لطميات شور مكتوبه

یاالضامن یاالضامن
طال الهجر تحضروا ربعی وبقیت انه اعلی حالی
اه یالرضا یمته اجیلک وا ترس بشوفک خیالی
گلبی خلص الیله کاره روحی من دون الیالی
اه الرضا بگلبی جروح یروحون لیش و ماروح
باحساسی عاشگ مذبوح ومتانی شوفت رایتک
حلمی اردجیلک مولای
ونعالک وتنعه ویای
عالماشرب گطرة ماي وابچیلک بگد عازتک
کاسرلی ضهری ابحنین ومگضی ایلی بونین
شیصبر البگلبه نار خلصت خساره السنین
موهسه‌من‌العام‌ابچی‌وگلت‌...تعیرنی‌روحی‌اشعایزک‌مارحت
عیب انته یمی و للضروف التفت
یاالضامن یاالضامن
****
کلهم مشو وانه اگلب بالصور وابدمعی حایر
صارت حلم ضنی ازورک و ابچی گدام المنایر
بس للاسف الیله مثل الفاتن ونفس الخسایر
یاخوفی تخلص دنیای ومازورک شلون بهای
بالزهره احلفک مولای وبحسینه الضل ضامی
حنیت اشوفک حنیت ومشایه اجیلک تمنیت
یادنیه عکبک یابیت غیر انته کل ایامی
بداعت دموع الرباب والنایم اعلی التراب
ارزقنی منک لقاء من الهضم گلبی شاب
بیاساعه اشوفک واحجی یمک جرح
گلبی‌الیفکر بیک‌للیل‌وصبح...الزعلان‌منه‌و‌ماقبلت‌الصلح
بام الخدر انطینی دمعه اعلی المشت من دون اخوها
اه یالرضا هیج احزانی اعلی کلمه (طلعوها)
انطینی حبل ارد ایسر گلبی لجل الیسروها
عالضل ضعنه ابلا دار لا تطفه بحروحی النار
تمشی بضعن کله زغار وابلا علم مشوها
یالضامن ترزقنی جروح للصعدت التل تنوح
وشافت اخوه المذبوح یذبحونه ویهضموها
عالضلن ابلا خیام وما فزعوا الهن عمام
راید گلب کله نوح ارد انکسر والسلام
دزلی اویه ایردون منک دمع
عالما سلم من عده بالطف ضلع
ارد انفجع لحسین یا لمنفجع
یاالضامن یاالضامن

لاترد ماضل اثر...كلشي انتهى بسفرك
لاترد مات الورد ...من نكطع خبركم
كتبت على داره...دمعة انتظارك
بويه تدري من غيابك...موتي راحت
واليسافر يبقى عايش...وي جراحه
ردت اشوفك...حتى اكلك بالصراحة
ترجع المن ...دنيا ماكو بس نياحة
لاتضن نفس الوضع...لازم يجي بديلة
لاتضن لمن ترد ...تستقبلك عليلة
ماتت بمسارك...دمعة انتظارك
//////////
ادري صعبة من اكلك...ماكو رجعة
مايسرك هذا حالي ...وداري تنعى
واليالي ذوبتهن...شمعة شمعة
ما تشاهد من أثرها...لا دمعة
لو تجي تلكه حزن...تلكه الم مصابي
لوتجي تلكه جرح...يلجم جرح عتابي
عاشت على نارك...دمعة انتظارك
//////////
تابعتكم خطوه خطوه...عاتبتكم
من مشيتو وبتعدو...عاتبتكم
عمري كله لحظه...بيها ودعتكم
دورتكم وي جروحي...ماشفتكم
ياعتب يشفي الكلب...وبيا كلب أعاتب
ياعتب واكبر عتب ...من انسأل شجاوب
تقبل اعتذارك...دمعة انتظارك
//////////
انتهينه وتركت الكم...ذكرياتي
وبصوركم تلكه دمعة...امنياتي
تلكه حسره...من دعائي في صلاتي
الحياتي انت غالي...وبمماتي
سلوتي بمهدي الطفل...يالماترد حجولي
تنجوي بنهارك....دمعة انتظارك
//////////
يالعفتني املي دربك...بس خواطر
ياما ياما كتلك ارجع...لا تسافر
يمضي يومي...كلت اشوفك بلكي باجر
بلايه باجر سيفه...يذبح بالمشاعر
ايست مات لامل ...وبيا جرح تجيني
ايست لاماترد...وانه عرفت انيني
تنطوي بمدارك ...دمعة انتظارك
//////////
اداء:الحاج باسم الكربلائي
كلمات:الشاعر سيد عبد الخالق المحنه
قصيدة:لا ترد مات الورد

اللهم العن عمر
عُمری الاصل یادون الحقیر
لا ما تفوهت بهی قط لایصیر
فقبور الال تعلو شامخات
بل موت من عاد همو مون حمیر
نسلک مثل نسله وطینتک منه
بری منک محمد وانت مومنه
عدو الله ویرید یهدم الجنه
اول و الاخیر علی هوه الولی
العن یاعلی من عادا علی
علی مامنه علی حاملنه
اذا نتخیر علی و لا الجنه
اللهم العن عمر
****
قسماً باالله والیوم الوعید
لست من هاشم وانت ابن یزید
لن تمیت الوحی قالت زینبون
صفعتهم بائکُفن من حدید
ما تکسر حجایه زینب الحره
لن تمحو ذکرنه ولا نقص ذره
خدام الحسین صفوف متحضره
ما بینه الیخاف ولا بینه اندم
هم اصل الحیاة واحنه الهم الخدم
علی خدامه نهد جدامه
الیبغضه نسحکه وعلی عل الهامه
اللهم العن عمر

ندمان ونخیتک توبت حر اجیتک
مارید ابتعد عن خیمت عیونک
ولهج بعتذاری راجع
راجع بنکساری
وقبلنی عبد اخدم عبد جونک
راجعلک مومثل ضیچ الجروح البیه
اقبلنی بداعت اصاحت یفضه علیه
من دونک روح کل لحظه بذنب مسبیه
راید تربیلی گلب نبضاته کربله
وجرحنی مولای بجرح ماکو دواء اله
مصیبت العاشر تضل دمعاتی هامله
اقبلنی اجیلک
ارید اصبح ذلیلک
ورید ابچی لحد ماتنطفی عیونی
عیشنی بهیامک
وحرگنی بخیامک
مثل حرگ المخیم بحترگ لونی
یحسینی منذورالک
دمعی ولطمتی وعمری
کون انی بلحوافر
انسحگ یا ذخری
یاغالی مثل صدرک کون یصبح صدری
روحی بس لمصیبتک یتوالم الخزن
وضلوعی کون بمجلسکمن لطمی تنسحن
ومرادف ادموع تصب وجرح الجفن
الزلمنی منی ایدیه وتحافظ علیه مولای
مولای اخاف بسرعه اضیعن لو عفتنی
بعطفک وبرحمتک تشمل گلبی ردتک

ياغريبه زينب...ياغريبه زينب
....
مولاتي كلبي لضريحج ضامي... مولاتي هاي ايامي
معنى الحياة بابج... كون اصحى من اوهامي
عايش عالدمع صيتي مرقدج بيتي
زينب امنيتي...الزياره
رايد نظره رزقيني يمج أخذني
تعرض بعيني المناره
//////////
شفت الضايع بدونج...عافيتي من مااعونج
يارحمة الله عيونج ...روحي معلكه بطيفج
ضلت بكيفج...مايرد ضيفج يازينب
ابابج الطم اضلوعي...واذرف دموعي
انتِ موضوعي ...يازينب
//////////
شمليني من افضالج...قبليني انوح لحالج
هذا انا شايل ايدي...كيديني من احبالج
ويلي واركض ابهميه وانجوي بخيمه
الشام ياضيمه...ولوها
شايل گلبي واشواگه وناره حراگه
زينب بناگه ...خذوها
//////////
حلمج يراود ليلي...واليل ضل يبجيلي
يمته تعال اسمعهه...واركضلج بكل حيلي
زاير جلمه محلها اكبر وياها
يرتفج جاها ...ليزورج
حاير لاتخليني ضاعت سنيني
فدوه شرفيني ...بحضورج
//////////
مرضاتج اجمل غايه...وللعفه أنتِ مرايه
هيج الله ويسويهه...ونطلع الج مشايه
غالي دربج علينه نمشي خلينه
وبنعاوينه...نجيلج
خالي صحنج وحيره نترس الديره
بينه الج غيره ...دخيلج
//////////////////////////
اداء: موسى البولاني
كلمات:الشاعر شاكر الصيمري
قصيده: امنيتي الزياره

