ኦርቶዶክስ ሃይማኖታችን @haymanotachn Channel on Telegram

ኦርቶዶክስ ሃይማኖታችን

14 Jan, 19:40

🕊                      💖                    🕊

[ ጥር ፯ [ 7 ] ]

እንኩዋን ለአጋእዝተ ዓለም "ሥላሴ" ዓመታዊ በዓል በሰላም አደረሳችሁ።


                 †       †       †
🕊                      💖                    🕊

39

ኦርቶዶክስ ሃይማኖታችን

14 Jan, 19:27

- እንደ አርዮስ ሐሳብ መድኃኒታችን ክርስቶስ የባሕርይ አምላክ አይደለም [ሎቱ ስብሐት!!] ማለት ክርስትናን ከሥሩ ፈንቅሎ መጣል ነው::
- ስለ ክርስቶስ እግዚአብሔርነት ብሉይም ሐዲስም እየመሰከሩ :-
[ኢሳ.፱፥፮ , መዝ.፵፮፥፭ , ፸፯፥፷፭ , ዘካ.፲፬፥፬ , ዮሐ.፩፥፩ , ፲፥፴ , ራዕይ. ፩፥፰ , ሮሜ. ፱፥፭ . . .]
አርዮስና የዛሬ መሰሎቹአንዲት ጥቅስ ይዘው ክርስትናን ከመሠረቱ ለመናድ መሞከራቸው በእርግጥም ከሰይጣን መላካቸውን ያሳያል::

- በወቅቱም በመወገዙ አርዮስ ወደ ቅዱስ ቆስጠንጢኖስ ሔዶ ከሰሰ:: ቅዱሱ ንጉሥም የጉዳዩን ክብደት ተመልክቶ የዓለም ሊቃውንት ይሰበሰቡ ዘንድ አዘዘ::

በ፫፻፳፭ [325 ዓ/ም] [በኛው በ፫፻፲፰ (318 ዓ/ም)] ለ፵ [40] ቀናት የሚቆይ ሱባኤን ያዙ:: ሱባኤውን ሲጨርሱም በ4ቱ ፓትርያርኮች [እለእስክንድሮስ: ሶል ዼጥሮስ: ዮናክንዲኖስና ኤዎስጣቴዎስ] መሪነት: በእለእስክንድሮስ ሊቀ መንበርነት: በአትናቴዎስ ጸሐፊነት ጉባኤው ተጀመረ::

- በጉባኤው ሙሉ ስልጣን በሰማይ ከፈጣሪ: በምድር ከንጉሡ የተሰጣቸው አበው አርዮስን ተከራክረው ከነ ጀሌዎቹ ምላሽ አሳጡት:: ክርስቶስ አምላክ ወልደ አምላክ: ሥግው ቃል: ራሱም እግዚአብሔር መሆኑን አስረዱት::

- በጉባኤው መጨረሻም አልመለስም በማለቱ አርዮስን አወገዙ: ሥርዓተ ቤተ ክርስቲያንን እንደሚገባ አደራጁ:: አባቶችም ሥራቸውን ከጨረሱ በሁዋላ ቅዱስ ቆስጠንጢኖስን ባርከው ወደየ ሃገረ ስብከታቸው ተመልሰዋል::

- ቅዱስ ሶል ዼጥሮስም ከጉባዔው ከተመለሰ በሁዋላ በጐ ጐዳናውን አቅንቶ ቀጥሏል:: ብዙ ድርሳናትን ደርሶ: በድካም ሰብኮ ኢአማንያንን መልሷል:: ፈላስፎችንም ድል ነስቶ አሳምኗል:: መናፍቃን ደግሞ ፈጽመው ይፈሩት ነበር:: ሊቀ ዽዽስናን በተሾመ በ፲፩ [11] ዓመቱም በዚህች ቀን ዐርፏል::

የሥላሴ ቸርነት ከሁላችን ጋር ይሁን።

🕊

[ † ጥር ፯ [ 7 ] ቀን የሚከበሩ ዓመታዊ የቅዱሳን በዓላት ]

፩. በዓለ ሥሉስ ቅዱስ
፪. ቅዱስ ሶል ዼጥሮስ
፫. ቅዱስ ኤፍሬም
፬. ቅዱስ ሰሎሞን

[   † ወርሐዊ በዓላት   ]

፩. አባ ጊዮርጊስ ዘጋስጫ
፪. አባ ሲኖዳ [ የባሕታውያን አለቃ ]
፫. አባ ዳንኤል ዘገዳመ ሲሐት
፬. አባ ባውላ ገዳማዊ
፭. ቅዱስ አትናቴዎስ ሐዋርያዊ
፮. ቅዱስ አግናጥዮስ [ ለአንበሳ የተሰጠ ]

" የጌታ የኢየሱስ ክርስቶስ ጸጋ: የእግዚአብሔርም ፍቅር: የመንፈስ ቅዱስም ሕብረት ከሁላችሁ ጋር ይሁን:: አሜን::" [ ፩ቆሮ.፲፫፥፲፬ ]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

               †       †       †
▬▬▬▬▬▬▬▬▬▬▬▬▬▬
💖                   🕊                     💖

31

ኦርቶዶክስ ሃይማኖታችን

14 Jan, 19:27

🕊

[ † እንኩዋን ለአጋእዝተ ዓለም "ሥላሴ" እና "ቅዱስ ሶል ዼጥሮስ" ዓመታዊ በዓል በሰላም አደረሳችሁ † ]

† በስመ አብ ወወልድ ወመንፈስ ቅዱስ አሐዱ አምላክ አሜን ! †

🕊 †   ሥሉስ ቅዱስ †     🕊

ምሥጢራት በእምነት ለማይኖር : በትሕትናም ለማይቀርብ የሚገለጡ አይደሉም::

- እግዚአብሔር አንድም ነው: ሦስትም ነው:: ጊዜ ሣይሠፈር ዘመንም ሳይቆጠር እግዚአብሔር በስም: በአካል: በግብር ሦስትነቱ: በባሕርይ: በሕልውና: በመለኮትና በሥልጣን አንድነቱ የጸና አምላክ ነው::

- ከዓለም መፈጠር በፊት ስለ ነበረው ነገር የሚያውቅ ራሱ ሥላሴ ብቻ ነው:: ዓለምን ከፈጠረ በሁዋላም ምሥጢረ ሥላሴ [ መለኮት ] ብለን የምንማረው ትምሕርት እንድንና እንጠቀም ዘንድ እርሱ የገለጠልንን ያህል ብቻ ነው::

- ይኼውም በየጊዜው እርሱ ለወደዳቸውና ደስ ላሰኙት ቅዱሳኑ የገለጠው ምሥጢር ነው:: ከዚህ አልፈን በሥጋዊ አዕምሯችን ጌታን "እንመርምርሕ" ብንለው ግን ፍጻሜአችን ሞት: ማደሪያችንም ገሃነመ እሳት መሆኑ አይቀርም::

- እግዚአብሔር በአንድነቱና ሦስትነቱ ሳለ ይህንን ዓለም ፈጠረ:: እግዚአብሔር ዓለምን ለምን ፈጠረ ቢሉ :- ስሙን ቀድሰን ክብሩን እንድንወርስ ነው:: ከዚህ የተረፈውን ምክንያት ግን ራሱ ያውቃል::

- በአንድነቱ ምንታዌ [ ሁለትነት ] : በሦስትነቱ ርባዔ [ አራትነት ] የሌለበት የዘለዓለም አምላክ: የፍጥረታት ሁሉ ፈጣሪ እግዚአብሔር ነው:: አብ: ወልድ: መንፈስ ቅዱስ በስም: በአካል: በግብር ሦስትነት በባሕርይ: በሕልውናና በፈቃድ አንድነት የጸኑ ናቸው:: በዚህ ጊዜ ተገኙ: በዚህ ጊዜ ያልፋሉ አይባሉም:: መጀመሪያም መጨረሻም እነርሱ ናቸውና::

- ርሕሩሐን ናቸውና በእናት ሥርዓት "ቅድስት ሥላሴ" እንላቸዋለን:: የሚጠላቸው [ የማያምንባቸውን ] አይጠሉም:: የሚወዳቸውን ግን እጽፍ ድርብ ይወዱታል:: በቤቱም መጥተው ያድራሉ::

- ከፍጥረታት ወገን ከእመቤታችን ቀጥሎ የአብርሃምን ያህል በሥላሴ ዘንድ የተወደደ ፍጡር የለም:: አባታችን ቅዱስ አብርሃም የደግነት ሁሉ አባት ነውና በኬብሮን : በመምሬ ዛፍ ሥር ሥላሴን ተቀብሎ አስተናግዷል::

- አባታችን አብርሃም በ፺፱ [ 99 ] ዓመቱ: እናታችን ሣራ በ89 ዓመቷ ሥላሴን በድንኩዋናቸው አስተናገዱ:: አብርሃም እግራቸውን አጠበ:: [ ወይ መታደል ! ] በጀርባውም አዘላቸው:: [ ድንቅ አባት ! ] ምሳቸውንም አቀረበላቸው:: እንደሚበሉ ሆኑለት:: በዚያው ዕለትም የይስሐቅን መወለድ አበሠሩት::

- ሥላሴን ያስተናገደች ድንኩዋን [ ሐይመት ] የድንግል እመቤታችን ማርያም ምሳሌ ናት:: በድንግል ላይ አብ ለአጽንኦ: መንፈስ ቅዱስ ለአንጽሖ: ወልድ በተለየ አካሉ ለሥጋዌ በእርሷ ላይ አርፈዋል / አድረዋልና::

- በዓለ ሥላሴ በዚህ ቀን የሚከበረው ስለ ፪ ምክንያቶች ነው:: ቀዳሚው ሕንጻ ሰናዖርን ማፍረሳቸው ሲሆን 2ኛው ደግሞ ቅዳሴ ቤታቸው ነው::

🕊 †   ሕንጻ ሰናዖር   † 🕊

- ሰናዖር ከሺዎች ዓመታት በፊት በአሁኗ ኢራቅ አካባቢ እንደ ነበረ የሚነገርለት ግዛት ሲሆን ስሙ ለሃገሪቱም: ለንጉሡም በተመሳሳይ ያገለግል ነበር:: ከናምሩድ ክፋት በሁዋላ ሰናዖርና ወገኖቹ ከሰይጣን ተወዳጁ::

- ከጥፋት ውሃ [ ከኖኅ ዕረፍት ] በሁዋላ በሥፍራው በአንድነት ይኖሩ ነበርና እርስ በርሳቸው "ኑ ሳንበተን ስማችን የሚጠራበትን ሕንጻ እንሥራ:: በዚያውም አባቶቻችን በውሃ ያጠፋ እግዚአብሔርን እንውጋው" ተባባሉ::

- ቀጥለውም ሰማይ ጠቀስ ፎቅን ገነቡ:: ከሕንጻው መርዘም የተነሳ በጸሐይ አብስለው በልተዋል ይባላል:: ቀጥለውም ጦር እያነሱ ፈጣሪን ሊወጉ ወርውረዋል::

- መቼም የእነዚህን ሰዎች ክፋትና ቂልነት ስንሰማ ይገርመን ይሆናል:: ግንኮ ዛሬ ሰለጠንኩ በሚለው ዓለም እየተሠራ ያለው ከዚህ የከፋ ነው:: ቸርነቱ ቢጠብቀን እንጂ እንደ ክፋታችንስ ጠፊ ነበርን::

- ርሕሩሐን ሥላሴ ግን የሰናዖር ሰዎች የሠሩትን አይተው ማጥፋት ሲችሉ አላደረጉትም:: የባሪያቸውን የኖኅን ቃል ኪዳን አስበዋልና:: ይልቁኑ "ንዑ ንረድ ወንክአው ነገሮሙ ለከለዳውያን-ቁዋንቁዋቸው እንደባልቀው" አሉ እንጂ::

- ከለዳውያን ልሳናቸው ተደበላልቆ ፸፩ [ 71 ] ቁዋንቁዎች ተፈጠሩ:: እነርሱም ስምምነት አጥተው ተበተኑ:: ሥላሴም ያን ሕንጻ በነፋስ ትቢያ እንዲሆን በተኑት:: ስለዚህም እስከ ዛሬ ሥፍራው "ባቢሎን [ ዝሩት ]" ሲባል ይኖራል::

🕊   †   ቅዳሴ ቤት   †   🕊

ልክ የዛሬ ፫፻፳፬ [ 324 ] ዓመት: አድያም ሰገድ ኢያሱ በኢትዮዽያ በነገሡ በ10ኛው ዓመት: [በ1684 ዓ/ም] በጐንደር ከተማ ንግሥተ አድባራት ቅድስት ሥላሴ ቤተ ክርስቲያን ተሰርታ ተጠናቃለች::

- ጥር ፯ [ 7 ] ቀንም ሊቁ ክፍለ ዮሐንስን ጨምሮ በርካታ ምዕመናን: ሠራዊት: መሣፍንትና ሊቃውንት ባሉበት ቅዳሴ ቤታቸው ተከብሯል:: በዕለቱም ታላቅ ሐሴት ተደርጉዋል:: ኢያሱ አድያም ሰገድ ኃያል: ደግ: ጥበበኛ: አስተዋይ: መናኝ ንጉሥ ነውና::

- ቤተ ሥላሴን አስጊጿታልና ከዚህ ቀን ጀምሮ ጥር ሥላሴ በድምቀት የሚከበር ሆኗል:: ነገር ግን በተሠራች በ፲፮ ዓመቷ ደጉ ኢያሱ ከተገደለ በሁዋላ ቤተ ክርስቲያኑ በአደጋ ፈርሷል:: ዛሬ የምናየው በ፲፯፻፰ ዓ.ም [1708] ዓ/ም በልጁ በአፄ ዳዊት ሣልሳዊ የታነጸውን ነው::

🕊 †   ቅዱስ ሶል ዼጥሮስ † 🕊

- የሊብያው አርዮስ ጌትነት ገንዘቡ የሆነ ጌታችን ኢየሱስ ክርስቶስን ክዶ ሊያስክድ ሲሯሯጥ በፈቃደ እግዚአብሔር: በጻድቁ ንጉሥ ቆስጠንጢኖስ ጥሪ: ፪ሺህ ፫ መቶ ፵፰ [ 2348 ] ምሑራን ከመላው ዓለም ተሰበሰቡ::

- ከተሰበሰበው ብዙ ሰው መካከል የአበውን ደቀ መዛሙርት ሳንቆጥር ሃይማኖታቸው የቀና: ምግባራቸው የጸና ፫፻፲፰ቱ [ 318ቱ ] አበው ሊቃውንት ተገኙ::

- እነዚህ አባቶች "ሊቃውንት" ሲባሉ እንዲሁ በእውቀት ብቻ የበሰሉ እንዳይመስሉን:: ፫ መቶ ፲፰ [ 318ቱ ] አበው እኩሎቹ በዘመነ ሰማዕታት እጅና እግራቸውን የተቆረጡና ለሃይማኖታቸው ብዙ ዋጋ የከፈሉ ናቸው::

- እኩሎቹ ደግሞ በገዳማዊ ሕይወት ያጌጡ: ፍቅረ ክርስቶስ በውስጣቸው የሚነድ: የመንፈስ ቅዱስ ቤት ናቸው:: እስኪ እናውቃቸው ዘንድ የጥቂቶችን ማንነት በስምና መገለጫ እንመልከት::

፩. ቅዱስ ቶማስ ዘመርዓስ [በዘመነ ሰማዕታት ለ፳፪ ዓመት ሲቆራርጡት ኖረው በጉባኤው ላይ የተገኘው ያለ እጅ: እግር: ጀሮ: ከንፈር: ቅንድብ ነው]

፪. ቅዱስ አትናቴዎስ ሐዋርያዊ [ስለ ቀናች እምነት ለ፶ ዓመታት የተጋደለና ለ፲፭ ዓመታት በስደት የኖረ ነው]

፫. ቅዱስ እለእስክንድሮስ ሊቅ [ከሰማይ ብርሃን ይወርድለት የነበረ አባት ነው]

፬. ታላቁ ቅዱስ ባስልዮስ [በጸሎቱ አጋንንትን ያንቀጠቀጠ: ነፍሳትን ከሲዖል የቀማና ከከዊነ እሳት የደረሰ አባት ነው]

፭. ቅዱስ ጐርጐርዮስ ዘአርማንያ [ስለ ቀናች እምነት መጸዳጃ ጉድጉዋድ ውስጥ ለ፲፭ ዓመታት ተጥሎ የኖረ ሰማዕት ነው]

፮. ቅዱስ ኒቆላዎስ ዘሜራ [ ከሕጻንነቱ የተቀደሰ: በበርሃ የተጋደለ: በዘመነ ሰማዕታት ብዙ መከራን የተቀበለ አባት ነው]

፯. ቅዱስ ያዕቆብ ዘንጽቢን [በደግነቱ ሙታንን ያስነሳ: ወንዝን በጸሎቱ ያቆመ: በንጽሕና የተጋደለ አባት ነው]

፰. ቅዱስ ሶል ዼጥሮስ [ቅዱሱን ንጉሥ ያጠመቀ: ቁስጥንጥንያን በወንጌል ያበራ ሊቅ ነው]

፱. ቅዱስ ኤዎስጣቴዎስ [ስለ ቀናች እምነቱ ብዙ ግፍ የደረሰበትና በስደት ያረፈ አባት ነው]

35

ኦርቶዶክስ ሃይማኖታችን

14 Jan, 15:57

                      †

†      🕊    ዘላለም ሥላሴ 🕊   †

† እንኩዋን ለአጋእዝተ ዓለም ሥላሴ ዓመታዊ በዓል በሰላም አደረሳችሁ †

🕊                      💖                       🕊

❝ በሥላሴ ገመድ ፍጹም ታስረናል ፤ ከልባችን በማይነቀል በቅንዋተ ፍቅሩ ተቸንክረናል ፣ እርሱ ወዶናል አይጠላንም። እኛም በእምነት ይዘነዋል አንተወውም። ❞

[ አባ ጊዮርጊስ ዘጋስጫ ]

🕊

❝ እምነታችንም እንዲህ በባሕርይ በመለኮት አንድ ፤ በአካል ፤ በገጽ ሦስት ብለን ነው፡፡ እነዚህ በቅድምና የነበሩ አብ ወልድ መንፈስ ቅዱስ ናቸው፡፡ አስቀድመን መላልሰን እንደ ተናገርን ቀዳማዊ ወልድ ሰው ስለ መሆኑና ስለ ቅድስት ሥላሴ የምናምነው እምነት ይህ ነው ፤ ከተማሩ ከሚያስተምሩ ተስፋን ከሚያስረዱ ቅዱሳን ሊቃውንት ለምዕመናን ሁሉ ገልጠን የምናስተምረው ፤ እውነተኛ ሃይማኖትን ከሚያስተምሩ የሰማይ አምላክ ከሾማቸው ከሐዋርያትም ሲያያዝ የመጣልን እጅ ያደረግነው እምነት ነው፡፡ በንጹሕ ልቡና በአፋችንም በልባችንም በዚህ ሃይማኖት እንመን ፤ ያለ ጥርጥርም በበጎ ግብር በቅን ሕሊና እናስተውል ፤ በዚህ እንድንድን መንግሥተ ሰማያትንም እንድንወርስ እንረዳለን፡፡ ❞

[    ሃይማኖተ አበው   ]

🕊

ጥር ፯ [ 7 ] ፦

ሕንጻ ሰናዖርን ማፍረሳቸውና ቅዳሴ ቤታቸው በዓል ይከበራል።

የሰናዖርን ሕንጻ ያፈረሱ ሥላሴ : የኃጢአታችንን ሕንጻም በቸርነታቸው ያፍርሱልን . . . አሜን !

🕊                      💖                       🕊

93

ኦርቶዶክስ ሃይማኖታችን

14 Jan, 12:31

                        †

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †   ▬▬▬▬▬▬

[ ቅዱስ መቃርዮስ ካስተማረው ትምህርት ]

       [      ክፍል ስድሳ ዘጠኝ      ]

                         🕊

   [    ስለ ንስሐና ስለ ክርስቶስ ፍቅር !   ]

🕊

❝ እንድ እኁ አባ መቃርዮስን እንዲህ ብሎ ጠየቀው ፦ “አባቴ ፣ በደል ሠርቻለሁ” አለው:: አባ መቃርዮስም እንዲህ አለው ፦ “ልጄ ሆይ ፣ እኔ መመለሱንና በሕይወት መኖሩን ነው እንጂ የኃጥኡን ሞቱን አልወድም፡፡" ተብሎ ተጽፏል፡፡ ስለዚህ ልጄ ሆይ ፣ ንስሐ ግባ ፣ ደግና ርኅሩህ የሆነውን ጌታችን ኢየሱስ ክርስቶስን ስለ አንተ ፊቱ በደስታ ተሞልቶ ታየዋለህ፡፡

ልክ የምታጠባ እናት ልጇ እጆቹንና ፊቱን ወደ እርሷ በዘረጋ ጊዜ ምንም እንኳ በቆሻሻ ዓይነት የተመላ ቢሆንም እንኳ ከመጥፎው ሽታና ከቆሻሻው የተነሣ ልጇን አታርቀውም ፣ ነገር ግን አንጀቷ ሰፍ ብሎ ታዝንለታለች ፣ እቅፍ አድርጋ አንሥታም ወደ ጡቶቿ ታስጠጋዋለች እንጂ ፣ ፊቷም በደስታ ይመላል ፣ የልጇ ማንኛውም ነገር ሁሉ ለእርሷ ይጣፍጣታል፡፡

ታዲያ ፍጡር የሆነች ሴት ለልጇ እንዲህ የምታዝን ከሆነ ፈጣሪያችን የሆነው ጌታችን ኢየሱስ ክርስቶስማ ለእኛ ያለው ፍቅር ምን ያህል ይበልጥ ይሆን ! ❞

🕊

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !

💖                   🕊                    💖

103

ኦርቶዶክስ ሃይማኖታችን

13 Jan, 22:11

🕊

[ † እንኳን ለታላቁ ቅዱስ ባስልዮስ ዘቂሣርያ: ለታላቁ ነቢይ ቅዱስ ኤልያስ እና ለጻድቁ ቅዱስ ኖኅ ዓመታዊ በዓል በሰላም አደረሳችሁ፤ አደረሰን። † ]

† በስመ አብ ወወልድ ወመንፈስ ቅዱስ አሐዱ አምላክ አሜን ! †

🕊 † ቅዱስ ባስልዮስ ዘቂሣርያ † 🕊

† ታላቁ ሊቅ ቅዱስ ባስልዮስ "አርእስተ ሊቃውንት" ከሚባሉ አባቶች አንዱ ነው:: አባቱ ኤስድሮስ [ ባስልዮስ የሚሉም አሉ ]: እናቱ ደግሞ ኤሚሊያ ይባላሉ:: ባል እና ሚስት ከተቀደሰ ትዳራቸው ፭ ወንድና አንዲት ሴት ልጅን አፍርተዋል:: የሚገርመው ሴቷ [ ቅድስት ማቅሪና ] ገዳማዊት ስትሆን ፭ቱም ወንዶች ጳጳሳት መሆናቸው ነው::

የሁሉ የበላይ የሆነው ግን ቅዱስ ባስልዮስ ነው:: አባቶቻችን እንዳስተማሩን ቅዱሱ ሊቅ ከ፫፻፲፰ቱ [318ቱ] ሊቃውንት አንዱ ነው:: ቅዱስ ኤፍሬም ሶርያዊንም ያስተማረው እርሱ ነው:: ነገር ግን ቅርብ ጊዜ ከድረ ገጾች [ websites ] እየገለበጡ የሚጽፉ አንዳንድ ወንድሞች ይህንን የሚያፋልስ ነገር ጽፈው ተመልክተናል::

ቅዱስ ባስልዮስ ገዳማዊ ጻድቅ: ባለ ብዙ ምሥጢር ሊቅ: የብዙ ምዕመናን አባት: የቂሣርያ ሊቀ ጳጳሳት: ባለ ብዙ ተአምራትና ከከዊነ እሳት [ ከፍጹምነት ] የደረሰ አባት ነው:: ለመጀመሪያ ጊዜ የነዳያንን ሆስፒታል በ፬ኛው መቶ ክ/ዘመን ያስገነባ እርሱ ነው::

እጅግ ብዙ ድርሰቶች አሉት:: መጽሐፈ ቅዳሴውንም ዛሬ በምናውቀው መንገድ ያሰናሰለው እርሱ ነው:: ለምዕመናን የሚጠቅሙ ብዙ ሥርዓቶችን ሠርቶ: የብሉይና የሐዲስ ኪዳን መጻሕፍትን ተርጉሟል:: ታዲያ ይህ ሊቅ: ቅዱስና ጻድቅ ሰው ብዙ ድንቆችን ሠርቷል::

በዘመኑ እዚያው ቂሣርያ ውስጥ አንድ አገልጋይ [ በዘመኑ አጠራር ባሪያ ] ነበር:: የሚሠራው ደግሞ በሃገረ ገዥው ግቢ ውስጥ ነው:: ለሥራ ሲገባ የሰውየውን አንዲት ብቸኛ ልጅ ተመለከታት:: ቆንጆ ነበረችና በፍትወት ተለከፈ:: ጧት ማታ ሥራው እሷን ማየት ሆነ::

እንዳይጠይቃት ደረጃው አይመጥንምና ከባድ ፍርድ ይጠብቀዋል:: ነገሮች ከአቅሙ በላይ ሲሆኑበት በቀደመ ስሕተቱ ላይ ሌላ ከባድ ስሕተትን ጨመረ:: ወደ ጠንቅዋይ [ መተተኛ ] ቤት ሒዶ ሥራይ እንዲደረግለት ጠየቀ:: መተተኛው ግን "ይህንን ማድረግ የሚችል ሰይጣን ብቻ ስለሆነ ካልፈራህ ወደ እርሱ ልላክህ" አለው::

ያ ከንቱ ሰው "እሺ" አለ:: መተተኛው ቀጠለ "በል! ሌሊት ፮ ሰዓት ሲሆን ወደ አሕዛብ መቃብር ሒድና ግራ እጅህን ወደ ላይ ዘርጋ:: ከዛ ይመጣልሃል" ብሎ ላከው:: አገልጋዩም የተባለውን ሲያደርግ ከአጋንንት አንዱ መጥቶ: ነጥቆ ወደ ጥልቁ: የሰይጣኖች አለቃ ወደ ሚገኝበት ወሰደው::

ጋኔኑ ሰውየውን አለው:- "አንተ የፈለከው እንዲፈጸም መጀመሪያ ክርስትናህን ካድ:: በክርታስም ላይ ክህደትህን ጽፈህ በፊርማህ ስጠኝ" አለው:: ያ ልቡ የታወረ ሰው እንደተባለው መጽሐፈ ክህደቱን ለሰይጣን ሰጠ:: ወዲያው ያ ያመጣው ወደ ቤቱ መለሰው::

በማግስቱ ጠዋት በሃገረ ገዥው ቤት ታላቅ ግርግር ሆነ:: አንዲት ልጃቸው "ያን አገልጋይ ካላጋባችሁኝ ራሴን አጠፋለሁ" አለች:: ቢለምኗትም ልትሰማ አልቻለችም:: ወላጆቿ ግራ ስለተጋቡ ከምትሞት ብለው እያዘኑ ልጃቸውን ከአጋንንት ጋር ለተዛመደ ሰው ሰጡ::

እነርሱ ተጋብተው ኑሯቸውን ቀጠሉ:: ወላጆች ግን የአንድ ልጃቸውን ነገር እንዲህ በዋዛ ሊተውት አልወደዱምና ጾሙ: ጸለዩ: ተማለሉ:: በእንዲህ ሁኔታ ብዙ ዓመታት አለፉ:: ወላጆቿ ግን ተስፋ አልቆረጡምና እግዚአብሔር : ሰይጣን የቀማትን ማስተዋል መለሰላት::

አንድ ቀንም ባሏን ጠርታ "ቤተ ክርስቲያን ተሳልመህ: ቆርበህ : ስመ እግዚአብሔር ጠርተህ: አማትበህስ ታውቃለህ?" አለችው:: እርሱም "በጭራሽ አላውቅም" አላት:: "ለምን" ብትለው የሆነውን ነገር ሁሉ ዘርዝሮ ነገራት:: በጣም ከመደንገጧ የተነሳ ምድር ከዳት::

ለረዥም ሰዓት አለቀሰች:: ከሰይጣን ጋር ተጋብታ የኖረች ያህል ስታስበው አንገፈገፋት:: ሰውነቷ ተስፋ ቆረጠ:: ወዲያው ግን በህሊናዋ አንድ ሐሳብ መጣላት:: "ያ ታላቅ የእግዚአብሔር ሰው ከሰይጣን ባርነት ሊገላግለኝ ይቻለዋል" አለች:: ፈጥናም ወደ ቅዱስ ባስልዮስ ዘንድ ሒዳ ከእግሩ ሥር ወድቃ አለቀሰች::

እርሱም "ልጄ ሆይ! አይዞሽ: በእግዚአብሔር ዘንድ ሁሉ ቀላል ነው:: ሒጂና ባልሺን አምጪው" አላት:: ሒዳ አመጣችው:: ቅዱሱም ያን ሰው "መዳን ትፈልጋለህ?" አለው:: ሰውየው መልሶ "ያቺን ደብዳቤ መመለስ የሚቻል ቢሆንማ እፈልግ ነበር" አለው:: ቅዱስ ባስልዮስም ሴቷን "ሒጂና ጸልይ: ከ40 ቀን በኋላ ትመጫለሽ" ብሎ አሰናበታት::

በሰይጣን ባርነት የተያዘውን ያን ሰው ግን ወደ ራሱ በዓት ወስዶ አስገባውና በ፬ አቅጣጫ በመስቀል አተመው:: ትንሽ ምግብ ሰጥቶት "ከ፫ ቀን በኋላ እመጣለሁ" ብሎት ሔደ:: ቅዱሱ ያለ ዕረፍት ይጋደልም ጀመር:: በ፫ኛው ቀን መጥቶ "እንዴት ነህ?" አለው:: "አባቴ! አጋንንት አሰቃዩኝ" አለው:: "አይዞህ!" ብሎት ወጣ::

በ፮ኛው ቀን መጥቶ "አሁንስ?" አለው:: "አባ! ስቃዩ ቀረልኝ:: ግን ደብዳቤዋን እያሳዩ ያስፈራሩኛል" አለው:: "በርታ" ብሎት ሔደ:: በ9ኛው ቀን ተመልሶ "ደግሞ አሁንሳ?" አለው:: "አባቴ! ምስጋና ለፈጣሪህ! ከአካባቢው እየራቁ ነው" አለው::

እንዲህ በ፫: በ፫ ቀናት እየተመላለሰ ለ፲፫ ጊዜ ጠየቀው:: በ፴፱ኛው ቀን መጥቶ "ዛሬ ምን አየህ" ቢለው "አባ! አጋንንትን ከእግርህ በታች ስትረግጣቸው አየሁ" አለው:: ቅዱስ ባስልዮስ በ40ኛው ቀን ደወል ደውሎ መነኮሳት: ካህናትና ምዕመናንን ሰብስቦ: ያን ሰው ከመሃል አቁሞ: "እግዚኦ በሉ" አላቸው::

ሕዝቡ እግዚኦታውን ሲፈጽሙ ከሰማይ ድምጽ ተሰማ:: ቀና ሲሉ ያቺ የክህደት ደብዳቤ ሁሉ እያዩአት ከመካከላቸው ወደቀች:: በዚያች ቦታም ታላቅ እልልታና ሐሴት ተደረገ:: ቅዱሱ በጸሎቱ ለ፵ ቀናት ከእንቅልፍና ከምግብ ተከልክሎ ያቺን ነፍስ ማረከ::

የሕዝቡንም ሃይማኖት አጸና:: በዚያውም ቅዳሴ ቀድሶ ሕዝቡን አቁርቦ አሰናበታቸው:: ባልና ሚስቱንም ባርኮ በፍቅር ይኖሩ ዘንድ አሰናበታቸው:: ታላቁ ሊቅም ተጋድሎውን ፈጽሞ ጥር ፮ ቀን ዐርፏል::

አምላከ ቅዱስ ባስልዮስ እኛንም ከኃጢአት ማሠሪያ ፈትቶ ከአጋንንት ሤራ ይሰውረን:: ከሊቁም በረከትን ያሳትፈን::

🕊 † ታላቁ ቅዱስ ኤልያስ † 🕊

† ቅድስት ቤተ ክርስቲያን ከሊቀ ነቢያት ቅዱስ ሙሴ ቀጥላ ቅዱስ ኤልያስን ታከብራለች:: "ርዕሰ ነቢያት - የነቢያት ራስም" ትለዋለች:: እርሱ ሰማይን የለጐመ: እሳትን ያዘነመ: ፍጥረትንም በቃሉ ያዘዘ አባት ነውና::
ይሕስ እንደ ምን ነው ቢሉ :-
ቅዱሱ ትውልዱ [ ነገዱ ] ኢዮርብዓም ነጥሎ ከወሰዳቸው እሥራኤል [ ፲ሩ ነገድ ] ሲሆን አባቱ ኢያስኑዩ : እናቱ ደግሞ ቶና [ ቶናህ ] ይባላሉ:: በጐ አምልኮ ነበራቸውና እግዚአብሔር ማሕጸነ ቶናህን ቀድሶ ይህንን ቅዱስ ፍሬ ፈጠረ::

ቅዱስ ኤልያስ በተወለደ ቀን በቤታቸው ብርሃን ተሞልቶ ታይቷል:: ብርሃን የለበሱ ፬ ሰዎች [ መላእክት ] መጥተውም በእሳት ሰፋድል [ መጐናጸፊያ ] ሲጠቀልሉት ወላጆቹ በማየታቸው ደንግጠው ለነቢያትና ለካህናት ነገሯቸው::

ካህናቱ ግን ነገሩ ቢረቅባቸው "ምን ዓይነት ፍጥረት ይሆን? በእሥራኤል ይነግሥ ይሆን! ወይስ ነቢይ ይሆን?" ብለውም አድንቀዋል:: ቅዱስ ኤልያስ ከልጅነቱ ጀምሮ ኮስታራ: ቁም ነገረኛ: ንጽሕናንም የሚወድ እሥራኤላዊ ነው::

12

ኦርቶዶክስ ሃይማኖታችን

13 Jan, 22:11

ወቅቱ [ ከክርስቶስ ልደት ፱ መቶ ዓመት በፊት ] ሕዝቡና ነገሥታቱ የከፉበት: እግዚአብሔር ተክዶ ጣዖት የሚመለክበት ነበር::ድሮ በኢሎፍላውያን እጅ የነበሩት ጣዖታት [ዳጐንና ቤል] በዚያ ዘመን ወደ እሥራኤል ገብተው ነበር::

ቅዱስ ኤልያስ ግን በዚህ ክፉ ትውልድ መካከል ሆኖም ሥርዓተ ኦሪትን የጠነቀቀ: የንጽሕናና የአምልኮ ሰው ነበር::

በዚያ ወራትም እግዚአብሔር ለነቢይነት ጠራው:: እርሱም "እሺ" ብሎ ታዝዞ የእግዚአብሔርን የጸጋ ጥሪ ተቀበለ:: ቅዱሱ ብዙ ጊዜ ለጉዳይ ካልሆነ ከሰው ጋር መዋል: ማደርን አይወድምና መኖሪያውን በተራሮችና በዱር አደረገ::

በተለይ ደብረ ቀርሜሎስ ለእርሱ ቤቱ ነበር:: በዚህ ሕይወቱም ከመልከ ጼዴቅ ቀጥሎ :-

፩. ለድንግልና [ ድንግል ነበርና ]
፪. ለብሕትውና [ ብቸኛ ነበርና ]
፫. ለምንኩስና [ ተሐራሚ ነበርና ] በብሉይ ኪዳን መሠረትን የጣለ ነቢይ ይባላል::

መቼም በብሉይ ኪዳን የቅዱስ ኤልያስን: በዘመነ ክርስቶስ የመጥምቁ ዮሐንስን: በዘመነ ሊቃውንት ደግሞ የአፈ ወርቅ ዮሐንስን ያህል ደፋርና መገሥጽ አስተማሪ አልነበረም:: በጊዜው ደግሞ አክአብና ኤልዛቤል የሚባሉ ክፉ ባልና ሚስት በእሥራኤል ላይ ነግሠው ሕዝቡን ጣዖት አስመለኩት::

ይባስ ብለው ደግሞ በወይኑ እርሻ አማካኝነት ኢይዝራኤላዊው ናቡቴን በሐሰት ምስክር ደሙን አፈሰሱት:: ናቡቴም "የአባቶቼን ርስት አልሸጥም: አልለውጥም" በማለቱ እንደ ሰማዕት ይቆጠራል::

ኤልያስ ግን ይህንን ሲሰማ ወደ አክአብና ኤልዛቤል ቀርቦ "የናቡቴ ደም በእናንተ ላይ አይቀርም:: የአንቺንም ደም ውሻ ይልሰዋል" አላቸው:: በዚህ ምክንያትም ኤልዛቤል ልትገድለው ብትፈልገውም እርሱ የእግዚአብሔር ነውና አላገኘችውም::

በዚህ ብስጭትም ይመስላል አንድ ሺህ ነቢያትን ሰብስባ "ፍጇቸው" አለች:: ፱ መቶው ሲታረዱ አንድ መቶውን ግን ቅዱስ አብድዩ በዋሻ ውስጥ ደብቆ እየመገበ አተረፋቸው:: በእሥራኤል ውስጥ ግን ዓመጻና ኃጢአት እየተስፋፋ ሔደ:: የእግዚአብሔርን ስጦታ እየተመገበ ሕዝቡ ለቤል [ለበዓል] ሰገደ::

ይህን ጊዜ ግን ቅዱስ ኤልያስ እንዲህ አለ :-
"ሕያው እግዚአብሔር አምላከ ኃይል: ዘቆምኩ ቅድሜሁ: ከመ ኢይረድ ጠል በእላ መዋዕል ዘእንበለ በቃለ አፉየ" ብሎ ዝናም ከሰማይ እንዳይወርድ ከለከለ:: ለ፫ ዓመታት ከ፮ ወራት ሰማይ ዝናም ለዘር : ጠል ለመከር ከመስጠት ተከለከለ::

ሕዝቡ በኃጢአቱ ምክንያት ተጐዳ:: እርሱን ቁራ ይመግበው: ምንጭ ፈልቆለት ይጠጣ ነበር:: ይሔው ቢቀርበት ጸለየ:: እግዚአብሔርም ከፈለገ ኮራት ወደ ሰራፕታ እንዲወርድ አዘዘው:: በዚያም የነቢዩ ዮናስ እናት እንጐቻ ጋግራ ብታበላው ቤቷ በበረከት ተሞላ::

ልጇ ሕጻኑ ዮናስ ቢሞትም በጸሎቱ አስነሳላት:: ቀጥሎም ፯ ጊዜ በትጋት ጸልዮ ለ፫ ዓመታት ከ፮ ወራት የዘጋውን ሰማይ ከፍቶታል:: ሕዝቡም ዕለቱኑ ከበረከቱ ቀምሰዋል::

ከዚያ አስቀድሞ ግን ከኤልዛቤል ፰ መቶ፶ [850] ነቢያተ ሐሰትና ካህናተ ጣዖት ጋር ተወዳድሮ አሸንፏቸዋል:: መስዋዕት ሰውተው የእርሱን ብቻ እሳት ከሰማይ ወርዳ በልታለታለችና ሕዝቡ ፰ መቶ ፶ [850] ውን ሐሰተኛ ነቢያት በወንዝ ዳር በሰይፍ መትተዋቸዋል::

ይሕንን የሰማች ኤልዛቤልም ትገድለው ዘንድ አሳደደችው:: "አቤቱ ከአባቶቼ አልበልጥምና ውሰደኝ! ብቻየን ቀርቻለሁና" ብሎ ቢጸልይ እግዚአብሔር ለጣዖት ያልሰገዱ ሰባት ሺህ ሰዎችን እንዳተረፈ: እርሱንም ወደ ብሔረ ሕያዋን እንደሚወስደው ብሥራትን ነገረው::

ደክሞት ተኝቶ ሳለም ቅዱስ መልአክ [ሚካኤል] ቀስቅሶ ታየው:: እንጐቻ ባገልግል: ውኃ በመንቀል አቅርቦ "ብላ! ጠጣ!" አለው:: በላ: ጠጣ: ተኛ:: እንደ ገና ቀስቅሶ አበላው:: በ፫ኛው ግን "ብላዕ እስከ ትጸግብ እስመ ርሑቅ ፍኖትከ - ጐዳናህ ሩቅ ነውና እስክትጠግብ ብላ" አለው::

ኤልያስም ለ፵ ቀናት ያለ ምግብ ተጉዟል:: ከዚያ በኋላም ምድራዊ ሕብስትን አልተመገበም:: እግዚአብሔር አክአብና ኤልዛቤልን ከተበቀላቸው በኋላም ቅዱስ ኤልያስ በክፋተኞች ላይ ፪ ጊዜ እሳትን አዝንሟል::

የሚያርግበት ጊዜ ሲደርስም ደቀ መዝሙሩን ኤልሳዕን "የምትሻውን ለምነኝ" ቢለው "እጥፍ መንፈስህን" አለው:: ሦስት ጊዜ ሊያስመልሰው ሞከረ:: ቅዱስ ኤልሳዕ ግን በብርታት ተከተለው:: ዮርዳኖስን ከፍለው ከተሻገሩ በኋላ ግን ቅዱስ ኤልያስን ሠረገላ እሳት ወርዶ ነጠቀው:: ለኤልሳዕም እኩሉን ግምጃውን ጣለለት::

ዛሬ ቅዱስ ኤልያስ በብሔረ ሕያዋን ያለ ሲሆን በዘመነ ሐሳዌ መሲሕ መጥቶ በሰማዕትነት ከቅዱስ ሄኖክ ጋር ያርፋል:: [ራዕይ] ለተጨማሪ ንባብ [ከ፩ነገ.፲፯-፪ ነገ. ፪ / እና ዕርገተ ኤልያስን ያንብቡ:: ]

† ነቢዩ ኤልያስ በእውነት ታላቅ ነው!

