شاعرة اهل البيت هيلين ام علي الدر الساعدي

قصيده مع هوسه
احا يالباع جفه ونطفت عينه
تبجي يارقيه مكابله سكينه


----------------
احا يالباع عينه وشتره الخوه
كلها اصيح ياعباس ابو النخوه
عباس الشهم يالعشرتك حلوه
/ امبجيها كيعان الطف /

-------------------

امبجيها الطفوف والرايه دكاها
وعلك روس عدوانه وعلاها
جثث فوك الجثث عباس خلاها
/ كاضيها يازلم الحومه /

--------------------

كضه فرسانها والخيل شردها
اخت عباس غير الحيد ماعدها
يجيب الماي لخيامه يواعدها
ماجاها عباس اتاخر

----------------------

ماجاها وتاخر عالخيم عباس
ماتدري باخوها باخر الانفاس
مات الحيد اخيها الرافعلها الراس

مالومه زينب وسكينه

-----------------
مالومه الحرم وزينب وياهن
شال الحيد ماواحد بكه احذاهن
صار بضهر الحمر خويه ممشاهن

اميسريها نسوان العز

--------------------


تمت بقلم خادمة اهل البيت
الشاعره هيلين ام علي الدر الساعدي


https://telegram.me/Healea

*وين ابو الرضا هاليوم*
*والشدات يكضيها*
➖➖➖➖➖➖➖

يكضي حاجتي اليله
وانه كاضيه انحيله
ابد ما يرضه عالعيله
*(والشدات يكضيها )*
➖➖➖➖➖➖
تكضيها وحك جدك
عندك حاجتي عندك
ويال تنخاه  ميردك
*(والشدات يكضيها)*
➖➖➖➖➖➖

اجيت اليوم اطلبنك
طالب طلبتي منك
وهوايه الحجو عنك
*(والشدات يكضيها)*
➖➖➖➖➖➖➖

بيه حسرت المالوم
والمحروم والملجوم
يامولاي يالمسموم
*( والشدات يكضيها)*

➖➖➖➖➖➖➖
دعيتك سيدي ومولاي
منك رايد انه ادواي
بس انته الكدرت الهاي
*(والشدات يكضيها)*

➖➖➖➖➖➖➖
حلال المشاكل دوم
انته معلم ومعلوم
عليك الشيعه تبجي اليوم
*( والشدات يكضيها)*
➖➖➖➖➖➖➖➖
*تمت بقلم خادمة اهل البيت ع*

*هيلين الساعدي*

لاتنسوني بالدعاء
https://telegram.me/Healea

اباب الرضا. اباب الرضا. اباب الرضا  كعديت وبجيت. كعديت وبجيت

➖➖➖➖➖➖➖➖
انه جيتك بيه دمعه.  ابد ماتنشف تسيل
وحسرتي ضلت بكلبي والزمن بيه يعيل
جيتك وخلصان عمري   سيدي دومي عليل
.  وانه والدنيه رمتني والوكت بيه يميل

يبن العلم. يبن العلم. يبن العلم  يم بابه انحنيت
➖➖➖➖➖➖➖➖

جيتك انه بكل همومي وانته متقصر ابد
انه ادري بيك تسمع  دعوتي لو من بعد
انته يا ابن الائمه  انته يا كاضي الشدد
صارت ادروبي بعيده. وكمت انادي يامدد

انته السند.  انته السند. انته السند
مولاي انتخيت
➖➖➖➖➖➖➖➖

الدنيه بالهم عذبتني.  وعيني عاميها الدمع
روحي ضعفت من قهرها  ذايبه مثل الشمع
انه من صغري الهضايم. وكلبي من ضيمي نشلع
و القهر خلصلي عمري. اخذ حيلي وما شبع

مولاي انه. مولاي انه.  مولاي انه  عله نهجك سريت

➖➖➖➖➖➖➖➖

انه من بغداد اجيتك. واريد  منك حاجتي
انته تكضيلي الشدايد. وانته تنطي طلبتي
جت انه عله عيوني انته تشفي علتي
بكعدتي اندب اونومي بيك اصبر  ارويحتي

تشفي العلل تشفي العلل. تشفي العلل  مولانه دعيت
➖➖➖➖➖➖➖➖

اريد تحفض كل اهلنه انته ياسور الفقير
سيدي بيك انه عارف. ويمك مرادي يصير
مايخيب اليجي يزورك  وانته ياساس الضمير
ابابك اوكفنه يتامه  وانته باب الله الجبير

