منصة_غيم.

@ghim36

منصة غيم
-تعليمية
-توعوية
-خيرية
"نافذة لغيم يُمطر وعياً وخيراً".

منصة غيم (Arabic)

منصة غيم هي قناة تليجرام تهتم بتقديم محتوى تعليمي، توعوي، وخيري للمستخدمين. تعتبر هذه القناة نافذة لعالم غيم الذي يمطر على متابعيها المعرفة والوعي والخير. بفضل تنوع محتواها، فإن منصة غيم توفر لجمهورها فرصة لتعلم المزيد، التوعية بالقضايا المهمة، والمساهمة في الأعمال الخيرية. إذا كنت تبحث عن قناة تليجرام تجمع بين التعليم، التوعية، والعمل الخيري، فإن منصة غيم هي الخيار المثالي لك. انضم إلينا اليوم واحصل على جرعة يومية من العلم والوعي والخير.

منصة_غيم.

29 Oct, 04:57

في الصباحات البهية دي:

من أساسيات البزنس الناجح إنك تعرف تحسب المخاطر، وتكون مستعد تتقبل الخسارة وتتعلم منها، البزنس زيو زي أي مشروع، يوم فوق ويوم تحت، وده العادي. المهم يكون عندك صبر وما تيأس من أول تحدي، وركز على تطوير مهاراتك باستمرار، زي التفاوض والتواصل.

برضو خلي عندك شبكة علاقات قوية، عشان العلاقات هي البتبني فرص جديدة. شيل النصيحة من الناس اللي سبقوك، وأخد شوية وقت دائما تراجع نجاحاتك وأخطاءك عشان تكون أحسن.

خليك وفي للقيم البتآمن بيها، لأنها حتكون الدافع الحقيقي ليك🤍🦋.

وصباح الخير لُطفاً🫂🤍.

#سجدة_علاء
#سكر
#كوين_البزنز
#ماركتنج

109

منصة_غيم.

23 Oct, 05:19

في الصباحات البهية دي:

إنت ك زول ناوي تفتح بزنز لازم تعرف إنو في بيئة العمل، العلاقات المنجزة بتكون أساسية للنجاح، لما تكون عندك علاقات طيبة مع زملاء العمل التانين، الحاجة دي بتسهل الأمور وبتخلي التواصل بينكم أسهل.

الشغل مع فريق متعاون ومؤيد بزيد من الإنتاجية، لأن كل واحد في الفريق بيدعم التاني ويشارك أفكارو. كمان العلاقات الكويسة بتفتح أبواب جديدة للفرص والتطوير، ممكن تتعلم من خبرات الآخرين وتكتسب مهارات جديدة، بالإضافة لما تكون الأجواء لطيفة في العمل، بتزيد الحماس والدافع، الحاجة دي بتأيدك لتحسين الأداء والنتائج.

إتذكر إنو بناء العلاقات القوية والمستمرة هو مفتاح النجاح في أي مجال🤍🦋.

#سجدة_علاء
#سكر
#كوين_البزنز
#ماركتنج

164

منصة_غيم.

10 Oct, 07:18

في اليوم العالمي للصحة النفسية بحب أقول ليك:

كُل عام وإنت معافى نفسياً وجسدياً
وكُل عام وإنت واصل لأقصى درجات الوعي والتصالح مع الذات
كُل عام وإنت قادر تقول لا بدون تردد أو ضعف
كُل عام وإنت إنسان سوي ومنجز وجميل🤍

حب نفسك وقدسها، عمرو ما كان المرض عيب، وإنك تلجأ لي مسعف أو طبيب نفسي ما عيب، العيب إنك تمرض وتسكت لحد ما تموت، وإنك ما تسعف وتساعد نفسك د كد إنت بتهلكها وربنا بحاسبك وإتذكر ربنا قال:
"ولا تلقوا بأيديكم إلى التهلكه"🦋.

#سجدة_علاء
#سكر
#اسعى_عشان_نفسك
#إنت_محارب_عظيم

259

منصة_غيم.

16 Sep, 06:10

في الصباحات البهية دي:

إحنا اتخلقنا عشان نعمر الأرض ونعبد الخالق، مافي حاجة اسمها رضى الناس غاية، وما ضروري زول يصفق ليك ويشجعك ويقيف وراك، ما تربط نجاحك بزول أو بإعتقاد أو تفكير فئة معينة، اعمل العاوزو طول م هو صح وبرضي ربنا، وإتذكر إنك طول م بترضي ربنا هو حيرضيك، وربنا ييسر طريقك ويسهل كل امورك🤍🦋.

وصباح الخير لُطفاً🫂🤍.

#سجدة_علاء.
#سكر.
#اسعى_عشان_نفسك.
#إنت_محارب_عظيم.

303

منصة_غيم.

