဖို့ အသင့်ပါပဲ။

ခင်တို့ရဲ့ အခမဲ့ တိုင်ပင်ဆွေးနွေးဝန်ဆောင်မှု (Counselling service) က ပုံစံအမျိုးမျိုးရှိပါတယ်။
☎️ ချက်ချင်း တိုင်ပင်ဆွေးနွေးလိုသူတွေအတွက် အမြန်ဆက်သွယ်နိုင်မယ့် Hotline နံပါတ် xxxx ရှိသလို
🗣️ အပြင်မှာ အချိန်ပေးပြီး ဆွေးနွေးလိုသူတွေအတွက် Face to Face Counselling နဲ့
💻 သွားလာရ အဆင်မပြေသူတွေအတွက် Virtual Counselling Session တွေ ထားရှိပါတယ်။

ခင်တို့ရဲ့ အခမဲ့ တိုင်ပင်ဆွေးနွေးဝန်ဆောင်မှုမှာ HIV ကုသရေးနဲ့ပတ်သက်ပြီး ကျွမ်းကျင်တဲ့ပညာရှင်တွေက တိုင်ပင်ဆွေးနွေးပေးပြီး ပုဂ္ဂိုလ်ရေးအချက်အလက်တွေကို လျို့ဝှက်ထားတာဖြစ်တာကြောင့် စိတ်ချလက်ချတိုင်ပင်ဆွေးနွေးနိုင်ပါတယ်။

ခင်တို့ရဲ့ တိုင်ပင်ဆွေးနွေးဝန်ဆောင်မှုအကြောင်းအပြင် HIV ကာကွယ်ကုသရေးနဲ့ ပတ်သက်တာတွေကို pgkmyanmar.org ဝဘ်ဆိုဒ်မှာ ကြည့်ရှုလို့ရပါတယ်။

သိလိုသမျှ ခင့်ကို Messenger / Viber - 09 765 203221 တို့မှာ တိုက်ရိုက်မေးမြန်းနိုင်ပါတယ်။
Telegram Channel Join ရန်
https://t.me/hivayaykhinkomayy
Viber Channel Join ရန်
https://invite.viber.com/?g2=AQBBsZhbJacuM04NuLQWx%2FpmK50Rcb2A3Nwe1gmLsFs7YxtRikwkxxOH20OUYLYG

ခြင်ကိုက်ခံရခြင်းကတဆင့် HIV ကူးစက်နိုင်သလား။

ဒါက ခင်အပါအဝင် လူတော်တော်များများ စဉ်းစားမိတဲ့ မေးခွန်းတစ်ခုပါပဲ။

ခြင်ဟာ HIV ကူးစက်ခံရသူတစ်ဦးကို ကိုက်ပြီး အခြားသူတစ်ဦးကို ထပ်ကိုက်တဲ့အခါ အကိုက်ခံရသူမှာ HIV မကူးစက်နိုင်ပါဘူး။

အကြောင်းကတော့ -
🦟ခြင်တွေရဲ့ ခန္ဓာကိုယ်ထဲမှာ HIV ပိုး မရှင်သန်နိုင်ခြင်း၊
🦟ခြင်ကိုက်တဲ့အခါ ခြင်ကိုယ်ထဲက သွေးတွေဟာ အကိုက်ခံရသူဆီ မဝင်ရောက်ခြင်း၊
🦟ခြင်ခန္ဓာကိုယ်ထဲမှာ HIV ကူးစက်နိုင်လောက်တဲ့ သွေးပမာဏ မရှိခြင်း စတာတွေကြောင့်ပဲ ဖြစ်ပါတယ်။

HIV ဟာ အဓိကအားဖြင့် HIVပိုးရှိသူနှင့်အတူ ဆေးထိုးအပ်၊ ဘလိတ်ဓါး စတာတွေကို ဝေမျှသုံးစွဲခြင်း၊ HIV ပိုးရှိသူနှင့် အကာအကွယ်မဲ့အတူနေခြင်း ၊ ကိုယ်ဝန်ဆောင်မိခင်မှကလေးကူးစက်ခြင်းတွေကနေ ကူးစက်နိုင်ပါတယ်။

ဒါပေမယ့် ငှက်ဖျား၊သွေးလွန်တုပ်ကွေး စတဲ့ရောဂါတွေကတော့ ခြင်ကတဆင့် ကူးစက်နိုင်တာကြောင့် ခြင်ကိုက်မခံကြဖို့ လိုမယ်နော်။