ابابك انه ابابك انه ابابك انه.  مولاي اجيت

➖➖➖➖➖➖➖➖

تمت بقلم خادمه اهل البيت ع

*الشاعره هيلين الساعدي*


https://telegram.me/Healea

اليوم عوانه اليوم عوانه
كلنه ويه ام حسن اليوم عوانه



ومن يعازيه ومن يعازيه
الزهره مكدره. ومن يعازيه



وشال واليها وشال واليها
تبجي ام الحسن وشال واليها




ومن يحاميها ومن يحاميها
اذا كسرو ضلعها من يحاميها



والدار حركوها والدار حركوها
افزع يالولي الدار حركوها



الكوم اذوها الكوم اذوها
اكعد يالنبي الكوم اذوها



الزهره حزنانه الزهره حزنانه
عله فكد الابو الزهره حزنانه



اوحيل مالومه وحيل مالومه
من كسر الضلع. وحيل مالومه



https://telegram.me/Healea

فزاعيه لمولاتي رقيه ع



من هدت علينه الخيل
بنت احسين سطروها

➖➖➖➖➖➖
سطرو طفلة المذبوح
بخدها كم جرح مجروح
ابوها الغالي مابي روح
تصرخ ما يسمعوها

➖➖➖➖➖➖
ماسمعو بجيها حيف
ابويها ويمر مثل طيف
عمها الحيد بيده السيف
ياوسفه يعوفوها

➖➖➖➖➖➖

هدو عالخيم ياحيد
يوم الحرب عنده عيد
يافارس بدر يمجيد
كولو شلون تنسوها

➖➖➖➖➖➖

طفلة وحركو الخيمه
رقيه تركظ بهيمه
كومن والعزه انجيمه
البنت المشه وخلاها
➖➖➖➖➖➖

البنت المنذبح نوحي
رقيه اصيح يجروحي
اليوم مفرفحه روحي
تريد االوالد احذاها

➖➖➖➖➖➖

كومن نلطم اعليها
الونه خل نعليها
للمحروكه رجليها
( لطفله انون لو ونينه)

➖➖➖➖➖➖

تمت بقلم خادمه اهل البيت
الشاعره
*هيلين الساعدي*


https://telegram.me/Healea

٠

☘لطميه للسيده رقيه عليها السلام☘

لطموا ياشيعه على مصيبة رقيه
وعلى الضيم الشافته من ال اميه

من ضربها النذل طاحت علرمال
ويه صرختها صرخت كل العيال
بجت حتى الناكه منها الدمع سال
وصاحت احضرياعلي حامي الحميه...
لطموا ياشيعه على مصيبة رقيه

طفله ماتكدر على الجور وظلم
ولاعطش تحمل ولا تحمل سكم
يضربوها رقيه وشبعت هضم
راحت وللشام ودوها سبيه...
لطموا ياشيعه على مصيبة رقيه

كومي ياعمه نلملم جثته
ويكعد ويلكه رقيه بنيته
من يشوف عيوني تبرد جمرته
كولي ياعمه لحسين يرد اليه...
لطموا ياشيعه على مصيبة رقيه

فزت من النوم تصرخ ياحسين
مالكته وزادت عليه بالانين
من وصل ليزيد هلصوت الحزين
كال ودو راس ابوها الها هديه...
لطموا ياشيعه على مصيبة رقيه

مسحت عمتها خدها من التراب
من السياط اتشككت حتى الثياب
ساعد الله كليبها بهذا المصاب
وعلى الراس اتموت من سوده عليه...
لطموا ياشيعه على مصيبة رقيه

صاح واويلاه زين العابدين
شيلي ياعمه رقيه من الحسين
انكطع منهاالنفس ماضل كل انين
نقدم الشكوى الى رب البريه...
لطموا ياشيعه على مصيبة رقيه