دنيا مابيها بس هم وغدر...ومنين اجيبها صبر
راوتني نجمات الظهر...دنيا
....
ليلة اوداعك ثواني...بسرعة مرت
جانت اسرع ...من دمعتي
لحظة أفراك مسافة...بلا نهاية
اهواية اطول ...من حسرتي
والعمر بالفركه...يطول يمته يخلص
حتى اخلص...من غربتي
دهري راوني انواع الام... دهري
كل لحظة يرميني بسهم... دهري
واعرف نهاية هالعمرة ... دنيا
//////////
يبني كل الراح يرجع... تدري يوسف رد قميصه
البشاره...وانا كلكم ظيعتكم مره وحده
مااجيتم يالغياره...يبني وين الكه قميصك
حتى اشمه...بكلي كلبي تطفه ناره
وينك يالتارك بكلبي رمح...وينك
لو انسى يسألني الجرح...وينك
خلتني للموت انتظر... دنيا
//////////
تدري اول كلمه اكلك...من اشوفك
ياحبيبي...أحلى كلمه
تدري اخر حلم عمري...الماتحقق
وينه نحرك...ارد اشمه
تدري اجمل كلمه ...عندي شنهي يابني
من صحتني هاييمه
يمه معقوله ماترجع بعد...يمه
ام البنين بلا ولد... يمه
ذابحني ياسيف الهجر... دنيا
////////
يشهد الله... مانسيتك لحظه وحده
انت دومك...على بالي
من كثر مابسمك الهج...صرت اشكن
انت يمي...مو خيالي
انجوي بنارك ونادي...اكرب اكرب
يالعفتني ...هذا حالي
يبني اطشر جروح وصحت... يبني
ابجي وعلى وجهي طحت... يبني
بعدك ولا واحد يمر...دنيا
//////////
تاكل بروحي اليالي...واشتكيلك
يمه ارجع ... وينك انت
وارسم هموم...بطريقك مره اكتب
بس تعالو...مره يمته
يالطريقك بيه يشعر...من اسأله
مايجاوب ...يبجي سكته
ارجع يالماخذ وياك الشمس...ارجع
ياباجر وحلم الامس...ارجع
مجبوره اقبل اي عذر... دنيا
//////////
انا ادري ماتردلي...بس احاول
مااصدك...فاركتني
تالي بن حذلم اجاني...الوكاله جاوب
ابني وينه... عذبتني
ضل يعددلي ابنيني...فكري يمك
انت وحدك ...حيرتني
نوحي ابنج صريع بكربله...نوحي
مسبيه كل العائله...نوحي
وبالشده زينب باليسر...دنيا
//////////
انتظر زينب تعاود....وامشي ليها
لازم اسأل...عن اخوها
عن كمر هاشم سؤالي
والكفلها....يبقى ساكت من من سبوها
ابني بس غيره...وحميه وشيصبره
يمه زينب...سلبوها
اختك كتلك امانه ب ركبتك... اختك
كلبي يكلي عذرتك....اختك
عد زينب أعتاب شكثر... دنيا
///////////////////
اداء: الحاج باسم الكربلائي
كلمات: شاعر السيد عبد الخالق المحنه
قصيده: دنيا

السلام عليكم ورحمه الله وبركاته اخواني واخواتي محتاج اقوئ مصمم بالقناة فدوه اروحلكم حسابي محضور مال تيك توك واريد تصميم عله صوره من صوري كون تصميم عالمي لان انه مااعرف اصمم فالي يعرف لا يقصر وياي فدوه انه اخيكم ❤️
خاص @ax_6b

دين الخوه عباس من نوماسه
ايد وعين الحسين أهله وناسة
اترف هادي عباس واجمل ساقي
غيرة قالع الباب كلها برأسه
قمر بني هاشم...قمر بني هاشم
واذا قال فعل...قمر بني هاشم
قمر بني هاشم... قمر بني هاشم
ترس اسمه فحل ...قمر بني هاشم
قمر بني هاشم
الايناديكة...دخيلك ذك
ياقمر علي
الساقي أبا الفضل...والحنان الساقي
ديوان العبارات...والحجي البشفافي
مااعرف الحجي بي...وأنه عبد عيونه
و ماراح اذكر اسماء...عم رقيه وكافل
ابو فاضل...ابو فاضل
//////////
يملك مسحة جفوف تحي الموته
وتحي امروة الناس طاري امروته
واليصرخ ياعباس يرضي الزهراء
واليريد رضى الحسين بخوته
قمر بني هاشم
حرف اسمه ملح...قمر بني هاشم
قمر بني هاشم
وجعل ليلي صبح...قمر بني هاشم
قمر بني هاشم
كلبي حكه بالكلام يصيح
ياقمر علي
دين امي أبا الفضل...بالبن حسيته
وفكيت الجفن باب...بس رحل سديته
ومااملك دمع شوك...الا من يم بابه
وطاريه علي صار... بالكلب شديته
ابو فاضل...ابو فاضل
//////////
رباه حيدر وباب الحب راده
واللي ايكله بحماك نال امراده
للما يتعذر دوم مدينه الايد
حافظ ماي الاوجوه عم الساده
قمر بني هاشم
حدر ضلع يدك ...قمر بني هاشم
قمر بني هاشم
ويغذيني عشك... قمر بني هاشم
قمر بني هاشم
وخله روحي بالحجي تصدك
ياقمر علي
عنواني أبا الفضل...والهوى البريه
واليطهر الأنفاس...واليصفي النيه
وعلي هوه اليسميه...نور عين الزهره
وماي عين الحسين...بيه عطر بدويه
ابو فاضل...ابو فاضل
//////////
طب للحومه عباس يأخذ حيفه
وباركاب إلزلم كام ياكل سيفه
متصل الها مشراد والصايح صاح
موت وقبض الأرواح كلها بكيفه
قمر بني هاشم
واذا سيفه صطر... قمر بني هاشم
قمر بني هاشم
شسوه بالطف يوم عاشر طر
ياقمر علي
ومركظهم زحوف...من النهر الكوفه
وبيها طاير الروس...حتى الاعمه يشوفه
ظل يمشي ويدوس...عالشوارب جسمه
تاكل صطرته اركاب...الصارت جفوفه
ابو فاضل... ابو فاضل
//////////
من حيل الله عباس حيل زنوده
مثكول امه الايجوس خط حدوده
موجودات الأجساد فود التربان
والسبعين الف راس ماموجوده
قمر بني هاشم
اسد حومه كلف...قمر بني هاشم
ترك بيها خسف... قمر بني هاشم
قمر بني هاشم
جف يودي ويصطر العدوان جف
ياقمر علي
القاضي أبا الفضل...والذبح قانونه
وماشالته الكاع من اجه ميمونه
ماظل يمه سباع...ماسحك فوكها
والطف احترك نار...من شرار عيونه
ابو فاضل...ابو فاضل
/////////////////////////////
اداء:عباس عجيد العامري
كلمات:احمد الهلباوي
قصيده:اجمل ساقي

دنيا مابيها بس هم وغدر...ومنين اجيبلها صبر
راوتني نجمات الظهر...دنيا
ليلة اوداعك ثواني...بسرعه مرت
جانت اسرع...من دمعتي
لحظة أفراك مسافة...بلا نهاية
اهواية اطول ...من حسرتي
والعمر بالفركه يطول..يمته يخلص
حتى اخلص...من غربتي
دهري راوني انواع الالم...دهري
كل لحظه يرميني بسهم...دهري
واعرف نهاية هالعمرة...دنيا
//////////
يبني كل الراح يرجع...تدري يوسف
رد قميصه للبشاره...وانا كلكم ظيعتكم مره وحده
مااجيتم يالغياره...يبني وين الكه قميصك
حتى اشمه...بلكي كلبي تطفه ناره
وينك يالتارك بكلبي رمح...وينك
لو انسى يسألني الجرح... وينك
خلتني للموت انتظر...دنيا
//////////
تدري اول كلمه...اكلك من اشوفك
ياحبيبي...احلى كلمه
تدري اخر حلم عمري...الماتحقق
وينه نحرك...ارد اشمه
تدري اجمل كلمه...عندي شنهي يبني
من صحتني...هاييمه
يمه معقوله ماترجع بعد...يمه
ام البنين بلا ولد...يمه
ذابحني ياسيف الهجر... دنيا
//////////
يشهد الله ما نسيتك...لحظه وحده
انت دومك...على بالي
من كثر مابسمك...الهج صرت اشكن
انت يمي...مو خيالي
انجوي بنارك ونادي...اقرب اقرب
يالعفتني ...هذا حالي
يبني اطشر جروح وصحت...يبني
ابجي وعلى وجهي طحت...يبني
بعدك ولا واحد يمر...دنيا
//////////
تاكل بروحي اليالي...واشتكيلك
يمه ارجع...وينك أنته
وارسم هموم...بطريقك مره اكتب
بس تعالوا ...مره يمته
يالطريقك بيه يشعر...من اسأله
مايجاوب...يبجي سكته
ارجع يالماخذ وياك الشمس...ارجع
ياباجر وحلم الامس...ارجع
مجبور اقبل اي عذر...دنيا
//////////
انا ادري ماتردلي ...بس احاول
مااصدك ...فاركتني
تالي بن حذلم اجاني ...وكتله جاوب
ابني وينه...عذبتني
ظل يعددلي ابنيني...فكري يمك
انت وحدك...حيرتني
نوحي ابنج صريع بكربله...نوحي
مسبيه كل العائله...نوحي
والشده زينب بالسير... دنيا
//////////
انتظر زينب تعاود...وامشي ليها
لازم اسأل ...عن اخوها
عن كمر هاشم...سؤالي والكفلها
يبقى ساكت ...من سبوها
ابني بس غيره ...وحميه وشيصبره
يمه زينب...سلبوها
اختك كتلك امانه ب ركبتك...اختك
كلبي يكلي عذرتك...اختك
عد زينب أعتاب شكثر...دنيا
//////////
اداء: الحاج باسم الكربلائي
كلمات: الشاعر السيد عبد الخالق المحنه
قصيده: دنيا