15 Sep, 06:41

في الصباحات البهية دي:

إحتفل بأصغر إنتصاراتك وخليك فخور بيها، عود نفسك على انها لازم تنجز وكافئها، مرن عقلك اللاواعي إنو الإنجاز زيو وزي شراب الموية إحتياج ثابت، وكل ما كيفت عقلك ابدر كل ما اتعلمت أسرع🤍🦋.

وصباح الخير لُطفاً🫂🤍.

#سجدة_علاء.
#سكر.
#اسعى_عشان_نفسك.
#إنت_محارب_عظيم.

270

منصة_غيم.

14 Sep, 06:26

في الصباحات البهية دي:

كمل رغم أي سوء بتمر بي، ورغم أي إنسان في حياتك بستهتر بالبتعملو، إنت عليك بنفسك بس وم عليك بيهم، وربنا يسدد خُطاك ويجبر بخاطرك ويرب دائماً التوفيق يلازمك🤍🦋.

وصباح الخير لُطفاً🫂🤍.

#سجدة_علاء.
#سكر.
#إنت_محارب_عظيم.
#اسعى_عشان_نفسك.

425

منصة_غيم.

12 Sep, 07:09

في الصباحات البهية دي:

كن على يقين إنو ربنا حيجبرك بطريقة حلوة شديد، وحيقرب بينك وبين كل احلامك، حتصل لي عتبت النهاية وابتسامة الإنتصار مالية وشك، حتشعر بمدى قوتك والعيون كلها عليك ومليانه فخر، اصبر واسعى عشان تصل للحظات دي، واعرف إنو حتى الموية لو م تعبت ومشيت بنفسك وشربتها، عمرك م حتشعر بطعمها🤍🦋.

وصباح الخير لُطفاً🫂🤍.

#سجدة_علاء.
#سكر.
#اسعى_عشان_نفسك.
#إنت_محارب_عظيم.

228

منصة_غيم.

10 Sep, 04:51

في الصباحات البهية دي:

بتمر علينا لحظات ضُعف وإنكسار، بكون شعورها عميق، ومداهُ بعتمد على ثباتنا الداخلي وهشاشتنا النفسية، أنا دائما بأيد فكرة إنو لازم الشخص يتعايش مع الفترة، خلي نفسك تاخد مساحتها وراحتها في أي فترة، بس برضو ما تتطول فيها وتسلم نفسك ليها وقرب لربنا في كُل فترات ضعفك، وأنا واثقه إنك حتعديها لأنك مُحارب عظيم🤍🦋.

وصباح الخير لُطفاً🫂🤍.

#سجدة_علاء.
#سكر.
#اسعى_عشان_نفسك.
#إنت_محارب_عظيم.

263

منصة_غيم.

08 Sep, 06:27

في الصباحات البهية دي:

مصيرنا في الدُنيا نودع ناس ونستقبل ناس، وهي ماشه عمرها م وقفت على زول، ولا حتقيف لمجرد إنك زعلان عشان فقدت شخص أو خزلك، قوم وكمل إنت مُحارب عظيم والدُنيا ماشه🤍🦋.

وصباح الخير لُطفاً🫂🤍.

#سجدة_علاء.
#إنت_محارب_عظيم.
#منصة_غيم.
#اسعى_عشان_نفسك.

273

منصة_غيم.

07 Sep, 05:59

في الصباحات البهية دي:

﴿فَإِنَّ مَعَ العُسرِ يُسرًا﴾

تأكدت تماما إنو بعد أي محنه وأي ضيق في جبر كبير، لدرجة إنت ذات نفسك حتستغرب إنو كيف ربنا جبرني كد، وعوضني عن كُل الفات برغم كل السوء الفيني، والحمدلله دائما وابداً وخليك صبور🤍🦋.

وصباح الخير لُطفاً🫂🤍.

#سجدة_علاء.
#سكر.
#اسعى_عشان_نفسك.
#إنت_محارب_عظيم.

281

منصة_غيم.

03 Sep, 06:06

في الصباحات البهية دي:

أقرب وابسط مثال لإستمرارية السعي تعني حتمية الوصول، هي إنو الأطفال بصرو على الحاجة الدايرنها وببكو، وبكونو بالساعات بعيدو نفس الشي لحد ما يصل لي، ف خلي عندك إصرار وعزيمة وم تنقطع أو تيأس فالنهاية حتنال🤍🦋.

وصباح الخير لُطفاً🫂🤍.

#سجدة_علاء.
#سكر.
#اسعى_عشان_نفسك.
#إنت_محارب_عظيم.

263

منصة_غيم.

31 Aug, 12:08

في الصباحات البهية دي:

حب الخير لي غيرك، رب الغير حيحبك🤍🦋.

وصباح الخير لُطفاً🫂🤍.

#سجدة_علاء.
#سكر.
#اسعى_عشان_نفسك.
#إنت_محارب_عظيم.

261

منصة_غيم.

