اللغة الانكليزية - استاذ حسان

اسئلة التمهيدي لمادة اللغة الانكليزية للصف السادس الاعدادي ٢٠٢٥

الثالث المتوسط
اليوم لا يوجد دوام في المعهد ولجميع الدروس
بسبب ظرف طارئ

السلام عليكم
#للتذكير
#طلاااااااب ( ولد / بنين ) الصف #السادس_الاعدادي و #الثالث_المتوسط، يبدأ الدوام يوم الخميس
(بنفس جدول يوم السبت سابقاً)
ولجميع الدروس،

الثالث المتوسط جدولكم يوم الخميس وباقي الايام كالتالي:
الساعة ١٢ كيمياء
الساعة ١ فيزياء
الساعة ٢ ونص انكليزي
الساعة ٣ ونص رياضيات

ملاحظة: الدوام يستمر لمدة ٧ ايام متتالية

طالبات وطلاب الصف السادس الاعدادي والثالث المتوسط، اتمنالكم عطلة سعيدة.

بالنسبة لدوامكم في المعهد فهو كالتالي: يوم غد الاربعاء عطلة للجميع. يوم الخميس الموافق ١/٢٣ هو اول يوم دوام للطالبااااااااات ( بنات ) السادس والثالث وبنفس جدول يوم الجمعة سابقاً. بالنسبة الى امتحان مجاميع الاعفاء (٥/١) سيكون امتحانكم باليونت السابع في اول يوم دوام في عطلة نصف السنة ( الخميس ١/٢٣ ) أما امتحان مجاميع (٦/١) سيكون يوم الخميس مراجعة قواعدية لليونت الخامس، ويوم الجمعة امتحان باليونت الخامس.

اما الطلاااااااااااب ( ولد / بنين ) السادس والثالث متوسط سيكون دوامكم يوم الخميس بعد القادم الموافق ١/٣٠ وايضاً بنفس جدول يوم السبت سابقاً. بالنسبة الى امتحان مجاميع الاعفاء (٥/١) سيكون امتحانكم باليونت السابع في اول يوم من دوامكم ( الخميس ١/٣٠ ) أما امتحان مجاميع (٦/١) سيكون يوم الخميس ١/٣٠ مراجعة قواعدية لليونت الخامس، ويوم الجمعة امتحان باليونت الخامس.

طالبااااااات ( بنات ) الصف السادس اللي عدهم باجر اضافي انكليزي ساعة ١٠ وساعة ١١، انلغت المحاضرة لان باجر دوام طلاب ( ولد / بنين ) وننتظر الخميس نشوف اذا يصير دوام ولد لو بنات ونقرر اكو محاضرة الخميس او لا

طالبات الصف السادس اللي عدهم باجر اضافي انكليزي ساعة ١٠ وساعة ١١، انلغت المحاضرة ونبقى على يوم الخميس بنفس التوقيت. لان باجر دوام طلاب كامل

#معهد_المنار

السلام عليكم

طلاااااااااب ( ولد / بنين ) الصف الساااااااادس الاعدادي، يوم غد الاربعاء دوام في المعهد ولجميع الدروس
نفس جدول يوم السبت

طلااااااااب ( ولد / بنين) الثالث المتوسط يوم غد الاربعاء لاااااا يوجد محاضرات

طالبااااااااات ( بنات ) الصف السااااااادس والثااااااالث المتوسط، يوم غد الاربعاء لااااااااا يوجد محاضرات

#عاجل || مجلس الوزراء يصوت على اعتبار يوم غد الأربعاء 2024/12/25 عطلة رسمية وذلك بمناسبة أعياد الميلاد المجيدة.

#تنبيه ||
العطلة تشمل الجميع الموظفين والطلاب

السلام عليكم
بسبب الامطار، يوم غد السبت لا يوجد دوام في المعهد ولجميع الدروس سادس وثالث.

السلام عليكم
بسبب الامطار، طلاب الثالث المتوسط
اليوم لا توجد محاضرات لجميع الدروس

#معهد_المنار

طلاااااااااااب ( ولد / بنين ) الصف السادس الاعدادي. يوم غد الثلاثاء دوام كامل في المعهد ولجميع الدروس نفس جدول يوم السبت
طلااااااااب وطالبااااااااات الصف الثااااااالث المتوسط، يوم غد الثلاثاء لااااااااااااااا توجد محاضرات لكم.

#معهد_دار_المعارف

طالباااااااااااات ( بنات ) الصف السادس، يوم غد لا يوجد محاضرة في الساعة ٤:٣٠ عصراً. تؤجل المحاضرة الى يوم الاربعاء وبنفس الوقت.

#ثانوية_دار_المعارف_للبنات

طالباااااااااااات ( بنات ) الصف الخامس، سيكون هناك مراجعة مجانية لقواعد اليونت الثاني في يوم الجمعة الساعة ٤ عصراً في معهد دار المعارف. الدعوة عامة لجميع الطالبات.