† አምላከ ኤልያስ ለሃገራችንና ለሕዝቧ ርሕራሔውን ይላክልን::

🕊 † ጻድቅ ኖኅ † 🕊

† የዚህን ታላቅ ቅዱስ ሰው ክብር የሚያውቅና የሚያከብረው ሁሉ ንዑድ ነው:: አባታችን ኖኅ ዛሬ በዓለም የሚመላለሰው ሰው ሁሉ አባት ነው:: ደግ ጻድቅና ነቢይ ሰው ነው::

ከአባታችን አዳም ፲ኛው ጻድቅ ሲሆን ከ፲፭ቱ አበው ነቢያትም አንዱ ነው:: ከአባቱ ከላሜሕ ተወልዶ: በደብር ቅዱስ አድጐ: ንጽሐ መላእክትን ገንዘብ አድርጐ: ለ፭ መቶ [500] ዓመታት በድንግልና ኑሯል::

በእነዚህ ጊዜያትም አጽመ አዳምን እየጠበቀና መስዋዕትን ለልዑል አምላክ እየሰዋ ያመልክ ነበር:: የሴት ልጆች ከቃየን ልጆች ጋር ተባብረው ዓለም በረከሰች ጊዜም በእግዚአብሔር ፊት ጻድቅ ሆኖ ተገኝቷል:: ከሚስቱ [እናታችን] ሐይከል [አምዛራ] ጋር ፫ ጊዜ አብሮ አድሮ ሴም: ካምና ያፌትን ወልዷል::

የጥፋት ውኃ በመጣ ጊዜም የእመቤታችን ምሳሌ በሆነች መርከብ ድኗል:: ከመርከብ ወጥቶም ከጌታ ጋር በቀስተ ደመና ምስክርነት ቃል ኪዳን ተጋብቷል:: ከዚያም ዓለምን ለ፫ ልጆቹ አካፍሎ ለ፫ መቶ ፶ [350] ዓመታት በበጐ አምልኮ ኑሯል:: በዚህች ቀንም ዕድሜን ጠግቦ በ፱ መቶ ፶ [950] ዓመቱ ዐርፏል::

† የአባታችን በረከት ይደርብን።

🕊

[ † ጥር ፮ [ 6 ] ቀን የሚከበሩ ዓመታዊ የቅዱሳን በዓላት ]

፩. በዓለ ግዝረቱ ለክርስቶስ
፪. ቅዱስ ኤልያስ ነቢይ
፫. ቅዱስ ኖኅ ጻድቅ
፬. ታላቁ ቅዱስ ባስልዮስ ዘቂሣርያ
፭. አባ ሙሴ ገዳማዊ
፮. አባ ወርክያኖስ

[ † ወርሐዊ በዓላት ]

፩. ቅድስት ደብረ ቁስቋም
፪. አባታችን አዳምና እናታችን ሔዋን
፫. ቅዱስ ዮሴፍ አረጋዊ
፬. ቅድስት ሰሎሜ
፭. አባ አርከ ሥሉስ
፮. አባ ጽጌ ድንግል
፯. ቅድስት አርሴማ ድንግል

† "እውነት እውነት እላቹሃለሁ:: በእኔ የሚያምን እኔ የማደርገውን ሥራ እርሱ ደግሞ ያደርጋል:: ከዚህም የሚበልጥ ያደርጋል::" † [ዮሐ. ፲፬፥፲፪]

† "ለእስራኤል ሁሉ ሥርዓትንና ፍርድን አድርጌ በኮሬብ ያዘዝኩትን: የባሪያየን የሙሴን ሕግ አስቡ:: እነሆ ታላቁና የሚያስፈራው የእግዚአብሔር ቀን ሳይመጣ ነቢዩን ኤልያስን እልክላቹሃለሁ:: መጥቼም ምድርን በእርግማን እንዳልመታ እርሱ የአባቶችን ልብ ወደ ልጆች: የልጆችንም ልብ ወደ አባቶች ይመልሳል::" † [ሚል. ፬፥፬ ]

11

ኦርቶዶክስ ሃይማኖታችን

13 Jan, 22:11

††† " እግዚአብሔርም :- 'የፈጠርሁትን ሰው ከምድር ላይ አጠፋለሁ:: ከሰው እስከ እንስሳ : እስከ ተንቀሳቃሽም : እስከ ሰማይ ወፍም ድረስ ስለ ፈጠርኋቸው ተጸጽቼአለሁና' አለ:: ኖኅ ግን በእግዚአብሔር ፊት ሞገስን አገኘ::
የኖኅ ትውልድ እንዲህ ነው:: ኖኅም በትውልዱ ጻድቅ: ፍጹምም ሰው ነበር:: ኖኅ አካሔዱን ከእግዚአብሔር ጋር አደረገ::" † [ዘፍ. ፮፥፯]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

† † †
▬▬▬▬▬ ▬▬▬ ▬▬▬▬▬
💖 🕊 💖

14

ኦርቶዶክስ ሃይማኖታችን

13 Jan, 16:00

🕊                      💖                    🕊

🕊        በዓለ ግዝረት       🕊

💖

[      ጥር ፮ [ 6 ] ቀን   ]

እንኳን ለጌታችን ለአምላካችን ለመድኃኒታችን ለኢየሱስ ክርስቶስ ለንዑስ በዓል ለአንዱ ለግዝረት [ ለኢየሱስ ] ዓመታዊ በዓል ፣ ከአዳም ዐሥረኛ ትውልድ ለሆነው ለታላቁ አባት ለጻድቁ ለቅዱስ ኖኅ ለዕረፍቱ መታሰቢያ ፣ ለታላቁ ነቢይ ለቅዱስ ኤልያስ በሕይወት ሳለ በእሳት ሠረገላ ወደ ሰማይ ለዐረገበት [ ከሞት ለተሰወረበት ] በዓል ፣ ለታላቋ ሰማዕት ለቅድስት አርሴማ ለልደቷ በዓልና ለከበረና ለታላቁ አባት ለቂሣርያ ኤጲስቆጶስ ለአቡነ ባስልዮስ ለዕረፍት በዓል በሰላም አደረሰን።

በተጨማሪ በዚች ቀን ከሚታሰቡ ፦ ከእስክድርያ ስምንተኛ ሊቀ ጳጳስ ከአባ ወርክያኖስ ዕረፍትና በበረሀ ስልሳ ዘመናት ከኖረ ከአባ ሙሴ ዕረፍት እግዚአብሔር አምላክ ረድኤትና በረከትን ያሳትፈን።

የጌታ ዐበይት በዓላቱ ፦

፩. ጽንሰቱ [ ትስብእቱ ]
፪. ልደቱ
፫. ጥምቀቱ
፬. ዑደተ ሆሳዕናው
፭. ስቅለቱ
፮. ትንሳኤው
፯. ዕርገቱ
፰. በዓለ ዸራቅሊጦስ እና
፱. በዓለ ደብረ ታቦር ናቸው።

ንዑሳን በዓላቱ ደግሞ ፦

፩. ስብከት
፪. ብርሃን
፫. ኖላዊ ሔር
፬. ጌና
፭. ግዝረት
፮. በዓቱ [ በዓለ ስምዖን ]
፯. ቃና ዘገሊላ
፰. ደብረ ዘይት እና
፱. በዓለ መስቀል ተብለው ይታወቃሉ::

                         🕊

[ † እንኳን ለታላቁ ቅዱስ ባስልዮስ ዘቂሣርያ: ለታላቁ ነቢይ ቅዱስ ኤልያስ እና ለጻድቁ ቅዱስ ኖኅ ዓመታዊ በዓል በሰላም አደረሳችሁ፤ አደረሰን። † ]

ወስብሐት ለእግዚአብሔር : ወለወላዲቱ ድንግል : ወለመስቀሉ ክቡር።

                 †       †       †
🕊                      💖                    🕊

89

ኦርቶዶክስ ሃይማኖታችን

13 Jan, 12:20

                        †

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †   ▬▬▬▬▬▬

[ ቅዱስ መቃርዮስ ካስተማረው ትምህርት ]

[          ክፍል ስድሳ ስምንት           ]

                         🕊

              [     ስለ ንስሐ !      ]

❝ አባ መቃርዮስ እንዲህ አለ ፦ “የተጣመመውን እንደሚያቃናና የተቃናውን እንደሚያጥፍ ኣናጺ ጌታችን መድኃኒታችን ኢየሱስ ክርስቶስ ለእኛ ያዘዘው ንስሐም እንደዚህ ነው፡፡ ንስሐ የተጣመመውን ያቃናል ፣ የኃጢአትን የቆሻሻ ጥቅልልም የነጻና ቀጥ ያለ እንዲሆን በማድረግ ልክ በጌታችን ፊት እንደሚቆሙ ደናግል ንጹሕ ያደርገዋል፡፡ ከኃጢአታቸው የሚመለሱና ንስሐ የሚገቡ እነርሱ በሰማይ ያለ የመላእክት ንጹሕ ልብስ ይሰጣቸዋል፡፡ ❞

🕊

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !

💖                  🕊                    💖

87

ኦርቶዶክስ ሃይማኖታችን

13 Jan, 07:26

🕊                   †                       🕊

[ ተዋሕዶ ፍጽምት የቅዱሳን ሃይማኖት ]
▬▬▬▬▬▬   †   ▬▬▬▬▬▬

[ ከዚህ የተነሣ አደንቃለሁ ! ]

🕊                      💖                       🕊

❝ የተዋሐደውን ሥጋ ከመላእክት ባሕርይ የነሣው አይደለም ፥ ከአብርሃም ባሕርይ ነሣው እንጂ። [ ዕብ.፪፥፲፯] ።

ለዚህ ታላቅ ፍቅር አንክሮ ይገባል ፥ ከእግዚአብሔር ዘንድ ለሰው ወገን ለተደረገ ፤ ለማይመረመር ለዚህ ፍቅር አንክሮ ይገባል ፥ ይህ ለመላእክት ያላደረገው ነው።

የተነገረውን አስተውል ፤ እግዚአብሔር ከእኛ ባሕርይ የተዋሐደው ተዋሕዶ ጥቂት ክብር አይምሰልህ ፥ ይህንን ለመላእክት አላደረገውምና የመላእክት ባሕርይም አልተዋሐደችውምና የተዋሐደችው የኛ ባሕርይ ናት እንጂ።

ባሕርያችንን ተዋሕዶአል እንጂ ከባሕርያችን ከፍሎ ተዋሐደ ለምን አላለም ? ወዳጁ እንደ ኮበለለ ፥ እስኪያገኘውም ድረስ እንደሔደና እንደ አገኘው ሰው ፥ የእኛ ባሕርይ እንደዚህ ከእግዚአብሔር ተለይታ ነበርና ፥ ከእርሱም ፈጽማ ርቃ ነበርና ፥ ሥጋ በመሆን ገንዘብ እስኪአደርጋት ደርሶ ፈጥኖ ፈለጋት ፤ እርሷም ተዋሐደችው ፥ ይህንንም ተዋሕዶ እኛን በመውደድ እንዳደረገው የታወቀ ነው። [ መኃ.፫፥፩ ። ማቴ.፲፰፥፲፪–፲፬ ]

ለማይደፈር ለዚህ ድንቅ ምሥጢር አንክሮ ይገባል ፤ ከእግዚአብሔር ጋር በመተካከል የሚኖር መላእክትና የመላእክት አለቆች ሱራፌልና ኪሩቤል የሚሰግዱለት ሥጋ ከእኛ ባሕርይ ይገኝ ዘንድ ከዚህ የሚበልጥ አንድነት አለን ? ። [ ዕብ.፩፥፫-፰ ] ።

ይህን መላልሼ ባሰብሁት ጊዜ ሰው ያገኘውን ፤ ልክ መጠን የሌለውን ፍጹም ክብር ከእግዚአብሔር የተደገረውን ፤ ባሕርያችን ያገኘውን ታላቅ ፍቅር አይቼ ከዚህ የተነሣ አደንቃለሁ። [ ዮሐ.፫፥፲፮-፲፰ ። ፲፯ ። ፳፮ ። ፩ዮሐ.፫፥፩ ]። ❞

[    ቅዱስ ዮሐንስ አፈወርቅ    ]

▬▬▬▬▬▬▬▬▬▬▬▬▬▬

ወስብሐት ለእግዚአብሔር ፤ ወለወላዲቱ ድንግል ፤ ወለመስቀሉ ክቡር። አሜን።

†                       †                       †
💖                     🕊                      💖

104

ኦርቶዶክስ ሃይማኖታችን

12 Jan, 20:27

🕊

[ † እንኳን ለቅዱስ "ማቴዎስ ነዳይ" እና "ቅዱስ አውስግንዮስ አረጋዊ" ዓመታዊ የዕረፍት በዓል በሰላም አደረሳችሁ † ]

† በስመ አብ ወወልድ ወመንፈስ ቅዱስ ፩ አምላክ፡፡ አሜን።

......................................................

🕊 † ቅዱስ አባ ማቴዎስ † 🕊

- ቅዱሱ አባት በቤተ ክርስቲያናችን ስመ ጥር ነው:: በተለይ ትርጉዋሜ ወንጌል ላይ እንደ አብነት ሲጠቀስ የተአምረ ማርያምን ሥርዓት በማዘጋጀቱ የበዓላት መቅድመ ተአምር ላይ ስሙ አለ:: ቅዱሱ ለእመቤታችን በነበረው ፍቅር ድንግል ብዙ ጊዜ ትገለጥለት ነበርና::

- ቅዱስ ማቴዎስ ግብጻዊ አባት ሲሆን የነበረው በመካከለኛው ዘመን ውስጥ [ ማለትም በ፲፬ኛው መቶ ክ/ዘመን ] ነው:: በቤቱም መልካም ወላጆችና ያዕቆብ የሚባል ወንድምም ነበረው::

- እንዲያውም አንዴ እናቱ ቅዱሱን ጸንሳ ሳለች የበቁ አበው ሆዷን እጅ ነስተው "ቅዱስ ፍሬ በማኅጸንሽ ውስጥ አለ" እንዳሏት ይነገራል:: ቅዱስ ማቴዎስ በልጅነቱ ወደ እግዚአብሔር ከመገስገስ: ቅዱስ ቃሉን ከመማር በዘለለ ሌላ ሃሳብ አልነበረበትም::

- ወጣት ሲሆንም ወላጆቹ ተከታትለው በማረፋቸው ከወንድሙ ያዕቆብ ጋር ለብቻቸው ቀሩ:: ብዙ የወላጆቹ ሃብት ቢኖርም ቅዱስ ማቴዎስ ስለ መካፈል አላሰበም:: ከለበሳት ጨርቅ በቀር ምንም ሳይይዝ ወደ በርሃ ገሰገሰ::

- ሊመነኩስ ወዶ የደብረ ቅዱስ አቡፋናን አበው ቢጠይቃቸው "አይሆንም" አሉት:: ምክንያቱም በጊዜው ወንድሙን ያውቁት ስለ ነበር እየመጣ እንዳያውካቸው "አስፈቅድ" ማለታቸው ነበር:: ቅዱስ ማቴዎስ ግን ወደ ሌላ ገዳም ሔዶ አለቀሰ::

- አባቶችም ወደ ወንድሙ ሔደው ስለ ማለዱት ፈቀደለት:: ስለዚህም በደብረ አቡፋና መነኮሰ:: ትንሽ ቆይቶ ግን ወንድሙ ያዕቆብ "ለወንድሜ ያልሆነች ዓለም ለእኔም አትረባኝም" ብሎ: በርሃ ገብቶ በቅቶ ዐርፏል::

- ቅዱስ ማቴዎስም በገዳሙ በፍቅርና በመታዘዝ ሲያገለግል ዜና ትጋቱ ተሰማ:: ይህንን ከሰሙት ዻዻሳት አንዱ አባ ዼጥሮስ ያለ ፈቃዱ ከገዳም አስወጥቶ በመንበረ ዽዽስናው ረዳት አደረገው:: እርሱ ግን አንገቱን አቀርቅሮ ተጋድሎውን በጾምና በጸሎት ቀጠለ::

- ነገር ግን ሰይጣን በሴቶች አድሮ ፈተነው:: በጣም አዝኖ ዻዻሱን "አሰናብተኝ" አለው:: "እንቢ" ቢለው የክብር ልብሱን [ የዻዻሱን ] አውጥቶ በመቀስ ብጥስጥስ አደረገውና በዻዻሱ ፊት አኖረለት::

- ፈጽሞ የተበሳጨው ዻዻሱም በየቀኑ ፫ መቶ እንዲሰግድ: ወደ ቤት እንዳይጠለልና ሌሎች ቀኖናዎችን ቅጣት ሰጥቶ ወደ በርሃ አሳደደው:: ቅዱስ ማቴዎስም መሻቱ ይህቺው ነበረችና ደስ እያለው ሔደ::

- ለ፪ ዓመታትም የቀኑ ሐሩር: የሌሊቱ ቁር እየተፈራረቀበት ቅጣቱን በመፈጸሙ የፍትሐት ደብዳቤ ተላከለት:: አንድ ቀን ግን በገዳሙ የነበረ አንድ የበቃ አባት ክብረ ማቴዎስ ተገልጦለት "የብዙዎች አባት ትሆናለህ" አለው::

- ውዳሴ ከንቱን ፈጽሞ የሚጠላት ቅዱሱ ግን አዘነ:: ሰዎች እያከበሩት ስለተቸገረም ገዳሙን ለቀቀ:: በሔደበት ገዳምም ድንቅ ነገሮቹን እያዩ ሲያከብሩት በአንድ ገዳም የማይቀመጥ ሆነ:: ከአንዱ ወደ ሌላውም ይሔድ ነበረ::

- ቅዱስ ማቴዎስ ከዻዻሱ ዘንድ እያለ ቅስናን ሹሞት ነበርና በገዳማት ይቀድሳል:: ከብቃቱም የተነሳ በቅዳሴ ሰዓት ማሕበረ መላእክትን ያያቸው ነበር:: መድኃኒታችን ክርስቶስም ሕጻን መስሎ ከፊቱ ይቀመጥ ነበር:: ስለዚህ ነገርም ዕንባው እንደ ዥረት ውሃ ይፈስ ነበር:: እየቀደሰም ተመስጦ [ ተደሞ ] ይመጣበት ነበር::

- ዘወትር የፈጣሪውን ጌትነት እያደነቀ ይመራመር ነበርና አንዴ ቀና ቢል ፯ቱ ሰማያት ተከፈቱለት:: እግዚአብሔርንም ከጽርሐ አርያም [ ፯ኛው ሰማይ ] ከፍ ብሎ አየው:: ደንግጦ ዝቅ ቢል ደግሞ ከጥልቁ በታች ተመለከተው::

- በዚህ ጊዜ "ይህን ያሳየኸኝ ጌታየ እኔ ማነኝ!" ሲል አለቀሰ:: ሁሌ ዐርብም ሕማማተ ክርስቶስን: በተለይ መድኃኒታችን መቸንከሩን እያሰበ ረጅም ችንካርን በጉልበቱ ውስጥ ይከት ነበር:: ለቀናት ስለማያወጣውም ደሙ ፈሶ አካሉ መልኩ ይቀይር ነበር::

- እንዲህ ካሉ የቅድስናና የተጋድሎ ዓመታት በሁዋላም ሌላ ጥሪ ከፈጣሪው መጣለት:: አበው በጸሎት ላይ ሳለ መጥተው አሠሩት:: "ምን አደረኩዋችሁ አባቶቼ?" ቢላቸው የግብጽ ፓትርያርክ ነህ ከዚህ በሁዋላ" አሉት:: ቢለምናቸውም እንቢ አሉት::

- "እንግዲያውስ" ብሎ: ምላሱን አውጥቶ: በመቀስ ቆርጦ ጣላት:: መናገር የማይችል ሰው ክህነት አይሾምምና:: [ እንዲህ ነበር አበው ሥልጣንን የሚሸሿት ] ነገር ግን እመቤታችን ከሰማይ ወርዳ "ወዳጄ! ነገሩ የልጄ ፈቃድ ስለ ሆነ እሺ በላቸው" ብላ አዲስ ምላስን ሰጠችው::

- የግብጽ ፹፯ኛ ሊቀ ዻዻሳት ሆኖ ሥርዓተ ሲመቱ ሲፈጸም የወንጌላዊ ቅዱስ ማርቆስ ራሱ በዚያ ነበረችና ክንፍ አውጥታ: በራ ቅዱስ ማቴዎስን ስትስመው ሁሉም አዩ:: ከሰማይም ማሕበረ መላእክት "አክዮስ-ይገባዋል" ብለው ሲጮሁ ተሰማ::

- ቅዱስ ማቴዎስ ምንም ፓትርያርክ ቢሆንም ለትምሕርት: ለቅዳሴና መሰል ነገሮች ካልሆነ ከበዓቱ አይወጣም ነበር:: ገንዘብ የሌለው: ጥሩ ልብስ የማይለብስ ነበርና "ነዳዩ" እየተባለ እስካሁን ይጠራል::

- በዘመነ ዽዽስናው ብዙ ተግባራትን ሲከውን ዋኖቹ ግን የእመቤታችን ተአምር በሥርዓት እንዲነበብ ማድረጉ ቀድሞ ይጠቀሳል:: በተረፈም የጌታችን ግማደ መስቀሉ ወደ ኢትዮዽያ እንዲመጣም ትልቅ አስተዋጽኦን አድርጉዋል::

- በተሰጠው የትንቢት ሃብትም ወደ ፊት የሚፈጸሙ ነገሮችን ተመልክቷል:: የተናገራቸውም ሁሉ ተፈጽመዋል:: በመጨረሻው ግን ያሰቃየው የነበረው የወቅቱ የግብጽ ከሊፋ [ ክፉ ሰው ] አስጠርቶ አካሉ እስኪደቅ ድረስ ገረፈው::

- ቅዱስ ማቴዎስም ወደ እመቤታችን ጮኸ:: ድንግልም ወርዳ አጽናናችውና "አሳርፍሃለሁ" አለችው:: ሕዝቡን ተሰናብቶም በዚህች ቀን ዐርፏል::

🕊 † ቅዱስ አውስግንዮስ አረጋዊ † 🕊

- ይህ ቅዱስ ሽማግሌ በሃይማኖቱ ጽናት: በምግባሩ ብዛት ለወጣቶች አብነት መሆን የቻለ አባት ነው:: በብዛት የሚታወቀው በሰማዕትነቱ ቢሆንም በቅዱስ ሰውነቱ በርካታ መልካም ነገሮችን ሠርቷል::

- በ፬ኛው መቶ ክ/ዘመን መነሻ አካባቢ [ ዘመነ ሰማዕታት ሊጠናቀቅ ሲል ማለት ነው ] የቅዱስ ቆስጠንጢኖስ [ የንጉሡ ] ወታደር ሁኖ ተቀጠረ:: ንጉሡ ወደ መክስምያኖስ ለጦርነት ሲሔድ በሰማይ ላይ መስቀልና "ኒኮስጣጣን" የሚል ጽሑፍን ተመልክቷል::

- ሁሉም ሰው ለመተርጐም ሲፈራ ወጣቱ አውስግንዮስ ግን በድፍረት ለንጉሡ ክብረ መስቀልንና ትርጉሙን አስረዳ:: በቅዱሱ ንጉሥ ሥርም በወታደርነት ለ፳ ዓመታት አገለገለ::

105

ኦርቶዶክስ ሃይማኖታችን

12 Jan, 20:27

- ከዚያም ሥጋዊ ተግባሩን ትቶ በጾምና በጸሎት: ሰዎችንም በማስታረቅ: በማስተማርም ተወሰነ:: ፈጣሪ ጸጋውን አብዝቶለትም ዕድሜው ፻፲ ዓመት ደረሰ::

- በጊዜውም የነበረው ከሃዲው ዑልያኖስ "ሰዎችን አስታርቀሃልና ክርስቶስን አምልከሃል" በሚል በዚህች ቀን አንገቱን አሰይፎታል:: ዑልያኖስን ደግሞ ቅዱስ መርቆሬዎስ ተበቅሎታል::

አምላከ ቅዱሳን ስለ አባቶቻችን ሲል ይማረን:: ከበረከታቸውም ይክፈለን::

🕊

[ ጥር ፭ [ 5 ] ቀን የሚከበሩ ዓመታዊ የቅዱሳን በዓላት ]

፩. ቅዱስ አባ ማቴዎስ
፪. ቅዱስ አውስግንዮስ አረጋዊ [ ሰማዕት ]
፫. ቅድስት እስክንድርያ
፬. ቅድስት አውስያ ሰማዕት

[ ወርሐዊ በዓላት ]

፩. ቅዱስ ዼጥሮስ ሊቀ ሐዋርያት
፪. ቅዱስ ዻውሎስ ብርሃነ ዓለም
፫. አቡነ ገብረ መንፈስ ቅዱስ
፬. ቅዱስ ዮሐኒ ኢትዮዽያዊ
፭. ቅዱስ አሞኒ ዘናሒሶ
፮. ቅድስት አውጋንያ [ ሰማዕትና ጻድቅ ]

" አባቶች ሆይ ! ከመጀመሪያ የነበረውን አውቃቹሃልና እጽፍላቹሃለሁ:: ጐበዞች ሆይ ! ክፉውን አሸንፋቹሃልና እጽፍላቹሃለሁ:: ልጆች ሆይ! አብን አውቃቹሃልና እጽፍላቹሃለሁ:: አባቶች ሆይ! ከመጀመሪያ የነበረውን አውቃቹሃልና እጽፍላቹሃለሁ:: ጐበዞች ሆይ ! ብርቱ ስለ ሆናችሁ: የእግዚአብሔርም ቃል በእናንተ ስለሚኖር: ክፉውንም ስላሸነፋችሁ እጽፍላቹሃለሁ::" [፩ዮሐ.፪፥፲፫]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

† † †
▬▬▬▬▬ ▬▬▬ ▬▬▬▬▬
💖 🕊 💖

118

ኦርቶዶክስ ሃይማኖታችን

04 Jan, 16:50

                       †

[ 🕊 ነ ገ ረ    ል ደ ቱ    🕊 ]

🍒▬▬▬▬▬▬▬▬▬▬🍒

[     ነገረ ልደቱ በሊቃውንት !    ]


🕊                      💖                    🕊

❝ እሳትን ለብሷል ፣ በመጠቅለያ ጨርቅም ተጠቅልሏል ግን ደግሞ ከመታወቅ በላይ ነው በዙፋን ላይ ተቀምጧል እንዲኹም በግርግም ተኝቷል ፤ ግን ደግሞ አይመረመርም በኪሩቤል ዠርባ ላይ ተቀምጧል እንዲኹም ጉልበቶች ተሸክመውታል ፤ ... እርሱን ይረዳው ያውቀው ዘንድ ማን ይችላል ❞

[ ቅዱስ ያዕቆብ ዘስሩግ ]

🕊

❝ ሰው ሆይ ! ሥጋ ያልነበረ እርሱ ለአንተ ብሎ ሥጋን ተዋሐደ ፤ ሰው ሆይ ! በመለኮቱ አይዳሠሥ የነበረ ነፍስን ሥጋን የተዋሐደ ቃል ለአንተ ብሎ ተዳሠሠ። በመለኮቱ ጥንት የሌለው እርሱ ጥንት ያለውን ፍጹም ሥጋ ተዋሐደ። ... እርሱ በድንግል ማኅፀን አደረ ሰማይን በደመና የሚሸፍን እርሱ በጨርቅ ተጠቀለለ ፤ የነገሥታት ንጉሥ በበረት ተጣለ። ❞

[ ቅዱስ አጢፎስ ዘቁስጥንጥንያ ]

🕊                      💖                    🕊
                             👇

59

ኦርቶዶክስ ሃይማኖታችን

04 Jan, 12:07

                     †

🕊 በመጠቅለያ ጨርቅም ተጠቅልሏል 🕊

💖

[   ቅዱሳን አባቶቻችን ስለ ጌታችን ልደት እንዲህ አሉ ]

💖                🕊                      💖

❝ የእግዚአብሔር የባሕርይ ልጅ ሲሆን ሰው ይባላል። ዳግመኛም የአዳም ልጅ ይባላል። ሰማያዊ ሲሆን በፈቃዱ ምድራዊ ሆነ። ❞

[ ቅዱስ አትናቴዎስ ሐዋርያዊ ]

❝ እሳትን ለብሷል ፣ በመጠቅለያ ጨርቅም ተጠቅልሏል ግን ደግሞ ከመታወቅ በላይ ነው በዙፋን ላይ ተቀምጧል እንዲኹም በግርግም ተኝቷል ፤ ግን ደግሞ አይመረመርም በኪሩቤል ዠርባ ላይ ተቀምጧል እንዲኹም ጉልበቶች ተሸክመውታል ፤ ... እርሱን ይረዳው ያውቀው ዘንድ ማን ይችላል ❞

[ ቅዱስ ያዕቆብ ዘስሩግ ]

❝ በመለኮቱ ጥንት በሌለው አስቀድሞ ዓለም ሳይፈጠር በመለኮቱ ከአብ በተወለደ ዳግመኛም እኛን ለማዳን በኋላ ዘመን ከቅድስት ድንግል ማርያም በተወለደ በእግዚአብሔር ልጅ እናምናለን። የቀኑ ቀጠሮ ሲደርስ እግዚአብሔር ልጁን ላከ ከድንግልም ተወለደ ብሎ ብፁዕ ሐዋርያ ቅዱስ ጳውሎስ እንዳስተማረን። ❞

[ ቅዱስ አትናቴዎስ ዘእስክንድርያ ]

❝ ሰው ሆይ ! ሥጋ ያልነበረ እርሱ ለአንተ ብሎ ሥጋን ተዋሐደ ፤ ሰው ሆይ ! በመለኮቱ አይዳሠሥ የነበረ ነፍስን ሥጋን የተዋሐደ ቃል ለአንተ ብሎ ተዳሠሠ። በመለኮቱ ጥንት የሌለው እርሱ ጥንት ያለውን ፍጹም ሥጋ ተዋሐደ። ... እርሱ በድንግል ማኅፀን አደረ ሰማይን በደመና የሚሸፍን እርሱ በጨርቅ ተጠቀለለ ፤ የነገሥታት ንጉሥ በበረት ተጣለ። ❞

[ ቅዱስ አጢፎስ ዘቁስጥንጥንያ ]

❝ የከበሩ መጻሕፍት ክርስቶስ ሰው እንደሆነ እንደሚነግሩን አምላክም እንደሆነ እንዲሁ እነርሱ ይነግሩናል። ግዙፍ እንደሆነ እንደሚነግሩን ረቂቅም እንደሆነ ፤ የእግዚአብሔር ቃልም እንደሆነ እርሱ ራሱም እግዚአብሔር እንደሆነ እንዲሁ ይነግሩናል። ከንጽሕት ድንግል ማርያም በኋላ ዘመን እንደተወለደ እንደሚነግሩን ቀድሞም ከአብ እንደተወለደ እንዲሁ ይነግሩናል። ❞

[ ቅዱስ ሄሬኔዎስ ዘኤዶም ]

†                      †                       †
💖                🕊                      💖

65

ኦርቶዶክስ ሃይማኖታችን

04 Jan, 05:07

🕊

† በስመ አብ ወወልድ ወመንፈስ ቅዱስ ፩ አምላክ፡፡ አሜን፡፡ †

" ታሕሳስ ፳፮ [ 26 ] ቀን የሚከበሩ ዓመታዊ የቅዱሳን በዓላት "

[ † 🕊 ቅድስት አንስጣስያ 🕊 † ]

እስኪ ዛሬ በጥቂቱ የተባረኩ እናቶቻችን እንዘክር:: "ቅድስት" የሚለው ቃል ለሁሉም ቅዱሳት እናቶች ቢሰጥም ቅሉ ለድንግል ማርያም ሲሰጥ ግን ትርጉሙ ይለያል:: እርሷ 'ቅድስተ ቅዱሳን ንጽሕተ ንጹሐን: ቡርክት እምቡሩካን ኅሪት እምኅሩያን ናትና::

ከሰው ልጆችም ሁሉ ትበልጣለች:: ይቅርና የሰው ልጅን ንጹሐን መላእክትንም በንጽሕናና በቅድስና ትበልጣቸዋለች:: እርሷ እመ ብርሃን የአምላክ እናቱ የሰውነታችን መመኪያ ናትና::

እመቤታችንን "ቅድስት" ስንል "ጽንዕት ንጽሕት ክብርት ልዩ" ማለታችን ነው::

፩. "ንጽሕት" ትባላለች:: ሌሎች ሰዎች [ቅዱሳን] ቢነጹ ከገቢር ከነቢብ ኃጢአት ነው እንጂ ከኃልዮ ኃጢአት አይደለም:: እርሷ ግን ከነቢብ ከገቢር ከኃልዮ ንጽሕት ናት::

"ለመኑ ተውኅቦ ተደንግሎ ኅሊና ለመላእክትሂ ኢተክህሎሙ - ኃጢአትን ከማሰብ መጠበቅ ከሰው ልጆች ለማን ተሰጠው ይህስ ለመላእክትም አልተቻላቸውም" እንዲል:: [ተአምረ
ማርያም]

፪. "ጽንዕት" እንላታለን:: ሴቶች ቢጸኑ ለጊዜው ነው እንጂ በኋላ በጊዜው ተፈትሆ አለባቸው:: እመቤታችን ግን ቅድመ ጸኒስ: ጊዜ ጸኒስ: ድኅረ ጸኒስ: ቅድመ ወሊድ: ጊዜ ወሊድ: ድኅረ ወሊድ ድንግል ናትና:: "ጽንዕት በድንግልና አልባቲ ሙስና" እንዳላት:: [ቅዱስ ያሬድ]

ታላቁ ቅዱስ ባስልዮስም "ወትረ ድንግል ማርያም- ማርያም ዘለዓለማዊት ድንግል ናት" እንዳለ:: [መጽሐፈ ቅዳሴ]

፫. ድንግልን "ክብርት" እንላታለን:: ሌሎች ሴቶች ቢከብሩ ጻድቃን ሰማዕታትን ነቢያት ሐዋርያትን ወልደው ነው:: እመቤታችንን ግን የምናከብራት "ወላዲተ አምላክ- የአምላክ እናቱ" ብለን ነውና::

፬. እመቤታችንን "ልዩ" እንላታለን:: ከእርሷ በቀር እናት ሁና ድንግል እመቤት ሁና አገልጋይ የሆነች: በድንግልና ወልዳ ወተትን [ሐሊበ ድንግልናዌን] ያስገኘች ሌላ ሴት የለችምና::

የእመ ብርሃን ይቆየንና ደግሞ ሌሎች ቅዱሳት እናቶቻችንን እንመልከት:: እናቶቻችን ስናከብር የምንጀምረው በቅድስት ሔዋን ነው:: ብዙ ጊዜ የእናታችን ሔዋን ጥፋቷ እንጂ በጐ ነገሯ ደግነቷ: ንስሃዋ አይነገርላትም:: ሆኖም እናታችን ቅድስት ሔዋን ክብር የሚገባት ሴት ናት::

ክርስቶስ ሰው የሆነ እርሷንና ልጆቿን ለመቀደስ ነውና:: "ከመ ይስዓር መርገማ ለሔዋን ዲበ ዕፅ ተሰቅለ" እንዲል:: [ድጉዋ]

ቀጥሎ በብሉይ ኪዳን እነ ሐይከል እድና ሣራ ርብቃ አስኔት ሲፓራ ሐና ቤርሳቤህን የመሰሉ እናቶቻችን በበጐው መንገድ ፈጣሪን ደስ አሰኝተዋል:: በዘመነ ሥጋዌም ቅዱሳቱ ሐና ኤልሳቤጥ ማርያም ሶፍያ ሰሎሜ ዮሐና እና ፴፮ቱ ቅዱሳት አንስት በጐነታቸው ያበራል::

ከዚያ ጀምሮ እስከ ዛሬ ድረስ ለ፪ ሺህ ዓመታት የተነሱ አእላፍ ቅዱሳት እናቶቻችንን ግን ዘርዝረን አንዘልቃቸውም:: በቅድስናቸው አራዊትን ያሰገዱ ነገሥታትን ያንቀጠቀጡ አጋንንቸትን የረገጡ በዘንዶ ላይ የተጫሙ ብዙ እናቶችን ቤተ ክርስቲያን አፍርታለች::

ዛሬም ቢሆን በበርሃና በከተማ በጐውን ጐዳና የተከተሉ ብዙ እናቶች እንዳሉን እናውቃለን:: አንድም እናምናለን:: ግን ግን በከተሞች የምንመለከተው ሥርዓቱን የለቀቀው የበርካታ እህቶቻችን አካሔድ ለሃገርም ለቤተ ክርስቲያንም ትልቅ ስጋት ነው:: ክብርና ነውር የማይለይበት ዘመን ይመስላል::

ይህንን እያነበባችሁ ያላችሁ እህቶቼ! አንድ ነገር ልንገራችሁ:: በመልካቸው ብዙዎችን ያጋጩ: አጊጠው በመታየታቸው ብዙዎችን ያሰናከሉ: ለብዙ ምዕመናንም የጥፋት ምክንያት የሆኑ ብዙ ሴቶች በታሪክ ነበሩ::

የሚያሳዝነው ግን ዛሬ ያሉት ከመሬት በታች ነው:: አፈር በልቷቸዋል:: ስም አጠራራቸውም ጠፍቷል:: በጣም የሚያሳዝነው ደግሞ ዛሬ በዘለዓለማዊው እሳት እየተቃጠሉ በሲኦል በጥልቁ ውስጥ አሉ::

እናም ወገኖቼ! ይህን አውቀን እንንቃ:: ይህ ዓለም ጠፊም አጥፊም ነውና:: እድሜአችን ቢረዝምና ከዚህ በኋላ ለ፻ ዓመታት ብንኖርም እርሱም ማለቁ አይቀርምና:: ምርጫችን ዘለዓለማዊው ሕይወት ይሁን ትላለች ቅድስት ቤተ ክርስቲያን::

🕊 † ቅድስት አንስጣስያ † 🕊

ይህች ቅድስት እንደ በርካቶቹ ቅዱሳት እናቶቻችን ሁሉ የዘመነ ሰማዕታት ፍሬ ናት:: በቀደመችው ታናሽ እስያ አካባቢ ተወልዳ የነገሥታት ዘር በመሆኗ ያደገችው በቤተ መንግሥት ነው:: አባቷ ከክቡራኑ አንዱ ቢሆንም ሙያው ጣዖትን ማምለክ ነበር::

ጊዜው የመከራ በመሆኑ ብዙ ሴቶች የሚኖሩት ክርስትናቸውን ደብቀው ነው:: ከእነዚህ መካከል አንዷ ደግሞ የቅድስት አንስጣስያ እናት ናት:: ማንን እንደምታመልክ አረሚ ባሏ አያውቅም ነበር::

አንስጣስያን በወለደች ጊዜም በድብቅ አስጠመቀቻት:: ከሕጻንነቷ ጀምሮም ፍቅረ ክርስትና እንዲያድርባት ነገረ ሃይማኖትን አስተማረቻት:: ቅድስት አንስጣስያ ወጣት በሆነች ጊዜ ግን ከውበቷ የተነሳ ተመልካቿ በዛ:: እርሷ ግን ይህ ሁሉ የዓለም ኮተት አይገባትም ነበር::

በፈጣሪዋ ፍቅር ከመጠመዷ የተነሳ ለመሰል ነገሮች ትኩረት አልነበራትም:: ትጾማለች ትጸልያለች ነዳያንና እሥረኞችን ትጐበኛለች:: በዚህም ዘወትር ደስ ይላት ነበር:: ነገር ግን አባቷ ባላሰበችው ጊዜ ለአንድ አረማዊ አጋባት:: በጣም አዘነች ግን ተስፋ አልቆረጠችምና መፍትሔ ፈለገች::

ድንግልናዋን እንዳያረክስ በጫጉላዋ ቀን ታመምኩ ብላ ተኛች:: ከዚያ በኋላም አንዴ በልማደ አንስት አንዴ በሕመም እያመካኘች አላስቀርብ አለችው:: እርሱ የጦር አለቃ በመሆኑ ወደ ጦርነት ሲሔድ እርሷ ታጥቃ ስለ ቀናች እምነት የታሠሩ ክርስቲያኖችን ታገለግል ነበር::

ቁስላቸውን እያጠበች አንጀታቸውን በምግብ እየደገፈች ደስ ታሰኛቸውም ነበር:: ባሏ ሲመለስ ግን ይህንን በመስማቱ ድጋሚ እንዳትወጣ ቆልፎባት ወደ ጦርነት ተመለሰ:: ፈጽማ ስላዘነችበትም እግዚአብሔር በጠላቶቹ እጅ አሳልፎ ሰጠውና ሞተ::

እርሷም ከነ ድንግልናዋ ቀሪ ሕይወቷን ስትመራ መከራው ወደ እርሷ ደረሰ:: ተይዛ ቀርባ በአረማውያን እጅ ብዙ ተሰቃየች:: በዚህች ቀንም ስለ ክርስቶስ ተገድላ ክብረ ሰማዕታትን ተቀዳጀች::

🕊 † ቅዱስ አቦሊ ጻድቅ † 🕊

80

ኦርቶዶክስ ሃይማኖታችን

04 Jan, 05:07

ቅዱሱ በቤተ ክርስቲያን ታሪክ የክርስቶስን ሕማማት ለመሳተፍ ሲተጉ ከኖሩ ጻድቃን አንዱ ነው:: መሉ ጊዜውን በበርሃ ሲያሳልፍ ብዙ ተጋድሎን ፈጽሟል:: በተለይ ሲጸልይ እግሩን ከዛፍ ላይ አስሮ ቁልቁል ከባሕር ውስጥ ሰጥሞ ነው:: ዛሬ ቤተ ክርስቲያን ዕረፍቱን ታስባለች::

አምላከ ቅዱሳን ጸጋውን: ክብሩን ያድለን:: ከወዳጆቹ በረከትም አይለየን::

🕊

[ † ታሕሳስ ፳፮ [ 26 ] ቀን የሚከበሩ ዓመታዊ የቅዱሳን በዓላት ]

፩. ቅድስት አንስጣስያ ሰማዕት
፪. ቅዱስ አቦሊ ጻድቅ
፫. ቅድሰት ዮልያና ሰማዕት

[ † ወርኀዊ የቅዱሳን በዓላት ]

፩. ቅዱስ ቶማስ ሐዋርያ
፪. አቡነ ሐብተ ማርያም ጻድቅ
፫. አቡነ ኢየሱስ ሞዐ ዘሐይቅ
፬. ቅዱሳን ሰማዕታተ ናግራን
፭. ቅዱስ አቡነ ሰላማ ከሣቴ ብርሃን

" ለእናንተም ጠጉርን በመሸረብና ወርቅን በማንጠልጠል ወይም ልብስን በመጐናጸፍ በውጭ የሆነ ሽልማት አይሁንላችሁ:: ነገር ግን በእግዚአብሔር ፊት ዋጋው እጅግ የከበረ የዋህና ዝግተኛ መንፈስ ያለውን የማይጠፋውን ልብስ ለብሶ የተሰወረ የልብ ሰው ይሁንላችሁ::" [፩ዼጥ.፫፥፫]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

† † †
▬▬▬▬▬ ▬▬▬ ▬▬▬▬▬
💖 🕊 💖

76

ኦርቶዶክስ ሃይማኖታችን

03 Jan, 16:28

                     †

🕊 አስደናቂው የልደት ምስጢር 🕊

💖

[ የአዳኛችንን በሥጋ መወለድ በተመለከተ በልደቱ ውስጥ ያለው አስደናቂ እና ጥልቅ መገለጥ ]

