خُطة زيادة الوزن 💪🏼🥗

هذا رد شخص على ولد كان يبي يزيد وزنه
وشوفوا الرد ، السعرات الحرارية والرياضة للجنسين الاختلاف فقط في عدد السعرات فقط بين الجنسين وغالبا الذكور يحتاجون لاكثر فقط

تجارب زيادة الوزن عن طريق السعرات الحرارية والرياضة لازالت مستمره والاكثر نجاح والي نادراً تلقين احد يقولك انها مانفعت معه
الا ما يجي يوم وتشوفين نتيجة صدقيني

اي بنت او حتى ولد ناويين يزيدون وزنهم ضروري في نقطة لازم يركزون عليها قبل لا يسوون اي شي وهي انهم يتأكدون من تعافي معدتهم وان ماعندهم مشاكل فيها
.
بعض المشاكل قد تكون مستمره بشكل كامل مثل القولون وهذه الامور والبعض بيقول طيب مانقدر نعالجها مو مشكلة اهم شي ماتاكلين اكل مايهيجها ترا بتشوفين نتيجة بالحالتين اهم شي مايكون عندك ضعف بالامتصاص ولا مشكلة بحمض المعدة ولا عندك امساك ، اذا هذه الامور مو موجودة كل شي بيصير عندك سليم حتى لو مشكلتك مزمنة اهم شي احرصي على نوعية الاكل الي تاكلينها ومايكون يهيج معدتك

هنا البنات كانوا يتكلمون عن منتج معروف للتسمين وعلى كثر الاضرار الجانبية الي عانوا منها الكثير الا انهم يتغاضون عنها في سبيل زيادة الوزن والترويج له :)
.
ارجوكم لا تخاطرون بـ صحتكم
الصحة مافيها احس ومااحس
صحتك غالية ماتستحق المجازفة
.
اعتمدي لك نظام تمشين عليه بـ حياتك واوعدك مابتخسرين لا فلوسك ولا شي..
بتاكلين من اكل بيتك وبتصير صحتك افضل وتوصلين لهدفك وبيستمر معاك هدفك ومابتشيلين هم لا منتجات تخافين تتركينها يرجع وزنك زي قبل ولا تقعدين كل شوي تشترين المنتج
.
كل الاحترام لكل البنات الي ينصحون ويحاولون يساعدون غيرهم لكن ارجوكم انتبهوا للي تنصحون فيه او حطوا تنبيه ووضحوا لا تخلينها مسؤولية برقبتك لا صار فيها شي بسبب عدم توضيحك

اعرف الكثير متفاجئ من اختفائي الطويل جدا لمدة سنة واكثر بشوي ..
غيابي كان لـ اسباب ولكن الحمدلله على الرغم من غيابي الطويل الا اني وصلت لـ هدفي ولله الحمد
.
رجعت وكُلي حماس عشان اقدر اعطيكم اكثر واكثر
٣ سنوات من القراءة والبحث والسؤال في نظام السعرات الحرارية والرياضة
وجيتكم بـ تجربة ناجحة حية بـ زيادة الوزن وانا هذه التجربة 😂
.
هذه الصورة لرسالة نزلتها بالقناة مع التاريخ فوق ، اليوم ٣ اكتوبر ٢٠٢٣
وزني صار ٥٦ ، عمري ٢٠ سنة
ونفس الطول 😅
لكن وصلت لـ هدفي ❤️‍🔥
مع العلم ان بالبداية كنت مااحسب سعراتي ولا شي كنت مركزه على شفاء معدتي اولاً ثم بديت بالتدريج ارجع لحساب السعرات
.
قبل كنت ابحث عن حلول سريعة ولا اعطتني حل .. صبرت فترة واليوم فخورة وانا اشوف النتيجة قدام عيوني 🤍
حبيت اشاركم هذه التجربة .. واوريكم ان حتى انتِ تقدرين لا تيأسين والله كنت يائسة ويقولون لي مستحيل بتبقين نحيفة طول عمرك ولا تسوين رياضة كمان ؟ بتصيرين نحيفة اكثر 😂