#معهد_المنار

السلام عليكم.
طلااااااااااب ( ولد/ بنين ) الصف السااااااااااادس الاعدادي، يوم الثلاثاء في عطلة يوم النصر دواااااااام كامل في المعهد جدول كامل يشبه يوم السبت. بالنسبة لطالبات وطلاب الصف الثالث متوسط الثلاثاء لااااااااااا يوجد محاضرات. يبقى جدولكم على يومي الجمعة والسبت.
.……………………………………………………….
بالنسبة لطالبات وطلاب الصف السادس ( الاعفاء العام ) اللي ما امتحنوا نهاية اليونت السادس، ممنوع يداومون اذا ما يحضر ولي امرهم وكدامه يحجون شنو سبب عدم دخولهم للامتحان. لا تحطون نفسكم بموقف محرج واطردكم من القاعة كدام زملائكم. واللي يسوي نفسه ذكي ويكول اي عادي ما ادخل للدرس اني اصلا راح انتظره محاضرة وحدة بس اذا ما جاب ولي امره اني اتصل على اهلكم من موبايلي الشخصي. اللي مقتنع بشخصية الزعطوط وعايش الدور اني راح اسوي ادمي غصبا عنه.

السلام عليكم،

طالبات وطلاب الصف السادس ( الانتساب )، اغلبكم راسلوني يريدون يكعدون هايه الفترة بالبيت ويتركون المعهد بسبب الامتحانات. هذا الكلام مو صحيح ابدا ومو منطقي اصلا. احنه صارلنه ٦ اشهر يا دوب خلصنه ٣ يونتات نمشي على كييييييفنه بيهن وهسه تريدون تقنعوني ناسين كلشي درسناه! لعد ليش درسناه اصلا! خلي نعزل المعهد ونكعد بالبيت ونفتح قبل الوزاري بشهر نشرح كل المادة وتروحون للامتحان راسا. على هذا تفكيركم يعني منا للوزاري ناسين كل المادة؟ منطقي هالكلام؟ اني دا احجي عن نفسي كمادة لغة انكليزية، اني حتى يوم ثاني ما سويتلكم حتى ما اضغط عليكم ويه باقي الدروس. الغياب ممنوووووع يومي الجمعة والسبت. كلللل مادة الانتساب انتو دارسينهه يمنه وممتحنين بيهه يمنه يومي وتراكمي وشهري وشامل. شكد تريدون تمتحنون ١٠٠ مرة يالله تحفظونهه؟ ابويه عدكم باقي الايام تدرسون بيهه اللي يعجبكم. طالبات وطلاب الاعفاء العام، امتحانكم الطالبات الجمعة والطلاب السبت، ممنوع الغياب واللي يغيب محتمل ما يكمل ويانه. اللي دا تسوونه لعب وما مسموح بي ابداً. اتمنالكم التوفيق بامتحاناتكم

نتائج الصف السادس الدور الثالث. الف مبروك للناجحين وحظ اوفر للمعيدين.

طلابنا الاعزاء. من اكثر الاسئلة اللي توصلني بالفترة الاخيرة سواء من طلاب اعدادية او جامعة او حتى خريجين، يسألون عن ( شلون اكدر احجي انكليزي ؟ ) الصراحة جواب هذا السؤال مو بهالبساطة. يعني ما اكدر اكولك روح سوي فلان شي وراح تحجي. الموضوع متشعب وبي خطوات والتزام وجهد. هو مو صعب ابداااااا بالعكس اذا انت شخص عندك رغبة حقيقة بالتعلم راح تحس الموضوع مشوق وممتع اصلا. الطفل البشري من ينولد ويكبر اووول شغلة يسويهه هو السماع. يسمع لغة كلللللشي ما يفتهم منهه. يسمع اهله يحجون وينتبه عليهم ويركز لكن بالواقع هو كلللللشي ما يفتهم منهم، لكن بمرور الايام يبدي يسمع فلان كلمة كل ما تنحجي يجيبولة الاكل مالته، هنا يفهم انه هايه الكلمة مرتبطة بالاكل ويبدي يحاول يرددهه. انت لازم تسوي نفس الشي، تابع افلام ومسلسلات واغاني تنسيقهه بطيء حتى تسمع شنو دا يصير مو اغاني سريعة متفهم كلشي. هيجي راح تعود اذنك على اللغة وهايه اهم خطوة. الخطوة الثانية اللي يسويهه الطفل هو التقليد. يقلد كلماتنه اصواتنه ويبدي بكلمات بسيطة. كذلك متعلم اللغة لازم ما يستعجل ويروح يدور اطول كلمة واصعب كلمة وتراكيب الاحرف و و و ، ابدي بابسط شي عليك. ابدي احجي الكلمات اللي تكدرلهن. بعدهه الطفل يبدي يكون جمل بعد ما صار يعرف يخلي كلمة بعد كلمة. راح تصير عنده اخطاء مثلا المذكر يسمي انتِ والمؤنث يسمي انتَ، كذلك انت كمتعلم لغة الخطأ عندك مسموووووح جدا، المقابل راح يفهمك بكل الاحوال. يعني انت من تكول she were playing اني فهمت شنو تقصد وهذا هو المهم. اللغة مو هدفهه القواعد ولا هدفهه تجمع مفردات، اللغة هدفهه التواصل ونقل الافكار. مدام انت دا تكدر توصل هايه الفكرة خلص هذا المهم، اتقان اللغة راح يتم بشكل تدريجي. الطفل بعد ما يسيطر على الجمل ويكدر يتواصل بشكل مريح، هنا يبدي يحاول يتعلم الاحرف ويعرف اسم الحرف وشلون ينكتب و و و . احنه للاسف دا نتعلم اللغة بالعكس، نبدي بالكتابة ونترك الكلام، وهذا جداااااا خطأ. اووول مهارة لازم تتعلمهه الكلام. هسه بالفترة الاخيرة طريق تعليم اللغة تغيرت، بمكان ما نعلم الطالب كلمات ونكوله هذا الفاعل يصير بالبداية وهذا الفعل يصير بعده و و و، صرنه ننطي للطالب مصطلح جاهز، جملة كاملة يستخدمهه مثلا من يريد يشتري بيتزا. بمرور الايام من يسيطر على هذا المصطلح راح يبدي هو من وحده يغير، يوخر البيتزا يخلي بركر، ويبدي يكون جمل لا محدودة وحسب رغبته وحاجته. انصح جدااااا بمتابعة الافلام والمسلسلات ومن تسمعهم يحجون جملة تفيدك، راسا وكف الفلم، رجع اللقطة، اسمعهه صح، افهم معناهه وابقه ردد بيهه مثلهم، مراح تجيب لفظهم عدل من اول مرة لكن بمرور الايام والتكرار راح تنصدم شكد طريقة لفظك تطورت. اما سالفة الاعلانات تعال يمنه بشهرين نطلعك تحجي، لو كتاب تعلم الانكليزي في عشرة ايام، تره كلللللله نصب وضحك عالناس. اللغة تريد التزام ومثابرة وذكاء. شخص عندة ارادة والتزام ويريد يتعلم، مو شخص فارغ تعال اريد احجي بدون ما اتعب نفسي، افتحوا عقلي واحشروا اللغة بنصه، هذا مو منطق ابدا. اتمنالكم التوفيق والسداد.