مو بس اخو لا يالحسن ... يا نفسي بعد أكثر
هل هذا جسمك بالكبر ...لوجسم ابو الاكبر
مسموم...مظلوم
يالفاركت صدري هوه...يالماخذ انفاسي
احسينك انا ...وبهالكبر افرشلك احساسي
وياك اندفن اتمنه ...يااغلى واعز ناسي
ماودي اترك جثتك...ارد ابقى واتحسر
مسموم مظلوم
///////////////
طول ويا طول اتوسدت...يالمجتبى ابكبرك
اشلون بعزاك اوكف و انا... جنت اوكف بكترك
بيمن يعزوني دخت...من عمري لعمرك
صعبه البقى ...برأسك اذا اسمعها اتكدر
مسموم مظلوم
////////////////
امصابك فجعني وصرت احس...سمك سره بروحي
فكدك نزف حيلي...ولا تتخيط جروحي
لو بالبجي ترجع إلي....جارجعك نوحي
أجفاني ماتلام اذا...تجري الدمع احمر
مسموم مظلوم
/////////
عشرتنه من معنى الهجر...مابيها لوذره
عشنه العمر مانفترك...على الحلوه والمره
حتى الهوه التنفسه...نتشارك نجره
بعدك صرت أشهك حزن...وبفكدك تاجير
مسموم مظلوم
//////////
عندك علم محد ترى ... خبرني عن سمك
حسيت انا بجبدي الم...وتراكضت يمك
لا بد كلت منك عضو...يالمجتبى يألمك
واحساسي مثل احساسك...و ماعنه يتغير
مسموم مظلوم
///////////
موتك يقرب كربله...ويهيج ونيني
إسهام الرمت نعشك ترى...بمصابي ترميني
وابغربتي ومحد الي...وتدورك عيني
او يجمعنه موتي ونلتقي...من ينزف المنحر
مسموم مظلوم
//////////
شكد حلوه تصبح كربله...لو انت وياه
جا انت قائدنه وانا...احملك الرايه
او مانعطش وعدنه...اخو يروينه من مايه
و زينب عزيزه امكرمه...أو ماتنسبي الخدر
مسموم مظلوم
////////
الرادود:باسم الكربلائي
الشاعر: محمد الساقي
القصيده:مو بس اخو

ان شاء الله نزور العقيلة ان شاء الله
ان شاء الله تفرجهه كون الطاهرة

توهوس الخدام ذابحهه الرحيل
يعينهه الله الوادم المازايره

ليمت نزور گبر ام الخدر
ليمت. هو شو رگضه العمر
ليمت نوگف بباب الصبر ليمت

شيسد لوعاتنه وشيطيب الگلوب
فراك الجاسنه يافرض الغروب
نحسب للزيارة حساب مشتاگ
چم دوب الصبر يم عون چم دوب
****
دخيلچ على الله وعليچ دخيلچ
نريد عن حب الخيم نحچيلچ
نريد نغرگ بالعذاب البالضريح
وبأمان الله نجي وتسهيلچ

طالت والحلم نفس الحلم
طالت روحي البلايه هدم
طالت والهضم ماينلزم. طاااالت

چبيرة الغربة تكبر يوم عن يوم
ليا حد الضياع البينه مرسوم
يامولاتي الحزن خضر بالعيون
ملچوم اليضم اسرارة ملچوم
**
حايرة الناس التعشگچ حايرة
الخاطرچ حتى الظلام نعاشره
ياهو مايتمنى من عدنه يجيج
نار مو ماي المشاعر صايره

حيرة حيرة وادموع وندم
حيرة. صارت العيشه وهم
حيرة كلها متحضره الخدم حيررة

منو يروح السنة هنياله اليروح
يشم عطر الكرامة ويبني الجروح
اليسافر يمچ يكولون يحتار
ينوح ويكضي ليلة بلا وعي ينوح
***

السيده معصومة عليها السلام
ممكن تصميم حلو

☜   بـسمـه تعـالى 

أم البنين الليلة .. شدت لهاشم شيله
بدوية منها والنعم .. شدت لهاشم شيله
خيطت رايات الزلم .. شدت لهاشم شيله
صاحت يعباس الشهم .. شدت لهاشم شيله
طشرها يبني ولا تلم .. شدت لهاشم شيله
والرايه دگها على النجم .. شدت لهاشم شيله
عباس معروف حيله .. شدت لهاشم شيله

♧♧♧♧♧♧♧♧♧♧♧♧

حي الله زلمة كربلا .. شدت لهاشم شيله
عباس خير المرجله .. شدت لهاشم شيله
بالحرب طاريك حله .. شدت لهاشم شيله
من حيدر الثاني هلا .. شدت لهاشم شيله
خلفة خلفه معدلة .. شدت لهاشم شيله
وين اليعدل الميله .. شدت لهاشم شيله

♧♧♧♧♧♧♧♧♧♧♧♧

عباس بيك انه افتخر .. شدت لهاشم شيله
يبني يخيال الشگر .. شدت لهاشم شيله
يا هيبة طولك ع النهر .. شدت لهاشم شيله
يالتارس الشيله عطر .. شدت لهاشم شيله
يحسين تأمرني أمر .. شدت لهاشم شيله
فك صدرك وصليله .. شدت لهاشم شيله

♧♧♧♧♧♧♧♧♧♧♧♧

ام البنين الطاهره .. شدت لهاشم شيله
خلفة مثلج مره .. شدت لهاشم شيله
ولدج نشامة حيدره .. شدت لهاشم شيله
خلفتي سبع الگنطره .. شدت لهاشم شيله
شالع الباب بخيبره .. شدت لهاشم شيله
والده  السبع نمشيله .. شدت لهاشم شيله

♧♧♧♧♧♧♧♧♧♧♧♧

يا رباي يا غيرة هلي .. شدت لهاشم شيله
بيكم مراجل من علي .. شدت لهاشم شيله
ولگابلاكم يبتلي .. شدت لهاشم شيله
بالحومة رفعوا الراس الي .. شدت لهاشم شيله
صيحوا ييمه تدللي .. شدت لهاشم شيله
عَ الراس اخونه نشيله .. شدت لهاشم شيله

♧♧♧♧♧♧♧♧♧♧♧♧

امك وتدعي من الگلب .. شدت لهاشم شيله
حي الله ابو ملگه الصعب .. شدت لهاشم شيله
عباس هيبة من يطب .. شدت لهاشم شيله
فرسان هاشم بالحرب .. شدت لهاشم شيله
تغلب وما تنغلب .. شدت لهاشم شيله
عياله گبل العيله .. شدت لهاشم شيله

♧♧♧♧♧♧♧♧♧♧♧♧

@

قصيده للسجاد زين العابدين

المستهل👇👇👇

اوللسجاد لطمي  يالتعزين
حديد الجامعه امأثر بالأيدين

✿────↻✿...✿↺────✿
✿────↻✿...✿↺────✿


مكيد يجهر بونته على الناكه
من ظيم العده والروح حراكه
يصد روس الغوالي وعينه مشتاكه
((عالناكه يون ومكيدينه))


✿────↻✿...✿↺────✿
✿────↻✿...✿↺────✿


مكيدينه ويون والروح خلصانه
الله يساعدك علظيم مولانه
يشوف كبال عينه عمته تعبانه
((كدامه بسوط يظربوها))


✿────↻✿...✿↺────✿
✿────↻✿...✿↺────✿


ينظر عمته زينب من يظربوها
بسوط على المتون ومايرحموها
ولو صاحت علي ظلو يشتموها
((لو صاحت عمه ياذوها))


✿────↻✿...✿↺────✿
✿────↻✿...✿↺────✿


زين العابدين احتار شيسوي
عمته كبال عينه والدمه تجري
لو صعدت الناكه تطيح ماتدري
((عالناكه بسوط يصعدوها))


✿────↻✿...✿↺────✿
✿────↻✿...✿↺────✿


تريد اساعد السجاد على الكومه
ولو رادت تكوم تطيح مهظومه
من يوم الشهيد حسين مالومه
((سجاد يون يبجي عليهه))


✿────↻✿...✿↺────✿
✿────↻✿...✿↺────✿


تبجي عمتّه وهو  يصد ليهه
مهظومه العقيله تريد واليهه
مصاب المرعليها حيل ماذيهه
((ومصاب الراحوا ماذيهه))

✿────↻✿...✿↺────✿
✿────↻✿...✿↺────✿

قصيدة ثكيلة

⬇⬇⬇⬇⬇⬇

خويه حسين ودوني سبيه واني الهاشمية
حيدر والدي وامي الزجيه واني الهاشمية
شلون ادخل الديوان
واكعد بين عدوان
وابن زياد يتأمر عليه واني الهاشميه
♻♻♻♻♻♻
مو ديوان طبيت الدواوين
اي يحسين خويه وداعت حسين
*عفتك عالرمل من غير* تجفين
ماخلوني اشيلك
يالمهدوم حيلك
عنك حملت غصبا عليه واني الهاشميه
♻♻♻♻♻♻♻
خويه حسين ودوني سبيه واني الهاشميه
حيدر والدي وامي الزجيه واني الهاشميه
شلون ادخل الديوان
واكعد بين عدوان
وابن ازياد يتأمر عليه واني الهاشميه
♻♻♻♻♻♻♻
يمك من رحت روحي عفتها
ولاظلت مصيبه وماشفتها
ذاك اليوم فزعتكم ردتها
ويه المايرحمون
اروح شلون ترضون
ماخلوني اودعك يالشفيه واني الهاشميه
♻♻♻♻♻♻♻
ماخلوني اودعك اخر وداع
بحالي شصار من عفتك على الكاع
تمنيت الصبر يحسين ينباع
اجيبن فوك صبري
كلما يخلص اشري
غريبة وفاكدة بين ال اميه واني الهاشميه
♻♻♻♻♻♻♻
غريبة وفاكده مابين الاجناب
والحك من يضيع يريد طلاب
خويه تدولبت بالكوفه دولاب
ابن زياد سبني
يحسين وضربني
ياريتك عدل وتكوم ليه واني الهاشميه
♻♻♻♻♻♻♻
تمنيتك عدل خويه وتجيني
تشوف من السهر عميانه عيني
اندهك ماكسركلبك ونيني
من الضيم مليت
للجلسات طبيت
ولاشامت بعد ماشمت بيه واني الهاشميه
♻♻♻♻♻♻♻
بيه تشمتوا كلهم شماته
صحت عباس ماكام الخواته
ابن زياد يرضه مكابلاته
راس حسين يمه
يضربه وسال دمه
كبل هاليوم ماجتني المنيه واني الهاشميه
♻♻♻♻♻♻♻