✍ بقلم شاعرة اهل البيت عليهم السلام
📖 ام فراس الساعدي
https://telegram.me/Healea

أميري علي ونعم الأمير:
✍لطميه للسيده رقيه✍
✒️✒️✒️✒️✒️✒️✒️
رقيه اتصيح بويه لاتيتمني.
مهضومه وغريبه من صغر سني.
✒️✒️✒️
رقيه اتصيح ابوي اليوم اريدنه.
يتمني بصغر سني ومشه عنه.
يوم الشال خله بلكلب ونه.
(بعدك يالابو ياهو نشد عني)
✒️✒️✒️
ترانه بعازتك يابويه يلوالي.
يمك يالابو والله شده بالي.
تعال اليوم بويه وانضر احوالي.
(ومن غمضت عينه هل كثر وني)
✒️✒️✒️
من غمضت عينه هجمت العدوان.
سلبوني يبويه وشتمو النسوان.
ترضاها العزيزه بلخيم تنهان.
(مهضومه وغريبه وين تسمعني)
✒️✒️✒️
مهضومه يبويه وياك اريد امشي.
عندي هموم كثره وياك اريد احجي.
اخذوني يبويه وانته ماتدري.
(يبويه اعداك والله اليوم لوعوني)
✒️✒️✒️
ذلوني وخذوني من يمك وكوه.
عمتي اتصيح بويه فلت الخوه.
شالت وي اخويه وحملت كوه.
(وانه عل وجه يحسين سطروني)
✒️✒️✒️✒️✒️✒️✒️
تمتتت
بقلم الملايه✍🎤نور الحسيني

https://telegram.me/Healea

قصيده السيده رقيه. عليها السلام


صغيره اعله الكبر وستعجليتي
عمه يا رقيه اشحصليتي

➖➖➖➖➖➖➖➖
صغيرها ها يعمه بعمر الورود
مايرجع بعد والراح ميعود
يالحزني عليها ماله احدود
ليش بهالعجل عمه نويتي
➖➖➖➖➖➖➖➖

حيرتي العقل يا بنت الحسين
من شفتي الطشت كولي شتهيسين
احس كلبج يعمه صار نصين
شدهتي البال عمه من مشيتي

➖➖➖➖➖➖➖➖
عله راس الولي كمتي تنوحين
كولي شكالج من كمتي تبجين
اضن حاجاج كلالج ترحلين
شبكتي الراس عمه تحسريتي
➖➖➖➖➖➖➖➖

شكيتي الوالدج يوم الخرابه
نمت فزيت انادي بصوت بابه
يوم احسين يكتل يا مصابه
ابحلم ناداج من يمي بجيتي

➖➖➖➖➖➖➖➖
عله طشت الذهب من ودعيتي
من شفتي الطشت وتلوعيتي
يالبعدج اصغيره اتحسريتي
من ضيم الخرابه سلليتي

➖➖➖➖➖➖➖➖

*بقلم خادمه اهل البيت ع*
*الشاعره هيلين الساعدي*

https://telegram.me/Healea

ماتت طفلتك يحسين
برض الشام مهضومه


مهضومه رقيه اليوم
ماتت طفلت المضلوم
شالت والكلب مهدوم
برض الشام مهضومه

عذبها الدرب يحسين
وانه امفاركه الزينين
عليها هالعمت هالعين
برض الشام مهضومه


كتلها راسك المكطوع
ماتت والكلب مشلوع
ماسكتت عليك اتلوع
برض الشام مهضومه

طفله ونامت اعله الراس
ماتت كطعت الانفاس
يريت يشوفها العباس
برض الشام مهضومه


----------------'

تمت بقلم خادمه اهل البيت
الشاعره هيلين الساعدي

https://telegram.me/Healea

ماتت الطفله بالغرب
رقيه ياوالينه



طفله ماتت بالغرب
عذبها ياخويه الدرب
ابسوط الاعادي تنضرب
بين العده مخلينه


طفله وتريد الوالي
ياعمه وين الغالي
خويه دشاحد حالي
بخرابه امكعدينه

امخليني يا ضنوه علي
بيد العده ومالي ولي
رقيه ماتت ياهلي
بيد الغرب حادينه


عدوان مابيهم رحم
انهضلي يا سبع الزلم
ميسوره انه والحرم
جا عدمن امودعينه



بالشمس كعدونه العده
والشمر كل ساعه اعتده
او فطر كلبي ومرده
وهاي العده ميسرينه

__________________

تمت بقلم خادمه اهل البيت ع

الشاعره هيلين الساعدي

https://telegram.me/Healea

تقره هوسه او نعي.
قصيده وهيه كتبت عن المعجزه.
بعد ما قرات المله قصيده عن السيده رقيه
في احد الدور
ووضح بالتسجيلات. صوت فتاء. بعيد عالي جدأ. صرخه. واضحه والمجلس كان عدد جدا قليل. اللهم صل على محمد وال محمد.
وكتب القليل عن ما جرى
اللهم تقبل منا هذا القليل