💖                  🕊                     💖

[ የትሕትና አመጣጡና የአጋንንት መሸበር ]

" ርሱ በዋሻ ዐደረ እና የገነኑትን ምኵራቦች አፈረሰ። ስሕተት [ ጥፋት ] በተለያዩ ስፍራዎች ለባዶ ከንቱ ጣዖታት ያነጻቸውን በቤተልሔም በግርምም ውስጥ የተወለደው የርሱ ልደት ታላቅ [ ገናና ] ኾነ።

ዕብሪተኛውን ከስፍራው ከጣለው ከትሕትናው የተነሣ ድንግሊቱ ወለደች አማልክትም ለመውደቅ ተናወጡ ፤ ክፉ መናፍስትም ከወደቀባቸው ዱብ ዕዳ የተነሣ ተሸበሩ፡፡

የምድር ጣዖታት በየልብሶቻቸው ውስጥ በድንጋጤ ይርዱ ዠመር። ያልታሰበ [ ያልተጠበቀ ] መናወጥም የጣዖት አምልኮን በቅጽበት ውስጥ ገረሰሰው ፤ በሚታዩ ቅርጻ ቅርጽ የተሸሽጉ አጋንንት ለመውደቅ ተንገዳገዱ ፤ የተሣሉ ምስሎች ውበትም መርገፍ ዠመረ ፤ በጣዖት አምልኮ ውስጥ ተከሥቶ ካዩት ምልክት [ ለውጥ ] የተነሣ አጋንንት ዋይ ብለው ጮኹ።

ከደረሰባቸው ነውጥ የተነሣ ፍጹም ሊወድቁ ነውና ፤ የብርሃን ጸዳል ከቤተልሔም በእነርሱም ላይ አበራ ፤ ከታላቁ ነጸብራቁ የተነሣም ጨለማው ራደ ፤ የርሱ ብርሃን ነጸብራቅ ከዳዊት ቤት ወጥቶ በፍጥረት ላይ አበራ ጥቁር [ የጨለማ ] ደመናቸውንም ይገፍፍ ዠመር።

ሕያው እሳት ራሱን በመጠቅለያ ጨርቅ ጠቀለለ ፤ ይኽንን ያወቁት አሜከላና እሾኾችም ከርሱ የተነሣ ሸሹ፡፡ የምድር እረኛ በገዛ [ በራሱ ] መስክ ውስጥ የበግ ጠቦት ኾነ [ ዮሐ.፲፥፲፩ ] ተኵላዎችም አይተው በፍርሀት ይሸሹ ዠመሩ።"

[ 🕊 ቅዱስ ያዕቆብ ዘስሩግ 🕊 ]

💖                  🕊                     💖

" አምላክን ያለ ርኩሰት የወለድሽው ሆይ የምድር ሁለተኛ ሰማይን ሆነሽ እውነተኛ ፀሐይ ካንቺ ወጥቶልናልና እንደ ነቢያት ትንቢትም ያለ ዘርና ያለ መለወጥ ወለድሽው ቅድስት ሆይ ለምኝልን፡፡" [ ውዳሴ ማርያም ዘቅዳሜ ]

†                     †                      †
💖                   🕊                     💖

109

ኦርቶዶክስ ሃይማኖታችን

01 Jan, 21:21

🕊

† ታኅሳስ ፳፬ [ 24   ]  †

[ ✞ እንኩዋን ለቅዱስ አቡነ ተክለ ሃይማኖት: ቅዱስ አግናጥዮስ እና ቅድስት አስቴር ዓመታዊ የዕረፍት በዓል በሰላም አደረሳችሁ ✞   ]

† በስመ አብ ወወልድ ወመንፈስ ቅዱስ አሐዱ አምላክ አሜን። †

---------------------------------------------

🕊 ቅዱስ ተክለ ሃይማኖት ሐዋርያዊ 🕊

†    ልደት   †

- መልካም ዛፍ መልካም ፍሬን ያፈራልና ተክለ ሃይማኖትን የወለዱት ደጋጉ : ጸጋ ዘአብ ካህኑና እግዚእ ኃረያ ናቸው:: እርሱ በክህነቱ: እርሷ በደግነቷ: በምጽዋቷ ጸንተው ቢኖሩ እግዚአብሔር ጣፋጭ ፍሬን ሰጥቷቸዋል::

- በዳሞቱ ገዢ በሞተለሚ አደጋ ቢደርስባቸው ቅዱስ ሚካኤል : ጸጋ ዘአብን ከሞት: እግዚእ ኃረያን ከትድምርተ አረሚ [ ከአረማዊ ጋብቻ ] አድኗቸዋል:: በኋላም የቅዱሱን መወለድ አብስሯቸዋል::

- አቡነ ተክለ ሃይማኖት የጸነሱት መጋቢት ፳፬, በ፩ ሺህ ፪ መቶ ፮ [1206] (1196) ሲሆን የተወለዱት ታሕሳስ ፳፬ [24] , በ፲፻፯ [1207] (1197) ዓ/ም ነው:: በተወለዱበት ቀንም ብዙ ተአምራት ተገልጸዋል:: ቤታቸውም በበረከት ሞልቷል::

† ዕድገት †

- የጻድቁ የመጀመሪያ ስማቸው " ፍሥሃ_ጽዮን " ይሰኛል:: ይሕንን ስም ይዘው: አባታቸው ጸጋ ዘአብን ተከትለው አድገዋል:: በተለይ ቅዱሳት መጻሕፍትን [ብሉያት: ሐዲሳትን] ተምረዋል:: በሥጋዊው ጐዳናም ብርቱ አዳኝ እንደ ነበሩ ይነገራል:: ዲቁና ከወቅቱ ዻዻስ አባ ጌርሎስ ተቀብለዋል::

† መጠራት †

- አንድ ቀን ፍሥሃ ጽዮን ለአደን ወጥቶ ሲያነጣጥር ድንገት ከሰማይ አስደንጋጭ ድምጽ ተሰማ:: የክብር ባለቤት ጌታችን ኢየሱስ ክርስቶስ አእላፍ መላእክት እያመሰገኑ በሚካኤል ክንፍ ተቀምጦ ወረደ::

- የወጣቱን አዳኝ ፍርሃቱን አርቆ ጌታችን ተናገረ:

" ከዛሬ ጀምሮ ስምህ ተክለ ሃይማኖት [ ተክለ ሥላሴ ] ይሁን:: አራዊትን ሳይሆን ነፍሳትን ታድናለህ:: ዘወትር ካንተ ጋር ነኝ" ብሎ በግርማ ዐረገ:: ቅዱስ ተክለ ሃይማኖት ከዚህ ጊዜ በኋላሰዓትን አላጠፉም:: ንብረታቸውን ለነዳያን በትነው በትር ብቻ ይዘው ቤታቸው እንደ ተከፈተ ወደ ምናኔ ወጡ::

†   አገልግሎት   †

- ቅዱስ ተክለ ሃይማኖት ከዻዻሱ ቅስና ተቀብለው የወንጌል አገልግሎትን ጀመሩ:: በመጀመሪያ ስብከታቸው እዚያው ሽዋ [ ጽላልሽ ] አካባቢ ብቻ በ ፲ ሺ የሚቆጠሩ ሰዎችን አሳምነው አጠመቁ:: ያንጊዜ ኢትዮዽያ ፪ መልክ ነበራት::

፩. ዮዲት [ ጉዲት ] በፈጠረችው ጣጣና በእስላሞች ተጽዕኖ ወደ ደቡብ አካባቢ ያለው ነዋሪ አንድም ሃይማኖቱን ክዷል: ወይም በባዕድ አምልኮ ተጠምዷል::

፪. ደግሞ በዛግዌ ነገሥታት ጥረት ክርስትናና ምናኔ ተነቃቅቶ ነበር::

- ግማሹ ሃገር በጨለመበት ወቅት የደረሱት ሐዲስ ሐዋርያ አባ ተክለ ሃይማኖት በወጣት ጉልበታቸውና በኃይለ መንፈስ ቅዱስ ብዙ ቦታዎችን አደረሱ:: ሕዝቡን: መሣፍንቱን ወደ ሃይማኖት መልሰው: ማርያኖችን [ ጠንቁዋዮችን ] አጥፍተዋል::

† ገዳማዊ ሕይወት   †

- ቅዱስ ተክለ ሃይማኖት በወንጌል ብርሃን ኢትዮዽያን ከማብራታቸው ባለፈ ገዳማዊ ሕይወትንም አስፋፍተዋል:: እርሳቸው ከሁሉ የተሻሉ ሳሉም በ ፫ ገዳማት በረድዕነት አገልግለዋል::

- እነዚህም በአቡነ በጸሎተ ሚካኤል ገዳም ለ፲፪ ዓመታት: በአቡነ ኢየሱስ ሞዐ ዘሐይቅ ገዳም ለ ፯ ዓመታት: በደብረ ዳሞ ከአቡነ ዮሐኒ ጋር ለ ፯ ዓመታት: በአጠቃላይ ለ፳፮ ዓመታት አገልግለዋል::

- በአቡነ ኢየሱስ ሞዐ ከመነኮሱ በኋላም ወደ ምድረ ሽዋ ዞረሬ ተመልሰው በአንዲት በዓት ውስጥ ለ ፳፪ ዓመታት ቆመው ጸልየዋል:: በተሰበረ እግራቸውም ፮ ጦሮችን በግራና በቀኝ ተክለው ለ ፯ ዓመታት ጸልየዋል::

† ስድስት ክንፍ   †

- ኢትዮዽያዊው ጻድቅና ሐዋርያ ቅዱስ ተክለ ሃይማኖት ከኢትዮዽያ ወደ ኢየሩሳሌም ተጉዘው ከቅዱሳት መካናት ተባርከዋል:: ጻድቁ ምድረ እሥራኤል የገቡት በየመንገዱ መንፈሳዊ ዘርን እየዘሩ: እያስተማሩና እያሳመኑ ነበር::

- የወቅቱ ሊቀ ዻዻሳት አባ ሚካኤል ጋርም ተገናኝተው ቡራኬን ተሰጣጥተዋል:: ዋናው ጉዳይ ግን ከዚህ በኋላ ነው:: ጻድቁ እመቤታችንና ጌታችን ከጽንሰታቸው እስከ ዕርገታቸው የረገጧቸውን ቦታዎች ሲመለከቱ በፍጹም ተደሞ እንባቸው ይፈስ ነበር::

- ምክንያቱም እግዚአብሔር ስላበቃቸው ተክለ ሃይማኖት የሚያዩት ቦታውን አልነበረም:: በገሃድ :-

- በቤተ መቅደስ ብስራቱን
- በቤተ ልሔም ልደቱን
- በቤተ ዮሴፍ ግዝረቱን
- በፈለገ ዮርዳኖስ ጥምቀቱን
- በቤተ አልዓዛር ተአምራቱን ይመለከቱ ነበር::

- የጉብኝታቸው የመጨረሻ ክፍል ወደሆነው ቀራንዮ ደርሰው ጌታቸውን እንደ ተሰቀለ ሆኖ ቢመለከቱት ከዓይናቸው ይፈስ የነበረው ቁጡ እንባ መልኩን ቀየረና ዓይናቸው ጠፋ:: በዚያች ቅጽበት ስም አጠራሯ የከበረ እመቤታችን ድንግል ማርያም ፈጥና ደርሳ ጻድቁን ወደሰማይ አሳረገቻቸው::

† በዚያም :-

- የብርሃን ዐይን ተቀብለው
- ፮ ክንፍ አብቅለው
- የወርቅ ካባ ላንቃ ለብሰው
- ማዕጠንተ ወርቁን ይዘው
- ከ፳፬ቱ ካህናተ ሰማይም ተደምረው
- ሥላሴን በአንድነቱና ሦስትነቱ ተመልክተው
- "ስብሐት ወክብር ለሥሉስ ቅዱስ ይደሉ" ብለው መንበረ ጸባኦትን አጥነው ወደ መሬት ተመልሰዋል::

† ተአምራት   †

- የጻድቁ ተአምራት እንደ ሰማይ ከዋክብት የበዛ ነው::

- ሙት አንስተዋል
- ድውያንን ፈውሰዋል
- አጋንንትን አሳደዋል
- እሳትን ጨብጠዋል
- በክንፍ በረዋል
- ደመናን ዙፋን አድርገዋል::

- ብዙ ደቀ መዛሙርትን አፍርተው ደብረ ሊባኖስን መሥርተዋል:: በዚያም ሴትና ወንድ መነኮሳት እንደ ሕጻናት አብረው ኑረዋል:: በዘመናቸው ሰይጣን ታሥሯልና::

†   ዕረፍት    †

- ጻድቅ: ሰማዕትና ሐዋርያ አቡነ ተክለ ሃይማኖት ብርሃን ሆነው መከራን በብዙ ተቀብለው: አእላፍ ፍሬን አፍርተው: በተወለዱ በ፺፱ [99] ዓመት: ከ ፰ [8] ወር: ከ ፩ [1] ቀናቸው ነሐሴ ፳፬ [24] , በ፲፻፫፮ [1306] [1296] ዓ/ም ዐርፈዋል:: ጌታ: ድንግል ማርያምና ቅዱሳን ከሰማይ ወርደው ተቀብለዋቸዋል:: ፲ ትውልድ የሚያስምር ቃል ኪዳንም ተቀብለዋል::

† የጻድቁ አባታችን ቅዱስ ተክለ ሃይማኖት የቅድስናና የክብር ስሞች :-

፩. ተክለ አብ: ተክለ ወልድ: ተክለ መንፈስ ቅዱስ
፪. ፍስሐ ፅዮን
፫. ሐዲስ ሐዋርያ
፬. መምሕረ ትሩፋት
፭. ካህነ ሠማይ
፮. ምድራዊ መልዐክ
፯. እለ ስድስቱ ክነፊሁ [ባለስድስት ክንፍ]
፰. ጻድቅ ገዳማዊ
፱. ትሩፈ ምግባር
፲. ሰማዕት
፲፩. የኢትዮዽያ መነኮሳት አለቃ
፲፪. ፀሐይ ዘበፀጋ
፲፫. የኢትዮዽያ ብርሃኑዋ
፲፬. ብእሴ እግዚአብሔር [የእግዚአብሔር ሰው]
፲፭. መናኒ
፲፮. ኤዺስ ቆዾስ [እጨጌ]

እነዚህ የአባታችን ስሞች እንደዘመኑ ሰው ለመሞጋገስ የወጡ ሳይሆኑ ሁሉም በትክክል ሥራዎቹንና ለቤተ ክርስቲያን የሆነላትን የሚያዘክሩ ናቸው:

🕊 † ቅዱስ አግናጥዮስ † 🕊

ይህ ቅዱስ ሰው ከመንፈስ ቅዱስ ጸጋ የጠገበ በመሆኑ በመላው ዓለም ዝነኛ ነው:: እርሱ :-

- በክርስቶስ እጅ ተባርኩዋል
- ፈጣሪውን ፊት ለፊት አይቷል
- ሐዋርያትን አገልግሏል
- ከምሥጢር አባት ከዮሐንስ ወንጌላዊ እግር ተምሯል
- ስለ ክርስትና ለአንበሶች ተጥሎ በመገደሉ "ምጥው ለአንበሳ" ይባላል::

42

ኦርቶዶክስ ሃይማኖታችን

01 Jan, 21:21

- ቅዱስ አግናጥዮስ የተወለደው በክርስቶስ አምላካችን መዋዕለ ስብከት [በ፴ ዓ/ም አካባቢ] እንደ ሆነ ይታመናል:: በትውፊትም በማቴ.፲፰፥፩] ላይ ያለው ሕጻን እርሱ ነው ይባላል::

- ሐዋርያት ከመካከላቸው ማን እንደሚበልጥ ሲጠይቁት አንድ ሕጻንን [ አግናጥዮስን ] ከመሃል አቁሞ "ካልተመለሳችሁ: እንደዚህም ሕጻን ካልሆናችሁ ከቶውንም ወደ እግዚአብሔር መንግስት አትገቡም" ብሏቸዋል::

- ከጌታ ዕርገት በሁዋላም ሐዋርያት ለወንጌል ሲፋጠኑ ሕጻኑ ቅዱስ አግናጥዮስ እየተከተለ አገልግሏል: ተምሯል:: ኢየሩሳሌም በጥጦስ አስባስያኖስ ቄሣር በጠፋችበት ዓመት [በ፸ ዓ/ም] ቅዱሱ የአንጾኪያ ሊቀ ዻዻሳት ሆኖ ተሹሟል::

- ከዚህ በሁዋላም ለ ፪ እና ፫ አሠርት ዓመታት ከወንጌላዊ ዮሐንስ ጋር አብሮ ወንጌልን ሰብኩዋል:: የዚህ ቅዱስ ተጋድሎ ጫፍ የደረሰው ከ ፻ ዓ/ም በሁዋላ ሁሉም ሐዋርያት ሰማዕት በመሆናቸውና ትልቁን ኃላፊነት እርሱ በመሸከሙ ነው:: የወቅቷን ቤተ ክርስቲያን ከቅዱሳኑ ቀሌምንጦስ ዘሮምና ፖሊካርፐስ ዘሰርምኔስ ጋር ሆኖ እስከ ደም ጠብታ ጠብቁዋል::

- ከዚህ በሁዋላ ቅዱስ አግናጥዮስ ለዘመናት ወንጌልን እየሰበከ በሕይወቱና በትምሕርቱ አስተማረ:: ብዙ መልእክቶችን [ ድርሳናትንም ] ጻፈ:: በመጨረሻው ግን በጠራብሎስ ቄሣር ተይዞ: በብረት ሰንሰለት ታስሮ: ከአንጾኪያ [ ሶርያ ] ወደ ሮም [ ጣልያን ] ተወሰደ::

- ደሙ እስኪፈስም ገረፉት:: ዛሬ በሮም ከተማ ግማሽ አካሉ ፈርሶ በሚታየው ስታዲየም [ በአባቶቻችን አጠራር ተያጥሮን ] እንዲገደል ተወሰነበት:: በወቅቱ ባደረገው ንግግርም ቄሣሩና ሕዝቡ ድፍረቱን አደነቁ:: በመጨረሻም ለአንበሳ እንዲሰጥ ተደርጐ በዚህች ቀን ሰማዕት ሆነ::

🕊 † ቅድስት አስቴር   †   🕊

- ይህቺ ቅድስት እናት :-

- እሥራኤል በባቢሎን ምርኮ ሳሉ የነበረች
- አባቷ አሚናዳብ ባለ መኖሩ በአጐቷ መርዶክዮስ እጅ ያደገች
- እጅግ ውብ በመሆኗ የአርጤክስስ ሚስት [ ንግሥት ] ለመሆን የበቃች
- ራሷን መስዋዕት አድርጋ ወገኖቿን አይሁድን ከሞት ያተረፈች
- ለመርዶክዮስ ክብርን: ለአማሌቃዊው ሐማ ደግሞ ስቅላትን ያስፈረደች እና
- እግዚአብሔር ሞገስ የሆናት እናት ናት::
- ዛሬ ዕረፍቷ ነው::

አምላከ ቅዱሳን ወዳጆቹን ባጸናበት ቅዱስ መንፈሱ እኛንም ያጽናን:: ከበረከታቸውም ይክፈለን::

🕊

[   † ታሕሳስ ፳፬ [ 24 ] ቀን የሚከበሩ ዓመታዊ የቅዱሳን በዓላት   ]

፩. ቅዱስ አቡነ ተክለ ሃይማኖት
፪. ቅዱሳን ጸጋ ዘአብና እግዚእ ኃረያ
፫. ቅዱስ አግናጥዮስ ሐዋርያ
፬. ቅድስት አስቴር
፭. አባ ፊሎንጐስ ሊቀ ዻዻሳት
፮. አባ ዻውሊ ጻድቅ
፯. ጻድቃን ቅዱሳን ዘከዲህ

[   † ወርኀዊ በዓላት   ]

፩. ቅዱስ ቶማስ ዘመርዐስ
፪. አቡነ ዘዮሐንስ ጻድቅ ዘክብራን
፫. ቅዱስ አጋቢጦስ [ ጻድቅ ኤዺስቆዾስ ]
፬. ቅዱስ አብላርዮስ ታላቁ
፭. ፳፬ "24ቱ" ካኅናተ ሰማይ [ ሱራፌል ]
፮. ቅዱስ አባ ሙሴ ጸሊም [ ኢትዮዽያዊ ]
፯. ቅድስት ክርስቶስ ሠምራ

" ንግሥቲቱም አስቴር መልሳ:- 'ንጉሥ ሆይ ! በአንተ ዘንድ ሞገስን አግኝቼ እንደ ሆነ: ንጉሡንም ደስ ቢያሰኘው: ሕይወቴ በልመናዬ: ሕዝቤም በመሻቴ ይሰጠኝ:: እኔና ሕዝቤ ለመጥፋትና ለመገደል: ለመደምሰስም ተሸጠናልና::" [አስቴር.፯፥፫]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †             †
▬▬▬▬▬ ▬▬▬ ▬▬▬▬▬
💖                  🕊                    💖

50

ኦርቶዶክስ ሃይማኖታችን

01 Jan, 17:29

                      †

[   🕊 የኢትዮጵያ ብርሃን 🕊 ]

✞        ታህሣስ ፳፬          ✞

† እንኩዋን ለቅዱስ አቡነ ተክለ ሃይማኖት : ዓመታዊ የልደት በዓል በሰላም አደረሳችሁ   †

💖                  🕊                     💖

† ሰዳዴ ጽልመት አባታችን ቅዱስ ተክለ ሐይማኖት †

- አቡነ ተክለ ሃይማኖት የጸነሱት መጋቢት ፳፬, በ፩ ሺህ ፪ መቶ ፮ [ 1206 ] (1196) ሲሆን የተወለዱት ታሕሳስ ፳፬ [24] , በ፲፻፯ [1207] (1197) ዓ/ም ነው:: በተወለዱበት ቀንም ብዙ ተአምራት ተገልጸዋል::

🕊

❝ ...ከበዐቱ ሳይወጣ ሌሊትና ቀን ቆመ። አልተቀመጠም ወደ ግራና ወደ ቀኝም አልተንቀሳቀሰም። ውኃም ቅጠልም ቢሆን ከቅዳሜና ከእሑድ በቀር በዚያ ወራት ምንም ምን አልቀመሰም። እህል ግን ከመነኰሰ ጀምሮ እስከ ዕለተ ሞቱ ድረስ አልቀመሰም። ፀሓይንም ጨረቃንም ከዋክብትን በጋና ክረምትንም ቡቃያና አበባንም ፍሬውንም አላየም። ዓይኖች ሳሉት እንደ ዕውር ጆሮዎች ሳሉት እንደ ደንቆሮ የሚናገር የተከናወነ አንደበት እያለው እንደ ዲዳ ሆነ። ከምስጋና በቀር ምንም ምን አይናገርም።

ሌሊትና ቀንም እግዚአብሔርን አመሰገነ። ዓለምንም እንደ ትቢያና እንደ ጉድፍ ቆጠረው ከክርስቶስ ጋር እንደተሰቀለ ሆነ ልቡናውም ዘወትር ወደ ዓየር የተመሰጠ ነበር።

እንዲህ ባለም ገድል ብዙ ዘመን [፳፪ [22] ዓመታት] ኖረ። ቁመትንም ካበዛ ወዲህ አንዲቱ የእግሩ አገዳ ተሰበረች ደቀ መዛሙርቱ አንሥተው አክብረው በሰበን ጠቅልለው ከመንበሩ እግር በታች ቀበሯት። ከዚህም ባንዲት እግሩ ሰባት ዓመት ቆመ። ከነዚህም አራቱን ዓመት ውሃው አልጠጣም። ❞

[ ገድለ ተክለ ሃይማኖት ]

💖                  🕊                      💖

[ የኢቲሳ አንበሳ ፥ የኢትዮጵያ ብርሃን ፥ ቅዱስ ተክለ ሃይማኖት ሐራሴ ወንጌል ፥ የጣኦታት ጠላት ፥ ጣኦታትን የሰባበሩ ፥ የአምላካቸውን ስም ያስከበሩ ፥ ሐዲስ ሐዋርያ በረከታቸው ይደርብን ምልጃ ጸሎታቸው አይለየን፡፡ ]

†                      †                       †
💖                   🕊                      💖

81

ኦርቶዶክስ ሃይማኖታችን

01 Jan, 16:11

                     †

🕊 አስደናቂው የልደት ምስጢር 🕊

💖

[ የአዳኛችንን በሥጋ መወለድ በተመለከተ በልደቱ ውስጥ ያለው አስደናቂ እና ጥልቅ መገለጥ ]

💖                  🕊                     💖

❝ ወልድ በተወለደበት ቀን ዓለም በምስጋና ዐዲስ ኾነ ፤ ታላቅ በኾነው በርሱ ቀን ከዚያች ቅጽበት አንሥቶ ሐዲስ ተፈጥሮ ተመሠረተ፡፡ ይኽ ቀን ከቀናት ኹሉ በላይ ታላቅ ነው ፤ የዚኽ ድግስ ውበትም ከድግሶች ኹሉ በላይ የከበረ ነው፡፡ ቤተ ክርስቲያን ሆይ ባማሩ ዜማዎችሽ ንቂ [ ተነሺ ] ፤ ወልድ በተወለደባትም ቀን የምስጋናን ስጦታ ለርሱ አምጪ [ ስጪ ]፡፡

በዚኽ ቀን የተዋረደችው ሴት [ ምእመናነ አሕዛብ ] ከፍ ከፍ ትላለች ፤ በገዛ ፈቃዷ በአጋንንት ታዛ ውስጥ የወደቀች ነበረችና፡፡ በዚኽ ቀን ተወግዛ የነበረችው ያዘነች ሴት [ ምእመናነ አሕዛብ ] ሐሤት አድርጋለች ፤ ምክንያቱም ሙሽራው መጥቶ ከጣዖታት መኻከል አውጥቶ ወስዷታልና ፤ በዚኽ ቀን ሐዘንተኛዪቱ ሴት ደስ ተሰኝታለች ምክንያቱም ከሐዘኗ የተጽናናችበት የሰርግ ድግስ ተደግሷልና፡፡

ዛሬ በባርነት ለነበረችው ሴት [ ለምእመናነ አሕዛብ ] አርነት [ ነጻነት ] መጥቷል፡፡ ለጣዖት ታገለግል ዘንድ ተይዛ ለቆየችው ፤ ዛሬ ታስራ የነበረችው ነጻ ተለቃለች፡፡ ምክንያቱም ኀያሉ ርሱ ተነሥቶ የእስራቷን ሰንሰለት በጣጥሷልና !

ዛሬ ለአጋንንት ገረድ የነበረችው [ ምእመናን አሕዛብ ] ነጻነት አግኝታለች። ምክንያቱም ታላቁ ጌታ እነርሱን አሳድዶ የርሱ የኾነችውን ወስዷታልና፡፡ ዛሬ በእስራት የነበረችው ሴት [ ምእመናነ አሕዛብ ] ከጨለማ ወጥታለች፡፡ምክንያቱም ብርሃኑ በርቶ የጨለማውን ቤት መዝጊያዎች ሰባብሯልና። ❞

[ 🕊 ቅዱስ ያዕቆብ ዘስሩግ 🕊 ]

💖                  🕊                     💖

❝ ልዩ ከሆነች ድንግል ማርያም ይህ የአምላክ መወለድ ምን ይደነቅ ! ቃልን ወሰነችው ልደቱንም ዘር አልቀደመውም በመወለዱም ድንግልናዋን አልለወጠውም ፤ ቃል ከአብ ያለ ድካም ወጣ ከድንግልም ያለ ሕማም ተወለደ ፤ ሰብአ ሰገል ሰገዱለት አምላክ ነውና ዕጣን አመጡለት ንጉሥም ነውና ወርቅ አመጡለት ፤ ስለ እኛ በፈቃዱ ለተቀበለው መዳኛችን ለሆነ ሞቱም ከርቤ አመጡለት ፤ ቸርና ሰውን ወዳጅ የሆነ አንድ እርሱ ብቻ ነው፡፡ ቅድስት ሆይ ለምኝልን። ❞

[ ውዳሴ ማርያም ዘሐሙስ ]

†                     †                      †
💖                   🕊                     💖

87

ኦርቶዶክስ ሃይማኖታችን

01 Jan, 12:54

                        †

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †   ▬▬▬▬▬▬

[ ቅዱስ መቃርዮስ ካስተማረው ትምህርት ]

[          ክፍል ስድሳ ስድስት           ]

                         🕊

[ ስለ መንፈሳዊ ተጋድሎ ያስተማረው ! ]

🕊

❝   አንድ እኁ እንዲህ ሲል ቅዱስ መቃርዮስን ፦ “ አባቴ ሆይ ፣ በእግዚአብሔር ስለ መጽናት ንገረኝ” ሲል ጠየቀው፡፡ አባ መቃርዮስም እንዲህ አለው ፦ “ ማሯን የምትሠራበትን ነገር እስክታጠራቅም ድረስ በአረንጓዴ ዕፅዋቶችና በመስክ ባሉ አበባዎች መካከል እንደምትበር ንብ ያለ ነው ፣ እርሷም በቀፎዋ ጭስ የሚያጨስባት እስከሌለ ድረስ ጣፋጭ የሆነ ማርን ከመሥራት አታቋርጥም፡፡ ” ያ እኁም ፦ “ አባቴ ሆይ ፣ ጭሱ ምንድን ነው ? ጣፋጩስ ምንድን ነው ? ” አለው፡፡

አባ መቃርዮስም እንዲህ አለው ፦ ነገረ ዝሙት ፣ ርኲሰት ፣ አስጸያፊ ነገሮች ፣ የቅናት ሃሳቦች ፣ ጥላቻዎች ፣ ከንቱ አስተሳሰቦችና ሌሎች ይህን የመሳሰሉት ሥጋዊና ጊዜያዊ ደስታዎችና ፍላጎቶች ጭሶች የተባሉት እነዚህ ናቸው፡፡

በሌላ በኩል አበባዎቹ ደግሞ የቅድስና ሕይወት መንገዶችና ተግባራት ናቸው፡፡ ንቧ አምልኮተ እግዚአብሔር ናት ፣ ቀፎው ልብ ነው ፣ ጣፋጩ ደግሞ ጌታችን ኢየሱስ ክርስቶስ ነው፡፡

ስለዚህ ጽናትን የሚያሳይ ሰውና ነፍሱን በመልካም ሕይወት ሁሉና በንጽሕና ሁሉ የሚሞላ ሰው በእግዚአብሔር መጽናትን በተግባር የሚያሳይ እርሱ ነው፡፡ ልጄ ሆይ ፦ አሁን ሂድ አለው፡፡ ❞

🕊

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !

💖                   🕊                     💖

105

ኦርቶዶክስ ሃይማኖታችን

01 Jan, 08:25

                      †

🕊 💖 ልበ አምላክ ቅዱስ ዳዊት 💖 🕊

                         🕊

❝ አቤቱ አመጣጥኽን ፤ ልደትኽንም ፤ ጥምቀትኽን መገለጽኽንም ፤ ስቅለትኽን ፣ ሕማማተ መስቀል መቀበልኽንና ሞትኽንም ፤ ትንሣኤኽን ዕርገትኽንና ዳግመኛ መምጣትኽን ትንቢት ስለተናገረ ስለአገልጋይኽ ዳዊት በምሕረትኽ ዐስበኝ ፤ ስለርሱም ብለኽ በቀን ከሚወረውር ፍላጻ ፤ በሌሊትም ከሚኼድ ክፉ ሥራ አድነኝ ፤ እኔን አገልጋይኽንም ዕድል ፈንታዬን ጽዋ ተርታዬን ከቅዱሳን ካህናት ጋር አድርግ ፤ አሜን። ❞

[ ተአምኆ ቅዱሳን ]

🕊                      💖                    🕊

❝ አቤቱ ጕልበቴ ሆይ ፥ እወድድሃለሁ። እግዚአብሔር ዓለቴ ፥ አምባዬ ፥ መድኃኒቴ ፥ አምላኬ ፥ በእርሱም የምተማመንበት ረዳቴ ፥ መታመኛዬና የደኅንነቴ ቀንድ መጠጊያዬም ነው። ምስጋና የሚገባውን እግዚአብሔርን እጠራለሁ ፥ ከጠላቶቼም እድናለሁ።። ❞

[ መዝሙረ ዳዊት . ፲፰ ፥ ፩ - ፫ ]

▬▬▬▬▬▬   ♱   ▬▬▬▬▬▬

❝ እኔም ፥ ስለ ባሪያዬም ስለ ዳዊት ይህችን ከተማ አድናት ዘንድ እጋርዳታለሁ። ❞

[   ፪ነገሥ.፲፱ ፥ ፴፬ ]

🕊

[ † 🕊 እንኳን አደረሳችሁ 🕊 † ]

🕊                      💖                    🕊

121

ኦርቶዶክስ ሃይማኖታችን

27 Dec, 16:27

                         †

[ † ሊቀ መላእክት ቅዱስ ገብርኤል   ]

🕊

" ገብርኤል እነሆ እየበረረ መጣ ፤ በማታም መሥዋዕት ጊዜ ዳሰሰኝ። " [ ዳን.፱፥፳፩ ]

" ከክፉ ነገር ሁሉ ያዳነኝ መልአክ" [ዘፍ.፵፰፥፲፮]

💖                   🕊                      💖

† ሊቀ መላእክት ቅዱስ ገብርኤል :-

- ከ፯ [ 7 ] ቱ ሊቃናት አንዱ::
- በራማ አርባብ በሚባሉ ፲ [10] ነገደ መላእክት ላይ የተሾመ::
- በመጀመሪያዋ የፍጥረት ቀን መላእክትን ያጸና::
- ቅዱሳንን ሁሉ የሚረዳ::
- ሠለስቱ ደቂቅን : ዳንኤልን : ሶስናን ከሞት የታደገ ታላቅ መልዐክ ነው::

ከምንም በላይ ግን ቅድስት ቤተ ክርስቲያን ቅዱሱን መልዐክ "መጋቤ-ሐዲስ" ብላ ታከብረዋለች:: ቅዱስ ገብርኤል የስሙ ትርጉዋሜ "አምላክ ወሰብእ - እግዚእ ወገብር" ነውና ለሥነ ፍጥረት ሁሉ የሚሆን ሐዲስ ዜናን ወደ እመቤታችን ድንግል ማርያም አምጥቷል::

ታኅሣሥ ዐስራ ዘጠኝ በዚህች ቀን ሊቀ መላእክት ቅዱስ ገብርኤል ሠለስቱ ደቂቅን ያዳነበት ነው፡፡

                        †

[     የቅዱሳን መላእክት አማላጅነት    ]


🕊 በቀሲስ ኅብረት የሺጥላ 🕊

" የእግዚአብሔር መልአክ በሚፈሩት ሰዎች ዙሪያ ይሰፍራል ፥ ያድናቸውማል። " [መዝ.፴፬፥፯]

🕊

"ከክፉ ነገር ሁሉ ያዳነኝ መልአክ" [ዘፍ.፵፰፥፲፮]

† ሊቀ መላእክት ቅዱስ ገብርኤል በክንፈ ረድኤቱ ከክፉ ሁሉ ይጠብቀን::

†                      †                       †
💖                   🕊                      💖

94

ኦርቶዶክስ ሃይማኖታችን

27 Dec, 15:02

                       †

[   🕊   † †   ዋዜማ   † †   🕊   ]

💖 የራማው ልዑል ቅዱስ ገብርኤል 💖

[ † እንኳን ለሊቀ መላእክት ቅዱስ ገብርኤል ዓመታዊ በዓል በሰላም አደረሳችሁ ፤ አደረሰን። † ]

💖                   🕊                     💖

[ የአቡነ አብርሃም ደቀ መዝሙር በመንበረ መንግስት ቅዱስ ገብርኤል ታህሳስ ፲፱ የተቀኙት ቅኔ ]

ገብርኤል አረጋዊ ይትዐጸፍ ምንተ ?
አመ ወርኃ ጥምቀት አልጸቀ
እስመ ነድ ልብሱ በሕጽበት ኀልቀ
ኅልቀተ ልብሱሰ ነድ ኢያስተኃዝኖ ጥዩቀ
አምጣነ እግዝእቱ ድንግል ትፈትል ወርቀ
ወእግዚኡ ያለብስ መብረቀ

ትርጉም ፦

[ አረጋዊው ገብርኤል የጥምቀት ወር በደረሰ ጊዜ ምን ይለብስ ይሆን
እሳት የሆነ ልብሱ በመታጠብ አልቋልና
የልብሱ ማለቅ ግን ፈጽሞ አያሳዝነውም
ድንግል እመቤቱ ወርቅን ትፈትላለችና
ጌታውም መብረቅን የሚያለብስ ነውና ]

ምስጢር ፦

[ ሊቀ መላእክት ቅዱስ ገብርኤል ታህሳስ ፲፱ ሠለስቱ ደቂቅን ከነደደው እሳት ሊያድናቸው ከአምላኩ ተልኮ ወደ እቶኑ ሲገባ "ለሠለስቱ ደቂቅ ዘአውረድከ ጠለ" ይለዋል እሳቱ ውኃ ሆነላቸው እርሱም በዚያ አብሯቸው ታይቷል ነገር ግን "ገብርኤል ነደ ወነበልባለ" እንዲለው እሳታዊ ልብሱ በውሃ ቢታጠብ አልቋልና [እሳት ውሃ ቢነካው እንዲጠፋ] ..... ይህስ የልብሱ ማለቅ "ለጥምቀት ያልሆነ ቀሚስ...." ይባላልና ..... ምን ለብሼ እታያለሁ ብሎ አይጨንቀውም ከጥምቀቱ አስቀድሞ ታህሳስ ፳፪ ጽንሰት[ብሥራት] ይታሰባልና "ተፈስሒ" ብሎ ያበሰራት እመቤቱ ድንግል በእሳት ቢፈተን የሚነጥረውን ወርቅ ፈትላ ታለብሰዋለች

"አስተርአያ ገብርኤል ግብተ ወእንዘ ትፈትል ወርቀ ወሜላተ" ይላል ..... ጌታውም ቢሆን "እለ ይትለአክዎ መባርቅት ወየአውድዎ ነጎድጓድ" የተባለለት መብረቅን ያለብሰዋል....መልአኩን "ልብሱ ዘመብረቅ" ይለዋልና ለተልእኮ እንደመብረቅ የሚፋጠን ስለሆነ አንድም ዜና ብስራቱ እንደመብረቅ ስለሚሰማ ..... ለዚያ ነው በዚህ ክብር ተገልጾ በትንሳኤው ያየነው፡፡

"እነሆም ፥ የጌታ መልአክ ከሰማይ ስለ ወረደ ታላቅ የምድር መናወጥ ሆነ ፤ ቀርቦም ድንጋዩን አንከባሎ በላዩ ተቀመጠ። መልኩም እንደ መብረቅ ልብሱም እንደ በረዶ ነጭ ነበረ።" [ማቴ. ፳፰፥፪ ]

† † መልካም በዓል ይሁንላችሁ † †

[ ዲ/ን ዶ/ር ቴዎድሮስ በለጠ ]

💖

[ የቅዱስ ገብርኤል ምልጃና ጥበቃው አይለየን። ]

†                     †                      †
💖                   🕊                     💖

84

ኦርቶዶክስ ሃይማኖታችን

27 Dec, 12:43

                        †

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †   ▬▬▬▬▬▬

[ ቅዱስ መቃርዮስ ካስተማረው ትምህርት ]

[              ክፍል ስድሳ ሦስት             ]

                         🕊

[ እግዚአብሔር ለተነሳሒ የሚሰጠው ጸጋ ! ]

🕊

❝ ታላቁ አባ መቃርዮስ እንዲህ አለ ፦ “አንድ ሰው እግዚአብሔርን ለማወቅና ለመፈለግ ቢጀምርና ባለማወቁ ዘመን ስላደረጋቸው ነገሮች ንስሐ ቢገባ እግዚአብሔር ስላደረጋቸው ነገሮች የሚያዝንና የሚጸጸት ልብ ይሰጠዋል፡፡

ወደ ኋላም በቸርነቱና በርኅራሄው እግዚአብሔር ከሥጋ ዘመዶቹ የበለጠ በጸሎታትና በአጽዋማት ፣ በብዙ ትጋህ ፣ ቁሳዊ ነገርን በመካድና በመናቅ ፣ ራስን በመካድና በማቃለል ፣ ሥጋዊ ዕረፍትን በመጥላትና አንብዕን በመውደድ ጸጋ ይጎበኘዋል፡፡ ❞

🕊

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !

†                     †                       †
💖                   🕊                     💖

102

ኦርቶዶክስ ሃይማኖታችን

27 Dec, 09:56

                        †

[  † የታኅሣሥ ቅዱስ ገብርኤል ሥርዓተ ማኅሌት   ]

🕊

ሥርዓተ ማኅሌት አመ ፲ወ፱ ለታኅሣሥ ቅዱስ ገብርኤል

🟢             🟡            🔴

†                     †                      †
💖                   🕊                     💖

111

ኦርቶዶክስ ሃይማኖታችን

27 Dec, 06:44

🕊                   †                       🕊

[ ተዋሕዶ ፍጽምት የቅዱሳን ሃይማኖት ]
▬▬▬▬▬▬   †   ▬▬▬▬▬▬

       [    መለኮት በሥጋ ሞተ !    ]

🕊

▬▬▬▬▬▬▬▬▬▬▬▬▬▬

❝ [ አምላካችን ኢየሱስ ክርስቶስ ] እንዴት ታመመ ? ነገር ግን ምሥጢሩን ከላከው ከአባቱ ፤ ከመንፈስ ቅዱስም ጋር እርሱ ብቻ ያውቃል ፥ ይህንን ነገር መርምሮ ወደማወቅ ይደርስ ዘንድ ይረዳውም ዘንድ የሚቻለው ልቡና የለም። አባ አመኀፅን ነፍስየ ብሎ ነፍሱን ከሥጋው ለየ በዓለመ ሥጋ በዓለመ ነፍስ ያሉትን ያድን ዘንድ።

የሞትን ሥልጣን የሚያጠፋ መለኮት በሥጋ ሞተ ፥ ሞትም የተባለ ዲያብሎስ ነው ፥ እንደ ተጻፈ ምሥጢሩን ማንም ማን የሚያውቀው ሳይኖር ያድነን ዘንድ ያደረገውን እርሱ ያውቃል። [ ዕብ.፪፥፲፬ ። ቈላ.፩፥፳ ]

በአባቱ ጌትነት ተነሣ ፣ በሲዖል ተግዘው የነበሩ የቅዱሳንን ነፍሳት አዳነ ፥ ንጉሥ ድል የማይነሣ ገዥም ነውና በፍጹም ክብር ጌትነት ወደ ሰማይ ዐረገ ፥ በማይመረመር በማይታወቅ ምሥጢር ከእመቤታችን ከቅድስት ድንግል ማርያም በነሣው በከበረው ሥጋው ከአብ ጋር በዕሪና ተቀመጠ። [ ሮሜ.፮፥፬ ። ፩ጴጥ.፫፥፲፱-፳፪ ። ፩ጢሞ.፮፥፲፭ ና ፲፮ ] ❞

[    ቅዱስ ጎርጎርዮስ ዘእንዚናዙ    ]

▬▬▬▬▬▬▬▬▬▬▬▬▬▬

ወስብሐት ለእግዚአብሔር ፤ ወለወላዲቱ ድንግል ፤ ወለመስቀሉ ክቡር። አሜን።

†                       †                       †
💖                     🕊                      💖

92

ኦርቶዶክስ ሃይማኖታችን

27 Dec, 03:01

🕊

[ † እንኩዋን ለቅዱሳን "ሐዋርያት ቶማስ ወቲቶ" እና "አቡነ ሰላማ ከሣቴ ብርሃን" ዓመታዊ በዓል በሰላም አደረሳችሁ † ]

† በስመ አብ ወወልድ ወመንፈስ ቅዱስ አሐዱ አምላክ አሜን። †

---------------------------------------------

🕊 †  ሐዋርያው ቅዱስ ቶማስ † 🕊

ከ፲፪ቱ ቅዱሳን ሐዋርያት አንዱ የሆነው ቅዱስ ቶማስ ብዙ መከራን በማሳለፉና የጌታችንን ጐን በመዳሰሱ ይታወቃል::

- ቅዱስ ቶማስ እንደ ሌሎቹ ሐዋርያት በእሥራኤል ተወልዶ በዚያውም በሥርዓተ ኦሪት አድጐ ገና በወጣትነቱ የሰዱቃውያንን ማሕበር ተቀላቅሏል:: ሰዱቃውያን ሰው ከሞተ በሁዋላ አይነሳም [አልቦ ትንሳኤ ሙታን] የሚሉ ናቸው:: መድኃኒታችን ኢየሱስ ክርስቶስ ማስተማር ሲጀምር ግን ቅዱስ ቶማስ ከነበረበት ማሕበር ወጥቶ ጌታችንን ተከተለ:: ጌታችንም ከ፲፪ቱ ሐዋርያት አንዱ ይሆን ዘንድ ሾመው:: የቀደመ ስሙ "ዲዲሞስ" ሲሆን ጌታችን "ቶማስ" ብሎታል::

- ቅዱስ ቶማስ ጌታ አልዓዛርን ለማስነሳት በሔደ ጊዜ ሌሎች ሐዋርያት ጌታን "አይሁድ ይገድሉሃል ቅር" ሲሉት እርሱ ግን "እንሒድና አብረን እንሙት" ሲል ፍቅሩን አሳይቷል:: [ዮሐ.፲፩፥፲፮]

- ጌታችን ትንሳኤውን ለደቀ መዛሙርቱ በገለጠ ጊዜ ያልነበረው ቶማስ ካላየሁ አላምንም አለ:: ምክንያቱም :-

፩. ለጌታችን ከነበረው ፍቅር የተነሳ እውነት አልመስልህ ቢለው::

፪. አንድም "ሌሎቹ ሐዋርያት ትንሳኤውን አየን እያሉ ሲያስተምሩ እኔ ግን ሰማሁ ብየ ማስተማሬ ነው" ብሎ በማሰቡ ነበር::

- ለጊዜው ጌታ ተገልጾ ቢገስጸው "እግዚእየ ወአምላኪየ [ጌታየና አምላኬ]" ብሎ ፍጹም ሃይማኖቱን ገልጿል:: ለፍጻሜው ግን የጌታችንን ጎን [መለኮትን] ይዳስስ ዘንድ ባለቤቱ እንዳደለው ያጠይቃል:: መለኮትን የዳሰሰች ይሕቺ ቅድስት እጁ ዛሬም ድረስ ሕያው ናት::

- ቅዱሳን ሐዋርያት መንፈስ ቅዱስን ተቀብለው ሐገረ ስብከት ሲከፋፈሉ ለቅዱስ ቶማስ ሕንድና በዙሪያዋ ያሉ ሃገራት ደረሱት::

- ከዚህ በሁዋላ ነው እንግዲህ ዘርዝረን የማንጨርሰውን ተጋድሎ የፈጸመው:: ቅዱሱ በነበረው ፍጹም ትጋት አባቶቻችን "ዘአሠርገዋ ለብሔረ ሕንደኬ [ሕንድን በወንጌል ያስጌጣት]" ሲሉ ያከብሩታል::

- ቅዱስ ቶማስ ንጉሥ ሉክዮስንና የሃገሩን ሕዝብ ለማሳመን በችንካር መሬት ላይ ወጥረው ቆዳውን ገፈውታል:: ቆዳውንም እንደ ገና ሰፍተው: አሸዋ ሞልተው አሸክመውታል:: በየመንገዱ የተገፈፈ ገላውን ጨው ቢቀቡት በጎች መጥተው ግጠው በልተውታል:: በዚሕ ምክንያት :-

"ኩሉ የአኪ እንዘ የአኪ ዘመኑ::
አባግዒሁ ለቶማስ እስመ አራዊተ ኮኑ::" ብለዋል ሊቃውንቱ::

- በሁዋላ ግን ከፎቅ ወድቃ የሞተችውን የንጉሡን ሚስት በተገፈፈ ቆዳው በማዳኑ ሁሉም አምነው ተጠምቀዋል::

- ቅዱሱ ሐዋርያ ልክ እንደ ቅዱስ ዻውሎስ አንዳንዴ በፈሊጥ: ሌላ ጊዜም በመከራ ለወንጌልና ለቤተ ክርስቲያን ተጋድሏል:: ያለ ማቁዋረጥም ከሕንድ እስከ ሃገራችን ኢትዮዽያ ድረስ ለ፴፰ ዓመታት ወንጌልን ሰብኩዋል:: በመጨረሻም በ፸፪ ዓ/ም በሰማዕትነት አርፏል:: መቃብሩና ቅድስት እጁ ዛሬ ድረስ ሕንድ ውስጥ አሉ:: ከኘሮቴስታንቶች በቀር መላው ዓለም ያከብረዋል:: ዛሬ የቅዱሱ ሐዋርያ በዓለ ፍልሠቱ ነው::

🕊 †   ቅዱስ ቲቶ ሐዋርያ †   🕊

የጌታችን ኢየሱስ ክርስቶስ ደቀ መዝሙር ቅዱስ ቲቶ ከ፸፪ቱ አርድእት አንዱ ሲሆን በተወሰነ መንገድም ቢሆን የተዘነጋ ሐዋርያ አይደለም:: በተለይ ደግሞ ቅዱስ ዻውሎስ ከጻፋቸው ፲፬ መልእክታት መካከል አንዷ የተላከችው ለዚህ ቅዱስ በመሆኗ ታሪኩ እንኩዋ ባይነገር ስሙ አይረሳም:: ቅዱስ ዻውሎስም በመልዕእክታቱ በጐ ስሙን እየደጋገመ ያነሳዋል::

ለመሆኑ ሐዋርያው ቅዱስ ቲቶ ማን ነው?

- ቅዱስ ቲቶ የተወለደው በ፩ኛው መቶ ክ/ዘ እስያ ውስጥ ቀርጤስ በምትባል ከተማ ነው::

- መዳን በእውቀት ይመስላቸው ስለ ነበር የአካባቢው ሰዎች የግሪክን ፍልስፍና ጠንክረው ይማሩ ነበር:: ቅዱስ ቲቶም በወጣትነቱ ወደ ት/ቤት ገብቶ የግሪክን ፍልሥፍናና የዮናናውያንን ጥበበ ሥጋ ተማረ:: በጥቂት ጊዜም የሁሉ የበላይ ሆነ::

- ቅዱሱ ምክንያቱን ሳያውቀው ለእኔ ቢጤዎች ያበላ: ያጠጣ: ይንከባከባቸውም ነበር:: እግዚአብሔር ግን የዚህ ቅን ሰው በጐነቱ እንዲሁ እንዲቀር አልወደደምና አንድ ቀን በራዕይ ተገለጠለት::

- በራዕይም አንድ ምንነቱን ያልተረዳው ነገር "ቲቶ ሆይ! ስለ ነፍስህ ድኅነት ተጋደል:: ይህ ዓለም ኃላፊ ነው" ሲለው ሰማ:: ከእንቅልፉ ነቅቶ በእጅጉ ደነገጠ:: የሚያደርገውንም አጣ:: ያናገራቸው ሁሉ ምንም ሊገባቸው አልቻለም::

- ድንገት ግን በዚያ ሰሞን ከወደ ኢየሩሳሌም አዲስ ዜና ተሰማ:: "ክርስቶስ የሚሉት ኢየሱስ: እርሱም የባሕርይ አምላክ የሆነ ወደ ምድር ወርዶ: ስለ እግዚአብሔር መንግስትም እየሰበከ ነው" ሲሉ ለቲቶ ነገሩት::

- "ሌላስ ምን አያችሁ?" አላቸው:: "በእጆቹ ድውያን ይፈወሳሉ: ሙታን ይነሳሉ: እውራን ያያሉ: ለምጻሞች ይነጻሉ: ሌሎች ብዙ ተአምራትም እየተደረጉ ነው" አሉት:: የወቅቱ የሃገረ አክራጥስ መኮንን ፈላስፋ ነበርና ስለ ክርስቶስ ሲሰማ ሊመራመር ወደደ::

- "ብልህ ጥበበኛ ሰው ፈልጉልኝ" ብሎ ተከታዮችን ቢልካቸው ከቲቶ የተሻለ በአካባቢው አልነበረምና እርሱኑ አመጡት:: መኮንኑ ቲቶን "ነገሩ ትክክል ወይም ስሕተት መሆኑን በጥልቅ መርምረህ ምላሽ አምጣልኝ" ብሎ ላከው::

- ቅዱስ ቲቶም ፈጥኖ ተነስቶ ወደ ኢየሩሳሌም ገሰገሰ:: ወደ ከተማዋ እንደገባም ጌታችንን አፈላልጐ አገኘው::

፩. ጌታችን ክርስቶስ በሥልጣነ ቃሉ ደዌያትን ሲያርቅ: አጋንንትን ሲያሳድዳቸው ተመልክቶ ይህ ሥራ የፍጡር እንዳልሆነ ተረዳ::

፪. ጌታችን የሚያስተምረው ትምሕርት ከግሪክ ፍልሥፍና እጅግ ርቆና መጥቆ አገኘው:: ጌታ በጣዕመ ቃሉ የሚያስተምረው ሰማያዊ: በዚያ ላይ ዘለዓለማዊ የሆነ ትምሕርት ነው:: በራዕይ "ስለ ነፍስህ ተጋደል" ያለው ምሥጢር አሁን ተተረጐመለት::

- በዚህ ምክንያትም ጊዜ አላጠፋም:: ወዲያውኑ አምኖ ተከታዩ ሆነ:: ጌታም ከ፸፪ቱ አርድእት ደመረው:: የአክራጥስ መኮንን "ምነው ዘገየህ?" ቢለው ያየውን ሁሉ ጽፎ: እንደማይመለስም አክሎ ደብዳቤ ላከለት::

- ከዚህ በሁዋላ ቅዱስ ቲቶ ከጌታችን እግር ለ፫ ዓመታት ተምሮ: በበዓለ ሃምሳ መንፈስ ቅዱስን ተቀብሎ: በመላው እስያ ወንጌልን ሰብኩዋል:: ቅዱስ ዻውሎስ ባመነ ጊዜ ደግሞ የእርሱ ደቀ መዝሙር ሆኖ ለ፳፭ ዓመታት አስተምሯል::

- ቅዱስ ዻውሎስ ሰማዕት ከሆነ በሁዋላ ደግሞ ወደ አክራጥስ ተመልሶ: ሕዝቡን አሳምኖና አጥምቆ: ቤተ ክርስቲያንን አንጿል:: ዕድሜው በደረሰ ጊዜም መምሕራንን: ካህናትን ሹሞላቸው: ባርኩዋቸውም ዐርፏል:: ዛሬ የቅዱሱ ሐዋርያ በዓለ ፍልሠቱ ነው::

🕊 † አቡነ ሰላማ ከሣቴ ብርሃን  † 🕊

ቅዱሱ በትውልዳቸው ግሪካዊ ቢሆኑም ሶርያ አካባቢ እንዳደጉ ይታመናል:: በቀደመ ስማቸው ፍሬምናጦስ የሚባሉት አቡነ ሰላማ ወደ ኢትዮዽያ የመጡት በአደጋ ምክንያት ቢመስልም ውስጡ ግን ፈቃደ እግዚአብሔር ነበረበት::

- በድንበር ጠባቂዎች ከባልንጀራቸው ኤዴስዮስ ጋር ተይዘው ወደ አክሱም የመጡት በንጉሥ ታዜር [አይዛና] እና በሚስቱ ሶፍያ [አሕየዋ] ዘመን ነው:: ጊዜው በውል ባይታወቅም በ፬ኛው መቶ ክ/ዘመን ነው::

94

ኦርቶዶክስ ሃይማኖታችን

27 Dec, 03:01

- ፍሬምናጦስ ምንም የመጡበት ዓላማ ስብከተ ወንጌል ባይሆንም በአክሱም ቤተ መንግስት አካባቢ ይሰብኩ ነበር:: ያን ጊዜ በጃንደረባው ቅዱስ ባኮስ የተቀጣጠለው የክርስትና ችቦ ውስጥ ውስጡን በሃገሪቱ ነበረና ፍሬምናጦስ አልተቸገሩም:: በተለይ ኢዛናና ሳይዛናን ከልጅነት ስላስተማሯቸው ነገሮች የተሳኩ ሆኑ::+ንጉሥ ታዜር እንደ ሞተ2ቱ ሕጻናት በመንበሩ ተቀመጡ:: ፍሬምናጦስንም ወደ ግብፅ ዻዻስና ጥምቀት ከመጻሕፍት ጋር እንዲያመጣላቸው ላኩ:: ሐዋርያዊ ቅዱስ አትናቴዎስም ፍሬምናጦስን "ሰላማ" ብሎ ሰይሞ: በዽዽስና: በንዋየ ቅድሳትና በመጻሕፍት ሸልሞ መለሳቸው::

- አቡነ ሰላማ ወደ ኢትዮዽያ እንደተመለሱ ከነገሥታቱ ጀምረው ለሕዝቡ ጥምቀትን አደሉ:: ኢዛናና ሳይዛናም አብርሃ እና አጽብሃ ተብለው ስማቸው ተደነገለ:: ከዚያ በሁዋላ ድንቅ በሚሆን አገልግሎት ነገሥታቱ: ዻዻሱ ሰላማና ሊቀ ካህናቱ እንበረም ለክርስትና መስፋፋት በጋራ ሠርተዋል::

የአቡነ ሰላማ ትሩፋቶች :-

፩. ዽዽስናና ክህነትን ከእውነተኛ ምንጭ አምተዋል::
፪. ክርስትናና ጥምቀትን በሃገራችን አስፋፍተዋል::
፫. ቅዱሳት መጻሕፍትን ከውጭ ልሳኖች ተርጉመዋል::

፬. ገዳማዊ ሕይወትን ጀምረዋል::
፭. አብያተ ክርስቲያናትን አንጸዋል::
፮. ግዕዝ ቁዋንቁዋን አሻሽለዋል::

ሀ. ከግራ ወደ ቀኝ እንዲፃፍ
ለ. እርባታ እንዲኖረው
ሐ. ከ"አበገደ" ወደ "ሀለሐመ" ቀይረዋል::

- ባላቸው ንጹሕ የቅድስና ሕይወት ለሕዝቡ ምሳሌ ሆነዋ:: "ወበእንተዝ ተሰይመ ከሳቴ ብርሃን" እንዲል በነዚህ ምክንያቶች "ከሣቴ ብርሃን" [ብርሃንን የገለጠ] ሲባሉ ይኖራሉ:: በመጨረሻም ከመልካሙ ገድል በሁዋላ በ፫፻፶፪ ዓ/ም ዐርፈው ተቀብረዋል:: ቅዱሱ ለሃገራችን ዻዻስ ሆነው የተሾሙት በዚህች ዕለት ነው::

አምላከ አበው ቅዱሳን በመጽናታቸው ያጽናን:: ከበረከታቸውም ያድለንና።

🕊

[ † ታሕሳስ ፲፰ [ 18 ] ቀን የሚከበሩ ዓመታዊ የቅዱሳን በዓላት ]

፩. ቅዱስ ቶማስ ሐዋርያ [ፍልሠቱ]
፪. ቅዱስ ቲቶ ሐዋርያ [ፍልሠቱ]
፫. አቡነ ሰላማ ከሣቴ ብርሃን
፬. ቅዱስ ፊልሞና ባሕታዊ
፭. ቅዱስ ኢርቅላ

[    † ወርሐዊ በዓላት     ]

፩. አቡነ ኤዎስጣቴዎስ ረባን
፪. አቡነ አኖሬዎስ ዓቢይ
፫. ማር ያዕቆብ ግብጻዊ
፬. ቅዱስ ያዕቆብ ሐዋርያ [ከ፸፪ቱ]
፭. ቅዱስ ፊልዾስ ሐዋርያ [ከ፸፪ቱ]

" የእግዚአብሔር ባሪያና የኢየሱስ ክርስቶስ ሐዋርያ የሆነ ዻውሎስ . . . መድኃኒታችን እግዚአብሔር እንዳዘዘ: ለእኔ አደራ በተሰጠኝ ስብከት ቃሉን ገለጠ: በሃይማኖት ኅብረት እውነተኛ ለሚሆን ልጄ ቲቶ:: ከእግዚአብሔርም አብ: ከመድኃኒታችንም ከጌታ ኢየሱስ ክርስቶስ ጸጋና ምሕረት: ሰላምም ይሁን:: " [ቲቶ.፩፥፩]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †             †
▬▬▬▬▬ ▬▬▬ ▬▬▬▬▬
💖                  🕊                    💖

93

ኦርቶዶክስ ሃይማኖታችን

29 Nov, 21:38

🕊

[ ✞ እንኩዋን ለጽዮን "ማርያም ማሕደረ አምላክ" እና ለቅዱሳኑ "ጐርጐርዮስ ወዮሐንስ" ዓመታዊ በዓል በሰላም አደረሳችሁ ✞ ]

🕊 † ጽዮን ማርያም † 🕊

"ጽዮን" ማለት "ጸወን - አምባ - መጠጊያ" ማለት ነው:: አንድም በምሥጢሩ "ማሕደረ አምላክ" ማለት ነው:: ጽዮን የሚለው ስም በቁሙ ለቅዱስ ዳዊት ተራራና ለኪዳኑ ጽላት ሲያገለግል በትንቢታዊ ምሥጢሩ ግን ለድንግል ማርያም: ለቤተ ክርስቲያንና ለዘለዓለማዊት ርስት ያገለግላል::

እግዚአብሔር ከዘመነ አበው በሁዋላ በጊዜው ለእሥራኤላውያን ክብር: ሞገስ: አምባ የምትሆናቸውን ታቦተ ጽዮንን በቅዱስ ሙሴ አማካኝነት ሰጥቷቸዋል:: [ዘጸ.፴፩፥፲፰] ከዚያም ለ፭ መቶዓመታት ከእነሱ ጋር በመሆኗ በፈጣሪና በእነሱ መካከል ድልድይ ሆና ኖራለች::

ከዚያም ባለቤቱ ሲፈቅድ በዘመነ ሳባ: በቀዳማዊ ምኒልክ [እብነ መለክ-እብነ ሐኪም] አማካኝነት ወደ ኢትዮዽያ መጥታለች:: እነሆ በሃገራችን የ፫ሺ ዓመት ቆይታዋን ልትደፍን የቀራት ጥቂት ዓመታት ብቻ ናቸው:: ጌታ እንደ ፈቀደ ቅዱስ መስቀሉንና ታቦተ ጽዮንን ይዘን ይሔው በቸርነቱ እንኖራለን::

ያም ሆኖ ታቦተ ጽዮንን መስረቅ የሚፈልጉ ብዙ ቀሳጢዎች እንዳሉ እናውቃለን:: ግን አንጨነቅም:: ምክንያቱም የመጣችውም: የምትጠበቀውም በፈቃደ እግዚአብሔር ነውና እንጸልያለን እንጂ አንጨነቅም:: በተለያየ ወሬም ራሳችንን አናማጥንም:: ባለቤቱ እንድትሔድ ከፈቀደ ደግሞ ማንም ጉልበተኛ አያስቀራትም::

ታቦተ ጽዮን ብዙ ጊዜ "ጽላተ ኪዳን: ታቦተ ሕጉ" እየተባለች ትጠራለች:: "ጽሌ" ማለት "ሰሌዳ" እንደ ማለት ሲሆን "ጽላት" ደግሞ በብዙ ቁጥር ነው:: "ኪዳን" ደግሞ በፈጣሪና በሰው ልጆች መካከል ያለ "ውል - ስምምነት" ነው::

"ታቦት" ማለት "ማሕደር-ማደሪያ" እንደ ማለት ነው:: ሕጉ የተጻፈባቸውን ሰላድው "ጽላት" ስንላቸው የጽላቱ ማደሪያ ደግሞ "ታቦት" ይባላል:: ጽላት [ታቦትን] ያመጣ ፈጣሪ ነው:: በሐዲስ ኪዳንም ምሥጢርና ሐተታ ቢኖረውም ፪ ቦታ ላይ ስለ ታቦት ተጠቅሶ እናገኛለን:: [፪ቆሮ.፮፥፲፮ , ራዕይ.፲፩፥፲፱]

በመጨረሻም ኅዳር ፳፩ [ 21 ] ቀን ጽዮን ማርያምን የምናከብርባቸውን ምክንያቶች እንመለከታለን:: በዚህች ቀን :-

፩. ታቦተ ጽዮን [ጽላተ ኪዳን] ለሊቀ ነቢያት ቅዱስ ሙሴ መሰጠቷን እናስባለን:: ይሕ ሲሆንም ቅዱስ ሙሴ ፵ መዓልት: ፵ ሌሊት ጾሞ እንደ ተቀበለ ሳንዘነጋ ማለት ነው:: [ዘጸ.፴፩፥፲፰ , ዘዳ.፱፥፲፱]

፪. በዘመነ ኤሊ ሊቀ ካህናት ታቦተ ጽዮን በታሪኩዋ ለመጀመሪያ ጊዜ በአሕዛብ [ኢሎፍላውያን] እጅ ተማርካለች:: ግን ደግሞ ዳጐንን ቀጥቅጣዋለች:: [፩ሳሙ.፭፥፩]

፫. በዘመነ ልበ አምላክ ቅዱስ ዳዊት በአሚናዳብ ሠረገላ ሁና: ከአቢዳራ ቤት ስትመጣ ቅዱሱ ንጉሥ በታላቅ ሐሴት በፊቷ ዘመረ: አገለገለ:: ምድራዊ ክብሩን እስኪረሳ ድረስ ለታቦተ አምላክ ተቀኘላት:: በዚህም ሜልኮል ንቃው ማሕጸኗ ተዘግቷል:: [፩ዜና.፲፭፥፳፭] ሊቃውንትም "ድንግል እመቤታችን ማርያም በትንቢት መነጽር ተመልክቷል" ብለውናል::

"ሰላም ለኪ ማርያም እምነ::
ዘሰመይናኪ ጸወነ::
ሶበ እምርሑቅ ርእየ ዘጽላሎትኪ ስነ::
ለቢሶ ዳዊት ልብሰ ክብር ዘየኀይድ ዓይነ::
ቅድመ ታቦተ ሕግ ኀለየ ወዓዲ ዘፈነ::" እንዲል:: [አርኬ ዘኅዳር ፳፩]

፬. በዘመነ ንጉሥ ሰሎሞን [መፍቀሬ ጥበብ] ግሩም የሆነ ቤተ መቅደስ ተሰርቶላት ስትገባ ታላቅ ሐሴት ተደርጉዋል:: እግዚአብሔርም በደመና ወርዶ ንጉሡን አነጋግሯል:: [፪ዜና.፭፥፩ , ፩ነገ.፰፥፩]

፭. በዚያው ዘመንም በፈጣሪ ፈቃድ ንጉሥ ምኒልክ ቀዳማዊ [ዕብነ ሐኪም] ታቦተ ጽዮንን ይዞ ወደ ኢትዮዽያ ገብቷል::

፮. በዘመነ አፄ ባዜን [በ፬ ዓ/ም አካባቢ] አማናዊት ጽዮን ድንግል ማርያም ወደ አክሱም ጽዮን በስደት መጥታ ገብታለች:: በዚህ ጊዜም ፪ቱ ጽዮኖች ሲገናኙ ታላቅ ብርሃን አክሱምን ውጧታል::

፯. በ፬ኛው መቶ ክ/ዘመንም ነገሥት ጻድቃን አብርሐ ወአጽብሐ ፲፪ መቅደሶች ያሏትን ግሩም ቤተ ክርስቲያን ለእመ ብርሃን ሠርተው በዚሁ ቀን በጌታችን ተቀድሷል::

፰. በተጨማሪም በየጊዜው: ማለትም በዮዲት ጉዲትና በግራኝ አማካኝነት ስትፈርስ ወደ ዝዋይ ትሰደድ ነበር:: ተመልሳ ስትታነጽም ቅዳሴ ቤቷ የሚከበረው ኅዳር ፳፩ ቀን ነው:: በእነዚህና በሌሎች ምክንያቶች ይህ በዓል ልዩ ነው::

" አማናዊት ጽዮን እመ ብርሃን ድንግል ማርያምን እንዲህ እንላታለን "

"ቅድስት" የሚለው ቃል ለሁሉም ቅዱሳት እናቶች ቢሰጥም ቅሉ ለድንግል ማርያም ሲሰጥ ግን ትርጉሙ ይለያል:: እርሷ "ቅድስተ ቅዱሳን: ንጽሕተ ንጹሐን: ቡርክት እምቡሩካን: ኅሪት እምኅሩያን" ናትና::

ከሰው ልጆችም ሁሉ ትበልጣለች:: ይቅርና የሰው ልጅን ንጹሐን መላእክትንም በንጽሕናና በቅድስና ትበልጣቸዋለች:: እርሷ እመ ብርሃን: የአምላክ እናቱ: የሰውነታችን መመኪያ ናትና::

እመቤታችንን "ቅድስት" ስንል "ጽንዕት: ንጽሕት: ክብርት: ልዩ" ማለታችን ነው::

፩. "ንጽሕት" ትባላለች:: ሌሎች ቅዱሳን ቢነጹ ከገቢር: ከነቢብ ኃጢአት ነው እንጂ ከኃልዮ ኃጢአት አይደለም:: እርሷ ግን ከነቢብ: ከገቢር: ከኃልዮ ንጽሕት ናት::

"ለመኑ ተውኅቦ ተደንግሎ ኅሊና: ለመላእክትሂ ኢተክህሎሙ-ኃጢአትን ከማሰብ መጠበቅ ከሰው ልጆች ለማን ተሰጠው: ይህስ ለመላእክትም አልተቻላቸውም" እንዲል:: [ተአምረ ማርያም]

፪. "ጽንዕት" እንላታለን:: ሴቶች ቢጸኑ ለጊዜው ነው እንጂ በሁዋላ በጊዜው ተፈትሆ አለባቸው:: እመቤታችን ግን ቅድመ ጸኒስ: ጊዜ ጸኒስ: ድኅረ ጸኒስ: ቅድመ ወሊድ: ጊዜ ወሊድ: ድኅረ ወሊድ ድንግል ናትና::

- "ጽንዕት በድንግልና አልባቲ ሙስና" እንዳላት:: [ቅዱስ ያሬድ]
- ታላቁ ቅዱስ ባስልዮስም "ወትረ ድንግል ማርያም-ማርያም ዘለዓለማዊት ድንግል ናት" እንዳለ:: [መጽሐፈ ቅዳሴ]

፫. ድንግልን "ክብርት" እንላታለን:: ሌሎች ሴቶች ቢከብሩ ጻድቃን ሰማዕታትን: ነቢያት ሐዋርያትን ወልደው ነው:: እመቤታችንን ግን የምናከብራት "ወላዲተ አምላክ-የአምላክ እናቱ" ብለን ነውና::

፬. እመቤታችንን "ልዩ" እንላታለን:: ከእርሷ በቀር እናት ሁና ድንግል: እመቤት ሁና አገልጋይ የሆነች: በድንግልና ወልዳ ወተትን [ሐሊበ ድንግልናዌን] ያስገኘች ሌላ ሴት የለችምና::

🕊 † ቅዱስ ጐርጐርዮስ ዘሮም † 🕊

በቤተ ክርስቲያን እጅግ ስመ ጥር ከሆኑት ሊቃውንት አንዱ ሲሆን ብዙ ጊዜ የሚታወቀው "ገባሬ መንክራት" በሚለው ስሙ ነው:: ገባሬ መንክራት የተባለውም እጅግ ድንቅ የሆኑ ተአምራትን በመሥራቱ ነው::

በ፬ኛው መቶ ክ/ዘመን በሮም ግዛት ሥር ተወልዶ ያደገው ቅዱስ ጐርጐርዮስ ከመመነኑ በፊት ቅዱሳት መጻሕፍትን ተምሯል:: እርሱ በበርሃ እያለም ከሮም ዻዻሳት የአንዱ በማረፉ ተሿሚ ፍለጋ አበው ሱባኤ ገቡ:: እግዚአብሔርም "የበረሃውን ጐርጐርዮስን ፈልጉት" አላቸው::

"እሺ!" ብለው ፍለጋ በርሃ ቢሔዱ ውዳሴ ከንቱን ይጠላልና ተሰወረባቸው:: እነርሱም እያዘኑ ተመልሰው በመንበረ ዽዽስናው ላይ ወንጌልን አኖሩና ተለያዩ:: በዚህ ጊዜ ቅዱስ መልአክ ወርዶ "ጐርጐርዮስ ሆይ! ልትሔድ ይገባሃል" አለው::

72

ኦርቶዶክስ ሃይማኖታችን

29 Nov, 21:38

እርሱም ወደ ከተማ ወርዶ ታላቁ ሊቅ ነባቤ መለኮት ቅዱስ ጐርጐርዮስ ዘእንዚናዙ ባለበት በዓለ ሲመቱ ተከብሯል:: ቅዱስ ጐርጐርዮስ በዘመኑ ብዙ መጻሕፍትን ደርሶ: የክርስቶስን መንጋም ጠብቆ: ድንቅ ድንቅ ተአምራትንም ፈጽሞ በዚህች ቀን ዐርፏል:: ከተአምራቱም :-

ወንድማማቾች

ከአባታቸው በወረሷት አንዲት ሐይቅ እየተጣሉ ሲያስቸግሩ በጸሎቱ ሐይቁን የብስ አድርጐ አስታርቁዋቸዋል::

🕊 † ቅዱስ ዮሐንስ ዘአስዩጥ †   🕊

በ፬ኛውና በ፭ኛው መቶ ክ/ዘመናት ከተነሱ ከዋክብት ጻድቃን አንዱ ነው:: እድሜው በጣም ረዥም በመሆኑ የብዙ ቅዱሳን ባልንጀራም ነበር:: በገድል አካሉን ቀጥቅጦ: በስብከትም የአስዩጥን [አሲዩትን] ምዕመናን አንጾ: ብዙ ተአምራትንም ሠርቶ በተወለደ በ፻፳፭ ዓመቱ በ፭ኛው መቶ ክ/ዘመን መጨረሻ አካባቢ በዚህች ቀን ዐርፏል::

አምላከ ቅዱሳን የአማናዊት ጽዮን ድንግል ማርያምን ጣዕሟን ፍቅሯን: ጸጋ በረከቷን ያሳድርብን:: ከአበው በረከትም አይለየን::

🕊

[ † ኅዳር ፳፩ [ 21 ] ቀን የሚከበሩ ዓመታዊ የቅዱሳን በዓላት ]

፩. ቅድስት ጽዮን ድንግል ማርያም
፪. ቅዱስ ጐርጐርዮስ ዘሮሜ
፫. ቅዱስ ዮሐንስ ዘአስዩጥ
፬. ቅዱስ ቆዝሞስ ሊቀ ዻዻሳት
፭. ቅድስት ዲቦራ ዘድልበት
፮. ቅዱስ ዘኬዎስ ሐጺር

[   † ወርኀዊ በዓላት   ]

፩. አበው ጎርጎርዮሳት
፪. አቡነ ምዕመነ ድንግል
፫. አቡነ አምደ ሥላሴ
፬. አባ አሮን ሶርያዊ
፭. አባ መርትያኖስ ጻድቅ

" ለአንቺም የማይገዛ ሕዝብና መንግስት ይጠፋል:: እነዚያ አሕዛብም ፈጽመው ይጠፋሉ . . . የአስጨናቂዎችሽም ልጆች አንገታቸውን ደፍተው ወደ አንቺ ይመጣሉ:: የናቁሽም ሁሉ ወደ እግርሽ ጫማ ይሰግዳሉ:: የእግዚአብሔርም ከተማ: የእሥራኤል ቅዱስ የሆንሽ ጽዮን ይሉሻል:: " [ኢሳ.፷፥፲፪]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †             †
▬▬▬▬▬ ▬▬▬ ▬▬▬▬▬
💖                  🕊                    💖

81

ኦርቶዶክስ ሃይማኖታችን

29 Nov, 17:49

🕯 🕊 🕯

🕊

❝ ጽዮንንም ባሰብናት ጊዜ አለቀስን። ❞

[ መዝ.፻፴፯፥፩ ]

🕊 💖 🕊

107

ኦርቶዶክስ ሃይማኖታችን

29 Nov, 16:42

                       †

  [  🕊 ጽዮን ማርያም    🕊 ]

🍒▬▬▬▬▬▬▬▬🍒

[ ✞ እንኩዋን ለጽዮን " ማርያም ማሕደረ አምላክ " ዓመታዊ በዓል በሰላም አደረሳችሁ ✞ ]

🕊

"ጽዮን" ማለት "ጸወን - አምባ - መጠጊያ" ማለት ነው:: አንድም በምሥጢሩ "ማሕደረ አምላክ" ማለት ነው:: ጽዮን የሚለው ስም በቁሙ ለቅዱስ ዳዊት ተራራና ለኪዳኑ ጽላት ሲያገለግል በትንቢታዊ ምሥጢሩ ግን ለድንግል ማርያም: ለቤተ ክርስቲያንና ለዘለዓለማዊት ርስት ያገለግላል::

-----------------------------------------------

[             እናታችን ጽዮን                ]

[ በመምህራችን በቀሲስ ኅብረት የሺጥላ ]
----------------------------------------------------

" ሰው እናታችን ጽዮን ይላል ፥ በውስጥዋም ሰው ተወለደ ፤ እርሱ ራሱም ልዑል መሠረታት።" [ መዝ.፹፯፥፭ ]

         †              †           †
▬▬▬▬ ▬▬▬▬▬ ▬▬▬▬

                       👇

103

ኦርቶዶክስ ሃይማኖታችን

29 Nov, 12:24

                        †

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †   ▬▬▬▬▬▬

[ የአባታችን የቅዱስ መቃርዮስ የተጋድሎ ሕይወቱና ትምህርቱ ]

[           ክፍል አርባ ስድስት          ]

💛

በስመ አብ ወወልድ ወመንፈስ ቅዱስ አሐዱ አምላክ አሜን፡፡

[ 🕊   የቅዱስ መቃርዮስ ዕረፍት 🕊 ]

                         🕊

[ አባ በብኑዳ በቅዱስ መቃርዮስ ቦታ ተተካ ]

❝ የዚህ ቅዱስ አባት ደቀ መዛሙርት አለቃ የሆነው አባ በብኑዳም አኃውን የሚያጽናናቸውና የሚያረጋጋቸው ሆነ ፤ እርሱ አባትነቱንና ዕልቅናውን እንዲሁም መልካም የሆነውን ሥርዓተ ገዳም ተቀብሏልና ፣ የቅዱስ ኣባ መቃርዮስን ምግባር ፣ ትሕትናና ትሩፋት ሁሉ ገንዘብ አድርጓልና፡፡ ስለዚህም ከመልካም ሥራው የተነሣ ዜናው በየቦታው ሁሉ ወጣ፡፡ በዚያ ገዳም የነበሩ መነኰሳት ብቻ ሳይሆኑ በምድረ ግብጽና በሌሎች ሩቅ ሀገራት የነበሩ ማኅበረ መነኰሳትም ወደ እርሱ እየመጡ ከቅዱስ አባ መቃርዮስ የተቀበለውን የእግዚአብሔርን መንገድ ከእርሱ ይማሩና ይቀበሉ ነበር:: ❞

[ የጁቢር ሰዎች የቅዱስ መቃርዮስን የከበረ ሥጋ ወደ ሃገራቸው መውሰድ ]

❝ የሥጋው ፍልሰትም እንዲህ ሆነ ፣ እርሱ በሕይወት ሳለ ሥጋውን እንዳይሰውሩ ልጆቹን አዝዟቸው ነበር፡፡ የጁቢር ሰዎችም ቅዱስ መቃርዮስ ማረፉን በሰሙ ጊዜ ከብዙ ዘመን በኋላ ወደ ቅዱስ መቃርዮስ ገዳም ወደ አስቄጥስ መጥተው ለእርሱ ካላቸው ፍቅርና ከእምነታቸው የተነሣ የከበረ አባት የአባ መቃርስን ሥጋ ሊወስዱ ፈለጉ ፤ መጥተውም ለደቀ መዝሙሩ ለዮሐንስ ገንዘብ ሰጡ:: ይህን ደቀ መዝሙሩንም ከላይ ቀደም ብሎ እንደ ተገለጸው ገንዘብን ከመውደድ ተጠበቅ እያለ ይመክረውና ይገሥጸው ነበር፡፡ እርሱም መርቶ የቅዱስ አባ መቃርስን ሥጋ አሳያቸውና ወደ ሀገራቸው ወደ ሳሱይር ወሰዱት፡፡ ቤተ ክርስቲያንም በስሙ አነጹለት፡፡ ደቀ መዝሙሩ ዮሐንስ ግን ገንዘብ ስለ መውደዱ ዝልጉስ ሆነ፡፡ መቶ ስልሳ ዘመን ያህል በዚያ ኖረ፡፡

በመጨረሻም መነኰሳቱ ተነስተው የከበረ አባት የኣባ መቃርስን ሥጋ ሊወስዱ ወደ ሳይሱር በደረሱ ጊዜ የሀገሩ ሰዎች ከመኰንኑ ጋር ተነሥተው ከለከሏቸው:: በዚያችም ሌሊት የከበረ አባ መቃሪ ለመኰንኑ ተገልጦ ፦ “ተወኝ ከልጆቼ ጋር ልሂድ” አለው:: መኰንኑም መነኰሳቱን ጠርቶ እንዲወስዱ ፈቀደላቸውና የአባታቸውን የከበረ ሥጋ ተሸክመው በታላቅ ደስታ ወደ ቅዱስ መቃርዮስ ገዳም ወደ አስቄጥስ መለሱት፡፡ የቅዱስ መቃርዮስን ሥጋውን ነሐሴ አሥራ ዘጠኝ ቀን በምሥዋዑ አጠገብ አኖሩት፡፡ ከጥቂት ጊዜ በኋላም ቤተ ክርስቲያን እነጹለት ፣ እግዚአብሔርም በቅዱስ መቃርዮስ ጸሎት የሚረዳቸው ሆነ፡፡ ኤጲስ ቆጶሱንም ከሊቃውንተ ቤተ ክርስቲያን ጋር አምጥተው ቤተ ክርስቲያኑን ቀደሰላቸው:: ቀድሰውም ለሕዝቡ ቅዱስ ሥጋውንና ክቡር ደሙን አቀበሉ ፤ እግዚአብሔርም በቅዱስ መቃርዮስ የከበረ ሥጋ አማካኝነት እጅግ ብዙ ተአምራትን አደረገ፡፡

የተጻፉትና የተነገሩት የቅዱስ መቃርዮስ ገድላትና ተአምራት ከብዙ በጣም ጥቅቶቹ ናቸው ፤ የዚህን ቅዱስ የትሕትናውን ብዛት የሃይማኖቱን ጽናት ለእግዚአብሔር ያለውን ፍቅር ጥልቀት መጠን ሊደርስበት የሚችል ማንም የለምና ፤ ስለዚህም ምክንያት የጠላትን ኃይላት ድል አደረገ ፣ ተንኰላቸውንና ማሳታቸውን ሁሉ በታተነባቸው ፤ በእግዚአብሔር ኃይል በመታመን ሰይጣንና ሠራዊቱም በፊቱ እስኪወድቁ ድረስ አማሰናቸው:: ❞

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !

†                     †                       †
💖                   🕊                     💖

108

ኦርቶዶክስ ሃይማኖታችን

29 Nov, 07:48

🕊                   †                       🕊

[ ተዋሕዶ ፍጽምት የቅዱሳን ሃይማኖት ]
▬▬▬▬▬▬   †   ▬▬▬▬▬▬

[ ዕሩቅ ብእሲ የወለደች አይደለም .... !  ]

🕊

▬▬▬▬▬▬▬▬▬▬▬▬▬▬

❝ [ እመቤታችን ] መውለድ ጊዜ የሚሆን ምጥ ፈጽሞ አላገኛትም ፤ የአምላክነት ሥራ ስለሆነ መፅነሷ በጣም ይደነቃል ፤ የመውለድዋ ምሥጢር ኀይልም አይመረመርም ፤ ማንም ማን ባሕርዩን የማያውቀውን እርሱን ወለደችው ፤ ማኅተመ ድንግልናዋም አልተለወጠም።

ዕሩቅ ብእሲ የወለደች አይደለም። የመለኮቱ መገኘት ከእመቤታችን ከቅድስት ድንግል ማርያም በሥጋ ከመወለዱ ወዲህ አይደለም አስቀድሞ የነበረ ዓለሙን አሳልፎ የሚኖር ነውና ። [ ራእ.ዮሐ.፩፥፰ ]

ሁሉን የፈጠረ ነው ፤ ሰው ከመሆኑ አስቀድሞ ፤ ሰውም ሆኖ ከቅድስት ድንግል ማርያም ከተወለደ በኋላ እግዚአብሔር ቃል ነውና እርሱ መቸም መች አንድ ነው ፤ የመለኮቱ ባሕርይ ወደ ሰውነቱ ባሕርይ አልተለወጠም ፤ የሰውነቱ ባሕርይም ወደ መለኮቱ ባሕርይ አልተለወጠም ድንግል ማርያም አንድ አካል ሁኖ ወለደችው እንጂ ፤ ሰብአ ሰገልም አንድ ባሕርይ ሁኖ ሰገዱለት እንጂ። [ማቴ.፩፥፲፰—፳፭ ፤ ፪፥፬-፲፪ ]

መለኮትን ከትስብእት ሲዋሐድ የእግዚአብሔር ቃል ተዋሕዶ [ የተዋሕዶ ምስጢር ] ሁለት አካል ፤ ሁለት ባሕርይ የሚባል አይደለም ፥ መለኮትን በሥጋ አልተወለደም የሚሉት ክፉ ጥፉ ወራዶች የሚሆኑ ሰዎች እንደ ተናገሩ ፤

በማይመረመር ግብር ነው እንጂ። ❞

[    ቅዱስ ጎርጎርዮስ ዘእንዚናዙ    ]

▬▬▬▬▬▬▬▬▬▬▬▬▬▬

ወስብሐት ለእግዚአብሔር ፤ ወለወላዲቱ ድንግል ፤ ወለመስቀሉ ክቡር። አሜን።

†                     †                       †
💖                   🕊                     💖

124

ኦርቶዶክስ ሃይማኖታችን

21 Nov, 13:36

🕊

[    ርኅሩኁና የይቅርታ መልአክ    ]

የርኅራኄ መዝገብ፣ ትሑት፣ ታዛዥና ለዘለዓለም ፈጣሪውን አመስጋኝ ሊቀ መላእክት ቅዱስ ሚካኤል ጌታ በሚያደርገው ቸርነት ላይ ለሰው አንድ ወገን የሚሆን መልአክ ነው፡፡ [ ሄኖ.፮፥፭ ፣ ፲፪፥፭ ፣ ፲፥፲፪ ]

⇨ Michael, one of the Holy Angels, namely the one put in charge of the best part of humankind, in charge of the nation. [ሔኖ ፮፥፭]

⇨ This first is Michael, the merciful and long-suffering without an urge to harm. [ሔኖ ፲፥፲፪]

አምላካችን እግዚአብሔርን የሚፈሩትን እንደ አጥር ሆኖ የሚጠብቃቸው ፣ የመልእክት አለቃቸው ፣ ምሕረት ማድረግን የተሰጠው ፣ የክብር አክሊልን የተቀዳጀ ፣ በግርማው የተፈራ ፣ የቅዱሳን ወዳጅ ፣ የኃጥአን የምሕረት አማላጅ ፣ በብርሃን መጎናጸፍያ የሚጎናጽፍ ፣ ከክብሩ ብርሃን የተነሣ ምድርን በብርሃን የሚሞላት ፣ የቅዱሳንን ጸሎት ከዕጣኑ ጢስ ጋር ወደ እግዚአብሔር የሚያሳርግ ፣ በትንሣኤ ዘጉባኤ የመለከት ድምጽ የሚያሰማ ፣ በሰማይ ካሉ ሁሉ በላይ በማዕረግ የከበረ ፣ ድንቅ ተአምራትን የሚያደርግ ቅዱስ ሚካኤል !

† ሊቀ መላእክት በክንፈ ረድኤቱ ከክፉ ሁሉ ይጠብቀን::

†                     †                      †
💖                   🕊                     💖

49

ኦርቶዶክስ ሃይማኖታችን

20 Nov, 21:54

🕊

[ † እንኩዋን ለሊቀ መላእክት "ቅዱስ ሚካኤል" እና "ለቅዱሳኑ" ዓመታዊ በዓል በሰላም አደረሳችሁ † ]

🕊 †  ቅዱስ ሚካኤል ሊቀ መላእክት †   🕊

† ቅዱስ ሚካኤል በጥንተ ተፈጥሮ በኢዮር: ኃይላት በተባሉት ነገደ መላእክት ተሹሞ ነበር:: ሳጥናኤል በካደ ጊዜ እግዚአብሔር ባወቀ: አንድም በትሕትናውና ደግነቱ በ፺፱ኙ ነገደ መላእክት ላይ ሁሉ ተሹሟል::

† ከፍጥረት ወገን ከእመቤታችን ቀጥሎ የቅዱስ ሚካኤልን ያሕል ክብርና ርሕሩሕ የለም:: በምልጃውም: በረዳትነቱም የታወቀ መልአክ ነው:: መጽሐፍ "መልአከ ምክሩ ለእግዚአብሔር" ይለዋል:: "ወስሙ መስተሣሕልም" ይለዋል:: ቂም የሌለው: ለምሕረት የሚፋጠን: ደግ መልአክ ነውና::

† በብሉይ ኪዳን በመከራ ለነበሩ ቅዱሳን ሁሉ ሞገስ: ረዳትና አዳኝ ቢሆናቸው "መጋቤ ብሉይ" ተሰኝቷል:: እሥራኤልን ፵ ዘመን በበርሃ መርቷል:: መግቧልም:: ቅዱስ መጽሐፍ ስለ እርሱ ብዙ ይላል:: (ዘፍ.፵፰፥፲፮, ኢያ.፭፥፲፫, መሳ.፲፫፥፲፯, ዳን.፲፥፳፩, ፲፪፥፩, መዝ.፴፫፥፯, ራዕይ.፲፪፥፯]

† ደስ የሚለው ደግሞ ርሕሩሑ መልአክ ከእመቤታችን ጋር ልዩ ፍቅር አለው:: ከእናቷ ማሕጸን ጀምሮ እስከ ዛሬ እነሆ አብሯት አለ:: ደስ ብሎት ይታዘዛታል:: ማማለድ ሲፈልግም "እመቤቴ ሆይ! ቅደሚ" ይላታል:: ወደ እሳት መጋረጃ አብረው ገብተው ለዓለም ምሕረትን: በረከትን ያወርዳሉ::

🕊   †  ቅዱስ ኢያሱ ነቢይ †    🕊

ዳግመኛ በዚህች ዕለት ቅዱስ ሚካኤል ኢያሱን እንደ ረዳው ታስተምራለች:: ይህስ እንደ ምን ነው ቢሉ :-

† በመጽሐፈ ኢያሱ ምዕራፍ ፭ ላይ እንደ ተጻፈው ቅዱሱ መልአክ ለኢያሱ ተገልጦለታል:: እሥራኤልን በምድረ በዳ የመራ ሊቀ ነቢያት ቅዱስ ሙሴ ሲያርፍ ታላቅ ሐዘንና ድንጋጤ ተፈጥሮ ነበር::

† እግዚአብሔር ግን ኢያሱን አስነስቶ አረጋግቷቸዋል:: ቅዱስ ሚካኤል ፵ውን ዘመን እሥራኤልን ደመና ጋርዶ: መና አውርዶ: ክንፉን ዘርግቶ: ጠላትን መክቶ ከሙሴ ጋ እንደ መራቸው ከኢያሱ ጋርም ይሆን ዘንድ ከሰማይ ወረደ::

† በኢያሪኮ አካባቢም የተመዘዘ ሰይፉን ይዞ በግርማ ለኢያሱ ታየው:: ኢያሱም ወደ እርሱ ቀርቦ "አንተ ከእኛ ወገን ነህን? ወይስ ከጠላቶቻችን?" ሲል ጠየቀው:: ቅዱስ ሚካኤልም መልሶ "እረዳህ ዘንድ እነሆ የሠራዊት አለቃ ሆኜ ተሹሜ መጥተቻለሁ" አለው::

† ያን ጊዜ ታላቁ ነቢይ ቅዱስ ኢያሱ በግንባሩ ተደፍቶ ለሊቀ መላእክት ቅዱስ ሚካኤል ሰገደለት:: ቅዱሱ መልአክም አክሎ "ፍታሕ ቶታነ አሳዕኒከ እም እገሪከ: እስመ ምድር እንተ ትከይዳ ቅድስት ይዕቲ - የረገጥካት ምድር የተቀደሰች ናትና ጫማህን ከእግርህ አውጣ" አለው::

† ኢያሱም የተባለውን አደረገ:: ለዚህ ነው ቤተ ክርስቲያናችን "ለመላእክት የጸጋ [የአክብሮ] ስግደት ይገባል: በቅዱሳኑ ፊትም ጫማ ተለብሶ አይቆምም" የምትለው:: ያ መሬት ሊቀ መላእክት ቢቆምበት ተቀድሷል:: ዛሬም ቤቱ በታነጸበት: ታቦቱ በተቀረጸበት ቦታ ሁሉ ቅዱሱ መልአክ አለና ጫማን አውልቆ: ባጭሩ ታጥቆ መግባት ይገባል::

† ሊቀ መላእክት ቅዱስ ሚካኤል ከኢያሱ ጋር ሆኖ አማሌቅን ጨምሮ የእሥራኤልን ጠላት አጥፍቷል:: ጥቅመ ኢያሪኮን [ቅጥሩን] አፍርሷል:: ምድረ ርስትን አውርሷል:: በገባኦን ፀሐይን: በቆላተ ኤሎምም ጨረቃን ሲያቆም ከእርሱ ጋር ሆኖ ረድቶታል::

🕊   † ዱራታኦስና ቴዎብስታ †   🕊

ቅዱሳኑ ዱራታኦስ [ዶርታኦስ] እና ቴዎብስታ [ቴዎብስትያ] የቅዱስ ሚካኤል ወዳጆች ናቸውና በዚህች ዕለት ይታሰባሉ:: በድርሳነ ሚካኤልና በመጽሐፈ ስንክሳር ተጽፎ እንደምናገኘው 2ቱ ቅዱሳን በተቀደሰ ትዳር ተወስነው: ሕጉን ትዕዛዙን ፈጽመው: ለነዳያን ራርተው: ቅዱስ ሥጋውንና ክቡር ደሙን ተቀብለው የሚኖሩ ነበሩ::

† ይልቁኑ ግን የጌታችን: የእመቤታችንን እና የቅዱስ ሚካኤልን መታሰቢያ ያለማስታጐል ያደርጉ ነበር:: ከጊዜ በሁዋላ ግን ሐብት ንብረታቸው አልቆ ተቸገሩ:: ግን የጨነቃቸው መቸገራቸው ሳይሆን የቅዱስ ሚካኤልን መታሰቢያ ሊያቆሙ መሆናቸው ነው::

† አማራጭ ሲያጡ ተቀምጠው ተመካከሩ:: የቅዱሱ መልአክ ዝክር ከሚቀር ልብሳቸውን [ያውም የክብር ልብሳቸውን] ሊሸጡ ተስማሙ:: በዚህ መሰረት ቅዱስ ዱራታኦስ ወደ ገበያ ሲሔድ ወዳጁ ቅዱስ ሚካኤል ከሰማይ ወረደለት::

† መንገድ ላይም የጦር መኮንን ሃገረ ገዢ መስሎ ተገናኝቶ አጫወተው:: ችግሩን ጠይቆም መፍትሔውን ነገረው:: "እኔ እዋስሃለሁና ለበዓል የሚያስፈልጉህን ነገሮች ሁሉ ገዝተህ አሰናዳ" አለው::

† "እኔ ወደ ቤትህ መጥቼ ስለምስተናገድ አንድ አሣ አምጥተህ አቆየኝ:: እኔ ሳልመጣ ግን አትረደው" አለው:: ቅዱስ ዱራታኦስ የተባለውን ሁሉ ፈጽሞ ወደ ቤቱ ሲሔድ ድንቅ ነገርን ተመለከተ:: ሚስቱ ቅድስት ቴዎብስታ በቤቱ መካከል ሁና ቤቱ በበረከት ሞልቷል::

† ማሩ: ቅቤው: እሕሉ ሁሉ በየሥፍራው ሞልቷል:: ባልና ሚስቱ ደስ ብሏቸው:: ነዳያንን ሲያበሉ: እንግዳ ሲቀበሉ ዋሉ:: በሁዋላ ያ መኮንን [ቅዱስ ሚካኤል] በቤታቸው መጥቶ ተስተናገደ::

† በእርሱ ትዕዛዝ የአሣው ራስ [ሆድ] ሲከፈት በውስጡ ፫ መቶ ዲናር ወርቅ [እንቁ] ተገኘ:: ቅዱሳኑ ይህን ተመልክተው ሲደነግጡ ቅዱስ ሚካኤል ክንፉን ዘርግቶ ራሱን ገለጸላቸው:: ደንግጠው በግንባራቸው ተደፉ::

† እርሱ ግን "በተገኘው ሃብት እዳችሁን ክፈሉ:: ከዚህ በሁዋላ ግን በምድር አትቸገሩም:: በሰማይም ክፍላችሁ ከእኔ ጋር ነው" ብሎ ባርኩዋቸው ወደ ሰማይ ዐረገ:: እነርሱም በሐሴትና በበጐ ምግባር ኖረው ዐርፈዋል:: ለርስቱም በቅተዋል::

🕊   †  ቅዱስ ባሕራን ቀሲስ †   🕊

የደጋግ ክርስቲያኖች ግን የድሆች ልጅ::

- በሕጻንነቱ በግፍ ወደ ባሕር የተጣለ::
- በእግዚአብሔር ጥበብ አድጎ የግፈኛውን ንብረት የወረሰ::
- በመልካም ትዳር በቅስና ያገለገለ::
- ምጽዋትን ያዘወተረ::
- አብያተ ክርስቲያናትን ያሳነጸ ደግ ክርስቲያን ነው::
¤ አርፎ ቅዱስ ሚካኤል ወዳጁ በዕረፍተ ገነት አኑሮታል::

🕊   †  አፄ በእደ ማርያም †   🕊

"በዕደ ማርያም" ማለት "በማርያም እጅ" እንደ ማለት ነው:: እኒህ ሰው የኢትዮዽያ ንጉሥ ሲሆኑ የነገሡትም በ፩ ሺህ ፬ መቶ ፷ [1460] ዓ/ም ነው:: ደጉ አባታቸው አፄ ዘርዓ ያዕቆብ ሲያርፉ በመንግስቱ ተተክተው ሃገራችንን አስተዳድረዋል:: ድርሰት ደርሰዋል:: አብያተ መቃድስ አንጸዋል::

93

ኦርቶዶክስ ሃይማኖታችን

20 Nov, 21:54

† በተለይ ለቅኔ ትምሕርት ማበብ ልዩ የሆነ አስተዋጽኦ እንዳደረጉ ይነገራል:: ልክ በነገሡ በ፲ ዓመታቸው ግን መንግስተ ምድር በቃኝ ብለው በምናኔ በርሃ ገብተዋል:: በዙፋናቸውም አፄ እስክንድር ተተክተዋል:: ጻድቁ ንጉሥ ግን ቅዱስ ሚካኤልን ይወዱት ነበርና በዚህች ቀን ዐርፈዋል::

አምላከ ቅዱሳን በክንፈ ሚካኤል ከክፉው ሁሉ ይሰውረን:: ከበረከታቸውም አይለየን::

🕊

[ † ኅዳር ፲፪ [ 12 ] ቀን የሚከበሩ ዓመታዊ የቅዱሳን በዓላት   ]

፩. ቅዱስ ሚካኤል ሊቀ መላእክት
፪. ቅዱስ ኢያሱ ነቢይ
፫. ቅዱሳን ዱራታኦስና ቴዎብስታ
፬. አፄ በዕደ ማርያም ጻድቅ
፭. ቅዱስ ዮሐንስ መጥምቅ
፮. ቅዱስ ባሕራን ቀሲስ
፯. አባ ፊላታዎስ ሊቀ ዻዻሳት

[   † ወርሐዊ በዓላት   ]

፩. ቅዱስ ላሊበላ ጻድቅ [ንጉሠ ኢትዮዽያ]
፪. ቅዱስ ዮሐንስ አፈ ወርቅ
፫. ቅዱስ ቴዎድሮስ ምሥራቃዊ [ሰማዕት]
፬. ቅድስት ክርስቶስ ሠምራ
፭. አቡነ ሳሙኤል ዘዋልድባ
፮. ቅዱስ ማቴዎስ ሐዋርያ
፯. ቅዱስ ድሜጥሮስ ሊቅ

" በሰማይም ሰልፍ ሆነ:: ሚካኤልና መላእክቱ ዘንዶውን ተዋጉ:: ዘንዶውም ከመላእክቱ ጋር ተዋጋ:: አልቻላቸውምም:: ከዚያም ወዲያ በሰማይ ሥፍራ አልተገኘላቸውም:: ዓለሙንም ሁሉ የሚያስተው ዲያብሎስና ሰይጣን የሚባለው ታላቁ ዘንዶ እርሱም የቀደመው እባብ ወደ ምድር ተጣለ:: " [ራዕይ.፲፪፥፯]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †             †
▬▬▬▬▬ ▬▬▬ ▬▬▬▬▬
💖                  🕊                    💖

114

ኦርቶዶክስ ሃይማኖታችን

20 Nov, 17:51

                          †

🕊   [    እንኳን አደረሰን !    ]    🕊

" እንኳን ለሊቀ መላአክት ለቅዱስ ሚካኤል ዓመታዊ በዓል በሰላምና በጤና አደረሰን !

🕊

❝ የተጨነቀውን የተጨቆነውን ነፃ የምታወጣው ሚካኤል ሆይ ፦ ሰላም ላንተ ይሁን ፡ ሠራተኛው ሠርቶ እንዲበላ ውሎ እንዲገባ የምትጠብቀው ሚካኤል ሆይ ሰላም ላንተ ይሁን፡፡

ችግረኛውን ለመርዳት ከልዑል ዘንድ የምትላክ ሚካኤል ሆይ ሰላም ላንተ ይሁን። አዳኝነትህን በማመን የለመነህን በክንፈ ረድኤትህ የምትሠውረው ሚካኤል ሆይ ሰላም ላንተ ይሁን፡፡

በኀዘን በትካዜ ላይ ወድቆ የሚፍገመገመውን የሚንፈራገጠውን ፈጥነህ ደርሰህ ደግፈህ የምታጽናናው ሚካኤል ሆይ ፤ አንገትህን ዘንበል ቀለስ አድርገህ በፈጣሪ ፊት ሰግደህ እኛ ባሮቹን በቸርነቱ ይጎበኘን ዘንድ የማናዊት እጁን ዘርግቶ ይባርከን ዘንድ ለምን አማልድ ለዘላለሙ አሜን፡፡ ❞

[   መልክአ ሚካኤል   ]

❝ በቅዱስ ፡ ሚካኤልም ፡ ጸሎትና ፡ ልመና ፡ ሀገር ፡ ከጥፋት ፡ ትድናለች።

ይልቁንም ፡ የቅዱስ ፡ ሚካኤል ፡ በዓሉ ፡ በሚከበርበት ፡ ዕለት ፡ ወይንና ፡ ስንዴ ፡ ጧፍ ፡ ዕጣን ፡ ለቤተ ፡ ክርስቲያኑ ፡ መባ ፡ የሰጠ : እስከ ፡ ግማሽ ፡ እንጀራም ፡ ቢሆን ፡ ለተራበ ፡ ያበላ ፡ እንዲሁም ፡ ቀዝቃዛ ፡ ውሀ : ለተጠማ ፡ ያጠጣ ፡ በክብር ፡ በምስጋና ፡ ዕድል ፡ ፈንታው ፡ ከቅዱሳንና ፡ ከሰማዕታት ፡ ጋር ፡ ይሆናል ፡ እስከ ፡ ዘላለሙ ፡ አሜን። ❞

[    ድርሳነ ሚካኤል   ]

🕊

❝ በዚያም ዘመን ስለ ሕዝብህ ልጆች የሚቆመው ታላቁ አለቃ ሚካኤል ይነሣል ፤ ❞ [ ዳን.፲፪፥፩ ]

🕊                     🍒                      🕊

115

ኦርቶዶክስ ሃይማኖታችን

20 Nov, 12:50

                        †

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †   ▬▬▬▬▬▬

[ የአባታችን የቅዱስ መቃርዮስ የተጋድሎ ሕይወቱና ትምህርቱ ]

[           ክፍል አርባ ሁለት              ]

💛

በስመ አብ ወወልድ ወመንፈስ ቅዱስ አሐዱ አምላክ አሜን፡፡

[ የታላቁ አባት ቅዱስ መቃርዮስና የመቃርዮስ ዘእስክንድርያ ስደት - ፬ - ]

                         🕊

❝ ከዚህም በኋላ የክብር ባለቤት ጌታችን ኢየሱስ ክርስቶስ ታላቁ አባ መቃራንና የእስክንድርያውን አባ መቃራን ጠራቸው ፤ እንዲህም አላቸው ፦ “በምድር ሳሉ መታሰቢያችሁን የሚያደርጉ ሰዎች የተመሰገኑ ናቸው ፤ የዘለዓለም ሕይወትን ይወርሳሉና፡፡ በራሴ እምላለሁ ፣ ስለ ስሜ የተቀበላችሁትን መከራ በትጋት የሚያስበውና የሚጽፈው የሚሰማው ሁሉ ያመሰግነኝ ዘንድ በቤተ ክርስቲያን የሚያነበውን እኔ በጎ ነገርን ሁሉ እሰጠዋለሁ፡፡ ከበጎ ነገርም ምንም አላሳጣውም ፣ ከመከራውም ሁሉ አድነዋለሁ ፣ ኃጢአቱን ሁሉ አስተሠርይለታለሁ፡፡ ከዚህ ዓለምም በሚለይበት ጊዜ ነፍሱን ወደ ዘለዓለም ተድላ ደስታ ይወስዱ ዘንድ እናንተ ወደ ምታስቡትም መንግሥቴ ያስገቡት ዘንድ የምሕረት መላእክትን እልካለሁ፡፡ በገዳም ወይም በኦርቶዶክሳዊት ቤተ ክርስቲያን ወይም በሀገር ውስጥ ይህ ዜናችሁ በሚነበብበት እኔ አድራለሁ ፣ በረከቴንና ሰላሜንም እስከ ዓለም ፍጻሜ በውስጧ አደርጋለሁ፡፡ ለዚህ ደስታችሁ ዜና ተቃራኒ የሚሆን ባልተወለደ ይሻለው ነበር፡፡ በእውነት እነግራችኋለሁ ፣ በሰው ፊት እንዳመናችሁብኝ በሰማያት ባለው አባቴ ፊትና በከበሩ መላእክቶቼ ፊት አምንባችኋለሁ፡፡ አሁን ግን ወደ ሀገራችሁ የምትመለሱበት ጊዜ ደረሰ፡፡” ይህንም ብሎ ሰላምታ ሰጥቷቸው ወደ ሰማይ በክብር ዐረገ፡፡

ከዚህ በኋላ ሕዝቡን ሁሉ ንጉሡንም ሰበሰቧቸው፣ ወደ ሀገራቸውም እንደሚመለሱ ነገሯቸው፡፡ የክርስቶስንም ሕጉን ሁሉ እንዲጠብቁ ለሊቀ ጳጳሳቱ ለዮሐንስም እንዲታዘዙ አዘዟቸው:: ከቀናች ሃይማኖት ወደ ቀኝም ቢሆን ወደ ግራ ፈቀቅ እንዳይሉ በብዙ አማፀኗቸው ፣ አስጠነቀቋቸውም፡፡ ሕዝቡም ሰምተው ደነገጡ ፥ መሪር ልቅሶንም አለቀሱ፡፡ ቅዱሳን አባቶቻችንም ከእነርሱ ጋር በአንድነት አለቀሱ፡፡ ከዚያም በኋላ እያንዳንዳቸውን ባረኳቸውና ተሰናበቷቸው፡፡

ያን ጊዜም ከኪሩቤል ወገን የሆነ ወመልአክ መጣ ፣ አውጥቶም በክንፎቹ ተሸከማቸው ፣ ወደ እስክንድርያም አድርሶ በሊቀ ጳጳሳቱ ደጅ እሑድ ጠዋት አወረዳቸው:: ሊቀ ጳጳሳቱ ኣባ ጢሞቴዎስም ሰምቶ እጅግ ደስ አለው:: ሁለተኛም ባያቸው ጊዜ አለቀሰ ፣ ሰገደላቸውም:: እነርሱም ሰገዱለት ፣ እርስ በርሳቸውም እጅ ተነሳስተው ሰላምታ ተለዋወጡ ፣ ጤንነታቸውንም ተነጋገሩ:: ደግሞም ልዩ የነበሩ አሕዛብ ወደ እግዚአብሔር ስለ መመለሳቸውና ስለ ተደረጉት ድንቆች ተአምራት ነገሯቸው:: ሊቀ ጳጳሳቱ አባ ጢሞቴዎስና ይህን የሰሙ ሕዝብ ሁሌም አደነቁ፣ እግዚአብሔርንም አመሰገኑት:: አባቶቻችንም በዚያ ስምንት ቀን ተቀመጡ፡፡ ከዚያም በኋላ ያ መልአክ ተገልጦ በክንፎቹ ደግሞ ተሸከማቸው ፣ ወደ ደብረ አስቄጥስም አደረሳቸው:: አንዱ ኪሩብም ከአየር ሆኖ ፦ “የአባት መቃርስ ልጆች ሆይ ፣ ኣባታችሁ የመንፈስ ቅዱስ ፍሬዎችን ተሸክሞ ከስደት ተመልሶ መጥቷልና ወጥታችሁ ተቀበሉ” እያለ ጮኸ፡፡

ይህንም በሰሙ ጊዜ ከታላላቆች እስካ ታናናሾች ወጡ ፣ ቁጥራቸውም አምሳ ሽህ መነኰሳት ሆነ:: ከውስጣቸውም በዚያን ጊዜ አባ ዮሐንስ ሐፂርና አባ ብሶይ ኣሉ፡፡ የደረሰባቸውንም ሥቃይ በነገራቸው ጊዜ እጆቹንና እግሮቹን እየሳሙ መሪር ዕንባ አለቀሱ፡፡ ደግሞ ፊቱን ስላዩ ደስ አላቸው:: እርሱም በክብር ባለቤት በጌታችን ኢየሱስ ክርስቶስ ስም ባረካቸው:: እሊህም ታላቁ አባ መቃርስና ባልንጀራው የእስክንድርያው አባ መቃርስ በመጋቢት ወር በአሥራ ሦስተኛ ቀን ሉቅዮስ ከእስክንድርያ አስቀድመን ወደ አወሳናት ደሴት አጋዛቸው ፤ ደግሞ በዚሁ ቀን ተመልሰው ወደ እስክንድርያ
ደረሱ::

በጸሎታቸው የሚገኝ በረከት በሁላችን የክርስቲያን ወገኖች ላይ ለዘለዓለሙ አድሮብን ይኑር አሜን፡፡ ❞

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !

†                     †                       †
💖                   🕊                     💖

111

ኦርቶዶክስ ሃይማኖታችን

02 Nov, 14:53

ያዳነን በቅዱስም አጠራር የጠራን እግዚአብሔር ነውና፥ ይህም እንደ ራሱ አሳብና ጸጋ መጠን ነው እንጂ እንደ ሥራችን መጠን አይደለም፤ ይህም ጸጋ ከዘላለም ዘመናት በፊት በክርስቶስ ኢየሱስ ተሰጠን፥

2ኛ ወደ ጢሞቴዎስ 1 : 9

21

ኦርቶዶክስ ሃይማኖታችን

02 Nov, 09:27

🕊 💖 ▬▬   †   ▬▬ 💖  🕊

[  🕊 መዝሙረ ተዋሕዶ   🕊 ]


[ ኦርቶዶክሳዊ የተቀደሰ ያሬዳዊ ዝማሬ ሰዓት ]

[ ሳምንታዊ መርሐ-ግብር ]

🕊

በስመ አብ ፡ ወወልድ ፡ ወመንፈስ ቅዱስ አሐዱ አምላክ አሜን፡፡

ኦርቶዶክሳዊ መዝሙር ንጹሕና የተቀደሰ ነው ፥ ለእግዚአብሔር ምስጋናና ልመና የሚቀርብበት ፣ ይቅርታና ምሕረት የሚጠየቅበት ፣ ሰውን ሳይሆን እግዚአብሔርን ደስ ለማሰኘት የሚዘጋጅ ንጹሕ መስዋዕት ነው ፥ በአበው ጸሎት ይዘጋጃል ፥ ከስጋዊና ከደማዊ ሀሳብ የራቀ ነው ፥ ልቦናን ወደ ንስሐ ይጠራል ፥ ከኃጢአትና ከክፉ ሥራ የመለየት ኃይል አለው ፥ ክፉ መንፈስን ከሰው ልብ ያርቃል ፥ መረጋጋትን ልቦናን ዘልቆ የሚሰማ ውስጣዊ ሰላምን ይሰጣል ፥ በአሚነ ሥላሴ ያጸናል ፥ የክርስቶስን የባህርይ አምላክነትና መሐሪነት ይመሰክራል ፥ የእመቤታችንን ፍቅር በልቦና ያሳድራል ፥ በእናትነቷና በምልጃዋ እንድንታመን ያደርጋል ፥ በቅዱሳን ጸሎትና በቃል ኪዳናቸው ያጸናናል ፥ ሥርዓተ ቤተክርስቲያንን እናውቅ ዘንድ መንገድ ይመራናል ፥ ፈሪሐ እግዚአብሔርንና ፍቅረ እግዚአብሔርን ያጎናጽፈናል፡፡

▬▬▬▬▬▬   ♱   ▬▬▬▬▬▬

ተወዳጆችሆይ ፦ በተቀደሰ ሰማያዊ ያሬዳዊ ዜማ ነብሳችንን እናስጊጣት፡፡ ከደጋጎቹ አባቶቻችን ጋር ከዓለም ርኩሰት በተለየ የተቀደሰ ዝማሬ አምላካችን እግዚአብሔርን እናመሥግን፡፡ ለስጋዊ ጆሮዎች ከሚመች ከረከሰ የተሃድሶ የኑፋቄ እርሾ ልቦናችንን እንጠብቅ፡፡ ገንዘብን ስለመውደድ ከሆነ ከሥጋዊ ሥራ ፈጽሞ እንለይ፡፡

🍒

❝ ኃጢአቱን የሚሰውር አይለማም ፤ የሚናዘዝባትና የሚተዋት ግን ምሕረትን ያገኛል።

ሁልጊዜ የሚፈራ ሰው ምስጉን ነው ፤ ልቡን የሚያጸና ግን በክፉ ላይ ይወድቃል። ❞

{   ምሳ . ፳፰ ፥ ፲፫   }

†                       †                       †
💖                   🕊                    💖

84

ኦርቶዶክስ ሃይማኖታችን

02 Nov, 03:10

🕊

[ † እንኳን ለጻድቅ ሊቀ ዻዻሳት አባ ዮሴፍ ዓመታዊ የዕረፍት በዓል በሰላም አደረሳችሁ ፤ አደረሰን። † ]

† በስመ አብ ወወልድ ወመንፈስ ቅዱስ አሐዱ አምላክ አሜን! †

† 🕊 ጻድቅ ሊቀ ዻዻሳት አባ ዮሴፍ 🕊 †

† በእስክንድርያ [ግብጽ] ሊቀ ዽዽስናን ከተሾሙና በጐ ሥራን ከሠሩ አበው አንዱ አባ ዮሴፍ ነው:: እርሱ ለግብጽ ፶፪ኛ ፓትርያርክ ነውና በ9ኛው መቶ ክ/ዘመን አካባቢ እንደ ነበር ይታመናል::
ጥንተ ነገሩስ እንደ ምን ነው ቢሉ :-
በግብጽ የሚኖሩ የዘመኑ ክርስቲያን ባልና ሚስት ወደ ፈጣሪ ለምነው ልጅ ሲወልዱ 'ዮሴፍ' አሉት:: እጅግ ሃብታሞች ቢሆኑም እርሱ ገና ልጅ እያለ ሁለቱም ዐረፉ:: ሕጻኑ ዮሴፍም ዕጓለ ሙታን [ወላጅ አልባ] ሆነ:: ሕጻኑ ሲያለቅስ የተመለከተ አንድ ደግ ጐረቤቱ ግን ወደ ቤቱ ወሰደው::

እንደ ልጁ ተንከባክቦ: ክርስትናንም አስተምሮ አሳደገው:: እድሜው ፳ ሲደርስም "የወላጆችህን ንብረት ንሳ" ብሎ አወረሰው:: ወጣቱ ዮሴፍ ግን "አኮኑ ዝንቱ ኩሉ ኃላፊ-ይህ ሁሉ ሃብት ጠፊ አይደለምን" ብሎ ናቀው::

ለነዳያንም በትኖት እያመሰገነ ወደ ገዳመ አስቄጥስ ገሰገሰ:: በዚያም የአሞክሮ ጊዜውን ፈጽሞ መዓርገ ምንኩስናን ተቀበለ:: ለዓመታትም በዲቁና ገዳሙን እያገለገለ: እየተጋደለ ኖረ::

የአባ ዮሴፍን ደግነት የሰማው የወቅቱ ፓትርያርክ አባ ማርቆስም ከገዳም አውጥቶ በመንበረ ዽዽስናው እንዲራዳውና ሕዝቡን እንዲያስተምርለት ወደ ከተማ አመጣው::

ከጥቂት ቆይታ በኋላ ግን አባ ዮሴፍ ወደ ፓትርያርኩ አባ ማርቆስ ቀርቦ "አባቴ! ወደ ገዳሜ አሰናብተኝ:: ለመነኮስ በከተማ መኖር ፍትሕ አይደለምና" ሲል ተማጸነው:: ፓትርያርኩም "እሺ" ብሎ ቅስናን ሹሞ አሰናበተው::

ወደ ገዳመ አስቄጥስ ከተመለሰ ጀምሮ አባ ዮሴፍ በዓት ለየ:: እስከ ፶፱ ዓመቱም ድረስ በጾምና በጸሎት በበዓቱ ጸንቶ ኖረ:: በአጠቃላይ በገዳም የኖረባቸው ዓመታትም ፴፱ ደረሱ::

በዚህ ጊዜ ግን የወቅቱ ፓትርያርክ አባ ስምዖን [ከአባ ማርቆስ በኋላ ፫ ፓትርያርኮች ዐርፈዋል] በማረፉ ግብጽ እረኛን ስትፈልግ ነበር:: 'ማንን እንሹም' እያሉ ሲጨነቁ አንድ ሰው ጉቦ ሰጥቶ ሊሾም መሆኑን አበው ሰሙ:: ይህ ሰው ደግሞ ጭራሹኑ ልጅ ያለው ነው::

አባቶች ተሯሩጠው ያ ጉቦኛ ባለ ሚስት እንዳይሾም አደረጉ:: ቀጥለው ማንን እንደ ሚሾሙ ሲጨነቁ የሁሉም ሕሊና ስለ አንድ ሰው [አባ ዮሴፍ] ያስብ ነበር:: ሁሉም ተሰብሳቢዎች ስለ ነገሩ ተጨዋውተው አባ ዮሴፍን ይሾሙ ዘንድ ቆረጡ::

ተሰብስበው በመንገድ ላይ ሳሉም እንዲህ ተባባሉ:: "ወደ በዓቱ ስንደርስ ቤቱ ክፍት ከቆየን ፈቃደ እግዚአብሔር ነው:: ዝግ ከሆነ ግን ፈጣሪ አልፈቀደም ማለት ነው" ሲሉ ተስማሙ:: ምክንያቱም የአበው በዓት ቶሎ ቶሎ አይከፈትምና::

ነገሩ ጥበበ እግዚአብሔር ነበረበትና ልክ ሲደርሱ እንግዳ ሊሸኝ በዓቱን ከፍቶ አገኙት:: እንዳያመልጣቸው ተረባርበው ያዙት:: ግጥም አድርገው አሥረው "አክዮስ-ይደልዎ-ይገባዋል" እያሉ ሥርዓተ ሲመት አደረሱለት:: እርሱ [አባ ዮሴፍ] ግን "እኔ ኃጢአተኛ ነኝ: አይገባኝም: ልቀቁኝ" እያለ ይጮህ ነበረ::

አበው ግን ሥርዓተ ሢመቱን ፈጽመው ወስደው በመንበረ ዽዽስና: በቅዱስ ማርቆስ ወንጌላዊ ዙፋን ላይ አስቀመጡት:: በቁጥርም ፶፪ኛ ሁኖ ተቆጠረ:: አምላክ ደጉን ሰው ጠቁሟቸዋልና ለቤተ ክርስቲያን ይተጋ ጀመር::

ሕዝቡን እያስተማረ: አብያተ ክርስቲያናትን እያነጸ: መጻሕፍትን እየተረጐመ: ተአምራትን እየሠራ: በመንኖ ጥሪት ለ፲፱ ዓመታት አገልግሏል:: ወቅቱም ተንባላት [አማሌቃውያን] በምድረ ግብጽ የሰለጠኑበት ነበርና ብዙ ችግሮችን አሳልፏል::

የግብጹ ሱልጣንም ሊገድለው ፪ ጊዜ ሞክሮ አልተሳካለትም:: ፪ ጊዜም ለአባ ዮሴፍ የሰነዘረው ሰይፍ በመልአክ እየተመለሰ ተመልክቶ ትቶታል:: አባ ዮሴፍ በዘመኑ ተሰዶ የነበረውን የኢትዮዽያ ዻዻስ አባ ዮሐንስንም ከተሰደደበት ወደ ሃገራችን
እንደ መለሰው በዜና ሕይወቱ ተጽፏል:: አባ ዮሴፍ እንዲህ ተመላልሶ በ፸፰ ዓመቱ በዚህች ቀን ዐርፏል::

† ቸር አምላክ በጻድቁ ሊቀ ዻዻሳት ጸሎት ይማረን:: ከበረከቱም ይክፈለን::

🕊

[ † ጥቅምት ፳፫ [ 23 ] ቀን የሚከበሩ ዓመታዊ የቅዱሳን በዓላት ]

፩. አባ ዮሴፍ ጻድቅ ሊቀ ዻዻሳት
፪. ቅዱስ ዲዮናስዮስ ሰማዕት
፫. ቅዱስ ኢላርዮስ
፬. ቅድስት እለእስክንድርያ ሰማዕት

[ † ወርኀዊ የቅዱሳን በዓላት   ]

፩. ልበ አምላክ ቅዱስ ዳዊት
፪. ቅዱስ ጊዮርጊስ ሊቀ ሰማዕታት
፫. ነቢየ ጽድቅ ቅዱስ ሰሎሞን [ንጉሠ እሥራኤል]
፬. አባ ጢሞቴዎስ ገዳማዊ
፭. ቅዱስ ዳንኤል ነቢይ
፮. አባ ሳሙኤል
፯. አባ ስምዖን
፰. አባ ገብርኤል

† " ኤዺስ ቆዾስ እንደ እግዚአብሔር መጋቢ የማይነቀፍ ሊሆን ይገባዋልና:: የማይኮራ: የማይቆጣ: የማይሰክር: የማይጨቃጨቅ: ነውረኛ ረብ የማይወድ: ነገር ግን እንግዳ ተቀባይ: በጐ የሆነውን ነገር የሚወድ: ጠንቃቃ: ጻድቅ: ቅዱስ: ራሱን የሚገዛ ይሁን:: " † [ቲቶ.፩፥፯]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †             †
▬▬▬▬▬ ▬▬▬ ▬▬▬▬▬
💖                  🕊                    💖

140

ኦርቶዶክስ ሃይማኖታችን

01 Nov, 17:32

                       †

[  🕊 ገዢን የወለድሽ ንግሥቴ 🕊 ]

🌼▬▬▬▬▬▬▬▬▬▬▬▬🌼

❝ እመቤቴ ማርያም ሆይ ገዢን የወለድሽ ንግሥቴ አንቺ ነሽ። የክብርሽን እጅ መንሻ ከተርሴስ ዕንቊን ከሕንደኬም ጽሩይ ወርቅን ያመጣሉ::

ድንግል ሆይ እኔ ገናናነትሽን ሰባኪ ሆንሁ:: በፍጹም ምስጋና ፈጽሜ ከፍ ከፍ አደርግሻለሁ:: የተመረጥሽ ሆይ አገልጋይሽን የሚያውክ የክፋት ነፋስን ጸጥ አድርጊው። የሕይወቴን ልምላሜ እንደወይራ ቅጠል እንዳያጠወልገው ፤ እንደ ገዢም እንዳይመጣብኝ ይቅርታሽን ላኪልኝ ርኅሩኅ የሆነ ረዳትነትሽም አይለይኝ። ❞

🕊

[ እንዚራ ስብሐት ]

💖                   🕊                    💖

109

ኦርቶዶክስ ሃይማኖታችን

01 Nov, 16:10

                          †

💖 [    የትሕርምት ሕይወት !    ] 💖

🕊                  💖                     🕊

[    ትእግስትን በተመለከተ !   - ፫ -    ]

ከአንተ ይልቅ ንጉሥ ሆኖ ሳለ !

❝ ወዳጄ ሆይ ! ስለ ጌታ ብለህ አገልግሎትህን በትዕግሥት መፈጸም ሲገባህ እንደ መዋረድ የምታስብ ከሆነ ከአንተ ይልቅ ንጉሥ ሆኖ ሳለ ራሱን ዝቅ በማድረግ እኛን ማገልገሉን እንደ ስድብ መቍጠር ያለበት እርሱ ጌታችን መድኀኒታችን ኢየሱስ ክርስቶስ ነበር፡፡

አንተ ይህን ለእርሱ ማገልገልን ከንቱ ድካም ነው አልህ፡፡ በዚህ ተግባርህም ሃኬተኞችን መሰልህ፡፡ ለኃጢአተኞችና ለሃኬተኞች ወዮላቸው። ስለ ጌታችን ብለን መከራን መታገሥ ካልቻልን ስለምን ታዲያ ከዚህ ዓለም ተለየን ?