#طلاااااااااب الصف الخامس في #اعدادية_الروابي

١- يؤجل امتحان الرياضيات ويحدد في يوم
اخر من قبل المدرس

٢- امتحان الانكليزي لليونت الاول يبقى يوم الاثنين

عاجل

نظراً لسوء الأحوال الجوية وهطول الأمطار الغزيرة، وحفاظاً على سلامة أبنائنا الطلبة والتلاميذ، تقرر تعطيل الدوام الرسمي في المدارس كافة ليوم غدٍ الأحد. كما وجه المدير العام لتربية الكرخ الثانية، الدكتور قيس الكلابي، إدارات المدارس والملاكات التعليمية والتربوية بالعمل على تعويض الدروس في الأيام المقبلة، لضمان ألا تؤثر هذه العطلة على المسيرة الدراسية للطلبة الأعزاء واستمرار تفوقهم ونجاحهم.

يستثنى من ذلك طلبة الصف السادس الذين سيؤدون امتحانات الدور الثالث.

#معهد_المنار

طالبات وطلاب الصف #الثااااااااااااالث_المتوسط، اليوم الجمعة لا يوجد محاضرات بسبب الامطار.

انتباه، الثاااااااااااااااالث المتوسط طالبات وطلاب.

نتائج الدور الثالث للصف الثالث المتوسط ٢٠٢٤

#معهد_المنار

#طالباااااااات_الصف_السادس اللي سجلتوا جديد وعدكم نقص يونت اول وثاني، دروسكم الاضافية راح تكون الاربعاء والخميس الساعة ١١ صباحاً. هايه المحاضرات مو مراجعة، يعني الطالبة اللي ماخذه المادة لا تجي. هايه المحاضرات فقطططط للي ما ماخذات المادة. بالنسبة للطالبات اللي هذا الوقت ما يفيدهم لازم ينتظرون نخلص المادة ونرجعلهم لليونتات الاولى.

الكرخ الثانية

https://www.dirasat-gate.org/assets/documents/Doc-2024/ctrl-result/%D8%A7%D9%84%D9%83%D8%B1%D8%AE%20%D8%A7%D9%84%D8%AB%D8%A7%D9%86%D9%8A%D8%A9.pdf

#القبول_المركزي

رابط متابعة القبولات على شكل ملفات
https://results.mlazemna.com/ui25/

ترقبوا بعد قليل انطلاق المؤتمر الخاص بإعلان نتائج القبول المركزي وسيتم بعدها نشر القبولات من خلال الرابط

التنقيط، مكانه بالسؤال الثالث فرع D عليه ٥ درجات

سؤال الاملاء، افكار متنوعة حسب المثال اللي ينطيه بالنقطة. سؤال الرابع فرع B عليه ١٠ درجات

توصيلات مهمة جدا، مكانهم بالسؤال الثالث فرع B عليهم ٥ درجات

قواعد متنوعة، مكانهم بالسؤال الثاني فرع A عليهم ١٠ درجات