اسمع صرخه بالمجلس جنها صرخت ارقيه

ابوها الشال من عدها بعد ما اله كل جيه
وين اتريد يابويه فكر عندك بنيه
احظر للمجالس دوم وبجي بركبه محنيه
بويه اسال عليك وحيل انته اسال عليه
ماشفت الجمر يابوي محرك حته رجليه
والعدوان ضربونه وخذو من عندي ترجيه
من طبيت للكوفه صاحو هاي مسبيه
خشنه احبالهم بويه سوه حداد بيديه
نضرات الغرب اسهام بويه اصوبن بيه
شفت الراس يابويه راسن اغمه اعليه
عدلي لطمه الطفله بس كون بعداليه



*( ماتت والحسره. اجر بيها)*



يا ونت رقيه تهدم الحيل
تريد حسين ابوها وناويه شيل
🏴🏴🏴🏴🏴🏴

طفله اتريد ابوها ساهره اليوم
صغيره ياكلبها صار ملجوم
ماجاني خبر لا جتني اعلوم
ظلت حايره مانامت اليل

🏴🏴🏴🏴🏴🏴
ماتت طفلت المضلوم هاليله
ماشبعت دلال وهيه تبجيله
من ضيم الخرابه اتريد تشكيله
عفتني يالولي عفت المداليل

🏴🏴🏴🏴🏴🏴

بت حسين تحظر بالمجالس
ادور عالولي ويانه جالس
من ايده خذوهن هالمحابس
انه الضليت اعلي حيل العويل

🏴🏴🏴🏴🏴🏴


خادمه اهل البيت
هيلين الساعدي

https://telegram.me/Healea

للتواصل من المله والشاعره @Hala_90bot

اليوم يوم الحسين كلش ثكيل
اليوم يوم العباس كلش ثكيل
اليوم يوم زينب كلش ثكيل
اليوم يوم االمعلول كلش ثكيل
اليوم يوم الشبان كلش ثكيل
اليوم يوم القاسم كلش ثكيل
اليوم يوم الاكبر كلش ثكيل
اليوم يوم الرضعان كلش ثكيل


اليوم يوم الجفين كلش ثكيل
اليوم يوم المنحور كلش ثكيل
اليوم يوم الانصار كلش ثكيل
اليوم يوم الاقمار كلش ثكيل
اليوم يوم البدور كلش ثكيل
اليوم يوم الساده كلش ثكيل
اليوم يوم المسلوب كلش ثكيل
اليوم يوم العطشان كلش ثكيل

https://telegram.me/Healea

عفيه بالبطل يالشايل الرايه
وخله الكوم كلها اسولف بهايه
تعنه الماي جر العلكمي ومايه
وخلاها الجثث عالكاع وهوايه

(ماحيها الحومه بزوده )


ابزوده. دخل عالحومه العباس
صاح انه الكفيل وتاج فوك الراس
احميها الضعون وادك الها الساس
صاحب مرجله ايسمونه الفراس

(يحصد بروس ابجفينه )


يحصد بركاب وكال امحيها
لكلب كونها سافلها عاليها
ارض المعركه اتراب اسويها
وهذا الجيش لاخرب معانيها

(ادرس وتعام من هذا )


https://telegram.me/Healea

هل الهلال يزينب هل الهلال
والحمل مال يزينب. والحمل مال
حظري روحج لسبي
وصوط ذاك الاجنبي
هل الهلال يزينب. هل الهلال

➖➖➖➖➖➖➖➖
من شفت انه الهلال ايدي اعله كلبي
صحت انه بصوت عالي ادخيل ربي
يمكن اخسر انه اخوتي الباري حسبي

خفت حيل اعله اخوتي
و اختنكت بعبرتي

هل الهلال يزينب هل الهلال
➖➖➖➖➖➖➖➖

اختنك بالعبره انه واحسب احساب
راح اضيع انه اخوتي وكل الشباب
اضل وحدي اويه الضعينه بكل السباب
وحدي اضل ويه الضعن
وخال ويلادي انطعن