اي وحك اعيونج
انه امــوتن دونج
فنهم يوصــــلونج
يا زينب يا زينب
--------------------------------------
اليوم اكصد للشــــــريعه وراح اجيبنه النهر
اليوم اراويهم مراجــــــل منهو عباس الكمر
اليوم احزلج ركبهم وانتي بس طيلي النضر
م‌ـــِْن اصل يم الشــريعه هلهلي يــــم الخدر
انتي بس كليــلي
يا بعد كل حيلــي
للنــــــصر هلــيلي
يا زينب يا زينب
--------------------------------------
ما اطول راح اجــيلج جايــــب وياي العذب
غاليه وعــندي غلاتج خويه اغله من الكلب
ياهو يوصــل للمخيم والله اسويهم حــطب
وليمس خــيط ابعباتج موته من عنده كرب
ياهو يدنه اخيامج
كافلــــج كدامــــج
راح اروي ايتامــج
يا زينب يا زينب
--------------------------------------
حشميني وشــوفي زودي بالحرب يابت علي
انه اخييج وانتخيلج كــولي خــــــويه ادللي
كلشي يرخص لجل عينج يابعد روحي وهلي
اليوم اجيب الماي يمج امــــري خــــويه بلي
فنــــهم يلاكــــوني
والله مــــــيردوني
حيدره يســــموني
يا زينب يا زينب
--------------------------------------
خــــويه لتهمين بيهم والله امحيهم محــــي
ياهو يدنه اخيال اختي ياهو ليمس العــــبي
اوصيت الكرار انتي زيــــــنب انتي ابشاربي
كافلج وانتــــي اخــــيتي كولي يابــت النبي
يبقه راســج عالي
يا بعــد كــل غالي
اول وللتــــــــــالي
يا زينب يا زينب
--------------------------------------
زينب وضــــــلع الزجيه اليوم اوفيلج عــــهد
ما تهمنــي ارجاس امــــيه ولا يهم هذا العدد
انه سبــع الموزمــــيه اوياج ما اخلف وعــــد
ما يهمــــــــني المــــوت والله انه للخوه مدد
اليــــــوم ادكن غاره
سيفي تلهــــب ناره
جن عــــــلي وبتاره
يا زينب يا زينب

العـمه ايصير ابـو فاضل بـعـد شـيريد



مـثل عـمـك يجاسم كـون تطـلع حـيد







--------------------------







مـن حقـها تحسدك يمـه هــاي الناس



مـنو العــمـه يـشابــه عمــك الـعـباس



اريــدك مثـله ابــدن مـاتـطـخ الـراس



اذا للحومـه تـدخل كـون عنـدك عـيد







--------------------------







الحــرب عـيدك اريــد بيـوم تدخلـها



والسبــعـين الــف وحــدك تــزلـزلــها



الحــومه ابشـاربــك بـالـــك تـزعلـها



مهرها ارگاب وانـته گـدها ياصنديد







--------------------------







گــدهـا وماتـنــزل راســـك الـــواحد



اذا عــمـك الــقائــد انــته هــم قــائد



هـذا جيــش امـيـه شـوفــه وشـرايد



اذا ماعنــده شـغـله خـل يروح ابعيد







--------------------------







كــون الجـيش عمـتك يـمه متــشوفه



واذا للكــوفـه تگــدر وصــله للــكـوفه



ابصيحه وحده مـنك تـوگــع اسيوفه



خلــيهم ابحـيره وأيــد تصــفـج بـــيد

ايام الظعن 💔

القصيدة : هذا الظعن رايح وين
محرم الحرام

▪️▫️▪️▫️▪️▫️

هذا الظعن رايح وين يتقدمه رأس حسين
ــــــــــــــــــــــــــــــــــــــــــــــــــــــــــــــــ
كل خطوه من هذا الظعن حدايها كسر الروح
متعلعل امصابـــه كبر ماخـــذ ونينه ومجروح
من العقيله على السبط لاخـــر الناكــه بالنوح
كلمن مشى بجرحه النزف سيد ظعنهم مذبوح

فوك الهزل محتارين يتقدمه رأس حسين
ــــــــــــــــــــــــــــــــــــــــــــــــــــــــــــــــ
كلمن سأل عن الظعن من كربله شال مصاب
جانت شموس ابكل كتر وجه الشمس هسه غاب
خالي الظعن من الاهل شايف مصارع الاحباب
وزينب تون فوك الهزل وفوك الرماح الاطياب

ويحيطهم بس الونين يتقدمه رأس حسين
ــــــــــــــــــــــــــــــــــــــــــــــــــــــــــــــــ
من مشى صوب الخطر من الكوفه رايح للشام
اجروحــه تنزف هالظعن وانفاسه دخان اخيام
متعوب من هذا الحزن ابشريانـــه تمشي الالام
من ناكه للناكه الحبل لمجتف اشلـــون اينام

ومن دمه تبجي العين يتقدمه رأس حسين
ــــــــــــــــــــــــــــــــــــــــــــــــــــــــــــــــ
جان الكمر وسط الاهل يضحك يوزع بالماي
وسكنه ورقيه ايسولفن عمنه ونحبه احنه اهواي
وعبدالله لقبوا الكمـــر لو كبر لختـــه وفـــاي
جـــان النده ابهذا الظعن بطرافه يلكـــه الفياي

كلشي اختلف متلوعين يتقدمه رأس حسين
ــــــــــــــــــــــــــــــــــــــــــــــــــــــــــــــــ
مترب يغطيه الدمـــع واهاته فاضحها الليل
الحيل من جان الكمر من دونه راح هذا الحيل
الجانت اتسحك السبط ويه الظعن هاي الخيل
والمـــوت وياهم مشى مســـرع ظعنهم للويل

بنص المصايب ماشين يتقدمه رأس حسين
ـــــــــــــــــــــــــــــــــــــــــــــــــــــــــــــ

القصيدة : اعتذار النار
محرم الحرام 1446 هــ

▫️▪️▫️▪️▫️▪️

اعتذاري للخيــم للحــــره للعطشانـــه
اعتذاري الكل جدم ساحك جمرتي انه اعتذاري
ــــــــــــــــــــــــــــــــــــــــــــــــــــــــــــــــ
اقــــــدم عذري لجـــدام الظعن كلـــــه
من اكبـــر شخص للاصغـــر الـ طفلــــه
احرك خيمــــــه لآل البيت مو سهلـــــه
باجـــر بالحشـــــر سيدنــــــه شنكلـــــه

اعتذاري للحـــرم للركضـــت اوتعبانــه
اعتذاري الكل جدم ساحك جمرتي انه اعتذاري
ــــــــــــــــــــــــــــــــــــــــــــــــــــــــــــــــ
لـــو بيدي فـــلا احـــــرك خيم لحسين
اخمـد روحـــي واطفيها بدمـــوع العين
چا ماتنچـــوي ابجمـــري اشكثر رجلين
چا محــد يخـــــاف اولا سمعنـــه اونين

اعتذاري الكل شخص دمعة الم بحزانه
اعتذاري الكل جـدم ساحك جمرتي انه اعتذاري
ــــــــــــــــــــــــــــــــــــــــــــــــــــــــــــــــ
لهيب البيـــه خلـــه الدنيـــا بــس اللام
ودخــــــان الطلع مني عمـــه الايـــــــام
تخجل من فعالــــــي وعملتي الاسهــام
السبب من ناري هاي الحطمت الاحلام

اعتذاري امن الجره بطف كربله واركانه
اعتذاري الكل جدم ساحك جمرتي انه اعتذاري
ــــــــــــــــــــــــــــــــــــــــــــــــــــــــــــــــ
لوعـــت اشكثر بالطـــف يتامــه اصغــار
احتارو والرعـــب سابكهم على النــــــار
ياريــــــت الجــــــــــره لا صايـــر اويندار
خليــــــت العقيلــــه للاســـف تحتــــــار

اعتذاري امن التعب من الهضم والوانه
اعتذاري الكل جدم ساحك جمرتي انه اعتذاري
ــــــــــــــــــــــــــــــــــــــــــــــــــــــــــــــــ
نيرانـــي طغت زرعت رعـــب والخـــوف
ودخانـــي طغى وضيـــع عليكم شـــوف
لهيب البيـــه ياخذكـــم نحــر وجفـــوف
نهر روحـي خلص مايه وبقـــت الجروف

اعتذاري امن الظعن كله وجميع اغصانه
اعتذاري الكل جدم ساحك جمرتي انه اعتذاري
ــــــــــــــــــــــــــــــــــــــــــــــــــــــــــــــــ

اللهم صل على محمد وال محمد
*
القصيده بحق اطفال مسلم بن عقيل
عليهم السلام
*
ريت مسلم يعلم بأطفالـــــه = عگب عينه ظلوا إبياحاله
*
عگب عينه ظلوا إبياحاله

