كُل يوم تصبحين بِوجه أهلج اُمج ابوج أخوانج وتصيحين وتضحكين ويخلص يومج بهوستهم وهذِه نعمة
تروحين للمدرسة عندج صديقات حتى لو بس سلام بيناتكم، ملاطفة على حچايه حلوة يخلص يومج وياهن وهذِه نعمة
تدخلين المطبخ تلاگين اكل تاكلينه تفتحين الثلاجة ما ترجعج فارغة، تروحين للمدرسة أقل شي بجيبج 500 أو ألف وهذِه نعمة
تنامين مُطمئنه بدون متخافين، نايمة بوسط بيتكم بأمان وهذِه نعمة
عندج فُرصة تداومين بالمدرسة وتدرسين وهذِه ايضًا نعمة غيرج محروم منها ويتحسر عليها
مِن تشوفين مصايب بعض البنات والسوالف والمخازي الليّ تسويها تحمدين ربج على نُضج عقلج وتربية أهلج وهذِه أيضًا نعمة
شكلج ما شاء الله تبارك الرحمٰن ماينعاب؛ لا مشوهه ولا بيج عيب كبير وهذِه أيضًا نعمة
كُل شخص يحچي وياج وحتى مرات الليّ يسيئون الچ انتِ ترديهم بأدب لأنُ هذِه اخلاقج وهذِه أيضًا نعمة
كُل مكان تدخلينه تلگين مِن يُرحب بيج ويحبج لانُ بيج قبول وهذِه نعمة
كُل هذِه نِعم يستاهل ربنا نشكره عليها {لَئِنْ شَكَرْتُمْ لَأَزِيدَنَّكُمْ}
حتى لو عندچ وحدة مِن هذن هم أشكُري ربنا وأحمدي حتى يزيدج 🤍