ተወዳጆች ሆይ ! ስለ ጌታችን ብሎ መከራን የማይታገሥ ማን ነው? ተወዳጆች ሆይ ከእናንተ የሚጠበቀው ጥቂት እንደሆነ የምታገኙት ግን ታላቅ እንደሆነ ልብ በሉ፡፡ እኛ ትዕግሥትን ገንዘብ አድርገን የእግዚአብሔርን ፈቃድ ስንፈጽም እርሱ ለእኛ የገባውን ቃል ኪዳን ይጠብቃል፡፡ "እስከ መጨረሻው የሚጸና እርሱ ይድናል" ይላልና ቃሉ መዳናችንን በትዕግሥት እንፈጽም፡፡ ❞

[ ቅዱስ ኤፍሬም ሶርያዊ ]

🕊                      💖                    🕊

111

ኦርቶዶክስ ሃይማኖታችን

01 Nov, 15:22

እግዚአብሔር አባትህንና እናትህን አክብር፤ ደግሞ አባቱን ወይም እናቱን የሰደበ ፈጽሞ ይሙት ብሎአልና፤

የማቴዎስ ወንጌል 15 : 4

98

ኦርቶዶክስ ሃይማኖታችን

01 Nov, 12:44

                        †

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †   ▬▬▬▬▬▬

[ የአባታችን የቅዱስ መቃርዮስ የተጋድሎ ሕይወቱና ትምህርቱ ]

[              ክፍል ሠላሳ             ]

💛

በስመ አብ ወወልድ ወመንፈስ ቅዱስ አሐዱ አምላክ አሜን፡፡

[ ከአኃው መካከል ፍቅረ ነዋይ ያደረበት አንድ እኁ ! ]

                         🕊

❝ ብዙ በሽተኞች ወደ እርሱ ይመጡ ስለ ነበር የሕሙማን ቤት ተዘጋጀ፡፡ ብዙ በሽተኞች ከተለያዩ አገራት እየመጡ ለበሽተኞች በተዘጋጀው ቤት ሆነው እግዚአብሔር በእርሱ አማካኝነት ይፈውሳቸው ዘንድ በተስፋ ይጠባበቁ ነበር፡፡ በየቀኑም በዘይት ላይ እየጸለየ ይቀባቸውና ይፈውሳቸው ነበር፡፡ ከአኃው መካከል ዮሐንስ የተባለውን አንዱን ለድውያን በመላላክ ያገለግል ዘንድ መደበው፡፡ ምእመናን ሰዎችም ለበሽተኞች አገልግሎት ይሆን ዘንድ ብር እያዋጡ የሚሰጡት ሆኑ፡፡ ያ እኁም ሰይጣናዊና ጽኑ ደዌ የሆነውን የገንዘብ ፍቅር በልቡናው ተቀበለና ገንዘብ መውደድ ጀመረ፡፡ ለበሽተኞች ከሚዋጣው ገንዘብም መደበቅ ጀመረ፡፡

አባት መቃርዮስም የሚያደርገውን ነገር ሁሉ በመንፈስ ያይ ነበር ፣ ሆኖም ለብዙ ጊዜ ታገሠው፡፡ ከረጅም ጊዜ በኋላ ወደ እርሱ ጠራውና ፦ "ዮሐንስ ሆይ ፣ ሰይጣን በላይህ ላይ በአፍቅሮ ንዋይ ነግሦብሃል" አለውና ይህን ፆር ከውስጡ ያርቅ ዘንድ መከረው ፣ ገሠጸውም፡፡ እርሱ ግን የአባቱን ምክር አልሰማም ፣ ይልቁንም አብዝቶ በጣም ብዙ ብር ይሰበስብ ጀመር፡፡ ቅዱስ መቃርስ ባረፈ በአሥራ አምስተኛው ዓመት እግዚአብሔር በላዩ ላይ ከባድ ደዌን አመጣበት፡፡ በሰውነቱ ላይ ጤነኛ የሆነና የመርፌ መውጊያ እንኳ ያህል ሕይወት ያለው ጤነኛ አካል አልተገኘም፡፡ በዚህ ሁኔታ ተሰቃይቶ ሞተ፡፡

በሌላ ጊዜ ድቀት ያገኘው አንድ ወጣት የሆነ መነኩሴ ወደ አባ መቃርዮስ መጣና ፦ " አባቴ ሆይ ፣ ኃጢአቴን ይቅር በለኝ በኃጢአት እንደ ወደቅሁ አንተ ታውቃለህና ፣ ነገር ግን እግዚአብሔር ኃጢአቴን ይቅር ይለኝ ዘንድ ስለ እኔ ጸልይልኝ" አለው፡፡ ቅዱስ መቃርዮስም ፦ "ጌታችን መድኃኒታችን ኢየሱስ ክርስቶስ ኃጢአትህን ይቅር ሊልህ እንደሚችል በፍጹም ልብህ እመን ፣ የእርሱ ምሕረትና ቸርነት ዘመን የማይገድበው ወሰን የሌለው ነውና እርሱ ኃጢአትህን ይቅር ይበልህ ፣ ዳግመኛም እንዳትበድል ሁን" አለው፡፡ ❞

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !

†                     †                       †
💖                   🕊                     💖

120

ኦርቶዶክስ ሃይማኖታችን

31 Oct, 12:55

                        †

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †   ▬▬▬▬▬▬

[ የአባታችን የቅዱስ መቃርዮስ የተጋድሎ ሕይወቱና ትምህርቱ ]

[               ክፍል ሃያ ዘጠኝ             ]

💛

በስመ አብ ወወልድ ወመንፈስ ቅዱስ አሐዱ አምላክ አሜን፡፡

[     ከካህነ ጣዖት ጋር መገናኘቱ !   ]

                         🕊

❝ ስለ ታላቁ አባ መቃርዮስ እንዲህ ተባለ ፦ አንድ ቀን ከአስቄጥስ ወደ ኒጥርያ ገዳም በሚጓዝበት ጊዜ ወደ ገዳሙ ሲቀርብ ደቀ መዝሙሩ ከአንድ ካህነ ጣዖት ጋር ተገናኘ፡፡ እርሱም ከባድ የእንጨት ሸክም ተሸክሞ ይሄድ ነበር፡፡ የአባ መቃርስ ደቀ መዝሙርም ያን ካህነ ጣዖት ጠርቶ ፦ "አንተ ዲያብሎስ ፣ ወዴት ነው የምትሮጠው ? አለው፡፡ ካህነ ጣዖቱም ተመለሰና አብዝቶ ደበደበው ፤ በሞትና በሕይወት መካከልም አድርጎት ትቶት ሄደ፡፡

ከዚያም እንጨቱን ተሸክሞ መንገዱን ሲሄድ አባ መቃርዮስ ትንሽ እንደ ሄደ ያ ካህነ ጣዖት ካለበት ቦታ ደረሰና እንዲህ አለው ፦ "ማን ነህ ? በጣም ጠንካራና ትጉህ ሠራተኛ እንደ ሆንክ አያለሁና ? " አለው፡፡ ካህነ ጣዖቱም በመደነቅ ቆመና " በእኔ ላይ ምን ጥሩ ነገር አየህና ነው እኔን አክብረህ የምታናግረኝ ? " አለው፡፡

መቃርዮስም ፦ " ምን ያህል ጠንክረህ እንደምትሠራ ተመለከትሁ ፣ ነገር ግን በከንቱ እየደከምክ እንደ ሆነ አላወቅህም " አለው፡፡ ካህነ ጣዖቱም ፦ " ሰላምታህ በደንብ እንዳስብ አደረገኝ ፤ ከአንተም ጋር ታላቅ አምላክ እንዳለ አወቅሁ " አለው፡፡ " ነገር ግን ከአንተ በፊት አንድ ሌላ ክፉ መነኩሴ አግኝቶኝ ሰደበኝ ፤ እኔም እስከ ሞት ድረስ ደበደብኩት " አለው፡፡ አባ መቃርዮስም ካህነ ጣዖቱ ስለ እርሱ እንዲህ የሚናገርለት መነኩሴ የእርሱ ደቀ መዝሙር እንደ ሆነ አወቀ፡፡ ካህነ ጣዖቱም የአባ መቃርስን እግር ጠምጥሞ በመያዝ ፦ " እኔን ካላመነኮስከኝ አለቅህም " አለው፡፡

ከዚያም አብረው ያ መነኩሴ ከወደቀበት ሄዱ ፣ ተሸክመውትም ቤተ ክርስቲያን ወዳለበት አደረሱት፡፡ የአባ መቃርዮስ ደቀ መዝሙር የነበረው መነኩሴም ካህነ ጣዖቱን በተመለከተ ጊዜ ገረመው፡፡ ከዚያም ያን ካህነ ጣዖት አስተምረው አጠመቁት፡፡ ብዙ ካገለገለ በኋላም መነኩሴ ሆነ፡፡ በእርሱ የተነሣ ብዙ አሕዛብ ክርስቲያን ሆኑ፡፡ አባ መቃርዮስ እንዲህ አለ ፦ " አንድ መጥፎ ቃል ጥሩውን ቃል መጥፎ ለማድረግ ምክንያት ይሆናል ፤ እንዲሁም ደግሞ አንድ ጥሩና ቀላል ቃል መጥፎውን ቃል ወደሚያስደስት ቃል ለማምጣት ምክንያት ይሆናል፡፡ ❞

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !

†                     †                       †
💖                   🕊                     💖

63

ኦርቶዶክስ ሃይማኖታችን

30 Oct, 19:55

🕊

✞ በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ ✞

✞ ጥቅምት ፳፩ [ 21 ] ቀን የሚከበሩ ዓመታዊ የቅዱሳን በዓላት ✞

†  🕊   እግዝእትነ ማርያም  🕊   †

እመቤታችን ድንግል ማርያም የወልደ እግዚአብሔር እናቱ ናትና ሁሉን ትችላለች:: እርሱን ከሃሊ [ሁሉን ቻይ] ካልን እርሷን "ከሃሊት" ልንላት ይገባል:: ልክ ልጇ ሁሉን ማድረግ ሲችል በትእግስት ዝም እንደሚለው እመ ብርሃንም ስንት ነገር እየተደረገ: በእርሷ ላይም አንዳንዶቹ ስንት ነገርን ሲናገሩ እንደማትሰማ ዝም ትላለች::

እኛ ኃጥአን ንስሃ እስክንገባ ድረስም "ልጄ! የዛሬን ታገሣቸው?" እያለች ትለምንልናለች:: ቸሩ ልጇም ሊምረን እንጂ ሊያጠፋን አይሻምና "እሺ እናቴ!" እያለ ይኼው በዚህ ሁሉ ክፋታችን እስከ ዛሬ ድረስ አላጠፋንም::

- ቸር ነው
- መሐሪ ነው
- ይቅር ባይ ነው
- ታጋሽ ነው
- ርሕሩሕ ነው
- ቂምም የለውም:: በንስሃ ካልተመለስን ግን አንድ ቀን መፍረዱ አይቀርምና ወገኖቼ ንስሃ እንግባ: ወደ እርሱም እንቅረብ::

ይህቺ ዕለት ለእመቤታችን እሥረኞችን የምትፈታባት ናት:: የሰው ልጅ በ፫ ወገን እሥረኛ ሊሆን ይችላል:: በሥጋዊው :- አጥፍቶም ሆነ ሳያጠፋ ሊታሠር ይችላል:: በመንፈሳዊው ግን ሰው በኃጢአት ማሠሪያ የሚታሠረው በጥፋቱ ብቻ ነው::

ሌላኛው ማሠሪያ ደግሞ ማዕሠረ ደዌ [በደዌ ዳኝነት] መታሠር ነው:: መታመም የኃጢአተኛነት መገለጫ አይደለም:: ምክንያቱም ከቅዱሳን ወገን ከ፹ % [ፐርሰንቱ] በላይ ድውያን ነበሩና::

ታዲያ በዚህች ዕለት እመ በርሃን 3ቱንም ማሠሪያዎች እንደምትፈታ እናምናለን:: በእሥር ቤትም: በኃጢአትም ሆነ በደዌ ማሠሪያ የታሠርን ሁላችን በዚሁ ዕለት እንድትፈታን የአምላክ እናትን እንለምናት::

በ፫ቱም ማሠሪያዎች የታሠሩ ወገኖቻችንንም እያሰብን "ይባእ ቅድሜከ ገዐሮሙ ለሙቁሐን-የእሥረኞች ጩኸት ወደ አንተ ይድረስ" እያልን [መዝ.፸፰፥፲፩] ልንጸልይ ይገባል::

- እመ ብርሃንንም እንደ ሊቃውንቱ :-

"እማእሠረ ጌጋይ ፍትሕኒ ወላዲተ ክርስቶስ አምላክ:
እምነ ሙቃሔ ጽኑዕ ወእማዕሠር ድሩክ:
ከመ ፈታሕኪዮ ዮም ለማትያስ ላዕክ::" እንበላት::

†  🕊   ቅዱስ አልዓዛር ሐዋርያ  🕊 †

ቅዱስ አልዓዛር በሃገረ ቢታንያ ከእህቶቹ ማርያና ማርታ ጋር ይኖር ነበር:: ሦስቱም ድንግልናቸውን ጠብቅው ጌታችንን ያገለግሉት ነበርና አልዓዛርን ከ፸፪ቱ አርድእት ማርያና ማርታን ደግሞ ከ፴፮ቱ ቅዱሳት አንስት ቆጥሯቸዋል::

በወንጌል ጌታችን ይወዳቸው እንደነበር ተገልጧል:: ጌታችን ኢየሱስ ክርስቶስ ሲወድ የሚያበላልጥ ሆኖ አይደለም:: ይልቁኑ በምሥጢር እነርሱ ተወዳጅ የሚያደርጋቸውን ሥራ ይሠሩ እንደነበር ሲነግረን ነው እንጂ::

ቅዱስ መጽሐፍ እንደነገረን ጌታችን በነአልዓዛር ቤት በእንግድነት ይስተናገድ ነበር:: በመጨረሻዋ ምሴተ ሐሙስም ቅዱስ ሥጋውንና ክቡር ደሙን ለሐዋርያቱ ያቀበላቸው በእነዚህ ቅዱሳን ቤት ውስጥ ነው::

ቅዱስ አልዓዛር በጽኑዕ ታሞ አርፏል:: ቅዱሳት እህቶቹ ማርያና ማርታ ከታላቅ ለቅሶ ጋር ዕለቱኑ ቀብረውታል:: [ዮሐ.፲፩]

ቸር ጌታችን ክርስቶስ ከ4 ቀናት በኋላ ሊያስነሳው ይመጣል::

ለስም አጠራሩ ስግደት: ክብር: ጌትነት ይድረሰውና አምላካችን ኢየሱስ ክርስቶስ አልዓዛር ባረፈ በአራተኛው ቀን ወደ ቢታንያ ደረሰ:: ማርታ ቀድማ ወጥታ ከእንባ ጋር ተቀበለችው::

'አዳም ወዴት ነህ' ያለ [ዘፍ.፫] የአዳም ፈጣሪ 'አልዓዛርን ወዴት ቀበራችሁት' አለ:: ቸርነቱ: ባሕርዩ ያራራዋልና ማርያም ስታለቅስ ባያት ጊዜ አብሮ አለቀሰ::

ከዚያም በባሕርይ ስልጣኑ "አልዓዛር አልዓዛር" ብሎ አልዓዛርን አስነሳው:: ይሕች ተአምርም በአይሁድ ዘንድ ግርምት ሆነች:: ለጌታም የሞት ምክንያት አደረጉዋት:: ቅድስት ቤተ ክርስቲያን መጽሐፍ ቅዱስን መሠረት አድርጋ እንዲህ ታስተምራለች:: [ዮሐ.፲፩፥፩ -ፍጻሜው]

ቅዱስ አልዓዛር ጌታችን ካስነሳው በኋላ በበዓለ ሃምሳ መንፈስ ቅዱስን ተቀብሎ [ቁጥሩ ከ፸፪ቱ አርድእት ነውና] : ለ፵ ዓመታት ወንጌልን አስተምሮ: በ፸፬ ዓ/ም አካባቢ ቆዽሮስ ውስጥ አርፏል::

†   🕊   ፍልሠት   🕊 †

ይህቺ ዕለት ለቅዱሱ ሐዋርያ በዓለ ፍልሠቱ ስትሆን ይህ የተደረገውም በ፬ኛው መቶ ክ/ዘመን ነው:: ቅዱሱ ያረፈው ቆዽሮስ ውስጥ ነው:: ግን ባልታወቀ ጊዜና ምክንያት ወደ ኢየሩሳሌም ሒዷል::

አንድ ቀንም በመንፈስ ቅዱስ መሪነት ኢየሩሳሌም ውስጥ ሲቆፍሩ አንድ አንድ ሳጥን አገኙ:: በላዩ ላይ ደግሞ "ይህ የጌታ ወዳጅ የአልዓዛር ሥጋ ነው" የሚል ጽሑፍ አግኝተው ደስ ተሰኝተዋል:: በታላቅ ዝማሬና ፍስሐም ከኢየሩሳሌም ወደ ቁስጥንጥንያ አፍልሠውታል::

የጌታችን ቸርነቱ: የአልዓዛር በረከቱ ይድረሰን::

† 🕊 አባ ዮሐንስ ዘኢየሩሳሌም 🕊  †

እኒህ ጻድቅ ሰው ግብጻዊ ሲሆኑ በሰፊው የሚታወቁት በኢትዮዽያና በኢየሩሳሌም ነበር:: ገና በወጣትነት የጀመሩትን የተጋድሎ ሕይወት ገፍተው በበርሃ ሲኖሩ የወቅቱ የግብጽ ሲኖዶስ ከበርሃ ጠርቶ የኢየሩሳሌም ዻዻስ እንዳደረጋቸው ይነገራል::

በቅድስት ሃገርም በንጽሕናና በመንኖ ጥሪት ወንጌልን እየሰበኩ ኑረዋል:: አባ ዮሐንስ የነበሩበት ዘመን ፲፬ኛው መቶ ክ/ዘመን ሲሆን የወቅቱ የኢትዮዽያ ንጉሥ ደጉ አፄ ዳዊት ነበሩ::

ንጉሡ የግብጽ ክርስቲያኖችን ደም ለመበቀል [በወቅቱ ከሊፋዎች ያሰቃዩዋቸው ነበር) እስከ ላይኛው ግብጽ ወርደዋል:: በሃገር ውስጥ ያሉ ተንባላት አባሪዎቻቸውንም ቀጥተዋል:: በዚህ የተደናገጠው የግብጹ ሡልጣን 'አስታርቁኝ' ብሎ ስለ ለመነ ለእርቅ የተመረጡ አባ ዮሐንስና አባ ሳዊሮስ ዘምሥር ናቸው::

እነዚህ አባቶች በ፲፫፻፺ዎቹ አካባቢ ወደ ኢትዮዽያ ከመጡ በኋላ አልተመለሱም:: ምክንያቱም ደጉ አፄ ዳዊት እጅግ ስለ ወደዷቸው 'አትሔዱም' ብለው ስላስቀሯቸው ነው:: እንዲያውም ለግማደ መስቀሉ መምጣት ትልቁን አስተዋጽኦ ያደረጉት አባ ዮሐንስ ሳይሆኑ አይቀሩም:: ዛሬ የጻድቁ ዕረፍታቸው ነው::

አምላከ ቅዱሳን ስለ ድንግል እናቱ ብሎ ከኃጢአት ሁሉ ማሠሪያ ይፍታን:: የወዳጆቹን በረከትም አያርቅብን::

🕊

[ † ጥቅምት ፳፩ [ 21 ] ቀን የሚከበሩ ዓመታዊ የቅዱሳን በዓላት ]

፩. እግዝእትነ ማርያም
፪. ቅዱስ አልዓዛር ሐዋርያ
፫. አባ ዮሐንስ ዘኢየሩሳሌም
፬. ቅዱስ ኢዩኤል ነቢይ
፭. ቅዱስ ማትያስ ረድእ

[ † ወርኀዊ የቅዱሳን በዓላት ]

፩. ቅድስት ድንግል እግዝእትነ ማርያም ወላዲተ አምላክ
፪. አበው ጎርጎርዮሳት
፫. አቡነ ምዕመነ ድንግል
፬. አቡነ አምደ ሥላሴ
፭. አባ አሮን ሶርያዊ
፮. አባ መርትያኖስ ጻድቅ

" ጌታ ኢየሱስም 'ብታምኚስ የእግዚአብሔርን ክብር እንድታዪ አልነገርሁሽምን?' አላት... ይሕንም ብሎ በታላቅ ድምጽ 'አልዓዛር ሆይ ወደ ውጭ ና' ብሎ ጮኸ:: የሞተውም እጆቹና እግሮቹ በመግነዝ እንደ ተገነዙ ወጣ:: ፊቱም በጨርቅ እንደ ተጠመጠመ ነበረ:: ጌታ ኢየሱስም 'ፍቱትና ይሂድ ተውት' አላቸው::" [ዮሐ.፲፩፥፵-፵፬]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †             †
▬▬▬▬▬ ▬▬▬ ▬▬▬▬▬
💖                  🕊                    💖

133

ኦርቶዶክስ ሃይማኖታችን

30 Oct, 17:02

                       †

[  🕊 በመገዛት አመሰግንሻለሁ 🕊 ]

🌼▬▬▬▬▬▬▬▬▬▬▬▬🌼

❝ እመቤቴ ማርያም ሆይ በመገዛት አመሰግንሻለሁ:: በመማጸንም አገንሻለሁ። አንቺ የሊቀ ካህናቱ መሠውያ ሁነሻልና ልጅሽም በእውነት ለሚመገበው የሕይወት ምግብ ነው::

ሕፃንሽ ከልብ ለሚያዳምጠው ምክሩ ጣፋጭ ነው። ቁጣ የሌለብሽ ርኅሩኅ ሆይ ወደ አንቺ እጸልያለሁ ፤ በመማለድም ወደ አንቺ እለምናለሁ:: በኵርሽ /ልጅሽ ክርስቶስ/ አካሔዴን ወደ ጽድቅ መንገድ ያቅና ስምሽን በማስታወስ በጠራሁት ጊዜም በእውነት ይነጋግረኝ።

አንቺም ለዚህ ለአገልጋይ የሚጠቅመውን ስጠው በሥልጣንህ እርዳው ፤ በእጅህም አጽናው ፤ ከሚያስፈራው የሕይወት ጠላቱም መፈራትን አጐናጽፈው በይው:: ለዘለዓለሙ አሜን:: ❞

🕊

[ እንዚራ ስብሐት ]

💖                   🕊                   💖

126

ኦርቶዶክስ ሃይማኖታችን

30 Oct, 15:53

                          †

💖 [    የትሕርምት ሕይወት !    ] 💖

🕊                  💖                     🕊

[       ትእግስትን በተመለከተ !      ]

ምንም በመከራ ውስጥ ብንሆን ..... !

❝ ጊዜውን አይተህ ተስፋ አትቁረጥ፡፡ ጠላት ለጊዜው መልካም መስሎ በሚታይ ነገር እንድትሳብ ይደክማልና፡፡ ስለዚህ ወንድሜ ሆይ ሥጋዊ ደስታን ከሚሰጡና ከትይንት ቤቶች ትርቅ ዘንድ ወደ እነርሱም ከመሳብ ራስህን ትጠብቅ ዘንድ እመክርሃለሁ።

ወዳጄ ሆይ ! በእግዚአብሔር ደስ የሚልህ ሰው እንደ መሆንህ መጠን ሐዋርያው “አርነት ልትወጣ ቢቻልህ ግን አርነትን ተቀበል” ብሎአልና የሰው ባሪያ ከመሆን ወጥተህ ለክርስቶስ ባርያ ሁነህ ኑር፡፡

ለዚህም ሕይወት አርአያ ይሆኑ ዘንድ በብሉይ ኪዳን የነበሩ ቅዱሳን አሉ፡፡ እነርሱ በመከራ ውስጥ ቢያልፉም በሥራቸው ሁሉ ለእግዚአብሔር ታዘው የሚኖሩ ነበሩና ከአምላካቸው ቃል ኪዳንን ተቀበሉ፡፡ ከእግዚአብሔር አምላከ ዘንድ ቃል ኪዳንን የመቀበላቸው ምሥጢርም እርሱን በማምለክ መጽናታቸው ነው፡፡

ስለዚህ እኛም ከእነርሱ ጋር የመንግሥቱ ወራሾች የርስቱ ተሳታፊዎች እንድንሆን ምንም በመከራ ውስጥ ብንሆን እነርሱን አርአያ አድርገን ራሳችንን በቅድስና ሕይወት ልናመላልስ ይገባናል፡፡ ❞

[ ቅዱስ ኤፍሬም ሶርያዊ ]

🕊                      💖                    🕊

118

ኦርቶዶክስ ሃይማኖታችን

30 Oct, 12:15

                        †

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †   ▬▬▬▬▬▬

[ የአባታችን የቅዱስ መቃርዮስ የተጋድሎ ሕይወቱና ትምህርቱ ]

[               ክፍል ሃያ ስምንት             ]

💛

በስመ አብ ወወልድ ወመንፈስ ቅዱስ አሐዱ አምላክ አሜን፡፡

[ አንድን ወጣኒ ባሕታዊን እንደ መከረው ! ]

                         🕊

❝ አንድ ያልተማረ ባሕታዊ ወደ በረሃ ሄዶ ብቻውን ተቀመጠ፡፡ ሰይጣንም መጥቶ " ምነው በዚህ በረሃ ብቻህን ? " አለው፡፡ እርሱም ፦ " እጸድቅ ብዬ " አለው ፤ ዝም ብሎት ሄደ፡፡
ሁለተኛም ሄዶ " ምነው ብቻህን ? " አለው፡፡ ያ ባሕታዊም ፦ " ክርስቶስን ባገኘው ብዬ " አለው ፤ ሰይጣኑም " የአሁኑ ይባስ ! " ብሎት ሄደ፡፡

አባ መቃርስ ነገሩ ተገለጠለትና ወደዚህ ባሕታዊ ዘንድ ሄዶ ፦ " ከአንተ ዘንድ ሰው አልመጣምን ? " አለው፡፡ እርሱም ዝም አለው፡፡ ግድ ብሎ ንገረኝ ባለው ጊዜ ፦ " አዎን ፣ መጥቶ ነበር " አለው፡፡ " ምን አለህ ? " አለው፡፡ " ብቻህን ለምን ተቀምጠሃል ? " አለኝ ፣ እጸድቅ ብዬ አልሁት ፣ ዝም ብሎኝ ሄደ፡፡ ሁለተኛም መጥቶ " ምነው ብቻህን ? " አለኝ ፣ እኔም ፦ " ክርስቶስን ባገኘው ብዬ" አልኩት ፣ እርሱም " የአሁኑ ይባስ ! " ብሎኝ ሄደ አለው፡፡

መቃርስም ፦ " ምነው እንዲህ ማለትህ የምትጸድቅና ክርስቶስን የምታገኝ አንተ ብቻ ነህን ? በዓለሙ ያለ ሁሉ ክርስቶስን የማያገኝና የማይጸድቅ ሆኖ ነውን ? ከአሁን በኋላ ተመልሶ የመጣ እንደ ሆነ ፦ ግብሩ የከፋ ውሻን አስረው ለብቻው እንደሚያስቀምጡት እኔም ጠባዬ ቢከፋ ግብሬ ከሰው ባይስማማ ከዚህ መጥቼ ተቀምጫለሁ በለው እንጂ እንዲህ አትበለው" አለው፡፡

ዲያብሎስም እንደ ልማዱ እንደገና መጣ፡፡ ያ ወጣኒም መቃርስ እንደ ነገረው መለሰለት፡፡ ዲያብሎስም " ይህን ያደረገ መቃሪ ነው እንጂ አንተ አይደለህም " ብሎት ሄዷል፡፡ ❞

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !

†                     †                       †
💖                   🕊                     💖

132

ኦርቶዶክስ ሃይማኖታችን

30 Oct, 09:15

🕊                   †                       🕊

[ ተዋሕዶ ፍጽምት የቅዱሳን ሃይማኖት ]
▬▬▬▬▬▬   †   ▬▬▬▬▬▬

[ ❝ ሥጋን ተዋሕዶ በእውነት ታመመ ! ❞ ]

🕊

❝ እንኪያስ የተሰቀለው የክብር ባለቤት ነው ፥ እኛም ለተሰቀለው ፥ ወደ መቃብር ለወረደው ፥ በሦስተኛው ቀን ከመቃብር ለተነሣው ፥ ወደ ሰማይ ለዓረገው እንሰግዳለን።

የእግዚአብሔር የዕውቀቱ ፥ የጥበቡ ምላት ፥ ስፋት እንድምን ረቂቅ ነው ? ! በሐዋርያው በጳውሎስ መልእክት እንደተነገረ በዚህ አንቀጽ የተነገረውን እንማር ፥ ከሰፊ ጥልቅ ባሕር ጥቂት ውኃ እንደሚጠጣ ሰው እኛም ከእግዚአብሔር ቃል ከረቂቅ ዕውቀቱ ጥቂት እንናገር። [ሮሜ.፲፩፥፴፫]

በሥራ ያሳየንን አርአያውን በእግዚአብሔር አብ ፈቃድ ፥ በእግዚአብሔር ወልድ ቸርነት ፥ በእግዚአብሔር መንፈስ ቅዱስ ፍቅር ፥ የምናገኘውን የማይመረመር ክብር ዕንወቅ።

ጥበብ ነው ፥ አምላክ ነው ፥ ፈጣሪ አማኑኤል በመለኮቱ የማይታመም ነው ፥ ግን በሞት የተያዙት በሕማሙ እንዲድኑ አውቆ ሐዋርያን ፥ ነቢይንም አልላከም ፤ መለኮቱን ሕማም ሳያገኘው እርሱ እግዚአብሔር ሕማም የሚስማማው ሥጋን ተዋሕዶ በእውነት ታመመ እንጂ። ክብር ምስጋና ይግባው ፥ ለዘለዓለሙ አሜን። [ኢሳ.፷፫፥፱ ። ዮሐ.፳፥፳፰] ❞

[      ቅዱስ ኤጲፋንዮስ      ]

ወስብሐት ለእግዚአብሔር ፤ ወለወላዲቱ ድንግል ፤ ወለመስቀሉ ክቡር። አሜን።

†                     †                       †
💖                   🕊                     💖

143

ኦርቶዶክስ ሃይማኖታችን

29 Oct, 21:24

🕊

✞ በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ ✞

[ ✞ እንኩዋን ለታላቁ ቅዱስ አባ ዮሐንስ ሐጺር እና ለቅዱስ ኤልሳዕ ነቢይ ዓመታዊ የዕረፍት በዓል በሰላም አደረሳችሁ ✞ ]

🕊  †  ቅዱስ አባ ዮሐንስ ሐጺር † 🕊

በቤተ ክርስቲያን ያሉ አበው ሊቃውንት እንደሚሉት ከቅዱሳን በቁመቱ የአባ አርሳኒን ያክል ረዥም አልነበረም:: እርሱ እንደ ዝግባ ቀጥ ያለ ነበር:: በዚያው ልክ ደግሞ የቅዱስ ዮሐንስን [ዛሬ የምናከብረውን] ያህል አጭር አልነበረም:: በዚህ ምክንያት ይሔው ለዘለዓለም "ዮሐንስ ሐጺር - አጭሩ አባ ዮሐንስ" ሲባል ይኖራል::

ሊቃውንትም ቁመቱንና ቅድስናውን በንጽጽር ሲገልጡ :-
"ሰላም ሰላም ዕብሎ በሕቁ:
ለዮሐንስ ሐጺር ዘነዊኅ ሒሩተ ጽድቁ" ይላሉ:: "ቁመቱ እጅግ ያጠረ: ጽድቁ ግን ከሰማይ የደረሰ ቅዱስ ዮሐንስን ሰላም ሰላም እንለዋለን" እንደ ማለት ነው::

ቅዱሱ የተወለደው በ፬ኛው መቶ ክ/ዘመን በምድረ ግብጽ ነው:: ወላጆቹ ምንም ከሥጋዊ ሃብት ድሆች ቢሆኑም ባለ መልካም ክርስትና ነበሩና በጐውን ሕይወት አስተምረውታል:: ወደ ምናኔ የገባው ገና በ፲፰ ዓመቱ ሲሆን የታላቁ አባ ባይሞይ ደቀ መዝሙር ሆኖ ተጋድሎንና ትሕርምትን ተምሯል::

ቅዱስ ዮሐንስ ሐጺር በወቅቱ ከነበሩ ቅዱሳን ከቁመቱ ባሻገር በትሕትናው: በትእግስቱና በመታዘዙ ይታወቅ ነበር:: አባ ባይሞይ ይጠራውና ያለ ምንም ምክንያት ደብድቦ ያባርረው ነበር:: እርሱ ግን "ምን አጠፋሁ?" ብሎ እንኩዋ ሳይጠይቅ "አባቴ ሆይ! ማረኝ?" እያለ ከእግሩ ሥር ይወድቅ ነበር::

ለብዙ ጊዜ በተመሳሳይ ሲደበድበው: እርሱም እርሱው ተደብድቦ: እርሱው ይቅርታን ሲጠይቅ ኖረ:: አንድ ቀን ግን እንደ ልማዱ ሊገርፈው ሲሔድ ፯ቱ ሊቃነ መላእክት ከበውት አይቶ ደንግጦ ተመልሷል::

አባ ባይሞይ ይሕንን ሁሉ የሚያደርገው ጠልቶት ወይ ክፉ ሆኖ አይደለም:: አንድ ሰው የሌላኛውን ግፍ መቀበል ካልቻለ ሰይጣንን ድል አይነሳም የሚል ትምሕርት ስለ ነበረ ነው እንጂ::

አንድ ቀን ቅዱስ ዮሐንስ ወደ መምሕሩ ቀርቦ "አባቴ ጅብ ካገኘሁ ምን ላድርግ?" ሲል ጠየቀው:: [የአካባቢው ጅብ መናጢ ነበር] አባ ባይሞይ ግን "ይዘህልኝ አምጣው" አለው:: ትዕዛዝ ነውና ቅዱሱ ወደ በርሃ ወርዶ: ጅብ አልምዶ ይዞለት መጥቷል::

ሌላ ቀን ደግሞ አባ ባይሞይ ቅዱስ ዮሐንስን ጠራውና ተፈልጦ የወደቀ ደረቅ እንጨት ሠጠው:: "ምን ላድርገው አባ?" አለው:: "ትከለውና እንዲያፈራ አድርገው:: ከዚያ አምጥተህ አብላኝ" ሲል መለሰለት:: ይህ ነገር ከተፈጥሮ ሥርዓት ውጪ መሆኑን እያወቀ ቅዱስ ዮሐንስ "እሺ" ብሎ ወስዶ ተከለው::

ከዚያም ለ፪ ዓመታት ሳይታክት ውሃ አጠጣው:: ውሃውን የሚያመጣበት ቦታ ደግሞ 10 ኪሎ ሜትር ያህል ከገዳሙ ይርቅ ነበር:: ቅዱሱ ላቡን እያፈሰሰ አሁንም ማጠጣቱን ቀጠለ::

በ፫ኛው ዓመት ግን ለምልሞ አበበ: ደግሞም አፈራ:: ካፈራው በኩረ ሎሚም ወስዶ ለመምሕሩ "አባቴ! እንካ ብላ" ብሎ ሰጠው:: አባ ባይሞይ ግን ማመን አልቻለም:: እጅግ አደነቀ: አለቀሰም::

ወዲያው ያን ፍሬ ታቅፎ ወስዶ ለገዳሙ መነኮሳት አላቸው- "ንሱ ብሉ: በረከትንም አግኙ:: ይህ የዛፍ ሳይሆን የመታዘዝ ፍሬ ነው:: ቅዱስ ዮሐንስ አባ ባይሞይ ቢታመም ለ፲፪ ዓመት አስታሞታል::

መምሕሩ ከማረፉ በፊትም መነኮሳቱን ሰብስቦ የቅዱስ ዮሐንስን እጅ አስጨበጣቸው:: "ይህ የያዛችሁት እጅ የሰው ሳይሆን የመልአክ እጅ ነው" ብሏቸው ዐርፏል:: ቅዱስ ዮሐንስም ከዓመታት ቆይታ በሁዋላ የገዳሙ አበ ምኔት ሆኖ አገልግሏል:: ብዙ ነፍሳትንም ለቅድስና ማርኩዋል::

መላእክት ንጽሕናው ደስ ስለሚያሰኛቸው አብረውት ይውሉ ነበር:: ሲተኛም በተራ በተራ ክንፋቸውን ያለብሱት ነበር:: ምጽዋትን በጣም ስለሚወድ ሰፌድ እየሰፋ ይሸጥና ገንዘቡን ለነዳያን ያን ያካፍል ነበር::

አንድ ቀን እንደ ልማዱ ወደ ገበያ ወጥቶ ሳለ ተደሞ [ተመስጦ] መጣበት:: ሰማያት ተከፍተው: ቅዱሳን ሊቃነ መላእክት ሚካኤልና ገብርኤል በግርማ በጌታ ፊት ቆመው ተመለከተ::

"እጹብ: እጹብ" እያለ ሲያደንቅ አንድ ገዢ መጥቶ "ባለ እንቅብ ዋጋው ስንት ነው?" ቢለው "እኁየ ሚካኤልኑ የዓቢ ወሚመ ገብርኤል - ከሚካኤልና ከገብርኤል ማን ይበልጣል?" ብሎታል:: ገዢውም ደንግጦ "እብድ መነኩሴ" ብሎት ሔዷል::

ቅዱስ ዮሐንስ ሐጺር ወደ ባቢሎን [የአሁኗ ኢራቅ] ሒዶ ከተመለሰ በሁዋላ በበርበሮች ምክንያት ከአስቄጥስ ወደ ቁልዝም ተሰዷል:: በዚያም በአባ እንጦንስ በዓት ውስጥ ዐርፏል:: ለ፬፻ ዓመታት በዚያው ቆይቷል::

በ፰፻፳፭ ዓ/ም ግን በአባ ዮሐንስ ፓትርያርክ ዘመን ክቡር ሥጋው ወደ ገዳመ አስቄጥስ ተመልሷል:: ቅዱሱ ያረፈው ጥቅምት ፳ ቀን ሲሆን ዛሬ ሥጋው የፈለሠበት ነው:: በዚህ ዕለትም የቅዱስ ዮሐንስ ሐጺርና የታላቁ ቅዱስ መቃርስ ሥጋ በተገናኙ ጊዜ ግሩም ተአምር ተደርጉዋል:: ወደ ቤተ ክርስቲያኑ ሲገባም ታላቅ የብርሃን ጐርፍ ሲፈስ ታይቷል::

ሰማያዊ መዓዛም አካባቢውን ሞልቶታል:: ከዻዻሳቱ አንዱ እባረካለሁ ብሎ የቅዱስ ዮሐንስን ሥጋ ቢገልጠው አካባቢው ተናወጠ:: መባርቅትም [መብረቆች] ተብለጨለጩ:: ደንግጠው ቶሎ ቢያለብሱት ጸጥታ ሆኗል:: በዚህ ሁሉ ደስ ያላቸው አበው ቅዱሱን በዝማሬ ሲያወድሱት ውለዋል::

🕊  †  ቅዱስ ኤልሳዕ ነቢይ †  🕊

+ ከነቢያተ እሥራኤል አንዱ
+ ከእርሻ ሥራ ቅዱስ ኤልያስን የተከተለ
+ መናኔ ጥሪት የተባለ
+ በድንግልና ሕይወት የኖረ
+ የታላቁ ነቢይ ኤልያስ መንፈስ እጥፍ የሆነለት
+ እጅግ ብዙ ተአምራትን ያደረገ
+ አንዴ በሕይወቱ: አንዴ በአጽሙ ሙታንን ያስነሳ ታላቅ ነቢይና አባት ነው::

ቅዱስ ኤልሳዕ በጣም ረዥም: ራሱ ገባ ያለ [ራሰ በራ] : ቀጠን ያለ: ፊቱ ቅጭም ያለ [የማይስቅ] ሽማግሌ ነበር::

አምላከ ቅዱሳን የሐጺር ቅዱስ ዮሐንስን መታዘዙን: ትሕትናውን: ትእግስቱንና ቅንነቱን ያድለን:: በበረከቱም ይባርከን::

🕊

[   † ጥቅምት ፳ [ 20 ] ቀን የሚከበሩ ዓመታዊ የቅዱሳን በዓላት   ]

፩. ቅዱስ አባ ዮሐንስ ሐጺር
፪. ቅዱስ ኤልሳዕ ነቢይ
፫. አባ ባይሞይ

[   † ወርኀዊ በዓላት   ]

፩. ቅዱስ ዮሐንስ ሐፂር
፪. ቅዱስ አክሎግ ቀሲስ
፫. ቅዱስ አፄ ካሌብ ጻድቅ [ንጉሠ ኢትዮዽያ]
፬. አባ አሞንዮስ ዘሃገረ ቶና
፭. ቅድስት ሳድዥ የዋሒት
፮. ቅዱስ ወክቡር ማር ቴዎድሮስ ሰማዕት

[ " እናንተ ደግሞ የታዘዛችሁትን ሁሉ ባደረጋችሁ ጊዜ 'የማንጠቅም ባሪያዎች ነን: ልናደርገው የሚገባንን አድርገናል' በሉ::" [ሉቃ.፲፯፥፲]   ]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †             †
▬▬▬▬▬ ▬▬▬ ▬▬▬▬▬
💖                  🕊                    💖

172

ኦርቶዶክስ ሃይማኖታችን

25 Oct, 02:26

🕊

✞ በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ ✞

[ ✞ እንኩዋን ለአባቶቻችን ቅዱሳን ፲፪ [12] ቱ ሐዋርያት" እና ለቅዱስ "ቢላሞን ሰማዕት" ዓመታዊ በዓል በሰላም አደረሳችሁ ✞ ]

† 🕊 ቅዱሳን ፲፪ [12] ቱ ሐዋርያት 🕊 †

በቅድስት ቤተ ክርስቲያን አስተምሕሮ ከእመቤታችን በቀር ከቅዱሳን ሐዋርያት የሚበልጥ አልተነሳም:: "ሐዋርያ" ማለት "ፍንው: ልዑክ: የተላከ: የጽድቅ መንገደኛ" እንደ ማለት ነው:: በምሥጢሩ ግን "ባለሟል" ብለው ሊቃውንቱ ተርጉመውታል::

+ ይህስ እንደምን ነው ቢሉ :-

¤ የፍጥረታት ሁሉ ጌታ: የክብር ባለቤት መድኃኔ ዓለም ከድንግል ማርያም ተወልዶ: አድጐ: ተጠምቆ: ጾሞ: ከገዳመ ቆረንቶስ ሲመለስ ቀዳሚ ሥራው ያደረገው ደቀ መዛሙርቱን መጥራት ነበር::

+ ከተከተሉት የ፭ [5] ገበያ ሕዝብ መካከል "ወሐረየ እምሰብአ ዚአሁ አሠርተ ወክልኤተ ሐዋርያተ" እንዲል በመጀመሪያ ፲፪ [12]ቱን ሐዋርያት መረጠ::

+ እሊህም :-

፩. ዼጥሮስ የተባለ ስምኦን
፪. እንድርያስ [ወንድሙ]
፫. ያዕቆብ ወልደ ዘብዴዎስ
፬. ዮሐንስ [ወንድሙ]
፭. ፊልዾስ
፮. በርተሎሜዎስ
፯. ቶማስ
፰. ማቴዎስ
፱. ያዕቆብ ወልደ እልፍዮስ
፲. ታዴዎስ [ልብድዮስ]
፲፩.ናትናኤል [ቀናተኛው ስምዖን] እና
፲፪. ማትያስ [በይሁዳ የተተካ] ናቸው:: [ማቴ.፲፥፩] (10:1)

+ እነዚህን ፲፪ [12] አርድእቱን ከጠራ በሁዋላ ለ፫ [3] ዓመታት ከ፫ [3] ወራት ከዋለበት ሲማሩ ይውሉ ነበር:: ሌሊት ደግሞ ምሥጢር ሲያስተረጉሙ ያድሩ ነበር::

+ ጌታ እንደሚገባ ካስተማራቸው በሁዋላ ከፍ ያለ ኃላፊነትን ሾማቸው:: ለዓለም እረኞች: የእርሱም ባለሟሎች ሆኑ:: እጅግ ብዙ መከራ እንደሚገጥማቸው ነገራቸው:: [ማቴ.፲፥፲፮] (10:16) , [ዮሐ.፲፮፥፴፫] (16:33) በዚያው ልክ ክብራቸውንም አከለላቸው:: [ማቴ.፲፱፥፳፰] (19:28)