****
لون مسلم حاضربأرض الطفـوف = إشلون حال أطفاله بعيونه يشوف
*
إبيوم هجمت عالخيم ذيچ الصفوف = نار ملتهبه وسحــــــــــگ خياله
*
عگب عينه ظلوا إبياحاله
*
الصفوف الهاجة بوجه الاطفال = هاجت المشرعه ويلي شلون حال
*
راحوالعباس ياحلوا الخصال = شافوا الچفين جنبـــــــــه الرايه
*
عگب عينه ظلوا إبياحالهإبياحالهشردوا من الخوف بدموع وعويل = رادو إيگصـــــدون حماي الدخيل
*
مادروا وادي الغري دربه طويل= وهالطفال تريد تتعنالـــــــــــــــــــه
*
عگب عينه ظلوا إبياحاله
*
شلون صبرك ياعلي صبرك صعب = شلون اطفال تواجه هل الدرب
*
دمه موإدموع جمرهم من يصب = فوق هذا العطش شوف اشكاله
*
عگب عينه ظلوا إبياحاله
*
ليل چان وضيعوا درب النجف = وطاحوا إبسجان ماعنده شرف
*
راد منهم مال من أجل الترف = شلون حاله الطاح عد چتاله
*
عگب عينه ظلوا إبياحاله
*
تالي لبن إزياد أخدهم ياأسف = طاهرومطهر شرف يتبع شرف
*
لسجن آمر عليهم والخسف = مايهاب الله ورسوله الگاله
*
عگب عينه ظلوا إبياحاله

*
بين سجن وسجن بالهم والونين = وطاحوا بسجان لن قلبه حنين
*
صاحوا إحنه أولاد امير المؤمنين = ولن دموعه على وجن هماله
*
عگب عينه ظلوا إبياحاله
*
گالهم گولولي يالصبتوا الدليل = منهو أبوكم والدمع منه يسيل
*
گالوا إحنه أولاد مسلم بن عقيل = وجه البدور الوجه يتلاله
*
عگب عينه ظلوا إبياحاله
*

اهلي عافوني ومشو طول سفرهم


واعداني حسين كال ايرد خبرهم


*


اهلي العافوني وحدي وراحو لديره غريبه


بين حزني ونوحي بويه عشت ذكراه المصيبه


الراح يابويه من اديه وكلي بالراح شيجيبه


هاي دنيه بويه صعبه والاشد بيه العجيبه


انتظر بويه تجوني كل مسيه..وانطر اخبار اليجي من الغاضريه


عيوني يابويه تناطر عالدرب يوصل كمرهم


**


تحملت بويه الهظيمه من رحت يابويه عني


بويه خاواني الدمع انه منه وهوه مني


الاشد شفت عليه لو اجه الليل وهظمني


واكعدت عالدرب اناشد واعتذر للي سئلني


لو نشدني وسئل يابويه عليه..انتي من ياديره انتي يل البنيه


مني ينتظر الجواب اشد من جويه جمرهم


**


من مسه الليل وعليه وحدي وبداري حزينه


استمع للبيت بويه حسرته وياي أو أنينه


بين جدراني الحزينه اصبحت انه سجينه


ونظر لمهد الطفل خالي ماتسمع بجينه


هم ترد ايامنه ونكعد سويه..وترجع انت لدار ك من الغاضريه


اتذكر يابويه خواني من جنت بزغرهم


***


سالت الدمعه عل خدي وصحت صوتي يامجيب


انت يارب اللي تعلم وتعلم بحال الحبيب


لاابو اليمي ويخفف ولا حضر يمي طبيب


متى ياربي تعوده ويرجع عليه المغيب


نحجي ونسولف يبويه انه ورقيه..صعبه يابويه اليفارك ويترك بداره صبيه


اهلي غياب ومشو ادري هم عدهم عذرهم


****


حلم يابويه بحياتي وكل طفل يتمنه بيه


يحلم بحلم الطفوله والابو يوم اليجيه


ينتظر يرجع ابوه وهوه فاتح كل اديه


يحضنه يشيله عل صدره يكعد ويسمح عليه


يمسح براسي ايده وهم عليه..يخاطب ابنيته ويكله ياعزيزه الفاطميه


ابقى ياهل الناس كل عمري انتظرهم


***

وَدّعـُـوني مِن بِـعِـد مَــاي ويــوَدّع وَرِد


وذبلوني


ودعوني


***


آنـــه العَـليله الـّــي طـَـبيـبي مَالِـﮔـه ادواي


عُودِي رِﭼيـﭻ وصُوبه يمشِي الموت عَناي


ونـَـاس الّي تبـَـاريني ﮔـبل واتسَاهِر اوياي


خَلـّــوني وبـﮔـَاع العِـطش نَـبتـَـه بلا مَــاي


اﮔبَالي حَتفِي مِستِعد


مَــاي ويــوَدّع وَرِد


***


مَذهـُـوله بالبـاب اوﮔـَـفِـت والقـافله اتسِـير


وادعَـيت مايمشـي الزمَـن ويصِـير تأخِـــير


مِن لـُـوعِـتي وهَـم العِـلَـي ماعندي تفكِـــير


اﭼبـيره الجرُوح وﮔلبي لا مايحمِــل ازغـير


بالمصَــايب ينمِــرد


مَــاي ويــوَدّع وَرِد


***


اتبـَـاريهُـم اعيـُــوني بقـَـت أهلِـي المَيامين


ورَجـّـفني طيف اعليّـه مَر زَيـّـدلي الونِـين


وبيـن الحقـيقه والحلـِــم ﭼَـنهـُـم امغـَـربين


وفوﮒ الخيـُـول العَابـِـره بلا رُوس ماشِين


وجسمي أصبَح يرتعِـد


مَــاي ويــوَدّع وَرِد


***


نيشـَـان مِن عدهُـم بقَـى بعَـين اليـوَدعُـون


ﭼَـف الـودَاع المِرتفِـــع وَي دَمــع العـيون


والسَـان حَـال الفاجعـَـه وصُوت اليكرهون


مِـن ﮔـال أهلِــﭻ هالمِشـَــــوا لا مــايردّون


شِـفتي ميّت هَـم يرِد


مَــاي ويــوَدّع وَرِد


***


محـّــد بقـَــالي امن الأهَــل كلهُم جفـُــوني


وروحي خِـذوهـَـه وابجِـفـَــاهُم رَوّعـُـوني


ﮔلـتلهـُـــم اويـَــــاكم أرُوح وما خِـــــذوني


عبــد الله ﮔلــتلهـُـــم يظـــل واتعـَــــذرُوني


وزاد بـﮔليبي الوَجِـد


مَــاي ويــوَدّع وَرِد


..............................

شخباركم . يالنسيتوني وكطعتوا اخباركم
قلبي يوجعني اعله دكة بابكم
روحي مشتاكه تموت اكبالكم
شخباركم شخباركم
▪️▪️▪️▪️▪️▪️▪️▪️▪️
يا مصيبه التحجي بيه
أنه آم كل المصايب . تيهوني
حسين ما تعرفني جنك
يابو فاضل . أنه زينب
ياهو المضيع سبيه
تايها بين الأرامل . واليتامه
ويا اميره المثلي مجتوفه
بسلاسل . غير زينب

تيهوني . وديره تشمرني اعله ديره
تيهوني . شحالها الفكدت عشيره
تيهوني . مرتين يسبون الاميره

شنساكم شنساكم
يا احلى من كل الحزن طرواكم
موسده اعله الموت وانه انعاكم
روحي مشتاكه تموت اكبالكم
شخباركم شخباركم
▪️▪️▪️▪️▪️▪️▪️▪️▪️
هذا حالي من عفتكم
بالغرب فرني زماني . والشماته
ويا حجيهم يحرك بقلبي
وعماني . انه زينب
جايه يشكي من فكدكم
طبع اليفارك يتاني . اخبار منهم
ياخبر منكم اجه
وما طشراني . رحموا زينب

هذا حالي . ينازع الستين عمري
هذا حالي . احسد بروحي اعله صبري
هذا حالي . يمكم تمنيته قبري

بيناتكم بيناتكم
يا محلى زينب تندفن بيناتكم
وفوگ قبري من تهل دمعاتكم
روحي مشتاكه تموت اكبالكم
شخباركم شخباركم
▪️▪️▪️▪️▪️▪️▪️▪️▪️
من وره الطف السباني
محمد اصلًا ما عرفني . شغيراني
صافن بوجهي وسألني
وين زينب . انه زينب
ذب العمامه من اجاني
ولطم راسه وطاح يمي . وباس راسي
كلي خيرج
كتله كل خيري تسلب . سبوا زينب

يا محمد . حسين ضل بلا ثياب
يا محمد . من السمه عباس غاب
يا محمد . نومونه اعله التراب

ونسوانكم ونسوانكم
ساعه المهن ساعه الم اطفالكم
الشمر شتمني وحركها اخيامكم
روحي مشتاكه تموت اكبالكم
شخباركم شخباركم
▪️▪️▪️▪️▪️▪️▪️▪️▪️
حيره حيره من سبوني
اقسى من السبي الاول . سبي الثاني
من المدينه فرفروني
اعله الشماته باب باب . شتموا زينب
شجره ميته وكفوني
وذكروني براسك تعلك عليها . ومات حيلي
من ذكرت خدودك
الغطاهن الدم والتراب . عمت زينب

وموتوني . يابو فاضل صد عليه
موتوني . احبالهم ضلن بإديه
موتوني . وغربه اليشيعون بيه