هلا الهلال يزينب هل الهلال
➖➖➖➖➖➖➖➖

عسى لا هل الهلال وعاينيته
خال ويلادي رحل اورافجيته
وسار بيهم بالضعينه وسايريته

وين رايح يالولي
وين كلمه ادللي

هلا الهلال يزينب هلا الهلا

➖➖➖➖➖➖➖➖
زينب انه والدهر باليني بالوه
وراح اضيع بهالشهر غصبن وكوه
رايحه ويه الشمر ماكو امروه

وتنام كل اخواني
والزمن راواني

هل الهلال يزينب هل الهلال

➖➖➖➖➖➖➖➖
عله الناكه يصعدوني انده يعباس
وين التكفل ضعوني ويرفع الراس
انه تالي امشي سبيه ابين هالناس

اوياخذوني للغرب
وبالصوط انه انضرب

هلا الهلال يزينب. هلا الهلال


➖➖➖➖➖➖➖➖

تمت بقلم خادمة اهل البيت ع

*الشاعره هيلين الساعدي*


https://telegram.me/Healea

قصيده لشجاعه ابا الفضل
تقره بعده اطوار
كلمه هوه يعني راغب المعركه



عباس بالسابع هوه بالمعركه

➖➖➖➖➖➖➖

شاف الجيوش مسطره بالمعركه
عباس سبع الكنطره بالمعركه
زتهم اليوم الاخره بالمعركه
خله الركاب امطشره
بالمعركه


➖➖➖➖➖➖
ياحيد شيال العلم. بالمعركه
ابسيفه طشرها الزلم بالمعركه
الحيد طشر ما يلم بالمعركه
هذا الشهم وابن الشهم بالمعركه
➖➖➖➖➖➖

السيف بيمينه وهوه بالمعركه
الجود شاله من نوه بالمعركه
عباس للكافر دوه بالمعركه
ضرباته يا هبت هوه. بالمعركه

➖➖➖➖➖➖
خلاها طشار الركب بالمعركه
النار محتاجه حطب بالمعركه
حالف عليها من يطب بالمعركه
لا موسهل كلش صعب بالمعركه

➖➖➖➖➖
عباس يمحيها العده بالمعركه
ايسوي يوم الماسده بالمعركه
ايخلي الرجال متمدده بالمعركه
يوم القيامه جن بده بالمعركه

هوسه
ايسمونه صكار الجيش ،
➖➖➖➖➖➖➖
تمت بقلم خادمه اهل البيت ع
الشاعره
هيلين ام علي الدر الساعدي

https://telegram.me/Healea

حيدريه

زينب بلايه خوان وبلا محامي
كوم ليه عباس ضاعت ايتامي
➖➖➖➖➖➖➖

كوملي يابو الزود حركو خيمنه
اشلون خوتنه اضيع طايح علمنه
طشرونه هالكوم منهو اليلمنه
ماعندي غيرك ياخوي انته المحامي

➖➖➖➖➖➖➖
حركو الخيمه واطفال والحرم بيها
رجلينه جويتها النار من يداويها
اليل جلجل ياخوي من يحاميها
عالترب اهل الزود طاحت اعلامي
➖➖➖➖➖➖➖
اهل الحميه والزود عالترب نومه
هد علينه الملعون هوه اوكومه
ودواعلومي العباس جيبو اعلومه
طاح البطل فوك الكاع ياوسفه ضامي

➖➖➖➖➖➖➖
زينبكم ابنص الكوم تندب يخوتي
كون ميته ولا هيج ينسمع صوتي
علويه ابين الناس اكرب يوموتي
طالعه بنص اليل تاهو ايتامي

➖➖➖➖➖➖
تمت بقلم خادمه اهل البيت ع
الشاعره هيلين ام علي الدر الساعدي
https://telegram.me/Healea

قصيده للعليله ع على طور خادم انه



اوحيده انه اوحيده انه اوحيده انه
معلوله بقيت معلوله بقيت معلوله بقيت


➖➖➖➖➖➖➖➖➖➖
بالدار ضليت وعليله . ابجي ودموعي دمه
ابجيت من هم العليه رايده ابن حامي الحمه
حيلي ذبلان وانادي اضلوع ابوي مهشمه
الكربله حمل اضعونه والخيام مهدمه