+ ሥልጣናቸው ደግሞ እስከዚህ ድረስ ሆነ:: "በምድር ያሠራችሁት በሰማይ የታሰረ ይሆናል: በምድር የፈታችሁት በሰማይ የተፈታ ይሆናል::" [ማቴ.፲፰፥፲፰] (18:18) "ይቅር ያላችሁዋቸው ኃጢአታቸው ይቀርላቸዋል: ያላላቹሃቸው ግን አይቀርላቸውም::" [ዮሐ.፳፥፳፫] (20:23)

+ የመንግስተ ሰማያትን መክፈቻ [ማቴ.፲፮፥፲፱] (16:19): እረኝነትን [ዮሐ.፳፩፥፲፭] (21:15) ተቀበሉ:: ጌታ በንጹሕ አንደበቱ ሐዋርያቱን እጅግ ሲያከብራቸው "ጨው: የዓለም ብርሃናት" [ማቴ.፭፥፲፫] (5:13) አላቸው:: ወንድሞቹም ተባሉ:: [ዮሐ.፯፥፭] (7:5) ከዚህም በሚበልጥ በሌላ ክብር አከበራቸው::

+ ከዚህ ሁሉ ነገር በሁዋላ በጌታ ሕማማት ጌዜ ገና ነበሩና አንዳንዶቹ ፈርተው ተበተኑ:: ተመልሰው ግን በጽርሐ ጽዮን ሲጸልዩ ሰንብተው የጌታን ትንሳኤ ተመለከቱ:: እጆቹን: እግሮቹንም ዳስሰው ሐሴትን አደረጉ::

+ ለ፵ [40] ቀናት መጽሐፈ ኪዳንን: ትምሕርተ ኅቡዓት: ሌላም በፍጡር አንደበት የማይነገር ብዙ ምሥጢራትን ተምረው: ጌታ ሊቀ ዽዽስናን ሹሟቸው ዐረገ::

+ ለ፲ [10] ቀናት በእመ ብርሃን ሥር ተጠልለው ሲጸልዩና በአንድ ልብ ሲተጉ ሰንብተው መንፈስ ቅዱስ ወረደላቸው:: በአንዴም ከፍርሃት ወደ ድፍረት ተመልሰው ፍጹማን: ብርሃናውያን ሆኑ:: ፸፩ [71] ልሳናትን ነስተው በአንዲት ስብከት ብቻ 3ሺ ነፍሳትን ማረኩ:: [ሐዋ.፪፥፵፩] (2:41)

+ ቅዱሳን ሐዋርያት በኅብረት ለአንድ ዓመት ያህል በኢየሩሳሌምና በዙሪያዋ እየተመላለሱ አስተምረው ብዙ እሥራኤላውያንን ወደ ክርስትና ማርከዋል:: ከዚህ በሁዋላ ግን እንደ ትውፊቱ በዚህች ቀን ዓለምን በእጣ ለ፲፪ [12] ተካፈሏት::

+ ይህ ሲሆን መንፈስ ቅዱስ አብሯቸው ነበርና ለእያንዳንዳቸው እንደሚገባቸው አሕጉረ ስብከቶች ደረሷቸው:: እነርሱም ደቀ መዛሙርቶቻቸውን አስከትለው ለታላቁ መንፈሳዊ ዘመቻ ወረዱ::

በሔዱበት ቦታም ከተኩላ: ከአንበሳና ከነምር ጋር ታገሉ:: በጸጋቸውም አራዊትን [ክፉ ሰዎችን] ወደ በግነት መልሰው ለክርስቶስ አስረከቡ:: በየሃገሩ እየሰበኩ ድውያንን ፈወሱ:: ለምጻሞችን አነጹ:: እውራንን አበሩ:: አንካሶችን አረቱ:: ጐባጦችን አቀኑ:: ሙታንንም አስነሱ:: እልፍ አእላፍ አሕዛብንም ወደ መንጋው ቀላቀሉ::

ስለዚህ ፈንታም ብዙዎቹ በእሳት ተቃጠሉ:: ቆዳቸው ተገፈፈ:: በምጣድ ተጠበሱ:: ደማቸው በምድር ላይ ፈሰሰ:: ከአንድ ቅዱስ ዮሐንስ ወንጌላዊ በቀር ሁሉም ይህችን ዓለም በሰማዕትነት ተሰናበቱ:: ጨው ሆነው አጣፍጠዋልና: ብርሃንም ሆነው አብርተዋልና እናከብራቸዋለን:: "አባቶቻችን: መምሕሮቻችን: ጌቶቻችንና ሊቆቻችን" እንላቸዋለን::

† 🕊 ቅዱስ ቢላሞን ሰማዕት 🕊 †

በዘመነ ሰማዕታት የነበረው ቅዱስ ቢላሞን በወቅቱ ይታወቅ የነበረው በክርስቲያንነቱ ሳይሆን በፈላስፋነቱ ነበር:: እጅግ የተማረ ጥበበኛ: ግን ደግሞ ወገኑ ከኢ-አማንያን በመሆኑ ክርስቶስን አያውቀውም ነበር::

+እግዚአብሔር ግን እንዲጠፋ አልፈቀደምና አንድ ካህንን ላከለት:: ከመቀራረብ የተነሳ ብዙ ስለተነጋገሩ ቢላሞን ወደ ክርስትና እየተሳበ ሔደ:: በመጨረሻም ተምሮ በካህኑ እጅ ተጠምቁዋል:: ቀጥሎም ይጾም: ይጸልይ: ይጋደል ነበር::

በትንሽ ጊዜም ከጸጋ ደርሶ ድውያንን ይፈውስ ገባ:: ብዙ አሕዛብን እያስተማረ: ከደዌአቸውም እየፈወሰ ወደ ክርስትና መለሳቸው:: አንድ ቀን ግን "ዐይነ ሥውር አብርተሃል" በሚል ተከሶ ሞት ተፈረደበት::

ከመገደሉ በፍትም ጌታችን ከሰማይ ወርዶ "ወዳጄ!" ሲለው ወታደሮች ሰሙ:: በዚህ ምክንያት አምነው በዚህች ቀን ፲፶፰ [158] ወታደሮች አብረውት ተሰይፈዋል::

አምላከ ቅዱሳን ሐዋርያት ቸርነቱን: ምሕረቱን ያብዛልን:: በምልጃቸው ሃገራችንን ከክፉ ጠብቆ ከበረከታቸው ይክፈለን::

[ † ጥቅምት ፲፭ [ 15 ] ቀን የሚከበሩ ዓመታዊ የቅዱሳን በዓላት ]

፩. ፲፪ቱ [12ቱ] ቅዱሳን ሐዋርያት
፪. ቅዱስ ቢላሞን ሰማዕት
፫. ፻፶፰ [158] ሰማዕታት [የቅዱስ ቢላሞን ማሕበር]
፬. ቅዱስ ሲላስ ሐዋርያ
፭. ቅድስት ጾመታ

[    † ወርሐዊ በዓላት    ]

፩. ቅዱስ ቂርቆስና እናቱ ኢየሉጣ
፪. ቅዱስ ኤፍሬም ሶርያዊ [አፈ በረከት]
፫. ቅዱስ ሚናስ ግብፃዊ
፬. ቅድስት እንባ መሪና
፭. ቅድስት ክርስጢና

" በዚያን ጊዜ ዼጥሮስ መልሶ :- 'እነሆ እኛ ሁሉን ትተን ተከተልንህ:: እንኪያስ ምን እናገኝ ይሆን?' አለው:: ጌታ ኢየሱስም እንዲህ አላቸው :- 'እውነት እላቹሃለሁ! እናንተስ የተከተላችሁኝ በዳግመኛ ልደት: የሰው ልጅ በክብሩ ዙፋን በሚቀመጥበት ጊዜ እናንተ ደግሞ በአሥራ ሁለቱ የእሥራኤል ነገድ ስትፈርዱ በአሥራ ሁለት ዙፋን ትቀመጣላችሁ::" [ማቴ.፲፱፥፳፯] (19:27)

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †             †
▬▬▬▬▬ ▬▬▬ ▬▬▬▬▬
💖                  🕊                    💖

13

ኦርቶዶክስ ሃይማኖታችን

24 Oct, 17:15

                      †

🕊   💖 ቅዱሳን ሐዋርያት 💖   🕊

                         🕊

❝ ስማቸው ጴጥሮስና እንድርያስ ፣ ያዕቆብና ዮሐንስ ፣ ፊልጶስና በርተሎሜዎስ ፣ ቶማስና ማቴዎስ ፣ ታዴዎስና ናትናኤል ፣ የእልፍዮስ ልጅ ያዕቆብና ማትያን በመባል ለሚጠሩ ለ ፲፪ ቱ የመድኅን ሐዋርያት ሰላምታ ይገባል። ❞

▬▬▬▬▬▬   †   ▬▬▬▬▬▬

❝ አቤቱ በስምኽ የሰበኩ ፤ በታላቅ መከራ በረኀብና በጥም ፤ በብርድና በመራቆት ፤ በመውዛትና በመድከም ፤ ከነገሥታትና ከመኳንንት ዘንድ ተፈርዶባቸው መከራን በመቀበል በምድር ኹሉ ውስጥ የቃልኽን መዝገብ ስለዘሩ ስለነዚኽ ደቀ መዛሙርትኽ ብለኽ በምሕረትኽ ዐስበኝ ፤ በእሳት በመከራ የተቀበለ አለ ፤ በጦርም የተወጋ አለ ፤ በሰይፍም የተቆረጠ አለ ፤ በመንኰራኲርም የተፈጨ አለ ፤ በደንጊያም የተወገረ ፤ በበትርም የተቀጠቀጠ አለ ፤ ስለነርሱ ብለኽ ማረኝ አስበኝም ፤ ስለሥቃያቸው ስለመቸገራቸውና ስለደማቸው ብለኽ የእኔን የአገልጋይኽን የዕዳ መጽሐፌን ቅደድ ፤ አሜን። ❞

[   ተአምኆ ቅዱሳን   ]

[ 🕊 እንኩዋን ለአባቶቻችን ቅዱሳን ፲፪ [12] ቱ ሐዋርያት" እና ለቅዱስ "ቢላሞን ሰማዕት" ዓመታዊ በዓል በሰላም አደረሳችሁ 🕊 ]

🕊                      💖                       🕊

75

ኦርቶዶክስ ሃይማኖታችን

24 Oct, 16:08

                          †

💖 [    የትሕርምት ሕይወት !    ] 💖

🕊                  💖                     🕊

[ “ ስለ ሐሜት መጥፎነት በተመለከተ ! " ]

❝ የመፍረድ ስልጣን ሳይኖረው በሰው ላይ የሚፈርድ ሰውን በተመለከተ ጌታችን ፦ “እንዳይፈረድባችሁ አትፍረዱ በምትፈርዱበት ፍርድ ይፈረድባችኋሁ በምትሰፍሩትም መስፈሪያ ይሰፈርባችኋልና” በማለት አስተምሮናል፡፡ [ማቴ.፯፥፩]

እንዲሁ የጌታ ወንድም ያዕቆብ ፦ “ወንድሞች ሆይ ፥ እርስ በርሳችሁ አትተማሙ:: ወንድሙን የሚያማ በወንድሙም የሚፈርድ ሕግን ያማል በሕግም ይፈርዳል” [ያዕ.፬፥፲፩] ብሎ ጽፎልናል፡፡

ተወዳጆች ሆይ ! ከጌታ ቃልና ከጌታ ወንድም ከያዕቆብ ምን ተማራችሁ? ጻድቁ ሎጥ በሰዶም ተቀምጦ ነበር ፤ ነገር ግን “ጻድቅ ሎጥም በመካከላቸው ሲኖር እያየና እየሰማ ዕለት ዕለት በዓመፀኛ ሥራቸው ጻድቅ ነፍሱን አስጨንቆ ነበር ” [፪ጴጥ.፪፥፯] ተብሎ እንደተጻፈልን ራሱን በጽድቅ አስጨንቆ ይኖር ነበር እንጂ በማንም ላይ እጁን አልጠቆመም ነበር፡፡ ሐሜት በሰው ላይ መፍረድ ነውና፡፡

ነገር ግን ሐዋርያው ይህን ከጻፈልን በኋላ “ጌታ እግዚአብሔርን የሚያመልኩትን ከፈተና እንዴት እንዲያድን ፥ በደለኞችንም ይልቁንም በርኵስ ምኞት የሥጋን ፍትወት እየተከተሉ የሚመላለሱትን ጌትነትንም የሚንቁትን እየቀጣቸው ለፍርድ ቀን እንዴት እንዲጠብቅ ያውቃል” [፪ጴጥ.፪፥፱] በማለት ፍርድን መስጠት የእግዚአብሔር ድርሻ እንደሆነ እርሱም በኃጢአተኞችና በዓመፀኞች ላይ አንደሚፈርድባቸው ጽፎልናል፡፡ ስለዚህ ራስን በመግዛትና በትሕትና መመላለስ ጊዜ የሚሰጠው ጉዳይ አይደለም ፤ ጊዜውም ዛሬ ነው፡፡ ❞

[ ቅዱስ ኤፍሬም ሶርያዊ ]

🕊                      💖                    🕊

82

ኦርቶዶክስ ሃይማኖታችን

23 Oct, 20:42

✞ አምላከ ቅዱሳን ለእነርሱ ካደለው ፍቅራቸው ለእኛም አይንሳን:: በረከታቸውንም ያብዛልን::

🕊

[ † ጥቅምት ፲፬ [ 14 ] ቀን የሚከበሩ ዓመታዊ የቅዱሳን በዓላት ]

፩. አቡነ ዘሚካኤል [አረጋዊ]
፪. ቅዱስ ፊልዾስ ሐዋርያ [ከ፸፪ [72] ቱ አርድእት]
፫. ቅዱስ ገብረ ክርስቶስ መርዓዊ
፬. ቅዱስ ሙሴ መርዓዊ
፭. ቅድስት እድና [የአረጋዊ እናት]
፮. አባ ማትያስ [የአረጋዊ ረድዕ]

[ † ወርሃዊ በዓል ]

፩. አባ ዮሐንስ ጻድቅ
፪. እናታችን ቅድስት ነሣሒት

" ነቢይን በነቢይ ስም የሚቀበል የነቢይን ዋጋ ይወስዳል:: ጻድቅን በጻድቅስም የሚቀበል የጻድቁን ዋጋ ይወስዳል:: ማንም ከእነዚህ ከታናናሾቹ ለአንዱ ቀዝቃዛ ውሃ ብቻ በደቀ መዝሙር ስም የሚያጠጣ እውነት እላቹሃለሁ ዋጋው አይጠፋበትም::" [ማቴ.፲፥፵፩] (10:41)

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

† † †
▬▬▬▬▬ ▬▬▬ ▬▬▬▬▬
💖 🕊 💖

124

ኦርቶዶክስ ሃይማኖታችን

23 Oct, 20:42

🕊

✞ በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ ✞

✞ ጥቅምት ፲፬ [ 14 ] ቀን የሚከበሩ ዓመታዊ የቅዱሳን በዓላት ✞

† 🕊 አቡነ አረጋዊ ዘደብረ ዳሞ 🕊 †

✞ በሃገራችን ስም አጠራራቸው ከከበረ አባቶች አንዱ እኒህ ጻድቅ ናቸው:: ጻድቁ የተወለዱት በ፭ [5]ኛው መቶ ክ/ዘመን አጋማሽ ኣካባቢ ሲሆን ወላጆቻቸው ንጉሥ ይስሐቅና ቅድስት እድና ይባላሉ:: የተለወለዱበት አካባቢም ሮም ነው::

ስማቸው ብዙ ዓይነት ነው:: ወላጆቻቸው ዘሚካኤል ሲሏቸው በበርሃ ገብረ አምላክ ተብለዋል:: በኢትዮዽያ ደግሞ አረጋዊ ይባላሉ:: አቡነ አረጋዊ ምንም የንጉሥ ልጅ ቢሆኑም በልጅነታቸው መጻሕፍትን ተምረው ነበርና ጠፍተው ገዳም ገቡ::

በዚያም በገዳመ ዳውናስ [ግብጽ] የታላቁ ቅዱስ ዻኩሚስ ደቀ መዝሙር ሆነው ከነ አባ ቴዎድሮስ ጋር ሥርዓተ መነኮሳትን ተምረዋል:: ከመነኮሱ ከዓመታት በኋላም ወደ ሃገራቸው ሮም ተመልሰው በማስተማር ፯ [7] ያህል የቤተ መንግስት ሰዎችን ወደ ምናኔ ማርከዋል::

"የት ልሒድ" ብለው ሲያስቡም ቅዱስ መልአክ በክንፉ ጭኖ ወስዶ ኢትዮዽያን አሳያቸው:: ተመልሰውም ለ፰ [8] ባልንጀሮቻቸው "ሃገርስ ባሳየሁዋችሁ! ሐዋርያ ሳያስተምራት በሕጉ በሥርዓቱ ጸንታ የምትኖር" ብለው ከ፰ [8]ቱ ጋር ወደ ኢትዮዽያ መጡ::

በዚህ ጊዜም እናታቸው ቅድስት እድናና ደቀ መዝሙራቸው አባ ማትያስ አብረው ነበሩ:: ወደ ሃገራችን የመጡ በ፬፻፸ [470]ዎቹ አካባቢ ሲሆን አልዓሜዳ በክብር ተቀብሏቸዋል:: በቤተ ቀጢን [አክሱም] ተቀምጠውም መጻሕፍትን እየተረጐሙ: ወንጌልን እየሰበኩ ቆይተዋል::

ለሥራ በተለያዩ ጊዜም አቡነ አረጋዊ በዓት ፍለጋ ብዙ ደክመዋል:: በመጨረሻ ግን ደብረ ዳሞን [ደብረ ሃሌ ሉያን] አይተው ወደዷት:: የሚወጡበት ቢያጡም ጅራቱ ፷ [60] ክንድ የሚያህል ዘንዶ ተሸክሞ ከላይ አድርሷቸዋል::

እንደ ወጡም "ሃሌ ሉያ ለአብ: ሃሌ ሉያ ለወልድ: ሃሌ ሉያ ለመንፈስ ቅዱስ" ብለው ቢያመሰግኑ ከሰማይ ሕብስት ወርዶላቸው ተመግበዋል:: በዚህም ቦታዋ "ደብረ ሃሌ ሉያ" ተብላለች:: ጻድቁ ቦታውን ከገደሙ በኋላ ከተለያየ ቦታ መጥተው ፮ [6]ሺ ያህል ሰዎች በእጃቸው መንኩሰዋል::

ምናኔን በማስፋፋታቸውና ሥርዓቱን በማስተማራቸውም "አቡሆሙ ለመነኮሳት ዘኢትዮዽያ-የኢትዮዽያ መነኮሳት አባት" ይባላሉ:: አቡነ አረጋዊ በሕይወታቸው ከተጋድሎ ባሻገር በወንጌል አገልግሎትና መጻሕፍትን በማዘጋጀትም ደክመዋል::

ቅዱስ ያሬድና አፄ ገብረ መስቀልም ወዳጆቻቸው ነበሩ:: በተራራው ግርጌ ያለችውን ኪዳነ ምሐረትን ለሴቶች ሲገድሟት ቀዳሚዋ መነኮስ እናታቸው ንግስት እድና ሁናለች::

ጻድቁ ንጹሕ ሕይወታቸውን ፈጽመው በተወለዱ በ፺፱ [99] ዓመታቸው በዚህ ቀን በገዳሙ በስተምሥራቅ አካባቢ ተሰውረው ብሔረ ሕያዋን ገብተዋል:: ጌታም ፲፭ [15] ትውልድን የሚያስምር የምሕረት ቃል ኪዳን ሰጥቷቸዋል::

† 🕊 ቅዱስ ፊልዾስ ሐዋርያ 🕊 †

✞ በዘመነ ሐዋርያት በዚህ ስም የሚጠሩ አባቶች ፪ [2] ነበሩ:: አንደኛው ከ፲፪ [12]ቱ ሐዋርያት ሲቆጠር ዛሬ የምናከብረው ደግሞ ከ፸፪ [72]ቱ አርድእት ይቆጠራል:: ቅዱስ ፊልዾስ ያደገው የኖረውም በቂሣርያ አካባቢ ሲሆን ባለ ትዳር የልጆች አባት ነው::

ጌታ ሲጠራው እንኩዋ ፬ [4] ደናግል ሴቶች ልጆች ነበሩት:: ከጌታ ሕማማት በፊት ተልኮ አስተምሯል:: ከበዓለ ሃምሳ በኋላም ፯ [7]ቱ ዲያቆናት ሲመረጡ አንዱ እርሱ ነበር:: [ሐዋ.፮] (6) በቅዱስ እስጢፋኖስ መሪነትም ፰ [8] ሺውን ማሕበር አገልግሏል::

ቅዱስ እስጢፋኖስ ተገድሎ ፰ [8]ሺው ማሕበር ሲበተንም ቅዱስ ፊልዾስ ፬ [4]ቱን ልጆቹን አስከትሎ ወደ ሰማርያ ወርዷል:: በዚያም መሠሪ ስምዖንን ጨምሮ የሃገሪቱን ሰዎች አሳምኖ አጥምቁዋል::

መቼም ቢሆን እኛ ኢትዮዽያውያን የማንዘነጋው ግን ጃንደረባውን ባኮስን ማጥመቁን እና ለሃገራችን የወንጌልን ብርሃን መላኩን ነው:: ጃንደረባው ቅዱስ ባኮስ ከጉዞ መልስ ትንቢተ ኢሳይያስን [ኢሳ.፶፫] (53) ሲያነብ በመንፈስ ቅዱስ መሪነት ቀርቦ ምሥጢረ ሥጋዌን አስረድቶታል::

ሠረገላውም ቁሞለት ቅዱስ ባኮስን አጥምቆት ተነጥቆ ሔዷል:: [ሐዋ.፰፥፳፮] (8:26) ቅዱስ ፊልዾስ በቀሪ ዘመኑ ከተባረኩ ፬ [4] ደናግል ልጆቹ ጋር ሲሰብክ ኑሮ በዚህች ቀን ዐርፏል::

† 🕊 ሙሽራው ቅዱስ ሙሴ 🕊 †

✞ የዚህ ቅዱስ ወጣት ታሪክ ደስ የሚልም: የሚገርምም ነው:: በሮም ከተማ በምጽዋት: በጾምና በጸሎት ከተቃኙ ሃብታሞች [መስፍንያኖስና አግልያስ] ተወልዶ: በሥርዓቱ አድጐ: መጻሕፍትን ተምሮ በተክሊል አጋቡት::

በሠርጉ ማግስት ሙሽሪትን ቢያያት በጣም ታምራለች:: "ይህ ሁሉ ውበትና ምቾት ከንቱ አይደለምን!" ብሎ በሌሊት ጠፍቶ: ነዳያንን መስሎ ከሮም ሃገረ ሮሆ [ሶርያ አካባቢ] ሔደ::

በዚያም በፍጹም ምናኔ: በ፯ [7] ቀን አንዲት ማዕድ እየበላ: በረንዳ ላይ እየተኛና እየለመነ ለዓመታት ኖረ:: ሁሌም ቀን የለመነውን ማታ ለነዳያን አካፍሎ እርሱ ሲጸልይ ያድር ነበር:: በአካባቢው ክብሩ ሲገለጽበትም የሐዋርያውን የቅዱስ ዻውሎስን በረከት ፍለጋ ወደ ጠርሴስ ሔደ::

ነገር ግን ጥቅል ነፋስ መርከቧን ገፍቶ ሮም አደረሳት:: ቅዱስ ሙሴም "የአምላክ ፈቃድ ነው" ብሎ በወላጆቹ ደጅ ተኝቶ ለ፲፪ [12] ዓመታት ተጋደለ:: ወላጆቹ ፈልገው ስላጡት በበራቸው የወደቀው ነዳይ እርሱ ይሆናል ብለው አልጠረጠሩም::

ከብዙ ተጋድሎም በኋላም ዜና ሕይወቱን ጽፎ በዚህች ቀን: በዕለተ እሑድ ዐርፏል:: ጌታችንም "መታሰቢያህን ያደረገውን ሁሉ ካልተጠራጠረ እምረዋለሁ" ብሎታል::

በዚያም ሕዝቡ: ካህናቱና ሊቀ ዻዻሳቱን ጌታ አዟቸው አግኝተውታል:: ወላጆቹ ማንነቱን በለዩ ጊዜም ታላቅ ለቅሶን አልቅሰዋል:: ሥጋውም ብዙ ተአምራትን አድርጉዋል::

† 🕊 ቅዱስ ገብረ ክርስቶስ መርዓዊ 🕊 †

✞ ሙሽራው ገብረ ክርስቶስ በሃገራቸው ልሳን 'አብደል መሲሕ' ይባላል:: ለቅዱስ ሙሴና ለሌሎችም ሙሽርነትን ትቶ መመነንን ያስተማረ እርሱ ነው:: አባቱ ታላቁ ንጉሥ ቴዎዶስዮስ ሲሆን እናቱ መርኬዛ ትባላለች:: የጻድቃን ትውልድ የተባረከ ነውና [መዝ.፻፲፩፥፩] (111:1) ታላቁ አቡነ ኪሮስ አጐቱ ናቸው::

ስለዚህ ቅዱስ ምን እነግራቹሃለሁ! ሙሉ ታሪኩ ከቅዱስ ሙሴ ጋር ተመሳሳይ ነውና:: ልዩነቱ ቅዱስ ገብረ ክርስቶስ በገዛ ፍቃዱ አካሉ በመቁሰሉ ምክንያት ሰዎች ሊለዩት አልቻሉም ነበር::

በአርማንያ: በእመቤታችን ቤተ ክርስቲያን ደጅ ለ፲፭ [15] ዓመታት ሲጋደል ወደ ወላጆቹ ሃገር ቁስጥንጥንያ ተመልሶ ለ፲፭ [15] ዓመታት ተፈትኗል:: ምንም የንጉሥ ልጅ ቢሆንም የአባቱ ባሮች በጥፊ ይመቱት: ጽሕሙን [ጺሙን] ይነጩት: ቆሻሻ ይደፉበት: ሽንታቸውንም ይሸኑበት ነበር::

ለእርሱ ወዳጆቹ ውሾች ነበሩ:: በአባቱ ደጅ ለ፲፭ [15] ዓመታት መከራን ከተቀበለ በኋላ "ጌታ ሆይ! የአባቴ አገልጋዮች በእኔ ላይ ያደረጉትን ሁሉ በደል አድርገለህ አትቁጠርባቸው" አለ:: በዚህች ቀን ሲያርፍም ጌታችን ፯ [7]ቱን ሊቃነ መላእክት ከነ ሠራዊታቸው አስከትሎ ወርዶ በክብር አሳርጐታል:: አጠቃላይ የገድል ዓመታቱም ፴ [30] ናቸው::

109

ኦርቶዶክስ ሃይማኖታችን

23 Oct, 17:16

                       †

[   🕊 እ መ አ ም ላ ክ 🕊 ]

🌼▬▬▬▬▬▬▬▬▬▬▬▬🌼

❝ አጽምዕ ሰማይ ዘእነግረከ ወስምዒ ምድር እምዜና ስደታ ንስቲተ ለእመ መለኮት ክቡር ዘልበ ይከፍል ወኅሊና ያንቀለቅል ሶበ ይትነገር ሕማማ ለድንግል፡፡ አመ ወፅአት በፍርሃት እምሀገረ ዳዊት ዘይሁዳ በብሥራተ መልአክ እንግዳ ኢረከበት ማየ በፍኖት ዘታሰትዮ ለወልዳ። ❞

🕊

[ ሰማይ የምነግርኽን ስማ ፤ ምድርም በሚነገር ጊዜ ልብን የሚከፍልና ኅሊናንም የሚያነዋውጥ የድንግልን መከራ በሚነገር ጊዜ ከክቡር መለኮት እናት ከስደቷ ዜና ጥቂት ስሚ፡፡ በእንግዳ መልአክ ብሥራት የይሁዳ ክፍል ከምትኾን ከዳዊት ከተማ ከይሁዳ በፍርሀት በወጣች ጊዜ ለልጇ የምታጠጣው ውሃ በመንገድ አላገኘችም፡፡ ]

[ አባ ጊዮርጊስ ዘጋስጫ ]

†                       †                      †
💖                   🕊                   💖

118

ኦርቶዶክስ ሃይማኖታችን

23 Oct, 15:43

                          †

💖 [    የትሕርምት ሕይወት !    ] 💖

🕊                     💖                     🕊

[       “ አገልግሎትን በተመለከተ ! "     ]

[ ሥራን አስመልክቶ የሰጠው ትምህርት ! ]

--------------

❝ ወደጄ ሆይ ! በምትሠራው ሥራ ምክንያት አትዘን፡፡

በምትሠራው ሥራ ላይ በፍጹም ስኬታማ ልሆን አልቻልኩም፡፡ እኔ ስንፍናን የተሞላሁ ፣ የደነዘዝሁ ነኝና በፍጹም ይህን ተግባር ልፈጸም አልችልም፡፡ እጆቼ ያለ ፍሬ ከሥራው ብዛት የተነሣ ዝለዋል፡፡ ሥራውን ለመሥራት አሁን አቅሙ የለኝም ስለዚህ ወደመጣሁበት እመለሳለሁ ... የሚል ሐሳብ በአእምሮህ ውስጥ ከቶ አይመላለስ::

እንደ አንድ አማኝ በእግዚአብሔር ታመን ፥ እንዲህ ባለ ነገርም ተስፋ አትቁርጥ፡፡ ነገር ግን ወደ መንግሥቱና ወደ እርሱ ደስታ ስለጠራህ ስለ ጌታችን ስለ መድኀኒታችን ኢየሱስ ክርስቶስ ብለህ መከራውን ሁሉ ታግሠህ ኑር፡፡ እንዲህ ተብሎ እንደተጻፈ ፦ “እውነት እላችኋለሁ ፥ የሰናፍጭ ቅንጣት የሚያህል እምነት ቢኖራችሁ ፥ ይህን ተራራ ከዚህ ወደዚያ እለፍ ብትሉት ያልፋል ፤ የሚሳናችሁም ነገር የለም፡፡” [ማቴ.፲፯፥፳]

ስለዚህ ተወዳጆች ! ሆይ እምነት ይኑረን ፤ እኛ ተስፋ ያደረግናቸው ከቶ ሊያድኑን የማይችሉ ሰዎችን ሳይሆን እግዚአብሔርን ነው፡፡ እንዲህ ተብሎ እንደተጻፈ ፦ “በእግዚአብሔር የታመኑ እንደማይታወክ ለዘላለም እንደሚኖር እንደ ጽዮን ተራራ ናቸው::” [መዝ.፻፳፬፥፩] የኃያላን ጌታ ሆይ በአንተ ተስፋ የሚያደርጉ ብፁዓን ናቸው፡፡ ❞

[ ቅዱስ ኤፍሬም ሶርያዊ ]

🕊                     💖                   🕊

93

ኦርቶዶክስ ሃይማኖታችን

23 Oct, 13:12

                        †

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †   ▬▬▬▬▬▬

[ የአባታችን የቅዱስ መቃርዮስ የተጋድሎ ሕይወቱና ትምህርቱ ]

[                ክፍል ሃያ ስድስት               ]

💛

በስመ አብ ወወልድ ወመንፈስ ቅዱስ አሐዱ አምላክ አሜን፡፡

[ እግዚአብሔር የአባ መቃርዮስን ጩኸት እንደ መለሰለት ]

                         🕊

❝ በአንድ ወቅት ታላቁ አባ መቃርዮስ ከአስቄጥስ ወደ ግብፅ እየሄደ ሳለ ትንሽ ቅርጫቶች ተሸክሞ ነበር፡፡ እርሱም በደከመው ጊዜ ቁጭ አለ፡፡ ዓይኖቹን ወደ ሰማይ አቅንቶ ፦ " ጌታ ሆይ ፣ ምን ያህል እንደ ደከመኝና እንደዛልኩ የምታይ አንተ ነህ " አለ፡፡ ይህን ካለ በኋላ ወዲያውኑ ራሱን ከቅርጫቶቹ ጋር በዓባይ ወንዝ ዳር ላይ ደርሶ አገኘው፡፡

የቅዱስ መቃርዮስ ደቀ መዝሙር የነበረው አባ በብኑዳ እንዲህ አለ ፦ " አንድ ቀን ቅዱስ መቃርዮስ ቆሞ ሲጸልይ ሳለ እግዚአብሔር እንዲህ ሲል ተናገረው ፦ ' መቃራ ሆይ ፣ እገሌ በምትባል ሀገር ያለማቋረጥ በትጋት የሚያገለግለኝንና የሚያመሰግነኝን አንድ ገበሬ ምሰል፡፡ ' ይህን በሰማ ጊዜ ከመጀመሪያዎቹ አርድእት አንዱ የሆንኩትን እኔን በብኑዳን ፦ ' ተነሥና ምርኩዝህን ይዘህ ከእኛ ጋር እገሌ ወደምትባል ሀገር እንሂድ ' አለኝ፡፡ ወደዚያ ሄደን ከወንዙ ሐይቅ ዳር ደረስን ፣ የሚያሻግረን በፈለግን ጊዜ አላገኘንም ነበርና ስፋቱን እየተመለከትን ሁላችንም ዝም ብለን በዚያ ተቀምጠን ነበር፡፡ ቅዱስ መቃርዮስ ግን በተመሥጦ ሆኖ ራእይን እያየ ነበር፡፡

እኔም አባታችን ፣ እግዚአብሔር ጸሎትህን እንደሚሰማ አውቃለሁና ይረዳን ዘንድ ጸልይ አልኩት፡፡ ያን ጊዜም እየማለደ ጸለየ፡፡ ወዲያውኑ ታላቅ አዞ ከባሕሩ ወጣ ፤ ቅዱሱም ' እግዚአብሔር ከወደደና አዝዞህ ከሆነ አሻግረን ' አለው፡፡ ያ አዞም ተሸከመንና ወደ ማዶ አሻገረን፡፡ ቅዱስ መቃርዮስም ያንን አዞ ' እግዚአብሔር ዋጋህን እስከሚሰጥህ ድረስ ወደ ውኃው ግባ ' አለው፡፡ እርሱም እራሱን ወደ ውኃው አጠለቀ፡፡

ወደ ሀገሩ በወጣንና ወደዚያ በደረስን ጊዜ በሀገረ ገዢው እርሻ ላይ ተሰማርተው የሚሠሩ ብዙ ገበሬዎችን አገኘን፡፡ አረጋዊው መቃራም እነዚያን ገበሬዎች እያንዳንዳቸውን እየተመለከተ በበሩ አንጻር ተቀመጠ፡፡ እግዚአብሔር ስለ እርሱ ያመለከተው ያ ገበሬ በመጣ ጊዜ በዙሪያው ከብባው ያለችውን ጸጋ እግዚአብሔር ተመለከተ ፣ በትዕግሥት የተከደነ መሆኑንም አየ፡፡ ሰላምታ ሰጥቶ የተቀደሰች መሳምን ሳመው፡፡ ከዚያም እርሱን ይዞ ለብቻው ገለል አደረገውና ፦ 'እግዚአብሔርን የምታገለግልበት ሥርዓተ ተልእኮህ ምንድን ነው ? ' አለው፡፡ ያ ገበሬም ፦ ' እኔ በዚህ ዓለም ለቀሲስ [ ለካህን ] እላላካለሁ ፣ ጌታዬ ሰማያዊ ንጉሥ ኢየሱስ ክርስቶስም ዋጋዬን ይሰጠኛል፡፡ ስለዚህም ይህን ያህል ዘመን ሁሉ ዘወትር አገለግላለሁ ፣ እኔም ልቤ የቀና ነው ' አለው፡፡

መቃርዮስም ፦ ' ይህን ሃሳብ ከየት አገኘኸው?' አለው፡፡ እርሱም ፦ " ሠራተኞቹን አምጧቸውና ደመወዛቸውን ስጧቸው " ካለው ከጌታ ቃል ነው ' አለው፡፡ ቅዱስ መቃርዮስም ይህን ነገር ከእርሱ በሰማ ጊዜ ሳመውና መከረው ፣ በላዩም ላይ ማሕየዊ በሆነ በትዕምርተ መስቀል ባረከው፡፡ ከዚያም ሲመለስ ነፍሱን ፦ ' መቃራ ሆይ ወዮልህ ፣ የዚህን ዓለማዊ ወንድም ያህል እንኳን አእምሮ የለህም ፣ ብታውቅበትና በምግባርህ እግዚአብሔርን ብታገለግል እርሱ ዋጋህን ይሰጥሃል' እያለ በመንገድ ላይ ሁሉ ታላቅ ለቅሶን ያለቅስ ነበር፡፡ "

" ወደ ወንዙ በደረስን ጊዜ የሚያሻግረን ስላጣን አባት መቃርዮስ በዚያ ጸለየ፡፡ እኛንም ፦ ' ልጆቼ ሆይ እግዚአብሔር እስኪረዳን ድረስ ተቀመጡ ' አለን፡፡ እኔም በዚያ ትንሽ ተኛሁና በነቃሁ ጊዜ እኔና እርሱን በበኣታችን በር ፊት ቆመን አገኘሁት፡፡ እኔም 'ይህ ነገር እንዴት ሆነ? አልኩት፡፡ እርሱም ፦ 'ልጄ ሆይ ነቢዩ እንባቆምን ከይሁዳ ምድር ወስዶ ባቢሎን ከነቢዩ ዳንኤል ዘንድ እንደ ዓይን ጥቅሻ አድርሶ እንደ ገና ወደ ቦታው የመለሰው እርሱ ነውና እግዚአብሔርን አመስግን ፤ እኛንም ከዚህ ያደረሰን እርሱ ነው' አለው፡፡ ❞

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !

†                     †                       †
💖                   🕊                     💖

96

ኦርቶዶክስ ሃይማኖታችን

23 Oct, 10:53

🕊                      💖                       🕊

[   🕊 የሥነ-ሥዕል ዐውደ ርእይ   🕊   ]

    ▬▬▬▬▬▬▬▬▬▬▬▬▬

       [           በእንተ ሉቃስ         ]

- ከጥቅምት ፲፯ - ፳፬ [ 17 - 24 ]

የላፍቶ ፥ ፈለገ ብርሃን : ቅድስት ሥላሴ እና ቅድስት ኪዳነ ምሕረት ቤተ ክርስቲያን ፍ/ብ/ሰ/ት/ቤት የአቅሌሲያ ሕፃናት ሥነ-ሥዕል ክፍል

            [       ተጋብዛችኋል !       ]

[ ሳሪስ 58 ኪዳነ ምሕረት ጠበል 100 ሜትር ገባ ብሎ ]

🕊                      💖                       🕊

102

ኦርቶዶክስ ሃይማኖታችን

22 Oct, 21:22

🕊

✞ በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ ✞

❖ ጥቅምት ፲፫ [ 13 ] ❖

[ ✞ እንኩዋን ለዓለም ሁሉ መምሕር "ቅዱስ ዮሐንስ አፈ ወርቅ" እና ለአባ "ዘካርያስ ገዳማዊ" ዓመታዊ በዓል በሰላም አደረሳችሁ ✞ ]

† 🕊 ዮሐንስ አፈ ወርቅ 🕊 †

ለቤተ ክርስቲያን የብርሃን ምሰሶ ስለሆነላት ስለ ታላቁ ሐዋርያዊ ሊቅ ቅዱስ ዮሐንስ አፈ ወርቅ ምን እላለሁ? ምንስ እናገራለሁ? እንደ እኔ ያለ ኃጥእ: ለባሴ ሥጋና ገባሬ ንስሃ ስለሱ ሊናገር አይቻለውምና:: አባቶቻችን እንደ ነገሩን ስለ አፈ ወርቅ ለመናገር "አፈ ወርቅ" መሆን ያስፈልጋል:: እስኪ በቅዱሱ አባት ምልጃ ጥቂት ልሞክር::

ቅዱስ ዮሐንስ አፈ ወርቅ ማን ነው?