من داركم من داركم
اتمنى نعشي يفوت من يم داركم
ادخن گببكم من امر ابالكم
روحي مشتاكه تموت اكبالكم
شخباركم شخباركم
▪️▪️▪️▪️▪️▪️▪️▪️▪️
الغسلتني بيه صفنت
كالت الجثه قديمه .وهاي ميته
من زمان وموش توها
وين جانت . آخ زينب
الغسلتني يمي ونت
من درت قصتي . اعله اخوتي
من اهدعش عاشور اختكم
هاي ماتت . چفنوا زينب

هاي اختكم . من الخرابه من السياط
هاي اختكم . من الحزن ياخويه نحلت
هاي اختكم . بس عبايه وثوب ضلت
هاي اختكم . من شتمها الشام ملت

بترابكم بترابكم
كون زينب تندفن بترابكم
شو خبر موتي ابد ما جابكم
روحي مشتاكه تموت اكبالكم
شخباركم شخباركم
▪️▪️▪️▪️▪️▪️▪️▪️▪️

چم يوم چم يوم . فرة احبال الزمن يفتر عليه
چم يوم چم يوم . بعد والب الهودج تصبح سبيه
چم يوم چم يوم . أمد ايدي والسياط اترد اديه
،،،،،. ،،،،،. ،،،،،. ،،،،،. ،،،،،،
جمعت كل ذكرياتي . المثلي متروسه احساس
وعلكت عيني بسمه اللّٰه . حتى ما ادنك راس
وذاك رمضاني بصيامه . اختلف عن الناس
عندي الإمساكيه چانت . حسب شوفة عباس

عباس عباس . انصح الصايم اذا يبست عروكه
عباس عباس . هوَ اول ماي جائز لليضوكه
عباس عباس . راح اودعنه بصيام الغاضريه
،،،،،. ،،،،،. ،،،،،. ،،،،،. ،،،،،،
درب موتي خطوه خطوه . اشما جدم غالي يفوت
وبعد چم يوم الهوادج . تنحسب چم تابوت
يونس الركب الحسيني . بصحره شيجيب الحوت
احنه مثل الهله ثاري . بس بالوداع نموت

يا عين يا عين . ذني كل عيونه السهرانه شمعه
يا عين يا عين . منهن البيها سهم والبيها دمعه
يا عين يا عين . الحتى من تنام اختها تصد إليه
،،،،،. ،،،،،. ،،،،،. ،،،،،. ،،،،،،
كمر هاشم سيفه يضوي . وليل عسكرهم طال
هذا اول كمر يطلع . بالسمه ويمه اهلال
حلو طعمه الماي يمه . بس بلياه كتال
الماي يحيي الناس بس . اليغرك يشوفه احبال

ما اريد ما اريد . دنيا حلوه وبالي خالي وماكو موتي
ما اريد ما اريد . غير أرد البيتي ويسيرولي اخوتي
ما اريد ما اريد . كلشي بس الأمنيه تكون المنيه
،،،،،. ،،،،،. ،،،،،. ،،،،،. ،،،،،،
اوصل الكربله وچني . علي ورد للتوديع
ذاكرة شياب تعبي . بأخر ايام يضيع
بالدمع شيعت إخوتي . والخبر كام يشيع
وهاي اول مره بيها . يصير للحي تشييع

شيكول شيكول . الينوخذ حكه من اديه والديره غربه
شيكول شيكول . ابن ادم يشيل فوك امتونه قلبه
شيكول شيكول . الخذوا من عنده بنت تشبه رقيه
،،،،،. ،،،،،. ،،،،،. ،،،،،. ،،،،،،
النورس ينوح بمحرم . شاف الأبيض بي ضير
يدعي لو بي ريشه سوده . حسين اثر بالطير
العنده مثل حسين جلمه . لا يسولف بالغير
كلشي دونه مضيف خالي . وما مش اللّٰه بالخير

بحسين بحسين . الكون يبدي ويمه تحديد النهايه
بحسين بحسين . للعكل هيبه وعفاف الكل عبايه
بحسين بحسين . حسره ع الما ذكر مهديه بمسيه
،،،،،. ،،،،،. ،،،،،. ،،،،،. ،،،،،،

سامره بالروح عايش عليها
ما يبقى مطروح حملي من اجيها
من النجف هواها . من كربله ضواها
سامره بالروح
»». . »». . »». . »».
عمري خلص ما ضل وكت
زاير خذت شوكي ورحت
يم وادم تقدر شفت . عيني من اهلها
حاجاتي اسهلهن صعب
لو تنكتب تصبح كتب
الا من اهلها تنطلب . وهنا اهلها

بالعسكري الكه .. هلا واحلى ملكه
اليزوره . شعوره . ازلمه وردله حگه
وعلي الهادي جفه .. فلا خله كلفه
اليكصده . يكله . شتحب عندي تلكه

هاي الزيارات انه ابختها
وتبدي المعانات لو فاركتها
يتوفق الإجاها . من كربله ضواها
سامره بالروح
»». . »». . »». . »».
بالهادي وابنه العسكري
ما شفت كسرة خاطري
سامره شكلي وجوهري . يحيي ضواها
سامره راحت وانتهت
قبل الف عام وما صحت
بالعسكريين انحيت . والخير اجاها

قبل حظي تعبي .. وبلا راحه قلبي
ونيني . بسنيني . ولا لحظه فرحه
ولگيت بمحمد .. واهل بيته مسند
سلامه . وإمامه . وبده قلبي يصحه

باقي اعله هالدين والعندي نعمه
ماعندي وياه يوميه كلمه
روحي إله خذاها . من كربله ضواها
سامره بالروح
»». . »». . »». . »».
يامن إلك حاجه عصت
وجربت ناس وما كضت
احسبها لهنا وانتهت . واخذ النتائج
تصفى اذا نيتك صفت
هاي الأرض أرض البخت
بيها امامين وصفت . باب الحوائج

المريض التحير .. الغريب التكدر
نصحته . قبلته . علي الهادي وابنه
الوحيد ويه روحه .. الحزين بجروحه
فزعته . وفرحته . علي الهادي وابنه

سامره تاريخ شرف سنيني
بيه اشكثر نور ثبت يقيني
ما تيه الوراها . من كربله ضواها
سامره بالروح
»». . »». . »». . »».
يالزاير اتوضه بفخر
نور اللّٰه بالحضره حضر
حتى الامام المنتظر . سامره بيته
ومن بيته اقدم دمعتي
بيها قصوري وحسرتي
ما بيدي الا دعوتي . يقبلني ريته

مضيفه بدليلي .. ونعمته بشليلي
يحبني . وهبني . مكان اعله كاعه
بسواه ماكو ضنه . وهواه ماكو منه
نخيته . ولكيته . زياره وشفاعه

بين المنارات خير وحضرتين
وكل باب اصد ليه بيه صورة حسين
وهيبة علي بسماها . من كربله ضواها
سامره بالروح
»». . »». . »». . »».

واللّٰه حيره وكلشي راح .. واللّٰه حيره
بيتنه والحيل طاح .. واللّٰه حيره
بالدمع انشيع بختنه . وكلنه عالتابوت متنه
واللّٰه حيره واللّٰه حيره
°°°°°°°°...................... °°°°°°°°
اليكعد يحاجي بروحه
يعني كثيره جروحه .. وبعيده الاحباب
واللي السهر يحلاله
لا بُد عزيز اباله .. وعينه على الباب

الدنيا غابه وما سلم بيها الحنين
الموت اقل من ساعه بس ينهي السنين
والبقاء للّٰه رب العالمين

شلون اودعه الروحي بيه .. شلون اودعه
عايش اعله اللّٰه وعليه .. شلون اودعه
صحت ها يامن عفتنه . كلنه عالتابوت متنه
واللّٰه حيره واللّٰه حيره
°°°°°°°°...................... °°°°°°°°
هذا الزمان وأمره
يرفض تدوم العشره .. ويحب الوداع
والعسكري كل روحي
حزنه اكبر من جروحي .. ما لمته الكاع

عمت عيني وانه اشوف السم خذاه
عينه عالمهدي وانه عيوني الدواه
بيه فزعه بس منو اليفزع وراه

باد حيله وكوه كام .. باد حيله
ومات كدام الامام .. باد حيله
سموم جبده الموتتنه . وكلنه عالتابوت متنه
واللّٰه حيره واللّٰه حيره
°°°°°°°°...................... °°°°°°°°
بچبد الحسن وسمومه
شفنه الحسين ويومه .. من هجمت الخيل
وشفت بلسانه الدامي
چبد الحسن الضامي .. عالمشرعه الحيل

راح يم راعي اللوه من اتنخه بيه
ما بطه اعله الچان ما يبطه عليه
شما يشيله يطيح عباس من اديه

ضاع جسمه بالرمال .. ضاع جسمه
وبالسيوف وبالنبال .. ضاع جسمه
جفوف عباس الكضتنه .. كلنه عالتابوت متنه
واللّٰه حيره واللّٰه حيره
°°°°°°°°...................... °°°°°°°°
والجيش اذا طب لينه
اذكر دموع سكينه .. يم نار الخيام
انعى اعله حالي وانحب
وتعرضلي صورة زينب .. من طبت الشام

صدك ما مسموح نطلع بس تهون
البيت سجن اليستحون من العيون
انه ابيتي وزينب بسبي الضعون

والخرابه بيت نار .. والخرابه
كربله مو للزغار .. والخرابه
°°°°°°°°...................... °°°°°°°°