صورة توضح لك مختصر الفكره الي ياخذونها الناس لما تقولين لهم " ابي ازيد وزني "
.
كل المكتوب بالصورة راح يوصلك لمرحلة سمنة .. كرش ودهون غير مرغوب فيها
اشياء تتعب الصحة + راح تدمر جسمك من الاخر حتى بـ عمر صغير
.
يعني ايش في شي مدمر كثر جملة " لا تتحركين ابد " !! هذه بحد ذاتها تدمير وكسل وخمول
.
ولا الومها على اجابتها لأن هذا الناس الي تحسبه ان لما تبي تزيدين وزنك يعني توصلين لمرحلة السمنة وهذا شي ابداً مااشجع عليه نهائيا لأنك بتدخلين دوامة كل الملابس وسيعة علي الى كل الملابس ماصرت اقدر البسها اصلا !!!
.
فـ تبين تاخذين نصيحة كيف تزيدين وزنك ؟ خذيها من ناس مختصين + ناس عاشوا نفسك تجربتك وقدروا ينجحون ويوصلون للوزن الي يبونه بشكل سليم وبدون اي مشاكل
.
اما اشخاص ماعندهم مشكلة مع النحافة وتبحثين عن حل عندهم او تتبعين نصيحتهم الي نصحوها لك بدون طلب منك صدقيني نصيحتهم مابتعطيك اي فائدة السبب بينصحونك بـ انك تاكلين وانتي ٩٠٪؜ من مشكلتك ان جسدك مو جالس اصلا يستجيب للاكل او ان الحرق عندك سريع او ان جسمك مايمتص او ب اختصار ماتعرفين وش كميات الاكل الي تاكلينها وهم بيقولون لك كلي

عرفتوا ليش دايما اقولكم لا تخلون هدفكم تزيدون وزنكم او تنقصونه عشان احد قالكم كم كلمة ولا تخلون اي كلمة تأثر عليكم ؟
.
لأن نصهم ياحبيبتي يتغدون ويتعشون عالانتقاد مايرتاحون لما يشوفون وحده مرتاحة مع جسمها حلو ولا مب حلو حتى لو وزنك كان مثالي بيقولون اوه البنت حلاتها مربربة او البنت حلاتها تكون رشيقة مره وعلى هالحال😂
.
ومرات حتى لو انتي تكرهين وزنك يكونون هم يتمنون هالوزن بس ماقدروا يوصلون له اي نعم لا تنصدمين ان في احد يبي يكون بنحافتك
.
فـ عشان كذا فعلي براسك التطنيش لـ اي كلام سلبي وتذكري ان كلامهم هذا راح يستمر طول ماانتي ساكتة لهم وتستقبلين هالكلام منهم وقفيهم عند حدهم وقوليلهم انك معجبة وزنك حتى لو هالكلام مو حقيقي مع الوقت بيصير حقيقي ومابتصير عندك اي مشكلة وصدقيني ٨٠٪؜ من الكلام الي تسمعينه بيختفي ومابتسمعين لأحد اي حس

مواضيع السعرات هنا كاملة

https://t.me/gainweights/4

https://t.me/gainweights/20

حساب السعرات هنا

https://t.me/gainweights/203
.
موضوع السعرات بالمدونة لو مالك خلق تقرين الي بالقناة

https://gainsweight.blogspot.com/2022/05/blog-post.html

لُب الموضوع ب اختصار :
اعرفي سبب نحافتك
قيسي وزنك
احسبي سعراتك
.
وبعدين ابدي اقري عن بناء العضل بالرياضة ، اليوم بأذن الله بتنزل تدوينة عن هالموضوع بشكل مفصل اكثر بالمدونة

الي ماقدروا … شاركوني السبب الي خلاكم ماتستمرون في هذا الرابط 🫳🏼

https://tellonym.me/xmissed

كل عام وأنتم بخير 🤍.
أسعد الله ايامكم جميعها🫶🏽.

