وَلَنا بِالّقُرْآنِ حَيَـاةٌ ||✨ @ftam

✨

الحياة صارت صاخبة، والفتن محيطة بنا من كل مكان، صار الوصول للذنوب أسهل، تمسكين تلفونك وبضغطة زر تشوفين فلم تسمعين موسيقى تتابعين المشاهير وحياتهم المليانة ذنوب والتركيز صاير ضعيف جدا ، يعني يبدأ اليوم وينتهي بدون ما الواحد يسأل نفسه :

أنا ليش أسوي بنفسي كذا ؟

صار ما فيه وقت الواحد يجلس مع نفسه يلومها، الأصوات عالية، فيه إزعاج ٢٤ ساعة ، شيء يدفعك إنك تركضين لكن وانتِ مو عارفة رايحة لوين تريند، موضة، هاشتاق، فضيحة جديدة، أغنية جديدة، فلم جديد لازم تلحقين عليه، مشهور جديد طلع بفضيحة جديدة لازم تعرفين سالفته

ووووو، هل صار فيه وقت تفكرين فيه بنفسك شوي؟ آخرتك مثلا؟

في الحقيقة، محد يبغاك تركزين بنفسك، الكل همه إنك تتابعينه، الكل همه إنك تكونين مجرد (رقم) في حياته، ما تعنين لهم شيء أكثر من كونك رقم، يسرقون فكرك، وتركيزك، وحياتك، ونشاطك، يسوون لك فلم مدته مادري كم ساعة ، ومسلسل حلقاته فوق المية، عشان يسرقون يومك !

والمشكلة ايش؟ نشوف كثير بنات يقولون : ودي بمسلسل يخليني ما أحس بيومي .. كيف قدروا يزرعون هالفكرة براسك ؟

بس نشوف بنات يرددون كلام يسمعونه بدون ما يفهمونه، تطاول على الدين والشرع بعبارات تبدأ بكلمة "أحس"، كذا ودها تحس بدون ما تفكر إن ترا هذا شرع ما ينفع تستخدمين معاه إحساسك الدين مو بالإحساس ..

من يومين شفت تغريدة لوحدة تقول كذا بدون تفكير بنات عادي تطلعون برا البيت وانتو متعطرات، أحس كيف ممكن الله يكره إننا نتعطر ؟ كذا يعني نزلت تغريدة وأثارت جدل بدون تفكير حرفيًا بدون تفكير ..

جلست يومين أفكر بكلامها ، أبحث عن أصل المشكلة، اكتشفت إن البنات والشباب بعد حياتهم مسروقة، هم يحسبون إنهم يعيشون حريتهم، على بالهم إنهم مبسوطين، ولو الواحد منهم يجلس مع نفسه خمس دقايق بيحس بالضياع، عقله مشوش ما تعود إنه يواجه نفسه بحقيقة الحياة.

حقيقة إنك "عبد" لله، مستسلم لله ، مأمور بعبادة الله، الدقيقة والثانية واللحظة محسوبة من عمرك، الوقت اللي تقولين إنك ودك تضيعينه بمسلسل يسرق يومك ؟ هذي محسوبة عليك ..

الطلعة اللي تطلعينها من بيتك بعباية ما ترضي الله، واشتريتيها بس لأنها (تريند) ، ولأن فيه وحدة تبغا منك فلوسك بس، أقنعتك بفيديو مدته ما تتجاوز العشر ثواني، وقالت لك تراها عباية الهبة يلا اشتريها ؟ محسوبة عليك، وربي بيسألك عنها ..

الأغنية الجديدة اللي صار لك تسمعينها طول الوقت، وتملين منها بعد خامس مرة تسمعينها وتدورين بعدها على أغنية جديدة غيرها، ورقصة جديدة تراها سرقت من عمرك وقت راح تنسألين عنه ..

لا تمشين بحياتك بدون تفكير، لا تمشين بحياتك بدون ما تسألين نفسك أنا ايش جالسة أسوي بحياتي؟ ربي راضي عني؟ راضي عن عمري اللي جالسة أضيعه بيدي؟ وبأشياء ما ترضيه؟

تدرين وين المشكلة؟ المشكلة إنك بعد كل هذا إنت مب مرتاحة، حاسة نفسك مشتتة، ضايعة، حاسة إن راسك مليان إزعاج، مليان أفكار ومشاعر سلبية، مليان بقلق وتوتر وخوف وقلة حيلة ..

كل يوم تبدئين يومك وإنتِ وراهم، ورا ترينداتهم، ورا أخبارهم، ورا كل شيء يسوونه بدون أي فائدة تذكر، خلو همك كله ف وجهك وشكلك وجسمك، وخشمك، وآثار الحبوب، وشعرك، وكل شيء ممكن يشغلك عن (قلبك) ..

قلبك اللي قال عنه الرسول الله (ألا وإن في الجسد مضغة إذا صلحت صلح الجسد كله، وإذا فسدت فسد الجسد كله، ألا وهي القلب) ..

أتمنى إن كلامي يوصل (لقلبك) وتجلسين مع نفسك عشر دقايق بس وتحاسبينها ، شوفي إنت مشغولة بإيش ، ايش قدمت (لنفسك) لـ ن ف س ك، ايش قدّمت لحياتك الحقيقية؟ ايش قدمت لآخرتك؟

تحتاجين بس شوية هدوء، عشان تعرفين إن حياتك مليانة زيف وكذب وفتن .. وكل شيء ممكن يسرق منك عمرك وإنت ما تدرين ..

أدري إن الموضوع مو سهل، مو سهل تطلّعين نفسك من هذا العالم، مو سهل إنك تواجهين نفسك بالحقيقة، يمكن هذا أصعب شيء الواحد يحاول يسويه (المواجهة)، لكن ودي إنك تقرين كلامي بهدوء ويوصل لعمقك، احتفظي فيه، اقريه مرة ومرتين وثلاث، وحاولي مع نفسك ..

الأصعب من الذنب، إنك تعتاد عليه، إنك تشوفين إن : عادي أسمع أغاني، عادي أشوف مسلسلات، عادي ألبس عباية زينة، عادي ما أغطي وجهي، عادي أتعطر، عادي أأخر الصلاة، عادي عادي عادي

تصير حياتك كلها عبارة عن ذنوب (تعودت عليها، ما صارت تألمك ما صرت تحسين بتأنيب الضمير، إحساسك تجاهها مات، ليش؟ لأن قلبك مسروق، سرقوه اللي ودهم تعيشين بهالحياة المليانة صخب بعيد عن الله وشرعه ودينه والهدوء اللي يسكن قلبك لما تستسلمين له 🤍.

- وعـد آلعـيسى✍🏻.

وَلَنا بِالّقُرْآنِ حَيَـاةٌ ||✨

وَلَنا بِالّقُرْآنِ حَيَـاةٌ (Arabic)

وَلَنا بِالّقُرْآنِ حَيَـاةٌ ||✨

وَلَنا بِالّقُرْآنِ حَيَـاةٌ ||✨

وَلَنا بِالّقُرْآنِ حَيَـاةٌ ||✨

وَلَنا بِالّقُرْآنِ حَيَـاةٌ ||✨

وَلَنا بِالّقُرْآنِ حَيَـاةٌ ||✨

وَلَنا بِالّقُرْآنِ حَيَـاةٌ ||✨

وَلَنا بِالّقُرْآنِ حَيَـاةٌ ||✨

وَلَنا بِالّقُرْآنِ حَيَـاةٌ ||✨

وَلَنا بِالّقُرْآنِ حَيَـاةٌ ||✨

3,121

1,094

126

Best Similar Channel

Random Similar Channel