كلها ماتت وانه اشاهد
ما بقى من اهلي واحد
أنه زينب .. أنه زينب
'''''''''''''''""""""""""""""""""""""""""""""""""""
حيره حيره . من تباوع دم اخوتك وانتَ وحدك
حيره حيره . ماكو غير البواجي يبقى عندك

وين ما تلتفت تلكالك عرف
الخيل تسحك وين ابو الخد الترف
كلها تنزف حيره اضمد يا نزف

حيره يا صرخه افزعلها
واليتامه تريد اهلها
أنه زينب .. أنه زينب
'''''''''''''''""""""""""""""""""""""""""""""""""""
صرخه صرخه . بأذني اصوات اليتامى الروعوها
صرخه صرخه . طفله ماي تريد طفله تريد ابوها

شلون اريض دمعة الفگدت ابو
الدفو بنار الخيمه ما ينعد دفو
تحتمي بيمن الما ضل إلها اخو

من البواجي راح صوتي
تذبحوا كدامي اخوتي
أنه زينب .. أنه زينب
'''''''''''''''""""""""""""""""""""""""""""""""""""
شوغه شوغه . تحملت دوس الخيول بصدر اخوتي
شوغه شوغه . شفت نحر حسين وتمنيت موتي

حسين شجره وبيها ما سالم غصن
طحنه ضلوعه بحوافرهم طحن
وذروه الچان لسكينه حضن

عالرمل نايم لكيته
جامد الدم بلحيته
أنه زينب .. أنه زينب
'''''''''''''''""""""""""""""""""""""""""""""""""""
عثره عثره . انه ودموعي طحت بالغاضريه
عثره عثره . حسين مات وجيب اليگل لرقيه

شلون اكلها حسين متوذر وذر
وصل يمه وما شرب من النهر
حسين راح وراح عباس الكمر

تبجي وتشوفني اذنها
شلون اضم الخبر عنها
أنه زينب .. أنه زينب
'''''''''''''''""""""""""""""""""""""""""""""""""""
يحسين احجي بس لو ها
بس يحسين لا تسكت

الخوه جابتني واجيتك
ارد اخلص ليلي يمك
شلون اشبكك وانتَ صاير
حتى البصفك يلچمك

اليركض خوف مو مثل الركض ملكه
هوَ بخيل وانه اجدامي محتركه
أنه زينب .. أنه زينب
'''''''''''''''""""""""""""""""""""""""""""""""""""
شفته شفته . لكن اول مره ما ميزته انه
شفته شفته . الخيل كل ما داسته تغير مكانه

الف مره اعله الأرض كمت وطحت
انه اخته وآخ يا ضيم الأخت
من بعد خوانها يدور الوكت

مالت الدنيا بمماته
وجيب اليصبر بناته
أنه زينب .. أنه زينب
'''''''''''''''""""""""""""""""""""""""""""""""""""
يا فشلتهن الما عدنها اخوان
من الخجله لاذن وره الدخان
الركضه تريد حيل وهنه نسوان

صار الراي للما عنده كل راي
يجيب الماي يمنه ويكلب الماي

ماكو امان الطف نهبني
حتى ما ضاكتني ناسي مدري ناسي
من طحت ضميت اديه
خاف لا ينباك اصبعي

تلمست مبيوك راسي
واللّٰه نفسيات عدهم
باكو المحبس اكبالي
وبالخيم وشلت بواجي
من طحت واحد صحتله
انطيته اصبعي
بس كلتله بذمته الياخذ تراجي
'''''''''''''''""""""""""""""""""""""""""""""""""""

مظلوم يا سيدي .. مسموم يا سيدي
«««««. ««««««. ««««««. ««««««
من زغري اهواگ . مكدر بلياك
بيك انه مجنون . يا عشگ السنين
وتحبك الروح . تستاهل النوح
يالهادي مولاي . تبچيلگ العين
يمعزب الضيف . والعاندك هلك
بسمك صحت حيل . كل عمري فدوه إلك
واليخدمك هيچ . يحس روحه چن ملك
«««««. ««««««. ««««««. ««««««
يا منبع الجود . حبك بلا حدود
يا رفعة الراس . يبن الزچيه
وما عندي غيرك . قلبي اسيرك
يابو الحسن دوم . عينك عليه
مثلك يصح وين . يل خدمتك شرف
طيبك يمحبوب . لا واللّٰه ما انوصف
يمحير الكون . بيك الوفه انعرف
«««««. ««««««. ««««««. ««««««
ويمك يلوذون . الرادوا يتوبون
باب اللّٰه إنتَ . ومترد الضيوف
وما يطفة نورك . ملجه اليزورك
شكد سولفت بيك . دلالي ملهوف
وعشك البدايه . كل عمري إلك بلي
يا سر نجاتي . غيرك منو إلي
خليني يمك . يا اغلى من هلي
«««««. ««««««. ««««««. ««««««
ويا نسمة الريح . ولون المصابيح
دومك تشع نور . يالفضلك اهواي
چن حامي الجار . متخلي محتار
دوم برحمتك . خليني مولاي
وما احمل افراك . ارحمني يا عشك
هايم صرت بيك . حبيتك بصدك
بسمك يهادي . دلالي بس يدك
«««««. ««««««. ««««««. «««««

وين وين .. يا زينب تمشين
وين وين .. من يطيح حسين
كفي دموعج واتخيلي اليحجوها
اخت حسين من الخيمه تطلعوها
من يطيح حسين
«««««««.........................«««««««
يمه لا تبجين ليه . ولا يوجعج حال ضلعي
... الطف يتانيج
باجر اعله ضلوع اخيج . تسوي ميدان الحوافر
...وهذا ياذيج

صعدتج عالتل مصيبه
هنا يسموج الغريبه
وكلمة الراحت خيمها
منين ابو فاضل اجيبه

هاي هاي .. مو بس من احساس
راح راح .. ما يرجع عباس
هنانه تذكري الكلمات الكالوها
اخت حسين من الخيمه تطلعوها
من يطيح حسين
«««««««.........................«««««««
اني باب وإنتِ خيمه . أنه بيت وإنتِ هيمه
... وشحة افياي
عصره وحده وضلع واحد . حسين صدره يروح كله
... والصعب هاي

هيَ عصره وهيَ كسره
حسين خيل تدوس صدره
توصله من الدوس حاله
ينطبك صدره اعله ضهره

خيل خيل .. تطحن صدره آحاه
روك روك .. شتطلع وياه
ويكولون الخيمه من تحركوها
اخت حسين من الخيمه تطلعوها
من يطيح حسين
«««««««.........................«««««««
اني حيدر بعده يمي . وإنتِ ياهو اليبقه يمج
... بعد الحسين
يركبوج بيا هزيله . والحبل ملوي اعله جفج
... وحسره تبجين

آه يحالج عالهزيله
شلون ساعه شلون ليله
مدللت حيدر سبيه
وجانت الحره العقيله

اوف اوف .. يا حالج عالنوك
آخ آخ .. ويتانيج السوك
وهناك شتتذكر ليضربوها
اخت حسين من الخيمه تطلعوها
من يطيح حسين
«««««««.........................«««««««
الراح اخوها الوين تمشي . تحسب احساب الشماته
... شراح يحجون
راح تسمع وين اخوتج . وليش ما عندج عشيره
... من اليضربون

كلمة الجا وين اخوتج
تريد فزعه وماكو صوتج
وضلتج ويه الذبحهم
يمه زينب هذا موتج

يوم يوم .. للموت اتانين
روح روح .. ما عندج تدعين
ياهي تعيش وتمشي ويه السمعوها
اخت حسين من الخيمه تطلعوها
من يطيح حسين
«««««««.........................«««««««
هناك يمه تصير فزعه . الكل سبيه تهد عشيره
... تردها للبيت
ويمنى يسرى ادير عينج . وراح تاكل يمه قلبج
... كلمة الريت

وكلمة الريت شتفيدج
والحبل مشدود بإيدج
وصوت حسرة موتي زينب
لا عشيره ولا عضيدج

ضيم ضيم .. والمن تندارين
ويل ويل .. ويمج راس حسين
هنانه الكلمه تحسيهم سووها
اخت حسين من الخيمه تطلعوها
من يطيح حسين
«««««««.........................«««««««

انه شضل بروحي . وتفتح باب جروحي . يالماخذ شبابي
شعندك يا ليلي وياي . ما مرتاح بدنياي . ما يخلص عذابي
انه اول مجروح ،، حاير وين يروح
🔹️🔹️🔹️🔹️🔹️🔹️🔹️🔹️🔹️🔹️🔹️
انه المهدي وبقلبي الف حسره
ودمعة عيني ما نشفت ولا مره

انه حزني وهمي .. السامره خذاني
يجي ليل الغربه .. ويهيج حناني
طولت الغيبه .. ضل خالي مكاني
من بعد الراحوا .. وما يخلص نحيبي
عافاني وسافر .. هالليله حبيبي
أسرح بطيوفي .. والدمعه نصيبي

يا ناس أنه المهدي . وغير الون شعندي . أبجي اعله الحبايب
عليهم شيب رمشي . هلال محدب أمشي . من كثر المصايب
والضل بلا روح ،، حاير وين يروح
🔹️🔹️🔹️🔹️🔹️🔹️🔹️🔹️🔹️🔹️🔹️
شلون الليل أنامه وحزني أفكنه
أروح القبر أبوي وحيل أشمنه