كبروا وهللوا " لا اله الا الله وحده لا شريك له ، له الملك وله الحمد وهو على كل شي قدير "
.
وادعوا كثيراً اليوم بكل ماتمنيتوا من ابسط الاشياء الي اكبرها التي نعتقد انها مستحيله وهي بيد الله هينه 🤍.
.
وادعوا لـ بعضكم البعض فـ الملائكة تقول ولك بالمثل 🤍.

ولا تنسوني من دعواتكم الطيبة الله يستجب لنا دعواتنا ويجعل عيدنا عيدين 🤍.

حلواتي .. اي وحده عندها اصابات ، حامل .. او اي وضع صحي خاص فيها
لا تطبق اي حاجة خاصة بالرياضة لين تستشير الطبيبة الي تراجع عندها اي كان اختصاص الطبيبة اسأليها وهي بتفيدك بلي يناسب وضعك
.
وبفترة الدورة الشهرية الافضل ترتاحين ببدايتها وباقي الايام لو بتسوين رياضه تكون شي خفيف
في بعض المدربين يقولون عادي بفترة الدورة .. بس بنفس الوقت يقولون كل وحده وعلى حسب طاقتها فـ الافضل نرتاح خاصة للي توهم يبدون بالرياضة
.
والاكل اي كانت الوصفة الموجوده مثلا وصفة طبق معين ولاحظتي ان مثلا عندك حساسية من بعض المكونات لا تاكلينها لا تاكلينها لا تاكلينها
كلي الشي الي يناسبك عاديي ترا مافي اي حاجة تزيد وزن وحاجة تنقص وزن
كنتِ نباتيه عادي خليك على المصادر النباتيه
كان عندك حساسية من اللاكتوز قلوتين اي شي تجنبي الاشياء الي فيهم ترا مو شرط انهم هم الي بيزيدون وزنك
.
الهدف واحد هو نقفل سعرات وبـ أكل نظيف وصحي
لا اقل ولا اكثر

والي عندهم مشاكل بالمعدة .. جرثومة ، ديدان وغيره
عالجوا هذه الاشياء اولا قبل لا تزيدون سعراتكم حتى
.
ولا تخافون هذا مايعني ان لما اقول ان نستشير طبيب او غيره ان هالشي خطير !
لا بس لأن في اشياء ماتناسب البعض في حال كان عندهم مشكلة صحية لا سمح الله مثل الانفصال العضلي وهذه الامور .. يقدرون يسوون رياضه لكن في تمارين ماينفع يسوونها حتى المدربين يحطون تنويه بالاول قبل بداية التمرين
.
خطتنا بالقناة نظام طبيعي وعادي رياضة وزيادة سعرات فقط ماعندي خلطات ولا تمارين خاصة ولا اي شي
.
وهدف القناة يكون كل شي سهل وبسيط علينا ومتوفر عندنا كلنا عشان كذا مااحط اكلات معينه ولا جداول معينه ، خيرات ربي كثيره ولله الحمد استعينوا بالمتوفر عندكم
.
ودائما اقول انا مو اخصائية ولا مدربة .. انا وحده منكم تحاول تزيد وزنها وبيوم قلت ليش مااشارك المعلومات الي جمعتها على مدار سنتين مع الجميع اثناء رحلتي في الزيادة وحريصه كل الحرص ان المعلومه الي انا استفيده منها وافيدكم فيها تكون من مصدر موثوق واكيده وصحيحه واي خطأ مني اتمنى تنبهوني عليه
.
واليوم احنا ٩٠٥ شخص يهدف لـ زيادة وزنه وبأذن الله كلنا نوصل لهدفنا مع بعض 💕

هنا جربت احط الطول والوزن والنشاط كلهم زي بعض
لكن غيرت الجنس
موه جربت عالانثى ومره جربت عالذكر
وشوفوا كيف اختلاف السعرات
لذلك ضروري تحطون بياناتكم صحيحه وماتاخذون من سعرات احد 👍
.
السعرات الحالية هي سعرات " الثبات "
الي لو تبون تثبتون وزنكم تعتمدونها هي يوميا بدون زيادة ولا نقصان
.
ولو تبون تزيدون وزنكم تضيفون عليها ٥٠٠ سعره
او تاخذون المكتوب بالصورة " سعرات الوزن المثالي "