ነገዱ ከሶርያ: የተወለደው በ፫፻፵፯ [347] ዓ/ም በእስክንድርያ ሲሆን አባቱ አስፋኒዶስ እናቱ ደግሞ አትናስያ ይባላሉ:: እነርሱ ደግ ቢሆኑ ይህንን እንቁ ልጅ እግዚአብሔር ሰጣቸው:: ዮሐንስ ለክርስቲያን እንደሚገባ በትምሕርትና በጥበብ አደገ:: ገና በሕጻንነቱ ወደ ግሪክ ሔዶ የዘመኑን ሳይንስ [ፍልስፍና] ከአፉ እስከ ገደፉ ተምሮ ተመልሷል::

ቅዱስ ዮሐንስ አፈ ወርቅን ለየት ከሚያደርጉት ነገሮችም አንዱ ይሔው ነው:: በዘመናዊም ሆነ በመንፈሳዊ ትምሕርት ይህ ቀረህ የማይሉት ሊቅ የሆነው ገና በ፲፭ [15] ዓመቱ ነበር:: በ፪ [2] ወገን የተሳለ ሰይፍ በመሆኑ ስንኩዋን በሕይወተ ሥጋ እያለ ዛሬም ለንፉቃን ትልቅ የራስ ምታት ነው::

ቅዱሱ ገና በ፲፮ [16] ዓመቱ ሃብት: ንብረት: ውበት: ክብርና እውቀት የሞላለት ቢሆንም ያለውን ሁሉ ለነዳያን ሰጥቶ መጻሕፍትን ብቻ ሰብስቦ ከባልንጀራው ቅዱስ ባስልዮስ ጋር በርሃ ገባ:: ሰውነቱን በጾምና በጸሎት እየቀጣ በበርሃ ሲኖር ወንጌላዊው ቅዱስ ዮሐንስና ሊቀ ሐዋርያት ቅዱስ ዼጥሮስ ወደ እርሱ መጡ:: ሊቀ ሐዋርያት የመንግስተ ሰማያትን መክፈቻ ስልጣን ቅዱስ ዮሐንስ ደግሞ ወንጌሉን ሰጥተው ተሰወሩት::

ከዚህች እለት በሁዋላ ቅዱስ ዮሐንስ አፈ ወርቅ ባሕረ ምስጢራት ሆነ:: ብሉይ ከሐዲስ: ከኦሪት ዘፍጥረት እስከ ራዕየ ዮሐንስ ድረስ በአንድምታ ትርጉዋሜ ተነተናቸው:: በተለይ ሐዲስ ኪዳንን እየመላለሰ አመሰጠረው:: ቅዱስ ሕሊናው ሳይታክት: ንጹሕ እጆቹ ሳይዝሉ የጻፋቸው ድርሳናት: መልዕክታትና ትርጉዋሜያት ቢቆጠሩ አሥር ሺህ ሞሉ:: በእውነት ለዚህ አንክሮ ይገባል! የሚገርመው ይህን ሁሉ ሲሰራ እድሜው ገና ለጋ: ማዕርጉም ዲቁና ነበር::

ከዚህ በሁዋላ በእግዚአብሔር ትእዛዝ ቅስና ተሹሞ በስብከተ ወንጌል ብዙ ቦታዎችን አዳረሰ:: በቅድስናው ወደውታልና የቁስጥንጥንያ ፓትርያርክ አድርገው ሾሙት:: አፈ ወርቅ ሲናገርም ሆነ ሲያስተምር እንኩዋን የሚያወራ ኮሽ የሚል የለም:: ከጣዕመ ትምሕርቱ የተነሳ ሕዝቡ በተደሞ ይሰሙት ነበር:: ሲያስተምር ምድራዊው ሰው ይቅርና ልዑላኑ መላእክት ተሰብስበው ያደንቁት ነበር:: አንዴም እመቤታችን በሕዝብ መካከል "አፈ ወርቅ" ብላ ጠርታዋለች:: ለዛም ነው "አፈ ወርቅ" የሚባለው:: ቅዱሱ በሥልጣነ ቃሉ መልዐከ ሞትን ገስፆ ፲ [10] ዓመት አቁሞታል::

ቅዱስ ዮሐንስ አፈ ወርቅ ለሰው ፊት አያደላም:: በርሱ ዘንድ ንጉሥና ደሃ ነዳይ እኩል ነው:: ለሞት ያበቃውም ይሔው ነበር:: ምክንያቱም የወቅቱ ንግስት አውዶክስያ ያንዲት ድሃ መበለትን መሬት ቀምታ "አልመልስም" በማለቷ መክሮ አወገዛት:: እርሷ ግን ከኃጥአንና መናፍቃን ጋር መክራ 2 ጊዜ አጋዘችው:: በተሰደደበት ሃገር ፍሬ አፍርቶ: አስተምሮና አሳምኖ በ፬፻፯ [407] ዓ/ም አርፏል:: ቤተ ክርስቲያንና ምእመናን ሳይጠግቡት እንደናፈቁት በ፷ [60] ዓመቱ አጡት:: በወቅቱ ታላቅ ሐዘንና ለቅሶ ተደረገ::

ከዕረፍቱ አስቀድሞ አንድ ቀን የዘመኑ ደግ ንጉሥ
አርቃድዮስ ግብር አገባ:: [ግብዣ አዘጋጀ]

በዚያች ሌሊት ደግሞ ቅዱሱ ሊቅ ታጥቆ ሲጸልይ ሳለ: አባ ማርዳሪ የሚባል ጻድቅ ደግሞ ከሰማይ ፲፪ [12] ቱ ሊቃነ መላእክት [እነ ቅዱስ ሚካኤል] ከሰማይ በግርማ ሲወርዱ ተመለከተ::

ደንግጦ "ወዴት ናችሁ ጌቶቼ" ቢላቸው "ቁስጥንጥንያ: ወደ ዮሐንስ አፈ ወርቅ እንሔዳለን:: እርሱ እመቤታችንን እንደሚያመሰግናት ጌታ ነግሮናልና" አሉት:: "እባካችሁ እኔም የአፈ ወርቅ ምስጋናው እንገለጥልኝ መርቁኝ" አላቸው:: ሊቃነ መላእክቱም መርቀውት ጐዳናቸውን ቀጠሉ::

በማግስቱ በቤተ መንግስት ውስጥ ሊቃውንቱ: መሳፍንቱ: ዻዻሳቱ: ሕዝቡ ሁሉ ተሰብስበው ከድግሱ በሉ:: ቅዱስ ዮሐንስ አፈ ወርቅ ግን በመንበሩ ተቀምጦ ነበር እንጂ አልበላም:: ድግሱ ሲጠናቀቅ ንጉሡ አርቃድዮስ ሊቁን "ጥያቄ አለኝ" ብሎ በጉባኤ መካከል ጠየቀው::

"ምነው ወንጌላዊ ማቴዎስ 'ኢያዕመራ ዮሴፍ እስከ አመ ወለደት ወለደ ዘበኩራ-የበኩር ልጇን እስክትወልድ ድረስ አላወቃትም' ማለቱ [ማቴ.፩፥፳፭] (1:25) ስለ ምን ነው?" ቢለው ቅዱሱ ተነስቶ: በመንፈስ ቅዱስ ተቃኝቶ ይተረጉምለት ጀመር::

"ድንግል ማርያም ንጹሕ ብርሌን ትመስላለች:: ብርሌ የተለያየ ቀለም ያለው ፈሳሽ ቢያስገቡበት ቀለሙ አብሮ ይቀያየራል:: እመቤታችንም ጌታን ጸንሳለችና ሕብረ መለኮቱ ሲለዋወጥ መልኩዋ አብሮ ሲለዋወጥ እያየ ዮሴፍ ይደነግጥ ነበር::

'እርሷ ማን ናት? በማሕጸኗ ያለውስ ማን ነው?' እያለ ይጨነቅ ነበር:: ጌታን ከወለደች በሁዋላ ግን አንድ ሕብረ መልክ ሆናለችና:: አስቀድሞ ማን እንደ ነበረች አላወቀም::

አሁን ግን ልጇ አምላክ ዘበአማን: እርሷም ወላዲተ አምላክ መሆኗን አወቀ ማለት ነው" እያለ ሲተረጉም ሰምተው ሁሉም ሲያደንቁ በዚያ የነበረች ስዕለ አድኅኖ "አፈ ወርቅ! ልሳነ ወርቅ! አፈ በረከት!" ስትል ተናገረች::

ያን ጊዜ አርቃድዮስ የወርቅ ልሳን በሊቁና በስዕሏ ላይ አደረገ:: አፈ ወርቅ ግን ባጭር ታጥቆ "እሰግድ ለኪ! እሰግድ ለኪ! ወእዌድሰኪ . . ." ብሎ ዛሬ በተአምረ ማርያም የምናውቀውን ምስጋና ሰተት አድርጐ አደረሰላት:: ይህንን ምስጋናም ሊቃነ መላእክቱ ሰምተው እያደነቁ ወደ ሰማይ ወጥተዋል::

ቅዱሱ ሲጠራ እንዲሕ ነው :-

¤ ቅዱስ ዮሐንስ አፈ ወርቅ
¤ አፈ በረከት
¤ አፈ መዐር [ማር]
¤ አፈ ሶከር [ስኩዋር]
¤ አፈ አፈው [ሽቱ]
¤ ልሳነ ወርቅ
¤ የዓለም ሁሉ መምሕር
¤ ርዕሰ ሊቃውንት
¤ ዓምደ ብርሃን [የብርሃን ምሰሶ]
¤ ሐዲስ ዳንኤል
¤ ሊቀ ዻዻሳት ዘበርትዕ [እውነተኛው]
¤ መምሕር ወመገስጽ ዘኢያደሉ ለገጽ
¤ ጥዑመ ቃል - - -

† 🕊 አባ ዘካርያስ ገዳማዊ 🕊 †

ይህ ታላቅ ጻድቅ ባለ ጥዑም ዜና ነው:: ወላጆቹ እሱንና አንዲት ሴትን ከወለዱ በሁዋላ አባቱ መንኖ ገዳም ገባ:: ከዘመናት በሁዋላ ረሃብ በሃገሩ ሲገባ እናቱ ወስዳ ለአባቱ ሰጠችው:: ይህን ጊዜ ዕድሜው ፯ [7] ዓመት ነበር::

በገዳም ከአባቱ ጋር ሲኖር ከመልኩ ማማር የተነሳ አባቶች መነኮሳት "ይህ ልጅ ይህን መልክ ይዞ እንዴት መናኝ መሆን ይችላል!" ሲሉ ሰማ:: በሌሊትም ተነስቶ በሕጻን አንደበቱ "ጌታየ! መልኬ ካንተ ፍቅር ከሚለየኝ መልኬን አጠፋዋለሁ" አለ:: ከገዳሙም ጠፋ::

አባትም በጣም አዘነ:: ከ፵ [40] ቀናት በሁዋላ ግን ሊያዩት የሚያሰቅቅ: አካሉ ሁሉ የቆሳሰለ አንድ ነዳይ ሕጻን መጥቶ ወደ ገዳሙ ተጠጋ:: ይህ ሕጻን በጾም: በጸሎትና በትሕትና ተጠምዶ ለ፵፭ [45] ዓመታት አገለገለ::

117

ኦርቶዶክስ ሃይማኖታችን

22 Oct, 21:22

በነዚህ ዓመታት ሁሉ ይህ አካሉ የተለወጠ ሕጻን ቅዱስ ዘካርያስ መሆኑን ያወቀ የለም:: እንዲህ የቆሰለውም አሲድነት ካለው የጉድጉዋድ ውሃ ውስጥ ሰጥሞ ለ፵ [40] ቀናት በመጸለዩ ነው::

በመጨረሻ ግን አባቱ በምልክት ለይቶት አለቀሰ:: "ልጄ! አንተ ለእኔ አባቴ ነህ" ብሎታል:: አበው መነኮሳትም ተሰብስበው እጅ ነስተውታል:: በ፯ [7] ዓመቱ የመነነው አባ ዘካርያስ በ፶፪ [52] ዓመቱ በዚህች ቀን ዐርፎ በክብር ተቀብሯል::

አምላከ አፈ ወርቅ ዮሐንስ የድንግል እመ ብርሃንን ፍቅሯንና ውዳሴዋን ይግለጽልን:: ከአባቶቻችን ክብርና በረከትንም ያሳትፈን::

[ † ጥቅምት ፲፫ [ 13 ] ቀን የሚከበሩ ዓመታዊ የቅዱሳን በዓላት   ]

፩. ቅዱስ ዮሐንስ አፈ ወርቅ
፪. አባ ዘካርያስ ገዳማዊ
፫. አባ ማርዳሪ ጻድቅ
፬. ቅዱስ አብጥማዎስ ሰማዕት

[    † ወርኀዊ በዓላት    ]

፩. እግዚአብሔር አብ
፪. ቅዱስ ሩፋኤል ሊቀ መላዕክት
፫. ፺፩ "99ኙ" ነገደ መላዕክት
፬. ቅዱስ አስከናፍር
፭. ፲፫ "13ቱ" ግኁሳን አባቶች
፮. ቅዱስ አርሳንዮስ ጠቢብ ገዳማዊ
፯. አቡነ ዘርዐ ቡሩክ

" እናንተ የምድር ጨው ናችሁ . . . እናንተ የዓለም ብርሃን ናችሁ:: በተራራ ላይ ያለች ከተማ ልትሠወር አይቻላትም:: መብራትንም አብርተው በዕንቅብ በታች አይደለም እንጂ በመቅረዙ ላይ ያናሩታል:: በቤት ላሉት ሁሉም ያበራል:: መልካሙን ሥራችሁን አይተው በሰማያት ያለውን አባታችሁን እንዲያከብሩ ብርሃናችሁ እንዲሁ በሰው ፊት ይብራ::" [ማቴ.፭፥፲፫-፲፮] (5:13-16)

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †             †
▬▬▬▬▬ ▬▬▬ ▬▬▬▬▬
💖                  🕊                    💖

117

ኦርቶዶክስ ሃይማኖታችን

20 Oct, 08:12

                      †

🕊 💖    ክብርት ሰንበት 💖  🕊

▬▬▬▬▬▬   †   ▬▬▬▬▬▬

[    ❝ ይህች ዕለት የተቀደች ናት ❞   ]

❝ ዛቲ ዕለት ቅድስት ይእቲ ለውሉደ ሰብእ መድኀኒት ..."

ይህች ዕለት የተቀደች ናት ። ለሰው ልጆችም መድሃኒት ናት።በየጊዜውና በየሰአቱ መሪ ትሁነን። እግዚአብሔር ሰንበትን ቀደሰ።

ሁልጊዜ መሀሪ ሰውን ወዳጅ ክርስቶስ የዓለም ንጉሥ ሕዝቡን እንዲህ ብሎ አዘዛቸው ሰንበትን በእውነት አክብሩ። መዋደድን ገንዘብ አድርጉ። ሰንበትን አክብሩ ጽድቅንም ስሩ። ነቀዝ የማይበላውን የማያረጀውን የማይጠፋውን ሰማያዊ መዝገብ [ሃብት] አከማቹ። ❞

🕊

❝ ለክርስቶስ ፡ ይደሉ ፡ ስብሐት ፤ ለዘአብጽሐነ ፡ እስከ፡ ዛቲ ፡ ሰዓት ፤ እግዚኣ ፡ ለሰንበት ፤ አኰቴተ ፡ ነዓርግ ለመንግሥትከ ፡ ወመኑ ፡ መሐሪ ፡ ዘከማከ። ❞

ትርጉም ፦

[ እስከዚኽች ሰዓት ለአደረሰን ለክርስቶስ ክብር ምስጋና ይገባል፡፡ የሰንበት ጌታዋ ነው፡፡ ለጌትነትህ ምስጋና እናቀርባለን፡፡ እንዳንተ ያለ ይቅር ባይ ማነው ? ]

[    ቅዱስ ያሬድ ]

[ † 🕊 ክብርት ሰንበት 🕊 † ]

†                     †                       †
💖                   🕊                     💖

79

ኦርቶዶክስ ሃይማኖታችን

19 Oct, 21:13

🕊

✞ በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ ✞

❖ ጥቅምት ፲ [ 10 ] ❖

[ ✞ እንኩዋን ለቅዱሳን ሰማዕታት "ባኮስ ወሰርጊስ" ዓመታዊ የዕረፍት በዓል በሰላም አደረሳችሁ ✞   ]

†  🕊 ቅዱሳን ባኮስ ወሰርጊስ 🕊 †

ሰማዕትነት በክርስትና ለሃይማኖት የሚከፈል የመጨረሻው ዋጋ [መስዋዕትነት] ነው:: ሰው ለፈጣሪው ሰውነቱን ሊያስገዛ: ሃብት ንብረቱን ሊሰጥ ይችላል:: ከስጦታ በላይ ታላቅ ስጦታ ግን ራስን አሳልፎ መስጠት ነው::

ራስን መስጠት በትዳርም ሆነ በምናኔ ውስጥ ይቻላል:: የመጨረሻ ደረጃው ግን ሰማዕትነት ነው:: "አማን መነኑ ሰማዕት ጣዕማ ለዝ ዓለም: ወተዓገሡ ሞተ መሪረ በእንተ መንግስተ ሰማያት" እንዳለው ቅዱስ ኤፍሬም ሶርያዊ ሰማዕትነት ማለት መራራውን ሞት ስለ ፍቅረ እግዚአብሔር ሲሉ መታገስ ነው::

እርሱ ቅሉ መድኃኒታችን ክርስቶስ የሰማይና የምድር ጌታ ሲሆን ኃፍረተ መስቀልን ታግሦ ሙቶልን የለ! በዓለም ያሉ ብዙ እምነቶች ስለ መግደል በቀጥታም ሆነ በተዘዋዋሪ ያስተምራሉ:: ክርስትና ግን መሞትን እንጂ መግደልን የሚመለከት ሕግ የለውም::

እርሱ ባለቤቱ "ጠላቶቻችሁን ውደዱ: የሚረግሟችሁን መርቁ: ስለሚያሳድዷችሁ ጸልዩ" ብሎናልና:: [ማቴ.፭፥፵፬] ነገር ግን ዕለት ዕለት ራሳችንን በሃይማኖትና በምግባር ካልኮተኮትነው ክርስትና በአንድ ጀምበር ፍጹም የሚኮንበት እምነት አይደለምና በፈተና መውደቅ ይመጣል::

በተለይ የዘመኑ ክርስቲያን ወጣቶች ልናስተውል ይገባናል:: የቀደሙ ወጣት ሰማዕታት ዜና የሚነገረን እንድንጸና ነውና::

እስኪ ለዛሬ ደግሞ በአጭሩ የቅዱሳን ባኮስና ሰርጊስን ዜና እንካፈል::

እነዚህ ቅዱሳን የዘመነ ሰማዕታት ፍሬዎች ናቸው:: ባኮስ እና ሰርጊስ [ሰርግዮስ] ከልጅነት ጀምሮ ባልንጀሮች ናቸው:: በ፫ኛው መቶ ክ/ዘመን በሮም ግዛት ሥር መክስምያኖስና ዲዮቅልጢያኖስ እስከ ነገሡበት ዘመን ድረስ በአንጻሩም ቢሆን ሰላም ነበር::

ታዲያ በዚህ የሰላም ጊዜ ፪ቱ ቅዱሳን ሥራ አልፈቱም:: ጾምን: ጸሎትንና በጐ ምግባራትን ሁሉ ይከተሉ ነበር:: ለመከራ ዘመን ስንቅ የሚሆነን በሰላሙ ዘመን የተያዘ ስንቅ ነውና::

በዚያው አንጻር ደግሞ ሠርቶ መብላት ይገባልና ሥራ ሲፈልጉ መክስምያኖስ ሠራዊት መሰብሰብ ጀመረ:: እነርሱም ከሠራዊቱ ዘንድ ተቆጥረው የምድራዊ ንጉሥ ጭፍሮች ሆኑ:: በእርግጥ በዘመናችን ለክርስትና አይመቹም ከሚባልላቸው ሥራዎች አንዱ ውትድርና ነው::

ነገር ግን ብዙ ቅዱሳንን ስትመለከቷቸው ሙያቸው ይሔው ነበር:: ቅዱሳን ባኮስና ሰርጊስ ጊዜው የሰላምም ይሁን የጦርነት ይጾማሉ: ይጸልያሉ: ይመጸውታሉ:: እንዲህ እንዲህ እያሉም ዘመናት አለፉ::

ከቆይታ በሁዋላ ግን ሰይጣን ያደረበት ንጉሡ መክስምያኖስ ጣዖት አመለከ:: አዋጅም አውጥቶ ክርስቲያኖችን ያሰቃይ: ይገድልም ያዘ:: ቅዱሳኑ ይህንን ሲሰሙ አዘኑ::

ቁጭ ብለውም ተወያዩ:: በልባቸው ፍቅረ ክርስቶስ ይነድ ነበርና ወጣትነታቸው: መልካቸው: ተወዳጅነታቸው ሁሉ ሊያታልላቸው አልቻለም:: እንደ አንድ ልብ መካሪ: እንደ አንድ ቃል ተናጋሪ ስለ ሃይማኖት ሊሰው ወሰኑ::

በማግስቱም ንጉሡ ወደ ሾመው የቅርብ አለቃቸው ቀረቡና "የምንነግርህ ነገር አለን" አሉት:: "እሺ" ሲላቸው በወገባቸው ያለውን የክብር መታጠቀያና የክብር ልብሳቸውን በፊቱ ወረወሩለትና "እኛ የክርስቶስ ጭፍሮች ነንና ከዚህ በሁዋላ ላንተ: ለጣዖት አምላኪው አንታዘዝም" አሉት::

መኮንኑ ነዶታልና አስገረፋቸው: አሳሰራቸው:: በረሃብና በጥም: በብዙ መክፈልተ ኩነኔም አሰቃያቸው:: እነርሱ ግን ጽኑዓን ነበሩና አልቻሏቸውም:: ጥቅምት ፬ ቀን በሆነ ጊዜ ግን ፪ቱን ለያዩዋቸው::

ቅዱስ ባኮስን ለብቻው ወስደው ትልቅ ድንጋይ በአንገቱ ላይ አሠሩበትና ባሕር ውስጥ አሰጠሙት::

ነፍሱም ከስጋው ስትለይ ባሕር ወደ ዳር አስወጣችው:: በአካባባቢውም "ባባ" እና "ማማ" የሚባሉ ባሕታውያን ነበሩና እግዚአብሔር እንዲገንዙት አዘዛቸው:: ሲሔዱም ቅዱስ ሥጋውን አንበሳና ተኩላ ሲጠብቁት አግኝተው: በታላቅ ዝማሬ ገንዘው: በራሳቸው ተሸክመው ወስደው: በበዓታቸው ውስጥ ቀበሩት::

ቅዱስ ሰርጊስን ደግሞ ለ፮ ቀናት ካሠሩት በሁዋላ በዚህች ቀን እጁንና እግሩን በእንጨት ላይ ቸንክረው: በእንስሳት ጭራ ላይ አስረው ሲጐትቱት ውለዋል:: አንገቱን በሰየፉት ጊዜም አንዲት ወጣት ደሙን ተቀብላ በረከትን አግኝታለች:: የመከራ ዘመን ካለፈ በሁዋላም ለቅዱሳኑ ቤተ ክርስቲያን ታንጾ በዚህች ቀን ተቀድሷል:: ተአምራትም ታይተዋል::

አምላከ ሰማዕታት ጽንዓት: ትእግስታቸውን አሳድሮ ከበረከታቸው ይክፈለን::

🕊

[   † ጥቅምት ፲ [ 10 ] ቀን የሚከበሩ ዓመታዊ የቅዱሳን በዓላት ]

፩. ቅዱሳን ባኮስና ሰርጊስ [ሰማዕታት]
፪. ቅዱስ ዮሐንስ መስተጋድል
፫. አባ አውማንዮስ ሊቀ ዻዻሳት

[   † ወርሐዊ በዓላት   ]

፩. ቅዱስ ናትናኤል ሐዋርያ
፪. ቅዱስ ኒቆላዎስ ዘሃገረ ሜራ
፫. አቡነ መልክዐ ክርስቶስ
፬. ቅዱስ ያዕቆብ ሐዋርያ [ወልደ እልፍዮስ]
፭. ቅድስት ዕሌኒ ንግስት
፮. ታላቁ ቅዱስ ቆስጠንጢኖስ
፯. ቅዱስ እፀ መስቀል

" ከክርስቶስ ፍቅር ማን ይለየናል? መከራ: ወይስ ጭንቀት: ወይስ ስደት: ወይስ ራብ: ወይስ ራቁትነት: ወይስ ፍርሃት: ወይስ ሰይፍ ነውን? 'ስለ አንተ ቀኑን ሁሉ እንገደላለን:: እንደሚታረዱ በጐች ተቈጠርን' ተብሎ እንደ ተጻፈ ነው:: በዚህ ሁሉ ግን በወደደን በእርሱ ከአሸናፊዎች እንበልጣለን::" [ሮሜ.፰፥፴፭-፴፰]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

         †              †             †
▬▬▬▬▬ ▬▬▬ ▬▬▬▬▬
💖                  🕊                    💖

95

ኦርቶዶክስ ሃይማኖታችን

19 Oct, 15:49

                       †

[  🕊 ድምፀ ተዋሕዶ   🕊 ]

🍒▬▬▬▬▬▬▬▬▬▬🍒

[ ሕይወት የሚገኝባቸው የቅድስት ቤተክርስቲያን መንፈሳዊ ትምህርቶች በሊቃውንተ ቤተክርስቲያን በድምፅ ይቀርባሉ። ]

[   ሳምንታዊ መርሐ-ግብር   ]

🕊

❝ የእግዚአብሔር ሕግ ፍጹም ነው ፤ ነፍስን ይመልሳል ፤ የእግዚአብሔር ምስክር የታመነ ነው ፤ ሕፃናትን ጠቢባን ያደርጋል።

የእግዚአብሔር ሥርዓት ቅን ነው ፥ ልብንም ደስ ያሰኛል ፤ የእግዚአብሔር ትእዛዝ ብሩህ ነው ፥ ዓይንንም ያበራል። ❞

[ መዝ . ፲፱ ፥ ፯ ]

▬▬▬▬▬▬   †   ▬▬▬▬▬▬

[ ❝ የእግዚአብሔር ሕግ ፍጹም ነው ! ❞ ]

            [   ክፍል - ፳፮ -    ]

        💖   ድንቅ ትምህርት  💖

[ በመምህራችን በቀሲስ ኅብረት የሺጥላ ]

❝ የሚሰማኝ ግን በእርጋታ ይቀመጣል ፥ ከመከራም ሥጋት ያርፋል። ❞ [ ምሳ.፩፥፴፫ ]

         †              †           †
▬▬▬▬ ▬▬▬▬▬ ▬▬▬▬
                        👇

118

ኦርቶዶክስ ሃይማኖታችን

19 Oct, 15:07

" እውነት እውነት እላችኋለሁ፥ እናንተ ታለቅሳለችሁ ሙሾም ታወጣላችሁ፥ ዓለም ግን ደስ ይለዋል፤ እናንተም ታዝናላችሁ፥ ነገር ግን ኀዘናችሁ ወደ ደስታ ይለወጣል።"
(የዮሐንስ ወንጌል 16:20)

115

ኦርቶዶክስ ሃይማኖታችን

19 Oct, 09:15

🕊 💖 ▬▬   †   ▬▬ 💖  🕊

[  🕊 መዝሙረ ተዋሕዶ   🕊 ]


[ ኦርቶዶክሳዊ የተቀደሰ ያሬዳዊ ዝማሬ ሰዓት ]

[ ሳምንታዊ መርሐ-ግብር ]

🕊

በስመ አብ ፡ ወወልድ ፡ ወመንፈስ ቅዱስ አሐዱ አምላክ አሜን፡፡

ኦርቶዶክሳዊ መዝሙር ንጹሕና የተቀደሰ ነው ፥ ለእግዚአብሔር ምስጋናና ልመና የሚቀርብበት ፣ ይቅርታና ምሕረት የሚጠየቅበት ፣ ሰውን ሳይሆን እግዚአብሔርን ደስ ለማሰኘት የሚዘጋጅ ንጹሕ መስዋዕት ነው ፥ በአበው ጸሎት ይዘጋጃል ፥ ከስጋዊና ከደማዊ ሀሳብ የራቀ ነው ፥ ልቦናን ወደ ንስሐ ይጠራል ፥ ከኃጢአትና ከክፉ ሥራ የመለየት ኃይል አለው ፥ ክፉ መንፈስን ከሰው ልብ ያርቃል ፥ መረጋጋትን ልቦናን ዘልቆ የሚሰማ ውስጣዊ ሰላምን ይሰጣል ፥ በአሚነ ሥላሴ ያጸናል ፥ የክርስቶስን የባህርይ አምላክነትና መሐሪነት ይመሰክራል ፥ የእመቤታችንን ፍቅር በልቦና ያሳድራል ፥ በእናትነቷና በምልጃዋ እንድንታመን ያደርጋል ፥ በቅዱሳን ጸሎትና በቃል ኪዳናቸው ያጸናናል ፥ ሥርዓተ ቤተክርስቲያንን እናውቅ ዘንድ መንገድ ይመራናል ፥ ፈሪሐ እግዚአብሔርንና ፍቅረ እግዚአብሔርን ያጎናጽፈናል፡፡

▬▬▬▬▬▬   ♱   ▬▬▬▬▬▬

ተወዳጆችሆይ ፦ በተቀደሰ ሰማያዊ ያሬዳዊ ዜማ ነብሳችንን እናስጊጣት፡፡ ከደጋጎቹ አባቶቻችን ጋር ከዓለም ርኩሰት በተለየ የተቀደሰ ዝማሬ አምላካችን እግዚአብሔርን እናመሥግን፡፡ ለስጋዊ ጆሮዎች ከሚመች ከረከሰ የተሃድሶ የኑፋቄ እርሾ ልቦናችንን እንጠብቅ፡፡ ገንዘብን ስለመውደድ ከሆነ ከሥጋዊ ሥራ ፈጽሞ እንለይ፡፡

🍒

❝ እግዚአብሔር የድሆችን ምኞት ሰማ ፥ ጆሮውም የልባቸውን አሳብ አደመጠች ፥ ፍርዱ ለድሀ አደግና ለችግረኛ ይደረግ ዘንድ ፥ ሰዎች በምድር ላይ አፋቸውን ከፍ ከፍ ማድረግ እንዳይደግሙ። ❞

{   መዝ . ፲ ፥ ፲፯   }

†                       †                       †
💖                   🕊                    💖

136

ኦርቶዶክስ ሃይማኖታችን

18 Oct, 21:40

በዚያም ታላቅ የአንድነት በዓል ተከበረ:: ታላቁ እረኛ ቅዱስ አትናስዮስ እነሆ በዚህ መንገድ ቤተ ክርስቲያንን ከ፪ ከመከፈል ታደጋት:: ቅዱሱ ሲጋደል ኑሮ በዚህች ቀን ዐርፏል::

✞ ቸሩ አምላክ እንዲህ ለመንጋው የሚራሩ እረኞችን አይንሳን:: ከሐዋርያው: ከሰማዕቱና ከደጉ ፓትርያርክም ጸጋ በረከትን ይክፈለን::✞

🕊

[ † ጥቅምት ፱ [ 9 ] ቀን የሚከበሩ ዓመታዊ የቅዱሳን በዓላት ]

፩. ቅዱስ ቶማስ ሐዋርያ
፪. ቅዱስ እስጢፋኖስ ካልዕ [ሰማዕት]
፫. ቅዱስ አትናስዮስ ብጹዕ
፬. ቅዱስ ስምዖን ሰማዕት
፭. ቅዱስ ሊዋርዮስ ሊቀ ዻዻሳት
፮. ቅዱስ ባስልዮስ ዘቂሣርያ
፯. ቅዱስ ቄርሎስ ሊቀ ዻዻሳት
፰. አቡነ መዝገበ ሥላሴ ጻድቅ [ኢትዮዽያዊ]
፱. አፄ ዳዊት ጻድቅ ንጉሠ ኢትዮዽያ [ግማደ መስቀሉን ያመጡ]

[ † ወርኀዊ የቅዱሳን በዓላት ]

፩. አባ በርሱማ ሶርያዊ [ለሶርያ መነኮሳት ኁሉ አባት]
፪. አቡነ እስትንፋሰ ክርስቶስ /ኢትዮዽያዊ/
፫. ፫፻፲፰ "318ቱ" ቅዱሳን ሊቃውንት [ርቱዐነ ሃይማኖት ዘኒቅያ]
፬. የብሔረ ብፁዐን ጻድቃን
፭. አባ መልከ ጼዴቅ ዘሚዳ [ኢትዮዽያዊ]
፮. ቅዱስ ዞሲማስ ጻድቅ [ዓለመ ብፁዐንን ያየ አባት]

" ለመንጋው ምሳሌ ሁኑ እንጂ ማኅበሮቻችሁን በኃይል አትግዙ:: የእረኞችም አለቃ በሚገለጥበት ጊዜ የማያልፈውን የክብርን አክሊል ትቀበላላችሁ:: እንዲሁም ጐበዞች ሆይ! ለሽማግሌዎች ተገዙ:: ሁላችሁም እርስ በርሳችሁ እየተዋረዳችሁ ትሕትናን እንደ ልብስ ታጠቁ:: እግዚአብሔር ትዕቢተኞችን ይቃወማልና:: ለትሑታን ግን ጸጋን ይሰጣል::" ✞ [፩ዼጥ.፭፥፫]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

† † †
▬▬▬▬▬ ▬▬▬ ▬▬▬▬▬
💖 🕊 💖

129

ኦርቶዶክስ ሃይማኖታችን

18 Oct, 21:40

🕊

✞ በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ ✞

[ † ጥቅምት ፱ [ 9 ] ቀን የሚከበሩ ዓመታዊ የቅዱሳን በዓላት † ]

† 🕊 ቅዱስ ቶማስ ሐዋርያ 🕊 †

ደጉ ሐዋርያ ቅዱስ ቶማስ ከኢትዮዽያ እስከ ሕንድና ባርቶስ በደረሰች ስብከቱ እጅግ ድንቅ የሆኑ ተአምራትን ሠርቷል:: 'አሐደ እምተአምራቲሁ' እንዲሉ አበው ከእነዚህ ዛሬ አንዱን እንመለከታለን::

ቅዱስ ቶማስ ጐና ወደምትባል የሕንድ አውራጃ መግቢያ ፈሊጥ ቢያጣ ጌታ ወርዶ አበኒስ ለሚባል ነጋዴ ባሪያ አድርጐ ይሸጠዋል:: በመጀመሪያ በንጉሡ ሠርግ ቤት ውስጥ ተአምራትን አሳይቶ ሕዝቡን ከነ ሙሽሮቹና ንጉሣቸው አሳምኗል::

ቀጥሎ ግን ጎንዶፎር ለሚባል ሌላ ንጉሥ 'ቤተ መንግስት ሥራ' ተብሎ ይላካል:: ሐዋርያውም ንጉሡን "የማንጽበትን ወርቅና ብር ስጠኝ" ብሎት ይሰጠዋል:: ንጉሡ ዘወር ሲል ግን "ወእሁብ ዘንጉሥ ለንጉሥ-የምድራዊው ንጉሥ ለሰማያዊው ንጉሥ እሰጣለሁ" እያለ ገንዘቡን ሁሉ ለነዳያን በተነው::

ገንዘቡ ሲያልቅበት "ንጉሥ ሆይ! መሠረቱ ታንጿልና ለግድግዳው ላክልኝ" ይለዋል:: ሲልክለት ይመጸውተዋል:: አሁንም "ንጉሥ ሆይ! ለጣሪያው ላክልኝ" ይለውና ይመጸውተዋል:: መጽሐፍ እንደሚል ምጽዋት ለሐዋርያው ልማዱ ነውና::

በመጨረሻ ግን ንጉሡ ሲመጣ ባዶ መሬት ላይ ነዳያን ገንዘቡን ሲበሉት አገኘ:: ተበሳጭቶም ቅዱስ ቶማስን ይገድለው ዘንድ አሠረው:: በዚያች ሌሊት ግን የንጉሡ ወንድም ጋዶን ሙቶ ሐዘን በሆነ ጊዜ ሐዋርያው አስነሳው::

ጋዶንም ለቅዱሱ ሰግዶ በሰማይ ለንጉሥ ጐንዶፎር ትልቅ ቤት ታንጾ ማየቱን ተናገረ:: ንጉሡና ሠራዊቱም በፊቱ ሰግደው አመኑ:: አጥምቋቸውም ሔዷል::

† 🕊 ቅዱስ እስጢፋኖስ ካልዕ 🕊 †

በዚህ ስም ከሚጠሩ ቅዱሳን ሊቀ ዲያቆናቱ ቅድሚያውን ሲይዝ ዛሬ የምናከብረው ቅዱስ ደግሞ 'ካልዕ እስጢፋኖስ' [ሁለተኛው] ይባላል:: ፪ቱም 'ቀዳሜ ሰማዕት' ይባላሉ:: ዋናው በሐዋርያት ዘመን ቀድሞ እንደተሰዋ ሁሉ ሁለተኛው በዘመነ ዲዮቅልጢያኖስ ርጉም ቀድሞ ተሰይፏል::

ቅዱሱ የተወለደው በ፫ኛው መቶ ክ/ዘመን አጋማሽ ሲሆን በአንጾኪያ ቤተ መንግስት ውስጥ ከነበሩ ልዑላንና የጦር መሪዋችም አንዱ ነበር:: በዝምድና ደረጃም የታላቁ ቅዱስ ፋሲለደስ የእህቱ ልጅ ነው:: በቤተ ፋሲለደስ ከማደጉ የተነሳም የእርሱ ልጅ እንደ ሆነ በገድሉ ተጠቅሷል::

ቅዱስ እስጢፋኖስ ካልዕ ማለት መልክ ከደም ግባት የተባበረለት: ጾምና ጸሎትን የሚወድ: የነዳያን አጉራሽ: ኃያል የጦር ሰውና ተወዳጅ ክርስቲያን ነው:: ያ ክፉ አውሬ በዓለም በሚገኙ ምዕመናን ሁሉ ላይ ሞትና ስቃይን ሲያውጅ በአካባቢው የነበረ ይኼው ቅዱስ ነው::

በቦታው ከነበሩ ብዙ ሺህ ሰዎች ንጉሡን ደፍሮ የተናገረው አንድም አልነበረም:: ቅዱስ እስጢፋኖስ ግን ለክርስቶስ ቀና:: ከሕዝቡ መካከልም እየሮጠ አልፎ በንጉሡ ፊት አዋጅ የሚያነበውን ወታደር ቀማውና በአደባባይ ያችን የክህደት ደብዳቤ ቦጫጭቆ ጣላት::

ንጉሡንም "ሰነፍ" ሲል ገሠጸው:: እጅግ የተቆጣው ንጉሡ ግን ቅዱሱን በሰይፍ ሰንዝሮ ከ፪ ከፈለው:: አካሉ መሬት ላይ ሲወድቅ ራሱ ግን በዓየር ላይ ሁና ለ፫ ቀናት ትንቢትን ተናገረች:: ለዚያ አስጨናቂ የመከራ ዘመንም በር ከፋቹ ቅዱስ እስጢፋኖስ ካልዕ ሆነ::

† 🕊 ቅዱስ አትናስዮስ ብጹዕ 🕊 †

ይህ ቅዱስ አባት ደግሞ ባለ አስደናቂ ታሪክ ነው:: ዜና ሕይወቱ ሲሰማ ጣዕመ ነፍስን ያድላል:: ተወልዶ ባደገባት ሶርያ በመናኝነቱ የሚታወቀው ቅዱስ አትናስዮስ ሕይወቱ በጽሙና የተሞላ ነበር:: በገዳም ገብቶም በዓት ለይቶ ሰውነቱን ለእግዚአብሔር ሲያስገዛት ዘመናት አልፈዋል::

በዘመኑ የአንጾኪያ ፓትርያርክ አርፎ ነበርና ለመንበሯ የሚገባውን ሰው ፍለጋ በየበርሃው ዞሩ:: ነገር ግን ከቅዱሱ አትናስዮስ የተሻለ ሰው አላገኙም:: እርሱ መጻሕፍትን ጠንቅቆ የሚያውቅ: ለመንጋውም የሚራራ በጐ እረኛ ነውና ይዘውት ወደ ከተማ መጡ::

በሃገራቸው ባሕል መሠረት ሊቀ ዻዻሳት የሚሾመው የሁሉም አሕጉረ ስብከት ዻዻሳት ባሉበት ነውና ጠበቁ:: ሁሉ ተገኝቶ በሶርያ የሰልቅ ዻዻስ የነበረው አባ እልመፍርያን ግን ዘገየ:: ለ፶ ቀናት ጠብቀው አባ አትናስዮስን 'ፓትርያርክ ዘአንጾኪያ' ብለው ሹመውት ተለያዩ::

በ፶፩ኛው ቀን አባ እልመፍርያን ሲደርስ በዓለ ሲመቱ መጠናቀቁን ሲነግሩት ተቆጣ:: "እኔ በሌለሁበት የተሾመው አይሠራምና አትናስዮስን ፓትርያርክ ብሎ የሚጠራ ሁሉ የተወገዘ ይሁን" ብሎ ወደ ሰልቅ ተመለሰ:: ቅዱስ አትናስዮስ ይህንን ነገር ሲሰማ ፈጽሞ አዘነ::

ከቀድሞውም አስገድደውት እንጂ እርሱ ሹመቱን ፈልጐ አልመጣም:: ልክ በዘመኑ እንደምንመለከተው ቅዱሱ መልሶ ማውገዝ ይችላል:: ለዚያውም በሥልጣን ይበልጠዋል:: ቅዱሱ ግን ለግል ክብሩ ሲል ቤተ ክርስቲያንና ምዕመናን ሲከፈሉ ማየትን አልወደደም::

ደቀ መዝሙሩን ጠራውና "ልጄ! እሺ በለኝ: ነፍሴ ትመርቅሃለች:: እኔ ለ፩ ዓመት መንገድ ስለምወጣ አንተ በእኔ ፈንታ እዘዝ: እሠር: ፍታ:: ሕዝቡ ከጠየቁህ ወደ ገዳም ሔዷል በላቸው" ብሎት ከመንበረ ዽዽስናው ወጣ:: እጅግ የነተበ የበርሃ ልብሱን ለብሶ: ለ፩ ቀን በእግሩ ተጉዞ ሰልቅ ውስጥ ደረሰ::

ወደ አባ እልመፍርያን ዘንድ ገብቶም በፊቱ ሰገደ:: "አባቴ! ነዳይ ነኝና አስጠጋኝ?" ብሎ ለመነው:: አባ እልመፍርያንም ከመነኮሳቱ ጋር እንዲኖር ፈቀደለት::

ቅዱስ አትናስዮስ ፓትርያርክ ሲሆን ወገቡን ታጥቆ ያገለግል ገባ:: ውሃ ይቀዳል: ዳቦ ይጋግራል: ቤቶችን ይጠርጋል: መጸዳጃ ቤቶችን ያጸዳል: የመነኮሳቱን እግር ያጥባል:: በዚህ ሁሉ ላበቱ እየተንጠፈጠፈ በሰውነቱ ላይ ይወርድ ነበር::

አባቶች ትጋቱንና ትሕትናውን ሲያዩ ለዲቁና አጩት:: ዻዻሱም ጠርቶ "ዲቁና ልሹምሕ" ቢለው ፓትርያርኩ ቅዱስ አትናስዮስ አለቀሰ:: "ምነው?" ቢለው "አባቴ! በነውር ተይዞብኝ ነው እንጂ ዲቁናስ አለኝ" አለው:: አሁንም ለ፯ ወራት በዲቁና አገልግሎት ቆይቶ ቅስና ተሾም ቢሉት እንደ ቀደመው እያለቀሰ መለሰላቸው::

ልክ በዓመቱ ግን ለአንዲት ሃገረ ስብከት ዻዻስ ያደርጉት ዘንድ በዕለተ እሑድ ተሰበሰቡ:: ቅዱስ አትናስዮስ እንዲተውት እያለቀሰ ለመናቸው:: "ለሹመቱ ትገባለህ" ብለው ግድ ሲሉት ግን "ምሥጢር ልንገራችሁ" ብሎ "ፓትርያርኩ አትናስዮስ ይሏችኋል እኮ እኔ ነኝ" አላቸው::

የሰማውን ነገር ማመን ያቃተው አባ እልመፍርያን ደንግጦ በግንባሩ መሬት ላይ ወደቀ:: እየተንከባለለም አለቀሰ:: "ወየው ለእኔ! ጌታየን አትናስዮስን እንደ አገልጋይ ላዘዝኩ" እያለም ተማለለ:: በአካባቢው የነበሩ ዻዻሳት: ካህናት: መነኮሳትና ምዕመናንም ከቅዱስ አትናስዮስ የትህትና ሥራ የተነሳ ፈጽመው አደነቁ::

መንበረ ዽዽስና አምጥተው እየዘመሩ ተሸክመውት ዞሩ:: ቅዳሴንም ቀድሶ ሥጋውን ደሙን አቀብሏቸው ታላቅ ደስታ ሆነ:: በማግስቱም ቅዱሱን ባማረች በቅሎ ላይ አስቀምጠው: አባ እልመፍርያን በእግሩ [በራሱ ፈቃድ] እየተጓዘ በታላቅ ዝማሬ አንጾኪያ ደረሱ::

109

ኦርቶዶክስ ሃይማኖታችን

ኦርቶዶክስ ሃይማኖታችን (Amharic)

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

ኦርቶዶክስ ሃይማኖታችን

1,154

4,485

370

Best Similar Channel