شمالك يا دهري .. كل حيلي أخذته
ترى كاسر قلبي .. مو ضهري كسرته
انه ابوي الغالي .. بجفوفي دفنته
يا ربي دخيلك .. دمعاتي ثكيله
واليفكد والد .. حسباته طويله
كل ليله بعمري .. ما تشبها ليله

بس الفارك والد . يعرف جرح الفاكد . شيعوض حنانه
من ادخل سامره . هواي اشتاك القبره . وأتعنى المكانه
قلبي بصفه ينوح ،، حاير وين يروح
🔹️🔹️🔹️🔹️🔹️🔹️🔹️🔹️🔹️🔹️🔹️
حنيني يجيبني ولأمي يوديني
إنحرمت من أمي والدمعه بطرف عيني

حنيت الأمي .. وأرد أمشي القبرها
بالبيت اشتمه .. بكل لحضه عطرها
روحي تريد أمي .. وملت من صبرها
جانت تدعيلي .. من ترفع أديها
ترجع كون أمي .. وانه اشبك عليها
شيخلص الفركه .. ياهو اليرضى بيها

نرجس أم المعصوم . ما شافت طعم النوم . لمن فاركتها
خلوا المهدي بهمه . يبجي بصف قبر أمه . غربتها عشتها
واعتاب المسموح ،، حاير وين يروح
🔹️🔹️🔹️🔹️🔹️🔹️🔹️🔹️🔹️🔹️🔹️
جدي حسين بالخيل إنسحك صدره
الشمر داره اعله وجهه وبيده حز نحره

سابح بدمومه .. وهدومه سليبه
واسهام بجسمه .. والشيبه خضيبه
مكطوع الأصبع .. والحاله عجيبه
عطشام موذر .. وجروحه جبيره
مكطع وأوصاله .. لموها بحصيره
ضامي ومن بعده .. أخته تروح أسيره

زينب تسأل وينه . وحسين مسلبينه . وراسه برمحه حاير
ومن الخيل العشره . جدي أطشر صدره . ورضنه الحوافر
🔹️🔹️🔹️🔹️🔹️🔹️🔹️🔹️🔹️🔹️🔹️

قبل المنيه . سولف عليه . وافتحلي قلبك
مهموم اشوفك . شلون من اعوفك . وهجري يعذبك
وحدك تضل تالي .. غالي وبلا غالي
وهجري يعذبك
++++++. ++++++.
ها يا بعد روحي
لتشغلك جروحي. احجيلي عنك
يطيبن اذا تحجي
فرصه واريد ابجي. عاليوجعنك

هوَ علي وظل وحده وشتنفع الكثره
والزهره جانت كل هله وهالراحت الزهره
ما يرهم عليها غطه من تبرد العشره

تحجيلي ذني . والهم كتلني . تعبني حملك
لا اخوه يمك . لا ضلت امك . ولا عاشوا اهلك
وبيتك مثل حالي .. غالي وبلا غالي
وهجري يعذبك
++++++. ++++++.
همومي الجزت حدها
انخاك وتردها. وتكفيني شرها
وقلبك دواه نظره
من فاطمه الزهره. ويهنى بذكرها

ما دام الك بيهن دوه هاك افتح جفوني
واعذرها اذا من الضرب متغيره عيوني
حملك يبو الحمله ثكل ولا حيل بمتوني

ياهو اليعينك . ويسند يمينك . من تنتجي عليه
غير المتاعب . ما تلكه صاحب . هالكد وفه بيه
باقي انتَ واخيالي .. غالي وبلا غالي
وهجري يعذبك
++++++. ++++++.
راح امشي يا حيلي
كون اصبر ادعيلي. بدروب الاشواك
تدعيلي وادعيلك
نومة هله بليلك. مو سهله الافراك

مشتاك إلي ونومك سهر ما حركت حاجب
جنت الفتى بعهد النبي وهسه صرت شايب
ظهرك اهلال ومحني بس بغيم الصبر غايب

موت امنياتك . كرب مماتك . وكدر سنينك
طاحت دمعتي . وفاضت مهجتي . ما بين ادينك
شفتك بدر عالي .. غالي وبلا غالي
وهجري يعذبك
++++++. ++++++.
سولفهن اسرارك
لام ولدك ودارك. وباب الشفاعه
واليوكع بشده
لو ما حجه العنده. موته اعله ساعه

وي البير تحجي مصايبك ما إلها تاليه
وفاض وبجه البير وحلف عالزهره ما هيه
لو فاطمه هنا جا علي ما سولف عليه

يابو المحنه . وين احنه جنه . وهسه الوضع وين
صابوا دليلي . وبجوا خليلي . جرحوني مرتين
وميتمه اعيالي .. غالي وبلا غالي
وهجري يعذبك
++++++. ++++++.
عن عمري سألوني
ودارلك عيوني. بيك العمر صار
لو كل قلب حبك
جا ياعلي ربك. ما يخلق النار

يوميه تغبش للتعب والعين ذبلانه
من الثامك يخاف الفقر وتبيد ذرعانه
تريد البشر زاد وردت بس شوفتك انه

تستغني روحه . ويشفن جروحه . كلمن كرب ليك
حتى المنيه . ما تدنه ليه . من أنظر عليك
راح اغمض وبالي .. غالي وبلا غالي
وهجري يعذبك
++++++. ++++++.

مو جديده ... غربتكم بطول الزمن
مو جديده ... فركة اهل فركة وطن
مو جديده ... لچمة ضلع ام الحسن
مو جديده ... مو جديده
••••••••. ••••••••••••••••. •••••••
يالهادي من وين ابتدي . قصتكم المعروفه
غرية وطن سم وذبح . ويه السجن سالوفه
انتم جرح يتبع جرح . ما اظن دمعتي تروفه
عشرة عمر ويه الحزن . والفرح ميته طيوفه

قصه ويسولفها الدمع
چانت بدايتها الضلع . والمحسن الطاح
دنيا وصفت مثل السجن
من انبنه بيت الحزن . ما ظلت افراح

بالبدايه ... اول ضحيه فاطمه
بالبدايه ... لأمكم ضلوع مهشمه
بالبدايه ... غدروا علي حامي الحمه
مو جديده ... مو جديده
••••••••. ••••••••••••••••. •••••••
يا علي الهادي حسرتك . محسوبه وي انفاسك
والزمن ما انصف ابد . و وي اهلك وي ناسك
چم فاجعه وچم نايبه . جرحت إلك احساسك
عايشه بروحك كربله . والسبي مشيب راسك

يخلص جرح يبدي جرح
حتى الدوه صاير ملح . شماتك هواي
ايامك ألآم وقهر
للحزن بعيونك نهر . ودموعك الماي

من ونينك ... عمرك خلص شمعة ألم
من ونينك ... يطلع جمر نار الخيم
من ونينك ... ترسم چبد ضامي وسهم
مو جديده ... مو جديده
••••••••. ••••••••••••••••. •••••••
هو انتوا عشره وي الحزن . والآه إلكم عاده
حتى الهظم من ينضنك . منكم يريد امراده
متعلمين اعله الجرح . عالركبه صار كلاده
والدنيا عدها مشكله . ويه علي واولاده

وانتَ بغدرها مبتلي
يا علي چي جدك علي . وتطلبك بثار
هيهات يوم تواددك
يالعادنتها تعاندك . وتعين الاشرار

ماكو راحه ... يبن السمه بهاي الارض
ماكو راحه ... صار التعب إلكم فرض
ماكو راحه ... قلبك يكول بكل نبض
مو جديده ... مو جديده
••••••••. ••••••••••••••••. •••••••
يالعايف ديار الاهل . والغربه صارت دارك
ناسك اشتاكولك ولا . طارش يجيب اخبارك
چنك الكاظم بالسجن . محد اجاك وزارك
عن ليلك الما بي ضوه . ماكو فرق بنهارك

طاموره ما بيها ضوه
بالكوه تشتم الهوه . مخنوك الأنفاس
وشحاله البوسط السجن
من يذكر احبابه ويحن . ويهيج الإحساس

للغوالي ... يالهادي لو حن القلب
للغوالي ... ينعصر بأشواكه القلب
يالغوالي ... دمعه على خدوك تصب
مو جديده ... مو جديده
••••••••. ••••••••••••••••. •••••••
سم الغدر عندك سهل . لكن نكول الصعبه
فركة احبابك والوطن . وتموت بأرض الغربه
موتك إجه وشتذكرت . شنهوا التريد تطلبه
منهوا التمنيته اليجي . وعليك دمعه يصبه

بأخر نفس وإنتَ تحن
غركان بدموعه الجفن . وتريد الإحباب
وتذكرت طف كربله
وحسين عاري اعله الفله . مسلوب الثياب

جسمه عاري ... للخيل ميدان الركض
جسمه عاري ... ذيچ الحوافر بي ترض
جسمه عاري ... مرمي ثلاثه اعله الارض
مو جديده ... مو جديده
••••••••. ••••••••••••••••. •••••••
جدك حسين بكربله . ما صار مثل مصابه
بعد الذبح بعد السحك . سلبوا منه ثيابه
نسوانه اخذوهن سبي . من بعد حرك اطنابه
وراسه على راس الرمح . يبجي اعله حال احبابه

ياعلي الهادي وبت علي
زينب اسيره وتنولي . بسياط ظلام
عمتك واسمها ام الخدر
مسبيه ياخذها الشمر . يا وسفه للشام

يا هضيمه ... زينب على نوگ الهزل
يا هضيمه ... مكصوصه اديها من الحبل
يا هضيمه ... ضيعت چم طفله وطفل
مو جديده ... مو جديده
•••••••••. ••••••••••••••••. •••••••