30 Aug, 05:25

في الصباحات البهية دي:

﴿يُصلِح لَكُم أَعمالَكُم وَيَغفِر لَكُم ذُنوبَكُم﴾

ربنا في كتير من الآيات ببين لينا قدر شنو هو بحبنا، وقدر شنو كل مره بثبت لينا إنو رحيم وبحيطنا دائما بكرمو.
صلحوا أعمالكم وجددو نواياكم وتوبتكم، وم تقول انا عملت ذنوب كتيرة ربنا م حيغفر لي، إنت أعمل العليك وخلي الباقي عليه، وأكيد هو م حيضيع سعيك وجهدك، وخلي أملك فربنا كبير🤍🦋.

وصباح الخير لُطفاً🫂🤍.

#سجدة_علاء.
#سكر.
#اسعى_عشان_نفسك.
#إنت_محارب_عظيم.

275

منصة_غيم.

29 Aug, 05:30

في الصباحات البهية دي:

لمن تاخد أدوية لفترة مستمرة أكيد العلاج حيكون ماشي كويس، وبعد فترة موجزة حتلقى نفسك إتعافيت تماماً، اما لمن تاخد العلاج يوم ويوم تخلي أو يومين وتخلي أربع، دا هنا عمرها فترت التعافي ما حتجي سريع.

نفس الفكرة دي بتحصل لمن تعتمد على محفزات خارجية، يوم بتكون موجودة ويومين لا، ف عشان كد يا عزيزي إعتمد على نفسك، وكون إنت البور والداعم ليها اولاً ، بعد كد حتلقى نفسك مستغني عن أي محفزات تانية🤍🦋.

وصباح الخير لُطفاً🫂🤍.

#سجدة_علاء.
#سكر.
#اسعى_عشان_نفسك.
#إنت_محارب_عظيم.

232

منصة_غيم.

28 Aug, 05:08

في الصباحات البهية دي:

الصبر مفتاح الجبر إتعلم تكون صبور، التغيير عاوز وقت والإنجاز عاوز إنسان صبور، والشغل والدراسة والسفر وكل الحاجات دي محتاجة صبر، وربنا في كتير من آياتو ذكرو وكتير من الرُسل صبرو بالسنين ونالو في النهاية الجنة، ف واصل وما تنقطع وماف شي بتم بين يوم وليلة🤍🦋.

وصباح الخير لُطفاً🫂🤍.

#سجدة_علاء.
#سكر.
#اسعى_عشان_نفسك.
#إنت_محارب_عظيم.

229

منصة_غيم.

27 Aug, 05:17

في الصباحات البهية دي:

ماف شي إسمو الفرصة فاتت والوقت إتأخر، إتأكد إنو في حق نفسك ماف شي متأخر، أبدء من اللحظة الإنت إداركت نفسك فيها، وكون متأكد إنك حتصل رغم أي عوائق حتلاقيك، وأرفع من ثقتك بنفسك وصدقني حتصل في الوقت المناسب🤍🦋.

وصباح الخير لُطفاً🫂🤍.

#سجدة_علاء.
#سكر.
#اسعى_عشان_نفسك.
#إنت_محارب_عظيم.

242

منصة_غيم.

26 Aug, 05:31

في الصباحات البهية دي:

كونك إنسان مسامح دا بعني إنك أقوى كائن، الإنسان صعب يسامح؛ ولو سامح حيكون في شي لسه في قلبو، خليك إنسان هين ف تعاملك، سامح وخليك عادي بس ما تجي على حق نفسك🤍🦋.

وصباح الخير لُطفاً🫂🤍.

#سجدة_علاء.
#سكر.
#اسعى_عشان_نفسك.
#إنت_محارب_عظيم.

264

منصة_غيم.

24 Aug, 06:43

في الصباحات البهية دي:

ما تتصنع شخصية ما شخصيتك، خليك إنت زي ما إنت وإتعامل بي أصلك، القناع الإنت لابسوا مصيرو في يوم يقع ويضرك، ف عشان تبعد نفسك عن أي ضرر ارمي من أسي، والما حباك لي ذاتك عمرو ما حيحبك لشيء تاني🤍🦋.

وصباح الخير لُطفاً🫂🤍.

#سجدة_علاء.
#سكر.
#اسعى_عشان_نفسك.
#إنت_محارب_عظيم.

295

منصة_غيم.

23 Aug, 06:04

في الصباحات البهية دي:

مهما إتأخرت أحلامك خليك مُوقن إنك حتصل وحتنال، دائما إتعودنا يتقال لينا "أي تأخيرة فيها خيرة"، والحاجة دي فعلا حقيقة؛ يمكن ربنا مؤخر ليك هدفك دا علشان يجي زي ما إتمنيت بالظبط، ويمكن علشان عاوز يعوضك بدلوا بحلم أعظم وأنسب، أي حاجة مقدرة ليك في حياتك لي خير🤍🦋.

وصباح الخير لُطفاً🫂🤍.

#سجدة_علاء.
#سكر.
#اسعى_عشان_نفسك.
#إنت_محارب_عظيم.

281