اوحيده انه اوحيده انه اوحيده انه
معلوله بقيت معلوله بقيت معلوله بقيت

➖➖➖➖➖➖➖➖➖➖

اهلي راحو يتموني وانه مهمومه انتحب
بالدار ابقه من يجيلي لالي واخوان ومحب
افراكهم كلش عماني والبعد كلش صعب
راحو وخلو ابنيه بالباب اتاني وما اطب

اوحيده انه اوحيده انه اوحيده انه
معلوله بقيت معلوله بقيت معلوله بقيت


➖➖➖➖➖➖➖➖➖➖
فاركونه الي نحبهم والدرب كلش طويل
كاعده بالباب اتاني ابدي انهاري عويل
امتانيه يعود الوعدني والمرض بيه يميل
بويه وينك ماخذتني لجمه صارت بالدليل

اوحيده انه اوحيده انه اوحيده انه
معلوله بقيت معلوله بقيت معلوله بقيت

➖➖➖➖➖➖➖➖➖➖➖
اغيابهم كلش وجعني والدمع مني يسيل
شلون عافوني عليله وانه ماعندي بديل
ابوي وخواني اهجروني وخذو وياهم عليل
وعمتي راحت ماخذتني ابجي انهار ويه اليل

اوحيده انه اوحيده انه اوحيده انه
معلوله بقيت معلوله بقيت معلوله بقيت
➖➖➖➖➖➖➖➖➖➖

صارت الدنيه عليه كلها اهات وحزن
وينكم يالتركتوني عيوني اعليكم عمن
صابره وبالكن يجوني عمتي وعمي يحن
سكنه ورقيه واعدني وشبهن امتوني حضن

اوحيده انه اوحيده انه اوحيده انه
معلوله بقيت معلوله بقيت معلوله بقيت


➖➖➖➖➖➖➖➖➖➖



تمت بقلم خادمة اهل البيت ع
الشاعرة
هيلين ام علي الدر الساعدي


https://telegram.me/Healea

فزاعيه للحسين ع


حسين عالرمله يون
ومسلبات هدومه
➖➖➖➖➖➖
مسلوبه منه عمامته
من بعيد زينب شافته
موبيدها من عافته
تنزف يويلي ادمومه
➖➖➖➖➖➖

امهشمات اضلوعه
اخته علي مفجوعه
خيل العده مجموعه
مطروح ضل بالحومه

➖➖➖➖➖➖➖
ايام مطروح الجسد
والضعن شايل وبتعد
وين التجيه والسند
محد عرفها اعلومه
➖➖➖➖➖➖➖

حسين جثه اموذره
عباس اخيه مادره
اعياله مشت متيسره
والينه لا مو يومه

➖➖➖➖➖➖➖
عباس طايح عالنهر
وخيته كاتلها القهر
اشلعب بينه هالدهر
ايامنه المشؤمه
➖➖➖➖➖➖➖


تمت بقلم هادمه اهل البيت ع
الشاعره
هيلين ام علي الدر الساعدي
https://telegram.me/Healea

مربوعه لخوان زينب


يخويه ايتامنه سحكتهم الخيل
جاوينه البطل من همي ايشيل

➖➖➖➖➖➖➖➖➖
هدد فرد هده وشعلو النار
ماتدري يخويه اصار ماصار
اختكم بين غربه وكوم كفار
نباوع عالجثث ورواحنه تميل

➖➖➖➖➖➖➖➖
يخويه اطفال تاهت عندي هواي
افزع كوملي ياضوه عيناي
كوم وياي امش بهداي بهداي
ظاعت هاليتامه بهدوه اليل

➖➖➖➖➖➖➖
اباوع عالجثث مرميه عالكاع
حسافه ياوكت ضيعت السباع
اذكرها اليالي الضاعت بساع
خلصت العمر اهات وعويل
➖➖➖➖➖➖➖➖

برضج كربله من صار الوداع
وي حلوه محاجيهم والطباع
عشرتهم كضت مثل الشمع ماع
انادي وين رحتو مابقه حيل

➖➖➖➖➖➖➖

ماضل حيل يخواني اسمعوني
ذبلها البجي وراحت عيوني
بحرم وطفال انتم كلفيتوني
تضل بس المدامع مني اسيل
➖➖➖➖➖➖➖➖

تمت بقلم خادمه اهل البيت ع

الشاعرة
هيلين ام علي الدر الساعدي


https://telegram.me/Healea